BTV NEWS

ប្រធានក្រុមការងារចុះមូលដ្ឋាន ប្រកាសបញ្ចូលសមាជិកថ្មីគណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ

សម្ដេចតេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន

ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី

ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

ប្រមុខការពារជាតិកម្ពុជា អគុណអាមេរិកដែលជួយបណ្តុះបណ្តាលជំនាញយោធាកម្ពុជា នាពេលកន្លងទៅ

ភ្នំពេញ ៖ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិកម្ពុជា បានថ្លែងអំណរគុណចំពោះសមានចិត្តរបស់អាមេរិក ដែលបានជួយបណ្តុះបណ្តាលជំនាញយោធាកម្ពុជា នាពេលកន្លងទៅ ជាពិសេសការហ្វឹកហ្វឺនដល់កងកម្លាំងរក្សាសន្តិភាពកម្ពុជាក្រោមឆត្រអង្គការសហប្រជាជាតិ ដែលជំនាញនេះ បានធ្វើឲ្យកម្ពុជាមានមុខមានមាត់លើឆាកអន្តរជាតិនោះ។ការថ្លែងអំណរគុណរបស់ប្រមុខការពារជាតិកម្ពុជានេះ គឺបានធ្វើឡើងនៅក្នុងកិច្ចជំនួបជាមួយលោក វរសេនីយ៍ឯក ម៉ាកូស ហ្វេរ៉ារ៉ា នាយការិយាល័យអនុព័ន្ធយោធាអាមេរិក ដែលត្រូវបានចប់អាណត្តិបេសកកម្មនៅកម្ពុជា និងនាយការិយាល័យអនុព័ន្ធយោធាអាមេរិកប្រចាំនៅកម្ពុជាថ្មី នារសៀលថ្ងៃទី៧ ខែ មិថុនា ឆ្នាំ២០២១នេះ នៅវិមានសន្តិភាព។សម្តេចពិជ័យសេនាទៀ បាញ់ បានលើកឡើងថាក្នុងអំឡុងបេសកកម្មរបស់លោកម៉ាកូស ហ្វេរ៉ារ៉ា នាពេលកន្លងទៅមានលទ្ធផលជាផ្លែផ្កា រក្សាបាននូវចំណងមិត្តភាព និងកិច្ចសហប្រតិបត្តិការលើគ្រប់វិស័យ រវាងកងទ័ពនៃប្រទេសទាំងពីរ(កម្ពុជា-កងទ័ពអាមេរិក)។នៅក្នុងកិច្ចជំនួបនោះ សម្តេចពិជ័យសេនា ទៀ បាញ់ បានថ្លែងអំណរគុណចំពោះសមានចិត្ត និងសកម្មភាពជាច្រើនរបស់អាមេរិក ដែលបានជួយគាំទ្រដល់ប្រទេសកម្ពុជា នាពេលកន្លងមក ដូចជា ដំណើរស្វែងរកសន្តិភាព ការទទួលនាយទាហានកម្ពុជាទៅបណ្តុះបណ្តាលនៅអាមេរិក ដើម្បីលើកកម្ពស់ផ្នែកធនធានមនុស្សក្នុងជូរកងទ័ព និងធ្វើឲ្យកងទ័ពកម្ពុជាបានទទួលបទពិសោធន៍ល្អៗលើជំនាញនានាជាដើម។សម្តេចពិជ័យសេនា បានលើកឡើងទៀតថា«សូមថ្លែងអំណរគុណចំពោះអាមេរិក ជួយគាំទ្រដល់កងយោធពលខេមរភូមិន្ទ នាពេលកន្លងមក ដូចជា ការហ្វឹកហ្វឺនពហុសាសន៍នៅទីលានបាញ់គ្រាប់ពិត អាស៊ីអូ ការរៀបចំលំហាត់ហ្វឹកហ្វឺនពហុសាសន៍ GPOI ការបញ្ជូនយោធាចារ្យជួយហ្វឹកហ្វឺនដល់កងកម្លាំងរក្សាសន្តិភាពកម្ពុជាក្រោមឆត្រអង្គការសហប្រជាជាតិ ដែលជំនាញទាំងនេះបានធ្វើឲ្យកងទ័ពកម្ពុជា មានភាពល្បីល្បាញ និងមានមុខមានមាត់លើឆាកអន្តរជាតិរហូតដល់នាពេលបច្ចុប្បន្ននេះ»។ថ្លែងនៅក្នុងកិច្ចជំនួបនោះដែរលោក វរសេនីយ៍ឯក ម៉ាកូស ហ្វេរ៉ារ៉ា បានសម្ដែងអំណរគុណចំពោះ សម្តេចពិជ័យសេនាទៀ បាញ់ ដែលបានអនុញ្ញាតឲ្យលោក និងក្រុមការងារចូលជួបសម្តែងការគួរសម និងជម្រាបលា រួមទាំងបង្ហាញមុខអនុព័ន្ធយោធាអាមេរិកថ្មីនាពេលនេះ។លោកម៉ាកូស ហ្វេរ៉ារ៉ា ក៏បានថ្លែងអំណរគុណចំពោះក្រសួងការពារជាតិកម្ពុជា ក៏ដូចជាយោធិនកម្ពុជាទាំងអស់ ដែលបានគាំទ្រកិច្ចសហប្រតិបត្តិការការងារបានយ៉ាងល្អជាមួយកងទ័ពអាមេរិកនាពេលកន្លងទៅ ហើយតាមរយៈកិច្ចសហការនេះបានរក្សានូវចំណងមិត្តភាពរវាងកងទ័ពកម្ពុជា និងអាមេរិកកាន់តែល្អប្រសើបន្ថែមទៀតផងដែរ។យ៉ាងណាក៏ដោយនៅក្នុងកិច្ចជំនួបរបស់ប្រមុខការពារជាតិកម្ពុជា ជាមួយលោកម៉ាកូស ហ្វេរ៉ារ៉ា អនុព័ន្ធយោធាអាមេរិកនេះ ពុំបាននិយាយអំពីកាលកំណត់វេលា នៃដំណើរទស្សនកិច្ចរបស់យោធាអាមេរិក ឬមន្ត្រីទូតអាមេរិកប្រចាំនៅកម្ពុជា នៅក្នុងតំបន់មួយចំនួននៃសមុទ្ររាមកម្ពុជានោះឡើយ ខណៈនៅក្នុងកិច្ចជំនួបភាគីទាំងពីរបាន អះអាងថា កិច្ចសហប្រតិបត្តិការទ្វេភាគីរវាងកងទ័ពកម្ពុជា និងអាមេរិក នឹងកាន់តែល្អប្រសើរបន្ថែមទៀត នៅក្នុងអាណត្តិថ្មីរបស់អនុព័ន្ធយោធាអាមេរិកប្រចាំនៅកម្ពុជានេះ៕អត្ថបទបាន ចក់

ខណ្ឌច្បារអំពៅដំណើរការចាក់វ៉ាក់សាំងបង្ការកូវីដ-១៩ដូសទី២ ខណៈពលរដ្ឋដែលនឹងត្រូវចាក់ប្រមាណជាង៩ម៉ឺននាក់

ភ្នំពេញ ៖ នៅថ្ងៃទី៨ខែមិថុនានេះ ជាថ្ងៃចាប់ផ្ដើមការចាក់វ៉ាក់សាំងដូសទី២ ជូនប្រជាពលរដ្ឋដែល មានអាយុចាប់ពី១៨ឆ្នាំឡើងទៅ នៅខណ្ឌច្បារអំពៅ រាជធានីភ្នំពេញ។ សម្រាប់ការចាក់វ៉ាក់សាំងបង្ការកូវីដ-១៩ ដូសទី ២នៅទីតាំងខណ្ឌច្បារអំពៅ ប្រជាពលរដ្ឋសរុបដែលត្រូវមកទទួលដូសទី២ គឺមានចំនួន ៩៦ ០៥១នាក់ ក្រោយបានទទួលការចាក់លើកទី១រួចនោះ។ នេះជាចំនួនដែលបង្ហាញដោយរដ្ឋបាលខណ្ឌច្បារអំពៅ។សម្រាប់ការចាក់វ៉ាក់សាំងបង្ការកូវីដ-១៩ដូសទី២ នៅខណ្ឌច្បារអំពៅ បានចាប់ផ្ដើមឡើងនៅថ្ងៃទី ៨ រហូតដល់ថ្ងៃទី២១ ខែមិថុនាឆ្នាំ២០២១ខាងមុខ ដោយមានប្រជាពលរដ្ឋដែលត្រូវទទួលការចាក់សរុបចំនួន ៩៦ ០៥១នាក់។ សម្រាប់ការចាក់វ៉ាក់សាំងដូសទី ២នេះ ខណ្ឌច្បារអំពៅ នៅបន្តរៀបចំឡើងលើ ១០ទីតាំងដដែល ដើម្បីបញ្ចៀសការប្រមូលផ្ដុំ និងពន្លឿនសកម្មភាពការងារឱ្យបានឆាប់រហ័ស។ សម្រាប់ទីតាំងទាំង១០នេះ រួមមាន សាលាបឋមសិក្សាច្បារអំពៅទី១ វត្តពោធិ៍ព្រះបាត្រ ទីលានកីឡា បុរីប៉ែងហួត សាលាបឋមសិក្សាឬស្សីស្រស់ សាលាបឋមសិក្សាបឹងឈូកប្រជុំវង្ស អនុវិទ្យាល័យព្រែកប្រាលើ សាលាបឋមសិក្សាវាលស្បូវ វិទ្យាល័យព្រែកឯង សាលាបឋមសិក្សាយកបាត្រ និងទីតាំងទី ១០ គឺនៅវិទ្យាល័យព្រែកថ្មី។សម្រាប់ការមកទទួលចាក់វ៉ាក់សាំងដូសទី២ នៅថ្ងៃនេះ ប្រជាពលរដ្ឋបានបង្ហាញនូវការត្រេកអរ ហើយពួកគាត់លើកឡើងថា ការវ៉ាក់សាំងរួចរាល់ទាំងពីរដូស ធ្វើឱ្យពួកគាត់មានភាពកក់ក្ដៅកាន់តែខ្ពស់ ដោយភ្ជាប់ជាមួយវិធានការ ៣ការពារ ៣កុំ។ ពួកគាត់សង្ឃឹមថា ការចាក់វ៉ាក់សាំងជូនពលរដ្ឋបានកាន់តែច្រើន នឹងធ្វើឱ្យស្ថានភាពសង្គម ការប្រកបរបរចិញ្ចឹមជីវិតវិលទៅភាពល្អប្រសើរ។ ពួកគាត់សប្បាយចិត្តជាខ្លាំង ដែលរាជរដ្ឋាភិបាល ស្វះស្វែងរកជំនួយនិងទិញវ៉ាក់សាំងជូនពលរដ្ឋដោយមិនគិតថ្លៃ។ជុំវិញដំណើរការចាក់វ៉ាក់សាំង គិតត្រឹមថ្ងៃទី ៧ខែមិថុនាម្សិលម៉ិញនេះ ប្រជាពលរដ្ឋកម្ពុជាចំនួនជាង ២លាន៧សែននាក់ បានចាក់វ៉ាក់សាំងរួចរាល់ ដោយគិតជាភាគរយស្មើនឹង ២៧,៦៦% នៃចំនួនប្រជាពលរដ្ឋគោលដៅសរុប ១០លាននាក់៕អត្ថបទ៖គឹមហុក

សហជីព ស្នើសុំអន្តរាគមន៍ពីក្រសួងការងារលើគម្រោងកាត់បន្ថយបុគ្គលិករបស់ក្រុមហ៊ុនណាហ្គាវើលដ៍

ភ្នំពេញ ៖ សហជីពទ្រទ្រង់សិទ្ធិការងារបុគ្គលិកកម្មករខ្មែរ នៃក្រុមហ៊ុនណាហ្គាវើលដ៍ នៅព្រឹកថ្ងៃទី៨ មិថុនា ឆ្នាំ២០២១នេះ បានដាក់ញត្តិទៅក្រសួងការងារ និងបណ្តុះបណ្តាលវិជ្ជាជីវៈ ដើម្បីស្នើសុំអន្តរាគមន៍ ខណៈដែលក្រុមហ៊ុនប្រកាសនូវគម្រោងកាត់បន្ថយបុគ្គលិករហូតជាង ១ពាន់នាក់។អ្នកនាង ឈុន សុខា អនុប្រធានសហជីពទ្រទ្រង់សិទ្ធិការងារបុគ្គលិកកម្មករខ្មែរ នៃក្រុមហ៊ុនណាហ្គាវើលដ៍ បានឲ្យដឹងថា ការស្នើសុំអន្តរាគមន៍ពីក្រសួងការងារនិងបណ្តុះបណ្តាលវិជ្ជាជីវៈ ដើម្បីស្វែងរកដំណោះស្រាយនេះ គឺបានប្រមូលនូវស្នាមមេដៃរបស់កម្មករនិយោជិត និងសមាជិកសហជីពសរុបជាង ២ពាន់នាក់ ដើម្បីប្តឹងទាមទារពីនិយោជកនៃក្រុមហ៊ុនណាហ្គាវើលដ៍នូវចំណុចមួយចំនួន។លក្ខខ័ណ្ឌទាំងនោះ មានដូចជា គឺទី១ ទាមទារឲ្យក្រុមហ៊ុនបញ្ឈប់បន្ទាន់នូវគម្រោងកាត់បន្ថយបុគ្គលិក, ទីពីរទាមទារឲ្យក្រុមហ៊ុនបញ្ឈប់ការបំភិតបំភ័យបុគ្គលិកតាមរយៈកោះហៅកន្លងមក, និងទីបីទាមទារឲ្យក្រុមហ៊ុនផ្តល់ប្រាក់បំណាច់ផ្ដាច់កិច្ចសន្យាការងារឲ្យបានត្រឹមត្រូវស្របតាមច្បាប់។សហជីពក៏ទាមទារឲ្យក្រុមហ៊ុនបន្តផ្តល់ឡើងវិញនូវប្រាក់បំណាច់អតីតភាពការងារនិងប្រាក់រំលឹកបំណាច់អតីតភាពការងារជូនបុគ្គលិកទាំងអស់ដែលកំពុងបំរើការងារ និងទាមទារឲ្យក្រុមហ៊ុនអនុវត្តវិធានការសុខាភិបាលនៅកន្លែងការងារឲ្យបានត្រឹមត្រូវស្របតាមការណែនាំក្រសួងសុខាភិបាល និងអង្គការសុខភាពពិភពលោក ដើម្បីរួមចំណែកទប់ស្កាត់ការឆ្លងរាលដាលជំងឺកូវីដ-១៩ នៅក្នុងក្រុមហ៊ុន។ អ្នកនាងឲ្យដឹងទៀតថា ប្រសិនបើ នៅតែគ្មានដំណោះស្រាយឬផ្សះផ្សារបានទៀតនោះ ក្រុមកម្មករនិយោជិត និងសមាជិកសហជីព នឹងបន្តដាក់ពាក្យបណ្តឹងថែមទៀតទៅតាមផ្លូវច្បាប់។ឯកឧត្តម ហេង សួរ រដ្ឋលេខាធិការ និងជាអ្នកនាំពាក្យនៃក្រសួងការងារ និងបណ្តុះបណ្តាលវិជ្ជាជីវៈ បានមានប្រសាសន៍ថា ក្រសួងទទួលបានលិខិតរបស់សហជីពហើយ ជានីតិវិធី ក្រសួងនឹងអនុវត្តទៅតាមនីតិវិធីនៃការដោះស្រាយវិវាទនៅកម្ពុជា។ ឯកឧត្តម បន្ថែមថា ក្រសួងមិនអាចធ្វើអ្វីក្រៅនីតិវិធីនោះទេ ទោះជាជម្លោះនៅក្នុងវិស័យណាក៏ដោយ។សូមបញ្ជាក់ថា ការទាមទារខាងលើនេះ របស់កម្មករនិយោជិត និងសមាជិកសហជីព ធ្វើឡើងបន្ទាប់ពីក្រុមហ៊ុន ណាហ្គាវើលដ៍ បានចាប់ដំណើរការបញ្ឈប់បុគ្គលិកចំនួនជាង១ ៣០០នាក់ ក្នុងចំណោមកម្មករនិយោជិត និងបុគ្គលិកសរុបចំនួនប្រមាណ៨ពាន់នាក់ ដោយគ្រោងប្រើពេលពី៥ទៅ៦សប្តាហ៍ បន្ទាប់ពីប្រកាសកាលពីខែមេសា ក្រោមហេតុផលដើម្បីរក្សាស្ថិរភាពអាជីវកម្មដែលរងផលប៉ះពាល់ដោយសារជំងឺកូវីដ-១៩៕អត្ថបទ ឈិត បូរ៉ាវី

សម្តេចតេជោ ៖ ប្រទេសយើងក្រតែយើងមិនក្រខាងការគិតគូររកវិធីការពារជីវិតប្រជាជនយើងទេ

ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសដែលសម្តេចបានអញ្ជើញទស្សនាការផ្សាយផ្ទាល់ចម្រៀងគ្រួសារខ្មែរកាលពីយប់មិញនេះ សម្តេចបានចូលទៅសរសេរបញ្ចេញនូវទស្សនប្រកបដោយគតិបណ្ឌិតដ៏ខ្ពង់ខ្ពស់ថា ប្រទេសយើងក្រ តែយើងមិនក្រ ខាងការគិតគូរនិងរកវិធីការពារអាយុជីវិតប្រជាជនយើងនោះឡើយ។ជាមួយនឹងការអរគុណ និងសរសើរកូនៗ ក្មួយៗក្រុមចម្រៀងគ្រួសារខ្មែរ ដែលបានតែងនិពន្ធ និងច្រៀងគាំទ្រ ដល់ចលនាជាតិ ប្រយុទ្ធជាមួយកូវីដ១៩ សម្តេចបានសរសេរថា ប្រសិនពុំមានអ្វីប្រែប្រួលទេ វ៉ាក់សាំងនឹងមកដល់ថែមទៀត។ ប្រទេសយើងក្រ តែយើងមិនក្រ ខាងការគិតគូរនិងរកវិធីការពារអាយុជីវិតប្រជាជនយើងនោះឡើយ។សម្តេចបានបញ្ជាក់ឱ្យដឹងដែរថា នៅថ្ងៃនេះ វ៉ាក់សាំងមកដល់១លានដូស ក្នុងនោះស៊ីណូវ៉ាក់៥០ម៉ឺនដូស និងស៊ីណូហ្វាម ៥០ម៉ឺនដូស សរុបចំនួន១លានដូស។ទន្ទឹមនេះសម្តេចក៏ធ្លាប់បញ្ជាក់ថា វ៉ាក់សាំងនឹងមកដល់កម្ពុជាជាបន្តបន្ទាប់ គឺនៅថ្ងៃទី១២មិថុនាខាងមុខនេះ ចំនួន១លានដូស ,និងថ្ងៃទី១៩មិថុនា ១លានដូស។សូមរម្លឹកថា សម្រាប់ការចាក់វ៉ាក់សាំងនៅក្នុងក្របខណ្ឌទូទាំងប្រទេស បើតាមក្រសួងសុខាភិបាលបានបញ្ចេញនូវព័ត៌មានថ្ងៃទី៨ មិថុនានេះ ការចាក់វ៉ាក់សាំងកូវីដ១៩ គិតត្រឹមថ្ងៃទី៧ខែមិថុនា ការចាក់ដូសទី១សម្រេចបាន២លាន៧សែន៦ម៉ឺន៦ពាន់១៩៨នាក់ និងដូសទី២បានចំនួន ២លាន ២សែន ៣ពាន់ ៧៤៤នាក់ហើយ៕អត្ថបទ៖ មុត សុទ្ធ

វ៉ាក់សាំងបង្ការជំងឺកូវីដ-១៩ចំនួន ១លានដូសទៀត បានមកដល់កម្ពុជាហើយនៅព្រឹកថ្ងៃនេះ

ភ្នំពេញ៖ វ៉ាក់សាំងចំនួន ១លានដូស ត្រូវបានដឹកជញ្ជូនមកដល់កម្ពុជានៅព្រឹកថ្ងៃនេះហើយ ដែលជាផ្នែកមួយនៃកិច្ចខិតខំប្រឹងប្រែងរបស់រាជរដ្ឋាភិបាលកម្ពុជាដើម្បីផ្ដល់វ៉ាក់សាំងជូនប្រជាពលរដ្ឋឱ្យបាន ១០លាននាក់នៅក្នុងឆ្នាំនេះ។ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានបញ្ជាក់កាលពីយប់មិញថា វ៉ាក់សាំងបង្ការជំងឺកូវីដ-១៩ចំនួន ១លានដូស នឹងត្រូវដឹកជញ្ជូនមកដល់កម្ពុជានៅព្រឹកថ្ងៃនេះ ក្នុងនោះមានវ៉ាក់សាំងស៊ីណូវ៉ាក់ចំនួន ៥០ម៉ឺនដូស និងវ៉ាក់សាំងស៊ីណូហ្វាមចំនួន ៥០ម៉ឺនដូស។កម្ពុជាបានចាប់ផ្ដើមយុទ្ធនាការចាក់វ៉ាក់សាំងជូនប្រជាពលរដ្ឋទូទាំងប្រទេសចាប់តាំងពីថ្ងៃទី១០ ខែកុម្ភៈ ហើយបន្តរហូតមកដល់ថ្ងៃនេះ មានរយៈពេល ១១៨ថ្ងៃហើយ។បើតាមរបាយការណ៍របស់ក្រសួងសុខាភិបាល កម្ពុជាសម្រេចបានការចាក់វ៉ាក់សាំងជូនប្រជាពលរដ្ឋបានជាង ២៧ភាគរយហើយនៃគោលដៅរបស់រាជរដ្ឋាភិបាលចាក់វ៉ាក់សាំងជូនប្រជាពលរដ្ឋ ១០លាននាក់នៅត្រឹមឆ្នាំ២០២១នេះ៕

សម្ដេចតេជោ ហ៊ុន សែន ទម្លាក់ថវិកា ៣ ៣១០លានរៀលបន្ថែមទៀត សម្រាប់ដំណើរការចត្តាឡីស័កនៅបណ្ដាខេត្តនានា

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានទម្លាក់ថវិកាជាង ៣ ៣០០លានរៀលបន្ថែមទៀតទៅដល់បណ្ដាខេត្តនានានៅទូទាំងប្រទេសសម្រាប់ដំណើរការចត្តាឡីស័កមួយសប្ដាហ៍ខាងមុខ។ក្នុងលិខិតរបស់ខ្លួនចេញនៅថ្ងៃនេះ ក្រសួងសុខាភិបាល បញ្ជាក់ថា សម្ដេចតេជោ ហ៊ុន សែន បានផ្ដល់ថវិកាចំនួន ៣ ៣១០លានរៀលបន្ថែមទៀតទៅដល់ខេត្តទាំង ២២នៅទូទាំងប្រទេសសម្រាប់ដំណើរការចត្តាឡីស័កចាប់ពីថ្ងៃទី៧ ដល់ថ្ងៃទី១៣ ខែមិថុនា។ប្រមុខរាជរដ្ឋាភិបាលកម្ពុជា បានទម្លាក់ថវិកាជាបន្តបន្ទាប់ទៅបណ្ដាខេត្តនានានៅទូទាំងប្រទេស ដើម្បីបណ្ដាខេត្តទាំងអស់នោះដំណើរការមណ្ឌលចត្តាឡីស័កប្រជាពលរដ្ឋ៕

ខេត្តបន្ទាយមានជ័យ រកឃើញពលរដ្ឋ ៣១នាក់ទៀតឆ្លងកូវីដ-១៩ ខណៈអ្នកជំងឺ១៤០នាក់ទៀត ត្រូវបានព្យាបាលជាសះស្បើយ

បន្ទាយមានជ័យ៖ រដ្ឋបាលខេត្តបន្ទាយមានជ័យ បានប្រកាសឱ្យដឹងថា ប្រជាពលរដ្ឋចំនួន ៣១នាក់ទៀត ត្រូវបានរកឃើញឆ្លងមេរោគកូវីដ-១៩កាលពីថ្ងៃម្សិលមិញនេះ ខណៈអ្នកជំងឺកូវីដ-១៩ចំនួន ១៤០នាក់ ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តបន្ទាយមានជ័យបញ្ជាក់ថា ករណីឆ្លងថ្មីទាំងអស់នេះ ត្រូវបានរកឃើញលើប្រជាពលរដ្ឋចំនួន ២៩នាក់នៅក្នុងក្រុងប៉ោយប៉ែត ហើយបន្ទាប់មកករណីឆ្លងចំនួន ៦នាក់ទៀត ត្រូវបានរកឃើញនៅលើប្រជាពលរដ្ឋបម្រើការងារនៅរោងចក្រហាយថិច (Hi-Tech) ស្ថិតនៅក្នុងស្រុកអូរជ្រៅ។រដ្ឋបាលខេត្តបន្ទាយមានជ័យ ក៏បានរកឃើញករណីឆ្លងថ្មីកើតឡើងពលករខ្មែរចំនួន ៣នាក់ទៀត ដែលទើបវិលត្រឡប់មកពីប្រទេសថៃ ហើយ ២ករណីទៀត ត្រូវបានរកឃើញលើពលរដ្ឋនៅក្រុងសិរីសោភ័ណ។ទន្ទឹមគ្នានេះ រដ្ឋបាលខេត្តនេះក៏បានប្រកាសឱ្យដឹងផងដែរថា អ្នកជំងឺកូវីដ-១៩ចំនួន ១៤០នាក់ទៀត ត្រូវបានអនុញ្ញាតឱ្យវិលត្រឡប់ទៅផ្ទះរបស់ពួកគេវិញ បន្ទាប់ត្រូវបានព្យាបាលជាសះស្បើយ៕

កម្មវិធីជំនួយសង្គមជាសាច់ប្រាក់ក្រោយការបិទខ្ទប់អាចនឹងចាប់ផ្ដើមអនុវត្តនៅសប្ដាហ៍ទី២ នៃខែមិថុនានេះ

ភ្នំពេញ ៖ ការអនុវត្តការបើកសាច់ប្រាក់ជូនប្រជាពលរដ្ឋ និងគ្រួសារទទួលផល សម្រាប់កម្មវិធីឧបត្ថម្ភសាច់ប្រាក់ក្រោយការបិទខ្ទប់ ដែលរាជរដ្ឋាភិបាលទើបបង្កើតថ្មី គឺអាចនឹងចាប់ផ្ដើមនៅសប្ដាហ៍ទី២ នៃខែមិថុនា រឺមិនអោយលើសពីខែមិថុនា នេះទេ។ នេះជាការលើកឡើងរបស់ មន្ត្រីជំនាញ នៃក្រសួងសង្គមកិច្ច ជាក្រសួងសាមីក្នុងការបើកសាច់ប្រាក់ជូនប្រជាពលរដ្ឋ។កម្មវិធីជំនួយសង្គមជាសាច់ប្រាក់ក្រោយការបិទខ្ទប់ ជាកម្មវិធីថ្មីមួយដែលរាជរដ្ឋាភិបាល បានបង្កើតឡើង សម្រាប់ប្រជាពលរដ្ឋ និងគ្រួសារដែលមានជីវភាពលំបាកស្ថិតក្នុងតំបន់បិទខ្ទប់ រាជធានីភ្នំពេញ ក្រុងតាខ្មៅ និងក្រុងព្រះសីហនុ ដោយមិនរាប់បញ្ចូលគ្រួសារដែលមានប័ណ្ណសមធម៌ មានសុពលភាពនោះទេ។ កម្មវិធីនេះ ក៏នឹងជួយឧបត្ថម្ភដល់ គ្រួសារប្រជាពលរដ្ឋដែលមានសមាជិកឆ្លងកូវីដ-១៩ មានការលំបាកផ្នែកជីវភាព និងសម្រាប់គ្រួសារដែលមានសមាជិកបាត់បង់អាយុជីវិតដោយសារកូវីដ-១៩ ក្នុងព្រឹត្តិការណ៍ ២០កុម្ភៈ ក្នុងក្របខណ្ឌទូទាំងប្រទេស។សម្រាប់ការចាប់ផ្ដើមអនុវត្តកម្មវិធីជំនួយសង្គមថ្មីនេះ លោក ឈួរ សុបញ្ញា ប្រធាននាយកដ្ឋានសុខុមាលភាពសង្គម លើកឡើងនៅព្រឹកនេះថា កម្មវិធីនេះ អាចនឹងចាប់ផ្ដើមអនុវត្តនៅសប្ដាហ៍ទី២ នៃខែមិថុនា ហើយបើមានការប្រែប្រួល ក៏មិនអាចលើសពីខែមិថុនានេះដែរ។ លោក បន្តថា កម្មវិធីនេះគឺអនុវត្តតែមួយដងប៉ុណ្ណោះ ពុំមានការអនុវត្តជាជុំ ដូចកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះក្នុងកំឡុងពេលប្រយុទ្ធប្រឆាំងជំងឺកូវីដ-១៩ នោះទេ។សម្រាប់កម្មវិធីជំនួយសង្គមក្រោយបញ្ចប់ការបិទខ្ទប់នេះ គឺមានផ្ដោតសំខាន់លើចំណុចសំខាន់ចំនួន ៣ រួមមានថ្លៃស្បៀងអាហារ ថ្លៃទឹកស្អាត និងថ្លៃអគ្គីសនី ដោយគ្រួសារទទួលផល អាចទទួលបានសាច់ប្រាក់ខុសគ្នា ទៅតាមចំនួនសមាជិកនៃគ្រួសារនីមួយៗ។ លោក ឈួរ សុបញ្ញា បន្តថា សម្រាប់គ្រួសារដែលទទួលផលសម្រាប់កម្មវិធីថ្មីនេះ គឺក្រសួងសង្គមកិច្ច នឹងបញ្ជូនឈ្មោះទៅអាជ្ញាធរមូលដ្ឋាន ដើម្បីជម្រាបតទៅអ្នកគ្រួសារទទួលផលទាំងនោះ។ លោក បានបន្ដថា ការបើកសាច់ប្រាក់នាពេលនេះ ក៏កាន់តែមានភាពងាយស្រួលផងដែរ ដោយគ្រាន់តែភ្ជាប់នូវអត្តសញ្ញាណប័ណ្ណ និងទូរស័ព្ទដែលមានលេខបានកត់ត្រាទុក ទៅបើកផ្ទាល់នៅ ភ្នាក់ងារវីង រឺក៏ប្រើប្រាស់ កម្មវិធីទូរស័ព្ទរបស់វីង និងមានលក្ខខណ្ឌ បើកសាច់ប្រាក់ជូនដោយផ្ទាល់សម្រាប់ករណីគ្រួសារ ដែលមានសមាជិកបាត់បង់ជីវិតដោយសារកូវីដ-១៩។យ៉ាងណាម៉ិញមកទល់ពេលនេះ ពុំទាន់មានការបញ្ជាក់ពីចំនួនប្រជាពលរដ្ឋ រឺគ្រួសារ ជាអ្នកទទួលផលសម្រាប់កម្មវិធីជំនួយសង្គមថ្មីនេះនោះទេ។ ចំពោះទំហំថវិកា ដែលរាជរដ្ឋាភិបាលគ្រោងចំណាយសរុប ក៏ពុំទាន់មានការបញ្ជាក់ផងដែរ៕អត្ថបទ៖គឹមហុក

អាជ្ញាធរខេត្តបាត់ដំបង កំពុងជួសជុលកែលម្អធ្វើផ្លូវក្រាលកៅស៊ូ ចំនួន២ខ្សែ នៅស្រុកសង្កែ

បាត់ដំបង ៖ មន្ទីរសាធារណការ និងដឹកជញ្ជូនខេត្ត កំពុងជួសជុលកែលម្អធ្វើផ្លូវក្រាលកៅស៊ូចំនួន ២ខ្សែ ស្ថិតក្នុងភូមិសាស្ត្រស្រុកសង្កែ ដើម្បីឆ្លើយតបនឹងតម្រូវការចាំបាច់របស់ពលរដ្ឋ ក្នុងការធ្វើដំណឹង និងដឹកជញ្ជូនកសិផលផ្សេងៗ ។លោក ព្រួញ រិទ្ធថា ប្រធានមន្ទីរសាធារណការ និងដឹកជញ្ជូនខេត្តបាត់ដំបង បានឲ្យដឹងថា ផ្លូវទាំង២ខ្សែនោះ មានប្រវែងជិត១០គីឡូម៉ែត្រ ដោយមួយខ្សែស្ថិតក្នុងឃុំតាប៉ុន ធ្វើសម្រេចបានជាង ៤០ភាគរយ និងមួយខ្សែទៀត ស្ថិតក្នុងឃុំរាំងកេសី គ្រោងបញ្ចប់ការជួសជុលកែលម្អនៅអំឡុងខែកញ្ញា ឆ្នាំ២០២១ខាងមុខ ដោយផ្លូវទាំងពីរខ្សែនេះ គឺជាកញ្ចប់ថវិកាគម្រោងរបស់ក្រសួងសាធារណការ និងដឹកជញ្ជូន ។លោក បានបន្តថា ការកែលម្អសាងសង់ផ្លូវនេះ ក្រុមការងារ នឹងខិតខំស្ថាបនា ឱ្យបានរួចរាល់ឆាប់រហ័សប្រកបដោយការធានាគុណភាព ដើម្បីឆ្លើយតបនឹងតម្រូវការរបស់ប្រជាពលរដ្ឋ ហើយជាមួយនេះ ក៏សំណូមពរដល់ពលរដ្ឋរស់នៅតាមដងផ្លូវ សូមកុំរំលោភនៅលើដីចំណីផ្លូវរបស់រដ្ឋ ត្រូវសហការចូលរួមជាមួយក្រុមការងារជំនាញ ដែលកំពុងធ្វើការស្ថាបនាផ្លូវ ។ក្នុងឱកាសចុះពិនិត្យមើលការស្ថាបនាផ្លូវទាំង ២ខ្សែនេះ កាលពីចុងសប្ដាហ៍កន្លងទៅ ឯកឧត្តម ងួន រតនៈ អភិបាលខេត្តបាត់ដំបង បានមានប្រសាសន៍ថា ផ្លូវទាំងអស់នេះ នៅពេលធ្វើរួច នឹងជួយសម្រាលបន្ទុកមួយចំនួនរបស់ប្រជាពលរដ្ឋ មានទាំងពេលវេលា សុខភាព និងថវិកាជាដើម ព្រោះកាលណាផ្លូវធ្វើបានល្អ ពេលចង់ធ្វើដំណើរទៅណាឆាប់ដល់ជាងមុន ។ជាមួយគ្នានោះ ឯកឧត្តម បានអំពាវនាវ ពលរដ្ឋដែលត្រូវប្រើប្រាស់ផ្លូវទាំង ២ខ្សែនេះ ត្រូវចូលរួមថែរក្សាផ្លូវនេះឲ្យប្រើប្រាស់បានយូរ មានការមិនដឹកលើសទម្ងន់ ការកាប់គាស់ និងធ្វើសកម្មភាពផ្សេងៗ នាំឲ្យផ្លូវឆាប់ខូច ហើយសូមថ្លែងអំណរគុណដល់រាជរដ្ឋាភិបាល តាមរយៈក្រសួងសាធារណការ និងដឹកជញ្ជូន ដែលបាននិងកំពុងអភិវឌ្ឍធ្វើផ្លូវនៅក្នុងខេត្តបាត់ដំបង ទាំងផ្លូវជាតិ និងផ្លូវលំជាដើម ។គួរបញ្ជាក់ថា ក្រោយបញ្ចប់ការសាងសង់ផ្លូវនេះរួចរាល់ជាស្ថាពរ អាជ្ញាធរខេត្តបាត់ដំបង គ្រោងនឹងអញ្ជើញសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដើម្បីសម្ពោធដាក់ឲ្យប្រើប្រាស់ ក្នុងពេលវេលាសមស្របណាមួយខាងមុខផងដែរ ៕អត្ថបទ៖ បាន សុខរិទ្ធ

មន្ត្រីសាធារណការចុះពិនិត្យទីតាំងបង្កើតស្ថានីយថ្លឹងរថយន្តនៅក្នុងខេត្តកោះកុង

កោះកុង ៖ មន្ត្រីជាន់ខ្ពស់ក្រសួងសាធារណការ និងដឹកជញ្ជូន នៅថ្ងៃនេះ បានចុះត្រួតពិនិត្យភូមិសាស្ត្រទីតាំងដែលត្រៀមសាងសង់ស្ថានីយថ្លឹងទម្ងន់រថយន្តធុនធ្ងន់នៅតាមបណ្តោយផ្លូវជាតិលេខ៤៨ ក្នុងភូមិសាស្ត្រ ខេត្តកោះកុង។លោក អន ដាវុធ ប្រធានមន្ទីរសាធារណការ និងដឹកជញ្ជូនខេត្តកោះកុង បានឱ្យដឹងថា តបតាមការស្នើសុំឯកឧត្តម សេង ឈួន រដ្ឋលេខាធិការក្រសួងសាធារណការ និងដឹកជញ្ជូន ចុះពិនិត្យវាយតម្លៃជាក់ស្តែងអំពីគម្រោងសាងសង់ស្ថានីយជញ្ជីងថ្លឹងរថយន្តធុនធ្ងន់ នៅក្នុងភូមិសាស្ត្រសង្កាត់ស្មាច់មានជ័យ ក្រុងខេមរមភូមិន្ទ ខេត្តកោះកុង។លោកប្រធានមន្ទីរសាធារណការខេត្ត បានឱ្យដឹងថា ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ បានសម្រេចឯកភាពតាមសំណើសុំបង្កើតឱ្យមានជញ្ជីងថ្លឹងរថយន្តរួចរាល់ហើយ នៅពេលអនាគត នឹងមានការចរាចរដឹកជញ្ជូនទំនិញកើនឡើង ខណៈគម្រោងអភិវឌ្ឍន៍ផ្លូវជាតិមួយនេះ ក៏ដូចជាផ្លូវជាតិលេខ១០ កំពុងស្ថាបនា។លោក អន ដាវុធ បានបញ្ជាក់ទៀតថា គម្រោងមួយនេះ នឹងផ្តើមអនុវត្តនៅដើមឆ្នាំ២០២២ ព្រោះផែនការស្នើថវិកាអភិវឌ្ឍន៍ឆ្នាំ២០២១ បានហួសហើយ។ ចំពោះថវិកាចំណាយស្ថាបនា គឺទម្លាក់ដោយក្រសួងសេដ្ឋកិច្ច និងហិរញ្ញវត្ថុ។ទន្ទឹមនឹងមានវត្តមានស្ថានីយថ្លឹងរថយន្តនៅខេត្តកោះកុង ពលរដ្ឋរស់នៅក្នុងខេត្ត បានសាទរ ដោយរំពឹងថា មានប្រសិទ្ធភាពខ្ពស់លើដំណើរត្រួតពិនិត្យរថយន្តដឹកលើសកំណត់ដែលបណ្តាលឱ្យផ្លូវថ្នល់ជាតិប្រកបដោយតម្លាភាពគ្មានអំពើពុករលួយ។ផ្លូវជាតិលេខ៤៨ ជាផ្លូវចរន្តសរសៃឈាមបម្រើដល់ការដឹកជញ្ជូនទំនិញពាណិជ្ជកម្មដ៏មានសារសំ ខាន់មួយមិនអាចខ្វះបានឡើយ ចាប់ពីព្រំដែនអន្តរជាតិចាំយាម ដល់ផ្លូវបំបែកស្រុកស្រែអំបិលស្របជាមួយផ្លូវជាតិលេខ៤ ខេត្តព្រះសីហនុ៕អត្ថបទ៖ ឈឹម មករា

បណ្ដាញសង្គម

ព័ត៌មានថ្មីៗ

រូបយន្តមុជទឹកក្រោមបាតបឹងកកប្រទេសស្វីស មានគោលបំណងវាស់កម្រាស់ទឹកកកពីខាងក្រោមទឹក

UNICEF៖ កុមារកាន់តែច្រើនបន្ថែមទៀត អាចរងទុក្ខវេទនា បើអ៊ីស្រាអែលពង្រីកការគ្រប់គ្រង នៅតំបន់ហ្កាហ្សា

មន្ត្រីរុស្ស៊ីព្រមានអឺរ៉ុបឲ្យត្រៀមប្រឈមឧប្បត្តិហេតុយានដ្រូនបន្ថែមទៀត ក្រោយហេតុការណ៍ នៅរ៉ូម៉ានី

ក្រុមជីករ៉ែខុសច្បាប់ទាញយកប្រយោជន៍មាសតម្លៃរាប់ពាន់លានដុល្លារនៅព្រៃជប់ភ្លៀងអាម៉ាហ្សូនរបស់ប្រេស៊ីល

ឥណ្ឌារំពឹងថា ភ្លៀងធ្លាក់អំឡុងរដូវវស្សាឆ្នាំ ២០២៦ ទាបជាងកម្រិតមធ្យមរាល់ដង

ប្រធានាធិបតី៖ រ៉ូម៉ានីបិទស្ថានកុងស៊ុលរុស្ស៊ី ប្រចាំទីក្រុង Constanta

ក្រសួងការបរទេសធ្វើបទបង្ហាញស្ដីពីការវិនិយោគជូនមន្ត្រីការទូតកម្ពុជា

លោក Zelenskyy៖ រុស្ស៊ីកំពុងរៀបចំការវាយប្រហារទ្រង់ទ្រាយធំថ្មី លើអ៊ុយក្រែន

ប្រទេសជប៉ុនចូលរួមបេសកកម្មគាំទ្រអ៊ុយក្រែនរបស់អង្គការណាតូ ជាលើកដំបូង

លោក Rutte ៖ អង្គការណាតូ ត្រៀមខ្លួនការពាររាល់មីលីម៉ែត្រនៃទឹកដីរបស់សម្ព័ន្ធមិត្ត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ប្រមុខការពារជាតិកម្ពុជា អគុណអាមេរិកដែលជួយបណ្តុះបណ្តាលជំនាញយោធាកម្ពុជា នាពេលកន្លងទៅ

ខណ្ឌច្បារអំពៅដំណើរការចាក់វ៉ាក់សាំងបង្ការកូវីដ-១៩ដូសទី២ ខណៈពលរដ្ឋដែលនឹងត្រូវចាក់ប្រមាណជាង៩ម៉ឺននាក់

សហជីព ស្នើសុំអន្តរាគមន៍ពីក្រសួងការងារលើគម្រោងកាត់បន្ថយបុគ្គលិករបស់ក្រុមហ៊ុនណាហ្គាវើលដ៍

សម្តេចតេជោ ៖ ប្រទេសយើងក្រតែយើងមិនក្រខាងការគិតគូររកវិធីការពារជីវិតប្រជាជនយើងទេ

វ៉ាក់សាំងបង្ការជំងឺកូវីដ-១៩ចំនួន ១លានដូសទៀត បានមកដល់កម្ពុជាហើយនៅព្រឹកថ្ងៃនេះ

សម្ដេចតេជោ ហ៊ុន សែន ទម្លាក់ថវិកា ៣ ៣១០លានរៀលបន្ថែមទៀត សម្រាប់ដំណើរការចត្តាឡីស័កនៅបណ្ដាខេត្តនានា

ខេត្តបន្ទាយមានជ័យ រកឃើញពលរដ្ឋ ៣១នាក់ទៀតឆ្លងកូវីដ-១៩ ខណៈអ្នកជំងឺ១៤០នាក់ទៀត ត្រូវបានព្យាបាលជាសះស្បើយ

កម្មវិធីជំនួយសង្គមជាសាច់ប្រាក់ក្រោយការបិទខ្ទប់អាចនឹងចាប់ផ្ដើមអនុវត្តនៅសប្ដាហ៍ទី២ នៃខែមិថុនានេះ

អាជ្ញាធរខេត្តបាត់ដំបង កំពុងជួសជុលកែលម្អធ្វើផ្លូវក្រាលកៅស៊ូ ចំនួន២ខ្សែ នៅស្រុកសង្កែ

មន្ត្រីសាធារណការចុះពិនិត្យទីតាំងបង្កើតស្ថានីយថ្លឹងរថយន្តនៅក្នុងខេត្តកោះកុង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ប្រមុខ​ការ​ពារជាតិ​កម្ពុជា ​អគុណ​អាមេរិក​ដែល​ជួយ​បណ្តុះបណ្តាល​ជំនាញ​យោធា​កម្ពុជា​ នាពេល​កន្លង​ទៅ

សហជីព ស្នើសុំ​អន្តរាគមន៍​ពី​ក្រសួង​ការងារ​លើ​គម្រោង​កាត់បន្ថយ​បុគ្គលិក​របស់​ក្រុមហ៊ុន​ណាហ្គា​វើ​លដ៍

សម្តេច​តេ​ជោ ៖ ប្រទេស​យើង​ក្រ​តែ​យើង​មិន​ក្រ​ខាង​ការ​គិតគូរ​រក​វិធី​ការពារ​ជីវិត​ប្រជាជន​យើង​ទេ​

វ៉ាក់សាំង​បង្ការ​ជំងឺ​កូវីដ-១៩​ចំនួន ១​លាន​ដូស​ទៀត បាន​មក​ដល់​កម្ពុជា​ហើយ​នៅ​ព្រឹក​ថ្ងៃ​នេះ

អាជ្ញាធរខេត្ត​បាត់ដំបង ​កំពុង​ជួសជុល​កែ​លម្អ​ធ្វើ​ផ្លូវ​ក្រាល​កៅស៊ូ ចំនួន​២​ខ្សែ ​នៅ​ស្រុក​សង្កែ

មន្ត្រី​សាធារណ​ការ​ចុះពិនិត្យ​ទីតាំង​បង្កើត​ស្ថានីយ​ថ្លឹង​រថយន្ត​នៅ​ក្នុង​ខេត្តកោះកុង​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ប្រមុខការពារជាតិកម្ពុជា អគុណអាមេរិកដែលជួយបណ្តុះបណ្តាលជំនាញយោធាកម្ពុជា នាពេលកន្លងទៅ

សហជីព ស្នើសុំអន្តរាគមន៍ពីក្រសួងការងារលើគម្រោងកាត់បន្ថយបុគ្គលិករបស់ក្រុមហ៊ុនណាហ្គាវើលដ៍

សម្តេចតេជោ ៖ ប្រទេសយើងក្រតែយើងមិនក្រខាងការគិតគូររកវិធីការពារជីវិតប្រជាជនយើងទេ

វ៉ាក់សាំងបង្ការជំងឺកូវីដ-១៩ចំនួន ១លានដូសទៀត បានមកដល់កម្ពុជាហើយនៅព្រឹកថ្ងៃនេះ

អាជ្ញាធរខេត្តបាត់ដំបង កំពុងជួសជុលកែលម្អធ្វើផ្លូវក្រាលកៅស៊ូ ចំនួន២ខ្សែ នៅស្រុកសង្កែ

មន្ត្រីសាធារណការចុះពិនិត្យទីតាំងបង្កើតស្ថានីយថ្លឹងរថយន្តនៅក្នុងខេត្តកោះកុង