BTV NEWS

គណបក្សនយោបាយសម្ព័ន្ធភាព បង្ហាញជំហររបស់ខ្លួនក្នុងការចូលរួមដោះស្រាយបញ្ហារួមសម្រាប់ជាតិ

កម្ពុជានឹងមានវត្តមានរោងចក្រដំឡើងរថយន្តអគ្គិសនីថ្មីមួយទៀត នៅក្នុងតំបន់សេដ្ឋកិច្ចពិសេស ខេត្តពោធិ៍សាត់ ខណៈត្រឹមឆ្នាំ២០២៥ កំណើនរថយន្តអគ្គិសនីចុះបញ្ជីមានចំនួន ៦,១២៩គ្រឿង កើនឡើង ១៧២% បើធៀបឆ្នាំ២០២៤

ទូតចិនអបអរការដាក់ឱ្យពលរដ្ឋឆ្លងកាត់ស្ពានមិត្តភាពកម្ពុជា-ចិន មេគង្គក្រចេះនៅដើមខែក្រោយ ខណៈមិត្តចិនប្រកាសបន្តពង្រីកការសាងសង់ស្ពាន និងផ្លូវនៅកម្ពុជាឥតឈប់ឈរ

គម្រោងពង្រីក និងលើកកម្រិតផ្លូវជាតិលេខ៧ (ស្គន់-ក្រុងកំពង់ចាម) ជាបួនគន្លង សម្រេចលទ្ធផលការងារបានជិត ៩០%ហើយ គិតត្រឹមខែមីនា ឆ្នាំ២០២៦នេះ

នយោបាយ និង ការអភិវឌ្ឍន៍

ក្រុមអ្នករិះគន់លោក Trump ប្រមូលផ្ដុំតវ៉ាប្រឆាំងសេចក្ដីសម្រេចអភ័យឯកសិទ្ធិរបស់តុលាការអាមេរិក

ក្រុមអ្នកតវ៉ាបានប្រមូលផ្តុំគ្នានៅមុខតុលាការកំពូលរបស់សហរដ្ឋអាមេរិក ក្នុងទីក្រុងវ៉ាស៊ីនតោន កាលពីថ្ងៃចន្ទ (០១ កក្កដា) បន្ទាប់ពីតុលាការនេះបានទទួលស្គាល់ថាលោកអតីតប្រធានាធិបតី ដូណាល់ ត្រាំ (Donald Trump) មានអភ័យឯកសិទ្ធិរារាំងការកាត់ទោសចំពោះសកម្មភាពមួយចំនួនដែលបានធ្វើឡើងនៅក្នុងពេលកាន់តំណែង។អ្នកតវ៉ាម្នាក់ឈ្មោះ លេស្លី ហ្វេឌ័រ (Lesley Feder) បាននិយាយថា «លោក ត្រាំ គឺជាមនុស្សអាក្រក់» ដោយបន្ថែមថាអាមេរិក នឹងមិនទទួលបានការគោរពពីមនុស្សនៅលើពិភពលោកទេ ប្រសិនបើពួកគេឱ្យ «មនុស្សកុហកដ៏ស្មោកគ្រោក» កាន់តំណែង។ អ្នកតវ៉ាម្នាក់ទៀតឈ្មោះ ណូអែល អ៊ីវ៉ានស៍ (Noel Evans) បានប្រាប់សារព័ត៌មានរ៉យទ័រថា «ខ្ញុំគិតថា នេះគឺជាតុលាការពុករលួយខុបខិតគ្នាដល់កម្រិតមួយដែលលោក ត្រាំ នឹងមិនទទួលបានការកាត់ក្តីមុនការបោះឆ្នោត»។ប្រធានចៅក្រម លោក ចន រ៉ូប៊ឺតស៍ (John Roberts) បានប្រកាសពីសេចក្តីសម្រេចអភ័យឯកសិទ្ធិដ៏សំខាន់នេះក្នុងនាមតំណាងនៃសំឡេងភាគច្រើនរបស់ក្រុមយុត្តិធម៌អភិរក្សនិយម ៦រូបរបស់តុលាការ។ ការសម្រេចនេះបានកើតឡើងនៅក្នុងបណ្តឹងឧទ្ធរណ៍របស់លោក ត្រាំ លើសេចក្តីសម្រេចរបស់តុលាការជាន់ទាប ដែលបដិសេធការទាមទារអភ័យឯកសិទ្ធិរបស់លោក។លោក ត្រាំ បានអះអាងថាលោកមានអភ័យឯកសិទ្ធិពីការកាត់ទោសដោយសារតែខ្លួនកំពុងបម្រើការជាប្រធានាធិបតី នៅពេលលោកធ្វើសកម្មភាពដែលនាំឱ្យមានការចោទប្រកានោះ។ ប៉ុន្តែរដ្ឋអាជ្ញាពិសេស លោក ជេក ស្មីត (Jack Smith) បានជំទាស់អភ័យឯកសិទ្ធិនោះ ដោយឈរលើគោលការណ៍ដែលថាគ្មាននរណាម្នាក់នៅពីលើច្បាប់នោះទេ៕

បណ្ដាអ្នកនយោបាយ៖ ការបង្កើតរដ្ឋាភិបាលនិរទេសជាអំពើផ្ទុយពីច្បាប់ និងប្រព័ន្ធលទ្ធិប្រជាធិបតេយ្យ

ក្រុមអ្នកនយោបាយបានលើកឡើងថា ការបង្កើតរដ្ឋាភិបាលនិរទេសជាអំពើផ្ទុយពីច្បាប់ និងប្រព័ន្ធលទ្ធិប្រជាធិបតេយ្យ។ ថ្លែងប្រាប់ BTV នៅថ្ងៃទី២ ខែកក្កដា ឆ្នាំ២០២៤ មានមេដឹកនាំគណបក្សនយោបាយដែលមានសកម្មភាពយ៉ាងសកម្មនៅកម្ពុជា បានបន្តនាំគ្នាប្រតិកម្មលើការប្រកាសរបស់ក្រុមអ្នកនយោបាយនិរទេសអំពីផែនការបង្កើតរដ្ឋាភិបាលនៅបរទេស និងបានប្រឆាំងដាច់ខាតចំពោះផែនការជ្រុលនិយមដែលមានចេតនាបំផ្លាញជាតិ និងសង្គមកម្ពុជា។ លោក កាន់ វីរៈ ប្រធានគណបក្សអំណាចពលរដ្ឋ លើកឡើងថា កម្ពុជាមានសុខសន្តិភាព និងការអភិវឌ្ឍពេញលេញដូចពេលបច្ចុប្បន្ន ដូច្នេះកម្ពុជាមិនមានភាពចាំបាច់ទៅបង្កើតរដ្ឋាភិបាលបន្ថែមនោះទេ ពោលការបង្កើតរដ្ឋាភិបាលរបស់ពួកគេមានគោលដៅតែមួយគត់ គឺចង់បំផ្លិចបំផ្លាញជាតិតែប៉ុណ្ណោះ។ ជាមួយគ្នាលោក អ៊ុន ជឹម ប្រធានគណបក្សឯកភាពជាតិខ្មែរ លើកឡើងដែរថា ការបង្កើតរដ្ឋាភិបាលនិរទេស គឺជាអំពើផ្ទុយពីច្បាប់ ក៏ដូចជាប្រព័ន្ធលទ្ធិប្រជាធិបតេយ្យ។ ប្រធានគណបក្សរូបនេះ បានប្រឆាំងដាច់ខាតទោះការបង្កើតនោះក្នុងរូបភាពជារដ្ឋាភិបាលក្រៅប្រទេស ឬបង្កើតក្រុមប្រឆាំងក្នុងប្រទេសក្តីសុទ្ធតែជាចេតនាឈានទៅផ្តួលរំលំរាជរដ្ឋាភិបាល។លោក អ៊ុន វិសិទ្ធគុន ប្រធានគណបក្សកម្លាំងប្រជាធិបតេយ្យ បានអំពាវនាវដល់ប្រជាពលរដ្ឋ និងអ្នកនយោបាយទាំងអស់ចូលរួមទប់ស្កាត់ចំពោះផែនការបង្កើតរដ្ឋាភិបាលនិរទេស ជាពិសេសលោកបានស្នើក្រសួងមហាផ្ទៃរៀបចំបង្កើតច្បាប់ការពារមិនឱ្យគណបក្សនយោបាយក្នុងប្រទេសមានទំនាក់ទំនងជាមួយក្រុមអ្នកនយោបាយនៅក្រៅប្រទេសដែលជាឈ្នាន់សម្រាប់ជាន់ពន្លិចការកសាងប្រទេស និងការអភិវឌ្ឍន៍សង្គមជាតិ។សូមជម្រាបថា ក្នុងឱកាសអញ្ជើញខួបលើកទី៧៣នៃថ្ងៃបង្កើតគណបក្សប្រជាជនកម្ពុជា សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា មានប្រសាសន៍ថា គណបក្សណាក៏ដោយ អ្នកណាក៏ដោយ ដែលមានទំនាក់ទំនងជាមួយរដ្ឋាភិបាលបង្កើតនៅឯបរទេស ប្រសិនបើកើតឡើងនាពេលខាងមុខ តាមការគ្រោងទុកនោះ គឺត្រូវតែកម្ចាត់ចោល និងរំសាយចោលភ្លាមនូវអង្គការចាត់តាំងបក្សដែលនៅក្នុងប្រទេស ព្រោះនេះជាចលនាជ្រុលនិយមដែលគ្រោះថ្នាក់បំផុតដល់ជាតិ។ បន្ថែមលើសពីនេះជុំវិញផែនការបង្កើតរដ្ឋាភិបាលនៅឯបរទេសនោះ សម្តេចតេជោ ហ៊ុន សែន បានអំពាវនាវដល់រាជរដ្ឋាភិបាលធ្វើការពិនិត្យលទ្ធភាពក្នុងការវិសោធនកម្មលើច្បាប់ស្តីពីការបង្កើតគណបក្សនយោបាយ និងច្បាប់ពាក់ព័ន្ធផងដែរ៕ អត្ថបទ សេក ឧត្តម

សារព័ត៌មាន Bloomberg៖ គណបក្សប្រជាធិបតេយ្យអាមេរិក ត្រៀមខ្លួនជាស្រេច ដើម្បីពន្លឿនការតែងតាំងលោក Biden

គណៈកម្មាធិការជាតិប្រជាធិបតេយ្យអាចតែងតាំងលោក Joe Biden ជាផ្លូវការជាបេក្ខជនប្រធានាធិបតីរបស់ពួកគេនៅថ្ងៃទី២១ ខែកក្កដានេះ ក្នុងបំណងដើម្បីបញ្ចប់ការរំពឹងទុកនៃការជំនួសដែលអាចធ្វើទៅបានបន្ទាប់ពីលោកធ្វើមិនបានល្អ ទល់នឹងអ្នកកាន់តំណែងមុនរបស់លោកមកពីគណបក្សសាធារណរដ្ឋគឺលោក Donald Trump ។សារព័ត៌មាន Bloomberg បានរាយការណ៍កាលពីថ្ងៃចន្ទដោយសំអាងប្រភពពីមនុស្សដែលដឹងពីបញ្ហានេះថា គណបក្សប្រជាធិបតេយ្យបានគ្រោងនឹងតែងតាំងលោក Biden នៅមុនសន្និបាតខែសីហារបស់ពួកគេ ប៉ុន្តែពេលវេលាដែលត្រូវបានស្នើឡើងនឹងអនុញ្ញាតឱ្យគណបក្សបញ្ឈប់ការជជែក ក្នុងបក្សនៃការជំនួសរូបលោក និងដើម្បីសម្របសម្រួលបន្ថែមទៀតជុំវិញអ្នកត្រូវតែងតាំងរបស់ ទោះបីជាអ្នកខាងក្នុងបក្សមួយចំនួនអំពាវនាវឱ្យលោកចាកចេញទុកឱកាសឲ្យបេក្ខជនថ្មី បន្ទាប់ពីការធ្វើមិនបានល្អក្នុងការជជែកដេញដោលកាលពីថ្ងៃទី ២៧ ខែមិថុនា។ គណៈកម្មាធិការជាតិប្រជាធិបតេយ្យគ្រោងនឹងរៀបចំកិច្ចប្រជុំគណៈកម្មាធិការជាច្រើននៅចន្លោះថ្ងៃទី ១៦ដល់២១ ខែកក្កដា ដើម្បីបញ្ចប់ច្បាប់ និងនីតិវិធីសម្រាប់ការបោះឆ្នោតតាមOnline។ ថ្លែងទៅកាន់សារព័ត៌មាន Fox News ប្រភពពីគណបក្សប្រជាធិបតេយ្យក៏បានបញ្ជាក់ផងដែរថា នៅថ្ងៃទី២១ខែ កក្កដា គឺជាកាលបរិច្ឆេទដ៏សំខាន់ ដែលនឹងមានរយៈពេលត្រឹមបីថ្ងៃប៉ុណ្ណោះ បន្ទាប់ពី លោក Trump ត្រូវបានគេរំពឹងថានឹងទទួលបានការតែងតាំងពីគណបក្សរបស់លោក។ ការប្រឈមមុខគ្នាលើកដំបូងនៃការបោះឆ្នោតឆ្នាំនេះរវាងលោក Trump និង លោក Biden បានធ្វើឡើងកាលពីថ្ងៃព្រហស្បតិ៍សប្តាហ៍មុននៅទីក្រុង Atlanta រដ្ឋ ចចា (Georgia) ។ ក្រុមអ្នកសង្កេតការណ៍នយោបាយបានយល់ស្របយ៉ាងទូលំទូលាយថា ប្រធានាធិបតីអាមេរិកវ័យ៨១ឆ្នាំ រូបនេះ បានបរាជ័យក្នុងការប្រឆាំងនឹងការយល់ឃើញដែលថាលោកមិនមានថាមពល និងស្មារតី ដើម្បីដឹកនាំប្រទេសរយៈពេល ៤ ឆ្នាំទៀតទេ៕

ប្រធានាធិបតីថ្មីប្រទេសប៉ាណាម៉ា ប្តេជ្ញាបង្រ្កាបការធ្វើអន្តោប្រវេសន៍ ដោយមានជំនួយពីទីក្រុងវ៉ាស៊ីនតោន

ប្រធានាធិបតីថ្មី របស់ប្រទេសប៉ាណាម៉ា លោក ចូសេ រ៉ូល មូលីណូ(Jose Raul Mulino) បានចូលកាន់តំណែងកាលពីថ្ងៃចន្ទ ទី១ ខែកក្កដា ដោយបានសន្យាថានឹងទប់ស្កាត់ការធ្វើអន្តោប្រវេសន៍ខុសច្បាប់ ដោយរដ្ឋាភិបាលរបស់លោកបានចុះហត្ថលេខាភ្លាមៗលើកិច្ចព្រមព្រៀងជាមួយសហរដ្ឋអាមេរិក ដើម្បីបង្ក្រាបការធ្វើអន្តោប្រវេសន៍ តាមរយៈច្រកឆ្លងកាត់ព្រៃ Darien Gap ដ៏គ្រោះថ្នាក់។នៅក្នុងសុន្ទរកថាលើកដំបូងរបស់លោកជាប្រធានាធិបតី លោក Mulino អាយុ៦៥ឆ្នាំ បានសន្យាថានឹងស្វែងរកជំនួយអន្តរជាតិ ដើម្បីរិះរកដំណោះស្រាយ ជាអ្វីដែលលោកបាននិយាយថាជា «វិបត្តិមនុស្សធម៌ និងបរិស្ថាន»។កាលពីឆ្នាំមុន ជនអន្តោប្រវេសន៍ចំនួន ៥២៩.០០០នាក់ជាកំណត់ត្រាមួយខ្ពស់ បានប្រឈមជីវិតដ៏គ្រោះថ្នាក់ជាញឹកញាប់ នៅក្នុងដៃរបស់អ្នករត់ពន្ធមនុស្ស ដើម្បីឆ្លងកាត់ព្រៃ Darien Gap ជាព្រៃក្រាស់នៅព្រំដែនប្រទេសប៉ាណាម៉ា ជាមួយប្រទេសកូឡុំប៊ី។រដ្ឋាភិបាលរបស់ប្រទេសប៉ាណាម៉ា បាននិយាយនៅក្នុងសេចក្តីថ្លែងការណ៍ថា រដ្ឋមន្ត្រីការបរទេសថ្មីរបស់ លោក Mulino បានចុះហត្ថលេខាលើអនុស្សរណៈយោគយល់ ជាមួយរដ្ឋាភិបាលសហរដ្ឋអាមេរិក ដើម្បី អនុញ្ញាតឱ្យមានការបិទមិនឲ្យជនអន្តោប្រវេសន៍ខុសច្បាប់ឆ្លងកាត់តាមរយៈព្រៃ Darien។ នៅក្នុងកិច្ចព្រមព្រៀង ដែលបានចុះហត្ថលេខាដោយរដ្ឋមន្ត្រីសន្តិសុខមហាផ្ទៃសហរដ្ឋអាមេរិក លោក អាឡិចចានដ្រូ ម៉ាយ៉កាស(Alejandro Mayorkas) ជាអ្នកបានមកចូលរួមក្នុងពិធីឡើងកាន់តំណែងរបស់ លោកMulino និយាយថា សហរដ្ឋអាមេរិកបានព្រមព្រៀង ផ្តល់ការចំណាយលើការធ្វើមាតុភូមិនិវត្តន៍ជនអន្តោប្រវេសន៍ ដែលចូលមកប្រទេសប៉ាណាម៉ា ដោយខុសច្បាប់។

UN សន្យាបន្តការចូលរួម ជាមួយប្រទេសអាហ្វហ្គានីស្ថាន ដោះស្រាយការរឹតត្បិតលើស្ត្រី និងក្មេងស្រី

មន្ត្រីជាន់ខ្ពស់របស់អង្គការសហប្រជាជាតិ និយាយថា អង្គការសហប្រជាជាតិ បានប្តេជ្ញាបន្តការចូលរួមរបស់ខ្លួន ជាមួយប្រទេសអាហ្វហ្គានីស្ថាន គ្រប់គ្រងដោយក្រុមតាលីបង់ ដើម្បីដោះស្រាយការរឹតត្បិតលើស្ត្រី និងក្មេងស្រី រួមជាមួយបញ្ហាផ្សេងៗទៀតដែលជាក្តីបារម្ភរបស់អន្តរជាតិ។ អគ្គលេខាធិការរងអង្គគារសហប្រជាជាតិ លោកស្រី Rosemary DiCarlo បាននិយាយទៅកាន់អ្នកសារព័ត៌មាន កាលពីថ្ងៃចន្ទ បន្ទាប់ពីសន្និសីទរយៈពេលពីរថ្ងៃស្តីពីប្រទេសអាហ្វហ្គានីស្ថាន ដែលបានធ្វើឡើងនៅទីក្រុងដូហា ប្រទេសកាតា។ក្រុមតាលីបង់ បានបញ្ជូនគណៈប្រតិភូទៅចូលរួមសន្និសីទដឹកនាំដោយអង្គការសហប្រជាជាតិ ជាលើកដំបូង។ បេសកជន មកពីសហរដ្ឋអាមេរិក អឺរ៉ុប ចិន និងប្រទេសជប៉ុន ក៏បានមកចូលរួមផងដែរ។លោកស្រី DiCarlo បានស្វាគមន៍ ការចាប់ផ្តើមកិច្ចពិភាក្សាលម្អិតរវាងក្រុមតាលីបង់ និងសហគមន៍អន្តរជាតិ ហើយបានចាត់ទុកការពិភាក្សាថា ស្មោះត្រង់ និងមានប្រយោជន៍។ក្រុមតាលីបង់ បានរឹតត្បិតយ៉ាងតឹងរ៉ឹងលើសិទ្ធិស្ត្រី ចាប់តាំងពីក្រុមនេះ បានត្រលប់មកកាន់អំណាចវិញនៅឆ្នាំ២០២១។ ក្មេងស្រី នៅក្នុងប្រទេសអាហ្វហ្គានីស្ថាន ត្រូវបានរារាំង មិនឱ្យចូលរៀនដល់ថ្នាក់អនុវិទ្យាល័យនោះទេ។ លោកស្រី DiCarlo បាននិយាយថា ដោយដំណើរការឆ្លងកាត់កិច្ចពិភាក្សាទាំងអស់ វាជាការព្រួយបារម្ភយ៉ាងខ្លាំងពីអន្តរជាតិ ពីបេសកជនពិសេស និងពីលោកស្រីផ្ទាល់ ចំពោះការរឹតត្បិតដែលនៅតែបន្ត និងធ្ងន់ធ្ងរ លើស្ត្រី និងក្មេងស្រី។លោកស្រី និយាយថា អង្គការសហប្រជាជាតិ បានប្តេជ្ញាបន្តការចូលរួមរបស់ខ្លួនជាមួយប្រទេសអាហ្វហ្គានីស្ថាន ដើម្បីដោះស្រាយបញ្ហាទាំងនេះ និងបញ្ហាផ្សេងៗទៀត។ អ្នកនាំពាក្យក្រុមតាលីបង់ លោក ហ្សាប៊ីហ៊ូឡា មូចាហ៊ីត(Zabihullah Mujahid) ដែលបានចូលរួមក្នុងសន្និសីទ បានបង្ហាញពីជំហរវិជ្ជមាន ក្នុងការចូលរួមកិច្ចចរចានៅជុំបន្ទាប់ទៀត។ប៉ុន្តែលោក បាននិយាយបន្ថែមថា ក្រុមតាលីបង់ នឹងពិនិត្យមើលកិច្ចប្រជុំនីមួយៗដាច់ដោយឡែក ដោ យផ្អែកលើរបៀបវារៈ និងគោលដៅរបស់កិច្ចប្រជុំ។ ការផ្តោតសំខាន់ គឺទៅលើរបៀបដែលសហគមន៍អន្តរជាតិ អាចជំរុញដល់ក្រុមតាលីបង់ ឱ្យបន្តចូលរួមក្នុងកិច្ចសន្ទនា។

លោក Blinken ការពារលោក Biden ដោយនិយាយថា លោកបានស្ដារទំនុកចិត្តជាសកលក្នុងការដឹកនាំរបស់អាមេរិក

រដ្ឋមន្ត្រីការបរទេសសហរដ្ឋអាមេរិក លោក Antony Blinken កាលពីថ្ងៃចន្ទ បានឆ្លើយតបទៅនឹងការរិះគន់លើការអនុវត្តរបស់ប្រធានាធិបតី លោក Joe Biden ក្នុងកម្មវិធីជជែកដេញដោល កាលពីសប្តាហ៍មុន ដោយនិយាយថា គោលនយោបាយរបស់លោក ក្នុងរយៈពេល៣ឆ្នាំកន្លះមកនេះ បានបង្កើនទំនុកចិត្តលើការដឹកនាំរបស់សហរដ្ឋអាមេរិក នៅលើពិភពលោក។ ដោយមានប្រព័ន្ធផ្សព្វផ្សាយនៅទូទាំងពិភពលោក បង្ហាញព័ត៌មានចំពោះការអនុវត្តន៍ជជែកដេញដោលរបស់លោក Biden ជាមួយលោកDonald Trump លោកBlinken ត្រូវបានគេសួរនៅក្នុងព្រឹត្តិការណ៍មួយរបស់វិទ្យាស្ថាន Brookings នូវអ្វីដែល «មិត្ត និងសត្រូវ» នៅជុំវិញពិភពលោកគួរតែដឹងអំពីការដឹកនាំរបស់សហរដ្ឋអាមេរិក ក្រោមការដឹកនាំរបស់ លោក Biden ។លោក Blinken និយាយថា មនុស្សនៅជុំវិញពិភពលោក កំពុងសម្លឹងមើលនូវអ្វីដែលលោក Biden បានធ្វើ ចាប់តាំងពីលោកចូលកាន់តំណែង ពុំមែនត្រឹមតែមួយយប់នោះទេ ហើយពួកគេពេញចិត្តចំពោះគោលនយោបាយរបស់លោក។ លោក Blinken និយាយថា ពួកគេបានឃើញលោកប្រធានាធិបតី បានវិនិយោគអាមេរិកឡើងវិញ វិនិយោគអាមេរិកឡើងវិញនៅក្នុងពិភពលោក វិនិយោគឡើងវិញនៅក្នុងសម្ព័ន្ធមិត្ត នៅក្នុងភាពជាដៃគូតាមរបៀបដែលពួកគេស្វែងរក និងចង់បាន។ប្រជាជនអាមេរិកជាច្រើន បានបង្ហាញការខកចិត្តចំពោះបេក្ខជនទាំងពីរ បន្ទាប់ពីការជជែកដេញដោលរយៈពេល៩០នាទី កាលពីថ្ងៃព្រហស្បតិ៍សប្តាហ៍មុន នៅលើកញ្ចក់ទូរទស្សន៍ CNN ។ លោក Biden ជាអ្នកកំពុងកាន់តំណែងគណបក្សប្រជាធិបតេយ្យ អាយុ ៨១ ឆ្នាំ សំឡេងរបស់លោកស្អកៗពីជំងឺផ្តាសាយ បាននិយាយជាន់ឃ្លាមួយចំនួន និងបាននិយាយដាច់ៗយឺតៗនៅពេលខ្លះ។ វាជាលើកដំបូង ចាប់តាំងពីថ្ងៃព្រហស្បតិ៍សប្តាហ៍មុន ដែលលោក Blinken អ្នកការទូតជាន់ខ្ពស់របស់សហរដ្ឋអាមេរិក និងជាជំនួយការយូរឆ្នាំរបស់ លោក Biden ត្រូវបានគេសួរអំពីការជជែកដេញដោលនោះ។ លោកបាន បញ្ជាក់លើការអនុវត្តរបស់លោក Biden នៅក្នុងការកាន់តំណែងរបស់លោក។ អ្នកគាំទ្ររបស់លោក Biden សង្ឃឹមថា ការជជែកដេញដោលនេះ នឹងបំបាត់ក្តីបារម្ភដែលថាលោកចាស់ពេកសម្រាប់ការកាន់តំណែងមួយអាណត្តិទៀត ប៉ុន្តែផ្ទុយទៅវិញវាពិតជាបានធ្វើឲ្យមានការព្រួយបារម្ភ។ សមាជិកគណបក្សប្រជាធិបតេយ្យមួចំនួន បានអំពាវនាវឲ្យលោក Biden បោះបង់ការប្រជែង ក្នុងការបោះឆ្នោត។

អ្នកវិភាគ៖ សេចក្តីសម្រេចអភ័យឯកសិទ្ធិ អាចប៉ះពាល់នយោបាយអាមេរិក នឹងជាជ័យជម្នះសម្រាប់លោក Trump

សេចក្តីសម្រេចរបស់តុលាការកំពូលអាមេរិក ដែលថា លោក ដូណាល់ ត្រាំ (Donald Trump) មានអភ័យឯកសិទ្ធិសម្រាប់សកម្មភាពផ្លូវការ អាចមានផលប៉ះពាល់យ៉ាងទូលំទូលាយសម្រាប់ប្រព័ន្ធនយោបាយអាមេរិក ការពង្រីកអំណាច និងនិទណ្ឌភាពរបស់ប្រធានាធិបតីនាពេលអនាគត ព្រមទាំងជាការប្រគល់ជ័យជម្នះឱ្យលោក ដូណាល់ ត្រាំ (Donald Trump) នេះបើតាមអ្នកជំនាញផ្នែកច្បាប់បានប្រាប់សារព័ត៌មានរ៉យទ័រ កាលពីថ្ងៃចន្ទ (០១ កក្កដា)។តុលាការកំពូល បានរកឃើញកាលពីថ្ងៃចន្ទថា លោក ត្រាំ មិនអាចត្រូវបានកាត់ទោសចំពោះសកម្មភាពណាមួយដែលស្ថិតនៅក្នុងអំណាចរដ្ឋធម្មនុញ្ញរបស់លោកក្នុងនាមជាប្រធានាធិបតីនោះទេ ប៉ុន្តែអាចកាត់ទោសបានសម្រាប់សកម្មភាពឯកជនផ្ទាល់ខ្លួន នៅក្នុងសេចក្តីសម្រេចដ៏សំខាន់មួយដែលទទួលស្គាល់ជាលើកដំបូងនូវទម្រង់អភ័យឯកសិទ្ធិរារាំងប្រធានាធិបតីពីការកាត់ទោស។លោកស្រីសាស្ត្រាចារ្យ ឃ្លែរ វូហ្វហ្វដ (Claire Wofford) នៃមហាវិទ្យាល័យ ឆាលស្តុន (Charleston) បាននិយាយថា សេចក្តីសម្រេចនេះនឹងធ្វើឱ្យមានការប្រឈមជាច្រើនសម្រាប់រដ្ឋអាជ្ញាពិសេស លោក ជេក ស្មីត (Jack Smith) ដើម្បីបន្តសំណុំរឿងប្រឆាំងនឹងលោក ត្រាំ។ លោកស្រី វូហ្វហ្វដ បន្ថែមថា សេចក្តីសម្រេចអភ័យឯកសិទ្ធិមានសក្ដានុពល «មិនត្រឹមតែកំណត់ឡើងវិញនូវតំណែងប្រធានាធិបតីប៉ុណ្ណោះទេ» ប៉ុន្តែ «អាចផ្លាស់ប្តូរមុខងារទាំងមូលនៃប្រព័ន្ធអាមេរិក» និងអនុញ្ញាតឱ្យប្រទេសនេះឆ្ពោះទៅរកលទ្ធិផ្តាច់ការ។សាស្ត្រាចារ្យសាលាច្បាប់ ហូហ្វស្រ្តា (Hofstra) លោក ជេមស៍ សេមផល (James Sample) បានប្រាប់សារព័ត៌មានរ៉យទ័រថា តាមរយៈការបង្កើនឧបសគ្គសម្រាប់ការកាត់ទោសដោយជោគជ័យលើលោក ត្រាំ តុលាការបានប្រគល់ «ជ័យជម្នះដល់លោក ត្រាំ ខណៈជិតដល់ទីបញ្ចប់នៃយុទ្ធនាការបោះឆ្នោតប្រធានាធិបតីឆ្នាំ ២០២៤»៕

អ៊ីរ៉ង់ ថ្កោលទោសលោកខាងលិច ដែលអនុញ្ញាតឱ្យមានការយាយីលើអ្នកបោះឆ្នោតអ៊ីរ៉ង់ នៅក្រៅប្រទេស

អ្នកនាំពាក្យក្រសួងការបរទេសអ៊ីរ៉ង់ លោក ណាសសឺ ខាណានី (Nasser Kanaani) កាលពីថ្ងៃចន្ទ (០១ កក្កដា) បានថ្កោលទោសយ៉ាងខ្លាំងដល់បណ្ដារដ្ឋាភិបាលលោកខាងលិចមួយចំនួន ចំពោះការអនុញ្ញាតឱ្យ «អ្នករំខាន» មួយចំនួនបំភិតបំភ័យ យាយី និងប្រមាថអ្នកបោះឆ្នោតអ៊ីរ៉ង់នៅក្រៅប្រទេស ក្នុងអំឡុងពេលបោះឆ្នោតប្រធានាធិបតីទី១៤ របស់ប្រទេស។លោកបានធ្វើការលើកឡើងបែបនេះនៅក្នុងការបង្ហោះនៅលើវេទិកាប្រព័ន្ធផ្សព្វផ្សាយសង្គម X បន្ទាប់ពីបុគ្គលប្រឆាំងអ៊ីរ៉ង់ជាច្រើននាក់បានយាយីអ្នកបោះឆ្នោតអ៊ីរ៉ង់នៅការិយាល័យបោះឆ្នោតក្នុងរដ្ឋមួយចំនួនដូចជានៅចក្រភពអង់គ្លេស និងអូស្ត្រាលី ដើម្បីរារាំងពួកគេមិនឱ្យបោះឆ្នោតកាលពីថ្ងៃសុក្រ (ម៉ោងនៅទីក្រុងតេអេរ៉ង់) កាលពីសប្ដាហ៍មុន។លោក ខាណានី បានថ្កោលទោសរដ្ឋាភិបាលលោកខាងលិចមួយចំនួនដែលអះអាងថាខ្លួនជា «ជើងឯកលទ្ធិប្រជាធិបតេយ្យ» ប៉ុន្តែមិនបានចាត់វិធានការផ្លូវច្បាប់ និងការការពារប្រឆាំងនឹងអ្នកដែល «រំលោភបំពានលើសិទ្ធិស្របច្បាប់របស់ពលរដ្ឋអ៊ីរ៉ង់»។ លោកបានជំរុញអាជ្ញាធរលោកខាងលិចទាំងនោះឱ្យផ្តល់ការពន្យល់ និងចាត់វិធានការសមស្របដើម្បីឆ្លើយតបទៅនឹងអាកប្បកិរិយា «ព្រៃផ្សៃ គ្មានភាពស៊ីវិល និងខុសច្បាប់» បែបនេះ។ការបោះឆ្នោតប្រធានាធិបតីទី១៤ របស់អ៊ីរ៉ង់ ដែលដំបូងឡើយត្រូវធ្វើនៅឆ្នាំ២០២៥ ត្រូវបានកំណត់ពេលឡើងវិញបន្ទាប់ពីការស្លាប់ដែលមិននឹកស្មានដល់របស់លោកអតីតប្រធានាធិបតី អ៊ីប្រាហ៊ីម រ៉េស៊ី (Ebrahim Raisi) ក្នុងឧប្បត្តិហេតុធ្លាក់ឧទ្ធម្ភាគចក្រកាលពីថ្ងៃទី១៩ ខែឧសភា។ បន្ទាប់ពីការបោះឆ្នោតជុំទី១ ដែលបានចាប់ផ្តើមកាលពីព្រឹកថ្ងៃសុក្រ និងបានបញ្ចប់នៅពាក់កណ្តាលអធ្រាត្រ ពុំមានបេក្ខជនណាទទួលបានការគាំទ្រលើសពី ៥០ ភាគរយនៃសន្លឹកឆ្នោតសរុបដែលត្រូវការដើម្បីឈ្នះនោះទេ។ ដូច្នេះ ប្រទេសនេះត្រូវបោះឆ្នោតជុំទី២ ដែលគ្រោងធ្វើនៅថ្ងៃទី០៥ ខែកក្កដា រវាងគូប្រជែងនាំមុខប្រកៀកប្រកិតគ្នាពីររូប៕

មេដឹកនាំដែនដីដាគីស្ថាន របស់រុស្ស៊ី បន្ទោសភេរវជនអន្តរជាតិ ថានៅពីក្រោយការវាយប្រហារ

មេដឹកនាំនៃសារធារណរដ្ឋ ដាគីស្ថាន (Dagestan) ដែលមានជនជាតិមូស្លីមរស់នៅភាគច្រើនរបស់រុស្ស៊ី ជាទីដែលខ្មាន់កាំភ្លើងកាលពីខែមុន បានធ្វើការវាយប្រហារយ៉ាងបង្ហូរឈាមនៅក្នុងទីក្រុងចំនួនពីរ បាននិយាយកាលពីថ្ងៃចន្ទ (០១ កក្កដា) ថា ការគំរាមកំហែងផ្នែកសន្តិសុខនោះគឺមកពី «អង្គការភេរវករអន្តរជាតិ»។ ប្រព័ន្ធផ្សព្វផ្សាយរដ្ឋបានដកស្រង់សម្តីលោក សើហ្កេ មេលីខូវ (Sergei Melikov) ដែលនិយាយថាការវាយប្រហារដែលបណ្ដាលឱ្យមនុស្ស ២២នាក់បានស្លាប់កាលពីថ្ងៃទី២៣ ខែមិថុនា បានដាក់គោលដៅលើព្រះវិហារ និងសាលាប្រជុំសាសនាជ្វីហ្វ។បណ្ដាអ្នកជំនាញផ្នែកសន្តិសុខលោកខាងលិចបាននិយាយថា ការវាយប្រហារនេះគឺជាភស្តុតាងបន្ថែមទៀតដែលថារុស្ស៊ី ដែលជាប់រវល់ជាមួយនឹងសង្គ្រាមនៅអ៊ុយក្រែន កំពុងប្រឈមមុខនឹងបញ្ហាកាន់តែខ្លាំងឡើងជាមួយនឹងអំពើហិង្សារបស់ពួកសកម្មប្រយុទ្ធអ៊ីស្លាមនៅក្នុងស្រុក។ ប៉ុន្តែលោក មេលីខូវ បានទទូចថាការគំរាមកំហែងនេះគឺជារឿងខាងក្រៅប៉ុណ្ណោះ។ទីភ្នាក់ងារសារព័ត៌មានរដ្ឋ RIA បានដកស្រង់សម្តីលោកថា «កត្តាគម្រាមកំហែងសំខាន់ដែលជះឥទ្ធិពលដល់ស្ថានភាពនៅក្នុងសាធារណរដ្ឋ នៅតែជាសកម្មភាពកើនឡើងនៃអង្គការភេរវករអន្តរជាតិ»។ លោកបន្ថែមថា មានភ័ស្តុតាងដោយផ្ទាល់ និងដោយប្រយោលដែលចង្អុលទៅតួនាទីនៃ «សត្រូវផ្ទាល់របស់រុស្ស៊ី» នៅក្នុងការវាយប្រហារនេះ ប៉ុន្តែមិនបានបញ្ជាក់ថាពួកគេជានរណា ឬជាភស្តុតាងអ្វីនោះទេ។ការវាយប្រហារនៅដែនដី ដាគីស្ថាន នេះបានកើតឡើងរយៈពេលបីខែ បន្ទាប់ពីខ្មាន់កាំភ្លើងបានវាយលុកសាលប្រគុំតន្ត្រីមួយនៅជិតទីក្រុងមូស្គូ ដោយសម្លាប់មនុស្ស ១៤៥ នាក់ នៅក្នុងការសម្លាប់រង្គាលមួយដែលត្រូវបានអះអាងដោយក្រុមសកម្មប្រយុទ្ធរដ្ឋអ៊ីស្លាម៕

រុស្ស៊ី តបទៅលោក Trump ថាសង្គ្រាមអ៊ុយក្រែន មិនអាចបញ្ចប់ក្នុងពេលមួយថ្ងៃបានឡើយ

ឯកអគ្គរដ្ឋទូតរុស្ស៊ីប្រចាំអង្គការសហប្រជាជាតិ លោក វ៉ាស៊ីលី ណេបិនហ៊្សា (Vassily Nebenzia) បាននិយាយកាលពីថ្ងៃចន្ទ (០១ កក្កដា) ថា «វិបត្តិអ៊ុយក្រែន មិនអាចដោះស្រាយបានក្នុងពេលត្រឹមតែមួយថ្ងៃទេ» នៅពេលដែលត្រូវសាកសួរអំពីបេក្ខជនប្រធានាធិបតីអាមេរិក លោក ដូណាល់ ត្រាំ (Donald Trump) ដែលបានលើកឡើងជាញឹកញាប់ថាលោកអាចបញ្ចប់សង្រ្គាមក្នុងរយៈពេល ២៤ ម៉ោងប្រសិនបើជាប់ឆ្នោតម្ដងទៀត។បេក្ខជនមកពីគណបក្សសាធារណរដ្ឋ លោក ត្រាំ មិនបានផ្តល់ព័ត៌មានលម្អិតណាមួយឡើយ ហើយបាននិយាយថា ប្រសិនបើមាន «ប្រធានាធិបតីពិតប្រាកដ» នៅសហរដ្ឋអាមេរិក ដែលត្រូវបានគោរពដោយប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) នោះទីក្រុងមូស្គូ ប្រហែលជាមិនវាយលុកអ៊ុយក្រែនក្នុងខែកុម្ភៈ ឆ្នាំ២០២២ ឡើយ។លោក ណេបិនហ៊្សា បានប្រាប់សន្និសីទសារព័ត៌មានក្នុងការចាប់ផ្តើមអាណត្តិជាប្រធានក្រុមប្រឹក្សាសន្តិសុខអង្គការសហប្រជាជាតិរបស់រុស្ស៊ី សម្រាប់ខែកក្កដាថា៖ «វិបត្តិអ៊ុយក្រែន មិនអាចដោះស្រាយបានក្នុងមួយថ្ងៃទេ»។ ជាការឆ្លើយតប អ្នកនាំពាក្យយុទ្ធនាការលោក ត្រាំ គឺលោក ស្ទេវិន ជឹង (Steven Cheung) បានប្រាប់សារព័ត៌មានរ៉យទ័រថា «លោក ត្រាំ គឺជារដ្ឋបុរស និងអ្នកចរចាដ៏មានប្រសិទ្ធភាពបំផុតក្នុងប្រវត្តិសាស្ត្រ ហើយលោកនឹងដោះស្រាយជម្លោះនេះបាននៅពេលលោកជាប់ឆ្នោត»។ពលរដ្ឋអាមេរិកនឹងទៅបោះឆ្នោតនៅថ្ងៃទី០៥ ខែវិច្ឆិកា ដើម្បីជ្រើសរើសប្រធានាធិបតីបន្ទាប់សម្រាប់អាណត្តិ ៤ ឆ្នាំ។ លទ្ធផលនៃការបោះឆ្នោតគឺជាបញ្ហាចំពោះរុស្ស៊ី ទោះបីជាខ្លួនព្យាយាមធ្វើដូចមិនខ្វល់ក៏ដោយ ព្រោះវានឹងកំណត់ពីទំហំនៃការប្តេជ្ញាចិត្តរបស់ក្រុងវ៉ាស៊ីនតោន ក្នុងការបន្តគាំទ្រអ៊ុយក្រែន ប្រឆាំងនឹងក្រុងម៉ូស្គូ និងផ្គត់ផ្គង់អាវុធទំនើបៗរបស់អាមេរិក៕

បណ្ដាញសង្គម

ព័ត៌មានថ្មីៗ

រុស្ស៊ីបញ្ជាក់ពីការស្លាប់របស់ជនជាតិកាមេរូនចំនួន ១៦នាក់ ដែលបានប្រយុទ្ធគ្នាក្នុងសង្គ្រាមអ៊ុយក្រែន

អាជ្ញាធរ និងកងកម្លាំងភ្នំពេញបន្តប្រជុំដាក់ផែនការបង្ក្រាប online scams ខណៈបានបញ្ជូនមនុស្ស ១៤០នាក់ទៅតុលាការ

អាមេរិក និងអ៊ីស្រាអែល បានបាត់បង់យន្តហោះចំនួន ១១គ្រឿង ខណៈពេលកំពុងស្វែងរកអ្នកបើកយន្តហោះ F-15 នៅអ៊ីរ៉ង់

អ៊ីរ៉ង់ស្វែងរកការធានាសម្រាប់សំណើថ្មី ១០ចំណុច ខណៈកាលកំណត់របស់លោក Trump ជិតមកដល់ហើយ

លោក Pezeshkian ដាក់ខ្លួនលោក ក្នុងចំណោមប្រជាជនអ៊ីរ៉ង់ចំនួន ១៤ លាននាក់ ដែលត្រៀមស្លាប់ ដើម្បីប្រទេសនេះ

អ៊ុយក្រែន៖ រុស្ស៊ីផ្គត់ផ្គង់ការគាំទ្រផ្នែកអ៊ីនធឺណិត និងរូបភាពចារកម្មដល់អ៊ីរ៉ង់

ក្រសួងរៀបចំដែនដី ដោះស្រាយវិវាទលេីបុរីខេភី ម៉ន ដានី ឈានដល់ការបិទបញ្ចប់វិវាទដែលជាប់គាំង ទាំង៣៦គម្រោង ដល់អតិថិជន

សារព័ត៌មាន៖ អនុប្រធានាធិបតីអាមេរិក អាចចូលរួមក្នុងការចរចាដោយផ្ទាល់ជាមួយអ៊ីរ៉ង់

ក្រសួងការពារជាតិ៖ បំណែកមីស៊ីលរបស់អ៊ីរ៉ង់ ធ្លាក់លើទីតាំងថាមពលនៅអារ៉ាប៊ីសាអ៊ូឌីត

កូរ៉េខាងត្បូង៖ ការឆ្លើយតបរបស់ក្រុងព្យុងយ៉ាង ចំពោះការសូមអភ័យទោស ជាវឌ្ឍនភាពឆ្ពោះទៅរកភាពធូរស្រាល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ក្រុមអ្នករិះគន់លោក Trump ប្រមូលផ្ដុំតវ៉ាប្រឆាំងសេចក្ដីសម្រេចអភ័យឯកសិទ្ធិរបស់តុលាការអាមេរិក

បណ្ដាអ្នកនយោបាយ៖ ការបង្កើតរដ្ឋាភិបាលនិរទេសជាអំពើផ្ទុយពីច្បាប់ និងប្រព័ន្ធលទ្ធិប្រជាធិបតេយ្យ

សារព័ត៌មាន Bloomberg៖ គណបក្សប្រជាធិបតេយ្យអាមេរិក ត្រៀមខ្លួនជាស្រេច ដើម្បីពន្លឿនការតែងតាំងលោក Biden

ប្រធានាធិបតីថ្មីប្រទេសប៉ាណាម៉ា ប្តេជ្ញាបង្រ្កាបការធ្វើអន្តោប្រវេសន៍ ដោយមានជំនួយពីទីក្រុងវ៉ាស៊ីនតោន

UN សន្យាបន្តការចូលរួម ជាមួយប្រទេសអាហ្វហ្គានីស្ថាន ដោះស្រាយការរឹតត្បិតលើស្ត្រី និងក្មេងស្រី

លោក Blinken ការពារលោក Biden ដោយនិយាយថា លោកបានស្ដារទំនុកចិត្តជាសកលក្នុងការដឹកនាំរបស់អាមេរិក

អ្នកវិភាគ៖ សេចក្តីសម្រេចអភ័យឯកសិទ្ធិ អាចប៉ះពាល់នយោបាយអាមេរិក នឹងជាជ័យជម្នះសម្រាប់លោក Trump

អ៊ីរ៉ង់ ថ្កោលទោសលោកខាងលិច ដែលអនុញ្ញាតឱ្យមានការយាយីលើអ្នកបោះឆ្នោតអ៊ីរ៉ង់ នៅក្រៅប្រទេស

មេដឹកនាំដែនដីដាគីស្ថាន របស់រុស្ស៊ី បន្ទោសភេរវជនអន្តរជាតិ ថានៅពីក្រោយការវាយប្រហារ

រុស្ស៊ី តបទៅលោក Trump ថាសង្គ្រាមអ៊ុយក្រែន មិនអាចបញ្ចប់ក្នុងពេលមួយថ្ងៃបានឡើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ក្រុមអ្នករិះគន់លោក Trump ប្រមូលផ្ដុំតវ៉ាប្រឆាំងសេចក្ដីសម្រេចអភ័យឯកសិទ្ធិរបស់តុលាការអាមេរិក

បណ្ដាអ្នកនយោបាយ៖ ការបង្កើតរដ្ឋាភិបាលនិរទេសជាអំពើផ្ទុយពីច្បាប់ និងប្រព័ន្ធ​លទ្ធិប្រជាធិបតេយ្យ

សារព័ត៌មាន Bloomberg៖ គណបក្សប្រជាធិបតេយ្យអាមេរិក ត្រៀមខ្លួនជាស្រេច ដើម្បីពន្លឿនការតែងតាំងលោក Biden

ប្រធានាធិបតីថ្មីប្រទេសប៉ាណាម៉ា ប្តេជ្ញាបង្រ្កាបការធ្វើអន្តោប្រវេសន៍ ដោយមានជំនួយពីទីក្រុងវ៉ាស៊ីនតោន

UN សន្យាបន្តការចូលរួម ជាមួយប្រទេសអាហ្វហ្គានីស្ថាន ដោះស្រាយការរឹតត្បិតលើស្ត្រី និងក្មេងស្រី

លោក Blinken ការពារលោក Biden ដោយនិយាយថា លោកបានស្ដារទំនុកចិត្តជាសកលក្នុងការដឹកនាំរបស់អាមេរិក

អ្នកវិភាគ៖ សេចក្តីសម្រេចអភ័យឯកសិទ្ធិ អាចប៉ះពាល់នយោបាយអាមេរិក នឹងជាជ័យជម្នះសម្រាប់លោក Trump

អ៊ីរ៉ង់ ថ្កោលទោសលោកខាងលិច ដែលអនុញ្ញាតឱ្យមានការយាយីលើអ្នកបោះឆ្នោតអ៊ីរ៉ង់ នៅក្រៅប្រទេស

មេដឹកនាំដែនដីដាគីស្ថាន របស់រុស្ស៊ី បន្ទោសភេរវជនអន្តរជាតិ ថានៅពីក្រោយការវាយប្រហារ

រុស្ស៊ី តបទៅលោក Trump ថាសង្គ្រាមអ៊ុយក្រែន មិនអាចបញ្ចប់ក្នុងពេលមួយថ្ងៃបានឡើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

បណ្ដាអ្នកនយោបាយ៖ ការបង្កើតរដ្ឋាភិបាលនិរទេសជាអំពើផ្ទុយពីច្បាប់ និងប្រព័ន្ធលទ្ធិប្រជាធិបតេយ្យ