នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ស្ពានមិត្តភាពកម្ពុជា-ចិន មេគង្គក្រចេះ នឹងបន្តបើកឱ្យឆ្លងកាត់រហូតដល់ថ្ងៃទី១ ខែតុលា ឆ្នាំ២០២៥ ដោយសារទឹកទន្លេបន្តហក់ឡើង និងដើម្បីជួយសម្រួលដល់ការធ្វើដំណើររបស់បងប្អូនប្រជាពលរដ្ឋ
គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

នយោបាយ​ និង ការអភិវឌ្ឍន៍

បទវិភាគ៖ របបរាជានិយមរបស់ប្រទេសថៃលេចចេញជារនាំងសម្រាប់ការតែងតាំងនាយករដ្ឋមន្ត្រី

2023/07/11 01:07:19 pm        100
Facebook Telegram Linkin
តួនាទីរបស់រាជានិយមនៅក្នុងប្រទេសថៃគឺជាស្នូលនៃភាពជាប់គាំងដែលកំពុងលេចចេញ ដែលអាចនាំឲ្យសេដ្ឋកិច្ចរបស់ប្រទេសធំបំផុតទីពីររបស់អាស៊ីអាគ្នេយ៍មួយនេះធ្លាក់ចូលក្នុងវិបត្តិ ដោយក្រុមអ្នកកំណែទម្រង់បានប្រជែងគ្នាម្តងទៀតដើម្បីទទួលបានការក្តាប់អំណាចនៃការបង្កើតយោធារាជានិយម។ទោះបីជាបានទទួលជ័យជម្នះដ៏គួរឲ្យភ្ញាក់ផ្អើលជាមួយសម្ព័ន្ធមិត្តរបស់ខ្លួននៅក្នុងការបោះឆ្នោតកាលពីថ្ងៃទី១៤ ខែឧសភា លើគណបក្សដែលគាំទ្រយោធាក៏ដោយក៏គណបក្សឆ្ពោះទៅមុខ(Move Forward ) ដែលដឹកនាំដោយលោកភីថា លីមចារើនរ៉ាត់ (Pita Limjaroenrat) ប្រឈមនឹងផ្លូវមិនច្បាស់លាស់ទៅកាន់ការគ្រប់គ្រងរដ្ឋាភិបាលដែរ។ មូលហេតុសំខាន់ គឺថាផ្នែកនៃកម្មវិធីនយោបាយរបស់គណបក្ស Move Forward គឺជាសំណើដែលមិននឹកស្មាន​ដល់​ក្នុងការធ្វើវិសោធនកម្មច្បាប់ប្រមាថព្រះមហាក្សត្រ របស់ប្រទេសថៃ មាត្រា ១១២ នៃក្រមព្រហ្មទណ្ឌ ដែលដាក់ទោសការប្រមាថព្រះមហាក្សត្រដោយដាក់ពន្ធនាគាររហូតដល់ ១៥ ឆ្នាំ។ នៅក្នុងប្រទេសដែលមានការគោរពយ៉ាងខ្លាំង​ចំពោះព្រះមហាក្សត្រអស់ជាច្រើន​ទសវត្សរ៍​ត្រូវបានលើកតម្កើងថាជាចំណុចកណ្តាលនៃអត្តសញ្ញាណជាតិ គំនិតនេះគឺជ្រុលនិយមដែលក្រុមគណបក្សសំឡេងភាគតិច និងសមាជិកព្រឹទ្ធសភាជាច្រើននាក់ដែលត្រូវបានតែងតាំងបានប្តេជ្ញាថានឹងរារាំង លោក ភីថា មិនឲ្យក្លាយជានាយករដ្ឋមន្ត្រី។សមាជិកព្រឹទ្ធសភា លោក សេរីស៊ូវ៉ាន់ផាណុន(Seri Suwanpanon) បានប្រាប់សារព័ត៌មានរ៉យទ័រថា ការស្នើវិសោធនកម្មនេះគឺជាការមិនគោរព និងជាការប្រមាថដល់របបរាជានិយម។ ក្រុមអ្នករិះគន់និយាយថា អស់រយៈពេលជាច្រើនទសវត្សរ៍ មកនេះ យោធាបានទាមទារកាតព្វកិច្ច​របស់​ខ្លួនក្នុងការការពាររបបរាជាធិបតេយ្យដើម្បីបង្ហាញអំពីការធ្វើអន្តរាគមន៍ក្នុងនយោបាយ និងបានប្រើច្បាប់ប្រមាថព្រះមហាក្សត្រដើម្បីរារាំងក្រុមអ្នកដែលប្រឆាំងនឹងរបបសឹក។ នៅក្នុងសភា ព្រះឆាយាល័ក្ខណ៍ដ៏ធំរបស់ព្រះមហាក្សត្រព្រះបាទមហាវេជ្ជរាឡុងកន(Maha Vajiralongkorn) ដែលមានព្រះជន្ម៧០ព្រះវស្សា ត្រូវបានព្យួរលើសភា ដែលសមាជិក នឹងបោះឆ្នោតជ្រើសរើសនាយករដ្ឋមន្ត្រីនៅថ្ងៃព្រហស្បតិ៍ ទី១៣ខែកក្កដា សប្ដាហ៍នេះ ៕

ឯកឧត្តម វេង សាខុន ចុះពិនិត្យនិងវាយតម្លៃរួមលើលទ្ធផលនៃយុទ្ធនាការឃោសនាបោះឆ្នោត រយៈពេល១០ថ្ងៃកន្លងមក

2023/07/11 12:56:38 pm        177
Facebook Telegram Linkin
កំពង់ចាម៖ នៅថ្ងៃទី១១ ខែកក្កដា ឆ្នាំ២០២៣ ឯកឧត្តម វេង សាខុន ប្រធានក្រុមការងារគណបក្សចុះមូលដ្ឋានស្រុកតំបែរ ខេត្តត្បូងឃ្មុំ និងស្រុកកំពង់សៀម ខេត្តកំពង់ចាម ចុះពិនិត្យ និងវាយតម្លៃជារួមលើលទ្ធផលនៃយុទ្ធនាការឃោសនាបោះឆ្នោត ក្នុងរយៈពេល ១០ថ្ងៃកន្លងមក និងរៀបចំរបៀបគូសសន្លឹកឆ្នោតសាកល្បង​ឱ្យបានត្រឹមត្រូវ​ជូនសមាជិកគណបក្សឃុំតំបែរចំនួន ៣៥០នាក់ និងឃុំគោក ស្រុកចំនួន ១៥០នាក់។ជារួមសកម្មភាពយុទ្ធនាការឃោសនាបោះឆ្នោតទូទាំងស្រុកទទួលបានលទ្ធផលគួរជាទីមោទន ហើយលទ្ធផលដ៏ល្អនេះ ឯកឧត្តម បានថ្លែងអំណរគុណ និងវាយតម្លៃខ្ពស់លើការខិតខំ និងស្មារតីលះបង់គ្រប់បែបយ៉ាងរបស់ឯកឧត្តមប្រធាន​ អនុប្រធាន សមាជិកក្រុមការងារ​ចុះមូលដ្ឋានឃុំគ្រប់លំដាប់ថ្នាក់ និងបានគាំទ្រ លើកទឹកចិត្តសមាជិកបក្សទាំងអស់ឱ្យ​ខិតខំបន្តយុទ្ធនាការនេះឱ្យកាន់តែសកម្មថែមទៀតដើម្បីឈានទៅសម្រេចជោគជ័យធំធេងនៅថ្ងៃទី២៣ ខាងមុខ។ ទិសដៅចំពោះមុខ ឯកឧត្តមបានណែនាំដល់សកម្មជនគណបក្សឱ្យបន្តចុះគ្រប់ខ្នង ផ្ទះដើម្បីជួយ​ពន្យល់ ណែនាំ និងបង្រៀនសមាជិកគណបក្សគ្រប់ៗរូបត្រូវត្រៀម​លក្ខណ​សម្បត្តិឱ្យបានគ្រប់គ្រាន់ និងត្រឹមត្រូវ (អត្តសញ្ញាណបណ្ណ មធ្យោបាយធ្វើដំណើរ និងពេលវេលា) មុននឹងចេញ​ទៅបំពេញ​កាតព្វកិច្ចជាពលរដ្ឋកម្ពុជាម្នាក់ ​គឺទៅបោះឆ្នោតជូនគណបក្សប្រជាជនកម្ពុជា ហើយត្រូវចងចាំ​ជានិច្ចថា បោះឆ្នោតជូនគណបក្សប្រជាជនកម្ពុជា លេខរៀងទី១៨ ​ដែលមានរូបសញ្ញាទេវតាបាចផ្កា គឺបោះឆ្នោតឱ្យខ្លួនឯង​ ធានាបន្តទទួលបាននូវសុខសន្តិភាព និងការអភិវឌ្ឍ។ គិតត្រឹមថ្ងៃ១១ ខែកក្កដា ក្រុមការងារគណបក្សចុះមូលដ្ឋានស្រុក ឃុំ និងភូមិ រួមនិងមន្ត្រី​គណបក្ស​មូលដ្ឋាន បានអញ្ជើញចុះឃោសនាផ្សព្វផ្សាយគោល​នយោបាយរបស់គណបក្ស និង​បង្រៀន​គូសសន្លឹក​ឆ្នោតនៅតាមខ្នងផ្ទះទូទាំងស្រុកបានចំនួន ៤,៧៩៥ និងបានជួប​សមាជិកបក្ស​ចំនួន ២២,៤៨៥ ក្នុងចំណោមសមាជិកបក្សទូទាំងស្រុកចំនួន ៣៦,៥៨០នាក់ ស្នើនឹង ៦១%៕ 

ឯកឧត្តម ហ៊ុន ម៉ានី រម្លឹកដល់ពលរដ្ឋត្រៀមអត្តសញ្ញាណបណ្ណ និងឯកសារសម្រាប់ចូលរួមបោះឆ្នោត

2023/07/11 12:27:54 pm        32
Facebook Telegram Linkin
កំពង់ស្ពឺ៖ ឯកឧត្តម ហ៊ុន ម៉ានី អនុប្រធានទី១ ក្រុមការងារគណបក្សប្រជាជនកម្ពុជា ចុះមូលដ្ឋាន​ជួយ​ខេត្តកំពង់ស្ពឺ បានក្រើនរម្លឹកប្រជាពលរដ្ឋ ត្រៀមឱ្យបានរួចរាល់នូវអត្តសញ្ញាណបណ្ណ ក៏ដូចជាឯកសារបញ្ជាក់អត្តសញ្ញាណ​ សម្រាប់ការទៅចូលរួមបោះឆ្នោតនៅថ្ងៃទី២៣ ខែកក្កដា ខាងមុខ។ ឯកឧត្តម ហ៊ុន ម៉ានី ក្រើនរម្លឹកបែបនេះ ក្នុងឱកាស ចុះជួបសំណេះសំណាលជាមួយ​សមាជិក​គណបក្ស​ប្រជាជនជាង៦០០ នាក់ នៅឃុំ ព្រៃវិហារ ឃុំស្នំក្រពើ ស្រុកគងពិសី ខេត្តកំពង់ស្ពឺ។ ឯកឧត្តម បានបញ្ជាក់ទៅកាន់ប្រជាពលរដ្ឋ និងសមាជិកគណបក្សទាំងអស់ដែលមិនទាន់ទទួល​បានអត្តសញ្ញាណបណ្ណ បាត់ ខូច ឬកែតម្រូវ អត្តសញ្ញាណបណ្ណ ត្រូវស្នើសុំ ឯកសារបញ្ជាក់​អត្តសញ្ញាណ នៅតាមគណៈកម្មការឃុំ ​សង្កាត់រៀបចំការបោះឆ្នោត ក្នុងឃុំសង្កាត់ដែលខ្លួន​មានឈ្មោះបោះឆ្នោត។ ក្នុងការជួបសំណេះសំណាលនេះដែរ ឯកឧត្តម សំ រិទ្ធី តំណាងរាស្រ្តទទួលចុះជួយស្រុក គងពិសី ក៏បានពន្យល់បន្ថែមទៅកាន់ប្រជាពលរដ្ឋ ពីរបៀបគូសសន្លឹកឆ្នោតអោយបានត្រឹមត្រូវផងដែរ។ ឯកឧត្តម ណែនាំដល់ពលរដ្ឋគូសសន្លឹកឆ្នោត ត្រូវប្រុងប្រយ័ត្នដើម្បីចៀសវាងក្លាយទៅជា​សន្លឹក​ឆ្នោតមិនបានការ។ ក្រោយទទួលបានការរម្លឹកបន្ថែម ប្រជាពលរដ្ឋបានលើកឡើងថា បានត្រៀមខ្លួនរួចរាល់​ហើយ​ក្នុងការចូលរួមបោះឆ្នោតជ្រើសរើសមេដឹកនាំ ដែលអាចដឹកនាំប្រទេសកម្ពុជា​ឱ្យមានការអភិវឌ្ឍ​រីកចម្រើនបន្តទៅមុខ និងរក្សាបាននូវសុខសន្ដិភាពរបស់ប្រទេសកម្ពុជា។ សូមជម្រាបថា ការបោះឆ្នោតជ្រើសរើសតំណាងរាស្រ្ត នីតិកាលទី៧ នឹងប្រព្រឹត្តទៅនៅថ្ងៃទី ២៣ ខែកក្កដា ឆ្នាំ២០២៣ ដែលប្រជាពលរដ្ឋចំនួនជាង ៩លាន ៧សែននាក់ នឹងចូលរួមការបោះឆ្នោត៕អត្ថបទ៖ ហុក

មន្ត្រីពាក់ព័ន្ធតាមឃុំសង្កាត់កំពុងពន្លឿនធ្វើបណ្ណ (ឯ.អ) ជូនពលរដ្ឋដែលបាត់អត្តសញ្ញាណបណ្ណ

2023/07/11 12:19:29 pm        100
Facebook Telegram Linkin
កណ្ដាល៖ មន្ត្រីនៃគណៈកម្មការរៀបចំការបោះឆ្នោតឃុំសង្កាត់ កំពុងតែពន្លឿនធ្វើឯកសារបញ្ជាក់អត្តសញ្ញាណបណ្ណ (បណ្ណ ឯ.អ) ជូនប្រជាពលរដ្ឋនៅតាមមូលដ្ឋាន ដើម្បីឱ្យពួកគេយកទៅប្រើជំនួយអត្តសញ្ញាណបណ្ណ ដែលអាចចូលរួមបោះឆ្នោតបាន ។មន្ត្រីគណៈកម្មការរៀបចំការបោះឆ្នោតឃុំ ក្នុងមណ្ឌលវិទ្យាល័យ ហ៊ុន សែន សិរីដីដុះ ស្ថិតនៅឃុំកំពង់ស្វាយ ស្រុកកៀនស្វាយ បានឲ្យដឹងថា ជារៀងរាល់ថ្ងៃតែងមានប្រជាពលរដ្ឋ ដែលបានបាត់ ឬខូចអត្តសញ្ញាណបណ្ណ បានទៅធ្វើបណ្ណ ឯ.អ បន្ទាប់ពីមានការផ្សព្វផ្សាយ ពីសំណាក់អាជ្ញាធរមូលដ្ឋាន ដោយធ្វើយ៉ាងណាឲ្យប្រជាពលរដ្ឋទាំងអស់នោះ បានចូលរួមបោះឆ្នោត ។មន្ត្រី គ.ជ.ប ក៏បានអំពាវនាវទៅប្រជាពលរដ្ឋ ដែលបានបាត់ ឬខូចអត្តសញ្ញាណបណ្ណនេះ សូមរុះរាន់មកធ្វើឯកសារបញ្ជាក់​អត្តសញ្ញាណបណ្ណ នៅតាមមូលដ្ឋានឃុំ-សង្កាត់របស់ខ្លួន ឲ្យបានមុនថ្ងៃទី២២ ខែកក្កដា ឆ្នាំ២០២៣ នៃពេលវេលាម៉ោងធ្វើការ ដើម្បីកុំឲ្យខកខានការបោះឆ្នោត ។សម្រាប់ពលរដ្ឋ មកធ្វើប័ណ្ណ ឯ.អ លើកឡើងថា ពួកគាត់ក៏មានការបារម្ភផងដែរ ដែលបានបាត់​អត្តសញ្ញាណបណ្ណ និងមិនបានចូលរួមការបោះឆ្នោតដូចគេ ប៉ុន្តែបន្ទាប់ពីប្ដឹងទៅប៉ុស្តិ៍រដ្ឋ​នគរបាលឃុំ ហើយបានប្រាប់អាជ្ញាធរភូមិ-ឃុំ ពីករណីនេះ ទើបអាជ្ញាធរបានណែនាំមកឲ្យធ្វើបណ្ណ ឯ.អ នៅគណៈកម្មការរៀបចំការបោះឆ្នោតឃុំ និងពីបន្ទាប់ទទួលបានបណ្ណនេះ ពួកគាត់​សប្បាយចិត្ត ​ដោយអាចមានសិទ្ធិបោះឆ្នោតបានដូចពលរដ្ឋដទៃទៀតផងដែរ ។គួរបញ្ជាក់ថា ការបោះឆ្នោតជ្រើសរើសតំណាងរាស្ត្រ អាណត្តិទី៧ នឹងប្រព្រឹត្តិទៅនៅថ្ងៃទី២៣ ខែកក្កដា ឆ្នាំ២០២៣ខាងមុខ​ ដែលមានគណបក្សនយោបាយចំនួន១៨ ​ចូលរួមប្រកួតប្រជែង ៕អត្ថបទ បាន សុខរិទ្ធិ

យុវជនសង្គមស៊ីវិលកាន់តែច្រើនប្រកាសធ្វើសកម្មភាពគាំទ្ររាជរដ្ឋាភិបាល

2023/07/11 12:12:03 pm        94
Facebook Telegram Linkin
ភ្នំពេញ៖យុវជនសង្គមស៊ីវិលកាន់តែច្រើននៅរាជធានីភ្នំពេញ និងតាមបណ្ដាខេត្ត បន្តប្រកាស​ចូលរួម​ធ្វើសកម្មភាព និងគាំទ្រជាមួយរាជរដ្ឋាភិបាល តាមរយៈការចូលជាសមាជិករបស់​បណ្ដុំ​អង្គការសមាគមសង្គមស៊ីវិល។លោក ហេង សំណាង ប្រធានបណ្ដុំអង្គការសមាគមសង្គមស៊ីវិលបានថ្លែងថា បច្ចុប្បន្នបណ្តុំ​អង្គការសមាគមសង្គមស៊ីវិល ​មានដៃគូរសហការ អង្គការ សមាគម និងក្រុមចំនួន ១២ ស្ថាប័ន ក្នុងនោះសមាជិកជាយុវជនចំនួន ៧០ នាក់។លោកបន្តថា ក្រុមយុវជនសង្គមស៊ីវិលទាំងនេះ កាលពីមុនពួកគេធ្លាប់ចាញ់​កលនយោបាយ​របស់ក្រុមប្រឆាំងដែលបានបណ្ដុះមនោគមន៍វិជ្ជាអាក្រក់ឱ្យស្អប់រាជរដ្ឋាភិបាល ប៉ុន្ដែពេលនេះពួកគេ​ទទួលបានការពន្យល់ណែនាំពីក្រុមយុវជននៃបណ្ដុំអង្គការសមាគមសង្គមស៊ីវិល ធ្វើឱ្យពួកគេ​បានដឹងច្បាស់​ពីនយោបាយអាក្រក់ទាំងនោះយ៉ាងច្បាស់​ និងឈប់ចាញ់ការញុះញង់ទៀតហើយ។ក្រុមយុវជននៃបណ្តាញយុវជនខ្មែរមហានគរ បានប្រកាសគាំទ្ររាជរដ្ឋាភិបាល ជាពិសេសគាំទ្រ​គោល​នយោបាយ និងការដឹកនាំរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្ដី​នៃកម្ពុជា ដែលបានដឹកនាំប្រទេសកម្ពុជាឱ្យមានការរីកច្រើន និងទទួលបានសន្ដិភាពពេញលេញ​ដូចសព្វថ្ងៃនេះ។ សូមជម្រាបថា ប្រទេសកម្ពុជាក្រោមការដឹកនាំរបស់សម្ដេចតេជោ ហ៊ុន សែន ធ្វើឱ្យប្រទេសមាន​ការរីកចម្រើនលើគ្រប់វិស័យ។ ស្របពេលជាមួយគ្នានេះ ក្រុមយុវជនសង្គមស៊ីវិល​ដែលធ្លាប់​មាន​និន្នការ និងធ្វើសកម្មភាពប្រឆាំងជាច្រើនបានងាកមកធ្វើសកម្មភាព​គាំទ្រជាមួយរាជរដ្ឋាភិបាល​ជាបន្តបន្ទាប់៕ អត្ថបទ/ វ៉ន ដារ៉ា

សម្ដេចតេជោ៖ «កម្ពុជាកំពុងស្ថិតក្នុងបរិបទប្រជាសាស្ត្រមួយល្អប្រសើរសម្រាប់ការអភិវឌ្ឍសង្គម សេដ្ឋកិច្ចជាតិ»

2023/07/11 12:06:02 pm        66
Facebook Telegram Linkin
ភ្នំពេញ៖​ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្ដីនៃព្រះរាជាណាចក្រកម្ពុជា មានប្រសាសន៍ថា កម្ពុជាកំពុងស្ថិតក្នុងបរិបទប្រជាសាស្ត្រមួយល្អប្រសើរសម្រាប់ការអភិវឌ្ឍសង្គម សេដ្ឋកិច្ចជាតិបានលឿនជាងមុន ដោយសារមានប្រជាជនក្នុងវ័យធ្វើការច្រើន និងប្រជាជនវ័យក្នុងបន្ទុកតិចដែលចំនួនប្រជាជន វ័យ ១៥-៦០ ឆ្នាំនឹងកើនដល់ ៦៥ ភាគរយនៃប្រជាជនសរុប និងផលធៀបន័យក្នុងបន្ទុកសរុបនឹងថយចុះដល់ចំនួន ៥៤ នាក់ក្នុងចំណោមប្រជាជនវ័យ ១៥-៦០ ឆ្នាំ ១០០ នាក់នៅឆ្នាំ២០៤០ ដែលបរិបទនេះហៅថា ភាគលាភប្រជាសាស្ត្រ។សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានបញ្ជាក់បែបនេះតាមរយៈ សារលិខិតអបអរសាទរជាមួយនឹងប្រជាជនទូទាំងពិភពលោកក្នុងឱកាសប្រារព្ធ «ទិវាប្រជាជនពិភពលោក លើកទី៣៤» ក្រោមប្រធានបទ៖ «ការបញ្ចេញអានុភាព នៃសមភាពយេនឌ័រ៖ ការជ្រោងឡើងនូវសំឡេងស្ត្រី និងក្មេងស្រី ដើម្បីបង្ហាញពីលទ្ធភាពគ្មាន​ដែនកំណត់នៃពិភពលោកយើង» នាថ្ងៃទី១១ ខែកក្កដា ឆ្នាំ២០២៣នេះ។សម្ដេចតេជោ មានប្រសាសន៍ថា ទន្ទឹមនឹងការកើនឡើងនៃចំនួនប្រជាជនក្នុងពិភពលោក ប្រជាជន​កម្ពុជា​ក៏មានចំនួនការកើនឡើងគួរឱ្យចាប់អារម្មណ៍ដែរ ក្នុងអំឡុងពេលជាងពីរ​ទស្សវត្សរ៍​កន្លងទៅនេះ ពោលគឺ បានកើនពីចំនួន ១១,៤ លាននាក់ នៅ ឆ្នាំ១៩៩៨ ដល់ចំនួន ១៦,៨ លាននាក់ នៅឆ្នាំ២០២២ ដែលមានអត្រាកំណើនប្រចាំឆ្នាំ ១,៦ ភាគរយពីឆ្នាំ ១៩៩៨ ដល់ឆ្នាំ២០២២។ តាមរយៈសារលិខិតរបស់សម្ដេចតេជោ នៅឆ្នាំ ២០២២ ស្រ្តីមានចំនួនសរុប ៨,៦ លាននាក់ (ប្រមាណ ៥១ ភាគរយ) រីឯស្ត្រីក្នុងវ័យ បន្តពូជអាយុ ១៥-៤៩ ឆ្នាំ មានចំនួន ៤,៦ លាននាក់ (ស្មើនឹង ៥៣ ភាគរយនៃស្ត្រីសរុប)។សម្ដេចតេជោបញ្ជាក់ថា ការកើនឡើងនៃប្រជាជន កម្ពុជានាពីរទសវត្សរ៍ចុងក្រោយនេះ បណ្តាល​មកពីការធ្លាក់ចុះនៃអត្រាមរណភាព​ ការកើនឡើងនៃអាយុសង្ឃឹមរស់និងសន្ទុះកំណើន។ អត្រាមរណភាពមាតាមានការធ្លាក់ចុះគួរឱ្យកត់សម្គាល់​ ធ្លាក់ចុះពី ៤១០ នាក់ ក្នុង ១០ ម៉ឺនកំណើតរស់ នៅឆ្នាំ២០០៨ មកត្រឹម១៧០ នាក់ ក្នុង ១០ ម៉ឺនកំណើតរស់ នៅឆ្នាំ២០១៤ និង នៅត្រឹម ១៥៤ នាក់ក្នុង ១០ ម៉ឺនកំណើតរស់ នៅឆ្នាំ ២០២១-២០២២។ ចំណែកអត្រាមរណភាពកុមារអាយុក្រោម ៥ ឆ្នាំ ថយចុះយ៉ាងខ្លាំង គឺថយចុះពី ១២៤ នាក់ ក្នុង ១ ពាន់ កំណើតរស់ នៅឆ្នាំ២០០០ មកត្រឹម ៥៤ នាក់ ក្នុង ១ ពាន់កំណើតរស់ នៅឆ្នាំ២០១០ និងមកត្រឹម ១៦នាក់ ក្នុង ១ ពាន់កំណើតរស់ នៅឆ្នាំ ២០២១-២០២២។ អាយុសង្ឃឹមរស់របស់ប្រជាជនកម្ពុជាមានការកើនឡើងជាលំដាប់ គឺកើនពី ៥៤ ឆ្នាំ សម្រាប់បុរស និង ៥៨ឆ្នាំ សម្រាប់ស្ត្រី នៅឆ្នាំ១៩៩៨ ដល់ ៦១ ឆ្នាំ សម្រាប់បុរស និង ៦៤ ឆ្នាំ សម្រាប់ស្ត្រី នៅឆ្នាំ២០០៨ និងដល់ ៧៤,៣ ឆ្នាំ សម្រាប់បុរស និង ៧៦,៨ ឆ្នាំ សម្រាប់ស្ត្រី នៅឆ្នាំ២០១៩។សម្ដេចតេជោបញ្ជាក់ថា នេះជាជោគជ័យដ៏ធំធេងដែលកើតចេញពីការខិតខំប្រឹងប្រែងរួមគ្នា ទាំងរាជរដ្ឋាភិបាលទាំងដៃគូអភិវឌ្ឍ រួមទាំងវិស័យឯកជននិងសង្គមស៊ីវិល ក្នុងការកែលម្អ និងការអភិវឌ្ឍវិស័យសុខភាពសាធារណៈ៕ អត្ថបទ៖ វ៉ន ដារ៉ា

ជិត១ភាគ៦នៃអ្នកទោសប្រទេសអេក្វាឌ័រ ត្រូវបានឃុំខ្លួនដោយគ្មានការកាត់ទោស

2023/07/11 11:59:43 am        61
Facebook Telegram Linkin
អេក្វាឌ័រ៖ ជំរឿនជាតិបានបង្ហាញកាលពីថ្ងៃច័ន្ទថា អ្នកទោសប្រមាណ១ភាគ៦ នៅក្នុងពន្ធនាគារប្រទេសអេក្វាឌ័រ មិនត្រូវបានកាត់ទោសនោះទេ ខណៈប្រធានាធិបតីលោក Guillermo Lasso បានជំរុញឱ្យប្រព័ន្ធតុលាការធ្វើឲ្យបានលឿនដើម្បីជួយសម្រាលបន្ទុកលើពន្ធនាគារដែលមានអ្នកទោសច្រើនកកកុញ។ លោក Lasso ដែលនឹងចាកចេញពីតំណែងនៅចុងឆ្នាំនេះ បន្ទាប់ពីការបោះឆ្នោតនៅពេលខាងមុខ បានប្រាប់អ្នកសារព័ត៌មានថា ចំនួនអ្នកទោសបច្ចុប្បន្នមានរហូតដល់ ៣១.៣២១នាក់ ហើយអ្នកទោសភាគច្រើនត្រូវបានចាប់ខ្លួនពីបទជួញដូរគ្រឿងញៀន ប្លន់ ឬករណីមនុស្សឃាត។ តួលេខនេះគឺលើសពីសមត្ថភាពដាក់អ្នកទោសមានចំនួនត្រឹម ៣០.១៣៤នាក់ ដែលទីភ្នាក់ងារពន្ធនាគារ (SNAI) បាននិយាយថាប្រព័ន្ធពន្ធនាគារចំនួន៣៦កន្លែង មាននៅក្នុងខែធ្នូ ឆ្នាំ ២០២២។ ទីភ្នាក់ងារពន្ធនាគារ បាននិយាយកាលពីខែមិថុនាថា ភាពចង្អៀតណែនគឺមានដល់ ១២,៩% ប៉ុន្តែក្រុមមន្ត្រី មិនបានផ្តល់តួលេខធ្វើបច្ចុប្បន្នភាពថ្មីសម្រាប់ភាពចង្អៀតណែនលើសកម្រិតនោះទេ។ ប្រព័ន្ធពន្ធនាគាររបស់ប្រទេសអេក្វាឌ័រ បានប្រឈមបញ្ហារចនាសម្ព័ន្ធជាច្រើនទសវត្សរ៍មកហើយ ក្នុងពេលមានមនុស្សច្រើនលើសលប់ និងលក្ខខណ្ឌរស់នៅមិនច្បាស់លាស់សម្រាប់អ្នកទោស ប៉ុន្តែកុបកម្មបានក្លាយជារឿងធម្មតាទៅហើយ បណ្តាលឲ្យអ្នកទោសជាង ៤០០នាក់ស្លាប់ចាប់តាំងពីចុងឆ្នាំ ២០២០។ លោក Lasso បាននិយាយថា ជំរឿនបានបង្ហាញថាមនុស្សជាង ៥.០០០នាក់ ឬ ១៦% នៃអ្នកទោសសរុបត្រូវបានកាត់ឲ្យជាប់ទោសពីបទឧក្រិដ្ឋ ប៉ុន្តែមិនទាន់ត្រូវបានកាត់ទោស ឬកំពុងត្រូវបានឃុំខ្លួននៅក្នុងពន្ធនាគារនៅឡើយដែលកំពុងរង់ចាំការកាត់ទោស ដោយលោកនិយាយថាថាតួលេខនេះ នឹងជាមូលហេតុសម្រាប់ការព្រួយបារម្ភក្នុងចំណោមប្រព័ន្ធតុលាការ។ លោក Lasso និយាយថា គោលនយោបាយរបស់យើងគឺមិនឱ្យមានអ្នកទោសបន្ថែម ឬសាងសង់ពន្ធនាគារបន្ថែមនោះទេ គោលនយោបាយរបស់យើងគឺត្រូវដោះលែងអ្នកទាំងឡាយណាដែលសមនឹងទទួលបានសេរីភាព ព្រោះពួកគេបានកាត់ទោសរបស់ពួកគេរូចហើយ ។

លោក Biden ចូលគាល់ព្រះមហាក្សត្រឆាលស៍ និងជួបលោក Sunak សាទរចំណងមិត្តភាពដ៏រឹងមាំ

2023/07/11 11:57:08 am        58
Facebook Telegram Linkin
អាមេរិក៖ ប្រធានាធិបតីសហរដ្ឋអាមេរិកលោក Joe Biden បានធ្វើដំណើរទៅកាន់ទីឈប់ចតនៅចក្រភពអង់គ្លេសកាលពីថ្ងៃចន្ទដោយសាទរចំពោះចំណងមិត្តភាពដ៏រឹងមាំជាមួយសម្ព័ន្ធមិត្តជិតស្និទ្ធរបស់ទីក្រុងវ៉ាស៊ីន តោន មុនពេលចូលគាល់ព្រះមហាក្សត្រឆាលស៍(Charles) សម្រាប់ការពិភាក្សាជាមួយព្រះមហាក្សត្រ និងប្រមុខផ្នែកហិរញ្ញវត្ថុមួយចំនួនស្តីពីការដោះស្រាយបម្រែបម្រួលអាកាសធាតុ។ ដំណើរទស្សនកិច្ចរបស់លោក Biden ទៅកាន់ចក្រភពអង់គ្លេស បានចាប់ផ្តើមដំណើរទស្សនកិច្ចចំនួនបីប្រទេស ដែលនឹងរួមមានទាំងកិច្ចប្រជុំកំពូលរបស់សម្ព័ន្ធយោធាណាតូនៅក្នុងប្រទេសលីទុយអានី ដែលសម្ព័ន្ធមិត្តមានបំណងបង្ហាញពីសាមគ្គីភាពជាមួយប្រទេសអ៊ុយក្រែនប្រឆាំងការវាយលុករបស់រុស្ស៊ី ខណៈមិនទាន់ទទួលយកទីក្រុង គីវ ជាសមាជិកសម្ព័ន្ធមិត្តនេះនៅឡើយ។ ជំនួបរបស់ប្រធានាធិបតី ជាមួយនាយករដ្ឋមន្ត្រីអង់គ្លេសលោក Rishi Sunak ជាលើកទីប្រាំរបស់មេដឹកនាំទាំងពីរក្នុងរយៈពេលជាច្រើនខែមកនេះ ដែលកិច្ចពិភាគ្សាមានរយៈពេលមិនដល់មួយម៉ោងផ្តោតលើបញ្ហានៅអ៊ុយក្រែន។ លោក Biden និយាយ ថា ទំនាក់ទំនងរបស់យើងមានភាពរឹងមាំ។ លោក Sunak និងលោក Biden បានចែករំលែកការកត់សំគាល់មុនពេលកិច្ចប្រជុំកំពូលរបស់សម្ព័ន្ធយោធាណាតូដែលនឹងចាប់ផ្តើមនៅថ្ងៃអង្គារនេះ។ នៅមុនការធ្វើដំណើរ លោក Biden បានជំរុញឱ្យមានការប្រុងប្រយ័ត្នសម្រាប់ពេលនេះ លើយុទ្ធនាការរបស់ប្រទេសអ៊ុយក្រែន ដើម្បីចូលជាសមាជិកណាតូ ដែលកតិកាសញ្ញាការពារទៅវិញទៅមក តម្រូវឱ្យសមាជិកទាំងអស់មកជួយសមាជិកណាដែលត្រូវបានរងការវាយប្រហារ។ មេដឹកនាំទាំងពីរបានពិភាក្សាអំពីការសម្រេចចិត្តរបស់សហរដ្ឋអាមេរិក ក្នុងការបញ្ជូនគ្រាប់បែកចង្កោមទៅឲ្យអ៊ុយក្រែន ដែលត្រូវបានហាមឃាត់ដោយប្រទេសជាង១០០ រួមទាំងចក្រភពអង់គ្លេសផងដែរ ដែលចាត់ទុកគ្រាប់បែកនេះថាជាការគំរាមកំហែងដ៏មានសក្តានុពលសម្រាប់ជនស៊ីវិល ដោយសារតែវាជាធម្មតាបញ្ចេញគ្រាប់បែកតូចៗជាច្រើនគ្រាប់ដែលអាចសម្លាប់ដោយមិនរើសមុខ។

Threads ដែលជាគូប្រជែង Twitter កើនអ្នកប្រើប្រាស់ដល់ ១០០លាននាក់ លឿនជាងកម្មវិធី ChatGPT

2023/07/11 11:51:44 am        99
Facebook Telegram Linkin
អាមេរិក៖ នាយកប្រតិបត្តិរបស់ក្រុមហ៊ុន Meta លោក Mark Zuckerberg បាននិយាយ កាលពីថ្ងៃចន្ទ (ទី១០ ខែកក្កដា) ថា វេទិការបស់ក្រុមហ៊ុន Meta Platforms' (META.O) គឺកម្មវិធី Threads ដែលជាគូប្រជែងរបស់បណ្ដាញសង្គម Twitter ទទួលបានការចុះឈ្មោះប្រើប្រាស់ចំនួន ១០០លាននាក់ បន្ទាប់ពីចាប់ផ្ដើមបើកដំណើរការរយៈពេល ៥ថ្ងៃ ដោយចំនួននេះ បានវ៉ាដាច់កម្មវិធី ChatGPT ក្នុងនាមជាវេទិកាអនឡាញ ដែលកើនឡើងយ៉ាងឆាប់រហ័សបំផុត ក្នុងការសម្រេចបានដល់ចំណុចនេះ។Threads បានបង្កើតកំណត់ត្រា សម្រាប់កំណើនអ្នកប្រើប្រាស់ ចាប់តាំងពីការបើកដំណើរការ កាលពីថ្ងៃពុធ (ទី៥ ខែកក្កដា) ដោយតារាល្បីៗ អ្នកនយោបាយ និងអ្នកសារព័ត៌មានផ្សេងទៀតបានចូលរួមប្រើប្រាស់វេទិកានេះ ដែលនាំឲ្យអ្នកវិភាគមើលឃើញថា ជាការគំរាមកំហែងដំបូងយ៉ាងខ្លាំងក្លា ចំពោះកម្មវិធីមីក្រូប្លុក (ការរួមបញ្ចូលគ្នានៃការសរសេរប្លុក និងផ្ញើសារភ្លាមៗលើអនឡាន) របស់លោក Elon Musk។យោងតាមការសិក្សារបស់ក្រុមហ៊ុន UBS បានឲ្យដឹងថា ល្បឿនរបស់កម្មវិធី ដែលមានអ្នកប្រើប្រាស់រហូតដល់ ១០០លាននាក់នេះ គឺលឿនជាងកម្មវិធី ChatGPT ដែលគ្រប់គ្រងដោយមន្ទីរពិសោធន៍ស្រាវជ្រាវបញ្ញាសិប្បនិមិត្តរបស់អាមេរិក OpenAI ដែលបានក្លាយជាកម្មវិធីអ្នកប្រើប្រាស់ដែលរីកលូតលាស់លឿនបំផុត ក្នុងប្រវត្តិសាស្ត្រ កាលពីខែមករា ពោលគឺប្រហែល ២ខែបន្ទាប់ពីការចាប់ផ្តើមដាក់ចេញរបស់ខ្លួន។គេហទំព័រ Similarweb បានឲ្យដឹងថា ក្នុងប៉ុន្មានថ្ងៃបន្ទាប់ពីការចាប់ផ្តើមដាក់ចេញនូវកម្មវិធី Threads ការប្រើប្រាស់លើបណ្ដាញសង្គម Twitter បានធ្លាក់ចុះ ១១ភាគរយ ធៀបនឹងឆ្នាំមុន តែធ្លាក់ចុះ៤ភាគរយ បើធៀបនឹងការធ្លាក់ចុះពី ១ឆ្នាំ ទៅ ១ឆ្នាំ គិតត្រឹមខែមិថុនា។ ចំណែកភាគហ៊ុនរបស់ Meta បានឡើងជិត ១,២ភាគរយ កាលពីថ្ងៃចន្ទ ហើយកើនឡើងច្រើនជាង ១៤០ភាគរយ មកទល់ពេលនេះ ក្នុងឆ្នាំនេះ។លោក Musk បានឆ្លើយតបទៅនឹងការមកដល់របស់កម្មវិធី Threads ដោយការចំអក និងគំរាមប្តឹងក្រុមហ៊ុន Meta ដោយចោទថា បណ្ដាញសង្គមនេះ បានប្រើប្រាស់ការសម្ងាត់ពាណិជ្ជកម្ម និងព័ត៌មានសម្ងាត់ផ្សេងទៀត ដើម្បីបង្កើតកម្មវិធីនេះ ដែលការអះអាងនេះ ត្រូវបានអ្នកជំនាញច្បាប់ និយាយថា អាចនឹងពិបាក ក្នុងការបញ្ជាក់ពីការពិត៕

កូរ៉េខាងជើងចោទយន្តហោះចារកម្មអាមេរិកថាបានចូលក្នុងតំបន់សេដ្ឋកិច្ចរបស់ខ្លួនចំនួន៨លើក

2023/07/11 11:24:05 am        58
Facebook Telegram Linkin
កូរ៉េខាងជើង៖ ប្រព័ន្ធផ្សព្វផ្សាយរដ្ឋ KCNA បានរាយការណ៍ថា លោកស្រី គីម យ៉ូចុង (Kim Yo Jong) ដែលជាប្អូនស្រីដ៏មានឥទ្ធិពលរបស់មេដឹកនាំកូរ៉េខាងជើង លោក គីម ជុងអ៊ុន (Kim Jong Un) កាលពីថ្ងៃអង្គារ បានចោទប្រកាន់យន្តហោះចារកម្មយោធាអាមេរិកថា បានចូលទៅក្នុងតំបន់សេដ្ឋកិច្ចផ្តាច់មុខរបស់ប្រទេសនេះចំនួន៨លើក។លោកស្រី គីម បានព្រមានថាកងកម្លាំងអាមេរិក នឹងប្រឈម នឹង«ការហោះហើរដ៏គ្រោះថ្នាក់បំផុត» ប្រសិនបើពួកគេបន្តនូវអ្វីដែលកូរ៉េខាងជើង បានហៅថា «ជ្រៀតចូលខុសច្បាប់» ដោយនិយាយឡើងវិញនូវការចោទប្រកាន់ ដែលទីក្រុងព្យុងយ៉ាង បានធ្វើឡើងកាលពីថ្ងៃចន្ទថា សហរដ្ឋអាមេរិក បានរំលោភលើដែនអាកាសរបស់ខ្លួន ដោយធ្វើការហោះហើរឈ្លបយកការណ៍។ ទីក្រុងព្យុងយ៉ាង ក៏បានព្រមានថា ការហោះហើរបែបនេះ អាចនឹងត្រូវបានបាញ់ទម្លាក់។មុននេះ មន្ទីរបញ្ចកោណ បានច្រានចោលការចោទប្រកាន់របស់ក្រុងព្យុងយ៉ាងជុំវិញការរំលោភបំពានដែនអាកាស ហើយបាននិយាយថា យោធាអាមេរិក បានគោរពតាមច្បាប់អន្តរជាតិ។អ្នកនាំពាក្យមន្ទីរបញ្ចកោណ បានថ្លែងប្រាប់អ្នកសារព័ត៌មានថា៖««ដូច្នេះការចោទប្រកាន់ទាំងនោះ គឺគ្រាន់តែជាការចោទប្រកាន់ប៉ុណ្ណោះ»។លោកស្រី គីម បានចោទប្រកាន់កងទ័ពអាកាសអាមេរិកថា បានឈ្លានពានចូលទៅក្នុង«តំបន់ទឹកសេដ្ឋកិច្ច» របស់កូរ៉េខាងជើង កាលពីថ្ងៃចន្ទ នៅឯឆ្នេរសមុទ្រភាគខាងកើតនៃឧបទ្វីបកូរ៉េ នៅលើមេឃពីខាងលើសមុទ្រ មានចម្ងាយ ៤៣៥ គីឡូម៉ែត្រ ភាគខាងកើតនៃតំបន់Tongchon ក្នុងខេត្ត Gangwon និង ២៧៦ គីឡូម៉ែត្រភាគអាគ្នេយ៍នៃតំបន់Uljin ក្នុងខេត្តGyeongsangភាគខាងជើង៕ តំបន់សេដ្ឋកិច្ចផ្តាច់មុខរបស់ប្រទេសមួយ ដែលលាតសន្ធឹង ៣៧០គីឡូម៉ែត្រពីតំបន់ដែនដី ២២ គីឡូម៉ែត្រជុំវិញឆ្នេរសមុទ្រ គឺជាសិទ្ធិក្នុងការទាញយកធនធានសមុទ្រនៅខាងក្នុង ប៉ុន្តែមិនផ្តល់អធិបតេយ្យភាពលើផ្ទៃទឹក ឬដែនអាកាសខាងលើនោះទេ៕

បណ្ដាញសង្គម

ព័ត៌មានថ្មីៗ

អ្នកជំងឺលាងឈាមនៅមន្ទីរពេទ្យ Al Shifa ក្នុងទីក្រុងហ្កាហ្សា កំពុងជួបការលំបាកសម្រាប់ការព្យាបាល
10/02/2025 10:10 PM
Facebook Telegram Linkin
ក្រុមការងារក្រសួងសាធារណការ ចុះត្រួតពិនិត្យខ្សែផ្លូវទទួលរងការខូចខាតដោយសារទឹកជំនន់ ក្នុងភូមិសាស្ត្រខេត្តចំនួន៤
10/02/2025 10:10 PM
Facebook Telegram Linkin
គ.ជ.ប រៀបចំកិច្ចប្រជុំផ្សព្វផ្សាយ ផែនការយុទ្ធសាស្ត្រជាតិ ស្តីពី ពិការភាព ឆ្នាំ២០២៤-២០២៨
10/02/2025 10:10 PM
Facebook Telegram Linkin
ការកាត់ផ្តាច់ជំនួយសហរដ្ឋអាមេរិក រួមចំណែកធ្វើឲ្យកើនឡើងករណីស្លាប់ដោយសារជំងឺគ្រុនចាញ់នៅកាមរូន
10/02/2025 08:10 PM
Facebook Telegram Linkin
ប្រជុំបូកសរុបសភាពការណ៍បទល្មើស និងតែងតាំងមុខតំណែង បំពាក់ឋានន្តសក្តិជូនមន្ត្រីនគរបាលរាជធានីភ្នំពេញ
10/02/2025 08:10 PM
Facebook Telegram Linkin
ទស្សនាវដ្តី Forbes ៖ លោក Elon Musk ក្លាយជាមនុស្សដំបូងគេមានទ្រព្យសម្បត្តិ ៥០០ពាន់លានដុល្លារ
10/02/2025 08:10 PM
Facebook Telegram Linkin
ព្យុះត្រូពិក Matmo បោកបក់យឺតៗឆ្ពោះទៅកាន់ហ្វីលីពីន និងអាចបង្កើនកម្លាំងជាព្យុះទីហ្វុងតាមផ្លូវទៅកាន់ចិន
10/02/2025 08:10 PM
Facebook Telegram Linkin
ការពង្រឹងសមត្ថភាពមន្ត្រីអធិការកិច្ចទេសចរណ៍ ជាការលើកកម្ពស់ ការកែទម្រង់ស៊ីជម្រៅ
10/02/2025 08:10 PM
Facebook Telegram Linkin
​ អ៊ីស្រាអែលនឹងនិរទេសសកម្មជននៅលើកងនាវាដឹកជំនួយទៅកាន់តំបន់ហ្កាហ្សា
10/02/2025 07:10 PM
Facebook Telegram Linkin
វិទ្យាស្ថានពហុបច្ចេកទេសខេត្តព្រះសីហនុ ផ្តល់អាហារូបករណ៍ ១២៣០កន្លែង លើ ១៤មុខជំនាញ និងប្រាក់ឧបត្ថម្ភ ដល់យុវជនមកពីគ្រួសារក្រីក្រ
10/02/2025 07:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.