នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធានក្រុមការងារគណបក្សចុះមូលដ្ឋាន អញ្ជើញបើកការដ្ឋានសាងសង់​ផ្លូវលំ​ប្រវែង ៥.៧០០​ម៉ែត្រ ស្ថិតក្នុងស្រុកប្រាសាទបល្ល័ង្ក ខេត្តកំពង់ធំ
សម្ដេចតេជោ ចាត់ទុក អតីតរដ្ឋមន្ត្រីការពារជាតិវៀតណាម ជាមិត្តចាស់របស់កម្ពុជា
ឯកឧត្តម ចាយ បូរិន អញ្ជើញចុះសួរសុខទុក្ខនិងនាំយកអំណោយដ៏ថ្លៃថ្លារបស់ សម្តេចមហាបរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនឯកឧត្តម កង ណម នៅគេហដ្ឋាន
មន្ត្រីជាន់ខ្ពស់ក្រសួងអភិវឌ្ឍន៍ជនបទ ចុះត្រួតពិនិត្យ និងវាយតម្លៃលើ​ការងារ​ស្ថាបនា​ផ្លូវ នៅ​ទីតាំង​ដីសម្បទានសង្គមកិច្ច ខេត្តឧត្តរមានជ័យ

នយោបាយ​ និង ការអភិវឌ្ឍន៍

កងទ័ពចំនួន១៤ប្រទេស បន្តធ្វើលំហាត់ហ្វឹកហ្វឺនរួមគ្នា ជំរុញសាមគ្គីភាពដោះមីនក្របខណ្ឌអាស៊ានបូក

2023/09/18 04:32:41 pm        205
Facebook Telegram Linkin
ភ្នំពេញ៖ នៅថ្ងៃទី១៨ ខែកញ្ញានេះ នាយកឧត្តមសេនីយ៍ សែម សុវណ្ណនី អគ្គនាយកមជ្ឈមណ្ឌលជាតិរក្សាសន្តិភាព បានអញ្ជើញចុះត្រួតពិនិត្យសកម្មភាពកងទ័ពចំនួន ១៤ប្រទេស​ ដែលកំពុងធ្វើលំហាត់​ហ្វឹកហ្វឺន​ដោះមីន​នៅលើទីលាន ក្នុងក្របខ័ណ្ឌរដ្ឋមន្ត្រី​ការពារ​ជាតិ​អាស៊ាន បូក ចិន អាមេរិច រ៉ុស្ស៊ី ជប៉ុន ​កូរ៉េខាងត្បូង ឥណ្ឌា ​និងអូស្ត្រាលី ក្រោមប្រធាន​បទ “មាតុភូមិដ៏បវរ-ឆ្នាំ២០២៣” នៅសាលាហ្វឹកហ្វឺនពហុសាសន៍ PKO ខេត្តកំពង់ស្ពឺ។ កងកម្លាំងជាសិក្ខាកាម ដែល​បានចូលរួម ​គឺបានបង្ហាញការចាប់អារម្មណ៍ និងទទួលបាន​បទពិសោធន៍ជាច្រើន ​ការងារដោះមីន​ជាមួយបណ្តាប្រទេសនានា ជាពិសេសចំណេះដឹង​ការវិវត្តថ្មីៗពីវិស័យមីន និងដឹងអំពីរបៀបដោះមីនមនុស្សធម៌ ហើយតាមរយៈលំហាត់​ហ្វឹកហ្វឺន​នេះនឹងជំរុញបណ្តាប្រទេសរួបរួមគ្នា សាមគ្គីភាព ​បង្កើនសកម្មភាពដោះមីនមនុស្សធម៌ ក្នុង​ក្របខ័ណ្ឌអាស៊ាន បូក​ និងអង្គការសហប្រជាជាតិ។នៅក្នុងវគ្គហ្វឹកហ្វឺនដោះមីន ​នៅលើទីលានចំការមីន​ រយៈពេល១០ថ្ងៃ​ គិតចាប់ពីថ្ងៃទី១៣ រហូតដល់ថ្ងៃទី២៣ ​ខែកញ្ញា ឆ្នាំ២០២៣។ឯកឧត្តម នាយឧត្តមសេនីយ៍ សែម សុវណ្ណនី ថ្លែងថា លំហាត់ហ្វឹកហ្វឹនជំនាញដោះមីន និង​កម្ទេច​គ្រាប់យុទ្ធភ័ណ្ឌមិនទាន់ផ្ទុះ​ ក្របខ័ណ្ឌរដ្ឋមន្ត្រីការពារជាតិ​អាស៊ានបូក ដែលកម្ពុជា​ទទួល​ធ្វើជាម្ចាស់ផ្ទះ ​និងចិនធ្វើជាសហប្រធានរៀបចំ​ គឺបានដំណើរយ៉ាងសកម្មភាព ហើយគ្រប់ភាគី​កងទ័ពបណ្តាប្រទេសនានា ​គឺបានផ្លាស់ប្តូរទស្សនៈ ​បទពិសោធន៍​ស្តីអំពីមីនឲ្យគ្នាទៅវិញទៅមក ការ​ប្រើប្រាស់សម្ភារៈបច្ចេកវិទ្យាដោះមីនទំនើប ​ការធ្វើនវានុវត្តន៍ ​ដោះមីន និងការ​កម្ទេចគ្រាប់យុទ្ធភ័ណ្ឌមិនទាន់ផ្ទុះ ​ហើយតាមរយៈលំហាត់​ហ្វឹកហ្វឺននេះ នឹងរួមចំណែកមួយ​យ៉ាងសំខាន់ ជួយកម្ពុជា​ក្នុងដំណើរឆ្ពោះទៅកាន់កម្ពុជាគ្មានមីន​ នៅឆ្នាំ២០២៥។សូមបញ្ជាក់ថា​ គិតចាប់ពីការបង្កើតសាលា​ហ្វឹកហ្វឺន​PKO ​នៅខេត្តកំពង់ស្ពឺនេះ ​គឺកម្ពុជា ធ្លាប់បាន​ទទួលធ្វើជាម្ចាស់ផ្ទះលើលំហាត់​ហ្វឹកហ្វឺន​ពហុសាសន៍រួមមាន៖ លំហាត់​ហ្វឹកហ្វឺន​ប្រតិបត្តិការរក្សា​សន្តិភាពពហុជាតិ “ឆ្មាំអង្គរ” សរុបចំនួន៣លើក ​មានប្រទេសចូលរួម​ចំនួន៩ប្រទេស រៀបចំ​វគ្គ​ហ្វឹកហ្វឺន​ទីបញ្ជាការ ដែលជា​ការឧបត្ថម្ភរបស់គម្រោង​ GPOIចំនួន២៣ប្រទេសចូលរួម ​និងរៀបចំ ហ្វឹកហ្វឺន​ជំនាញបច្ចេកទេសប្រឆាំង​បន្សាបគ្រឿងផ្ទុះកែច្នៃ​ និង​កម្ទេច​គ្រឿងផ្ទុះ ថ្នាក់អាស៊ាន​និងតំបន់​ ក្រោម​ជំនួយ​ឧបត្ថម្ភ​របស់​សាធារណរដ្ឋបារាំង​ចំនួន​៥វគ្គ ​មានប្រទេស​ចូលរួម​សរុបចំនួន ១២ប្រទេស៕អត្ថបទ ស៊ុម សុខជា

CARDI គ្រោងចែកចាយពូជស្រូវចំប៉ីស៧០នៅចុងឆ្នាំនេះ ដែលធន់នឹងអាកាសធាតុ និងមានតម្លៃខ្ពស់

2023/09/18 04:19:11 pm        33
Facebook Telegram Linkin
ភ្នំពេញ៖ លោក ឡោ ប៊ុណ្ណា នាយកវិទ្យាស្ថានស្រាវជ្រាវ និង​អភិវឌ្ឍន៍​កសិកម្ម (កាឌី CARDI) បានឱ្យដឹងថា កាឌី គ្រោងផ្ដល់ពូជស្រូវប្រភេទចំប៉ីស៧០ ​ទៅឱ្យមន្ទីរកសិកម្មរុក្ខាប្រមាញ់ និងនេសាទ​ ទូទាំងប្រទេស ​នៅចុងឆ្នាំនេះ ​ដើម្បីផលិតពូជឱ្យបានច្រើន ហើយចែកចាយ​បន្តទៅកសិករ ព្រោះស្រូវប្រភេទនេះ មានតម្លៃខ្ពស់ ធន់នឹងអាកាសធាតុផង ។ក្នុងកិច្ចសម្ភាសជាមួយBTV នៅថ្ងៃទី១៨ ខែកញ្ញា នេះ នាយកវិទ្យាស្ថានកាឌី បានឱ្យដឹងថា ស្រូវ ចំប៉ីស៧០​ គឺត្រូវបានផលិតឡើង ​តាមរយៈការបង្កាត់​រវាងពូជស្រូវផ្ការំដួល ​និងស្រូវប្រភេទផ្សេង ដែលមិនប្រកាន់រដូវ ​ហើយបើកសិករធ្វើស្រូវពង្រោះ​ អាចប្រមូលផលក្នុងរង្វង់៩០ថ្ងៃ ​ហើយបើសន្ទូង អាចប្រមូល ​ផលក្នុងរង្វង់៩៧ទៅ១០០ថ្ងៃ ។លោកនាយក បានបន្តថា ​ដោយសារពូជស្រូវប្រភេទនេះ មានតម្លៃខ្ពស់ ​និងកំពុងមានការបញ្ជា ទិញពី​ក្រុមហ៊ុននានា​ ទើបនៅចុងឆ្នាំនេះ វិទ្យាស្ថានកាឌី ​នឹងចែកចាយស្រូវចំប៉ីស៧០ ប្រមាណ ២តោន ជា ជំហានដំបូង ​ទៅឱ្យបណ្ដាខេត្ត ​ដើម្បីផលិតឱ្យបានច្រើន ​និងដើម្បីចែកចាយបន្ត ។លោក ឡោ ប៊ុណ្ណា បានបន្ថែមថា ​​បច្ចុប្បន្ន កាឌី ​ក៏កំពុងខិតខំបង្កើតពូជស្រូវ ដែល​ធន់នឹងធាតុ​អាកាស ពិសេសអាចទប់នឹងកូនរដូវប្រាំង ​ដែលតែងតែកើតឡើង ​នៅអំឡុងខែកក្កដា​ និងសីហា ដែលរហូត ​មកដល់ពេលនេះ ​វិទ្យាស្ថានស្រាវជ្រាវ ​និងអភិវឌ្ឍន៍​កសិកម្ម ផលិតពូជស្រូវបាន​ជិត៥០ប្រភេទហើយ ​ដោយស្រូវប្រភេទខ្លះ ​ផលិតបានជាអង្ករ ​យកទៅប្រកួតប្រជែង​នៅថ្នាក់​អន្តរជាតិ ជាប់ចំណាត់ថ្នាក់លេខ១​ ជាច្រើនដងផងដែរ ។លោក បានបញ្ជាក់ថា កាលពីឆ្នាំ២០១៩ កាឌី ​ក៏បានបញ្ចេញពូជស្រូវប្រភេទសែនក្រអូប០១ ដែល មានទីផ្សារល្អ ​ហើយបើកសិករបង្កបង្កើតផលដោយអនុវត្ត​តាមលក្ខណៈបច្ចេកទេសបានល្អ អាច​ទទួល បានទិន្នផលដល់ប្រមាណ១០តោន​ក្នុងមួយហិកតា ដែលអាចកាត់បន្ថយការ​ចំណាយ​លើការងារផលិត ​ផងដែរ ៕អត្ថបទ៖ បាន សុខរិទ្ធិ 

រដ្ឋាភិបាលបញ្ចេញតួលេខផ្លូវការចំនួន២០២ដុល្លារ ខណៈនិយោជកនិងសហជីពមានតួរលេខផ្សេង

2023/09/18 01:31:02 pm        835
Facebook Telegram Linkin
ភ្នំពេញ៖ ភាគីរដ្ឋាភិបាលកម្ពុជា នៅថ្ងៃទី១៨ ខែកញ្ញា ឆ្នាំ២០២៣នេះ បានបញ្ចេញតួលេខជាផ្លូវការ គឺចំនួន ២០២ដុល្លារ នៅក្នុងកិច្ចប្រជុំចរចាប្រាក់ឈ្នួលអប្បបរមាកម្មករនិយោជិតផ្នែកវាយនភ័ណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរ និងកាបូប សម្រាប់ឆ្នាំ២០២៤។ ខណៈភាគីនិយោជកកំណត់ចំនួន ២០១,៥០ដុល្លារ។ ដោយឡែក ភាគីសហជីព មានតួលេខចំនួន២ផ្សេងគ្នា គឺចំនួន ២០៤ដុល្លារ និង ២១៣ដុល្លារ។

ប្រធានកិច្ចការបរទេសEU ៖ រុស្ស៊ីកំពុងជាន់ឈ្លីលើធម្មនុញ្ញUN ជាមួយនឹងសង្គ្រាមរបស់ខ្លួនលើអ៊ុយក្រែន

2023/09/18 01:17:25 pm        109
Facebook Telegram Linkin
លោក Josep Borrell តំណាងជាន់ខ្ពស់របស់សហភាពអឺរ៉ុបទទួលបន្ទុកកិច្ចការបរទេស និងគោលនយោបាយសន្តិសុខ បាននិយាយថា រុស្ស៊ីកំពុងជាន់ឈ្លីធម្មនុញ្ញអង្គការសហប្រជាជាតិជាមួយនឹងសង្គ្រាមប្រឆាំងនឹងអ៊ុយក្រែន។ សហភាពអឺរ៉ុបនឹងបញ្ជាក់ជាថ្មីម្តងទៀតនូវការគាំទ្ររបស់ខ្លួនចំពោះអ៊ុយក្រែន និងអំពាវនាវឲ្យមានកំណែទម្រង់នៅក្នុងមហាសន្និបាតUN។សប្តាហ៍នេះ គឺជាពេលវេលាដ៏សំខាន់សម្រាប់ពិភពលោក និងប្រព័ន្ធពហុភាគី។ ជាមួយនឹងសង្គ្រាមរបស់ខ្លួនប្រឆាំងនឹងអ៊ុយក្រែន ប្រទេសរុស្ស៊ី ដែលជាមហាអំណាចនុយក្លេអ៊ែរ និងជាសមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិ បានបំពានលើធម្មនុញ្ញអង្គការសហប្រជាជាតិ។ ទោះបីជាមានការអំពាវនាវម្តងហើយម្តងទៀតដោយមហាសន្និបាតUNឲ្យអនុវត្តតាមការទទួលខុសត្រូវរបស់ខ្លួនក៏ដោយ ក៏ប្រទេសរុស្ស៊ីកំពុងរារាំងក្រុមប្រឹក្សាសន្តិសុខពីការបំពេញតួនាទីរបស់ខ្លួន មិនត្រឹមតែនៅក្នុងប្រទេសអ៊ុយក្រែនប៉ុណ្ណោះទេ ថែមទាំងកន្លែងផ្សេងទៀតផងដែរ ដូច្នេះការគំរាមកំហែងដល់ភាពជឿជាក់នៃប្រព័ន្ធអង្គការសហប្រជាជាតិទាំងមូល»។យោងតាមលោក Borrell ដើម្បីស្ដារឡើងវិញនូវភាពស្របច្បាប់តែមួយគត់របស់អង្គការសហប្រជាជាតិ វាមានភាពចាំបាច់ជាបន្ទាន់ ធ្វើឲ្យក្រុមប្រឹក្សាសន្តិសុខកាន់តែមានភាពច្បាស់លាស់ ដើម្បីឆ្លុះបញ្ចាំងពីការផ្លាស់ប្តូរដែលបានកើតឡើង នៅក្នុងពិភពលោក និងជាពិសេសផ្តល់ឲ្យអាហ្វ្រិកនូវសំឡេងមួយ។

មេដឹកនាំបក្សប្រឆាំងកូរ៉េខាងត្បូង ចូលមន្ទីរពេទ្យ បន្ទាប់ពីកូដកម្មអត់អាហារ ខណៈរដ្ឋអាជ្ញាស្វែងរកការចាប់ខ្លួន

2023/09/18 01:09:10 pm        121
Facebook Telegram Linkin
មេដឹកនាំបក្សប្រឆំាងធំ របស់ប្រទេសកូរ៉េខាងត្បូងបានចូលមន្ទីរពេទ្យនៅថ្ងៃចន្ទទី១៨ ខែកញ្ញានេះ ជាច្រើនថ្ងៃក្នុងការធ្វើកូដកម្មបង្អត់អាហារ ក្នុងការតវ៉ាប្រឆាំងគោលនយោបាយរបស់រដ្ឋាភិបាល ខណៈរដ្ឋអាជ្ញាស្វែងរកដីការចាប់ខ្លួនលោក ជុំវិញបទចោទប្រកាន់អំពើពុករលួយ។លោក Lee Jae-myung មេដឹកនាំគណបក្សប្រជាធិបតេយ្យកូរ៉េ បានចាប់ផ្តើមតវ៉ាកាលពីថ្ងៃទី៣១ ខែសីហា ដោយលើកឡើងពី ការគ្រប់គ្រងមិនបានល្អសេដ្ឋកិច្ចរបស់រដ្ឋាភិបាល ការគំារមកំហែងចំពោះសេរីភាពប្រព័ន្ធផ្សព្វផ្សាយ និងការដែលមិនបានជំទាស់ចំពោះកាតបញ្ចេញទឹកសំណល់ពីរោងចក្រ Fukushima ក្នុងចំណោមហេតុផលផ្សេងទៀត។គណបក្សរបស់លោក បាននិយាយថា អតីតបេក្ខជនប្រធានាធិបតីរូបនេះ ត្រូវបានផ្ទេរទៅកាន់មន្ទីរពេទ្យពីរដ្ឋសភាជាតិ ក្នុងទីក្រុងសេអ៊ូល នៅព្រឹកថ្ងៃចន្ទនេះ បន្ទាប់ពីខ្សោះជាតិទឹក និងវិលមុខ។ លោក Kim Gi-hyeon ប្រធានគណបក្សអំណាចប្រជាជន ដែលកំពុងកាន់អំណាច បានទទូចឲ្យលោក Lee បញ្ឈប់ការអត់អាហារ ដោយនិយាយថាលោកបានត្រៀមពិភាក្សាជាមួយមេដឹកនាំប្រឆាំងលើបញ្ហាគោលនយោបាយជាច្រើន។ប៉ុន្មានម៉ោងបន្ទាប់ពីលោក Lee ត្រូវបានផ្ទេរទៅកាន់មន្ទីពេទ្យ ក្រុមរដ្ឋអាជ្ញា បាននិយាយថា ពួកគេបានស្នើសុំដីការចាប់ខ្លួនលោក ជាផ្នែកនៃការស៊ើបអង្កេតក្នុងគម្រោងអភិវឌ្ឍន៍និងបទចោទប្រកាន់ពីសំណូកសូកប៉ាន់។

ចិន៖ ខ្លួនពុំត្រូវបានស្នើសុំឲ្យចូលរួមក្នុងការបញ្ចេញទឹកវិទ្យុសកម្មពីរោងចក្រ Fukushima នោះទេ

2023/09/18 01:05:44 pm        87
Facebook Telegram Linkin
ស្ថានទូតចិននៅក្នុងប្រទេសជប៉ុន បាននិយាយនៅថ្ងៃចន្ទនេះថា ប្រទេសចិន ពុំត្រូវបានអញ្ជើញឲ្យចូលរួមក្នុងការវិភាគ និងធ្វើតេស្តត្រឹមត្រូវនៃទឹកមានសារធាតុពុលនុយក្លេអ៊ែរ ដែលត្រូវបានបញ្ចេញពីរោងចក្រថាមពលនុយក្លេអ៊ែរ Fukushima នោះទេ។ការថ្លែងដូច្នេះត្រូវបានធ្វើឡើង ក្នុងការឆ្លើយតបទៅនឹងការរាយការណ៍របស់ប្រព័ន្ធផ្សព្វផ្សាយ ដែលអះអាងថាប្រទេសចិន បានបដិសេធមិនចូលរួមក្នុងយន្តការពិនិត្យជាអន្តរជាតិរបស់ទីភ្នាក់ងារថាមពលអាតូមិកអន្តរជាតិ (IAEA)។ ស្ថានទូតបាននិយាយថា ប្រទេសចិន បាននិយាយជាថ្មីពីតម្រូវការដើម្បីបង្កើតការរៀបចំពិនិត្យជាអន្តរជាតិប្រកបដោយប្រសិទ្ធភាពនិងមានរយៈពេលវែង ដោយមានការចូលរួមពេញលេញពីបណ្តាប្រទេសជិតខាងនិងផ្នែកពាក់ព័ន្ធផ្សេងទៀត។

គម្រោងCAPFishជួយជំរុញឱ្យសិប្បកម្មនៅខេត្តកំពង់ធំ គោរពស្តង់ដារសុវត្ថិភាពម្ហូបអាហារ

2023/09/18 12:04:51 pm        199
Facebook Telegram Linkin
ភ្នំពេញ៖ គម្រោងអភិវឌ្ឍន៍ជលផលក្រោយប្រមូលផល(CAPFish-Capture) អនុវត្តរួមគ្នាដោយរដ្ឋបាលជលផល និងអង្គការសហប្រជាជាតិដើម្បី​អភិវឌ្ឍន៍​ឧហ្សាហកម្ម(UNIDO) ក្រោម​សហហិរញ្ញប្បទានពីសហភាពអឺរ៉ុប ​បានជំរុញឱ្យសហគ្រាសនៅខេត្តកំពង់ធំ អនុវត្តស្តង់ដារ​សុវត្ថិភាពម្ហូបអាហារ។បន្ទាប់ពីទទួលបានការគាំទ្រពីគម្រោង CAPFish-Capture ​សិប្បកម្មផលលិតត្រីងៀត សួង សោភ័ណ ស្ថិតនៅស្រុកស្ទោង ​ខេត្តកំពង់ធំ​ បានអនុវត្តស្តង់ដារ ​CQS ​និងបង្កើនកើនការផលិតក្នុងមួយខែៗ និងទទួលបានប្រាក់ចំណូល​ច្រើនជាងមុនផងដែរ។ នេះបើតាមលោក សួង សោភ័ណ ​ម្ចាស់សិប្បកម្មបានប្រាប់អ្នកសារព័ត៌មាន ក្នុងពេលលោកជំទាវ អ៊ឹម រចនា អនុរដ្ឋលេខាធិការ ​និងជាអ្នកនាំពាក្យក្រសួងកសិកម្ម រុក្ខាប្រមាញ់ ​និងនេសាទ នៅព្រឹកថ្ងៃទី១៨ខែកញ្ញានេះ បន្តដឹកនាំគណៈប្រតិភូមកពីក្រសួងកសិកម្ម ​អង្គការUNIDO និង​អ្នកសារព័ត៌មានចំនួន១៩ស្ថាប័ន ​ទៅទស្សកិច្ចខ្សែចង្វាក់ផលិតកម្មម្ចាស់​សហគ្រាសកែច្នៃត្រី សួង សោភ័ណស្ថិតនៅស្រុកស្ទោង ខេត្តកំពង់ធំ។ លោក សួង សោភ័ណ បន្តថា ​មុនពេលមិនទាន់រួមចូលអនុវត្តគម្រោង មុខរបបខ្ញុំធ្វើ​លក្ខណៈបែប​គ្រួរសារ​តែលូវយើងមានបុគ្គលិកចូលធ្វើការជិត១០នាក់​ និងមាន​ទីផ្សារល្អផងដែរ។ការមានបុគ្គលិកនេះ ​ព្រោះតែតំរូវការមានកើនឡើង។លោកជំទាវ អ៊ឹម រចនា​ អនុរដ្ឋលេខាធិការ ​និងជាអ្នកនាំពាក្យក្រសួងកសិកម្មរុក្ខាប្រមាញ់ និងនេសាទ បានមានប្រសាសន៍ថា ​សុវត្ថិភាពម្ហូបអាហារ ​មានសារៈសំខាន់ណាស់សម្រាប់​សុខភាព​របស់មនុស្សគ្រប់រូប។ ​លើសពីនេះ លោកជំទាវ ​បានលើកឡើងពីការចូលរួមចំណែក​របស់​គម្រោងCAPFISH-Capture ​ក្នុងការជំរុញឱ្យដៃគូពាក់ព័ន្ធផលិតម្ហូប​អាហារ​ឱ្យ​មានសុវត្ថិភាព មាន​ស្តង់ដារ លក់ក្នុងតម្លៃសមរម្យ ​ឱ្យអ្នកប្រើប្រាស់មានលទ្ធភាពទិញ​បរិភោគ ដើម្បីកាត់បន្ថយ​ការចំណាយ ​ទើបអាចប្រកួតប្រជែងនៅលើទីផ្សារជាតិ និងអន្តរជាតិ។ ដំណើរទស្សនកិច្ចសិក្សា និង​ផ្សព្វផ្សាយ​អំពីសហគ្រាសជលផល​ក្រោយ​ប្រមូលផលដែល​ទទួលផល​ពីគម្រោង CAPFish បានចាប់ផ្តើមតាំងពីថ្ងៃទី១៧ ​រហូតដល់ថ្ងៃទី២០​ ខែកញ្ញា ​ឆ្នាំ២០២៣ ស្ថិតនៅ រាជធានីភ្នំពេញ ​ខេត្តកណ្តាល​ កំពង់ធំ​ និងខេត្តសៀមរាប៕ អត្ថបទ៖ទូច សោភ័ណ

សម្តេច ឃួន សុដារី ស្វាគមន៍ការពង្រឹងកិច្ចសហប្រតិបត្តិការជាមួយប្រទេសតួកគី

2023/09/18 11:52:44 am        151
Facebook Telegram Linkin
ភ្នំពេញ៖ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា បានមានប្រសាសន៍គូសបញ្ជាក់ថា កម្ពុជាស្វាគមន៍ការពង្រឹងពង្រីកទំនាក់ទំនងកិច្ច​សហប្រតិបត្តិការ​ជាមួយប្រទេសតួកគី​ក៏ដូចជាមួយប្រទេសជាមិត្តដទៃទៀត ​ដើម្បីសម្រេចបាននូវផែនការ​របស់​រាជរដ្ឋាភិបាលនីតិកាលទី៧ ​នៃរដ្ឋសភា ក្នុងការប្រែក្លាយកម្ពុជាជាប្រទេសមាន​ចំណូល​មធ្យមកម្រិតខ្ពស់​ នៅឆ្នាំ២០៣០ ​និងជាប្រទេសមានចំណូលខ្ពស់ នៅឆ្នាំ២០៥០។ សម្តេចមហារដ្ឋសភាធិការធិបតី ឃួន សុដារី មានប្រសាសន៍បញ្ជាក់បែបនេះ ក្នុងឱកាសអនុញ្ញាតឱ្យលោកជំទាវ អ៊ុលគូ កូចាអេហ្វេ (Ülkü Kocaefe) ឯកអគ្គរដ្ឋទូត នៃសាធារណរដ្ឋតួកគី ប្រចាំនៅកម្ពុជា ចូលជួបសម្តែងការគួរសម និងពិភាក្សាការងារ នាព្រឹកថ្ងៃទី១៨ ខែកញ្ញា ឆ្នាំ២០២៣ នៅវិមានរដ្ឋសភា។នៅក្នុងឱកាសនោះសម្តេចរដ្ឋសភាធិបតី ប្រធានរដ្ឋសភា មានក្តីសោមនស្សរីករាយ និងបាន​ស្វាគមន៍យ៉ាង​កក់ក្តៅចំពោះ លោកជំទាវ អ៊ុលគូ កូចាអេហ្វេ ដែលទទួលបាននូវសេចក្តីទុកចិត្ត​ពី​រដ្ឋាភិបាលតួកគី តែងតាំងជាឯកអគ្គរដ្ឋទូតប្រចាំនៅកម្ពុជា។រដ្ឋសភាកម្ពុជាពេញចិត្តចំពោះទំនាក់ទំនង ​និងកិច្ចសហប្រតិបត្តិការទ្វេភាគីរវាងប្រទេសទាំងពីរ ហើយ​មានសុទិដ្ឋិនិយមថា​ ក្នុងអាណត្តិការទូតរបស់លោកជំទាវកម្ពុជា-តួកគី នឹងបន្តពង្រឹងពង្រីក​ទំនាក់ទំនង និងកិច្ចសហប្រតិបត្តិការរវាងគ្នា ព្រមទាំងលើកកម្ពស់បន្ថែមទៀត ដើម្បី​ជាឧត្តម​ប្រយោជន៍​ដល់ប្រទេស និងផលប្រយោជន៍ប្រជាជននៃប្រទេសទំាងពីរ។ សម្តេចរដ្ឋសភាធិបតីបានលើកឡើងថា​ បេសកកម្មការទូតរបស់លោកជំទាវនៅកម្ពុជានាពេលនេះ មានសារៈសំខាន់ណាស់ ពីព្រោះចំពេលដែលប្រទេសកម្ពុជា​ បានធ្វើការផ្លាស់ប្តូរអ្នកដឹកនាំបន្តវេន ប្រកបដោយសន្តិភាព និងដោយរលូន គ្មានអំពើហិង្សា ដែលជាព្រឹត្តិការណ៍ប្រវត្តិសាស្រ្ត​ក្នុងរយៈ៥០០ឆ្នាំរបស់ខ្លួន។សម្តេចរដ្ឋសភាធិបតី បានស្នើដល់ប្រទេសតួកគីជួយជំរុញទំនាក់ទំនងពាណិជ្ជកម្ម​ប្រទេសទំាង​ពីរឱ្យកើនឡើង​ ជួយបណ្តុះបណ្តាលធនធាមនុស្ស​ ជួយលើកកម្ពស់ភាពក្លាហានរបស់ស្រ្តីនៅកម្ពុជា ជាពិសេសការជួយលើកកម្ពស់ទំនាក់ទំនង​ទ្វេភាគី រវាងរដ្ឋសភាប្រទេសទំាងពីរ។លោកជំទាវ អ៊ុលគូ ​កូចាអេហ្វេ បានជម្រាបជូនសម្តេចរដ្ឋសភាធិបតី ពីការរីកចម្រើនដ៏ឆាប់រហ័ស​នៃកិច្ចសហប្រតិបត្តិការប្រទេសទំាងពីរនៅក្នុងរយៈពេលចុងក្រោយនេះ ពោលគឺទំហំពាណិជ្ជកម្ម​កម្ពុជា តួកគី បានកើនឡើងគួរឱ្យកត់សម្គាល់។ ​ចំណែកទំនាក់ទំនងរវាងប្រជាជននិងប្រជាជនវិញ គឺតួកគីបានបើកសាលាបណ្តុះបណ្តាលភាសាតួកគីនៅកម្ពុជា ​ដែលរហូតមកដល់ពេលនេះ មានយុវជន​កម្ពុជាប្រមាណ ៦០នាក់ បានកំពុងសិក្សាភាសាតួកគី។សូមជម្រាបថា ប្រទេសកម្ពុជា ​និងតួកគីបានបង្កើតទំនាក់ទំនងការទូតជាមួយគ្នាតំាងពីឆ្នាំ១៩៥៩ នៅក្នុងរយៈពេលចុងក្រោយនេះទំនាក់ទំនងកិច្ចសហប្រតិបត្តិការប្រទេសទំាងពីរ បានពង្រឹងពង្រីក​និងលើកកម្ពស់ដោយសម្តេចតេជោ ហ៊ុន សែន អតីតនាយករដ្ឋមន្រ្តី និងថ្នាក់ដឹកនាំរបស់តួកគី។ តួកគី ជាប្រទេសមានសក្តានុពល ដោយសារជាស្ពានភ្ជាប់ទំនាក់ទំនងអាស៊ីទៅអឺរ៉ុប៕

លោកលូកាសិនកូ អះអាងថា ប្រជាជនបេឡារុស គឺជា«ប្រជាជាតិដែលស្រឡាញ់សន្តិភាពបំផុត» ហើយនឹងមិនមានសង្រ្គាម នៅក្នុងប្រទេសបេឡារុសនោះទេ

2023/09/18 10:44:34 am        130
Facebook Telegram Linkin
បេឡារុស៖ប្រធានាធិបតីស្វ័យប្រកាសបេឡារុស លោក អាឡិចសានឌឺ លូកាសិនកូ ( Alexander Lukashenko) បាននិយាយថា នឹងមិនមានសង្គ្រាមលើទឹកដីបេឡារុសទេក្នុងលក្ខខណ្ឌបច្ចុប្បន្ននេះ។ថ្លែងទៅកាន់ប្រជាជនបេឡារុសនៅថ្ងៃនេះ ក្នុងនាមប្រធានាធិបតី និងជាអគ្គមេបញ្ជាការកងទ័ព ខ្ញុំចង់ធានាចំពោះអ្នកទាំងអស់គ្នាថា យើងមិនចង់ប្រយុទ្ធគ្នាតទៅទៀតទេ ហើយយើងនឹងមិនប្រយុទ្ធគ្នាទេ ហើយនឹងពុំមានសង្រ្គាមនៅលើទឹកដីនៃប្រទេសបេឡារុស ក្នុងលក្ខខណ្ឌបច្ចុប្បន្ននេះទេ ព្រោះវាមិនអាចទៅរួចទេ»។ក្នុងពេលជាមួយគ្នានោះ លោកលូកាសិនកូ បានបញ្ជាក់ថា ប្រសិនបើមានអ្វីកើតឡើង ព្រះជាម្ចាស់ហាមឃាត់ យើងទាំងអស់គ្នា នឹងក្លាយជាបន្ទាយBrest យើងនឹងការពារទឹកដីរបស់យើងរហូតដល់ដំណាក់កាលចុងក្រោយ។ [បន្ទាយ Brest គឺជាវិមានដ៏សំខាន់បំផុតមួយក្នុងសម័យសង្គ្រាមលោកលើកទី២របស់សូវៀត ដែលល្បីល្បាញ ដោយសាររឿងទាហានសូវៀតការពារវាយ៉ាងអង់អាចប្រឆាំងនឹងកងទ័ពអាល្លឺម៉ង់ នៅថ្ងៃដំបូងៗនៃប្រតិបត្តិការ Barbarossa (បាបារ៉ូសសា)។]លោកប្រធានាធិបតីស្វ័យប្រកាសរូបនេះ ក៏បានធានាចំពោះក្រុមតំណាងប្រជាជនជិតខាង រួមទាំងប្រជាជនអ៊ុយក្រែនផងដែរថា បេឡារុសជា «ប្រទេសដែលស្រឡាញ់សន្តិភាពបំផុតនៅលើផែនដីនេះ»៕

ប្រទេសម៉ាលី នីហ្សេ និងបួរគីណា ហ្វាសូ បានចុះកិច្ចព្រមព្រៀងសន្តិសុខ

2023/09/18 10:42:07 am        57
Facebook Telegram Linkin
ម៉ាលី៖ ប្រទេសម៉ាលី នីហ្សេ និងបួរគីណា ហ្វាសូ ដែលជាប្រទេសអាហ្វ្រិកខាងលិចចំនួនបីគ្រប់គ្រងដោយរបបយោធា បានចុះហត្ថលេខាលើកិច្ចព្រមព្រៀងសន្តិសុខកាលពីថ្ងៃសៅរ៍ (១៦ កញ្ញា) ដោយសន្យាថា នឹងមកជួយគ្នាទៅវិញទៅមកក្នុងករណីមានការបះបោរ ឬការឈ្លានពានពីខាងក្រៅ។ប្រទេសទាំងបី កំពុងជួបការលំបាកក្នុងការទប់ស្កាត់ក្រុមបះបោរអ៊ីស្លាម ដែលមានទំនាក់ទំនងជាមួយក្រុមអាល់កៃដា និងរដ្ឋឥស្លាម ហើយក៏បានមើលឃើញទំនាក់ទំនងរបស់ពួកគេជាមួយប្រទេសជិតខាង និងដៃគូអន្តរជាតិ មានភាពតានតឹងដោយសារតែរដ្ឋប្រហារផងដែរ។រដ្ឋទាំងបីនេះ ធ្លាប់ជាសមាជិកនៃកងកម្លាំងសម្ព័ន្ធភាពទាំង៥ (G5) របស់តំបន់ដ៏ក្រីក្រ សាហែល (Sahel) អាហ្រ្វិក ដែលគាំទ្រដោយបារាំង ជាមួយប្រទេសឆាដ និងម៉ូរីតានី ដោយបានចាប់ផ្តើមនៅឆ្នាំ២០១៧ ដើម្បីដោះស្រាយបញ្ហាក្រុមអ៊ីស្លាមនៅក្នុងតំបន់ ប៉ុន្តែទំនាក់ទំនងរវាងប្រទេសបារាំង និងរដ្ឋទាំងបីនេះ បានប្រេះស្រាំចាប់តាំងពីមានរដ្ឋប្រហារមក។ប្រទេសបារាំង ត្រូវបានបង្ខំឱ្យដកទ័ពរបស់ខ្លួនចេញពីប្រទេសម៉ាលី និងបួរគីណា ហ្វាសូ ហើយកំពុងស្ថិតក្នុងភាពតានតឹងជាមួយរបបយោធា ដែលបានដណ្តើមអំណាចនៅនីហ្សេ បន្ទាប់ពីប្រទេសនេះបានស្នើសុំឱ្យបារាំងដកទ័ព និងឯកអគ្គរដ្ឋទូតរបស់ខ្លួន៕

បណ្ដាញសង្គម

ព័ត៌មានថ្មីៗ

អាស៊ាន សម្លឹងរកដំណោះស្រាយសន្តិសុខថាមពលយូរអង្វែង និងភាពធន់ក្នុងពេលមានភាពមិនច្បាស់លាស់សកល
05/06/2026 04:05 PM
Facebook Telegram Linkin
អ្នកជំនាញវិទ្យាសាស្ត្រនយោបាយ៖ ថៃកំពុងបាត់ទំនុកចិត្តលើឆាកអន្តរជាតិបន្ទាប់ពីលុបចោល MoU 2001
05/06/2026 04:05 PM
Facebook Telegram Linkin
គុយបាចោទប្រកាន់លោក Rubio ថា បាននិយាយកុហក អំពីការបិទខ្ទប់ផ្លូវប្រេង
05/06/2026 04:05 PM
Facebook Telegram Linkin
រដ្ឋមន្ត្រីការបរទេសអាល្លឺម៉ង់ គាំទ្រប្រតិបត្តិការ «ដ៏ចាំបាច់» របស់យោធាអ៊ីស្រាអែល នៅលីបង់
05/06/2026 03:05 PM
Facebook Telegram Linkin
ប្រជាជនពិនិត្យមើលការខូចខាត ក្រោយការផ្ទុះសម្លាប់មនុស្ស២៦នាក់នៅរោងចក្រផលិតកាំជ្រួចចិន
05/06/2026 03:05 PM
Facebook Telegram Linkin
ក្រុមហ៊ុនដឹកជញ្ជូនបារាំងនិយាយថា នាវាដឹកកុងតឺន័រ ត្រូវរងការវាយប្រហារនៅច្រកសមុទ្រហ័រមូស
05/06/2026 03:05 PM
Facebook Telegram Linkin
Vincent Kompany៖ Bayern Munich ត្រៀមរួចរាល់ក្នុងការកក់កៅអីវគ្គផ្តាច់ព្រ័ត្រ Champions League
05/06/2026 03:05 PM
Facebook Telegram Linkin
អូស្ត្រាលី៖ ពលរដ្ឋជាប់ពាក់ព័ន្ធជាមួយរដ្ឋអ៊ីស្លាមនៅជំរំប្រទេសស៊ីរី មានផែនការទៅប្រទេសវិញ ប៉ុន្តែគ្មានជំនួយ
05/06/2026 03:05 PM
Facebook Telegram Linkin
ចក្រភពអង់គ្លេសប្រកាសបានផ្តល់ជំនួយ ១.៦ លានផោនរយៈពេល១ឆ្នាំ គាំទ្រដល់ការងារបោសសម្អាតមីន និងអប់រំការយល់ដឹងអំពីយុទ្ធភណ្ឌគ្រឿងផ្ទុះនៅកម្ពុជា
05/06/2026 03:05 PM
Facebook Telegram Linkin
រាជរដ្ឋាភិបាលវាយតម្លៃសារជាថ្មីលើវិស័យចម្បងៗដែលទ្រទ្រង់កំណើនសេដ្ឋកិច្ច​ឆ្នាំ២០២៦
05/06/2026 03:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.