BTV NEWS

ប្រធានក្រុមការងារគណបក្សចុះមូលដ្ឋាន អញ្ជើញបើកការដ្ឋានសាងសង់ផ្លូវលំប្រវែង ៥.៧០០ម៉ែត្រ ស្ថិតក្នុងស្រុកប្រាសាទបល្ល័ង្ក ខេត្តកំពង់ធំ

សម្ដេចតេជោ ចាត់ទុក អតីតរដ្ឋមន្ត្រីការពារជាតិវៀតណាម ជាមិត្តចាស់របស់កម្ពុជា

ឯកឧត្តម ចាយ បូរិន អញ្ជើញចុះសួរសុខទុក្ខនិងនាំយកអំណោយដ៏ថ្លៃថ្លារបស់ សម្តេចមហាបរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនឯកឧត្តម កង ណម នៅគេហដ្ឋាន

មន្ត្រីជាន់ខ្ពស់ក្រសួងអភិវឌ្ឍន៍ជនបទ ចុះត្រួតពិនិត្យ និងវាយតម្លៃលើការងារស្ថាបនាផ្លូវ នៅទីតាំងដីសម្បទានសង្គមកិច្ច ខេត្តឧត្តរមានជ័យ

នយោបាយ និង ការអភិវឌ្ឍន៍

រដ្ឋមន្ត្រីក្រសួងអប់រំ នឹងចូលរួមកិច្ចប្រជុំកំពូល នៃសម្ព័ន្ធរដ្ឋផ្តល់អាហារតាមសាលារៀន រៀបចំឡើងដោយរដ្ឋាភិបាលប្រទេសបារាំង

ភ្នំពេញ៖ ក្នុងសប្តាហ៍នេះឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា នឹងតំណាងរាជរដ្ឋាភិបាលកម្ពុជា ចូលរួមកិច្ចប្រជុំកំពូលរបស់សម្ព័ន្ធរដ្ឋផ្តល់អាហារតាមសាលារៀន ដែលរៀបចំឡើងដោយលោកប្រធានាធិបតី ម៉ាក្រូន នាទីក្រុងប៉ារីស។ដោយទទួលស្គាល់ពីសក្តានុពលនៃការផ្តល់អាហារតាមសាលារៀន ដើម្បីពង្រើកការអភិវឌ្ឍន៍ធនធានមនុស្ស និងពង្រឹងលើប្រព័ន្ធអាហារក្នុងស្រុក ប្រទេសកម្ពុជា បានចូលជាសមាជិករបស់សម្ព័ន្ធរដ្ឋផ្តល់អាហារតាមសាលារៀននៅឆ្នាំ២០២១ ស្របពេលដែលសម្ព័ន្ធរដ្ឋនេះបានប្រកាសឱ្យប្រើប្រាស់នៅក្នុងកិច្ចប្រជុំកំពូលស្តីពីប្រព័ន្ធស្បៀងអាហាររបស់អង្គការសហប្រជាជាតិ គឺជាការផ្តួចផ្តើមសកលមួយដែលមានប្រទេសបារាំង និងប្រទេសហ្វាំងឡង់ជាសហប្រធាន។ បេសកកម្មរបស់សម្ព័ន្ធរដ្ឋផ្តល់អាហារគឺធានាថានៅឆ្នាំ២០៣០ កុមារគ្រប់រូបមិនថាកុមារណាឡើយគឺមានលទ្ធភាពទទួលបានអាហារដែលមានអាហារូបត្ថម្ភល្អ និងមានជីវជាតិជម្រុញក្នុងការលូតលាស់ និងរីកចម្រើនដល់ការសិក្សា។ ឯកឧត្តមបណ្ឌិតសភាចារ្យ ហង់ជួន ណារ៉ុន បានមានប្រសាសន៍ថា «ជាការពិត ការធ្វើជាតូបនីយកម្មរបស់កម្មវិធីជាតិផ្តល់អាហារតាមសាលារៀនរបស់កម្ពុជា ដែលបានចាប់ផ្តើមនៅឆ្នាំ ២០២០ កំពុងរីកចម្រើនយ៉ាងឆាប់រហ័ស ហើយក៏បានទាក់ទាញអោយកុមារជាច្រើនមកសាលារៀន ព្រមទាំងគាំទ្រដល់ការសិក្សា ការទទួលបានអាហារូបត្ថម្ភល្អ និងការគិតគូរពីសុខភាព និងសុខុមាលភាពរបស់ពួកគាត់ ផងដែរ»។ ឯកឧត្តមបានបន្តទៀតថា កម្មវិធីស្បៀងអាហារពិភពលោក(WFP) កំពុងធ្វើការជាមួយអាជ្ញាធរជាតិ និងអាជ្ញាធរមូលដ្ឋាន ដើម្បីបង្កើតនូវលក្ខខណ្ឌប្រកបផ្សេងៗ សម្រាប់គាំទ្រដល់រាជរដ្ឋាភិបាលក្នុងការគ្រប់គ្រងទាំងស្រុងលើកម្មវិធីមួយនេះ ដូចជាការធានាអោយបានថា កម្មវិធីផ្តល់អាហារតាមសាលារៀននឹងត្រូវបានបញ្ចូលក្នុងថវិកាជាតិ ផែនការថ្នាក់ជាតិ និងគម្រោងគាំពារជាតិរបស់ប្រទេសកម្ពុជា។ដើម្បីជាការត្រៀមខ្លួនក្នុងការចូលរួមកិច្ចប្រជុំកំពូលសម្ព័ន្ធរដ្ឋផ្តល់អាហារតាមសាលារៀន ឯកឧត្តមឯកអគ្គរដ្ឋទូតបារាំងប្រចាំនៅព្រះរាជាណាចក្រកម្ពុជាលោក Jacques PELLET ឯកឧត្តមឧបនាយករដ្ឋមន្ត្រី និងជារដ្ឋមន្ត្រីក្រសួងអប់រំ យុវជន និងកីឡា និងលោកស្រីនាយិកាប្រចាំប្រទេសរបស់កម្មវិធីស្បៀងអាហារពិភពលោករបស់អង្គការសហប្រជាជាតិ (WFP) បានបំពេញទស្សនកិច្ចរួមគ្នា ចុះត្រួតពិនិត្យដោយផ្ទាល់លើ កម្មវិធីផ្ដល់អាហារតាមសាលារៀន នៅសាលាបឋមសិក្សាអង្គសិរី ក្នុងខេត្តកំពង់ឆ្នាំង។ ជារៀងរាល់ព្រឹក សាលារៀននេះបានផ្តល់អាហារពេលព្រឹកដែលសម្បូរទៅដោយអាហារូបត្ថមជូនដល់សិស្សមត្តេយ្យ និងបឋមសិក្សាប្រមាណជាង២០០នាក់។ ដំណើរទស្សនកិច្ចនេះ គឺជាឱកាសដ៏ល្អដែលឯកឧត្តមឯកអគ្គរដ្ឋទូតបារាំងបានចុះពិនិត្យផ្ទាល់ពីការអនុវត្តលើកម្មវិធីផ្តល់អាហារតាមសាលារៀនជាតិ។ឯកឧត្តម Jacques PELLET ឯកអគ្គរដ្ឋទូតបារាំងប្រចាំនៅព្រះរាជាណាចក្រកម្ពុជាបានមានប្រសាសន៍ថា «ក្នុងនាមជាសហប្រធាននៃសម្ព័ន្ធរដ្ឋផ្តល់អាហារតាមសាលារៀន យើងមានការប្តេជ្ញាចិត្តខ្ពស់ចំពោះបុព្វហេតុដ៏ថ្លៃថ្លានៃការផ្តល់អាហារូបត្ថម្ភ និងការអប់រំសកលទាំងកម្រិតថ្នាក់ជាតិ និងអន្តរជាតិ»។ ឯកឧត្តមឯកអគ្គរដ្ឋទូតបានបន្ថែមដោយគូសបញ្ជាក់ថា ប្រទេសបារាំងបានគាំទ្រយ៉ាងសកម្មទាំងក្នុងប្រទេសរបស់ខ្លួន និងទូទាំងពិភពលោក តាមរយៈកម្មវិធីផ្តល់អាហារតាមសាលារៀនរបស់កម្មវិធីស្បៀងអាហារពិភពលោក (WFP)។ ដំណើរទស្សនកិច្ចរបស់យើងទៅកាន់សាលារៀននៅថ្ងៃនេះគឺពិតជាអស្ចារ្យ ដែលពួកយើងបានពង្រឹងចំណងមិត្តភាពរវាងប្រជាជាតិរបស់យើង និងពង្រឹងចក្ខុវិស័យរួមសម្រាប់ពិភពលោកមួយដែលកុមារគ្រប់រូបត្រូវបានចិញ្ចឹមបីបាច់ទាំងផ្លូវកាយ និងផ្លូវចិត្ត៕

សម្តេចធិបតី គាំទ្រការបន្តសិក្សាលើគម្រោងអភិវឌ្ឍផ្លូវរថភ្លើងធុនស្រាល នៅរាជធានីភ្នំពេញ ខេត្តកណ្តាល និងខេត្តសៀមរាប

ភ្នំពេញ៖ នាព្រឹកថ្ងៃទី១៧ ខែតុលា ឆ្នាំ២០២៣, សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យលោក លី ខ័រ (Li Kuo) ប្រធានក្រុមប្រឹក្សាភិបាលក្រុមហ៊ុន China Metro Group ចូលជួបសម្តែងការគួរសម ក្នុងឱកាសនៃការចូលរួមក្នុង “វេទិកាខ្សែក្រវាត់ និងផ្លូវ លើកទី៣” នៅរដ្ឋធានីប៉េកាំង ។នៅក្នុងជំនួបនេះ លោក លី ខ័រ (Li Kuo) ប្រធានក្រុមប្រឹក្សាភិបាលក្រុមហ៊ុន China Metro Group បានថ្លែងអំណរគុណ សម្តេចធិបតី ដែលបានផ្តល់ឱកាសឱ្យរូបលោក និងសហការី បានចូលជួបសម្តែងការគួរសម ព្រមទាំងបានជម្រាបជូន សម្តេចធិបតី អំពីវឌ្ឍនភាពនៃការសិក្សារបស់ក្រុមហ៊ុនលើគម្រោងអភិវឌ្ឍផ្លូវរថភ្លើងធុនស្រាលចំនួនពីរខ្សែរ គឺ៖ (i) គម្រោងផ្លូវរថភ្លើងធុនស្រាលតភ្ជាប់ពីអាកាសយាន្តដ្ឋានអន្តរជាតិខេត្តសៀមរាប-អង្គរ ទៅកាន់ក្រុងសៀមរាប និង (ii) គម្រោងផ្លូវរថភ្លើងធុនស្រាលតភ្ជាប់ពីអាកាសយាន្តដ្ឋានអន្តរជាតិតេជោ ទៅកាន់រាជធានីភ្នំពេញ។ ដោយឡែក លោកប្រធានក្រុមប្រឹក្សាភិបាល ក៏បានបញ្ជាក់បន្ថែមថា ក្រុមហ៊ុន ក៏នឹងសិក្សាអំពីលទ្ធភាពផ្សេងៗ ក្នុងការជួយសម្រាលបន្ទុកចរាចរណ៍នៅកម្ពុជា ផងដែរ ។ជាការឆ្លើយតប សម្តេចធិបតីនាយករដ្ឋមន្ត្រី បានថ្លែងអំណរគុណ និងបានបញ្ជាក់អំពីការគាំទ្រចំពោះគម្រោងនានា ដែលក្រុមហ៊ុន China Metro Group បាន និងកំពុងសិក្សានៅក្នុងប្រទេសកម្ពុជា ពាក់ព័ន្ធនឹងការដោះស្រាយបញ្ហាចរាចរណ៍ ព្រមទាំងបានផ្តល់ជាអនុសាសន៍ដល់ក្រុមហ៊ុន ឱ្យមានការគិតគូរសព្វគ្រប់ជ្រុងជ្រោយ ជាអាទិ៍ ការអភិវឌ្ឍផ្លូវដែកធុនស្រាល, ស្ពានអាកាស និងផ្លូវក្រោមដីជាដើម៕

លោក Biden គ្រោងជួបលោកនាយករដ្ឋមន្ត្រី បេន ចាមីន ក្នុងដំណើរទស្សនកិច្ចទៅអ៊ីស្រាអែល

អាមេរិក៖ ខណៈអ៊ីរ៉ង់ព្រមាន រដ្ឋមន្ត្រីការបរទេសអាមេរិកលោក Antony Blinken បានប្រកាសកាលពីថ្ងៃអង្គារថាលោកប្រធានាធិបតី Joe Biden នឹងធ្វើទស្សនកិច្ចនៅអ៊ីស្រាអែលនៅថ្ងៃពុធស្អែក ដើម្បីពិភាក្សាជាមួយនាយករដ្ឋមន្ត្រីអ៊ីស្រាអែល Benjamin Netanyahu និងធ្វើឱ្យច្បាស់ថាអ៊ីស្រាអែលមានសិទ្ធិការពារខ្លួន ។លោក Blinken បាននិយាយបន្ទាប់ពីកិច្ចពិភាក្សាដ៏យូរជាមួយលោក Netanyahu ថាលោក Biden នឹងបញ្ជាក់ជាថ្មីនូវសាមគ្គីភាពជាមួយអ៊ីស្រាអែល ដែលត្រូវគេរំពឹងយ៉ាងទូលំទូលាយ ថានឹងចាប់ផ្តើមការវាយលុកលើដីនៅតំបន់ហ្គាហ្សា។ អ៊ីស្រាអែលបានប្តេជ្ញាថានឹងកម្ទេចក្រុមចលនាហាម៉ាសគ្រប់គ្រងតំបន់ហ្គាហ្សាបន្ទាប់ពីក្រុមអ្នកប្រយុទ្ធមួយនេះ បានចូលក្នុងទឹកដីអ៊ីស្រាអែលកាលពីថ្ងៃទី ៧តុលា សម្លាប់មនុស្សចំនួន១.៣០០ នាក់ ដែលភាគច្រើនជាជនស៊ីវិលនៅក្នុងថ្ងៃដ៏អាក្រក់បំផុតក្នុងប្រវត្តិសាស្ត្ររយៈពេល៧៥ឆ្នាំ របស់ប្រទេសនេះ។អ៊ីរ៉ង់ព្រមានអ៊ីស្រាអែល អំពីកំណើនភាពតានតឹងនៃសង្រ្គាមក្នុងតំបន់ ប្រសិនបើការឈ្លានពានមិនបញ្ឈប់លោក Blinken បានប្រាប់ក្រុមអ្នកយកព័ត៌មានបន្ទាប់ពីកិច្ចពិភាក្សាជាច្រើនម៉ោងជាមួយគណៈរដ្ឋមន្ត្រីសង្គ្រាមរបស់អ៊ីស្រាអែលនៅទីក្រុង Tel Aviv ថា លោក Biden នឹងបញ្ជាក់យ៉ាងច្បាស់ថា អ៊ីស្រាអែលមានសិទ្ធិ និងកាតព្វកិច្ចដ៏ពិតប្រាកដដើម្បីការពារប្រជាជនរបស់ខ្លួនពីក្រុមហាម៉ាស និងភេរវករផ្សេងទៀត និងដើម្បីទប់ទល់ការវាយប្រហារនាពេលអនាគត។ ក្នុងអំឡុងការពិភាក្សានោះ លោកត្រូវបានបង្ខំឱ្យស្នាក់នៅក្នុងលេណដ្ឋានមួយ រយៈពេល៥នាទីនៅពេលដែលស៊ីរ៉ែនបានបិទ។លោកបាននិយាយថា អ៊ីស្រាអែលនឹងផ្ដល់របាយការណ៍ជូនលោក Biden អំពីគោលបំណង និងយុទ្ធសាស្ត្រសង្គ្រាមរបស់ខ្លួន និងអំពីរបៀបដែលខ្លួននឹងធ្វើប្រតិបត្តិការ ក្នុងមធ្យោបាយមួយក្នុងការកាត់បន្ថយការស្លាប់ និងរបួសរបស់ជនស៊ីវិល និងអាចឱ្យជំនួយមនុស្សធម៌ហូរទៅកាន់ជនស៊ីវិលនៅតំបន់ ហ្គាហ្សា (Gaza) តាមរបៀបមួយដែលមិនផ្តល់ផលប្រយោជន៍ដល់ក្រុមហាម៉ាស។លោកBlinken បាននិយាយថា សហរដ្ឋអាមេរិក និងអ៊ីស្រាអែល បានព្រមព្រៀងបង្កើតផែនការមួយ ដែលនឹងអនុញ្ញាតឱ្យជំនួយមនុស្សធម៌ពីប្រទេសម្ចាស់ជំនួយ និងអង្គការជាច្រើន អាចចូលទៅដល់ជនស៊ីវិលនៅតំបន់ហ្គាហ្សា៕

អ៊ីរ៉ង់ព្រមានពីការត្រៀមខ្លួនជាស្រេចដើម្បីធ្វើសកម្មភាពប្រឆាំងអ៊ីស្រាអែល

អ៊ីរ៉ង់៖ កាលពីថ្ងៃចន្ទប្រទេសអ៊ីរ៉ង់ បានព្រមានពីសកម្មភាពត្រៀមខ្លួនជាស្រេចប្រឆាំងអ៊ីស្រាអែល ក្នុងរយៈពេលប៉ុន្មានម៉ោងខាងមុខនេះ ខណៈប្រទេសអ៊ីស្រាអែលត្រៀមការវាយលុកតាមដីគោកទៅលើតំបន់ហ្គាហ្សា។ទីក្រុងតេអេរ៉ង់ បានព្រមានម្តងហើយម្តងទៀត ថាការវាយលុកតាមដីគោកនៅតំបន់ហ្គាហ្សាដែលត្រូវបានរារាំងរយៈពេលយូរ នឹងត្រូវបំពេញដោយការឆ្លើយតបពីសមរភូមិផ្សេងទៀត ដែលកំពុងជំរុញឲ្យមានការព្រួយបារម្ភ ពីជម្លោះកាន់តែរីកធំ ដែលអាចទាញឲ្យធ្លាក់ចូលជម្លោះក្នុងប្រទេសផ្សេងទៀត។ រដ្ឋមន្ត្រីការបរទេសអ៊ីរ៉ង់លោក Hossein Amir-Abdollahian បាននិយាយនៅក្នុងការផ្សាយផ្ទាល់តាមទូរទស្សន៍រដ្ឋ ខណៈលោកនិយាយយោងទៅរកជំនួបរបស់លោកជាមួយមេដឹកនាំក្រុម Hezbollah លោក Hassan Nasrallah ថាលទ្ធភាពនៃការត្រៀមខ្លួនជាស្រេចដើម្បីធ្វើសកម្មភាព ដោយសម្ព័ន្ធមិត្តប្រឆាំង ត្រូវបានគេរំពឹងថា នឹងកើតមានក្នុងរយៈពេលប៉ុន្មានម៉ោងខាងមុខ។កាលពីព្រឹកថ្ងៃចន្ទអ្នកការទូតជាន់ខ្ពស់អ៊ីរ៉ង់ និងប្រធានាធិបតីលោក Ebrahim Raisi បាននិយាយថា ពេលវេលាអស់ហើយដើម្បីឈានដល់ដំណោះស្រាយនយោបាយ និងបានព្រមានប្រឆាំងការរីកកាន់តែធំសង្គ្រាមអ៊ីស្រាអែល-ក្រុមហាម៉ាស់ ទៅកាន់សមរភូមិមុខដ៏ទៃទៀត។ លោក Amir-Abdollahian បាននិយាយកាលពីថ្ងៃចន្ទថាមេដឹកនាំដ៏រឹងរុស នឹងមិនអនុញ្ញាតឲ្យអ៊ីស្រាអែលធ្វើអ្វីក៏ដោយដែលខ្លួនចង់ធ្វើនៅក្នុងតំបន់ហ្គាហ្សានោះទេ។ ប្រសើនបើយើងមិនការពារតំបន់ហ្គាហ្សានៅថ្ងៃនេះ ថ្ងៃស្អែកយើងត្រូវតែការពារប្រឆាំង គ្រាប់បែកផូស្វ័រ នៅមន្ទីរពេទ្យកុមារនៅប្រទេសផ្ទាល់របស់យើង។អ៊ីរ៉ង់ បានសាទរការវាយប្រហាររបស់ក្រុមហាម៉ាស់ ប៉ុន្តែបានទទូចថា ខ្លួនមិនជាប់ពាក់ព័ន្ធក្នុងជម្លោះនេះទេ៕

ដំណើរទស្សនកិច្ចរបស់លោក បៃដិន ទៅអ៊ីស្រាអែល នឹងមានហានិភ័យផ្នែកសន្តិសុខ និងនយោបាយ

អាមេរិក៖ សេតវិមានរបស់ប្រធានាធិបតីអាមេរិក លោក ចូ បៃដិន កំពុងប្រជែងនឹងបញ្ហាសន្តិសុខ ព្រមទាំងបញ្ហាប្រឈមផ្នែកនយោបាយ ខណៈដែលក្រុមមន្ត្រីពិចារណាអំពីលទ្ធភាពនៃដំណើរទស្សនកិច្ចទៅកាន់ប្រទេសអ៊ីស្រាអែល ដែលអាចទទួលបានអត្ថប្រយោជន៍ការទូតរយៈពេលវែងសម្រាប់លោក បៃដិន។នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu) បានអញ្ជើញលោក បៃដិន ដែលបាននិយាយដោយឥតសំចៃមាត់ក្នុងការគាំទ្ររបស់ខ្លួនចំពោះអ៊ីស្រាអែល ដែលជាសម្ព័ន្ធមិត្តមជ្ឈិមបូព៌ា ដ៏ជិតស្និទ្ធបំផុតរបស់ទីក្រុងវ៉ាស៊ីនតោន ហើយនៅតែមានភាពតានតឹងបន្ទាប់ពីការវាយលុកឆ្លងព្រំដែនដ៏បំផ្លិចបំផ្លាញ ដោយក្រុមសកម្មប្រយុទ្ធប៉ាឡេស្ទីន ហាម៉ាស កាលពីថ្ងៃទី៧ ខែតុលា ដែលក្នុងនោះជនជាតិអ៊ីស្រាអែលចំនួន ១.៣០០នាក់ត្រូវបានសម្លាប់។ដំណើរទស្សនកិច្ចបែបនេះ នឹងក្លាយជាជម្រើសដ៏កម្រ និងប្រថុយប្រថានមួយ ដែលបង្ហាញពីការគាំទ្ររបស់អាមេរិក សម្រាប់លោក ណេតាន់យ៉ាហ៊ូ ខណៈដែលសហរដ្ឋអាមេរិក ព្យាយាមបញ្ចៀសសង្គ្រាមក្នុងតំបន់ដ៏ទូលំទូលាយ ដែលពាក់ព័ន្ធនឹងប្រទេសអ៊ីរ៉ង់ និងសម្ព័ន្ធមិត្តលីបង់គឺក្រុមហេសបូឡា ព្រមទាំងប្រទេសស៊ីរី ហើយខណៈដែលស្បៀងអាហារ និងឥន្ធនៈមានកម្រិតទាបនៅក្នុងតំបន់ហ្គាហ្សា ជាទីដែលក្រុមអាជ្ញាធរនិយាយថា មនុស្សជាង ២.៨០០នាក់ ត្រូវបានសម្លាប់នៅក្នុងការវាយប្រហាររបស់អ៊ីស្រាអែល។លោក បៃដិន និងលោក ណេតាន់យ៉ាហ៊ូ ដែលជាសម្ព័ន្ធមិត្តមិនមានភាពងាយស្រួលក្នុងគ្រាដ៏លំបាកបំផុតនោះ បានចូលរួមកម្លាំងគ្នា បើទោះបីជាមានជម្លោះលើផ្លូវឆ្ពោះទៅមុខនៅមជ្ឈិមបូព៌ា ដោយលោក បៃដិន ជារឿយៗសង្កត់ធ្ងន់លើការគាំទ្រសម្រាប់រដ្ឋឯករាជ្យរបស់អ៊ីស្រាអែល និងប៉ាឡេស្ទីនក៏ដោយ៕

ក្នុងជំនួបជាមួយសម្ដេចធិបតី, ក្រុមហ៊ុន CP Group ចង់ពង្រីកការវិនិយោគបន្ថែមលើវិស័យអចលនទ្រព្យ សុខាភិបាល និងផ្កាយរណបនៅកម្ពុជា

ភ្នំពេញ៖ នាព្រឹកថ្ងៃទី១៧ ខែតុលា ឆ្នាំ២០២៣, សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យលោក សែ ភីង (Tse Ping) អគ្គនាយករងជាន់ខ្ពស់ក្រុមហ៊ុន Charoen Pokphand Group (CP Group) ចូលជួបសម្តែងការគួរសម ក្នុងឱកាសនៃការចូលរួមក្នុង “វេទិកាខ្សែក្រវាត់ និងផ្លូវ លើកទី៣” នៅរដ្ឋធានីប៉េកាំង ។ក្នុងឱកាសនេះនៃជំនួបនេះ លោក សែ ភីង បានថែ្លងអបអរសាទរ សម្តេចធិបតី ចំពោះការចូលកាន់មុខតំណែងជានាយករដ្ឋមន្ត្រី នៃព្រះរាជាណាចក្រកម្ពុជា ព្រមទាំងបានជម្រាបជូន សម្តេចធិបតី អំពីការរីកលូតលាស់របស់ក្រុមហ៊ុន CP Group ដែលមានអាយុកាលជាង ១០០ឆ្នាំ ជាមួយនឹងបទពិសោធន៍ដ៏សម្បូរបែបក្នុងវិស័យធុរកិច្ច ហើយសព្វថ្ងៃក៏មានការវិនិយោគនៅក្នុងប្រទេសកម្ពុជាលើកសិដ្ឋានចិញ្ចឹមសត្វ និងអចលនទ្រព្យ ផងដែរ ។ បន្ថែមលើនេះ លោកអនុប្រធានក្រុមប្រឹក្សាភិបាល CP Group ក៏បានជម្រាបជូន សម្តេចធិបតី អំពីគោលបំណងរបស់ក្រុមហ៊ុនក្នុងការពង្រីកការវិនិយោគបន្ថែមទៀតនៅកម្ពុជា ជាពិសេសក្នុងវិស័យអចលនទ្រព្យ សុខាភិបាល និងផ្កាយរណប ។ជាការឆ្លើយតប សម្តេចធិបតី បានសម្តែងនូវក្តីរីករាយស្វាគមន៍ចំពោះជំនួបជាមួយថ្នាក់ដឹកនាំរបស់ក្រុមហ៊ុន CP Group នាឱកាសនេះ និងបានបញ្ជាក់អំពីការគាំទ្រចំពោះគម្រោងវិនិយោគនានារបស់ក្រុមហ៊ុននៅកម្ពុជា ជាពិសេស នៅក្នុងវិស័យកសិកម្ម ក៏ដូចជាវិស័យផ្សេងទៀតដែលក្រុមហ៊ុន CP Group មានចំណាប់អារម្មណ៍ ជាអាទិ៍ វិស័យអចលនទ្រព្យ, សុខាភិបាល និងផ្កាយរណប ដោយបានណែនាំឱ្យក្រុមហ៊ុនទាក់ទងពិភាក្សាការងារជាមួយក្រសួង-ស្ថាប័នជំនាញពាក់ព័ន្ធ៕

ក្រុមហ៊ុន CMEC ចិន គ្រោងសហការវិនិយោគជាមួយក្រុមហ៊ុនកម្ពុជា ក្នុងទំហំទឹកប្រាក់ ៣ ពាន់លានដុល្លារលើវិស័យថាមពលហ្គាស

ភ្នំពេញ៖ ក្នុងជំនួបរវាងសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា ជាមួយលោក វ័ង ប៉ូ (Wang Bo) ប្រធានក្រុមប្រឹក្សាភិបាលក្រុមហ៊ុន China Machinery Engineering Corporation (CMEC) ក្រុមហ៊ុននេះ បានលើកឡើងអំពីគម្រោងសហការវិនិយោគរួមជាមួយក្រុមហ៊ុនកម្ពុជាចំនួនពីរក្នុងទំហំទឹកប្រាក់ប្រមាណ ៣.០០០ លានដុល្លារអាមេរិក លើវិស័យថាមពលហ្គាសនៅកម្ពុជា។ នាព្រឹកថ្ងៃទី១៧ ខែតុលា ឆ្នាំ២០២៣, សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យលោក វ័ង ប៉ូ (Wang Bo) ប្រធានក្រុមប្រឹក្សាភិបាលក្រុមហ៊ុន (China Machinery Engineering Corporation) CMEC ចូលជួបសម្តែងការគួរសម ក្នុងឱកាសនៃការចូលរួមក្នុង “វេទិកាខ្សែក្រវាត់ និងផ្លូវ លើកទី៣” នៅរដ្ឋធានីប៉េកាំង ។ក្នុងជំនួបនេះ លោកប្រធានក្រុមប្រឹក្សាភិបាលក្រុមហ៊ុន CMEC បានថែ្លងអំណរគុណចំពោះ សម្តេចធិបតី ដែលបានអនុញ្ញាតឱ្យរូបលោក និងសហការី ចូលជួបសម្តែងការគួរសម ព្រមទាំងបានជម្រាបជូន សម្តេចធិបតី អំពីវឌ្ឍនភាពរីកចម្រើនរបស់ក្រុមហ៊ុន CMEC ជាបុត្រសម្ព័ន្ធរបស់ក្រុមហ៊ុន SINOMACH ដែលមានជំនាញក្នុងវិស័យទឹកស្អាត, ថាមពល និងហេដ្ឋារចនាសម្ព័ន្ធ ហើយបានធ្វើការវិនិយោគក្នុងគម្រោងជាច្រើននៅកម្ពុជា ។ ក្នុងរយៈពេល ១០ ឆ្នាំបន្តទៅមុខ ក្រុមហ៊ុន CMEC គ្រោងនឹងសហការវិនិយោគរួមជាមួយក្រុមហ៊ុនកម្ពុជាចំនួនពីរក្នុងទំហំទឹកប្រាក់ប្រមាណ ៣,០០០ លានដុល្លារអាមេរិក លើវិស័យថាមពលហ្គាស។ មួយវិញទៀត ថ្នាក់ដឹកនាំរបស់ក្រុមហ៊ុន CMEC បានថ្លែងនូវការកោតសរសើរចំពោះការអភិវឌ្ឍរីកចម្រើនលើគ្រប់វិស័យរបស់ប្រទេសកម្ពុជា ក្រោមការដឹកនាំរបស់ សម្តេចអគ្គមហាសេនាបតីតេជោ ហ៊ុន សែន ក្នុងរយៈកាលកន្លងមក ហើយលោកក៏បានបង្ហាញនូវក្តីសង្ឃឹមជឿជាក់ថា ក្រោមការដឹកនាំរបស់ សម្តេចធិបតី ហ៊ុន ម៉ាណែត កម្ពុជាពិតជានឹងមានការរីកលូតលាស់ជឿនលឿនថែមទៀត ហើយដែលនេះក៏ជាកត្តាទាក់ទាញគួរជាទីទុកចិត្តសម្រាប់ពង្រីកការវិនិយោគនៅកម្ពុជា។ជាការឆ្លើយតប សម្តេចធិបតី បានសម្តែងនូវក្តីរីករាយសាទរចំពោះជោគជ័យរបស់ក្រុមហ៊ុន CMEC លើការវិនិយោគក្នុងប្រទេសកម្ពុជា ហើយជាមួយគ្នានេះ សម្តេចធិបតី ក៏បានស្វាគមន៍ និងគាំទ្រចំពោះគម្រោងវិនិយោគបន្ថែមទៀតរបស់ក្រុមហ៊ុន CMEC ដោយនេះ គឺជាការចូលរួមចំណែកដល់ការអភិវឌ្ឍកម្ពុជាឱ្យកាន់តែរីកចម្រើនរុងរឿងទៅមុខ៕

ទេសចរផ្ទៃក្នុងជិត២លាននាក់ បានចេញដើរកម្សាន្តថ្ងៃឈប់សំរាកបុណ្យភ្ជុំបិណ្ឌរយៈពេល៣ថ្ងៃ

ភ្នំពេញ៖ តាមរបាយការណ៍ក្នុងក្រសួងទេសចរណ៍ បានឲ្យដឹងថា ក្នុងរយៈពេល៣ថ្ងៃ ថ្ងៃឈប់សំរាក ពិធីបុណ្យភ្ជុំបិណ្ឌចាប់ពីថ្ងៃទី១៣ ដល់ថ្ងៃទី១៥ ខែតុលា ឆ្នាំ២០២៣នេះ មានទេសចរជាតិអន្តរជាតិ បានចេញដើរកម្សាន្តទៅតាមគោលដៅទេសចរណ៍នានាទូទាំងប្រទេសមានប្រមាណជិត២លាននាក់ ។របាយការណ៍បានឲ្យដឹងថា ទេសចរក្នុងស្រុកប្រមាណ ១លាន៩២ម៉ឺននាក់ ដែលបានដើរកម្សាន្ត នាឱកាសពិធីបុណ្យភ្ជំបិណ្ឌ ចាប់ពីថ្ងៃទី១៣ ដល់ ថ្ងៃទី១៥ ខែតុលា ឆ្នាំ២០២៣នេះ គឺមាន ទេសចរជាតិប្រមាណ ១,៨៩ លាននាក់ កើនឡើង ៥២,២% ធៀបរយៈពេលដូចគ្នាឆ្នាំ២០២២ ហើយទេសចរបរទេសប្រមាណ ២,៧ ម៉ឺននាក់ កើនឡើង ៩០,៥% ធៀបរយៈពេលដូចគ្នាឆ្នាំ២០២២។របាយការណ៍បានបញ្ជាក់ថា គោលដៅទេសចរណ៍សំខាន់ៗរយៈពេល០៣ថ្ងៃនេះ ដែលមានភ្ញៀវទៅទស្សនាច្រើន ទី១ ខេត្តត្បូងឃ្មុំ មានភ្ញៀវទេសចរទៅទស្សនា ៤៤ម៉ឺន នាក់ , ទី២ ខេត្តបាត់ដំបង មានប្រមាណ ២១ម៉ឺន នាក់ , ទី៣ ខេត្តកំពង់ឆ្នាំង មានជិត១៧ម៉ឺននាក់ , ទី៤ ខេត្តព្រះសីហនុ មានភ្ញៀវទៅទស្សនាជិត ១៦ម៉ឺននាក់ និងទី៥ ខេត្តសៀមរាប មានប្រមាណ ១២ម៉ឺន៥០០០នាក់។ តាមការរាយការណ៍ពីរដ្ឋបាលរាជធានីខេត្ត បានបញ្ជាក់ថា ថ្ងៃឈប់សំរាកបីថ្ងៃនេះ តាមគោលដៅទេសចរណ៍ខេត្តមួយចំនួនបានរៀបចំព្រឹត្តិការណ៍ផ្សេងៗ ដើម្បីទាក់ទាញទេសចរណ៍ឲ្យមកកម្សាន្តខេត្តរបស់ខ្លួន ក្នុងនោះខេត្តត្បូងឃ្មុំបានរៀបចំព្រឹត្តិការណ៍អុំទូកបណ្តែតប្រទីប ភូមិមួយផលិតផលមួយ ការប្រគុំតន្ដ្រីខ្នាតយក្ស និងការបាញ់កាំជ្រួច និងខេត្តកំពង់ឆ្នាំង មានរៀបចំព្រឹត្តិការណ៍ទេសចរណ៍ជំនឿព្រះពុទ្ធសាសនាដែលមានការចូលរួមពីទេសចរបរទេសផងដែរ។ការរៀបចំកម្មវិធីដ៏ទៃទៀតនៅគ្រប់រាជធានីខេត្ត ពិសេសនៅតាមទីប្រជុំជនទីរួមខេត្ត ទីរួមស្រុក តំបន់គោលដៅទេសចរណ៍សំខាន់ៗ វត្តអារាម និងនៅតាមភូមិស្រុកនានា គឺជាកត្តាដែលបានទាក់ទាញទេសចរ និងបងប្អូនប្រជាពលរដ្ឋដើរកម្សាន្តយ៉ាងច្រើនកុះករ។ដោយឡែក សម្រាប់សភាពការណ៍សន្តិសុខ សណ្តាប់ធា្នប់ សុវត្ថិភាព ការគ្រប់គ្រងចរន្តភ្ញៀវ និងការគ្រប់គ្រងគុណភាព និងតម្លៃសេវាទេសចរណ៍នានាវីញ គឺ មានភាពល្អប្រសើរ កម្លាំងមានសមត្ថកិច្ចទាំងនៅថ្នាក់ជាតិ និងគណៈបញ្ជាការឯកភាពរាជធានីខេត្ត បានអនុវត្តការងារប្រកបដោយការទទួលខុសត្រូវខ្ពស់៕អត្ថបទ ស៊ុម សុខជា

PATA រំពឹងថា ទេសចរអន្តរជាតិនឹងកើនឡើង ខណៈព្រលានយន្តហោះថ្មីនៅខេត្តសៀមរាប បើកដំណើរការ

ភ្នំពេញ៖ នៅថ្ងៃទី១៦ ខែតុលា ឆ្នាំ២០២៣ គឺជាថ្ងៃដែលអាកាសយានដ្ឋានអន្តរជាតិសៀមរាបអង្គរ ប្រកាសបើកដំណើរការទទួលជើងហោះហើរពាណិជ្ជកម្មទី១ ជាផ្លូវការ។ សម្រាប់ការបើកដំណើរការព្រលានយន្តហោះថ្មីទំនើបស្តង់ដារអន្តរជាតិនេះ ប្រធានសមាគមទេសចរណ៍អាស៊ីប៉ាភិច PATA ប្រចាំនៅកម្ពុជា រំពឹងថា នឹងមានភ្ញៀវទេសចរអន្តរជាតិកើនឡើងខ្លាំងជាបន្តបន្ទាប់ចូលទស្សនាខេត្តសៀមរាប និងកម្ពុជាទាំងមូល។លោក ធួន ស៊ីណាន ប្រធានPATA ប្រចាំនៅកម្ពុជា បានថ្លែងប្រាប់BTV នៅថ្ងៃទី១៦ ខែតុលានេះថា ជាទូទៅនៅពេលដែលព្រលានយន្តហោះអន្តរជាតិមួយបើកដំណើរការ គឺក្រុមហ៊ុនគ្រប់គ្រងព្រលានផ្ទាល់ និងភាគីពាក់ព័ន្ធនានាទៀត តែងតែសហការគ្នារៀបចំផែនការគ្រប់គ្រងពាណិជ្ជកម្ម ធ្វើទីផ្សារចំបង ទីផ្សារផ្គត់ផ្គង់ និងទីផ្សារទូទៅនានា និងបង្កើនការតភ្ជាប់ជើងហោះហើរត្រង់ ដឹកអ្នកដំណើរអន្តរជាតិ មកពីតាមបណ្តាប្រទេសនានាលើពិភពលោក មកកាន់កម្ពុជា។យ៉ាងណាក៏ដោយនៅក្នុងដំណើរបើកព្រលានយន្តហោះអន្តរជាតិថ្មីនេះ លោក ធួន ស៊ីណាន បានស្នើភាគីពាក់ព័ន្ធ ជាពិសេសក្រុមហ៊ុនវិនិយោគអាកាសយានដ្ឋានអន្តរជាតិអង្គរ (AIAI) សូមពង្រីកការផ្សព្វផ្សាយ និងពង្រីកទីផ្សារតភ្ជាប់ជើងហោះហើរត្រង់ឲ្យបានច្រើនប្រទេសជាពិសេសទីផ្សារគោលដៅធំៗ ក្នុងតំបន់អាស៊ី តំបន់អឺរ៉ុប អាហ្រឹ្វក និងអាមេរិចជាដើម។នៅក្នុងដំណើរចុះត្រួតពិនិត្យព្រលានយន្តហោះអន្តរជាតិសៀមរាបអង្គរនេះដែរ កន្លងមក ឯកឧត្តម សុខ សូកេន រដ្ឋមន្ត្រីក្រសួងទេសចរណ៍បានថ្លែងថា ព្រលានយន្តហោះអន្តរជាតិថ្មីនេះ គឺបានសាងសង់ដាក់បញ្ចូល និងការរចនាឱ្យមានលក្ខណៈភាពជាខ្មែរ ការថែរក្សានិងលើកស្ទួយអត្តសញ្ញាណជាតិ ហើយឯកឧត្តម ក៏ស្នើអ្នកបម្រើការ និងភាគីពាក់ព័ន្ធនានាសូមបង្កើនការផ្តល់សេវាបដិសណ្ឋារកិច្ច ផ្តល់ភាពកក់ក្តៅ រួសរាយ រាក់ទាក់ និងការសម្របសម្រួលឱ្យបានគ្រប់ជ្រុងជ្រោយដល់ការធ្វើដំណើរចេញចូលរបស់ភ្ញៀវទេសចរអន្តជាតិនានានៅតាមច្រកទ្វារអន្តរជាតិនានា។ឯកឧត្តម ម៉ាវ ហាវណ្ណាល់ រដ្ឋមន្ត្រី រដ្ឋលេខាធិការដ្ឋានអាកាសចរណ៍ស៊ីវិល បានថ្លែងថា កម្ពុជា រយៈពេល៩ខែ គិតចាប់ពីខែមករាដល់ខែកញ្ញា ឆ្នាំ២០២៣នេះ គឺមានជើងហោះហើរចេញចូលកម្ពុជាជាមធ្យម៨៥០ជើង ក្នុងមួយសប្តាហ៍ និងបានទទួលអ្នកដំណើរអន្តរជាតិតាមផ្លូវអាកាសបានប្រមាណ៧លាននាក់ ហើយតាមតួលេខនេះគឺ កើនបានប្រមាណ៥០% នៃចំនួនអ្នកដំណើរសរុបនៅឆ្នាំ២០១៩ ពេលមិនទាន់មានវិបត្តិកូវីដ១៩ ខណៈអាកាសយានដ្ឋានអន្តរជាតិសៀមរាបអង្គរថ្មីនេះ មានសមត្ថភាពទទួលយន្តហោះចុះចត ១ម៉ោង បានចំនួន២៤គ្រឿង និងអាចទទួលអ្នកដំណើរអន្តរជាតិប្រមាណជា ៧លាននាក់ ក្នុងមួយឆ្នាំៗ៕អត្ថបទ ស៊ុមសុខជា

ការបរិច្ចាគឈាមដោយស្ម័គ្រចិត្ត និងមិនទទួលកម្រៃ គឺជាកាតព្វកិច្ចរបស់យុវជន និងប្រជាជន

ភ្នំពេញ៖ ប្រធានមជ្ឈមណ្ឌលជាតិផ្តល់ឈាម នៃក្រសួងសុខាភិបាល លោកវេជ្ជបណ្ឌិត សុខ ប៉ូ ថ្លែងថា កិច្ចបរិច្ចាគឈាមដោយស្ម័គ្រចិត្ត និងមិនទទួលកម្រៃ គឺជាកាតព្វកិច្ចរបស់យុវជន និងប្រជាជនត្រូវចូលរួមដើម្បីកសាងសង្គមជាតិដ៏ល្អប្រសើរ។លោកវេជ្ជបណ្ឌិត សុខ ប៉ូ បានបន្តទៀតថា ស្ថានភាពតម្រូវការឈាម៩ខែ ក្នុងឆ្នាំ២០២៣នេះ យើងត្រូវការឈាមមួយប្លោក ដើម្បីជួយសង្គ្រោះជីវិត អ្នកជំងឺរៀងរាល់ ៥នាទីម្តង។ តម្រូវការឈាមប្រចាំថ្ងៃ សរុបជាមធ្យមមានជាង៣០០ប្លោក នៅរាជធានីភ្នំពេញ។ តម្រូវការទូទាំងប្រទេស មានប្រមាណជាង១០ម៉ឺនប្លោក ហើយមជ្ឈមណ្ឌលជាតិផ្តល់ឈាម បានគ្របដណ្តប់៨០% នៃការផ្គត់ផ្គង់ឈាមទូទាំងប្រទេស។ ចំណែកការទទួលអំណោយឈាម បានតាមរយៈសប្បុរសជន ដោយស្ម័គ្រចិត្ត និងមិនគិតកម្រៃ ឆ្លើយតបបានប្រហែល២០% នៃតម្រូវការក្នុងប្រទេសកម្ពុជាតែប៉ុណ្ណោះ ខណៈដែលប្រទេសជិតខាងការបរិច្ចាគឈាម ដោយស្ម័គ្រចិត្តអាចផ្គត់ផ្គង់បានរហូតដល់ លើសពី៩០% នៃតម្រូវការ នេះបើយោងតាមទិន្នន័យរបស់អង្គការសុខភាពពិភពលោក។ក្នុងនាមមជ្ឈមណ្ឌលជាតិផ្ដល់ឈាម នៃក្រសួងសុខាភិបាល លោកវេជ្ជបណ្ឌិត សុខ ប៉ូ បានលើកឡើងស្វាគមន៍យ៉ាងកក់ក្ដៅបំផុត ចំពោះសប្បុរសជនទាំងអស់ ដែលបានធ្វើអំណោយឈាមសម្រាប់ជីវិត និងបានធ្វើសកម្មភាពគ្រប់បែបយ៉ាង ដើម្បីលើកកម្ពស់ការបរិច្ចាគឈាមដោយស្ម័គ្រចិត្ដ និងមិនគិតកម្រៃ រួមចំណែកជួយសង្គ្រោះជីវិតជនរងគ្រោះដោយក្ដីសប្បុរស។ លោកវេជ្ជបណ្ឌិតបញ្ជាក់បន្ថែមថា ការបរិច្ចាគឈាម មិនប៉ះពាល់ដល់សុខភាពទេ ហើយឈាមមានប្រភពតែមួយគត់ គឺពីមនុស្ស មិនមានរោងចក្រណា ឱសថណា អាចផលិតបានទេ សូមកុំរង់ចាំដល់វេលាមួយនៅពេលដែលយើងចង់ធ្វើអំណោយឈាម បែរជាហួសពេល៕អត្ថបទ រដ្ឋា

បណ្ដាញសង្គម

ព័ត៌មានថ្មីៗ

សម្តេចធិបតី៖ ការធានាសុវត្ថិភាពព័ត៌មាន រក្សាព័ត៌មានសម្ងាត់របស់ជាតិ ក្នុងកាលៈទេសៈនៃវិបត្តិមិនមែនជាការរឹតត្បិតសេរីភាពខាងសារព័ត៌មាននោះទេ

សម្តេចធិបតី៖ការស្ទង់មតិឆ្លុះបញ្ចាំងឱ្យឃើញថាកម្ពុជាកំពុងពង្រឹងវិស័យព័ត៌មាន សេរីព័ត៌មាន និងការអភិវឌ្ឍវិជ្ជាជីវៈ

សម្តេចបវរធិបតីផ្តល់អនុសាសន៍ ៦ចំណុចដល់អ្នកសារព័ត៌មាន និងអ្នកផលិតមាតិកា ក្នុងឱកាសទិវាសេរីភាពសារព័ត៌មាន

សម្តេចបវរធិបតី៖ នៅកម្ពុជា សេរីភាពសារព័ត៌មាន មិនមែនត្រឹមតែជាសិទ្ធិមូលដ្ឋាននៃលទ្ធិប្រជាធិបតេយ្យទេ តែជាចលករយុទ្ធសាស្ត្រការពារសន្តិភាព និងបូរណភាពទឹកដី

អាជ្ញាធរខេត្តប៉ៃលិន បន្តត្រួតពិនិត្យរកសារធាតុញៀន អាវុធជាតិផ្ទុះ និងការលួចចូលមករស់នៅខុសច្បាប់របស់ជនបរទេស

ក្រុមអន្តរាគមន៍បង្ក្រាបបទល្មើសចលនាសត្វ ឃាត់រថយន្តដឹកជ្រូក ១៧០ក្បាលមកពីប្រទេសឡាវ

ជនបរទេស ២,៦៧១នាក់ ត្រូវបានបណ្ដេញចេញពីកម្ពុជាពាក់ព័ន្ធករណី Online Scams និងបទល្មើសព្រហ្មទណ្ឌផ្សេងៗទៀត

គិតត្រឹមចុងខែមីនាឆ្នាំ២០២៦៖ រោងចក្រ សហគ្រាសកើនដល់ជាង ៤ម៉ឺន៧ពាន់ ផ្ដល់ការងាររាប់ម៉ឺនកន្លែង

លីបង់និយាយថា មនុស្ស ១៣នាក់ បានស្លាប់ នៅក្នុងការវាយប្រហាររបស់អ៊ីស្រាអែលនៅភាគខាងត្បូង

មន្ត្រីយោធាអ៊ីរ៉ង់និយាយថា សង្គ្រាមជាថ្មីជាមួយសហរដ្ឋអាមេរិក ទំនងជាកើតឡើង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

លោក Biden គ្រោងជួបលោកនាយករដ្ឋមន្ត្រី បេន ចាមីន ក្នុងដំណើរទស្សនកិច្ចទៅអ៊ីស្រាអែល

អ៊ីរ៉ង់ព្រមានពីការត្រៀមខ្លួនជាស្រេចដើម្បីធ្វើសកម្មភាពប្រឆាំងអ៊ីស្រាអែល

ដំណើរទស្សនកិច្ចរបស់លោក បៃដិន ទៅអ៊ីស្រាអែល នឹងមានហានិភ័យផ្នែកសន្តិសុខ និងនយោបាយ

ទេសចរផ្ទៃក្នុងជិត២លាននាក់ បានចេញដើរកម្សាន្តថ្ងៃឈប់សំរាកបុណ្យភ្ជុំបិណ្ឌរយៈពេល៣ថ្ងៃ

PATA រំពឹងថា ទេសចរអន្តរជាតិនឹងកើនឡើង ខណៈព្រលានយន្តហោះថ្មីនៅខេត្តសៀមរាប បើកដំណើរការ

ការបរិច្ចាគឈាមដោយស្ម័គ្រចិត្ត និងមិនទទួលកម្រៃ គឺជាកាតព្វកិច្ចរបស់យុវជន និងប្រជាជន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

លោក Biden គ្រោងជួបលោកនាយករដ្ឋមន្ត្រី បេន ចាមីន ក្នុងដំណើរទស្សនកិច្ចទៅអ៊ីស្រាអែល

អ៊ីរ៉ង់ព្រមានពីការត្រៀមខ្លួនជាស្រេចដើម្បីធ្វើសកម្មភាពប្រឆាំងអ៊ីស្រាអែល

ដំណើរទស្សនកិច្ចរបស់លោក បៃដិន ទៅអ៊ីស្រាអែល នឹងមានហានិភ័យផ្នែកសន្តិសុខ និងនយោបាយ

ទេសចរផ្ទៃក្នុងជិត២លាននាក់ បានចេញដើរកម្សាន្តថ្ងៃឈប់សំរាកបុណ្យភ្ជុំបិណ្ឌរយៈពេល៣ថ្ងៃ

PATA រំពឹងថា ទេសចរអន្តរជាតិនឹងកើនឡើង ខណៈព្រលានយន្តហោះថ្មីនៅខេត្តសៀមរាប បើកដំណើរការ

ការបរិច្ចាគឈាមដោយស្ម័គ្រចិត្ត និងមិនទទួលកម្រៃ គឺជាកាតព្វកិច្ចរបស់យុវជន និងប្រជាជន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍