នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ស្ពានមិត្តភាពកម្ពុជា-ចិន មេគង្គក្រចេះ នឹងបន្តបើកឱ្យឆ្លងកាត់រហូតដល់ថ្ងៃទី១ ខែតុលា ឆ្នាំ២០២៥ ដោយសារទឹកទន្លេបន្តហក់ឡើង និងដើម្បីជួយសម្រួលដល់ការធ្វើដំណើររបស់បងប្អូនប្រជាពលរដ្ឋ
គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

នយោបាយ​ និង ការអភិវឌ្ឍន៍

ពួកចោរព័ត៌មានវិទ្យាផ្តាច់មុខរបស់កូរ៉េខាងជើង បានរំលោភបំពានលើក្រុមហ៊ុនផលិតមីស៊ីលជាន់ខ្ពស់របស់ប្រទេសរុស្ស៊ី

2023/08/08 01:26:27 pm        214
Facebook Telegram Linkin
កូរ៉េខាងជើង៖ ក្រុមចោរព័ត៌មានវិទ្យាសម្រាំង (Hacker) របស់កូរ៉េខាងជើង បានបំពានចូលបណ្តាញកុំព្យូទ័រយ៉ាងសម្ងាត់នៅឯក្រុមហ៊ុនអភិវឌ្ឍន៍មីស៊ីលរុស្ស៊ីដ៏ធំមួយយ៉ាងហោចណាស់ ៥ខែ កាលពីឆ្នាំមុន នេះបើយោងតាមភ័ស្តុតាងបច្ចេកទេសដែលត្រូវបានពិនិត្យដោយសារព័ត៌មាន Reuters និងការវិភាគរបស់អ្នកស្រាវជ្រាវផ្នែកសន្តិសុខ។សារព័ត៌មាន Reuters បានរកឃើញក្រុមចារកម្មតាមបណ្តាញព័ត៌មានបច្ចេកវិទ្យាអ៊ិនធើណិត ដែលមានទំនាក់ទំនងជាមួយរដ្ឋាភិបាលកូរ៉េខាងជើង ដែលអ្នកស្រាវជ្រាវផ្នែកសន្តិសុខហៅថា ស្កាក្រាហ្វធ៍ ( ScarCruft) និងឡាហ្សារុស ( Lazarus) បានដំឡើងជាសម្ងាត់នូវប្រព័ន្ធឌីជីថលដ៏សម្ងាត់ទៅក្នុងប្រព័ន្ធ NPO Mashinostroyeniya (NPO ម៉ាស៊ីណូស្រ្តូយេនីយ៉ា) ដែលជាការិយាល័យគំរូប្លង់រ៉ុក្កែត ដែលមានមូលដ្ឋាននៅទីក្រុងរឺទៅ (Reutov) ដែលជាទីក្រុងតូចមួយនៅជាយទីក្រុងមូស្គូ។Reuters មិនអាចកំណត់ថាតើទិន្នន័យណាមួយ ត្រូវបានគេយកក្នុងអំឡុងពេលការលួចជ្រៀតចូល ឬព័ត៌មានអ្វីដែលអាចត្រូវបានមើលនោះទេ។ ក្នុងរយៈពេលប៉ុន្មានខែបន្ទាប់ពីការវាយលុកចូលប្រព័ន្ធឌីជីថល ទីក្រុងព្យុងយ៉ាងបានប្រកាសពីការអភិវឌ្ឍជាច្រើននៅក្នុងកម្មវិធីមីស៊ីលផ្លោង ដែលត្រូវបានហាមឃាត់របស់ខ្លួន ប៉ុន្តែវាមិនច្បាស់ទេថាតើវាទាក់ទងនឹងការបំពាននេះ ឬយ៉ាងណាទេ។ក្រុមអ្នកជំនាញនិយាយថា ឧបទ្ទវហេតុនេះ បង្ហាញពីរបៀបដែលប្រទេសឯកាមួយនេះ នឹងដាក់គោលដៅលើសម្ព័ន្ធមិត្តរបស់ខ្លួន ដូចជារុស្ស៊ី ក្នុងគោលបំណង ដើម្បីទទួលបានបច្ចេកវិទ្យាសំខាន់ៗ៕

ក្រុមអ្នកស្រាវជ្រាវ ស្នើជួយពង្រីកការប្រើឧបករណ៍អេឡិចត្រូនិច ក្នុងការផ្តល់សេវាជំងឺអេដស៍នៅតាមន្ទីរពេទ្យ

2023/08/08 01:18:34 pm        227
Facebook Telegram Linkin
ភ្នំពេញ៖ ក្រុមការងារស្រាវជ្រាវ បានស្នើសុំឱ្យមជ្ឈមណ្ឌលជាតិប្រយុទ្ធនឹងជំងឺអេដស៍ សើស្បែក និងកាមរោគក៏ដូចជាក្រសួងសុខាភិបាល ជួយពង្រីក និងជំរុញឱ្យមានការប្រើប្រាស់​ឧបករណ៍​អេឡិចត្រូនិច នៅតាមមន្ទីរពេទ្យ គ្លីនិក ដែលមានផ្តល់សេវាព្យាបាលជំងឺអេដស៍ផ្សេងៗ ទៀតនៅទូទាំងប្រទេសកម្ពុជា។ឯកឧត្តមសាស្ត្រាចារ្យ សាផុន វឌ្ឍនៈ ទីប្រឹក្សាក្រសួងសុខាភិបាល និងជាសាកលវិទ្យាធិការ នៃសាកលវិទ្យាល័យវិទ្យាសាស្ត្រសុខាភិបាល បានថ្លែងក្នុងពិធីបើកសិក្ខាសាលា ផ្សព្វផ្សាយ​លទ្ធផលស្រាវជ្រាវ នៃគម្រោងសិក្សា ស្ដីពី៖ ការចូលរួមរបស់សហគមន៍ក្នុងការប្រើប្រាស់បច្ចេកវិទ្យា​ទំនាក់ទំនងក្នុងវិស័យសុខាភិបាល​ ដើម្បីរក្សា អ្នកផ្ទុកមរាគអេដស៍ក្នុងប្រទេសកម្ពុជា អោយស្ថិត​ក្នុងសេវាថែទាំ និងព្យាបាល នៅព្រឹកថ្ងៃទី០៨ សីហានេះថា ការស្នើសុំនេះធ្វើឡើងបន្ទាប់ពី​ក្រុមការងារ​ស្រាវជ្រាវរកឃើញថាការប្រើប្រាស់នូវ tablet ជាឧបករណ៍បច្ចេកវិទ្យា សម្រាប់សម្រួល​ក្នុងការប្រាស្រ័យទាក់ទងរវាងអ្នកជំងឺ និងអ្នកផ្តល់សេវា និងការបណ្តុះបណ្តាលអំពីវិធីសាស្ត្រ​ប្រាស្រ័យទាក់ទង រវាងអ្នកជំងឺ និងអ្នកផ្តល់សេវា ពិតជាអាចជួយធ្វើឱ្យមានភាពប្រសើរឡើង នូវការប្រើប្រាស់សេវាព្យាបាលមេរោគអេដស៍។ សាកលវិទ្យាល័យវិទ្យាសាស្ត្រសុខាភិបាល សហការ​ជាមួយមជ្ឈមណ្ឌលជាតិប្រយុទ្ធនឹងជំងឺអេដស៍ សើស្បែក និងកាមរោគ និងទទួល​បានការឧបត្ថម្ភថវិកាពីអង្គការសុខភាពពិភពលោកប្រចាំតំបន់ ប៉ាស៊ីហ្វិកខាងលិច បានរៀបចំគម្រោងសិក្សាស្ដីពី៖ ការចូលរួមរបស់សហគមន៍ក្នុងការប្រើប្រាស់បច្ចេកវិទ្យា​ទំនាក់ទំនង​ក្នុងវិស័យសុខាភិបាល ដើម្បីរក្សាអ្នកផ្ទុកមរាគអេដស៍ក្នុងប្រទេសកម្ពុជា ឲ្យស្ថិតក្នុងសេវាថែទាំ និងព្យាបាលមានរយៈពេល២ឆ្នាំ ចាប់ពីចុងឆ្នាំ២០២០ រហូតដល់ចុងឆ្នាំ២០២២ អនុវត្តនៅ​តាមមន្ទីរពេទ្យ/គ្លីនិក ដែលមានសេវាព្យាបាល ជំងឺអេដស៍ សរុបចំនួន០៨ គឺ៤កន្លែង ក្នុងរាជធានីភ្នំពេញ ១កន្លែង ក្នុងខេត្តកណ្តាល និង៣កន្លែង ក្នុងខេត្តបន្ទាយមានជ័យ។ ជាលទ្ធផលស្រាវជ្រាវរកឃើញថា អ្នកផ្តល់​សេវាព្យាបាលជំងឺអេដស៍ភាគច្រើនគាំទ្រការប្រើប្រាស់បច្ចេកវិទ្យា​ទំនាក់ទំនងក្នុងវិស័យសុខាភិបាល និងយល់ឃើញថា ទំនាក់ទំនងពីចំងាយតាមរយៈ បច្ចេកវិទ្យាបានជួយសម្រួលយ៉ាងខ្លាំង ដល់ការប្រាស្រ័យទាក់ទងគ្នាជាមួយអ្នកជំងឺ ជាពិសេសក្នុងកំឡុងពេលកូវីដ-១៩។ នាឱកាសនោះ ឯកឧត្តមសាស្ត្រាចារ្យ ធា គ្រុយ រដ្ឋលេខាធិការក្រសួងសុខាភិបាល តំណាង​ដ៏ខ្ពង់ខ្ពស់ឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល និងជាប្រធានក្រុមប្រឹក្សា​សាកលវិទ្យាល័យវិទ្យាសាស្ត្រសុខាភិបាល បានថ្លែងថា គម្រោងសិក្សានេះមួយផ្នែកជាការជំរុញនូវ​ទំនើបកម្មក្នុងការផ្តល់សេវាក្នុងវិស័យសុខាភិបាល ស្របតាមគោលនយោបាលរដ្ឋាភិបាលឌីជីថល របស់ប្រទេសកម្ពុជា និងមួយផ្នែកទៀត ​បានផ្តល់នូវវគ្គបណ្តុះបណ្តាលជាមួយអ្នកជំនាញខាង Community Engagement ជួយពង្រឹងសមត្ថភាព និងឥរិយាបទល្អរបស់មន្ត្រី-បុគ្គលិកសុខាភិបាល​យើងដែលជាអ្នកផ្តល់សេវា សុខាភិបាល ក្នុងការរក្សា ទំនុកចិត្ត និងការប្រាស្រ័យទាក់ទងគ្នា​ល្អជាមួយអ្នកជម្ងឺ របស់គាត់។ ឯកឧត្តម រដ្ឋលេខាធិការ បានបញ្ជាក់ថាភស្តុតាងជាក់ស្តែងទទួលបានពី លទ្ធផលស្រាវជ្រាវនេះ គឺអ្នកជំងឺបាត់ពីសេវាព្យាបាលប្រចាំត្រីមាស បានធ្លាក់ចុះ ចំពោះមន្ទីរពេទ្យ/គ្លីនិក​សេវាព្យាបាលជំងឺអេដស៍​ទាំង៥កន្លែង ក្រោយពីបាន អនុវត្តយន្តការប្រាស្រ័យទាក់ទង តាមរយៈប្រព័ន្ធបច្ចេកវិទ្យា ជាមួយអ្នកជំងឺនេះ៕អត្ថបទ រដ្ឋា

ឯកឧត្ដម សុខ ឥសាន៖ គណបក្សប្រជាជនកម្ពុជារៀបចំគណៈរដ្ឋមន្រ្តីថ្មី ប្រកបដោយសមត្ថភាព

2023/08/08 12:39:52 pm        572
Facebook Telegram Linkin
ភ្នំពេញ៖ ឯកឧត្តម សុខ ឥសាន អ្នកនាំពាក្យគណបក្សប្រជាជនកម្ពុជា បញ្ជាក់ថា គណបក្សប្រជាជនកម្ពុជា​បានរៀបចំគណៈរដ្ឋមន្រ្តីថ្មី ប្រកបដោយសមត្ថភាពខ្ពស់ក្នុងការដឹកនាំប្រទេសកម្ពុជា ក្នុងអាណត្តិទី៧នេះ ខណៈឯកឧត្ដមបណ្ឌិត ហ៊ុន ម៉ាណែ ជានាយករដ្ឋមន្រ្ដីថ្មីរួម នឹងសមាសភាពថ្នាក់ដឹកនាំវ័យក្មេងចេញពីគណបក្សប្រជាជនជាច្រើនរូបទៀត។បន្ទាប់ពីព្រះមហាក្សត្របានចេញព្រះរាជក្រឹត្យបង្គាប់​ចាត់តាំង ឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្រ្តី ​សម្រាប់អាណ្ណត្តិទី៧ ឯកឧត្តម សុខ ឥសាន ​បានប្រាប់ BTV News ឲ្យដឹងនៅ​ថ្ងៃទី៨ ខែសីហា ឆ្នាំ២០២៣នេះថា ដើម្បីឆ្ពោះទៅរកការរៀបចំរាជរដ្ឋាភិបាល ​នីតិកាលទី៧ ដែលដឹកនាំ​ដោយគណបក្សប្រជាជនកម្ពុជា មកដល់ពេលនេះ​ការរៀបចំសមាសភាព​គណៈរដ្ឋមន្រ្តី​បានត្រៀមលក្ខណៈគ្រប់គ្រាន់ ​និងរង់ចាំការបោះឆ្នោតផ្តល់សេចក្តីទុកចិត្តពីរដ្ឋសភាតែប៉ុណ្ណោះ។ ឯកឧត្តម បញ្ជាក់ថា ​ចំពោះគណៈរដ្ឋមន្រ្តីថ្មីសម្រាប់នីតិកាលទី៧ ​គឺជាសមាសភាពថ្មី ដែលមាន​សមត្ថភាព និងធានាការអនុវត្តកម្មវិធីនយោបាយរបស់​គណបក្សប្រជាជន​កម្ពុជា​ឲ្យប្រែក្លាយ​ជា​សមិទ្ធផល​ជាក់ស្តែងសម្រាប់ជាប្រយោជន៍​ជូន​សង្គមជាតិ និងប្រជាជន។ សូមជម្រាបថា រដ្ឋសភានៃព្រះរាជាណាចក្រកម្ពុជា នឹងបើកសម័យប្រជុំលើក១ ​និងលើកដំបូង នាថ្ងៃទី២១​ និងថ្ងៃទី២២ ខែសីហា ឆ្នាំ២០២៣ ក្រោមព្រះរាជវត្តមានដ៏​ខ្ពង់ខ្ពស់​បំផុតរបស់ព្រះ​ករុណា ព្រះបាទ​សម្តេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា រួមជាមួយសមាជិក​ សមាជិកាសភាសរុប១២៥រូប ​ដើម្បី​បោះឆ្នោត​ផ្តល់សេចក្តីទុកចិត្ត​លើការរៀបចំ​រាជរដ្ឋាភិបាល នីតិកាលទី៧៕ អត្ថបទ សេក ឧត្តម

យ៉ាងហោចណាស់មនុស្ស១៦នាក់ស្លាប់ ក្នុងឧបទ្ទវហេតុលិចទូកជនអន្តោប្រវេសន៍នៅអាហ្វ្រិកខាងជើង

2023/08/08 12:34:22 pm        231
Facebook Telegram Linkin
ទុយនីស៊ី៖មនុស្សយ៉ាងហោចណាស់១៦នាក់បានស្លាប់ ក្នុងឧបទ្ទវហេតុលិចទូកនៅប្រទេសទុយនីស៊ី និងតំបន់សាហារ៉ាភាគខាងលិច ខណៈប្រទេសអាហ្វ្រិកខាងជើងមួយនេះ ប្រឈមការកើនឡើងការឆ្លងកាត់សមុទ្រធ្វើដំណើរទៅកាន់ទ្វីបអឺរ៉ុប។ ប្រទេសទុយនីស៊ី បានក្លាយជាចំណុចពិសេសនៃច្រកទ្វារសំខាន់សម្រាប់ជនភៀសខ្លួន ជាចម្បងមកពីតំបន់ផ្សេងៗនៃទ្វីបអាហ្វ្រិក ដែលប៉ុនប៉ងធ្វើដំណើរតាមផ្លូវទឹកប្រកបដោយគ្រោះថ្នាក់ ក្នុងក្តីសង្ឃឹមសម្រាប់ជីវិតកាន់តែប្រសើរ។ ចំនួនអ្នកស្លាប់ពីការលិចទូកកាលពីថ្ងៃអាទិត្យនៅប្រទេសទុយនីស៊ី បានកើនឡើងដល់១១នាក់ បន្ទាប់ពីសាកសពន្ថែមទៀតត្រូវបានរកឃើញ។ អាជ្ញាធរនិយាយថា មនុស្ស២នាក់ ត្រូវបានជួយសង្គ្រោះក្នុងចំណោម៥៧នាក់នៅលើទូក ដែលទាំងអស់នេះមកពីប្រទេសអាហ្វ្រិកអនុតំបន់សាហារ៉ា ហើយអាជ្ញាធរបានបន្តស្វែងរកអ្នកកំពុងបាត់ខ្លួន។ អ្នករួចផុតពីស្លាប់ពីការលិចទូកដែលបានរាយការណ៍ចុងក្រោយនៅជិតកោះ Kerkennah ប្រទេសទុយនីស៊ី នៅសមុទ្រម៉េឌីទែរ៉ាណេ បាននិយាយថា ទូកបណ្តោះអាសន្នរបស់ពួកគេ បានចេញដំណើរកាលពីចុងសប្តាហ៍ ពីឆ្នេរភាគខាងជើងទីក្រុង Sfax មានផ្ទុកមនុស្ស៥៧នាក់នៅលើទូក។ក្នុងឧបទ្ទវហេតុដាច់ដោយឡែកមួយទៀត អាជ្ញាធរនៅប្រទេសម៉ារ៉ុក កាលពីថ្ងៃចន្ទបាននិយាយថា សាកសព៥នាក់ ទាំងអស់នេះមកពីប្រទេសសេណេហ្គាល់ ត្រូវបានរកឃើញ ហើយ១៨៩នាក់ ត្រូវបានជួយសង្គ្រោះ បន្ទាប់ពីទូកមួយគ្រឿងបានក្រឡាប់នៅតំបន់សាហារ៉ាភាគខាងលិច៕

ក្រុមមេធាវីរបស់អតីតនាយករដ្ឋមន្ត្រីប៉ាគីស្ថាន គ្រោងនឹងដាក់សំណើសុំនៅក្រៅឃុំ

2023/08/08 12:32:03 pm        300
Facebook Telegram Linkin
ប៉ាគីស្ថាន៖ក្រុមមេធាវីរបស់អតីតនាយករដ្ឋមន្ត្រីប៉ាគីស្ថាន លោក Imran Khan នៅថ្ងៃអង្គារ (៨ សីហា)នេះ គ្រោងនឹងដាក់សំណើសុំនៅក្រៅឃុំសម្រាប់រូបលោក ខណៈរូបលោកកំពុងត្រូវបានឃុំខ្លួនក្នុងពន្ធនាគារ ដែលមានអាយុកាលមួយសតវត្ស នៅពេលចាប់ផ្តើមការជាប់ពន្ធនាគាររយៈពេលបីឆ្នាំពីបទប្រព្រឹត្តអំពើពុករលួយ។អតីតកីឡាករវាយគ្រីឃីតអន្តរជាតិរូបនេះ ត្រូវបានចាប់ខ្លួនកាលពីថ្ងៃសៅរ៍ ហើយត្រូវបានបញ្ជូនទៅពន្ធនាគារ បន្ទាប់ពីត្រូវបានរកឃើញថាមានពិរុទ្ធភាពនៅក្នុងសំណុំរឿងជាង២០០ករណី ដែលលោកបានប្រឈមមុខ ចាប់តាំងពីត្រូវបានបណ្តេញចេញពីតំណែង ក្នុងការបោះឆ្នោតសកលកាលពីខែមេសា ឆ្នាំ២០២២មក។ការជាប់ពន្ធនាគារបានហាមឃាត់រូបលោកមិនឱ្យចូលរួមការបោះឆ្នោតខាងមុខ។ លោក Khan កំពុងត្រូវបានឃុំខ្លួននៅពន្ធនាគារសម័យអាណានិគមមួយនៅជាយក្រុងប្រវត្តិសាស្ត្រ Attock ចម្ងាយប្រហែល៦០គីឡូម៉ែត្រភាគខាងលិចរដ្ឋធានី Islamabad។ អ្នកនាំពាក្យរបស់លោក Khan ឈ្មោះ Raoof Hasan បានប្រាប់សារព័ត៌មាន AFP ថា ក្រុមមេធាវីរបស់លោក Khan នឹងដាក់ពាក្យសុំនៅក្រៅឃុំនៅថ្ងៃអង្គារនេះនៅតុលាការជាន់ខ្ពស់រដ្ឋធានី Islamabad បន្ទាប់ពីបានទៅសួរសុខទុក្ខលោកនៅក្នុងពន្ធនាគារដើម្បីទទួលបានអំណាចមេធាវីពីលោក៕

ប្រទេសអេស្ប៉ាញ ត្រៀមទប់ទល់រលកកម្ដៅលើកទីបីនៃរដូវក្តៅ

2023/08/08 12:27:02 pm        232
Facebook Telegram Linkin
អេស្ប៉ាញ៖ កាលពីថ្ងៃចន្ទ ប្រទេសអេស្ប៉ាញ បានត្រៀមទប់ទល់ថ្ងៃដំបូងនៃរលកកម្ដៅរយៈពេលមួយសប្តាហ៍ដែលក្រុមអ្នកឧតុនិយមរំពឹងថា នឹងជំរុញទែរម៉ូម៉ែត្រលើសពីកម្រិត៤៤អង្សាសេ (១១១ហ្វារិនហៃ) នៅក្នុងផ្នែកខ្លះនៃឧបទ្វីប Iberian ព្រមទាំងបង្កើនហានិភ័យនៃចំហេះព្រៃផងដែរ។អឺរ៉ុបខាងត្បូងកំពុងប្រឈមមុខនឹងសីតុណ្ហភាពដ៏ខ្ពស់បំផុតក្នុងរដូវកាលទេសចរណ៍នៃរដូវក្តៅនេះ ដែលជំរុញឱ្យក្រុមអាជ្ញាធរព្រមានអំពីហានិភ័យសុខភាព។ ក្រុមអ្នកវិទ្យាសាស្ត្រនិយាយថា រលកកម្តៅកាន់តែញឹកញាប់ កាន់តែខ្លាំង និងរាលដាលពេញមួយរដូវ ដោយសារតែបម្រែបម្រួលអាកាសធាតុ។លោក Ruben del Campo នៃទីភ្នាក់ងារអាកាសធាតុអេស្ប៉ាញ AEMET បានប្រាប់សារព័ត៌មាន រ៉យទ័រ ថា កត្តាដែលបណ្តាលឱ្យមានរលកកម្ដៅចុងក្រោយបំផុតគឺបរិយាកាសនៅនឹង ដែលបណ្តាលឲ្យមេឃគ្មានពពក ព្រមទាំងការមកដល់នៃម៉ាស់ខ្យល់ក្តៅ និងស្ងួតពីអាហ្វ្រិកខាងជើង ។លោកបានបន្ថែមថា ការរួមបញ្ចូលគ្នានៃសីតុណ្ហភាពក្តៅខ្លាំង និងសំណើមទាប បានធ្វើឱ្យទឹកនៅក្នុងអាងស្តុកទឹកហួតក្នុងអត្រាលឿនជាងមុន ខណៈការប្រើប្រាស់ក៏កំពុងកើនឡើងផងដែរ ធ្វើឲ្យផលប៉ះពាល់នៃគ្រោះរាំងស្ងួតកាន់តែអាក្រក់ទៅៗ ដែលអូសបន្លាយរយៈពេលយូរទៅលើប្រទេសអេស្ប៉ាញ៕

ចំហេះព្រៃជិត១០០កន្លែង កំពុងឆាបឆេះពាសពេញសាធារណរដ្ឋសាក់ខា នៃប្រទេសរុស្ស៊ី

2023/08/08 12:24:39 pm        207
Facebook Telegram Linkin
រុស្ស៊ី៖ ទីភ្នាក់ងារសាក់ខាក្នុងតំបន់នៃក្រសួងសង្គ្រោះបន្ទាន់រុស្ស៊ីបាននិយាយកាលពីថ្ងៃចន្ទថា ចំហេះព្រៃជិត១០០កន្លែង កំពុងឆាបឆេះនៅក្នុងសាធារណរដ្ឋចុងបូព៌ា សាក់ខា (Sakha) របស់ប្រទេសរុស្ស៊ី។ ក្រុមអាជ្ញាធរបាននិយាយថា ចំហេះព្រៃចំនួន៩៨ករណី បានឆាបឆេះលើផ្ទៃដីសរុបចំនួន១២៥.៦០០ហិចតា ដែលជាទំហំប្រហែលពាក់កណ្តាលនៃប្រទេសលុចសំបួ។ក្រុមមន្ត្រីសង្គ្រោះបន្ទាន់បានបន្ថែមថា ពួកគេកំពុងបន្តតាមដានផ្សែងពីចំហេះនោះ ខណៈដែលទីប្រជុំលំនៅឋានជាច្រើននៅទូទាំងតំបន់ត្រូវបានគេរាយការណ៍ថា បានគ្របដណ្តប់ដោយផ្សែង។ ចំហេះព្រៃនៅរដូវក្តៅ កើតឡើងប្រចាំឆ្នាំក្នុងសាធារណរដ្ឋសាក់ខា ជាតំបន់ធំបំផុត និងត្រជាក់បំផុតរបស់រុស្ស៊ី។ ប៉ុន្តែព្រឹត្តិការណ៍ទាំងនេះកាន់តែធ្ងន់ធ្ងរក្នុងរយៈពេលប៉ុន្មានឆ្នាំចុងក្រោយនេះ ដោយសារតំបន់អាក់ទិករបស់រុស្ស៊ី ឡើងកម្តៅលឿនជាងមធ្យមភាគពិភពលោកចំនួនពីរដង។លោក Grigory Kuksin អ្នកជំនាញការពារចំហេះព្រៃឯករាជ្យបានប្រាប់សារព័ត៌មាន The Moscow Times ថា ស្ថានភាពនៅសាធារណរដ្ឋសាក់ខាឆ្នាំនេះអាក្រក់ណាស់ ហើយក្រុមអាជ្ញាធរមិនតម្រូវឱ្យចាត់វិធានការប្រឆាំងនឹងការរីករាលដាលបន្ថែមទៀតរបស់ចំហេះទាំងនេះឡើយ។ចាប់តាំងពីដើមរដូវកាលចំហេះព្រៃឆ្នាំនេះមក ចំហេះព្រៃជាង៧០០ករណី ត្រូវបានចុះបញ្ជីនៅក្នុងសាធារណរដ្ឋសាក់ខា ដែលប៉ះពាល់ដល់ផ្ទៃដីសរុប១,២លានហិចតា នេះបើយោងតាមទីភ្នាក់ងារការពារចំហេះព្រៃ ដែលជាសាខានៃទីភ្នាក់ងារព្រៃឈើសហព័ន្ធរបស់ប្រទេសរុស្ស៊ី៕

ប៉ូឡូញនិយាយថា បេឡារុស និងរុស្ស៊ីកំពុងរៀបចំលំហូរជនអន្តោប្រវេសន៍ថ្មី

2023/08/08 12:06:54 pm        110
Facebook Telegram Linkin
ប៉ូឡូញ៖ រដ្ឋាភិបាលប៉ូឡូញកាលពីថ្ងៃចន្ទ បានចោទប្រកាន់ប្រទេសបេឡារុស និងរុស្ស៊ីពីបទរៀបចំលំហូរជនអន្តោប្រវេសន៍មួយផ្សេងទៀតចូលទៅក្នុងសហភាពអឺរ៉ុប តាមព្រំដែនប៉ូឡូញក្នុងគោលបំណងធ្វើឲ្យតំបន់មានអស្ថិរភាព។អនុរដ្ឋមន្ត្រីក្រសួងមហាផ្ទៃប៉ូឡូញ លោក ម៉ាស៊ី វ៉ាស៊ីក (Maciej Wasik) បានថ្លែងប្រាប់អ្នកយកព័ត៌មានថា៖«យើងកំពុងនិយាយអំពីប្រតិបត្តិការដែលរៀបចំឡើងដោយសេវាកម្មសម្ងាត់របស់ប្រទេសរុស្ស៊ី និងបេឡារុសដែលកំពុងមានភាពតានតឹងកាន់តែខ្លាំងឡើង»។លោក តូម៉ាស ប្រាហ្គា (Tomasz Praga) ប្រធានឆ្មាំត្បាតព្រំដែនប៉ូឡូញ បានបន្ថែមថា សេវាបេឡារុស ក្លាយទៅជា«ក្រុមឧក្រិដ្ឋជនដែលគ្រប់គ្រងការធ្វើទេសន្តរប្រវេសន៍ខុស   ច្បាប់។លោកបានថ្លែងប្រាប់អ្នកយកព័ត៌មានថា៖«ពិតណាស់ ពួកគេកំពុងរកប្រាក់ចំណេញយ៉ាងច្រើនពីការធ្វើទេសន្តរប្រវេសន៍នេះ។ក្នុងអំឡុងពេលវិបត្តិព្រំដែនពីមុន ចាប់ផ្តើមនៅរដូវក្តៅឆ្នាំ ២០២១ ជនអន្តោប្រវេសន៍ និងជនភៀសខ្លួនរាប់ម៉ឺននាក់ ដែលភាគច្រើនមកពីមជ្ឈិមបូព៌ា បានឆ្លង ឬប៉ុនប៉ងឆ្លងចូលទៅក្នុងប្រទេសប៉ូឡូញពីប្រទេសបេឡារុសជិតខាង៕

ព្យុះខិតជិតមកដល់បានបិទការិយាល័យនៅអាមេរិក ហើយមនុស្សរាប់លាននាក់តាមដានព្យុះកួច

2023/08/08 12:03:58 pm        185
Facebook Telegram Linkin
អាមេរិក៖ នៅក្នុងតំបន់ទីក្រុងវ៉ាស៊ីនតោន ការិយាល័យរដ្ឋាភិបាលសហរដ្ឋអាមេរិកបានបិទកាលពីព្រឹកថ្ងៃចន្ទ ដោយសារតែព្យុះរន្ទះកំពុងខិតជិតមកដល់ ខណៈពលរដ្ឋនៅទូទាំងសហរដ្ឋអាមេរិក ភាគខាងកើត ត្រូវបានព្រមានពីព្យុះកួចកំណាចដែលអាចកើតមាន ដូចជាខ្យល់បង្កមហន្តរាយ និងដុំព្រិលធំៗនៅមុនពេលបំណាច់ថ្ងៃ។ ការិយាល័យសេវាអាកាសធាតុជាតិ បាននិយាយថា មនុស្សជាង២៩,៥លាននាក់ រស់នៅក្នុងតំបន់មួយចាប់ពីរដ្ឋអាឡាបាម៉ារហូតដល់ រដ្ឋញូវយ៉កភាគខាងលិច ជាកន្លែងដែលមានហានីភ័យព្យុះកួចកំណាចនៅមុនម៉ោង១១យប់ ម៉ោងក្នុងតំបន់។ ការិយាល័យសេវាអាកាសធាតុជាតិ បាននិយាយថា ហានីភ័យធំបំផុតគឺនៅក្នុងតំបន់ភាគកណ្តាលនៃសមុទ្រអាត្លង់ទិក រួមមានទីក្រុងវ៉ាស៊ីនតោនD.C។ កន្លែងមួយចំនួនអាចមើលឃើញខ្យល់មានល្បឿនលើសពី១២១គីឡូម៉ែត្រក្នុងមួយម៉ោង និងមានធ្លាក់ព្រិលធំជាងគ្រាប់កូនហ្គោល។ យោងតាមគេហទំព័រតាមដាន PowerOutage.us. បានឲ្យដឹងថា ពលរដ្ឋជាង៨០០.០០០នាក់ គ្មានអគ្គិសនីប្រើប្រាស់នៅរដ្ឋភាគកណ្តាលអាត្លង់ទិក និងភាគខាងត្បូង។រដ្ឋបាលអាកាសចរណ៍សហព័ន្ធ បានចេញបញ្ជាដល់ជើងយន្តហោះដែលចេញដំណើរ ចូលចតនៅអាកាសយានដ្ឋានក្នុងទីក្រុងញូវយ៉ក វ៉ាស៊ីនតោន ហ្វីឡាដែលហ្វីយ៉ា អាត្លង់តា និងទីក្រុងបាល់ទីម័រ ដោយសារតែព្យុះភ្លៀង។ រដ្ឋបាលអាកាសចរណ៍សហព័ន្ធនិយាយថា ខ្លួនកំពុងផ្លាស់ប្តូរផ្លូវយន្តហោះ នៅជុំវិញព្យុះតាមដែលអាចធ្វើទៅបាន។ បណ្ណាល័យ សារមន្ទីរ ឧទ្យានជាតិ អាងហែលទឹក និងសេវាសហព័ន្ធនិងក្រុងដ៏ទៃទៀត នៅក្នុងតំបន់ទីក្រុងវ៉ាស៊ីនតោន ត្រូវបានបិទ។ គេហទំព័រ FlightAware ជាគេហទំព័រតាមដានជើងហោះហើរ បាននិយាយថា ជើងហោះហើរសហរដ្ឋអាមេរិក ជាង២.៣០០ជើង ត្រូវបានលុបចោល រួមទាំង៩៥ជើង នៅអាកាសយានដ្ឋានជាតិ Washington Reagan៕

ឯកឧត្តម គីម រិទ្ធី៖ ការផ្តល់ឈាមដោយស្ម័គ្រចិត្តជាប្រភពឈាម តែមួយគត់ដែលអាចផ្តល់ ឈាមប្រកបដោយចីរភាព

2023/08/08 12:01:46 pm        217
Facebook Telegram Linkin
ព្រះវិហារ៖ ឯកឧត្តម គីម រិទ្ធី អភិបាលខេត្តព្រះវិហារ មានប្រសាសន៍ថា ការផ្តល់ឈាមដោយស្ម័គ្រចិត្តជាប្រភពឈាម តែមួយគត់ដែលអាចផ្តល់ ឈាមប្រកបដោយចីរភាព ដើម្បីផ្គត់ផ្គង់ដល់មន្ទីរពេទ្យខេត្តព្រះវិហារយើង ក្នុងការយកទៅជួយ សង្គ្រោះអាយុជីវិត​ជនរងគ្រោះទូទៅ ដែលបណ្តាលមកពីកត្តាផ្សេងៗជាច្រើន ដែលពួកគាត់មានតម្រូវការឈាម ។ថ្លែងក្នុងពិធីបរិច្ចាគឈាមដោយស្ម័គ្រចិត្តក្រោមប្រធានបទ ផ្តល់ឈាម គឺផ្តល់ក្តីស្រលាញ់ នាព្រឹកថ្ងៃទី ០៧ខែសីហា ម្សិលមិញនេះ នៅក្នុងបរិវេណសាលាស្រុកជាំក្សាន្ត ខេត្តព្រះវិហារ ក្រោមអធិបតីភាពឯកឧត្តម គីម រិទ្ធី អភិបាលខេត្តព្រះវិហារ ដោយមានការចូលរួមពីព្រះសង្ឃ អភិបាលរងខេត្ត ថ្នាក់ដឹកនាំមន្ទីរអង្គភាព អាជ្ញាធរដែនដីគ្រប់លំដាប់ថ្នាក់ កងកម្លាំងទាំងបី លោកគ្រូ អ្នកគ្រូ ព្រមទាំងសហភាពសហព័ន្ធយុវជនកម្ពុជា ​និងបងប្អូនប្រជាពលរដ្ឋជាច្រើនរូបទៀត។នាឱកាសនោះ ឯកឧត្ដម គីម រិទ្ធី បាន សម្តែងនូវក្តីរីករាយសប្បាយចិត្ត នឹងថ្លែងអំណរគុណ​ចំពោះវត្តមាន របស់បងប្អូនប្រជាពលរដ្ឋទាំងអស់​ ដែលបានចូលរួមដោយស្ម័គ្រចិត្តក្នុងការ​បរិច្ចាគឈាម​នាពេលនេះ ​ដែលនេះគឺជាផ្នែក ​មួយនៃការលើកកម្ពស់វិស័យមនុស្សធម៌ ក្រោម​ពាក្យស្លោក ផ្តល់ឈាម គឺផ្តល់ក្តីស្រលាញ់។ឯកឧត្តមក៏បានលើកឡើង អំពីអត្ថប្រយោជន៍របស់បងប្អូន ដែលជាអ្នកបរិច្ចាគឈាម ផងដែរ ដែលអាចជួយកាត់បន្ថយហានិភ័យនៃជម្ងឺបេះដូង​ និងជម្ងឺផ្សេងៗជាច្រើនទៀត ហើយក៏ ទទួល​បាននូវការសរសើរ ​និងមានឈ្មោះថាជាអ្នកជួយសង្គ្រោះជីវិតមនុស្ស ​ជាពិសេសទៅ ទៀតនោះ គឺអ្នកដែលបានផ្ដល់ឈាម​ និងមានការងាយស្រួលនៅពេលខ្លួន ឬក្រុមគ្រួសារខ្លួន ត្រូវការ​ឈាមបន្ទាន់ ។តាមការបញ្ជាក់ពីពេទ្យជំនាញ បានអះអាងថា ការអ្នកបរិច្ចាគឈាម​ គឺទទួលបានការ ពិនិត្យ​សុខភាព និងវិភាគឈាមដោយឥតគិតថ្លៃ ​ហើយលក្ខខណ្ឌនៃការផ្តល់ឈាម ​គឺត្រូវមាន​ អាយុចាប់ពី ១៨ឆ្នាំដល់ ៥៥ឆ្នាំ ​មានទម្ងន់តិចបំផុត ​៤៥គីឡូក្រាម ​ក្នុងនោះចំពោះស្ត្រីអាច ផ្តល់ឈាម​បានក្នុងរយៈពេល ៤ខែម្តង ​ចំណែកឯបុរសអាច​ផ្តល់​ឈាម​បាន​ ក្នុងរយៈពេល ៣ខែ ម្តង។សូមបញ្ជាក់ថា ​ឈាមដែលទទួលបានពីការបរិច្ចាគដោយស្ម័គ្រចិត្តរបស់បងប្អូន ​នាពេល នេះសរុបចំនួន ​៩៤នាក់ ​ក្នុងចំណោមអ្នកចូលរួមសរុប​ ១១៦នាក់ ៕ 

បណ្ដាញសង្គម

ព័ត៌មានថ្មីៗ

ក្រុមហាម៉ាសអំពាវនាវឲ្យលោក Trump ធានានូវការប្តេជ្ញាចិត្តរបស់អ៊ីស្រាអែល ក្នុងការអនុវត្តកិច្ចព្រមព្រៀងហ្កាហ្សា
10/09/2025 05:10 PM
Facebook Telegram Linkin
អ៊ីស្រាអែលព្រមានប៉ាឡេស្ទីនកុំវិលទៅហ្កាហ្សាភាគខាងជើងវិញ ដោយប្រាប់ថា ជាតំបន់ប្រយុទ្ធគ្រោះថ្នាក់
10/09/2025 05:10 PM
Facebook Telegram Linkin
វិទ្យាស្ថាន BKI មកពីអូស្រ្តាលី ផ្តល់អាហារូបករណ៍ផ្នែកយានយន្តចំនួន៣០នាក់ ដល់វិទ្យាស្ថាន ITI នៅកម្ពុជា
10/09/2025 04:10 PM
Facebook Telegram Linkin
ឯកអគ្គរដ្ឋទូតស្វីសសង្ឃឹមថាស្ថានភាពព្រំដែនកម្ពុជា-ថៃនឹងឆាប់វិលត្រឡប់ទៅរកភាពប្រក្រតីឡើងវិញ
10/09/2025 04:10 PM
Facebook Telegram Linkin
កម្ពុជានាំចេញកសិផលគ្រប់ប្រភេទ មានទំហំទឹកប្រាក់ជាង ៣.៨៨៨ លានដុល្លារអាម៉េរិក
10/09/2025 04:10 PM
Facebook Telegram Linkin
រដ្ឋបាល ស្រុកជលគិរី បើកសិក្ខាសាលាសមាហរណកម្មកម្មវិធីវិនិយោគ៣ឆ្នាំរំកិល (២០២៦-២០២៨)
10/09/2025 04:10 PM
Facebook Telegram Linkin
សាខាកាកបាទក្រហមកម្ពុជាខេត្តក្រចេះ ចែកអំណោយដល់គ្រួសាររងគ្រោះដោយទឹកជំនន់ ២៥៩គ្រួសារ ក្នុងស្រុកឆ្លូង
10/09/2025 04:10 PM
Facebook Telegram Linkin
ជំនួបលើកទី២ នៃក្រុមការងារសម្របសម្រួលចម្រុះ (JCTF) កម្ពុជា-ថៃ លើកិច្ចការងារដោះមីនមនុស្សធម៌ ទទួលបានលទ្ធផលផ្លែផ្កាជាវិជ្ជមានគួរឱ្យកត់សម្គាល់
10/09/2025 04:10 PM
Facebook Telegram Linkin
មនុស្សជាង៧០នាក់ស្លាប់ និងជាង៥០នាក់រងរបួសធ្ងន់ស្រាល ដោយសារគ្រោះថ្នាក់ចរាចរណ៍រយៈពេល៩ខែឆ្នាំ២០២៥
10/09/2025 04:10 PM
Facebook Telegram Linkin
បណ្ឌិត្យសភានគរបាលកម្ពុជា ទទួលការបណ្តុះបណ្តាលកងកម្លាំងនគរបាលជាតិកម្ពុជាពី តួកគី
10/09/2025 04:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.