នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេច​តេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន
ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី
ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា
សម្តេចធិបតីផ្ញើសារច្បាស់លាស់ និងយ៉ាងម៉ឺងម៉ាត់​ដល់អាជ្ញាធរមូលដ្ឋានឱ្យ​បង្ក្រាប​ Online Scams ឱ្យទាល់តែអស់​ជាដាច់ខាត​ប្រកបដោយស្មារតីទទួលខុសត្រូវខ្ពស់បំផុត

នយោបាយ​ និង ការអភិវឌ្ឍន៍

កម្ពុជា នឹងរៀបចំកិច្ចប្រជុំឧត្តមមន្ត្រីអាស៊ានទទួលបន្ទុកវប្បធម៌ និងសិល្បៈលើកទី១៧

2021/10/19 09:47:51 am        578
Facebook Telegram Linkin
ភ្នំពេញ ៖ ក្រសួងវប្បធម៌ និងវិចិត្រសិល្បៈ នៃព្រះរាជាណាចក្រកម្ពុជា ស្ថិត​ក្រោម​សសរស្ដម្ភ​សហគមន៍​សង្គម-វប្បធម៌អាស៊ាន នៅថ្ងៃទី២០ ខែតុលា ឆ្នាំ២០២១ខាងមុននេះ នឹងរៀបចំកិច្ចប្រជុំ​ឧត្តមមន្ត្រីអាស៊ាន​ទទួលបន្ទុកវប្បធម៌ និងសិល្បៈលើកទី១៧ និងកិច្ចប្រជុំពាក់ព័ន្ធ​ជាមួយដៃគូ​សន្ទនា​តាមរយៈប្រព័ន្ធវីដេអូ។នៅក្នុងកិច្ចប្រជុំខាងលើនេះ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួង​វប្បធម៌​ និងវិចិត្រសិល្បៈ និងជាប្រធានរដ្ឋមន្រ្តីអាស៊ានទទួលបន្ទុកវប្បធម៌ និងសិល្បៈ នឹងផ្តល់កិត្តិយសថ្លែង​សុន្ទរកថា ​បើកតាមរយៈប្រព័ន្ធវីដេអូ។ កិច្ចប្រជុំនេះ នឹងមានការចូលរួមពីសំណាក់ឧត្តមមន្រ្តីអាស៊ានទទួលបន្ទុកវប្បធម៌និងសិល្បៈ និងដៃគូសន្ទនាអាស៊ាន រួមមាន ៖ សាធារណរដ្ឋប្រជាមានិតចិន- ជប៉ុន និងសាធារណរដ្ឋកូរ៉េ។ នាឱកាសនោះដែរ ក្នុងគោលដៅពង្រឹងកិច្ចសហប្រតិបត្តិការភាពជាដៃគូ អាស៊ាន-ឥណ្ឌា លើវិស័យ​វិប្បធម៌ និងសិល្បៈ ហើយកិច្ចប្រជុំក៏នឹងពិភាក្សាសំណើរបស់ភាគីឥណ្ឌាផងដែរ។កិច្ចប្រជុំឧត្តមមន្ត្រីអាស៊ានទទួលបន្ទុកវប្បធម៌ និងសិល្បៈលើកទី១៧ និងកិច្ចប្រជុំពាក់ព័ន្ធជាមួយដៃ​គូសន្ទនា នឹងផ្តោតទៅលើការលើកកម្ពស់វឌ្ឍនភាពវប្បធម៌ និងសិល្បៈអាស៊ានដែលជាគ្រឹះមួយ​នៃ​សក្ដានុពលសហគមន៍អាស៊ាន​ការកសាងភាព​សុខដុមរមនា​ក្នុង​ចំណោមប្រជាជាតិអាស៊ាន ការ​លើកស្ទួយស្មារតីភាពជាម្ចាស់ក្នុងការអភិរក្ស និងអភិវឌ្ឍន៍បេតិកភណ្ឌវប្បធម៌អាស៊ាន ការពង្រីក​ការយល់​ដឹងផ្នែកវប្បធម៌ពីគ្នាទៅវិញទៅមក​ និងការផ្លាស់ប្តូររវាងប្រជាជន និងប្រជាជន ការជំរុញ​វិសាលភាពនៃការផ្សព្វផ្សាយអំពីវប្បធម៌​ ការ​ច្នៃប្រឌិត​នវានុវត្តន៍ ការបង្កើនជីវភាពរស់នៅ​ក្នុងការ​កសាង​សហគមន៍អាស៊ានឆ្ពោះទៅរកការអភិវឌ្ឍរួមប្រកបដោយចីរភាព។កិច្ចប្រជុំខាងលើនឹងពិគ្រោះពិភាក្សាលើចំណុចសំខាន់ៗមួយចំនួន ដូចជា៖១-ពិនិត្យលើវឌ្ឍនភាពការងារនៃកិច្ចសហប្រតិបត្តិការអាស៊ានលើវិស័យវប្បធម៌និងសិល្បៈ ក្នុងនោះរួមមាន ៖-ផែនការយុទ្ធសាស្ត្រអាស៊ាន សម្រាប់វិស័យវប្បធម៌ និងសិល្បៈ ២០១៦-២០២៥-ការលើកស្ទួយសកម្មភាពវប្បធម៌អាស៊ានក្នុងបរិបទ នៃការរីករាលដាល នៃជំងឺកូវីដ-១៩-សៀមរាបទីក្រុងវប្បធម៌អាស៊ាន សម្រាប់ឆ្នាំ២០២០-២០២២-បញ្ជីបេតិកភណ្ឌវប្បធម៌អាស៊ាន ២- អង្គប្រជុំនឹងពិនិត្យរួមមាន ៖-សេចក្តីព្រាងសេចក្ដីប្រកាសសៀមរាប ស្តីអំពីការលើកកម្ពស់ការច្នៃប្រឌិត​និងសម្របខ្លួន ទៅ​នឹងសហគមន៍ អាស៊ានដើម្បីគាំទ្រដល់ វប្បធម៌ និង សេដ្ឋកិច្ច​ច្នៃប្រឌិត-សេចក្តីព្រាងឯកសារទស្សនាទាន ស្តីពីការបង្កើត​មជ្ឈមណ្ឌល​សម្រាប់វប្បធម៌ និងឧស្សាហកម្ម​ច្នៃប្រឌិត-វេទិកា​ធុរកិច្ច​នវានុវត្តន៍​អាស៊ាន-គំនិត​ផ្ដួចផ្ដើម​របស់កម្ពុជា​សម្រាប់សកម្មភាពវប្បធម៌អាស៊ាន ឆ្ពោះទៅការរៀបចំកិច្ចប្រជុំកំពូល​អាស៊ាន ឆ្នាំ២០២២-សេចក្តីព្រាងផែនការសកម្មភាព ស្តីពីកិច្ចសហប្រតិបត្តិការជាមួយដៃគូសន្ទនាអាស៊ានរួមមាន ៖ អាស៊ាន-ចិន អាស៊ាន-ជប៉ុន អាស៊ាន-សាធារណរដ្ឋកូរ៉េ ​លើវិស័យវប្បធម៌ និង​សិល្បៈសម្រាប់​ឆ្នាំ២០២២-២០២៥ -វេទិកាទំនាក់ទំនងរវាងអាស៊ាន-ឥណ្ឌា៕អត្ថបទ រដ្ឋា

សម្តេចតេជោ ៖ ការឆ្លងថ្មីនៃមេរោគកូវីដ១៩ មានការថយចុះតែ​ហានិភ័យ​ខ្ពស់នៅតែបន្តមានដដែល

2021/10/19 09:32:49 am        341
Facebook Telegram Linkin
ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តី បានថ្លែងថា ការឆ្លងរីករាលដាលនូវ មេរោគកូវីដ១៩ថ្មី មានការថយចុះ និងអត្រាស្លាប់មានលក្ខណៈថេរ ប៉ុន្តែហានិភ័យខ្ពស់សម្រាប់ជនរួមជាតិនៅតែបន្តកើតមាន ប្រសិនបើមនុស្សគ្រប់រូបមានការធ្វេសប្រហែស និងមានមើលងាយស្ថានការណ៍ជាដើមនោះ។តាមរយៈសារសំឡេង នាព្រឹកថ្ងៃទី១៩ ខែតុលា ឆ្នាំ២០២១នេះ សម្តេចតេជោ ហ៊ុន សែន បានបញ្ជាក់ថា ក្រោយពីមានពិធីបុណ្យកាន់បិណ្ឌ និងភ្ជុំបិណ្ឌ គេសង្កេតឃើញថា ការឆ្លង​រីករាល​ដាលថ្មីនៃមេរោគកូវីដ១៩ មិនមានអ្វីកើតឡើងច្រើននោះទេ ហើយអត្រាស្លាប់​ក៏វា​មាន​និន្នាការ​ទៅរកភាពថមថយផងដែរ ខណៈអ្នកស្លាប់ភាគច្រើនគឺពួកគាត់មានរោគប្រចាំកាយ និង​មិនបាន​ចាក់វ៉ាក់សាំងបង្ការកូវីដ១៩ជាដើមនោះ។តាមរយៈសារសំឡេងនេះដែរ សម្តេចតេជោ ហ៊ុន សែន នាយករដ្ឋមន្រ្តីក៏បានស្នើ​ដល់​បងប្អូន​ប្រជាពលរដ្ឋតាមខេត្តទាំងអស់ កុំ​បញ្ជូន​អ្នកជំងឺដែលជាសាច់ញ្ញាតិ បងប្អូន ឪពុកម្តាយ មក​ភ្នំពេញធ្វើអ្វី ដើម្បីជៀសវាងគ្រោះថ្នាក់ដល់ជីវិត ខណៈពេទ្យតាមខេត្តក៏មានសមត្ថភាពព្យាបាល​អ្នកជំងឺកូវីដ១៩ដែរ ហើយសម្តេចតេជោ ក៏បានលើកទឹកចិត្តដល់បងប្អូនប្រជាពលរដ្ឋ​ទាំងអស់​ធ្វើការព្យាបាលនៅតាមផ្ទះរបស់ ខ្លួនដែរ ដើម្បីកាត់បន្ថយការចូលមកសម្រាក នៅក្នុងមន្ទីរពេទ្យ និងឆាប់បានជាសះស្បើយ ដោយសារ មិនឃ្លាតឆ្ងាយពីគ្រួសារជាដើម។ជាមួយគ្នានោះដែរ សម្ដេចតេជោ ហ៊ុន សែន នាយករដ្ឋមន្រ្តី ក៏បានបន្តអំពាវនាវ ដល់បងប្អូន​ប្រជាពលរដ្ឋ ​ទៅចាក់វ៉ាក់សាំងឲ្យបានគ្រប់ៗគ្នា ដើម្បីឆាប់បានបើកដំណើរការ ប្រទេសឡើងវិញ ដែលរហូតមកដល់ពេលនេះពុំទាន់មានពលរដ្ឋខ្មែរណាម្នាក់រងគ្រោះ ដោយការចាក់វ៉ាក់​សាំង​កូវីដ១៩​ នោះទេ ខណៈដំណើរការការចាក់វ៉ាក់សាំកូវីដ-១៩ នៅកម្ពុជាបានដំណើរការ​ទៅ​យ៉ាងរលូន និងល្អប្រសើរ ដោយមកទល់ពេលនេះប្រជាជនកម្ពុជា​ ជាង១៣លាន៦សែននាក់​ហើយបានចាក់វ៉ាក់​សាំងកូវីដ-១៩ ដែលមានអត្រាគ្រប់ដណ្តប់ជាង៨៥ភាគរយ​នៃចំនួនប្រជាជននោះ។តាមសារសំឡេងរយៈ២៨នាទីនេះដែរសម្តេចតេជោ ហ៊ុន សែន នាយករដ្ឋមន្រ្តី ក៏បានលើកឡើង​ដោយក្តីរីករាយថា គុណបុណ្យរបស់កម្ពុជា ដែលមានវ៉ាក់សាំងគ្រប់គ្រាន់ ដើម្បីចាក់ជូនដល់​ប្រជាពលរដ្ឋតាមរយៈជំនួយប្រទេសជាមិត្ត ​ជាពិសេសគឺចិន អាមេរិក ជប៉ុន អង់គ្លេស និង​យន្តការ​កូវ៉ាក់ ហើយទាំងជំនួយ និងការបញ្ជាទិញបន្តបន្ទាប់នោះ រហូតមកទល់ពេលនេះកម្ពុជា​ទទួល​បានវ៉ាក់សាំងកូវីដ-១៩ ជាង៣៨លានដូសហើយ ដោយកំពុងដំណើរការចាក់ជូនប្រជាពលរដ្ឋ​យ៉ាង​រលូន ចាប់ពីដូសទី១រហូតដល់ដូសជំរុញ ឬដូសទី៣នោះ៕អត្ថបទ បាន ចក់

គណៈកម្មាធិការជាតិគ្រប់គ្រងគ្រោះមហន្តរាយ ធ្វើលំហាត់សមយុទ្ធពង្រឹងជំនាញសង្គ្រោះពលរដ្ឋ នៅខេត្តកំពង់ឆ្នាំង

2021/10/18 05:16:43 pm        450
Facebook Telegram Linkin
ភ្នំពេញ ៖ គណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម) បានធ្វើលំហាត់សមយុទ្ធពង្រឹង​ជំនាញ ដល់កងប្រតិបត្តិការរុករក និងសង្គ្រោះគ្រោះមហន្តរាយ សម្រាប់ត្រៀមឆ្លើយតប និង​សង្គ្រោះពលរដ្ឋ នៅពេលមានគ្រោះទឹកជំនន់កើតជាយថាហេតុ នៅមេបញ្ជាការកងពលតូច អន្តរាគមន៍លេខ១ ខេត្តកំពង់ឆ្នាំង ។ក្នុងពិធីលំហាត់សមយុទ្ធជំណាញ កាលពីថ្ងៃទី១១៧ ខែតុលា ឆ្នាំ២០២១ ឯកឧត្តម ហង្ស សាមឿន អនុប្រធានគណៈកម្មាធិការជាតិគ្រប់គ្រងមហន្តរាយ មានប្រសាសន៍ថា យុទ្ធសាស្រ្តគ្រប់គ្រង​គ្រោះ​មហន្តរាយនេះ ត្រូវមានសមាសភាពយុទ្ធសាស្រ្ត ដែលឆ្លើយតបទៅនឹងទិដ្ឋភាពទាំងអស់ នៃការ​គ្រប់គ្រង​គ្រោះមហន្តរាយ ដែលមានការប៉ាន់ប្រមាណហានិភ័យ ការប្រកាសឲ្យដឹងមុនពី​គ្រោះ​មហន្តរាយ និងការតាមដានត្រួតពិនិត្យ ​ការត្រៀមបង្ការ ​និងការកាត់បន្ថយគ្រោះថ្នាក់ ការ​ត្រៀម​រៀបចំ​សម្រាប់ការឆ្លើយតបសង្គ្រោះបន្ទាន់ និងការស្តារឡើងវិញ ។ឯកឧត្តម បានបន្ថែមថា កងប្រតិបត្តិការរុករកសង្គ្រោះ ត្រូវចងចាំថា ការងាររុករកសង្គ្រោះ គឺជា​កិច្ចការប្រកបដោយគ្រោះថ្នាក់បំផុត ​ដែលតម្រូវឲ្យកងកម្លាំង មានវិន័យខ្ពស់ ថែទាំសុខភាព​ឲ្យបាន​មាំមួន អភិវឌ្ឍន៍សមត្ថភាពជំនាញជានិច្ច ធ្វើលំហាត់ និងធ្វើការហ្វឹកហ្វឺនជាប្រចាំ ហើយ​រាល់ការ​បំពេញការងារប្រតិបត្តិការរុករក សង្គ្រោះ ត្រូវជឿជាក់លើសមត្ថភាពខ្លួនឯង ជួយគ្នាទៅវិញទៅមក ធានាសមត្ថភាពប្រតិបត្តិការឲ្យមានលក្ខណៈស្វ័យប្រវត្តិរហ័សរហួនទាន់ចិត្ត ។ជាមួយគ្នានេះ ឯកឧត្តម ហង្ស សាមឿន សង្ឃឹមថា តាមរយៈការហ្វឹកហ្វឺន និងការធ្វើលំហាត់​សមយុទ្ធនានេះ នឹងផ្តល់នូវទិន្នផល និងប្រសិទ្ធភាពអាចកែប្រែទិដ្ឋភាព ខ្វះខាតនៃសមត្ថភាព​រុករក​សង្គ្រោះកន្លងមក សម្រាប់ការឆ្លើយតបបានឆាប់រហ័ស ដើម្បីជួយសង្គ្រោះអាយុជីវិតជនរងគ្រោះ ។ បើតាម ឧត្តមសេនីយ៍ឯក ព្រហ្ម ផេង មេបញ្ជាការកងពលតូច អន្តរាគមន៍លេខ១ និងជាមេបញ្ជាការ​រងកងទ័ពជើងគោក លើកឡើងថា ការហ្វឹកហ្វឺនបំប៉នជំនាញបច្ចេកទេស សង្គ្រោះ គ្រោះមហន្តរាយ​ឆ្នាំ២០២១ របស់កងប្រតិបត្តិការរុករក និងសង្គ្រោះគ្រោះមហន្តរាយលេខ៧២៥ បានហ្វឹកហ្វឺន​សរុបចំនួន ៦១ថ្ងៃ គិតចាប់ពីថ្ងៃទី២ ខែសីហា ដល់ថ្ងៃទី១ ខែតុលា ឆ្នាំ២០២១ ។ឯកឧត្តម ឧត្តមសេនីយ៍ឯក បានបន្តថា ការហ្វឹកហាត់ជាក់ស្ដែង នៅកំណាត់ដងទន្លេស្ថិតក្នុងភូមិ​កំពង់ត្រឡាចក្រោម ឃុំកំពង់ត្រឡាច ស្រុកកំពង់ត្រឡាច ខេត្តកំពង់ឆ្នាំង ដោយ​វគ្គការហ្វឹកហ្វឺន​បែងចែក ពេលវេលាហ្វឹកហ្វឺន៤១ថ្ងៃ សិក្ខាកាមយោធារួមមាន ជំនាញបច្ចេកទេសសង្គ្រោះ អប់រំចិត្តសាស្ត កងប្រតិបត្តិការ កងយានយន្តសង្គ្រោះកងសុខាភិបាលចល័ត អនុវត្តហែលទឹកនៅស្រះទឹកជាដើម ៕ អត្ថបទ បាន សុខរិទ្ធិ

គ្រឹះស្ថាន​មធ្យមសិក្សាសាធារណៈជាង៤០កន្លែង នៅខេត្ដសៀមរាប ត្រូវបានបើក​បង្រៀន​សាកល្បង​នៅថ្ងៃនេះ

2021/10/18 12:48:52 pm        518
Facebook Telegram Linkin
សៀមរាប ៖ សាលាមធ្យមសិក្សារបស់រដ្ឋចំនួនជាង៤០កន្លែង នៅក្នុងស្រុកចំនួន៨ នៃខេត្ដសៀមរាប ត្រូវបានបើកឱ្យចូលរៀនឡើងវិញជាបណ្ដោះអាសន្ន នៅថ្ងៃទី១៨ខែតុលា ឆ្នាំ២០២១នេះ ក្រោយពេលរកឃើញថា សាលាទាំងនោះ មាន​ហានិភ័យ​ក្នុងការឆ្លងជំងឺកូវីដ១៩។លោក លី ប៊ុណ្ណា ប្រធានមន្ទីរអប់រំយុវជន និងកីឡាខេត្ដសៀមរាប បានមានប្រសាសន៍ថា សាលាមធ្យមសិក្សាដែលបើកបង្រៀនសាកល្បងនេះមានចំនួន៤៤សាលា ក្នុងចំណោម១២៣សាលា ស្ថិតនៅស្រុកចំនួន៨ស្រុក ក្នុងចំណោម១២ក្រុង ស្រុក របស់​ខេត្ដសៀមរាប ហើយចូលរៀនមានថ្នាក់ទី៩ និងថ្នាក់ទី១២ ដែល​ជាសិស្សត្រៀមប្រលងឌីប្លូម និងប្រលងបាក់ឌុប ​ប៉ុន្ដែបើសាលាណាមួយមានសិស្សតិចអាចចូលរៀនគ្រប់កំរិត គឺចាប់ពីថ្នាក់ទី៩ដល់ថ្នាក់ទី១២តែម្ដង។ជាមួយគ្នានោះ ការចូលរៀនមានពីរពេលព្រឹក និងថ្ងៃរសៀល និងរៀនជាបណ្ដុំ ដោយក្នុងមួយថ្នាក់​មានសិស្សចូលរៀនពី១០នាក់ ទៅ១៥នាក់ប៉ុណ្ណោះ ខណៈដែលសិស្សចូលថ្នាក់រៀនត្រូវបាន ធ្វើតេស្ដរកមេរោគកូវីដ១៩ជាមុនផងដែរ ។លោកបន្ដថា គ្រិះស្ថានសិក្សាទាំងនោះ ត្រូវបានគណៈកម្មការដាក់ពាក្យស្នើសុំ បន្ទាប់​ពីពិនិត្យ​លទ្ធភាព​រកឃើញថា សាលារៀនទាំង៨ស្រុកនោះ មាន​ហានិភ័យ​ទាបក្នុងការឆ្លងជំងឺកូវីដ១៩ ខណៈដែលមធ្យមសិក្សានៅក្នុងស្រុក និងក្រុងចំនួន៤ទៀតនៃខេត្ដនេះ មិនទាន់មានគម្រោង​បើក​នៅឡើយទេ ដោយសារមានការប្រឈមនឹងការឆ្លងជំងឺកូវីដ១៩ខ្ពស់នៅឡើយ។បើគិតភាគរយមធ្យមសិក្សាបាន៣៥ភាគរយ ដោយឡែកបឋមសិក្សាដែលគ្រោង​បើកបានជាង​ ២៥ភាគរយ​នៅឡើយទេ មិនបានគ្របដណ្ដុំទូទាំង​គ្រឹះស្ថាន​សាធារណៈរបស់យើងទាំងស្រុងទេ​ដោយសារការពិនិត្យលទ្ធភាពជាជំហ៊ាន ព្រឹកមិញយើងចុះទៅមើលឃើញថា បានដំណើរការ ប៉ុន្ដែ​កន្លែងខ្លះ​បានដំណើរការកន្លែងធ្វើតេស្ដរហ័សជូនពួកគាត់មុនអោយចូលថ្នាក់រៀន។លោក លី ប៊ុណ្ណា បានបន្ថែមថា ដោយឡែកសាលារៀនកំរិតបឋមសិក្សា ចំនួន១២៩ទៀត ក្នុងចំណោមជាង១៣០កន្លែង នឹងបើកដំណើរការនៅថ្ងៃទី២០ខែតុលា ឆ្នាំ២០២១ខាងមុខនេះ បន្ថែមទៀត ប៉ុន្ដែការបើកឱ្យចូលរៀនកំរិតបឋមនេះ ចាប់ពីថ្នាក់ទី៤ដល់ទី៦ ព្រោះងាយស្រួលគ្រប់គ្រង ។ដោយឡែកថ្នាក់បន្ទាប់ទៀតនឹងពិនិត្យលទ្ធភាពតាមក្រោយ។ដោយឡែក លោក ផូន ផល្លីន ប្រធានការិយាល័យអប់រំយុវជន និងកីឡា ស្រុកបន្ទាយស្រី មានប្រសាសន៍ថា នៅស្រុកបន្ទាយស្រី សាលាមធ្យមសិក្សាបើកសាកល្បង ចំនួន៧កន្លែង ដែលឡើងតាមការណែនាំរបស់មន្ទីរ និងក្រសួងអប់រំយុវជន និងកីឡា សិស្សានុសិស្សមានការចាក់វ៉ាក់សំាងបង្ការជំងឺកូវីដ១៩គ្រប់គ្នា ។ បន្ថែមលើកទីនោះ ការចេញលេង​ត្រូវបានដាក់វេនគ្នា ដើម្បីងាយស្រួលគ្រប់គ្រងការឆ្លងជំងឺកូវីដ១៩ ក្នុងពេលបើកបង្រៀន​សាកល្បងនេះ៕

កម្ពុជា នឹងរៀបចំកម្មវិធីប្រកួតភាពយន្តខ្លី លើកទី១០ តាមរយៈការចាក់បញ្ចាំងតាមអនឡាញ

2021/10/18 11:57:07 am        432
Facebook Telegram Linkin
ភ្នំពេញ ៖ ការចាក់បញ្ចាំងបញ្ចាំងភាពយន្តខ្លីរបស់មហោស្រពចតុមុខ «Chaktomuk Short Film Festival» នឹងត្រូវបើកសម្ពោធនៅថ្ងៃទី២៣ ខែតុលា ឆ្នាំ២០២១ខាងមុខនេះ តាមរយៈការចាក់បញ្ចាំងអនឡាញនៅលើ Facebook Pageផ្លូវការ របស់មហោស្រពភាពយន្តខ្លីចតុមុខ។ ឆ្នាំនេះជាលើកទី១០ ដែលមហោស្រពភាពយន្តខ្លីចតុមុខ បានរៀបចំកម្មវិធីប្រកួតភាពយន្តខ្លី នៅប្រទេសកម្ពុជា ដោយមានការចូលរួមពីសំណាក់ផលិតករ សមិទ្ធិករ និងអ្នកដែលស្រឡាញ់វិស័យភាពយន្ត ទាំងក្នុង និងក្រៅប្រទេស។ CSFF (Chaktomuk Short Film Festival)ជាកម្មវិធីប្រកួតភាពយន្តខ្នាតខ្លីដំបូងនៅប្រទេសកម្ពុជា ដែលឱ្យតម្លៃដល់ស្នាដៃថ្មី​របស់យុវជនកម្ពុជា និងសមិទ្ធិករពីបរទេស។ សមិទ្ធផល​ក្នុងស្រុកដែលបានជ្រើសរើសសម្រាប់ប្រកួតផ្តាច់ព្រ័តនឹងត្រូវបានទទួលការវាយតម្លៃ ពីសំណាក់គណៈមេប្រយោគរបស់មហោស្រព ដែលមានជំនាញផ្សេងៗក្នុងវិស័យភាពយន្ត។ CSFFនៅឆ្នាំនេះ បានបន្ថែមប្រភេទវីដេអូដែលអាចផ្តល់ឱកាសដល់អ្នក​ដែលចំណូលនៅវិស័យភាព​យន្តអាចធ្វើការបន្ថែមទៅលើប្រភេទវីដេអូ ដែលសមិទ្ធិករនានាចាប់អារម្មណ៍។ ប្រភេទវីដេអូ ដែលអាចចូលរួមនៅក្នុងការចាក់បញ្ចាំង រួមមាន ៖ ខ្សែភាពយន្តប្រឌិតខ្លី ភាពយន្តឯកសារខ្មែរខ្នាតខ្លី វីដេអូចម្រៀងខ្មែរ និងភាពយន្តអន្តរជាតិខ្លីប្រឌិត និងឯកសារ។ តាមប្រភេទនៃវីដេអូនីមួយៗដែលបានជាប់ជម្រើសចាក់បង្ហាញពីមហោស្រពចតុមុខលើកទី ១០។ក្នុងសន្និសីទសារព័ត៌មានអំពីការចាក់បញ្ចាំងភាពយន្តខ្លី ក្នុងមហោស្រពភាពយន្តខ្លីចតុមុខ ឆ្នាំ២០២១ កាលពីរសៀលថ្ងៃទី១៦ ខែតុលា ឆ្នាំ២០២១ លោក ស៊ុ ស៊ីថែន ប្រធានមហោស្រពភាព​យន្តខ្លីចតុមុខ ឆ្នាំ២០២១ បានឲ្យដឹងថា ការប្រារព្ធកម្មវិធីនៅឆ្នាំនេះតាមរយៈអនឡាញ​បានបង្ហាញ​ឱ្យឃើញថា ទោះនៅក្នុងបរិបទណាក៏ដោយ មហោស្រពភាពយន្តខ្លីចតុមុខ នៅតែព្យាយាមស្វះ​ស្វែង​ក្នុងការរួមចំណែកមួយផ្សារភ្ជាប់វិស័យភាពយន្តខ្មែរទៅកាន់ទស្សនិកជន ទាំងក្នុងប្រទេស និងក្រៅប្រទេសឱ្យកៀកគ្នា ថ្វីបើនៅក្នុងបរិបទកូវីដ-១៩នេះ។ទន្ទឹមគ្នានោះដែរលោក Lattapol Jirapathomsakul មន្ត្រីកម្មវិធី និងទំនាក់ទំនងរបស់ SEA Junction ដែលជាតំណាងអ្នកឧបត្ថម្ភ និងដៃគូមហោស្រពឆ្នាំនេះ បានមានប្រសាសន៍ថា នៅក្នុងបរិបទកូវីដ-១៩នេះ បានប៉ះពាល់ទៅដល់វិស័យជាច្រើន ដែលក្នុងនោះក៏មានវិស័យភាពយន្តផងដែរ។ ជាពិសេសផលិតករ សមិទ្ធិករ ទោះយ៉ាងណាមហោស្រពភាពយន្តខ្លីចតុមុខ បានបង្ហាញនូវការ​ប្តេជ្ញាចិត្តក្នុងការបន្តការងាររបស់ពួកគេទោះបី ជានៅក្នុងកាលៈទេសៈ លំបាកក្តី។ជាមួយគ្នានោះដែរ ប្រធាននាយកដ្ឋាន សិល្បភាពយន្ត និងផ្សព្វផ្សាយវប្បធម៌ លោក ប៉ុក បូរក្ស ថ្លែងនៅក្នុងសន្និសីទសារព័ត៌មាន ថា នាយកដ្ឋានតែងតែ សម្តែងនូវការគាំទ្រ​ទៅលើរាល់ការងារ​របស់ក្រុមឈូករ័ត្នក្នុងការរៀបចំមហោស្រពភាពយន្តខ្លី ចតុមុខ។ តាំងពីឆ្នាំទី១ មកដល់ឆ្នាំនេះជាឆ្នាំទី១០ ក្រសួងវប្បធម៌ និងវិចិត្រសិល្បៈតែងតែគាំទ្រ និងសហការ​ជាមួយមហោស្រពភាពយន្តខ្លីចតុមុខ។ បញ្ហារីករាលដាលកូវីដ-១៩ បានជម្រុញ​អោយកម្មវិធីនេះ ប្រព្រឹត្តតាមរយៈអនឡាញ យើងមើលឃើញថា ឆន្ទៈ និងការស្រឡាញ់របស់យុវជន​យើងនៅតែ​បន្តមានចំពោះការផលិតភាពយន្ត។ តាមរយៈរបាយការណ៍របស់មហោស្រពភាពយន្តខ្លីចតុមុខ បានសរបញ្ជាក់ថា ទោះបី ជាមានការ​ប្រឈមនឹងបញ្ហាកូវីដ-១៩ ក្តី ប៉ុន្តែសមិទ្ធិករនៅតែបន្តផលិត ហើយក្រុមការងាររបស់ក្រុមឈូករ័ត្ន នៅតែបន្ត ការកិច្ចខំប្រឹងប្រែងរៀបចំឱ្យកម្មវិធី ចាក់បញ្ចាំងភាពយន្តក្នុង​មហោស្រពភាពយន្តខ្លី​ចតុមុខនៅឆ្នាំនេះបានកើតឡើង។ CSFF ឆ្នាំនេះក៏មានការគាំទ្រពីស្ថាប័នក្នុងស្រុក៦គឺ៖ ក្រសួងវប្បធម៌ និងវិចិត្រសិល្បៈ ក្រសួង​ព័ត៌មាន Sabay News, FilmTalk Cambodia, Alien Express និងមូលនិធិ«ពន្លក» របស់អង្គការ​សិល្បៈខ្មែរអមតៈ ហើយក្រៅស្រុក២គឺ៖ SEA Junction និងculture360ផងដែរ។សូមបញ្ជាក់ផងដែរថា មហោស្រពភាពយន្តខ្លីចតុមុខ ទោះបីមិនបានជួបជុំគ្នាដោយផ្ទាល់ក្តី ក៏មហោស្រពនៅមិនចោលកម្មវិធីជាទីរំភើប គឺការផ្តល់រង្វាន់ ដល់ជ័យលាភី ប្រចាំដូចខាងក្រោម៖- ជ័យលាភីភាពយន្តខ្លីលេខ១ ក្នុងស្រុក រង្វាន់$1,000 ដាក់ពិន្ទុដោយមេប្រយោគ- ជ័យលាភីភាពយន្តខ្លីលេខ២ ក្នុងស្រុក រង្វាន់$500 ដាក់ពិន្ទុដោយមេប្រយោគ- រង្វាន់ជម្រើសទស្សនិកជន សម្រាប់រឿងខ្លីក្នុងស្រុក ទឹកប្រាក់$300 បោះឆ្នោតដោយទស្សនិកជនតាមGoogle Form- រង្វាន់ជម្រើសទស្សនិកជនសម្រាប់រឿងខ្លីអន្តរជាតិ ទឹកប្រាក់$500 បោះឆ្នោតដោយទស្សនិកជនតាមGoogle Form៕អត្ថបទ រដ្ឋា

កម្ពុជា​​ចេញ​ក្រដាស​ប្រាក់​ប្រភេទ​ថ្មី​​អបអរ​សាទរ​ខួប ​៣០​ឆ្នាំ​នៃ​កិច្ច​ព្រមព្រៀង​សន្តិភាព​ទីក្រុង​ប៉ារីស និង​ការ​យាង​ត្រឡប់​របស់​ព្រះ​បរម​រតនកោដ្ឋ

2021/10/18 10:35:31 am        288
Facebook Telegram Linkin
ភ្នំពេញ៖ ​រាជ​រដ្ឋាភិបាល​កម្ពុជា បាន​សម្រេច​ចេញ​ក្រដាស​ប្រាក់​ប្រភេទ​ថ្មី​មួយ ដោយ​ថា ដើម្បី​អបអរ​សាទរ​​ខួប ៣០​ឆ្នាំ​នៃ​កិច្ច​ព្រម​ព្រៀង​សន្តិភាព​ទីក្រុង​ប៉ារីស។ក្នុង​អនុក្រឹត្យ​ចេញ​នៅ​ថ្ងៃ​នេះ សម្ដេច​តេជោ ហ៊ុន សែន នាយករដ្ឋ​មន្ត្រី​កម្ពុជា បាន​អនុញ្ញាត​ឱ្យ​ចេញ​ផ្សាយ ធ្វើ​ចរាចរ និង​ប្រើ​ប្រាស់​ក្រដាស​ប្រាក់​ប្រភេទ​ថ្មី ៣០០០០​រៀល។ អនុក្រឹត្យ​ដដែល​នេះ បញ្ជាក់​ថា ក្រដាស​ប្រាក់​ប្រភេទ​ថ្មី ៣០០០០​រៀល​នេះ គឺ​ជា​ក្រដាស​ប្រាក់​អនុស្សាវរីយ៍។សម្ដេច​តេជោ ហ៊ុន សែន បាន​សរសេរ​នៅ​លើ​ទំព័រហ្វេសប៊ុក​របស់​សម្ដេច​នៅ​ព្រឹក​ថ្ងៃ​នេះ​ថា ក្រដាស​ប្រាក់​គំរូ​ថ្មី​នេះ ត្រូវ​បាន​បោះ​ពុម្ព និង​ដាក់​ឱ្យ​ចរាចរ​ប្រើ​ប្រាស់​នៅ​ទូទាំង​ប្រទេស ដើម្បី​អបអរ​សាទរ​ខួប ៣០​ឆ្នាំ​នៃ​កិច្ច​ព្រម​ព្រៀង​សន្តិភាព​ទីក្រុង​ប៉ារីស និង​ខួប ៣០​ឆ្នាំ​នៃ​ការ​យាង​និវត្តន៍​របស់​ព្រះ​ករុណា​ព្រះ​បាទ សម្ដេច​ព្រះ​ នរោត្ដម សីហនុ «ព្រះ​បរម​រតន​កោដ្ឋ»។ក្នុង​សេចក្ដី​ប្រកាស​របស់​ខ្លួន ធនាគារ​ជាតិ​កម្ពុជា​បញ្ជាក់​ថា ក្រដាស​ប្រាក់​គំរូ​ថ្មី​នេះ មាន​ពណ៌​បៃតង ពណ៌​ត្នោត និង​ពណ៌​ស្វាយ ដែល​ជា​ពណ៌​សំខាន់​នៅ​លើ​ក្រដាស​ប្រាក់​ទំហំ ១៧០​មីលីម៉ែត្រ​គុណ​នឹង ៧៥​មីលីម៉ែត្រ។ក្រដាស​ប្រាក់​គំរូ​ថ្មី​នេះ មាន​ផ្ទៃ​ខាង​មុខ​ភ្ជាប់​មក​ជាមួយ​ព្រះ​ឆាយា​ល័ក្ខណ៍​​របស់​ព្រះ​ករុណា​ព្រះ​បាទ​សម្ដេច​ព្រះ នរោត្ដម សីហនុ ហើយ​ចំណែក​ឯ​ផ្ទៃ​ខាង​ក្រោយ ភ្ជាប់​មក​ជាមួយ​រូបថត​ព្រះ​ករុណា​ព្រះ​បាទ​សម្ដេច​ព្រះ នរោត្ដម សីហនុ និង​សម្ដេច​តេជោ ហ៊ុន សែន នៅ​ពេល​ធ្វើ​ដំណើរ​យាង​មាតុភូមិ​និវត្តន៍៕

ផ្សារចំនួន៣ទីតាំងក្នុងក្រុងសៀមរាប គ្រោងនឹងបើកឲ្យដំណើរការឡើងវិញ

2021/10/17 12:09:03 pm        572
Facebook Telegram Linkin
សៀមរាប ៖ អភិបាលខេត្តសៀមរាប មានប្រសាសន៍ថា ទីតាំងផ្សារចំនួន៣កន្លែង នៅក្នុងក្រុងសៀមរាប នឹងអាចឲ្យមានដំណើរការឡើងវិញក្នុងពេលឆាប់ៗខាងមុខនេះ ក្រោយបានពិនិត្យឃើញថា ៣ថ្ងៃកន្លងមកក្នុងការបើកឲ្យដំណើរការសាកល្បង ទីតាំងផ្សារទាំងនោះអនុវត្តល្អតាមការណែនាំរបស់ក្រុមការងារ ។រដ្ឋបាលខេត្តសៀមរាប គ្រោងនឹងបើកឲ្យដំណើរការផ្សារសំខាន់ៗចំនួន៣ទីតាំង​នៅ​ក្នុងក្រុង​សៀមរាប បន្ទាប់ពីមានការបិទខ្ទប់ជាច្រើនលើក និងជាច្រើនសប្តាហ៍ កន្លងមកហើយនោះ។ ផ្សារជាគោលដៅទាំងនោះ រួមមាន ផ្សារសាមគ្គី-ហ៊ុយគាំងនៃសង្គាត់ស្លក្រាម ផ្សារលើធំថ្មីនៅក្នុង​សង្កាត់សាលាកំរើក និងផ្សារសម្តេចតេជោ ហ៊ុន សែន ដើមក្រឡាញ់នៅក្នុងសង្កាត់គោកចក។លោក នួន ពុទ្ធារ៉ា អភិបាលក្រុងសៀមរាប បានបង្ហើបឲ្យដឹងយ៉ាងដូច្នេះ នារសៀលថ្ងៃទី១៦ ខែតុលា ឆ្នាំ២០២១នេះ ខណៈពេលដែលឯកឧត្តម ទៀ សីហា អភិបាលខេត្តសៀមរាប បានដឹកនាំក្រុមការងារចម្រុះ ចុះត្រួតពិនិត្យ និងវាយតម្លៃស្ថានភាពទីតាំងផ្សារទាំងនោះ ថាតើបាន​អនុវត្តតាមការណែនាំស្តីអំពីការធានាសុវត្ថិភាព ការពារការចម្លងជម្ងឺកូវីដ១៩ បានដល់កំរឹតណា ?។ ការចុះត្រួតពិនិត្យនេះ គឺស្ថិតក្នុងពេលដែលទីតាំងផ្សារទាំងនេះ បាននឹងកំពុងដំណើរការសាកល្បង​ជាបណ្តោះអាសន្នអស់រយៈពេល៣ថ្ងៃកន្លងមកហើយផងដែរ។ឯកឧត្តមអភិបាលខេត្តសៀមរាប បានបញ្ជាក់ឲ្យដឹងថា កាលពីថ្ងៃទី១១ ខែតុលាកន្លងមកនេះ ក្នុងគោលបំណងចង់ឲ្យផ្សារទាំងនេះបានដំណើរការឡើងវិញ ក្រុមការងារចម្រុះបានចុះណែនាំ និងផ្សព្វផ្សាយដល់អាជីវករឲ្យបានយល់ និងបានដឹងអំពីអត្ថប្រយោជន៍នៃការប្រើប្រាស់ប្រព័ន្ធស្កែន QR Code។ ក្រុមការងារក៏បានណែនាំផងដែរ ឲ្យមានការរៀបចំសណ្តាប់ធ្នាប់ក្នុងផ្សារឡើងវិញ ស្របតាមវិធាន ៣ការពារ និង៣កុំ វិធានសុវត្ថិភាពនានាដែលដាក់ចេញដោយក្រសួងសុខាភិបាល និងការប្រតិបត្តិលើការរៀនរស់តាមគន្លងថ្មីនៃបរិបទកូវីដ-១៩។យ៉ាងណាក៏ដោយ នៅរសៀលថ្ងៃចុះត្រួតពិនិត្យនោះ ឯកឧត្តមអភិបាលខេត្ត ពុំទាន់បានបង្ហើប​ឲ្យ​ដឹងបានទេថា កាលបរិច្ឆេតនៃការចេញសេចក្តីប្រកាស ឲ្យបើកផ្សារទាំងនោះ ជាផ្លូវការនៅ​ពេល​ណានោះទេ ក៏ប៉ុន្តែគោលបំណងនៃការចុះត្រួតពិនិត្យនេះ គឺជាភ្លើងខៀវសញ្ញា សម្រាប់ពេល​វេលាឆាប់ៗខាងមុខនេះ៕អត្ថបទ ៖ គឹមឡេង

ក្នុងរយៈពេល៩ខែ ឆ្នាំនេះ មនី្ទរពេទ្យកុមារជាតិ ផ្តល់សេវាថែទាំសុខភាពជូនកុមារ ចំនួនជាង១០ម៉ឺននាក់

2021/10/16 10:14:20 am        742
Facebook Telegram Linkin
ភ្នំពេញ ៖ លោកវេជ្ជបណ្ឌិត ញឹប អង្គាបុស្ស នាយកមនី្ទរពេទ្យកុមារជាតិ បានអះអាងថា ក្នុងរយៈពេល៩ខែ ឆ្នាំ២០២១នេះ ស្ថិតក្នុងកាលៈទេសៈដ៏លំបាក មនី្ទរពេទ្យកុមារជាតិ បានផ្តល់សេវាថែទាំសុខភាពជូនកុមារ និងប្រជាពលរដ្ឋ បានចំនួនជាង១០ម៉ឺននាក់។លោកវេជ្ជបណ្ឌិត បានឲ្យដឹងថា ជាមធ្យមក្នុងមួយថ្ងៃ មានអ្នកជំងឺសម្រាកព្យាបាលក្នុង​មនី្ទរ​ពេទ្យ​កុមារជាតិ មានចំនួនជាង២០០នាក់ និងទទួលអ្នកជំងឺដែលមកពិនិត្យព្យាបាល ជាង៣០០នាក់ ដោយមិនបូករួម នឹងការចាក់វ៉ាក់សាំងជូនកុមារឡើយ។ ដូច្នេះយើងមានអ្នកជំងឺដែលសម្រាកព្យាបាលក្នុងមនី្ទរពេទ្យ រហូតមកដល់ពេលនេះ មានចំនួនជាង១ម៉ឺននាក់ និងអ្នកជំងឺដែលមកពិគ្រោះជំងឺក្រៅ មានចំនួនជិត១០ម៉ឺននាក់។ ហើយមនី្ទរពេទ្យកុមារជាតិ មានសេវាពិគ្រោះជំងឺក្រៅ ដូចជាកុមារ មានជំងឺគ្រុនក្តៅ រាគ វះកាត់ ធ្មេញ វះកាត់មាត់ឆែប សម្ភពរោគស្រី្ត ទារកទើបនឹងកើតដែលមានបញ្ហាផ្សេងៗ និងថ្មីៗនេះ មនី្ទរពេទ្យក៏បានរៀបចំអគារសម្រាប់ព្យាបាលអ្នកផ្ទុកជំងឺកូវីដ-១៩ ដែលមានចំនួន១២គ្រែ ក្នុង​ករណីលើសចំនួន យើងមានក្រុមការងាររបស់មនី្ទរពេទ្យកុមារជាតិ ដែលកំពុងធ្វើការព្យាបាល​នៅមណ្ឌលថែទាំជំងឺកូវីដ-១៩ ពហុកីឡដ្ឋានជាតិអូឡាំពិក។ ដូចនេះកុមារ ឬក្មេងជំទង់ មានជំងឺកូវីដ-១៩ យើងនឹងបញ្ជូនបន្តទៅព្យាបាលនៅពហុកីឡដ្ឋានជាតិអូឡាំពិក។ជាចុងក្រោយលោកនាយកមនី្ទរពេទ្យកុមារជាតិ ក៏បានសំណូមពរដល់បងប្អូនប្រជាពលរដ្ឋទាំងអស់ ត្រូវប្រកាន់ខ្ជាប់នូវវិធានការសុខាភិបាល ៣កុំ ៣ការពារ ព្រោះជាវិធានការមួយដែលអាចជួយការពារ ការឆ្លងមេរោគកូវីដ-១៩នេះបាន និងនាំក្រុមគ្រួសារ និងកូនៗ មកទទួលការចាក់វ៉ាក់សាំង​បង្ការ​ជំងឺកូវីដ-១៩ ឲ្យបានទាំងអស់គ្នាដើម្បីចូលរួមទប់ស្កាត់ កុំឲ្យឆ្លងជំងឺកូវីដ-១៩។ក្រៅពីនេះ ប្រសិនបើកុមារមានបញ្ហាសុខភាព ឬក៏ដល់ពេលចាក់ថ្នាំបង្ការផ្សេងៗ ត្រូវពិនិត្យសុខភាព និងចាក់ថ្នាំបង្ការឲ្យបានទៀងទាត់ កុំទុកឲ្យហួសពេល និងព្យាបាលដោយមិនសមស្រប វានឹង​បណ្តាលឲ្យកុមារនោះវិវត្តន៍ទៅរកភាពធ្ងន់ធ្ងរ អាចធ្វើឲ្យប៉ះពាល់ដល់សុខភាព និងអាយុជីវិត​របស់​កុមារផងដែរ៕អត្ថបទ រដ្ឋា

មនី្ទរពេទ្យកុមារជាតិ បន្តយុទ្ធនាការចាក់វ៉ាក់សាំងកូវីដ-១៩ដូសទី១ ដូសទី២ និងដូសទី៣ ជូនកុមារ យុវវ័យ និងមនុស្សចាស់

2021/10/15 12:19:10 pm        446
Facebook Telegram Linkin
ភ្នំពេញ ៖ មនី្ទរពេទ្យកុមារជាតិ នៅថ្ងៃនេះ បានបន្តយុទ្ធនាការចាក់វ៉ាក់សាំងបង្ការជំងឺកូវីដ-១៩ ដូសទី១ ដូសទី២ និងដូសទី៣ ឬដូសជំរុញ ជូនកុមារ យុវវ័យ មនុស្សចាស់ ហើយអំពាវនាវដល់ប្រជាពលរដ្ឋសេសសល់មិនទាន់បានមកទទួលការចាក់វ៉ាក់សាំងការពារជំងឺកូវីដ-១៩ សូមអញ្ជើញមកចាក់វ៉ាក់សាំងដូសទី១ នៅមនី្ទរពេទ្យកុមារជាតិ ឲ្យបានគ្រប់ៗគ្នា។លោកសាស្រ្តាចារ្យ វេជ្ជបណ្ឌិត ញឹប អង្គាបុស្ស នាយកមនី្ទរពេទ្យកុមារជាតិ បានលើកឡើងថា ក្រុមការងារគ្រូពេទ្យនៃមនី្ទរពេទ្យកុមារជាតិ បានដំណើរការចាក់វ៉ាក់សាំងកូវីដ-១៩ ជារៀងរាល់ថ្ងៃ មិនថាថ្ងៃសៅរ៍ ថ្ងៃអាទិត្យ ឬមានពិធីបុណ្យជាតិអ្វីនោះទេ គឺយើងមានកម្មវិធីចាក់វ៉ាក់សាំង​បង្ការ​ជំងឺកូវីដ-១៩នេះ ជូនបងប្អូនប្រជាជនជារៀងរាល់ថ្ងៃ។ ចាក់វ៉ាក់សាំងជូនមនុស្សចាស់ ដូសជំរុញ និងពីមុនមក អ្នកមានបញ្ហាសុខភាព និងអ្នកមានផ្ទៃពោះ និងបញ្ហាផ្សេងៗនាពេលកន្លងមក ដោយអាក់ខានមិនបានមកទទួលការចាក់វ៉ាក់សាំងបង្ការជំងឺកូវីដ-១៩នោះ ក៏អាចអញ្ជើញមកចាក់​វ៉ាក់សាំងកូវីដ-១៩ នៅមនី្ទរពេទ្យកុមារជាតិ ជូនបងប្អូនប្រជាជនដូសទី១ បានដូចគ្នាផងដែរ។ជាមួយគ្នានោះដែរ ប្រជាពលរដ្ឋ និងមាតា បិតា អាណាព្យាបាលនាំយកកូន មកទទួលការ​ចាក់វ៉ាក់​សាំងបង្ការជំងឺកូវីដ-១៩ នៅមនី្ទរពេទ្យកុមារជាតិ បាននិយាយថា ថ្ងៃនេះពួកគាត់បាននាំកូន ចៅ មកចាក់វ៉ាក់សាំងការពារ ជំងឺកូវីដ-១៩ និងសូមថ្លែងអំណរគុណជូនប្រមុខរាជរដ្ឋាភិបាលកម្ពុជា ជាពិសេសសម្តេចតេជោ ហ៊ុន សែន នាយករដ្ឋមន្រី្ត បានខិតខំរិះរកមធ្យោបាយទិញ និងការទទួល​បានជំនួយវ៉ាក់សាំងការពារជំងឺកូវីដ-១៩ ពីបណ្តាប្រទេសជាមិត្ត និងដៃគូរពាក់ព័ន្ធនានា មកចាក់ជូន​ប្រជាពលរដ្ឋទូទាំងប្រទេស ដើម្បីជារនាំងការពារកុំឲ្យឆ្លងរីករាលដាលជំងឺកូវីដ-១៩។ជាចុងក្រោយលោកសាស្រ្តាចារ្យ វេជ្ជបណ្ឌិត ញឹប អង្គាបុស្ស បានបញ្ជាក់ទៀតថា ចាប់តាំង​ពី​មានករណីជំងឺកូវីដ-១៩ ចូលមក គឺមនី្ទរពេទ្យកុមារជាតិ ចាប់ផ្តើមពិនិត្យស្រាវជ្រាវកុមារ ដែលមក​ទទួលការពិនិត្យ ព្យាបាលនៅក្នុងមនី្ទរពេទ្យថាតើកុមារនោះមានឆ្លងជំងឺកូវីដ-១៩ ដែរឬទេ ហើយថ្នាក់ដឹកនាំក៏បានរៀបចំវិធានការ ការពារ កុំឲ្យមានការឆ្លងពីកុមារម្នាក់ ទៅកុមារម្នាក់ទៀត ដែលមកទទួលសេវាព្យាបាល ឬក៏ពិនិត្យសុខភាព និងមកចាក់វ៉ាក់សាំងបង្ការនៅ​ក្នុងមនី្ទរពេទ្យ​កុមារជាតិ។ ទន្ទឹមនឹងនោះមនី្ទរពេទ្យ ក៏ចាប់ផ្តើមបើកយុទ្ធនាការចាក់វ៉ាក់សាំងបង្ការជំងឺកូវីដ-១៩ តាំងពីខែកុម្ភៈ ដំបូងចាក់វ៉ាក់សាំង ជូនមនុស្សចាស់ មកដល់ថ្ងៃនេះយើងឈានដល់ការចាក់វ៉ាក់សាំង​ការពារជំងឺកូវីដ-១៩ ជូនកុមារ ចាប់ពីអាយុ៦ឆ្នាំឡើងទៅ។ និយាយដោយឡែកសេវាទាំងឡាយនៅក្នុងមនី្ទរពេទ្យ គឺនៅតែបន្តជូនដល់ប្រជាជនធម្មតា អត់មានសេវាមួយណា ដែលមិនដំណើរការនោះទេ។ ដូច្នេះសូមបងប្អូនប្រជាពលរដ្ឋ អញ្ជើញមកទទួលសេវានៅក្នុងមនី្ទរពេទ្យកុមារជាតិ រាល់ម៉ោង និងជារៀងរាល់ថ្ងៃ ជាពិសេសក្នុងមនី្ទរពេទ្យ ក៏មានអគារសម្រាប់ថែទាំព្យាបាលជំងឺកូវីដ-១៩ ជូនកុមារផងដែរ៕អត្ថបទ រដ្ឋា  

អាជ្ញាធរជាតិអប្សរា បណ្តុះបណ្តាលដល់ក្រុមភ្នាក់ងារទេសចរណ៍ ក្នុងរមណីយដ្ឋានអង្គរ ក្នុងការគ្រប់គ្រងហានិភ័យប្រាសាទ

2021/10/15 11:48:32 am        686
Facebook Telegram Linkin
សៀមរាប ៖ ក្រុមភ្នាក់ងារទេសចរណ៍នៃអាជ្ញាធរជាតិអប្សរា ដែលប្រចាំការប្រាសាទនានា ក្នុងរមណីយដ្ឋានអង្គរទទួលការបណ្ដុះបណ្ដាល ស្ដីពីការគ្រប់គ្រងហានិភ័យប្រាសាទ កាលពីថ្ងៃទី១៤ ខែតុលា ម្សិលមិញនេះ។លោក អ៊ឹម សុខរិទ្ធី ប្រធាននាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ បានឱ្យដឹងថា អាជ្ញាធរជាតិអប្សរាតែងតែយកចិត្តទុកដាក់បង្កើនសមត្ថភាពផ្ទៃក្នុង ក្នុង​​រង្វង់ស្ថាប័ន​អាជ្ញាធរជាតិអប្សរាដោយផ្ទេរចំណេះដឹង និងបទពិសោធន៍ពីអ្នកចេះដឹងច្រើនទៅអ្នកចេះតិច។ពិសេសភ្នាក់ងារទេសចរណ៍ដែលធ្វើការងារផ្ទាល់នឹងប្រាសាទ។លោកបញ្ជាក់ថា ការសិក្សាបានបង្ហាញពីចំណេះដឹងទូទៅ អំពីថ្ម ប្រវត្តិថ្ម ភាពសឹករេចរិលនៃថ្ម ប្រាង្គប្រាសាទ ការវិវត្តនៃសំណង់ស្ថាបត្យកម្ម រចនាសម្ព័ន្ធ និងស្គាល់ច្បាស់ពីទីតាំង​ហានិភ័យ​ជាដើម។ លោក អ៊ឹម សុខរិទ្ធី បន្ថែមថា ចំណេះដឹងជាមូលដ្ឋាន គឺត្រូវចេះសង្កេតគ្រប់ទីកន្លែងដឹងពី​ស្ថានភាព​ទូទៅរបស់ប្រាសាទ ដើម្បីបញ្ចៀសនូវហានិភ័យបានទាន់ពេលវេលា។សូមជម្រាបថា វគ្គបណ្ដុះបណ្ដាលនេះធ្វើឡើងនៅបណ្ណាល័យខាងជើងថែវរួតព្រះពាន់ នៃប្រាសាទ​អង្គរវត្ត ក្នុងគោលបំណង ពង្រឹងសមត្ថភាពបន្ថែមដល់ភ្នាក់ងារ​ទេសចរណ៍​ដែលប្រចាំការផ្ទាល់​តាម​ប្រាសាទជាទុនបន្ថែម ដើម្បីឱ្យភ្នាក់ងារទាំងអស់បានដឹងពីស្ថានភាពជាក់ស្ដែង​របស់​ប្រាសាទរួម​ចំណែក​ក្នុងកិច្ចការអភិរក្សប្រាង្គប្រាសាទឱ្យកាន់តែល្អសម្រាប់បច្ចុប្បន្ន និងទៅអនាគត។វគ្គបណ្ដុះបណ្ដាលនេះ រៀបចំឡើងដោយនាយកដ្ឋានអភិវឌ្ឍន៍ទេសចរណ៍អង្គរ សហការ​ជាមួយ​អ្នកជំនាញស្ថាប័ន GIZ ប្រទេសអាល្លឺម៉ង់ នាយកដ្ឋានអភិរក្សប្រាសាទ​ក្នុងឧទ្យានអង្គរ និងបុរាណ​វិទ្យាបង្ការ នៃអាជ្ញាធរជាតិអប្សរា៕អត្ថបទ ៖ សាវី 

បណ្ដាញសង្គម

ព័ត៌មានថ្មីៗ

ប៉ូលិសកម្ពុជាបញ្ជាក់ពីការចាប់ជនជាតិសាម៉នពីរនាក់បាញ់ប្រហារលើជនជាតិអូស្ត្រាលីពីរនាក់នៅទីក្រុងហូជីមិញ
05/27/2026 09:05 PM
Facebook Telegram Linkin
ចាប់គិតចាប់ពីខែកក្កដាឆ្នាំមុនដល់ពេលនេះសមត្ថកិច្ចបង្ក្រាប Onlin Scams ជាង៤០០ករណី និងបណ្តេញជនបរទេសជិត ២ម៉ឺននាក់ចេញពីកម្ពុជា
05/27/2026 09:05 PM
Facebook Telegram Linkin
មន្រ្តីជាន់ខ្ពស់ក្រសួងកោតសរសើរមន្ទីរអភិវឌ្ឍន៍ជនបទខេត្តកំពង់ឆ្នាំង ថែទាំផ្លូវបានល្អជូនប្រជាពលរដ្ឋ
05/27/2026 09:05 PM
Facebook Telegram Linkin
ការិយាល័យឧតុនិយមអង់គ្លេស៖ អាកាសធាតុក្តៅជាប់កំណត់ត្រាខែឧសភា មិនទាន់អាចចាត់ថ្នាក់ថាជារដូវក្តៅខ្លាំងនោះទេ
05/27/2026 09:05 PM
Facebook Telegram Linkin
ប្រមុខ WHO ព្រមានថា ជម្លោះជំរុញឲ្យ​វិបត្តិជំងឺ​ Ebola កាន់​តែ​អាក្រក់​ នៅភាគខាងកើតកុងហ្គោ
05/27/2026 08:05 PM
Facebook Telegram Linkin
ឯកឧត្តម គន់ គីម អញ្ជើញចុះសួរសុខទុក្ខសមាជិក អ.ន.ក.តាមខ្នងផ្ទះ ក្នុងខេត្តស្វាយរៀង
05/27/2026 08:05 PM
Facebook Telegram Linkin
អ៊ីរ៉ង់៖ សេចក្តីព្រាងកិច្ចព្រមព្រៀងជាមួយអាមេរិក នឹងបើកច្រក​សមុទ្រ​ Hormuz ឡើងវិញ និងបញ្ចប់បិទ​ផ្លូវ​ទឹក
05/27/2026 08:05 PM
Facebook Telegram Linkin
នគរបាលអេស្ប៉ាញសម្រុកចូលទីស្នាក់ការកណ្តាលគណបក្សសង្គមនិយមរបស់លោក Sanchez
05/27/2026 08:05 PM
Facebook Telegram Linkin
ហ្គាណាធ្វើមាតុភូមិនិវត្តន៍ពលរដ្ឋរបស់ខ្លួន ក្រោយការវាយប្រហារប្រឆាំងជនបរទេសនៅអាហ្វ្រិកខាងត្បូង
05/27/2026 08:05 PM
Facebook Telegram Linkin
ជនមូស្លីមនៅទូទាំងតំបន់មជ្ឈិមបូព៌ា និងអាហ្វ្រិកខាងជើងប្រារព្ធថ្ងៃដំបូងនៃពិធីបុណ្យ Eid
05/27/2026 08:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.