BTV NEWS

BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់

សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់

ឯកឧត្តម ចាន់ ដារ៉ុង ដឹកនាំគណៈកម្មការអន្តរក្រសួងចុះពិនិត្យវាយតម្លៃបញ្ចប់សុពលភាពការងារថែទាំផ្លូវខួបចំនួន ៣កំណាត់ ក្នុងខេត្តពោធិ៍សាត់

BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យនូវកិច្ចប្រជុំវិសាមញ្ញ នៃគណៈកម្មាធិការព្រំដែនទូទៅកម្ពុជា-ថៃ

នយោបាយ និង ការអភិវឌ្ឍន៍

ធុរកិច្ចអាមេរិក-អាស៊ាន ចង់វិនិយោគនៅកម្ពុជាលើវិស័យថាមពល ឧស្សាហកម្ម សុខាភិបាល និងបច្ចេកវិទ្យាជាដើម

ភ្នំពេញ ៖ ក្រុមធុរកិច្ចអាមេរិក-អាស៊ាន គឺមានបំណងចង់មកវិនិយោគនៅប្រទេសកម្ពុជា លើវិស័យមួយចំនួនដូចជាវិស័យវិស័យថាមពល ឧស្សាហកម្ម សុខាភិបាល បច្ចេកវិទ្យា និងការនាំចេញនាំចូល ។លោក ថេន អូសៀស (Ted Osius ) ដែលទើបត្រូវបានតែងតាំងជាប្រធានគណៈកម្មាធិការក្រុមប្រឹក្សាធុរកិច្ចអាមេរិក-អាស៊ាន ថ្លែងបែបនេះ ក្នុងឱកាសសម្តេចតេជោ ហ៊ុន សែន នាយករដ្ឋមន្ត្រី អនុញ្ញាតឱ្យជួបសំដែងការគួរសម និងពិភាក្សាការងារ នាព្រឹកថ្ងៃទី១៩តុលា ។នៅក្នុងជំនួបនេះ ឯកឧត្តម អូសៀស បានសំដែងនូវការសាទរចំពោះចំណាត់ការប្រកបដោយ ជោគជ័យយ៉ាងត្រចះត្រចង់របស់សម្តេចតេជោ ទៅលើវិធានការទប់ស្កាត់ ការរីករាលដាលកូវីដ១៩ និង បានគោរពជំរាបជូនពីចំណាប់អារម្មណ៍របស់ក្រុមអ្នកវិនិយោគរបស់ក្រុមធុរកិច្ចអាមេរិក-អាស៊ានដែលចង់មកវិនិយោគនៅកម្ពុជាលើវិស័យចំនួន៥ខាងលើនេះ។លោកក៏បានជម្រាបជូនសម្តេចតេជោថា ក្រុមប្រឹក្សាធុរកិច្ចអាមេរិក-អាស៊ាន នឹងគាំទ្រកម្ពុជានៅពេលដែលកម្ពុជាទទួលធ្វើជាប្រធានអាស៊ាននាឆ្នាំខាងមុខ ក៏ដូចជានឹងជួយដល់កម្ពុជាលើវិស័យសេដ្ឋកិច្ច ក្នុងកំឡុងពេលនៃការរាតត្បាតជំងឺកូវីដ១៩ ក៏ដូចជាជួយដល់កម្ពុជាក្នុងការកសាងសមត្ថភាព ក៏ដូចជាសន្តិសុខថាមពលផងដែរ។ជាការឆ្លើយតប សម្តេចតេជោ បានសម្ដែងនូវអំណរសាទរ ចំពោះឯកឧត្ដម អូសៀស ដែលត្រូវបានតែងតាំងជាប្រធាន និងជាអគ្គនាយកប្រតិបត្តិរបស់ក្រុមប្រឹក្សាធុរកិច្ចអាមេរិកអាស៊ាន,ហើយសម្ដេច ក៏បានអរគុណដល់សហរដ្ឋអាម៉េរិកដែលបានផ្តល់វ៉ាក់សាំងដល់កម្ពុជា។សម្តេចក៏បានសម្ដែងនូវសេចក្ដីរីករាយ ដែលក្រុមប្រឹក្សាសេដ្ឋកិច្ចអាម៉េរិកអាស៊ានទទួលស្គាល់នូវភាពជឿនលឿនរបស់កម្ពុជា ក្នុងការចាក់វ៉ាក់សាំងជូនដល់ប្រជាពលរដ្ឋ និងទទួលបានផ្លែផ្កាជាវិជ្ជមាន។ សម្តេចក៏បានជម្រាបជូនក្រុមប្រឹក្សាធុរកិច្ចអាមេរិកអាស៊ាន លោកផែនការចូលរួមដោះស្រាយការប្រែប្រួលអាកាសធាតុរបស់កម្ពុជា ក៏ដូចជាវិធានការឆ្ពោះទៅមុខរបស់កម្ពុជា ដែលរួមមានបន្តគ្រប់គ្រងជំងឺកូវីដ១៩ ,ជំរុញការកែទម្រង់ផ្នែកធុរៈកិច្ចឲ្យបានកាន់តែប្រសើរ ដើម្បីទាក់ទាញអ្នកវិនិយោគឲ្យបានច្រើន ជំរុញការកែទម្រង់លើគ្រប់វិស័យ និង ជំរុញការបង្កើតសកម្មភាពធុរៈកិច្ច និងលើកទឹកចិត្តឲ្យវិស័យឯកជន ចូលរួមដើម្បីជំរុញសេដ្ឋកិច្ចកម្ពុជា។ជាទីបញ្ចប់សម្ដេច ក៏បានជម្រាបជូនក្រុមប្រឹក្សាធុរកិច្ចពីសក្ដានុពលនៃការវិនិយោគនៅកម្ពុជាព្រមជាមួយនឹង ការអំពាវនាវឲ្យវិនិយោគសហរដ្ឋអាម៉េរិកពិចារណាមកវិនិយោគនៅកម្ពុជា៕អត្ថបទ៖ មុត សុទ្ធ

គ.ជ.ប ចុះឈ្មោះបោះឆ្នោតថ្មីជូនពលរដ្ឋជិត៨ម៉ឺននាក់ក្នុងរយៈពេល១សប្តាហ៍

ភ្នំពេញ ៖ ក្នុងរយៈពេលមួយសប្តាហ៍ គណៈគម្មាធិការជាតិរៀបចំការបោះឆ្នោត ដែលហៅកាត់ថា គ.ជ.ប បានចុះឈ្មោះពលរដ្ឋជិត៨ម៉ឺននាក់ បញ្ចូលក្នុងបញ្ចីបោះឆ្នោតថ្មីរបស់គ.ជ.ប។មានប្រសាសន៍ប្រាប់BTV តាមបណ្តាញទំនាក់ទំនងតេឡេក្រោម នៅថ្ងៃទី១៩ខែតុលានេះ ឯកឧត្តម ហង្ស ពុទ្ធា អ្នកនាំពាក្យគ.ជ.ប បានឱ្យដឹងថា គិតត្រឹមរយៈពេលមួយសប្តាហ៍ ចាប់ពីថ្ងៃទី១២ រហូតដល់ថ្ងៃទី១៨ ខែតុលាម្សិលមិញ ពលរដ្ឋជិត៨ម៉ឺននាក់ បានអញ្ជើញមកចុះឈ្មោះបោះឆ្នោតថ្មី។ក្រៅពីនេះ ឯកឧត្តម បន្តអំពាវនាវដល់ប្រជាពលរដ្ឋមានអាយុពី១៨ឆ្នាំឡើងទៅ ដែលមិនទាន់មានឈ្មោះក្នុងបញ្ជីបោះឆ្នោត សូមរួសរាន់ទៅចុះគ្រប់ៗគ្នា ហើយពេលទៅចុះឈ្មោះនោះ ត្រូវគោរពវិធានការ៣កុំ ៣ការពារ កុំឱ្យឆ្លងជំងឺកូវីដ-១៩។សម្រាប់ឆ្នាំ២០២១នេះ គ.ជ.ប ចាប់ផ្តើមពិនិត្យបញ្ជីឈ្មោះ និងការចុះឈ្មោះបោះឆ្នោត ចាប់ពីថ្ងៃទី១២ ខែតុលា ដល់ថ្ងៃទី៣០ ខែវិច្ឆិកា ឆ្នាំ២០២១។ ដំណើរនេះ នឹងធ្វើឡើងរៀងរាល់ថ្ងៃ រួមទាំងថ្ងៃសៅរ៍ និងថ្ងៃអាទិត្យ ចាប់ពីម៉ោង ៧ ៖ ០០នាទី ដល់ម៉ោង១១៖៣០នាទីព្រឹក និងពេលរសៀលចាប់ពីម៉ោង ២ ៖ ០០នាទី ដល់ម៉ោង ៥៖៣០នាទី នៅតាមសាលាឃុំ-សង្កាត់ និងទីតាំងមួយចំនួនទៀតក្នុងឃុំ-សង្កាត់។ ដើម្បីចុះឈ្មោះបោះឆ្នោតបាន ប្រជាពលរដ្ឋមានសញ្ជាតិកម្ពុជាទាំងពីរភេទ ត្រូវមានអាយុយ៉ាងតិចពី១៨ឆ្នាំឡើងទៅ និងមានឯកសាព័ន្ធផ្សេងៗមួយចំនួនទៀត។សម្រាប់ដំណើការការបោះឆ្នោតជ្រើសរើសក្រុមប្រឹក្សាឃុំ/សង្កាត់ អាណិត្តទី៥ នឹងប្រព្រឹត្តិទៅនៅថ្ងៃទី០៥ ខែមិថុនា ឆ្នាំ២០២២៕អត្ថបទ ៖ ទូច សោភ័ណ

រដ្ឋបាលខេត្តព្រះសគ្រោងនឹងសាងសង់បន្ទប់អគ្គិសនី និងសាងសង់ប៉មជួយសង្គ្រោះបន្ថែម នៅតាមបណ្តោយឆ្នេរសមុទ្រ

ព្រះសីហនុ ៖ រសៀលថ្ងៃទី១៨ ខែតុលា ឆ្នាំ២០២១ ឯកឧត្តម គួច ចំរើន អភិបាលខេត្តព្រះសីហនុ និងឯកឧត្តមអនុរដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ បានដឹកនាំមន្ត្រីជំនាញ ចុះពិនិត្យស្ថានភាព និងជ្រើសរើសទីតាំងសម្រាប់សាងសង់បន្ទប់អគ្គិសនី និងសាងសង់ប៉មជួយសង្គ្រោះ (ឆ្មាំសមុទ្រ) បន្ថែម នៅតាមបណ្តោយឆ្នេរសមុទ្រ ចាប់ពីចំណុចផែ៥០២ ឆ្នេរអូរឈើទាល រហូតដល់ឆ្នេរជំទាវម៉ៅ ក្នុងភូមិសាស្ត្រក្រុងព្រះសីហនុ និងស្រុកព្រៃនប់ ខេត្តព្រះសីហនុ។នៅក្នុងឱកាសនោះ ឯកឧត្តមគួច ចំរើន អភិបាល នៃគណៈអភិបាលខេត្តព្រះសីហនុ ក៏បានធ្វើការណែនាំបងប្អូនអាជីវករលក់ដូរនៅតាមឆ្នេរទាំងអស់ ត្រូវចូលរួមថែរក្សាអនាម័យ បរិស្ថាន តាមទីតាំងរបស់ខ្លួនឱ្យបានស្អាតជាប្រចាំព្រោះភាពស្អាតអាចទាក់ទាញភ្ញៀវទេសចរ និងបង្កើនចំណូលបានថែមទៀត ព្រោះភ្ញៀវត្រូវការភាពស្អាត អនាម័យ និងបរិស្ថានល្អ។ទន្ទឹមនឹងនេះ ឯកឧត្តម ក៏ណែនាំឱ្យក្រុមការងារកាយយកគល់ឈើ មែកឈើ និងដុំថ្មចេញឱ្យអស់នៅតាមបណ្តោយឆ្នេរ និងធ្វើការឈូសឆាយខ្សាច់ឱ្យបានរៀបស្មើរដើម្បីលើកស្ទួយសោភ័ណភាពឆ្នេរខ្សាច់ និងសម្រាប់ត្រៀមបើកទេសចរ និងសេដ្ឋកិច្ចសង្គមឡើងវិញ នៅចុងឆ្នាំ២០២១ នេះ បន្ទាប់ពីជំងឺកូវីដ-១៩ បានធូរស្រាលជាបន្តបន្ទាប់៕អត្ថបទ ប៊ុនថា

កម្ពុជា នឹងរៀបចំកិច្ចប្រជុំឧត្តមមន្ត្រីអាស៊ានទទួលបន្ទុកវប្បធម៌ និងសិល្បៈលើកទី១៧

ភ្នំពេញ ៖ ក្រសួងវប្បធម៌ និងវិចិត្រសិល្បៈ នៃព្រះរាជាណាចក្រកម្ពុជា ស្ថិតក្រោមសសរស្ដម្ភសហគមន៍សង្គម-វប្បធម៌អាស៊ាន នៅថ្ងៃទី២០ ខែតុលា ឆ្នាំ២០២១ខាងមុននេះ នឹងរៀបចំកិច្ចប្រជុំឧត្តមមន្ត្រីអាស៊ានទទួលបន្ទុកវប្បធម៌ និងសិល្បៈលើកទី១៧ និងកិច្ចប្រជុំពាក់ព័ន្ធជាមួយដៃគូសន្ទនាតាមរយៈប្រព័ន្ធវីដេអូ។នៅក្នុងកិច្ចប្រជុំខាងលើនេះ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងជាប្រធានរដ្ឋមន្រ្តីអាស៊ានទទួលបន្ទុកវប្បធម៌ និងសិល្បៈ នឹងផ្តល់កិត្តិយសថ្លែងសុន្ទរកថា បើកតាមរយៈប្រព័ន្ធវីដេអូ។ កិច្ចប្រជុំនេះ នឹងមានការចូលរួមពីសំណាក់ឧត្តមមន្រ្តីអាស៊ានទទួលបន្ទុកវប្បធម៌និងសិល្បៈ និងដៃគូសន្ទនាអាស៊ាន រួមមាន ៖ សាធារណរដ្ឋប្រជាមានិតចិន- ជប៉ុន និងសាធារណរដ្ឋកូរ៉េ។ នាឱកាសនោះដែរ ក្នុងគោលដៅពង្រឹងកិច្ចសហប្រតិបត្តិការភាពជាដៃគូ អាស៊ាន-ឥណ្ឌា លើវិស័យវិប្បធម៌ និងសិល្បៈ ហើយកិច្ចប្រជុំក៏នឹងពិភាក្សាសំណើរបស់ភាគីឥណ្ឌាផងដែរ។កិច្ចប្រជុំឧត្តមមន្ត្រីអាស៊ានទទួលបន្ទុកវប្បធម៌ និងសិល្បៈលើកទី១៧ និងកិច្ចប្រជុំពាក់ព័ន្ធជាមួយដៃគូសន្ទនា នឹងផ្តោតទៅលើការលើកកម្ពស់វឌ្ឍនភាពវប្បធម៌ និងសិល្បៈអាស៊ានដែលជាគ្រឹះមួយនៃសក្ដានុពលសហគមន៍អាស៊ានការកសាងភាពសុខដុមរមនាក្នុងចំណោមប្រជាជាតិអាស៊ាន ការលើកស្ទួយស្មារតីភាពជាម្ចាស់ក្នុងការអភិរក្ស និងអភិវឌ្ឍន៍បេតិកភណ្ឌវប្បធម៌អាស៊ាន ការពង្រីកការយល់ដឹងផ្នែកវប្បធម៌ពីគ្នាទៅវិញទៅមក និងការផ្លាស់ប្តូររវាងប្រជាជន និងប្រជាជន ការជំរុញវិសាលភាពនៃការផ្សព្វផ្សាយអំពីវប្បធម៌ ការច្នៃប្រឌិតនវានុវត្តន៍ ការបង្កើនជីវភាពរស់នៅក្នុងការកសាងសហគមន៍អាស៊ានឆ្ពោះទៅរកការអភិវឌ្ឍរួមប្រកបដោយចីរភាព។កិច្ចប្រជុំខាងលើនឹងពិគ្រោះពិភាក្សាលើចំណុចសំខាន់ៗមួយចំនួន ដូចជា៖១-ពិនិត្យលើវឌ្ឍនភាពការងារនៃកិច្ចសហប្រតិបត្តិការអាស៊ានលើវិស័យវប្បធម៌និងសិល្បៈ ក្នុងនោះរួមមាន ៖-ផែនការយុទ្ធសាស្ត្រអាស៊ាន សម្រាប់វិស័យវប្បធម៌ និងសិល្បៈ ២០១៦-២០២៥-ការលើកស្ទួយសកម្មភាពវប្បធម៌អាស៊ានក្នុងបរិបទ នៃការរីករាលដាល នៃជំងឺកូវីដ-១៩-សៀមរាបទីក្រុងវប្បធម៌អាស៊ាន សម្រាប់ឆ្នាំ២០២០-២០២២-បញ្ជីបេតិកភណ្ឌវប្បធម៌អាស៊ាន ២- អង្គប្រជុំនឹងពិនិត្យរួមមាន ៖-សេចក្តីព្រាងសេចក្ដីប្រកាសសៀមរាប ស្តីអំពីការលើកកម្ពស់ការច្នៃប្រឌិតនិងសម្របខ្លួន ទៅនឹងសហគមន៍ អាស៊ានដើម្បីគាំទ្រដល់ វប្បធម៌ និង សេដ្ឋកិច្ចច្នៃប្រឌិត-សេចក្តីព្រាងឯកសារទស្សនាទាន ស្តីពីការបង្កើតមជ្ឈមណ្ឌលសម្រាប់វប្បធម៌ និងឧស្សាហកម្មច្នៃប្រឌិត-វេទិកាធុរកិច្ចនវានុវត្តន៍អាស៊ាន-គំនិតផ្ដួចផ្ដើមរបស់កម្ពុជាសម្រាប់សកម្មភាពវប្បធម៌អាស៊ាន ឆ្ពោះទៅការរៀបចំកិច្ចប្រជុំកំពូលអាស៊ាន ឆ្នាំ២០២២-សេចក្តីព្រាងផែនការសកម្មភាព ស្តីពីកិច្ចសហប្រតិបត្តិការជាមួយដៃគូសន្ទនាអាស៊ានរួមមាន ៖ អាស៊ាន-ចិន អាស៊ាន-ជប៉ុន អាស៊ាន-សាធារណរដ្ឋកូរ៉េ លើវិស័យវប្បធម៌ និងសិល្បៈសម្រាប់ឆ្នាំ២០២២-២០២៥ -វេទិកាទំនាក់ទំនងរវាងអាស៊ាន-ឥណ្ឌា៕អត្ថបទ រដ្ឋា

សម្តេចតេជោ ៖ ការឆ្លងថ្មីនៃមេរោគកូវីដ១៩ មានការថយចុះតែហានិភ័យខ្ពស់នៅតែបន្តមានដដែល

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តី បានថ្លែងថា ការឆ្លងរីករាលដាលនូវ មេរោគកូវីដ១៩ថ្មី មានការថយចុះ និងអត្រាស្លាប់មានលក្ខណៈថេរ ប៉ុន្តែហានិភ័យខ្ពស់សម្រាប់ជនរួមជាតិនៅតែបន្តកើតមាន ប្រសិនបើមនុស្សគ្រប់រូបមានការធ្វេសប្រហែស និងមានមើលងាយស្ថានការណ៍ជាដើមនោះ។តាមរយៈសារសំឡេង នាព្រឹកថ្ងៃទី១៩ ខែតុលា ឆ្នាំ២០២១នេះ សម្តេចតេជោ ហ៊ុន សែន បានបញ្ជាក់ថា ក្រោយពីមានពិធីបុណ្យកាន់បិណ្ឌ និងភ្ជុំបិណ្ឌ គេសង្កេតឃើញថា ការឆ្លងរីករាលដាលថ្មីនៃមេរោគកូវីដ១៩ មិនមានអ្វីកើតឡើងច្រើននោះទេ ហើយអត្រាស្លាប់ក៏វាមាននិន្នាការទៅរកភាពថមថយផងដែរ ខណៈអ្នកស្លាប់ភាគច្រើនគឺពួកគាត់មានរោគប្រចាំកាយ និងមិនបានចាក់វ៉ាក់សាំងបង្ការកូវីដ១៩ជាដើមនោះ។តាមរយៈសារសំឡេងនេះដែរ សម្តេចតេជោ ហ៊ុន សែន នាយករដ្ឋមន្រ្តីក៏បានស្នើដល់បងប្អូនប្រជាពលរដ្ឋតាមខេត្តទាំងអស់ កុំបញ្ជូនអ្នកជំងឺដែលជាសាច់ញ្ញាតិ បងប្អូន ឪពុកម្តាយ មកភ្នំពេញធ្វើអ្វី ដើម្បីជៀសវាងគ្រោះថ្នាក់ដល់ជីវិត ខណៈពេទ្យតាមខេត្តក៏មានសមត្ថភាពព្យាបាលអ្នកជំងឺកូវីដ១៩ដែរ ហើយសម្តេចតេជោ ក៏បានលើកទឹកចិត្តដល់បងប្អូនប្រជាពលរដ្ឋទាំងអស់ធ្វើការព្យាបាលនៅតាមផ្ទះរបស់ ខ្លួនដែរ ដើម្បីកាត់បន្ថយការចូលមកសម្រាក នៅក្នុងមន្ទីរពេទ្យ និងឆាប់បានជាសះស្បើយ ដោយសារ មិនឃ្លាតឆ្ងាយពីគ្រួសារជាដើម។ជាមួយគ្នានោះដែរ សម្ដេចតេជោ ហ៊ុន សែន នាយករដ្ឋមន្រ្តី ក៏បានបន្តអំពាវនាវ ដល់បងប្អូនប្រជាពលរដ្ឋ ទៅចាក់វ៉ាក់សាំងឲ្យបានគ្រប់ៗគ្នា ដើម្បីឆាប់បានបើកដំណើរការ ប្រទេសឡើងវិញ ដែលរហូតមកដល់ពេលនេះពុំទាន់មានពលរដ្ឋខ្មែរណាម្នាក់រងគ្រោះ ដោយការចាក់វ៉ាក់សាំងកូវីដ១៩ នោះទេ ខណៈដំណើរការការចាក់វ៉ាក់សាំកូវីដ-១៩ នៅកម្ពុជាបានដំណើរការទៅយ៉ាងរលូន និងល្អប្រសើរ ដោយមកទល់ពេលនេះប្រជាជនកម្ពុជា ជាង១៣លាន៦សែននាក់ហើយបានចាក់វ៉ាក់សាំងកូវីដ-១៩ ដែលមានអត្រាគ្រប់ដណ្តប់ជាង៨៥ភាគរយនៃចំនួនប្រជាជននោះ។តាមសារសំឡេងរយៈ២៨នាទីនេះដែរសម្តេចតេជោ ហ៊ុន សែន នាយករដ្ឋមន្រ្តី ក៏បានលើកឡើងដោយក្តីរីករាយថា គុណបុណ្យរបស់កម្ពុជា ដែលមានវ៉ាក់សាំងគ្រប់គ្រាន់ ដើម្បីចាក់ជូនដល់ប្រជាពលរដ្ឋតាមរយៈជំនួយប្រទេសជាមិត្ត ជាពិសេសគឺចិន អាមេរិក ជប៉ុន អង់គ្លេស និងយន្តការកូវ៉ាក់ ហើយទាំងជំនួយ និងការបញ្ជាទិញបន្តបន្ទាប់នោះ រហូតមកទល់ពេលនេះកម្ពុជាទទួលបានវ៉ាក់សាំងកូវីដ-១៩ ជាង៣៨លានដូសហើយ ដោយកំពុងដំណើរការចាក់ជូនប្រជាពលរដ្ឋយ៉ាងរលូន ចាប់ពីដូសទី១រហូតដល់ដូសជំរុញ ឬដូសទី៣នោះ៕អត្ថបទ បាន ចក់

គណៈកម្មាធិការជាតិគ្រប់គ្រងគ្រោះមហន្តរាយ ធ្វើលំហាត់សមយុទ្ធពង្រឹងជំនាញសង្គ្រោះពលរដ្ឋ នៅខេត្តកំពង់ឆ្នាំង

ភ្នំពេញ ៖ គណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម) បានធ្វើលំហាត់សមយុទ្ធពង្រឹងជំនាញ ដល់កងប្រតិបត្តិការរុករក និងសង្គ្រោះគ្រោះមហន្តរាយ សម្រាប់ត្រៀមឆ្លើយតប និងសង្គ្រោះពលរដ្ឋ នៅពេលមានគ្រោះទឹកជំនន់កើតជាយថាហេតុ នៅមេបញ្ជាការកងពលតូច អន្តរាគមន៍លេខ១ ខេត្តកំពង់ឆ្នាំង ។ក្នុងពិធីលំហាត់សមយុទ្ធជំណាញ កាលពីថ្ងៃទី១១៧ ខែតុលា ឆ្នាំ២០២១ ឯកឧត្តម ហង្ស សាមឿន អនុប្រធានគណៈកម្មាធិការជាតិគ្រប់គ្រងមហន្តរាយ មានប្រសាសន៍ថា យុទ្ធសាស្រ្តគ្រប់គ្រងគ្រោះមហន្តរាយនេះ ត្រូវមានសមាសភាពយុទ្ធសាស្រ្ត ដែលឆ្លើយតបទៅនឹងទិដ្ឋភាពទាំងអស់ នៃការគ្រប់គ្រងគ្រោះមហន្តរាយ ដែលមានការប៉ាន់ប្រមាណហានិភ័យ ការប្រកាសឲ្យដឹងមុនពីគ្រោះមហន្តរាយ និងការតាមដានត្រួតពិនិត្យ ការត្រៀមបង្ការ និងការកាត់បន្ថយគ្រោះថ្នាក់ ការត្រៀមរៀបចំសម្រាប់ការឆ្លើយតបសង្គ្រោះបន្ទាន់ និងការស្តារឡើងវិញ ។ឯកឧត្តម បានបន្ថែមថា កងប្រតិបត្តិការរុករកសង្គ្រោះ ត្រូវចងចាំថា ការងាររុករកសង្គ្រោះ គឺជាកិច្ចការប្រកបដោយគ្រោះថ្នាក់បំផុត ដែលតម្រូវឲ្យកងកម្លាំង មានវិន័យខ្ពស់ ថែទាំសុខភាពឲ្យបានមាំមួន អភិវឌ្ឍន៍សមត្ថភាពជំនាញជានិច្ច ធ្វើលំហាត់ និងធ្វើការហ្វឹកហ្វឺនជាប្រចាំ ហើយរាល់ការបំពេញការងារប្រតិបត្តិការរុករក សង្គ្រោះ ត្រូវជឿជាក់លើសមត្ថភាពខ្លួនឯង ជួយគ្នាទៅវិញទៅមក ធានាសមត្ថភាពប្រតិបត្តិការឲ្យមានលក្ខណៈស្វ័យប្រវត្តិរហ័សរហួនទាន់ចិត្ត ។ជាមួយគ្នានេះ ឯកឧត្តម ហង្ស សាមឿន សង្ឃឹមថា តាមរយៈការហ្វឹកហ្វឺន និងការធ្វើលំហាត់សមយុទ្ធនានេះ នឹងផ្តល់នូវទិន្នផល និងប្រសិទ្ធភាពអាចកែប្រែទិដ្ឋភាព ខ្វះខាតនៃសមត្ថភាពរុករកសង្គ្រោះកន្លងមក សម្រាប់ការឆ្លើយតបបានឆាប់រហ័ស ដើម្បីជួយសង្គ្រោះអាយុជីវិតជនរងគ្រោះ ។ បើតាម ឧត្តមសេនីយ៍ឯក ព្រហ្ម ផេង មេបញ្ជាការកងពលតូច អន្តរាគមន៍លេខ១ និងជាមេបញ្ជាការរងកងទ័ពជើងគោក លើកឡើងថា ការហ្វឹកហ្វឺនបំប៉នជំនាញបច្ចេកទេស សង្គ្រោះ គ្រោះមហន្តរាយឆ្នាំ២០២១ របស់កងប្រតិបត្តិការរុករក និងសង្គ្រោះគ្រោះមហន្តរាយលេខ៧២៥ បានហ្វឹកហ្វឺនសរុបចំនួន ៦១ថ្ងៃ គិតចាប់ពីថ្ងៃទី២ ខែសីហា ដល់ថ្ងៃទី១ ខែតុលា ឆ្នាំ២០២១ ។ឯកឧត្តម ឧត្តមសេនីយ៍ឯក បានបន្តថា ការហ្វឹកហាត់ជាក់ស្ដែង នៅកំណាត់ដងទន្លេស្ថិតក្នុងភូមិកំពង់ត្រឡាចក្រោម ឃុំកំពង់ត្រឡាច ស្រុកកំពង់ត្រឡាច ខេត្តកំពង់ឆ្នាំង ដោយវគ្គការហ្វឹកហ្វឺនបែងចែក ពេលវេលាហ្វឹកហ្វឺន៤១ថ្ងៃ សិក្ខាកាមយោធារួមមាន ជំនាញបច្ចេកទេសសង្គ្រោះ អប់រំចិត្តសាស្ត កងប្រតិបត្តិការ កងយានយន្តសង្គ្រោះកងសុខាភិបាលចល័ត អនុវត្តហែលទឹកនៅស្រះទឹកជាដើម ៕ អត្ថបទ បាន សុខរិទ្ធិ

គ្រឹះស្ថានមធ្យមសិក្សាសាធារណៈជាង៤០កន្លែង នៅខេត្ដសៀមរាប ត្រូវបានបើកបង្រៀនសាកល្បងនៅថ្ងៃនេះ

សៀមរាប ៖ សាលាមធ្យមសិក្សារបស់រដ្ឋចំនួនជាង៤០កន្លែង នៅក្នុងស្រុកចំនួន៨ នៃខេត្ដសៀមរាប ត្រូវបានបើកឱ្យចូលរៀនឡើងវិញជាបណ្ដោះអាសន្ន នៅថ្ងៃទី១៨ខែតុលា ឆ្នាំ២០២១នេះ ក្រោយពេលរកឃើញថា សាលាទាំងនោះ មានហានិភ័យក្នុងការឆ្លងជំងឺកូវីដ១៩។លោក លី ប៊ុណ្ណា ប្រធានមន្ទីរអប់រំយុវជន និងកីឡាខេត្ដសៀមរាប បានមានប្រសាសន៍ថា សាលាមធ្យមសិក្សាដែលបើកបង្រៀនសាកល្បងនេះមានចំនួន៤៤សាលា ក្នុងចំណោម១២៣សាលា ស្ថិតនៅស្រុកចំនួន៨ស្រុក ក្នុងចំណោម១២ក្រុង ស្រុក របស់ខេត្ដសៀមរាប ហើយចូលរៀនមានថ្នាក់ទី៩ និងថ្នាក់ទី១២ ដែលជាសិស្សត្រៀមប្រលងឌីប្លូម និងប្រលងបាក់ឌុប ប៉ុន្ដែបើសាលាណាមួយមានសិស្សតិចអាចចូលរៀនគ្រប់កំរិត គឺចាប់ពីថ្នាក់ទី៩ដល់ថ្នាក់ទី១២តែម្ដង។ជាមួយគ្នានោះ ការចូលរៀនមានពីរពេលព្រឹក និងថ្ងៃរសៀល និងរៀនជាបណ្ដុំ ដោយក្នុងមួយថ្នាក់មានសិស្សចូលរៀនពី១០នាក់ ទៅ១៥នាក់ប៉ុណ្ណោះ ខណៈដែលសិស្សចូលថ្នាក់រៀនត្រូវបាន ធ្វើតេស្ដរកមេរោគកូវីដ១៩ជាមុនផងដែរ ។លោកបន្ដថា គ្រិះស្ថានសិក្សាទាំងនោះ ត្រូវបានគណៈកម្មការដាក់ពាក្យស្នើសុំ បន្ទាប់ពីពិនិត្យលទ្ធភាពរកឃើញថា សាលារៀនទាំង៨ស្រុកនោះ មានហានិភ័យទាបក្នុងការឆ្លងជំងឺកូវីដ១៩ ខណៈដែលមធ្យមសិក្សានៅក្នុងស្រុក និងក្រុងចំនួន៤ទៀតនៃខេត្ដនេះ មិនទាន់មានគម្រោងបើកនៅឡើយទេ ដោយសារមានការប្រឈមនឹងការឆ្លងជំងឺកូវីដ១៩ខ្ពស់នៅឡើយ។បើគិតភាគរយមធ្យមសិក្សាបាន៣៥ភាគរយ ដោយឡែកបឋមសិក្សាដែលគ្រោងបើកបានជាង ២៥ភាគរយនៅឡើយទេ មិនបានគ្របដណ្ដុំទូទាំងគ្រឹះស្ថានសាធារណៈរបស់យើងទាំងស្រុងទេដោយសារការពិនិត្យលទ្ធភាពជាជំហ៊ាន ព្រឹកមិញយើងចុះទៅមើលឃើញថា បានដំណើរការ ប៉ុន្ដែកន្លែងខ្លះបានដំណើរការកន្លែងធ្វើតេស្ដរហ័សជូនពួកគាត់មុនអោយចូលថ្នាក់រៀន។លោក លី ប៊ុណ្ណា បានបន្ថែមថា ដោយឡែកសាលារៀនកំរិតបឋមសិក្សា ចំនួន១២៩ទៀត ក្នុងចំណោមជាង១៣០កន្លែង នឹងបើកដំណើរការនៅថ្ងៃទី២០ខែតុលា ឆ្នាំ២០២១ខាងមុខនេះ បន្ថែមទៀត ប៉ុន្ដែការបើកឱ្យចូលរៀនកំរិតបឋមនេះ ចាប់ពីថ្នាក់ទី៤ដល់ទី៦ ព្រោះងាយស្រួលគ្រប់គ្រង ។ដោយឡែកថ្នាក់បន្ទាប់ទៀតនឹងពិនិត្យលទ្ធភាពតាមក្រោយ។ដោយឡែក លោក ផូន ផល្លីន ប្រធានការិយាល័យអប់រំយុវជន និងកីឡា ស្រុកបន្ទាយស្រី មានប្រសាសន៍ថា នៅស្រុកបន្ទាយស្រី សាលាមធ្យមសិក្សាបើកសាកល្បង ចំនួន៧កន្លែង ដែលឡើងតាមការណែនាំរបស់មន្ទីរ និងក្រសួងអប់រំយុវជន និងកីឡា សិស្សានុសិស្សមានការចាក់វ៉ាក់សំាងបង្ការជំងឺកូវីដ១៩គ្រប់គ្នា ។ បន្ថែមលើកទីនោះ ការចេញលេងត្រូវបានដាក់វេនគ្នា ដើម្បីងាយស្រួលគ្រប់គ្រងការឆ្លងជំងឺកូវីដ១៩ ក្នុងពេលបើកបង្រៀនសាកល្បងនេះ៕

កម្ពុជា នឹងរៀបចំកម្មវិធីប្រកួតភាពយន្តខ្លី លើកទី១០ តាមរយៈការចាក់បញ្ចាំងតាមអនឡាញ

ភ្នំពេញ ៖ ការចាក់បញ្ចាំងបញ្ចាំងភាពយន្តខ្លីរបស់មហោស្រពចតុមុខ «Chaktomuk Short Film Festival» នឹងត្រូវបើកសម្ពោធនៅថ្ងៃទី២៣ ខែតុលា ឆ្នាំ២០២១ខាងមុខនេះ តាមរយៈការចាក់បញ្ចាំងអនឡាញនៅលើ Facebook Pageផ្លូវការ របស់មហោស្រពភាពយន្តខ្លីចតុមុខ។ ឆ្នាំនេះជាលើកទី១០ ដែលមហោស្រពភាពយន្តខ្លីចតុមុខ បានរៀបចំកម្មវិធីប្រកួតភាពយន្តខ្លី នៅប្រទេសកម្ពុជា ដោយមានការចូលរួមពីសំណាក់ផលិតករ សមិទ្ធិករ និងអ្នកដែលស្រឡាញ់វិស័យភាពយន្ត ទាំងក្នុង និងក្រៅប្រទេស។ CSFF (Chaktomuk Short Film Festival)ជាកម្មវិធីប្រកួតភាពយន្តខ្នាតខ្លីដំបូងនៅប្រទេសកម្ពុជា ដែលឱ្យតម្លៃដល់ស្នាដៃថ្មីរបស់យុវជនកម្ពុជា និងសមិទ្ធិករពីបរទេស។ សមិទ្ធផលក្នុងស្រុកដែលបានជ្រើសរើសសម្រាប់ប្រកួតផ្តាច់ព្រ័តនឹងត្រូវបានទទួលការវាយតម្លៃ ពីសំណាក់គណៈមេប្រយោគរបស់មហោស្រព ដែលមានជំនាញផ្សេងៗក្នុងវិស័យភាពយន្ត។ CSFFនៅឆ្នាំនេះ បានបន្ថែមប្រភេទវីដេអូដែលអាចផ្តល់ឱកាសដល់អ្នកដែលចំណូលនៅវិស័យភាពយន្តអាចធ្វើការបន្ថែមទៅលើប្រភេទវីដេអូ ដែលសមិទ្ធិករនានាចាប់អារម្មណ៍។ ប្រភេទវីដេអូ ដែលអាចចូលរួមនៅក្នុងការចាក់បញ្ចាំង រួមមាន ៖ ខ្សែភាពយន្តប្រឌិតខ្លី ភាពយន្តឯកសារខ្មែរខ្នាតខ្លី វីដេអូចម្រៀងខ្មែរ និងភាពយន្តអន្តរជាតិខ្លីប្រឌិត និងឯកសារ។ តាមប្រភេទនៃវីដេអូនីមួយៗដែលបានជាប់ជម្រើសចាក់បង្ហាញពីមហោស្រពចតុមុខលើកទី ១០។ក្នុងសន្និសីទសារព័ត៌មានអំពីការចាក់បញ្ចាំងភាពយន្តខ្លី ក្នុងមហោស្រពភាពយន្តខ្លីចតុមុខ ឆ្នាំ២០២១ កាលពីរសៀលថ្ងៃទី១៦ ខែតុលា ឆ្នាំ២០២១ លោក ស៊ុ ស៊ីថែន ប្រធានមហោស្រពភាពយន្តខ្លីចតុមុខ ឆ្នាំ២០២១ បានឲ្យដឹងថា ការប្រារព្ធកម្មវិធីនៅឆ្នាំនេះតាមរយៈអនឡាញបានបង្ហាញឱ្យឃើញថា ទោះនៅក្នុងបរិបទណាក៏ដោយ មហោស្រពភាពយន្តខ្លីចតុមុខ នៅតែព្យាយាមស្វះស្វែងក្នុងការរួមចំណែកមួយផ្សារភ្ជាប់វិស័យភាពយន្តខ្មែរទៅកាន់ទស្សនិកជន ទាំងក្នុងប្រទេស និងក្រៅប្រទេសឱ្យកៀកគ្នា ថ្វីបើនៅក្នុងបរិបទកូវីដ-១៩នេះ។ទន្ទឹមគ្នានោះដែរលោក Lattapol Jirapathomsakul មន្ត្រីកម្មវិធី និងទំនាក់ទំនងរបស់ SEA Junction ដែលជាតំណាងអ្នកឧបត្ថម្ភ និងដៃគូមហោស្រពឆ្នាំនេះ បានមានប្រសាសន៍ថា នៅក្នុងបរិបទកូវីដ-១៩នេះ បានប៉ះពាល់ទៅដល់វិស័យជាច្រើន ដែលក្នុងនោះក៏មានវិស័យភាពយន្តផងដែរ។ ជាពិសេសផលិតករ សមិទ្ធិករ ទោះយ៉ាងណាមហោស្រពភាពយន្តខ្លីចតុមុខ បានបង្ហាញនូវការប្តេជ្ញាចិត្តក្នុងការបន្តការងាររបស់ពួកគេទោះបី ជានៅក្នុងកាលៈទេសៈ លំបាកក្តី។ជាមួយគ្នានោះដែរ ប្រធាននាយកដ្ឋាន សិល្បភាពយន្ត និងផ្សព្វផ្សាយវប្បធម៌ លោក ប៉ុក បូរក្ស ថ្លែងនៅក្នុងសន្និសីទសារព័ត៌មាន ថា នាយកដ្ឋានតែងតែ សម្តែងនូវការគាំទ្រទៅលើរាល់ការងាររបស់ក្រុមឈូករ័ត្នក្នុងការរៀបចំមហោស្រពភាពយន្តខ្លី ចតុមុខ។ តាំងពីឆ្នាំទី១ មកដល់ឆ្នាំនេះជាឆ្នាំទី១០ ក្រសួងវប្បធម៌ និងវិចិត្រសិល្បៈតែងតែគាំទ្រ និងសហការជាមួយមហោស្រពភាពយន្តខ្លីចតុមុខ។ បញ្ហារីករាលដាលកូវីដ-១៩ បានជម្រុញអោយកម្មវិធីនេះ ប្រព្រឹត្តតាមរយៈអនឡាញ យើងមើលឃើញថា ឆន្ទៈ និងការស្រឡាញ់របស់យុវជនយើងនៅតែបន្តមានចំពោះការផលិតភាពយន្ត។ តាមរយៈរបាយការណ៍របស់មហោស្រពភាពយន្តខ្លីចតុមុខ បានសរបញ្ជាក់ថា ទោះបី ជាមានការប្រឈមនឹងបញ្ហាកូវីដ-១៩ ក្តី ប៉ុន្តែសមិទ្ធិករនៅតែបន្តផលិត ហើយក្រុមការងាររបស់ក្រុមឈូករ័ត្ន នៅតែបន្ត ការកិច្ចខំប្រឹងប្រែងរៀបចំឱ្យកម្មវិធី ចាក់បញ្ចាំងភាពយន្តក្នុងមហោស្រពភាពយន្តខ្លីចតុមុខនៅឆ្នាំនេះបានកើតឡើង។ CSFF ឆ្នាំនេះក៏មានការគាំទ្រពីស្ថាប័នក្នុងស្រុក៦គឺ៖ ក្រសួងវប្បធម៌ និងវិចិត្រសិល្បៈ ក្រសួងព័ត៌មាន Sabay News, FilmTalk Cambodia, Alien Express និងមូលនិធិ«ពន្លក» របស់អង្គការសិល្បៈខ្មែរអមតៈ ហើយក្រៅស្រុក២គឺ៖ SEA Junction និងculture360ផងដែរ។សូមបញ្ជាក់ផងដែរថា មហោស្រពភាពយន្តខ្លីចតុមុខ ទោះបីមិនបានជួបជុំគ្នាដោយផ្ទាល់ក្តី ក៏មហោស្រពនៅមិនចោលកម្មវិធីជាទីរំភើប គឺការផ្តល់រង្វាន់ ដល់ជ័យលាភី ប្រចាំដូចខាងក្រោម៖- ជ័យលាភីភាពយន្តខ្លីលេខ១ ក្នុងស្រុក រង្វាន់$1,000 ដាក់ពិន្ទុដោយមេប្រយោគ- ជ័យលាភីភាពយន្តខ្លីលេខ២ ក្នុងស្រុក រង្វាន់$500 ដាក់ពិន្ទុដោយមេប្រយោគ- រង្វាន់ជម្រើសទស្សនិកជន សម្រាប់រឿងខ្លីក្នុងស្រុក ទឹកប្រាក់$300 បោះឆ្នោតដោយទស្សនិកជនតាមGoogle Form- រង្វាន់ជម្រើសទស្សនិកជនសម្រាប់រឿងខ្លីអន្តរជាតិ ទឹកប្រាក់$500 បោះឆ្នោតដោយទស្សនិកជនតាមGoogle Form៕អត្ថបទ រដ្ឋា

កម្ពុជាចេញក្រដាសប្រាក់ប្រភេទថ្មីអបអរសាទរខួប ៣០ឆ្នាំនៃកិច្ចព្រមព្រៀងសន្តិភាពទីក្រុងប៉ារីស និងការយាងត្រឡប់របស់ព្រះបរមរតនកោដ្ឋ

ភ្នំពេញ៖ រាជរដ្ឋាភិបាលកម្ពុជា បានសម្រេចចេញក្រដាសប្រាក់ប្រភេទថ្មីមួយ ដោយថា ដើម្បីអបអរសាទរខួប ៣០ឆ្នាំនៃកិច្ចព្រមព្រៀងសន្តិភាពទីក្រុងប៉ារីស។ក្នុងអនុក្រឹត្យចេញនៅថ្ងៃនេះ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានអនុញ្ញាតឱ្យចេញផ្សាយ ធ្វើចរាចរ និងប្រើប្រាស់ក្រដាសប្រាក់ប្រភេទថ្មី ៣០០០០រៀល។ អនុក្រឹត្យដដែលនេះ បញ្ជាក់ថា ក្រដាសប្រាក់ប្រភេទថ្មី ៣០០០០រៀលនេះ គឺជាក្រដាសប្រាក់អនុស្សាវរីយ៍។សម្ដេចតេជោ ហ៊ុន សែន បានសរសេរនៅលើទំព័រហ្វេសប៊ុករបស់សម្ដេចនៅព្រឹកថ្ងៃនេះថា ក្រដាសប្រាក់គំរូថ្មីនេះ ត្រូវបានបោះពុម្ព និងដាក់ឱ្យចរាចរប្រើប្រាស់នៅទូទាំងប្រទេស ដើម្បីអបអរសាទរខួប ៣០ឆ្នាំនៃកិច្ចព្រមព្រៀងសន្តិភាពទីក្រុងប៉ារីស និងខួប ៣០ឆ្នាំនៃការយាងនិវត្តន៍របស់ព្រះករុណាព្រះបាទ សម្ដេចព្រះ នរោត្ដម សីហនុ «ព្រះបរមរតនកោដ្ឋ»។ក្នុងសេចក្ដីប្រកាសរបស់ខ្លួន ធនាគារជាតិកម្ពុជាបញ្ជាក់ថា ក្រដាសប្រាក់គំរូថ្មីនេះ មានពណ៌បៃតង ពណ៌ត្នោត និងពណ៌ស្វាយ ដែលជាពណ៌សំខាន់នៅលើក្រដាសប្រាក់ទំហំ ១៧០មីលីម៉ែត្រគុណនឹង ៧៥មីលីម៉ែត្រ។ក្រដាសប្រាក់គំរូថ្មីនេះ មានផ្ទៃខាងមុខភ្ជាប់មកជាមួយព្រះឆាយាល័ក្ខណ៍របស់ព្រះករុណាព្រះបាទសម្ដេចព្រះ នរោត្ដម សីហនុ ហើយចំណែកឯផ្ទៃខាងក្រោយ ភ្ជាប់មកជាមួយរូបថតព្រះករុណាព្រះបាទសម្ដេចព្រះ នរោត្ដម សីហនុ និងសម្ដេចតេជោ ហ៊ុន សែន នៅពេលធ្វើដំណើរយាងមាតុភូមិនិវត្តន៍៕

ផ្សារចំនួន៣ទីតាំងក្នុងក្រុងសៀមរាប គ្រោងនឹងបើកឲ្យដំណើរការឡើងវិញ

សៀមរាប ៖ អភិបាលខេត្តសៀមរាប មានប្រសាសន៍ថា ទីតាំងផ្សារចំនួន៣កន្លែង នៅក្នុងក្រុងសៀមរាប នឹងអាចឲ្យមានដំណើរការឡើងវិញក្នុងពេលឆាប់ៗខាងមុខនេះ ក្រោយបានពិនិត្យឃើញថា ៣ថ្ងៃកន្លងមកក្នុងការបើកឲ្យដំណើរការសាកល្បង ទីតាំងផ្សារទាំងនោះអនុវត្តល្អតាមការណែនាំរបស់ក្រុមការងារ ។រដ្ឋបាលខេត្តសៀមរាប គ្រោងនឹងបើកឲ្យដំណើរការផ្សារសំខាន់ៗចំនួន៣ទីតាំងនៅក្នុងក្រុងសៀមរាប បន្ទាប់ពីមានការបិទខ្ទប់ជាច្រើនលើក និងជាច្រើនសប្តាហ៍ កន្លងមកហើយនោះ។ ផ្សារជាគោលដៅទាំងនោះ រួមមាន ផ្សារសាមគ្គី-ហ៊ុយគាំងនៃសង្គាត់ស្លក្រាម ផ្សារលើធំថ្មីនៅក្នុងសង្កាត់សាលាកំរើក និងផ្សារសម្តេចតេជោ ហ៊ុន សែន ដើមក្រឡាញ់នៅក្នុងសង្កាត់គោកចក។លោក នួន ពុទ្ធារ៉ា អភិបាលក្រុងសៀមរាប បានបង្ហើបឲ្យដឹងយ៉ាងដូច្នេះ នារសៀលថ្ងៃទី១៦ ខែតុលា ឆ្នាំ២០២១នេះ ខណៈពេលដែលឯកឧត្តម ទៀ សីហា អភិបាលខេត្តសៀមរាប បានដឹកនាំក្រុមការងារចម្រុះ ចុះត្រួតពិនិត្យ និងវាយតម្លៃស្ថានភាពទីតាំងផ្សារទាំងនោះ ថាតើបានអនុវត្តតាមការណែនាំស្តីអំពីការធានាសុវត្ថិភាព ការពារការចម្លងជម្ងឺកូវីដ១៩ បានដល់កំរឹតណា ?។ ការចុះត្រួតពិនិត្យនេះ គឺស្ថិតក្នុងពេលដែលទីតាំងផ្សារទាំងនេះ បាននឹងកំពុងដំណើរការសាកល្បងជាបណ្តោះអាសន្នអស់រយៈពេល៣ថ្ងៃកន្លងមកហើយផងដែរ។ឯកឧត្តមអភិបាលខេត្តសៀមរាប បានបញ្ជាក់ឲ្យដឹងថា កាលពីថ្ងៃទី១១ ខែតុលាកន្លងមកនេះ ក្នុងគោលបំណងចង់ឲ្យផ្សារទាំងនេះបានដំណើរការឡើងវិញ ក្រុមការងារចម្រុះបានចុះណែនាំ និងផ្សព្វផ្សាយដល់អាជីវករឲ្យបានយល់ និងបានដឹងអំពីអត្ថប្រយោជន៍នៃការប្រើប្រាស់ប្រព័ន្ធស្កែន QR Code។ ក្រុមការងារក៏បានណែនាំផងដែរ ឲ្យមានការរៀបចំសណ្តាប់ធ្នាប់ក្នុងផ្សារឡើងវិញ ស្របតាមវិធាន ៣ការពារ និង៣កុំ វិធានសុវត្ថិភាពនានាដែលដាក់ចេញដោយក្រសួងសុខាភិបាល និងការប្រតិបត្តិលើការរៀនរស់តាមគន្លងថ្មីនៃបរិបទកូវីដ-១៩។យ៉ាងណាក៏ដោយ នៅរសៀលថ្ងៃចុះត្រួតពិនិត្យនោះ ឯកឧត្តមអភិបាលខេត្ត ពុំទាន់បានបង្ហើបឲ្យដឹងបានទេថា កាលបរិច្ឆេតនៃការចេញសេចក្តីប្រកាស ឲ្យបើកផ្សារទាំងនោះ ជាផ្លូវការនៅពេលណានោះទេ ក៏ប៉ុន្តែគោលបំណងនៃការចុះត្រួតពិនិត្យនេះ គឺជាភ្លើងខៀវសញ្ញា សម្រាប់ពេលវេលាឆាប់ៗខាងមុខនេះ៕អត្ថបទ ៖ គឹមឡេង

បណ្ដាញសង្គម

ព័ត៌មានថ្មីៗ

ពិធីចុះអនុស្សរណៈនៃការយោគយល់គ្នារវាងសាកលវិទ្យាល័យចេនឡា និងសាកលវិទ្យាល័យ Dongshin University នៃសាធារណៈរដ្ឋកូរ៉េ

UN៖ ឧក្រិដ្ឋកម្មសង្រ្គាមទំនងជាបានប្រព្រឹត្តដោយភាគីទាំង ២នៅក្នុងអំពើហិង្សាតំបន់ឆ្នេរប្រទេសស៊ីរី

កង្វះអាំងស៊ុយលីនធ្វើឲ្យអ្នកជំងឺទឹកនោមផ្អែមកុងហ្គោឈឺចាប់នៅតំបន់ភាគខាងកើតដែលញាំញីដោយភ្លើងសង្រ្គាម

រុស្ស៊ី និងអ៊ុយក្រែន ដោះដូរអ្នកទោសម្ខាងៗចំនួន ៨៤នាក់ដូចគ្នា

ក្រុមគ្រូពេទ្យគ្មានព្រំដែន៖ ជំងឺអាសន្នរោគបានសម្លាប់មនុស្ស ៤០នាក់នៅតំបន់ Darfur ប្រទេសស៊ូដង់ ក្នុងរយៈពេល ១សប្តាហ៍

នគរបាលអេស្ប៉ាញ ចាប់ខ្លួនមនុស្ស ៤នាក់ ពាក់ព័ន្ធនឹងចំហេះព្រៃថ្មី

ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានីចូលរួមបរិច្ចាគឈាម ដើម្បីសង្គ្រោះជីវិត

ប្រភព៖ ទួរគីជួយស៊ីរីនូវប្រព័ន្ធអាវុធ និងគ្រឿងយុទ្ធោបករណ៍ ក្រោមកិច្ចព្រមព្រៀងថ្មី

សម្តេចតេជោជួបពិភាក្សាជាមួយអគ្គលេខាធិការមជ្ឈឹមបក្សកុម្មុយនីស្តវៀតណាមតាមរយៈវិដេអូពីចម្ងាយ

មេដឹកនាំបារាំង បញ្ជាក់ថា លោក Trump បើកចំហចំពោះការធានាសន្តិសុខ សម្រាប់អ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ធុរកិច្ចអាមេរិក-អាស៊ាន ចង់វិនិយោគនៅកម្ពុជាលើវិស័យថាមពល ឧស្សាហកម្ម សុខាភិបាល និងបច្ចេកវិទ្យាជាដើម

គ.ជ.ប ចុះឈ្មោះបោះឆ្នោតថ្មីជូនពលរដ្ឋជិត៨ម៉ឺននាក់ក្នុងរយៈពេល១សប្តាហ៍

រដ្ឋបាលខេត្តព្រះសគ្រោងនឹងសាងសង់បន្ទប់អគ្គិសនី និងសាងសង់ប៉មជួយសង្គ្រោះបន្ថែម នៅតាមបណ្តោយឆ្នេរសមុទ្រ

កម្ពុជា នឹងរៀបចំកិច្ចប្រជុំឧត្តមមន្ត្រីអាស៊ានទទួលបន្ទុកវប្បធម៌ និងសិល្បៈលើកទី១៧

សម្តេចតេជោ ៖ ការឆ្លងថ្មីនៃមេរោគកូវីដ១៩ មានការថយចុះតែហានិភ័យខ្ពស់នៅតែបន្តមានដដែល

គណៈកម្មាធិការជាតិគ្រប់គ្រងគ្រោះមហន្តរាយ ធ្វើលំហាត់សមយុទ្ធពង្រឹងជំនាញសង្គ្រោះពលរដ្ឋ នៅខេត្តកំពង់ឆ្នាំង

គ្រឹះស្ថានមធ្យមសិក្សាសាធារណៈជាង៤០កន្លែង នៅខេត្ដសៀមរាប ត្រូវបានបើកបង្រៀនសាកល្បងនៅថ្ងៃនេះ

កម្ពុជា នឹងរៀបចំកម្មវិធីប្រកួតភាពយន្តខ្លី លើកទី១០ តាមរយៈការចាក់បញ្ចាំងតាមអនឡាញ

ផ្សារចំនួន៣ទីតាំងក្នុងក្រុងសៀមរាប គ្រោងនឹងបើកឲ្យដំណើរការឡើងវិញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ធុរកិច្ចអាមេរិក-អាស៊ាន ចង់វិនិយោគនៅកម្ពុជាលើវិស័យថាមពល ឧស្សាហកម្ម សុខាភិបាល និងបច្ចេកវិទ្យាជាដើម

គ.ជ.ប ចុះឈ្មោះបោះឆ្នោតថ្មីជូនពលរដ្ឋជិត៨ម៉ឺននាក់ក្នុងរយៈពេល១សប្តាហ៍

រដ្ឋបាលខេត្តព្រះសគ្រោងនឹងសាងសង់បន្ទប់អគ្គិសនី និងសាងសង់ប៉មជួយសង្គ្រោះបន្ថែម នៅតាមបណ្តោយឆ្នេរសមុទ្រ

កម្ពុជា នឹងរៀបចំកិច្ចប្រជុំឧត្តមមន្ត្រីអាស៊ានទទួលបន្ទុកវប្បធម៌ និងសិល្បៈលើកទី១៧

សម្តេចតេជោ ៖ ការឆ្លងថ្មីនៃមេរោគកូវីដ១៩ មានការថយចុះតែ​ហានិភ័យ​ខ្ពស់នៅតែបន្តមានដដែល

គណៈកម្មាធិការជាតិគ្រប់គ្រងគ្រោះមហន្តរាយ ធ្វើលំហាត់សមយុទ្ធពង្រឹងជំនាញសង្គ្រោះពលរដ្ឋ នៅខេត្តកំពង់ឆ្នាំង

គ្រឹះស្ថាន​មធ្យមសិក្សាសាធារណៈជាង៤០កន្លែង នៅខេត្ដសៀមរាប ត្រូវបានបើក​បង្រៀន​សាកល្បង​នៅថ្ងៃនេះ

កម្ពុជា នឹងរៀបចំកម្មវិធីប្រកួតភាពយន្តខ្លី លើកទី១០ តាមរយៈការចាក់បញ្ចាំងតាមអនឡាញ

ផ្សារចំនួន៣ទីតាំងក្នុងក្រុងសៀមរាប គ្រោងនឹងបើកឲ្យដំណើរការឡើងវិញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

សម្តេចតេជោ ៖ ការឆ្លងថ្មីនៃមេរោគកូវីដ១៩ មានការថយចុះតែហានិភ័យខ្ពស់នៅតែបន្តមានដដែល

គ្រឹះស្ថានមធ្យមសិក្សាសាធារណៈជាង៤០កន្លែង នៅខេត្ដសៀមរាប ត្រូវបានបើកបង្រៀនសាកល្បងនៅថ្ងៃនេះ