BTV NEWS

BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់

សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់

ឯកឧត្តម ចាន់ ដារ៉ុង ដឹកនាំគណៈកម្មការអន្តរក្រសួងចុះពិនិត្យវាយតម្លៃបញ្ចប់សុពលភាពការងារថែទាំផ្លូវខួបចំនួន ៣កំណាត់ ក្នុងខេត្តពោធិ៍សាត់

BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យនូវកិច្ចប្រជុំវិសាមញ្ញ នៃគណៈកម្មាធិការព្រំដែនទូទៅកម្ពុជា-ថៃ

នយោបាយ និង ការអភិវឌ្ឍន៍

សម្ដេចតេជោ ហ៊ុន សែន ថ្លែងបញ្ជាក់ថា វត្តអារាមជិតពាក់កណ្ដាលនៅភ្នំពេញ ត្រូវបានរកឃើញឆ្លងជំងឺកូវីដ-១៩

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានថ្លែងឱ្យដឹងថា ជិតពាក់កណ្ដាលនៃវត្តអារាមនានានៅក្នុងរាជធានីភ្នំពេញ ត្រូវបានរកឃើញឆ្លងមេរោគកូវីដ-១៩ បន្ទាប់ពីការប្រារព្ធពិធីបុណ្យកាន់បិណ្ឌរយៈពេល ៣ថ្ងៃកន្លងមកនេះ។សម្ដេចតេជោ ហ៊ុន សែន បានថ្លែងឱ្យដឹងបែបនេះនៅក្នុងសារដែលត្រូវបានបញ្ជូនទៅកាន់មហាជនតាមរយៈបណ្ដាញសង្គមតេឡេក្រាមនៅព្រឹកថ្ងៃនេះ។សម្ដេចតេជោ ហ៊ុន សែន មានប្រសាសន៍ថា ៖ «ការចាប់ផ្ដើមរបស់យើង គឺទាក់ទិននឹងការឆ្លងរីករាលដាលនៃកូវីដ-១៩ ហើយដែលម្សិលមិញនេះ ក្រុមគ្រូពេទ្យបានយកសំណាកនៅគ្រប់វត្ត ស្ទើរតែពាក់កណ្ដាលនៃវត្តនៅក្នុងទីក្រុងភ្នំពេញ គឺមានឆ្លងនូវជំងឺកូវីដ-១៩នេះ»។សម្ដេចតេជោ ហ៊ុន សែន បានបញ្ជាក់ឡើងវិញថា កម្ពុជាបានទប់ស្កាត់ការឆ្លងរីករាលដាលនៃមេរោគកូវីដ-១៩ បានជោគជ័យកាលពីឆ្នាំ២០២០កន្លងមក តាមរយៈការផ្អាកការរៀបចំពិធីបុណ្យចូលឆ្នាំថ្មីប្រពៃណីជាតិ និងការប្រារព្ធពិធីកាន់បិណ្ឌ និងពិធីបុណ្យភ្ជុំបិណ្ឌ៕

អំណោយសម្តេចតេជោ និងសម្តេចកិត្តិព្រឹទ្ធបណ្ឌិត បានផ្ដល់ជូនរដ្ឋបាលខេត្តត្បូងឃ្មុំ សម្រាប់ប្រើប្រាស់ក្នុងយុទ្ធនាការប្រយុទ្ធប្រឆាំងជំងឺកូវីដ១៩

ត្បូងឃ្មុំ ៖ ព្រឹកថ្ងៃទី២៤ ខែកញ្ញានេះ ក្រុមការងារសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) បាននាំយកអំណោយដ៏ថ្លៃថ្លារបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ប្រគល់ជូនរដ្ឋបាលខេត្តត្បូងឃ្មុំ សម្រាប់ប្រើប្រាស់ក្នុងយុទ្ធនាការប្រយុទ្ធប្រឆាំងជំងឺកូវីដ១៩ ។ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តត្បូងឃ្មុំ បានថ្លែងអំណរគុណយ៉ាងជ្រាលជ្រៅ នូវទឹកចិត្តដ៏ថ្លៃថ្លារបស់សម្តេចទាំងទ្វេ ក៏ដូចជាឯកឧត្តមបណ្ឌិត ហ៊ុន ម៉ាណែត និងលោកជំទាវ ពេជ ចន្ទមុនី ដែលបាននាំយកមកឧបត្ថម្ភផ្តល់ជូនសម្ភារៈបរិក្ខារពេទ្យចំរុះយ៉ាងច្រើនទាំងនេះ ដើម្បីចែកជូនក្រុមគ្រូពេទ្យ មន្ត្រីរាជការ និងកងកម្លាំងប្រដាប់អាវុធ ប្រយុទ្ធទប់ស្កាត់ការឆ្លងរីករាលដាលនៃជំងឺកូវីដ១៩ ក្នុងសហគមន៍ជាបន្តទៀត។ចំពោះសម្ភារៈបរិក្ខារពេទ្យទាំង១៥០កេស រួមមាន ៖ សម្ភារៈរុំ និងថែទាំរបួស សម្ភារៈជំនួយការពិនិត្យជំងឺទូទៅ និងរោគស្ត្រី ជំនួយការងារមន្ទីរពិសោធន៍ ជំនួយការវះកាត់ និងបរិក្ខារផ្សេងៗជាច្រើនទៀត៕

អំណោយរបស់ឯកឧត្តមបណ្ឌិត ហ៊ុន ម៉ាណែត រួមនឹងសប្បុរសប្រគល់ជូនគណៈកម្មការខេត្តប្រយុទ្ធប្រឆាំងនឹងជំងឺកូវី-១៩

កំពង់ចាម ៖ នៅព្រឹកថ្ងៃទី ២៤ ខែកញ្ញា ឆ្នាំ២០២១នេះ អំណោយដ៏ថ្លៃថ្លារបស់ឯកឧត្តមបណ្ឌិត ហ៊ុន ម៉ាណែត និងលោកជំទាវ ពេជ្រ ចន្ទមុន្នី រួមនឹងសប្បុរស ត្រូវបានផ្ដល់ជូនគណៈកម្មការខេត្តកំពង់ចាមប្រយុទ្ធប្រឆាំងនឹងជំងឺកូវី-១៩ ដើម្បីចូលរួមក្នុង យុទ្ធនាការប្រយុទ្ធប្រឆាំងនឹងជំងឺកូវីដ-១៩ ។ក្នុងឱកាសនោះ ឯកឧត្តម អ៊ុន ចាន់ដា អភិបាលខេត្ត និងជាប្រធានគណៈកម្មការខេត្តប្រយុទ្ធនឹងជំងឺកូវីដ-១៩ បានថ្លែងអំណរគុណយ៉ាងជ្រាលជ្រៅជូនចំពោះ ឯកឧត្តមបណ្ឌិត ហ៊ុន ម៉ាណែត និងលោកជំទាវ ពេជ្រ ចន្ទមុន្នី ប្រធាន ក្រុមប្រឹក្សាភិបាលសមាគម គ្រូពេទ្យស្ម័គ្រចិត្តយុវជនសម្ដេតេជោ ដែលបានជួយឧបត្ថម្ភជាសម្ភារៈ និងបរិក្ខាពេទ្យ ចំនួន ១៥០កេសធំ ជូនដល់គណៈកម្មការប្រយុទ្ធប្រឆាំង នឹងជំងឺកូវីដ-១៩ ខេត្តកំពង់ចាម ដើម្បីបម្រើឱ្យការងារប្រយុទ្ធនឹងជំងឺកូវីដ-១៩ ក្នុងខេត្តកំពង់ចាម ដែលកំពុងមានការឆ្លងរាលដាលចូលក្នុងសហគមន៍គួរឱ្យព្រួយបារម្ភ ។ឯកឧត្តម អភិបាលខេត្តថ្លែងបន្តថា អំណោយមនុស្សធម៌នាពេលនេះ គឺពិតជាបានចូលរួមចំណែកយ៉ាងធំធេងជាមួយរដ្ឋបាលខេត្តកំពង់ចាម ក្នុងការចូលរួមប្រយុទ្ធនឹងការឆ្លងរាតត្បាតនៃជំងឺកូវីដ-១៩ ក្នុងក្របខណ្ឌខេត្ត និងជាឆ្លើយតបទៅនឹងស្ថានភាពបច្ចុប្បន្ន ស្របពេលដែលមេរោគដ៏កំណាចនេះកំពុងគម្រាមកំហែងយ៉ាងធ្ងន់ធ្ងរដល់សេដ្ឋកិច្ច និងអាយុជីវិតរបស់ប្រជាពលរដ្ឋ នៅក្នុងសហគមន៍ក៏ដូចជាប្រជាពលរដ្ឋនៅក្នុងពិភពលោកជារៀងរាល់ថ្ងៃផងដែរ។ដោយឡែកក្រុមហ៊ុនសាប៊ូ លីប៉ាយ ក៏បានចូលរួមឧបត្ថម្ភ ជាសាប៊ូលាងដៃ ចំនួន ៣កេស សាប៊ូលាងចាន និងសាប៊ូលាងបន្លែផ្លែឈើ ចំនួន ២កេស សាប៊ូម្ស៉ៅចំនួន ១០កេស ម៉ាស់ចំនួន ១កេស កាដូអនុស្សាវរីយ៍ ចំនួន ១០ថង់ ផងដែរ ៕

វ៉ាក់សាំងបង្ការជំងឺកូវីដ-១៩ ស៊ីណូវ៉ាក់ ចំនួន៣លានដូស ដែលជាការបញ្ជាទិញពីមិត្តចិន បានមកដល់កម្ពុជា

ភ្នំពេញ ៖ លោកជំទាវ វេជ្ជបណ្ឌិត យក់ សម្បតិ្ត រដ្ឋលេខាធិការក្រសួងសុខាភិបាល រួមនឹងមន្រី្តក្រោមឱវាទ ព្រឹកថ្ងៃទី២៤ ខែកញ្ញា ឆ្នាំ២០២១នេះ បានអញ្ជើញមកទទួលការមកដល់វ៉ាក់សាំងបង្ការជំងឺកូវីដ-១៩ ប្រភេទស៊ីណូវ៉ាក់ ចំនួន០៣លានដូស ដែលរាជរដ្ឋាភិបាលកម្ពុជា បញ្ជាទិញពីក្រុមហ៊ុន ស៊ីណូវ៉ាក់ នៃសាធារណរដ្ឋប្រជាមានិតចិន។លោកជំទាវ វេជ្ជបណ្ឌិត យក់ សម្បតិ្ត បានឲ្យដឹងថា ព្រឹកនេះកម្ពុជា បានទទួលវ៉ាក់សាំងបង្ការជំងឺកូវីដ-១៩ ចំនួន០៣លានដូស របស់ក្រុមហ៊ុន ស៊ីណូវ៉ាក់ នៃសាធារណរដ្ឋប្រជាមានិត ចិន និងនៅថ្ងៃទី២៨ ខែកញ្ញា ឆ្នាំ២០២១ខាងមុខនេះ នឹងមកដល់ចំនួន០៣លានដូស ដែលជាការបញ្ជាទិញបន្ថែម របស់រាជរដ្ឋាភិបាលកម្ពុជា ជាពិសេសសម្តេចតេជោ ហ៊ុន សែន នាយករដ្ឋមន្រី្ត បានសម្រេច។លោកជំទាវវេជ្ជបណ្ឌិត យក់ សម្បតិ្ត បានបញ្ជាក់ទៀតថា កម្ពុជា នឹងមានវ៉ាក់សាំងគ្រប់គ្រាន់សម្រាប់ចាក់ជូនប្រជាពលរដ្ឋទូទាំងប្រទេស ទាំងកុមារ អាយុចាប់ពី៦ឆ្នាំឡើងទៅ យុវវ័យ និងមនុស្សចាស់ ឲ្យបានគ្រប់គ្នា តាមផែនការរបស់រាជរដ្ឋាភិបាលបានកំណត់។នៅចំពោះមុខនេះកម្ពុជា ចាក់វ៉ាក់សាំងស៊ីណូវ៉ាក់ ជូនដល់កុមារ និងយុវវ័យ ដែលប្រមុខរាជរដ្ឋាភិបាលបានសម្រេច ដោយឡែកសម្រាប់វ៉ាក់សាំងចនសុន និងចនសុន និងវ៉ាក់សាំងដទៃទៀត យើងក៏អាចចាក់បានដែរ។ ជាពិសេសបើទោះបីប្រទេសកម្ពុជា ទទួលបានការចាក់វ៉ាក់សាំងទៅលើប្រជាពលរដ្ឋបានចំនួនច្រើនមែនទែន សឹងតែថា១០០% ធៀបទៅនឹងចំនួនប្រជាពលរដ្ឋ ហើយកុមារទទួលបានការចាក់វ៉ាក់សាំងជាបន្តបន្ទាប់នេះ ប៉ុន្តែស្ថានភាពជំងឺកូវីដ-១៩ នៅតែបន្តមានការកើនឡើង ជាពិសេសការរាតត្បាតនៃវីរុសកូវីដ-១៩ ប្រភេទដែលតា (Delta) កំពុងតែវៃលុកទៅលើខេត្តមួយចំនួនជាប់ព្រំដែន ដូចជាខេត្តសៀមរាប ដែលយើងកំពុងធ្វើយុទ្ធនាការទប់ស្កាត់ និងការបិទខ្ទប់សង្កាត់មួយចំនួនក្នុងខេត្តសៀមរាប ជាពិសេសខេត្តផ្សេងៗ និងថ្មីៗនេះនៅវេលាម៉ោង១១យប់ម៉ិញ ប្រមុខរាជរដ្ឋាភិបាលបានចេញសេចកី្តជូនដំណឹងដល់ប្រជាពលរដ្ឋក្នុងការផ្អាកពិធីបុណ្យភ្ជុំបិណ្ឌ ដើម្បីឲ្យមានការទប់ស្កាត់ទាន់ពេលវេលា ព្រោះយើងអត់ចង់ថា ក្រោយពីពិធីបុណ្យភ្ជុំបិណ្ឌ បានបញ្ចប់ហើយ គឺប្រជាពលរដ្ឋទទួលនូវផលវិបាកនៃការផ្ទុកមេរោគកូវីដ-១៩ វិជ្ជមាន។ ដូច្នេះការសម្រេចដ៏ខ្ពង់ខ្ពស់របស់ប្រមុខរាជរដ្ឋាភិបាល គឺជាការសម្រេចដ៏ត្រឹមត្រូវជាទីបំផុត ដើម្បីជួយឲ្យការរាតត្បាតនៃវីរុសកូវីដ-១៩ គ្រប់គ្រងបានល្អ៕អត្ថបទ រដ្ឋា

ឯកឧត្តម សុខ សុក្រឹត្យា ជួបពិភាក្សាការងារជាមួយរដ្ឋមន្រ្តីទីស្តីការគណៈរដ្ឋមន្រ្តីថៃ

ភ្នំពេញ ៖ នៅវិមានរដ្ឋាភិបាលថៃ កាលពីថ្ងៃទី២៣ ខែកញ្ញា ឯកឧត្តមបណ្ឌិត សុខ សុក្រឹត្យា រដ្ឋលេខាធិការក្រសួងទេសចរណ៍ បានជួបពិភាក្សាការងារមួយចំនួនជាមួយលោកមបណ្ឌិត Anucha Nakasai រដ្ឋមន្ត្រីទីស្តីការគណៈរដ្ឋមន្ត្រីថៃ។ក្នុងឱកាសនៃជំនួបនោះឯកឧត្តម សុខ សុក្រឹត្យា បានជម្រាបជូនលោក Anucha Nakasai អំពីការដឹកនាំប្រកបដោយគតិបណ្ឌិតរបស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានធ្វើឱ្យប្រទេសជាតិមានសុខសន្តិភាព ស្ថិរភាពនយោបាយ និងសេដ្ឋកិច្ច-សង្គម ជាពិសេសការកសាងខឿនសុខុមាលភាពយ៉ាងរឹងមាំជូនប្រជាពលរដ្ឋ និងជនបរទេសរស់នៅក្នុងប្រទេសកម្ពុជាជាដើម។ឯកឧត្តម ក៏បានជំរាបផងដែរអំពីចាក់វ៉ាក់សាំងកូវីដ-១៩នៅប្រទេសកម្ពុជា ដោយគិតត្រឹមថ្ងៃទី២១ ខែកញ្ញា ឆ្នាំ២០២១ មាន ៩៨,៤៣% ធៀបជាមួយចំនួនប្រជាជនគោលដៅ១០លាននាក់ និងលើកុមារ-យុវវ័យអាយុពី១២ឆ្នាំ ទៅក្រោម១៨ឆ្នាំមាន ៨៨,៣៣%ធៀបជាមួយចំនួនប្រជាជនគោលដៅ ១,៩៦៦,៩៣១នាក់ និងលើកុមារអាយុពី០៦ឆ្នាំ ដល់ក្រោម ១២ឆ្នាំ មាន ៤៧,៦១% ធៀបជាមួយនឹងប្រជាជនគោលដៅ ១,៨៩៧, ៣៨២នាក់។ក្នុងនោះ ឯកឧត្តម បានរំលឹកអំពីចំណងមិត្តភាពកម្ពុជា-ថៃ និងជម្រាបជូនថា កម្ពុជាមានកម្លាំងពលកម្មគ្រប់គ្រាន់ និងមានសុវត្ថិភាពខ្ពស់ សម្រាប់បំពេញតម្រូវការនៅតាមរោងចក្រ សហគ្រាសនានានៅប្រទេសថៃផងដែរ។ថ្លែងនៅក្នុងកិច្ចជំនួបនោះដែរ លោក Anucha Nakasai រដ្ឋមន្ត្រីទីស្តីការគណៈរដ្ឋមន្ត្រីនៃព្រះរាជាណាចក្រថៃ បានសម្តែងការស្វាគមន៍យ៉ាងកក់ក្តៅចំពោះដំណើរទស្សនកិច្ចនៅប្រទេសថៃរបស់ លោកបណ្ឌិត សុខ សុក្រឹត្យា តំណាងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នាឱកាសនេះ ព្រមទាំងបានអបអរសាទរជោគជ័យក្នុងការគ្រប់គ្រងកូវីដ-១៩ នៅកម្ពុជា និងវាយតម្លៃខ្ពស់ចំពោះការដឹកនាំប្រទេសឲ្យទទួលបានសុខសន្តិភាពពេញលេញ និងការអភិវឌ្ឍលើគ្រប់វិស័យយ៉ាងឆាប់រហ័សរបស់កម្ពុជាក្រោមការដឹកនាំរបស់សម្តេចតេជោ ហ៊ុន សែន ។ឯកឧត្តមរដ្ឋមន្ត្រីទីស្តីការគណៈរដ្ឋមន្ត្រីថៃ បានសន្យាថា នឹងបន្តពង្រឹង និងជំរុញកិច្ចសហប្រតិបត្តិការលើវិស័យសំខាន់ៗ ដែលភាគីកម្ពុជាបានស្នើឡើងខាងលើឲ្យទទួលបានជោគជ័យ។បន្ទាប់ពីបានពិភាក្សា ផ្លាស់ប្តូរយោបល់ និងស្វែងយល់អំពីគ្នាទៅវិញទៅមកប្រកបដោយភាពស្និទ្ធស្នាលភាគីទាំងពីរបានប្តេជ្ញាបន្តរក្សាចំណងមិត្តភាពកម្ពុជា-ថៃដែលមានភាពចាស់ទុំជាង៧១ឆ្នាំ មកហើយនេះឲ្យកាន់តែស្អិតរមួត និងបន្តរឹតចំណងសាមគ្គីភាពល្អរវាងគ្នា និងគ្នាតទៅអនាគត៕អត្ថបទ ៖ បាន ចក់

សម្តេចតេជោ ផ្ញើសារអបអរសាទរខួបទី២៨ឆ្នាំ នៃទិវាប្រកាសឲ្យប្រើប្រាស់រដ្ឋធម្មនុញ្ញជាតិខ្មែរ

ភ្នំពេញ ៖ សម្តេចតេជោហ៊ុន សែន នាយករដ្ឋមន្រ្តី ផ្ញើសារអបអរសាទរខួប២៨ឆ្នាំ នៃទិវាប្រកាសឲ្យប្រើប្រាស់នូវរដ្ឋធម្មនុញ្ញនៃប្រទេសកម្ពុជា ខណៈ២៨ឆ្នាំកន្លងទៅនេះ ប្រទេសកម្ពុជា អនុវត្តបានយ៉ាងល្អប្រសើក្នុងការគោរពនូវរបបរាជានិយមអាស្រ័យរដ្ឋធម្មនុញ្ញ របបប្រជាធិបតេយ្យសេរីពហុបក្សជាដើម។យោងតាមផេកហ្វេសបុកផ្ទាល់ នាព្រឹកថ្ងៃទី២៤ ខែកញ្ញានេះ សម្តេចតេជោ ហ៊ុន សែន បានលើក ឡើងថា នៅថ្ងៃទី២៤កញ្ញានេះ គឺជាខួបទី២៨ឆ្នាំ ដែលកម្ពុជាបានប្រកាសឲ្យប្រើប្រាស់ជាផ្លូវការនូវរដ្ឋធម្មនុញ្ញ នៃព្រះរាជាណាចក្រកម្ពុជា។ ផ្តើមចេញពីកិច្ចព្រមព្រៀងសន្តិភាពទីក្រុងប៉ារីស នៅថ្ងៃទី២៣ ខែតុលា ឆ្នាំ១៩៩១ ស្តីពីដំណោះស្រាយរួមបញ្ចប់នូវវិបត្តិកម្ពុជា ជាប្រវត្តិសាស្ត្រ ដែលបន្ទាប់មកនៅថ្ងៃទី ២៣-២៨ ខែឧសភា ប្រទេសយើងបានរៀបចំការបោះឆ្នោតជាលើកដំបូងក្រោមការឧបត្ថម្ភគាំពារពីអង្គការសហប្រជាជាតិ អ៊ុនតាក់ (UNTAC)។ ក្រោយពីការបោះឆ្នោតរួចមករដ្ឋធម្មនុញ្ញជាតិ ក៏ត្រូវបានបង្កើតឡើងជាប្រវត្តិសាស្ត្រនៅក្នុងឆ្នាំ១៩៩៣ ផងដែរ។សម្តេចតេជោ ហ៊ុន សែន បានបញ្ជាក់ទៀតថា នៅថ្ងៃទី២៤ ខែកញ្ញា ឆ្នាំ១៩៩៣ នៅក្នុងមហាប្រាសាទទេវាវិនិច្ឆ័យ នៅក្នុងព្រះបរមរាជវាំងព្រះករុណា ព្រះបាទ សម្តេចព្រះនរោត្តម សីហនុ អតីតមហាវីរក្សត្រព្រះបរមរតនកោដ្ឋ ព្រះអង្គបានឡាយព្រះហត្ថលេខាលើព្រះរាជក្រមប្រកាសឲ្យប្រើរដ្ឋធម្មនុញ្ញ នៃព្រះរាជាណាចក្រកម្ពុជាជាផ្លូវការ។ នៅថ្ងៃទី២៤ ខែកញ្ញា គឺជាថ្ងៃកំណើតរដ្ឋធម្មនុញ្ញ ឆ្នាំ១៩៩៣ ដែលមកដល់ឆ្នាំ២០២១ គឺរដ្ឋធម្មនុញ្ញកម្ពុជា មានអាយុកាល២៨ឆ្នាំហើយ។សម្តេចតេជោ បានបញ្ជាក់ទៀតថា រដ្ឋធម្មនុញ្ញ គឺជាច្បាប់កំពូលនៃព្រះរាជាណាចក្រកម្ពុជា។ ច្បាប់ និងសេចក្តីសម្រេចទាំងឡាយនៃស្ថាប័ននានារបស់រដ្ឋត្រូវស្របទៅនឹងរដ្ឋធម្មនុញ្ញជាដាច់ខាត។ ចំណុចសំខាន់ៗបំផុតមួយចំនួនដែលបានចែងច្បាស់នៅក្នុងរដ្ឋធម្មនុញ្ញមានដូចជា «កម្ពុជាត្រូវគោរពដាច់ខាតនូវរបបរាជានិយមអាស្រ័យរដ្ឋធម្មនុញ្ញ របបប្រជាធិបតេយ្យសេរីពហុបក្ស។ រដ្ឋធម្មនុញ្ញកម្ពុជា បានចែងអំពីគោលការណ៍នៃការបែងចែកអំណាចដាច់ដោយឡែកពីគ្នាគឺ១,អំណាចនីតិបញ្ញត្តិ ២,នីតិប្រតិបត្តិ និង៣,តុលាការ ហើយក៏បានអនុម័តនូវសិទ្ធិជាមូលដ្ឋានរបស់ប្រជាពលរដ្ឋ និងគោលការណ៍នីតិរដ្ឋជាដើម»។ជាមួយគ្នានោះដែរសម្តេចតេជោ ហ៊ុន សែន នាយករដ្ឋមន្រ្តីក៏បានថ្លែងអំណរអគុណចំពោះបងប្អូនជនរួមជាតិដែលបានចូលរួមថែរក្សាការពារសន្តិភាព ដើម្បីប្រទេសជាតិកាន់តែរីកចម្រើនរុងរឿងឆ្ពោះទៅមុខផងដែរ៕អត្ថបទ ៖ បាន ចក់

រាជរដ្ឋាភិបាលសម្រេចផ្អាកពិធីបុណ្យកាន់បិណ្ឌ និងភ្ជុំបិណ្ឌដើម្បីទប់ស្កាត់ការរីករាលដាលកូវីដ១៩

ភ្នំពេញ ៖ ទីបំផុតរាជរដ្ឋាភិបាលកម្ពុជា បានចេញសេចក្តីសម្រេចឲ្យផ្អាកការរៀបចំពិធីបុណ្យកាន់បិណ្ឌ និងភ្ជុំបិណ្ឌដោយចាប់ផ្តើមពីវេនកាន់បិណ្ឌទី៤នេះតទៅ រហូតដល់បុណ្យភ្ជុំបិណ្ឌ ដើម្បីទប់ស្កាត់ការរីករាលដាលនូវមេរោគកូវីដ១៩ បន្ទាប់ពីមានព្រះសង្ឃតាជីយាយជី និងពុទ្ធបរិស័ទមួយចំនួនបានកើតមេរោគកូវីដ១៩ ។យោងតាមសេចក្តីសម្រេច ដែលបានចុះហត្ថលេខាដោយសម្តេចតេជោ ហ៊ុន សែន នាយករដ្ឋមន្រ្តី នាយប់ថ្ងៃទី២៣ ខែកញ្ញាម្សិលមិញនេះ បានលើកឡើងថា ក្នុងរយៈពេល២ថ្ងៃនៃការរៀបចំពិពីបុណ្យកាន់បិណ្ឌកន្លងទៅនេះ រាជរដ្ឋាភិបាលពិនិត្យឃើញថា មានការជួបជុំ និងប្រមូលផ្តុំមនុស្សជាច្រើននៅតាមបណ្តាវត្តអារាម ដើម្បីប្រារព្ធពិធីកាន់បិណ្ឌ ដែលមិនអាចធានាបានការអនុវត្តត្រឹមត្រូវតាមវិធានការសុវត្ថិភាពផ្នែកសុខាភិបាល ក្នុងការបង្ការទប់ស្កាត់ការឆ្លងរាលដាល ទ្រង់ទ្រាយធំនៅទូទាំងប្រទេសនៃជំងឺកូវីដ១៩ ជាពិសេសមេរោគបំប្លែងខ្លួនថ្មីប្រភេទដែលតា(Delta) ដែលវាមានកម្រិតនៃការឆ្លងយ៉ាងឆាប់រហ័សនោះ។យោងលើភាពចាំបាច់ក្នុងការបន្តគ្រប់គ្រងការឆ្លងរាលដាលនៃជំងឺកូវីដ១៩ ជាពិសេសដើម្បីធានា ការពារអាយុជីវិត និងសុខភាពរបស់ប្រជាពលរដ្ឋ ខណៈដែលព្រះរាជាណាចក្រកម្ពុជាកំពុងដំណើរ ការបើកសាលារៀនឡើងវិញ ក៏ដូចជាកំពុងរៀបចំផែនការដើម្បីឈានឆ្ពោះទៅបើកដំណើរប្រទេសពេញលេញឡើងវិញ នាពេលខាងមុខនោះ រាជរដ្ឋាភិបាលសម្រេច«ផ្អាកការរៀបចំពិធីបុណ្យកាន់បិណ្ឌ និងភ្ជុំបិណ្ឌចាប់ពីថ្ងៃទី៤ រហូតដល់ថ្ងៃភ្ជុំបិណ្ឌ ។ គណៈអភិបាលរាជធានី-ខេត្ត ត្រូវធ្វើការសម្របសម្រួលជាមួយយន្តការ ដែលមានការពាក់ព័ន្ធទំាងអស់ ដើម្បីធានាដល់ការនាំយកចង្ហាន់ និងទេយ្យវត្ថុចាំបាច់នានា ប្រគេន ដល់ព្រះសង្ឃនៅតាមបណ្តាវត្តអារាមនានា ដែលស្ថិតនៅក្នុងសមត្ថកិច្ចដែនដីរបស់ខ្លួន»។យ៉ាងណាក៏ដោយ រាជរដ្ឋាភិបាលប្រកាសឲ្យផ្អាកពិធីបុណ្យកាន់បិណ្ឌ និងភ្ជុំបិណ្ឌនេះក្តី ប៉ុន្តែ រាជរដ្ឋាភិបាលរក្សាការឈប់សម្រាករយៈពេល៣ថ្ងៃសម្រាប់ពិធីបុណ្យភ្ជុំបិណ្ឌ ដែលត្រូវបានកំណត់ ដោយអនុក្រឹត្យលេខ១៣១អនក្រ.បកចុះថ្ងៃទី២៦ ខែសីហា ឆ្នាំ២០២០ ស្តីពីប្រតិទិនឈប់សម្រាកការងាររបស់មន្រ្តីរាជកា និយោជិត កម្មករប្រចាំឆ្នាំ២០២១ដដែលនោះ។តាមសេចក្តីសម្រេចរបស់រាជរដ្ឋាភិបាលនេះ ក៏បានអំពាវនាវដល់គ្រប់ក្រសួងស្ថាប័ន គណៈអភិបាលរាជធានី-ខេត្ត អាជ្ញាធរ និងអាជ្ញាធរមានសមត្ថកិច្ចពាក់ព័ន្ធទាំងអស់ ត្រូវចាត់ចែងអនុវត្តជាបន្ទាន់ និងឲ្យមានប្រសិទ្ធភាពខ្ពស់ផងដែរ ដើម្បីធ្វើយ៉ាងណាធានានៃការទប់ស្កាត់ការរីករាលដាលនូវមេរោគកូវីដ១៩នេះ ឆ្លងចូលសហគមន៍កាន់តែខ្លាំងក្លាបន្ថែមទៀតនោះ៕អត្ថបទ ៖ បាន ចក់

សម្ដេចតេជោ ហ៊ុន សែន ស្នើឱ្យពិភាក្សាពីលទ្ធភាពទប់ស្កាត់ការឆ្លងរាលដាលនៃជំងឺកូវីដ-១៩អំឡុងពិធីកាន់បិណ្ឌ

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានស្នើសុំគណៈសង្ឃនាយកកម្ពុជា ឱ្យពិភាក្សាជាមួយភាគីពាក់ព័ន្ធ ដើម្បីសិក្សាពីលទ្ធភាពផ្អាកការរៀបចំពិធីបុណ្យកាន់បិណ្ឌនៅតាមវត្តអារាមនានានៅទូទាំងប្រទេស បន្ទាប់ពីបានរកឃើញករណីឆ្លងផ្ទុះឡើងនៅតាមវត្តមួយចំនួននាពេលពីរថ្ងៃចុងក្រោយនេះ។សម្ដេចតេជោ ហ៊ុន សែន បានស្នើឱ្យមានកិច្ចពិភាក្សាបែបនេះតាមរយៈសារជាសំឡេងដែលសម្ដេចតេជោបានផ្ញើទៅកាន់មហាជនតាមបណ្ដាញសង្គមតេឡេក្រាមនៅរសៀលថ្ងៃនេះ។ប្រមុខរាជរដ្ឋាភិបាលសម្ដេចតេជោ ហ៊ុន សែន មានប្រសាសន៍ថា៖ «ដូច្នេះ ខ្ញុំព្រះករុណាខ្ញុំ សូមស្នើឱ្យគណៈសង្ឃនាយកដែលជាគណៈប្រតិបត្តិនៃការគ្រប់គ្រងសង្ឃ ចូលរួមជាមួយក្រសួងធម្មការ ធ្វើការពិនិត្យបន្ទាន់ ហើយដោយគិតគូរទៅលើវិធានការទាំងឡាយដែលរៀបចំដោយក្រសួងសុខាភិបាល»។សម្ដេចតេជោ ហ៊ុន សែន បានស្នើឱ្យមានការពិនិត្យមើលឡើងវិញបែបនេះ បន្ទាប់ពីករណីឆ្លងជំងឺកូវីដ-១៩ បានផ្ទុះឡើងនៅតាមវត្តអារាមមួយចំនួននៅរាជធានីភ្នំពេញរួចហើយនៅអំឡុងពេលកម្ពុជាប្រារព្ធពិធីកាន់បិណ្ឌរយៈពេល ២ថ្ងៃកន្លងមកនេះ។សម្ដេចតេជោ ហ៊ុន សែន មានប្រសាសន៍បន្តថា៖ «ប្រសិនបើអាចធ្វើទៅបាន ខ្ញុំព្រះករុណាខ្ញុំអំពាវនាវសូមឱ្យក្រសួងសុខាភិបាលធ្វើការពិចារណាតើគួរផ្អាកនូវពិធីនេះបានឬទេ ឬក៏កាត់បន្ថយតាមរបៀបណាមួយដែលអាចធ្វើទៅបាន»។ប្រទេសកម្ពុជាបានចាប់ផ្ដើមប្រារព្ធពិធីកាន់បិណ្ឌរយៈពេល ១៥ថ្ងៃចាប់ពីថ្ងៃទី២១ ខែកញ្ញា រហូតទៅដល់ថ្ងៃទី០៤ ខែតុលា មុននឹងប្រារព្ធពិធីបុណ្យភ្ជុំបិណ្ឌធំនៅថ្ងៃទី០៥ ខែតុលាខាងមុខនេះ។ពិធីកាន់បិណ្ឌ និងភ្ជុំបិណ្ឌ គឺជាប្រពៃណីដ៏សំខាន់មួយរបស់ប្រជាជនកម្ពុជា ដែលគោរពប្រតិបត្តិតាមជំនឿព្រះពុទ្ធសាសនា ហើយពលរដ្ឋកម្ពុជាក្នុងចំនួនដ៏ច្រើន តែងតែប្រមូលផ្ដុំជួបជុំប្រារព្ធពិធីបុណ្យប្រពៃណីមួយនេះនៅតាមវត្តអារាមនានានៅទូទាំងប្រទេស។នៅក្នុងសារជាសំឡេងដដែលនោះ ប្រមុខរាជរដ្ឋាភិបាលកម្ពុជា បានបង្ហាញក្ដីបារម្ភថា ករណីឆ្លងជំងឺកូវីដ-១៩នៅកម្ពុជា អាចនឹងផ្ទុះឡើងរឹតតែធ្ងន់ធ្ងរថែមទៀតរហូតដល់លែងគ្រប់គ្រងបាន បន្ទាប់ពីពិធីបុណ្យប្រពៃណីមួយនេះ។សម្ដេចតេជោ ហ៊ុន សែន មានប្រសាសន៍បន្តថា៖ «ក្នុងរយៈពេល ១៥ថ្ងៃពេលកាន់បិណ្ឌរហូតទៅដល់ពេលភ្ជុំ តើយើងនឹងមានមនុស្សប៉ុន្មានពាន់ ប៉ុន្មានម៉ឺននាក់ដែលត្រូវឆ្លង ប្រសិនបើការផ្ទុះនៅតាមវត្ត។ មិនមែនបញ្ហាតែវត្តទេ នៅពេលពុទ្ធបរិស័ទចេញពីវត្ត បាននាំជំងឺទាំងនោះទៅកាន់ផ្ទះសម្បែង ទៅកាន់ភូមិឋានរបស់ខ្លួន ដែលអាចថា ស្ទើរចម្លងគ្រប់ផ្ទះតែម្ដង។ នេះហើយគឺជាកង្វល់»។គិតត្រឹមថ្ងៃនេះ កម្ពុជាបានរកឃើញករណីឆ្លងជំងឺកូវីដ-១៩សរុប ១០៦ ៦១៩ករណីហើយនៅទូទាំងប្រទេស ក្នុងនោះមនុស្សរហូតដល់ ២ ១៧៦នាក់ហើយ បានស្លាប់ដោយសារជំងឺនេះ ខណៈអ្នកជំងឺសរុប ៩៩ ១៣៤នាក់ទៀត ត្រូវបានព្យាបាលជាសះស្បើយឡើងវិញ៕អត្ថបទ ៖ បាន ចក់

ពលរដ្ឋរស់នៅភូមិសំបួរសង្កាត់ដង្កោ ស្នើអាជ្ញាធរខណ្ឌដង្កោជួយដោះស្រាយពីបញ្ហាទឹកលិច

ភ្នំពេញ ៖ ប្រជាពលរដ្ឋរស់នៅភូមិសំបួរ សង្កាត់ដង្កោ ខណ្ឌដង្កោ ជារឿយៗ បានសំណូមពរយ៉ាងទទូចដល់អាជ្ញាធរខណ្ឌដង្កោ ជាពិសេស សាលារាជធានីភ្នំពេញ មេត្តាសូមជួយដោះស្រាយបញ្ហាទឹកជន់លិចភូមិរបស់ពួកគាត់រាប់ឆ្នាំមកហើយ ។ ប្រជាពលរដ្ឋប្រាប់ឲ្យដឹងនាថ្ងៃទី២៣ ខែកញ្ញាឆ្នាំ២០២១ថា នៅតំបន់ភូមិរស់នៅរបស់ពួកគាត់ ជារៀងរាល់រដូវវស្សាតែមានទឹកជន់លិចជាប់ប្រចាំ ដោយសារតែពុំទាន់មានប្រព័ន្ធលូប្រើប្រាស់ត្រឹមត្រូវ ។ ការជន់លិចនេះ គឺមានរយៈពេលរាប់ឆ្នាំមកហើយ បន្ទាប់ពីមានការចាក់ដីលុបបឹងតាម៉ាត ដែលជាបឹងធម្មជាតិដ៏ធំមួយ ។ ដូច្នេះ ក្រោយពីមានការលុបបឹងតាម៉ាតនោះរួចមក នៅពេលដែលមានភ្លៀងធ្លាក់ម្ដងៗ គឺតែងតែបង្កការជន់លិច លំនៅឋានរបស់ពួកគាត់ជារឿយៗ។ប្រជាពលរដ្ឋ បានប្រាប់បន្តថា កាលពីនៅមានបឹងតាម៉ាត គឺនៅតំបន់ភូមិរបស់គាត់មិនដែលមានទឹកជន់លិចនោះទេ ពីព្រោះថា នៅពេលមានមេឃភ្លៀងមកម្តងៗទឹកតែងតែហូរចូលទៅក្នុងបឹងតាម៉ាតនោះអស់ៗ ។ បន្ទាប់ពីមានការចាក់ដីលុបបឹងតាម៉ាត ដែលជាបឹងធម្មជាតិដ៏ធំមួយរួចមក នៅពេលដែលមានភ្លៀងធ្លាក់ម្ដងៗ គឺតែងតែបង្កការជន់លិច លំនៅឋានរបស់ពួកគាត់ជារឿយៗបែបនេះ ។ដោយជួបបញ្ហាទាំងនេះ ប្រជាពលរដ្ឋដែលរស់នៅក្នុងភូមិសំបួរ សង្កាត់ដង្កោ ខណ្ឌដង្កោ ទាំងអស់ សូមសំណូមពរយ៉ាងទទូចទៅដល់អាជ្ញាធរខណ្ឌដង្កោជាពិសេស លោកអភិបាលរាជធានីភ្នំពេញ ក៏ដូចជា ជំនាញពាក់ព័ន្ធមេត្តាជួយ ដោះស្រាយនូវទុក្ខកង្វល់របស់ពួកគាត់ទាំងអស់គ្នាផង ។ជុំវិញបញ្ហាទឹកជន់លិចផ្ទះសម្បែងរបស់បងប្អូនប្រជាពលរដ្ឋរស់នៅក្នុងភូមិសំបួរ សង្កាត់ដង្កោ ខណ្ឌដង្កោ លោកស្រី គឹម ញឹប អភិបាលនៃគណៈអភិបាលខណ្ឌដង្កោ បញ្ជាក់ឲ្យដឹងថា កំឡុងខែមិនារដ្ឋបាលខណ្ឌ បានដាក់លូរំដោះទឹក និងឥឡូវលោកអភិបាលរាជធានីភ្នំពេញ លោកបានឲ្យរថយន្តមកបូមរំដោះទឹកចេញរាល់ថ្ងៃ និងនៅសប្តាហ៍ក្រោយលោកអភិបាល នឹងដាក់លូថ្មី ១ម៉ែត្រកន្លះ ពីរខ្សែជូនប្រជាពលរដ្ឋ រស់នៅតំបន់នោះ ។ សូមបញ្ជាក់ថា ទំហំទឹកធំ និងហូរចាក់ចូលមកតំបន់នេះច្រើនប្រភព ៕អត្ថបទ ៖ តារាវុទ្ធី

កំណាត់ផ្លូវជាតិលេខ៥ បាត់ដំបង-សិរីសោភ័ណ និងផ្លូវល្បឿនលឿនវាងក្រុងបាត់ដំបង បើកឱ្យធ្វើចរាចរណ៍ជាផ្លូវការ

បាត់ដំបង ៖ គម្រោងធ្វើឱ្យប្រសើរឡើងវិញនូវកំណាត់ផ្លូវជាតិលេខ៥ ភាគខាងជើង បាត់ដំបង-សិរីសោភ័ណ ដែលមានប្រវែងជាង៨៤គីឡូម៉ែត្រ និងផ្លូវល្បឿនលឿនវាងក្រុងបាត់ដំបង ត្រូវបានប្រកាសដាក់ឲ្យធ្វើចរាចរណ៍ជាផ្លូវការ ចាប់ពីថ្ងៃទី២៣ ខែកញ្ញា ឆ្នាំ២០២១នេះតទៅ។ឯកឧត្តម តូច ចាន់កុសល រដ្ឋលេខាធិការប្រចាំការ និងជាតំណាង ឯកឧត្តមទេសរដ្ឋមន្រ្តី ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានថ្លែងថា គម្រោងធ្វើឱ្យប្រសើរឡើងកំណាត់ផ្លូវជាតិលេខ៥ បាត់ដំបង-ខេត្តបន្ទាយមានជ័យ មានប្រវែងសរុប ៨៤,៧៤ គីឡូម៉ែត្រ ចំណាយថវិកាអស់ជាង១៦០លានដុល្លារ បានបើកការដ្ឋានសាងសង់កាលពីឆ្នាំ២០១៨ ក្រោមអធិបតីភាពដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្រ្តី ហើយដំណើរការសាងសង់បានប្រព្រឹត្តទៅយ៉ាងសកម្ម។ឯកឧត្តម បានថ្លែងបន្ថែមថា កំណាត់ផ្លូវនេះមាន ៤គន្លង មានទទឹង២៣ម៉ែត្រសម្រាប់តំបន់ជនបទ និង ២៨ម៉ែត្រសម្រាប់ទីប្រជុំជន។ កំណាត់ផ្លូវនេះ មានដាំលម្អដើមត្របែកព្រៃ នៅចំកណ្ដាលទ្រូងផ្លូវ ប្រមាណជាង១ម៉ឺនដើម ចាប់ក្រុងបាត់ដំបង រហូតដល់ក្រុងសិរីសោភ័ណ។ដោយឡែកផ្លូវវាងក្រុងបាត់ដំបង មានដាំលម្អដើមក្ងោកនៅអមសងខាងផ្លូវរាប់ពាន់ដើម ដើម្បីការពារការទន្ទ្រានដីចំណីផ្លូវ បង្កើនសោភ័ណភាព និងជួយទាក់ទាញអ្នកបើកបរ ក៏ដូចជាអ្នកធ្វើដំណើរឱ្យទទួលបាននូវអារម្មណ៍ស្រស់ស្រាយផងដែរ។ឯកឧត្តមរដ្ឋលេខាធិការប្រចាំការ បានថ្លែងបន្តថា កំណាត់ផ្លូវនេះ ជាគោលការណ៍នឹងទទួលបានការថែទាំរយៈពេលមួយឆ្នាំពីដៃគូជប៉ុន គិតចាប់ពីថ្ងៃប្រកាសដាក់ឲ្យប្រើប្រាស់ជាផ្លូវការនេះទៅ។ ហើយចំពោះអ្នករំលោភបំពានលើដីចំណីផ្លូវនឹងត្រូវចាត់វិធានការតាមផ្លូវច្បាប់ជាធរមាន។ជាមួយគ្នានេះ ឯកឧត្តម បានឱ្យដឹងទៀតថា បច្ចុប្បន្ននេះ វិស័យដឹកជញ្ជូននៅកម្ពុជា មានតម្លៃថ្លៃជាងបណ្ដាប្រទេសជិតខាង ដូច្នេះបន្ទាប់ពីផ្លូវវាងក្រុងបាត់ដំបងនេះបើកឱ្យធ្វើចរាចរណ៍នឹងជួយបង្កើនល្បឿននៃការដឹកជញ្ជូនទំនិញ កាត់បន្ថយថ្លៃប្រេង និងការចំណាយផ្សេងៗ។គម្រោងធ្វើឱ្យប្រសើរឡើងវិញ កំណាត់ផ្លូវជាតិលេខ៥ គឺជាគម្រោងក្រោមកម្ចីឥណទាន សម្បទានពីរដ្ឋាភិបាលជប៉ុន តាមរយៈទីភ្នាក់ងារសហប្រតិបត្តិការអន្តរជាតិជប៉ុនប្រចាំកម្ពុជា ដែលផ្តើម សាងសង់ចេញពីព្រែកក្តាម រហូតដល់ក្រុងប៉ោយប៉ែត ឆ្លងកាត់ខេត្តកណ្តាល កំពង់ឆ្នាំង ពោធិ៍សាត់ បាត់ដំបង និង ខេត្តបន្ទាយមានជ័យ មានប្រវែងសរុប៣៦៦ គីឡូម៉ែត្រ គ្រោងចំណាយថវិកាប្រមាណ ៥០០ លានដុល្លារ ហើយការស្ថាបនាត្រូវបានបែងចែកជាបីផ្នែកធំៗគឺ ភាគខាងជើង ភាគខាងត្បូង និងភាគកណ្តាល។ផ្លូវជាតិលេខ៥ គឺជាផ្លូវយុទ្ធសាស្ត្រយ៉ាងសំខាន់ ជាផ្លូវអាស៊ានហាយវេលេខ១ ហើយក៏ជាផ្លូវរបៀងសេដ្ឋកិច្ចកើត-លិច ទី២ដ៏មានសក្ដានុពលសម្រាប់ប្រកួតប្រជែងពាណិជ្ជកម្ម ទេសចរណ៍ ភស្តុភារ កម្ម វិនិយោគ និងសេដ្ឋកិច្ចនៃមហាតំបន់មេគង្គ GMS ដែលតភ្ជាប់រវាង បាងកក-ភ្នំពេញ-ហូជីមិញ៕

បណ្ដាញសង្គម

ព័ត៌មានថ្មីៗ

[UPDATE] ភ្លៀងរដូវមូសុងបណ្ដាលឲ្យមានអ្នកស្លាប់យ៉ាងតិច ៥០នាក់ រយៈពេល ២៤ម៉ោង នៅប៉ាគីស្ថាន

[UPDATE] ក្រុមអ្នកជួយសង្គ្រោះរុករកតាមកម្ទេចកម្ទី ខណៈអ្នកស្លាប់ដោយសារទឹកជំនន់នៅ Kashmir របស់ឥណ្ឌា ឡើងដល់ ៦០នាក់

រដ្ឋមន្ត្រីស្តាំនិយមជ្រុលអ៊ីស្រាអែល បានប៉ះទង្គិចជាមួយអ្នកទោសប៉ាឡេស្ទីនដ៏លេចធ្លោម្នាក់

ប្រភព៖ ប្រព័ន្ធការពារដែនអាកាសលោកខាងលិចបង្ហាញថា គ្មានប្រសិទ្ធភាពប្រឆាំងនឹងការវាយប្រហារតាមអាកាសរបស់រុស្ស៊ីទេ

បេសកជនឥណ្ឌា គូសបញ្ជាក់អំពីទំនាក់ទំនងដ៏ស៊ីជម្រៅ និងយូរអង្វែង ជាមួយប្រទេសរុស្ស៊ី

ប្រធានក្រុមការងាររាជរដ្ឋាភិបាល ចុះជួយមូលដ្ឋានឃុំបាយដំរាំ អំពាវនាវដល់ពលរដ្ឋដែលត្រឡប់មកពីថៃ ត្រូវជឿជាក់លើរាជរដ្ឋាភិបាលដែលដឹកនាំដោយសម្តេចធិបតី ហ៊ុន ម៉ាណែត

ប្រមុខការទូត៖ទីភ្នាក់ងារ IAEA ត្រូវតែពន្យល់នីតិវិធីដល់អ៊ីរ៉ង់សម្រាប់ការត្រួតពិនិត្យទីតាំងនុយក្លេអ៊ែរដែលត្រូវបានវាយប្រហារ

មន្រ្តីជាន់ខ្ពស់ក្រសួងអភិវឌ្ឍន៍ជនបទ ចុះវាយតម្លៃលើការងារថែទាំខួបផ្លូវនៅក្នុងខេត្តកែប

កម្ពុជា ទាំងរាជរដ្ឋាភិបាល កងទ័ពនិងប្រជាជនសុទ្ធតែរួបរួមគ្នាជាធ្លុងមួយដើម្បីការពារនូវអធិបតេយ្យ និង សេចក្តីថ្លៃថ្នូ

ក្រុមតាលីបង់ប្រារព្ធខួប ៤ឆ្នាំនៃការឡើងកាន់អំណាច នៅអាហ្វហ្គានីស្ថាន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្ដេចតេជោ ហ៊ុន សែន ថ្លែងបញ្ជាក់ថា វត្តអារាមជិតពាក់កណ្ដាលនៅភ្នំពេញ ត្រូវបានរកឃើញឆ្លងជំងឺកូវីដ-១៩

អំណោយរបស់ឯកឧត្តមបណ្ឌិត ហ៊ុន ម៉ាណែត រួមនឹងសប្បុរសប្រគល់ជូនគណៈកម្មការខេត្តប្រយុទ្ធប្រឆាំងនឹងជំងឺកូវី-១៩

វ៉ាក់សាំងបង្ការជំងឺកូវីដ-១៩ ស៊ីណូវ៉ាក់ ចំនួន៣លានដូស ដែលជាការបញ្ជាទិញពីមិត្តចិន បានមកដល់កម្ពុជា

ឯកឧត្តម សុខ សុក្រឹត្យា ជួបពិភាក្សាការងារជាមួយរដ្ឋមន្រ្តីទីស្តីការគណៈរដ្ឋមន្រ្តីថៃ

សម្តេចតេជោ ផ្ញើសារអបអរសាទរខួបទី២៨ឆ្នាំ នៃទិវាប្រកាសឲ្យប្រើប្រាស់រដ្ឋធម្មនុញ្ញជាតិខ្មែរ

រាជរដ្ឋាភិបាលសម្រេចផ្អាកពិធីបុណ្យកាន់បិណ្ឌ និងភ្ជុំបិណ្ឌដើម្បីទប់ស្កាត់ការរីករាលដាលកូវីដ១៩

សម្ដេចតេជោ ហ៊ុន សែន ស្នើឱ្យពិភាក្សាពីលទ្ធភាពទប់ស្កាត់ការឆ្លងរាលដាលនៃជំងឺកូវីដ-១៩អំឡុងពិធីកាន់បិណ្ឌ

ពលរដ្ឋរស់នៅភូមិសំបួរសង្កាត់ដង្កោ ស្នើអាជ្ញាធរខណ្ឌដង្កោជួយដោះស្រាយពីបញ្ហាទឹកលិច

កំណាត់ផ្លូវជាតិលេខ៥ បាត់ដំបង-សិរីសោភ័ណ និងផ្លូវល្បឿនលឿនវាងក្រុងបាត់ដំបង បើកឱ្យធ្វើចរាចរណ៍ជាផ្លូវការ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

វ៉ាក់សាំងបង្ការជំងឺកូវីដ-១៩ ស៊ីណូវ៉ាក់ ចំនួន៣លានដូស ដែលជាការបញ្ជាទិញពីមិត្តចិន បានមកដល់កម្ពុជា

ឯកឧត្តម សុខ សុក្រឹត្យា ជួបពិភាក្សាការងារជាមួយរដ្ឋមន្រ្តីទីស្តីការគណៈរដ្ឋមន្រ្តីថៃ

សម្តេចតេជោ ផ្ញើសារអបអរសាទរខួបទី២៨ឆ្នាំ នៃទិវាប្រកាសឲ្យប្រើប្រាស់​រដ្ឋធម្មនុញ្ញ​ជាតិខ្មែរ

រាជរដ្ឋាភិបាលសម្រេចផ្អាកពិធីបុណ្យកាន់បិណ្ឌ និង​ភ្ជុំបិណ្ឌ​​​ដើម្បីទប់ស្កាត់ការរីករាលដាលកូវីដ១៩

ពលរដ្ឋរស់នៅភូមិសំបួរសង្កាត់ដង្កោ ស្នើអាជ្ញាធរខណ្ឌដង្កោជួយដោះស្រាយពីបញ្ហាទឹកលិច

កំណាត់ផ្លូវជាតិលេខ៥ បាត់ដំបង-សិរីសោភ័ណ និងផ្លូវល្បឿនលឿន​វាងក្រុងបាត់ដំបង​ បើកឱ្យធ្វើចរាចរណ៍ជាផ្លូវការ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

សម្តេចតេជោ ផ្ញើសារអបអរសាទរខួបទី២៨ឆ្នាំ នៃទិវាប្រកាសឲ្យប្រើប្រាស់រដ្ឋធម្មនុញ្ញជាតិខ្មែរ

រាជរដ្ឋាភិបាលសម្រេចផ្អាកពិធីបុណ្យកាន់បិណ្ឌ និងភ្ជុំបិណ្ឌដើម្បីទប់ស្កាត់ការរីករាលដាលកូវីដ១៩

កំណាត់ផ្លូវជាតិលេខ៥ បាត់ដំបង-សិរីសោភ័ណ និងផ្លូវល្បឿនលឿនវាងក្រុងបាត់ដំបង បើកឱ្យធ្វើចរាចរណ៍ជាផ្លូវការ