នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធានក្រុមការងារគណបក្សចុះមូលដ្ឋាន អញ្ជើញបើកការដ្ឋានសាងសង់​ផ្លូវលំ​ប្រវែង ៥.៧០០​ម៉ែត្រ ស្ថិតក្នុងស្រុកប្រាសាទបល្ល័ង្ក ខេត្តកំពង់ធំ
សម្ដេចតេជោ ចាត់ទុក អតីតរដ្ឋមន្ត្រីការពារជាតិវៀតណាម ជាមិត្តចាស់របស់កម្ពុជា
ឯកឧត្តម ចាយ បូរិន អញ្ជើញចុះសួរសុខទុក្ខនិងនាំយកអំណោយដ៏ថ្លៃថ្លារបស់ សម្តេចមហាបរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនឯកឧត្តម កង ណម នៅគេហដ្ឋាន
មន្ត្រីជាន់ខ្ពស់ក្រសួងអភិវឌ្ឍន៍ជនបទ ចុះត្រួតពិនិត្យ និងវាយតម្លៃលើ​ការងារ​ស្ថាបនា​ផ្លូវ នៅ​ទីតាំង​ដីសម្បទានសង្គមកិច្ច ខេត្តឧត្តរមានជ័យ

នយោបាយ​ និង ការអភិវឌ្ឍន៍

ហេតុអ្វីបានជាអាមេនីអាចជាគោលដៅបន្ទាប់សម្រាប់ការឈ្លានពានរបស់រុស្ស៊ី?

2023/09/19 10:45:38 am        134
Facebook Telegram Linkin
រុស្ស៊ី៖ ប្រទេសអាមេនីតូចប៉ុន្តែខ្លាំង គឺស្ថិតក្នុងទីតាំងភូមិសាស្ត្រនយោបាយគួរឲ្យចាប់អារម្មណ៍។ នៅព្រំដែនភាគខាងលិចរបស់ខ្លួន គឺទួរគី ដែលជាសម្ព័ន្ធមិត្តណាតូ ប៉ុន្តែជាសត្រូវយូរអង្វែង។ នៅភាគខាងកើតរបស់ខ្លួន គឺជាសត្រូវមួយទៀត គឺអាស៊ែបៃហ្សង់ដែលអាមេនី ទើបតែវាយដណ្តើមយកតំបន់ជម្លោះណាហ្គ័រណូ-ការ៉ាបាក់ (Nagorno-Karabakh) ដែលបានអះអាងទាមទារដោយប្រទេសទាំងពីរ។នៅភាគខាងជើង គឺប្រទេសហ្ស៊កហ្ស៊ី ដែលស្ថិតនៅក្នុងសង្គ្រាមពាក្យសម្តីមិនចេះមិនហើយ និងចារកម្ម (ហើយជួនកាលមានសង្រ្គាមជាក់ស្តែង) ជាមួយប្រទេសរុស្ស៊ី។ ទាំងហ្ស៊កហ្ស៊ី និងអាមេនី គឺជាផ្នែកមួយនៃសហភាពសូវៀត ប៉ុន្តែនៅពេលដែលរុស្ស៊ីបានឈ្លានពានហ្ស៊កកហ្ស៊ីក្នុងឆ្នាំ២០០៨ ការគាំទ្រសម្រាប់រុស្ស៊ីនៅក្នុងប្រទេសអាមេនី មានកម្រិតខ្ពស់ណាស់។ចំពោះអាមេនីខាងត្បូង គឺអ៊ីរ៉ង់ ដែលសម្រាប់ពេលនេះ ជាមិត្តនឹងអាមេនីដែលមានសម្ព័ន្ធភាពជាមួយរុស្ស៊ី។ ប៉ុន្តែនៅចុងខែកញ្ញាឆ្នាំ ២០២៣ អាមេនីនឹងធ្វើជាម្ចាស់ផ្ទះសម្រាប់សមយុទ្ធយោធារួមគ្នា។ សកម្មភាពនេះ កាន់តែគំរាមកំហែងដល់ប្រទេសរុស្ស៊ី ដែលទទួលកងកម្លាំងយោធារុស្ស៊ីជាផ្នែកនៃសមាជិកភាពនៃអង្គការសន្ធិសញ្ញាសន្តិសុខសមូហភាព (CSTO) របស់ខ្លួន។ សមយុទ្ធនេះ គឺជាចុងក្រោយបង្អស់នៅក្នុងការបំបែករវាងរុស្ស៊ី និងអាមេនី ដែលអាចធ្វើឲ្យបែកបាក់ទំនាក់ទំនងរបស់ពួកគេជាអចិន្ត្រៃយ៍ ឬ អាក្រក់ជាងនេះ។ប្រទេសអាមេនី និងរុស្ស៊ី បានរក្សាទំនាក់ទំនងជិតស្និទ្ធ ចាប់តាំងពីការដួលរលំនៃសហភាពសូវៀតក្នុងឆ្នាំ១៩៩១។ អាមេនីបានចូលរួមជាមួយរុស្ស៊ីក្នុងរដ្ឋឯករាជ្យ ហើយបានចូលរួមកិច្ចសហប្រតិបត្តិការយោធាសេដ្ឋកិច្ច និងជំនួយទៅវិញទៅមកនៃCSTO ក្នុងឆ្នាំ ១៩៩៧។ ប៉ុន្តែចាប់តាំងពីនាយករដ្ឋ  មន្ត្រី លោក នីកូល ប៉ាស៊ីនយ៉ាន (Nikol Pashinyan) ត្រូវបានជាប់ឆ្នោត ដើម្បីដឹកនាំប្រទេសអាមេនីក្នុងឆ្នាំ ២០១៨ ប្រទេសនេះ បាននិងកំពុងបំបែកបន្តិចម្តងៗពីឥទ្ធិពលគ្រប់គ្រងរបស់ប្រទេសរុស្ស៊ី។

ពលរដ្ឋខ្មែររស់នៅអាមេរិក និងកាណាដា បន្តចេញវីដេអូប្រកាសត្រៀមទទួលស្វាគមន៍សម្តេចធិបតី នៅអាមេរិក

2023/09/19 09:56:52 am        177
Facebook Telegram Linkin
ភ្នំពេញ៖ បងប្អូនប្រជាពលរដ្ឋខ្មែរ ដែលកំពុងរស់នៅសហរដ្ឋអាមេរិក និងកាណាដា បានបន្តចេញវីដេអូ ប្រកាសចាំទទួលស្វាគមន៍ដល់វត្តមានសម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ដែលនឹងអញ្ជើញ​ទៅ​ចូលរួម​មហាសន្និបាតអង្គការ​សហប្រជាជាតិ​លើកទី៧៨ (UN)នៅទីក្រុងញ៉ូវយ៉ក ​សហរដ្ឋអាមេរិក​ នាចុងខែកញ្ញា​ ឆ្នាំ២០២៣ខាងមុខនេះ។តាមរយៈវីដេអូឃ្លីបបានចេញជាបន្តបន្ទាប់ ​ជាក្រុមផង​ និងម្នាក់ឯងផង​ បងប្អូនប្រជាពលរដ្ឋខ្មែរ ដែលរស់នៅរដ្ឋផ្សេងៗគ្នានាសហរដ្ឋអាមេរិក ​ប្រទេសកាណាដា ​បានលើកឡើងថា ពួកគាត់ពិតជាសប្បាយចិត្តយ៉ាងខ្លាំង ​និងត្រៀមខ្លួនរួចជាស្រេច​ជាមួយក្រុមគ្រួសាររបស់ពួកគេ ដើម្បីទទួលសម្តេចធិបតី ហ៊ុន ម៉ាណែត​ លើទឹកដីអាមេរិក។ ពួកគាត់ បានអះអាងទៀតថា ការឆ្លៀតរបស់ពួកគាត់​ដើម្បីស្វាគមន៍សម្តេចធិបតី នាយករដ្ឋមន្រ្តី លើទឹកដីអាមេរិកនោះ ​ពុំមានអ្នកណាម្នាក់ធ្វើការ​បង្ខិតបង្ខំ​ និង​ជួលអ្វីនោះឡើយ គឺពួកគាត់​ស្ម័គ្រចិត្ត​ទៅដោយខ្លួនឯង ​ក្នុងនាមពលរដ្ឋខ្មែរឯនាយសមុទ្រស្រលាញ់​សុខសន្តិភាព និងការអភិវឌ្ឍ​ដល់​ប្រទេសជាតិខ្លួនឯងនោះ។សូមបញ្ជាក់ថា សម្តេចធិបតី ហ៊ុន ម៉ាណែត ​នាយករដ្ឋមន្ត្រីកម្ពុជា ​នឹងធ្វើដំណើរទៅកាន់​សហរដ្ឋ​អាមេរិក​នៅចុងខែកញ្ញា ឆ្នាំ២០២៣ខាងមុខនេះ ដើម្បីចូលរួម​មហាសន្និបាតអង្គការ​សហប្រជាជាតិ​លើកទី៧៨(UN)។ នៅក្នុងអំឡុងពេលដំណើរទស្សនកិច្ចជាលើកដំបូង​លើទឹកដីអាមេរិក បន្ទាប់ពី​សម្តេចត្រូវបាន​តែងតាំង​ជា​នាយករដ្ឋមន្រ្តីកម្ពុជានីតិកាលទី៧នេះ ​សម្តេចធិបតី ​នឹងជួបជាមួយមន្ត្រី​ជាន់ខ្ពស់ ​និងអ្នកធ្វើធុរកិច្ចរបស់អាមេរិក ​និងបងប្អូនប្រជាពលរដ្ឋខ្មែរ​ដែល​កំពុងរស់នៅទី នោះផងដែរ។តាមរយៈវីដេអូឃ្លីបរបស់បងប្អូនប្រជាពលរដ្ឋខ្មែរ ដែលកំពុងរស់នៅក្រៅប្រទេសទាំង​នោះក៏បាន បង្ហាញ​នូវទឹកចិត្តស្រលាញ់គាំទ្រ និងជូនពរដល់សម្តេចធិបតី​ធ្វើដំណើរទៅកាន់​សហរដ្ឋ​អាមេរិកប្រកបដោយសុវត្ថិភាព​ និងទទួល​បាន​ជោគជ័យ​គ្រប់ភារកិច្ចផងដែរ៕អត្ថបទ៖ បាន ចក់

បណ្ដាមេដឹកនាំពិភពលោកព្រមានពីភាពអត់ឃ្លាន ខណៈគោលដៅអាកាសធាតុកំពុងស្ថិតនៅក្នុងគ្រោះមហន្តរាយ

2023/09/19 09:02:11 am        163
Facebook Telegram Linkin
បញ្ជីការងារដែលត្រូវធ្វើនៃគោលដៅអភិវឌ្ឍន៍ប្រកបដោយចីរភាព ដែលបានកំណត់ក្នុងឆ្នាំ២០១៥ ហាក់ដូចជាកំពុងស្ថិតនៅក្នុងគ្រោះថ្នាក់ នេះបើយោងតាមកិច្ចប្រជុំរបស់បណ្ដាមេដឹកនាំពិភពលោក នៅអង្គការសហប្រជាជាតិក្នុងសប្តាហ៍នេះ។ សេចក្តីថ្លែងការណ៍របស់បណ្ដាមេដឹកនាំទាំងនោះ ដែលអនុម័តដោយឯកច្ឆន្ទនៅក្នុងកិច្ចប្រជុំកំពូលមួយ មុនពេលមហាសន្និបាតប្រចាំឆ្នាំរបស់អង្គការសហប្រជាជាតិ បានព្រមានថា ប្រសិនបើមិនមានវិធានការបន្ទាន់ណាមួយទេ ពិភពលោកអាចនឹងប្រឈមមុខនឹងផលវិបាកយ៉ាងធ្ងន់ធ្ងរក្នុងពេលឆាប់ៗនេះ។បញ្ជីនៃគោលដៅអភិវឌ្ឍន៍ប្រកបដោយចីរភាពចំនួន១៧ចំណុច ត្រូវបានបង្កើតឡើងដើម្បីលុបបំបាត់ភាពអត់ឃ្លាន និងភាពក្រីក្រខ្លាំង ព្រមទាំងការប្រយុទ្ធនឹងបម្រែបម្រួលអាកាសធាតុនៅត្រឹមឆ្នាំ២០៣០។ អគ្គលេខាធិការអង្គការសហប្រជាជាតិ លោក Antonio Guterres បានប្រាប់កិច្ចប្រជុំកំពូលនៃបណ្ដាមេដឹកនាំថា មានតែតួលេខគោលដៅចំនួន១៥%ប៉ុណ្ណោះដែលកំពុងដំណើរការ ហើយមានចំណុចជាច្រើនកំពុងដំណើរការបញ្ច្រាស។កាលពីដើមខែនេះ លោក Guterres បានអំពាវនាវឱ្យមេដឹកនាំក្រុមប្រទេសទាំង២០ (G20) ធានានូវថវិកាជំរុញយ៉ាងតិច៥០០ពាន់លានដុល្លារក្នុងមួយឆ្នាំ ដើម្បីឆ្ពោះទៅរកគោលដៅអភិវឌ្ឍន៍ប្រកបដោយចីរភាព (SDG)។ យោងតាមរបាយការណ៍កាលពីឆ្នាំមុនបានឲ្យដឹងថា ការចំណាយលើការសម្រេចគោលដៅសកលបានកើនឡើង២៥% ដល់ចំនួន១៧៦សែនកោដិ៍ដុល្លារក្នុងឆ្នាំ ដែលបានបញ្ចប់ក្នុងខែកញ្ញា ឆ្នាំ២០២២ ជាមួយនឹងការអនុវត្តលើវិធានការបញ្ច្រាសខុសពីគោលដៅជាច្រើនផងដែរ៕

ប្រទេសប៉េរូ ប្រកាសដាក់រដ្ឋក្នុងគ្រាអាសន្ន នៅតាមផ្នែកខ្លះនៃរដ្ឋធានី បន្ទាប់ពីឧក្រិដ្ឋកម្មកើនឡើង

2023/09/19 08:59:17 am        170
Facebook Telegram Linkin
ប៉េរូ៖ ប្រធានាធិបតីប៉េរូ លោកស្រី Dina Boluarte បាននិយាយកាលពីថ្ងៃចន្ទ (១៨ កញ្ញា) ថា រដ្ឋាភិបាលរបស់លោកស្រី បានប្រកាសដាក់រដ្ឋក្នុងភាពអាសន្ននៅក្នុងស្រុកចំនួនបី ដែលរងគ្រោះដោយការរីករាលដាលនៃឧក្រិដ្ឋកម្ម ដោយជាវិធានការដែលអនុញ្ញាតឱ្យយោធាជួយពង្រឹងសន្តិសុខក្នុងប្រទេស។លោកស្រី Boluarte បាននិយាយនៅក្នុងសេចក្តីថ្លែងការណ៍មួយថា ស្ថានភាពអាសន្នត្រូវបានប្រកាសនៅក្នុងស្រុក San Juan de Lurigancho (សាន វ៉ាន់ ដេ លូរីហ្កានឆូ) និងស្រុក San Martin de Porras (សាន ម៉ាទីន ដេ ប៉ូរ៉ាស)ទាំងនៅក្នុងរដ្ឋធានី លីម៉ា និងនៅភាគខាងជើងនៃស្រុក តាឡារ៉ា (Talara) ដោយបន្ថែមនៅក្នុងបទសម្ភាសន៍មួយថា វិធានការនេះមានគោលបំណងបង្កើន «ការប្រយុទ្ធប្រឆាំងនឹងឧក្រិដ្ឋកម្ម និងក្រុមឧក្រិដ្ឋកម្មដែលមានអង្គការចាត់តាំង»។ក្នុងរយៈពេលប៉ុន្មានថ្ងៃថ្មីៗនេះ នគរបាលបានរាយការណ៍ពីការវាយប្រហារនៅក្នុងទីក្រុង សាន វ៉ាន់ រួមទាំងការគប់គ្រាប់បែកដៃសង្រ្គាមចូលទៅក្នុងក្លឹបរាត្រីមួយ ដែលការវាយប្រហារដោយគ្រាប់បែកដៃមួយទៀតនៅក្បែរនោះ បានបណ្តាលឲ្យមនុស្សយ៉ាងហោចណាស់១៥នាក់រងរបួស។ របាយការណ៍ឧក្រិដ្ឋកម្មទៅកាន់នគរបាលក្នុងរដ្ឋធានី លីម៉ា បានកើនឡើងដល់ជិត១៦០.២០០ករណីកាលពីឆ្នាំមុន ធៀបនឹងចំនួន១២០.៣៥០ករណីក្នុងឆ្នាំ២០២១ នេះបើយោងតាមការិយាល័យទទួលបណ្ដឹងពលរដ្ឋ របស់ប្រទេសប៉េរូ៕

ក្រុមអ្នកតវ៉ានិយាយថា កន្លែងតែមួយគត់ដែលនាយករដ្ឋមន្ត្រីអ៊ីស្រាអែលគួរទៅ គឺពន្ធនាគារ អំឡុងទស្សនកិច្ចនៅអាមេរិក

2023/09/19 08:36:26 am        127
Facebook Telegram Linkin
  អ៊ីស្រាអែល៖ ក្រុមអ្នកតវ៉ាប្រឆាំងលោកនាយករដ្ឋមន្ត្រីអ៊ីស្រាអែល Netanyahu បានប្រមូលផ្ដុំគ្នានៅក្នុងទីក្រុង San Francisco កាលពីថ្ងៃចន្ទ ទី១៨ខែកញ្ញា ខណៈលោកនាយករដ្ឋមន្ត្រី រូបនេះ បានបំពេញទស្សនកិច្ចនៅរដ្ឋ California និងជួបជាមួយសហគ្រិនបច្ចេកវិទ្យាលោក Elon Musk។ យោងតាមគេហទំព័ររបស់ខ្លួន ការតវ៉ានេះ ត្រូវបានរៀបចំដោយក្រុមមូលដ្ឋាន UnXeptable ដែលបេកកម្មរបស់ពួកគេ គឺដើម្បីថែរក្សាអត្តសញ្ញាណប្រជាធិបតេយ្យរបស់អ៊ីស្រាអែល ជាទីជម្រករបស់ប្រជាជនជ្វីសទាំងអស់។ អ្នកតវ៉ាវ័យ៨៣ ឆ្នាំម្នាក់ឈ្មោះ តូនី ហ្គូលបាស់ (Toni Golbus)បាននិយាយថា ខ្ញុំមកទីនេះព្រោះខ្ញុំស្រឡាញ់អ៊ីស្រាអែល។ខ្ញុំបានចំណាយពេលយ៉ាងច្រើននៅទីនោះ ខ្ញុំចង់ឲ្យប្រទេសនេះក្លាយជាប្រទេសប្រជាធិបតេយ្យ ហើយខ្ញុំបារម្ភថា អ្វីដែលលោក Netanyahu កំពុងព្យាយាមធ្វើគឺដើម្បីបំភ្លេចចោលលទ្ធិប្រជាធិបតេយ្យ។ អ្នកតវ៉ាម្នាក់ទៀតឈ្មោះ យ៉ាអេល ឡេវី(Yael Levy)វ័យ៣៩ឆ្នាំ បានបន្ថែមថា ខ្ញុំគិតថា វាជារឿងសំខាន់ក្នុងការបញ្ចូនសារ លឺៗនិងច្បាស់ៗ ថា លោកមិនត្រូវបានស្វាគមន៍នៅទីនេះទេ។ខ្ញុំគិតថាមានកន្លែងតែមួយគត់ដែលលោកគួរតែត្រូវបានស្វាគមន៍នោះគឺពន្ធធានាគារ។ រដ្ឋាភិបាលរបស់លោកNetanyahu បានកែប្រែប្រព័ន្ធតុលាការកាលពីខែមករា ដែលបានបង្កឲ្យមានការតវ៉ាទូទាំងប្រទេសមិនធ្លាប់មាននៅក្នុងប្រទេសអ៊ីស្រាអែល ។  លោក Netanyahu បានជំរុញលោក Musk ឲ្យថ្លឹងថ្លែងរវាងការកាពារសិទ្ធិបញ្ចេញមតិដោយសេរីនិងការប្រយុទ្ធប្រឆាំងនឹងសម្ដីបង្កការស្អប់ខ្ពើមនៅជំនួបមួយកាលពីថ្ងៃចន្ទ បន្ទាប់ពីមានភាពចម្រូង ចម្រាសជាច្រើនសប្ដាហ៍ជុំវិញខ្លឹមសារអរិភាពលើបណ្ដាញសង្គម X របស់លោក Musk៕

ឧបទ្ទវហេតុរថយន្តក្រុង បណ្តាលឲ្យមនុស្សយ៉ាងហោចណាស់២៤នាក់ស្លាប់នៅប៉េរូ

2023/09/19 08:34:05 am        180
Facebook Telegram Linkin
ប៉េរូ៖ យោងតាមក្រុមហ៊ុនដឹកជញ្ជូនដែលធ្វើប្រតិបត្តិការយានយន្តបានឲ្យដឹងថា មនុស្សយ៉ាងហោចណាស់២៤នាក់ បានស្លាប់ ក្នុងឧបទ្ទវហេតុរថយន្តក្រុងដឹកអ្នកដំណើរ នៅក្នុងប្រទេសប៉េរូ កាលពីថ្ងៃចន្ទ។អ្នកតំណាងក្រុមហ៊ុន សហជីព Molina លោក Scarlet Bueno បានប្រាប់សារព័ត៌មានរ៉យទ័រថា មនុស្សយ៉ាងហោចណាស់ ២៤នាក់ស្លាប់ ប៉ុន្តែពុំបានផ្តល់ព័ត៌មានលម្អិតបន្ថែមនោះទេ។ទីភ្នាក់ងារគ្រប់គ្រងការដឹកជញ្ជូនរបស់ប្រទេសប៉េរូនៅក្នុងសេចក្តីថ្លែងការណ៍ បានបញ្ជាក់ថាគ្រោះថ្នាក់បានកើតឡើងកាលពីថ្ងៃចន្ទ ដោយមិនបានផ្តល់ចំនួនអ្នកស្លាប់ឬរងរបួសនោះទេ។ ទីភ្នាក់ងារ និយាយថារថយន្តក្រុងនេះកំពុងធ្វើដំណើរពីក្រុង Ayacucho ទៅកាន់ទីក្រុង Huancayo ប្រទេសប៉េរូ។ ទីភ្នាក់ងារ បាននិយាយក្នុងការស៊ើបអង្កេតដំបូង បង្ហាញថា រថយន្តក្រុងទំនងជាមានការពិនិត្យសុវត្ថិភាពទាន់សម័យ និងមានធានារ៉ាប់រងគ្រោះថ្នាក់។ គ្រោះថ្នាក់ជាច្រើនគឺជារឿងពាក់ព័ន្ធធម្មតានៅតាមផ្លូវដ៏គ្រោះថ្នាក់របស់ប្រទេសប៉េរូ ខណៈមានមនុស្សយ៉ាងហោចណាស់ ២៤នាក់ស្លាប់ កាលពីខែមករា នៅពេលរថយន្តក្រុង បានធ្លាក់ចុះពីឆ្នេរចោទ នៅភាគខាងជើងប្រទេស៕

ប្រធានាធិបតីម៉ិកស៊ិក ការពារការចូលរួមរបស់រុស្ស៊ី ក្នុងព្យុហយាត្រាយោធា

2023/09/19 08:28:16 am        209
Facebook Telegram Linkin
ម៉ិកស៊ិក៖ ប្រធានាធិបតីម៉ិកស៊ិក លោក Andres Manuel Lopez Obrador កាលពីថ្ងៃចន្ទ បានការពារវត្តមានរបស់អង្គភាពយោធារុស្ស៊ី ក្នុងព្យុហយាត្រាកាលពីចុងសប្តាហ៍ ដែលប្រារព្ធទិវាឯករាជ្យរបស់ប្រទេសម៉ិកស៊ិក បន្ទាប់ពីការរិះគន់ដ៏ខ្លាំងលើប្រទេសរបស់លោកថាបានផ្តល់វេទិកាមួយដល់កងកម្លាំងដែលឈ្លានពានប្រទេសអ៊ុយក្រែន។ឯកអគ្គរដ្ឋទូតអ៊ុយក្រែនប្រចាំប្រទេសម៉ិកស៊ិក អ្នកនយោបាយប្រឆាំង និងប្រព័ន្ធផ្សព្វផ្សាយទិទៀន បានរិះគន់សេចក្តីសម្រេចដើម្បីអនុញ្ញាឲ្យអង្គភាពរុស្ស៊ីបានចូលរួមកាលពីថ្ងៃសៅរ៍ ប៉ុន្តែលោក Lopez Obrador បាននិយាយថាប្រទេសម៉ិកស៊ិក បានអនុញ្ញាតឲ្យប្រទេសណាមួយក៍ដោយឲ្យចូលរួម។លោក Lopez Obrador ជាអ្នកឆ្វេងនិយម បានព្យាយាមដើម្បីរក្សាប្រទេសម៉ិកស៊ិកនៅជាអព្យាក្រិត ក្នុងសង្គ្រាម រវាង រុស្ស៊ី និងអ៊ុយក្រែន នៅក្នុងចំណុចមួយដែលស្នើសុំឲ្យមានកិច្ចចរចាសន្តិភាព។ទោះជាយ៉ាងណា រដ្ឋាភិបាលរបស់លោក បានគាំទ្រសេចក្តីសម្រេចធំៗរបស់អង្គការសហប្រជាជាតិ ដែលរិះគន់តួនាទីរបស់រុស្ស៊ី នៅក្នុងជម្លោះនេះ៕

ប្រសាសន៍សំខាន់ៗសម្តេចធិបតី ហ៊ុន ម៉ាណែត ក្នុងឱកាសចុះជួបសំណេះសំណាលជាមួយកម្មករនិយោជិតនៅតាមរោងចក្រសហគ្រាស នៅស្រុកបាទី

2023/09/19 08:25:40 am        342
Facebook Telegram Linkin
តាកែវ ៖ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានអញ្ជើញចុះជួបសំណេះសំណាលជាមួយកម្មករ និយោជិត តាមរោងចក្រ សហគ្រាស ចំនួន ១៨,១០៤នាក់ មកពីរោងចក្រ សហគ្រាសចំនួន១៨ ដែលមានមូលដ្ឋាននៅក្នុងស្រុកបាទី ខេត្តតាកែវ នៅព្រឹកថ្ងៃទី១៩ ខែកញ្ញា ឆ្នាំ២០២៣នេះ ។ប្រសាសន៍សំខាន់ៗសម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជាដែលមានខ្លឹមសារដូចខាងក្រោម៖សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា លើកទឹកចិត្តឱ្យប្រជាពលរដ្ឋមានកូនច្រើនចាប់ពីពេលបច្ចុប្បន្ននេះទៅ ខណៈពិភពលោកកំពុងមានកង្វះខាតយុវជនជំនាន់ក្រោយ ហើយមានកំណើនមនុស្សវ័យចាស់។សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បញ្ជាក់ថា គោលនយោបាយរបស់គណបក្សប្រជាជនកម្ពុជា រាជរដ្ឋាភិបាលអាណត្តិ៧ គឺបន្តអនុវត្តនូវបេសកកម្មក្នុងការបម្រើប្រជាជនដោយសម្រួចបន្ថែមលើគោលនយោបាយដែលមានស្រាប់ ដើម្បីផ្ដល់ផលប្រយោជន៍ដល់ប្រជាជន និងការអភិវឌ្ឍប្រទេសកម្ពុជា ប្រកបដោយសុខសន្ដិភាព។សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ថ្លែងថា គណបក្សប្រជាជនកម្ពុជាមិនសន្យាជាមួយប្រជាជនថា ធ្វើបែបនេះឬបែបនោះ សម្រាប់ប្រជាជននោះទេ។ ប៉ុន្ដែគណបក្សប្រជាជនកម្ពុជាបានប្ដេជ្ញាចិត្តបម្រើប្រជាពលរដ្ឋ ផ្ដល់ផលប្រយោជន៍ដល់ប្រជាពលរដ្ឋ និងនៅជាមួយប្រជាពលរដ្ឋជានិច្ច។សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា អំពាវនាវដល់ប្រជាពលរដ្ឋទូទាំងប្រទេស ទូងស្គរ ទះប៉ោត និងគោះត្រដោកតាមគ្រប់មធ្យោបាយដែលខ្លួនមាននៅវេលាម៉ោង ០៧:០០ ព្រឹក ថ្ងៃទី២០ ខែកញ្ញា ឆ្នាំ ២០២៣ នៅគ្រប់ទីកន្លែងឱ្យបានកុះករ ប្រកបដោយទឹកចិត្តមោទនៈ និងសប្បាយរីករាយចំពោះព្រឹត្តិការណ៍ជាប្រវត្តិសាស្ត្រ ការដាក់បញ្ចូលប្រាសាទកោះកេរ ជាសម្បត្តិបេតិកភណ្ឌពិភពលោក។សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ថ្លែងថា ក្រោយប្រទេសមានសុខសន្ដិភាព ប្រលឹងដូនតា និងរូបចម្លាក់បុរាណខ្មែរ ដែលត្រូវបាត់បង់ក្នុងពេលសង្គ្រាមជាច្រើន ត្រូវបានបញ្ជូននមកកាន់ប្រទេសកម្ពុជាវិញជាបន្តបន្ទាប់។សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បញ្ជាក់ថា រាជរដ្ឋាភិបាលបានប្ដេជ្ញាចិត្តរួចហើយ ក្នុងការបន្តផ្ដល់អត្ថប្រយោជន៍ផ្សេងៗបន្ថែមទៀត ដល់បងប្អូនកម្មករនិយោជិត ជាពិសេសប្រាក់ឈ្នួលអប្បបរមារបស់កម្មករនិយោជិតសម្រាប់ឆ្នាំ២០២៤ គឺត្រូវតែមានការដំឡើង។សម្តេចធិបតី ហ៊ុន ម៉ាណែត បញ្ជាក់ថា ក្រសួងការងារត្រូវសន្យាជាមួយរាជរដ្ឋាភិបាលត្រូវធ្វើយ៉ាងម៉េចសម្រេចឱ្យបាន ចំពោះកិច្ចប្រជុំចរចាប្រាក់ឈ្នួលអប្បបរមារបស់កម្មករនិយោជិតវិស័យកាត់ដេរសម្រាប់ឆ្នាំ២០២៤ ខណៈក្រសួងបានឯកភាពគ្នារួចហើយកំណត់កិច្ចពិភាក្សាចុងក្រោយ នៅថ្ងៃទី២៨ ខែកញ្ញា ឆ្នាំ២០២៣ ខាងមុខនេះ តាមរយៈការបោះឆ្នោតសម្រេចលើតួរលេខរួមមួយ។សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ណែនាំដល់អគ្គិសនីកម្ពុជា និងភាគីពាក់ព័ន្ធពិនិត្យក្នុងការអនុគ្រោះបញ្ចុះថ្លៃអគ្គិសនី ក្នុងនោះមានសហគ្រាស កសិកម្ម និងឧស្សាហកម្មប្រមាណ២១០០០ សហគ្រាសដែលអាចទទួលបានផលពីការគិតគូរ។សម្តេចធិបតី ហ៊ុន ម៉ាណែត ណែនាំដល់បណ្ដារាជធានី-ខេត្ត ត្រូវធ្វើយ៉ាងណាប្រកួតគ្នាស្វែងរកវិនិយោគិនមកខេត្តរបស់ខ្លួន (ទាក់ម៉ូយ) ស្របទៅតាមសក្តានុពលរបស់ខេត្តដែលមានស្រាប់ ខណៈរាជរដ្ឋាភិបាលបានធ្វើវិមជ្ឈការប្រគល់អំណាចទៅដល់ថ្នាក់ក្រោមជាតិរួចអស់ហើយ។សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បញ្ជាក់ថា កម្ពុជា បន្តអនុវត្តនយោបាយ និងប្រកាន់ជំហរចិនមួយសម្រាប់ក្របខ័ណ្ឌទំនាក់ទំនងការទូត និងកិច្ចសហប្រតិបត្តិការទ្វេភាគីកម្ពុជា-ចិន គឺមិនខុសនោះទេ។ សម្ដេចធិបតី បញ្ជាក់ថា កម្ពុជាមានទំនាក់ទំនងល្អជាមួយប្រទេសកាន់តែច្រើនកាន់តែល្អសម្រាប់កម្ពុជា។សម្តេចធិបតី ហ៊ុន ម៉ាណែត ថ្លែងថា រដ្ឋាភិបាលអនាគតរបស់គណបក្សប្រជាជនកម្ពុជា ទោះបីថ្នាក់ដឹកនាំរូបណាក៏ដោយ ក៏ប្រកាន់ជំហរគិតគូរផលប្រយោជន៍ប្រទេសជាតិ និងប្រជាពលរដ្ឋជាសំខាន់ដែរ។

លោក Zelenskyy ទៅដល់សហរដ្ឋអាមេរិកដើម្បីជួបជាមួយលោក Biden និងចូលរួមប្រជុំនៅUN នៅថ្ងៃនេះ

2023/09/19 08:08:02 am        165
Facebook Telegram Linkin
អាមេរិក៖ លោកប្រធានាធិបតីអ៊ុយក្រែន Volodymyr Zelensky កាលពីថ្ងៃចន្ទបានទៅដល់ទីក្រុង New York មុនសុន្ទរកថានៅមហាសន្និបាតអង្គការសហប្រជាជាតិ និងជួបលោកប្រធានាធិបតីអាមេរិក Joe Bidenសម្រាប់ជំនួបពិភាក្សានានា ព្រមទាំងក្រុមមេដឹកនាំសភានិងគណបក្សនានា មេដឹកនាំយោធា ធុរកិច្ចជនសហដ្ឋអាមេរិក អ្នកសារព័ត៌មាន និងសមាជិកនៃសហគមន៍អ៊ុយក្រែន។   នេះជាដំណើរទស្សនកិច្ចទី២របស់លោក Zelensky ទៅកាន់សហរដ្ឋអាមេរិក ដែលបានផ្គត់ផ្គង់អាវុធឲ្យទីក្រុងគីវ(Kyiv)ប្រយុទ្ធជាមួយរុស្ស៊ី ចាប់តាំងពីការវាយលុករបស់ក្រុងមូស្គូ កាលពីខែកុម្ភៈឆ្នាំមុន។ លោក Zelensky បាននិយាយនៅលើបណ្ដាញសង្គម X សំដៅដល់ការធ្វើដំណើរជាមួយភរិយារបស់លោក ថា លោកស្រី Olena Zelenska និងខ្ញុំបានមកដល់ទឹកដីសហរដ្ឋអាមេរិកហើយសម្រាប់ជំនួបជាន់ខ្ពស់រយៈពេលមួយសប្ដាហ៍របស់មហាសន្និបាតអង្គការសហប្រជាជាតិ និងដំណើរទស្សនកិច្ចទៅកាន់ទីក្រុង Washington DC។   គេរំពឹងថា លោក Zelensky នឹងថ្លែងនៅអង្គមហាសន្និបាតអង្គការសហប្រជាជាតិនៅថ្ងៃអង្គារនេះ ។ លោក Volodymyr Zelenskiy បានជួបទាហានអ៊ុយក្រែន ដែលរងរបួសនៅមន្ទីរពេទ្យទីក្រុង New York កាលពីថ្ងៃចន្ទទី១៨ កញ្ញា មុនការថ្លែងសុន្ទរកថារបស់លោកទៅកាន់បណ្ដាមេដឹកនាំនៅអង្គការសហប្រជាជាតិ៕

សម្តេចមហាបវរធិបតី ហ៊ុន ម៉ាណែត អញ្ជើញចុះជួបសំណេះសំណាលជាមួយកម្មករនិយោជិតនៅតាមរោងចក្រសហគ្រាស នៅស្រុកបាទី

2023/09/19 07:10:33 am        165
Facebook Telegram Linkin
តាកែវ ៖ សម្តេចធិបតី ហ៊ុន ម៉ាណែត នាយករដ្ឋមន្រ្តី បានអញ្ជើញចុះជួបសំណេះសំណាលជាមួយកម្មករ និយោជិត តាមរោងចក្រ សហគ្រាស ចំនួន ១៨,១០៤នាក់ មកពីរោងចក្រ សហគ្រាសចំនួន១៨ ដែលមានមូលដ្ឋាននៅក្នុងស្រុកបាទី ខេត្តតាកែវ នៅព្រឹកថ្ងៃទី១៩ ខែកញ្ញា ឆ្នាំ២០២៣នេះ ។រោងចក្រ សហគ្រាសទាំង១៨នេះ ជាប្រភេទរោង ចក្រកាត់ដេរសម្លៀកបំពាក់ ចំនួន ១៣, ផលិតផលិតផលធ្វើដំណើរ និងកាបូប ចំនួន ២, ដេរស្បែកជើង ចំនួន ២ និងបោកគក់សម្លៀកបំពាក់ ចំនួន ១។នេះ គឺជាលើកទី៤ ដែលសម្តេចមហាបវរធិបតី ហ៊ុន ម៉ាណែត បានអញ្ជើញចុះជួបសំណេះសំណាលជាមួយបងប្អូនកម្មករ និយោជិត តាមបណ្តារោងចក្រ សហគ្រាសនានា ក្នុងឋានៈជា នាយករដ្ឋមន្ត្រី នៃព្រះរាជាណាចក្រកម្ពុជា៕

បណ្ដាញសង្គម

ព័ត៌មានថ្មីៗ

គម្រោងពង្រីក និងលើកកម្រិតផ្លូវជាតិលេខ៧ជាបួនគន្លង ចាប់ពីទីប្រជុំជនស្គន់ រហូតដល់ក្រុងកំពង់ចាម ខេត្តកំពង់ចាម ប្រវែង៤៥,៥០៤ គីឡូម៉ែត្រសម្រេចការសាងសង់ ៩៨,៥៩%ហើយ
05/06/2026 02:05 PM
Facebook Telegram Linkin
Napoli ព្រមព្រៀងទិញផ្តាច់ Rasmus Hojlund ពី Manchester United ៣៨ លានផោន
05/06/2026 02:05 PM
Facebook Telegram Linkin
លោក TRUMP៖ សង្គ្រាមជាមួយអ៊ីរ៉ង់ធ្វើឲ្យទីផ្សារផ្លាស់ប្តូរទិសដៅមកទិញប្រេងរបស់អាមេរិក
05/06/2026 02:05 PM
Facebook Telegram Linkin
EU បន្តជួយអ៊ុយក្រែន ខណៈមើលឃើញជម្លោះជាមួយរុស្ស៊ីជាឱកាសចុងក្រោយរបស់ខ្លួន ដើម្បីរស់រានមានជីវិត
05/06/2026 02:05 PM
Facebook Telegram Linkin
ពលរដ្ឋស្នើឱ្យអ្នកផលិតមាតិកាផ្តោតលើប្រធានបទដែលផ្តល់ប្រយោជន៍ដល់សង្គម
05/06/2026 02:05 PM
Facebook Telegram Linkin
សម្តេចប្រធានរដ្ឋសភា៖ កម្ពុជា និងឡាវ នៅមានសក្តានុពលជាច្រើនទៀតដែលត្រូវរួមសហការគ្នា ដើម្បីបម្រើ ផលប្រយោជន៍ជូនពលរដ្ឋ ឱ្យបានកាន់តែច្រើនឡើង
05/06/2026 02:05 PM
Facebook Telegram Linkin
លោក RUBIO៖ ប្រតិបត្តិការរបស់អាមេរិកនៅច្រកសមុទ្រហ័រមូស គឺជាការការពារខ្លួន ពុំមែនជាការវាយលុកទេ
05/06/2026 02:05 PM
Facebook Telegram Linkin
អ្នកជំនាញ៖ រុស្ស៊ីមានសមត្ថភាពការពារនាវារបស់ខ្លួននៅសមុទ្របាល់ទិក ខណៈមានការគំរាមកំហែងពី EU
05/06/2026 02:05 PM
Facebook Telegram Linkin
ស្ថានទូតរុស្ស៊ីរិះគន់កញ្ចប់ទណ្ឌកម្មថ្មីរបស់ចក្រភពអង់គ្លេសថា ជាជំហានអរិភាពមួយទៀត
05/06/2026 02:05 PM
Facebook Telegram Linkin
សិស្សថ្នាក់វិទ្យាល័យ ចាប់អារម្មណ៍លើការរៀបចំពិព័រណ៍ជំនាញនៅថ្នាក់ឧត្តមសិក្សា
05/06/2026 02:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.