BTV NEWS

សម្ដេចតេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន

ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី

ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

សម្តេចធិបតីផ្ញើសារច្បាស់លាស់ និងយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាតប្រកបដោយស្មារតីទទួលខុសត្រូវខ្ពស់បំផុត

នយោបាយ និង ការអភិវឌ្ឍន៍

មន្រី្តសុខាភិបាលរាជធានីភ្នំពេញ ស្នើប្រជាពលរដ្ឋប្រើឧបករណ៍តេស្តរហ័ស ដែលទទួលស្គាល់ដោយក្រសួងសុខាភិបាល

ភ្នំពេញ ៖ ឯកឧត្តម វេជ្ជបណ្ឌិត ងី មានហេង ប្រធានមនី្ទរសុខាភិបាលរាជធានីភ្នំពេញ តាមរយៈ BTV ព័ត៌មាន នាព្រឹកថ្ងៃទី១៣ ខែកក្កដា ឆ្នាំ២០២១នេះ បានស្នើដល់ប្រជាពលរដ្ឋដែលមានបំណងប្រើឧបករណ៍តេស្តរហ័សអង់ទីហ្សែនកូវីដ-១៩ ដែលទទួលស្គាល់ និងអនុញ្ញាតឲ្យប្រើប្រាស់ដោយក្រសួងសុខាភិបាល។ឯកឧត្តម វេជ្ជបណ្ឌិត ងី មានហេង បានបន្តទៀតថា គិតត្រឹមព្រឹកថ្ងៃទី១៣ ខែកក្កដានេះក្រសួងសុខាភិបាល បានទទួលស្គាល់ អនុញ្ញាតឲ្យប្រើបា្រស់នូវឧបករណ៍តេស្តរហ័សអង់ទីហ្សែនកូវីដ-១៩ របស់ក្រុមហ៊ុនចំនួន០៤ប៉ុណ្ណោះ ទី១.ក្រុមហ៊ុន Abbott, ទី២.ក្រុមហ៊ុន Roche, ទី៣.ក្រុមហ៊ុន SD Biosensor និងទី៤.ក្រុមហ៊ុន PHASE Scientific។ ជាពិសេសគោលការណ៍ណែនាំប្រតិបតិ្តថ្ងៃទី៧ ខែកក្កដា ឆ្នាំ២០២១ ស្តីពីការប្រើបា្រស់តេស្តរហ័សរកអង់ទីហ្សែនកូវីដ-១៩ សម្រាប់គ្រឹះស្ថានសុខាភិបាលឯកជន ស្ថាប័ន និងអង្គភាពមិនមែនសុខាភិបាល បណ្តាច្រកចេញ-ចូលប្រទេស ក្រុមហ៊ុនឯកជនរោងចក្រ-សហគ្រាស និងទីកន្លែងអាជីវកម្មផ្សេងទៀត និងសម្រាប់បុគ្គលឯកជន។ប្រធានមនី្ទរសុខាភិបាលរាជធានីភ្នំពេញ.សុំប្រើTest Kit ដែលក្រសួងទទួលស្គាល់ យើងមិនមែនបដិសេធន៍ថាអាណាមិនទាន់ទទួលស្គាល់មិនទាន់ប្រើ ចង់និយាយចឹង យើងមិនមែននិយាយថាអាណាខុស អាណាល្អ អាណាអីទេ។ ប៉ុន្តែផលិតផលណាក្រសួងទទួលស្គាល់ សុំប្រើផលិតផលនោះសិនទៅ។ ចាំគាត់ទទួលស្គាល់អាណាទៀត ចាំប្រើទៀត។ ពិព្រោះផលពិបាករបស់វា គឺតេស្តហ្នឹងចាប់ឃើញតាពីសតាពាស សូម្បីតែផ្តាសាយធំ ក៏ឃើញដែរ ធ្វើឲ្យចំនួនវិជ្ជមានកើនឡើង។ ហើយណាមួយវាជាកំហុសធ្វើតេស្តទេណា....។ឯកឧត្តម ប្រធានមនី្ទរសុខាភិបាលរាជធានីភ្នំពេញ បានបញ្ជាក់ទៀតថា ក្រសួងសុខាភិបាល បានប្រកាសថា មានតែឧបករណ៍តេស្តរហ័សអង់ទីហ្សែនកូវីដ-១៩ ដែលទទួលស្គាល់ដោយក្រសួង និងបានអនុញ្ញាតឲ្យប្រើប្រាស់ ហើយការចេញលទ្ធផល ពីការប្រើឧបករណ៍តេស្តរហ័សនេះ ត្រូវបានទទួលស្គាល់ដោយមន្រី្តសុខាភិបាល។ បច្ចុប្បន្នទីតាំងធ្វើតេស្តរហ័ស មានចំនួនប្រមាណ៨ទីតាំង។ ដោយឡែកក្នុងរាជធានីភ្នំពេញ មានមនី្ទរពិសោធន៍រកកូវីដ-១៩ ប្រើម៉ាស៊ីនPCR ចំនួន៤ទីតាំងផ្សេងទៀត សម្រាប់យកសំណាកវិភាគរកវិជ្ជមានកូវីដ-១៩។ ក្រៅពីនោះក្នុងរាជធានីភ្នំពេញ ក៏មានមណ្ឌលថែទាំព្យាបាលជំងឺកូវីដ១៩ ចំនួន២១ទីតាំង (ទាំងមណ្ឌល និងមនី្ទរពេទ្យ)។ ដូច្នេះប្រជាពលរដ្ឋដែលរស់នៅក្នុងរាជធានីភ្នំពេញ បានទទួលការចាក់វ៉ាក់សាំង។ការពារជំងឺកូវីដ-១៩រួចរាល់ហើយ អ្វីដែលត្រូវធ្វើនោះ គឺប្រជាពលរដ្ឋទាំងអស់ បន្តចូលរួមអនុវត្តវិធានការ៣កុំ ៣ការពារ និងអនុវត្តវិធានការរដ្ឋបាលរបស់ក្រសួងសុខាភិបាល ហើយត្រូវអនុវត្តឲ្យខានតែបាន គ្មានការស៊ីផឹកជុំគ្នា គ្មានខារ៉ាអូខេ គ្មានក្លឹបកម្សាន្ត៕អត្ថបទ រដ្ឋា

ស្នងការដ្ឋានខេត្តឧត្តរមានជ័យ ចុះសម្អាតរៀបចំទីតាំងលានដំឡូងមួយកន្លែងត្រៀមសំរាប់ដាក់ពលករធ្វើចត្តាឡីស័ក

ឧត្តរមានជ័យ ៖ ដោយមានការចង្អុលបង្ហាញសម្របសម្រួលពីឯកឧត្តម អភិបាលខេត្តឧត្តរមានជ័យ លោកឧត្តមសេនីយន៍ទោ ហួត សុធី ស្នងការដ្ឋាននគរបាលខេត្តឧត្តរមានជ័យ បានដឹកនាំកម្លាំងនគរបាលវរសេនាតូចការពារព្រំដែនប្រចាំទិស៩០៥ នគរបាលព្រំដែន៧០២ ដើម្បីចុះធ្វើការសំអាតអនាម័យទីតាំងលានដំឡូងទុកចោលមួយកន្លែង សំរាប់ត្រៀមដាក់ពលករឆ្លងដែនមកពីស្រុកថៃ សម្រាកព្យាបាលធ្វើចត្តាឡីស័ក។ទីតាំងស្ថិតនៅចំណុចភូមិគោកប្រាសាទ សង្កាត់កូនក្រៀល ក្រុងសំរោង ខេត្តឧត្តរមានជ័យ ខណះដែលមណ្ឌលធ្វើចត្តាឡីស័កផ្សេងៗទៀត ក្នុងខេត្តបានពេញអស់ហើយ នាព្រឹកថ្ងៃទី១២ កក្កដា ឆ្នាំ២០២១នេះ។លោកឧត្តមសេនីយន៍ទោ ហួត សុធី បានឲ្យដឹងថា ដើម្បីការពារសន្តិសុខសុវត្ថិភាពសណ្តាប់ធ្នាប់សង្គមជូនដល់ប្រជាពលរដ្ឋឲ្យមានភាពកក់ក្តៅនោះ ពិសេសពលករឆ្លងមកពីប្រទេសថៃ ដោយស្ថានភាពបច្ចុប្បន្ននេះ កំពុងតែមានកំណើនកើនឡើងខ្ពស់ជាបន្តបន្ទាប់ជារាងរាល់ថ្ងៃក្នុងភូមិសាស្រ្តខេត្តឧត្តរមានជ័យ នៅតាមមណ្ឌល អគារសិក្សានានាទាំងអស់ត្រូវបានដាក់ឲ្យពលករសម្រាកពេញអស់គ្រប់កន្លែងទាំងកន្លែងព្យាបាលនឹងកន្លែងធ្វើចត្តាឡីស័ក។លោក បានបន្ដថា ដោយមើលឃើញពីបញ្ហាលំបាក ចំពោះទីតាំងស្នាក់នៅរបស់ពលករ ក៏ដូចជា ការការពារសន្តិសុខសណ្តាប់ធ្នាប់សង្គមយ៉ាងដូច្នេះ ទើបឯកឧត្តមអភិបាលខេត្ត សម្រេចជ្រើសរើសយកទីតាំងមួយកន្លែងបន្ថែមទៀត ដែលជាទីតាំងលានដំឡូងមួយកន្លែងមានទីធ្លាធំទំលាយប្រកបដោយផាសុខភាពមានប្រព័ន្ធទឹកភ្លើងមានសុវត្ថិភាពល្អ ចំពោះការស្នាក់នៅរបស់ពលករផងដែរ។ពិសេសទីតាំងនោះ ជិតនឹងច្រកព្រំដែនចេញចូលស្រាប់ងាយស្រួលក្នុងមធ្យោបាយធ្វើការដឹកជញ្ជូនពលករមកធ្វើចត្តាឡីស័ក ដោយសុវត្ថិភាពចំពោះពលករឆ្លងដែនមកពីប្រទេសថៃ៕អត្ថបទ ៖ ឃិន សារិទ្ធ

ពលរដ្ឋនៅក្រុងសៀមរាប ថ្លែងអំណរគុណដល់រដ្ឋាភិបាល ដែលផ្ដល់វ៉ាក់សាំងបង្កាជំងឺកូវីដ១៩

សៀមរាប ៖ ចាប់ពីថ្ងៃទី១០ខែកក្កដា ឆ្នាំ២០២១នេះ ប្រជាពលរដ្ឋជាច្រើនរយនាក់ នៅក្រុងសៀមរាប ទៅទទួលបានចាក់វ៉ាក់សាំង បង្ការជំងឺកូវីដ១៩ ពីរាជរដ្ឋាភិបាលជាបន្ដបន្ទាប់ ខណៈដែលក្រុងនេះ បានប្រឈមនឹងការឆ្លងកូវីដ១៩។ការទទួលបានវ៉ាក់សាំងដូសទី១នេះ បានធ្វើអោយពួកគាត់មានទំនុកចិត្ដ ពីវិធានការពារជំងឺដ៏កាចសាហាវមួយនេះ។ ពួកគាត់សម្ដែងការសប្បាយចិត្ដនិងថ្លែងអំណរគុណដល់រាជរដ្ឋាភិបាលក្រុមគ្រូពេទ្យដែលបានយកចិត្ដទុកដាក់ដល់ពួកគេ។ប្រជាពលរដ្ឋមកនៅសង្កាត់សៀមរាប ក្រុងសៀមរាប បានផ្ដល់បទសម្ភាសន៍ដល់ប៊ីធីវី ដូចគ្នាថា ពួកគាត់បានទទួលស្ម័គ្រចិត្ដចាក់វ៉ាក់សាំងនេះ ដោយសារពួកគាត់ប្រឈមនឹងការឆ្លងជំងឺកូវីដ១៩ ខណៈដែលនៅក្នុងក្រុងសៀមរាប បាននឹងកំពុងរីករាលដាលជំងឺកូវីដ១៩នេះ ក៏តែច្រើនឡើងៗ។ ពួកគាត់ បានបន្ដថា ការទទួលបានវ៉ាក់សាំងអាចជួយការពារជីវិតរបស់ពួកគាត់ពីសេចក្ដីស្លាប់ ។ជាងនោះទៅទៀតពួកគាត់ ខ្លះជាអ្នកជំនួញ អ្នកលក់ដូរ អ្នកធ្វើការងារផ្នែកទេសចរណ៍ ហើយពេលបានទទួលវ៉ាក់សាំងនេះ ងាយស្រួលបានដើរទៅទស្សនា ក៏ដូចជាអ្នកទេសចរណ៍បានធ្វើដំណើរចេញពីប្រទេសមួយទៅប្រទេសមួយទៀត ។ពួកគាត់បានបន្ដថា ក្រោយពេលទទួលបានវ៉ាក់សាំងហើយនោះ ពួកគាត់អាចជួយខ្លួនឯងផង ជួយគ្រួសារ និងសង្គមជាតិផងដែរ បើទោះបីមិនអាចការពារបាន១០០%ក៏ដោយ។ ពួកគាត់ថ្លែងអំណរគុណដល់រាជរដ្ឋាភិបាល ដែលបានផ្ដល់វ៉ាក់សាំងប្រឆាំងកូវីដ១៩នេះ ។ពួកគាត់បានអំពាវនាវដល់ប្រជាពលរដ្ឋ ទៅទទួលវ៉ាក់សាំងអោយបានគ្រប់គ្នាដើម្បីទប់ស្កាត់ និងលុបបំបាត់ការឆ្លងជំងឺកូវីដ១៩ ឲ្យបានឆាប់ៗនាពេលខាងមុខនេះ។ លោកឧត្ដមសេនីយ៍ទោ សុក រីនណា នាយសេនាធិការយោធភូមិភាគទី៤ និងប្រធានក្រុមការងារចាក់វ៉ាក់សាំងបង្កាកូវីដ១៩ មានប្រសាសន៍ថា ការផ្ដល់វ៉ាក់សាំងដល់ប្រជាពលរដ្ឋនេះ ធ្វើឡើងតាមគោលការណ៍ស្ម័គ្រចិត្ដ មិនប្រកាន់និន្នាការនយោបាយ បក្សពួកនិយម ជនបរទេស ពោលប្រជាពលរដ្ឋណាដែលមានអាយុចាប់ពី១៨ឆ្នាំឡើងទៅ។ជាមួយគ្នានោះ វ៉ាក់សាំងបង្កាកូវីដ១៩នេះ មិនមានការលក់ដូរឬគិតកម្រៃជើងសារពីប្រជាពលរដ្ឋណាឡើយ ហើយបើសិនមានជនខិលខូចណាលួចលក់វ៉ាក់សាំងឲ្យពលរដ្ឋនិងត្រូវចាត់វិធានការផ្លូវច្បាប់។ លោក បានបន្ដថា ក្នុងពេលយុទ្ធនាការចាក់វ៉ាក់សាំងដូសទី១ដំណាក់កាលទី២នេះ ពួកគាត់មកទទួលវ៉ាក់សាំងជាងមួយម៉ឺននាក់ទៅជិត២ម៉ឺននាក់ក្នុងមួយថ្ងៃ និងមានក្រុមគ្រូពេទ្យប្រតិបត្ដិការជាង៣៥០នាក់ ដែលតាមផែនការចាក់ជូនពលរដ្ឋនៅក្រុងសៀមរាប មានចំនួនជាង២១ម៉ឺនាក់។សូមជម្រាបថា ការផ្ដល់វ៉ាក់សាំងជូនពលរដ្ឋធ្វើឡើងចាប់ពីថ្ងៃទី១០ដល់ថ្ងៃទី២៣ខែកក្កដាឆ្នាំ២០២១នេះ៕អត្ថបទ ៖ សាវី

តំណាងអង្គការសុខភាពព្រមានថា ការឆ្លងរាលដាលកូវីដ-១៩ ចូលសហគមន៍កាន់តែរីកធំ បើគ្រប់គ្រងមិនបានលឿន

ភ្នំពេញ៖ តំណាងអង្គការសុខភាពពិភពលោកប្រចាំកម្ពុជា អ្នកស្រី លី អាយឡែន (Li Ailan) បានព្រមានថា ការឆ្លងរីករាលដាលនៃមេរោគកូវីដ-១៩ចូលក្នុងសហគមន៍នៅក្នុងប្រទេសកម្ពុជា កំពុងតែរីកធំឡើងៗ និងអាចលើសពីសមត្ថភាពនៃការគ្រប់គ្រងបានរបស់វិស័យសុខាភិបាល។អ្នកស្រី លី អាយឡែន បានព្រមានបែបនេះនៅលើទ្វីធ័រផ្ទាល់ខ្លួនរបស់អ្នកស្រី ដោយបញ្ជាក់ថា បញ្ហានេះកាន់តែរីកធំ ប្រសិនបើវិធានការបុគ្គល និងសង្គម មិនត្រូវបានអនុវត្តឱ្យបានលឿន និងប្រកបដោយប្រសិទ្ធភាពទេនោះ។តំណាងអង្គការសុខភាពពិភពលោក និយាយថា មេរោគកូវីដ-១៩ កំពុងសាយភាយធំធេង ហើយជីវិតមនុស្សកាន់តែច្រើន នឹងបាត់បង់។កាលពីខែមេសាកន្លងមក អ្នកស្រី លី អាយឡែន បានព្រមានម្ដងហើយថា កម្ពុជាកំពុងស្ថិតនៅមាត់ច្រាំងនៃសោកនាដកម្ម ដោយសារតែការឆ្លងរីករាលដាលយ៉ាងលឿននៃមេរោគកូវីដ-១៩។គិតត្រឹមថ្ងៃនេះ កម្ពុជារកឃើញមនុស្សរហូតដល់ ៦១ ៨៧០នាក់ហើយ បានឆ្លងមេរោគកូវីដ-១៩ ក្នុងនោះមនុស្ស ៩២៥នាក់បានស្លាប់បាត់បង់ជីវិត ហើយអ្នកជំងឺ ៥៣ ៤៧៧នាក់ ត្រូវបានព្យាបាលជាសះស្បើយ៕

សមិទ្ធផលថ្មីកំណាត់ផ្លូវជាតិលេខ៧ ស្គន់-កំពង់ចាម នឹងពង្រីកទៅជា៤គន្លងនាពេលឆាប់ៗ

កំពង់ចាម ៖ បើទោះបីកម្ពុជា រងវិបត្តិកូវីដ១៩ក៏ដោយ តែការអភិវឌ្ឍនៅតែបន្តកសាង ជួសជុលជាបន្តជានិច្ច ។ ជាក់ស្តែងនៅព្រឹកថ្ងៃទី១២ ខែកក្កដា ឆ្នាំ២០២១ នេះ ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានចុះសិក្សាលម្អិតលើគម្រោងផ្លូវ៤គន្លង លើផ្លូវជាតិលេខ៧ ក្នុងភូមិសាស្ត្រខេត្តកំពង់ចាម។ក្នុងការចុះសិក្សាលើគម្រោងពង្រីកផ្លូវជាតិលេខ៧នេះដែរ មានការចូលរួមពីសំណាក់ ឯកឧត្តម អ៊ុន ចាន់ដា អភិបាលខេត្តកំពង់ចាម និងមន្ត្រីជំនាញ ដើម្បីចុះពិនិត្យ និងសិក្សាផលប៉ះពាល់ រៀបចំកែលម្អ លើការពង្រីកគម្រោងផ្លូវ៤គន្លង ស្ថិតនៅលើណាត់ផ្លូវជាតិលេខ៧ ចាប់ពីទីប្រជុំជនស្គន់ ស្រុកជើងព្រៃ រហូតដល់គល់ស្ពាន គីហ្សូណា ក្រុងកំពង់ចាម ដែលមានប្រវែងប្រមាណជាង៤៥គីឡូម៉ែត្រ។សូមជម្រាបជូនថា សមិទ្ធផលថ្មីនេះ របស់សម្តេចជោ ហ៊ុន សែន ប្រមុខរាជរដ្ឋាភិបាលកម្ពុជា តាមរយៈ ក្រសួងសាធារណការ និងដឹកជញ្ជូន នៅតែបន្តកសាងស្ថាបនា ជួសជុលឡើង ដូចជាក់ស្តែងកំណាត់ផ្លូវជាតិលេខ៧ ចាប់ពីចំណុចរង្វង់មូលផ្សារស្គន់ រហូតគល់ស្ពានគីហ្សូណា ក្រុងកំពង់ចាម ដើម្បីពង្រីកទៅជាផ្លូវដែលមាន៤គន្លង ផ្តល់ភាពងាយស្រួលក្នុងការធ្វើដំណើរ ចរាចរណ៍ទៅវិញទៅមក ខណៈបច្ចប្បន្នកម្ពុជា មានកំណើនមធ្យោបាយដំណើរច្រើន៕អត្ថបទ សីហា

អាជ្ញាធរជាតិអប្សរា ជួសជុលប្រាសាទត្រពាំងផុង ផ្នែកខាងលិចសម្រេចបានជិត៤០ភាគរយ

សៀមរាប ៖ អ្នកជំនាញអាជ្ញាធរជាតិអប្សរា អះអាងថា កាលពីដើមឆ្នាំ២០២១នេះ អាជ្ញាធរជាតិអប្សរា បានធ្វើការជួសជុល ប្រាសាទត្រពាំងផុង ដើម្បីលើកតម្លៃ សំណង់បុរាណមួយនេះឡើងវិញ ក្រោយពេលមានការបាក់បែកដោយសារកត្ដាធម្មជាតិ។ក្រោយការជួសជុលរយៈពេល៦ខែកន្លងមកនេះ បានសម្រេចជិត៤០ភាគរយហើយ ។លោកសារាយ គឹមហួល បុរាណវិទូ និងជាប្រធានអភិរក្សតំបន់រលួស នៃអាជ្ញាធរជាតិអប្សរា បានឱ្យដឹងនៅថ្ងៃទី១២ខែកក្កដានេះថា ដោយមើលឃើញអំពីស្ថានភាពនៃការខូចខាត របស់ប្រាសាទត្រពាំងផុង ទើបនៅដើមឆ្នាំ២០២១នេះ អាជ្ញាធរជាតិអប្សរា បានធ្វើការជួសជុល ដើម្បីលើកតម្លៃ សំណង់បុរាណមួយនេះឡើងវិញ។ លោកបន្តថា ក្នុងដំណើរការជួសជុល ត្រូវបន្ថែមឥដ្ឋថ្មីប្រមាណពី២០ទៅ៣០ភាគរយ ជំនួសឥដ្ឋចាស់ដែលខូចខាត។ ដូច្នេះក្រុមអ្នកជំនាញជាតិ និងអន្តរជាតិ បានសិក្សាស្វែងយល់អំពីលក្ខណៈរបស់ឥដ្ឋ ដែលត្រូវយកមកជំនួសឥដ្ឋចាស់ ធ្វើយ៉ាងណាឱ្យគុណភាពឥដ្ឋថ្មី មានលក្ខណៈស្រដៀង និងឥដ្ឋចាស់។លោកបន្តថា នៅក្នុងគម្រោងជួសជួលប្រាសាទត្រពាំងផុងផ្នែកខាងលិច ត្រូវចំណាយពេលវេលាចំនួន១ឆ្នាំ ទើបរួចរាល់ ដែលមកដល់ពេលនេះដំណើរការជួសជុលសម្រេចបានប្រមាណ៤០ភាគរយហើយ។ ដោយការងារនេះ ជួបប្រទះបញ្ហាប្រឈមខ្លះៗ ដូចជាផ្លូវតូចចង្អៀតពិបាកធ្វើដំណើរ ការដឹកជញ្ជូនសម្ភារៈចេញចូល ខែវស្សាត្រូវធ្វើដំណើរដោយទូកជាដើម។លោកបានឱ្យដឹងទៀតថា ប្រាសាទត្រពាំងផុងនេះ ធ្លាប់មានការជួសជុល និងធ្វើកំណាយស្រាវជ្រាវម្តងរួចមកហើយ កាលពីអំឡុង១៩៣៦ ដោយសាលាបារាំងចុងបូពា៍ ដោយបានធ្វើការជួសជុលរៀបចំខឿន នៅបរិវេណជុំវិញតួរកណ្តាលនៃប្រាសាទ និងបានរកឃើញរូបចំលាក់មួយចំនួន យកទៅរក្សាទុកនៅអភិក្សដ្ឋានអង្គរ។សូមបញ្ជាក់ថា ប្រាសាទត្រពាំងផុង ជាប្រាសាទទោល សាងសង់អំពីឥដ្ឋ ស្ថិតនៅក្នុងភូមិគោកស្រុក ឃុំរលួស ស្រុកប្រាសាទបាគង ខេត្តសៀមរាប។ ប្រាសាទនេះ ត្រូវបានសាងសង់ឡើង នៅពាក់កណ្តាលសតវត្សទី៩ ដោយព្រះបាទជ័យវរ្ម័នទី៣ ឧទ្ទិសដល់ព្រហ្មសាសនា។ ដោយសារកត្តាអាកាសធាតុ អាយុកាល និងកត្តាមនុស្ស ធ្វើឱ្យប្រាសាទនេះ មានសភាពទ្រុឌទ្រោមជាខ្លាំង។ប្រាសាទត្រពាំងផុង មានទំហំខឿន០៧ម៉ែត្របួនជ្រុង និងកម្ពស់១៦ម៉ែត្រ ជាប្រាសាទទោល ធ្វើអំពីឥដ្ឋ៕អត្ថបទ សាវី

យុទ្ធនាការចាក់វ៉ាក់សាំងនៅក្នុងក្រុងដូនកែវ សម្រេចបានជាង៣០ភាគរយហើយរហូតមកដល់ថ្ងៃនេះ

តាកែវ ៖ យុទ្ធនាការចាក់វ៉ាក់សាំងនៅក្នុងក្រុងដូនកែវ ដែលចាប់ផ្ដើមតាំងពីថ្ងៃទី៩ ខែកក្កដា ឆ្នាំ២០២១ រហូតមកដល់ថ្ងៃនេះ សម្រេចបានប្រមាណ៩ពាន់នាក់ដែលគិតជាភាគរយគឺជាង៣០ភាគរយ។លោក កង អាណាន់ អភិបាលក្រុងដូនកែវ បានថ្លែងប្រាប់ទូរទស្សន៍BTV បានឲ្យដឹងថា គម្រោងចាក់វ៉ាក់សាំងបង្កាជំងឺកូវីដ១៩ ជូនដល់បងប្អូនប្រជាពលរដ្ឋ កម្មករព្រះសង្ឃ នៅក្នុងក្រុងដូនកែវចំនួនជិត៣ម៉ឺននាក់ រហូតមកដល់ពេលនេះសម្រេចបានជាង៩ពាន់នាក់ ពោលគឺប្រមាណជាង៣០ភាគរយ ហើយយើងរំពឹងថា នឹងចាក់ជូនបងប្អូនប្រជាពលរដ្ឋទៅតាមផែនការកំណត់។លោកអភិបាលក្រុងដូនកែវ បានថ្លែងបន្តថា ដំណើរការចាត់វ៉ាក់សាំងជូនបងប្អូនប្រជាពលរដ្ឋនៅក្នុងក្រុងដូនកែវប្រព្រឹត្តិទៅយ៉ាងរលូន មិនមានបញ្ហាអ្វីកើតឡើងនោះទេ។ ដោយឡែកសម្រាប់ប្រជាពលរដ្ឋនៅក្នុងក្រុងដូនកែវ រហូតមកដល់ពេលនេះ មានអ្នកឆ្លងជំងឺកូវីដ១៩ ចំនួន២១០ នាក់ ក្នុងនោះ ជាសះស្បើយចំនួន១៤៥នាក់ និង៥៥នាក់កំពុងតែសម្រាកព្យាបាល។គួរបញ្ជាក់ថា យុទ្ធនាការចាក់វ៉ាក់សាំងការពារជំងឺកូវីដ-១៩ ជូនប្រជាពលរដ្ឋនៅក្រុងដូនកែវចំនួនជិត៣ម៉ឺននាក់ បានចាប់ផ្ដើមពីថ្ងៃសុក្រ ទី០៩ខែកក្ដដា ឆ្នាំ២០២១ ដោយធ្វើឡើងចំនួន៥ទីតាំងគឺនៅមន្ទីរសុខាភិបាលខេត្ត មន្ទីរពេទ្យបង្អែកខេត្តតាកែវ ការិយាល័យស្រុកប្រតិបត្តិដូនកែវ សាលាសង្កាត់រកាក្រៅ និងសាលាសង្កាត់បារាយណ៍។ចំពោះបងប្អូនប្រជាពលរដ្ឋដែលមកទទួលចាក់វ៉ាក់សាំង គឺត្រូវមានអាយុចាប់ពី ១៨ឆ្នាំឡើងទៅដោយភ្ជាប់មកជាមួយនូវអត្តសញ្ញាណប័ណ្ណសញ្ជាតិខ្មែរ ឬ លិខិតឆ្លងដែន សំបុត្រកំណើត សៀវភៅគ្រួសារ ឬឯកសារបញ្ជាក់អត្តសញ្ញាណ៕ដោយ ៖ គុជ វិភាគ

សមាគមយុវជនក្រុម៨នាំយកទេយ្យទានរបស់ឯកឧត្តម ហ៊ុន ម៉ាណែត ប្រគេនជូនព្រះសង្ឃគង់នៅ ចំនួន១៦វត្ដ ក្នុងស្រុកជើងព្រៃ

កំពង់ចាម៖ សមាគមយុវជនក្រុម៨ តាមរយៈលោកបណ្ឌិត ម៉ឹង មករា បាននាំយកបច្ច័យ ទេយ្យទាន និងស្បៀងអាហារជាអំណោយរបស់ឯកឧត្តមបណ្ឌិត ហ៊ុន ម៉ាណែត និងលោកជំទាវ ពេជ ចន្ទមុន្នី ប្រគេនព្រះសង្ឃដែលគង់នៅចំនួន១៦វត្ត នៅស្រុកជើងព្រៃ ខេត្ដកំពង់ចាម កាលពីថ្ងៃម្សិលមិញនេះ។សូមជម្រាបថា បច្ចុប្បន្នសមាគមយុវជនក្រុម៨ ក្រោមការដឹកនាំរបស់លោបណ្ឌិត ម៉ឹង មករា បានរួមចំណែកក្នុងការជួយដល់កិច្ចការមនុស្សធម៌ជាច្រើន ដូចជា វិស័យសុខាភិបាល វិស័យអប់រំ វិស័យកសិកម្ម និងការកសាងហេដ្ឋារចនាសម្ព័ន្ធជូនប្រជាពលរដ្ឋនៅជនបទជាដើម។សមាគមយុវជនក្រុម៨ ក៏តែងតែយកចិត្តទុកដាក់ជួយឧបត្ថម្ភគ្រឿងឧបភោគបរិភោគដល់គ្រួសារទីទាល់ក្រ ជនពិការ ចាស់ជរា សាងសង់ទីជម្រកជូនប្រជាពលរដ្ឋទីទាល់ក្រ ព្រមទាំងប្រគេននូវបច្ច័យ ម្ហូបអាហារ និងទេយ្យទានផ្សេងៗទៀតទៅដល់វត្តអារាមនានា ដែលខ្វះខាតចង្ហាន់សម្រាប់ព្រះសង្ឃ ក៏ដូចជាលោកតា លោកយាយចាស់ៗ ដែលស្នាក់នៅក្នុងវត្ត ពិសេសក្នុងកំឡុងវិបត្តិនៃជំងឺឆ្លងកូវីដ-១៩ ដើម្បីរួមចំណែកជាមួយរាជរដ្ឋាភិបាលក្នុងការកាត់បន្ថយភាពក្រីក្ររបស់ប្រជាពលរដ្ឋនៅតាមជនបទ។ទេយ្យទានដែលត្រូវបានប្រគេន រួមមាន៖ បច្ច័យចំនួន ៥,២២០,០០០រៀល, អង្ករ ២០០០គីឡូក្រាម, ទឹកបរិសុទ្ធ ១១០កេស និង៤០យួរ, ប្រេងឆា ១១កេស, មី ៤២កេស, ត្រីខ ៣៦យួរ, ទឹកត្រី ៤៥យួរ, ទឹកស៊ីអ៊ីវ ៤៥យួរ, ស្ករស ៣០គីឡូក្រាម, អំបិល ៥គីឡូក្រាម, តែ ២៦កញ្ចប់, ពងទាប្រៃ ២០០គ្រាប់, ទឹកផ្លែឈើ ១១កេស, ទឹកដោះគោខាប់ ៤០កំប៉ុង, ទឹកដោះគោឆៅ ១ឡូ, ទៀនវស្សា ៤គូរ និង ស្លាដក់ ២ឈុត៕អត្ថបទ៖ កុម្ភះ

ស្នងការខេត្តឧត្តរមានជ័យបញ្ជាក់ថា ការឆ្លងដែនខុសច្បាប់ចូលកម្ពុជាត្រូវបានទប់ស្កាត់ទាំងស្រុង

ឧត្តរមានជ័យ៖ លោកឧត្តមសេនីយ៍ទោ ហួត សុធី ស្នងការនគរបាលខេត្តឧត្តរមានជ័យបានបញ្ជាក់ថា ការឆ្លងដែនខុសច្បាប់របស់ពលករមកពីប្រទេសថៃ ត្រូវបានទប់ស្កាត់ទាំងស្រុងក្រោយពីមានការបង្ក្រាប និងអនុវត្តតាមផ្លូវច្បាប់ជាបន្តបន្ទាប់។ថ្លែងក្នុងសម្ភាសន៍ជាមួយ BTV កាលពីថ្មីៗនេះ លោកឧត្តមសេនីយ៍ទោ ហួត សុធី ស្នងការនគរបាលខេត្តឧត្តរមានជ័យបានឱ្យដឹងថា ពាក់ព័ន្ធនឹងកិច្ចការទប់ស្កាត់បញ្ហាឆ្លងរាតត្បាតជាសកលនូវជំងឺកូវីដ១៩ កងកម្លាំងនគរបាលខេត្តឧត្តរមានជ័យដោយអនុវត្តតាមបទបញ្ជា របស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក៏ដូចជានាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ជុំវិញការរៀបចំផែនការអនុវត្តឱ្យបានម៉ឺងម៉ាត់ និងមានប្រសិទ្ធភាពបំផុត កងកម្លាំងនគរបាលខេត្តឧត្តរមានជ័យ ត្រូវបានចូលរួមយ៉ាងសកម្មក្នុងគោលដៅ ធានានូវការទប់ស្កាត់ការឆ្លងដែនខុសច្បាប់ របស់បងប្អូនពលករមកពីប្រទេសថៃ ខណៈ:ស្ថានភាពនៃការឆ្លងរាលដាលជំងឺកូវីដ១៩ ក្នុងប្រទេសថៃបន្តកើនឡើងជារៀងរាល់ថ្ងៃ។លោកឧត្តមសេនីយ៍ទោ ហួត សុធី បានបញ្ជាក់ថា កាលពីថ្មីៗនេះនគរបាលខេត្តឧត្តរមានជ័យ បានអនុវត្តទៅតាមផ្លូវច្បាប់ចំពោះករណីឆ្លងដែនខុសច្បាប់ ក៏ដូចជាមេខ្យល់មួយចំនួន ស្របពេលនគរបាលវរៈការពារព្រំដែនគោក ត្រូវបានដាក់ពង្រាយតាមច្រកនានា ពិសេសច្រកល្បៀងជាដើម ដើម្បីទប់ស្កាត់ការឆ្លងដែនខុសច្បាប់។ ពាក់ព័ន្ធនឹងការឆ្លងដែនរបស់ពលករមកពីប្រទេសថៃចូលតាមខេត្តឧត្តរមានជ័យ លោកឧត្តមសេនីយ៍ទោ ហួត សុធី បន្តថា ក្នុងពេលបច្ចុប្បន្នពលករបានប្រើប្រាស់មធ្យោបាយ នៃការធ្វើដំណើរចូលមកកម្ពុជាតាមច្រកព្រំដែនអន្តរជាតិអូរស្មាច់ ខណៈកងកម្លាំងនគរបាលចម្រុះបានសហការ ជាមួយកងកម្លាំងទាហានចុះល្បាតតាមបណ្ដាគោលដៅទាំង២៩ ២៤ម៉ោងលើ ២៤ម៉ោង។ដោយឡែកពាក់ព័ន្ធ នឹងការទប់ស្កាត់ការឆ្លងរាលដាលជំងឺកូវីដក្នុងសហគមន៍ លោកឧត្តមសេនីយ៍ទោ ហួត សុធី បានលើកឡើងថា កងកម្លាំងនគរបាលទាំងអស់បានខិតខំអនុវត្តទៅតាមបទបញ្ជា របស់សម្តេចតេជោនាយករដ្ឋមន្ត្រី និងនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ ជុំវិញការទប់ស្កាត់បញ្ហាជំងឺកូវីដ១៩ តាមរយៈការណែនាំជាប្រចាំ ហើយជាពិសេសគឺការអនុវត្ត៣កុំ និង៣ការពារ។ បន្ថែមលើសពីនេះ លោកឧត្ដមសេនីយ៍ទោ ហួត សុធី បានឱ្យទៀតថា ដើម្បីចូលរួមទប់ស្កាត់ការឆ្លងរាលដាលជំងឺកូវីដ១៩ក្នុងសហគមន៍ កងកម្លាំងនគរបាលបានចូលរួមការពារទីតាំងធ្វើចត្តាឡីស័ក និងមណ្ឌលព្យាបាលកូវីដ១៩ គ្រប់ទីតាំងនៃស្រុក-ក្រុងចំនួន ៥ ផងដែរ៕ អត្ថបទ៖ សេក ឧត្តម

គ្រូពេទ្យស្ម័គ្រចិត្តឯកឧត្ដម ហ៊ុន ម៉ានី បំពេញបេសកកម្មចុះចាក់វ៉ាក់សាំងជូនពលរដ្ឋខេត្តឧត្តរមានជ័យ

ឧត្តរមានជ័យ៖ តបតាមការឧទ្ទេសនាមរបស់គណៈកម្មការចំពោះកិច្ចចាក់វ៉ាក់សាំងកូវីដ-១៩ ក្របខណ្ឌទូទាំងប្រទេស នាព្រឹកថ្ងៃទី១១ ខែកក្កដា ឆ្នាំ២០២១នេះ តាមយុទ្ធសាស្ត្រ《ផ្ការីក》ដែលជាចក្ខុវិស័យដ៏ខ្ពង់ខ្ពស់របស់តេជោ ហ៊ុន សែន កម្លាំងជំនាញក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី មាន ២២ក្រុមស្មើនឹង ២២០នាក់ ដឹកនាំដោយប្រធានក្រុមសម្របសម្រួល ១៨នាក់ និងជំនួយការចំនួន ៥៣នាក់ សរុបទាំងអស់មានចំនួន ២៩១នាក់បានចុះបេសកកម្មទៅកាន់ខេត្តឧត្តរមានជ័យ ដើម្បីចាក់វ៉ាក់សាំងជូនបងប្អូនប្រជាពលរដ្ឋ។ឯកឧត្តម លេង ផាលី ប្រធានប្រតិបត្តិក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី តំណាងឯកឧត្តម ហ៊ុន ម៉ានី ប្រធានកិត្តិយសក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី បានមានប្រសាសន៍ថា ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ក្រោមការដឹកនាំចង្អុលបង្ហាញដោយផ្ទាល់របស់បងប្រធាន ហ៊ុន ម៉ានី ស្ម័គ្រចិត្តចូលរួមកិច្ចការសង្គម បម្រើប្រជាជន និងជាតិមាតុភូមិគ្រប់ទីកន្លែង មិនថាទីជិត ទីឆ្ងាយឯនាយជាយដែននោះទេ។ សម្រាប់យុទ្ធនាការចាក់វ៉ាក់សាំងកូវីដ-១៩ ក្នុងក្រុងសំរោង ស្រុកអន្លង់វែង និងស្រុកត្រពាំងប្រាសាទ ខេត្តឧត្តរមានជ័យ ដូសទី១ ចាប់ពីថ្ងៃទី១២ ដល់ថ្ងៃទី២៦ ខែកក្កដា ឆ្នាំ២០២១ និងដូសទី២ ចាប់ពីថ្ងៃទី២៧ ខែកក្កដាដល់ថ្ងៃទី០៩ ខែសីហា ឆ្នាំ២០២១។ បើតាមបណ្ឌិត អ៊ី លីម៉ា អនុប្រធានក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី និងជាសាកលវិទ្យាធិការរងនៃសាកលវិទ្យាល័យចេនឡាបានលើកឡើងថា ក្រោយពីទទួលបានលិខិតឧទ្ទេសនាមពីក្រសួងសុខាភិបាល និងក្រោមការដឹកនាំរបស់ឯកឧត្តម លេង ផាលី ប្រធានប្រតិបតិ្តក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី និងមានតំណាងប្រធាន អនុប្រធានក្រុមនីមួយៗបានរៀបចំចាត់ចែង ដើម្បីឲ្យយុទ្ធនាការចាក់វ៉ាក់សាំងទទួលបានជោគជ័យ គឺក្រុមការងារគ្រូពេទ្យបានទំនាក់ទំនង និងធ្វើកិច្ចសហការជាមួយថ្នាក់ដឹកនាំខេត្ត និងប្រធានសហភាពសហព័ន្ធយុវជនកម្ពុជាខេត្ត និងមនី្ទរសុខាភិបាលខេត្តឧត្តរមានជ័យ ដើម្បីដោះស្រាយធ្វើយ៉ាងណាឲ្យសម្ភារៈ ការស្នាក់នៅ និងដំណើរការចាក់វ៉ាក់សាំងជូនប្រជាពលរដ្ឋ មានភាពរលូនល្អប្រសើរ។ជាចុងក្រោយឯកឧត្តម លេង ផាលី បានបញ្ជាក់ទៀតថា ដំណើរបេសកកម្មថ្មីនេះត្រូវបានអនុវត្ត បន្ទាប់ពីក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី បានបញ្ចប់ដោយជោគជ័យក្នុងការចូលរួមចាក់វ៉ាក់សាំងកូវីដ-១៩ ក្នុងភូមិសាស្ត្ររាជធានីភ្នំពេញ និងខេត្តកណ្ដាល។ ដូច្នេះសូមបងប្អូនប្រជាពលរដ្ឋដែលដល់វេន ទទួលការចាក់វ៉ាក់សាំងបង្ការជំងឺកូវីដ-១៩ សូមអញ្ជើញទៅចាក់វ៉ាក់សាំងឱ្យបានគ្រប់ៗគ្នា និងសូមឱ្យមានការជឿជាក់លើការដឹកនាំរបស់សម្តេចអគ្គមហាសេនាបតីតេជោ ហ៊ុន សែន ដែលបានលះបង់ទាំងកម្លាំងកាយ កម្លាំងចិត្ត មិនខ្លាចការនឿយហត់ ដើម្បីសេចកី្តសុខទុក្ខប្រជាពលរដ្ឋទូទាំងប្រទេស។ ហើយក៏សូមឲ្យលោកគ្រូ អ្នកគ្រូពេទ្យ ប្រធានក្រុមសម្របសម្រួល និងក្រុមការងារទាំងអស់យកចិត្តទុកដាក់ថែរក្សាសុខភាព និងសូមជូនពរបងប្អូនធ្វើដំណើរដោយសុខសុវត្ថិភាព និងជោគជ័យក្នុងបេសកកម្មចាក់វ៉ាក់សាំងកូវីដ១៩ ជូនបងប្អូនប្រជាពលរដ្ឋខេត្តឧត្តរមានជ័យ៕អត្ថបទ៖ រដ្ឋា

បណ្ដាញសង្គម

ព័ត៌មានថ្មីៗ

អ៊ីស្រាអែលបង្កើនការវាយប្រហារលើតំបន់ភាគខាងត្បូងលីបង់ បណ្តាលឲ្យមនុស្សយ៉ាងហោច ១៦នាក់ស្លាប់

រុស្ស៊ីចុះហត្ថលេខាលើកិច្ចព្រមព្រៀងតម្លៃ ១៦,៥ពាន់លានដុល្លារ ដើម្បីសាងសង់រោងចក្រថាមពលនុយក្លេអ៊ែរដំបូងនៅកាហ្សាក់ស្ថាន

រុស្ស៊ី៖ អឺរ៉ុបគួរបង្ហាញភ័ស្តុតាងពីអំណះអំណាងថាទីក្រុងមូស្គូរំខានសញ្ញា GPS

មន្ត្រីរុស្ស៊ី៖ គំនិតផ្តួចផ្តើមសន្តិភាពអ៊ុយក្រែន ជាមួយសហរដ្ឋអាមេរិក កំពុង «ជាប់គាំង»

ក្រុមហ៊ុន Temu របស់ចិនរងការផាកពិន័យ ២៣២លានដុល្លារ សម្រាប់ការបំពានច្បាប់លក់របស់ EU

ទីភ្នាក់ងារអាកាសធាតុអេស្ប៉ាញ ព្យាករសីតុណ្ហភាពខ្ពស់ខ្លាំងអំឡុងរដូវក្តៅ និងហានិភ័យភ្លើងឆេះព្រៃ

កូរ៉េខាងត្បូងធ្វើសមយុទ្ធបាញ់គ្រាប់ពិត ដើម្បីបញ្ជាក់ការជំរុញការការពារពឹងផ្អែកលើខ្លួនឯង

លោក Zelenskiy ៖ អ៊ុយក្រែនរៀបចំជំហានដឹរឹងមាំសម្រាប់យន្តហោះចម្បាំង Gripen

នាយករដ្ឋមន្រ្តីជប៉ុនលោកស្រី Takaichi ជួបពិភាក្សាការងារជាមួយប្រធានាធិបតីហ្វីលីពីននៅទីក្រុងតូក្យូ

កម្មករធ្វើផ្លូវនៅភាគនិរតីប្រទេសបារាំង ពិបាកស៊ូទ្រាំនឹងអាកាសធាតុក្តៅខ្លាំងអំឡុងខែឧសភា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

មន្រី្តសុខាភិបាលរាជធានីភ្នំពេញ ស្នើប្រជាពលរដ្ឋប្រើឧបករណ៍តេស្តរហ័ស ដែលទទួលស្គាល់ដោយក្រសួងសុខាភិបាល

ស្នងការដ្ឋានខេត្តឧត្តរមានជ័យ ចុះសម្អាតរៀបចំទីតាំងលានដំឡូងមួយកន្លែងត្រៀមសំរាប់ដាក់ពលករធ្វើចត្តាឡីស័ក

ពលរដ្ឋនៅក្រុងសៀមរាប ថ្លែងអំណរគុណដល់រដ្ឋាភិបាល ដែលផ្ដល់វ៉ាក់សាំងបង្កាជំងឺកូវីដ១៩

តំណាងអង្គការសុខភាពព្រមានថា ការឆ្លងរាលដាលកូវីដ-១៩ ចូលសហគមន៍កាន់តែរីកធំ បើគ្រប់គ្រងមិនបានលឿន

សមិទ្ធផលថ្មីកំណាត់ផ្លូវជាតិលេខ៧ ស្គន់-កំពង់ចាម នឹងពង្រីកទៅជា៤គន្លងនាពេលឆាប់ៗ

អាជ្ញាធរជាតិអប្សរា ជួសជុលប្រាសាទត្រពាំងផុង ផ្នែកខាងលិចសម្រេចបានជិត៤០ភាគរយ

យុទ្ធនាការចាក់វ៉ាក់សាំងនៅក្នុងក្រុងដូនកែវ សម្រេចបានជាង៣០ភាគរយហើយរហូតមកដល់ថ្ងៃនេះ

ស្នងការខេត្តឧត្តរមានជ័យបញ្ជាក់ថា ការឆ្លងដែនខុសច្បាប់ចូលកម្ពុជាត្រូវបានទប់ស្កាត់ទាំងស្រុង

គ្រូពេទ្យស្ម័គ្រចិត្តឯកឧត្ដម ហ៊ុន ម៉ានី បំពេញបេសកកម្មចុះចាក់វ៉ាក់សាំងជូនពលរដ្ឋខេត្តឧត្តរមានជ័យ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

មន្រី្តសុខាភិបាលរាជធានីភ្នំពេញ ស្នើប្រជាពលរដ្ឋប្រើឧបករណ៍តេស្តរហ័ស ដែលទទួលស្គាល់​ដោយ​ក្រសួងសុខាភិបាល

ពលរដ្ឋនៅក្រុងសៀមរាប ថ្លែងអំណរគុណដល់រដ្ឋាភិបាល ដែលផ្ដល់វ៉ាក់សាំងបង្កាជំងឺកូវីដ១៩

សមិទ្ធផលថ្មីកំណាត់ផ្លូវជាតិលេខ៧ ស្គន់-កំពង់ចាម នឹងពង្រីកទៅជា៤គន្លងនាពេលឆាប់ៗ

អាជ្ញាធរជាតិអប្សរា ជួសជុលប្រាសាទត្រពាំងផុង ផ្នែកខាងលិចសម្រេចបានជិត៤០ភាគរយ

យុទ្ធនាការចាក់វ៉ាក់សាំងនៅក្នុងក្រុងដូនកែវ សម្រេចបានជាង៣០ភាគរយ​ហើយ​រហូតមក​ដល់​ថ្ងៃនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

មន្រី្តសុខាភិបាលរាជធានីភ្នំពេញ ស្នើប្រជាពលរដ្ឋប្រើឧបករណ៍តេស្តរហ័ស ដែលទទួលស្គាល់ដោយក្រសួងសុខាភិបាល

យុទ្ធនាការចាក់វ៉ាក់សាំងនៅក្នុងក្រុងដូនកែវ សម្រេចបានជាង៣០ភាគរយហើយរហូតមកដល់ថ្ងៃនេះ