នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេច​តេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន
ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី
ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា
សម្តេចធិបតីផ្ញើសារច្បាស់លាស់ និងយ៉ាងម៉ឺងម៉ាត់​ដល់អាជ្ញាធរមូលដ្ឋានឱ្យ​បង្ក្រាប​ Online Scams ឱ្យទាល់តែអស់​ជាដាច់ខាត​ប្រកបដោយស្មារតីទទួលខុសត្រូវខ្ពស់បំផុត

នយោបាយ​ និង ការអភិវឌ្ឍន៍

រដ្ឋបាលខេត្តមណ្ឌលគិរី ទទួលអំណោយសម្រាប់ប្រើប្រាស់ ក្នុង​ការងារគ្រប់គ្រង​បង្ការ​ទប់ស្កាត់​ជំងឺកូវីដ-១៩

2021/08/20 02:43:54 pm        412
Facebook Telegram Linkin
មណ្ឌលគិរី ៖ ​ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីក្រសួងការបរទេស និង​សហប្រតិបត្តិការអន្តរជាតិ នាព្រឹកថ្ងៃទី២០ ខែសីហា ឆ្នាំ២០២១នេះ បានប្រគល់អំណោយ​ជូន​ដល់រដ្ឋបាលខេត្តមណ្ឌលគិរី សម្រាប់ប្រើប្រាស់ក្នុងការងារគ្រប់គ្រងបង្ការទប់ស្កាត់ជំងឺកូវីដ-១៩ ។ឯកឧត្តម ប្រាក់ សុខុន បានវាយតម្លៃខ្ពស់ចំពោះការខិតខំប្រឹងប្រែងរបស់រដ្ឋបាលខេត្ត និងអាជ្ញាធរ​ពាក់ព័ន្ធ​ទាំងអស់ ដែលបានយកចិត្តទុកដាក់ និងមានការទទួលខុសត្រូវខ្ពស់ក្នុងការចូលរួម​ប្រយុទ្ធ​ប្រឆាំង នឹងជំងឺកូវីដ-១៩ ជាពិសេសគឺខេត្ត បានគ្រប់គ្រងអ្នកដែលមានការពាក់ព័ន្ធ​ដោយ​ផ្ទាល់ និងប្រយោល ក្នុងព្រឹត្តិការណ៍ ២០ កុម្ភៈ និងបានបញ្ជូនឲ្យគាត់មកធ្វើចត្តាឡីស័ក និង​ព្យាបាល​បានយ៉ាងល្អប្រសើរ។ឯកឧត្តម ក៏បានលើកទឹកចិត្តដល់អាជ្ញាធរខេត្ត និងមន្រ្តីសុខាភិបាល ត្រូវរួមសហការគ្នាឲ្យកាន់​តែប្រសើរថែមទៀត ដើម្បីទប់ស្កាត់ កុំឲ្យកើតមានការឆ្លងរីករាលដាលនៃជំងឺកូវីដ-១៩បន្តទៀត ដោយត្រូវបន្តផ្សព្វផ្សាយដល់ប្រជាពលរដ្ឋ ឲ្យយកចិត្តទុកដាក់ក្នុងការអនុវត្តតាមការណែនាំ​របស់​រាជរដ្ឋាភិបាល និងក្រសួងសុខាភិបាល ពិសេសត្រូវរួមគ្នាអនុវត្តបានខ្ជាប់ខ្ជួន តាមអនុសាសន៍​ដ៏ខ្ពង់ខ្ពស់​របស់សម្ដេចតេជោ ហ៊ុន សែន នាយករដ្ឋមន្ត្រី ៣កុំ និង៣ការពារ។ឯកឧត្ដម ស្វាយ សំអ៊ាង អភិបាលខេត្តមណ្ឌលគិរី បានថ្លែងអំណរគុណយ៉ាងជ្រាលជ្រៅបំផុត ចំពោះ​ឯកឧត្តម ប្រាក់ សុខុន ឧបនាយករដ្ឋមន្រ្តី ដែលបាននាំយកអំណោយមកប្រគល់​ជូន​នាពេលនេះ។ ឯកឧត្តម អភិបាលខេត្ត បានបញ្ជាក់ថា ក្នុងរយៈពេល៣សប្តាហ៍ ក្នុងខែសីហានេះ រដ្ឋបាលខេត្ត បានរកឃើញអ្នកវិជ្ជមានជំងឺកូវីដ-១៩ ជិត៣០០នាក់ នៅទូទាំងខេត្ត ហើយតួលេខនេះ បើ​ប្រៀបធៀប​នឹងចំនួនអ្នកឆ្លងកូវីដ-១៩ កន្លងមក គឺមានការកើនឡើងគួរឲ្យកត់សម្គាល់ ហើយ​អំណោយ​មនុស្សធម៌ដ៏ថ្លៃថ្លានេះ គឺពិតជាមានសារៈប្រយោជន៍ណាស់ ស្របពេលដែលរដ្ឋបាលខេត្ត ក៏ដូចជាក្រុមគ្រូពេទ្យ កំពុងតែត្រូវការជាចាំបាច់ និងជាបន្ទាន់សម្រាប់ប្រើប្រាស់ ក្នុងការងារគ្រប់គ្រង បង្ការ ទប់ស្កាត់ជំងឺកូវីដ-១៩ ដ៏កាចសាហាវនេះ។ឯកឧត្តម អភិបាលខេត្ត បានឲ្យដឹងថា សម្រាប់ការងារចាក់វ៉ាក់សាំងវគ្គ៣ ដូសទី១ នៅទូទាំងខេត្ត គិតត្រឹមថ្ងៃទី១៩ ខែសីហានេះ មានចំនួន ៣៥.៩៤៣នាក់ និងដូសទី ២ មានចំនួន ៧.៣៩៦នាក់ និងបានចាក់វ៉ាក់សាំងកូវីដ-១៩ ជូនដល់កុមារអាយុចាប់ពី១២ឆ្នាំ រហូតដល់ក្រោមអាយុ ១៨ឆ្នាំ នៅក្រុងសែនមនោរម្យ និងស្រុកអូររាំង សរុបចំនួន ២.៣២៦នាក់។ ដោយឡែកសម្រាប់អ្នកមាន​វិជ្ជមានកូវីដ-១៩ សរុបចំនួន ៧២៨ករណី ជាសះស្បើយ ៣១៧ករណី ស្លាប់ចំនួន ០៣នាក់ និងកំពុងសម្រាកព្យាបាលចំនួន ៤០៨ករណី។សូមបញ្ជាក់ថា អំណោយជាសម្ភារៈដែល ឯកឧត្តម ប្រាក់ សុខុន បានប្រគល់ជូនដល់រដ្ឋបាល​ខេត្តមណ្ឌលគិរី សម្រាប់ប្រើប្រាស់ក្នុងការងារគ្រប់គ្រង បង្ការ ទប់ស្កាត់ជំងឺកូវីដ-១៩ រួមមាន៖ អាវពេទ្យចំនួន ៣០០ឈុត របាំងមុខ ១០០គ្រឿង ម៉ាស់ N95 ៥០០០ម៉ាស់ ម៉ាស់ (Foam) ៥០.០០០ម៉ាស់ ម៉ាស់ធម្មតា ៥០.០០០ម៉ាស់ ស្រោមដៃ ២០ប្រអប់ និងទឹកថ្នាំសម្លាប់មេរោគ ២០ធុងផងដែរ៕

អាជ្ញាធរមីន និងមជ្ឈមណ្ឌល ARMAC ចុះហត្ថលេខាអនុវត្តគម្រោង «លើកកម្ពស់កម្មវិធី​សង្រ្គោះ​ជន​ពិការ​ដោយសារមីន នៅតាមប្រទេសរដ្ឋសមាជិកអាស៊ា»

2021/08/19 07:57:24 am        681
Facebook Telegram Linkin
ភ្នំពេញ ៖ ថ្ងៃទី១៩ ខែសីហា ឆ្នាំ២០២១ ឯកឧត្តមទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន និង ឯកឧត្តម Pengiran Kasmirhan Pengiran Tahir, ឯកអគ្គរាជទូតវិសាមញ្ញ និងពេញសមត្ថភាពនៃប្រទេសប្រុយណេ ប្រចាំព្រះរាជាណាចក្រកម្ពុជា និងជាប្រធានគណ:កម្មការអចិន្រ្តៃយ៍ ARMAC (Chairman of the Steering Committee of ARMAC) បានអញ្ជើញចូលរួមជាអធិបតីក្នុងពិធីចុះហត្ថលេខាលើកិច្ចព្រមព្រៀងរវាងអាជ្ញាធរមីន និងមជ្ឈមណ្ឌលតំបន់អាស៊ានសម្រាប់សកម្មភាពមីន ដើម្បីអនុវត្តគម្រោងលើកកម្ពស់កម្មវិធីសង្គ្រោះជនពិការដោយសារមីននៅតាមបណ្តារដ្ឋសមាជិកអាស៊ាន ដែលផ្តល់មូលនិធិគាំទ្រដោយ មូលនិធិសហប្រតិបត្តិការអាស៊ាន-កូរ៉េ (ASEAN-KOREA Cooperation Fund) ។ពិធីហត្ថលេខាទ្វេភាគីនេះ តំណាងដោយ លោក ព្រំ សុភមង្គល អគ្គលេខាធិការអាជ្ញាធរមីន និង លោក ព្រហ្ម សួនប្រសិទ្ធ នាយកប្រតិបត្តិនៃមជ្ឈមណ្ឌល ARMAC ។ក្នុងនាមជាប្រធានគណៈកម្មាធិការដឹកនាំនៃ ARMAC លោក Pengiran Kasmirhan Pengiran Tahir បានមានប្រសាសន៍ថា គម្រោងនេះ ត្រូវបានផ្តួចផ្តើមដោយ ARMAC និងមានការគាំទ្រពីបណ្តា​ប្រទេស​សមាជិកអាស៊ាន ផ្តោតសំខាន់លើការជួយសង្រ្គោះជនរង​គ្រោះដោយសារសំណល់​ជាតិ​ផ្ទុះពីសង្គ្រាម ដោយមានការគាំទ្រពីរដ្ឋាភិបាលនៃសាធារណរដ្ឋកូរ៉េ តាមរយៈមូលនិធិ​សហប្រតិបត្តិការ​អាស៊ាន-កូរ៉េ(AKCF)។ លោកឯកអគ្គរាជទូត បានបន្តទៀតថា គម្រោងនេះ នឹងផ្តល់អត្ថប្រយោជន៍យ៉ាងច្រើន​ដល់​ប្រទេសសមាជិកអាស៊ាន ដែលរងផលប៉ះពាល់ដោយមីន និងសំណល់ជាតិផ្ទុះពីសង្គ្រាម ដែលកំពុងប្រឈម នឹងបញ្ហាដ៏ធំ ក្នុងការដោះស្រាយជំនួយជនរងគ្រោះនៅក្នុងប្រទេសរបស់ខ្លួន ក៏ដូច​ជាការបង្កើននូវតួនាទី និងការទទួលខុសត្រូវរបស់អង្គភាពសកម្មភាពមីន​ពាក់ព័ន្ធ​​នៅក្នុង​ប្រទេសសមាជិកអាស៊ាន។ជាមួយគ្នានេះដែរ ក្នុងនាមរាជរដ្ឋាភិបាលកម្ពុជា ឯកឧត្តម ទេសរដ្ឋមន្រ្តី បានថ្លែងអំណរគុណយ៉ាង​ជ្រាលជ្រៅ​ជូនចំពោះរដ្ឋាភិបាល និងប្រជាជននៃសាធារណរដ្ឋកូរ៉េ តាមរយៈមូលនិធិ​សហប្រតិបត្តិការ​អាស៊ាន-កូរ៉េ ដែលបានរួមចំណែកសម្រាប់សកម្មភាពមីននៅកម្ពុជា និងតំបន់​អាស៊ាន ដែលការគាំទ្រនេះ បានគូសបញ្ជាក់ពីការប្តេជ្ញាចិត្តមិនផ្លាស់ប្តូររបស់សាធារណរដ្ឋកូរ៉េ ក្នុងការពង្រឹងកិច្ចសហប្រតិបត្តិការជាមួយអាស៊ាន ក្នុងនាមជាដៃគូសន្ទនាអាស៊ាន។ឯកឧត្តម បន្តទៀតថា ក្រៅពីជំនួយកិច្ចសហប្រតិបត្តិការក្នុងក្របខណ្ឌអាស៊ាន សាធារណរដ្ឋកូរ៉េ ក៏បានផ្តល់ជំនួយគាំទ្រកិច្ចសហប្រតិបត្តិការទ្វេភាគីដល់កម្ពុជានូវថវិកាប្រមាណ ១០ លានដុល្លារអាមេរិក តាមរយៈគម្រោងបោសសម្អាតមីន ដើម្បីលទ្ធផលដំណាក់កាលទី៤ សម្រាប់ការងារបោសសម្អាតមីន និងការសង្រ្គោះជនពិការដោយសារមីននៅកម្ពុជា រហូតដល់ឆ្នាំ២០២៥ ផងដែរ។ឯកឧត្តម ទេសរដ្ឋមន្រ្តី លី ធុជ បានលើកឡើងថា នេះគឺជាការចុះហត្ថលេខាលើកទី២ រវាង​អាជ្ញាធរមីន និង ARMAC ដែលលើកទី១ មានតាំងពីឆ្នាំ២០១៨ ចុះហត្ថលេខាលើ​អនុស្សរណៈយោគយល់​គ្នាសម្រាប់កិច្ចសហប្រតិបត្តិការទូទៅ។ ឯកឧត្តម បានបញ្ជាក់បន្ថែមថា វឌ្ឍនភាពនេះ មិនត្រឹមតែជាព្រឹត្តិការណ៍សំខាន់សម្រាប់កិច្ច​សហប្រតិបត្តិការរវាងអាជ្ញាធរមីន និង ARMAC ប៉ុណ្ណោះទេ ប៉ុន្តែក៏ជាព្រឹត្តិការណ៍​សំខាន់​មួយទៀត​សម្រាប់កិច្ចខិតខំប្រឹងប្រែងរបស់ ARMAC ក្នុងការដោះស្រាយបញ្ហាមីន និងសំណល់ជាតិផ្ទុះ​ពី​សង្គ្រាម​នៅក្នុងតំបន់អាស៊ាន តាំងពីចាប់ផ្តើមប្រតិបត្តិការរបស់ខ្លួនក្នុងឆ្នាំ២០១៧មក ហើយដែល​មជ្ឈមណ្ឌលនេះ ត្រូវបានបង្កើតឡើងក្រោមគំនិតផ្តួចផ្តើមរបស់​សម្តេចតេជោ នាយករដ្ឋមន្រ្តី ​នាកិច្ចប្រជុំកំពូលអាស៊ានលើកទី២១ ក្នុងឆ្នាំ២០១២ នៅរាជធានីភ្នំពេញ។ក្រៅពីជំនួយរបស់សាធារណរដ្ឋកូរ៉េ ក្នុងនាមរាជរដ្ឋាភិបាលកម្ពុជា ឯកឧត្តម ទេសរដ្ឋមន្រ្តី ក៏បានថ្លែងអំណរគុណចំពោះម្ចាស់ជំនួយ និងប្រទេសជាមិត្តដ៏ឆ្នើមដទៃទៀតរបស់កម្ពុជារួមមាន សហរដ្ឋអាមេរិក អូស្រ្តាលី អង់គ្លេស ជប៉ុន ន័រវែស អាល្លឺម៉ង់ ស្វីស ចិន កាណាដា នូវែលហ្សឺឡង់ អៀរឡង់ UNDP និង UNICEF ព្រមទាំងមូលនិធិ អង្គការសង្គមស៊ីវិល និងសប្បុរសជនផងដែរ។ឯកឧត្តម ទេសរដ្ឋមន្រ្តី ក៏បានលើកឡើងអំពីកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្រោមការ​ដឹកនាំ​របស់សម្តេចតេជោ ហ៊ុន សែន នាយករដ្ឋមន្រ្តី ក្នុងការស្វែងរកសុខ សន្តិភាព និងស្ថិរភាពនយោបាយជូនជាតិមាតុភូមិ ដែលកើតឡើងចេញពីកម្លាំងញើសឈាមរបស់ថ្នាក់​ដឹកនាំ​រាជរដ្ឋាភិបាលកម្ពុជា ជាពិសេសក្រោមគោលនយោបាយ ឈ្នះ ឈ្នះ របស់ សម្តេចតេជោ នាយករដ្ឋមន្រ្តី បាននាំមកនូវវិបុលភាពសង្គម និងការអភិវឌ្ឍសេដ្ឋកិច្ចដល់ប្រទេសកម្ពុជា៕អត្ថបទ ៖ បាន ចក់

សម្ដេចតេជោ និងសម្ដេចកិត្តិព្រឹទ្ធបណ្ឌិត ឧបត្ថម្ភបងប្អូនអតីតយុទ្ធជន​១៤១គ្រួសារ នៅឃុំក្រយា ស្រុកសន្ទុក

2021/08/19 01:20:10 pm        599
Facebook Telegram Linkin
កំពង់ធំ ៖ នៅព្រឹកថ្ងៃទី១៩ ខែសីហា ឆ្នាំ២០២១ អំណោយរបស់សម្ដេចតេជោ ហ៊ុន សែន នាយករដ្ឋមន្ត្រី និងសម្ដេចកិត្តិព្រឹទ្ធបណ្ឌិត ប៊ុន រ៉ានីហ៊ុន សែន ត្រូវបានឧបត្ថម្ភដល់បងប្អូនអតីតយុទ្ធជន ដែលកំពុងរស់នៅលើដីសម្បទានសង្គមកិច្ច ស្ថិតនៅក្នុងឃុក្រយា ស្រុកសន្ទុក ខេត្តកំពង់ធំ ចំនួន១៤១គ្រួសារ ។ក្នុងឱកាសនាំយកអំណោយនេះ ឯកឧត្តម ទេសរដ្ឋមន្ត្រី គន់ គីម អនុប្រធាន និងជាអគ្គលេខាធិការសមាគមអតីតយុទ្ធជនកម្ពុជា បានចុះជួបសំណេះសំណាលសាកសួរសុខទុក្ខ ដោយបានគូសបញ្ជាក់ពីការយកចិត្តទុកដាក់ខ្ពស់របស់រាជរដ្ឋាភិបាល ដែលមានសម្ដេចតេជោ ហ៊ុន សែន ជានាយករដ្ឋមន្ត្រី ក្នុងការលើកកម្ពស់ជីវភាពរស់នៅរបស់បងប្អូនអតីតយុទ្ធជន ធ្វើយ៉ាង​ណាឱ្យ​សម​ទៅនឹងអ្វីដែលបងប្អូនបានធ្វើពលីកម្ម និងលះបង់គ្រប់បែបយ៉ាង​ ដើម្បីបុព្វហេតុការពារ បូរណភាពទឹកដី និងសេចក្តីសុខសាន្តប្រជាជន។អំណោយត្រូវឧបត្ថម្ភនាឱកាសនោះ បានផ្ដល់ជូនចំនួន ១៤១ គ្រួសារ ដោយក្នុងមួយគ្រួសារ​ទទួល​បានថវិកាចំនួន ៤០ ម៉ឺនរៀល អង្ករចំនួន ៣០ គីឡូក្រាម និងសម្ភារៈប្រើប្រាស់មួយចំនួនទៀត ៕

អាជ្ញាធរមីនកម្ពុជា និងប្រទេសប្រុយណេ ចុះហត្ថលេខាលើគម្រោងលើកកម្ពស់កម្មវិធីសង្គ្រោះជនពិការដោយសារមីន នៅតាមបណ្តារដ្ឋសមាជិកអាស៊ាន

2021/08/19 01:05:12 pm        464
Facebook Telegram Linkin
ភ្នំពេញ ៖ ថ្ងៃទី១៩ ខែសីហា ឆ្នាំ២០២១ ឯកឧត្តមទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន និង ឯកឧត្តម Pengiran Kasmirhan Pengiran Tahir, ឯកអគ្គរាជទូតវិសាមញ្ញ និងពេញសមត្ថភាពនៃប្រទេសប្រុយណេ ប្រចាំព្រះរាជាណាចក្រកម្ពុជា និងជាប្រធានគណ:កម្មការអចិន្រ្តៃយ៍ ARMAC (Chairman of the Steering Committee of ARMAC) បានអញ្ជើញចូលរួមជាអធិបតីក្នុងពិធីចុះហត្ថលេខាលើកិច្ចព្រមព្រៀងរវាងអាជ្ញាធរមីន និងមជ្ឈមណ្ឌលតំបន់អាស៊ានសម្រាប់សកម្មភាពមីន ដើម្បីអនុវត្តគម្រោងលើកកម្ពស់កម្មវិធីសង្គ្រោះជនពិការដោយសារមីននៅតាមបណ្តារដ្ឋសមាជិកអាស៊ាន ។ពិធីនេះបានប្រព្រឹត្តទៅនៅអគ្គលេខាធិការដ្ឋានអាជ្ញាធរមីន ដោយមានការអញ្ជើញចូលរួមពីថ្នាក់​ដឹកនាំ​អាជ្ញាធរមីន មជ្ឈមណ្ឌលតំបន់អាស៊ាន​សម្រាប់សកម្មភាពមីន និងមន្រ្តីស្ថានទូតពាក់ព័ន្ធ​មួចំនួនទៀត៕

ឯកឧត្តម សុខ ទូច ចំអកឲ្យជនអគតិមួយក្តាប់តូចសប្បាយចិត្ត ក្រោយឃើញសភាអាមេរិក​ដាក់​គំនាប​លើកម្ពុជា

2021/08/19 12:41:01 pm        700
Facebook Telegram Linkin
ភ្នំពេញ ៖ ប្រធានរាជបណ្ឌិតសភាកម្ពុជា ឯកឧត្តមបណ្ឌិតសភាចារ្យ សុខ ទូច បានចំអកដល់ជនអគតិមួយក្តាប់តូច ជាពិសេសគឺក្រុមប្រឆាំងដែលកំពុងរស់នៅក្រៅប្រទេស ដោយបានសម្តែងសេចក្តីត្រេកអរ និងសប្បាយចិត្ត ក្រោយពីសមាជិកសភាអាមេរិកមួយចំនួនតូចបានអនុម័ត សេចក្តីស្នើច្បាប់ ស្តីពី ប្រជាធិបតេយ្យនៅកម្ពុជា ក្នុងគោលបំណងដាក់គំនាបមកលើរាជរដ្ឋាភិបាលកម្ពុជា កាលពីកន្លងទៅនោះ។ថ្លែងនៅក្នុងកម្មវិធីនៃកិច្ចពិភាក្សាតុមូលស្ដីពី «កម្ពុជានៅចន្លោះមហាអំណាចចិន និង​សហរដ្ឋ​អាមេរិក» នាព្រឹកថ្ងៃទី១៩ ខែសីហា ឆ្នាំ២០២១នេះ ឯកឧត្តម សុខ ទូច បានលើកឡើងថា ឯកឧត្តម ហួសចិត្តចំពោះបងប្អូនខ្មែរយើងមួយចំនួនតួច ជាពិសេសអ្នកដែលនៅក្រៅប្រទេសនោះ គឺគាត់​បានសប្បាយចិត្ត បន្ទាប់ឃើញភាគីអាមេរិក ដាក់គំនាបមកប្រទេសកម្ពុជា ហើយថា ការលើកឡើង​របស់ជនអគតិទាំងនោះ មិនបាន​ឆ្លុះបញ្ចាំង​ថា​ពួកគេស្រលាញ់ប្រជាជន និងជាតិសាសន៍​ខ្លួនឯង​នោះឡើយ។សូមបញ្ជាក់ថា កាលពីថ្ងៃទី១៥ ខែកក្កដា កន្លងទៅនេះ សមាជិកសភាមួយចំនួនតូច ដែល​មាន​លោក ថេត យូហូ (Ted Yoho) ជាមេផ្តើមគំនិតបានតាក់តែងច្បាប់ស្តីពី ប្រជាធិបតេយ្យ​នៅកម្ពុជា​នេះដោយមានគោលបំណងបង្កកទ្រព្យសម្បត្តិរបស់មន្ត្រីរដ្ឋាភិបាល មន្ត្រីយោធា និងមន្ត្រីសន្តិសុខ ដោយពួកគេទាំងនោះ បានចោទកម្ពុជាថា បានធ្វើឲ្យប៉ះពាល់ដល់លទ្ធិប្រជាធិបតេយ្យ និងសិទ្ធិមនុស្សនៅកម្ពុជាជាដើម។ទោះជាយ៉ាងណាក៏ដោយឯកឧត្តមបណ្ឌិតសភាចារ្យ សុខ ទូច បានលើកឡើងថា ទង្វើរបស់បងប្អូន​ខ្មែរ​យើង​ដែលនៅក្រៅប្រទេស ហើយបានគាំទ្រចំពោះបរទេសដាក់គំនាបមកខ្មែរខ្លួនឯងនេះ​គឺជា​សិទ្ធិសេរីភាពនៃការបញ្ចេញមតិរបស់ពួកគេ ខណៈឯកឧត្តម មើលឃើញការដឹកនាំ​នៅ​ប្រទេស​កម្ពុជា​នាពេលបច្ចុប្បន្ន បានកំពុងឆ្ពោះទៅរកភាពរីកចំរើនកាន់តែខ្លាំង ហើយបានចាត់ទុក​សម្តេចតេជោ ហ៊ុន សែននាយករដ្ឋមន្រ្តី នៃព្រះរាជាណាចក្រកម្ពុជា «ជាបុរស៥» មានភាព​ឆ្លាតវៃ និង​អត់ធ្មត់ក្នុងការដឹកនាំប្រទេសជាដើមនោះ។សូមបញ្ជាក់ថា នៅក្នុងកិច្ចពិភាក្សាតុមូល ស្ដីពី «កម្ពុជានៅចន្លោះមហាអំណាចចិន​និងសហរដ្ឋ​អាមេរិក» នេះគឺមានវាគ្មិនជាច្រើនបានចូលរួម ដោយបានឆ្លើយឆ្លងពិភាក្សាគ្នាទាក់ទងនឹងកិច្ចការបរទេសរវាងកម្ពុជា និងអន្តរជាតិ ជាពិសេសស្ថានការណ៍នាពេលបច្ចុប្បន្នជាដើមនោះ៕អត្ថបទបាន ចក់

ក្រសួងការងារតម្រូវឲ្យកម្មកររោងចក្រត្រូវធ្វើតេស្តរកកូវីដ យ៉ាងតិច២ដងមុនថ្ងៃទី១០ ខែកញ្ញា

2021/08/18 01:02:13 pm        531
Facebook Telegram Linkin
ភ្នំពេញ ៖ ក្រសួងការងារ និងបណ្តុះបណ្តាលវិជ្ជាជីវៈ បានណែនាំដល់ម្ចាស់ ឬនាយករោងចក្រ សហគ្រាសទាំងអស់ត្រូវរៀបចំធ្វើតេស្តរហ័សរកមេរោគកូវីដ១៩ ដល់កម្មករនិយោជិតទាំងអស់ឲ្យបានយ៉ាងតិចចំនួន ២ដងមុនថ្ងៃទី១០ ខែកញ្ញា ដើម្បីរួមចំណែកកាត់បន្ថយ និងទប់ស្កាត់ការឆ្លងរាលដាលជំងឺកូវីដ១៩។នៅក្នុងសេចក្តីណែនាំ ស្តីពីការពង្រឹងវិធានការប្រយុទ្ធ និងទប់ស្កាត់ការឆ្លងរាលដាល នៃជំងឺកូវីដ១៩ នៅតាមរោងចក្រ សហគ្រាស នៅថ្ងៃទី១៨ សីហា ឆ្នាំ២០២១នេះ ឯកឧត្តមបណ្ឌិត អ៊ិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ បានមានប្រសាសន៍ថា ដើម្បីចូលរួមអនុវត្តឲ្យ​កាន់តែមានប្រសិទ្ធភាពខ្ពស់ក្នុងការរួមគ្នាទទួលខុសត្រូវ ទប់ស្កាត់ការចម្លងវីរុសកូវីដ១៩ ។ជា​ពិសេស​ចូលរួមចំណែកប្រយុទ្ធ និងទប់ស្កាត់ការរីករាលដាលទ្រង់ទ្រាយធំនៃជំងឺកូវីដ១៩ បណ្តាលមក​ពី​មេរោគបំប្លែងថ្មីប្រភេទដែលតា នៅតាមរោងចក្រ សហគ្រាស សូមឲ្យម្ចាស់ ឬនាយកទាំងអស់ ពិសេសផ្នែកវាយនភណ្ឌ កាត់ដេរ ផលិតស្បែកជើង អាចបញ្ជាតិញឧបករណ៍តេស្តរហ័ស​រកអង់ទីហ្សែនកូវីដ១៩ ក្នុងតម្លៃដើមតាមក្រសួងប្រៃសណីយ៍ និងទូរគមនាគមន៍ ឬប្រភព​ស្របច្បាប់នានា, ករណីរកឃើញកម្មករនិយោជិតណា មានវិជ្ជមាន​កូវីដ១៩ តាម​រយៈការធ្វើតេស្តរហ័ស ឬមានអាការៈសង្ស័យត្រូវរាយការណ៍​ទៅលេខទូរស័ព្ទ​ទាន់​ហេតុការណ៍របស់ក្រសួងសុខាភិបាល ១១៥ ដោយឥតគិតថ្លៃ ឬទំនាក់ទំនងទៅ​ក្រសួងសុខាភិបាល​ក៏បាន, ត្រូវណែនាំដល់កម្មករនិយោជិត ឲ្យបន្តអនុវត្តវិធានអនាម័យ សុវត្ថិភាព និងសុខភាព​ការងារ​នៅកន្លែងធ្វើការនិងអនុវត្តវិធានការ​សុវត្ថិភាពផ្នែក​សុខាភិបាលឲ្យបានហ្មត់ចត់ និងត្រឹមត្រូវ ដូចជា​ពាក់ម៉ាស រក្សាគម្លាត ការវាស់កម្តៅជាដើម ពិសេប្រកាន់ខ្ជាប់ជានិច្ចនូវវិធានការ ៣ការពារ និង៣កុំ...។ឯកឧត្តមរដ្ឋមេន្រ្តី បានបញ្ជាក់បន្ថែមថា ក្រោយថ្ងៃទី១០ ខែកញ្ញា ត្រូវបន្តអនុវត្តការធ្វើតេស្ត​ជា​ប្រចាំ​លើមុខសញ្ញាកម្មករនិយោជិតដែលបានឯកភាពគ្នាក្នុងកិច្ចប្រជុំគណៈកម្មការប្រឹក្សាការងារកាលខែឧសភាកន្លងទៅ៕អត្ថបទ ៖ ឈិត បូរ៉ាវី 

សម្តេចតេជោ ផ្តល់ជំនួយថវិកា ម៉ាស់ និងសម្ភារៈវេជ្ជសាស្រ្តប្រយុទ្ធនឹងជំងឺកូវីដ-១៩ ជូនសាធារណរដ្ឋសភាពមីយ៉ាន់ម៉ា

2021/08/18 12:41:13 pm        475
Facebook Telegram Linkin
ភ្នំពេញ ៖ ក្រសួងសុខាភិបាលនៃព្រះរាជាណាចក្រកម្ពុជា ព្រឹកថ្ងៃទី១៨ ខែសីហា ឆ្នាំ២០២១នេះ បានរៀបចំអំណោយជាម៉ាស់ចំនួន៣លាន, តេស្តរហ័សចំនួន៥០០.០០០, សំលៀកបំពាក់សុវតិ្ថភាព PPE ចំនួន២.០០០ឈុត ម៉ាស៊ីនផលិតអុកស៊ីហ្សែនស្វ័យប្រវតិ្តចំនួន១០០គ្រឿង ម៉ាស៊ីនជំនួយដកដង្ហើមចំនួន២០គ្រឿង និងម៉ាស៊ីនតាមដានសញ្ញាជីវិតចំនួន២០គ្រឿង របស់រាជរដ្ឋាភិបាល និងប្រជាជននៃព្រះរាជាណាចក្រកម្ពុជា ជូនរដ្ឋាភិបាល និងប្រជាជន នៃសាធារណរដ្ឋសហភាពមីយ៉ាន់ម៉ា ដែលត្រូវដឹកជញ្ជូនតាមយន្តហោះពិសេសទៅកាន់សាធារណ រដ្ឋសហភាពមីយ៉ាន់ម៉ា នាថ្ងៃទី១៩ ខែសីហា ឆ្នាំ២០២១ខាងមុខនេះ។បើតាមលោកជំទាវវេជ្ជបណ្ឌិត យក់ សម្បតិ្ត រដ្ឋលេខាធិការក្រសួងសុខាភិបាល តំណាងឯកឧត្តម សាស្រ្តាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាល បានមានប្រសាសន៍ថា សកម្មភាព​នាពេលនេះ គឺជាការគិតគូររបស់ប្រមុខរាជរដ្ឋាភិបាល អំពីការរាតត្បាតនៃជំងឺកូវីដ១៩ ព្រោះថា​ជំងឺមួយនេះ វាហាក់បីដូចជាមិនមានការថមថយនៅលើពិភពលោកក៏ដូចជានៅក្នុងតំបន់។សូមបញ្ជាក់ផងដែរថា សម្តេចអគ្គមហាសេនាបតីតេជោ ហ៊ុន សែន ក្នុងនាមជាប្រមុខដឹកនាំ​រាជ​រដ្ឋាភិបាល​កម្ពុជា នៅថ្ងៃទី១៧ ខែសីហា ឆ្នាំ២០២១ បានសរសេរលិខិតផ្ញើជូនទៅឯកឧត្តម នាយឧត្តមសេនីយ៍ មីង អោង ឡាំង ប្រធានក្រុមប្រឹក្សារដ្ឋបាល រដ្ឋសាធារណរដ្ឋសហភាព​មីយ៉ាន់ម៉ា ណៃពិដោ បញ្ជាក់អំណពីការផ្តល់ជំនួយថវិកា និងសម្ភារៈវេជ្ជសាស្រ្តមួយចំនួន ជូនទៅ​រដ្ឋាភិបាល និងប្រជាជន នៃសាធារណរដ្ឋសហភាពមីយ៉ាន់ម៉ា ដើម្បីចូលរួមការពារ ទប់ស្កាត់ ប្រយុទ្ធនឹងជំងឺកូវីដ-១៩។នៅក្នុងលិខិតនោះ សម្តេចតេជោ ហ៊ុន សែន បានសម្រេចឧបត្ថម្ភថវិកាប្រមាណ ២០ម៉ឺនដុល្លារ បន្ថែម​ពី​លើប្រាក់ ១០ម៉ឺនដុល្លារ ដែលកម្ពុជាសន្យាផ្តល់ទៅមីយ៉ាន់ម៉ា តាមរយៈអាស៊ាន។ ក្នុងស្មារតី​មិត្តភាព និងសាមគ្គីភាពរវាងប្រទេសទាំងពីរ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រី្ត សូមបរិច្ចាគជាសាច់ប្រាក់ចំនួន២០០.០០០ដុល្លារអាមេរិក របស់រាជរដ្ឋាភិបាលកម្ពុជា បន្ថែមពីលើការសន្យារបស់កម្ពុជា ចំនួន១០០.០០០ដុល្លារអាមេរិក សម្រាប់ជំនួយ​មនុស្សធម៌​អាស៊ាន ជួយមីយ៉ាន់ម៉ាតាមរយៈមជ្ឈមណ្ឌលអាស៊ានសម្រាប់សម្របសម្រួលជំនួយមនុស្សធម៌ (AHA Centre)។ យើងក៏នឹងបរិច្ចាគនូវឧបករណ៍វេជ្ជសាស្រ្តមួយចំនួនដែលរួមមាន៖ ម៉ាស់ ចំនួន៣លាន, តេស្តរហ័ស ចំនួន៥០០.០០០, សំលៀកបំពាក់សុវតិ្ថភាព PPE ចំនួន២.០០០ឈុត, ម៉ាស៊ីនផលិតអុកស៊ីហ្សែនស្វ័យប្រវតិ្ត ចំនួន១០០គ្រឿង, ម៉ាស៊ីនជំនួយដកដង្ហើម ចំនួន២០គ្រឿង និងម៉ាស៊ីនតាមដានសញ្ញាជីវិត ចំនួន២០គ្រឿង។ សម្តេចតេជោ ជឿជាក់យ៉ាងមុតមាំថាជាមួយនឹងកិច្ចខិតខំប្រឹងប្រែងរួមគ្នារបស់យើង យើងនឹងយកឈ្នះលើជំងឺរាតត្បាតសកលនេះទាំងស្រុង៕អត្ថបទ រដ្ឋា 

ឯកឧត្តម ហោ ណាំ ផ្តល់ទឹកសុទ្ធ និងសាប៊ូដល់ពលករខ្មែរជាង៧ពាន់​នាក់កំពុង​ធ្វើចត្តាឡីស័ក​នៅ​ខេត្តជាប់ព្រំដែនថៃ

2021/08/18 12:25:44 pm        563
Facebook Telegram Linkin
បន្ទាយមានជ័យ ៖ ឯកឧត្តមឧបនាយករដ្ឋមន្រ្តី ហោ ណាំហុង តាមរយៈមូលនិធិហោ ណាំហុង បានផ្តល់ទឹកសុទ្ធ និងសាប៊ូលាងដៃ និងដូសខ្លួន ដល់បងប្អូន​ពលករខ្មែរដែលបានវិលមកពីប្រទេស​ថៃ​វិញ​ ហើយកំពុងធ្វើចត្តាឡីស័ក នៅខេត្តចំនួនពីរដែលជាប់និងប្រទេសថៃ គឺខេត្តបន្ទាយមានជ័យ និងខេត្តឧត្តរមានជ័យ។ការផ្តល់ទឹកសុទ្ធ និងសាប៊ូលាងដៃ និងដូសខ្លួនជូនដល់បងប្អូនពលករខ្មែរ​ ដែលបានវិលត្រឡប់​មក​ពីប្រទេសថៃវិញនេះ ​គឺដើម្បីរួមចំណែកជាមួយ រាជរដ្ឋាភិបាលក៏ដូចជាអាជ្ញាធរខេត្ត​ក្នុងកិច្ចការពារ នៃការឆ្លងរីករាលដាលនូវមេរោគកូវីដ១៩ បន្ទាប់ពីមើលឃើញថា​ខេត្តទាំងពីរ​ដែលជាប់​នឹងព្រំដែន​ប្រទេសថៃនេះ មានបងប្អូនពលករខ្មែរបានសម្រុកចូលមកប្រទេសកម្ពុជាវិញ ហើយបានកំពុង​ធ្វើ​ចត្តាឡីស័ក ដោយមានការខ្វះខាតនោះ។អំណោយសប្បុរសធម៌ជាទឹកសុទ្ធ និងសាប៊ូលាងដៃនេះ គឺសម្រាប់បងប្អូនពលករខ្មែរ​កំពុងធ្វើចត្តាឡីស័ក នៅខេត្តបន្ទាយមានជ័យ គឺមានចំនួន២៥០០កេស និងសាប៊ូលាងដៃ និងដូសខ្លួនចំនួន២៥០០កញ្ចប់ ហើយទឹកសុទ្ធចំនួន១១០០កេស និងសាប៊ូលាងដៃ និងដូសខ្លួន២២០០កញ្ចប់ សម្រាប់បងប្អូនពលករដែលកំពុងធ្វើចត្តាឡីស័ក នៅខេត្តឧត្តរមានជ័យ។ ដោយអំណោយទាំងនោះគឺយកទៅចែកជូនដោយផ្ទាល់ពីសំណាក់ឯកឧត្តម ជេត ណារ៉ែន តំណាងឯកឧត្តមឧបនាយករដ្ឋមន្រ្តីហោ ណាំហុង។ជាមួយនិងអំណោយសប្បុរសធម៌នេះដែរ រដ្ឋបាលខេត្តទាំងពីរបានថ្លែងអំណរអគុណ​ចំពោះទឹកចិត្ត​សប្បុរសធម៌របស់មូលនិធីហោ ណាំហុង ដែលបានចូលរួមចំណែកទប់ស្កាត់​ការរីករាល​ដាល​នូវ​មេរោគកូវីដ១៩ និងចូលរួម​ចំណែក​លើក​ស្ទួយ​សុខុមាលភាព​របស់​បងប្អូន​ពលករខ្មែរយើង​ដែល​បាន​វិលមក​ពីប្រទេសថៃវិញនោះ។រដ្ឋបាលខេត្តទាំងពីរបានលើកឡើងទៀតថា អំណោយនេះគឺបានធ្វើឡើងស្របតាមតម្រូវ ការរបស់​ខេត្ត និងជាទឹកចិត្តដ៏​សប្បុរសធម៌​មួយក្នុងការចូលរួមចំណែកជាមួយអាជ្ញាធរខេត្ត​ក៏ដូចជា​រាជ​រដ្ឋាភិបាល​ក្នុងការទប់ស្កាត់ការរីករាលដាលនូវមេរោគកូវីដ១៩ ដែលវាបានកំពុងកើត​មានឡើង​នៅពិភពលោកទាំងមូលក៏ដូចជាប្រទេសកម្ពុជាផងដែរនោះ។សូមរំលឹកថា ក្នុងអំឡុងពេលវិបត្តិកូវីដ១៩នេះ ឯកឧត្តមឧបនាយករដ្ឋមន្រ្តីហោ ណាំហុង ជានិច្ចកាលតែងតែ​ឧបត្ថម្ភ​ថវិកា ​និងសម្ភារៈដើម្បីរួមចំណែកជាមួយរាជារដ្ឋាភិបាល ក្នុងយុទ្ធនាការប្រយុទ្ធប្រឆាំងជំងឺរាតត្បាតសាហាវមួយនេះ ដោយបានផ្តល់ដូចជាម៉ាស់រាប់ម៉ឺន និងសម្ភារៈមួយចំនួនទៀតផងដែរ៕អត្ថបទ ៖​បាន ចក់

WHO បញ្ជាក់ជាថ្មីថា ខ្លួនមិនរត់ចោលកម្ពុជានោះទេ ទោះកម្ពុជាបន្តជួបវិបត្តិកូវីដ១៩ធំយ៉ាងណាក្តី

2021/08/17 03:41:10 pm        385
Facebook Telegram Linkin
ភ្នំពេញ ៖ តំណាងអង្គការសុខភាពពិភពលោក ដែលហៅកាត់ថា WHO លោកស្រី Li Ailan បាន​ប្រកាសជាថ្មីថា WHOនឹងមិនរត់ចោលប្រទេសកម្ពុជានោះទេ ខណៈដែលប្រទេសកម្ពុជា​កំពុង​​បន្តរីករាលដាលនូវមេរោគកូវីដ១៩ ចូលក្នុងសហគមន៍ ហើយថា មេរោគនេះវាបានកំពុងជះឥទ្ធិពល​អវិជ្ជមានយ៉ាងខ្លាំងដល់សុខភាពផ្នែករាងកាយ ផ្លូវចិត្តអារម្មណ៍ និងផ្នែកសង្គមរបស់​ប្រជាជន​ទាំង​មូល។ថ្លែងតាមរយៈវិដេអូពីចម្ងាយ នៅព្រឹកថ្ងៃទី១៧ ខែសីហា ឆ្នាំ២០២១នេះ ក្នុងសិក្ខាសាលា តម្រង់ទិស ការពង្រឹងការចូលរួមសហគមន៍ ក្នុងការទប់ស្កាត់ការចម្លងកូវីដ-១៩ នៅខេត្ត៩ រួមមាន​ ៖ សៀមរាប បន្ទាយមានជ័យ បាត់ដំបង ពោធិ៍សាត់ កំពង់ធំ ស្វាយរៀង តាកែវ កំពត និងកែប ដោយមានការ​ចូលរួមពីលោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធាន អនុគណៈកម្មការអប់រំបណ្តុះបណ្តាល និងទំនាក់ទំនងសាធារណៈនោះ លោកស្រី Li Ailan បានលើកឡើងថា អង្គការសុខភាពពិភពលោក នឹងបន្តធ្វើការជាមួយរាជរដ្ឋាភិបាលកម្ពុជា​ជា​​និច្ច​ក្នុងការទប់ស្កាត់ការរីករាលដាលនូវមេរោគដ៏កាចសាហាវមួយនេះ។អ្នកស្រី Li Ailan បានសង្កត់ធ្ងន់ថា«អង្គការសុខភាពពិភពលោក នឹងបន្តធ្វើការយ៉ាងជិតស្និត​ជាមួយ​នឹងក្រសួងសុខាភិបាល និងអាជ្ញាធរមូលដ្ឋាន ជាពិសេសផ្តល់ការគាំទ្រផ្នែកបច្ចេកទេស​ចាំបាច់​ទាំង​អស់សម្រាប់ពង្រឹងផែនការ និងការឆ្លើយតបដែលមានការចូលរួមពីសហគមន៍ ដើម្បីប្រយុទ្ធ​នឹង​ជំងឺ​កូវីដ១៩។ មានតែតាមរយៈការធ្វើការជាមួយគ្នា ការទទួលស្គាល់ និងការទទួលយកនូវភាព​ស្មុគស្មាញ​នៃបទពិសោធន៍ និងសមត្ថភាពរួមទេ ទើបយើងអាចធានាបានថា ពិភព​លោក​ «តាមរយៈបែបប្រក្រតីថ្មីមួយ» ក្រោយការផ្ទុះរាតត្បាតជំងឺចប់ទៅ មឹងក្លាយជាពិភព​លោកមួយ​ដែល​មិនទុកនរណាម្នាក់ចោល»។ជាមួយគ្នានោះដែរ លោកស្រី Li Ailan បានបញ្ជាក់បន្ថែមថា ជំងឺកូវីដ១៩បានជះឥទ្ធិពលអវិជ្ជមាន​យ៉ាង​ខ្លាំង​ដល់សុខុមាលភាពផ្នែករាងកាយ ផ្លូវចិត្តអារម្មណ៍ និងផ្នែកសង្គមរបស់ប្រជាជនទាំងមូល ហើយ ក្នុងពេលជាមួយគ្នានេះ ជំងឺកូវិដ១៩ក៏បានប៉ះពាល់ធ្ងន់ធ្ងរដល់ប្រព័ន្ធសុខាភិបាល សេដ្ឋកិច្ច និងបរិស្ថានជាដើម។យ៉ាងណាក៏ដោយលោកស្រី Li Ailan បានលើកឡើងផងដែរថា ដើម្បីកាត់បន្ថយ និងទប់ស្កាត់​ការ​រីករាលដាលនូវមេរោគកូវីដ១៩នេះ កុំឲ្យវាកាន់តែខ្លាំងទៀតនោះ គឺត្រូវមានការចូលរួមពីសហគមន៍ ដោយការចូលរួមពីសហគមន៍នេះ គឺជាគន្លឹះនៅក្នុងការឆ្លើយតបទៅ នឹងបញ្ហាសង្គម និង​សុខភាពសាធារណៈ ហើយប្រសិនបើគ្មានការចូលរួម ផ្តល់អំណាច ឬបុគ្គល គ្រួសារ និង​សហគមន៍ទេ វានឹងមិនអាចទទួលបានជោគជ័យក្នុងការប្រយុទ្ធឲ្យ​ឈ្នះនឹងជំងឺកូវីដ១៩នេះ បាននោះឡើយ។ថ្លែងនៅក្នុងសិក្ខាសាលានោះដែរ លោកជំទាវ ឱ វណ្ណឌីន បានលើកឡើងថា តួនាទីរបស់សហគមន៍ ក្នុងការទប់ស្កាត់ការចម្លងជំងឺកូវីដ-១៩ គឺជាយុទ្ធសាស្ត្រគន្លឹះមួយ ដោយសហគមន៍​មាន​តួនាទី​សំខាន់​ណាស់ ក្នុងការអប់រំផ្សព្វផ្សាយ ការតាមដានអនុវត្តវិធានការសុខាភិបាល ​និងវិធានការនានា ក្នុងភូមិស្រុក​របស់ខ្លួន ការគាំទ្រគ្នាទៅវិញទៅមក ​ការធ្វើចត្តាឡីស័ក ការតាមរកករណី និងការថែទាំ​ព្យាបាល​ជាដើម។លោកជំទាវ ឱ វណ្ណឌីន បានបន្ថែមទៀតថា ការចូលរួមរបស់សហគមន៍អាចមានប្រសិទ្ធភាព​ទៅ​បានលុះត្រា​តែយើងមានបណ្តាញ និងយន្តការចូលរួមរបស់សហគមន៍មួយច្បាស់លាស់ ប្រកប​ដោយ​សមត្ថភាព និងមានការគាំទ្រត្រឹមត្រូវផងដែរ៕អត្ថបទ បាន ចក់

សប្បុរសជន​ឧបត្ថម្ភឧបករណ៍​តេស្តរហ័ស​ទំនើបជិត ១.០០០ឈុត ជូនរដ្ឋបាលខេត្តព្រះសីហនុ

2021/08/17 12:21:41 pm        458
Facebook Telegram Linkin
ព្រះសីហនុ៖ ដើម្បីចូលរួមចំណែកក្នុងយុទ្ធនាការប្រយុទ្ធ និងទប់ស្កាត់ការឆ្លងរាលដាលជំងឺកូវីដ-១៩ ក្នុងសហគមន៍ សប្បុរសជននានា បាននិងកំពុងជួយឧបត្ថម្ភអំណោយមនុស្សធម៌ ជាសម្ភារៈសម្រាប់​ប្រើប្រាស់ក្នុងវិធានការប្រយុទ្ធប្រឆាំងទប់ស្កាត់ ​និងគ្រប់គ្រងជំងឺកូវីដ-១៩ ជូនរដ្ឋបាល​ខេត្ដព្រះសីហនុ នៅសាលាខេត្តព្រះសីហនុ នៅថ្ងៃទី១៧ ខែសីហា ឆ្នាំ២០២១។នៅក្នុងឱកាសនោះ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានលើកឡើងថា ការចូលរួមពីគ្រប់វិស័យ និងគ្រប់មជ្ឈដ្ឋាន (រដ្ឋ ឯកជន ប្រជាពលរដ្ឋ ។ល។) កិច្ចរួមសហការទាំងកម្លាំងកាយ-ចិត្ដ និងសម្ភារៈ ពិតជាកម្លាំងចលករមួយដ៏ខ្លាំងសម្រាប់ជម្រុញ និងពង្រឹងប្រតិបត្ដិការ នៃយុទ្ធនាការប្រយុទ្ធ​ និងទប់ស្កាត់ការឆ្លងរាលដាលជំងឺកូវីដ១៩ បានជោគជ័យក្នុងពេលឆាប់ៗនេះ។​ក្រុមហ៊ុន Guo Streng Medical Suppliers Co,Ltd បានឧបត្ថម្ភឧបករណ៍តេស្តកំហាក​រហ័សចំនួន ៩៦០ ទឹកពិសារបរិសុទ្ធ ៥០កេស ទឹកថ្នាំងសម្លាប់មេរោគ ១០កាន និងមី ៣០កេស ជូនរដ្ឋបាល​ខេត្តព្រះសីហនុ សម្រាប់ប្រើប្រាស់ក្នុងវិធានការប្រយុទ្ធប្រឆាំង ទប់ស្កាត់ និងគ្រប់គ្រងជំងឺកូវីដ-១៩ ក្នុងព្រឹត្តិការណ៍សហគមន៍ ២០កុម្ភះ នៅខេត្តព្រះសីហនុ។ នេះជាសកម្មភាពមនុស្សធម៌ដ៏ប្រពៃ សម្រាប់បណ្ដុះស្មារតីសាមគ្គីភាព ក្នុងការឈានទៅរកភាពជោគជ័យ ក្នុងសហគមន៍ និងសង្គមជាតិ ដើម្បីបន្ដការអភិវឌ្ឍឱ្យរុងរឿង។ឯកឧត្តម បន្ដថា សូមថ្លែងអំណរគុណចំពោះក្រុមហ៊ុនខាងលើ ដែលបាននាំយកអំណោយ​មនុស្សធម៌​ឧបត្ថម្ភជូនរដ្ឋបាលខេត្តព្រះសីហនុ ដែលកំពុងត្រូវការចាំបាច់ ហើយសកម្មមភាពនេះ ជាការចូលរួមចំណែកយ៉ាងធំធេងជាមួយរដ្ឋបាលខេត្តព្រះសីហនុ សម្រាប់ប្រើប្រាស់​ក្នុង​ប្រតិបត្តិការ​ប្រយុទ្ធប្រឆាំង និងទប់ស្កាត់ការឆ្លងរាលដាលជំងឺកូវីដ-១៩ នៅខេត្តព្រះសីហនុ ឱ្យមានប្រសិទ្ធភាព។ ក្នុងនោះ ឯកឧត្តម សង្ឃឹមថា ក្រុមហ៊ុន រោងចក្រ សហគ្រាសក្នុងខេត្តព្រះសីហនុ នឹងបន្តជួយ​ឧបត្ថម្ភគាំទ្រ​ដល់រដ្ឋបាលខេត្តព្រះសីហនុ ក្នុងការចូលរួមបង្ការទប់ស្កាត់ប្រយុទ្ធប្រឆាំងនឹងជំងឺកូវីដ-១៩ ក្នុងខេត្តព្រះសីហនុ បន្តទៀត។ ទន្ទឹមនឹងនោះ ឯកឧត្ដម បានបន្ដអំពាវនាវឱ្យសូមសាធារណជនទាំងអស់ ត្រូវបង្កើនការប្រុងប្រយ័ត្ន​ខ្ពស់ ក្នុងយុទ្ធនាការប្រយុទ្ធ និងទប់ស្កាត់ការឆ្លងរាលដាលជំងឺកូវីដ-១៩ ដោយបន្ដអនុវត្តឱ្យបាន​ខ្ជាប់ខ្ជួន​នូវគោលការណ៍ណែនាំរបស់ក្រសួងសុខាភិបាល និងអនុសាសន៍ “៣កុំ ៣ការពារ” របស់សម្តេចតេជោ ហ៊ុន សែន នាយករដ្ឋមន្ត្រី ៕ដោយ៖ ប៊ុនថា

បណ្ដាញសង្គម

ព័ត៌មានថ្មីៗ

អ៊ីរ៉ងថ្កោលទោសការវាយប្រហារ នៅភាគខាងត្បូងប្រទេស​ និងព្រមានពី​ការរំលោភលើបទឈប់បាញ់
05/28/2026 04:05 PM
Facebook Telegram Linkin
កម្ពុជាតែងឈរលើគោលគំនិតសន្ដិភាពនិយម ព្រោះកម្ពុជាធ្លាប់ឆ្លងកាត់សង្គ្រាមជាង៣ទសវត្សរ៍ហើយ
05/28/2026 04:05 PM
Facebook Telegram Linkin
ទីភ្នាក់ងារដឹកជញ្ជូន៖ នាវាដឹកប្រេងចំនួនបីគ្រឿង ត្រូវរងការវាយប្រហារដោយយានដ្រូន នៅក្នុងសមុទ្រខ្មៅ
05/28/2026 04:05 PM
Facebook Telegram Linkin
យោធាចិន បញ្ជាក់​ថា បានបង្ខំ​ឲ្យ​នាវាចម្បាំងហូឡង់ចាក​ចេញ នៅសមុទ្រចិនខាងត្បូង
05/28/2026 04:05 PM
Facebook Telegram Linkin
អនាគតនៃការចរចារវាងអ៊ីស្រាអែលនិងលីបង់សម្របសម្រួលដោយអាមេរិក នៅមិនច្បាស់លាស់ ខណៈអ៊ីស្រាអែលទម្លាក់គ្រាប់បែកលើលីបង់
05/28/2026 04:05 PM
Facebook Telegram Linkin
ក្រសួងការងារ បន្តនាំយកឱកាសការងារជាង ១ម៉ឺនកន្លែង និងអត្ថប្រយោជន៍ ប.ស.ស. ព្រមទាំងកម្មវិធីបណ្តុះបណ្តាលជំនាញ TVET ដល់ពលរដ្ឋខេត្តពោធិ៍សាត់
05/28/2026 04:05 PM
Facebook Telegram Linkin
អ៊ីស្រាអែលវាយប្រហារទីក្រុង Tyre បន្ទាប់ពីប្រកាស «តំបន់ប្រយុទ្ធ» នៅភាគខាងត្បូងប្រទេសលីបង់
05/28/2026 04:05 PM
Facebook Telegram Linkin
ប្រមុខការពារជាតិរំឭកខ្មែរគ្រប់រូបរួបរួមគ្នាជាធ្លុងមួយក្រោកឡើងលើកតម្កើងកិត្យានុភាពជាតិ និងរួមគ្នាការពារជាតិទោះត្រូវលះបង់ក្នុងតម្លៃណាក៏ដោយ
05/28/2026 04:05 PM
Facebook Telegram Linkin
នគរបាលនិយាយថា សិស្ស១៦នាក់ស្លាប់ក្នុងអគ្គិភ័យឆាបឆេះនៅសាលារៀនរបស់ប្រទេសកេនយ៉ា
05/28/2026 04:05 PM
Facebook Telegram Linkin
ហេសបូឡា៖ មាន​ការវាយប្រហារ ៣៧លើក ដោយ​​ផ្តោតលើកងកម្លាំងអ៊ីស្រាអែល និងជើង​ទម្រ Iron Dome
05/28/2026 04:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.