នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ស្ពានមិត្តភាពកម្ពុជា-ចិន មេគង្គក្រចេះ នឹងបន្តបើកឱ្យឆ្លងកាត់រហូតដល់ថ្ងៃទី១ ខែតុលា ឆ្នាំ២០២៥ ដោយសារទឹកទន្លេបន្តហក់ឡើង និងដើម្បីជួយសម្រួលដល់ការធ្វើដំណើររបស់បងប្អូនប្រជាពលរដ្ឋ
គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

នយោបាយ​ និង ការអភិវឌ្ឍន៍

ជនភៀសខ្លួនអ៊ុយក្រែនជិតពាក់កណ្តាលនៅប្រទេសអាល្លឺម៉ង់ សង្ឃឹមថានឹងបានស្នាក់អាស្រ័យនៅទីនេះ

2023/07/13 11:50:16 am        195
Facebook Telegram Linkin
អ៊ុយក្រែន៖ យោងតាមការស្ទង់មតិ ដែលបានចេញផ្សាយ កាលពីថ្ងៃពុធ (ទី១២ ខែកក្កដា) បានបង្ហាញថា ក្នុងចំណោមជនភៀសខ្លួនអ៊ុយក្រែនជាង ១លាននាក់ ដែលបានមកប្រទេសអាល្លឺម៉ង់ ដើម្បីគេចចេញពីសង្រ្គាម ចំនួន៤៤ភាគរយ ចង់ស្នាក់អាស្រ័យនៅក្នុងប្រទេសនេះ។ចំនួននេះគឺខ្ពស់ចំនួនជនភៀសខ្លួនអ៊ុយក្រែនជាង ៣៩ភាគរយ ដែលបាននិយាយថា ពួកគេគ្រោងនឹងស្នាក់នៅទីនេះ ក្នុងការស្ទង់មតិពីមុន ដែលបានចេញផ្សាយនៅចុងរដូវក្តៅឆ្នាំ២០២២។ ក្នុងចំណោមអ្នកដែលត្រូវបានស្ទង់មតិ ក្នុងការស្ទង់មតិថ្មីនេះ ចំនួន ១៨ភាគរយ រកការងារធ្វើបាន ដោយចំនួននេះ កើនឡើងតែបន្តិចប៉ុណ្ណោះពីចំនួន ១៧ភាគរយ នៅចុងរដូវក្ដៅឆ្នាំ២០២២។ហេតុផលដែលបានផ្តល់ឲ្យសម្រាប់ការស្ទង់មតិនេះ មានការរួមចំណែកយ៉ាងខ្ពស់ពីការធ្វើសមាហរណកម្ម និងការបើកវគ្គសិក្សាភាសាដែលមានបំណងជំរុញជនភៀសខ្លួនទាំងនោះមានលក្ខណៈសម្បត្តិគ្រប់គ្រាន់ ក្នុងការទទួលបានការងារ។ ចំនួន ៣ភាគ៤នៃជនភៀសខ្លួន បានចូលរៀនវគ្គសិក្សាភាសាអាល្លឺម៉ង់ ឬបានបញ្ចប់ការសិក្សារួចហើយ។តែយ៉ាងណាក្ដី ការស្ទង់មតិបានបង្ហាញថា សម្រាប់ស្ត្រីមានកូន ការស្វែងរកការងារធ្វើ មានការលំបាកជាង។ បន្ទាប់ពីមានការលុកលុយរបស់ប្រទេសរុស្ស៊ីលើប្រទេសរបស់ខ្លួន កាលពីដើមឆ្នាំ២០២២ ស្ត្រីអ៊ុយក្រែនពាក់កណ្តាល ដែលបានមកប្រទេសអាល្លឺម៉ង់ ក្នុងនាមជាជនភៀសខ្លួន មានកូនយ៉ាងហោចណាស់ម្នាក់។ការស្ទង់មតិដែលរួមបញ្ចូលទាំងការឆ្លើយតបរបស់ជនភៀសខ្លួនអ៊ុយក្រែន ៧.០០០នាក់ ដែលរស់នៅក្នុងប្រទេសអាល្លឺម៉ង់ គឺជាកិច្ចប្រឹងប្រែងរួមគ្នារបស់វិទ្យាស្ថាន DIW Berlin នៅក្រុងប៊ែរឡាំង វិទ្យាស្ថានស្រាវជ្រាវការងារ (IAB) ក្រសួងសម្រាប់ជនអន្តោប្រវេសន៍ និងជនភៀសខ្លួន ព្រមទាំងវិទ្យាស្ថានសហព័ន្ធ ដើម្បីការស្រាវជ្រាវចំនួនប្រជាជនផងដែរ៕

ស្ទូឌីយ៉ូហូលីវូដនៅអាមេរិក ព្យាយាមបញ្ចៀសការធ្វើកូដកម្មរបស់ក្រុមតារាសម្ដែងនៅពាក់កណ្ដាលអធ្រាត្រ

2023/07/13 11:46:23 am        188
Facebook Telegram Linkin
អាមេរិក៖ ស្ទូឌីយោភាពយន្ត និងទូរទស្សន៍ធំៗរបស់ហូលីវូដ និងសហជីពតំណាងឲ្យតារាសម្ដែងចំនួន១៦០.០០០នាក់ បានចូលរួមនៅក្នុងកិច្ចពិភាក្សាចុងក្រោយកាលពីថ្ងៃពុធមុនម៉ោងកំណត់ពាក់កណ្តាលអធ្រាត្រ ដើម្បីព្យាយាមជៀសវាងកូដកម្មពលកម្មលើកទីពីរនៅក្នុងអាជីវកម្មកម្សាន្តនេះ។ SAG-AFTRA ដែលជាសហជីពដ៏ធំបំផុតរបស់ហូលីវូដកំពុងទាមទារសំណងខ្ពស់ជាងនៅក្នុងយុគសម័យផ្សាយផ្ទាល់តាមទូរទស្សន៍ បូករួមទាំងការការពារជុំវិញការប្រើប្រាស់បញ្ញាសិប្បនិម្មិត ហៅកាត់ថា AI ។ សមាជិកបានអនុញ្ញាតឲ្យធ្វើកូដកម្ម ប្រសិនបើអ្នកចរចាមិនអាចឈានដល់កិច្ចព្រមព្រៀងមួយ ហើយតារាក្នុងបញ្ជី A រួមទាំងតារាសម្ដែងអាមេរិកនាង Jennifer Lawrence និងតារាភាពយន្តនាង Meryl Streep បាននិយាយថាពួកគេត្រៀមខ្លួនរួចជាស្រេចដើម្បីដើរចេញពីការងារ។ ពួកគេនឹងចូលរួមជាមួយសមាជិកប្រហែល ១១.៥០០ នាក់នៃក្រុមហ៊ុន Writers Guild of America (WGA) ដែលបានធ្វើកូដកម្មកាលពីដើមខែឧសភា។ ការដើរចេញពីការងារនោះបានធ្វើឲ្យកម្មវិធីជជែក តាមទូរទស្សន៍នៅពេលយប់ជ្រៅ ឈានដល់ការដំណើរការឡើងវិញគ្មានទីបញ្ចប់ និងបានរំខានដល់ផលិតកម្មភាគច្រើនសម្រាប់រដូវកាលទូរទស្សន៍រដូវស្លឹកឈើជ្រុះ និងការថតខ្សែភាពយន្តមួយចំនួនដែលចំណាយថវិកាយ៉ាងច្រើន។ ការធ្វើកូដកម្មដោយ ក្រុមសហជីព SAG-AFTRA នឹងបង្ខំឱ្យមានការបិទ និងដាក់សម្ពាធលើស្ទូឌីយោ ដើម្បីស្វែងរកដំណោះស្រាយ។  តារាសម្ដែងអង់គ្លេសនាង ហ្វ្លរិនស៍ភូ (Florence Pugh) បាននិយាយនៅក្នុងព្រឹត្តិការណ៍ផ្សព្វផ្សាយសម្រាប់ខ្សែភាពយន្ត អូផេនហេម័រ "Oppenheimer" ដែលនឹងមកដល់នាពេលខាងមុខនេះថា មនុស្សគ្រប់គ្នាមានអារម្មណ៍តានតឹងហើយសង្ឃឹមថាចម្លើយនឹងទទួលបានលទ្ធផលល្អ ។  បច្ចុប្បន្ននេះ ក្រុមសហជីពកំពុងតតាំងជាមួយក្រុមហ៊ុន Netflix ក្រុមហ៊ុន Walt Disney និងក្រុមហ៊ុនផ្សេងទៀតជុំវិញប្រាក់ខែគោល និងចំណែកផ្សេងពីសេវាផ្សាយ និងបញ្ហាផ្សេងទៀតរួមទាំងការប្រើប្រាស់ បញ្ញាសិប្បនិម្មិត ជំនាន់ដើម។ តារាសម្តែងចង់បានការធានាថារូបភាពឌីជីថលរបស់ពួកគេនឹងមិនត្រូវបានប្រើដោយគ្មានការអនុញ្ញាតពីពួកគេឡើយ ៕

ប្រជាប្រិយភាព Biden បន្តនៅ៤០ភាគ នៅជិតកម្រិតទាបបំផុតរបស់លោក ដោយសារសេដ្ឋកិច្ចអាមេរិក នៅតែជាការព្រួយបារម្ភជាចម្បង

2023/07/13 11:30:54 am        179
Facebook Telegram Linkin
អាមេរិក៖ ការគាំទ្រជាសាធារណៈលើប្រធានាធិបតីអាមេរិក ចូ បៃដិន (Joe Biden) បានបន្តស្ថិរភាពនៅ ៤០ភាគរយនៅដើមខែកក្កដា ជិតដល់កម្រិតទាបបំផុតនៃតំណែងប្រធានាធិបតីរបស់លោក ដោយសារការព្រួយបារម្ភផ្នែកសេដ្ឋកិច្ច បានបន្តបង្កបញ្ហាដល់ប្រជាជនអាមេរិក នេះបើយោងតាមការស្ទង់មតិរបស់ Reuters/Ipsos នៅសប្តាហ៍នេះ។ការស្ទង់មតិតាមអ៊ីនធឺណិតរយៈពេលបីថ្ងៃ ដែលបានសួរជនជាតិអាមេរិកថា«តើអ្នកយល់ព្រម ឬមិនយល់ព្រមចំពោះវិធីដែលលោកបៃដិន កំពុងគ្រប់គ្រងការងាររបស់លោកក្នុងនាមជាប្រធានាធិប តី?» ហើយបានបញ្ចប់កាលពីថ្ងៃចន្ទ បង្ហាញពីការថយចុះតិចតួចពីការបញ្ជាក់ពីការគាំទ្រ៤១ភាគរយរបស់លោក កាលពីមួយខែមុន នៅក្នុងការស្ទង់មតិដែលមានអត្រាលម្អៀង០,៣ភាគរយ។ចំនួនអ្នកឆ្លើយសំណួរច្រើនបំផុត គឺ ២១ភាគរយ បានលើកឡើងពីសេដ្ឋកិច្ចថា ជាកង្វល់ចម្បងរបស់ពួកគេ បន្ទាប់មក១៥ភាគរយដែលបានលើកឡើងពីអំពើឧក្រិដ្ឋកម្ម ឬអំពើពុករលួយ៕

ពលរដ្ឋខេត្តកំពង់ស្ពឺបញ្ជាក់ថា គណបក្សប្រជាជនកម្ពុជាផ្ដល់ភាពសុខសាន្តដល់ពលរដ្ឋគ្រប់គ្នា

2023/07/13 11:22:50 am        161
Facebook Telegram Linkin
កំពង់ស្ពឺ៖ ប្រជាពលរដ្ឋនៅក្នុងខេត្តកំពង់ស្ពឺ ពិសេសពលរដ្ឋវ័យចាស់ ​បានប្រកាសបន្តគាំទ្រ និងជឿជាក់​លើគណបក្សប្រជាជនកម្ពុជា ក៏ដោយសារតែគណបក្សប្រជាជនកម្ពុជា​បាន​រំដោះជីវិតពលរដ្ឋចេញពីភ្លើងសង្គ្រាម ​និងផ្ដល់ភាពសុខសាន្តក្នុងការរស់នៅដូចបច្ចុប្បន្ន។ នេះជាការលើកឡើងរបស់ពលរដ្ឋ ​ក្នុងការជួបសំណេះសំណាលជាមួយ ឯកឧត្តម ហ៊ុន ម៉ានី ក្រុមការងារគណបក្សប្រជាជនកម្ពុជាចុះជួយខេត្តកំពង់ស្ពឺ។នៅថ្ងៃទី ១៣ ខែកក្កដា ឆ្នាំ ២០២៣នេះ ប្រជាពលរដ្ឋប្រមាណជាង ៨០០ នាក់រស់នៅ ឃុំ មនោរម្យ និងឃុំ វាលពន់ ស្រុងថ្ពង ខេត្តកំពង់ស្ពឺ ​បានជួបសំណេះសំណាលជាមួយ ​ឯកឧត្តម ហ៊ុន ម៉ានី ក្រុមការងារ​គណបក្សប្រជាជនកម្ពុជា​ចុះមូលដ្ឋានជួយខេត្តកំពង់ស្ពឺ។ ក្នុងឱកាសនេះប្រជាពលរដ្ឋដែលធ្លាប់បានឆ្លងកាត់ការលំបាក​ដូចជាសង្រ្គាម ភាពអត់ឃ្លាន និង​ភាពភ័យខ្លាចក្នុងរបបប្រល័យពូជសាសន៍ ​ខ្មែរក្រហមបានបញ្ជាក់ថា ​គណបក្សបក្សប្រជាជនកម្ពុជា គឺជាបានរំដោះជីវិតប្រជាពលរដ្ឋចេញពីសេចក្ដីស្លាប់ ហើយបានដឹកនាំប្រទេសកម្ពុជា​ឱ្យរស់រានមាន​ជីវិតមកទល់បច្ចុប្បន្នដោយទទួលបាននូវភាពសុខសាន្តគ្រប់បែបយ៉ាង។ ឯកឧត្តម ហ៊ុន ម៉ានី បានអំពាវនាវដល់ប្រជាពលរដ្ឋសូមទៅបោះឆ្នោតនៅថ្ងៃទី​ ២៣ ខែកក្កដា ខាង​មុខឱ្យបានគ្រប់ៗគ្នា។ ឯកឧត្តម ក៏ក្រើនរម្លឹកដល់ពលរដ្ឋត្រូវត្រៀម អត្តសញ្ញាណបណ្ណ រឺឯកសារ​បញ្ជាក់អត្តសញ្ញាណសម្រាប់បម្រើដល់ការបោះឆ្នោតនាពេលខាងមុខឱ្យបានត្រឹមត្រូវ៕អត្ថបទ៖ គឹមហុក 

សម្តេច ទៀ បាញ់ ជំរុញឱ្យផ្សព្វផ្សាយភាពអស្ចារ្យនៃព្រឹត្តិការណ៍ស៊ីហ្គេម-ប៉ារ៉ាហ្គេមនៅកម្ពុជាបន្ថែមទៀត

2023/07/13 11:12:08 am        205
Facebook Telegram Linkin
ភ្នំពេញ៖ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី ​រដ្ឋមន្ត្រីក្រសួងការពារជាតិ និង​ជាប្រធាន​គណៈកម្មការធិការជាតិ CAMSOC បានជំរុញដល់ភាគីពាក់ព័ន្ធចូលរួមធ្វើការ​ផ្សព្វផ្សាយ​អំពីភាពអស្ចារ្យនៃព្រឹត្តិការណ៍កីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ដែលកម្ពុជាធ្វើជាម្ចាស់ផ្ទះឱ្យបានខ្លាំងក្លាបន្ថែមទៀត។សម្តេចពិជ័យសេនា ទៀ បាញ់ បានជំរុញបន្ថែមបែបនេះ ក្នុងឱកាសចូលរួមជាអធិបតីពិធីបួសសួង ថ្លែង​អំណរគុណដល់ទសបារមី​ដែលបានបីបាច់ថែរក្សា ក្រុមសិល្បៈនានាចូលរួម​សិល្បៈទស្សនីយភាព ក្នុងពិធីបើក ​និងបិទការប្រកួតកួតកីឡាអាស៊ីអាគ្នេយ៍ និងអាស៊ានប៉ាហ្គេម​នៅកម្ពុជា នៅពហុកីឡដ្ឋានជាតិមរតកតេជោ ​នាព្រឹកថ្ងៃទី១៣ ​ខែកក្កដា ឆ្នាំ២០២៣នេះ។ក្រោយពិធីបួងសួងថ្លែងអំណរគុណទសបារមី​ សម្តេចពិជ័យសេនាទៀ​ បាញ់ ថ្លែងថា អស់រយៈពេល​ជាង ៦៤ ឆ្នាំមកហើយ ដែលកម្ពុជាបានរងចាំឱកាសធ្វើម្ចាស់ផ្ទះរៀបចំព្រឹត្តិការណ៍​ប្រកួតកីឡា​ស៊ីហ្គេម និងអាស៊ាប៉ារ៉ាហ្គេម។ដូច្នេះសម្រាប់ការទទួលធ្វើម្ចាស់ផ្ទះរៀបចំព្រឹត្តិការណ៍នេះជាលើកដំបូង គឺត្រូវបន្តប្រើគ្រប់​មធ្យោបាយ​នានាជំរុញការផ្សព្វផ្សាយព្រឹត្តិការណ៍នេះ​ឱ្យមានភាពល្បីល្បាញជារៀងរហូត ជា​ពិសេសគឺការរៀបចម្លាក់ព្រឹត្តិការណ៍នេះ​នៅវិមានឈ្នះឈ្នះ។ឯកឧត្តម ទិត ថាវរិទ្ធ រដ្ឋលេខាធិការក្រសួងវប្បធម៌ និងវិចិត្រសិល្បៈ ​និងតំណាងឲ្យក្រុមសិល្បករ សិល្បៈការិនី​ប្រមាណជាង៣ពាន់នាក់ ​ដែលចូលរួមសម្តែងទស្សនីយភាព​យភាព​ ក្នុងពិធីបើក និងបិទការប្រកួតកួតកីឡាអាស៊ីអាគ្នេយ៍ ​និងអាស៊ានប៉ាហ្គេមនៅកម្ពុជា បានថ្លែងអំណរគុណថ្នាក់​ដឹកនាំរាជរដ្ឋាភិបាលដែលបានផ្តល់ការយកចិត្តទុកដាក់ និងលើកទឹកចិត្តដល់ក្រុម​សិល្បៈទាំងអស់គ្នា។ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ ​CAMSOC ថ្លែងថា រហូតមកដល់ពេលនេះ ព្រឹត្តិការណ៍កម្ពុជា ​រៀបចំប្រកួតកីឡា ​SEA GAMES និងASEAN PARA GAMES គឺមាន​មនុស្ស​ចូលView មើលនៅតាមបណ្តាញព័ត៌មានសង្គម​ TikTok,និង Facebook​ ជាដើមមានជាង ៣០ ពាន់លាននាក់ ​និងតាមបណ្តាញផ្សព្វផ្សាយទូរទស្សន៍ ​មានប្រមាណ ៥៥០ លាននាក់ នៅតាម​បណ្តាប្រទេសលើពិភពលោក៕អត្ថបទ៖ ស៊ុមសុខជា

អ្នកផ្សាយព័ត៌មានរបស់ BBC ពាក់ព័ន្ធនឹងរឿងអាស្រូវរូបថតផ្លូវភេទ ត្រូវបានដឹងថា ជាពិធីករឈានមុខគេ ឈ្មោះ Edwards

2023/07/13 10:06:01 am        215
Facebook Telegram Linkin
អង់គ្លេស៖ បណ្ដាញសារព័ត៌មាន បានធ្វើសេចក្ដីរាយការណ៍ថា អ្នកអត្ថាធិប្បាយព័ត៌មានទូរទស្សន៍ដ៏ល្បីល្បាញមួយរូបរបស់ចក្រភពអង់គ្លេស ឈ្មោះលោក Huw Edwards ត្រូវបានបង្ហាញអត្តសញ្ញាណដោយប្រពន្ធរបស់លោក កាលពីថ្ងៃពុធ (ទី១២ ខែកក្កដា) ខណៈអ្នកអត្ថាធិប្បាយព័ត៌មានរបស់ប្រព័ន្ធផ្សព្វផ្សាយ BBC រូបនេះ កំពុងប្រឈមនឹងការចោទប្រកាន់ថា រូបលោកបានចំណាយប្រាក់ឲ្យយុវជនម្នាក់រាប់ពាន់ផោន ដើម្បីទទួលបានរូបថតអាសអាភាស។លោក Edwards គឺជាអ្នកមានតួនាទីអត្ថាធិប្បាយព័ត៌មានពីការសោយទិវង្គតរបស់ម្ចាស់ក្សត្រី Elizabeth ទៅកាន់ប្រជាជាតិ នៅក្នុងខែកញ្ញា ហើយលោកបានដឹកនាំផ្សព្វផ្សាយព័ត៌មាននៃព្រឹត្តិការណ៍ធំបំផុតជាច្រើន នៅចក្រភពអង់គ្លេស ចាប់តាំងពីការផ្លាស់ប្ដូរសតវត្សរ៍ ដោយក្នុងនោះរួមទាំងការបោះឆ្នោត ពិធីរាជាភិសេក និងព្រឹត្តិការណ៍កីឡាអូឡាំពិកឆ្នាំ២០១២ ផងដែរ។ភរិយារបស់លោកឈ្មោះ Vicky Flind បាននិយាយថា លោកស្រីកំពុងធ្វើសេចក្តីថ្លែងការណ៍មួយ ដោយសារការបារម្ភ ចំពោះសុខភាពផ្លូវចិត្តរបស់លោក Edwards និងដើម្បីការពារកូនៗរបស់ពួកគេ បន្ទាប់ពីរបាយការណ៍ដំបូងរបស់សារព័ត៌មាន «The Sun» បានគ្របលើរបៀបវារៈព័ត៌មាន និងបង្កឲ្យមានពាក្យជាការប៉ាន់ស្មានច្រើនថ្ងៃ។លោកស្រី Flind បាននិយាយនៅក្នុងសេចក្តីថ្លែងការណ៍ថា៖ «លោក Huw កំពុងមានបញ្ហាសុខភាពផ្លូវចិត្តធ្ងន់ធ្ងរ។ ដូចដែលត្រូវបានចងក្រងជាឯកសារយ៉ាងល្អ គាត់ត្រូវបានព្យាបាលដោយជំងឺធ្លាក់ទឹកចិត្តធ្ងន់ធ្ងរ ក្នុងរយៈពេលប៉ុន្មានឆ្នាំថ្មីៗនេះ»។រឿងរ៉ាវដំបូងបានផ្ទុះឡើង កាលពីថ្ងៃសុក្រ (ទី៧ ខែកក្កដា) នៅពេលដែលសារព័ត៌មាន «The Sun» បានរាយការណ៍ថា ពិធីករឈានមុខរបស់ប្រព័ន្ធផ្សព្វផ្សាយ BBC បានផ្ដល់ប្រាក់ឲ្យយុវជនម្នាក់ចំនួន ៣៥.០០០ផោន (៤៥.០០០ដុល្លារ) ដើម្បីទទួលបានរូបថតខុសច្បាប់ ក្នុងរយៈពេល ៣ឆ្នាំ ដោយចាប់ផ្តើមនៅពេលដែលក្មេងនោះ មានអាយុ ១៧ឆ្នាំ។ប្រព័ន្ធផ្សព្វផ្សាយ BBC បានផ្អាកការងារពិធីកររូបនេះ ប៉ុន្តែមិនបានបញ្ចេញឈ្មោះឲ្យដឹងនោះទេ។ តារាទូរទស្សន៏ល្បីៗរបស់ BBC ជាច្រើននាក់ពេលនោះ បាននិយាយតាមរយៈបណ្ដាញសង្គមថា ពួកគេមិនមានពាក់ព័ន្ធនោះទេ បន្ទាប់ពីការនិយាយដេញដោលបានរីករាលដាលនៅលើប្រព័ន្ធអ៊ិនធឺណិត។ នគរបាលក្រុងឡុងដ៍ បាននិយាយកាលពីព្រឹកថ្ងៃពុធ (ទី១២ ខែកក្កដា) ថា ខ្លួនបានបញ្ចប់ការវាយតម្លៃលើការចោទប្រកាន់នានា ហើយបានរកឃើញថា មិនមានភ័ស្តុតាងណាពាក់ព័ន្ធនឹងបទល្មើសព្រហ្មទណ្ឌណាមួយ ត្រូវបានប្រព្រឹត្តនោះទេ៕

UNស្នើឲ្យលោក Putin បន្ថែមកិច្ចព្រមព្រៀងដឹកជញ្ជូនគ្រាប់ធញ្ញជាតិនៅសមុទ្រខ្មៅ ជាថ្នូរនឹងការភ្ជាប់ធនាគាររុស្ស៊ីទៅនឹងប្រព័ន្ធទូទាត់សាច់ប្រាក់ SWIFT

2023/07/13 09:51:43 am        185
Facebook Telegram Linkin
UN៖ ប្រភពមួយចំនួនបានប្រាប់សារព័ត៌មាន រ៉យទ័រថា អគ្គលេខាធិការអង្គការសហប្រជាជាតិ លោកអង់តូនីញូ ហ្គូតេរ៉េស (Antonio Guterres) បានស្នើដល់ប្រធានាធិបតីរុស្ស៊ី Vladimir Putin ឲ្យបន្ថែមពេលវេលាកិច្ចព្រមព្រៀង ផ្ដល់សុវត្ថិភាពលើការនាំចេញគ្រាប់ធញ្ញជាតិនៅសមុទ្រខ្មៅ ពីអ៊ុយក្រែន ជាថ្នូរនឹងការភ្ជាប់ទៅកាន់ក្រុមហ៊ុនបុត្រសម្ព័ន្ធធនាគារកសិកម្មរបស់រុស្ស៊ី ទៅកាន់ប្រព័ន្ធទូទាត់ប្រាក់អន្តរជាតិស្វីហ្វ (SWIFT)។ ប្រទេសរុស្ស៊ីបានគំរាមលុបចោលកិច្ចព្រមព្រៀងគ្រាប់ធញ្ញជាតិដែលនឹងផុតកំណត់នៅថ្ងៃចន្ទ ដោយសារតែការទាមទារជាច្រើនដើម្បីបញ្ជូនគ្រាប់ធញ្ញជាតិ និងជីកសិកម្មរបស់ខ្លួនទៅក្រៅប្រទេសមិនត្រូវបានបំពេញគ្រប់តម្រូវការ។ នាវាពីរគ្រឿងចុងក្រោយដែលធ្វើដំណើរក្រោមកិច្ចព្រមព្រៀងសមុទ្រខ្មៅបច្ចុប្បន្នកំពុងផ្ទុកទំនិញនៅឯកំពង់ផែ Odesa របស់អ៊ុយក្រែន មុនពេលផុតកំណត់។  យោងតាមប្រភពចំនួន៣ ដែលធ្លាប់ដឹងពីការពិភាក្សានេះ បានប្រាប់សារព័ត៌មាន Reuters កាលពីថ្ងៃពុធថា ទោះបីជាយ៉ាងណាក៏ដោយ សហភាពអឺរ៉ុបកំពុងពិចារណាភ្ជាប់ទៅកាន់ប្រព័ន្ធទូទាត់ប្រាក់ SWIFT ដែលជាបុត្រសម្ព័ន្ធរបស់ធនាគាររ៉ូសេលខូសប៊ែង (Rosselkhozbank) ដើម្បីអនុញ្ញាតជាពិសេសសម្រាប់ប្រតិបត្តិការដឹកជញ្ជូនគ្រាប់ធញ្ញជាតិ និងជីកសិកម្ម។ គណៈកម្មការអឺរ៉ុបមិនបានឆ្លើយតបភ្លាមៗចំពោះសំណើសុំការអត្ថាធិប្បាយទេ។  អ្នកនាំពាក្យអង្គការសហប្រជាជាតិបាននិយាយកាលពីថ្ងៃពុធថា លោក Guterres បានផ្ញើលិខិតមួយច្បាប់ទៅកាន់លោក Putin កាលពីថ្ងៃអង្គារ ដោយស្នើការជួយសម្របសម្រួលបន្ថែមទៀត ដល់ការនាំចេញស្បៀងអាហារ និងជីរបស់រុស្ស៊ី និងធានាការបន្តការនាំចេញគ្រាប់ធញ្ញជាតិរបស់អ៊ុយក្រែននៅសមុទ្រខ្មៅ៕

គណៈកម្មាធិការគណបក្សប្រជាជនរាជធានីភ្នំពេញ ប្រជុំដកបទពិសោធន៍ការដង្ហែក្បួនយុទ្ធនាការឃោសនា

2023/07/13 09:18:20 am        62
Facebook Telegram Linkin
ភ្នំពេញ៖ គណៈកម្មាធិការគណបក្សប្រជាជនកម្ពុជារាជធានីភ្នំពេញ ប្រជុំដកបទពិសោធន៍ពីការដង្ហែក្បួនយុទ្ធនាការឃោសនា ដោយបានកំណត់យកទីតាំងជួបជុំ និងតម្រាយផ្លូវប្រវែងជាង៩គីឡូម៉ែត្រ សម្រាប់ថ្ងៃបិទបញ្ចប់យុទ្ធនាការឃោសនាថ្ងៃទី២១ កក្កដាខាងមុខ។សម្រាប់ការដង្ហែក្បួនយុទ្ធនាការឃោសនាបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ និងការបិទបញ្ចប់នូវយុទ្ធនាការឃោសនាបោះឆ្នោត គណៈកម្មាធិការគណបក្សប្រជាជនរាជធានីភ្នំពេញ បានត្រៀមរួចរាល់ហើយ ដើម្បីដង្ហែក្បួនលើតម្រាយផ្លូវប្រវែងជាង៩គីឡូម៉ែត្រ នៅក្នុងរាជធានីភ្នំពេញ។នេះបើតាមការបញ្ជាក់ឱ្យដឹងក្នុងកិច្ចប្រជុំស្ដីពីការដកពិសោធន៍ការដង្ហែក្បួន​យុទ្ធនាការឃោសនា​បោះឆ្នោតជ្រើសតាំង​តំណាងរាស្ត្រ នីតិកាលទី៧ ឆ្នាំ២០២៣ លើកទី២​ និង​ទិសដៅបន្ត ដើម្បីត្រៀមថង្ហែលើកទី៣ និងបិទបញ្ចប់នូវយុទ្ធនាការឃោសនាបោះឆ្នោតនាថ្ងៃទី២១ ខែកក្កដា ខាងមុខនេះ ​កិច្ចប្រជុំនេះបានធ្វើឡើងនាល្ងាចថ្ងៃទី១២ ខែកក្កដា ឆ្នាំ២០២៣ ក្រោមអធិបតីភាព ឯកឧត្តម ឃួង ស្រេង សមាជិកគណៈកម្មាធិការកណ្តាលគណបក្ស ប្រជាជនកម្ពុជា ប្រធាន​គណៈកម្មាធិការ​គណបក្សរាជធានីភ្នំពេញ ដោយមានការចូលរួម​ពីគណៈកម្មាធិការគណបក្ស​ខណ្ឌទាំង១៤ អង្គភាពនៃមន្ទីរចំណុះឱ្យគណៈកម្មាធិការគណបក្សរាជធានីភ្នំពេញ ស.២៦ និងស.២៧ នៅមន្ទីរគណបក្សរាជធានីភ្នំពេញ។ក្នុងកិច្ចប្រជុំនេះ គឺបានកំណត់រួចហើយដោយយកថ្ងៃទី២១ ខែកក្កដា ឆ្នាំ២០២៣ ជាថ្ងៃបិទបញ្ចប់​យុទ្ធនាការឃោសនាបោះឆ្នោត ​ដែលមានសមាជិក ​សមាជិកាគណបក្សប្រជាជនកម្ពុជា នឹង​ជួបជុំគ្នានៅ​មជ្ឈមណ្ឌល​ពិព័រណ៍​ និងសន្និបាត​កោះពេជ្រ​ រួចដង្ហែរក្បួនចេញពីកោះពេជ្រ ចូលមក​ក្នុងរាជធានីភ្នំពេញ ​ដោយមកបញ្ចប់នៅតំបន់បឹងកក់​ ដែលមានតម្រាយផ្លូវប្រវែងជាង៩គីឡូម៉ែត្រ ៕អត្ថបទ ៖ ប្រាក់ វ៉ាន់ដា

ប្រជាប្រិយភាពលោក Pita បានធ្លាក់ចុះ ខណៈប្រទេសថៃនឹងចាប់ផ្ដើមបោះឆ្នោតជ្រើសរើសនាយករដ្ឋមន្ត្រីនៅថ្ងៃទី១៣ខែកក្កដានេះ

2023/07/13 09:12:54 am        249
Facebook Telegram Linkin
ថៃ៖ សភាថៃនឹងជួបប្រជុំនៅថ្ងៃព្រហស្បតិ៍ទី១៣ កក្កដានេះ ដើម្បីបោះឆ្នោតជ្រើសរើសនាយករដ្ឋមន្ត្រីថ្មី ដោយរហូតមកដល់ពេលនេះលោក Pita Limjaroenrat គឺជាបេក្ខជនឈរឈ្មោះតែមួយគត់ ដែលវាហាក់ដូចជាជម្រើសដ៏ងាយស្រួលមួយសម្រាប់សមាជិកសភា។ ឥទ្ធិពលនៃព្រឹទ្ធសភាដែលតែងតាំងដោយយោធាដែលមានសមាជិក ២៥០រូប គ្របដណ្តប់លើដំណើរការបោះឆ្នោតនេះមានន័យថា លទ្ធផលបោះឆ្នោតសម្រាប់សម្ព័ន្ធគាំទ្រលទ្ធិប្រជាធិបតេយ្យរបស់លោក Pita នឹងមិនអំណោយផលនោះទេ។ការបន្ថែមទៅលើភាពមិនប្រាកដប្រជាសម្រាប់លោក Pita នោះគឺប្រតិកម្មរបស់គណៈកម្មការរៀបចំការបោះឆ្នោតជុំវិញសំណួរអំពីគុណវុឌ្ឍិរបស់លោក Pita ស្របពេលមានការស៊ើបអង្កេតលើការចោទប្រកាន់ថាលោកបានកាន់កាប់ភាគហ៊ុននៅក្នុងក្រុមហ៊ុនប្រព័ន្ធផ្សព្វផ្សាយ ដែលជាការបំពានច្បាប់បោះឆ្នោត។លោក Pita បានប្រមូលផ្តុំសម្ព័ន្ធភាពនៃគណបក្សចំនួន៨ ដែលកាន់កាប់ច្រើនជាង៦០% នៃអាសនៈចំនួន៥០០ នៅក្នុងសភាតំណាងរាស្រ្តបន្ទាប់ពីការបោះឆ្នោតសកលកាលពីថ្ងៃទី១៤ ខែឧសភា។ លោកនៅតែត្រូវការការគាំទ្រពីសមាជិកព្រឹទ្ធសភា ដើម្បីឈានដល់ការបោះឆ្នោតសភារួមបញ្ចូលគ្នាយ៉ាងតិច ៣៧៦អាសនៈ ដើម្បីក្លាយជានាយករដ្ឋមន្ត្រី។នៅក្នុងរបាយការណ៍មួយកាលពីដើមខែនេះ អ្នកវិភាគនៅក្រុមហ៊ុន Nomura Holdings Inc. បាននិយាយថា ប្រជាប្រិយភាពរបស់គណបក្សភឿថៃដឹកនាំរដ្ឋាភិបាលបានកើនឡើងដល់៦០% ពីចំនួន៥៥% ខណៈដែលប្រជាប្រិយនៃគណបក្សឆ្ពោះទៅមុខ (Move Forward) របស់លោក Pita បានធ្លាក់ចុះដល់៣០% ពីចំនួន៣៥%៕

សម្ព័ន្ធមិត្តណាតូ ផ្តល់ការធានាសន្តិសុខដល់អ៊ុយក្រែន ខណៈលោក Biden ដៀលPutinជាមនុស្សល្មោភអំណាច

2023/07/13 08:48:54 am        288
Facebook Telegram Linkin
អាមេរិក៖ ប្រធានាធិបតីអាមេរិកលោក Joe Biden បានចោទប្រកាន់ប្រធានាធិបតីរុស្ស៊ីលោក Vladimir Putin ថាជាមនុស្សមានមហិច្ឆតាដណ្តើមដែនដី និងល្មោភអំណាចនៅចុងបញ្ចប់នៃកិច្ចប្រជុំកំពូលរបស់ណាតូកាលពីថ្ងៃពុធ ដែលអ៊ុយក្រែនបានទទួលការធានាសន្តិសុខថ្មីពីសហរដ្ឋអាមេរិក និងសម្ព័ន្ធមិត្តសម្រាប់ការការពារប្រឆាំងនឹងទីក្រុងមូស្គូ។ សមាជិកនៃប្លុកយោធាដ៏មានឥទ្ធិពលបំផុតរបស់ពិភពលោកមួយនេះ បានផ្តល់ការរំពឹងទុកនៃការការពាររយៈពេលវែង មួយថ្ងៃបន្ទាប់ពីប្រធានាធិបតីអ៊ុយក្រែនលោក Volodymyr Zelensky បានត្អូញត្អែរថា ជាការបដិសេធគ្មានហេតុផល ដែលមិនព្រមផ្តល់ការអញ្ជើញ ឬបញ្ជាក់ពេលវេលាសម្រាប់ការចូលជាសមាជិករបស់អ៊ុយក្រែនទៅក្នុងអង្គការណាតូ។  អ៊ុយក្រែនបាននិងកំពុងជំរុញឲ្យទទួលយកសមាជិកភាពឲ្យបានឆាប់រហ័ស ខណៈការប្រយុទ្ធប្រឆាំងនឹងការវាយលុករបស់រុស្ស៊ីដែលបានចាប់ផ្តើមកាលពីថ្ងៃទី២៤ ខែកុម្ភៈឆ្នាំ ២០២២ ដែលបានសម្លាប់មនុស្សរាប់ម៉ឺននាក់ និងរាប់លាននាក់បានភៀសខ្លួន។  ផ្ទុយទៅវិញ សេចក្ដីប្រកាសដោយក្រុមប្រទេសមានឧស្សាកម្មលូតលាស់បំផុតរបស់ពិភពលោកទាំង៧ឬG-7 បានចាប់ផ្តើមក្របខ័ណ្ឌសម្រាប់ការចរចាទ្វេភាគី ដើម្បីផ្តល់ការគាំទ្រផ្នែកយោធា និងហិរញ្ញវត្ថុ ការចែករំលែកព័ត៌មានសម្ងាត់ និងការសន្យាចាតើវិធានការភ្លាមៗ ប្រសិនបើរុស្ស៊ីវាយប្រហារម្តងទៀត។ លោក Biden បាននិយាយ ជាមួយលោក Zelensky និងមេដឹកនាំ G-7 ដែលរួមមានសហរដ្ឋអាមេរិក អង់គ្លេស កាណាដា បារាំង អាល្លឺម៉ង់ អ៊ីតាលី និងជប៉ុន ថា ការគាំទ្ររបស់យើងនឹងមានរយៈពេលយូរទៅអនាគត។ នោះគឺជាសេចក្តីថ្លែងការណ៍ដ៏មានអានុភាពនៃការប្តេជ្ញាចិត្តរបស់យើងចំពោះអ៊ុយក្រែន៕  ថ្លែងនៅក្នុងទីក្រុង វីលនីញូស (Vilnius) ប្រទេសលីទុយអានី នៅចុងបញ្ចប់នៃកិច្ចប្រជុំរយៈពេលពីរថ្ងៃនៅមាត់ទ្វារផ្ទះរបស់រុស្ស៊ី លោក Biden បាននិយាយថា លោក Putin បានមើលស្រាលយ៉ាងខ្លាំងចំពោះការដោះស្រាយរបស់សម្ព័ន្ធភាពយោធាដឹកនាំដោយសហរដ្ឋអាមេរិក៕

បណ្ដាញសង្គម

ព័ត៌មានថ្មីៗ

មជ្ឈមណ្ឌលបណ្តុះបណ្តាលវិជ្ជាជីវៈខេត្តត្បូងឃ្មុំ ផ្តល់អាហារូបករណ៍ ៣២៥៥កន្លែង លើ ៧មុខជំនាញ និងប្រាក់ឧបត្ថម្ភ ដល់យុវជនមកពីគ្រួសារក្រីក្រ
10/03/2025 09:10 AM
Facebook Telegram Linkin
លោកPutin៖ រុស្ស៊ីនឹងធ្វើតេស្ដនុយក្លេអ៊ែរ ប្រសិនបើមហាអំណាចនុយក្លេអ៊ែរផ្សេងទៀតធ្វើដូច្នេះ
10/03/2025 09:10 AM
Facebook Telegram Linkin
សេតវិមានលើកឡើងថា លោក Trump នឹងសម្រេចថាតើនឹងទុកពេលយូរប៉ុនណាឱ្យក្រុមហាម៉ាសក្នុងការទទួលយកផែនការហ្កាហ្សា
10/03/2025 08:10 AM
Facebook Telegram Linkin
កម្ពុជានៅតែបន្តអំពាវនាវឲ្យថៃដោះលែងទាហានខ្មែរ១៨នាក់ដែលថៃចាប់ទៅដោយខុសច្បាប់មកវិញប្រកបដោយសុវត្ថិភាព
10/03/2025 08:10 AM
Facebook Telegram Linkin
អ្នកជំងឺលាងឈាមនៅមន្ទីរពេទ្យ Al Shifa ក្នុងទីក្រុងហ្កាហ្សា កំពុងជួបការលំបាកសម្រាប់ការព្យាបាល
10/02/2025 10:10 PM
Facebook Telegram Linkin
ក្រុមការងារក្រសួងសាធារណការ ចុះត្រួតពិនិត្យខ្សែផ្លូវទទួលរងការខូចខាតដោយសារទឹកជំនន់ ក្នុងភូមិសាស្ត្រខេត្តចំនួន៤
10/02/2025 10:10 PM
Facebook Telegram Linkin
គ.ជ.ប រៀបចំកិច្ចប្រជុំផ្សព្វផ្សាយ ផែនការយុទ្ធសាស្ត្រជាតិ ស្តីពី ពិការភាព ឆ្នាំ២០២៤-២០២៨
10/02/2025 10:10 PM
Facebook Telegram Linkin
ការកាត់ផ្តាច់ជំនួយសហរដ្ឋអាមេរិក រួមចំណែកធ្វើឲ្យកើនឡើងករណីស្លាប់ដោយសារជំងឺគ្រុនចាញ់នៅកាមរូន
10/02/2025 08:10 PM
Facebook Telegram Linkin
ប្រជុំបូកសរុបសភាពការណ៍បទល្មើស និងតែងតាំងមុខតំណែង បំពាក់ឋានន្តសក្តិជូនមន្ត្រីនគរបាលរាជធានីភ្នំពេញ
10/02/2025 08:10 PM
Facebook Telegram Linkin
ទស្សនាវដ្តី Forbes ៖ លោក Elon Musk ក្លាយជាមនុស្សដំបូងគេមានទ្រព្យសម្បត្តិ ៥០០ពាន់លានដុល្លារ
10/02/2025 08:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.