BTV NEWS

ប្រធានក្រុមការងារចុះមូលដ្ឋាន ប្រកាសបញ្ចូលសមាជិកថ្មីគណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ

សម្ដេចតេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន

ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី

ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

ទេសរដ្ឋមន្ត្រី លី ធុជ៖ អង្គការ NPA បានចូលរួមយ៉ាងសកម្ម ក្នុងសកម្មភាពដោះមីននៅកម្ពុជា

ភ្នំពេញ៖ ឯកឧត្ដមទេសរដ្ឋមន្ត្រីលី ធុជ អនុប្រធានទី១ អាជ្ញាធរមីន នៅថ្ងៃទី២១ ខែកញ្ញានេះ បានអនុញ្ញាតឲ្យ លោកស្រី Portia Clare Stratton ប្រធានគម្រោងសកម្មភាពមីន នៃអង្គការNPA ចូលជួបពិភាក្សាការងារ ស្តីពីកិច្ចសហប្រតិបត្តិការ និងភាពជាដៃគូ លើវិស័យសកម្មភាពមីននៅកម្ពុជា។នៅក្នុងឱកាសនោះ ឯកឧត្តមទេសរដ្ឋមន្ត្រីបានបញ្ជក់ថា អង្គការNPA បានចូលរួមយ៉ាងសកម្ម ក្នុងសកម្មភាពដោះមីននៅកម្ពុជា។មានប្រសាសន៍ប្រាប់ BTV ក្រោយជំនួបពិភាក្សាការងារជាមួយលោកស្រី Portia Clare Stratton ប្រធានគម្រោងសកម្មភាពមីន នៃអង្គការ NPA ឯកឧត្តមទេសរដ្ឋមន្ត្រីលី ធុជ អនុប្រធានទី១អាជ្ញាធរមីន បានលើកឡើងថា រាជរដ្ឋាភិបាលកម្ពុជា ដោយមានការចូលរួមគាំទ្រពីបណ្តាប្រទេសជាមិត្ត ម្ចាស់ជំនួយ និងដៃគូ ក្នុងនោះ ក៏មានប្រទេសន័រវេស្សផងដែរនោះ បានសម្រេចនូវសមិទ្ធផលយ៉ាងច្រើនគួរជាទីមោទនៈ លើវិស័យបោសសម្អាតមីនមនុស្សធម៌នៅកម្ពុជា។ឯកឧត្តមទេសរដ្ឋមន្ត្រី បន្តថា អង្គការ NPA បានចូលរួមការងារសកម្មភាពមីននៅកម្ពុជា អស់រយៈពេលជាងជាច្រើនឆ្នាំ ក្នុងនោះ រួមមានការបោសសម្អាតមីននិងគ្រាប់បែកចង្កោម ការលើកកម្ពស់សមត្ថភាពថ្នាក់ជាតិ និងការបង្ហាត់សុនខហិតមីននៅកម្ពុជា និងសកម្មភាពផ្សេងៗមួយចំនួនទៀត។ជាមួយគ្នានេះ លោកស្រី Portia Stratton បានកោតសរសើរ និងវាយតម្លៃខ្ពស់ចំពោះរាជរដ្ឋាភិបាលកម្ពុជា ដែលមានឆន្ទៈ និងគោលដៅច្បាស់លាស់ ដើម្បីដោះស្រាយនូវសំណល់ជាតិផ្ទុះពីសង្គ្រាម សម្រាប់ប្រទេសជាតិ និងប្រជាជនកម្ពុជា។ លោកស្រី បានបង្ហាញអំពីការតាំងចិត្តរបស់ រាជរដ្ឋាភិបាល និងប្រជាជនន័រវេស្ស តាមរយៈអង្គការ NPA នឹងបន្តជួយគាំទ្រដល់រាជរដ្ឋាភិបាលកម្ពុជា តាមរយៈអាជ្ញាធរមីន ក្នុងការងារបោសសម្អាតមីនមនុស្សធម៌ ស្របតាមគោលដៅរបស់រាជរដ្ឋាភិបាលកម្ពុជា គ្មានមីននៅឆ្នាំ២០២៥។ជាការកត់សំគាល់ ចាប់តាំងពីឆ្នាំ១៩៩២ ដល់បំណាច់ខែមិថុនា ឆ្នាំ២០២០នេះ ផ្ទៃដីប្រមាណជាង២ពាន់ គីឡូម៉ែត្រក្រឡា ត្រូវបានបោសសម្អាតដោយប្រតិបត្តិករជាតិ-អន្តរជាតិ ដោយក្នុងនោះ រកឃើញ និងកម្ទេចចោលមីនប្រឆាំងមនុស្សមានជាង១លានគ្រាប់ មីនប្រឆាំងរថក្រោះជាង២ម៉ឺនគ្រាប់ និងសំណល់ជាតិផ្ទុះពីសង្គ្រាមមានជាង២លានគ្រាប់៕ អត្ថបទ៖ទូច សោភ័ណ

អគ្គស្នងការនគរបាលជាតិ ក្រើនរំលឹកដល់មន្ត្រីនគរបាលទាំងអស់ ត្រូវអនុវត្តតួនាទី ភារកិច្ច និងគោរពវិន័យជាដាច់ខាត

កំពង់ធំ៖ អគ្គស្នងការនគរបាលជាតិក្រើនរំលឹកដល់មន្ត្រីនគរបាលទាំងអស់ ត្រូវអនុវត្តតួនាទី ភារកិច្ច និងគោរពវិន័យរបស់កងកម្លាំងជាដាច់ខាត ព្រោះនគរបាលគ្រប់រូបជាកម្លាំងស្នូលមួយ ក្នុងការជួយ ថែរក្សាសុខសុវត្ថិភាពក្នុងសង្គម ព្រមទាំងជួយកាត់បន្ថយសេចក្តីព្រួយបារម្ភរបស់ប្រជាពលរដ្ឋទូទៅ។ថ្លែងក្នុងពិធីប្រកាសចូលកាន់មុខតំណែងលោក ម៉ែន លី ជាស្នងការនគរបាលខេត្តកំពង់ធំ នៅថ្ងៃទី២១ ខែកញ្ញា ឆ្នាំ២០២០ ឯកឧត្តមនាយឧត្តមសេនីយ៍សន្ដិបណ្ឌិត នេត សាវឿន អគ្គស្នងការនគរបាលជាតិ ក្រើនរំលឹកដល់មន្ត្រីនគរបាលទាំងអស់ត្រូវតែអនុវត្តតួនាទីភារកិច្ចរបស់ ខ្លួនជាដាច់ខាត ដើម្បីថែរក្សាសុខសុវត្ថិភាព និងនាំមកនូវភាពជោគជ័យសម្រាប់អង្គទាំងមូល។ ឯកឧត្ដមនាយឧត្តមសេនីយ៍សន្ដិបណ្ឌិត បន្តថា ការអនុវត្តបានល្អប្រសើរនូវតួនាទីភារកិច្ចទាំងអស់ នេះ នឹងធ្វើឲ្យមន្ត្រីទាំងអស់នៅក្នុងអង្គភាពអគ្គស្នងការនគរបាលជាតិគ្រប់លំដាប់ថ្នាក់ លុបបំបាត់ ចោលវប្បធម៌ “ក្ដិចត្រួយ” ក្នុងការប្រកួតប្រជែកលើមុខដំណែង និងឋានន្តរស័ក្តិ ខុសពីសីលធម៌វិជ្ជាជីវៈ ព្រមទាំងវិន័យរបស់អង្គភាពផង។ ឋានន្តរស័ក្តិ តួនាទី និងមុខតំណែងដែលត្រូវបានថ្នាក់ដឹកនាំគ្រប់លំដាប់ថ្នាក់ ប្រគល់ជូនគឺជាតម្លៃមិនអាចកាត់ថ្លៃបាន ដែលស្តែងចេញតាមរយៈការប្រឹងប្រែងបំពេញការងារ ប្រកបដោយទំនួលខុសត្រូវ! ឈរលើផលប្រយោជន៍រួមរបស់ប្រទេសជាតិ ប្រជាពលរដ្ឋ រួមជាមួយអង្គភាពសាមីផងដែរ។ឯកឧត្តមបន្ថែមថា កង្វល់បច្ចុប្បន្ន ដែលត្រូវឲ្យមន្ត្រីនគរបាលគ្រប់រាជធានីខេត្តត្រូវអនុវត្តបន្ទាន់ ដូចភ្លៀង រលឹមនោះ គឺ ១.ការបង្ក្រាបគ្រឿងញៀនឲ្យដល់ឫសគល់ (មេក្លោងជួញដូរ), ២.ការអនុវត្តន៍ឲ្យបាន ម៉ឺងមាត់ដោយមិនមានការលើកលែង បក្សពួក និងឋានៈក្នុងសង្គម និង៣. អំពើហិង្សាដែលតែងតែកើតឡើងលើបងប្អូនប្រជាពលរដ្ឋ។ហើយកង្វល់ទាំងបីនេះត្រូវចាត់ទុកថា ជាកង្វល់យើងទាំងអស់គ្នា មិនត្រូវដាក់បន្ទុកតែលើកងកម្លាំង មន្ត្រីរាជការ ឬប្រជាពលរដ្ឋណាម្នាក់ ឡើយ! ប៉ុន្តែត្រូវរួមគ្នាដោះស្រាយ រួមគ្នាធ្វើទាំងអស់គ្នាដើម្បីកម្ពុជាទាំងមូលមានភាពសុខសាន្ត និងរីកចម្រើន។ ឯកឧត្ដមសង្កាត់ធ្ងន់ថា បញ្ហាចំពោះមុខគណៈបញ្ជាការឯកភាពខេត្ត ត្រូវមានវិធានការជាគោលទប់ស្កាត់របស់ឧបាយកលពួកអមិត្ត ដែលមានបំណងបំផ្លាញសន្តិសុខជាតិ បំផ្លាញសេចក្តីសុខសាន្តរបស់ប្រជាពលរដ្ឋផងដែរ៕

ពលរដ្ឋមានជំងឺឈឺក្បាលរ៉ាំរ៉ៃ សូមមកពិគ្រោះព្យាបាលជំងឺជាមួយគ្រូពេទ្យឯកទេស

ភ្នំពេញ៖ លោកវេជ្ជបណ្ឌិត ម៉ប់ សីហា ឯកទេសវះកាត់ប្រព័ន្ធប្រសាទ នៃមនី្ទរពេទ្យព្រះអង្គឌួង បានអំពាវនាវឲ្យប្រជាពលរដ្ឋ ដែលមានជំងឺឈឺក្បាលរ៉ាំរ៉ៃ សូមមកពិគ្រោះព្យាបាលជំងឺជាមួយគ្រូពេទ្យឯកទេសជៀសវាងការប្រើប្រាស់ថ្នាំ ដោយគ្មានវេជ្ជបញ្ជា ដើម្បីវាយតម្លៃថា គាត់មានដុំសាច់ក្នុងខួរក្បាល ឬអត់។លោកវេជ្ជបណ្ឌិត បន្តថា ដុំសាច់ក្នុងខួរក្បាល គឺជាប្រភេទដុំសាច់មួយ ដែលកើតចេញពីការលូតលាស់ ភាពមិនប្រក្រដី នៃកោសិកាប្រព័ន្ធប្រសាទ ឬក៏កោសិកានៅជុំវិញប្រព័ន្ធប្រសាទ ដែលវាលុកលុយដល់ដុំសាច់ខួរក្បាល។ ជាទូទៅប្រជាពលរដ្ឋស្គាល់ដុំសាច់នៅក្នុងខួរក្បាលបាន គឺដុំសាច់នោះ មាន០២ប្រភេទ ដុំសាច់ស្លូត (គ្រូពេទ្យវះកាត់ព្យាបាលឲ្យជាសះស្បើយបាន១០០% ប៉ុន្តែលុះត្រាតែអ្នកជំងឺនោះធ្វើរោគវិនិច្ឆ័យបានទាន់ពេលវេលា) និងដុំសាច់កាច (គឺជាទូទៅដែលយើងទាំងអស់គ្នាស្គាល់ថា មហារីកខួរក្បាល ទោះបីធ្វើការវះកាត់ព្យាបាលរួចរាល់ ក៏អ្នកជំងឺមិនអាចមានជីវិតរស់នៅបានយូរដែរ)។ដុំសាច់ក្នុងខួរក្បាល កើតឡើងលើមនុស្សគ្រប់វ័យទាំងអស់ តាំងពីកើតមក រហូតដល់គាត់ស្លាប់។ ប៉ុន្តែ យើងចែកចេញក្រុមអាយុ ជា២ គឺជំងឺដុំសាច់ចំពោះកុមារ និងជំងឺដុំសាច់ចំពោះមនុស្សធំ។សម្រាប់អ្នកជំងឺដុំសាច់ក្នុងខួរក្បាល គួរជៀសវាងការបរិភោគអាហារខ្លោចៗ និងបន្លែណាដែលមានសារធាតុគីមីច្រើន ហើយក៏ត្រូវការលើកទឹកចិត្តពីក្រុមគ្រួសាររបស់គាត់ ដើម្បីឲ្យគាត់អាចរស់នៅក្នុងសង្គមបានយូរផងដែរ។ជាមួយគ្នានោះដែរ ប្រជាពលរដ្ឋ០២រូប មានប័ណ្ណសមធម៌ ឬហៅថាប័ណ្ណក្រីក្រ គឺលោក ឌឹម សារ៉ាន់ រស់នៅខេត្តកំពង់ចាម មានអាការៈឈឺក្បាលស្ទើររាល់ថ្ងៃ ដូច្នេះ ទើបលោកសម្រេចចិត្តមកធ្វើការព្យាបាល នៅក្នុងមនី្ទរពេទ្យព្រះអង្គឌួង ក្រោយការវៈកាត់ បានធ្វើឲ្យជំងឺរបស់លោកធូរស្បើយច្រើន។ ដោយឡែកអ្នកស្រី ផាន់ សុខុន រស់នៅខេត្តកោះកុង មានជំងឺកៀបសរសៃឆ្អឹងខ្នង អស់រយៈពេល៤ ទៅ៥ឆ្នាំមកហើយ ទោះទៅព្យាបាលជំងឺនៅមនី្ទរណាក៏អត់ជាសះស្បើយដែរ លុះដល់មកព្យាបាលជំងឺនៅក្នុងមនី្ទរពេទ្យព្រះអង្គឌួង ធ្វើឲ្យជំងឺរបស់គាត់មានអាការៈធូរស្បើយច្រើន។ជាចុងក្រោយលោកវេជ្ជបណ្ឌិត ម៉ប់ សីហា បានថ្លែងអំណរគុណដល់លោកសាស្ត្រាចារ្យ លូ លីឃាង នាយកមនី្ទរពេទ្យព្រះអង្គឌួង ដែលបានពង្រីកសេវាកម្មបន្ថែម ដើម្បីផ្តល់សេវាថែទាំព្យាបាលជំងឺជូនប្រជាពលរដ្ឋ ឲ្យកាន់តែមានប្រសិទ្ធភាព និងគុណភាពខ្ពស់ ម្យ៉ាងទៀតមនី្ទរពេទ្យព្រះអង្គឌួង បានបំពាក់នូវឧបករណ៍ទំនើបៗ ដើម្បីធ្វើការវះកាត់ សម្រាប់ផ្តល់សុវត្ថិភាពខ្ពស់ជូនប្រជាពលរដ្ឋ៕អត្ថបទ៖ រដ្ឋា

ព្យុះNOUL បង្កជាប់គាំងការធ្វើដំណើរកម្សាន្ត នៃភ្ញៀវទេសចរ នៅតាមគោលដៅទេសចរណ៍មួយចំនួនក្នុងឱកាសភ្ជុំបិណ្ឌ

ភ្នំពេញ៖ ឥទ្ធិពលព្យុះទី១១មានឈ្មោះថា NOUL(នូល) ដែលបាននាំទឹកភ្លៀងធ្លាក់ខ្លាំង និងខ្យល់បោកបក់ខ្លាំង មកលើប្រទេសកម្ពុជា ចាប់ពីថ្ងៃទី១៨ ដល់ថ្ងៃទី២០ ខែកញ្ញា ឆ្នាំ២០២០នេះ គឺបានបង្កអោយប៉ះពាល់ការធ្វើដំណើរកម្សាន្ត នៃភ្ញៀវទេសចរ នៅតាមគោលដៅទេសចរណ៍សំខាន់ៗមួយចំនួន ជាពិសេសគោលដៅទេសចរណ៍ខេត្តព្រះសីហនុ បាត់ដំបង និងខេត្តសៀមរាបជាដើម។បើតាមឯកឧត្ដម តុប សុភ័ក រដ្ឋលេខាធិការ និងជាអ្នកនាំពាក្យក្រសួងទេសចរណ៍ បានថ្លែងប្រាប់BTV នៅថ្ងៃទី២១ ខែកញ្ញានេះថា នៅក្នុងអំឡុងពេលកម្ពុជា បានជួបរងនូវឥទ្ធិពលព្យុះ NOUL បានធ្វើអោយការធ្វើដំណើរកម្សាន្តនៃភ្ញៀវទេសចរក្នុងស្រុក នៅក្នុងឱកាសថ្ងៃឈប់សំរាកបុណ្យភ្ជុំបិណ្ឌចំនួន៣ថ្ងៃ និងថ្ងៃឈប់សម្រាកចុងសប្តាហ៍ចំនួន២ថ្ងៃនេះ បានជាប់គាំង ជាពិសេសបណ្តាភ្ញៀវទេសចរដែលធ្វើដំណើរទៅលេងកម្សាន្តនៅតាមបណ្តាកោះនានា នៅក្នុងខេត្តព្រះសីហនុ និងគោលដៅទេសចរណ៍មួយចំនួនទៀត នៅខេត្តបាត់ដំបងជាដើម។ឯកឧត្ដម តុប សុភ័ក បន្តថា ទោះយ៉ាងណាក៏ដោយនៅក្នុងឱកាសថ្ងៃឈប់សម្រាកបុណ្យភ្ជុំបិណ្ឌ ៣ថ្ងៃ នៅទូទាំងប្រទេសមានភ្ញៀវទេសចរក្នុងចេញដើរកម្សាន្តនៅតាមគោលដៅទេសចរណ៍នានា មានប្រមាណជាង១លាន១សែននាក់ ហើយរហូតមកដល់ថ្ងៃឈប់សម្រាកចុងសប្ដាហ៍ពីរថ្ងៃនេះទៀត គឺមានភ្ញៀវទេសចរចេញដើរកម្សាន្តបានកើនឡើង ប្រមាណ១លាន៥សែននាក់។ឯកឧត្ដម បន្តថា បច្ចុប្បន្ននៅទូទាំងប្រទេសគោលដៅទេសចរណ៍រួមមាន រមណីយដ្ឋានទេសចរណ៍ សហគមន៍ទេសចរណ៍ សហគមន៍អេកូទេសចរណ៍ និងតំបន់ដែលមានសក្តានុពលទេសចរណ៍ គឺមានប្រមាណ៥៥៧គោលដៅទេសចរណ៍ដែលអាចអោយភ្ញៀវទេសចរទៅទស្សនាកម្សាន្តបាន។ដោយឡែកបញ្ហាតម្លៃសេវានៅតាមគោលដៅទេសចរណ៍ ជារួមឯកឧត្តម បានវាយតំលៃថា គឺមានគ្រប់គ្រងបានល្អជាងមុនច្រើន ពីសំណាក់អាជ្ញាធរមូលដ្ឋាន ពោលគឺតំលៃលក់ម្ហូបអាហារ សេវាធ្វើដំណើរកម្សាន្ត និងការស្នាក់នៅជាដើម គឺភាគច្រើនមិនមានតំឡើងថ្លៃខ្ពស់ នៅក្នុងអំឡុងពេលឈប់សម្រាកកន្លងមកនេះទេ៕ អត្ថបទ៖ ស៊ុម សុខជា

ក្រសួងបរិស្ថាន និងUSAID រួមគ្នាបើកយុទ្ធនាការការពារព្រៃឡង់ តាមរយៈការទំនាក់ទំនងផ្លាស់ប្ដូរឥរិយាបទសង្គម

ភ្នំពេញ ៖ ក្រសួងបរិស្ថាន និង USAID នៅព្រឹកថ្ងៃទី ២២ កញ្ញាឆ្នាំ ២០២០នេះ បានបើកយុទ្ធនាការការពារព្រៃឡង់ តាមរយៈ ការទំនាក់ទំនងផ្លាស់ប្ដូរឥរិយាបទសង្គម។ តាមរយៈយុទ្ធនាការនេះ គឺធ្វើឡើងដោយមានការផ្សព្វផ្សាយតាមបណ្ដាញសង្គម ដើម្បីលើកកម្ពស់ការយល់ដឹងពីសារៈសំខាន់ ក៏ដូចជាការចូលរួមក្នុងការថែរក្សាសម្បត្តិធម្មជាតិ។សម្រាប់ការបើកយុទ្ធនាការ នាព្រឹកនេះ លោកស្រី វីណា រេដឌី នាយិកាបេសកកម្ម USAID លើកឡើងថា យុទ្ធនាការនេះគឺបង្ហាញពីភាពជាដៃគូរបស់ទីភ្នាក់ងារជំនួយអាមេរិក USAID នៅក្នុងវិស័យបរិស្ថាននៅកម្ពុជា ក៏ដូចជាការបន្តប្ដេជ្ញាចិត្ត ក្នុងការអភិរក្សជីវៈចម្រុះដ៏មានសារសំខាន់នៅកម្ពុជា។ លោកស្រី សង្ឃឹមថា យុទ្ធនាការនេះនឹងមានការចូលរួមជាច្រើនពីប្រជាពលរដ្ឋគ្រប់រូប ជាពិសេសយុវជន ដើម្បីលើកកម្ពស់ការយល់ដឹង និងជួយលើកទឹកចិត្តឱ្យប្រជាពលរដ្ឋកម្ពុជាកាន់តែច្រើន ចូលរួមការពារសម្បត្តិធម្មជាតិ។យុទ្ធនាការការការពារព្រៃឡង់ តាមរយៈការទំនាក់ទំនងផ្លាស់ប្ដូរឥរិយាបទសង្គម នេះគឺនឹងធ្វើឡើងដោយប្រើប្រាស់បណ្ដាញទំនាក់ទំនងសង្គមក្នុងការផ្សព្វផ្សាយ ។ឯកឧត្តម សៅ សុភាព រដ្ឋលេខាធិការក្រសួងបរិស្ថាន បានបញ្ជាក់ថា យុទ្ធនាការនេះ គឺស្របទៅនឹងផែនការសកម្មភាព នយុទ្ធសាស្ត្រគាំពារបរិស្ថានរបស់រាជរដ្ឋាភិបាលកម្ពុជា ហើយយុទ្ធនាការនេះ នឹងផ្សព្វផ្សាយពីសម្រស់ ក៏ដូចជាមុខងារ និងតម្លៃរបស់ប្រព័ន្ធអេកូឡេស៊ី និងបង្ហាញពីការរស់នៅរបស់ប្រជាជនក្នុងសហគមន៍ផងដែរ។ឯកឧត្តម រដ្ឋលេខាធិការ បានលើកឡើងដែរថា ក្រៅពីយុទ្ធនាការដើម្បីជំរុញការផ្សព្វផ្សាយនេះ ក្រសួងក៏មានមន្ត្រីឧទ្យានុរក្សប្រចាំការ ការពារតំបន់ទាំងនោះផងដែរ។តាមទិន្នន័យរបស់ USAID បង្ហាញថា តំបន់ទេសភាពព្រៃឡង់ និងតំបន់ជុំវិញលាតសន្ធឹងលើផ្ទៃដីប្រមាណ ៣,៣ លានហិកតា គ្របដណ្ដប់លើខេត្តចំនួន ៤ រួមមាន ខេត្ត ព្រះវិហារ ខេត្តកំពង់ធំ ក្រចេះ និងខេត្តស្ទឹងត្រែង។ តំបន់ព្រៃឡង់នេះ មានព្រៃស្រោង ការប្រើប្រាស់ដីចម្រុះ តំបន់ការពារ ដីឯកជន និងរដ្ឋ សហគមន៍តំបន់ការពារធម្មជាតិ តំបន់ទាំងនេះ កំពុងប្រឈមការគំរាមកំហែងពីការកាប់បំផ្លាញព្រៃឈើ ការកាប់ឈើខុសច្បាប់ ក៏ដូចជាការបរបាញ់និងការជួញដូរសត្វព្រៃ និងការប្រែប្រួលអាកាសធាតុផងដែរ៕

អ្នកជំនាញសេដ្ឋកិច្ច និងក្រុមហ៊ុនឯកជនគាំទ្រគោលនយោបាយជួយទ្រទ្រង់វិស័យឯកជនអំឡុងពេលវិបត្តិCOVID-19

ភ្នំពេញ ៖ ការដាក់ចេញនូវគោលនយោបាយគាំទ្រវិស័យឯកជននៅក្នុងអំឡុងពេលពិភពលោកជួបវិបត្តិ COVID-19 របស់រាជរដ្ឋាភិបាលកន្លងមក ដែលមានដូចជា ការផ្តល់ការអនុគ្រោះពន្ធអាជីវកម្ម ពន្ធអាជ្ញាប័ណ្ណ និងផ្តល់ប្រាក់ឧបត្ថម្ភសម្រាប់កម្មករនិយោជិតដែលព្យួរការងារ ជាដើម គឺបានធ្វើអោយមូលដ្ឋានអាជីវកម្មមួយចំនួនធំ មានដំណើរការល្អ ដែលជួយទ្រទ្រង់វិស័យសេដ្ឋកិច្ចក្នុងស្រុក អ្នកជំនាញសេដ្ឋកិច្ច និងក្រុមហ៊ុនឯកជនបានសំដែងការគាំទ្រគោលនយោបាយរបស់រាជរដ្ឋាភិបាល ដែលបានជួយទ្រទ្រង់វិស័យឯកជនអំឡុងពេលវិបត្តិCOVID-19។លោកបណ្ឌិត គី សេរីវឌ្ឍន៍ អ្នកជំនាញនិងជាអ្នកស្រាវជ្រាវផ្នែកសេដ្ឋកិច្ចនៃរាជបណ្ឌិត្យសភាកម្ពុជា បានថ្លែងប្រាប់ BTV នៅថ្ងៃទី២២ ខែកញ្ញានេះ ថា រាជរដ្ឋាភិបាលក្រោមដឹកនាំរបស់ប្រមុខថ្នាក់ដឹកនាំរាជរដ្ឋាភិបាលគឺមានចក្ខុវិស័យ ច្បាស់លាស់ ជាពិសេសនៅក្នុងអំឡុងពេលដែលពិភពលោកជួបវិបត្តិ COVID-19 វិស័យទេសចរណ៍ធ្លាក់ចុះ គឺសម្តេច តេជោ បានដាក់ចេញនូវគោលនយោបាយអនុគ្រោះពន្ធទ្រទ្រង់វិស័យឯកជនអោយមានលំនឹង។ដោយឡែកបើតាមលោកស្រី ឆាយ សៀវលីន ប្រធានសហគមន៍ទីភ្នាក់ងារទេសចរណ៍កម្ពុជាCATA ក្នុងអំឡុងបរិបទកូវីដ១៩នេះ បញ្ហាប្រឈមនានាបានកើតឡើងប៉ះពាល់ដល់បណ្តាក្រុមហ៊ុនក្នុងវិស័យទេសចរណ៍ ប៉ុន្តែដោយភាពឈ្លាសវៃរបស់រាជរដ្ឋាភិបាល បានជួយស្រោចស្រង់ដល់ក្រុមហ៊ុនក្នុងវិស័យទេសចរណ៍ អនុគ្រោះផ្តល់កញ្ចប់ការមិនយកពន្ធ និងមកដល់ពេលនេះ ជាជុំទី៥ហើយ។បើតាមលោក សេរី មុន្នី តំណាងក្រុមហ៊ុនភ្នាក់ងារទេសចរណ៍ ណែលីន ស្តារ បានថ្លែងថា បច្ចុប្បន្នវិស័យទេសចរណ៍បានកំពុងធ្លាក់ចុះ ពុំសូវសំបូរភ្ញៀវដើរកំសាន្ត ប៉ុន្តែទោះយ៉ាងណា ក្រុមហ៊ុនរបស់លោកនៅតែបន្តបើកដំណើរការជាធម្មតា ដោយរាជរដ្ឋាភិបាលបានលើកទឹកចិត្ត និងផ្តល់កញ្ចប់អនុគ្រោះពន្ធជាច្រើនទៀត៕

កិច្ចប្រជុំ ស្តីពីសំណើរបស់សហព័ន្ធបាល់ទាត់ និងគណៈកម្មការរៀបចំបាល់ទាត់ជាតិ បានស្នើឲ្យអ្នកចូលទស្សនាបាល់ទាត់ឡើងវិញ

ភ្នំពេញ ៖ គណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ១៩ បើកកិច្ចប្រជុំ ស្តីពីសំណើររបស់សហព័ន្ធបាល់ទាត់ និងគណៈកម្មការរៀបចំបាល់ទាត់ជាតិ បានស្នើឲ្យអ្នកចូលទស្សនាបាល់ទាត់ឡើងវិញ , នាទីស្តីការក្រសួង នៅព្រឹកថ្ងៃទី២២ កញ្ញា ២០២០នេះ។ក្នុងកិច្ចប្រជុំនេះធ្វើឡើងក្រោមវត្តមានឯកឧត្តម សាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល និងអញ្ជើញចូលរួមរបស់ឯកឧត្តម ឌី វិជ្ជា ប្រធានគណៈកម្មការនាយក នៃគណៈកម្មការប្រកួតបាល់ទាត់កម្ពុជា និងឯកឧត្តម ស សុខា រដ្ឋលេខាធិការក្រសួងអប់រំ យុវជន និងកីឡា ក្នុងគោលបំណងពិភាក្សាគ្នាលើសំណើដែលចង់ឲ្យអ្នកចូលទស្សនាការប្រកួតកីឡាក្នុងពហុកីឡដ្ឋាន សម្រាប់ពានរង្វាន់សម្តេចអគ្គមហាសេនាបតីតេជោ ហ៊ុន សែន និងពានរង្វាន់មិត្តហ្វូន ខេមបូឌា លីក ឆ្នាំ២០២០ ដែលត្រូវបើកការប្រកួតនាពេលខាងមុខនេះ។អ្វីដែលជាការសម្រេច គណៈកម្មការអន្តរក្រសួង នឹងលើកជាជម្រើសចំនួន០២ ត្រូវដាក់ស្នើសុំការសម្រេចដ៏ខ្ពង់ខ្ពស់ពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។ ក្រោយការសម្រេចក្រសួងសុខាភិបាល នឹងជម្រាបជូនថាតើយើងនឹងអនុវត្តន៍វិធានការបែបណាបន្ថែមទៀត៕

អាជ្ញាធរខេត្តប៉ៃលិនកំពុងស្វះស្វែងរកស្ត្រីម្នាក់ដែលត្រូវបានជំនន់ទឹកភ្លៀងហូរកួចទៅបាត់ពីរបីថ្ងៃហើយ

ប៉ៃលិន ៖ អាជ្ញាធរខេត្តប៉ៃលិន កំពុងស្វះស្វែងរកស្ត្រីម្នាក់ ដែលត្រូវបានជំនន់ទឹកភ្លៀងហូរកួចយកទៅបាត់ ពីរបី ថ្ងៃហើយ ខណៈពេលកំពុងឆ្លងអូរព្រំដែនត្រលប់មកពីប្រទេសថៃជាមួយនឹងពលករខ្មែរមួយចំនួនទៀត។កាលពីរសៀលថ្ងៃទី១៩ ខែកញ្ញា នេះ ត្រង់ចំណុចភូមិអូរឈើក្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ឈមនឹងស្រុកពោណាំរ៉ន ខេត្តច័ន្ទបុរី ប្រទេសថៃ ពលករឆ្លងដែន មានគ្នា៣នាក់ ត្រូវជាម្តាយ ឪពុក កូននឹងគ្នា បានព្យាយាមឆ្លងអូរឆ្លងព្រំដែនពីប្រទេសថៃមកកម្ពុជាវិញ តែបានជួបនឹងហេតុការណ៍ អាក្រក់ ដោយត្រូវជំនន់ទឹកភ្លៀងហូរកួចយកទៅបាត់ មិនទាន់រកឃើញនៅឡើយទេ ដោយសារស្ថានភាព អូរនៅព្រំដែន មានព្រៃច្រើន និងសម្បូរទៅដោយគ្រាប់មីន។ស្ត្រីរងគ្រោះ ឈ្មោះ សេង ស្រីម៉ៅ អាយុ ៤១ឆ្នាំ រស់នៅភូមិស្វាយមាស ឃុំកណ្តុរជ្រុំ ស្រុកពញា ក្រែក ខេត្តត្បូងឃ្មុំ។ កាលពីម្សិលមិញ ឯកឧត្តម ផាន់ ចាន់ធុល អភិបាលខេត្តប៉ៃលិន បានចុះដឹកនាំកម្លាំងចម្រុះទាំង អស់ សហការជាមួយភាគីថៃ ធ្វើការរុករកស្ត្រីរងគ្រោះ នៅតាមបណ្តោយអូរព្រំដែននេះ។ឯកឧត្តម បានលើកឡើងថា ដោយសារប៉ុន្មានថ្ងៃនេះ មានភ្លៀងធ្លាក់ច្រើន នៅតាមតំបន់ភ្នំផ្នែក ខាងលើ បណ្តាលឱ្យទឹកស្ទឹងប៉ៃលិន និងតាមអូរនានាក្នុងខេត្ត មានសភាពឡើងខុសប្រក្រតី បង្កទៅជា ជំនន់ទឹកភ្លៀង ដូច្នេះពលរដ្ឋរស់នៅតាមបណ្តោយដងស្ទឹងប៉ៃលិន និងអូរនានា ត្រូវមានការប្រុងប្រយ័ត្ន ខ្ពស់ ហើយអាជ្ញាធរមូលដ្ឋាន ត្រូវសហការជាមួយអង្គភាពជំនាញពាក់ព័ន្ធ ជាពិសេសមន្ទីរធនធានទឹក និង ឧតុនិយមខេត្ត ត្រូវសិក្សារកទីតាំងរំដោះទឹកចេញ បើសិនជាជំនន់ទឹកភ្លៀងមានស្ថានភាពមិនល្អ ព្រមទាំង ធ្វើការជួយសង្គ្រោះប្រជាពលរដ្ឋឱ្យបានទាន់ពេលវេលា៕

អង្គការស្បៀងអាហារពិភពលោក បង្ហាញគោលជំហរសហការជាមួយក្រសួងសង្គមកិច្ច លើការងារជំនួយសង្គម

ភ្នំពេញ៖ អង្គការស្បៀងអាហារពិភពលោក តាមរយៈលោកស្រី Claire Conan ជានាយិកាអង្គការ ក្នុងឱកាស ចូលជួបសម្ដែងការគួរសមជាមួយក្រសួងសង្គមកិច្ច បានបង្ហាញគោលជំហរសហការជាមួយក្រសួងសង្គមកិច្ច លើការងារជំនួយសង្គមដើម្បីជួយដល់ជនងាយរងគ្រោះ។ នេះជាការបញ្ជាក់របស់លោកស្រី នៅថ្ងៃទី២៨ ខែតុលាឆ្នាំ២០២០នេះ។សម្រាប់ឱកាសជួបសម្ដែងការគួរសម និងពិភាក្សាការងាររវាង អង្គការស្បៀងអាហារពិភពលោក និងក្រសួងសង្គមកិច្ចនាព្រឹកនេះ លោកស្រី Claire Conan ជានាយិកាអង្គការ បានបញ្ជាក់នូវគោលជំហររបស់ខ្លួន សហការជាមួយក្រសួងសង្គមកិច្ចលើការងារជំនួយសង្គមដើម្បីជួយដល់ជនងាយរងគ្រោះ។លោកស្រីបញ្ជាក់ថា អង្គការស្បៀងអាហារពិភពលោក គឺរីករាយនឹងសហការជាមួយក្រសួងសង្គមកិច្ច លើការងារបច្ចេកទេសនានា លើការងារជំនួយសង្គម ព្រោះកិច្ចការងារជំនួយសង្គមនេះ ជាការងារចម្បងរបស់អង្គការស្បៀងអាហារពិភពលោក ហើយអង្គការក៏មានបទពិសោធន៍ច្រើនធ្វើលើការងារនេះដែរ។ជុំវិញការបង្ហាញនូវគោលជំហរបែបនេះ ឯកឧត្តម វង សូត រដ្ឋមន្ត្រីក្រសួងសង្គមកិច្ច ក៏បានបង្ហាញការអរគុណចំពោះអ្វីដែលលោកស្រី នាយិការបានលើកឡើងផងដែរ។ឯកឧត្តមរដ្ឋមន្ត្រីបញ្ជាក់ថា ចំពោះមុខនិងទៅថ្ងៃអនាគតក្រសួងសង្គមកិច្ចមានកិច្ចការជាច្រើនត្រូវបំពេញ ដែលអាចទទួលបានការគាំទ្រ និងកិច្ចសហការជាមួយអង្គការស្បៀងអាហារពិភពលោក ក៏ដូចជាអង្គការជាដៃគូផ្សេងទៀត។ ឯកឧត្តមរដ្ឋមន្ត្រីបញ្ជាក់ដែរថា ក្រសួងក៏មានគម្រោងបង្កើតមជ្ឈមណ្ឌលដែលប្រមូលផ្ដុំជនងាយរងគ្រោះរាប់ពាន់នាក់ ដែលសង្ឃឹមថា អង្គការស្បៀងអាហារពិភពលោកអាចជួយសហការលើការងារនេះផងដែរ។ក្នុងជំនួបនាព្រឹកនេះ ឯកឧត្តមរដ្ឋមន្ត្រី ក៏បានលើកឡើងនូវកិច្ចការជាច្រើនដែលក្រសួងសង្គមកិច្ចកំពុងបំពេញលើការងារជំនួយសង្គមនេះផងដែរ។ជាក់ស្ដែងគឺការអនុវត្តការឧបត្ថម្ភសាច់ប្រាក់ជូន ស្ត្រីមានផ្ទៃពោះ និងកុមារអាយុក្រោម២ឆ្នាំ និងកិច្ចការសំខាន់មួយទៀតគឺ ការឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះក្នុងកំឡុងពេលប្រយុទ្ធប្រឆាំងជំងឺកូវីដ ១៩។សម្រាប់កម្មវិធីឧត្ថម្ភសាច់ជូនគ្រួសារក្រីក្រនេះ បានជួយសម្រួលដល់ការរស់នៅដល់គ្រួសារក្រីក្រជាច្រើនម៉ឺនគ្រួសារ ហើយរាជរដ្ឋាភិបាល ក៏បានសម្រេចបន្តអនុវត្តកម្មវិធីនេះ រហូតដល់ដំណាច់ឆ្នាំ២០២០ផងដែរ។ នេះជាការបញ្ជាក់បន្ថែម របស់ឯកឧត្ដម រដ្ឋមន្ត្រី ជូននាយិកាអង្គការស្បងពិភពលោកប្រចាំកម្ពុជា៕អត្ថបទ៖ គឹមហុក

UN សម្ដែងការកោតសរសើរ ចំពោះកម្ពុជាដែលបានលើកកម្ពស់សិទ្ធិទទួលបានបរិស្ថានស្អាត

ភ្នំពេញ៖ លោក ដេវីដ ប៉ូយដ៍ David.Boyd អ្នករាយការណ៍ពិសេសទទួលបន្ទុកសិទ្ធិមនុស្ស និងបរិស្ថាន បានសម្តែងការកោតសរសើរកម្ពុជា ដែលបានលើកកម្ពស់សិទ្ធិទទួលបានបរិស្ថានស្អាត មានសុវត្ថិភាព និងអនាម័យ និងប្រកបដោយចរីភាព ដែលនេះជាគំរូជំរុញឲ្យប្រទេសដ៏ទៃដោះស្រាយវិបត្តិបរិស្ថានពិភពលោក។ នេះបើយោងតាមសេចក្តីប្រកាសព័ត៌មានរបស់ស្ថានបេសកកម្មអចិន្ត្រៃយ៍កម្ពុជាប្រចាំអង្គការសហប្រជាជាតិ។យោងតាមសេចក្តីប្រកាសព័ត៌មាន របស់ស្ថានបេសកម្មអចិន្ត្រៃយ៍កម្ពុជាប្រចាំអង្គការសហប្រជាជាតិចុះថ្ងៃទី២៧ ខែតុលាម្សិលមិញនេះ ក្នុងកិច្ចសន្ទនាអន្តរកម្មរបស់គណៈកម្មាធិការទី៣ នៃសម័យប្រជុំលើកទី៧៥នៃមហាសន្និបាតអង្គការសហប្រជាជាតិ អ្នករាយការណ៍ពិសេស ទទួលបន្ទុកសិទ្ធិមនុស្ស និងបរិស្ថាន លោក ដេវីដ ប៉ូយដ៍ បានលើកសរសើររដ្ឋ សមាជិកអង្គសហប្រជាជាតិ រួមទាំងកម្ពុជាផង ចំពោះការចាត់វិធានការលើកកម្ពស់សិទ្ធិទទួលបានបរិស្ថានស្អាត មានសុវត្ថិភាព មានអនាម័យ និងប្រកបដោយចីរភាព ក្នុងនោះ លោក ដេវីដ ប៉ូយដ៍ បានបន្តថា រាជរដ្ឋាភិបាលកម្ពុជា បានផ្តល់ជាគំរូ ដែលជាការជំរុញឲ្យប្រទេសដ៏ទៃទៀតដោះស្រាយវិបត្តិបរិស្ថានពិភពលោក។អ្នករាយការណ៍ពិសេស ទទួលបន្ទុកសិទ្ធិមនុស្ស និងបរិស្ថាន រូបនេះបានបញ្ជាក់ថា អង្គការសហប្រជាជាតិ បានដាក់បញ្ជូលគំរូរបស់កម្ពុជាទៅក្នុងឧបសម្ពន្ធ នៃរបាយការណ៍ពិសេសស្តីពីបញ្ហានៃកាតព្វកិច្ចសិទ្ធិមនុស្ស ពាក់ព័ន្ធដល់ការរីករាយក្នុងការទទួលបានបរិស្ថានស្អាត មានសុវត្ថិភាព មានអនាម័យ និងប្រកបដោយចិរភាព។ជាមួយគ្នានេះ អ្នករាយការណ៍ពិសេស រូបនេះបានបញ្ជាក់ទៀតថា កម្ពុជាបានអនុលោមតាមកំណែទម្រង់អភិបាលកិច្ចបរិស្ថានសម្រាប់កម្មវិធីការអភិវឌ្ឍប្រកបដោយចិរភាព រួមមាន តំបន់ព្រៃឈើមួយចំនួនធំត្រូវបានដាក់ជាតំបន់ការពារ ហើយតំបន់សម្រាប់អភិរក្សជីវចម្រុះត្រូវបានគ្រប់គ្រងដោយក្រសួងបរិស្ថាន ខណៈប្រព័ន្ធតំបន់ការពាររបស់កម្ពុជានាពេលបច្ចុប្បន្នគ្របដណ្តប់លើផ្ទៃដី៣៩ភាគរយនៃផ្ទៃប្រទេស។នៅក្នុងបទអន្តរាគមន៍ នៃកិច្ចសន្ទនាខាងលើនេះ ឯកឧត្តម កែ សុវណ្ណ ឯកអគ្គរាជទូតតំណាងអចិន្ត្រៃយ៍កម្ពុជាប្រចាំអង្គការសហប្រជាជាតិ បានគូសបញ្ជាក់ថា កម្ពុជាជាអ្នកគាំទ្រពេញទំហឹងចំពោះកិច្ចសហប្រតិបត្តិការពហុភាគី និងបានប្ដេជ្ញាយ៉ាងមុតមាំ ដើម្បីអនុវត្តកិច្ចព្រមព្រៀងបរិស្ថានអន្តរជាតិនានា រួមទាំងកិច្ចព្រមព្រៀងក្រុងប៉ារីសស្តីពីបរិស្ថាន ដើម្បីឆ្លើយតបទៅនឹងការប្រែប្រួលអាកាសធាតុ ការការបារប្រព័ន្ធអេកូឡូស៊ី និងការអភិវឌ្ឍន៍សេដ្ឋកិច្ចសង្គមព្រមទាំងការធ្វើឲ្យប្រសើរឡើងវិញនូវជីវភាពរស់នៅរបស់ប្រជាជនកម្ពុជា។ឯកអគ្គរាជទូតតំណាងអចិន្ត្រៃយ៍កម្ពុជាប្រចាំអង្គការសហប្រជាជាតិ បានបន្ថែមថា ការគ្រប់គ្រងធនធានធម្មជាតិប្រកបដោយចិរភាព គឺជាសមាសភាពចម្បងមួយនៃផែនការយុទ្ធសាស្ត្រអភិវឌ្ឍន៍ជាតិ ដោយកម្ពុជានៅតែបន្តកិច្ចសហប្រតិបត្តិការជាមួយទីភ្នាក់ងារពាក់ព័ន្ធអង្គការសហប្រជាជាតិ និងដៃគូអភិវឌ្ឍន៍នានា ដើម្បីអនុវត្តបណ្តាវិធានការដោះស្រាយ ដែលរក្សាធនធានធម្មជាតិរបស់ខ្លួន ក្នុងគោលដៅផ្តល់អត្ថប្រយោជន៍សេដ្ឋកិច្ច និងសង្គមប្រជាជនកម្ពុជាទាំងអស់ ជាពិសេសដល់ប្រជាជនទទួលរងគ្រោះ៕ អត្ថបទ៖ សេក ឧត្តម

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញនាំយកទេយ្យវត្ថុ ប្រគេនព្រះសង្ឃ និងចែកអំណោយប្រជាពលរដ្ឋ នៅស្រុកភ្នំស្រួច ខេត្តកំពង់ស្ពឺ

ឯកឧត្តមកិត្តិសង្គហបណ្ឌិត គន់ គីម អញ្ជើញជួបប្រជាពលរដ្ឋភៀសសឹក និងពិនិត្យទីតាំងរៀបចំផ្សារបណ្តោះអាសន្ន ក្នុងខេត្តបន្ទាយមានជ័យ

ក្រសួងការងារ៖ ខេត្តស្ថិតក្នុងតំបន់ទំនាបកណ្ដាលចំនួន៣ មានឱកាសការងារជាង ៨,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ក្រសួងការងារ៖ នៅខេត្តជាប់សមុទ្រទាំង៤ មានឱកាសការងារជិត ៧,០០០កន្លែង ដែលកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ឯកឧត្តមឧបនាយករដ្ឋមន្ត្រី ហ៊ុន ម៉ានី៖ វិញ្ញាសាតាក់តែងចប់ភ្លាម ប្រឡងភ្លាមតែម្តង

រដ្ឋមន្រ្តីការពារជាតិជប៉ុនលោក Koizumi ច្រានចោលការចោទប្រកាន់ពីយោធានិយមថ្មី

ក្រសួងការងារ៖ ខេត្តចំនួន៤ នៅភូមិភាគឦសាន្ត មានឱកាសការងារជិត ៤,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ប្រមុខ WHO ទទួចសុំឲ្យមានការបញ្ចុះសពដោយសុវត្ថិភាព អំឡុងធ្វើដំណើរទៅកាន់តំបន់រីករាលដាលឆ្លងជំងឺអេបូឡា

អាជ្ញាធរជាតិអប្សរា និង JQA បិទបញ្ចប់កម្មវិធីអប់រំបរិស្ថានសម្រាប់កុមារ ឆ្នាំ២០២៦ និងប្រគល់រង្វាន់ដល់សិស្សឆ្នើម

អ៊ីរ៉ង់និយាយថា កិច្ចប្រជុំជាមួយអាមេរិកកំពុងបន្ត តែពុំឈានដល់កិច្ចព្រមព្រៀងផ្តាច់ព្រ័ត្រនោះទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ទេសរដ្ឋមន្ត្រី លី ធុជ៖ អង្គការ NPA បានចូលរួមយ៉ាងសកម្ម ក្នុងសកម្មភាពដោះមីននៅកម្ពុជា

ពលរដ្ឋមានជំងឺឈឺក្បាលរ៉ាំរ៉ៃ សូមមកពិគ្រោះព្យាបាលជំងឺជាមួយគ្រូពេទ្យឯកទេស

ព្យុះNOUL បង្កជាប់គាំងការធ្វើដំណើរកម្សាន្ត នៃភ្ញៀវទេសចរ នៅតាមគោលដៅទេសចរណ៍មួយចំនួនក្នុងឱកាសភ្ជុំបិណ្ឌ

ក្រសួងបរិស្ថាន និងUSAID រួមគ្នាបើកយុទ្ធនាការការពារព្រៃឡង់ តាមរយៈការទំនាក់ទំនងផ្លាស់ប្ដូរឥរិយាបទសង្គម

អ្នកជំនាញសេដ្ឋកិច្ច និងក្រុមហ៊ុនឯកជនគាំទ្រគោលនយោបាយជួយទ្រទ្រង់វិស័យឯកជនអំឡុងពេលវិបត្តិCOVID-19

អាជ្ញាធរខេត្តប៉ៃលិនកំពុងស្វះស្វែងរកស្ត្រីម្នាក់ដែលត្រូវបានជំនន់ទឹកភ្លៀងហូរកួចទៅបាត់ពីរបីថ្ងៃហើយ

អង្គការស្បៀងអាហារពិភពលោក បង្ហាញគោលជំហរសហការជាមួយក្រសួងសង្គមកិច្ច លើការងារជំនួយសង្គម

UN សម្ដែងការកោតសរសើរ ចំពោះកម្ពុជាដែលបានលើកកម្ពស់សិទ្ធិទទួលបានបរិស្ថានស្អាត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ទេសរដ្ឋមន្ត្រី លី ធុជ​៖​ អង្គការ NPA បាន​ចូលរួម​យ៉ាងសកម្ម ​ក្នុង​សកម្មភាព​ដោះមីន​នៅ​កម្ពុជា​

ពលរដ្ឋ​មាន​ជំងឺ​ឈឺក្បាល​រ៉ាំរ៉ៃ សូម​មក​ពិគ្រោះ​ព្យាបាល​ជំងឺ​ជាមួយ​គ្រូពេទ្យ​ឯកទេស

អង្គការ​ស្បៀងអាហារ​ពិភពលោក​ បង្ហាញ​គោលជំហរ​សហការ​ជាមួយ​ក្រសួង​សង្គមកិច្ច​ លើ​ការងារ​ជំនួយ​សង្គម​

UN សម្ដែង​ការ​កោតសរសើរ​ ចំពោះ​កម្ពុជា​ដែល​បាន​លើកកម្ពស់​សិទ្ធិ​ទទួល​បាន​បរិស្ថាន​ស្អាត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ទេសរដ្ឋមន្ត្រី លី ធុជ៖ អង្គការ NPA បានចូលរួមយ៉ាងសកម្ម ក្នុងសកម្មភាពដោះមីននៅកម្ពុជា

ពលរដ្ឋមានជំងឺឈឺក្បាលរ៉ាំរ៉ៃ សូមមកពិគ្រោះព្យាបាលជំងឺជាមួយគ្រូពេទ្យឯកទេស

អង្គការស្បៀងអាហារពិភពលោក បង្ហាញគោលជំហរសហការជាមួយក្រសួងសង្គមកិច្ច លើការងារជំនួយសង្គម

UN សម្ដែងការកោតសរសើរ ចំពោះកម្ពុជាដែលបានលើកកម្ពស់សិទ្ធិទទួលបានបរិស្ថានស្អាត