នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធានក្រុមការងារគណបក្សចុះមូលដ្ឋាន អញ្ជើញបើកការដ្ឋានសាងសង់​ផ្លូវលំ​ប្រវែង ៥.៧០០​ម៉ែត្រ ស្ថិតក្នុងស្រុកប្រាសាទបល្ល័ង្ក ខេត្តកំពង់ធំ
សម្ដេចតេជោ ចាត់ទុក អតីតរដ្ឋមន្ត្រីការពារជាតិវៀតណាម ជាមិត្តចាស់របស់កម្ពុជា
ឯកឧត្តម ចាយ បូរិន អញ្ជើញចុះសួរសុខទុក្ខនិងនាំយកអំណោយដ៏ថ្លៃថ្លារបស់ សម្តេចមហាបរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនឯកឧត្តម កង ណម នៅគេហដ្ឋាន
មន្ត្រីជាន់ខ្ពស់ក្រសួងអភិវឌ្ឍន៍ជនបទ ចុះត្រួតពិនិត្យ និងវាយតម្លៃលើ​ការងារ​ស្ថាបនា​ផ្លូវ នៅ​ទីតាំង​ដីសម្បទានសង្គមកិច្ច ខេត្តឧត្តរមានជ័យ

នយោបាយ​ និង ការអភិវឌ្ឍន៍

អ៊ីស្រាអែលអះអាងថា ខ្លួនបានរកឃើញសារធាតុផលិតគ្រាប់រ៉ុក្កែតចំនួន១៦តោន ដែលដឹកចេញពីទួរគីទៅតំបន់ហ្គាហ្សា

2023/09/15 10:41:49 am        103
Facebook Telegram Linkin
អាជ្ញាធរគយរបស់អ៊ីស្រាអែល បាននិយាយកាលពីថ្ងៃព្រហស្បតិ៍ថា ខ្លួនបានរកឃើញសម្ភារៈចំនួន១៦ តោនដែលប្រើសម្រាប់ផលិតគ្រាប់រ៉ុក្កែតក្នុង អំឡុងពេលត្រួតពិនិត្យការដឹកជញ្ជូនទំនិញពីប្រទេសទួរគីឆ្ពោះទៅតំបន់ហ្គាហ្សា ដែលក្រុមហាម៉ាសដែលកំពុងកាន់អំណាច បានច្រានចោលថាជាការប្រឌិត។អាជ្ញាធរគយ បាននិយាយថា ខ្លួនបានបញ្ឈប់សម្រាប់ការត្រួតពិនិត្យក្នុងខែកក្កដានូវកុងតឺន័រចំនួនពីរ ដែលផ្ទុកទំនិញចំនួន៥៤តោនដែលគេសន្មតថា ជាថង់ម្នាងសិលា។អាជ្ញាធរនេះ បានបន្ថែមថា ការធ្វើតេស្តនៅមន្ទីរពិសោធន៍ បានបញ្ជាក់ថា ថង់មួយចំនួនមានផ្ទុកសារធាតុអាម៉ូញ៉ូមក្លរីន ដែលត្រូវគេបាននិយាយថា ត្រូវបានប្រើប្រាស់ដោយក្រុមមួយចំនួន នៅក្នុងតំបន់ហ្គាហ្សា«ដើម្បីផលិតគ្រាប់រ៉ុក្កែត ដែលត្រូវបានបាញ់សំដៅទៅប្រទេសអ៊ីស្រាអែល»។នៅតំបន់ហ្គាហ្សា អ្នកនាំពាក្យក្រុមហាម៉ាស លោក Hazem Qassem បានពណ៌នារបាយការណ៍នេះថា «ភូតកុហក»។លោក Qassem បានប្រាប់សារព័ត៌មានរ៉យទ័រថា៖«ការចាប់បានសារធាតុនេះ កំពុងក្លែងបន្លំជាធ្វើលេស ដើម្បីរឹតបន្តឹងការបិទផ្លូវនៅតំបន់ហ្គាហ្សា»។

អ្នកជំនាញ៖ អាមេរិកចង់ពិភាក្សាជាមួយកូរ៉េខាងជើង ប៉ុន្តែមិនចេះពីវិធីទំនាក់ទំនង

2023/09/15 10:38:19 am        99
Facebook Telegram Linkin
អស់ជាច្រើនទសវត្សរ៍មកហើយ ដែលលោកខាងលិច និងជាពិសេសទីក្រុងវ៉ាស៊ីនតោន បានសួរខ្លួនឯងនូវសំណួរថា តើអាចដោះស្រាយបញ្ហាដូចកូរ៉េខាងជើងដោយរបៀបណា?ឥឡូវនេះ បញ្ហានោះអាចជារឿងបន្ទាន់ជាងពេលណាៗទាំងអស់ ខណៈរបបដាក់ទណ្ឌកម្មយ៉ាងធ្ងន់ធ្ងររបស់លោក គីម ជុងអ៊ុន និងលោក វ្ល៉ាឌីមៀ ពូទីន បានឈានចូលដល់អ្វីដែលហាក់ដូចជាយុគសម័យថ្មីនៃមិត្តភាព ប៉ុន្តែអាមេរិកហាក់ដូចជាមិនអាចធ្វើអ្វីបានទាល់តែសោះ។ដូច្នេះ តើប្រធានាធិបតីអាមេរិក លោក ចូ បៃដិន ដែលកំពុងមមាញឹកក្នុងការបង្កើតសម្ព័ន្ធភាពដើម្បីប្រឆាំងនឹងប្រទេសចិននោះ អាចនាំមេដឹកនាំកូរ៉េខាងជើងដ៏រឹងរូសមកតុចចារបានដោយរបៀបណា?ក្នុងអំឡុងពេលទស្សនកិច្ចទៅកាន់ទីក្រុងសេអ៊ូល ប្រទេសកូរ៉េខាងត្បូង កាលពីខែឧសភាឆ្នាំមុន លោកប្រធានាធិបតី បៃដិន ត្រូវបានសាកសួរដោយអ្នកសារព័ត៌មានថា តើលោកមានអ្វីចង់ផ្ដាំផ្ញើ ឬនិយាយទៅកាន់លោក គីម ដែរឬទេនោះ លោកបៃដិន ឆ្លើយថា «ជំរាបសួរ និងជំរាបលា»។ លោក Frank Aum អ្នកជំនាញអាស៊ីភាគឦសាន មកពីវិទ្យាស្ថានសន្តិភាពសហរដ្ឋអាមេរិក មាននិយាយថា នេះជាឱកាសមួយទៀតដែលអាមេរិកខកខាន ដោយបន្ថែមថា «ការខកខាន និងការបាត់បង់ឱកាសរបស់ភាគីទាំងពីរក្នុងការចចារ កើតឡើងជាបន្តបន្ទាប់ក្នុងរយៈពេលប្រាំពីរទស្សវត្សរ៍ចុងក្រោយនេះ នាំឱ្យស្ថានការណ៍របស់កូរ៉េខាងជើងមិនអាចដោះស្រាយបាន ដែលយើងកំពុងប្រឈមមុខសព្វថ្ងៃនេះ។ អាមេរិកចង់ចូលរួមជជែកពិភាក្សាជាមួយកូរ៉េខាងជើង ប៉ុន្តែពួកគេមិនចេះពីវិធីក្នុងការទំនាក់ទំនង និងមិនដឹងថាត្រូវចាត់វិធានការយ៉ាងណាដើម្បីដោះស្រាយបញ្ហាកូរ៉េខាងជើងនោះទេ»៕

ចក្រភពអង់គ្លេស បារាំង និងអាល្លឺម៉ង់ គ្រោងរក្សាទណ្ឌកម្មនុយក្លេអ៊ែរបាលិស្ទិកលើអ៊ីរ៉ង់

2023/09/15 10:34:38 am        110
Facebook Telegram Linkin
ចក្រភពអង់គ្លេស បារាំង និងអាល្លឺម៉ង់ បាននិយាយកាលពីថ្ងៃព្រហស្បតិ៍ថា ពួកគេនឹងរក្សាទណ្ឌកម្មដែលទាក់ទងនឹងការរីកសាយភាយអាវុធនុយក្លេអ៊ែរ និងមីស៊ីលបាលិស្ទិកលើប្រទេសអ៊ីរ៉ង់ ដែលនឹងត្រូវផុតកំណត់ក្នុងខែតុលា ក្រោមកិច្ចព្រមព្រៀងនុយក្លេអ៊ែរអ៊ីរ៉ង់ឆ្នាំ២០១៥ ដែលជាជំហានមួយអាចបង្កឲ្យមានការសងសឹកពីអ៊ីរ៉ង់។សារព័ត៌មានរ៉ទ័រ បានរាយការណ៍ជាលើកដំបូងនៅក្នុងខែមិថុនាថា ក្រុមអ្នកការទូតអឺរ៉ុបបានប្រាប់អ៊ីរ៉ង់ថា ពួកគេមានផែនការរក្សាវិធានការនេះ។អ្នកនាំពាក្យរបស់ប្រទេសទាំងបី ដែលគេស្គាល់ថា E3 បាននិយាយនៅក្នុងសេចក្តីថ្លែងការណ៍មួយថា៖«ជាការឆ្លើយតបដោយផ្ទាល់ទៅនឹងការមិនអនុវត្តតាមកាតព្វកិច្ច JCPoA (ផែនការសកម្មភាពរួមគ្រប់ជ្រុងជ្រោយ)របស់អ៊ីរ៉ង់ឲ្យបានជាប់លាប់ និងហ្មត់ចត់ ចាប់តាំងពីឆ្នាំ២០១៩មក រដ្ឋាភិបាលនៃប្រទេសបារាំង អាល្លឺម៉ង់ និងចក្រភពអង់គ្លេស មានបំណងរក្សាវិធានការទាក់ទងនឹងការសាយភាយនុយក្លេអ៊ែរលើប្រទេសអ៊ីរ៉ង់ ក៏ដូចជាការហាមឃាត់អាវុធ និងមីស៊ីល បន្ទាប់ពីទិវាផ្លាស់ប្តូរផែនការសកម្មភាពគ្រប់ជ្រុងជ្រោយរួម (JCPoA) នៅថ្ងៃទី១៨ ខែតុលា ឆ្នាំ២០២៣។ប្រភពអឺរ៉ុបជាច្រើន បានលើកឡើងពីហេតុផលបីយ៉ាងសម្រាប់ការរក្សាការដាក់ទណ្ឌកម្មគឺ រុស្ស៊ីប្រើប្រាស់យានដ្រូនរបស់អ៊ីរ៉ង់ប្រឆាំងនឹងអ៊ុយក្រែន។ លទ្ធភាពដែលអ៊ីរ៉ង់អាចបញ្ជូនមីស៊ីលបាលិស្ទិកទៅប្រទេសរុស្ស៊ី និងការដកហូតផលប្រយោជន៍របស់អ៊ីរ៉ង់ពីកិច្ចព្រមព្រៀងនុយក្លេអ៊ែរន ដោយសារទីក្រុងតេអេរ៉ង់ បានរំលោភលើកិច្ចព្រមព្រៀងនេះ ទោះបីជាសហរដ្ឋអាមេរិក បានធ្វើដូច្នេះមុនក៏ដោយ។

សម្ដេចមធិបតី ហ៊ុន ម៉ាណែត ​ជួបពិភាក្សាការងារជាមួយ​ប្រធានគណៈកម្មាធិការអចិន្ត្រៃយ៍នៃសភាប្រជាជនចិន

2023/09/15 10:19:44 am        118
Facebook Telegram Linkin
សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានជួបពិភាក្សាការងារជាមួយ ឯកឧត្តម ចាវ ឡឺជី (Zhao Leji) ប្រធានគណៈកម្មាធិការអចិន្ត្រៃយ៍នៃសភាប្រជាជនចិន ក្នុងជំនួបសម្តែងការគួរសម និងពិភាក្សាការងារ នៅមហាវិមានប្រជាជន រដ្ឋធានីប៉េកាំង សាធារណរដ្ឋប្រជាមានិតចិន នៅព្រឹកថ្ងៃសុក្រទី១៥ ខែកញ្ញា ២០២៣ ។

ពលរដ្ឋខ្មែររស់នៅក្រៅស្រុកត្រៀមខ្លួនរួចជាស្រេច ដើម្បីទទួលសម្តេចធិបតី ហ៊ុន ម៉ាណែត លើទឹកដីអាមេរិក

2023/09/15 10:11:38 am        103
Facebook Telegram Linkin
បងប្អូនប្រជាពលរដ្ឋខ្មែរ បានប្រកាសស្វាគមន៍វត្តមានរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ដែលនឹងទៅចូលរួមមហាសន្និបាតអង្គការសហប្រជាជាតិលើកទី៧៨ (UN) នៅសហរដ្ឋអាមេរិក នាចុងខែកញ្ញា ឆ្នាំ២០២៣ខាងមុខ។តាមរយៈវីដេអូឃ្លីបបានចេញជាបន្តបន្ទាប់ ជាក្រុមផង និងម្នាក់ឯងផង ​បងប្អូនប្រជាពលរដ្ឋខ្មែរ ដែលរស់នៅរដ្ឋផ្សេងៗគ្នា នាសហរដ្ឋអាមេរិក ប្រទេសកាណាដា និងប្រទេសមួយចំនួនទៀត បានលើកឡើងថា ពួកគាត់ពិតជាសប្បាយចិត្តយ៉ាងខ្លាំង និងត្រៀមខ្លួនរួចជាស្រេច​ដើម្បីទទួលសម្តេចធិបតី ហ៊ុន ម៉ាណែត លើទឹកដីអាមេរិក។សូមបញ្ជាក់ថា ​សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នឹងធ្វើដំណើរទៅកាន់សហរដ្ឋ​អាមេរិក​នៅចុងខែកញ្ញា ​ឆ្នាំ២០២៣ខាងមុខនេះ ដើម្បីចូលរួម​មហាសន្និបាតអង្គការ​សហប្រជាជាតិលើកទី៧៨(UN)។នៅក្នុងអំឡុងពេលដំណើរទស្សនកិច្ចជាលើកដំបូងលើទឹកដី​អាមេរិក បន្ទាប់ពី​សម្តេចត្រូវបាន​តែងតាំង​ជានាយករដ្ឋមន្រ្តីកម្ពុជា​ នីតិកាលទី៧នេះ សម្តេចធិបតី ​នឹងជួបជាមួយមន្ត្រីជាន់ខ្ពស់ និងអ្នកធ្វើធុរកិច្ចរបស់អាមេរិក ​និងបងប្អូនប្រជាពលរដ្ឋខ្មែរដែលកំពុងរស់នៅទី ​នោះផងដែរ។តាមរយៈវីដេអូឃ្លីបរបស់បងប្អូនប្រជាពលរដ្ឋខ្មែរ ​ដែលកំពុងរស់នៅក្រៅប្រទេសទាំងនោះក៏បាន បង្ហាញនូវទឹកចិត្តស្រលាញ់គាំទ្រ និងជូនពរដល់សម្តេច​ធិបតី​ ធ្វើដំណើរទៅកាន់​សហរដ្ឋ​អាមេរិកប្រកបដោយសុវត្ថិភាព និងទទួលបានជោគជ័យគ្រប់ភារកិច្ចផងដែរ៕អត្ថបទបាន ចក់

សម្ដេចធិបតី ហ៊ុន ម៉ាណែត អញ្ជើញជួបពិភាក្សាការងារជាមួយ ឯកឧត្ដម ស៊ី ជីនពីង (Xi Jinping) ប្រធានាធិបតីចិន

2023/09/15 09:37:08 am        167
Facebook Telegram Linkin
សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជួបពិភាក្សាការងារជាមួយ ឯកឧត្ដម ស៊ី ជីនពីង (Xi Jinping) ប្រធានាធិបតី នៃសាធារណរដ្ឋប្រជាមានិតចិន នៅមហាវិមានប្រជាជន រដ្ឋធានីប៉េកាំង នៅព្រឹកថ្ងៃទី១៥ ខែកញ្ញានេះ។

តាមបណ្តាវត្តអារាមនៅភ្នំពេញ ចាប់ផ្តើមរៀបចំវត្តត្រៀមធ្វើបុណ្យកាន់បិណ្ឌ និងភ្ជុំបិណ្ឌ

2023/09/14 03:37:31 pm        174
Facebook Telegram Linkin
ភ្នំពេញ៖នៅសល់រយៈពេលប្រមាណ១៥ថ្ងៃទៀតប៉ុណ្ណោះ ​ពិធីបុណ្យកាន់បិណ្ឌថ្ងៃទី១ នឹងឈានចូលមកដល់ ។ដើម្បីធ្វើឲ្យពិធីនេះមានភាព​អធិកអធម​ទាក់ទាញប្រជាពុទ្ធបរិស័ទមកធ្វើបុណ្យកាន់បិណ្ឌ និង​ភ្ជុំបិណ្ឌមានសុវត្ថិភាព ​ភាពកក់ក្តៅ​ និងជំរុញឲ្យវត្តអារ៉ាមក្លាយជាវត្តទេសចរណ៍ផងដែរនោះ ព្រះសង្ឃតាមវត្តនៅភ្នំពេញ​ និងអាចារ្យជាដើម ​បានសហការចាប់ផ្តើមរៀបចំវត្ត ដើម្បីរៀបចំពិធីបុណ្យនេះ​ឲ្យបានល្អប្រសើរបំផុត។បើតាមព្រះបវរសត្ថា ហួរ សារិទ្ធិ ព្រះគ្រូសូធ្យស្តាំវត្តលង្កា មានថេរដីកា​ប្រាប់BTV នៅថ្ងៃទី១៤ ខែកញ្ញានេះថា ពិធីបុណ្យកាន់បិណ្ឌ ភ្ជុំបិណ្ឌ ជាបុណ្យប្រពៃណីដ៏សំខាន់របស់ពុទ្ធសាសនិកជន ខ្មែរគ្រប់ៗរូបដែលតែងតែប្រារព្ធធ្វើជារៀងរាល់ឆ្នាំ ​ដើម្បី​ឧទ្ទិសកុសល​ជូនដល់​ វិញ្ញាណក្ខន្ធ​នៃអ្នកមានគុណទាំង​ឡាយ ​ដែលបានលាចាកលោកនេះទៅកាន់លោកខាងមុខ។ ដើម្បីឲ្យពិធីបុណ្យនេះ មានភាព​អធិកអធម ផ្តល់ភាពកក់ក្តៅ និងសុវត្ថិភាពជូនប្រជាពុទ្ធបរិស័ទ ព្រះបវរសត្ថា ហួរ សារិទ្ធិ មានថេរដីកាថា វត្តលង្កា ក៏ដូចវត្តនានាដែរ នឹងបង្កើនរៀបចំ​តាំង​បំភ្លឺភ្លើង​លំអវត្ត រៀបចំចងទង់ជាតិ ​ទង់សាសនាគ្រប់ទម្រង់ជាដើម និងបង្កើនកិច្ចសហការ​ជាមួយអាជ្ញាធរ​មូលដ្ឋាន ត្រៀមចាត់កម្លាំង​ការពារសន្តិសុខ ​សុវត្ថិភាព ​និងសណ្តាប់ធ្នាប់​សាធារណៈ ជួយសម្រួល ចរាចរណ៍​យានយន្តពុទ្ធបរិស័ទ​ ចូលក្នុងបរិវេណវត្តអារាម ​ឱ្យបានឆាប់រហ័ស​ ចៀសវាងការ កក​ស្ទះចរាចរណ៍នៅតាមដងផ្លូវមុខវត្តអារាម។ព្រះបវរសត្ថា ហួរ សារិទ្ធិ មានដីកាទៀតថា បណ្តាវត្តដែលមានទីកម្សាន្ត​ទាក់ទាញភ្ញៀវទេសចរ​ច្រើន គឺត្រូវបង្កើនការរៀបចំទីបរិវេណវត្តឲ្យបានស្អាតថែមទៀត ជាពិសេសត្រូវចាត់ចែង​បោសសម្អាត​បូជនីយដ្ឋាន ស្តូប​ និងកន្លែងតម្កល់អដ្ឋិធាតុ​ សម្អាតអនាម័យ ​បរិស្ថានស្អាត និងត្រូវរៀបចំតុបតែងលម្អទង់ជាតិ ​ទង់សាសនា ទង់ព្រះមហាក្សត្រ ​បដាពាក្យស្លោក និងរចនាដោយបំភ្លឺភ្លើងពណ៌ចម្រុះឱ្យបានសមរម្យ ដើម្បីឲ្យវត្តក្លាយ​ជាវត្តទេសចរណ៍​ដែលមាន​ភាពទាក់ទាញ។សូមបញ្ជាក់ ពិធីបុណ្យកាន់បិណ្ឌ ភ្ជុំបិណ្ឌឆ្នាំ២០២៣នេះ​ នឹងប្រព្រឹត្តទៅចាប់ពីថ្ងៃ ​០១រោច ដល់ថ្ងៃ ១៥រោច ​ខែភទ្របទ ត្រូវនឹងថ្ងៃទី៣០ ​ខែកញ្ញា ​ដល់ថ្ងៃទី១៤ ខែតុលា ​ឆ្នាំ២០២៣នេះ៕អត្ថបទ ស៊ុម សុខជា

គ្រាប់យុទ្ធភណ្ឌមិនទាន់ផ្ទុះកប់ក្នុងបាតទន្លេ អាចមានជាង២ពាន់តោន ឯការរុករកកំពុងជួបផលលំបាក

2023/09/14 03:24:24 pm        456
Facebook Telegram Linkin
ភ្នំពេញ៖ ឯកឧត្តម ហេង រតនា អគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា ​ហៅកាត់ថា (CMAC) បានឱ្យដឹងថា ​តាមការវាយតម្លៃ គ្រាប់យុទ្ធភណ្ឌមិនទាន់ផ្ទុះ ដែលកំពុងកប់នៅក្រោម​បាតទន្លេ អាចមានប្រមាណជាង២ពាន់តោន ​ខណៈដែលការរុករកកំពុងជួបផលលំបាក ដោយសារគ្រាប់ទាំងនោះនៅកប់ជ្រៅពេក ។ឯកឧត្តម ហេង រតនា អគ្គនាយក CMAC បានឱ្យដឹងថា បច្ចុប្បន្ននេះ ​ការរុករកបោសសម្អាតគ្រាប់ មីន និងយុទ្ធភណ្ឌមិនទាន់ផ្ទុះនៅក្នុងបាតទន្លេ ​ក្នុងភូមិសាស្ត្រឃុំកោះចេក ស្រុកពាមជរ ​ខេត្តព្រៃវែង កំពុង ត្រូវបានធ្វើឡើង ហើយកងកម្លាំងរបស់អង្គភាពស៊ីម៉ាក់ បានរកឃើញគ្រាប់ជាច្រើនប្រភេទ មានដូចជា គ្រាប់១០៥មីលីម៉ែត្រ, គ្រាប់កាំភ្លើងធំ គ្រាប់កំាំភ្លើងត្បាល់ ជាដើម សរុបជិត២ម៉ឺនគ្រាប់ ដែលស្មើនឹងប្រមាណជាង៤០០តោន ។ឯកឧត្តម បានបញ្ជាក់ថា ប្រតិបត្តិការរុករកនេះ ​មានបញ្ហាលក្ខណៈបច្ចេកទេសខ្លះ ​និងការគាំទ្រខ្លះ នៅមិនទាន់ស៊ីគ្នា ​ហើយការងារមួយចំនួន​ ដូចជាការរកគ្រាប់នៅកប់ក្នុងល្បាប់ភក់ មិនទាន់ស្របតាមផែនការ តែយ៉ាងណាក៏មានមោទកភាព ដែលកងកម្លាំង បានរកឃើញគ្រាប់ច្រើន និងមិនមានគ្រោះថ្នាក់ ។គួរបញ្ជាក់ថា ការបោសសម្អាតគ្រាប់មីន និងយុទ្ធភណ្ឌមិនទាន់ផ្ទុះក្នុងភូមិសាស្ត្រស្រុកពាមជរនេះ បានចាប់ផ្ដើមអនុវត្តកាលពីខែមិថុនា ឆ្នាំ២០២២ ​ដោយកម្លាំងស៊ីម៉ាក់ ​និងអង្គភាពពិសេស៩១១ ៕អត្ថបទ៖ បាន សុខរិទ្ធិ

រដ្ឋសភាអនុម័តសេចក្តីព្រាងច្បាប់បង្កើតក្រសួងអធិការកិច្ច និងរដ្ឋលេខាធិការដ្ឋាន​កិច្ចការព្រំដែន​ជាឯកច្ឆន្ទ

2023/09/14 02:48:19 pm        176
Facebook Telegram Linkin
រដ្ឋសភានៃព្រះរាជាណាចក្រកម្ពុជា ក្នុងសម័យប្រជុំរដ្ឋសភាលើកទី១ នីតិកាលទី៧ ក្រោម​អធិបតី​ភាព​ដ៏​ខ្ពង់ខ្ពស់សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៅព្រឹកថ្ងៃទី១៤ ខែ​កញ្ញា ​ឆ្នាំ២០២៣នេះ បានសម្រេចអនុម័តសេចក្តីព្រាងច្បាប់បង្កើតក្រសួងអធិការកិច្ច និង​រដ្ឋ​លេខា​ធិការដ្ឋាន​កិច្ចការព្រំដែនទាំងមូលជាឯកច្ឆន្ទ។សេចក្តីព្រាងច្បាប់ស្តីពីការបង្កើតរដ្ឋលេខាធិការដ្ឋានកិច្ចការព្រំដែន គឺរាជ​រដ្ឋាភិបាល​បង្កើត​រដ្ឋ​លេខាធិ​ការដ្ឋានកិច្ចការព្រំដែនជំនួសអាជ្ញាធរជាតិទទួលបន្ទុកកិច្ចការព្រំដែន ក្នុងគោល​បំណង​បង្កើត​ឱ្យមា​ន​ស្ថាប័នថ្មីមួយដែលមានលក្ខណៈអចិន្ត្រៃយ៍ មានរចនាសម្ព័ន្ធគ្រប់គ្រង និង​សមត្ថកិច្ច​ពេញ​លេញ​ ព្រមទាំងអាចស្រូបទាញបន្ថែមនូវធនធានមនុស្សដែលមានសមត្ថភាព ជំនាញ​ពិត​ប្រាកដ​ ទាំងផ្នែកបច្ចេកទេស ផ្នែកច្បាប់ជាតិ-ច្បាប់អន្តរជាតិ និងផ្នែកជំនាញពាក់ព័ន្ធផ្សេងទៀត ដើម្បី​លើកកម្ពស់ប្រសិទ្ធភាព នៃការបន្តបេសកកម្មដ៏ពិសិដ្ឋ ក្នុងការ​ដោះស្រាយ​បញ្ហា​ព្រំដែន​ជាមួយ​ប្រទេស​ជិតខាង ការពង្រឹងកិច្ចការពារអធិបតេយ្យនិងបូរណភាពទឹកដី និងការ​លើកស្ទួ​យ​កា​រ​ថែរក្សាសមិទ្ធផលព្រំដែនជាប្រវត្តិសាស្ត្រ ទុកជាមរតកដ៏ឧត្តុង្គឧត្តមជូនកូនខ្មែរគ្រប់ជំនាន់។ សេចក្តីព្រាងច្បាប់នេះមានចំនួន៨មាត្រា។ បន្ទាប់ពីបានពិភាក្សា អនុម័តមួយមាត្រាម្តងៗ អង្គ​ប្រជុំ​រដ្ឋសភាបានអនុម័តសេចក្តីព្រាងច្បាប់នេះទំាងមូល ជាឯកច្ឆន្ទ។ឯក​ឧត្តម ឡាំ ជា រដ្ឋមន្ត្រីរដ្ឋលេខាធិការដ្ឋានកិច្ចការព្រំដែន បានជម្រាបជូនអង្គប្រជុំសភាថា កិច្ច​ការ​ព្រំដែន​ជាកិច្ចការអាទិភាពមួយដ៏មានសារៈសំខាន់បំផុត ជាអាយុជីវិតរបស់ជាតិ ដែល​ទាម​ទារ​ឱ្យ​មាន​ការ​យកចិត្តទុកដាក់ជាអាទិភាពខ្ពស់បំផុត ទាំងលើទិដ្ឋភាពច្បាប់ បច្ចេកទេស និង​នយោបាយ សំដៅធានារក្សាការពារមិនឱ្យមានការរំលោភបាន ជាដាច់ខាត នូវ​អធិបតេយ្យ និង​បូរណភាព​ទឹកដីនៃកម្ពុជា។ឯកឧត្តម ឡាំ ជា បន្តថា ក្រោមការដឹកនាំ និងចង្អុលបង្ហាញប្រកបដោយភាពឈ្លាសវៃ ប៉ិនប្រសប់ របស់សម្តេចតេជោ ហ៊ុន សែន រាជរដ្ឋាភិបាលកម្ពុជា បាន​ធ្វើ​ការ​ចរចា​យ៉ាង​ស្វិត​ស្វាញ​ប្រកប​ដោយ​ស្មារតីទទួលខុសត្រូវខ្ពស់បំផុត ក្នុងការដោះស្រាយបញ្ហាព្រំដែនជាមួយប្រទេសជិតខាង ដោយ​ប្រកាន់ខ្ជាប់ឥតងាករេ នូវឧត្តមគតិស្នេហាជាតិដ៏ស្មោះត្រង់បំផុត ក្នុង​កិច្ច​ការពារ​ថែ​រក្សា​ឱ្យ​បាន​​ជា​ដាច់ខាតនូវអធិបតេយ្យជាតិ និងបូរណភាពទឹកដី ដែលរហូតមកដល់ពេលបច្ចុប្បន្ន សម្រេច​បាននូវសមិទ្ធផលជាតិ ជាប្រវត្តិសាស្ត្រទាក់ទងនឹងព្រំដែនគោកនៃកម្ពុជា ជាមួយ​ប្រទេស​ជិត​ខាង​ ដែលមាន ជាអាទិ៍៖ ទី១ បានធ្វើការខណ្ឌសីមា និងបោះបង្គោលព្រំដែនគោកកម្ពុជា-វៀតណាម បានចំនួន ៨៤%។ ទី២ បានធ្វើការត្រួតពិនិត្យខ្សែបន្ទាត់ព្រំដែនគោកកម្ពុជា-ឡាវ បាន​ចំនួន ៨៦% និង ទី៣ បានរកឃើញបង្គោលព្រំដែនគោកកម្ពុជា-ថៃ ចំនួន ៧៣ ទីតាំង ស្មើ​នឹង​៧៤ បង្គោល ដែលក្នុងនោះ បានឯកភាពគ្នាចំនួន ៤២ ទីតាំង ស្មើនឹង ៤២ បង្គោល និង​ពុំ​ទាន់​បាន​ឯកភាពគ្នាចំនួន ៣១ ទីតាំង ស្មើនឹង ៣២ បង្គោល៕ អត្ថបទ៖ វ៉ន ដារ៉ា

សម្តេចធិបតី ហ៊ុន ម៉ាណែត អញ្ជើញដាក់កម្រងផ្កា​គោរពវិញ្ញាណក្ខន្ធ​ នៅស្តូបអនុស្សាវរីយ៍​វីរបុរសចិន នៅមហាទីលានធានអានមិន

2023/09/14 02:38:45 pm        104
Facebook Telegram Linkin
បន្ទាប់ពីអញ្ជើញដល់រដ្ឋធានីប៉េកាំង សាធារណរដ្ឋប្រជាមានិតចិន នារសៀលថ្ងៃទី១៤ ខែកញ្ញា ឆ្នាំ២០២៣ នេះសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវ រួមនឹងគណៈប្រតិភូ បាន​អញ្ជើញចូលរួមដាក់កម្រងផ្កា​គោរពវិញ្ញាណក្ខន្ធ​នៅស្តូបអនុស្សាវរីយ៍​វីរបុរសចិន នៅ​មហាទីលាន​ធានអានមិន (Tiananmen Square)  

បណ្ដាញសង្គម

ព័ត៌មានថ្មីៗ

យានដ្រូនរុស្ស៊ីវាយប្រហារសាលាមតេយ្យសិក្សាអ៊ុយក្រែននៅទីក្រុង Sumy សម្លាប់មនុស្សម្នាក់
05/06/2026 09:05 PM
Facebook Telegram Linkin
ប្រជុំកោះ Canary បដិសេធន៍មិនឲ្យនាវាកម្សាន្ត MV Hondius ចូលចតកំពង់ផែរបស់ខ្លួន
05/06/2026 09:05 PM
Facebook Telegram Linkin
ក្រុមនាវាផ្ទុកយន្តហោះបារាំង ធ្វើដំណើរចូលទៅក្នុងសមុទ្រក្រហម និងឈូងសមុទ្រ Aden
05/06/2026 08:05 PM
Facebook Telegram Linkin
លោក Trump៖ សង្គ្រាមលើអ៊ីរ៉ង់អាចបញ្ចប់បាន បើទីក្រុងតេអេរ៉ង់យល់ព្រមតាមលក្ខខណ្ឌ
05/06/2026 08:05 PM
Facebook Telegram Linkin
កូរ៉េខាងត្បូងផ្អាកពិនិត្យការអំពាវនាវរបស់លោក Trump ឲ្យចូលរួមក្នុងបេសកកម្ម «Project Freedom»
05/06/2026 08:05 PM
Facebook Telegram Linkin
កម្មករ ៩នាក់ បានស្លាប់ ក្នុងហេតុការណ៍ផ្ទុះអណ្តូងរ៉ែធ្យូងថ្មនៅកូឡុំប៊ី
05/06/2026 08:05 PM
Facebook Telegram Linkin
មន្ត្រីឥណ្ឌូនេស៊ី៖ រថយន្តក្រុង និងរថយន្តដឹកប្រេង បុកគ្នានៅកោះ Sumatra បណ្ដាលឲ្យមនុស្ស ១៦នាក់ស្លាប់
05/06/2026 07:05 PM
Facebook Telegram Linkin
ពលរដ្ឋវេណេស៊ុយអេឡា ប្រឈមនឹងការលំបាកក្នុងជីវភាពរស់នៅដោយសារការដាច់ចរន្តអគ្គិសនី និងអាកាសធាតុក្តៅខ្លាំង
05/06/2026 07:05 PM
Facebook Telegram Linkin
ក្រុមហ៊ុន SpaceX បាញ់បង្ហោះផ្កាយរណប Starlink ទៅកាន់ទីអវកាស
05/06/2026 07:05 PM
Facebook Telegram Linkin
អូស្រ្តាលីនឹងចំណាយថវិកាជាង ៧ពាន់លានដុល្លារ ដើម្បីជំរុញស្តុកប្រេងឥន្ធនៈ
05/06/2026 07:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.