BTV NEWS

ប្រធានក្រុមការងារចុះមូលដ្ឋាន ប្រកាសបញ្ចូលសមាជិកថ្មីគណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ

សម្ដេចតេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន

ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី

ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

ពលរដ្ឋ ០៥នាក់នៅខេត្តក្រចេះ ត្រូវបានរកឃើញឆ្លងមេរោគកូវីដ ១ថ្ងៃក្រោយវិលត្រឡប់មកពីខេត្តកំពង់ធំ

ក្រចេះ៖ រដ្ឋបាលខេត្តក្រចេះ បានប្រកាសពីការរកឃើញប្រជាពលរដ្ឋចំនួន ០៥នាក់បន្ថែមទៀតកាលពីថ្ងៃម្សិលមិញនេះ នៅឯស្រុកសំបូរ។ក្នុងសេចក្ដីជូនដំណឹងនៅថ្ងៃនេះ រដ្ឋបាលខេត្តក្រចេះបញ្ជាក់ថា ករណីឆ្លងថ្មីទាំង ០៥នាក់នេះ ត្រូវបានរកឃើញលើពលរដ្ឋនៅក្នុងភូមិជើងពាធ ស្ថិតក្នុងឃុំកោះខ្មែរ។បើតាមរដ្ឋបាលខេត្តក្រចេះ ពលរដ្ឋទាំង ៥នាក់នេះ ត្រូវបានរកឃើញឆ្លងមេរោគកូវីដ-១៩ បន្ទាប់ពីពួកគេធ្វើដំណើរវិលត្រឡប់មកពីខេត្តកំពង់ធំតាមរថយន្តផ្ទាល់ខ្លួនកាលពីថ្ងៃចន្ទកន្លងមកនេះ។រដ្ឋបាលខេត្តក្រចេះឱ្យដឹងទៀតថា អ្នកជំងឺទាំង ៥នាក់នេះ ត្រូវបានបញ្ជូនទៅសម្រាកព្យាបាលនៅមន្ទីរពេទ្យបង្អែកខេត្តក្រចេះហើយ៕

ខេត្តកែបរកឃើញពលរដ្ឋ ០៧នាក់ទៀតឆ្លងកូវីដ-១៩ ក្រោយពាក់ព័ន្ធនឹងកាស៊ីណូនៅច្រកតន់ហន់ ស្រុកកំពង់ត្រាច ខេត្តកំពត

កែប៖ ប្រជាពលរដ្ឋចំនួន ០៧នាក់បន្ថែមទៀត ត្រូវបានរកឃើញឆ្លងមេរោគកូវីដ-១៩នៅក្នុងខេត្តកែប នេះបើតាមសេចក្ដីប្រកាសព័ត៌មានរបស់រដ្ឋបាលខេត្តកែបនៅថ្ងៃនេះ។រដ្ឋបាលខេត្តកែប បានឱ្យដឹងទៀតថា ករណីឆ្លងថ្មីទាំងនេះ ត្រូវបានរកឃើញលើពលរដ្ឋចំនួន ៦នាក់នៅភូមិភ្នំលាវ ឃុំពងទឹក នៃស្រុកដំណាក់ចង្អើរ ហើយ ១ករណីទៀត ត្រូវបានរកឃើញលើពលរដ្ឋនៅក្នុងក្រុងកែប។បើតាមរដ្ឋបាលខេត្តកែប ក៏មានដែរកុមារចំនួន ៣នាក់ស្ថិតក្នុងចំណោមករណីឆ្លងថ្មីទាំង ៧នាក់នេះ។រដ្ឋបាលខេត្តកែបបញ្ជាក់ថា ពលរដ្ឋទាំង ០៧នាក់នេះ បានឆ្លងមេរោគកូវីដ-១៩ ពាក់ព័ន្ធនឹងកាស៊ីណូ សុខ គីមម៉េង ស្ថិតនៅច្រកទ្វារតន់ហន់ ស្ថិតក្នុងស្រុកកំពង់ត្រាច ខេត្តកំពត៕

ខេត្តកំពង់ចាម រកឃើញពលរដ្ឋ ៣៣នាក់ទៀតឆ្លងកូវីដ-១៩ ស្រុកជើងព្រៃបន្តរកឃើញច្រើនជាងគេ

កំពង់ចាម៖ រដ្ឋបាលខេត្តកំពង់ចាម បានប្រកាសថា បានរកឃើញប្រជាពលរដ្ឋ ៣៣នាក់បន្ថែមទៀតឆ្លងមេរោគកូវីដ-១៩នៅក្នុងស្រុកចំនួន៤ ខណៈអ្នកជំងឺ ៣៧នាក់ទៀត ក៏ត្រូវបានព្យាបាលជាសះស្បើយឡើងវិញផងដែរ។ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តកំពង់ចាម បញ្ជាក់ថា ករណីឆ្លងថ្មីទាំងនេះ ត្រូវបានរកឃើញលើប្រជាពលរដ្ឋ ១៨នាក់នៅក្នុងស្រុកជើងព្រៃ ខណៈដែលស្រុកបាធាយរកឃើញករណីឆ្លងថ្មី ៩នាក់ទៀត។នៅឯស្រុកកំពង់សៀមឯណោះវិញ រដ្ឋបាលខេត្តនេះបញ្ជាក់ថា បានរកឃើញពលរដ្ឋ ៤នាក់ទៀតបានឆ្លងមេរោគកូវីដ-១៩ ហើយ ១ករណីទៀត ត្រូវបានរកឃើញនៅឯស្រុកព្រៃឈរ។ទន្ទឹមគ្នានេះ រដ្ឋបាលខេត្តកំពង់ចាមបានឱ្យដឹងផងដែរថា អ្នកជំងឺកូវីដ-១៩ចំនួន ៣៧នាក់ទៀត ត្រូវបានព្យាបាលជាសះស្បើយកាលពីថ្ងៃម្សិលមិញនេះ ដែលនាំឱ្យតួលេខអ្នកជាសះស្បើយសរុបឡើងដល់ ៣៤៧នាក់ ហើយអ្នកជំងឺកូវីដ-១៩ចំនួន ៥៦៧នាក់ទៀត កំពុងស្ថិតក្រោមការព្យាបាលបន្ត៕

ខេត្តប៉ៃលិននឹងបិទខ្ទប់ភូមិចំនួន៣ នៅក្នុងស្រុកសាលាក្រៅ ក្រោយផ្ទុះការឆ្លងកូវីដ-១៩ជាច្រើនករណី

ប៉ៃលិន៖ រដ្ឋបាលខេត្តប៉ៃលិន បានសម្រេចបិទខ្ទប់ភូមិចំនួន ៣ ស្ថិតក្នុងស្រុកសាលាក្រៅ បន្ទាប់ពីបានរកឃើញប្រជាពលរដ្ឋជាច្រើននាក់បានឆ្លងមេរោគកូវីដ-១៩កាលពីថ្ងៃម្សិលមិញនេះ។ក្នុងសេចក្ដីជូនដំណឹងនៅថ្ងៃនេះ រដ្ឋបាលខេត្តប៉ៃលិនបញ្ជាក់ថា ភូមិផ្សារព្រំ ភូមិផ្សារព្រំជើង និងភូមិអូរឈើក្រំ ដែលស្ថិតក្នុងឃុំស្ទឹងកាច នៃស្រុកសាលាក្រៅ នឹងត្រូវបិទខ្ទប់ចាប់ពីថ្ងៃសុក្រខានស្អែកនេះរហូតដល់មានការជូនដំណឹងជាថ្មី។រដ្ឋបាលខេត្តនេះបញ្ជាក់ថា ករណីឆ្លងកូវីដ-១៩ជាច្រើននាក់ ត្រូវបានរកឃើញនៅក្នុងភូមិទាំង ៣នេះនៅក្នុងរយៈពេលប៉ុន្មានថ្ងៃចុងក្រោយនេះ។បើតាមសេចក្ដីជូនដំណឹងដដែលនេះ រដ្ឋបាលខេត្តប៉ៃលិននឹងហាមឃាត់ការធ្វើដំណើរចេញ ឬចូលភូមិទាំង ៣នេះ ហើយការជួបជុំ ឬការប្រមូលផ្ដុំមនុស្សចាប់ពី ១០នាក់ឡើងទៅ ក៏នឹងត្រូវហាមឃាត់ផងដែរ។ប្រជាពលរដ្ឋ ២៨នាក់ទៀតនៅក្នុងឃុំស្ទឹងកាច់ នៃស្រុកសាលាក្រៅ ត្រូវបានរកឃើញឆ្លងមេរោគកូវីដ-១៩ នៅក្នុងចំណោមតួលេខអ្នកឆ្លងថ្មី ៤២នាក់កាលពីថ្ងៃម្សិលមិញនេះ៕

ខេត្តប៉ៃលិន បានរកឃើញពលរដ្ឋ ៤២នាក់ទៀតឆ្លងកូវីដ-១៩ ជាចំនួនឆ្លងច្រើនបំផុតលើកដំបូងនៅក្នុងខេត្តនេះ

ប៉ៃលិន៖ រដ្ឋបាលខេត្តប៉ៃលិន បានប្រកាសពីការរកឃើញមនុស្សរហូតដល់ទៅ ៤២នាក់ បានឆ្លងមេរោគកូវីដ-១៩ ដែលនេះជាលើកដំបូងហើយដែលខេត្តមួយនេះ បានរកឃើញករណីឆ្លងដ៏ច្រើនបែបនេះ។ក្នុងសេចក្ដីប្រកាសព័ត៌មានរបស់ខ្លួន រដ្ឋបាលខេត្តប៉ៃលិន បានបញ្ជាក់ថា ករណីឆ្លងថ្មីទាំងនេះ ត្រូវបានលើប្រជាពលរដ្ឋ ២៨នាក់ នៅក្នុងស្រុកសាលាក្រៅ ហើយប្រជាពលរដ្ឋ ១១នាក់ទៀតនៅក្នុងក្រុងប៉ៃលិន។រដ្ឋបាលខេត្តមួយនេះ បញ្ជាក់ទៀតថា អាជ្ញាធរបានសម្រេចបិទផ្អាកទីតាំងអាជីវកម្មក្រុមហ៊ុន និងផ្ទះសម្បែងប្រជាពលរដ្ឋមួយចំនួននៅក្នុងភូមិចំនួន ៣ ស្ថិតក្នុងឃុំស្ទឹងកាច់ បន្ទាប់ពីឃុំមួយនេះរកឃើញអ្នកឆ្លងកូវីដ-១៩រហូតដល់ ២៨នាក់៕

ខេត្តកំពតរកឃើញពលរដ្ឋ ៦០នាក់ទៀតឆ្លងកូវីដ-១៩ ភាគច្រើនជាកសិករ និងបុគ្គលិកកាស៊ីណូ

កំពត៖ រដ្ឋបាលខេត្តកំពត បានប្រកាសនៅថ្ងៃនេះថា បានរកឃើញប្រជាពលរដ្ឋ ៦០នាក់ថ្មីទៀត បានឆ្លងមេរោគកូវីដ-១៩ ដែលភាគច្រើនជាបុគ្គលិកកាស៊ីណូនៅច្រកទ្វារព្រំដែនអន្តរជាតិតន់ហន់ និងប្រជាពលរដ្ឋនៅស្រុកកំពង់ត្រាច។ក្នុងសេចក្ដីជូនដំណឹងនៅថ្ងៃនេះ រដ្ឋបាលខេត្តកំពតបញ្ជាក់ថា ករណីឆ្លងថ្មីទាំងនេះ ត្រូវបានរកឃើញលើបុគ្គលិកកាស៊ីណូ ២៤រូប ប្រជាពលរដ្ឋកសិករ ២៧នាក់ អ្នករកស៊ី ៤នាក់ និងសិស្សសាលា ២នាក់។រដ្ឋបាលខេត្តនេះបញ្ជាក់ទៀតថា អ្នកជំងឺកូវីដ-១៩ ដែលទើបរកឃើញថ្មីនេះ ត្រូវបានបញ្ជូនទៅសម្រាកព្យាបាលនៅមណ្ឌលព្យាបាលជំងឺកូវីដ-១៩ ស្ថិតក្នុងបរិវេណនៃវិទ្យាល័យព្រះបិតាជាតិ និងមណ្ឌលព្យាបាលក្នុងអគារកាស៊ីណូ សុខ គីមម៉េង។ខេត្តកំពតបានរកឃើញប្រជាពលរដ្ឋកាន់តែច្រើនបានឆ្លងមេរោគកូវីដ-១៩នៅក្នុងរយៈពេលប៉ុន្មានចុងក្រោយមកនេះ ដែលភាគច្រើនពាក់ព័ន្ធនឹងការឆ្លងរីករាលដាលនៅកាស៊ីណូ សុខ គីមម៉េង ស្ថិតនៅច្រកព្រំដែនតន់ហន់៕

ភ្នំពេញបន្តកំណត់ជាតំបន់លឿង និងលឿងទុំរយៈពេលមួយសប្ដាហ៍ទៀត

ភ្នំពេញ៖ រាជធានីភ្នំពេញ នៅតែរក្សាជាតំបន់លឿងដដែលក្នុងរយៈពេលមួយសប្ដាហ៍ទៀត លើកលែងតែភូមិចំនួន២ នៅក្នុងខណ្ឌឫស្សីកែវ និងខណ្ឌពោធិសែនជ័យ ដែលបិទខ្ទប់រក្សាជាតំបន់លឿងទុំ។វិធានការរដ្ឋបាលក្នុងភូមិសាស្ត្ររាជធានីភ្នំពេញ ដើម្បីទប់ស្កាត់ការឆ្លងរាលដាលនូវជំងឺកូវីដ-១៩ ក្នុងសហគមន៍ ២០កុម្ភៈ នឹងបន្តរយៈពេលមួយសប្តាហ៍ទៀត ពោល គឺចាប់ពីថ្ងៃទី០២ នេះ ដល់ថ្ងៃទី០៩ ខែមិថុនា ឆ្នាំ២០២១ ដោយអាជ្ញាធររាជធានីភ្នំពេញនៅតែរក្សាតំបន់លឿង លើកលែងតែភូមិចំនួន ២ នៅក្នុងខណ្ឌឫស្សីកែវ និងខណ្ឌពោធិសែនជ័យ ត្រូវនៅរក្សាជាតំបន់លឿងទុំដដែល ដើម្បីបង្ការ និងទប់ស្កាត់ការរីករាលដាលជំងឺកូវី-១៩ ពីតំបន់មួយទៅតំបន់មួយទៀត។នេះបើតាមការលើកឡើង ក្នុងកិច្ចប្រជុំតាមរយៈការបញ្ជូនរូបភាព និងសំឡេងផ្ទាល់ របស់ថ្នាក់ដឹកនាំរដ្ឋបាលរាជធានីភ្នំពេញ ជាមួយអភិបាលខណ្ឌទាំង១៤ នៅសាលារាជធានីភ្នំពេញ នាសៀលថ្ងៃទី០២ ខែមិថុនា ឆ្នាំ២០២១ ដែលដឹកនាំដោយ ឯកឧត្ដម ឃួង ស្រេង អភិបាលរាជធានីភ្នំពេញ។ក្នុងកិច្ចប្រជុំនេះ លោក លោកស្រី ជាអភិបាលខណ្ឌទាំង១៤ បានរាយការណ៍ពីស្ថានភាពជំងឺកូវីដ-១៩ នៅក្នុងមូលដ្ឋានរបស់ខ្លួនគ្រប់ខណ្ឌ និងបានស្នើសុំទៅកាន់គណៈអភិបាលរាជធានីឱ្យមូលដ្ឋានខណ្ឌរបស់ខ្លួននីមួយនៅតែរក្សាជាតំបន់លឿងដដែល លើកលែងតែ២ភូមិប៉ុណ្ណោះ ដែលសុំរក្សានៅជាតំបន់លឿងទុំ នោះគឺនៅសហគមន៍AB ស្ថិតក្នុងភូមិផ្សារតូច សង្កាត់ទួលសង្កែ១ ខណ្ឌឬស្សីកែវ និងភូមិព្រៃទា សង្កាត់ ចោម ចៅ ៣ ខណ្ឌ ពោធិ៍ សែន ជ័យ ដោយសារតែភូមិទាំង២នេះកំពុងប្រឈមនូវហានិភ័យខ្ពស់នៃការឆ្លងរាលដាលនៅឡើយ។ក្នុងកិច្ចប្រជុំនេះ ឯកឧត្ដម ឃួង ស្រេង អភិបាលរាជធានីភ្នំពេញ បានជំរុញឱ្យអាជ្ញាធរខណ្ឌទាំងអស់ ពង្រឹងការងារឱ្យបានម៉ត់ចត់បំផុតលើការបង្ការ និងទប់ស្កាត់ការរីករាលដាលជំងឺកូវី-១៩។ចំពោះតំបន់លឿងទុំ ២ភូមិខាងលើត្រូវតែម៉ឺងម៉ាត់ ដើម្បីកាត់ផ្តាច់ជំងឺកូវីដ-១៩ ទៅតំបន់ផ្សេងទៀត រីឯតំបន់លឿង ដែលបើកឱ្យដំណើរការជាប្រក្រតីភាពឡើងវិញនោះ ក៏ត្រូវតែម៉ឺងម៉ាត់ដែរ ដោយប៉ុន្មានថ្ងៃចុងក្រោយនេះ អភិបាលរាជធានីភ្នំពេញបានទទួលព័ត៌មានថា មានទីតាំងខ្លះមានលួចបើកខារ៉ាអូខេ ហាងម៉ាស្យា និងលួចបើកល្បែងស៊ីសងជាបណ្ដើរៗហើយ ពិសេសខណ្ឌនៅជាយក្រុង ដូច្នេះអភិបាលខណ្ឌ ត្រូវចុះបង្ក្រាបឱ្យខាងតែបាន ព្រោះមានហានិភ័យខ្ពស់ណាស់នៃការឆ្លងរីករាលដាលជំងឺកូវី-១៩ ហើយម្ចាស់ទីតាំងនឹងប្រឈមមុខបញ្ជូនទៅតុលាការអនុវត្តទោសទៅតាមច្បាប់ បើការលួចលាក់បើកទីតាំងទាំងនោះ បានឆ្លងរាលដាលជំងឺកូវីដ-១៩ ។ឯកឧត្ដម ឃួង ស្រេង បន្ថែមថា ក្នុងរយៈពេលជាង៣ខែនេះ យើងហត់នឿយណាស់ហើយក្នុងកិច្ចការងារទប់ស្កាត់ការឆ្លងរាលដាលជំងឺកូវី-១៩ ប៉ុន្តែ យើងត្រូវតែរួមគ្នាបន្តទៀតកុំឱ្យស្ថានភាពអាក្រក់នោះ វិលមកជាថ្មីឡើងវិញឱ្យសោះ៕ អត្ថបទ ៖ ប្រាក់ វ៉ាន់ដា

រដ្ឋបាលខេត្តកំពត បន្តរកឃើញអ្នកវិជ្ជមានកូវីដ-១៩ ចំនួន ៦០នាក់ទៀត ពាក់ព័ន្ធកាស៊ីណូតន់ហន់

កំពត៖ ចំនួនអ្នកឆ្លងជំងឺកូវីដ១៩ ពាក់ព័ន្ធនឹងកាស៊ីណូតន់ហន់ បន្តកើនឡើងដល់ ២២៨នាក់ហើយ បើបូកបញ្ចូលទាំងករណីកើតថ្មី ចំនួន ៦០បន្ថែមទៀត ដែលរដ្ឋបាលខេត្តកំពតរកឃើញនៅថ្ងៃទី០២ ខែមិថុនានេះ ។ យោងតាមសេចក្តីប្រកាសព័ត៌មានរបស់រដ្ឋបាលខេត្តកំពត ដែលបាននៅថ្ងៃទី០២ ខែមិថុនានេះ បានបង្ហាញថា យោងតាមលទ្ធផលនៃការវិភាគសំណាករកមេរោគកូវីដ១៩ នៅថ្ងៃទី០២ ខែមិថុនានេះ បានរកឃើញអ្នកជំងឺកូវីដ-១៩ ថ្មីចំនួន ៦០នាក់ ស្រី ៣៤នាក់ ពាក់ព័ន្ធនឹងកាស៊ីណូ សុខ គឹមម៉េង ច្រកទ្វារទ្វេភាគីតន់ហន់ ស្ថិតនៅក្នុងភូមិ ព្រែកក្រឹស ឃុំព្រែកក្រឹស ស្រុកកំពង់ត្រាច។ នៅក្នុងសេចក្តីប្រកាសនោះដែរ ក៏បានបញ្ជាក់ថា អ្នកដែលវិជ្ជមានកូវីដ-១៩ខាង បាននឹងកំពុងដាក់ឲ្យសម្រាកព្យាបាលនៅមណ្ឌលព្យាបាលវិទ្យាល័យព្រះបីតាជាតិ និងមណ្ឌលព្យាបាលសុខ គឹមម៉េង។ ហើយបច្ចុប្បន្នក្រុមឆ្លើយតបបន្ទាន់ បាននឹងកំពុងស្រាវជ្រាវទីតាំងនិងកំណត់មុខសញ្ញាអ្នកដែលពាក់ព័ន្ធក្នុងករណីខាងលើនេះបន្តទៀត។ រដ្ឋបាលខេត្តកំពត បានអំពាវនាវ ប្រជាពលរដ្ឋដែលជាប់ពាក់ព័ន្ធ និងអ្នកកើតកូវីដ-១៩ទាំងអស់ដូចរាយឈ្មោះខាងលើ សូមធ្វើចត្តាឡីស័ក តាមការណែនាំរបស់ក្រសួងសុខាភិបាល ហើយបើសិនបើមានបញ្ហាសុខភាព អាចមកយកសំណាកនៅសាលាវិទ្យាល័យព្រះបីតាជាតិ ឬមន្ទីរពេទ្យបង្អែកដែលនៅជិតផ្ទះបងប្អូនរាល់ពេលម៉ោងធ្វើការ។ ដោយឡែកចំពោះបងប្អូនប្រជាពលរដ្ឋទូទៅសូមបន្តអនុវត្តវិធានការបីការពារ បីកុំឲ្យបានជាប់ជាប្រចាំ ដើម្បីរួមគ្នាទប់ស្កាត់ការឆ្លងរីករាលដាលនៃជំងឺកូវីដ-១៩។ គិតមកត្រឹមល្ងាចថ្ងៃទី០២ ខែមិថុនានេះ ក្នុងព្រឹត្តិការសហគមន៍២០កុម្ភៈ ចំនួនអ្នកកើតកូវីដ១៩ទូទាំងខេត្តកំពត មានចំនួន ២៨១នាក់ ជាសះស្បើយចំនួន ៣២នាក់ ៕ អត្ថបទ៖ សារីម

មន្ទីរសុខាភិបាលខេត្តស្វាយរៀងថា កម្មករជាង ៣០០នាក់ ឆ្លងកូវីដនៅរោងចក្រមួយចំនួននៅក្រុងបាវិត

ស្វាយរៀង៖ លោក កែរ រដ្ឋា ប្រធានមន្ទីរសុខាភិបាលខេត្តស្វាយរៀង បានឲ្យដឹងថា ក្រោយពីមានការផ្ទុះឡើងនូវជំងឺកូវីដ-១៩លើកម្មករ-កម្មការនី ក្នុងរោងចក្រមមួយចំនួន នៅតំបន់សេដ្ឋកិច្ចពិសេសក្រុងបាវិត ខេត្តស្វាយរៀង គិតមកទល់ពេលនេះ មានកម្មករជាង ៣០០នាក់ បានឆ្លងជំងឺកូវីដ-១៩ ខណៈមនុស្សជាង ២ពាន់នាក់ បានយកសំណាកតេស្តជំងឺកូវីដ១៩។ ថ្លែងប្រាប់BTV នៅថ្ងៃទី០២ ខែឧសភា ឆ្នាំ២០២១នេះ លោក កែរ រដ្ឋា ប្រធានមន្ទីរសុខាភិបាល ខេត្តស្វាយរៀង បានមានប្រសាសន៍ថា តាមរយៈព្រឹត្តិការណ៍សហគមន៍២០កុម្ភៈ ខេត្តស្វាយរៀងត្រូវបានរកឃើញអ្នកជំងឺកូវីដ-១៩ជាង ៩០០នាក់ ខណ:ចំនួនអ្នកឆ្លងភាគច្រើនជាកម្មករក្នុងរោងចក្រឧស្សាហកម្មចំនួន ០៨រោងចក្រ នៅតំបន់សេដ្ឋកិច្ចពិសេសមួយចំនួនស្ថិតក្នុងក្រុងបាវិត។លោកបានបន្តថា បច្ចុប្បន្នអ្នកឆ្លងជំងឺកូវីដ១៩ កំពុងសម្រាកព្យាបាលនៅតាមមន្ទីរពេទ្យ និងមណ្ឌលព្យាបាលកម្រិតចំនួន៣ទីតាំង។ លោក កែរ រដ្ឋា បានបញ្ជាក់ថា ទោះបីការគ្រប់គ្រងស្ថានការណ៍ការផ្ទុះនូវជំងឺកូវីដ-១៩ក្នុងរោងចក្រមានការវិវឌ្ឍល្អប្រសើរ ក៏ប៉ុន្តែ នៅមានកម្មករ-កម្មការនីមួយចំនួនត្រូវបានរកឃើញឆ្លងជាបន្តបន្ទាប់អំឡុងពេលពួកគាត់ធ្វើចត្តាឡីស័កនៅតាមផ្ទះរបស់ខ្លួន។ដោយឡែកលោក អ៊ូ សុខឿន ប្រធានមន្ទីរការងារ និងបណ្ដុះបណ្ដាលវិជ្ជាជីវៈ: បានឲ្យដឹងថា បន្ទាប់ពីមានការផ្ទុះជំងឺកូវីដ-១៩ នៅក្នុងរោងចក្របានធ្វើឲ្យរោងចក្រមួយចំនួនបានបាត់បង់កម្លាំងពលកម្មកម្មករ-កម្មការនី ប្រមាណជាង ១ម៉ឺននាក់។ ដើម្បីទប់ស្កាត់ និងធានានូវចរន្តសង្វាក់ផលិតកម្មក្នុងរោងចក្រ សហគ្រាស អាជ្ញាធរខេត្ត បានដាក់ចេញនូវវិធានការជំរុញដល់ម្ចាស់រោងចក្រ សហគ្រាសទាំងអស់ត្រូវចូលរួមណែនាំដល់កម្មករ-កម្មការនីអនុវត្តនូវវិធានការសុខាភិបាល ឲ្យខ្ពស់បំផុត ពិសេស៣កុំ ៣ការពារ ខណ:ក្រុមការងារនៃមន្ទីរការងារខេត្តស្វាយរៀង ក៏នឹងមានការចុះពិនិត្យជាប្រចាំតាមបណ្តារោងចក្រសហគ្រាស នីមួយៗផងដែរ៕ អត្ថបទ៖ សេក ឧត្តម

គម្រោងផ្លូវល្បឿនលឿនភ្នំពេញ-ក្រុងព្រះសីហនុ សាងសង់សម្រេចបានជាង ៥១%

ភ្នំពេញ៖ គម្រោងសាងសង់ផ្លូវល្បឿនលឿនពីភ្នំពេញ ទៅកាន់ក្រុងព្រះសីហនុ គិតមកដល់ពេលនេះ សាងសង់សម្រេចបានជាង ៥១% រួចហើយ ដោយគម្រោងនេះ នឹងគ្រោងបញ្ចប់ការសាងសង់ជាស្ថាពរ នៅត្រឹមថ្ងៃទី ៣១ ខែឧសភា ឆ្នាំ២០២៣។តាមរបាយការណ៍ក្រសួងសាធារណការ និងដឹកជញ្ជូន បានបង្ហាញឱ្យដឹងថា ទោះបីជាប្រទេសកម្ពុជាប្រឈមនឹងការរីករាលដាលនៃជំងឺកូវីដ-១៩ យ៉ាងណាក៏ដោយដំណើរនៃការសាងសង់ផ្លូវល្បឿនលឿនភ្នំពេញ-ក្រុងព្រះសីហនុ នៅតែបន្តដំណើរការដដែល ដោយមិនមានការប៉ះពាល់នោះឡើយ ក្នុងនោះ ក្រុមការងារ បុគ្គលិក កម្មករទាំងអស់ បានខិតខំប្រឹងប្រែងតស៊ូជម្នះនូវគ្រប់ស្ថានភាព, ជាក់ស្ដែងមកដល់ពេលនេះ គម្រោងសាងសង់ផ្លូវល្បឿនលឿនភ្នំពេញ-ក្រុងព្រះសីហនុ ដែលមានប្រវែងសរុបជាង ១៩០គីឡូម៉ែត្រ តភ្ជាប់ពីភូមិ១ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ដល់ភូមិ១ សង្កាត់លេខ៣ ក្រុងព្រះសីហនុ សម្រេចបានប្រមាណ ៥១,៣៥% ហើយតាមកិច្ចសន្យា គ្រោងនេះបញ្ចប់នៅថ្ងៃទី៣១ ខែឧសភា ឆ្នាំ២០២៣ ខាងមុខ។ពាក់ព័ន្ធផលប៉ះពាល់វិញ, ក្រសួងសបញ្ជាក់ថា ចំពោះការដោះស្រាយផលប៉ះពាល់ក្នុងការសាងសង់ផ្លូវល្បឿនលឿន ភ្នំពេញ-ក្រុងព្រះសីហនុ សម្រេចបាន ៩៩,៩% ស្មើជាង ១៨៦ គីឡូម៉ែត្រ នេះបើគិតត្រឹមថ្ងៃទី២៨ ខែឧសភា ឆ្នាំ២០២១ ហើយក្រសួងកំពុងតែខិតខំប្រឹងប្រែងធ្វើការដោះស្រាយបញ្ហាដែលនៅសេសសល់ឱ្យបានរួចរាល់ក្នុងពេលឆាប់ៗនេះផងដែរ។ចំណែកទាក់ទងបច្ចេកទេសសាងសង់, ក្រសួងសាធារណការ និងដឹកជញ្ជូន បង្ហាញថា ចំពោះទទឹងតួផ្លូវសរុប នៃគម្រោងខាងលើ នឹងត្រូវសាងសង់រហូតដល់ ២៤,៥ម៉ែត្រ ក្រាលបេតុងកៅស៊ូ (AC) កម្រាស់១០ សង់ទីម៉ែត្រ ទទឹង ២៣ ម៉ែត្រ ក្នុងនោះ រួមមាន៖ គន្លងផ្លូវធ្វើចរាចរណ៍សម្រាប់រថយន្ដ ទទឹង ១៥ ម៉ែត្រ ចែកជា ៤ គន្លង (២ គន្លងទៅ ២ គន្លងមក) ដែលគន្លងនីមួយៗមានទទឹង ៣,៧៥ ម៉ែត្រ អាចឱ្យយានយន្តគ្រប់ប្រភេទបើកបរក្នុងល្បឿនរហូតដល់ ១០០ គីឡូម៉ែត្រក្នុងមួយម៉ោង និងកន្លែងខ្លះអាចដល់ ១២០ គីឡូម៉ែត្រ ក្នុងមួយម៉ោង។សូមបញ្ជាក់ថា៖ គម្រោងសាងសង់ផ្លូវល្បឿនលឿនភ្នំពេញ-ក្រុងព្រះសីហនុ បានសាងសង់ឆ្លងកាត់រាជធានីភ្នំពេញ ៨,៣០ គីឡូម៉ែត្រ, ខេត្តកណ្តាល ៩,១០ គីឡូម៉ែត្រ, ខេត្តកំពង់ស្ពឺ ៨០,៨០គីឡូម៉ែត្រ, ខេត្តកោះកុង ១,៩២ គីឡូម៉ែត្រ, និងខេត្តព្រះសីហនុ ៨៩,៨៩គីឡូម៉ែត្រ ដោយចំណាយថវិកាសាងសង់សរុបប្រមាណ ២.០០០ លានដុល្លារអាមេរិក ជាទុនវិនិយោគរបស់ក្រុមហ៊ុនសាជីវកម្មស្ពាន និងថ្នល់ចិន (CRBC) តាមរយៈក្រុមហ៊ុន Cambodian PPSHV Expressway Co., Ltd៕អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

សាស្ត្រាចារ្យ និងថ្នាក់ដឹកនាំ ៧២រូប ចូលរួមតាក់តែងវិញ្ញាសាប្រឡងប្រជែងជ្រើសរើសមន្ត្រីរាជការ សម្រាប់រដ្ឋលេខាធិការដ្ឋានកិច្ចការព្រំដែន ដែលការប្រឡងនឹងប្រព្រឹត្តទៅនៅរសៀលនេះ

បណ្តារដ្ឋសម្ព័ន្ធយោធា NATO រិះគន់រុស្ស៊ី បន្ទាប់ពីការធ្លាក់យានដ្រូននៅប្រទេសរ៉ូម៉ានី

លោក Trump និយាយថា កំពុងធ្វើការសម្រេចចិត្តចុងក្រោយលើកិច្ចព្រមព្រៀងជាមួយអ៊ីរ៉ង់

សម្ដេចធិបតីពន្យល់អំពីកូតាដែលអាមេរិកផ្ដល់អាហារូបករណ៍ឱ្យទៅរៀននៅសាលាបណ្ឌិតសភាយោធាអាមេរិក West Point និងច្រានចោលការលើកឡើងរបស់ពលរដ្ឋថៃថាទៅតាមរយៈកូតារបស់កងទ័ពថៃ

អនុប្រធានទី១ គ.ជ.គ.ម ណែនាំឲ្យរៀបចំផែនការសកម្មភាពត្រៀមឆ្លើយតបចំពោះគ្រោះមហន្តរាយកើតឡើងជាយថាហេតុក្នុងរដូវវស្សា

សម្តេចតេជោ ហ៊ុន សែន ជួបសំណេះសំណាលជាមួយក្រុមប្រឹក្សា មន្ត្រីនៃមន្ទីរអង្គភាពនានា ក្នុងខេត្តពោធិ៍សាត់

រូបយន្តមុជទឹកក្រោមបាតបឹងកកប្រទេសស្វីស មានគោលបំណងវាស់កម្រាស់ទឹកកកពីខាងក្រោមទឹក

UNICEF៖ កុមារកាន់តែច្រើនបន្ថែមទៀត អាចរងទុក្ខវេទនា បើអ៊ីស្រាអែលពង្រីកការគ្រប់គ្រង នៅតំបន់ហ្កាហ្សា

មន្ត្រីរុស្ស៊ីព្រមានអឺរ៉ុបឲ្យត្រៀមប្រឈមឧប្បត្តិហេតុយានដ្រូនបន្ថែមទៀត ក្រោយហេតុការណ៍ នៅរ៉ូម៉ានី

ក្រុមជីករ៉ែខុសច្បាប់ទាញយកប្រយោជន៍មាសតម្លៃរាប់ពាន់លានដុល្លារនៅព្រៃជប់ភ្លៀងអាម៉ាហ្សូនរបស់ប្រេស៊ីល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ពលរដ្ឋ ០៥នាក់នៅខេត្តក្រចេះ ត្រូវបានរកឃើញឆ្លងមេរោគកូវីដ ១ថ្ងៃក្រោយវិលត្រឡប់មកពីខេត្តកំពង់ធំ

ខេត្តកំពង់ចាម រកឃើញពលរដ្ឋ ៣៣នាក់ទៀតឆ្លងកូវីដ-១៩ ស្រុកជើងព្រៃបន្តរកឃើញច្រើនជាងគេ

ខេត្តប៉ៃលិននឹងបិទខ្ទប់ភូមិចំនួន៣ នៅក្នុងស្រុកសាលាក្រៅ ក្រោយផ្ទុះការឆ្លងកូវីដ-១៩ជាច្រើនករណី

ខេត្តប៉ៃលិន បានរកឃើញពលរដ្ឋ ៤២នាក់ទៀតឆ្លងកូវីដ-១៩ ជាចំនួនឆ្លងច្រើនបំផុតលើកដំបូងនៅក្នុងខេត្តនេះ

ខេត្តកំពតរកឃើញពលរដ្ឋ ៦០នាក់ទៀតឆ្លងកូវីដ-១៩ ភាគច្រើនជាកសិករ និងបុគ្គលិកកាស៊ីណូ

ភ្នំពេញបន្តកំណត់ជាតំបន់លឿង និងលឿងទុំរយៈពេលមួយសប្ដាហ៍ទៀត

រដ្ឋបាលខេត្តកំពត បន្តរកឃើញអ្នកវិជ្ជមានកូវីដ-១៩ ចំនួន ៦០នាក់ទៀត ពាក់ព័ន្ធកាស៊ីណូតន់ហន់

មន្ទីរសុខាភិបាលខេត្តស្វាយរៀងថា កម្មករជាង ៣០០នាក់ ឆ្លងកូវីដនៅរោងចក្រមួយចំនួននៅក្រុងបាវិត

គម្រោងផ្លូវល្បឿនលឿនភ្នំពេញ-ក្រុងព្រះសីហនុ សាងសង់សម្រេចបានជាង ៥១%

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ខេត្តកំពង់ចាម​ រកឃើញ​ពលរដ្ឋ​ ៣៣​នាក់​ទៀត​ឆ្លង​កូ​វីដ​-១៩ ស្រុក​ជើងព្រៃ​បន្ត​រក​ឃើញ​ច្រើនជាងគេ​

ខេត្តកំពត​រកឃើញ​ពលរដ្ឋ​ ៦០​នាក់​ទៀត​ឆ្លង​កូ​វីដ​-១៩ ភាគច្រើន​ជា​កសិករ និង​បុគ្គលិក​កាស៊ីណូ​

ភ្នំពេញ​បន្ត​កំណត់​ជា​តំបន់​លឿង និង​លឿងទុំ​រយៈពេល​មួយ​សប្ដាហ៍​ទៀត​

រដ្ឋបាល​ខេត្តកំពត​ ប​ន្ត​រកឃើញ​អ្នក​វិជ្ជមាន​កូ​វីដ-១៩ ចំនួន​ ៦០​នាក់​ទៀត ​ពាក់ព័ន្ធ​កាស៊ីណូ​តន់​ហន់

គម្រោង​ផ្លូវ​ល្បឿន​លឿន​ភ្នំពេញ​-​ក្រុងព្រះសីហនុ សាងសង់​សម្រេច​បាន​ជាង ៥១%

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ខេត្តកំពង់ចាម រកឃើញពលរដ្ឋ ៣៣នាក់ទៀតឆ្លងកូវីដ-១៩ ស្រុកជើងព្រៃបន្តរកឃើញច្រើនជាងគេ

ខេត្តកំពតរកឃើញពលរដ្ឋ ៦០នាក់ទៀតឆ្លងកូវីដ-១៩ ភាគច្រើនជាកសិករ និងបុគ្គលិកកាស៊ីណូ

ភ្នំពេញបន្តកំណត់ជាតំបន់លឿង និងលឿងទុំរយៈពេលមួយសប្ដាហ៍ទៀត

រដ្ឋបាលខេត្តកំពត បន្តរកឃើញអ្នកវិជ្ជមានកូវីដ-១៩ ចំនួន ៦០នាក់ទៀត ពាក់ព័ន្ធកាស៊ីណូតន់ហន់

គម្រោងផ្លូវល្បឿនលឿនភ្នំពេញ-ក្រុងព្រះសីហនុ សាងសង់សម្រេចបានជាង ៥១%