BTV NEWS

BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់

សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់

ឯកឧត្តម ចាន់ ដារ៉ុង ដឹកនាំគណៈកម្មការអន្តរក្រសួងចុះពិនិត្យវាយតម្លៃបញ្ចប់សុពលភាពការងារថែទាំផ្លូវខួបចំនួន ៣កំណាត់ ក្នុងខេត្តពោធិ៍សាត់

BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យនូវកិច្ចប្រជុំវិសាមញ្ញ នៃគណៈកម្មាធិការព្រំដែនទូទៅកម្ពុជា-ថៃ

នយោបាយ និង ការអភិវឌ្ឍន៍

រាជរដ្ឋាភិបាលកម្ពុជា ប្រកាសអនុវត្តផែនការយុទ្ធសាស្ត្របើកទេសចរណ៍វ៉ាក់សាំងជាផ្លូវការ

ភ្នំពេញ ៖ នៅថ្ងៃទី២៨ ខែតុលានេះ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការជាតិអភិវឌ្ឍន៍ទេសចរណ៍ តំណាងសម្តេចតេជោ ហ៊ុន សែន នាយករដ្ឋមន្ត្រី បានប្រកាសជាផ្លូវការដាក់ឱ្យអនុវត្តផែនការយុទ្ធសាស្ត្រ ស្តីពីការបើកទទួលទេសចរណ៍វ៉ាក់សាំង ខណៈផែនការយុទ្ធសាស្ត្រនោះ ក្នុងជំហានទី១ គឺបានប្រកាសបើកសាកល្បងទទួលទេសចរវ៉ាក់សាំងអន្តរជាតិ ទៅទស្សនាខេត្តព្រះសីហនុ និងខេត្តកោះកុង ចាប់ពីចុងខែវិច្ឆិកាខាងមុខនេះទៅ។ឯកឧត្តមឧបនាយករដ្ឋមន្ត្រី អូន ព័ន្ធមុនីរ័ត្ន ថ្លែងថា ផែនការយុទ្ធសាស្ត្រស្តីពីការបើកទេសចរណ៍វ៉ាក់សាំង គឺរៀបចំឡើងឈរលើគោលការណ៍ រក្សាបាននូវតុល្យភាពរវាងសកម្មភាពសង្គម សេដ្ឋកិច្ច និងការធានាសុវត្ថិភាព និងសុខភាពសាធារណៈ សម្រាប់ប្រជាពលរដ្ឋ និងភ្ញៀវទេសចរណ៍ ហើយសម្រាប់ការបើកទេសចរណ៍វ៉ាក់សាំងនោះ នឹងត្រូវធ្វើឡើងជាជំហានៗ ប្រកបដោយដោយស្មារតីបុរេសកម្ម និងប្រុងប្រយ័ត្ន ស្របតាមការវិវត្តជាក់ស្តែងនៃសភាពការណ៍ឆ្លងរាលដាលនៃជំងឺកូវីដ១៩។បើតាមឯកឧត្តម ថោង ខុន រដ្ឋមន្ត្រីក្រសួងទេសចរណ៍ ថ្លែងថា ការចងក្រងផែនការយុទ្ធសាស្ត្របើកទេសចរណ៍វ៉ាក់សាំង គឺផ្អែកតាមអភិក្រម ជាបុរេលក្ខខណ្ឌ ចំនួន០៤៖ ទី១. អត្រានៃការចាក់វ៉ាក់សាំង សំដៅបង្កើតភាពស៊ាំសហគមន៍, ទី២).អត្រានៃការរីករាលដាលជំងឺកូវីដ-១៩ ទី៣).សមត្ថភាពឆ្លើយតប និង គ្រប់គ្រងហានិភ័យដែលអាចកើតមានពីវីរុសបំប្លែងថ្មី, និង ទី៤).ការត្រៀមខ្លួនរបស់ឧស្សាហកម្មទេសចរណ៍ ។ឯកឧត្តម ថោង ខុន បន្តថា ផែនការយុទ្ធសាស្ត្របើកទេសចរណ៍វ៉ាក់សាំងអន្តរជាតិនេះ គឺត្រូវបើកជាជំហានចំនួន៣ជំហាន៖ ជំហានទី១ ជាជំហានចាប់ផ្តើមទទួលទេសចរណ៍អន្តរជាតិឡើងវិញដោយកំណត់យកគម្រោងសាកល្បង នៅចុងខែវិច្ឆិកា ឆ្នាំ២០២១ ដោយចាប់ផ្តើមនៅក្រុងព្រះសីហនុ និងក្រុងកោះរ៉ុងនៃខេត្តព្រះសីហនុ, និងតំបន់តារាសាគរនៃខេត្តកោះកុង, និងបន្ទាប់មកនៅខេត្តសៀមរាប នៅក្នុងខែមករា ឆ្នាំ២០២២។ ជំហានទី២ ចាប់ផ្តើមទទួលទេសចរណ៍អន្តរជាតិមកតាមតំបន់ទេសចរណ៍សុវត្ថិភាពផ្សេងៗទៀត បន្ទាប់ពីគម្រោងសាកល្បងនៃជំហានទី១ ទទួលបានជោគជ័យ។ ជំហានទី៣ បើកទទួលទេសចរណ៍វ៉ាក់សាំងពេញលេញនៅទូទាំងប្រទេស៕អត្ថបទ ស៊ុម សុខជា

កងទ័ពមួកខៀវកម្ពុជា ចំនួន៧៣នាក់ទៀត នឹងបញ្ជូនទៅប្រទេសស៊ូដង់ ខាងត្បូងនៅយប់នេះ

ភ្នំពេញ ៖ សម្តេចពិជ័យសេនា ទៀ បាញ់ ឧបនាយករដ្ឋមន្រ្តី និងជារដ្ឋមន្រ្តីក្រសួងការពារជាតិ បានឲ្យដឹងថា នៅយប់ថ្ងៃទី២៨ ខែតុលា ឆ្នាំ២០២១នេះ កងអាវុធហត្ថលេខ៧៣៩ នឹងចេញទៅបំពេញបេសកកម្មរក្សាសន្តិភាព នៅសាធារណរដ្ឋស៊ូដង់ខាងត្បូង ចំនួន៧៣នាក់ ក្នុងនោះ នារីចំនួន៣៤នាក់ តាមជើងយន្តហោះពិសេសរបស់អង្គការសហប្រជាជាតិដូចកងមុនៗ។ជាមួយគ្នានោះ សម្តេចពិជ័យសេនា ទៀ បាញ់ ក៏បានជូនពរនាយទាហាន នាយទាហានរង និងពលទាហាននៃកងកម្លាំងរក្សាសន្តិភាព សូមឲ្យមានសុខភាពល្អ ធ្វើដំណើរប្រកបដោយសុវត្ថិភាព និង “ទៅគ្រប់ មកគ្រប់”ផងដែរ។

រាជរដ្ឋាភិបាល ផ្ដល់ពូជស្រូវដល់ពលរដ្ឋរងគ្រោះដោយទឹកជំនន់ ជាង២៧០០គ្រួសារនៅបន្ទាយមានជ័យ

បន្ទាយមានជ័យ ៖ រាជរដ្ឋាភិបាលតាមរយៈក្រសួងសេដ្ឋកិច្ច និងហរិញ្ញវត្ថុ បានផ្ដល់នូវពូជស្រូវ ជូនដល់ប្រជាពលរដ្ឋគោលដៅ ដែលបានរងគ្រោះ ខូចខាតដំណាំស្រូវ ដោយសារទឹកជំនន់ ឆ្នាំ២០២១ ចំនួនជាង ២៧០០គ្រួសារ នៅក្នុងខេត្តបន្ទាយមានជ័យ ។ក្នុងឱកាសអញ្ជើញចែកពូជស្រូវដល់ពលរដ្ឋក្រោមអធិបតីភាពឯកឧត្តម វង្ស សណ្ដាប់ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ នៅថ្ងៃទី២៨ ខែតុលា ឆ្នាំ២០២១ ឯកឧត្តម អ៊ុ រាត្រី មានប្រសាសន៍ថា ពូជស្រូវផ្ដល់ជូនប្រជាពលរដ្ឋ ដែលរងគ្រោះដោយទឹកជំនន់នេះ ជាប្រភេទស្រូវសែនក្រអូប ដោយក្នុងមួយគ្រួសារទទួលបានចំនួន ១០០គីឡូក្រាម ដោយឥតគិតថ្លៃ ។ឯកឧត្តម បន្តថា ពូជស្រូវនេះ គឺជាគម្រោងប្រព័ន្ធស្បៀងបម្រុងរបស់កម្ពុជា សម្រាប់ផ្ដល់ជូនដល់ប្រជាពលរដ្ឋ ដើម្បីស្ដារការដាំដុះឡើងវិញ បន្ទាប់ពីទឹកជំនន់ស្រកទៅវិញ ខណៈពលរដ្ឋនៅខេត្តបន្ទាយមានជ័យ បានទទួលអំណោយពូជស្រូវនៅពេលនេះ មានចំនួនសរុប ២ ៧៥០ គ្រួសារ ។ជាមួយគ្នានោះ ឯកឧត្តម អ៊ុ រាត្រី ក្នុងនាមរដ្ឋបាលខេត្ត និងប្រជាពលរដ្ឋទាំងអស់ សូមគោរពថ្លែងអំណរគុណ ដឹងគុណជានិច្ចសម្តេចតេជោ ហ៊ុន សែន ប្រមុខរាជរដ្ឋាភិបាល ដែលសម្តេច បានយកចិត្តទុកដាក់គិតគូរខ្ពស់ផ្តល់អំណោយពូជស្រូវ ជូនប្រជាពលរដ្ឋរងគ្រោះខូចខាតដំណាំស្រូវ ដើម្បីបង្ករបង្កើនផលស្តារឡើងវិញ ៕

កម្ពុជាបន្តរកឃើញមនុស្ស ១០៩នាក់ឆ្លងកូវីដ-១៩ ខណៈអ្នកជំងឺ២៧២នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន១០៩នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ២៧២នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ៩២នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១៧នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស៨នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ២ ៧៦៦នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ១១៤ ០៦៣នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១១៨ ២២០ នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

សម្តេចតេជោ ៖ ការបើកទទួលទេសចរណ៍អន្តរជាតិឡើងវិញនឹងធ្វើឡើងជាដំណាក់កាល និងកំណត់តំបន់

ភ្នំពេញ ៖ សម្តេចតេជោ ហ៊ុន សែន បានថ្លែងថា ការបើកទេសចរណ៍អន្តរជាតិឡើងវិញ នឹងត្រូវធ្វើឡើងតាមដំណាក់កាល ជាជំហានៗ ដោយផ្អែកលើវិធីសាស្រ្តជាក់លាក់ ក្នុងការកំណត់តំបន់ ឬគោលការណ៍សុវត្ថិភាព ខណៈគម្រោងរបស់កម្ពុជា នឹងបើកទេសចរណ៍វ៉ាក់សាំង នៅចុងខែវិច្ឆិកា ឆ្នាំ២០២១នេះ ។នាព្រឹកថ្ងៃទី២៨ ខែតុលា ឆ្នាំ២០២១នេះ សម្តេចតេជោ ហ៊ុន សែន នាយករដ្ឋមន្រ្តី បានលើកឡើងថា អស់រយៈពេល១៨ខែកន្លងមកនេះ វិបត្តិនៃជំងឺកូវីដ១៩ បាននាំមកនូវគ្រោះមហន្ត រាយដល់ពិភពលោកទាំងមូល ក្នុងនោះ វិស័យទេសចរណ៍សកលលោក ក៏ដូចជានៅកម្ពុជាបាននិងកំពុង ទទួលរងឥទ្ធិពលអវិជ្ជមានយ៉ាងធ្ងន់ធ្ងរ។ ការណ៍នេះ បានធ្វើឲ្យបណ្តាប្រទេសនៅលើសកលលោក មានការបិទ-បើកប្រទេសជាច្រើនលើកច្រើនសារ ខណៈដែលយុទ្ធនាការចាក់វ៉ាក់សាំងទ្រង់ទ្រាយធំកំពុង ត្រូវបានបន្តអនុវត្តដើម្បីបង្កើតភាពសុំានៅក្នុងសហគមន៍សំដៅជំរុញការស្តាសកម្មភាពសង្គម សេដ្ឋកិច្ចឡើងវិញស្របតាមគន្លងប្រក្រតីភាពថ្មីនោះ។សម្តេចតេជោ បានលើកឡើងទៀតថា ឈរលើទស្សនវិស័យ «ការគិតពីប្រជាជន គិតពីសេដ្ឋកិច្ច គិតពីអនាគត» រាជរដ្ឋាភិបាលបានប្រកាន់ខ្ជាប់នូវស្មារតីបុរេសកម្ម និងជាក់ស្តែងនិយម ដោយមានផែនការ ច្បាស់លាស់ក្នុងការស្តារ និងលើកស្ទួយវិស័យទេសចរណ៍កម្ពុជា តាមរយៈការដាក់ចេញនូវ «ផែនទីចង្អុរផ្លូវ ស្តីពីផែនការស្តារ និងលើកស្ទួយវិស័យទេសចរណ៍កម្ពុជា ក្នុង និងក្រោយវិបត្តិជំងឺកូវីដ១៩» និងផែនការមេអភិវឌ្ឍន៍ទេសចរណ៍ សម្រាប់គោលដៅសំខាន់ៗ ដែលជាឯកសារគោលដ៏មានសារៈសំខាន់ជាយុទ្ធសាស្រ្តសម្រាប់អនាគតវិស័យទេសចរណ៍កម្ពុជានោះ។សម្តេច បានបញ្ជាក់ទៀតថា វិធានការក្នុងការគ្រប់គ្រងស្ថានភាពនៃការរីករាលដាលជំងឺកូវីដ ១៩ និងការសម្រួលការធ្វើដំណើរ។ ចំណុចទាំងនេះ គឺជាកត្តាគន្លឹះសម្រាប់ការសម្រេចចិត្តរបស់ភ្ញៀវ ទេសចរក្នុងការជ្រើសរើសគោលដំណើរកម្សាន្តទេសចរណ៍ក្នុងបរិបទថ្មី។ក្នុងន័យនេះ ផែនការយុទ្ធសាស្រ្ត ស្តីពីការបើកទទួលទេសចរណ៍វ៉ាក់សាំង នឹងក្លាយជាឯកសារយុទ្ធសាស្រ្តដ៏សំខាន់ សម្រាប់ការបើកឲ្យដំណើរការឡើងវិញជាបណ្តើរៗ នៃការទទួលភ្ញៀវទេសចរណ៍អន្តរជាតិ ដោយឈរលើគោលការណ៍រក្សា បាននូវតុល្យភាពរវាងសកម្មភាពសង្គម-សេដ្ឋកិច្ច និងការធានាសុវត្ថិភាព និងសុខភាពសាធារណៈ ជាមួយកិច្ចខិតខំក្នុងការវិលត្រឡប់ឲ្យបានឆាប់ទៅរក«ប្រក្រតីភាពថ្មី» នៃជីវភាពរស់នៅប្រចាំថ្ងៃរបស់ប្រជាពលរដ្ឋនោះ។សម្តេច បានបញ្ជាក់បន្ថែមទៀតថា «ការបើកទទួលទេសចរណ៍អន្តរជាតិឡើងវិញ នឹងត្រូវធ្វើឡើងតាមដំណាក់កាលជាជំហានៗ ដោយផ្អែកលើវិធីសាស្ត្រជាក់លាក់ក្នុងការកំណត់តំបន់ ឬគោលដៅទេសចរណ៍ សុវត្ថិភាព ដែលជាអនុគមន៍ និងអត្រានៃការចាក់វ៉ាក់សាំង, អត្រាអ្នកជំងឺកូវីដ១៩ កម្រិតធម្យម និងកម្រិតធ្ងន់ និងអត្រាស្លាប់នៃជំងឺកូវីដ១៩, សមត្ថភាពឆ្លើយតប និងគ្រប់គ្រងហានិភ័យដែលអាចកើតមានពីវិរុស បំប្លែងថ្មី និងការត្រៀមលក្ខណៈសម្បត្តិរបស់ឧស្សាហកម្មទេសចរណ៍កម្ពុជាស្របតាមគន្លងប្រក្រតីថ្មី»។ក្នុងស្មារតីនេះ សម្តេចតេជោហ៊ុន សែន បានឲ្យដឹងទៀតថា ព្រះរាជាណាចក្រកម្ពុជានឹងបើកទទួល ទេសចរណ៍ វ៉ាក់សាំងនៅចុងខែវិច្ឆិកា ឆ្នាំ២០២១ ដោយចាប់ផ្តើមនៅក្រុងព្រះសីហនុ និងក្រុងកោះរ៉ុង នៃខេត្តព្រះសីហនុ និងតំបន់តារាសាគរនៃខេត្តកោះកុង, និងបន្ទាប់មកនៅខេត្តសៀមរាប នៅក្នុងខែមករា ឆ្នាំ ២០២២ខាងមុខនេះ។ ដោយការបើកនេះ គឺឈរលើស្មារតីប្រុងប្រយ័ត្ន ការដាក់ឲ្យអនុវត្តផែនការយុទ្ធសាស្រ្តនេះ នឹងត្រូវមានការត្រួតពិនិត្យ តាមដាន វាយតម្លៃជាប់ជាប្រចាំ ស្របតាមការវិវត្តជាក់ស្តែងនៃ សភាពការណ៍ នៃការឆ្លងរីករាលដាលនៃមេរោគកូវីដ១៩ នៅក្នុងជំហាននីមួយៗ ផ្សារភ្ជាប់ជាមួយនឹងជម្រើសសម្រាប់ការបើក-បិទ ដោយផ្អែកលើការបែងចែកតំបន់ ការធ្វើអាទិភាវូបនីយកម្ម ជម្រើស សកម្មភាព ទេសចរណ៍តាមអនុវិស័យ និងកត្តាពេលវេលាដែលដើរតួនាទីចន្ទល់យុទ្ធសាស្រ្តសំខាន់ក្នុងការផ្តល់លទ្ធភាពដល់ការគ្រប់គ្រងហានិភ័យជាដើម៕អត្ថបទ ៖ បាន ចក់

អូស្រ្តាលី សន្យាជួយបណ្តុះបណ្តាលជំនាញសន្តិសុខដល់កម្ពុជា ក្រោយបើកដំណើរការព្រំដែនឡើងវិញ

ភ្នំពេញ ៖ នៅក្នុងកិច្ចជំនួបជាមួយសម្តេចក្រឡាហោ ស ខេង ឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃកម្ពុជា នាព្រឹកថ្ងៃទី២៧ ខែតុលានេះ ឯកអគ្គរាជទូតអូស្ត្រាលីប្រចាំនៅកម្ពុជា បានសន្យាថា ភាគីអូស្ត្រាលីបានត្រៀមខ្លួនរួចជាស្រេច ក្នុងការជួយបណ្តុះបណ្តាលជំនាញបន្ថែមទៀតដល់មន្រ្តីព្រំដែនកម្ពុជា បន្ទាប់ពីកម្ពុជាបើកដំណើរការច្រកព្រំដែនឡើងវិញ។លោក Pablo Kang ឯកអគ្គរាជទូតអូស្ត្រាលីប្រចាំនៅកម្ពុជា បានថ្លែងថា «ស្របពេលដែលរាជរដ្ឋាភិបាលកម្ពុជា ត្រៀមនូវដំណើរការបើកព្រំដែនឡើងវិញ ភាគីអូស្ត្រាលី ក៏រៀបចំកម្មវិធីបណ្ដុះបណ្ដាលពង្រឹងសមត្ថភាពជូនដល់កងកម្លាំងអនុវត្តច្បាប់ ជាពិសេសមន្ត្រីបំរើការងារផ្នែកអន្តោប្រវេសន៍ ធ្វើយ៉ាងណាពង្រឹង និងបង្កើនប្រសិទ្ធភាពការងារគ្រប់គ្រងច្រកទ្វារព្រំដែនឱ្យទទួលបានប្រសិទ្ធភាពនៅពេលដែលដំណើរការនូវការបើកព្រំដែនឡើងវិញ»។នៅក្នុងកិច្ចជំនួបនោះ លោក Pablo Kang បានបញ្ជាក់ប្រាប់ដល់សម្តេចក្រឡាហោម ស ខេងផង ដែរថា ចាប់ពីឆ្នាំ២០២១នេះតទៅ រដ្ឋាភិបាលអូស្ត្រាលី បានផ្ដល់ជំនួយថវិកាប្រមាណ ១៥លានដុល្លាអូស្ត្រាលីសម្រាប់អនុវត្តគម្រោង នៃក្របខណ្ឌគណនេយ្យភាពសង្គម ដែលជំនួយនេះ បានផ្ដល់ជូនតាមរយៈធនាគារពិភពលោកផងដែរនោះ។ពាក់ព័ន្ធនឹងកិច្ចសហប្រតិបត្តិការជាទូទៅនៅក្នុងតំបន់ ដោយលលោកឯកអគ្គរាជទូតបានជម្រាបជូនសម្ដេចអំពីភាពជាដៃគូសន្តិសុខត្រីភាគីដែលមានអូស្ត្រាលី ចក្រភពអង់គ្លេស និងសហរដ្ឋអាមេរិក ដោយឯកឧត្តម បានជម្រាបជូនសម្ដេចថា ក្របខណ្ឌនៃកិច្ចសហប្រតិបត្តិការត្រីភាគីនេះធ្វើឡើងដោយមិនមានចេតនាណាមួយក្នុងការបង្កនូវហានិភ័យ ឬអសន្តិសុខនៅក្នុងតំបន់នោះទេ គឺធ្វើឡើងនៅក្រោមហេតុផលសន្តិភាព និងផ្អែកលើតម្រូវការរបស់ភាគីប្រទេសអូស្ត្រាលីតែប៉ុណ្ណោះ។នៅក្នុងកិច្ចជំនួបនោះដែរ សម្តេចក្រឡាហោម ស ខេង បានថ្លែងអំណរគុណរដ្ឋាភិបាលអូស្ត្រាលី តាមរយៈលោកឯកអគ្គរាជទូត ហើយសម្ដេចបង្ហាញជំនឿជាក់ថា ការផ្ដល់ជំនួយរបស់អូស្ត្រាលីនេះក៏ជាផ្នែកមួយរួមចំណែកដល់ការអនុវត្តកម្មវិធីជាតិ ១០ឆ្នាំ របស់រាជរដ្ឋាភិបាលកម្ពុជា ក្នុងការបន្តដំណើរការការងារកំណែទម្រង់វិមជ្ឈការ និងវិសហមជ្ឈការផងដែរ។ ដោយឡែកសម្រាប់ អូស្ត្រាលីត្រៀមខ្លួនក្នុងការជួយបណ្តុះបណ្តាលជំនាញបន្ថែមដល់មន្រ្តីច្រកព្រំដែនកម្ពុជានេះ សម្ដេចក្រឡាហោម ក៏បានសម្ដែងនូវការអបអរសាទរចំពោះកិច្ចសហការរវាងភាគីទាំងពីរក្នុងរយៈពេលកន្លងមក ហើយសម្ដេចក៏បានស្នើភាគីអូស្ត្រាលី តាមរយៈឯកឧត្តម ឯកអគ្គរាជទូតធ្វើយ៉ាងណាបង្កើនកិច្ចសហការកាន់តែជិតស្និតខ្លាំងក្លាថែមទៀតពាក់ព័ន្ធនឹងបទល្មើសគ្រឿងញៀន ដែលមានការកើនឡើងទោះបីជាពិភពលោកមានការប្រឈម នឹងជំងឺកូវីដ -១៩ក៏ដោយនោះ៕អត្ថបទ ៖ បាន ចក់

មេដឹកនាំអាស៊ានបូកបី បញ្ជាក់អំពីការងារដែលបានធ្វើរួមគ្នា ក្នុងការទប់ស្កាត់ជំងឺកូវីដ១៩

ភ្នំពេញ ៖នៅរសៀលថ្ងៃនេះ សម្តេចតេជោ ហ៊ុន សែន នាយករដ្ឋមន្ត្រី បានអញ្ជើញចូលរួមកិច្ចប្រជុំកំពូលអាស៊ានបូកបី ពោលគឺអាស៊ាន បូកចិន ជប៉ុន និងកូរ៉េខាងត្បូង ដោយនៅក្នុងកិច្ចប្រជុំនេះ មេដឹកនាំអាស៊ានបូកបី បានគូសបញ្ជាក់អំពីការងារដែលបានធ្វើរួមគ្នា គឺការប្រយុទ្ធប្រឆាំងជាមួយ នឹងជំងឺកូវីដ១៩។ឯកឧត្តម កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី បានប្រាប់ដល់ក្រុមអ្នកព័ត៌មានថា ក្នុងកិច្ចប្រជុំកំពូលអាស៊ានបូកបី (ចិន ជប៉ុន និងកូរ៉េខាត្បូង) លើកទី២៤ នៅថ្ងៃនេះ ប្រមុខរដ្ឋាភិបាលអាស៊ានបូកបី បានគូសបញ្ជាក់ ពីការងារដែលបានធ្វើរួមគ្នាទី១ គឺការប្រយុទ្ធប្រឆាំងជាមួយ នឹងជំងឺកូវីដ១៩ ហើយប្រទេសបូកបី ដែលបានយកចិត្តទុកដាក់ជួយដល់ប្រទេសអាស៊ាន ជាពិសេសក្នុងការជួយលើវិស័យសុខភាពសាធារណៈ ដែលជាការងារសំខាន់។ លើសពីនេះទៀតប្រមុខរដ្ឋាភិបាលពីប្រទេសអាស៊ានបូកបី ក៏បានលើកឡើងអំពីសារសំខាន់នៃការ បន្តធ្វើការរួមគ្នា ដោយប្រើប្រាស់យន្តការនេះដើម្បីពង្រឹងកិច្ចសហប្រតិបត្តិការ រវាងប្រទេសទាំងអស់ ។ប្រមុខរដ្ឋាភិបាលអាស៊ានបូកបីបានលើកពីយន្តការដែលមានស្រាប់ជាពិសេស ពាក់ព័ន្ធ នឹងសន្តិសុខស្បៀង សន្តិសុខស្បៀងបម្រុង ហើយមួយទៀត គឺអំពីការតភ្ជាប់ ជាពិសេសគឺនៅក្នុងក្របខ័ណ្ឌអាស៊ាន ដែលមានផែនការមេ នៃការតភ្ជាប់ឆ្នាំ ២០២៥, ហើយក៏មានចក្ខុវិស័យក្នុងការកសាងសហគមន៍ មិនមិនត្រឹមតែអាស៊ាន គឺកសាងសហគមន៍អាស៊ានបូកបីនេះ ។បើតាមឯកឧត្តម កៅ គឹមហួន ក្នុងកិច្ចប្រជុំនោះ មេដឹកនាំអាស៊ានបូកបី ក៏បានអនុម័តទៅលើឯកសារមួយ គឺសេចក្ដីប្រកាសរបស់មេដឹកនាំអាស៊ានបូក៣ ស្ដីពីកិច្ចសហប្រតិបត្តិការលើសុខភាពផ្លូវចិត្ត យុវជននិងកុមារ និងអនុម័តលើឯកសារមួយ គឺរបាយការណ៍វឌ្ឍនភាពលើកទី៤ ស្ដីពីអនុវត្តផែនការសកម្មភាពនៃកិច្ចសហប្រតិបត្តិការអាស៊ានបូកបី ឆ្នាំ ២០១៨-២០២២។ឯកឧត្តម បន្តថា ជារួមមេដឹកនាំអាស៊ានបូកបីបានធ្វើការកត់សម្គាល់ ការរីកចម្រើននៃកិច្ចសហប្រតិបត្តិការក្នុងក្របខ័ណ្ឌអាស៊ានបូក៣នេះ ដែលចាប់ផ្ដើមតាំងពីឆ្នាំ១៩៩៧ មក ដែលពេលនោះ មានវិបត្តិហិរញ្ញវត្ថុនៅអាស៊ី ហើយតាំងពីពេលនោះមក មេដឹកនាំអាស៊ានបូក៣ មានកិច្ចប្រជុំរាល់ឆ្នាំ៕អត្ថបទ មុត សុត

កម្ពុជាទទួលបានជោគជ័យ ក្នុងការហ្វឹកហាត់សុនខ ឲ្យស្វែងរកមេរោគកូវីដ១៩ គ្រោងនឹងអនុវត្តផ្ទាល់នាពេលឆាប់ៗនេះ

ភ្នំពេញ ៖ រាជរដ្ឋាភិបាលកម្ពុជាតាមរយៈមជ្ឈមណ្ឌលកំចាត់មីនកម្ពុជា ដែលហៅកាត់ថា CMAC បានធ្វើការហ្វឹកហាត់នូវសត្វសុនខ ដើម្បីឲ្យចេះស្វែងរកមេរោគកូវីដ១៩ ការហ្វឹកហាត់នេះ ទទួលបានជោគជ័យក្នុងដំណាក់កាលទី១ ដោយសត្វសុនខទាំងនោះ អាចប្រើប្រាស់រយៈពេល ១៥វិនាទីប៉ុណ្ណោះដឹងមុខសញ្ញានៃមេរោគកូវីដ១៩នេះ។ថ្លែងប្រាប់ទូរទស្សន៍BTV ក្នុងឱកាសចុះត្រួតពិនិត្យ នៃការវិវត្តនៃការហ្វឹកហាត់សុនខ ឲ្យចេះស្រាវជ្រាវ និងហិតក្លិននៃវីរុសកូវីដ១៩ នៅមជ្ឈមណ្ឌលកំចាត់មីនកម្ពុជា ខេត្តកំពង់ឆ្នាំង នាព្រឹកថ្ងៃទី២៧ ខែតុលា ឆ្នាំ២០២១នេះ ឯកឧត្តម ហេង រតនា អគ្គនាយCMAC កម្ពុជាលើកឡើងថា ក្រោយពីការហ្វឹកហាត់នូវសត្វសុនខរយៈពេលជាងបីខែមកនេះ គឺទទួលបានជោគជ័យយ៉ាងធំធេង ដោយសុនខទាំងនេះ អាចធ្វើការហិតក្លិនដឹងនៃមេរោគកូវីដ១៩ បើទោះបីជាការហិតក្លិននេះទាំងបញ្ច្រាសខ្យល់ ឬបណ្តោយខ្យល់យ៉ាងណាក៏ដោយនោះ។ជាមួយគ្នានោះដែរ ឯកឧត្តម ហេង រតនា ក៏បានបញ្ជាក់ផងដែរថា សត្វសុនខ គឺជាឧបករណ៍មួយ ដ៏សំខាន់សម្រាប់ជួយដល់មន្រ្តីក្រសួងសុខាភិបាល ក្នុងការស្វែងរកអ្នកផ្ទុកមេរោគកូវីដ១៩ ដោយប្រើប្រាស់រយៈពេលខ្លី និងអាចទទួលលទ្ធផលច្រើន ជាពិសេសអាចប្រើប្រាស់ពួកគេនៅទីប្រជុំជន កន្លែងច្រកទ្វារអន្តរជាតិ និងកន្លែងហ្វូងមនុស្សរាប់ម៉ឺននាក់ ដែលធ្វើការប្រមូលផ្តុំគ្នាជាដើមនោះ។ ប៉ុន្តែទោះជាយ៉ាងនេះក្តីការសម្រេចប្រើប្រាស់បែបណានោះគឺអាស្រ័យលើក្រសួងសុខាភិបាលជាអ្នកសម្រេចតែប៉ុណ្ណោះ។សូមបញ្ជាក់ក្រោយពីមានបទបញ្ជារបស់សម្តេចតេជោ ហ៊ុន សែន នាយករដ្ឋមន្រ្តី មន្រ្តីជំនាញ CMAC បានសហការគ្នាជាមួយមន្រ្តីក្រសួងសុខាភិបាល ដោយបានធ្វើការហ្វឹកហាត់នូវសត្វសុនខចំនួន១២ក្បាលជាលើកដំបូង ឲ្យចេះស្វែងរក និងហិតក្លិនមេរោគកូវីដ១៩។បន្ទាប់ពីធ្វើការហ្វឹកហាត់អស់រយៈពេលជាងបីខែមកនេះ សត្វសុនខទាំងនេះ មានលទ្ធភាពអាចស្វែងរកក្លិនវីរុស កូវីដ១៩ បានដោយជោគជ័យក្នុងដំណាក់កាលទី១នេះ ហើយនឹងអនុវត្តនូវដំណាក់កាលទី២ជាមួយនឹងមនុស្សផ្ទាល់នាពេលឆាប់ៗ ខាងមុខនេះផងដែរ៕អត្ថបទ ៖ បាន ចក់

ជប៉ុនប្រកាសផ្តល់កម្ចីនិងជំនួយសន្ធឹកសន្ធាប់សម្រាប់អាស៊ាន

ភ្នំពេញ ៖ អាស៊ាន-ជប៉ុន នៅថ្ងៃនេះ បានបើកកិច្ចប្រជុំកំពូលរបស់ខ្លួន លើកទី២៤ ដែលក្នុងកិច្ចប្រជុំនេះ ជប៉ុនបានប្រកាសផ្ដល់កម្ចី និងជំនួយសន្ធឹកសន្ទាប់សម្រាប់អាស៊ាន និងប្រកាសបន្តគាំទ្រដល់តួនាទីស្នូលរបស់អាស៊ាន នៅក្នុងតំបន់ ហើយជប៉ុន នឹងបន្តគាំទ្ររាល់គម្រោងទាំងឡាយរបស់អាស៊ាន។ឯកឧត្ដម កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី បានឱ្យដឹងថា នៅក្នុងកិច្ចប្រជុំកំពូលអាស៊ាន-ជប៉ុន ប្រមុខរដ្ឋាភិបាលអាស៊ាន បានអរគុណរដ្ឋាភិបាល និងប្រជាជនជប៉ុន ដែលបានផ្តល់ជំនួយសន្ធឹកសន្ធាប់សម្រាប់ការអភិវឌ្ឍប្រទេសតំបន់អាស៊ាន ជាពិសេសការផ្តល់ជំនួយវ៉ាក់សាំងបង្ការជំងឺកូវីដ១៩ ទៅអាស៊ាន និងទៅប្រទេសសមាជិកអាស៊ាន។ ប្រមុខដឹកនាំអាស៊ាន ក៏បានអរគុណរដ្ឋាភិបាល និងប្រជាជនជប៉ុន ដែលបានប្រកាសផ្តល់វិភាគទាននូវថវិកា៥០លានដុល្លារ ដល់មជ្ឈមណ្ឌលអាស៊ានសម្រាប់គ្រោះអាសន្នសុខភាពសាធារណៈ និងជំងឺកើតថ្មី នៅក្នុងកិច្ចប្រជុំនាព្រឹកនេះ។ប្រមុខរដ្ឋាភិបាលអាស៊ាន ក៏បានប្រកាសស្វាគមន៍ជប៉ុន ចំពោះការប្រកាសផ្តល់កម្ចី ២៥០ពាន់លានដុល្លារ ព្រមទាំងការឆ្លើយតបនឹងគ្រោះមហន្តរាយនៃជំងឺកូវីដ១៩ និងបានស្វាគមន៍ចំពោះការផ្តល់ជំនួយសរុបជាទឹកប្រាក់ប្រមាណ ២០០លានដុល្លារ ជាគ្រឿងបរិក្ខារពេទ្យ ឧបករណ៍ និងបច្ចេកទេសផ្សេងៗ សម្រាប់អាស៊ាន។ក្នុងកិច្ចប្រជុំនេះ ប្រមុខរដ្ឋាភិបាលអាស៊ាន បានស្នើជប៉ុន ជួយកសាងសហគមន៍អាស៊ាន ជាពិសេសផែនការមេ នៃការតភ្ជាប់របស់អាស៊ានឆ្នាំ២០២៥ និងជួយដល់ការធ្វើសមាហរណកម្មអាស៊ាន។ ស្នើជប៉ុន ជួយកាត់បន្ថយគម្លាតការអភិវឌ្ឍប្រទេសសមាជិកអាស៊ាន និងជួយដល់ប្រទេសតំបន់មេគង្គ។ប្រមុខរដ្ឋាភិបាលអាស៊ាន បានបង្ហាញនូវការពេញចិត្តចំពោះកិច្ចសហប្រតិបត្តិការអាស៊ាន-ជប៉ុន និងស្នើបន្តជំរុញភាពជាដៃគូយុទ្ធសាស្ត្រឱ្យកាន់តែប្រសើរ។ ជាពិសេសពង្រីកពង្រឹងកិច្ចសហប្រតិបត្តិការលើគ្រប់វិស័យ រួមទាំងវិស័យឌីជីថល សេដ្ឋកិច្ច សង្គម វប្បធម៌ សន្តិសុខ និងវិស័យផ្សេងៗទៀត។លោកនាយករដ្ឋមន្ត្រីជប៉ុន ហ្វូមីអូ គីស៊ីដា បានប្រកាសថា ជប៉ុននឹងបន្តគាំទ្រដល់តួនាទីស្នូលរបស់អាស៊ាននៅក្នុងតំបន់ ហើយជប៉ុន នឹងបន្តគាំទ្ររាល់គម្រោងទាំងឡាយរបស់អាស៊ាន។ក្នុងកិច្ចប្រជុំនេះ ប្រមុខរដ្ឋាភិបាលអាស៊ាន-ជប៉ុន បានកត់សម្គាល់លើឯកសារចំនួនពីរ ទី១៖ របាយការណ៍វឌ្ឍនភាព ស្តីពីការកែសម្រួលការអនុវត្តសេចក្តីប្រកាសចក្ខុវិស័យស្តីពីមិត្តភាព និងកិច្ចសហប្រតិបត្តិការអាស៊ាន-ជប៉ុន និងទី២ របាយការណ៍វឌ្ឍនភាព ស្តីពីការអនុវត្តសេចក្តីប្រកាសរួម ស្តីពីកិច្ចសហប្រតិបត្តិការអាស៊ានជប៉ុន លើចក្ខុវិស័យអាស៊ាន ស្តីអំពីឥណ្ឌូប៉ាស៊ីហ្វិក។ជាចុងក្រោយ ប្រមុខរដ្ឋាភិបាលជប៉ុន-អាស៊ាន បានពិភាក្សាទៅលើបញ្ហាតំបន់ ដូចជាសមុទ្រចិនខាងត្បូង មីយ៉ាន់ម៉ា និងឧបទ្វីបកូរ៉េ ជាដើម។ នេះបើតាមការឱ្យដឹងពីឯកឧត្ដម កៅ គឹមហួន ៕អត្ថបទ៖ មុត សុទ្ធ

អាស៊ាន-អូស្ត្រាលី នឹងលើកកម្ពស់ទំនាក់ទំនងភាពជាដៃគូឱ្យដល់កម្រិតយុទ្ធសាស្ត្រគ្រប់ជ្រុងជ្រោយ

ភ្នំពេញ ៖ អាស៊ាន និងអូស្ត្រាលី បានស្រុះស្រួលគ្នាថា នឹងលើកកម្ពស់ទំនាក់ទំនងរបស់ផងខ្លួន ឱ្យដល់កម្រិតយុទ្ធសាស្ត្រគ្រប់ជ្រុងជ្រោយ ដោយសារភាគីទាំងពីរ បានមើលឃើញពីតួនាទីស្នូលរបស់គ្នាទៅវិញទៅមក។អាស៊ាននិងអូស្ត្រាលី នៅថ្ងៃទី២៧ ខែតុលានេះ បានបើកកិច្ចប្រជុំកំពូលប្រចាំឆ្នាំរបស់ខ្លួនលើកទី១ តាមរយៈប្រព័ន្ធវីដេអូ ដែលក្នុងកិច្ចប្រជុំនេះ ប្រមុខរដ្ឋាភិបាលអាស៊ាន និងអូស្ត្រាលី បានផ្លាស់ប្ដូរយោបល់គ្នាជាច្រើន ហើយជាពិសេស គឺការបើកទំព័រថ្មី នៃទំនាក់ទំនងប្រទេសដៃគូសន្ទនា រវាងអាស៊ាន-អូស្ត្រាលី ដើម្បីជំរុញកិច្ចសហប្រតិបត្តិការឱ្យដល់កម្រិតថ្មីមួយទៀត ជាពិសេសក្នុងការចូលរួមចំណែកបន្តលើកកម្ពស់សន្តិភាព ស្ថិរភាព និងវិបុលភាពក្នុងតំបន់។ នេះបើតាមការឱ្យដឹងពីឯកឧត្តម កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី។ក្នុងចំណោមប្រទេសជាដៃគូសន្ទនារបស់អាស៊ាននោះ ប្រទេសអូស្ត្រាលី គឺជាប្រទេសចាស់ជាងគេ ប៉ុន្តែជាលើកដំបូងហើយ ដែលមានកិច្ចប្រជុំកំពូលបែបនេះ។ឯកឧត្ដម កៅ គឹមហួន បានឱ្យដឹងទៀតថា ប្រមុខរដ្ឋាភិបាលអាស៊ាន បានឯកភាពក្នុងការលើកកម្ពស់ នៃទំនាក់ទំនងភាពជាដៃគូ រវាងអាស៊ាន-អូស្ត្រាលី ឱ្យដល់ភាពជាដៃគូយុទ្ធសាស្ត្រគ្រប់ជ្រុងជ្រោយ ហើយប្រមុខរដ្ឋាភិបាលអាស៊ាន បានស្វាគមន៍អូស្ត្រាលី ក្នុងការបន្តការគាំទ្រតួនាទីស្នូលរបស់អាស៊ាន ជាពិសេសសម្រាប់តំបន់ឥណ្ឌូប៉ាស៊ីហ្វិក ក្នុងនោះ អូស្ត្រាលី ក៏បានផ្តល់ជំនួយជាច្រើន។លោកនាយករដ្ឋមន្ត្រីអូស្ត្រាលី បានចាត់ទុកថា អាស៊ាន ជាតំបន់មួយ ដែលមានពាណិជ្ជកម្មធំជាងគេ សម្រាប់អូស្ត្រាលី។ អ្វីដែលជាយន្តការ ដែលដឹកនាំដោយអាស៊ាន គឺលោកគាំទ្រទាំងស្រុង ជាពិសេសគាំទ្រការកសាងសហគមន៍អាស៊ាន ការធ្វើសមាហរណកម្មអាស៊ាន និងកាត់បន្ថយគម្លាតផ្នែកការអភិវឌ្ឍនៅតំបន់អាស៊ាន។លោកនាយករដ្ឋមន្ត្រី បានបញ្ជាក់ថា អ្វីដែលជានីតិវិធីរបស់អូស្ត្រាលី គឺធ្វើយ៉ាងណាឲ្យចូលរួមដោយវិជ្ជមាន និងដោយស្ថាបនា រវាងអូស្ត្រាលី និងអាស៊ាន។ ជាចុងក្រោយ កិច្ចប្រជុំ ក៏មានការផ្លាស់ប្តូរមតិជុំវិញបញ្ហាតំបន់ ជាពិសេសសមុទ្រចិនខាងត្បូង សភាពការណ៍នៅមីយ៉ាន់ម៉ា និងឧបទ្វីបកូរ៉េ ជាដើម។ នេះបើតាមការបញ្ជាក់របស់ឯកឧត្ដម កៅ គឹមហួន ៕អត្ថបទ៖ មុត សុទ្ធ

បណ្ដាញសង្គម

ព័ត៌មានថ្មីៗ

ពិធីចុះអនុស្សរណៈនៃការយោគយល់គ្នារវាងសាកលវិទ្យាល័យចេនឡា និងសាកលវិទ្យាល័យ Dongshin University នៃសាធារណៈរដ្ឋកូរ៉េ

UN៖ ឧក្រិដ្ឋកម្មសង្រ្គាមទំនងជាបានប្រព្រឹត្តដោយភាគីទាំង ២នៅក្នុងអំពើហិង្សាតំបន់ឆ្នេរប្រទេសស៊ីរី

កង្វះអាំងស៊ុយលីនធ្វើឲ្យអ្នកជំងឺទឹកនោមផ្អែមកុងហ្គោឈឺចាប់នៅតំបន់ភាគខាងកើតដែលញាំញីដោយភ្លើងសង្រ្គាម

រុស្ស៊ី និងអ៊ុយក្រែន ដោះដូរអ្នកទោសម្ខាងៗចំនួន ៨៤នាក់ដូចគ្នា

ក្រុមគ្រូពេទ្យគ្មានព្រំដែន៖ ជំងឺអាសន្នរោគបានសម្លាប់មនុស្ស ៤០នាក់នៅតំបន់ Darfur ប្រទេសស៊ូដង់ ក្នុងរយៈពេល ១សប្តាហ៍

នគរបាលអេស្ប៉ាញ ចាប់ខ្លួនមនុស្ស ៤នាក់ ពាក់ព័ន្ធនឹងចំហេះព្រៃថ្មី

ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានីចូលរួមបរិច្ចាគឈាម ដើម្បីសង្គ្រោះជីវិត

ប្រភព៖ ទួរគីជួយស៊ីរីនូវប្រព័ន្ធអាវុធ និងគ្រឿងយុទ្ធោបករណ៍ ក្រោមកិច្ចព្រមព្រៀងថ្មី

សម្តេចតេជោជួបពិភាក្សាជាមួយអគ្គលេខាធិការមជ្ឈឹមបក្សកុម្មុយនីស្តវៀតណាមតាមរយៈវិដេអូពីចម្ងាយ

មេដឹកនាំបារាំង បញ្ជាក់ថា លោក Trump បើកចំហចំពោះការធានាសន្តិសុខ សម្រាប់អ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍