នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធានក្រុមការងារគណបក្សចុះមូលដ្ឋាន អញ្ជើញបើកការដ្ឋានសាងសង់​ផ្លូវលំ​ប្រវែង ៥.៧០០​ម៉ែត្រ ស្ថិតក្នុងស្រុកប្រាសាទបល្ល័ង្ក ខេត្តកំពង់ធំ
សម្ដេចតេជោ ចាត់ទុក អតីតរដ្ឋមន្ត្រីការពារជាតិវៀតណាម ជាមិត្តចាស់របស់កម្ពុជា
ឯកឧត្តម ចាយ បូរិន អញ្ជើញចុះសួរសុខទុក្ខនិងនាំយកអំណោយដ៏ថ្លៃថ្លារបស់ សម្តេចមហាបរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនឯកឧត្តម កង ណម នៅគេហដ្ឋាន
មន្ត្រីជាន់ខ្ពស់ក្រសួងអភិវឌ្ឍន៍ជនបទ ចុះត្រួតពិនិត្យ និងវាយតម្លៃលើ​ការងារ​ស្ថាបនា​ផ្លូវ នៅ​ទីតាំង​ដីសម្បទានសង្គមកិច្ច ខេត្តឧត្តរមានជ័យ

នយោបាយ​ និង ការអភិវឌ្ឍន៍

សម្តេចប្រមុខរដ្ឋស្តីទី ទទួលជួបពិភាក្សាការងារជាមួយប្រធានរដ្ឋសភាកូរ៉េ

2023/09/08 11:11:44 am        188
Facebook Telegram Linkin
សម្តេចវិបុលសេនាភក្តី សាយ ឈុំ ប្រមុខរដ្ឋស្តីទី នៃព្រះរាជាណាចក្រកម្ពុជា បានទទួលជួបពិភាក្សាការងារជាមួយឯកឧត្តម គីម ជីនផ្យូ (Kim Jin-pyo) ប្រធានរដ្ឋសភា នៃសាធារណរដ្ឋកូរ៉េ ក្នុងឱកាសអញ្ជើញមកបំពេញទស្សនកិច្ចជាផ្លូវការនៅព្រះរាជាណាចក្រកម្ពុជា នៅថ្ងៃទី៨ ខែកញ្ញា ឆ្នាំ២០២៣ ។តាមរយៈដំណើរទស្សនកិច្ចជាផ្លូវការរបស់គណៈប្រតិភូនាពេលនេះ ពិតជា​បាន​ឆ្លុះបញ្ចាំង ពី​ការយកចិត្ត​ទុកដាក់ពង្រឹងពង្រីកចំណងមិត្តភាព ​និងកិច្ចសហប្រតិបត្តិការរវាងប្រទេស និង​ប្រជាជនទាំងពីរ ​ដែលមានផលប្រយោជន៍ទៅវិញទៅ​មកសម្រាប់ប្រជាជន និងប្រទេសទាំងពីរ​ទាំងពេលបច្ចុប្បន្ន និងក្នុងពេលអនាគត ។

កងទ័ពអាកាសអាមេរិក បាញ់សាកល្បងមីស៊ីលនុយក្លេអ៊ែរ ដែលពុំមានបំពាក់អាវុធ ជាមួយក្បាលគ្រាប់ចំនួន៣

2023/09/08 10:58:19 am        198
Facebook Telegram Linkin
អាមេរិក៖ កងទ័ពអាកាសសហរដ្ឋអាមេរិក បាននិយាយនៅក្នុងការចេញផ្សាយមួយថា ខ្លួនបានបាញ់បង្ហោះមីស៊ីលបាលិស្ទិកអន្តរទ្វីប Minuteman III ដែលពុំមានបំពាក់អាវុធ ឆ្លងកាត់មហាសមុទ្រប៉ាស៊ីហ្វិក ក្នុងការសាកល្បងជាប្រចាំ កាលពីព្រឹកថ្ងៃពុធ។មីស៊ីលនេះ ត្រូវបានបាញ់ចេញពីមូលដ្ឋានកងកម្លាំងអវកាស Vandenberg រដ្ឋកាលីហ្វ័រនីញ៉ា នៅម៉ោងប្រហែល១:៣០នាទីព្រឹកម៉ោងក្នុងស្រុក ហើយហោះបានចម្ងាយប្រហែល ៤.២០០ម៉ាយទៅកាន់កោះ Marshall ជាកន្លែង ដែលសហរដ្ឋអាមេរិក បានធ្វើការសាកល្បងអាវុធនុយក្លេអ៊ែរ ជាច្រើនទសវត្សរ៍មកហើយនោះ។ការបាញ់សាកល្បងទាំងនេះ ធានាថា មីស៊ីលនុយក្លេអ៊ែរមានមូលដ្ឋានលើដីរបស់សហរដ្ឋអាមេរិក នៅតែអាចដំណើរការ បានបន្ទាប់ពីជាង៥០ឆ្នាំ និងជាឱកាសមួយក្នុងការធ្វើឲ្យល្អប្រសើរឡើង ឬវិធីសាស្ត្រផ្សេងៗក្នុងការគ្រប់គ្រងអាវុធ។ ពួកគេក៏បម្រើជាការបាញ់ព្រមាន ដើម្បីរារាំងការឈ្លានពានប្រឆាំងនឹងសហរដ្ឋអាមេរិក។កងទ័ពអាកាស បាននិយាយនៅក្នុងការចេញផ្សាយនោះថា ការបាញ់សាកល្បងទាំងនេះ ផ្ទៀងផ្ទាត់ភាពត្រឹមត្រូវ និងភាពជឿជាក់នៃប្រព័ន្ធអាវុធ ICBM ដោយផ្តល់នូវទិន្នន័យដ៏មានតម្លៃ ដើម្បីធានាបាននូវការ ការទប់ស្កាត់នុយក្លេអ៊ែរប្រកបដោយសុវត្ថិភាព សន្តិសុខ និងមានប្រសិទ្ធភាព៕

អគារ Empire State របស់អាមេរិកបំភ្លឺភ្លើងអបអរទិវាឯករាជ្យប្រេស៊ីល

2023/09/08 10:46:38 am        188
Facebook Telegram Linkin
អាមេរិក៖ អគារ Empire State ដ៏ល្បីល្បាញនៅទីក្រុងញ៉ូវយ៉ក បានបើកភ្លើងបំភ្លឺកាលពីថ្ងៃព្រហស្បតិ៍មាន៖ ពណ៌បៃតង លឿង និងខៀវ ដើម្បីប្រារព្ធទិវាឯករាជ្យរបស់ប្រេស៊ីល។ នៅថ្ងៃទី៧ ខែកញ្ញា ដែលត្រូវបានគេស្គាល់ថា Sete de Setembro ( សែតស៊ី ឌីសេតែមប៊្រូ) នៅក្នុងប្រទេសប្រេស៊ីល គឺជាថ្ងៃវិស្សមកាលជាតិដែលប្រារព្ធការប្រកាសឯករាជ្យរបស់ប្រេស៊ីលពីព័រទុយហ្គាល់ ប្រេស៊ីល និងតំបន់ Algarves ក្នុងឆ្នាំ១៨២២។គួរបញ្ជាក់ថា អគារនេះ បានប្រើប្រាស់ ប្រព័ន្ធភ្លើង LED ដោយមានជាង ១៦លានពណ៌ ចាប់តាំងពីឆ្នាំ២០១២ ដើម្បីរៀបចំឱកាសសំខាន់ៗ៕

ជំនាញប្រើពេល៥ថ្ងៃទៀត ដើម្បីបិទបណ្ដោះអាសន្នផ្នែកខ្លះនៃការដ្ឋានសាងសង់ ស្ពានអាកាសព្រះមុនីវង្ស

2023/09/08 10:31:14 am        5477
Facebook Telegram Linkin
ភ្នំពេញ៖ ការដ្ឋានសាងសង់ស្ពានអាកាសព្រះមុនីវង្ស ដែលជាស្ពានអាកាសមានរង្វង់មូលលើ​អាកាស​ដំបូងគេនៅកម្ពុជា ​បាននឹងកំពុងដំណើរការសាងសង់​យ៉ាងមមាញឹក ខណៈមកដល់​ពេលនេះ​នៅចំណុចគម្រោងរង្វង់មូលគឺជំនាញកំពុង​ហ៊ុមព័ទ្ធ​ការដ្ឋានផងដែរ ដែលធ្វើឱ្យ​ការចរាចរណ៍មានកការកកស្ទះ។លោក សាំ ពិសិដ្ឋ ប្រធានមន្ទីរសាធារណការនិងដឹកជញ្ជូនរាជធានីភ្នំពេញ បានឲ្យដឹងនៅថ្ងៃទី៨ ខែកញ្ញា ឆ្នាំ២០២៣នេះថា ​គម្រោងសាងសង់ស្ពានអាកាសព្រះមុន្នីវង្ស បច្ចុប្បន្នខាងក្រុមហ៊ុន​សាងសង់​កំពុងតែធ្វើការដំឡើងសសរស្ពាន និងមានការ​ហ៊ុមព័ទ្ធ​ការដ្ឋាន​ច្រើនតំបន់ ចំពោះផ្លូវធ្វើ​ចរាចរណ៍ជំនាញបានកែសម្រួលជាបន្តបន្ទាប់ និងកន្លែងពិបាកគឺបាន​ឈូសឆាយ​គៀរសម្រួល​បណ្ដោះអាសន្ន ។ លោក សាំ ពិសិដ្ឋ បន្ថែមថា យប់មិញនេះជំនាញបានគៀរសម្រួលផ្លូវ ហើយព្រឹកនេះបាន​បើក​ផ្លូវបណ្តោះអាសន្នចូលក្នុងការដ្ឋាន ដើម្បីកាត់បន្ថយ​ការកស្ទះចុះពីស្ពានព្រះមុនីវង្ស។ ប្រធានមន្ទីរសាធារណការសូមឱ្យអ្នកដំណើរ​មានការយោគយល់ ដោយជំនាញនឹងប្រើពេល ៥ថ្ងៃ៥យប់ទៀត ​នៅទីតាំងបិទបណ្តោះអាសន្ននេះ ​ហើយនឹងបើកឱ្យដំណើរការជាធម្មតាឡើងវិញ។ការដ្ឋានចំពោះមុខ គឺកំពុងមានសកម្មភាពនៅលើផ្លូវ៦០​ ម៉ែត្រ និងការដ្ឋាននៅលើ​មហាវិថី​ព្រះមុនីវង្ស ​និងមកក្បែរតំបន់ស្ពាន​អាកាសក្បាលថ្នល់ហើយ ​ដោយឡែកនៅលើផ្លូវលេខ ២៧១ ពុំទាន់បានចូលសាងសង់នៅឡើយនោះទេ។ការសាងសង់ស្ពានអាកាសព្រះមុនីវង្ស ​គឺដើម្បីសម្រួលការធ្វើចរាចរណ៍ក្នុងរាជធានីភ្នំពេញ ដែលមាន​កំណើនយានយន្ត និងការធ្វើចរាចរណ៍កាន់​តែច្រើនឡើង​ពីមួយឆ្នាំទៅមួយឆ្នាំ។ ស្ពានអាកាសនេះ ​សាងសង់ស្ថិតនៅចំណុចប្រសព្វមហាវិថីសម្តេចតេជោ ​ហ៊ុន សែន មហាវិថីព្រះមុនីវង្ស ​ជាមួយវិថីកងយោធពលខេមរភូមិន្ទ ​ហៅផ្លូវលេខ២៧១ ក្នុងទឹកដីខណ្ឌចំការមន និងខណ្ឌមានជ័យ។ ស្ពានអាកាសទាំងនេះ ​សាងសង់ដោយក្រុមហ៊ុនវិនិយោគទុនអាណិកជនកម្ពុជា OCIC គ្រោងចំណាយថវិកា ​ជាង ៣៦លានដុល្លារ និងចំណាយពេលវេលាសាងសង់ ៣៦ខែ។គម្រោងស្ពានអាកាស ព្រះមុនីវង្ស មានសាងសង់ផ្លូវផ្ទាល់ដី​ ដែលមានរង្វង់មូលបែងចែកទិស និងផ្លូវតភ្ជាប់រវាងមហាវិថីព្រះមុនីវង្ស​ មហាវិថីសម្តេចតេជោ​ ហ៊ុន សែន វិថីកងយោធពលខេមរភូមិន្ទ ឆ្ពោះទៅស្ពានព្រះមុនីវង្ស ​និងផ្លូវជាតិលេខ២។ បន្ទាប់មកសាងសង់ស្ពានអាកាសចំនួនពីរជាន់។ ស្ពានអាកាសជាន់ទី១ ជាស្ពានរង្វង់មូល នៅត្រង់ចំណុចប្រសព្វ ​ដែលបំបែកខ្នែងជាបួនទិសផ្សេងគ្នា ទៅ​កាន់​មហាវិថីសម្តេចតេជោ ហ៊ុន សែន ​ស្ពានព្រះមុនីវង្ស មហាវិថីព្រះមុនីវង្ស និង​វិថីកងយោធពល​ខេមរភូមិន្ទ។ ស្ពានអាកាសជាន់ទី២ ជាផ្លូវទ្វេទិស​ មានទិសដៅទៅមក រវាងមហា​វិថីព្រះមុនីវង្ស និងមហាវិថីសម្តេចតេជោ ហ៊ុន សែន។ ក្រៅពីស្ពានអាកាស ព្រះមុនីវង្ស រដ្ឋបាលរាជ​ធានី​ភ្នំពេញក៏បានតៀមដំណើរការការដ្ឋានសាងសង់ស្ពាន​អាកាសមួយកន្លែងទៀតស្ថិតនៅចំណុច​ប្រសព្វមហាវិថីសហព័ន្ធរុស្ស៉ី ​ជាមួយមហាវិថីសម្ដេចចៅហ្វាវាំងវរវៀងជ័យអធិបតីស្រឹង្គារ គង់ សំអុល ហៅផ្លូវលេខ២០០៤ ក្នុងខណ្ឌពោធិ៍សែនជ័យ។បច្ចុប្បន្ននៅក្នុងរាជធានីភ្នំពេញ ​មានស្ពានអាកាសចំនួន៧ ​ដែលបានសាងសង់រួចរាល់ និងកំពុង​ប្រើប្រាស់ រួមមាន ស្ពានអាកាសក្បាលថ្នល់​ ស្ពានអាកាស៧មករា ​ស្ពានអាកាសស្ទឹងមានជ័យ ស្ពានអាកាស៥មករា ​ស្ពានអាកាសមិត្តភាពកម្ពុជា-ចិន​​ សែនសុខ ឬហៅថា ស្ពានអាកាស​ផ្សារដីហ៊ុយ ស្ពានអាកាសចោមចៅ និងស្ពានអាកាសលើផ្លូវជាតិលេខ៥ ឫស្សីកែវ៕ អត្ថបទ ៖ ប្រាក់ វ៉ាន់ដា 

ព្យុះស៊ីក្លូនដ៏មានឥទ្ធិពល នាំមកនូវការបំផ្លាញដល់គ្រួសារប្រេស៊ីល និងអ្នកស្លាប់កើនដល់៣៩នាក់

2023/09/08 09:58:20 am        333
Facebook Telegram Linkin
ប្រេស៊ីល៖ ពលរដ្ឋក្នុងក្រុង Roca Sales នៅប្រទេសប្រេស៊ីលភាគខាងត្បូងបានប្រមែប្រមូលរៀបទុកដាក់ពីការបំផ្លាញលំនៅឋាននិងទ្រព្យសម្បត្តិរបស់ពួកគេកាលពីថ្ងៃព្រហស្បតិ៍ បន្ទាប់ពីព្យុះស៊ីក្លូនដ៏មានឥទ្ធិពល វាយបោកបក់មកលើរដ្ឋ Rio Grande do Sul។ ភ្លៀងធ្លាក់ នៅចុងភាគខាងត្បូងប្រទេសប្រេស៊ីល បណ្តាលឲ្យមនុស្សយ៉ាងហោចណាស់ ៣៩នាក់ស្លាប់ និងបានជនលិចផ្ទះជាច្រើនខ្នង ព្រមទាំងបានធ្វើឲ្យទន្លេពេញហៀរច្រាំង។យោងតាមរដ្ឋាភិបាលរដ្ឋ Rio Grande do Sul បានឲ្យដឹងថា ភ្លៀងធ្លាក់ខ្លាំងបណ្តាលមកពីព្យុះស៊ីក្លូនត្រូព្រិកខ្លាំងក្លា បានធ្វើឲ្យទីក្រុងចំនួន៨០រងផលប៉ះពាល់ និងបន្សល់ទុកពលរដ្ឋជាង២.៣០០នាក់ គ្មានលំនៅឋាន និងជាង៣.៩០០នាក់ភៀសខ្លួនចេញ។មជ្ឈមណ្ឌលព្យាករណ៍អាកាសធាតុឯករាជ្យ MetSul និងClimatempo បានប្រុងប្រយ័ត្នចំពោះរដ្ឋ Rio Grande do Sul ដែលអាចទទួលភ្លៀងរលឹមធ្លាក់ខ្លាំងនៅថ្ងៃព្រហស្បតិ៍ និងថ្ងៃសុក្រ៕

បាតុករគាំទ្ររដ្ឋាភិបាល ប្រមូលផ្តុំគ្នានៅទីក្រុងហ្សេរុយសាឡឹម

2023/09/08 09:56:01 am        340
Facebook Telegram Linkin
អ៊ីស្រាអែល៖ ក្រុមអ្នកគាំទ្ររបស់ក្រុមចម្រុះស្តាំនិយមរបស់រដ្ឋាភិបាលអ៊ីស្រាអែល បានចេញមកគាំទ្រការផ្លាស់ប្តូរប្រព័ន្ធតុលាការ នៅក្នុងការតវ៉ាមួយក្នុងទីក្រុងហ្សេរុយសាឡឹមកាលពីថ្ងៃព្រហស្បតិ៍។ នាយករដ្ឋមន្ត្រី អ៊ីស្រាអែល លោក Benjamin Netanyahu និងក្រុមចម្រុះជាតិនិយមស្តាំនិយមរបស់លោក និងគណបក្សអភិរក្សនិយមប្រកាន់សាសនា និយាយថា ការផ្លាស់ប្តូរប្រព័ន្ធតុលាការ គឺចាំបាច់ដើម្បីការពារនូវអ្វីហួសពីតម្រូវការផ្នែកនយោបាយ ដោយក្រុមចៅក្រមមិនបានជាប់ឆ្នោត។ ក្រុមអ្នកប្រឆាំងនិយាយថាការផ្លាស់ប្តូរនេះនឹងធ្វើឲ្យចុះខ្សោយតួនាទីរបស់តុលាការ ដើម្បីផ្តល់ការពិនិត្យសំខាន់ និងតុល្យភាព នៅក្នុងប្រព័ន្ធនយោបាយរបស់ប្រទេសអ៊ីស្រអែល ជាប្រទេសមួយមានសភាជាន់ខ្ពស់តែមួយ ជាប្រធាននៃពិធីផ្លូវការធំ និងគ្មានរដ្ឋធម្មនុញ្ញនោះទេ។វីដេអូដោយយានដ្រូនរបស់សារព័ត៌មានរ៉យទ័រ បានបង្ហាញឲ្យឃើញពលរដ្ឋអ៊ីស្រាអែលរាប់ពាន់នាក់ក្រវីទង់ជាតិ និងកាន់បដាធំៗ។ តុលាការកំពូលរបស់ប្រទេសអ៊ីស្រអែល កាលពីខែសីហា បានចាប់ផ្តើមសវនាការលើកដំបូង ក្នុងបណ្តឹងឧទ្ធរណ៍ជាបន្តបន្ទាប់ពាក់ព័ន្ធទៅនឹងការផ្លាស់ប្តូរប្រព័ន្ធតុលាការ យល់ព្រមទទួលដោយក្រុមចម្រុះ ដែលបានចាប់ផ្តើមឲ្យមានវិបត្តិក្នុងប្រទេសមិនធ្លាប់មានពីមុនមក។   ផែនការរបស់រដ្ឋាភិបាល បានបង្ហាញការបែងចែកក្នុងចំណោមសាធារណៈរបស់អ៊ីស្រាអែល និងសូម្បីតែនៅក្នុងផ្នែកយោធា ដែលត្រូវបានគេចាត់ទុកជាយូរមកហើយថាជាចំណុចធ្វើសាបសូន្យការមិនអើពើផ្នែកនយោបាយសម្រាប់សង្គមដែលជួបការលំបាក ដោយមានការបារម្ភអំពីការត្រៀមខ្លួនសម្រាប់សង្គ្រាម ដែលបង្ហាញដោយភាគីទាំងពីរក្នុងការជជែកដេញដោល៕

អាមេរិកនិងចិនទាស់សម្តីគ្នាពីបញ្ហាសមុទ្រចិនខាងត្បូង ខណៈឥណ្ឌូនេស៊ីជំរុញឲ្យមេដឹកនាំទាំងអស់រក្សាសន្តិភាព

2023/09/08 09:53:23 am        393
Facebook Telegram Linkin
អាមេរិក៖ ប្រទេសមហាអំណាចពិភពលោកធំបំផុតចំនួនរបសពិភពលោក គឺ សហរដ្ឋអាមេរិក និងប្រទេសចិន បានប៉ះទង្គិចពាក្យសម្ដីគ្នាលើបញ្ហាសមុទ្រចិនខាងត្បូង នៅជំនួបកំពូលមួយជាមួយបណ្ដាមេដឹកនាំអាស៊ាន កាលពីថ្ងៃព្រហស្បតិ៍ ទី៧ខែកញ្ញា ខណៈម្ចាស់ផ្ទះឥណ្ឌូនេស៊ី បានជំរុញភាគីទាំងអស់ឲ្យរក្សាសន្តិសភាព និងបញ្ជៀសជម្លោះ ។ អំឡុងជំនួបកំពូលអាស៊ីបូព៌ាប្រចាំឆ្នាំ(EAS) បានធ្វើឡើងនៅក្នុងរដ្ឋធានីហ្សាការតា ក្រៅ ជំនួបកំពូលអាស៊ាន អនុប្រធានាធិបតីសហរដ្ឋអាមេរិកលោកស្រី កាម៉ាឡាហារីស(Kamala Harris) បាន បញ្ជាក់ថា សេរីភាពនៃការធ្វើនាវាចរណ៍ និងការហោះហើរលើដែនសមុទ្រ ត្រូវតែបានគោរព នៅក្នុងការប្រកួតប្រជែងដ៏ក្ដៅគគុក នៅសមុទ្រចិនខាងត្បូង។លោកស្រី ហារីស ដែល បានចូលរួមជំនួបនេះតំណាងឲ្យលោកប្រធានាធិបតី Joe Biden ក៏បាននិយាយផងដែរថា ជម្លោះទាំងអស់ត្រូវតែត្រូវបានដោះស្រាយដោយសន្តិវិធី និងស្របទៅតាមច្បាប់អន្តរជាតិរួមទាំងអនុសញ្ញាអង្គការសហប្រជាជាតិឆ្នាំ១៩៨២ ស្ដីពីច្បាប់សមុទ្រ ដែលត្រូវបានផ្តល់សច្ចាប័នដោយប្រទេសជាង១៦០ រួមទាំងប្រទេសចិនផងដែរ។ លោកនាយករដ្ឋមន្ត្រី លីឈាង (Li Qiang) ក៏បានបង្ហាញក្ដីសង្ឃឹមផងដែរថា បណ្ដាប្រទេសនៅក្នុងតំបន់ ត្រូវគោរពឲ្យបានពេញលេញនូវកិច្ចខិតខំប្រឹងប្រែងធ្វើឡើងដោយប្រទេសក្នុងតំបន់ក្នុងការចរចាការគ្រប់គ្រងសមុទ្រចិនខាងត្បូង និងរក្សាសន្តិភាព ក៏ដូចជាស្ថិរភាពក្នុងតំបន់៕

រដ្ឋមន្ត្រីការបរទេសរុស្ស៊ី៖ អាមេរិកមានបំណងធ្វើឲ្យរុស្ស៊ីនៅឯកោ ក្នុងតំបន់ឥណ្ឌូ-ប៉ាស៊ីហ្វិក

2023/09/08 09:50:45 am        372
Facebook Telegram Linkin
រុស្ស៊ី៖ រដ្ឋមន្ត្រីការបរទេសរុស្ស៊ី លោក Sergey Lavrov បាននិយាយថា សហរដ្ឋអាមេរិកមានបំណងធ្វើឲ្យរុស្ស៊ីនៅឯកោក្នុងតំបន់អាស៊ី-ប៉ាស៊ីហ្វិកដើម្បីទប់ទល់ប្រទេសចិន នៅក្នុងសន្និសីទសារព័ត៌មានក្នុងទីក្រុងDhaka ប្រទេសបង់ក្លាដែស កាលពីថ្ងៃព្រហស្បតិ៍។ លោក Lavrov គឺជារដ្ឋមន្ត្រីការបរទេសដំបូងគេដែលធ្វើទស្សនកិច្ចនៅប្រទេសបង់ក្លាដែស ចាប់តាំងពីឯករាជ្យឆ្នាំ១៩៧១របស់ខ្លួន ដែលបានទៅដល់ទីក្រុងDhaka កាលពីល្ងាចថ្ងៃព្រហស្បិ៍សម្រាប់ដំណើរទស្សនកិច្ចរយៈពេល២ថ្ងៃ បន្ទាប់ពីបានចូលរួមកិច្ចប្រជុំកំពូលអាស៊ីបូព៌ាក្នុងទីក្រុងហ្សាកាតា ប្រទេសឥណ្ឌូនេស៊ី។ទាំងរុស្ស៊ី ទាំងប្រទេសលោកខាងលិច កំពុងស្វែងរកការគាំទ្រពីប្រទេសបង់ក្លាដែស ដែលមានភាពស្ទាក់ស្ទើរទទួលយកភាគីទាំងពីរនៅក្នុងសង្គ្រាមនៅអ៊ុយក្រែន ទោះបីជាប្រទេសនេះ ព្យាយាមទប់ទល់តម្លៃប្រេងហក់ឡើងខ្ពស់និងការនាំចូលស្បៀងអាហារក៏ដោយ។ប្រធានាធិបតីបារាំង លោក Emmanuel Macron ក៏នឹងធ្វើទស្សនកិច្ចនៅទីក្រុង Dhaka នៅសប្តាហ៍ក្រោយនេះដែរបន្ទាប់ពីចូលកិច្ចប្រជុំ G20 ក្នុងគោលបំណងធ្វើឲ្យកាន់តែស៊ីជម្រៅទំនាក់ទំនងជាមួយប្រទេសមួយដែលជួបប្រទះកំណើនសេដ្ឋកិច្ចឆាប់រហ័ស៕

អាមេរិករឹបអូសប្រេងអ៊ីរ៉ង់ជិត១លានបារ៉ែល ដែលត្រូវបានរត់ពន្ធទៅប្រទេសចិន

2023/09/08 09:39:48 am        441
Facebook Telegram Linkin
អាមេរិក៖ អាជ្ញាធរសហរដ្ឋអាមេរិក បានរឹបអូសប្រេងអ៊ីរ៉ង់ជិត មួយលានបារ៉ែល ដែលក្រុមមន្ត្រីនិយាយថា ត្រូវបានរត់ពន្ធដោយខុសច្បាប់ទៅកាន់ប្រទេសចិន កាលពីដើមឆ្នាំនេះ នេះបើយោងតាមកំណត់ត្រារបស់តុលាការដែលបានចេញផ្សាយថ្មីៗនេះ។ការរឹបអូសរបស់សហរដ្ឋអាមេរិកនូវនាវាដឹកប្រេង M/TSuez Rajan បានកើតឡើងនៅដើមឆ្នាំនេះ ដែលនាំទៅដល់កិច្ចខិតខំប្រឹងប្រែងផ្ទាល់របស់កងការពារបដិវត្តន៍អ៊ីរ៉ង់ ក្នុងការរឹបអូសយកនាវាដឹកប្រេងចំនួនពីរគ្រឿងនៅច្រកសមុទ្រHormuz។ ឯកសាររបស់តុលាការបង្ហាញពីការចោទប្រកាន់របស់រដ្ឋអាជ្ញាអាមេរិកថា អ៊ីរ៉ង់ក្លែងបន្លំកំណត់ត្រាទំនិញនៅក្នុងនាវានោះ និងរារាំងទីតាំងរបស់ខ្លួនពីការតាមដានយ៉ាងត្រឹម  ត្រូវ។ចាប់តាំងពីការរឹបអូសដំបូងនៅនិទាឃរដូវឆ្នាំនេះ នាវាដឹកប្រេង Rajan ត្រូវបានចតនៅឆ្នេរសមុទ្រនៃរដ្ឋតិចសាស។ ប្រទេសអ៊ីរ៉ង់ បានគំរាមឲ្យក្រុងវ៉ាស៊ីនតោនទទួលខុសត្រូវ ប្រសិនបើទំនិញនោះ ត្រូវបានដឹកចេញ ហើយពុំមានក្រុមហ៊ុនអាមេរិកណាមួយ យល់ព្រមដាក់ធុងប្រេងទាំងនោះចេញនាវាទេ ព្រោះខ្លាចមានការសងសឹកពីក្រុងតេអេរ៉ង់។នៅទីបំផុត ក្រុមហ៊ុនក្រិក ដែលគ្រប់គ្រងនាវា Rajan គឺក្រុមហ៊ុន Empire Navigation បានបញ្ជូននាវាមួយផ្សេងទៀត ដើម្បីបញ្ចប់ដំណើរការដឹកជញ្ជូនប្រេងនេះ៕

ការពង្រឹកបម្រាមប្រើប្រាស់ទូរស័ព្ទដៃ iPhoneរបស់ចិន ប៉ះពាល់ដល់វិស័យបច្ចេកវិទ្យារបស់សហរដ្ឋអាមេរិក

2023/09/08 09:28:38 am        382
Facebook Telegram Linkin
អាមេរិក៖ ការពង្រីកបម្រាមប្រើប្រាស់លើទូរសព័្ទដៃ iPhone ចំពោះបុគ្គលិករដ្ឋាបាភិបាល បានប៉ះពាល់ដល់ក្រុមហ៊ុន Apple និងភាគហ៊ុនបច្ចេកវិទ្យារបស់សហរដ្ឋអាមេរិក កាលពីថ្ងៃព្រហស្បតិ៍ទី៧ខែកញ្ញា ខណៈក្រុមវិនិយោគិនខកចិត្តជុំវិញការប៉ះពាល់ហិរញ្ញវត្ថុនៃការកើនឡើងភាពតានតឹនរវាងទំនាក់ទំនងការទូត អាមេរិកនិងចិនលើក្រុមហ៊ុននានាដោយសារការរារាំងដ៏ធំរបស់ចិន ។   ចំណូលក្រុមហ៊ុន Apple បានធ្លាក់ចុះជាង៣ភាគរយ ហើយកំពុងស្ថិតនៅលើផ្លូវឈានទៅរកការធ្លាក់ចុះរយៈពេលពីរថ្ងៃដ៏អាក្រក់បំផុតរបស់ខ្លួនចាប់តាំងពីខែវិច្ឆិកា បន្ទាប់ពីរបាយការណ៍ប្រព័ន្ធផ្សព្វផ្សាយបាននិយាយថាទីក្រុងប៉េកាំងបានប្រាប់បុគ្គលិកនៅទីភ្នាក់ងារកណ្តាលរដ្ឋាភិបាលមួយចំនួនក្នុងប៉ុន្មានពេលសប្តាហ៍ថ្មីៗនេះឲ្យឈប់ប្រើប្រាស់ទូរស័ព្ទដៃក្រុមហ៊ុន Apple នៅកន្លែងធ្វើការ។ ក្រុមអ្នកវិភាគរបស់ក្រុមហ៊ុន Wall Street បាននិយាយថា បម្រាមនេះបង្ហាញថា សូម្បីតែក្រុមហ៊ុនដែលមានទំនាក់ទំនងល្អជាមួយរដ្ឋាភិបាលចិន និងវត្តមានដ៏ធំនៅក្នុងមហាអំណាចសេដ្ឋកិច្ចទីពីររបស់ពិភពលោកមួយនេះ ក៏មិនមានភាពស៊ាំនឹងការកើនឡើងភាពតានតឹងរវាងប្រទេសទាំងពីរដែរ។ក្រុមហ៊ុនផ្គត់ផ្គង់ Apple Qualcomm ជាក្រុមហ៊ុនមួយក្នុងចំណោមក្រុមហ៊ុនជាច្រើនរបស់សហរដ្ឋអាមេរិកដែលមានវត្តមានប្រទេសចិនធំជាងគេបានធ្លាក់ចុះជិត៧ភាគរយឈានឆ្ពោះទៅរកការខាតបង់  ក្នុងចំណោមក្រុមហ៊ុនបច្ចេកវិទ្យាធំៗ។  លោក ម៉ៃ ហ្គាឡាហ័រ (Mike Gallagher) ប្រធានក្រុមប្រឹក្សាសភានៅប្រទេសចិន បាននិយាយថា ការហាមប្រាមកាន់តែទូលំទូលាយមិនគួរឲ្យភ្ញាក់ផ្អើលនោះទេ ហើយបានគូសបញ្ជាក់ពីកិច្ចខិតខំប្រឹងប្រែងដើម្បីកម្រិតការចូលទៅកាន់ទីផ្សារពីសំណាក់ក្រុមហ៊ុនរបស់លោកខាងលិចទៅកាន់ប្រទេសចិន៕

បណ្ដាញសង្គម

ព័ត៌មានថ្មីៗ

ប្រាសាទព្រះខ័ន៖ ស្ថាបត្យកម្មដ៏រស់រវើក និងនិមិត្តរូបនៃជ័យជម្នះ
05/07/2026 12:05 PM
Facebook Telegram Linkin
ជនជាតិចិន ៥០៦នាក់ទៀត ពាក់ព័ន្ធករណីឆបោកតាមប្រព័ន្ធបច្ចេកវិទ្យា ត្រូវបាន​បណ្ដេញ​ចេញ​ពី​កម្ពុជា
05/07/2026 12:05 PM
Facebook Telegram Linkin
តម្លៃប្រេងកើនឡើងប្រហែល១ដុល្លារ ខណៈក្រុមវិនិយោគិន ថ្លឹងថ្លែងពីលទ្ធភាពសម្រាប់សន្តិភាពនៅមជ្ឈិមបូព៌ា
05/07/2026 12:05 PM
Facebook Telegram Linkin
ប្រទេសលីទុយអានី ចង់ឲ្យកងទ័ពអាមេរិកដែលចាកចេញពីអាល្លឺម៉ង់ បន្តនៅក្នុងទ្វីបអឺរ៉ុប
05/07/2026 12:05 PM
Facebook Telegram Linkin
កីឡាករអាហ្សង់ទីន Prestianni ប្រឈមអវត្តមានពី World Cup លើកដំបូងក្រោយ FIFA បន្ថែមទណ្ឌកម្ម
05/07/2026 12:05 PM
Facebook Telegram Linkin
ប៉ាគីស្ថាន ប្តេជ្ញា ខិតខំដើម្បីជួយឲ្យបទឈប់បាញ់រវាងសហរដ្ឋអាមេរិក និងអ៊ីរ៉ង់ ឈានទៅរកការបញ្ចប់សង្គ្រាមជាអចិន្ត្រៃយ៍
05/07/2026 12:05 PM
Facebook Telegram Linkin
ក្រុមហ៊ុនអាកាសចរណ៍ពិភពលោក រងផលប៉ះពាល់ដោយការកើនឡើងតម្លៃប្រេងឥន្ធនៈ
05/07/2026 12:05 PM
Facebook Telegram Linkin
រុស្ស៊ីព្រមាន អ្នកការទូតនៅទីក្រុងគីវពីការវាយប្រហារទ្រង់ទ្រាយធំ ប្រសិនបើអ៊ុយក្រែនរំខានដល់ការប្រារព្ធខួបជ័យជម្នះ
05/07/2026 12:05 PM
Facebook Telegram Linkin
ឃាត់ខ្លួនជនបរទេសជាង៤០០នាក់ និងសង្គ្រោះជនជាតិថៃ ២៨នាក់ ក្នុងប្រតិបត្តិការបង្ក្រាប Online Scams នៅខេត្តបន្ទាយមានជ័យ
05/07/2026 12:05 PM
Facebook Telegram Linkin
ក្នុងការជំរុញដ៏កម្រ សមាជិកសភាអាមេរិក ទាមទារឲ្យមានតម្លាភាពលើសមត្ថភាពនុយក្លេអ៊ែររបស់អ៊ីស្រាអែល
05/07/2026 11:05 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.