BTV NEWS

សម្ដេចតេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន

ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី

ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

សម្តេចធិបតីផ្ញើសារច្បាស់លាស់ និងយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាតប្រកបដោយស្មារតីទទួលខុសត្រូវខ្ពស់បំផុត

នយោបាយ និង ការអភិវឌ្ឍន៍

ក្រសួងអប់រំ រក្សាគោលការណ៍អ្នកចេះគឺជាប់ ខណៈនៅសល់៥ថ្ងៃទៀត ការប្រឡងឌីប្លូមនឹងចូលមកដល់

ភ្នំពេញ ៖ ចាប់រាប់ត្រឹមថ្ងៃទី១០ ខែវិច្ឆិកាថ្ងៃនេះ នៅសល់ប្រមាណ៥ថ្ងៃទៀតប៉ុណ្ណោះ ការប្រឡងឌីប្លូម (ថ្នាក់ទី៩) នឹងចាប់ផ្តើមជាផ្លូវការហើយ ក្នុងនោះមន្ត្រីបានណែនាំឱ្យបេក្ខជនកុំភ័យ ប៉ុន្តែត្រូវអនុវត្តវិធានការសុខាភិបាល ៣ការពារ និង៣កុំ បើទោះគោលការណ៍អ្នកចេះគឺជាប់ដដែលបែបណាក្តី។លោក ហែម ស៊ីណារ៉េត ប្រធានមន្ទីរអប់រំយុវជននិងកីឡា រាជធានីភ្នំពេញ បានឲ្យដឹងថា នៅរាជធានីភ្នំពេញ ឆ្នាំនេះ មានបេក្ខជនចូលរួមប្រឡងមានប្រមាណ ១៥ ៨៥៨នាក់ ហើយក៏មានបេក្ខជននៅសាលាឯកជនមួយចំនួនបានប្រឡងខ្លះៗហើយដែរ ហើយនៅថ្ងៃទី១៥ វិច្ឆិកា ដែលជាថ្ងៃប្រឡងឌីប្លូបនេះមាន ៦៣មណ្ឌល ចែកជា ៦៦៤បន្ទប់ ហើយបើប្រៀបធៀបឆ្នាំ២០២០កន្លងទៅ ឃើញថា មានការថយចុះជាងឆ្នាំមុនលើចំនួនបេក្ខជន ដោយឆ្នាំមុនមានបេក្ខជនចូលរួមប្រឡងចំនួន ២១៥៣២នាក់ នៅរាជធានីភ្នំពេញ ហើយការថមថយនេះ អាចបណ្តាលមកពីបរិបទកូវីដ-១៩ខ្លះ និងដោយសារបេក្ខជនស្វ័យរិនមានចំនួនតិចខ្លះផងដែរ។លោក បន្តថា ការប្រឡងនេះ លោកស្នើសូមឱ្យបេក្ខជន កុំមានការភិតភ័យ ប៉ុន្តែត្រូវប្រកាន់ភ្ជាប់នូវវិធានការសុខាភិបាល គឺ៣ការពារ និង៣កុំ បើទោះគោលការណ៍អ្នកចេះគឺជាប់ដដែលបែបណាក្តី។គួរបញ្ជាក់ថា ការប្រឡងឌីប្លូមនៅឆ្នាំនេះ នឹងប្រព្រឹត្តិទៅនៅថ្ងៃទី១៥ខែ វិច្ឆិកា ចំណែកការប្រកាសលទ្ធផលប្រឡងធ្វើនៅ ថ្ងៃទី២២ ខែវិច្ឆិកា ឆ្នាំ២០២១ ហើយការប្រឡងឆ្នាំនេះ គឺនៅតាមសាលារៀននីមួយៗ ជាអ្នករៀបចំប្រឡងដោយខ្លួនឯង ប៉ុន្តែតម្រូវឱ្យមានអនុរក្ស និងមន្ត្រីក្រសួង មន្ត្រីនៃមន្ទីរតាមដានការប្រឡងបន្ថែមផងដែរ៕អត្ថបទ ៖ គង់ រ៉េន

រដ្ឋបាលខេត្តនានាប្រារព្ធខួបអនុស្សាវរីយ៍លើកទី៦៨ នៃទិវាបុណ្យឯករាជ្យជាតិ

ភ្នំពេញ ៖ រដ្ឋបាលខេត្តនានា ក្នុងប្រទេសកម្ពុជា បានដឹកនាំមន្ត្រីរាជការ កងកម្លាំង និងប្រជាពលរដ្ឋ ប្រារព្ធទិវា បុណ្យឯករាជ្យជាតិ ៩វិច្ឆិកា ខួបលើកទី៦៨ ដើម្បីរំលឹកដល់ព្រះរាជបេសកកម្ម ដើម្បីជាតិមាតុភូមិ និងប្រជាជនកម្ពុជារបស់អតីតព្រះមហាក្សត្រ សម្ដេចព្រះនរោត្ដម សីហនុ ទាមទារឯករាជ្យជាតិពីអាណានិគមនិយមបារាំង។ថ្លែងទៅកាន់អ្នកចូលរួមក្នុងទិវាបុណ្យឯករាជ្យជាតិ នៅព្រឹកថ្ងៃទី០៩ ខែវិច្ឆិកានេះ ថ្នាក់ដឹកនាំខេត្ត ទាំងឡាយ បានធ្វើការអំពាវនាវដល់មន្រ្តីរាជការ កងកម្លាំងប្រដាប់អាវុធ ជាពិសេសប្រជាពលរដ្ឋទាំងអស់ ត្រូវរួមសាមគ្គីគ្នាជាធ្លុងមួយ ក្រោមការដឹកនាំរបស់រាជរដ្ឋាភិបាល ដើម្បីការពារសុខសន្តិភាព អធិបតេយ្យភាព និងឯករាជ្យ របស់ប្រទេសកម្ពុជា ឲ្យស្ថិតស្ថេរគង់វង្សតទៅមុខទៀត។ ទម្រាំប្រទេសកម្ពុជា ទទួលបាន ឯករាជ្យទាំងស្រុងពីអាណានិគមនិយមបារាំង បុព្វបុរសខ្មែរ ជាពិសេសសម្ដេចព្រះ នរោត្តម សីហនុ បានលះបង់គ្រប់បែបយ៉ាង។ក្រុមយុវជន ប្រជាពលដ្ឋ និងសិស្សានុសិស្ស ដែលបានចូលរួមទិវានេះ បានលើកឡើងថា ឯករាជ្យ ភាព បូរណភាពទឹកដី និងសន្តិភាព ជាមាគ៌ានាំឱ្យប្រទេសកម្ពុជា មានការអភិវឌ្ឍជាជំហានៗលើគ្រប់វិស័យ រហូតមកដល់ពេលនេះ។ សន្តិភាព និងភាពម្ចាស់ការលើគ្រប់យ៉ាង ធ្វើឱ្យកម្ពុជាមានទំនាក់ ទំនងជាមួយប្រទេសនានានៅលើពិភព ជាពិសេសប្រទេសកម្ពុជា គឺជាប្រទេសឯករាជ្យ មានសិទ្ធិដឹកនាំ សកម្មភាពអភិវឌ្ឍន៍ សកម្មភាពនយោបាយដោយខ្លួនផងដែរ។អភិបាលខេត្តនានា បានសំដែងនូវជំនឿជឿងជាក់ថា ក្រោមការដឹកនាំរបស់រាជរដ្ឋាភិបាលកម្ពុជា ព្រមទាំងមានការចូលចូលគាំទ្រពីប្រជាពលរដ្ឋទូទាំងប្រទេស សុខសន្តិភាព នឹងត្រូវបានថែរក្សាតរៀងទៅ ជាពិសេសទោះស្ថិតក្នុងការលៈទេសៈដ៏លំបាក នៃការឆ្លងរីករាលដាលជំងឺកូវីដ១៩ ប្រទេសកម្ពុជា នឹងនៅតែទទួលបានការអភិវឌ្ឍរីកចម្រើនទៅមុខថែមទៀត៕សម្រួល៖ យន់ វ៉ាន់

សារមនី្ទរឧក្រិដ្ឋកម្មប្រល័យពូជសាសន៍ទួលស្លែងទទួលភ្ញៀវជាតិ និងអន្តរជាតិរាប់រយនាក់ ចូលទស្សនា

ភ្នំពេញ ៖ ក្រោយពីបើកដំណើរការឡើងវិញនូវការចូលទស្សនាសារមនី្ទរ រោងភាពយន្ត និងរោងសម្តែងសិល្បៈនៅក្នុងរាជធានីភ្នំពេញ ទន្ទឹមនឹងនោះគិតត្រឹមព្រឹកថ្ងៃទី៩ ខែវិចិ្ឆកា ឆ្នាំ២០២១នេះ សារមនី្ទរឧក្រិដ្ឋកម្មប្រល័យពូជសាសន៍ទួលស្លែង ក៏ទទួលបានភ្ញៀវបរទេសក្នុងស្រុក ជាង៥០នាក់ និងភ្ញៀវជាតិរាប់រយនាក់ចូលទស្សនាក្នុងសារមនី្ទរ។នេះបើតាមលោក ហង្ស និស្ស័យ ប្រធានសារមនី្ទរឧក្រិដ្ឋកម្មប្រល័យពូជសាសន៍ទួលស្លែង ប្រាប់BTV ព័ត៌មាននាព្រឹកនេះថា សារមនី្ទរបានបើកដំណើរឡើងវិញនាថ្ងៃទី៣០ ខែតុលា ឆ្នាំ២០២១ ក្រោយពីទទួលបានសេចកី្តប្រកាសរបស់ក្រសួងវប្បធម៌ និងវិចិត្រសិល្បៈ ដោយថ្នាក់ដឹកនាំ និងបុគ្គលិករបស់សារមនី្ទរ បានរៀបចំបើកដំណើរការឡើងវិញរហូតមកដល់ពេលនេះបានជាង០២សប្តាហ៍មកហើយ ។ក្នុងអំឡុងពេលនេះ សារមនី្ទរទទួលបានភ្ញៀវទេសចរជាតិ និងអន្តរជាតិ អញ្ជើញចូលមកទស្សនាជាបណ្តើរៗ ដោយអនុវត្តន៍តាមគោលការណ៍ស្តង់ដារប្រតិបតិ្ត(SOP) ដែលរៀបចំឡើងរវាងក្រសួងវប្បធម៌ និងវិចិត្រសិល្បៈ និងក្រសួងសុខាភិបាល ព្រមទាំងសេចកី្តណែនាំរបស់ក្រសួងសុខាភិបាល។ជាចុងក្រោយលោក ហង្ស និស្ស័យ ប្រធានសារមនី្ទរឧក្រិដ្ឋកម្មប្រល័យពូជសាសន៍ទួលស្លែង សង្ឃឹមថាកំណើនភ្ញៀវទេសចរណ៍អន្តរជាតិ នឹងកើនឡើងវិញ ជាពិសេសនៅពេលដែលប្រមុខរាជរដ្ឋាភិបាលកម្ពុជា បានអនុញ្ញាតឲ្យមានទេសចរណ៍វ៉ាក់សាំង ចូលក្នុងព្រះរាជាណាចក្រកម្ពុជា នាដើមឆ្នាំ២០២២ ខាងមុខនេះឡើងវិញ។ ដូច្នេះក្នុងនាមជាមន្ត្រីរបស់សារមនី្ទរឧក្រិដ្ឋកម្មប្រល័យពូជសាសន៍ទួលស្លែង បានត្រៀមខ្លួនរួចជាស្រេចក្នុងការចូលរួមការពារនូវការរីករាលដាលជំងឺកូវីដ-១៩នេះ តាមរយៈយន្តការដែលរាជរដ្ឋាភិបាល បានដាក់ចេញកន្លងមក គឺ៣កុំ ៣ការពារ ទន្ទឹមនឹងនោះសារមនី្ទរ ក៏បានរៀបចំផែនការក្នុងការជម្រាប និងរំលឹកភ្ញៀវទេសចរជាតិ និងអន្តរជាតិ ឲ្យមានការប្រុងប្រយ័ត្នក្នុងពេលទស្សនាក្នុងសាលពិព័រណ៍៕អត្ថបទ រដ្ឋា

មេបក្សនយោបាយថា ស្មារតីឯករាជ្យជាតិជាគំរូ ដើម្បីការពារអធិបតេយ្យជាតិពីអាណានិគមបរទេស

ភ្នំពេញ ៖ ក្នុងឱកាសកម្ពុជាប្រារព្ធទិវាបុណ្យឯករាជ្យជាតិ ៩វិច្ឆិកា ខួបលើកទី៦៨ អ្នកនយោបាយជាច្រើនបានចាត់ទុក និងតម្កល់ស្មារតីឯករាជ្យជាតិជាគំរូ ដើម្បីការពារអធិបតេយ្យជាតិពីអាណានិគមបរទេស។ក្នុងឱកាសទិវាបុណ្យឯករាជ្យជាតិ៩វិច្ឆិកា ខួបលើកទី៦៨ នេះ អ្នកនយោបាយមួយចំនួនបានសម្តែងការដឹងគុណមិនអាចកាត់ថ្លៃបានរបស់ព្រះបរមរតនកោដ្ឋ សម្តេចព្រះនរោត្តម សីហនុ ដែលទ្រង់បានតស៊ូទាមទារឯករាជ្យពីអាណានិគមបារាំង។ លោក ញឹក ប៊ុនឆៃ ប្រធានគណបក្សខ្មែររួបរួមជាតិ បានមានប្រសាសន៍ប្រាប់BTV នៅថ្ងៃនេះថា ក្នុងនាមអ្នកនយោបាយមួយរូប លោកមានមោទនភាពចំពោះស្នាព្រះហស្តរបស់ព្រះបរមរតនកោដ្ឋ ដែលបានបន្សល់ទុកជាច្រើនជូនកូនចៅជំនាន់ក្រោយ ពិសេសសម្រាប់ អ្នកនយោបាយ ដែលត្រូវយកលំនាំ និងរក្សាជំហរឲ្យបាននូវការបង្រួបបង្រួម សំដៅការពារអធិបតេយ្យជាតិពីអាណានិគមបរទេស។ទន្ទឹមគ្នានេះ លោក អ៊ូ ច័ន្ទរ័ត្ន ស្ថាបនិកគណបក្សកែទម្រង់កម្ពុជា បានលើកឡើងថា ទិវាឯករាជ្យជាតិ៩វិច្ឆិកានេះ គឺជាស្មារតីសម្រាប់អ្នកនយោបាយត្រូវចងចាំនូវនិមិត្តរូបនៃឯករាជ្យភាព អធិបតេយ្យភាពជាតិ និងឯកភាពជាតិ ដែលកម្ពុជាចាកផុតពីអាណានិគមបរទេស។ជាមួយគ្នានេះ លោក គុជ លី សហស្ថាបនិកគណបក្សខ្មែរតែមួយ បានឲ្យដឹងដែរថា ទិវាបុណ្យឯករាជ្យជាតិនេះ មានសារៈសំខាន់សម្រាប់អ្នកនយោបាយបន្តវេន អ្នកសិក្សាស្រាវជ្រាវ និងបរទេស ដើម្បីកត់សម្គាល់ចំពោះការតស៊ូ និងរបៀបស្វែងរកឯករាជ្យជាតិ នៃថ្ងៃទី៩ ខែវិច្ឆិកា ឆ្នាំ១៩៥៣ របស់ព្រះបរមរតនកោដ្ឋ។ទិវាបុណ្យឯករាជ្យជាតិ ៩ វិច្ឆិកា ត្រូវបានប្រារព្ធឡើងជារៀងរាល់ឆ្នាំ ដើម្បីបង្ហាញពីឯករាជ្យជាតិខ្មែរ និងជាការឧទ្ទិសដល់ព្រះរាជបូជនីយកិច្ចរបស់អតីតព្រះមហាក្សត្រ ព្រះបាទសម្ដេចព្រះនរោត្តម សីហនុ ព្រះបរមរតនកោដ្ឋ ដែលព្រះអង្គ ដែលបានលះបង់ព្រះកាយពល និងព្រះបញ្ញាញាណ នៅក្នុងព្រះរាជបូជនីយកិច្ចទាមទារឯករាជ្យពីអាណានិគមបារាំងដែលសម្រេចបាននៅ នៅថ្ងៃទី៩ ខែវិច្ឆិកា ឆ្នាំ១៩៥៣៕អត្ថបទសេក ឧត្តម

ពលរដ្ឋមួយចំនួនរៀបចំពីធីមង្គលការ បុណ្យនានាជាបណ្តើរៗ ក្រោយអនុញ្ញាតភ្ញៀវចូលរួមត្រឹម២០០នាក់

កណ្ដាល ៖ បន្ទាប់ពីសម្តេចតេជោ អនុញ្ញាតអោយរៀបចំពិធីមង្គលការឡើងវិញ ដោយកំណត់ភ្ញៀវ ចូលរួមច្រើនបំផុតត្រឹម២០០នាក់ នៅថ្ងៃទី៩ ខែវិច្ឆិកានេះ មានពលរដ្ឋមួយចំនួន ចាប់ផ្តើមស្នើសុំច្បាប់ពីអាជ្ញាធរដើម្បីរៀបចំពិធីមង្គលការ និងបុណ្យនានាជាបន្តបន្ទាប់ ក្នុងគន្លងប្រក្រតីភាពថ្មី។បើតាមចៅសង្កាត់ចាក់អង្រែក្រោម នៅរាជធានីភ្នំពេញ និងចៅសង្កាត់ព្រែកឬស្សីនៅក្នុងក្រុងតាខ្មៅខេត្តកណ្តាល បានថ្លែងប្រាប់BTV នៅថ្ងៃទី៩ ខែវិច្ឆិកានេះថា បន្ទាប់ពីរាជរដ្ឋាភិបាលអនុញ្ញាតឲ្យពលរដ្ឋអាចរៀបចំពិធីមង្គលការ និងបុណ្យទានផ្សេងៗ កាលពីថ្ងៃទី១ ខែវិច្ឆិកា រហូតមកដល់ពេលនេះ គឺមានបណ្តាពលរដ្ឋជាច្រើននៅក្នុងមូលដ្ឋានបានមកឃុំសង្កាត់ ស្នើសុំច្បាប់អនុញ្ញាតរៀបចំពិធីមង្គលការ និងបុណ្យទៅតាមគន្លងប្រក្រតីភាពថ្មី ក្នុងបរិបទកូវីដ១៩។ក្នុងអំឡុងពេលពលរដ្ឋមកស្នើសុំច្បាប់អនុញ្ញាតរៀបចំពិធីមង្គលការ បុណ្យទានផ្សេងៗនោះ លោក ជា សុខៃ ចៅសង្កាត់ចាក់អង្រែក្រោម និងអាជ្ញាធរឃុំសង្កាត់ផ្សេងទៀតនៅក្រុងតាខ្មៅ បានផ្តល់ណែនាំច្រើនជូនទៅម្ចាស់កម្មវិធី ពិសេសត្រូវផ្តល់កិច្ចសហការអនុវត្តវិធាន ៣កុំ ៣ការពារ និងអនុវត្តតាមកិច្ចសន្យា ដោយបានកំណត់មិនអោយភ្ញៀវចូលរួមលើពី២០០នាក់ជាដើម ហើយត្រូវប្រកាន់ខ្ជាប់វិធាន៣កុំ៣ការពារ។ទោះយ៉ាងណាក៏ដោយ បណ្តាពលរដ្ឋ ក៏សូមថ្លែងអំណរគុណដល់ប្រមុខថ្នាក់ដឹកនាំរាជរដ្ឋាភិបាល ដែលបានអនុញ្ញាតការរៀបចំពិធីមង្គលការ បុណ្យទាននានានេះ ខណៈគម្រោងផែនការរៀបចំពិធីមង្គលការ បុណ្យនោះ ត្រូវបានអាក់ខាន និងបានលើកពេលរៀបចំច្រើនលើកច្រើនសារមកហើយ ដោយសារបញ្ហាវិបត្តិមេរោគកូវីដ១៩។សូមបញ្ជាក់ថា នៅខណៈដែលប្រមុខរាជរដ្ឋាភិបាល បានប្រកាសអនុញ្ញាតរៀបចំមង្គលការ និងបុណ្យទាននានានោះ រដ្ឋបាលរាជធានីភ្នំពេញក៏បានចេញសេចក្តីសម្រេចអនុញ្ញាតរៀបចំពិធីមង្គលការ បុណ្យទាននានា ដោយកំណត់ភ្ញៀវចូលរួមត្រឹម២០០នាក់ ចាប់ពីថ្ងៃទី៨ ខែវិច្ឆិកា ឆ្នាំ២០២១តទៅ។ ក្នុងប្រការ៣នៃសេចក្តីសម្រេចនោះ គឺបានប្រគល់ភារកិច្ចជូនរដ្ឋបាលខ័ណ្ឌ មន្ទីរវប្បធម៌ និងវិចិត្រសិល្បៈ និងមន្ទីរសុខាភិបាល សហការចុះត្រួតពិនិត្យទីតាំងប្រារព្ធពិធីនោះ ដែនសមត្ថកិច្ច ដើម្បីតាមដាន និងណែនាំម្ចាស់កម្មវិធីអនុវត្តតាមនីតិវិធីប្រតិបត្តិស្តង់ដារស្តីពីការរៀបចំអាពាហ៍ពិពាហ៍ និងពិធីបុណ្យនានាតាមគន្លងប្រក្រតីភាពថ្មី SOP ។ ក្នុងករណីពិនិត្យឃើញថា ម្ចាស់កម្មវិធីមិនព្រមផ្តល់កិច្ចសហការ ឬអនុវត្តមិនបានត្រឹមត្រូវ បង្កហានីភ័យចម្លងជំងឺកូវីដ១៩ ត្រូវចាត់វិធានការផ្អាកការរៀបចំកម្មវិធីជាបន្ទាន់៕អត្ថបទ ស៊ុម សុខជា

សម្តេចតេជោ ៖ ទិវាបុណ្យឯករាជ្យជាតិ រំលឹកឲ្យឃើញពីព្រះរាជបេសកកម្មរបស់ព្រះបិតាឯករាជ្យជាតិ

ភ្នំពេញ ៖ ថ្ងៃថ្ងៃទី៩ ខែវិច្ឆិកានេះ សម្ដេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញចូលរួមក្នុងខួបអនុស្សាវរីយ៍លើកទី៦៨ នៃទិវាបុណ្យឯករាជ្យជាតិ ៩វិច្ឆិកា (៩ វិច្ឆិកា ១៩៥៣-៩ វិច្ឆិកា ២០២១) ដែលកម្ពុជាទទួលបានឯករាជ្យពីអាណានិគមនិយមបារាំង ស្របជាមួយនឹងខួប៦៨ឆ្នាំ នៃការបង្កើតកងយោធពលខេមរភូមិន្ទផងដែរ។នៅលើទំព័រសង្គមហ្វេសប៊ុក នៅព្រឹកថ្ងៃទី០៩ ខែវិច្ឆិកានេះ សម្ដេចតេជោ ហ៊ុន សែន បានសរសេរថា ពិធីអបអរសាទរទិវាបុណ្យឯករាជ្យជាតិខួបលើកទី៦៨ នៅវិមានឯករាជ្យ គឺក្រោមព្រះរាជធិបតីដ៏ខ្ពង់ ខ្ពស់បំផុតនៃព្រះករុណាព្រះបាទ សម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា។ ព្រះរាជពិធីផ្លូវការ នៃទិវាបុណ្យឯករាជ្យជាតិលើកទី៦៨នេះ គឺមានការយាង និងអញ្ជើញចូលរួមពីថ្នាក់ដឹកនាំមន្ត្រីព្រឹទ្ធសភា រដ្ឋសភា រាជរដ្ឋាភិបាល មន្រ្តីរាជការ យុវជន យុវតី សិស្សានុ សិស្ស និងមហាជនជាច្រើនទៀត។ទិវាបុណ្យឯករាជ្យជាតិ ៩វិច្ឆិកា បានរំលឹកឲ្យឃើញពីព្រះរាជបេសកកម្មដើម្បីជាតិមាតុភូមិ និងប្រ ជារាស្ត្រខ្មែរ របស់ព្រះករុណាព្រះបាទសម្តេចព្រះនរោត្តម សីហនុ ព្រះបិតាឯករាជ្យជាតិ ព្រះបរមរតនកោដ្ឋ ដែលព្រះអង្គបានលះបង់ព្រះកាយពល និងព្រះបញ្ញាញាណយ៉ាងក្លៀវក្លាបំផុត ធ្វើការតស៊ូក្នុងក្របខណ្ឌ នៃព្រះរាជបូជនីកិច្ច ដើម្បីទាមទារឯករាជ្យដ៏ពិតប្រាកដនៅកម្ពុជា៕អត្ថបទ៖ មុត សុទ្ធ

ក្រសួងពាណិជ្ជកម្ម ពង្រីងការត្រួតពិនិត្យទំនិញ និងអាហារមានសុវត្ថិភាពនៅតាមបណ្តាខេត្ត

ភ្នំពេញ ៖ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែងនិងបង្ក្រាបការក្លែងបន្លំ ហៅកាត់ ក.ប.ប បានប្រគល់រថយន្តពិសោធន៍ ចល័តផ្នែកម្ហូបអាហារចំនួន ៥គ្រឿង សម្រាប់ប្រើប្រាស់នៅតាមបណ្តារាជធានី ខេត្តដើម្បីគាំទ្រដល់ សកម្មភាពការងាររបស់បណ្តាសាខា ក.ប.ប. ក្នុងការវាយតម្លៃអំពីអនុលោមភាព នៃផលិតផលម្ហូបអាហារ ។នៅក្នុងពិធីប្រគល់រថយន្តពិសោធន៍ចល័តផ្នែកម្ហូបអាហារចំនួន ៥គ្រឿង សម្រាប់ប្រើប្រាស់នៅតាមបណ្តារាជធានី-ខេត្ត នាថ្ងៃទី៨វិច្ឆិកា ម្សិលមិញនេះ ឯកឧត្តម ផាន អូន ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយក នៃអគ្គនាយកដ្ឋាន ក.ប.ប បានផ្តាំផ្ញើដល់មន្រ្តីតាមបណ្តាសាខា ត្រូវថែទាំនិងប្រើប្រាស់រថយន្ត និងឧបករណ៍វិភាគប្រកបដោយការទទួលខុសត្រូវ មានប្រសិទ្ធភាពនិងប្រសិទ្ធផល។ឯកឧត្តម បានផ្តាំផ្ញើដល់មន្រ្តីជំនាញវិភាគ ត្រូវខិតខំសិក្សាស្រាវជ្រាវរកវិធីសាស្ត្រថ្មីៗ ដើម្បីធានាដល់ការត្រួតពិនិត្យ និងវិភាគគុណភាពទំនិញពិសេសម្ហូបអាហារ សំដៅធានាការពារសុខុមាលភាពជូនប្រជាពលរដ្ឋ ដែលជាអ្នកប្រើប្រាស់។ការប្រគល់រថយន្តពិសោធន៍ចល័តផ្នែកម្ហូបអាហារដល់បណ្តារាជធានី ខេត្តនាពេលនេះ ដើម្បីគាំទ្រដល់ សកម្មភាពការងាររបស់បណ្តាសាខា ក.ប.ប. ក្នុងការវាយតម្លៃអំពីអនុលោមភាព នៃផលិតផលម្ហូបអាហារ ប្រព្រឹត្តទៅបានទាន់ពេលវេលា កាត់បន្ថយការចំណាយថវិកាក្នុងការចល័តរថយន្តពិសោធន៍ និងមន្រ្តីជំនាញ ពីរាជធានីភ្នំពេញ។គោលបំណងសំខាន់ គឺដើម្បីបង្ខិតទាំងបច្ចេកទេស និងសម្ភារៈ ឲ្យកាន់តែជិតគោលដៅប្រតិបត្តិការសំដៅគាំទ្រដល់ សកម្មភាព ដូចជា ៖ ត្រួតពិនិត្យទំនិញដែលចរាចរនៅលើទីផ្សារ ពិសេសផ្សារនៅតាមបណ្តាតំបន់ដាច់ស្រយ៉ាល ប្រតិបត្តិការគាំទ្រដល់ការអនុវត្តប្រកាសអន្តរក្រសួង រវាងក្រសួងសេដ្ឋកិច្ច និងហិរញ្ញវត្ថុ និងក្រសួងពាណិជ្ជកម្ម ស្តីពីកិច្ចសហការរវាងអគ្គនាយកដ្ឋានគយនិងរដ្ឋាករកម្ពុជា និងអគ្គនាយកដ្ឋានកម្ពុជាត្រួតពិនិត្យទំនិញនីហរ័ណ អាហរ័ណ និងបង្ក្រាបការក្លែងបន្លំ (កាំកុងត្រូល) ដែលបច្ចុប្បន្នជាអគ្គនាយកដ្ឋាន ក.ប.ប ដើម្បីសហការ ត្រួតពិនិត្យទំនិញនាំចេញ នាំចូលនៅតាមច្រកព្រំដែន និងប្រតិបត្តិការគាំទ្រដល់សកម្មភាពពិនិត្យ ស្រាវជ្រាវករណី ពុលអាហារដែលអាចកើតមានជាយថាហេតុ៕អត្ថបទ ៖ ឈិត បូរ៉ាវី

ព្រះមហាក្សត្រយាងជាព្រះរាជាធិបតីក្នុងទិវាបុណ្យឯករាជ្យជាតិ ៩វិច្ឆិកា ខួបលើកទី៦៨

ភ្នំពេញ ៖ ព្រះមហាក្សត្រខ្មែរ ព្រះករុណា ព្រះបាទសម្តេចព្រះបរមនាថ នរោត្តម សីហមុនី នៅព្រឹកថ្ងៃទី៩ ខែវិច្ឆិកាឆ្នាំ២០២០នេះ ស្ដេចយាងចូលរួមជាព្រះរាជធិបតីភាព ក្នុងទិវាបុណ្យឯករាជ្យជាតិ ៩ វិច្ឆិកា ខួបលើកទី៦៨ ស្ថិតនៅវិមានឯករាជ្យ។ក្នុងទិវាបុណ្យឯករាជ្យជាតិនោះដែរ ក៏មានការចូលរួមពីសម្តេចវិបុលសេនាភក្តី សាយ ឈុំ ប្រធានព្រឹទ្ធសភា,សម្ដេចពញាចក្រី ហេង សំរិន ប្រធានរដ្ឋសភា ,សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី ,សម្ដេចក្រឡាហោមស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ព្រមទាំងមានការចូលរួមពី សមាជិក សមាជិកា ព្រឹទ្ធសភា រដ្ឋសភា រាជរដ្ឋាភិបាល បណ្ដាអង្គទូតនៃបណ្ដាប្រទេសជាមិត្តប្រចាំកម្ពុជា មន្ត្រីរាជការ កងកម្លាំង ប្រដាប់អាវុធគ្រប់ប្រភេទ រាជវង្សានុវង្ស និងប្រជាពលរដ្ឋជាដើម។នៅក្នុងឱកាសនោះ ប្រជាពលរដ្ឋបានលើកឡើងពីគុណូបការៈមិនអាចកាត់ថ្លៃបាន របស់ព្រះបរមរតនកោដ្ឋ សម្តេច ព្រះនរោត្តម សីហនុ ដែលទ្រង់បានតស៊ូទាមទារឯករាជ្យពីអាណានិគមបារាំង ដែលត្រួតត្រាប្រទេសកម្ពុជា រយៈពេល៩០ឆ្នាំ។លើសពីនេះ ពួកគាត់បានបង្ហាញមោទភាពដែលមានព្រះបរមរតនកោដ្ឋ បានរក្សាទុកស្នាព្រះហស្តផ្សេងៗជាច្រើនទៀត ទុកជូនកូនចៅជំនាន់ក្រោយ។ទិវាបុណ្យឯករាជ្យជាតិ ៩ វិច្ឆិកា ត្រូវបានប្រារព្ធឡើងជារៀងរាល់ឆ្នាំ ដើម្បីបង្ហាញពីឯករាជ្យជាតិខ្មែរ និងជាការឧទ្ទិសដល់ព្រះរាជបូជនីយកិច្ចរបស់អតីតព្រះមហាក្សត្រ ព្រះបាទសម្ដេចព្រះនរោត្តម សីហនុ ព្រះបរមរតនកោដ្ឋ ដែលព្រះអង្គដែលបានលះបង់ព្រះកាយពល និងព្រះបញ្ញាញាណ នៅក្នុងព្រះរាជបូជនីយកិច្ចទាមទារឯករាជ្យពីអាណានិគមបារាំង នៅថ្ងៃទី៩ ខែវិច្ឆិកា ឆ្នាំ១៩៥៣។បន្ទាប់ពីទទួលបានឯករាជ្យពីប្រទេសបារាំង កម្ពុជាបានសាងសង់វិមានឯករាជ្យឡើង នៅឆ្នាំ១៩៥៨ ដើម្បីជានិមិត្តរូប បញ្ជាក់ថា ប្រទេសកម្ពុជា បានទទួលឯករាជ្យពីប្រទេសបារាំង មានសេរីភាពរួចផុតពីអានិគមបរទេស និងសម្រាប់ជាស្តូបគោរពវិញ្ញាណក្ខន្ធ ដល់អ្នកស្លាប់ ក្នុងបុព្វហេតុជាតិផងដែរ៕អត្ថបទ ៖ ទូច សោភ័ណ

រដ្ឋមន្ត្រីការបរទេសអូស្ត្រាលីជម្រាបជូនសម្ដេចតេជោថា នឹងផ្ដល់វ៉ាក់សាំងជាង ៣លានដូសដល់កម្ពុជា

ភ្នំពេញ ៖ រដ្ឋមន្ត្រីក្រសួងការបរទេសអូស្ត្រាលី បានជម្រាបជូនសម្ដេចតេជោ ហ៊ុន សែន នាយករដ្ឋមន្ត្រី នៅថ្ងៃនេះថា អូស្ត្រាលី នឹងផ្ដល់វ៉ាក់សាំងជាងបីលានដូសដល់កម្ពុជា ដែលនឹងដឹក ជញ្ជូនមកដល់កម្ពុជាបណ្ដើរៗនៅចុងឆ្នាំនេះ។សម្តេចតេជោ ហ៊ុន សែន នាយករដ្ឋមន្ត្រី នៅថ្ងៃនេះ បានអនុញ្ញាតឱ្យលោកជំទាវ ម៉ារីស ផេន រដ្ឋមន្រ្តីការបរទេស និងជារដ្ឋមន្រ្ដីកិច្ចការនារីអូស្រ្ដាលី ចូលជួបសម្តែងការគួរសម និងពិភាក្សាការងារនៅវិមានសន្តិភាពក្នុងអំឡុងពេលដែលលោកជំទាវ បានមកទស្សនកិច្ចរយៈពេល២ថ្ងៃនៅកម្ពុជា។បើតាមឯកឧត្តម អ៊ាង សុផល្លែត ជំនួយការផ្ទាល់សម្តេចតេជោ បានឱ្យដឹងថា នៅក្នុងជំនួបរវាងសម្តេចតេជោ និងលោកជំទាវរដ្ឋមន្ត្រីការបរទេសអូស្ត្រាលីនេះ ជាមួយនឹងពាក្យពាំនាំការសួរសុខទុក្ខពីនាយករដ្ឋមន្ត្រីអូស្ត្រាលី ជូនចំពោះសម្តេចនោះ លោកជំទាវបានគោរពជម្រាបជូនថា នៅក្នុងដំណើរអញ្ជើញមកកាន់កម្ពុជានៅពេលនេះ លោកជំទាវបានសង្កេតឃើញប្រទេសកម្ពុជាមានការអភិវឌ្ឍន៍យ៉ាងខ្លាំង។លោកជំទាវបានសម្ដែងការរីករាយជាមួយនឹងកិច្ចសហប្រតិបត្តិការរវាងអូស្ត្រាលី និងកម្ពុជាទាំងក្នុងក្របខណ្ឌទ្វេភាគី ពហុភាគី ។លោកជំទាវបានសំដែងនូវការរីករាយចំពោះផ្លែផ្កាដែលទទួលបានជាលទ្ធផលពីកិច្ចសហប្រតិបត្តិការការលើវិស័យកសិកម្ម យោធា អប់រំនិងការប្រយុទ្ធប្រឆាំងនឹងជំងឺកូវីដ-១៩ ។លោកជំទាវបានជម្រាបជូនសម្ដេចថា រដ្ឋាភិបាលអូស្ត្រាលីបានសម្រេចបញ្ជូនអោយកម្ពុជានូវវ៉ាក់សាំងប្រឆាំងកូវីដ-១៩ ចំនួន៣លាន២សែន៥ម៉ឺនដូស ដោយក្នុងនោះចំនួន១ លានដុល្លារនឹងត្រូវជូនមកកម្ពុជាមុនដំណាច់ឆ្នាំនេះ។ ក្នុងក្របខណ្ឌពហុភាគី លោកជំទាវបានសំដែងនូវសាទរជូនចំពោះកម្ពុជាដែលបានទទួលធ្វើជាប្រធានអាស៊ានហើយបានសម្ដែងការរីករាយពេញចិត្តយ៉ាងខ្លាំង ចំពោះកិច្ចសហប្រតិបត្តិការរវាងអាស៊ាន និងអូស្ត្រាលី ហើយបានគោរពជម្រាបជូនសម្ដេចតេជោថាអូស្ត្រាលី នឹងជួយកម្ពុជាធ្វើយ៉ាងណាឱ្យកម្ពុជាក្នុងនាមជាប្រធានអាស៊ានទទួលបានជោគជ័យ។ឆ្លៀតឱកាសនោះដែរ លោកជំទាវក៏បានគោរពរាយការណ៍ជម្រាបជូនសម្ដេចតេជោយ៉ាងសង្ខេបអំពីមេត្រីភាពរវាងអូស្ត្រាលី ចក្រភពអង់គ្លេស និងសហរដ្ឋអាមេរិក។ជាការឆ្លើយតបសម្ដេចតេជោ បានឯកភាពជាមួយការវាយតម្លៃរបស់លោកជំទាវផេនចំពោះទំនាក់ទំនងរវាងកម្ពុជានិងអូស្ត្រាលីទាំងក្នុងក្របខណ្ឌទ្វេភាគីនិងពហុភាគីហើយសម្ដេចបានមានប្រសាសន៍ថា អូស្ត្រាលីបានជួយកម្ពុជាច្រើនជាពិសេសលើវិស័យកសិកម្មតាមរយៈការបង្កើតវិទ្យាស្ថានស្រាវជ្រាវបង្កាត់ពូជស្រូវហៅ (កាឌី) និងលើវិស័យយោធា វិស័យអប់រំ តាមរយៈការបើកសាលាភាសានៅកម្ពុជា នឹងការបើកឲ្យសិស្សកម្ពុជាទៅរៀននៅប្រទេសអូស្ត្រាលី។លើវិស័យសុខាភិបាលគឺតាមរយៈការផ្ដល់ជំនួយវ៉ាក់សាំងដល់កម្ពុជា។សម្ដេច ក៏បានអរគុណអូស្ត្រាលីចំពោះការផ្ដល់វ៉ាក់សាំងដល់កម្ពុជានៅពេលខាងមុខហើយបានមានប្រសាសន៍ថា សម្ដេចមានសុទិដ្ឋិនិយមក្នុងការបើកប្រទេសឱ្យប្រជាពលរដ្ឋបានរស់នៅតាមបែបគន្លងថ្មី។ក្នុងក្របខ័ណ្ឌអាស៊ានសម្ដេច បានមានប្រសាសន៍ថា សម្ដេចសង្ឃឹមថាអូស្ត្រាលីនឹងចូលរួមជាមួយបណ្ដាប្រទេសអាស៊ាន ដើម្បីប្រយុទ្ធប្រឆាំងជំងឺកូវីដ-១៩ ដើម្បីឈានឆ្ពោះទៅកាន់ការតភ្ជាប់អាស៊ានឡើងវិញបន្ទាប់ពីមានការកាត់ផ្ដាច់ដោយកូវីដ-១៩។ ជាទីបញ្ចប់សម្ដេចបានអរគុណដល់លោកជំទាវផេន ដែលបានចែករំលែកព័ត៌មានពាក់ព័ន្ធនឹងមេត្រីភាពរវាងអូស្ត្រាលី ចក្រភពអង់គ្លេស និងសហរដ្ឋអាមេរិក។សូមបញ្ជាក់ថា លោកជំទាវ ម៉ារីស ផេន បានអញ្ជើញមកដល់ប្រទេសកម្ពុជា កាលពីព្រឹកថ្ងៃទី ៧វិច្ឆិកា ដើម្បីបំពេញទស្សនកិច្ចផ្លូវការរយៈពេល២ថ្ងៃ នៅកម្ពុជា តបតាមការអញ្ជើញរបស់ ឯកឧត្តម ឧបនាយករដ្ឋមន្រ្តី ប្រាក់ សុខុន រដ្ឋមន្រ្តីការបរទេស និងសហប្រតិបត្តិការអន្តរជាតិដែលក្នុងឱកាសទស្សនកិច្ចនេះក្រៅពីជួបជាមួយប្រមុខរាជរដ្ឋាភិបាល ជំទាវ ក៏អញ្ជើញជួបជាមួយឯកឧត្តម ឧបនាយករដ្ឋមន្ត្រី រដ្ឋមន្ត្រីការបរទេសនិងសហប្រតិបត្តិការអន្តរជាតិ និងអញ្ជើញទៅទស្សនាអង្គការកម្ពុជា ដើម្បីជួយស្រ្ដីមានវិបត្តិ ដែលទទួលស្វាគមន៍ដោយលោកជំទាវ អ៊ឹង កន្ថាផាវី រដ្ឋមន្រ្ដីក្រសួងកិច្ចការនារីផងដែរ៕អត្ថបទ មុត សុទ្ធ

ឯកឧត្តម ស៊ុយ សែម ៖ កម្ពុជាខ្វះថាមពលអគ្គិសនីប្រើប្រាស់ជាខ្លាំងមុនពេលមានវារីអគ្គិសនីធំៗ

ពោធិ៍សាត់ ៖ ឯកឧត្តម ស៊ុយ សែម រដ្ឋមន្ត្រីក្រសួងរ៉ែ និងថាមពល បានរំលឹកពីការកសាងវារីអគ្គិសនីនៅកម្ពុជា និងការខ្វះខាតថាមពលអគ្គិសនីប្រើប្រាស់ជាខ្លាំង មុនពេលប្រទេសកម្ពុជាមានវារីអគ្គិសនីធំៗ។ក្នុងឱកាសចែកសម្ភារៈសិក្សាជូនសិស្សានុសិស្សនៅស្រុកកណ្តៀង និងការចុះពិនិត្យអនុស្ថានីយ ពោធិ៍សាត់ នៅក្នុងក្រុងពោធិ៍សាត់ កាលពីម្សិលមិញ ឯកឧត្តម ស៊ុយ សែម បានលើកឡើងថា មុនពេល មានទំនប់វារីអគ្គិសនីកំចាយ ដែលមានអនុភាព១៩៣មេហ្គាវ៉ាត់ ក្នុងខេត្តកំពត ប្រទេសកម្ពុជា ពុំមានថាម ពលអគ្គិសនីប្រើប្រាស់គ្រប់គ្រាន់តាមតម្រូវការនោះទេ។ តែបន្ទាប់ពីមានទំនប់វារីអគ្គិសនីកំចាយ កម្ពុជា មិនខ្វះថាមពលអគ្គិសនីប្រើប្រាស់ខ្លាំងដូចមុននោះទេ ក្រោយមកកម្ពុជា ក៏មានវារីអគ្គិសនីផ្សេងៗជាបន្តបន្ទាប់រហូតដល់បច្ចុប្បន្ន ធ្វើឱ្យកម្ពុជា មានថាមពលអគ្គីសនីប្រើជាង៣៨១៤មេហ្គាវ៉ាត់ លើសពីតម្រូវការប្រើប្រាស់។បច្ចុប្បន្នប្រទេសកម្ពុជា មានវារីអគ្គិសនីសរុបចំនួន៧កន្លែង ១. វារីអគ្គិសនី គីរីរម្យ១ អានុភាព ១២ មេហ្កាវ៉ាត់ ជាគម្រោងស្តារឡើងវិញ (ខេត្តកំពង់ស្ពឺ) ។ ២. វារីអគ្គិសនីកំចាយ អានុភាព ១៩៤.១ មេហ្កាវ៉ាត់ (ខេត្តកំពត) ។ ៣. វារីអគ្គិសនី គីរីរម្យ៣ អានុភាព ១៨មេហ្កាវ៉ាត់ (ខេត្តកំពង់ស្ពឺ) ។ ៤. វារីអគ្គិសនី ស្ទឹងអាតៃ អានុភាព ១២០មេហ្កាវ៉ាត់ (ខេត្តពោធិ៍សាត់) ។ ៥. វារីអគ្គិសនី ស្ទឹងឫស្សីជ្រុំក្រោម អានុភាព ៣៣៨មេហ្កាវ៉ាត់ (ខេត្តកោះកុង) ។ ៦. វារីអគ្គិសនី ស្ទឹងតាតៃ អានុភាព២៤៦ មេហ្កវ៉ាត់ (ខេត្តកោះកុង) និង៧. វារីអគ្គិសនី សេសានក្រោម២ អានុភាព ៤០០មេហ្កាវ៉ាត់ (ខេត្តស្ទឹងត្រែង) ។សម្រាប់វារីអគ្គិសនីស្ទឹងអាតៃ មានអានុភាព១២០មេហ្កាវ៉ាត់ ជាវារីអគ្គិសនីទី៤របស់កម្ពុជា ស្ថិត ក្នុងឃុំអូរសោម ស្រុកវាលវែង ត្រូវបានសម្ពោធដាក់ឱ្យប្រើប្រាស់ជាផ្លូវការ នៅខែមីនា ឆ្នាំ២០១៤។ វារីអគ្គិសនីនេះ វិនិយោគដោយក្រុមហ៊ុនដ៏ធំមួយរបស់ប្រទេសចិន ដែលក៏វិនិយោគលើខ្សែបញ្ជូនតង់ស្យុងខ្ពស់ ពីអូរសោមមកអនុស្ថានីយពោធិ៍សាត់ និងខ្សែបញ្ជូនចែកចាយភ្លើងទៅភ្នំពេញ និងបាត់ដំបង។ ការវិនិយោគវារីអគ្គិសនី ស្ទឹងអាតៃ ក៏ដូចជាវារីអគ្គិសនីធំៗមួយចំនួនទៀតនៅកម្ពុជា កើតចេញពីកិច្ចសហការល្អរវាងកម្ពុជា និងចិន ពីមិត្តភាពសហប្រតិបត្តិការគ្រប់ជ្រុងជ្រោយ ឡើងមកដល់មិត្តភាពដែកថែប គឺរឹងមាំ គ្រប់វិស័យទាំងអស់។ឯកឧត្តមរដ្ឋមន្ត្រី បានសង្កត់ធ្ងន់ថា ដោយសារប្រទេសកម្ពុជាមានសន្តិភាព ទើបមានឱកាសក្នុង ការកសាងសមិទ្ធផលធំៗ បម្រើឱ្យផលប្រយោជន៍ជាតិ ធ្វើឱ្យប្រទេសរីកចម្រើន តែបើគ្មានសន្តិភាពទេ នោះគឺគ្មានសមិទ្ធផលធំៗនោះទេ៕អត្ថបទ៖ ភិរុណ ពៅ

បណ្ដាញសង្គម

ព័ត៌មានថ្មីៗ

ប្រមុខការទូតកម្ពុជា-ចិន បញ្ជាក់ឡើងវិញអំពីការពង្រឹងភាពជាដៃគូយុទ្ធសាស្ត្រគ្រប់ជ្រុងជ្រោយ និងសហការគ្នាយ៉ាងជិតស្និទ្ធក្នុងវេទិកាពហុភាគី ដើម្បីលើកកម្ពស់ស្ថិរភាពក្នុងតំបន់

[UPDATE] ក្រុមអ្នកជួយសង្គ្រោះនៅឡាវ ត្រូវការអុកស៊ីសែនបន្ថែមទៀត ដើម្បីបញ្ចប់បេសកកម្មជួយអ្នកជាប់ក្នុងរូងភ្នំ

បច្ចុប្បន្នភាពករណីគ្រោះថ្នាក់ចរាចរណ៍នៅកំពង់ឆ្នាំង និងស្វាយរៀង៖ អ្នកសះស្បើយត្រឡប់ទៅផ្ទះវិញចំនួន ៨៥នាក់ ខណៈមន្រ្តីជំនាញបន្តយកចិត្តទុកដាក់ផ្ទាល់ដល់មន្ទីរពេទ្យ

ចងចាំ! ថ្ងៃនេះឆ្នាំមុនវីរកងទ័ពកម្ពុជាត្រូវបានយោធាថៃបំពាន និងលួចបាញ់សម្លាប់ដែលជាសេនារីយោសង្គ្រាមឈ្លានពានទឹកដីកម្ពុជារហូតផ្ទុះជាសង្គ្រាមចំនួនពីរលើក

[BREAKING NEWS] អ៊ីរ៉ង់វាយប្រហារមូលដ្ឋានទ័ពអាកាសអាមេរិក បន្ទាប់ពីការវាយប្រហារថ្មីនៅជិតទីក្រុង Bandar Abbas របស់អ៊ីរ៉ង់

ក្រុមសង្គ្រោះបន្តតាមរកមនុស្ស២នាក់ទៀត ក្រោយរកឃើញ៥នាក់នៅមានជីវិត ពីការជាប់ខ្លួនក្នុងរូងភ្នំនៅឡាវ

យានដ្រូនអ៊ុយក្រែន ដែលវង្វេងគន្លងបានបង្កើនភាពតានតឹងលើដែនអាកាសនៅភាគខាងកើតរបស់ប្រទេសសមាជិកណាតូ

ទូតកម្ពុជានៅជប៉ុន ប្រាប់អនុរដ្ឋមន្ត្រីការបរទេសជប៉ុនពីការប្តេជ្ញាចិត្តរបស់រាជរដ្ឋាភិបាលកម្ពុជាក្នុងការប្រយុទ្ធប្រឆាំង Online Scams នឹងឧក្រិដ្ឋកម្មឆ្លងដែនគ្រប់ទម្រង់

លោក Trump៖ លោកអាចរង់ចាំអ៊ីរ៉ង់យូរជាងនេះ និងបានច្រានចោលសម្ពាធបោះឆ្នោតពាក់កណ្តាលអាណត្តិ

អង្គការ WHO ព្រមានអំពី «ផលប៉ះពាល់ធ្ងន់ធ្ងរ» នៃជំងឺអេបូឡានិងសង្គ្រាម នៅកុងហ្គោ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ក្រសួងអប់រំ រក្សាគោលការណ៍អ្នកចេះគឺជាប់ ខណៈនៅសល់៥ថ្ងៃទៀត ការប្រឡងឌីប្លូមនឹងចូលមកដល់

រដ្ឋបាលខេត្តនានាប្រារព្ធខួបអនុស្សាវរីយ៍លើកទី៦៨ នៃទិវាបុណ្យឯករាជ្យជាតិ

សារមនី្ទរឧក្រិដ្ឋកម្មប្រល័យពូជសាសន៍ទួលស្លែងទទួលភ្ញៀវជាតិ និងអន្តរជាតិរាប់រយនាក់ ចូលទស្សនា

មេបក្សនយោបាយថា ស្មារតីឯករាជ្យជាតិជាគំរូ ដើម្បីការពារអធិបតេយ្យជាតិពីអាណានិគមបរទេស

ពលរដ្ឋមួយចំនួនរៀបចំពីធីមង្គលការ បុណ្យនានាជាបណ្តើរៗ ក្រោយអនុញ្ញាតភ្ញៀវចូលរួមត្រឹម២០០នាក់

សម្តេចតេជោ ៖ ទិវាបុណ្យឯករាជ្យជាតិ រំលឹកឲ្យឃើញពីព្រះរាជបេសកកម្មរបស់ព្រះបិតាឯករាជ្យជាតិ

ក្រសួងពាណិជ្ជកម្ម ពង្រីងការត្រួតពិនិត្យទំនិញ និងអាហារមានសុវត្ថិភាពនៅតាមបណ្តាខេត្ត

ព្រះមហាក្សត្រយាងជាព្រះរាជាធិបតីក្នុងទិវាបុណ្យឯករាជ្យជាតិ ៩វិច្ឆិកា ខួបលើកទី៦៨

រដ្ឋមន្ត្រីការបរទេសអូស្ត្រាលីជម្រាបជូនសម្ដេចតេជោថា នឹងផ្ដល់វ៉ាក់សាំងជាង ៣លានដូសដល់កម្ពុជា

ឯកឧត្តម ស៊ុយ សែម ៖ កម្ពុជាខ្វះថាមពលអគ្គិសនីប្រើប្រាស់ជាខ្លាំងមុនពេលមានវារីអគ្គិសនីធំៗ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ក្រសួងអប់រំ រក្សាគោលការណ៍អ្នកចេះគឺជាប់ ខណៈនៅសល់៥ថ្ងៃទៀត ការប្រឡងឌីប្លូមនឹងចូលមកដល់

រដ្ឋបាលខេត្តនានាប្រារព្ធខួបអនុស្សាវរីយ៍លើកទី៦៨ នៃទិវាបុណ្យឯករាជ្យជាតិ

សារមនី្ទរឧក្រិដ្ឋកម្មប្រល័យពូជសាសន៍ទួលស្លែងទទួលភ្ញៀវជាតិ និងអន្តរជាតិរាប់រយនាក់ ចូលទស្សនា

មេបក្សនយោបាយថា ស្មារតីឯករាជ្យជាតិជាគំរូ ដើម្បីការពារអធិបតេយ្យជាតិពីអាណានិគមបរទេស

ពលរដ្ឋមួយចំនួនរៀបចំពីធីមង្គលការ បុណ្យនានាជាបណ្តើរៗ ក្រោយអនុញ្ញាត​ភ្ញៀវ​ចូលរួម​ត្រឹម​២០០នាក់

សម្តេចតេជោ ៖ ទិវាបុណ្យឯករាជ្យជាតិ រំលឹកឲ្យឃើញ​ពី​ព្រះ​រាជ​បេសកកម្មរបស់​ព្រះបិតា​ឯករាជ្យជាតិ

ក្រសួងពាណិជ្ជកម្ម ពង្រីងការត្រួតពិនិត្យទំនិញ និងអាហារមានសុវត្ថិភាពនៅតាមបណ្តាខេត្ត

ព្រះមហាក្សត្រយាងជាព្រះរាជាធិបតីក្នុងទិវាបុណ្យឯករាជ្យជាតិ ៩វិច្ឆិកា ខួបលើកទី៦៨

រដ្ឋមន្ត្រីការបរទេសអូស្ត្រាលីជម្រាបជូនសម្ដេចតេជោថា នឹងផ្ដល់វ៉ាក់សាំងជាង ៣លានដូសដល់កម្ពុជា

ឯកឧត្តម ស៊ុយ សែម ៖ កម្ពុជាខ្វះថាមពលអគ្គិសនីប្រើប្រាស់ជាខ្លាំងមុនពេលមានវារីអគ្គិសនីធំៗ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ពលរដ្ឋមួយចំនួនរៀបចំពីធីមង្គលការ បុណ្យនានាជាបណ្តើរៗ ក្រោយអនុញ្ញាតភ្ញៀវចូលរួមត្រឹម២០០នាក់

សម្តេចតេជោ ៖ ទិវាបុណ្យឯករាជ្យជាតិ រំលឹកឲ្យឃើញពីព្រះរាជបេសកកម្មរបស់ព្រះបិតាឯករាជ្យជាតិ