នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធានក្រុមការងារគណបក្សចុះមូលដ្ឋាន អញ្ជើញបើកការដ្ឋានសាងសង់​ផ្លូវលំ​ប្រវែង ៥.៧០០​ម៉ែត្រ ស្ថិតក្នុងស្រុកប្រាសាទបល្ល័ង្ក ខេត្តកំពង់ធំ
សម្ដេចតេជោ ចាត់ទុក អតីតរដ្ឋមន្ត្រីការពារជាតិវៀតណាម ជាមិត្តចាស់របស់កម្ពុជា
ឯកឧត្តម ចាយ បូរិន អញ្ជើញចុះសួរសុខទុក្ខនិងនាំយកអំណោយដ៏ថ្លៃថ្លារបស់ សម្តេចមហាបរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនឯកឧត្តម កង ណម នៅគេហដ្ឋាន
មន្ត្រីជាន់ខ្ពស់ក្រសួងអភិវឌ្ឍន៍ជនបទ ចុះត្រួតពិនិត្យ និងវាយតម្លៃលើ​ការងារ​ស្ថាបនា​ផ្លូវ នៅ​ទីតាំង​ដីសម្បទានសង្គមកិច្ច ខេត្តឧត្តរមានជ័យ

នយោបាយ​ និង ការអភិវឌ្ឍន៍

ប្រព័ន្ធផ្សព្វផ្សាយរបស់ចិន សើចចំអកលោកខាងលិចជុំវិញ ជម្លោះឥណ្ឌានិងកាណាដា

2023/09/28 11:25:52 am        152
Facebook Telegram Linkin
ការប៉ះទង្គិចខាងការទូតដ៏ក្តៅគគុករវាងឥណ្ឌា និងកាណាដា កំពុងទាក់ទាញការពិនិត្យមើល និងជំរុញឱ្យមានការចាប់អារម្មណ៍កើនឡើងនៅកន្លែងផ្សេងទៀតក្នុងទ្វីបអាស៊ី ដោយទីភ្នាក់ងាររបស់រដ្ឋាភិបាលចិនបានសង្កត់ធ្ងន់លើបញ្ហានេះ។ ចាប់តាំងពីនាយករដ្ឋមន្រ្តីកាណាដា លោក Justin Trudeau បានប្រកាសពី «ការចោទប្រកាន់ដ៏គួរឱ្យទុកចិត្ត» ដែលភ្នាក់ងារឥណ្ឌាបានជាប់ពាក់ព័ន្ធក្នុងការបាញ់សម្លាប់មេដឹកនាំផ្ដាច់ខ្លួនសាសនាស៊ីក លោក Hardeep Singh Nijjar នៅខេត្តប្រ៊ីដធីស កូឡំប៊ី កាលពីខែមិថុនា ដោយឥណ្ឌាបានផ្តល់យោបល់ថា «មិនសមហេតុផល» មក បណ្ដាប្រព័ន្ធផ្សព្វផ្សាយរដ្ឋរបស់ចិនបានចុះផ្សាយគ្របដណ្តប់លើជម្លោះនេះយ៉ាងទូលំទូលាយ។សារព័ត៌មាន ខាន់កៅ សាវស៊ី (Cankao Xiaoxi) ដែលទីភ្នាក់ងារមួយស្ថិតនៅក្រោមទីសារព័ត៌មានរដ្ឋ ស៊ីនហ័រ (Xinhua) របស់ចិន បានផ្តោតលើរបាយការណ៍ ដែលកាណាដាផ្អែកលើក្នុងការការចោទប្រកាន់របស់ខ្លួនមួយផ្នែក បានប៉ះពាល់ទំនាក់ទំនងជាមួយឥណ្ឌា។ របាយការណ៍សារព័ត៌មាន ស៊ីនហ័រ មួយផ្សេងទៀត បានគូសបញ្ជាក់ពីតួនាទីជាក់ស្តែងនៃកិច្ចព្រមព្រៀងចែករំលែកព័ត៌មានសម្ងាត់នៃទីភ្នាក់ងារ ភ្នែកទាំង៥ (Five Eyes) រវាងប្រទេសកាណាដា សហរដ្ឋអាមេរិក ចក្រភពអង់គ្លេស អូស្ត្រាលី និងនូវែលសេឡង់ ដែលប្រទេសចិនបានចំអកកាលពីមុន។ ការអត្ថាធិប្បាយរបស់ចិនទាំងនេះ បានបង្ហាញពីការយល់ឃើញនៃភាពប្រេះឆានៅក្នុងសម្ព័ន្ធភាពលោកខាងលិច ដែលទីក្រុងប៉េកាំងជឿថា ត្រូវបានរៀបចំឡើងដើម្បីរារាំងការកើនឡើងនៃឥទ្ធិពលរបស់ខ្លួន។រដ្ឋបាលរបស់លោកប្រធានាធិបតីអាមេរិក ចូ បៃដិន បានបង្ហាញពីការយកចិត្តទុកដាក់ដោះស្រាយបញ្ហារវាងកាណាដា និងឥណ្ឌានេះ ក្នុងគោលបំណងទាញប្រទេសលទ្ធិប្រជាធិបតេយ្យដ៏ធំបំផុតរបស់ពិភពមួយនេះលោកឱ្យកាន់តែខិតជិតខ្លួន ខណៈភាគច្រើននៃកិច្ចខិតខំប្រឹងប្រែងចងសម្ព័ន្ធភាពនេះ លេចឡើងក្នុងគោលបំណងពិនិត្យមើលប្រទេសចិន ដែលជាគូប្រជែងភូមិសាស្ត្រនយោបាយសម្រាប់ទាំងសហរដ្ឋអាមេរិក និងឥណ្ឌា។ នេះត្រូវបានគេមើលឃើញថា ជាហេតុផលចម្បងសម្រាប់ការឆ្លើយតបដែលគួរឱ្យកត់សម្គាល់ដោយសហរដ្ឋអាមេរិក និងសម្ព័ន្ធមិត្តផ្សេងទៀតចំពោះការចោទប្រកាន់របស់កាណាដា៕

ជំនន់ទឹកភ្លៀងក្នុងឃុំប្រម៉ោយ បានបំផ្លាញស្រែចំការជិត ២០០០ហិកតា លិចលង់ផ្ទះប្រជាពលរដ្ឋ៥៣ខ្នង

2023/09/28 11:17:51 am        1918
Facebook Telegram Linkin
ពោធិ៍សាត់៖ ក្នុងស្រុកវាលវែង បានទទួលរងភ្លៀងធ្លាប់ជាប់ៗគ្នាជាច្រើនថ្ងៃ បណ្តាលឱ្យកើតមានជាជំនន់ទឹកភ្លៀងយ៉ាងគំហុក តាំងពីយប់ថ្ងៃទី២៧ ខែកញ្ញា ឆ្នាំ២០២៣ ហើយរហូតដល់ថ្ងៃទី២៨ ខែកញ្ញានេះ ភ្លៀងនៅតែបន្តធ្លាក់ទៀត ។បើតាមរបាយការណ៍បឋមរបស់រដ្ឋបាលស្រុកវាលវែង បានឱ្យដឹងថា ក្នុងឃុំប្រម៉ោយ មានភូមិចំនួន៧ ​បានរងផលប៉ះពាល់ដល់បងប្អូនប្រជាពលរដ្ឋ ​ដែលរងគ្រោះដោយសាទឹកជំនន់ ជនលិច និងខូចខាតផ្ទះចំនួន៥៣ខ្នងស្មើរ និង៥៣គ្រួសារ ខូចខាតផលដំណាំស្រែចំការ ដូចជា​ស្រូវ ដំឡូងមី ពោត ក្រូចពោធិ៍សាត់ ចេក ទុរេន ល្ហុង តាង៉ែន សរុបជិត២០០០ហិកតា ។បង្កឱ្យប្រជាពលរដ្ឋជួបនូវបញ្ហាខ្វះខាតស្បៀងចំនួន ២៦៣គ្រួសារ ជំនន់ទឹកភ្លៀងនេះ បានបង្កឱ្យងាប់សត្វគោមួយចំនួនផងដែរ និងខូចខាត​ផ្ទាំង​សូឡាតម្លៃ ៣.០០០ដុល្លារ ១ឈុត ហើយផ្លូវមួយចំនួនបានរងការខូចខាត ។ក្នុងនោះដែរឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានដឹកនាំ​កម្លាំង​ចម្រុះចុះទៅដល់ទីតាំងរងគ្រោះភ្លាមៗ​ ដើម្បីជួយ​អន្តរាគមន៍​ជួយ​ដល់​ប្រជាពលរដ្ឋ ហើយរហូត​ដល់ពេលនេះ ពុំមានករណីគ្រោះថ្នាក់បាត់បងជីវិតប្រជាពលរដ្ឋនោះទេ ៕ 

នៅរមណីយដ្ឋានប្រាសាទកោះកេរ បានរៀបចំពីធីក្រុងពាលី ដើម្បីត្រៀមសម្រាប់ពិធីបួងសួងសុំសេចក្ដីសុខ នៅថ្ងៃស្អែកនេះ

2023/09/28 11:06:17 am        306
Facebook Telegram Linkin
ព្រះវិហារ៖ នាព្រឹកថ្ងៃទី២៨ខែកញ្ញា ឆ្នាំ២០២៣ នៅរមណីយដ្ឋានប្រាសាទកោះកេរ បានរៀបចំពីធីក្រុងពាលី ដើម្បីត្រៀមសម្រាប់ពិធីបួងសួងសុំសេចក្ដីសុខ នាថ្ងៃទី២៩ខែកញ្ញា ឆ្នាំ២០២៣ ក្រោមអធិបតីភាពដ៏ខ្ពង់ខ្ពស់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន។ពិធីក្រុងពាលីនាព្រឹកមិញនេះ ត្រូវបានរៀបចំដឹកនាំដោយលោកជំទាវ នេត ភូម៉ារី រដ្ឋលេខាធិការ តំណាងលោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងមានការចូលរួមពីអាជ្ញាធរជាតិព្រះវិហារ រួមនិងឯកឧត្តម គីម រិទ្ធី អភិបាលនៃគណៈអភិបាលខេត្តព្រះវិហារ និងក្រុមការងារក្រសួងជាច្រើនរូបទៀត។

រដ្ឋសភានឹងប្រជុំពេញអង្គ ដើម្បីពិភាក្សាអនុម័តសេចក្តីព្រាងច្បាប់ស្តីពី ការបង្កើតរដ្ឋលេខាធិការដ្ឋានអាកាសចរណ៍ស៊ីវិល នៅថ្ងៃ៩តុលាខាងមុខ

2023/09/28 10:42:24 am        104
Facebook Telegram Linkin
សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា បានដឹកនាំកិច្ចប្រជុំគណៈកម្មាធិការអចិន្រ្តៃយ៍រដ្ឋសភា​ នៅព្រឹកថ្ងៃព្រហស្បតិ៍ ទី២៨ ខែកញ្ញា ឆ្នាំ២០២៣ នៅវិមានរដ្ឋសភា។កិច្ចប្រជុំគណៈកម្មាធិការអចិន្រ្តៃយ៍រដ្ឋសភា បានអនុម័តកំណត់​កាលបរិច្ឆេទបន្តសម័យប្រជុំរដ្ឋ​សភាលើកទី១ នីតិកាលទី៧ នៅព្រឹកថ្ងៃចន្ទ ទី៩ ខែតុលា ឆ្នាំ២០២៣ ខាងមុខ​ ដើម្បីពិភាក្សាអនុម័ត សេចក្តីព្រាងច្បាប់ស្តីពី ​ការបង្កើតរដ្ឋលេខាធិការដ្ឋានអាកាសចរណ៍ស៊ីវិល ក្រោយពី​គណៈកម្មការជំនាញរដ្ឋសភា​ បាន​បញ្ចប់ការពិនិត្យ​សិក្សាសេចក្តីព្រាងច្បាប់នេះ រួចរាល់​តាមនីតិវិធី៕

ទំនុកចិត្តរបស់អ្នកប្រើប្រាស់នៅសហរដ្ឋអាមេរិក ធ្លាក់ចុះជាលើកទី២ ជាប់គ្នាក្នុងខែកញ្ញានេះ

2023/09/28 10:32:20 am        88
Facebook Telegram Linkin
អាមេរិក៖ អង្គការមិនស្វែងរកប្រាក់ចំណេញ Conference Board ដែលមានមូលដ្ឋាននៅទីក្រុងញូវយ៉កសហរដ្ឋអាមេរិក បានរាយការណ៍កាលពីថ្ងៃអង្គារថា សន្ទស្សន៍ទំនុកចិត្តអ្នកប្រើប្រាស់ បានធ្លាក់ចុះនៅក្នុងខែកញ្ញានេះ រយៈពេលពីរខែជាប់ៗគ្នា។ សន្ទស្សន៍ទំនុកចិត្តអ្នកប្រើប្រាស់របស់ Conference Board បានចុះបញ្ជី១០៣,០ នៅក្នុងខែកញ្ញាពី អំណានដែលបានកែប្រែ ឡើងដល់ ១០៨,៧ កាលពីមួយខែមុន។  យោងតាមទិន្នន័យនេះ សន្ទស្សន៍នេះគឺនៅកម្រិតទាបបំផុតទីពីររបស់ខ្លួននៅឆ្នាំនេះ ដោយបានធ្លាក់ចុះលើអំណាន១០២,៥ សម្រាប់ខែឧសភា។ទិន្នន័យបង្ហាញថាអ្នកប្រើប្រាស់នៅសហរដ្ឋអាមេរិក ព្រួយបារម្ភអំពីការកើនឡើងតម្លៃជាទូទៅ ជាពិសេសគ្រឿងទេស និងតម្លៃសាំង។ ទន្ទឹមនឹងនេះ អ្នកប្រើប្រាស់នៅសហរដ្ឋអាមេរិកក៏មានការព្រួយបារម្ភ ផងដែរ អំពីស្ថានភាពនយោបាយក្នុងស្រុក និងអត្រាការប្រាក់ខ្ពស់។អតិផរណា និងការដំឡើងការប្រាក់ ដែលនៅតែបន្ត នាំឲ្យមានការកើនឡើងតម្លៃនៃការរស់នៅ និងការសន្សំប្រាក់របស់ប្រជាពលរដ្ឋអាមេរិកមានការថយចុះ។ការស្ទង់មតិរបស់ធនាគារកណ្តាលអាមេរិកដែលបានចេញផ្សាយកាលពីថ្ងៃចន្ទបង្ហាញថាប្រហែល ៦៧%នៃអ្នកឆ្លើយតបនិយាយថាតម្លៃនៃការរស់នៅគឺលើសពីកំណើនប្រាក់ចំណូលរបស់ពួកគេ។ជាមួយគ្នានេះដែរ របាយការណ៍របស់សារព័ត៌មាន Bloomberg កាលពីថ្ងៃចន្ទបាននិយាយថា ៨០%នៃគ្រួសារអាមេរិក ឥឡូវនេះបានអស់ប្រាក់សន្សំបន្ថែម និងនៅសល់សាច់ប្រាក់តិច មិនដូចកាលពីមុនអំឡុងការរាតត្បាតវីរុស COVID-19 ។ ក្រុមអ្នកវិភាគបានព្រមានថាការសន្សំធ្លាក់ចុះអាចប៉ះពាល់ដល់ដំណើរការសេដ្ឋកិច្ចរបស់សហរដ្ឋអាមេរិក៕

នាយករដ្ឋមន្រ្ដីថៃ សេដ្ឋា ថាវីស៊ីន អញ្ជើញទស្សនកិច្ចផ្លូវការនៅកម្ពុជា

2023/09/28 10:31:37 am        91
Facebook Telegram Linkin
នាយករដ្ឋមន្រ្តីនៃព្រះរាជាណាចក្រថៃ ឯកឧត្តម សេដ្ឋា ថាវីស៊ីន នាវេលាម៉ោង ១០ និង៣០ នាទីព្រឹកថ្ងៃទី២៨ ខែកញ្ញា ឆ្នាំ២០២៣នេះ បានអញ្ជើញមកបំពេញទស្សនកិច្ចផ្លូវការលើកដំបូងនៅកម្ពុជា តបតាមការអញ្ជើញរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ក្នុងអំឡុងពេលទស្សនកិច្ចនៅកម្ពុជា ឯកឧត្តមនាយករដ្ឋមន្ត្រីថៃ នឹងអញ្ជើញដាក់កម្រងផ្កា គោរពវិញ្ញាណក្ខន្ធនៅវិមានឯករាជ្យ និងអញ្ជើញគោរពព្រះវិញ្ញាណក្ខន្ធ ព្រះករុណា ព្រះបាទ សម្តេចព្រះនរោត្តម សីហនុ ព្រះបរមរតនកោដ្ឋ អតីតព្រះមហាក្សត្រនៃព្រះរាជាណាចក្រកម្ពុជា នៅមណ្ឌបព្រះបរមរូប។នៅព្រឹកថ្ងៃទី២៨ ខែកញ្ញានេះដែរ នាយករដ្ឋមន្ត្រីទាំងពីរក៏មានជំនួបទ្វេភាគី ក្នុងគោលបំណងកំណត់ទិសដៅសកម្មភាព ដើម្បីធ្វើឱ្យកាន់តែស៊ីជម្រៅ និងពង្រីកបន្ថែមទៀតនូវកិច្ចសហប្រតិបត្តិការលើគ្រប់វិស័យ ដែលផ្តល់ផលប្រយោជន៍ទៅវិញទៅមក ក្នុងក្របខណ្ឌទ្វេភាគី និងពហុភាគី។ តាមរយៈជំនួបនេះ នាយករដ្ឋមន្រ្ដីនៃប្រទេសទាំងពីរ ក៏នឹងផ្លាស់ប្តូរទស្សនៈ ស្ដីពីបញ្ហាតំបន់ និងអន្តរជាតិ ដែលជាផលប្រយោជន៍ និងក្តីបារម្ភរួម។ បន្ថែមពីនេះថ្នាក់ដឹកនាំកំពូលទាំងពីរនឹងធ្វើការប្រគល់ទទួលនូវ «មជ្ឈមណ្ឌលសំចត និងស្តារនីតិសម្បទាសម្រាប់ជនរងគ្រោះដោយ អំពើជួញដូរមនុស្ស និងក្រុមជនងាយរងគ្រោះដទៃទៀត» ដែលមានទីតាំងស្ថិតនៅក្រុងប៉ោយប៉ែត ដែលជាគំនិតផ្តួចផ្តើមនៃកិច្ចសហប្រតិបត្តិការទ្វេភាគីផងដែរ។នាពេលរសៀល ឯកឧត្តម សេដ្ឋា វីស៊ីន ក៏អញ្ជើញចូលជួបសម្ដែងការគួរសមដាច់ដោយឡែកចំពោះ សម្ដេចមហារដ្ឋសភាធិការធិបតី ឃួន សុដារី ប្រធានរដ្ឋសភា, សម្តេចវិបុលសេនាភក្តី សាយ ឈុំ ប្រមុខរដ្ឋស្តីទី និងជាប្រធានព្រឹទ្ធសភា, សម្តេចអគ្គមហាសេនាបតីតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រផងដែរ។សូមជម្រាបថា ដំណើរទស្សនកិច្ចផ្លូវការលើកដំបូងរបស់ឯកឧត្ដមនាយករដ្ឋមន្ត្រី សេដ្ឋា ថាវីស៊ីន មកកាន់ កម្ពុជានេះ នឹងពង្រឹងបន្ថែមទៀតនូវចំណងមិត្តភាពជាប្រពៃណី និងលើកកម្ពស់កិច្ចសហប្រតិបត្តិការពហុវិស័យរវាងប្រទេសទាំងពីរ ស្របតាមស្មារតីនៃ «ការពង្រឹងភាពជាដៃគូដើម្បីសន្តិភាពនិង វិបុលភាព» ដែលផ្តល់ផលប្រយោជន៍ទៅវិញទៅមកសម្រាប់ប្រជាជននៃប្រទេសទាំងពីរ ព្រមទាំងរួមចំណែកដល់ការលើកកម្ពស់សន្តិភាព ស្ថិរភាព និងវិបុលភាព ក្នុងសហគមន៍អាស៊ាន និងអន្តរជាតិ៕

ប្រទេសកោះស៊ីប៖ លីបង់ត្រូវការជំនួយរបស់ EU ដើម្បីដោះស្រាយវិបត្តិអន្តោប្រវេសន៍

2023/09/28 10:26:10 am        114
Facebook Telegram Linkin
កោះស៊ីប៖ រដ្ឋមន្ត្រីក្រសួងមហាផ្ទៃរបស់ខ្លួន បាននិយាយកាលពីថ្ងៃពុធថា ប្រទេសកោះស៊ីបដែលជាសមាជិកសហភាពអឺរ៉ុប ចង់ឲ្យទីក្រុងប្រ៊ុចសែលផ្តល់ជំនួយផ្នែកហិរញ្ញវត្ថុ និងបច្ចេកទេសដល់ប្រទេសលីបង់ ដើម្បីជួយប្រទេសនេះ ទប់ទល់នឹងលំហូរជនភៀសខ្លួនស៊ីរី និងរារាំងពួកគេមិនឲ្យទៅដល់កោះនេះ។ លោក កុនស្តែនទីណូស អ៊ីអូអានណូ (Constantinos Ioannou) ក៏បាននិយាយផងដែរថា រដ្ឋធានីនីកូសៀ (Nicosia) បានផ្តល់អំណោយដល់ទូកល្បឿនលឿន និងធ្វើការល្បាតរួមគ្នាជាមួយប្រទេសលីបង់ បន្ទាប់ពីការមកដល់តាម មុទ្រនាពេលថ្មីៗនេះ បានបង្ហាញថា ផ្លូវអ្នកជួញដូរបានផ្លាស់ប្តូរឆ្ងាយពីប្រទេសទួរគី និងឆ្ពោះទៅឆ្នេរសមុទ្រលីបង់។លោកអ៊ីអូអានណូ បានប្រាប់វិទ្យុរដ្ឋកោះស៊ីបថា៖«តាមការប៉ាន់ប្រមាណថា មានជនភៀសខ្លួនស៊ីរីប្រហែល ២.៥ លាននាក់ នៅក្នុងប្រទេសលីបង់ ដូច្នេះអ្នកអាចស្រមៃមើលទំហំនៃបញ្ហាដែលលីបង់កំពុងប្រឈមមុខ ជាមួយនឹងចំនួនប្រជាជនពី ៥-៦ លាននាក់ ហើយដែលមិនទាន់បានទទួលជំនួយបច្ចេកទេស ឬហិរញ្ញវត្ថុពីEUទេ។ លោកបានបន្ថែមថា៖ «នោះជាអ្វីដែលយើង កំពុងស្វែងរក។គំនិតផ្តួចផ្តើមចុងក្រោយបង្អស់ គឺជាគំនិតមួយក្នុងចំណោមគំនិតផ្តួចផ្តើមមួយចំនួន ដែលធ្វើឡើងដោយកោះមេឌីទែរ៉ាណេភាគខាងកើត ក្នុងរយៈពេលប៉ុន្មានខែថ្មីៗនេះ ដើម្បីទប់ស្កាត់ការកើនឡើងនៃការធ្វើ   ចំណាកស្រុក មិនទៀងទាត់ ដែលបានចាប់ផ្តើម នៅប្រហែលឆ្នាំ២០១៧៕

ការសម្រក់ទឹកភ្នែក និងការរំជួលចិត្ត ខណៈក្រុមជនអន្តោប្រវេសន៍ទៅដល់ទឹកដីអាមេរិក ក្រោយឆ្លងទន្លេព្រំដែន

2023/09/28 10:23:50 am        82
Facebook Telegram Linkin
អាមេរិក៖ ភាពរំជួលចិត្ត នៅខាងព្រំដែនទន្លេរបស់សហរដ្ឋអាមេរិក ជាមួយប្រទេសម៉ិកស៊ិក ខណៈក្រុមជនអន្តោប្រវេសន៍បានមកដល់ច្រាំងទន្លេ បន្ទាប់ពីឆ្លងទន្លេ រីយ៉ូ ក្រែន (Rio Grande) ស្ថិតនៅបណ្ដោយព្រំដែនរដ្ឋតិចសាស់ (Texas)។ក្រុមមន្ត្រីបាននិយាយថា ស្របពេលក្រុមជនអន្តោប្រវេសន៍ក្នុងចំនួនដ៏ច្រើន ប្រមាណ២ពាន់នាក់ ដែលមានបំណងឆ្លងចូលសហរដ្ឋអាមេរិក អង្គភាពល្បាតព្រំដែនត្រូវបានចូលរួមយ៉ាងសកម្មក្នុងការព្យាយាមគ្រប់គ្រងលំហូរចូលនេះ។ កាលពីសប្ដាហ៍មុន ក្រុមមន្ត្រីរដ្ឋ Texas បានចុះហត្ថលេខាលើសេចក្ដីប្រកាសអាសន្នមួយដើម្បីផ្ដល់សេវាបន្ថែមទៀត។ ការកើនឡើងដ៏ច្រើននៃជនអន្តោប្រវេសន៍នៅតាមបណ្ដាយព្រំដែនអាមេរិក ភាគខាងត្បូង បានក្លាយជាចំណុចរបត់ថ្មីមួយ បន្ទាប់ពីការធ្វើអន្តោប្រវេសន៍ខុសច្បាប់បានធ្លាក់ចុះក្នុងរយៈពេលប៉ុន្មានខែថ្មីៗនេះ ។ កំណើនជនអន្តោប្រវេសន៍នេះ អាចហុចឱកាសដល់គូប្រជែងរបស់លោកប្រធានាធិបតី Joe Biden ក្នុងការបោះឆ្នោតឆ្នាំ២០២៤ខាងមុខ។ យោងតាមក្រុមជនអន្តោប្រវេសន៍ដែលត្រូវបានសម្ភាសន៍ដោយសារព័ត៌មាន Reuters ក្រុមជនអន្តោប្រវេសន៍ និងអ្នកស្វែងរកសិទ្ធិជ្រកកោន កំពុងធ្វើដំណើរតាមយន្តហោះចូលទៅក្នុងប្រទេសនីហ្ការ៉ាហ្គ័រ ដើម្បីស្វែងរកផ្លូវវាងនៅតំបន់ ដារៀន ហ្គែប (Darien Gap) ជាតំបន់ព្រៃឈើដ៏គ្រោះថ្នាក់ភ្ជាប់ប្រទេសប៉ាណាម៉ា និងកូឡុំប៊ី ។ ជាធម្មតា មនុស្សជាច្រើនដែលព្យាយាមទៅដល់ទឹកដីសហរដ្ឋអាមេរិក បានជិះយន្តហោះចូលទៅក្នុងប្រទេសប្រេស៊ីល ឬ បណ្ដាប្រទេសអាមេរិកខាងត្បូងផ្សេងទៀត ប៉ុន្តែការរកឃើញផ្លូវវាងនេះ បានរីករាលដាលតាមរយៈពាក្យសម្ដីចេញពីមាត់មួយទៅមាត់មួយ៕

កម្ពុជានិងធនាគារពិភពលោក ជំរុញកិច្ចសហការគម្រោង“ជំនាញកម្ពុជាដើម្បីការងារប្រសើរ”ឱ្យជោគជ័យ

2023/09/28 10:22:29 am        91
Facebook Telegram Linkin
ភ្នំពេញ៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី២៧ ខែកញ្ញា ឆ្នាំ២០២៣នេះ បានជួបពិភាក្សាការងារជាមួយលោកស្រី ម៉ារីយ៉ាម ស្ហឺរមែន(Mariam Sherman) ​នាយកធនាគារពិភពលោកប្រចាំប្រទេសមីយ៉ានម៉ា កម្ពុជា និងសាធារណរដ្ឋប្រជាមានិត​ប្រជាធិបតេយ្យឡាវ នៅទីស្តីការក្រសួងការងារ ​និងបណ្តុះបណ្តាលវិជ្ជាជីវៈ។ ក្នុង​កិច្ចពិភាក្សាប្រកប​ដោយភាព​ស្និទ្ធស្នាល​នោះ ឯកឧត្តមរដ្ឋមន្ត្រី បានថ្លែងអំណរគុណដល់​ធនាគារ​ពិភព​លោក​ដែលបានជួយគាំទ្រ​ដល់កម្មវិធីបណ្តុះបណ្តាលបច្ចេកទេស​ក្នុងការលើកកម្ពស់​សមត្ថភាពជំនាញពលកម្មកម្ពុជាតាំងពីដើមកន្លងមក។ ទន្ទឹមនឹងនោះ ឯកឧត្តមរដ្ឋមន្ត្រី ​បានគូសបញ្ជាក់ថា ​ក្រសួងនឹងបន្តធ្វើការយ៉ាងជិតស្និទ្ធបំផុត​ជាមួយក្រុមការងារបច្ចេកទេសរបស់​ធនាគារពិភពលោក ​ដើម្បីបញ្ចប់គម្រោង “ជំនាញកម្ពុជាដើម្បី​ការងារប្រសើរ” (Cambodia Skills for Better Jobs) ឱ្យទាន់ពេលវេលាកំណត់ដើម្បី​ជាត្រី​វិស័យយ៉ាង​សំខាន់សម្រាប់​ពង្រឹងគុណភាពជំនាញ ​ដែលឆ្លើយតប ​នឹងតម្រូវការទីផ្សារការងារ និងការផ្តល់​ព័ត៌មាន រួមទាំងការតម្រង់ទិសវិជ្ជាជីវៈដើម្បីការងារប្រសើរ។គម្រោង “ជំនាញកម្ពុជាដើម្បីការងារប្រសើរ” គឺជាគម្រោងគន្លឹះដែលនឹងមានជានិយាមជាក់លាក់​សម្រាប់​កម្មវិធី​បណ្តុះបណ្តាលយុវជន ​១.៥លាននាក់មកពីគ្រួសារក្រ១ ក្រ២ និងគ្រួសារងាយ​រងគ្រោះ​ដែលជាកម្មវិធីបណ្តុះបណ្តាល​ថ្នាក់ជាតិរបស់រាជរដ្ឋាភិបាលអាណត្តិទី៧ ក្នុងគោលបំណង​ជួយ​ដល់ប្រជាពលរដ្ឋមកពីក្រុមគ្រួសារក្រីក្រ ​និងងាយរងគ្រោះដើម្បី​អាចទទួលបានជំនាញ​ជាក់​លាក់យ៉ាងឆាប់រហ័ស ហើយងាយទទួលបានឱកាសការងារក្នុងទីផ្សារកម្ពុជាដែលកំពុង​តម្រូវការ​ជំនាញបច្ចេកទេស​ដើម្បីបំពេញតម្រូវការសកម្មភាពសេដ្ឋកិច្ច។ក្នុងនោះលោកស្រី​ ម៉ារីយ៉ាម ស្ហឺរមែន(Mariam Sherman) នាយកធនាគារពិភពលោកប្រចាំ​ប្រទេស​មីយ៉ាន់ម៉ា កម្ពុជា និងឡាវ​ បានអះអាងថា ​ធនាគារពិភពលោក បានត្រៀមខ្លួន​រួចជាស្រេច​ដើម្បីជួយ​រដ្ឋាភិបាលកម្ពុជាក្នុងការពង្រឹងគុណភាព​ជំនាញដល់យុវជនកម្ពុជា ​ដែលឆ្លើយតប​នឹងតម្រូវការទីផ្សារការងារប្រកបដោយប្រសិទ្ធភាព៕

មេបក្សប្រឆាំងប៉ូឡូញ អំពាវនាវឲ្យមានជំនួយយោធាឥតងាករេដល់អ៊ុយក្រែន

2023/09/28 10:21:29 am        151
Facebook Telegram Linkin
ប៉ូឡូញ៖ សារព័ត៌មាន BILD បានរាយការណ៍កាលពីថ្ងៃទី២៧ ខែកញ្ញាថា មេដឹកនាំបក្សប្រឆាំងប៉ូឡូញ និងជាអតីតនាយករដ្ឋមន្ត្រីលោក ដូណាល់ ថាស (Donald Tusk) បានអំពាវនាវឲ្យមានជំនួយផ្នែកយោធាឥតងាករេដល់អ៊ុយក្រែន មុនពេលការបោះឆ្នោតសភារបស់ប្រទេសប៉ូឡូញ នៅថ្ងៃទី១៥ ខែតុលា។លោកថាស បាននិយាយថា៖«ជ័យជម្នះរបស់អ៊ុយក្រែន គឺស្ថិតនៅក្នុងផលប្រយោជន៍ជាតិរបស់ប៉ូឡូញយ៉ាងប្រាកដ» ។ «នេះនឹងប៉ះពាល់ដល់ទាំងបញ្ហាសេដ្ឋកិច្ច និងបញ្ហាជនភៀសខ្លួន។ រដ្ឋប៉ូឡូញ មិនគួរចាកចេញពីទីតាំងរបស់ខ្លួនទេ ការគាំទ្រផ្នែកយោធាដល់អ៊ុយក្រែន មិនគួរត្រូវចោទជាបញ្ហាទេ។ការគាំទ្ររបស់ប៉ូឡូញ ត្រូវបានពិភាក្សា នាពេលថ្មីៗនេះ នៅពេលដែលលោកថាសជាគូប្រជែង នាយករដ្ឋមន្ត្រីដែលកំពុងកាន់អំណាច លោក ម៉ាទៀវស៍ ម៉ូរ៉ាវីអែកគី (Mateusz Morawiecki) បាននិយាយកាលពីថ្ងៃទី២០ ខែកញ្ញាថា ប្រទេសប៉ូឡូញ ចាំបាច់ត្រូវផ្តោតលើការពង្រឹងគ្រឿងយុទ្ធោបករណ៍របស់ខ្លួន ហើយ នឹងមិនផ្គត់ផ្គង់អាវុធដល់អ៊ុយក្រែនទៀតទេ។ក្រោយមក ក្រុមមន្ត្រីបានបញ្ជាក់ថា ប្រទេសប៉ូឡូញ នឹងបំពេញតាមកិច្ចព្រមព្រៀងដែលមានស្រាប់ទាំងអស់អំពីការផ្តល់អាវុធ៕

បណ្ដាញសង្គម

ព័ត៌មានថ្មីៗ

នាវាបោសសម្អាតគ្រាប់មីនអាល្លឺម៉ង់ ចេញពីកំពង់ផែដើម្បីត្រៀមនៅសមុទ្រមេឌីទែរ៉ាណេ ប្រសិនបើត្រូវការនៅច្រកសមុទ្រ Hormuz
05/05/2026 09:05 AM
Facebook Telegram Linkin
អភិបាលខេត្តចំនួន៤ រួមគ្នាពង្រឹងយន្ដការក្នុងកិច្ចការពារតំបន់ការពារធម្មជាតិ «ព្រៃឡង់» ឱ្យកាន់តែរឹងមាំ និងមានប្រសិទ្ធភាព !
05/05/2026 09:05 AM
Facebook Telegram Linkin
ស្រ្តីឈ្មោះ ព្រឿន សាក់ឡែន ជាអ្នកនាំទុរេនថៃមកចូលខ្មែរត្រូវបានឃាត់ខ្លួន ខណៈសមត្ថកិច្ចខេត្តបាត់ដំបងកំពុងស្រាវជ្រាវរកអ្នកពាក់ព័ន្ធដើម្បីចាត់វិធានការច្បាប់
05/05/2026 09:05 AM
Facebook Telegram Linkin
រដ្ឋសភាកម្ពុជា ជូនដំណឹងដល់ភាគីសភាអឺរ៉ុប អំពីការផ្តល់សច្ចាប័នលើអនុសញ្ញាអង្គការសហប្រជាជាតិ ស្តីពីនីតិសមុទ្ររបស់កម្ពុជា
05/05/2026 09:05 AM
Facebook Telegram Linkin
សម្តេចធិបតីនឹងដឹកនាំគណៈប្រតិភូជាន់ខ្ពស់អញ្ជើញ​ចូលរួមកិច្ចប្រជុំកំពូលអាស៊ាន លើកទី៤៨ នៅ​កោះសេប៊ូ សាធារណរដ្ឋហ្វីលីពីន
05/05/2026 09:05 AM
Facebook Telegram Linkin
អារ៉ាប់រួម៖ ប្រព័ន្ធការពារដែនអាកាសស្ទាក់ចាប់មីស៊ីល និងយានដ្រូន ខណៈជើងហោះហើរត្រូវបង្វែរទិសដៅ
05/05/2026 09:05 AM
Facebook Telegram Linkin
អ៊ុយក្រែន និងរុស្ស៊ី ប្រកាសបទឈប់បាញ់ដាច់ដោយឡែកពីគ្នាចន្លោះថ្ងៃទី៨ និងទី៩ ខែឧសភា
05/05/2026 09:05 AM
Facebook Telegram Linkin
បង្ក្រាបកន្លែង Online Scam នៅបឹងកេងកង សង្គ្រោះជនជាតិជប៉ុន និងឃាត់ខ្លួនជនបរទេស ១៦នាក់
05/05/2026 08:05 AM
Facebook Telegram Linkin
ប្រេងឡើងថ្លៃ ៦% ខណៈអ៊ីរ៉ង់ដុតបំផ្លាញកំពង់ផែប្រេងរបស់អារ៉ាប់រួម និងវាយប្រហារនាវានៅច្រកសមុទ្រ Hormuz
05/05/2026 08:05 AM
Facebook Telegram Linkin
សហរដ្ឋអាមេរិក និងអ៊ីរ៉ង់ បើកការវាយប្រហារថ្មី ខណៈដណ្ដើមគ្នាគ្រប់គ្រងច្រកសមុទ្រហ័រមូស
05/05/2026 08:05 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.