BTV NEWS

BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់

សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់

ឯកឧត្តម ចាន់ ដារ៉ុង ដឹកនាំគណៈកម្មការអន្តរក្រសួងចុះពិនិត្យវាយតម្លៃបញ្ចប់សុពលភាពការងារថែទាំផ្លូវខួបចំនួន ៣កំណាត់ ក្នុងខេត្តពោធិ៍សាត់

BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យនូវកិច្ចប្រជុំវិសាមញ្ញ នៃគណៈកម្មាធិការព្រំដែនទូទៅកម្ពុជា-ថៃ

នយោបាយ និង ការអភិវឌ្ឍន៍

អាជ្ញាធរកំពុងអន្តរាគមន៍ ខណៈទឹកស្ទឹងព្រែកត្នោតឡើងដល់ចំណុចប្រកាសអាសន្ន

ភ្នំពេញ ៖ ទឹកស្ទឹងព្រែកត្នោត ខណៈនេះបានឡើងដល់ចំណុចប្រកាសអាសន្ន ដែលមានការជនលិចខ្លះក្នុងសង្កាត់មួយចំនួន ក្នុងមូលដ្ឋានខណ្ឌដង្កោ រាជធានីភ្នំពេញ។ ជាការដោះស្រាយនៅថ្ងៃនេះផ្ទាល់គឺ វត្តមានអាជ្ញាធររាជធានីភ្នំពេញ រួមទាំងមានការចូលរួមពីកងកម្លាំងជាច្រើនរយនាក់ និងគ្រឿងចក្រ កំពុងព្យាយាមទប់ទំនប់ កុំឲ្យមានការប៉ះពាល់ធ្ងន់ធ្ងរដល់ប្រជាពលរដ្ឋ។ត្រឹមរយៈពេលប្រមាណពីរថ្ងៃចុងក្រោយនេះ ស្ថានភាពទឹកស្ទឹងព្រែកត្នោត ក្នុងភូមិសាស្ត្ររាជធានីភ្នំពេញ កំពុងហក់ឡើងខ្លាំងបង្កមានការជនលិចខ្លះនៅសង្កាត់មួយចំនួនក្នុងភូមិសាស្ត្រខណ្ឌដង្កោ រាជធានីភ្នំពេញ។ ជាក់ស្ដែងនៅថ្ងៃនេះ វត្តមាន ឯកឧត្តម ឃួង ស្រេង អភិបាលរាជធានីភ្នំពេញ វត្តមានកងកម្លាំងជាច្រើនរយនាក់ និងគ្រឿងចក្រមួយចំនួនកំពុង ព្យាយាមទប់ទំនប់ស្ទឹងព្រែកត្នោត មិនអោយលិចចូលរាជធានីភ្នំពេញ។ជុំវិញវិធានការដោះស្រាយលើបញ្ហានេះ ឯកឧត្តម ឃួង ស្រេង អភិបាលរាជធានីភ្នំពេញ បញ្ជាក់ថា អាជ្ញាធរ និងមន្ត្រីពាក់ព័ន្ធមានការត្រៀមរយៈពេលប្រមាណ ១ខែមកហើយ។ ខណៈនេះ កងកម្លាំង ក៏ដូចជាគ្រឿងចក្រកំពុងព្យាយាមកាយដីទប់ទំនប់ ហើយអាជ្ញាធរក៏បានទាក់ទងទៅ ក្រសួងធនធានទឹកដើម្បីស្វែងរកផ្លូវទឹក បើកវាងមិនឲ្យជន់លិចរាជធានីភ្នំពេញ ដែលអាចប៉ះពាល់ធ្ងន់ធ្ងរដល់សេដ្ឋកិច្ច។យ៉ាងណាម៉ិញ គិតត្រឹមពេលនេះ ឯកឧត្តម អភិបាលរាជធានីភ្នំពេញ ពុំទាន់ហ៊ានអះអាងថា អាចទប់ទឹកស្ទឹងព្រែកត្នោតមិនឲ្យជន់លិចខ្លាំងដូចឆ្នាំមុននោះទេ។ សម្រាប់ប្រជាពលរដ្ឋដែលរស់នៅសង្កាត់ស្ពានថ្ម ខណ្ឌដង្កោ មួយចំនួនបានជន់លិចផ្ទះសម្បែងហើយ ដោយត្រូវរើមកទីទួលទាំងយប់ រីឯអ្នកខ្លះ ក៏បានត្រៀមផងដែរ។ ក្រៅពីការបារម្ភពីសុវត្ថិភាព ពួកគាត់ក៏បារម្ភពី ស្រូវដែលត្រៀមប្រមូលផលផងដែរ ព្រោះបើជន់លិចទប់មិនជាប់ គឺនឹងខាតបង់ច្រើន។គួរបញ្ជាក់ថា បញ្ហាទឹកស្ទឹងព្រែកត្នោតនេះ កាលពីឆ្នាំមុន គឺមានការជន់លិចខ្លាំង ជាពិសេសសម្រាប់សង្កាត់មួយចំនួន ដូចជាសង្កាត់ ស្ពានថ្ម សង្កាត់ទៀន សង្កាត់គងនយ ក្នុងភូមិសាស្ត្រខណ្ឌដង្កោ រាជធានីភ្នំពេញ៕អត្ថបទ៖ គឹមហុក

រដ្ឋសភាសអនុម័តទាំងស្រុងចំពោះវិសោធនកម្មកំណត់សញ្ជាតិខ្មែរតែមួយនៃមេដឹកនាំកំពូលចំនួន៤រូប

ភ្នំពេញ ៖ នៅថ្ងៃនេះរដ្ឋសភាបានសម្រេចអនុម័តទាំងស្រុងចំពោះវិសោធនកម្មច្បាប់ធម្មនុញ្ញ ស្តីអំពីការកំណត់សញ្ជាតិខ្មែរតែមួយរបស់ថ្នាក់ដឹកនាំកំពូលជាតិចំនួន៤រូប សំដៅធានានូវដំណើរការជាប្រក្រតីនៃស្ថាប័នជាតិ។នាព្រឹកថ្ងៃទី២៥ ខែតុលា ឆ្នាំ២០២១ រដ្ឋសភាកម្ពុជា បានបន្តសម័យប្រជុំរដ្ឋសភា លើកទី៦ នីតិកាលទី៦ ក្រោមអធិបតីភាពសម្ដេចអគ្គមហាពញាចក្រី ហេង សំរិន ប្រធានរដ្ឋសភា រួមទាំងវត្តមានរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃកម្ពុជា និងសមាជិក-សមាជិការដ្ឋសភាសរុបចំនួន១១១រូប។ បន្ទាប់ពីពិភាក្សា និងមានមតិពេញមួយព្រឹកក្នុងអង្គរដ្ឋសភា បានសម្រេចអនុម័តទាំងស្រុងចំពោះសេចក្តីព្រាងច្បាប់ធម្មនុញ្ញស្តីពី វិសោធនកម្មមាត្រា១៩ថ្មី មាត្រា៨២ថ្មី មាត្រា១០៦ថ្មី(មួយ) មាត្រា១១៩ថ្មី និងមាត្រា ១៣៧ថ្មី មាត្រា៣ និងមាត្រា៤ នៃច្បាប់ធម្មនុញ្ញជុំវិញការកំណត់សញ្ជាតិខ្មែរតែមួយរបស់ថ្នាក់ដឹកនាំកំពូលជាតិចំនួន៤រូប ដូចជា ប្រធានព្រឹទ្ធសភា ប្រធានរដ្ឋសភា នាយករដ្ឋមន្រ្តី និងប្រធានក្រុមប្រឹក្សាធម្មនុញ្ញ ដើម្បីសំដៅធានានូវដំណើរការជាប្រក្រតីនៃស្ថាប័នជាតិ។ ការសម្រេចអនុម័តរបស់រដ្ឋសភា នៅថ្ងៃនេះ ដោយសំឡេងសមាជិក-សមាជិការដ្ឋសភាចំនួន១១១/១១១សំឡេង។ជាមួយគ្នានោះ មុនអង្គសភាសម្រេចអនុម័តទាំងស្រុង ឯកឧត្តម សេរី កុសល សមាជិកសភា បានសម្តែងមតិគាំទ្រយ៉ាងពេញទំហឹងចំពោះការសម្រេចរបស់សម្តេចតេជោ ហ៊ុន សែន ជុំវិញការកំណត់សញ្ជាតិខ្មែរតែមួយរបស់ថ្នាក់ដឹកនាំកំពូលជាតិចំនួន៤រូប។ ក្នុងនោះ ឯកឧត្តម សេរី កុសល បានថ្លែងទៅកាន់ក្រុមប្រឆាំងអំពីការធ្វើវិសោធនកម្មនេះជាទង្វើបំភ្លៃបំភ័ន្ត និងបំផ្លើស ដើម្បីធ្វើឲ្យប្រជាពលរដ្ឋបំភ្លេចច្បាប់ធម្មនុញ្ញ។ ជាមួយគ្នានោះ ឯកឧត្តម ទី សាគន្ធ សមាជិករដ្ឋសភា ក៏បានសម្តែងការកោតសរសើរចំពោះការរៀបចំវិសោធនកម្មច្បាប់ស្តីពីការកំណត់សញ្ជាតិខ្មែរតែមួយរបស់ថ្នាក់ដឹកនាំកំពូលជាតិទាំង៤រូប ដែលមានសារៈសំខាន់ចំពោះការទទួលខុសត្រូវជោគវាសនាប្រទេសជាតិ ពិសេសនេះជាការរក្សាជំហរការដឹកនាំប្រទេសជាតិដោយមិនក្រោមឥទ្ធិពលពីបរទេស។ គួរបញ្ជាក់ថា គោលបំណងសំខាន់វិសោធនកម្មច្បាប់ធម្មនុញ្ញនេះ សំដៅធានាការពារឯករាជ្យជាតិ អធិបតេយ្យជាតិ និងបូរណភាពទឹកដីនៃព្រះរាជាណាចក្រកម្ពុជា ឧត្តមប្រយោជន៍ជាតិ និងប្រជាជនកម្ពុជា និងប្រឆាំងដាច់ខាតនឹងការជ្រៀតជ្រែកពីបរទេសចូលកិច្ចការផ្ទៃក្នុងជាតិ ឬបង្គាប់បញ្ជាចំពោះគោលនយោបាយជាតិ និងអន្តរជាតិរបស់កម្ពុជាផងដែរ៕អត្ថបទ សេក ឧត្តម

រដ្ឋបាលក្រុង-ខេត្តព្រះសីហនុ នឹងធ្វើការផាកពិន័យប្រជាពលរដ្ឋ ដែលបញ្ចេញសំរាមខុសពេលវេលា

ព្រះសីហនុ៖ នៅទីលានតេជោវិថីតេជោ សង្កាត់លេខ៤ ក្រុង-ខេត្តព្រះសីហនុ ថ្ងៃទី២៣ ខែតុលា ម្សិលមិញ អភិបាលនៃគណៈអភិបាលខេត្តព្រះសីហនុ បានអញ្ជើញបើកយុទ្ធនាការបិទផ្សព្វផ្សាយប័ណ្ណព័ត៌មាន ពីពេលវេលាបញ្ចេញសំរាម និងប្រមូល ដឹកជញ្ជូនសំរាម នៅតាមដងផ្លូវចំនួន ៤៧ខ្សែ ក្នុងក្រុងព្រះសីហនុ។នាពេលកន្លងមក រដ្ឋបាលក្រុងព្រះសីហនុ និងក្រុមហ៊ុនប្រមូល និងដឹកជញ្ជូនសំរាម (KSWM) ដោយមានការអញ្ជើញចូលរួមពីមន្ទីរបរិស្ថាន មន្ទីរសេដ្ឋកិច្ច និងហិរញ្ញវត្ថុ ព្រមទាំងអង្គភាពពាក់ព័ន្ធ បានប្រជុំពិភាក្សាជាច្រើនលើក ដើម្បីឱ្យក្រុមហ៊ុនរៀបចំបង្កើតប័ណ្ណព័ត៌មានផ្សព្វផ្សាយពីពេលវេលាបញ្ចេញប្រមូល និងដឹកជញ្ជូនសំរាមនៅក្នុងក្រុងព្រះសីហនុ ដើម្បីឱ្យប្រជាពលរដ្ឋត្រូវបញ្ចេញសំរាម និងពេលវេលាដែលក្រុមហ៊ុន ត្រូវទៅប្រមូល និងដឹកជញ្ជូនសំរាមនៅក្នុងក្រុងព្រះសីហនុ។ (សម្រាប់លើកទី១ ចំនួន ៤៧ខ្សែផ្លូវ) ដែលជាខ្សែផ្លូវអាទិភាព ក្នុងនោះផ្លូវចំនួន ២៧ខ្សែ (មានប័ណ្ណសម្គាល់ពណ៌ក្រហម) ប្រជាពលរដ្ឋត្រូវបញ្ចេញសំរាមចាប់ពីម៉ោង ៧យប់ ដល់ម៉ោង ៣ភ្លឺ ហើយក្រុមហ៊ុន ត្រូវទៅប្រមូល និងដឹកជញ្ជូនសំរាមចាប់ពីម៉ោង ៣ភ្លឺ ដល់ម៉ោង ៨ព្រឹក។ រីឯផ្លូវចំនួន ២០ខ្សែទៀត (មានប័ណ្ណសម្គាល់ពណ៌ខៀវ) គឺប្រជាពលរដ្ឋត្រូវបញ្ចេញសំរាមចាប់ពីម៉ោង ៧យប់ ដល់ម៉ោង ៣ភ្លឺ ហើយក្រុមហ៊ុនត្រូវទៅប្រមូល និងដឹកជញ្ជូនសំរាមចាប់ពីម៉ោង ៣ភ្លឺ ដល់ម៉ោង១០ព្រឹក។ ក្នុងករណីដែលប្រជាពលរដ្ឋបញ្ចេញសំរាមខុសពេលវេលា ដែលបានកំណត់នៅក្នុងប័ណ្ណព័ត៌មានទាំងពីរពណ៌នេះ នឹងត្រូវផាកពិន័យជាប្រាក់ចាប់ពី ២ម៉ឺនរៀលដល់ ៤០ម៉ឺនរៀល (យោងតាមអនុក្រឹត្យលេខ១១៣) ដោយឡែកក្នុងករណីដែលក្រុមហ៊ុន មិនបានទៅប្រមូល និងដឹកជញ្ជូនសំរាមតាមពេលវេលា ដែលបានកំណត់ក្នុងប័ណ្ណព័ត៌មានទាំង ពីរពណ៌នេះ ក្រុមហ៊ុន នឹងត្រូវទទួលការពិន័យដូចមានចែងក្នុងកិច្ចសន្យារបស់រដ្ឋបាលក្រុងព្រះសីហនុ។ លោក អ៊ី សុខឡេង អភិបាលក្រុងព្រះសីហនុ បានលើកឡើងបែបនេះ ។ក្នុងឱកាសនោះ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានលើកឡងថា ដើម្បីបញ្ចប់សំរាមនៅក្នុងក្រុងព្រះសីហនុ ដោយសារកន្លងមកសំរាមមានការកកស្ទះនៅក្រុងព្រះសីហនុ អ្នកបញ្ចេញសំរាមមានចំនួនច្រើន និងការប្រមូលមិនទាន់ទាន់ឆ្លើយតប។ បច្ចុប្បន្នការកកស្ទះសំរាមនៅសល់តែតំបន់ទំនប់រលកប៉ុណ្ណោះ ដោយសារការបញ្ចេញសំរាមមានទាំងនៅលើគោក និងសំរាមមកពីតំបន់កោះ។ រដ្ឋបាលក្រុងព្រះសីហនុ បានទទួលសិទ្ធិពីរាជរដ្ឋាភិបាល និងក្រសួងស្ថាប័នពាក់ព័ន្ធតាមខ្លឹមសារអនុក្រឹត្យលេខ១១៣ ដោយរៀបចំកម្មវិធីប្រមូលសំរាម និងសកម្មភាពដឹកជញ្ជូនសំរាមចេញពីក្រុងព្រះសីហនុ។ឯកឧត្តម បានបន្តថា យុទ្ធនាការថ្ងៃនេះ និងឈានទៅធ្វើការផាកពិន័យ ប្រសិនបើបងប្អូនប្រជាពលរដ្ឋ អ្នកបង្កើតសំរាមមិនបានចូលរួមសហការជាមួយរដ្ឋបាលក្រុងព្រះសីហនុ និងក្រុមហ៊ុនប្រមូល និងដឹកជញ្ជូនសំរាម។ ទន្ទឹមនោះរដ្ឋបាលក្រុង ក៏ត្រូវធ្វើការអប់រំផ្សព្វផ្សាយដល់អ្នកបង្កើតសំរាមឱ្យបានទូលំទូលាយនូវព័ត៌មាន និង ខ្លឹមសារនៃការផាកពិន័យ ដើម្បីទីក្រុងស្អាត មានបរិស្ថានល្អ ប្រកបដោយផាសុកភាព និងសុខុមាលភាព។ ខេត្តព្រះសីហនុ ត្រូវបានរាជរដ្ឋាភិបាលកំណត់ជាតំបន់សេដ្ឋកិច្ចពិសេសគំរូពហុបំណង ដែលមានសក្តានុពលឆ្នេរខ្សាច់សស្អាត ជាតារារៈនាទិសនារតី ហើយភាពស្អាតនេះ គឺជាការទាក់ទាញអ្នកទេសចរ និងអ្នកវិនិយោគមកកាន់ខេត្ត និងផ្តល់ការងារជូនប្រជាពលរដ្ឋ បង្កើនជីវភាពកាន់តែល្អប្រសើរ ដូច្នេះត្រូវតែធានាភាពស្អាតសម្រាប់ក្រុង-ខេត្តទាំងអស់គ្នា៕អត្ថបទ ៖ ប៊ុនថា

កម្ពុជាត្រៀមខ្លួនរួចជាស្រេច សម្រាប់ធ្វើជាម្ចាស់ផ្ទះលើកទី២ នៃកិច្ចប្រជុំរដ្ឋមន្រ្តីក្រសួងការពារជាតិអាស៊ាន

ភ្នំពេញ ៖ ក្រសួងការពារជាតិកម្ពុជា បានត្រៀមខ្លួនរួចជាស្រេចសម្រាប់ធ្វើជាម្ចាស់ផ្ទះលើកទី២ នៃកិច្ចប្រជុំរដ្ឋមន្រ្តី ការពារជាតិអាស៊ានឆ្នាំ២០២២ (ADMM 2022) ដែលនឹងប្រព្រឹត្តិទៅ ក្នុងឆ្នាំ២០២២ខាងមុខនេះ ទាំងការធ្វើចំពោះមុខ និងកិច្ចប្រជុំតាមរយៈវិដេអូពីចម្ងាយ ខណៈកិច្ចប្រជុំនេះ នឹងផ្តល់ឱកាសឲ្យកងយោធពលខេរមភូមិន្ទ បង្ហាញនូវកិត្យានុភាពរបស់ខ្លួន ទៅកាន់មជ្ឈភាពអាស៊ាន ក៏ដូចជាពិភពលោកទាំងមូល។នៅសល់តែប៉ុន្មានខែទៀតប៉ុណ្ណោះ ប្រទេសកម្ពុជានឹងចាប់ផ្តើមតួនាទីជាប្រធានប្តូរវេនរបស់អាស៊ាន ហើយក្រសួងការពារជាតិ និងអគ្គបញ្ជាការដ្ឋាន នឹងត្រូវអនុវត្តតួនាទីធ្វើជាម្ចាស់ផ្ទះរៀបចំកិច្ចប្រជុំ ADMM និងកិច្ចប្រជុំពាក់ព័ន្ធសន្តិសុខមួយចំនួនទៀតនេះឲ្យកាន់តែល្អប្រសើ និងការទទួលខុសត្រូវបំផុត ដើម្បីធ្វើយ៉ាងឲ្យកិច្ចប្រជុំនេះ ទទួលបានជោគជ័យនិងជាទីមោទន ក្រោមមូលបទ«សាមគ្គីភាពដើម្បីសន្តិសុខ ប្រកបដោយភាពសុខដុម»នោះ។ថ្លែងតាមរយៈវិដេអូពីចម្ងាយ នៅក្នុងពិធីផ្សព្វផ្សាយខ្លឹមសារនៃកិច្ចប្រជុំរដ្ឋមន្រ្តីការពារជាតិអាស៊ាន និងកិច្ចប្រជុំពាក់ព័ន្ធ ឆ្នាំ២០២២ នាព្រឹកថ្ងៃទី២២ ខែតុលា ឆ្នាំ២០២២នេះនៅរាជធានីភ្នំពេញ សម្តេច ពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ និងជាប្រធានគណៈកម្មការ ADMM បានលើកឡើងថា នេះគឺជាលើកទី២ហើយដែលក្រសួងការពារជាតិកម្ពុជា ទទួលតួនាទីជាម្ចាស់ផ្ទះរៀបចំ កិច្ចប្រជុំ ADMM និងកិច្ចប្រជុំផ្សេងៗទៀតបន្ទាប់ពីកិច្ចប្រជុំលើកទី១ បានប្រព្រឹត្តិទៅកាលពីឆ្នាំ២០១២ កន្លងទៅនោះ។សម្តេចពិជ័យសេនា ទៀ បាញ់ បានលើកឡើងទៀតថា ព្រឹត្តិការណ៍ដ៏ប្រវត្តិសាស្រ្តនេះ ផ្តល់ឱកាស សម្រាប់ក្រសួងការពារជាតិ ក៏ដូចជាកងយោធពលខេមរភូមិន្ទទាំងមូល ក្នុងការបង្ហាញកិត្យានុភាព និងសមត្ថភាពនៃការត្រួសត្រាយផ្លូវ ដើម្បីរក្សាបាននូវឯកភាព សាមគ្គីភាព ភាពធន់ និងមជ្ឈភាពអាស៊ាន ជាដើមនោះ។ សម្តេចពិជ័យ បានបន្ថែមទៀតថា កិច្ចប្រជុំ ADMMនេះគឺមានសារៈសំខាន់ណាស់ក្នុងការ បញ្ជ្រាបការយល់ដឹង ឲ្យកាន់តែស៊ីជម្រៅថែមទៀត អំពីតួនាទីជាប្រវត្តិសាស្រ្តរបស់ក្រសួងការពារជាតិ ក្នុងការដឹកនាំកិច្ចប្រជុំថ្នាក់តំបន់ និងគោលដៅចម្បង ដែលកម្ពុជាចង់សម្រេចបានក្នុងនាមជាប្រធានអាស៊ាន សម្រាប់ជាផលប្រយោជន៍របស់កម្ពុជាផង និងជាផលប្រយោជន៍រួមសម្រាប់ប្រជាជននៃតំបន់អាស៊ានទាំងមូលផង។ទាក់ទងនឹងកិច្ចប្រជុំនេះដែរ នាយឧត្តមសេនីយ៍ ណឹម សុវត្ថិ អគ្គនាយកអគ្គនាយកដ្ឋាននយោបាយ និងកិច្ចការបរទេស និងជាប្រធានក្រុមការងារអនុវត្តគណៈកម្មការខ្លឹមសារ និងឯកសារ បានថ្លែងថា គោលដៅនៃកិច្ចប្រជុំក្រោមមូលបទ«សាមគ្គីភាពដើម្បីសន្តិ សុខ ប្រកបដោយភាពសុខដុម» នេះគឺសំដៅ ស្វែងរកការឯកភាពគ្នាជាធ្លុងមួយក្នុងចំណោមបណ្តាប្រទេសអាស៊ាន ឆ្ពោះទៅរកកិច្ចសហប្រតិបត្តិការ ដើម្បីសន្តិភាព ដោយត្រូវបន្តប្រកាន់ខ្ជាប់នូវគោលការណ៍នៃដំណោះស្រាយភាពខ្វែងគ្នាដោយសន្តិវិធី និងកិច្ចសហប្រតិបត្តិការនៅអាស៊ីអាគ្នេយ៍(TAC)។នៅក្នុងកិច្ចជុំរដ្ឋមន្រ្តីការពារជាតិអាស៊ាន ដែលកម្ពុជាធ្វើជាម្ចាស់ផ្ទះនេះ ក្រសួងការពារជាតិ កម្ពុជា នឹងធ្វើបទបង្ហាញនូវភាពជោគជ័យរបស់ខ្លួន ក្នុងវិស័យការពារជាតិ វិស័យសន្តិសុខ និងការចូលរួមនូវកិច្ចសហប្រតិបត្តិការផ្នែកយោធាជាមួយអង្គការសហប្រជាជាតិ លើសកម្មភាពមនុស្សធម៌ ក៏ដូចជាគោលនយោបាយឈ្នះ ឈ្នះ របស់រាជរដ្ឋាភិបាលកម្ពុជាដែលបានធ្វើឲ្យប្រទេសមានសុខសន្តិភាព និងការអភិវឌ្ឍ រហូតដល់សព្វថ្ងៃនេះផងដែរ។ សូមបញ្ជាក់ថា នៅក្នុងកិច្ចប្រជុំ ADMM កម្ពុជានឹងខិតខំជំរុញកិច្ចសហប្រតិបត្តិការតំបន់ ក្នុងការ ដោះស្រាយបញ្ហាប្រឈម ដែលបង្កឡើងដោយគ្រោះមហន្តរាយ បញ្ហាភូមិសាស្រ្តនយោបាយ និងជំងឺរាតត្បាតសកលជាពិសេសគឺមេរោគកូវីដ១៩នេះតែម្តង៕អត្ថបទ បាន ចក់

សម្តេចតេជោ ៖ ស្ថានភាពប្រទេសល្អប្រសើរហើយ នឹងប្រារព្ធកម្មវិធីនានាឡើងវិញ

ភ្នំពេញ ៖ ក្នុងកិច្ចប្រជុំពេញអង្គគណៈរដ្ឋមន្ត្រី នៅព្រឹកថ្ងៃទី២២ ខែតុលានេះ សម្តេចតេជោ ហ៊ុន សែន នាយករដ្ឋមន្ដ្រី បានមានប្រសាសន៍ថា ស្ថានភាពប្រទេសរបស់យើងល្អប្រសើរហើយ នឹងប្រារព្ធកម្មវិធី និងសម្ពោធសមិទ្ធផលនានាឡើងវិញ ចាប់ពីខែវិច្ឆិកាតទៅ។សម្តេច បានមានប្រសាសន៍ថា ក្នុងសប្តាហ៍នេះ គឺមានកិច្ចការច្រើន ហើយអាទិត្យក្រោយនេះ ជាមួយនឹងការប្រជុំសភា ដើម្បីឆ្លងការធ្វើពិសោធនកម្មរដ្ឋធម្មនុញ្ញ ការបោះឆ្នោត បំពេញបន្ថែម សមាជិករាជរដ្ឋាភិបាល យើងនឹងមានការប្រជុំអាស៊ានចំនួន៣ថ្ងៃ ហើយដែលពេលនោះកម្ពុជា នឹងទទួលញញួរជាប្រធានអាស៊ានផង ហើយបើតាមដឹងញញួរនេះ បានដឹកមកដល់ទីក្រុងភ្នំពេញហើយ ។ ក្រៅពីធ្វើជាប្រធានអាស៊ានរបស់កម្ពុជា ឆ្នាំ២០២២នោះចូលដល់ខែវិច្ឆិកា យើងនឹងមានកិច្ចការបន្តទៀត ។សម្តេចបន្តថា នឹងបន្តធ្វើការសម្ពោធ កម្មវិធីដែលយើងលុបចោលមួយចំនួនកន្លងទៅគឺយើងអាចរៀបចំឡើងវិញ ដើម្បីឲ្យដំណើរការ ការងារធម្មតា។ ជាមួយនឹងការបើកឲ្យដំណើរការ ដូចដែលឯកឧត្តម ហង់ជួន ណារ៉ុន បានប្រកាសចាប់ពីខែវិច្ឆិកា ទៅសាលានឹងបើកជាទូទៅតែម្តង ។បើធ្វើមិនបានជាទូទៅទេ ការស្លាប់ ដោយសារសេដ្ឋកិច្ចគឺវាពិបាកជាងស្លាប់ដោយសារកូវីដទៅទៀត ប៉ុន្តែឥឡូវនេះ យើងបានឃើញស្ថានភាពថយចុះនៃប្រទេសរបស់យើង លើបញ្ហាកូវីដហើយសម្ដេចក៏បានស្នើឲ្យឯកឧត្តម ថោង ខុន ពិនិត្យមើលពីការបើកទេសចរណ៍ព្រោះសម្ដេចថា បានទទួលបញ្ជីពីរដ្ឋលេខាធិការក្រសួងទេសចរណ៍ ដែលថា ខាងថៃបានដាក់ចេញនូវបញ្ជីមួយដែលមាន៤៦ ប្រទេស ហើយក្នុង៤៦ប្រទេសនោះ មានកម្ពុជាផងដែរ ដែលក្នុងប្រទេសអាស៊ានមានប្រទេសបីគឺមានកម្ពុជា សាំងហ្កាពួរ ម៉ាឡេស៊ី ដែលថៃអនុញ្ញាតឱ្យការចេញចូលប្រទេសថៃបាន ដោយមិនធ្វើចត្តាឡីស័ក ។បើសិនជាយ៉ាងដូច្នេះមែន គឺយើងអាចនឹងចាប់យកនូវវិធានការបដិកាជាមួយនឹងថៃវិញ ដូច្នេះហើយយើងចាប់ផ្ដើមបើកការហោះហើរ ដោយទម្លាយទេសចរណ៍ថៃ អ្នកវិនិយោគថៃ មកកម្ពុជាផង និងទេសចរពីប្រទេសដទៃក្នុងប្រទេសថៃ អាចឆ្លងមកទស្សនកិច្ចនៅប្រទេសកម្ពុជា ។ដូច្នេះសូមពិចារណាមើលពីបញ្ហានេះ គឺយើងចាប់យកឱកាស ដែលមាន ហើយត្រូវពិនិត្យមើលពីលទ្ធភាពនៃការបើកឡើងវិញនូវផ្លូវអាកាសជាមួយនឹងគូឡាឡាំពួ ដោយសហការលើចំណុចណាមួយ មកកម្ពុជាផងដែរ ព្រោះយើងបានធ្វើការគ្រប់គ្រងយ៉ាងល្អប្រសើរសម្រាប់ព្រលានយន្តហោះរបស់យើងហើយក៏បានកាត់បន្ថយ ហើយលើសពីនេះ ការធ្វើចត្តាឡីស័កដែលជាផ្នែកនៃការទាក់ទាញហើយ នឹងឈានទៅដល់ការរៀបចំបើកឡើងវិញនូវទេសចរណ៍សុវត្ថិភាពគឺទេសចរណ៍វ៉ាក់សាំង៕អត្ថបទ មុត សុទ្ធ

កម្ពុជានឹងធ្វើបដិកាឱ្យប្រជាជនថៃចូលខ្មែរ ដោយមិនធ្វើចត្តាឡីស័ក ខណៈថៃឱ្យខ្មែរចូលដោយមិនធ្វើចត្តាឡីស័ក

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តី បានមានប្រសាសន៍ថា កម្ពុជាយើងនឹងធ្វើបដិកាត្រឡប់ទៅវិញ ឱ្យប្រជាជនថៃ ចូលខ្មែរដោយមិនធ្វើចត្តាឡីស័ក ខណៈថៃឱ្យខ្មែរចូលដោយមិនធ្វើចត្តាឡីស័ក នៅពេលខាងមុខនេះ។សម្តេចតេជោ ប្រមុខរាជរដ្ឋាភិបាល បានមានប្រសាសន៍យ៉ាងដូច្នេះ ខណៈអញ្ជើញដឹកនាំបើកកិច្ចប្រជុំពេញអង្គ គណៈរដ្ឋមន្ត្រីនៅវិមានសន្តិភាពទីស្តីការនាយករដ្ឋមន្ត្រី នាព្រឹកថ្ងៃទី២២ តុលា ដើម្បីពិភាក្សា និងឆ្លងសេចក្តីព្រាងច្បាប់ហិរញ្ញវត្ថុសម្រាប់ការគ្រប់គ្រងឆ្នាំ២០២២ និងការទូទាត់ថវិកាទូទៅរបស់រដ្ឋសម្រាប់ការគ្រប់គ្រង ឆ្នាំ២០២០។សម្តេច បានមានប្រសាសន៍យ៉ាងដូច្នេះថា ឥឡូវនេះយើងចាប់ផ្តើមធ្វើការផ្ទាល់ហើយទោះបីស្ថានភាពឆ្លងកូវីដនៅបន្តកើតមាន ទាំងនៅក្នុងប្រទេស និងក្នុងតំបន់ ជាពិសេសការបើកសេដ្ឋកិច្ចទេសចរណ៍នៅប្រទេសថៃឡើងវិញ ដែលអនុញ្ញាតឱ្យប្រទេសមួយចំនួនចូលដោយមិនចាំបាច់ធ្វើចត្តសឡីស័ក ដែលមានទាំងកម្ពុជាផងនោះ សម្តេចថា នឹងធ្វើបដិកាត្រឡប់ទៅថៃវិញដូចគ្នា។សូមបញ្ជាក់ថា កិច្ចប្រជុំពេញអង្គ គណៈរដ្ឋមន្ត្រីនៅសប្តាហ៍នេះ របៀបវារៈដែលបានលើកយកមកពិភាក្សា និងឆ្លងរួមមាន ៖១-សេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២២។ ២-សេចក្តីព្រាងច្បាប់ស្តីពីការទូទាត់ថវិកាទូទៅរបស់រដ្ឋសម្រាប់ការគ្រប់គ្រងឆ្នាំ២០២០។ ៣-បញ្ហាផ្សេងៗ ៖ សំណើសុំការយល់ព្រមពីគណៈរដ្ឋមន្ត្រី ដើម្បីសុំការអនុម័តពីស្ថាប័ននីតិប្បញ្ញត្តិលើសេចក្ដី ព្រាងច្បាប់ស្តីពីការអនុម័តយល់ព្រមលើពិធីសារអាស៊ានស្តីពីការពង្រឹងយន្តការដោះស្រាយវិវាទ៕អត្ថបទ មុត សុទ្ធ

កម្រិតទឹកនៅតំបន់អភិរក្សបឹងព្រែកល្ពៅទាប កំពុងបង្កក្ដីបារម្ភនៃការប៉ះពាល់ដល់ចំណីសត្វក្រៀល

តាកែវ ៖ មន្ត្រីបរិស្ថាន ខេត្តតាកែវ បានសំដែងនូវការព្រួយបារម្ភចំពោះស្ថានភាពទឹក ដែលមានកម្រិតទាបនៅឆ្នាំនេះ ដែលនាំឱ្យមានការប៉ះពាល់ដល់ការរស់នៅរបស់សត្វ នៅតំបន់អភិរក្សបឹងព្រែកល្ពៅ ដែលមានសត្វជាច្រើនប្រភេទ ជាពិសេស សត្វគ្រៀល។លោក ឆយ មុនលី ប្រធានមន្ទីរបរិស្ថាន ខេត្តតាកែវ បានប្រាប់BTVថា រហូតមកដល់ពេលនេះ តំបន់ការពារអភិរក្សបឹងព្រែកល្ពៅ មិនទាន់ទទួលបានទឹកគ្រប់គ្រាន់នៅឡើយទេ បើប្រៀបធៀបទៅនឹងឆ្នាំមុន ម្យ៉ាងទៀត ទឹកដែលហូរចូលមកតំបន់នេះ ក៏ឆាប់ស្រកទៅវិញផងដែរ ដែលនាំមានការប៉ះពាល់ដល់ ការរស់នៅរបស់សត្វ ជាពិសេសការរកចំណីរបស់សត្វក្រៀល ដែលជាសត្វកម្រ ហើយស្ថានភាពនេះ អាចធ្វើឱ្យវាធ្វើការបន្លាស់ទីទៅតំបន់ផ្សេង។លោក បានឱ្យដឹងទៀតថា បច្ចុប្បន្ន មន្រ្តីបរិស្ថាន បានកំពុងតែសហការជាមួយសហគមន៍ និងអង្គ ការដៃគូនានា ធ្វើសកម្មភាពជាច្រើននៅតំបន់ការពារអភរិក្សបឹងព្រែកល្ពៅ ដើម្បីសម្រួលដល់ការរស់នៅរបស់សត្វ ពិសេសគឺការដាំដើមរាំងនៅព្រៃលិចទឹក បានជាង១ម៉ឺនដើម និងបានជីកស្រះទំហំមួយហិកតា សម្រាប់ទុកឱ្យសត្វផឹក។អង្គការជីវិតសត្វស្លាប (Bird Life) បានបញ្ជាក់ដែរថា អាងគ្រប់គ្រងទឹកនៅតំបន់ ការពារទេស ភាពបឹងព្រែកល្ពៅ ដែលស្ថិតនៅក្នុងស្រុកបូរីជលសារ និងស្រុកកោះអណ្តែត ខេត្តតាកែវ ពុំទាន់បានទទួល របបទឹកគ្រប់គ្រាន់នៅឡើយ បើប្រៀបធៀបនឹងឆ្នាំកន្លងមក។ កម្ពស់ទឹក បានធ្លាក់ចុះពីមួយឆ្នាំទៅមួយឆ្នាំ ទឹកពន្យារពេលក្នុងការជន់លិច និងស្រកទៅវិញឆាប់រហ័ស ដែលបាននឹងកំពុងធ្វើឱ្យមានផលប៉ះពាល់ ចំពោះតំបន់ដីសើមមួយនេះ។អង្គការ Bird Life បានបញ្ជាក់ទៀតថា កាលណាទឹកតិច ការរក្សារទឹកទុកសម្រាប់សត្វក្រៀល និង សត្វស្លាបផ្សេងទៀត រកចំណី នៅរដូវប្រាំង នឹងជួបហានិភ័យ ដោយសារតំបន់ទាំងមូល នឹងឆាប់ស្ងួតហួតហែង ដែលធ្វើឱ្យសត្វក្រៀលឆាប់ផ្លាស់ទីចេញពីតំបន់ទេសភាពបឹងព្រែកល្ពៅនេះ៕អត្ថបទ៖ គុជ វិភាគ

ប្រជាពលរដ្ឋនៅក្នុងស្រុកសេសាន បានទទួលរងផលប៉ះពាល់ពីជំនន់ទឹកភ្លៀង

ស្ទឹងត្រែង ៖ ទឹកជំនន់បានជន់លិច ផ្លូវ ស្ពាន លូរួមទាំងផលដំណាំ និងលំនៅឋានប្រជាពលរដ្ឋជាង ១០០គ្រួសារ នៅក្នុងស្រុកសេសានខេត្តស្ទឹងត្រែង។ក្នុងរយះពេលប៉ុន្មានថ្ងៃចុងក្រោយនេះ នៅក្នុងភូមិសាស្រ្តនៃខេត្តស្ទឹងត្រែង មានភ្លៀងធ្លាក់ទាំងថ្ងៃ ទាំងយប់បានបង្កឲ្យទឹកនៅតាមដងទន្លេបានហក់ឡើងយ៉ាងខ្លាំង រហូតមានការជន់លិចលំនៅឋាន ផ្លូវថ្នល់ ស្ពាន និងស្រែចម្ការរបស់ប្រជាពលរដ្ឋរាប់រយហិកតា ហើយរដ្ឋបាលខេត្តបានចេញសេចក្ដីណែនាំឲ្យតាមបណ្ដាលស្រុកទាំងអស់ក្នុងខេត្តស្ទឹងត្រែង ត្រៀមទីទួលសុវត្ថិភាពនិងឧបករណ៍ សម្រាបជួយដល់ពលរដ្ឋ តាំងពីខេកក្កដា២០២១មកម្លេះ។យោងតាមការបញ្ជាក់ពីលោក ម៉ែនគង់ នាយករងរដ្ឋបាលសាលាខេត្តស្ទឹងត្រែង និងជាគណៈកម្មការគ្រប់គ្រងគ្រោះមហន្តរាយ បានឲ្យដឹងថា ដោយស្ថានភាពអាកាសធាតុមានភ្លៀងធ្លាក់ច្រើន បង្កឲ្យទឹកនៅតាមដងទន្លេមានការហក់ឡើងយ៉ាងខ្លាំង និងជន់លិចលិចក្នុងតំបន់ទំនាបមួយចំនួននៅក្នុងភូមិសាស្ត្រស្រុកសេសាន។លោក សុវណ្ណ ពិសេដ្ឋ អភិបាលស្រុកសេសាន បានឲ្យដឹងថា ជំនន់ទឹកភ្លៀង បានជន់លិចក្នុងស្រុកសេសាន មានឃុំចំនួន៥ និងភូមិចំនួន៩ ដែលទទួលរងផលប៉ះពាល់ពីការជន់លិច ។លោកបន្ដថា ក្នុងឃុំទាំង៥នេ មានឃុំចំនួន២ដែលទទួលរងផលប៉ះពាល់ច្រើនភូមិ ទីមួយ ឃុំតាឡាត មាន៤ភូមិ ទីពីរ ឃុំភ្លុក មាន២ភូមិ ។ ហើយផលប៉ះពាល់នៃគ្រោះមហន្ដរាយនេះ បានវាយប្រហារទៅលើផ្លូវក្រាលគ្រោះក្រហមប្រវែង៤២៥៥ម៉ែត្រ ស្ពាន ចំនួន១០កន្លែង លូ ចំនួន៩ ផ្ទះ ជន់លិចចំនួន៣១ខ្នង សាលារៀនមួយកន្លែង រងផលប៉ះពាល់ប្រជាពលរដ្ឋ១១៦គ្រួសារ ស្រែស្រូវ ចំនួ១៣០ហិកតា ចម្ការ ចំនួន៤៤ហិកតា និងដំណាំរួមផ្សំ ចំនួន១៤ហិកតា។លោក ប៉ាង ប៉េង ប្រធានមន្ទីរធនធានទឹក បានឲ្យដឹងថា ទឹកជំនន់នេះដោយសារតែនៅប៉ែកខាងលើ ដូចជា នៅប្រទេសឡាវ វៀតណាម ចិន ថៃជាដើមមានទទួលឥទ្ធិពលផ្ទៃរងទឹកភ្លៀងច្រើន ហើយបានជះឥទ្ធិពលមកលើប្រទេសកម្ពុជានៅតាមតំបន់វាលទំនាបមួយចំនួន ជាពិសេសខេត្ត ស្ទឹងត្រែងក្នុងរយះពេលចុងក្រោយនេះមានភ្លៀងធ្លាក់ទាំងថ្ងៃទាំងយប់ បង្កឲ្យមានការហក់ឡើងនៅកម្ពស់ទឹកតាមដងទន្លេ និងមានការជន់លិចផលដំណាំ ផ្លូវថ្នល់ ស្ពាន លូនិងលំនៅឋានរបស់ប្រជាពលរដ្ឋជាច្រើនគ្រួសារ។លោក បញ្ជាក់ថា ស្ថានភាពទឹកនៅដងទន្លេមានការហក់ឡើងខ្លាំងនៅថ្ងៃទី២០ខែតុលាម្សិលមិញ តែនៅព្រឹកថ្ងៃទី២១ ខែតុលា ២០២១នេះ ទឹកមានស្ថានភាពថមថយវិញហើយ សម្រាប់កម្ពស់ទឹកនៅដងទន្លេមេគង្គនៅព្រឹកថ្ងៃទី២១ មានកម្ពស់៨ម៉ែត្រ២០ ដោយឡែកនៅព្រឹកថ្ងៃ២១នេះ ទឹកបានស្រកនៅត្រឹមកម្ពស់៨ម៉ែត្រ១០ ទន្លេ សេសាន នៅព្រឹកថ្ងៃទី២០ ទឹកមានកម្ពស់ ៩ម៉ែត្រ៩០ នៅព្រឹកថ្ងៃទី២១នេះ ទឹកស្រកនៅត្រឹមកម្ពស់៩ម៉ែត្រ៥០ គឺស្រក ០ម៉ែត្រ៤០ ទន្លេសេកុង នៅព្រឹកថ្ងៃទី២០ទឹកមានកម្ពស់ ១១ម៉ែត្រ១២។ ដោយឡែកនៅព្រឹកថ្ងៃទី២១នេះ ទឹកបានស្រកបន្តិចនៅត្រឹមកម្ពស់១០ម៉ែត្រ៩៨ គឺស្រក០ម៉ែត្រ១៤។សូមបញ្ជាក់ថា ទឹកទន្លេមេគង្គ កម្រឹត ប្រកាសឲ្យប្រុងប្រយ័ត្ន មានកម្ពស់ ១០ម៉ែត្រ៧០ ទន្លេសេសាន ១០ម៉ែត្រ៥០ ទន្លេ សេកុង ១១ម៉ែត្រ៥០៕អត្ថបទ ៖ មាស ផល្លារ

មន្រ្តីធនធានទឹកខេត្តឧត្ដរមានជ័យ អំពាវនាវឱ្យពលរដ្ឋរស់នៅក្បែរអាងស្តុកទឹកបង្កើនការប្រុងប្រយ័ត្ន

ឧត្ដរមានជ័យ ៖ មន្ត្រីធនធានទឹក ខេត្តឧត្ដរមានជ័យ បានជូនដំណឹងដល់ប្រជាពលរដ្ឋ ដែលកំពុងរស់នៅក្បែរអាង ស្តុកទឹកនានា ត្រូវមានការប្រុងប្រយ័ត្ន ព្រោះទឹកអាចហៀរចេញពីអាងទំនប់គ្រប់ពេល ដោយសារទឹក ពេញទំនប់ទាំងអស់។លោក ញឺន កួន ប្រធានមន្ទីរធនធានទឹក និងឧត្តុនិយម ខេត្តឧត្តរមានជ័យ បានឱ្យដឹងថា មួយរយៈ ក្រោយនេះ ដោយសារបម្រែបម្រួលអាកាសធាតុ ភ្លៀងបានធ្លាក់ជាប់ជានិច្ច ។បណ្តាអាងស្តុកទឹកនានា កំពុងតែមានទឹកពេញប្រៀប ហើយអាចនឹងជន់លិចតំបន់ក្បែរខាងអាងនៅពេលណាមួយមិនទៀង ដូច្នេះ ប្រជាពលរដ្ឋ ដែលមានលំនៅឋានក្បែរតំបន់អាងស្តុកទឹកទាំងនេះ ត្រូវបង្កើនការប្រុងប្រយ័ត្ន ។លោកបានបញ្ជាក់ថា ដើម្បីបង្ការគ្រោះមហន្តរាយដោយសារទឹកជំនន់ ក្រុមការងារជំនាញ និង អាជ្ញាធរខេត្ត រួមទាំងកម្លាំងមានសមត្ថកិច្ច បានត្រៀមលក្ខណៈរួចជាស្រេច ក្នុងការជួយអន្តរាគមន៍ សង្រ្គោះបន្ទាន់ដល់ប្រជាពលរដ្ឋ នៅតាមបណ្តាមូលដ្ឋាននានា ដែលអាច នឹងមានបញ្ហាជំនន់ទឹកភ្លៀង៕អត្ថបទ៖ ឃិន សារិទ្ធ

ក្រសួងទេសចរណ៍ អនុញ្ញាតឲ្យគ្រឹះស្ថានអប់រំវិជ្ជាជីវៈទេសចរណ៍បើកឡើងវិញប៉ុន្តែត្រូវអនុវត្តតាមស្តង់ដារ SOP

ភ្នំពេញ ៖ នៅពេលនេះក្រសួងទេសចរណ៍បានប្រកាសអនុញ្ញាតឲ្យគ្រឹះស្ថានអប់រំជំនាញវិជ្ជាជីវៈទេសចរណ៍នានា បើកដំណើរការឡើងវិញ ដោយត្រូវអនុវត្តតាមស្តង់ដារ SOP ឬហៅ នីតិវិធីប្រតិបត្តិស្តង់ដារសម្រាប់ការបើកគ្រឹះស្ថានអប់រំទេសចរណ៍ឡើងវិញ ។ សម្រាប់ការបើកគ្រឹះស្ថានអប់រំជំនាញទេសចរណ៍ឡើងវិញនេះ ក្រសួងទេសចរណ៍ បានតម្រូវឱ្យគណៈគ្រប់គ្រងសាលា ត្រូវទៅស្នើសុំមន្ត្រីជំនាញក្រសួងចុះត្រួតពិនិត្យ វាយតំលៃត្រឹមត្រូវ មុនការបើកដំណើរឡើងវិញ។បើតាមលោក មាន វណ្ណដេត ប្រធាននាយកដ្ឋានបណ្ដុះបណ្ដាជំនាញវិជ្ជាជីវៈទេសចរណ៍ នៃក្រសួងទេសចរណ៍ ថ្លែងថា នៅពេលនេះ ក្រសួងទេសចរណ៍បានអនុញ្ញាតអោយគណៈគ្រប់គ្រងនៃគ្រឹះស្ថានអប់រំបណ្តុះបណ្តាលជំនាញវិជ្ជាជីវៈទេសចរណ៍ សាលាបណ្តុះបណ្តាលជំនាញវិជ្ជាជីវៈទេសចរណ៍ និងមជ្ឈមណ្ឌលវាយតំលៃ ដែលស្ថិតក្រោមឱវាទក្រសួងទេសចរណ៍ទូទាំងប្រទេស បើកដំណើរការឡើងវិញ នៅក្នុងភូមិសាស្ត្ររាជធានី ខេត្តនានា ដែលមានហានិភ័យទាបនៃការរាតត្បាតមេរោគកូវីដ១៩។សម្រាប់ការបើកសាលានេះ ក្រសួងទេសចរណ៍បានតម្រូវអោយគណៈគ្រប់គ្រងសាលាត្រូវស្នើសុំមន្ត្រីជំនាញក្រសួងទេសចរណ៍ចុះត្រួតពិនិត្យ វាយតំលៃទីតាំងសាលាឲ្យបានត្រឹមត្រូវ ចៀសវាងការបង្កហានិភ័យរាតត្បាតកូវីដ១៩ ដោយឡែកសម្រាប់សាលាដែលមិនទាន់បានស្នើសុំក្រសួងចុះត្រួតពិនិត្យវាយតំលៃការរៀបចំសាលាទេ គឺយើងមិនទាន់អនុញ្ញាតឱ្យបើកនោះទេ។ ការថ្លែងដូច្នេះរបស់ លោក មាន វណ្ណដេត ក្នុងឱកាសចុះត្រួតពិនិត្យ វាយតំលៃវិទ្យាស្ថានម្ហូបអាហារ ACAC (អាកាក់) នៅរាជធានីភ្នំពេញថ្ងៃទី២១ ខែតុលា ឆ្នាំ២០២១នេះ។លោក មាន វណ្ណដេត បញ្ជាក់ថា បច្ចុប្បន្ននៅទូទាំងប្រទេស មានគ្រឹះស្ថានអប់រំ ប្រមាណជាង២០កន្លែង គឺបានចុះបញ្ជីស្នើសុំក្រសួងទេសចរណ៍ ផ្តល់ការបណ្តុះបណ្តាលជំនាញវិជ្ជាជីវៈទេសចរណ៍ស្របតាមស្តង់ដារអាស៊ាន ហើយរហូតមកដល់ពេលនេះ ក្រសួងបានចុះវាយតំលៃសាលាបណ្តុះបណ្តាលជំនាញវិជ្ជាជីវៈទេសចរណ៍ឱ្យបើកឡើងវិញបានចំនួន២សាលា ខណៈពេលនេះក្រសួងក៏កំពុងទទួលដាក់ពាក្យស្នើសុំពីបណ្តាសាលាផ្សេងៗដើម្បីចុះត្រួតពិនិត្យ វាយតំលៃការបើកឡើងវិញផងដែរ។សូមបញ្ជាក់ថា នៅក្នុងអំឡុងពេលដែលសាលាបណ្តុះបណ្តាលជំនាញវិជ្ជាជីវៈទេសចរណ៍បានផ្អាកដំណើរការ ក្រសួងទេសចរណ៍បានផ្តល់ការបណ្តុះបណ្តាលជំនាញវិជ្ជាជីវៈទេសចរណ៍តាមប្រព័ន្ធអនឡាញ ជូនយុវជន និងសិស្សានុសិស្សបានចំនួនជិត៣០ជំនាញ ដែលមានសិស្សសិក្ខាកាមសិក្សាជំនាញប្រមាណជាង ១៦០០០នាក់និងបណ្តុះបណ្តាលជំនាញទេសចរណ៍នានាដែលផ្តល់ដោយគម្រោងហូកា ឧបត្ថម្ភដោយរដ្ឋាភិបាលស្វីសផងដែរ៕អត្ថបទ ស៊ុម សុខជា

បណ្ដាញសង្គម

ព័ត៌មានថ្មីៗ

ពិធីចុះអនុស្សរណៈនៃការយោគយល់គ្នារវាងសាកលវិទ្យាល័យចេនឡា និងសាកលវិទ្យាល័យ Dongshin University នៃសាធារណៈរដ្ឋកូរ៉េ

UN៖ ឧក្រិដ្ឋកម្មសង្រ្គាមទំនងជាបានប្រព្រឹត្តដោយភាគីទាំង ២នៅក្នុងអំពើហិង្សាតំបន់ឆ្នេរប្រទេសស៊ីរី

កង្វះអាំងស៊ុយលីនធ្វើឲ្យអ្នកជំងឺទឹកនោមផ្អែមកុងហ្គោឈឺចាប់នៅតំបន់ភាគខាងកើតដែលញាំញីដោយភ្លើងសង្រ្គាម

រុស្ស៊ី និងអ៊ុយក្រែន ដោះដូរអ្នកទោសម្ខាងៗចំនួន ៨៤នាក់ដូចគ្នា

ក្រុមគ្រូពេទ្យគ្មានព្រំដែន៖ ជំងឺអាសន្នរោគបានសម្លាប់មនុស្ស ៤០នាក់នៅតំបន់ Darfur ប្រទេសស៊ូដង់ ក្នុងរយៈពេល ១សប្តាហ៍

នគរបាលអេស្ប៉ាញ ចាប់ខ្លួនមនុស្ស ៤នាក់ ពាក់ព័ន្ធនឹងចំហេះព្រៃថ្មី

ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានីចូលរួមបរិច្ចាគឈាម ដើម្បីសង្គ្រោះជីវិត

ប្រភព៖ ទួរគីជួយស៊ីរីនូវប្រព័ន្ធអាវុធ និងគ្រឿងយុទ្ធោបករណ៍ ក្រោមកិច្ចព្រមព្រៀងថ្មី

សម្តេចតេជោជួបពិភាក្សាជាមួយអគ្គលេខាធិការមជ្ឈឹមបក្សកុម្មុយនីស្តវៀតណាមតាមរយៈវិដេអូពីចម្ងាយ

មេដឹកនាំបារាំង បញ្ជាក់ថា លោក Trump បើកចំហចំពោះការធានាសន្តិសុខ សម្រាប់អ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

អាជ្ញាធរកំពុងអន្តរាគមន៍ ខណៈទឹកស្ទឹងព្រែកត្នោតឡើងដល់ចំណុចប្រកាសអាសន្ន

រដ្ឋសភាសអនុម័តទាំងស្រុងចំពោះវិសោធនកម្មកំណត់សញ្ជាតិខ្មែរតែមួយនៃមេដឹកនាំកំពូលចំនួន៤រូប

រដ្ឋបាលក្រុង-ខេត្តព្រះសីហនុ នឹងធ្វើការផាកពិន័យប្រជាពលរដ្ឋ ដែលបញ្ចេញសំរាមខុសពេលវេលា

សម្តេចតេជោ ៖ ស្ថានភាពប្រទេសល្អប្រសើរហើយ នឹងប្រារព្ធកម្មវិធីនានាឡើងវិញ

កម្ពុជានឹងធ្វើបដិកាឱ្យប្រជាជនថៃចូលខ្មែរ ដោយមិនធ្វើចត្តាឡីស័ក ខណៈថៃឱ្យខ្មែរចូលដោយមិនធ្វើចត្តាឡីស័ក

កម្រិតទឹកនៅតំបន់អភិរក្សបឹងព្រែកល្ពៅទាប កំពុងបង្កក្ដីបារម្ភនៃការប៉ះពាល់ដល់ចំណីសត្វក្រៀល

ប្រជាពលរដ្ឋនៅក្នុងស្រុកសេសាន បានទទួលរងផលប៉ះពាល់ពីជំនន់ទឹកភ្លៀង

មន្រ្តីធនធានទឹកខេត្តឧត្ដរមានជ័យ អំពាវនាវឱ្យពលរដ្ឋរស់នៅក្បែរអាងស្តុកទឹកបង្កើនការប្រុងប្រយ័ត្ន

ក្រសួងទេសចរណ៍ អនុញ្ញាតឲ្យគ្រឹះស្ថានអប់រំវិជ្ជាជីវៈទេសចរណ៍បើកឡើងវិញប៉ុន្តែត្រូវអនុវត្តតាមស្តង់ដារ SOP

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

អាជ្ញាធរ​កំពុង​អន្តរាគមន៍ ខណៈ​ទឹកស្ទឹង​ព្រែក​ត្នោត​ឡើង​ដល់​ចំណុច​ប្រកាស​អាសន្ន

រដ្ឋសភាសអនុម័តទាំងស្រុងចំពោះវិសោធនកម្មកំណត់សញ្ជាតិខ្មែរតែមួយនៃមេដឹកនាំកំពូលចំនួន៤រូប

រដ្ឋបាលក្រុង-ខេត្តព្រះសីហនុ នឹងធ្វើការផាកពិន័យប្រជាពលរដ្ឋ ដែល​បញ្ចេញ​សំរាម​ខុស​ពេលវេលា

សម្តេចតេជោ ៖ ស្ថានភាពប្រទេសល្អប្រសើរហើយ នឹងប្រារព្ធកម្មវិធីនានាឡើងវិញ

កម្ពុជានឹងធ្វើបដិកាឱ្យប្រជាជនថៃចូលខ្មែរ ដោយមិនធ្វើចត្តាឡីស័ក ខណៈថៃឱ្យខ្មែរចូលដោយមិនធ្វើចត្តាឡីស័ក

កម្រិតទឹកនៅតំបន់អភិរក្សបឹងព្រែកល្ពៅទាប កំពុងបង្កក្ដីបារម្ភនៃការប៉ះពាល់ដល់ចំណីសត្វក្រៀល

ប្រជាពលរដ្ឋនៅក្នុងស្រុកសេសាន បានទទួលរងផលប៉ះពាល់ពីជំនន់ទឹកភ្លៀង

មន្រ្តីធនធានទឹកខេត្តឧត្ដរមានជ័យ អំពាវនាវឱ្យពលរដ្ឋរស់នៅក្បែរអាងស្តុកទឹកបង្កើនការប្រុងប្រយ័ត្ន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

អាជ្ញាធរកំពុងអន្តរាគមន៍ ខណៈទឹកស្ទឹងព្រែកត្នោតឡើងដល់ចំណុចប្រកាសអាសន្ន

រដ្ឋបាលក្រុង-ខេត្តព្រះសីហនុ នឹងធ្វើការផាកពិន័យប្រជាពលរដ្ឋ ដែលបញ្ចេញសំរាមខុសពេលវេលា