BTV NEWS

សម្ដេចតេជោ ចាត់ទុក អតីតរដ្ឋមន្ត្រីការពារជាតិវៀតណាម ជាមិត្តចាស់របស់កម្ពុជា

ឯកឧត្តម ចាយ បូរិន អញ្ជើញចុះសួរសុខទុក្ខនិងនាំយកអំណោយដ៏ថ្លៃថ្លារបស់ សម្តេចមហាបរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនឯកឧត្តម កង ណម នៅគេហដ្ឋាន

មន្ត្រីជាន់ខ្ពស់ក្រសួងអភិវឌ្ឍន៍ជនបទ ចុះត្រួតពិនិត្យ និងវាយតម្លៃលើការងារស្ថាបនាផ្លូវ នៅទីតាំងដីសម្បទានសង្គមកិច្ច ខេត្តឧត្តរមានជ័យ

គណបក្សនយោបាយសម្ព័ន្ធភាព បង្ហាញជំហររបស់ខ្លួនក្នុងការចូលរួមដោះស្រាយបញ្ហារួមសម្រាប់ជាតិ

នយោបាយ និង ការអភិវឌ្ឍន៍

សម្ដេចធិបតី ហ៊ុន ម៉ាណែត អញ្ជើញប្រកាសដាក់ឱ្យអនុវត្តជាផ្លូវការនូវកម្មវិធីគោលនយោបាយអាទិភាពទី៥ និងទី៦ របស់រាជរដ្ឋាភិបាល នីតិកាលទី៧ នៃរដ្ឋសភា

នៅព្រឹកថ្ងៃទី២០ ខែវិច្ឆិកា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតី ក្នុងពិធី «ប្រកាសដាក់ឱ្យអនុវត្តជាផ្លូវការ នូវកម្មវិធីគោលនយោបាយអាទិភាពទី៥ និងទី៦ របស់រាជរដ្ឋាភិបាល នីតិកាលទី៧ នៃរដ្ឋសភា»។

សម្ដេចធិបតី ហ៊ុន ម៉ាណែត៖ សង្គមកម្ពុជាកាន់តែអភិវឌ្ឍន៍ និងកាន់តែទំនើប ការលើកកម្ពស់រស់នៅស្របតាមដំបូន្មាននៃសាសនា ពិតជាសំខាន់ និងចាំបាច់

ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជាមានប្រសាន៍ថា ក្នុងបរិបទដែលសង្គមកម្ពុជាកាន់តែអភិវឌ្ឍន៍ និងកាន់តែទំនើប, ការលើកកម្ពស់វិធាននៃការរស់នៅស្របតាមដំបូន្មាន នៃសាសនា គឺពិតជាសំខាន់ និងចាំបាច់ ហើយគុណតម្លៃនៃការទូន្មានរបស់ព្រះសង្ឃ នឹងរួមចំណែកដ៏សំខាន់ចំពោះការសម្រេចវត្ថុបំណងនេះ។នាថ្ងៃទី១៧ ខែវិច្ឆិកា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញក្នុងពិធីស្រោចស្រពព្រះសុគន្ធវារីប្រគេនព្រះមន្រ្តីសង្ឃជាន់ខ្ពស់ គណៈមហានិកាយ នៃព្រះរាជាណាចក្រកម្ពុជា នៅវត្តមុនីសុវណ្ណ (ហៅវត្តចំពុះក្អែក) ក្នុងសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ។នៅក្នុងពិធីស្រោចស្រពព្រះសុគន្ធវារីប្រគេនព្រះមន្រ្តីសង្ឃជាន់ខ្ពស់ គណៈមហានិកាយចំនួន ១១ អង្គ ដ៏អធិកអធមនេះ សម្តេចមហាបវធិបតី បានលើកទ្បើងនូវទឡ្ហីករណ៍ ៣ ចំណុច ដែលឆ្លុះបញ្ចាំងឱ្យឃើញអំពីការរីកចម្រើន ក៏ដូចជាការយកចិត្តទុកដាក់របស់រាជរដ្ឋាភិបាលចំពោះព្រះពុទ្ធសាសនា និងភាពសុដុមរមនាជាមួយនឹងសាសនាដទៃទៀត ដែលមានដូចជា៖(ទី១) យុទ្ធសាស្រ្តបញ្ចកោណ-ដំណាក់កាលទី ១ របស់រាជរដ្ឋាភិបាល នីតិកាលទី៧ នៃរដ្ឋសភា បានផ្តោតសំខាន់ទៅលើមនុស្ស ជាមុំមួយក្នុងចំណោមមុំនៃបញ្ចកោណទាំង៥ គឺការពង្រឹងភាពជាពលរដ្ឋក្នុងសង្គម ដែលមានអារ្យធម៌ខ្ពស់ប្រកបដោយសីលធម៌, សមធម៌ និងបរិយាបន្ន ព្រមទាំងការទទួលខុសត្រូវខ្ពស់ប្រកបដោយមនសិការស្នេហាជាតិ និងភក្តីភាពចំពោះអត្តសញ្ញាណនៃភាពជាខ្មែរ ។ កិច្ចការដ៏សំខាន់នេះអាចសម្រេចទៅបាន លុះត្រាតែមានការអប់រំទូន្មានតាមបែបសាសនា ជាពិសេស ការជំរុញការរស់នៅតាមពុទ្ធោវាទនៃព្រះពុទ្ធសាសនា។ នៅក្នុងបរិបទដែលសង្គមកម្ពុជាកាន់តែអភិវឌ្ឍ និងកាន់តែទំនើប, ការលើកកម្ពស់វិធាននៃការរស់នៅស្របតាមដំបូន្មាន នៃសាសនា គឺពិតជាសំខាន់ និងចាំបាច់ ហើយគុណតម្លៃនៃការទូន្មានរបស់ព្រះសង្ឃ នឹងរួមចំណែកដ៏សំខាន់ចំពោះការសម្រេចវត្ថុបំណងនេះ ។(ទី២) ការចូលរួមយ៉ាងកុះកររបស់ប្រជាជនកម្ពុជា ក្នុងការលើកស្ទួយព្រះពុទ្ធសាសនា និងសាសនាដទៃទៀត ជាតឹកតាងមិនអាចខ្វះបាននៃការបន្តគោរពជំនឿសាសនាយ៉ាងមោះមុតរបស់ប្រជាជនកម្ពុជា បើទោះជាសាសនាធ្លាប់ត្រូវបានលុបបំបាត់ ក្នុងរបបប្រល័យពូជសាសន៍ប៉ុលពតក៏ដោយ ។ ជាក់ស្តែង, បើប្រៀបធៀបជាមួយនឹងពេលរបបប៉ុលពត ដែលពេលនោះវត្តអារាមត្រូវបានបិទទាំងស្រុងនៅទូទាំងប្រទេស, បច្ចុប្បន្ន យើងមានវត្តអារាមសរុបចំនួន ៥១៣៣ វត្ត, មានព្រះសង្ឃចំនួន ៦៨ ៩៦៧ អង្គ, និងថែមទាំងមានវិហារនៃសាសនាឥស្លាម និងសាសនាគ្រិស្ត ជាច្រើនទៀត នៅទូទាំងព្រះរាជាណាចក្រកម្ពុជា ។ សមិទ្ធផលទាំងនេះ ដែលភាគច្រើនបានមកពីការរួមជាវិភាគទាន របស់ប្រជាជនកម្ពុជាផ្ទាល់ ហើយទាំងនេះ គឺបានបង្ហាញយ៉ាងច្បាស់អំពីទំនាក់ទំនងមិនអាចកាត់ផ្តាច់បានរវាងផ្នែកអាណាចក្រ និងសាសនាចក្រ ។(ទី៣) ទោះបីជាព្រះពុទ្ធសាសនា ជាសាសនារបស់រដ្ឋ, សិទ្ធិសេរីភាពនៃការគោរពជំនឿសាសនាត្រូវបានធានាដោយរដ្ឋធម្មនុញ្ញ ហើយប្រជាពលរដ្ឋគ្រប់រូបមានសិទ្ធិពេញលេញ ក្នុងការគោរពប្រតិបត្តិសាសនាផ្សេងៗ ដោយគ្មានការរើសអើងឡើយ ។ រហូតមកដល់ពេលនេះ, នៅក្នុងប្រទេសកម្ពុជាយើង គ្មានប្រជាពលរដ្ឋណាម្នាក់ ត្រូវបានធ្វើទុក្ខបុកម្នេញដោយសារតែការគោរពជំនឿសាសនារបស់ពួកគេនោះទេ ។ ផ្ទុយទៅវិញ, ការគោរព និងការប្រតិបត្តិជំនឿសាសនាផ្សេងៗគ្នារបស់ប្រជាពលរដ្ឋកម្ពុជាគ្រប់ៗរូប ត្រូវបានធានាការពារនៅក្នុងលក្ខខណ្ឌដែលមិនធ្វើឱ្យប៉ះពាល់ដល់ជំនឿ ឬសាសនាដទៃ ក៏ដូចជាដល់សណ្តាប់ធ្នាប់សង្គម និងសន្តិសុខសាធារណៈ ។ យើងអាចនិយាយបានថា មិនមានជម្លោះសាសនានៅកម្ពុជាទេ ។ នេះជាតថភាពមួយដែលយើងគួរមានមោទនភាព ព្រោះមានប្រទេសជាច្រើន ដែលមិនអាចធានាបាននូវសុខដុមនីយកម្មសាសនាបាន ដែលពេលខ្លះបានបង្កជាជម្លោះបែកបាក់រវាងប្រជាជន នៅក្នុងសហគមន៍សាសនាខុសៗគ្នាទៀតផង ៕

ឯកឧត្តមទេសរដ្ឋមន្រ្តី គន់ គីម ចូលរួមកិច្ចប្រជុំវេទិកាខ្សែក្រវ៉ាត់ និងផ្លូវសម្រាប់កិច្ចសហការគ្រោះមហន្តរាយ

ភ្នំពេញ៖ តបតាមការអញ្ជើញរបស់ក្រសួងគ្រប់គ្រងគ្រោះអាសន្នចិន នៅថ្ងៃទី១៦ ខែវិច្ឆិកា ម្សិលមិញ ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ បានអញ្ជើញចូលរួមក្នុងវេទិកា ខ្សែក្រវាត់ និងផ្លូវថ្នាក់រដ្ឋមន្ត្រី សម្រាប់កិច្ចសហប្រតិបត្តិការអន្តរជាតិ ក្នុងការកាត់បន្ថយហានិភ័យគ្រោះមហន្តរាយ និងការគ្រប់គ្រងគ្រោះអាសន្ន ឆ្នាំ២០២៣ ក្រោមប្រធានបទ «ការគ្រប់គ្រងគ្រោះអាសន្ន៖ សុវត្ថិភាព និងការត្រៀមបង្ការជាមុន» តាមប្រព័ន្ធវីដេអូ ។កិច្ចប្រជុំនេះ ប្រព្រឹត្តក្រោមអធិបតីភាពឯកឧត្ដម លីវ គួរជុង ឧបនាយករដ្ឋមន្រ្តី នៃសាធារណរដ្ឋប្រជាមានិតចិន ដោយអញ្ជើញមានការចូលរួមវេទិកានេះ តាមប្រព័ន្ធវីដេអូ រួមមានឥស្សរជនសំខាន់ៗ ទទួលបន្ទុកអាជ្ញាធររដ្ឋាភិបាល សម្រាប់ការកាត់បន្ថយហានិភ័យគ្រោះមហន្តរាយ សុវត្ថិភាពនៅកន្លែងធ្វើការ និងការសង្គ្រោះបន្ទាន់ នៃប្រទេសជាសមាជិក នៃគំនិតផ្តួចផ្តើម ខ្សែក្រវ៉ាត់ និងផ្លូវ ទីភ្នាក់ងារសហប្រជាជាតិ អង្គការ អន្តរជាតិ ឯកអគ្គរដ្ឋទូត នៃបណ្តាប្រទេស ជាសមាជិកនៃគំនិតផ្តួចផ្តើមខ្សែក្រវ៉ាត់ និងផ្លូវ ប្រចាំប្រទេសចិន និងអ្នកតំណាងមកពីការិយាល័យអង្គការអន្តរជាតិនានារបស់ប្រទេសចិន។នាឱកាសនោះឯកឧត្តមកិត្តិសង្គហបណ្ឌិត បានសម្តែងនូវក្តីអំណរសាទរ និងកោតសរសើរយ៉ាងជ្រាលជ្រៅ ចំពោះ រដ្ឋាភិបាលនៃសាធារណរដ្ឋប្រជាមានិតចិន និងបណ្តាប្រទេសចូលរួមក្នុងគំនិតផ្តួចផ្តើមខ្សែក្រវាត់ និងផ្លូវ នៅក្នុងឱកាសនៃការរំលឹកខួបគម្រប់១០ឆ្នាំ នៃគំនិតផ្តួចផ្តើមដ៏សំខាន់នេះ និងបានរៀបចំវេទិកាខ្សែក្រវាត់និងផ្លូវ សម្រាប់កិច្ចសហប្រតិបត្តិការអន្តរជាតិលើកទី៣ ប្រកបដោយជោគជ័យ ដើម្បីពិភពលោកវិបុលភាព តាមរយៈការតភ្ជាប់ដ៏រឹងមាំ ទាំងផែ្នកទន់ និងផ្នែករឹង។ ឯកឧត្តមកិត្តិសង្គហបណ្ឌិត បានគូសបញ្ជាក់ផងដែរអំពីសារៈសំខាន់នៃគំនិតផ្តួចផ្តើម ខ្សែក្រវាត់ និងផ្លូវនេះ បានផ្តល់ អត្ថប្រយោជន៍ជាច្រើន ដល់ប្រទេសកំពុងអភិវឌ្ឍន៍ រួមទាំងកម្ពុជា ក្នុងនោះរួមមាន ការអភិវឌ្ឍហេដ្ឋារចនាសម្ព័ន្ធ ការវិនិយោគផ្ទាល់ពីបរទេស កំណើនសេដ្ឋកិច្ច ការធ្វើសមាហរណកម្មក្នុងតំបន់ និងសកលលោក និងការផ្លាស់ប្តូរប្រជាជន និងប្រជាជន។ ឯកឧត្តមកិត្តិសង្គហបណ្ឌិត មានប្រសាសន៍ថា កម្ពុជាសូមបញ្ជាក់ពីការគាំទ្រពេញទំហឹង និងការត្រៀមខ្លួនរួចជាស្រេច របស់ខ្លួន ដើម្បីរួមគ្នាអនុវត្តសកម្មភាពសំខាន់ៗ នៃការកសាងបណ្តាញតភ្ជាប់ពហុវិស័យ ខ្សែក្រវាត់ និងផ្លូវ, អនុវត្តកិច្ចសហប្រតិបត្តិការជាក់ស្តែង, ការជំរុញការអភិវឌ្ឍបៃតង, ការជំរុញនវានុវត្តន៍ផ្នែកវិទ្យាសាស្ត្រ និងបច្ចេកវិទ្យា, ការគាំទ្រការផ្លាស់ប្តូរប្រជាជន និងប្រជាជន, លើកកម្ពស់កិច្ចសហប្រតិបត្តិការខ្សែក្រវាត់ និងផ្លូវ ដែលឈរលើមូលដ្ឋាននៃ សុចរិតភាព និងការអភិវឌ្ឍស្ថាប័ន តាមរយៈការបង្កើតមជ្ឈមណ្ឌលអាស៊ាន-ចិន សម្រាប់ កិច្ចសហប្រតិបត្តិការគ្រប់គ្រងគ្រោះអាសន្ន ដើម្បីរួមចំណែកកាន់តែច្រើនទៀត ក្នុងការ ការពារអាយុជីវិត និងទ្រព្យសម្បត្តិរបស់ប្រជាជន និងការកសាងសហគមន៍វាសនារួមសម្រាប់មនុស្សជាតិ៕

នាយឧត្តមសេនីយ៍ សៅ សុខា៖ កងរាជអាវុធហត្ថត្រៀមខ្លួនជានិច្ច ក្នុងការចុះបង្ក្រាបបទល្មើសធនធានធម្មជាតិ

ភ្នំពេញ៖ នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈកម្មការជាតិ ដើម្បីទប់ស្កាត់ និងបង្ក្រាបបទល្មើសធនធានធម្មជាតិ បានប្រកាសថា កងរាជអាវុធហត្ថគាំទ្រពេញទំហឹង ក្នុងកិច្ចសហការជាមួយក្រសួងបរិស្ថាន ដើម្បីទប់ស្កាត់ និងបង្ក្រាបបទល្មើស រក្សាធនធានធម្មជាតិ និងចូលរួមការដាំកូនឈើ ។ការលើកឡើងរបស់នាយឧត្តមសេនីយ៍ សៅ សុខានេះ គឺបានធ្វើឡើងនៅក្នុងប្រជុំពិភាក្សាការងារ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន នៅព្រឹកថ្ងៃទី១៧ ខែវិច្ឆិកា ឆ្នាំ២០២៣នេះ នៅបញ្ជាការដ្ឋានកងរាជអាវុធហត្ថលើផ្ទៃប្រទេស។បើតាមយោងឆាណែលតេលេក្រាមព័ត៌មានរបស់នាយឧត្តមសេនីយ៍ សៅ សុខា បានបញ្ជាក់ថា កិច្ចប្រជុំនេះ បានពិភាក្សាអំពីសភាពការណ៍នៃបទល្មើស វិធានការអនុវត្ត ដើម្បីប្រសិទ្ធភាពការងារ ក្រសួងបរិស្ថានជាមួយកងរាជអាវុធហត្ថ បានឯកភាពធ្វើការរៀបចំនីតិវិធីប្រតិបត្តិស្ដង់ដា “SOP” សម្រាប់ទប់ស្កាត់ និងបង្ក្រាបបទល្មើសធនធានធម្មជាតិ រក្សាគង់វង្សនូវព្រៃឈើសត្វព្រៃជាដើម។នៅក្នុងកិច្ចប្រជុំនោះ នាយឧត្តមសេនីយ៍ សៅ សុខា បានលើកឡើងថា ក្រោមការដឹកនាំរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានសម្រេចជាគោលការណ៍ គឺចំពោះមុខរក្សាគ្រប់យន្តការដែលមានស្រាប់ និងពង្រឹងការអនុវត្តរាល់សារាចរណែនាំរបស់រាជរដ្ឋាភិបាលជាធរមាន ក្នុងការទប់ស្កាត់ និងបង្ក្រាបបទល្មើសធនធានធម្មជាតិ។នាយឧត្តមសេនីយ៍ បានថ្លែងបញ្ជាក់ទៀតថា «កងរាជអាវុធហត្ថបានត្រៀមកម្លាំង មធ្យោបាយ សម្រាប់អន្តរាគមន៍តាមការស្នើសុំពីក្រសួងមានសមត្ថកិច្ច និងអាជ្ញាធររាជធានី-ខេត្តក្នុងករណីបទល្មើសនោះ មានការលំបាកដែលក្រសួងជំនាញ ឬអាជ្ញាធរដែនដីមិនអាចធ្វើកិច្ចប្រតិបត្តិការបាន ដោយសារខ្វះកម្លាំង ឬមធ្យោបាយ ។ល។»បន្ទាប់ពីកិច្ចពិភាក្សា និងមានការឯកភាពនូវគោលគំនិត គោលជំហររឹងមាំ ក្នុងកិច្ចសហប្រតិបត្តិការទប់ស្កាត់ និងបង្ក្រាបបទល្មើសធនធានធម្មជាតិរួចមក ឯកឧត្តម អ៊ាង សុផល្លែត អមដំណើរដោយ នាយឧត្តមសេនីយ៍ សៅ សុខា និងសហការី បានធ្វើការត្រួតពិនិត្យកម្លាំងកងរាជអាវុធហត្ថ និងគ្រឿងបំពាក់មធ្យោបាយ ដែលត្រៀមសម្រាប់កិច្ចអន្តរាគមន៍ទូទាំងប្រទេសផងដែរ៕អត្ថបទ៖ បាន ចក់

ប្រធានាធិបតីចិន ជួបអគ្គនាយកក្រុមហ៊ុន Apple លោកElon Musk និងធុរកិច្ចជនល្បីៗរបស់អាមេរិកជាច្រើននៅ APEC

លោកប្រធានាធិបតីចិន Xi បានជួបស្ថាបនិកក្រុមហ៊ុនបច្ចេកវិទ្យា Apple អគ្គនាយកក្រុមហ៊ុនផលិតរថយន្តអគ្គិសនី Tesla លោក Elon Musk និងបណ្ដានាយកប្រតិបត្តិជាន់ខ្ពស់ផ្សេងទៀត របស់សហរដ្ឋអាមេរិក មុនពេលពិធីទទួលទានអាហារពេលល្ងាចកាលពីថ្ងៃពុធ១៥វិច្ឆិកា នៅក្រៅកិច្ចប្រជុំកំពូលប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) នៅសហរដ្ឋអាមេរិក។ ទូរទស្សន៍រដ្ឋចិន CCTV បានបង្ហាញរូបភាព លោកប្រធានាធិបតី Xi កំពុងស្វាគមន៍ និងចាប់ដៃជាមួយក្រុមនាយកប្រតិបត្តិមកពីក្រុមហ៊ុនបច្ចេកវិទ្យាខ្នាតយក្សរបស់សហរដ្ឋអាមេរិក ដូចជា លោក រ៉ាច ស៊ូប្រាម៉ានីញាម (Raj Subramaniam)លោក រ៉េ ដាលីយ៉ូ (Ray Dalio)អគ្គនាយកក្រុមហ៊ុន វិនិយោគ Bridgewater Associates ។ យោងតាមសេចក្ដីថ្លែងការណ៍មួយចេញផ្សាយពីបណ្ដាញសង្គមវ៉េបូ (Weibo)របស់ក្រុមហ៊ុនផលិតរថយន្ត កាលពីថ្ងៃព្រហស្បតិ៍ទី១៧វិច្ឆិកាលោក Xi បានប្រាប់លោក Musk ថា លោកគាំទ្រការអភិវឌ្ឍន៍ ក្រុមហ៊ុន នៅក្នុងប្រទេសចិន ។ ជំនួបផ្ដោតលើសន្តិសុខបច្ចេកវិទ្យា និង ពិធីទទួលទានអាហារពេលល្ងាច នេះ គឺជាឱកាសសម្រាប់ក្រុមហ៊ុនជាច្រើនស្ដាប់លឺដោយផ្ទាល់ចេញពីមាត់មេដឹកនាំប្រទេសចិន ខណៈពួកគេស្វែងរកមធ្យោបាយដើម្បីបអង្អាក់សេដ្ឋកិច្ចរបស់ប្រទេសចិន ដោយមានការជំរុញរបស់សហរដ្ឋអាមេរិកឱ្យ កាត់បន្ថយហានិភ័យ ខ្សែសង្វាក់ផ្គត់ផ្គង់អាមេរិកមួយចំនួន ពីប្រទេសចិន និងភាពមិនច្បាស់លាស់ដែលបណ្តាលមកពី ការពង្រីកច្បាប់សន្តិសុខរបស់ចិន៕

បណ្តាប្រទេសនៅអាស៊ីអាគ្នេយ៍ ជំរុញឱ្យប្រទេសមហាអំណាចប្រើប្រាស់ឥទ្ធិពលរបស់ខ្លួន ដើម្បីបញ្ឈប់សង្គ្រាមនៅហ្កាហ្សា

រដ្ឋមន្ត្រីការពារជាតិឥណ្ឌូណេស៊ី លោក ប្រាបូវ៉ូ សុបៀនតូ (Prabowo Subianto) បាននិយាយថា ប្រទេសជាច្រើននៅអាស៊ីអាគ្នេយ៍ រួមទាំងឥណ្ឌូនេស៊ី និងម៉ាឡេស៊ី បានជំរុញឱ្យបញ្ឈប់សង្គ្រាមអ៊ីស្រាអែល-ក្រុមហាម៉ាស នៅតំបន់ហ្កាហ្សា និងឱ្យប្រទេសមានឥទ្ធិពលប្រើប្រាស់អំណាចរបស់ពួកគេដើម្បីការពារជនស៊ីវិល។ បណ្ដារដ្ឋមន្ត្រីការពារជាតិមកពីប្លុកក្នុងតំបន់ ក្រៅពីមីយ៉ាន់ម៉ា បានជួបប្រជុំគ្នាសម្រាប់កិច្ចប្រជុំប្រចាំឆ្នាំរយៈពេលពីរថ្ងៃ។ លោក Prabowo ដែលជាប្រធានកិច្ចប្រជុំខណៈឥណ្ឌូនេស៊ី ជាប្រធានប្តូរវេននៃអាស៊ាននៅឆ្នាំនេះ បាននិយាយថា រដ្ឋមន្ត្រីជាច្រើនបានសម្តែងការព្រួយបារម្ភរបស់ពួកគេចំពោះសង្គ្រាមនៅតំបន់ហ្កាហ្សា ហើយបានលើកទឹកចិត្តបណ្ដាប្រទេសមានអំណាចឱ្យធ្វើអ្វីគ្រប់យ៉ាងដើម្បីបញ្ឈប់អំពើហិង្សានៅទីនោះភ្លាមៗ។សេចក្តីថ្លែងការណ៍របស់ប្រធានកិច្ចប្រជុំស្តីអំពីស្ថានការណ៍នៅមជ្ឈិមបូព៌ា បានចេញផ្សាយជាសាធារណៈនៅពេលល្ងាចក្នុងថ្ងៃនោះ ដោយបាននិយាយថា មានតម្រូវការចាំបាច់មួយសម្រាប់ការសន្ទនាក្នុងន័យស្ថាបនាដើម្បីចាប់ផ្តើមដោយមិនបង្អង់យូរ ដោយលើកឡើងពីស្ថានភាពនៅហ្កាហ្សា។ ទោះបីជាអវត្តមានមីយ៉ាន់ម៉ាក៏ដោយ លោក Prabowo បាននិយាយថា ប្លុកក្នុងតំបន់នៅតែបន្តលើកទឹកចិត្តរដ្ឋាភិបាលយោធាមីយ៉ាន់ម៉ា ឱ្យស្វែងរកដំណោះស្រាយអហិង្សា។ លោកបានបន្ថែមថា ពួកគេក៏បានបន្តពិភាក្សាអំពីបញ្ហាសមុទ្រចិនខាងត្បូង ដែលសមាជិកអាស៊ានមួយចំនួនមានការទាមទារត្រួតស៊ីគ្នាជាមួយចិនផងដែរ៕

អាមេរិកអះអាងថា ទណ្ឌកម្មវ៉េណេហ្ស៊ុយអេឡាទាំងអស់ ត្រូវយកមកអនុវត្តន៍ ប្រសិនបើលោក ម៉ាឌូរ៉ូ មិនគោរពតាមការសន្យា

រដ្ឋបាលលោកបៃដិន បានរៀបចំដើម្បីដកហូតអាជ្ញាប័ណ្ណទាំងអស់ ដែលទើបតែផ្តល់ឲ្យវ៉េណេហ្ស៊ុយអេឡា ប្រសិនបើលោក នីកូឡាស ម៉ាឌូរ៉ូ ( Nicolás Maduro) មិនបង្ហាញផ្លូវឆ្ពោះទៅរកការបោះឆ្នោតដោយយុត្តិធម៌ នៅចុងខែវិច្ឆិកា។ឧបការីរដ្ឋមន្ត្រីការបរទេសអាមេរិកទទួលបន្ទុកកិច្ចការអឌ្ឍគោលលោកខាងលិច លោក Brian Nichols បាននិយាយថា «អ្វីគ្រប់យ៉ាង គឺនៅលើតុ» រួមទាំងការដកហូតអាជ្ញាប័ណ្ណដែលបានចេញថ្មីៗនេះដែលអនុញ្ញាតឲ្យមានការនាំចេញប្រេង និងឧស្ម័នវ៉េណេហ្ស៊ុយអេឡា។ កាយវិការនៃសុច្ឆន្ទៈ បានធ្វើឡើងជាការឆ្លើយតបទៅនឹងការចុះហត្ថលេខាលើកិច្ចព្រមព្រៀងផែនទីបង្ហាញផ្លូវបោះឆ្នោតរវាងរដ្ឋាភិបាលលោកម៉ាឌូរ៉ូ និងក្រុមប្រឆាំង។លោក Nichols បាននិយាយនៅក្នុងបទសម្ភាសន៍មួយកាលពីថ្ងៃព្រហស្បតិ៍ នៅខាងក្រៅវេទិកាកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក នៅទីក្រុងសាន់ហ្វ្រាន់ស៊ីស្កូថា៖«ប្រសិនបើពួកគេ មិនចាត់វិធានការដែលបានព្រមព្រៀងទេ យើងនឹងដកអាជ្ញាប័ណ្ណដែលយើងបានផ្តល់ឲ្យនោះ» ។ក្នុងចំណោមជំហានដែលបានព្រមព្រៀងគ្នា គឺកំណត់ដំណើរការមួយ ដើម្បីអនុញ្ញាតឲ្យបេក្ខជនបក្សប្រឆាំងទាំងអស់ឈរឈ្មោះក្នុងការបោះឆ្នោតប្រធានាធិបតីឆ្នាំ ២០២៤។ អ្នកឈ្នះនៃការបោះឆ្នោតបឋមនៅថ្ងៃទី ២២ ខែតុលារបស់ប្រទេសវ៉េណេហ្ស៊ុយអេឡាគឺ លោកស្រី María Corina Machado នៅតែត្រូវបានហាមឃាត់មិនឲ្យចូលរួម ដោយរដ្ឋាភិបាលរបស់លោកម៉ាឌូរ៉ូ។

ឯកឧត្តមរដ្ឋមន្ត្រី ជា វ៉ាន់ដេត អញ្ជើញបិទសិក្ខាសាលាផ្សព្វផ្សាយអនុក្រឹត្យ ស្តីពីការរៀបចំ ការគ្រប់គ្រង និងការបែងចែកវិសាលគមន៍ហ្វ្រេកង់ស៍វិទ្យុ នៅខេត្តសៀមរាប

សៀមរាប៖ នៅថ្ងៃទី១៦ ខែវិច្ឆិកា ឆ្នាំ២០២៣ នៅសណ្ឋាគារ អេមព្រីស អង្គរ ខេត្តសៀមរាប ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍(ក.ប.ទ.) បានអញ្ជើញជាអធិបតីបិទសិក្ខាសាលាផ្សព្វផ្សាយអនុក្រឹត្យស្តីពី ការរៀបចំ ការគ្រប់គ្រង និងការបែងចែកវិសាលគមន៍ហ្វ្រេកង់ស៍វិទ្យុ ដោយមានការអញ្ជើញចូលរួមពី ថ្នាក់ដឹកនាំក្រសួង ឯកឧត្តម ម៉ៅ ដារិន សមាជិកក្រុមប្រឹក្សាខេត្តសៀមរាប ប្រធានអង្គភាពនិងមន្ត្រីរាជការក្រោយឱវាទ ក.ប.ទ. ព្រមទាំងមន្ទីរប្រៃសណីយ៍និងទូរគមនាគមន៍ខេត្តទាំង២៤ សរុបប្រមាណ ១២៧នាក់។សិក្ខាសាលានេះរៀបចំឡើងដោយអគ្គនាយកដ្ឋានគ្រប់គ្រងធនធានវិសាលគមន៍ហ្វ្រេកង់ស៍វិទ្យុនៃ ក.ប.ទ. សហការជាមួយក្រុមការងារកែទម្រង់ការគ្រប់គ្រងហិរញ្ញវត្ថុសាធារណៈ ក.ប.ទ. ដែលអនុក្រឹត្យនេះ មានគោលដៅកំណត់អំពីគោលការណ៍ វិធាន និងសមត្ថកិច្ច នៃការគ្រប់គ្រងវិសាលគមន៍ហ្វ្រេកង់ស៍វិទ្យុ និងបន្ទារហ្វ្រេកង់ស៍វិទ្យុសម្រាប់ផ្កាយរណបនិងគន្លងផ្កាយរណប ក្នុងគោលបំណងរៀបចំ បែងចែក និងប្រើប្រាស់ហ្វ្រេកង់ស៍វិទ្យុឱ្យមានប្រសិទ្ធភាពនិងសក្តិសិទ្ធិភាព ដើម្បីពង្រឹងការគ្រប់គ្របនិងការប្រើប្រាស់ធនធានកម្ររបស់ជាតិ ការចូលរួមប្រកួតប្រជែងដោយស្មោះត្រង់ និងស្របច្បាប់ និងការរួមចំណែកដល់ការកៀរគរចំណូលជាតិ។នៅក្នុងឱកាសនោះ ឯកឧត្តមរដ្ឋមន្ត្រី ជា វ៉ាន់ដេត បានចែករំលែកពីបញ្ហាប្រឈម និងកិច្ចខំប្រឹងប្រែងរបស់ក្រសួងព្រមទាំងសារៈសំខាន់ក្នុងការអភិវឌ្ឍហេដ្ឋារចនាសម្ព័ន្ធទូរគមនាគមន៍នៅតាមបណ្តាបុរីក្នុងទីក្រុងភ្នំពេញ និងតាមបណ្តាខេត្ត ក្នុងគោលបំណងពង្រឹង និងពង្រីកហេដ្ឋារចនាសម្ព័ន្ធតភ្ជាប់ឌីជីថល និងគុណភាពសេវាទូរគមនាគមន៍ឱ្យកាន់តែប្រសើរឡើង ដើម្បីឆ្លើយតបទៅនឹងកំណើនដ៏ខ្លាំងក្លានៃតម្រូវការរបស់ប្រជាពលរដ្ឋក្នុងការប្រើប្រាស់សេវាអ៊ីនធឺណិត ជាពិសេសអ៊ីនធឺណិតតាមទូរសព្ទចល័ត។ ជាមួយគ្នានេះ ឯកឧត្តមរដ្ឋមន្ត្រី បានបន្ថែមថា វិសាលគមន៍ហ្វ្រេកង់ស៍វិទ្យុជាធនធានកម្ររបស់ជាតិមួយដែលត្រូវមានការយកចិត្តទុកដាក់ខ្ពស់ក្នុងការគ្រប់គ្រងដើម្បីធ្វើយ៉ាងណាឱ្យការប្រើប្រាស់ធនធានកម្រមួយនេះមានប្រសិទ្ធភាព ស័ក្តិសិទ្ធិភាព ផ្តល់ចំណូលជាតិ និងចូលរួមចំណែកក្នុងការជំរុញកំណើនសេដ្ឋកិច្ចជាអតិបរមា។ ឯកឧត្តមរដ្ឋមន្ត្រី បានបន្តថា ធនធានកម្ររបស់ជាតិនេះនឹងចូលរួមចំណែកយ៉ាងសំខាន់ក្នុងការអភិវឌ្ឍហេដ្ឋារចនាសម្ព័ន្ធទូរគមនាគមន៍ ដែលគាំទ្រយ៉ាងសកម្មដល់ការធ្វើបរិវត្តកម្មឌីជីថល តាមរយៈការប្រើប្រាស់ធនធានដ៏មានសារៈសំខាន់នេះក្នុងការពង្រីកវិសាលភាពគ្របដណ្តប់នៃសេវាទូរសព្ទ និងអ៊ីនធឺណិតល្បឿនលឿន គាំទ្រដល់ការប្រើប្រាស់បច្ចេកវិទ្យាឌីជីថល ដែលជាយន្តការសំខាន់ក្នុងការធ្វើបរិវត្តកម្មឌីជីថលនៃក្នុងព្រះរាជាណាចក្រកម្ពុជា។លើសពីនេះទៅទៀត ឯកឧត្តមរដ្ឋមន្ត្រី បានបញ្ជាក់ថា ដើម្បីជំរុញការអនុវត្តអនុក្រឹត្យនេះឱ្យមានប្រសិទ្ធភាព ទាមទារឱ្យមន្ត្រីរបស់ក្រសួងទាំងថ្នាក់ជាតិ និងថ្នាក់ក្រោមជាតិដែលពាក់ព័ន្ធទាំងអស់យល់ច្បាស់ពីខ្លឹមសារសំខាន់ៗនៃអនុក្រឹត្យនេះ។ ឯកឧត្តមរដ្ឋមន្ត្រី មានសង្ឈឹមថាគ្រប់តួអង្គពាក់ព័ន្ធបានយល់ក្នុងរូបភាពតែមួយអំពីខ្លឹមសារអនុក្រឹត្យ ងាយស្រួលត្រៀមខ្លួនចូលរួមអនុវត្តន៍ និងសហការ អនុវត្តទទួលបានប្រសិទ្ធភាពខ្ពស់ជាអតិបរមា៕

ប្រមុខការទូតចិន៖ជំនួបលោក Xi និង លោក Biden ទទួលបានលទ្ធផលជាផ្លែផ្កាយ៉ាងគាប់ប្រសើរ

រដ្ឋមន្ត្រីការបរទេសចិន លោក វ៉ាង យី(Wang Yi) កាលពីថ្ងៃពុធ បានធ្វើសន្និសីទសារព័ត៌មាន នៅទីក្រុង សាន់ហ្វ្រាន់ស៊ីស្កូ សហរដ្ឋអាមេរិក អំពីលទ្ធផលនៃទំនាក់ទំនងចិន-អាមេរិក ដែលរំពឹងទុកច្រើន។ កិច្ចប្រជុំកំពូលរវាងប្រធានាធិបតីចិន Xi Jinping និងប្រធានាធិបតីសហរដ្ឋអាមេរិក Joe Biden ដែលធ្វើឡើងមុននេះនៅទីប្រជុំជន Woodside កាលពីថ្ងៃពុធសប្ដាហ៍នេះ។នេះជាជំនួបលើកដំបូងរវាងប្រមុខរដ្ឋទាំងពីរចាប់តាំងពីជំនួបទល់មុខគ្នានៅកោះបាលី ប្រទេសឥណ្ឌូណេស៊ី កាលពីមួយឆ្នាំមុន។លោក Wang បាននិយាយថា មេដឹកនាំទាំង២បានឈានដល់ការឯកភាពគ្នាជាង ២០ចំណុច ក្នុងវិស័យនយោបាយ និងការទូត ប្រជាជន និងប្រជាជន និងការផ្លាស់ប្តូរវប្បធម៌ អភិបាលកិច្ចពិភពលោក និងសន្តិសុខយោធាក្នុងចំណោមបញ្ហាជាច្រើនទៀត។ លោកលើកឡើងថា មានលទ្ធផលជាច្រើននៃកិច្ចប្រជុំនេះ ដែលប្រធានាធិបតីទាំងពីរ សម្រេចបាន។ លោកទាំង២បានពិភាក្សាគ្នា និងកិច្ចសហប្រតិបត្តិការលើវិស័យផ្សេងៗ ដោយឈរលើមូលដ្ឋាននៃការគោរពគ្នាទៅវិញទៅមក សមភាព និងផលប្រយោជន៍ទៅវិញទៅមក។ លោកWang បាននិយាយថា ប្រមុខរដ្ឋទាំងពីរបានទទួលស្គាល់កិច្ចខិតខំប្រឹងប្រែងដែលធ្វើឡើងដោយក្រុមការទូតនៃភាគីទាំងពីរដើម្បីពិភាក្សាអំពីគោលការណ៍ណែនាំរវាងប្រទេសចិន-សហរដ្ឋអាមេរិក។ ទំនាក់ទំនង និងការឯកភាពគ្នាបានសម្រេច បានចាប់តាំងពីជំនួបនៅកោះបាលី។មេដឹកនាំមហាអំណាចទាំង២បានសង្កត់ធ្ងន់លើភាពចាំបាច់ក្នុងការគោរពគ្នាទៅវិញទៅមក រួមរស់ដោយសន្តិភាព រក្សាទំនាក់ទំនង ទប់ស្កាត់ជម្លោះ និងគោរពតាមធម្មនុញ្ញអង្គការសហប្រជាជាតិ អនុវត្តកិច្ចសហប្រតិបត្តិការលើវិស័យផលប្រយោជន៍រួម គ្រប់គ្រង និងគ្រប់គ្រងកត្តាប្រកួតប្រជែងនានា ក្នុងទំនាក់ទំនងទ្វេភាគីប្រកបដោយការទទួលខុសត្រូវ។លោក Wang និយាយថា ភាគីទាំង២ក៏បានព្រមព្រៀងគ្នាផងដែរ ក្នុងការពង្រីកកិច្ចព្រមព្រៀងស្ដីពីកិច្ចសហប្រតិបត្តិការក្នុងវិស័យវិទ្យាសាស្ត្រ និងបច្ចេកវិទ្យារវាងចិននិងអាមេរិក និងបន្តការងារផ្នែកគណៈកម្មការរួមស្ដីពីវប្បធម៌រវាងប្រទេសទាំង២៕

សម្ដេចធិបតី អំពាវនាវពលរដ្ឋរួមគ្នាប្រឆាំងគោលការណ៍ជ្រុលនិយមទាំងសាសនា និងនយោបាយ

ភ្នំពេញ៖ សម្ដេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានអំពាវនាវដល់ ពលរដ្ឋកម្ពុជាទាំងអស់ ត្រូវរួមគ្នាប្រឆាំងដាច់ខាតនូវគោលការណ៍ទាំងឡាយណាដែលមានចរិកជ្រុលនិយម មិនថាគោលការណ៍ជ្រុលនិយមក្នុងសាសនា ឬគោលការណ៍ជ្រុលនិយមក្នុងនយោបាយនោះទេ គឺត្រូវតែលុបំបាត់ឱ្យអស់ចេញពីប្រទេសកម្ពុជា។សម្ដេចធិបតី ហ៊ុន ម៉ាណែត នាយករដ្ឋមន្រ្ដី បានមានប្រសាសន៍ ក្នុងឱកាសអញ្ជើញជាអធិបតីពិធីស្រោចស្រពព្រះសុគន្ធវារីប្រគេនសម្តេច និងព្រះមន្ត្រីសង្ឃជាន់ខ្ពស់នៃគណៈមហានិកាយកម្ពុជា នាព្រឹកថ្ងៃទី១៧ ខែវិច្ឆិកា ឆ្នាំ២០២៣ ថា នយោបាយឈ្នះ ឈ្នះ របស់សម្ដេចតេជោ ហ៊ុន សែន អតីតនាយករដ្ឋមន្រ្ដីនៃកម្ពុជា ដែលបានបង្កើតឡើង ធ្វើឱ្យកម្ពុជាអាចបញ្ចប់សង្គ្រាមនៅឆ្នាំ ១៩៩៨ ដែលអាចឱ្យគ្រប់សាសនាទាំងអស់នៅក្នុងប្រទេសកម្ពុជា បានរួចផុតពីការស្លាប់ស្លាប់។ សម្ដេចធិបតី មានប្រសាសន៍ថា ក្នុងពេលដែលមានសង្គ្រាមគ្រប់សាសនាទាំងអស់ ត្រូវរងផលប៉ះពាល់ ដូច្នេះការបញ្ចប់សង្គ្រាមក៏បានស្រោចស្រង់ និងផ្ដល់ឱកាសឱ្យប្រជាពលរដ្ឋកម្ពុជាអាចប្រតិបត្តិសាសនារបស់ខ្លួនឡើងវិញលើគ្រប់សាសនាទាំងអស់ ស្របតាមសិទ្ធិសេរីភាពរបស់ខ្លួន។ ហើយការជំរុញ និងលើកកម្ពស់សិទ្ធិសេរីភាពក្នុងវិស័យសាសនា ក៏ត្រូវបានធ្វើឡើងវិញទោះបីជាព្រះពុទ្ធសាសនាជាសាសនារបស់ររដ្ឋក្ដី។សម្ដេចធិបតីថ្លែងថា៖«ការទាំងពីរ គឺកត្តាគោលនយោបាយរបស់រាជរដ្ឋាភិបាល ក៏ដូចជាការចូលរួមរបស់សហគមន៍នៅក្នុងការជួយទប់ស្កាត់ និងលុបបំបាត់មិនឱ្យកើតមាននៅលើទឹកដីកម្ពុជា លើការប្រកាន់គោលជំហរ រើសអើង ឬមួយគោលនយោបាយទស្សនជ្រុលនិយមបែបណាមួយនោះ គឺដាច់ខាតរួមគ្នាការពារកុំឱ្យកើតមាន ហើយបើមានត្រូវលុបបំបាត់ឱ្យអស់ដើម្បីថែរក្សានូវសុខសន្ដិភាព និងសុខដុមរមនារបស់កម្ពុជា»។សម្ដេចធិបតីនាយករដ្ឋមន្រ្ដី បានបញ្ជាក់ថា តាមរយៈគោលនយោបាយ ឈ្នះ ឈ្នះ របស់សម្ដេចតេជោ ដែលប្រកបដោយសច្ចៈធម៌ មេត្តាធម៌ និងការសង្រ្គោះដល់ខ្មែរដូចគ្នា ធ្វើឱ្យកម្ពុជាអាចបញ្ចប់សង្គ្រាមទាំងស្រុងក្នុងឆ្នាំ ១៩៩៨ ហើយប្រទេសកម្ពុជាអាចកសាងប្រទេសឡើងវិញ ទាំងហេដ្ឋារចនាសម្ព័ន្ធ និងជំនឿសាសនា ការអប់រំជាដើម។ សម្ដេច បានអំពាវនាវដល់ប្រជាពលរដ្ឋគ្រប់រូបរួមគ្នារក្សានូវសុខសន្ដិភាពរបស់កម្ពុជា និងរួមគ្នាលុបបំបាត់ និងប្រឆាំង ចំពោះគោលការណ៍ជ្រុលនិយមទាំងសាសនា និងនយោបាយ៕អត្ថបទ៖ វ៉ន ដារ៉ា

បណ្ដាញសង្គម

ព័ត៌មានថ្មីៗ

អ៊ុយក្រែនកំពុងស្វែងរកសេចក្ដីលម្អិត អំពីការស្នើបទឈប់បាញ់ថ្ងៃទី៩ ខែឧសភារបស់រុស្ស៊ី

រដ្ឋាភិបាលបារាំងមិនច្រានចោលលទ្ធភាពនៃវិធានការទប់ស្កាត់តម្លៃប្រេង ខណៈវិបត្តិនៅអ៊ីរ៉ង់

ប្រធានាធិបតីអ៊ីរ៉ង់និយាយថា សន្តិសុខនៅឈូងសមុទ្រពែក្សទាមទារកិច្ចសហប្រតិបត្តិការពីរដ្ឋក្នុងតំបន់

អាកាសធាតុក្តៅខ្លាំងជំរុញឲ្យកម្មករស្រែអំបិលនៅឥណ្ឌា ធ្វើការដល់យប់ជ្រៅ

ប្រធានអាស៊ាន ប្តេជ្ញាចិត្ត សម្របសម្រួលក្រុម AOT តាមដានពិនិត្យស្ថានការណ៍ ព្រំដែនកម្ពុជា-ថៃ

ការស្ទង់មតិរបស់ UNHCR បង្ហាញថា ពលរដ្ឋវេណេស៊ុយអេឡានៅបរទេស មិនចង់វិលត្រឡប់ទៅកាន់ស្រុកកំណើតវិញឡើយ

របាយការណ៍៖ នាវាផ្ទុកយន្តហោះអាមេរិក USS Gerald R. Ford នឹងចេញពីមជ្ឈិមបូព៌ា «ប៉ុន្មានថ្ងៃខាងមុខ»

ប្រធានាធិបតីស៊ូដង់ខាងត្បូងបណ្តេញរដ្ឋមន្ត្រីការបរទេស និងពាណិជ្ជកម្ម ក្នុងការផ្លាស់ប្តូររដ្ឋាភិបាលថ្មីៗនេះ

លោក Medvedev ៖ អឺរ៉ុបកំពុងធ្វើយោធានិយម ដូចកាលពីមុនសង្រ្គាមលោកលើកទី ២

ការវាយប្រហារយានដ្រូនរបស់រុស្ស៊ីបណ្តាលឲ្យមនុស្ស ១៨នាក់ រងរបួសនៅទីក្រុង Odesa ប្រទេសអ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍