នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធាន​ក្រុមការងារ​ចុះមូលដ្ឋាន ប្រកាស​បញ្ចូលសមាជិកថ្មី​​គណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ
សម្ដេច​តេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន
ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី
ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ​ និង ការអភិវឌ្ឍន៍

ចិន បញ្ចេញយន្តហោះចម្បាំង យ៉ាងច្រើន ក្រោយកងទ័ពជើងទឹកអាមេរិកបើកយន្តហោះឆ្លងកាត់ច្រកសមុទ្រតៃវ៉ាន់

2023/07/14 10:13:32 am        162
Facebook Telegram Linkin
ចិន៖ ការឆ្លងកាត់យន្តហោះល្បាតរបស់កងទ័ពជើងទឹកអាមេរិកចូលទៅក្នុងច្រកសមុទ្រតៃវ៉ាន់ដ៏រសើបនៅក្នុងដែនអាកាសអន្តរជាតិកាលពីថ្ងៃព្រហស្បតិ៍បានធ្វើឲ្យប្រទេសចិនប្រញាប់ប្រញាល់បញ្ចេញយន្តហោះចម្បាំងរបស់ខ្លួន ដើម្បីឃ្លាំមើលសកម្មភាពនោះ។ហេតុការណ៍នេះបានកើតឡើងស្របពេលសមយុទ្ធយោធាដែលកំពុងបន្តរបស់ចិន ឈានចូលដល់ថ្ងៃទី៣ ដែលបានធ្វើឡើងនៅភាគខាងត្បូងនៃកោះតៃវ៉ាន់។ យោធាចិនបានហៅការហោះហើរនេះថាជាការបង្កើតចំណាប់អារម្មណ៍ជាសាធារណៈ ដោយបន្ថែមថា ខ្លួនបានបញ្ជូនយន្តហោះប្រយុទ្ធទៅតាមដាន និងព្រមានយន្តហោះអាមេរិក។ប្រទេសចិនបានខឹងសម្បាចំពោះបេសកកម្មយោធារបស់សហរដ្ឋអាមេរិកឆ្លងកាត់ច្រកតូចចង្អៀត ដែលសហរដ្ឋអាមេរិក បានបើកចេញចូលនាវាចម្បាំង ជាញឹកញាប់បំផុត ប៉ុន្តែមានការបញ្ជូនយន្តហោះ ម្តងម្កាលដោយនិយាយថាប្រទេសចិន មានអធិបតេយ្យភាព សិទ្ធិអធិបតេយ្យ និងយុត្តាធិការលើផ្លូវទឹក។ កោះតៃវ៉ាន់និងអាមេរិក បានលើកឡើងដោយនិយាយថា ច្រកសមុទ្រនេះ គឺជាផ្លូវទឹកអន្តរជាតិ។ការកើនឡើងនៃភាពតានតឹងរវាងតៃវ៉ាន់ និងចិន បានកើតឡើង ស្របពេលដែលរដ្ឋមន្ត្រីការបរទេសសហរដ្ឋអាមេរិក លោក Antony Blinken បានជួបជាមួយមន្ត្រីការទូតចិន លោក Wang Yi នៅទីក្រុងហ្សាកាតា(Jakarta)កាលពីថ្ងៃព្រហស្បតិ៍ នៅខាងក្រៅកិច្ចប្រជុំកំពូលសមាគមប្រជាជាតិអាស៊ីអាគ្នេយ៍ ហៅកាត់ថាអាស៊ាន នៅក្នុងប្រទេសឥណ្ឌូនេស៊ី។ យោងតាមសេចក្តីថ្លែងការណ៍របស់កងនាវាចរទី ៧ របស់កងទ័ពជើងទឹកសហរដ្ឋអាមេរិក ដែលជាយន្តហោះល្បាតដែនសមុទ្រ P-8A Poseidon ដែលត្រូវបានប្រើប្រាស់សម្រាប់ប្រតិបត្តិការប្រឆាំងនាវាមុជទឹកឆ្លងកាត់ច្រកសមុទ្រតៃវ៉ាន់ក្នុងដែនអាកាសអន្តរជាតិ៕

លោក Pita និយាយថា លោកនឹងមិនចុះចាញ់ឡើយ និងប្ដេជ្ញាតតាំងយកតំណែងនាយករដ្ឋមន្ត្រីថៃក្រោយបរាជ័យ

2023/07/14 10:09:42 am        148
Facebook Telegram Linkin
ថៃ៖ លោក ភីថា លីមចារើនរ៉ាត់ Pita Limjaroenrat របស់ថៃ បានប្ដេជ្ញាកាលពីថ្ងៃព្រហស្បតិ៍ថា លោកនឹងមិនបោះបង់ចោលបំណងរបស់លោកក្នុងការក្លាយជានាយករដ្ឋមន្ត្រីឡើយ បន្ទាប់ពីបរាជ័យក្នុងការបោះឆ្នោតសភាដោយសារតែការធ្វើអនុបវាទ និងការប្រឆាំង ខណៈដែលកងកម្លាំងអភិរក្សនិយម បានរារាំងលោកមិនឲ្យក្លាយជានាយករដ្ឋមន្ត្រី។ មេដឹកនាំនៃគណបក្សបោះជំហានទៅមុខ Move Forward ដែលជាអ្នកឈ្នះដ៏គួរឲ្យភ្ញាក់ផ្អើលនៃការបោះឆ្នោតកាលពីថ្ងៃទី ១៤ ខែឧសភា មិនត្រូវបានជំទាស់នៅក្នុងការបង្ហាញនៅក្នុងសភាទ្វេភាគី ប៉ុន្តែបានធ្លាក់ចុះ ៥១ សម្លេងពីតំណែងកំពូល បន្ទាប់ពីត្រូវបានរារាំងដោយព្រឹទ្ធសភាដែលតែងតាំងដោយយោធារាជានិយម បន្ទាប់ពីរដ្ឋប្រហារកាលពីឆ្នាំ ២០១៤។  ការបោះឆ្នោតជុំបន្តត្រូវគេរំពឹងថានៅសប្តាហ៍ក្រោយ ដែលលោក Pita វ័យ៤២ ឆ្នាំអាចប្រកួតប្រជែងបានប្រសិនបើត្រូវបានតែងតាំងម្តងទៀតដោយសម្ព័ន្ធភាពទាំង៨របស់លោក។ ដើម្បីឈ្នះ លោកត្រូវការសំឡេងគាំទ្រច្រើនជាងពាក់កណ្តាលនៃសមាជិកសភាចំនួន៧៤៩ រូប។លោក បានប្រាប់ក្រុមអ្នកសារព័ត៌មានថា ខ្ញុំនឹងមិនបោះបង់ចោលឡើយ ខ្ញុំនឹងមុនចុះចាញ់ទេ និងពេលវេលានេះ ដើម្បីប្រមូលការគាំទ្របន្ថែមទៀត៕

លោក Pita បរាជ័យក្នុងការបោះឆ្នោតជ្រើសរើសនាយករដ្ឋមន្ត្រី ហើយជុំទី២នឹងធ្វើឡើងនៅថ្ងៃទី១៩ខែកក្កដា

2023/07/14 10:05:31 am        120
Facebook Telegram Linkin
ថៃ៖ បេក្ខជននាយករដ្ឋមន្ត្រីរបស់គណបក្សបោះជំហានទៅមុខ Move Forward Party លោក ភីថា លីមចារើនរ៉ាត់ (Pita Limjaroenrat) កាលពីថ្ងៃព្រហស្បតិ៍ ទី១៣ខែកក្កដា បានបរាជ័យក្នុងការប៉ុនប៉ងក្លាយជានាយករដ្ឋមន្ត្រីទី៣០របស់ប្រទេសថៃ។  លោក Pita ទទួលបានសំឡេងគាំទ្រចំនួន៣២៤ ដែលភាគច្រើននៃសំឡេងគាំទ្រចេញពីក្រុមបក្សចម្រុះទាំង៨ របស់លោក បានបរាជ័យសារដោយមានសំឡេងតិចជាង ៣៧៦ ។ ការបោះឆ្នោតជុំទី២ សម្រាប់ការជ្រើសរើសនាយករដ្ឋមន្ត្រីគ្រោងធ្វើឡើងនៅថ្ងៃទី១៩ ខែកក្កដា ខាងមុខ។  កាលពីថ្ងៃព្រហស្បតិ៍ ប្រធានសភា លោក វ៉ាន់ មហាម៉ាត់ ន័រ ម៉ាថា (Wan Muhamad Noor Matha) បានបើកការបោះឆ្នោត សម្រាប់ជ្រើសរើសនាយករដ្ឋមន្ត្រីនៅម៉ោង ប្រហែល៤ល្ងាច បន្ទាប់ពីការជជែកដេញដោលរយៈពេល៦ ម៉ោង ។  ដំណើរការបោះឆ្នោត នេះ ត្រូវបានធ្វើឡើងដោយបើកចំហ ដោយលទ្ធផលត្រូវបានរាប់ដោយគណៈកម្មការមួយដែលមានសមាជិកចំនួន៦រូប។ ដំណើរការបោះឆ្នោតបានធ្វើឡើងដោយបើកចំហ និងការចុះបញ្ជីតាមអក្ខរក្រមនៃឈ្មោះអ្នកចូលរួម។ សមាជិកសភាសរុបចំនួន ៦៤៦ រូប បានចូលរួមក្នុងកិច្ចប្រជុំនេះ ដោយរួមមានសមាជិកព្រឹទ្ធសភាចំនួន ២១៦ រូប នាក់និងសមាជិកសភាចំនួន ៤៦០ រូប។ លោក Pita ទទួលបានសំឡេងគាំទ្រ ចំនួន ៣២៤ ខណៈជំទាស់ ១៨២សំឡេង និង អនុបវាទ១៩៩ សំឡេង ។  ក្នុងចំណោមសមាជិកព្រឹទ្ធសភា២៥០រូប ដែលត្រូវបានតែងតាំងដោយយោធា១៣រូប បានបោះគាំទ្រលោក Pita  ៣៩ ប្រឆាំង និង ១៥៩ អនុបវាទ ចំណែក សមាជិកព្រឹទ្ធសភាម្នាក់ បានលាលែងពីតំណែង មួយថ្ងៃមុនការបោះឆ្នោតជ្រើសរើសនាយករដ្ឋមន្ត្រី។ការបោះឆ្នោតជុំទី២ នឹងធ្វើឡើងនៅថ្ងៃ១៩ ខែកក្កដា និងជុំទី៣នៅថ្ងៃទី២០ កក្កដា។ ក្រោយមក លោក Pita បានប្រាប់ក្រុមអ្នកសារព័ត៌មាន លោកទទួលយកលទ្ធផល នៃការបោះឆ្នោតនេះ តែលោកនឹងមិនបោះបង់ចោលឡើយ ៕

សម្តេចតេជោ ហ៊ុន សែន និងឯកអគ្គរដ្ឋទូតបារាំងអញ្ជើញសម្ពោធវិមានរំលឹកដល់អ្នក ទទួលអនិច្ចកម្មក្នុងសង្គ្រាមលោកលើកទី១

2023/07/14 07:42:41 am        329
Facebook Telegram Linkin
ភ្នំពេញ៖ សម្តេច តេជោ ហ៊ុន សែន នាយករដ្ឋមន្ត្រី និងឯកអគ្គរដ្ឋទូតបារាំងប្រចាំកម្ពុជា លោក ហ្សាក់ ប៉ឺ ឡេ (J a cqu e s Pellet ) នៅព្រឹកថ្ងៃទី១៤ ខែកក្កដា ឆ្នាំ២០២៣នេះ បានអញ្ជើញសម្ពោធ វិមាន រំលឹកដល់អ្នកទទួលអនិច្ចកម្មក្នុងសង្គ្រាមលោកលើកទី១ ពីឆ្នាំ១៩១៤ ដល់ឆ្នាំ១៩១៨។វិមានរំលឹកដល់អ្នកទទួលអនិច្ចកម្មក្នុងសង្គ្រាមលោកលើកទី១ ស្ថិតនៅចំណុចប្រសព្វ នៃមហាវិថីព្រះមុនីវង្ស វិថីប្រទេសបារាំង និងរង្វង់ មូលកាំភ្លើងកួចកាណុង សង្កាត់ស្រះចក ខណ្ឌដូនពេញ រាជធានីភ្នំពេញ។ វិមានខាងលើនេះ ត្រូវបានសាងសង់ និងសម្ពោធដាក់ឱ្យប្រើប្រាស់នៅថ្ងៃទី០១ ខែមីនា ឆ្នាំ១៩២៥ ដើម្បីជាការរំលឹកអនុស្សាវរីយ៍ទាហានខ្មែរ និងបារាំង ដែល បាន ពលី ជីវិត នៅក្នុងសង្គ្រាមលោកលើកទី១ និងអនុស្សាវរីយ៍នៃការតស៊ូ រួម គ្នា រវាង ទាហានខ្មែរ និងបារាំង ក្នុងការដណ្តើមយកជ័យជម្នះលើប្រទេសអាល្លឺ ម៉ង់ ដោយមានការយាងចូលរួមពីព្រះករុណាព្រះបាទស៊ីសុវត្ថិ, ព្រះអង្គម្ចាស់ មុនីវង្ស លោក Martial Merlin ទេសាភិបាលបារាំងប្រចាំឥណ្ឌូចិន និង លោក François Baudoin រេស៊ីដង់ជាន់ខ្ពស់បារាំងប្រចាំកម្ពុជា។ នៅឆ្នាំ១៩៧៥ វិមានរំលឹកដល់អ្នកដែលទទួលអនិច្ចកម្មក្នុងសង្គ្រាម លោក លើក ទី១ ត្រូវបានខ្មែរក្រហមដាក់គ្រាប់បែកបំផ្ទុះរូបសំណាកធ្វើឱ្យបែកបាក់ នៅសល់តែបំណែកតិចតួចខ្លះដូចជាក្បាលដំរី តោ នាគ និងតួកណ្តឹង ដែល ត្រូវ បានយកទៅរក្សាទុកនៅសារមន្ទីរជាតិភ្នំពេញ។វិមានរំលឹកដល់អ្នកដែលទទួលអនិច្ចកម្មក្នុងសង្គ្រាមលោកលើកទី១ ត្រូវបាន អនុញ្ញាត ឱ្យស្ថាបនាឡើងវិញ តាមសេចក្តីសម្រេចដ៏ខ្ពង់ខ្ពស់របស់ សម្តេច តេ ជោ ហ៊ុន សែន នាយករដ្ឋមន្ត្រីកម្ពុជា តាមសំណើរបស់ឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និង បាន ប្រកាស ជាឱឡារិកក្នុងសន្និសីទសារព័ត៌មានរួមជាមួយលោក អេម៉ានូអែល ម៉ាក្រុង (Emmanuel Macron) ប្រធានាធិបតីបារាំង នៅវិមានអេលីហ្សេ នាឱកាសនៃដំណើរទស្សនកិច្ចផ្លូវការនាទីក្រុងប៉ារីស ថ្ងៃទី១៣ ខែធ្នូ ឆ្នាំ ២០២២។វិមានត្រូវបានសាងសង់ឡើងវិញ ដោយលោកបណ្ឌិតស្ថាបត្យករ លី រស្មី រដ្ឋ លេ ខាធិការ ក្រសួង រៀប ចំដែនដី នគរូបនីយកម្ម និងសំណង់ ដោយសហការ អនុវត្ត ជា មួយក្រសួងវប្ប ធម៌ និងវិចិត្រសិល្បៈ និងរដ្ឋបាលរាជធានីភ្នំពេញ។ វិមាននេះ ត្រូវបានសាងសង់ដោយរក្សាតាមលំនាំដើមរបស់ លោក Paul Ducuing។ លោកបណ្ឌិតស្ថាបត្យករ លី រស្មី បានឱ្យដឹងថា វិមានរំលឹកដល់អ្នក ដែល ទទួល អនិច្ចកម្មក្នុងសង្គ្រាមលោកលើកទី១ គឺជាស្ថា បត្យ កម្មសហរចនាបថ ដោយរួម បញ្ចូលនូវផ្នត់គំនិត ស្ថាបត្យកម្ម បុរាណ ខ្មែរ ជា ច្រើនសម័យកាល តាំងពីសម័យ អង្គរដល់សម័យក្រោយអង្គរ។ ចំណុច ពិសេស បំផុតនោះគឺ វិមាននេះមាន ទស្សនៈ មួយ ភាគធំដូចគ្នាទៅនឹង ប្រាសាទ នាគព័ន្ធ ដែលមាននាគ ដំរី និងតោ សុទ្ធតែនៅជ្រុងអនុទិសដូចគ្នា។លោកបណ្ឌិតស្ថាបត្យករ លី រស្មី បានគូសរំលេចផងដែរថាការសាងសង់វិមាន នេះឡើងវិញ ឈរលើគុណតម្លៃចំនួនពីរ។ ទីមួយជាការរំលឹកដល់វីរភាព ដ៏ហាន ក្លារបស់យុទ្ធជនខ្មែរ និងបារាំងដែលបានពលីជីវិតក្នុងសង្គ្រាមលោកលើកទី១ ឈ្មោះរបស់ បុគ្គលដ៏គួរឱ្យគោរពទាំងអស់នោះ ត្រូវបានចារឹកលើផ្ទាំងថ្ម ដ៏រឹង មាំ ស្ថិតស្ថេរអស់កាលជាយូរអង្វែងតរៀងទៅ។និងមួយទៀត ជាការបន្តប្រពៃណីទំនៀមទម្លាប់របស់ខ្មែរផង ជាការ យកចិត្តទុក ដាក់ របស់រដ្ឋាភិបាលបារាំង និងព្រះរាជាខ្មែរផង ដើម្បីធ្វើឱ្យ ក្រុម គ្រួ សា រ យុទ្ធ ជន ដែលបានពលីជីវិតក្នុងសង្គ្រាមមានភាពកក់ក្ដៅក្នុងចិត្ត ហើយ ក៏ជា ការរៀបចំឱ្យ សម នឹងស្នាដៃកិត្តិយសរបស់វីរជនទាំងអស់នោះផងដែរ។វិមាននេះមានកម្ពស់សរុប ១២,៣០ ម៉ែត្រ ក្នុងនោះខឿនកម្ពស់ ១,៧០ម៉ែត្រ, ជើងកោសកម្ពស់ ៣,២០ម៉ែត្រ, តួកណ្តឹងធ្វើពីស្ពាន់កម្ពស់ ៤,៦០ម៉ែត្រ និងរូបបដិមាទាហានខ្មែរ និងបារាំង កម្ពស់ ២,៨០ម៉ែត្រ៕

សម្តេចតេជោ ហ៊ុន សែន ​៖ ក្រុមប្រឆាំងប្រើឈ្មោះលោក Pita ជិត២ខែមកហើយតាំងពីលោកឈ្នះឆ្នោតមកម្ល៉េះ

2023/07/14 07:10:16 am        689
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី តាមតយៈតេឡេក្រាម នៅព្រឹកព្រឹលឹមថ្ងៃទី១៤ ខែកក្កដា ឆ្នាំ២០២៣នេះ បានឱ្យដឹងថា ល្ងាចម្សិលម៉ិញនេះ សម្តេចបានបង្ហោះសារមួយដែលមានន័យថា ការដែលលោក Pita មិនបានជាប់ឆ្នោតជានាយករដ្ឋមន្ត្រីថៃ វាជាបរាជ័យរបស់ក្រុមប្រឆាំងជ្រុលនិយមនៅកម្ពុជា ដោយហេតុថា ក្រុមនេះបាន ប្រើប្រាស់ឈ្មោះលោក Pita និងគណបក្សរបស់លោកធ្វើការឃោសនាថា ក្រោយលោក Pita កាន់ដំណែងជានាយករដ្ឋមន្ត្រី ហើយពួកគេនិងធ្វើសកម្មភាពចេញពីទឹកដីថៃ រហូតអ្នកវិភាគតាមវិទ្យុបរទេសនិយាយភាសារខ្មែរ លើកឡើងថា មេដឹកនាំក្រុមជ្រលនិយម នឹងមកកម្ពុជាតាមទឹកដីថៃ។សារសម្តេចតេជោ ហ៊ុន សែន មានប្រសាសន៍ថា ក្រុមនេះបានប្រើប្រាស់ឈ្មោះលោក Pita ជិត២ខែមកហើយតាំងពីលោកឈ្នះឆ្នោតមកម្ល៉េះ។សម្តេចបញ្ជាក់ថា «ខ្ញុំមិនបានប្រឆាំងលោក Pita នោះទេ ហើយក៏មិនជ្រៀតជ្រែកកិច្ចការផ្ទៃក្នុងប្រទេសថៃនោះដែរ។ ការដែលខ្ញុំចេញសារនេះមានបំណងប្រាប់ទៅក្រុមជ្រុលនិយមនៅកម្ពុជាថា បំណងរបស់ពួកអ្នកត្រូវរលាយដូចអំបិលត្រូវទឹក»។ក្រោយសម្តេចបង្ហោះមានបងប្អូនថៃចូលមក Comment ជាភាសារថៃយ៉ាងច្រើនដែលសម្តេចមិនយល់ ដោយមិនចេះអានភាសារថៃ។នៅទីនេះសូមបញ្ជាក់ថា៖1. ខ្ញុំ(សម្តេច)មិនប្រឆាំងលោក Pita នោះទេ ហើយក៏បានត្រៀមខ្លួនធ្វើការជាមួយលោក Pita ក្នុងករណីលោក Pita ដឹកនាំរដ្ឋាភិបាលថៃ។2. ខ្ញុំ(សម្តេច)គោរពការសម្រេចរបស់ប្រជាជនថៃ និង មិនជ្រៀតជ្រេកកិច្ចការផ្ទៃក្នុងប្រទេសថៃនោះឡើយ។3. ខ្ញុំ(សម្តេច)ត្រៀមខ្លួនធ្វើការជាមួយថ្នាក់ដឹកនាំរដ្ឋាភិបាលថៃ ទោះអ្នកណា ឬបក្សណាដឹកនាំក៏ដោយ។4. ពួកជ្រុលនិយមខ្មែរដែលយកទឹកដីថៃ សម្រាប់ធ្វើសកម្មភាពប្រឆាំងកម្ពុជារាប់ទាំងការប្រើប្រាស់ឈ្មោះលោក Pita គប្បីបញ្ឈប់សកម្មភាពធ្វើនយោបាយ ដែលពឹងលើដង្ហើមអ្នកដ៍ទៃ ដើម្បីបំផ្លាញជាតិខ្លួនឯងទៀតទៅ ជាពិសេសឈប់ប្រើឈ្មោះលោក Pita ដែលគាត់មិនទាំងដឹងខ្លួនផង ឲ្យមកប្រឆាំងជាមួយកម្ពុជាទៀតទៅ៕

តំណាងរាស្រ្តខេត្តកំពង់ចាម អំពាវនាវសមាជិកបោះឆ្នោតគាំទ្រគណបក្សប្រជាជនកម្ពុជា បន្តទៀតដើម្បីការអភិវឌ្ឍ

2023/07/13 02:39:07 pm        312
Facebook Telegram Linkin
ភ្នំពេញ៖ បេក្ខជនតំណាងរាស្រ្តខេត្តកំពង់ចាម និងជាប្រធានក្រុមការងារគណបក្សចុះមូលដ្ឋានស្រុកព្រៃឈរ និងស្រុកបាធាយ ឯកឧត្តម ប៉ាន សូរស័ក្តិ បានអំពាវនាវដល់ប្រជាពលរដ្ឋដែលមានឈ្មោះក្នុងបញ្ជីបោះឆ្នោតទាំងអស់ បន្តបោះឆ្នោតជូនគណបក្សប្រជាជនកម្ពុជា ដើម្បីរក្សាសុខសន្តិភាព និងភាពរីកចម្រើនបន្តទៀត។ក្នុងឱកាសបន្តចុះជួបសំណេះសំណាលជាមួយសមាជិក សមាជិកាគណបក្សប្រជាជនកម្ពុជាឃុំសំរោង ស្រុកព្រៃឈរ ខេត្តកំពង់ចាម ប្រមាណ ៥០០នាក់ ដើម្បីផ្សព្វផ្សាយកម្មវិធីនយោបាយគណបក្ស និងបង្ហាញអំពីរបៀបគូសសន្លឹកឆ្នោតគាំទ្រ គណបក្សប្រជាជនកម្ពុជា ក្នុងយុទ្ធនាការឃោសនាបោះឆ្នោត នាព្រឹកថ្ងៃទី១៣ ខែកក្កដានេះ ឯកឧត្តមបេក្ខជនតំណាងរាស្រ្ត បានពន្យល់ណែនាំឲ្យបន្តបោះឆ្នោតជូនគណបក្សប្រជាជនកម្ពុជា ដែលមានលេខរៀងទី១៨ និងមានរូបសញ្ញាទេវតាបាចផ្កាជាសម្គាល់ ដើម្បីបន្តរក្សាការពារ​សុខសន្តិភាព ការអភិវឌ្ឍប្រទេសជាតិ និងសម្ដែងនូវការដឹងគុណចំពោះការជួយសង្រ្គោះ​ប្រជាជនចេញ​ពីរបបវាលពិឃាដ ប៉ុល ពត ដែលបានបំផ្លិចបំផ្លាញប្រទេសកម្ពុជាធ្លាក់​ដល់ចំណុចសូន្យ។ឯកឧត្តម បានរំឮកពីគុណបំណាច់របស់គណបក្សប្រជាជនកម្ពុជា ក្នុងការជួយសង្រ្គោះ​ប្រជាជន​ចេញពីរបបប្រល័យពូជសាសន៍ ប៉ុល ពត, ជាពិសេសនយោបាយឈ្នះឈ្នះ ដែលធ្វើឱ្យប្រទេស​កម្ពុជា​មានលទ្ធិប្រជាធិបតេយ្យ សេរីពហុបក្ស ការបង្រួបបង្រួមជាតិ ផ្សះផ្សាជាតិ រហូតទទួលបាន​សុខសន្តិភាពពេញលេញ ក្រោមការដឹកនាំប្រកបដោយគតិបណ្ឌិតរបស់ សម្តេចតេជោ នាយករដ្ឋមន្រ្តី ព្រមទាំងទទួលបានសមិទ្ធផល​ និងភាពជោគជ័យជាច្រើន រួមមាន៖ ផ្លូវ ស្ពាន ប្រព័ន្ធធារាសាស្ត្រ បណ្ដាញទឹកស្អាត អណ្ដូងទឹក ភ្លើងអគ្គិសនី មន្ទីរពេទ្យ និងវត្តអារាម។ល។, ជោគជ័យនៃការប្រយុទ្ធឈ្នះជំងឺកូវីដ-១៩,ជោគជ័យដ៏ត្រចះត្រចង់ក្នុងការធ្វើជាម្ចាស់ផ្ទះនៃកិច្ច​ប្រជុំកំពូលអាស៊ាន, ជោគជ័យក្នុងការរៀបចំកម្មវិធីអង្គរសង្ក្រាន, ជោគជ័យជាប្រវត្តិសាស្រ្ត ក្នុងការធ្វើជាម្ចាស់ផ្ទះនៃការរៀបចំព្រឹត្តិការណ៍ប្រកួតកីឡាស៊ីហ្គេមលើកទី៣២ ឆ្នាំ២០២៣ និងអាស៊ានប៉ារ៉ាហ្គេមលើកទី១២ ដែលទើបបិទបញ្ចប់កាលពីពេលថ្មីៗកន្លងទៅនេះ។ ឯកឧត្តម បញ្ជាក់ថា សមិទ្ធផលទាំងនេះ សុទ្ធតែបានមកពីផ្លែផ្កានៃសន្តិភាព ដោយការយក​អាយុជីវិត​ធ្វើជាដើមទុន និងពលិកម្មដ៏ធំធេងរបស់សមាជិក​ សមាជិកាគណបក្សប្រជាជនកម្ពុជា ក្រោមការដឹកនាំរបស់ សម្តេចតេជោ ហ៊ុន សែន ប្រធានគណបក្ស។ ឆ្លៀតក្នុងឱកាសនេះដែរ ឯកឧត្តមបេក្ខជនតំណាងរាស្រ្ត បានធ្វើការណែនាំខ្លួនអំពីជីវប្រវត្តិរបស់​ឯកឧត្តមផ្ទាល់ ជាពិសេសប្រវត្តនៃការចូលរួមជាមួយគណបក្សប្រជាជនកម្ពុជា​ក្នុងការកសាង​ជាតិមាតុភូមិ និងបម្រើប្រជាជន ព្រមទាំងបានធ្វើការផ្សព្វផ្សាយកម្មវិធីនយោបាយគណបក្ស ដោយបានអាន និងបកស្រាយពន្យល់ម្ដងមួយៗអំពីខ្លឹមសារលម្អិតកម្មវិធីនយោបាយ​របស់គណបក្ស​ប្រជាជនកម្ពុជា ដែលនឹងក្លាយជាកម្មវិធីនយោបាយរបស់រាជរដ្ឋាភិបាលនីតិកាលទី៧ នៃរដ្ឋសភា និងការដាក់ចេញនូវកម្មវិធីគោលនយោបាយជាអាទិភាពចំនួន ៦ចំណុច នៅក្នុងកម្មវិធីនយោបាយ​នេះជូនបងប្អូន​ប្រជាពលរដ្ឋទាំងអស់ដែលបានចូលរួម ជាពិសេសបានធ្វើការបង្ហាញជូនអំពីរបៀប​គូសសន្លឹកឆ្នោតគាំទ្រគណបក្សប្រជាជនកម្ពុជាផងដែរ៕

លោកហ្គុយតឺរេស ផ្ញើលិខិតទៅលោកពូទីន អំពីការបន្តកិច្ចព្រមព្រៀងគ្រាប់ធញ្ញជាតិ

2023/07/13 02:22:05 pm        272
Facebook Telegram Linkin
អ្នកនាំពាក្យអង្គការសហប្រជាជាតិ លោក ស្ទេហ្វែន ឌូចារិក (Stephane Dujarric) បានថ្លែងប្រាប់អ្នកយកព័ត៌មានកាលពីថ្ងៃពុធថា អគ្គលេខាធិការUN លោកអង់តូនី ហ្គុយតឺរេស ( Antonio Guterres) បានផ្ញើលិខិតមួយច្បាប់ជូនលោកប្រធានាធិបតីរុស្ស៊ី លោក វ្ល៉ាឌីមៀរ ពូទីន (Vladimir Putin) កាលពីថ្ងៃទី១១ ខែកក្កដា ដោយស្នើនូវមធ្យោបាយឆ្ពោះទៅមុខសម្រាប់ការ​អនុវត្តផ្នែកនៃកិច្ចព្រមព្រៀងគ្រាប់ធញ្ញជាតិ។លោក បាននិយាយថា៖«គោលបំណង គឺដើម្បីដកចេញនូវឧបសគ្គដែលធ្វើឲ្យប៉ះពាល់ដល់ប្រតិបត្តិការហិរញ្ញវត្ថុតាមរយៈធនាគារកសិកម្មរុស្សី ដែលជាការព្រួយបារម្ភដ៏ធំមួយ ដែលបង្ហាញដោយសហព័ន្ធរុស្ស៊ី ហើយក្នុងពេលដំណាលគ្នា អនុញ្ញាតឱ្យមានការបន្តលំហូរគ្រាប់ធញ្ញជាតិរបស់អ៊ុយក្រែន តាមរយៈសមុទ្រខ្មៅ។នៅថ្ងៃទី ២២ ខែកក្កដា ឆ្នាំ ២០២២ កញ្ចប់ឯកសារអំពីការផ្គត់ផ្គង់អាហារ និងជីទៅកាន់ទីផ្សារអន្តរជាតិត្រូវបានចុះហត្ថលេខានៅទីក្រុងអ៊ីស្តង់ប៊ុល។ ពីដំបូងឡើយ កិច្ចព្រមព្រៀងត្រូវបានបញ្ចប់រយៈពេល ១២០ថ្ងៃ ក្នុងខែវិច្ឆិកាឆ្នាំមុន កិច្ចព្រមព្រៀងទាំងនោះ ត្រូវបានបន្តសម្រាប់រយៈពេលដូចគ្នា។ នៅថ្ងៃទី១៨ ខែមីនា ឆ្នាំ ២០២៣ ប្រទេសរុស្ស៊ី បានប្រកាសបន្ថែមពេលវេលា ៦០ថ្ងៃនៃកិច្ចព្រមព្រៀង ដោយព្រមានថា នេះនឹងជាពេលវេលាគ្រប់គ្រាន់ ដើម្បីវាយតម្លៃការអនុវត្តអនុស្សរណៈដែលបានចុះហត្ថលេខាជាមួយអង្គការសហប្រជាជាតិ។ នៅថ្ងៃទី ១៨ ខែឧសភា កិច្ចព្រមព្រៀងគ្រាប់ធញ្ញជាតិ ត្រូវបានបន្តរយៈពេលពីរខែទៀតរហូតដល់ថ្ងៃទី១៧ ខែកក្កដា៕

កូរ៉េខាងជើង បាញ់មីស៊ីល ICBM ស្របពេលដែលមេដឹកនាំកូរ៉េខាងត្បូង និងជប៉ុនចូលរួមជំនួបនៅក្រៅកិច្ចប្រជុំកំពូលអង្គការណាតូ

2023/07/13 12:30:31 pm        313
Facebook Telegram Linkin
កូរ៉េខាងជើង៖  កាលពីថ្ងៃពុធម្សិលមិញនេះ កូរ៉េខាងជើងបានបាញ់មីស៊ីលបាលីស្ទិកអន្តរទ្វីប ICBMចូលទៅក្នុងសមុទ្រជិតតំបន់ឆ្នេរភាគខាងកើតរបស់ពួកគេ ជាហេតុធ្វើឲ្យមានការថ្កោលទោសយ៉ាងខ្លាំងពីក្រុមមេដឹកនាំកូរ៉េខាងត្បូង និងជប៉ុន ដែលបានជួបជុំគ្នានៅក្រៅកិច្ចប្រជុំកំពូលអង្គការណាតូ ។  ការបាញ់មីស៊ីលនេះដែរ បានកើតមានឡើង ក្រោយការតវ៉ាដ៏ក្តៅគគុកពីកូរ៉េខាងជើងក្នុងរយៈពេលប៉ុន្មានថ្ងៃកន្លងមកនេះ ដោយទីក្រុងព្យុងយ៉ាង ចោទប្រកាន់ថា យន្តហោះចារកម្មអាមេរិក បានបំពានលើដែនអាកាសនៅក្នុងតំបន់សេដ្ឋកិច្ចរបស់ខ្លួន ក៏ដូចជាថ្កោលទោសដំណើរទស្សនកិច្ចកាលពីពេលកន្លងទៅរបស់នាវាមុជទឹកបំពាក់មីស៊ីលតម្រង់គោលដៅដើរដោយថាមពលនុយក្លេអ៊ែររបស់អាមេរិកទៅកាន់កូរ៉េខាងត្បូង ហើយពួកគេសន្យាថា នឹងចាត់វិធានការប្រតិកម្មវិញ ។  រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តីជប៉ុនលោក Hirokazu Matsuno បាននិយាយថា មីស៊ីល ICBMបានហោះរយៈពេល ៧៤នាទី នៅលើរយៈកម្ពស់ ៦ពាន់គ.ម និងហោះបានចម្ងាយ ១ពាន់គ.ម ដែលវាគឺជាការហោះហើរយូរជាងគេបំផុតពុំធ្លាប់ដែលមានសម្រាប់មីស៊ីលកូរ៉េខាងជើង ។  ស្របពេលនោះដែរ ក្រុមឆ្មាំល្បាតឆ្នេរជប៉ុន បានព្យាករណ៍ថា មីស៊ីលមួយគ្រាប់នេះ បានធ្លាក់នៅចម្ងាយប្រហែល ៥៥០គ.ម ភាគខាងកើតឧបទ្វីបកូរ៉េ ។  គួរឲ្យដឹងថា កាលពីខែមេសាកន្លងទៅ កូរ៉េខាងជើង បានបាញ់សាកល្បងមីស៊ីល ICBMដើរដោយថាមពលឥទ្ធនៈរឹងលើកដំបូងរបស់ខ្លួនពុំធ្លាប់ដែលមានពីមុន ដែលជាការបាញ់សាកល្បងមួយក្នុងចំណោមការបាញ់សាកល្បងមីស៊ីលរាប់សិបគ្រាប់ក្នុងឆ្នាំនេះ ។  ក្រុមអ្នកវិភាគ មានជំនឿថា មីស៊ីល ICBM របស់កូរ៉េខាងជើង អាចហោះឆ្ងាយគ្រប់គ្រាន់ក្នុងការវាយប្រហារគោលដៅនៅកន្លែងណាមួយក្នុងទឹកដីសហរដ្ឋអាមេរិក ហើយរដ្ឋឯការមួយនេះ ទំនងជាបានផលិតក្បាលគ្រាប់នុយក្លេអ៊ែរ ដែលអាចបំពាក់លើរ៉ុក្កែត ៕

ឯកឧត្ដម ប្រាក់ សុខុន បញ្ជាក់ជាថ្មីអំពីការគាំទ្ររបស់កម្ពុជាចំពោះឥណ្ឌូនេស៊ី ជាប្រធានប្ដូរវេនអាស៊ានឆ្នាំ២០២៣

2023/07/13 12:24:48 pm        261
Facebook Telegram Linkin
ភ្នំពេញ៖ ឯកឧត្តមឧបនាយករដ្ឋមន្រ្តី ប្រាក់ សុខុន រដ្ឋមន្រ្តីការបរទេស និងសហប្រតិបត្តិការ​អន្តរជាតិ នៃព្រះរាជាណាចក្រកម្ពុជា បានបញ្ជាក់ឡើងវិញអំពីការគាំទ្ររបស់កម្ពុជា ចំពោះកិច្ចខិតខំប្រឹងប្រែងដោយឥណ្ឌូនេស៊ី ​ដែលជាប្រធានប្ដូរវេនអាស៊ានឆ្នាំ២០២៣ ក្នុងការពន្លឿននៃការអនុវត្តកិច្ចព្រមព្រៀងជាឯកច្ឆន្ទប្រាំចំណុចស្តីពីមីយ៉ាន់ម៉ា។ឯកឧត្តមឧបនាយករដ្ឋមន្រ្តី ប្រាក់ សុខុន បានថ្លែងនៅក្នុងកិច្ចប្រជុំរដ្ឋមន្រ្តីការបរទេសអាស៊ាន​លើកទី៥៦ ​សម័យប្រជុំចង្អៀត នៅថ្ងៃទី១២ ខែកក្កដា ឆ្នាំ២០២៣ ​នៅទីនៅទីក្រុងហ្សាការតា ប្រទេស​ឥណ្ឌូនេស៊ីថា ការភ្ជាប់ទំនាក់ទំនងគឺជាគន្លឹះ ក្នុងការលើកកម្ពស់ការទុកចិត្ត និងភាព​ជឿជាក់លើគ្នា ព្រមទាំងការកសាងបរិយាកាស​អំណោយ​ផលសម្រាប់​កិច្ច​សន្ទនាប្រកប​ដោយសន្តិភាព និងបរិយាបន្ន។ ឯកឧត្តមឧបនាយករដ្ឋមន្រ្តីបញ្ជាក់ឡើងវិញថា កម្ពុជាបន្តគាំទ្រ​ ចំពោះកិច្ចខិតខំប្រឹងប្រែង​ដោយ​ឥណ្ឌូនេស៊ី ដែលជាប្រធានប្ដូរវេនអាស៊ានឆ្នាំ២០២៣ ក្នុងការពន្លឿននៃការអនុវត្តកិច្ចព្រមព្រៀងជា​ឯកច្ឆន្ទប្រាំចំណុចស្តីពីមីយ៉ាន់ម៉ា។ ឯកឧត្តមឧបនាយករដ្ឋមន្រ្តី បានបញ្ជាក់ជាថ្មីអំពីសារៈសំខាន់នៃការវាយតម្លៃ និងសេចក្តីសម្រេច​ចិត្ត​របស់ថ្នាក់ដឹកនាំអាស៊ានស្តីពី ការអនុវត្តកិច្ចព្រមព្រៀងជាឯកច្ឆន្ទប្រាំចំណុច​ ជាពិសេសចំណុចទី១៤ ស្តីពី ការរិះរកវិធីសាស្រ្តផ្សេងៗ ដែលអាចគាំទ្រ​ និងបំពេញបន្ថែមដល់ការអនុវត្តកិច្ចព្រមព្រៀង​ជាឯកច្ឆន្ទប្រាំចំណុច។ សំខាន់ជាងនេះ ឯកឧត្តមឧបនាយករដ្ឋមន្រ្តី ក៏បានសម្តែងនូវការកោតសរសើរដល់​ ឯកឧត្តម ដន ប្រាម៉ាត់វិណៃ ​ឧបនាយករដ្ឋមន្ត្រី និងជារដ្ឋមន្រ្តីការបរទេស ​នៃព្រះរាជាណាចក្រថៃ ចំពោះវិភាគទាន​ដ៏មាន​តម្លៃរបស់​ឯកឧត្តម​ទៅ​ដល់ការ​អនុវត្តកិច្ចព្រមព្រៀងជាឯកច្ឆន្ទប្រាំចំណុច។ ឯកឧត្តម ឧបនាយករដ្ឋមន្រ្តី បានស្វាគមន៍ចំពោះជំនួបរវាងឯកឧត្តម ដន ប្រាម៉ាត់វិណៃ ជាមួយលោកស្រី​ អោងសាន ស៊ូជី នៅទីក្រុងណៃពីដោ ​កាលពីថ្ងៃទី៩ ខែកក្កដា ឆ្នាំ២០២៣ ដែលនេះជា ការវិវឌ្ឍជាវិជ្ជមានមួយ៕អត្ថបទ៖វ៉ន ដារ៉ា

ថ្ងៃជំនំជំរះសម្រាប់លោក Pita ស្របពេលដែលសភាបោះឆ្នោតលើតំណែងនាយករដ្ឋមន្រ្តីថៃ

2023/07/13 12:22:45 pm        307
Facebook Telegram Linkin
 ថៃ៖♪ លោក Pita Limjaroenrat ដែលសង្ឃឹមថានឹងក្លាយជានាយករដ្ឋមន្រ្តីថៃនោះ បានប្រឈមនឹងការធ្វើតេស្តដ៏សំខាន់មួយក្នុងជីវិតនយោបាយរបស់លោកនៅថ្ងៃព្រហស្បតិ៍នេះ ស្របពេលដែលសភានឹងបោះឆ្នោតប្រកបដោយហានិភ័យខ្ពស់ លើតំណែងនាយករដ្ឋមន្រ្តី ដែលអាចធ្វើតេស្តសាមគ្គីភាពសម្ព័ន្ធមិត្ត ៨គណបក្សរបស់លោក ។  មេដឹកនាំវ័យ៤២ឆ្នាំរបស់គណបក្សឈ្នះឆ្នោតដ៏គួរភ្ញាក់ផ្អើលដំណើរឆ្ពោះទៅមុខម្នាក់នេះ ត្រូវបានគេរំពឹងថានឹងក្លាយជាបេក្ខជនតែម្នាក់គត់នៅការបោះឆ្នោសភាថ្ងៃព្រហស្បតិ៍ ប៉ុន្តែលោកប្រឈមនឹងការលំបាកធំ ក្នុងការទទួលបានសំឡេងគាំទ្រត្រូវការជាងពាក់កណ្តាលនៅក្នុងសភាទាំង ២ដែលមានសមាជិក ៧៥០នាក់ ។  គណបក្សសេរីដំណើរឆ្ពោះទៅមុខ និងសម្ព័ន្ធមិត្ត Pheu Thai ដែលបានផ្តួលគណបក្សអភិរក្សនិយមគាំទ្រដោយយោធា នៅការបោះឆ្នោតសកលកាលពីថ្ងៃទី ១៤ ខែឧសភា កន្លងទៅនោះ ត្រូវបានគេមើលឃើញថាជាអ្នកទម្លាក់រដ្ឋាភិបាលមួយដែលដឹកនាំ ឬគាំទ្រដោយយោធារាជានិយមអស់រយៈពេលជិត ១ទសវត្សរ៍កន្លងមកនេះ ។  សូមបញ្ជាក់ថា កាលពីថ្ងៃពុធម្សិលមិញ តុលាការធម្មនុញ្ញថៃ បានទទួលយកពាក្យបណ្តឹងប្រឆាំងនឹងគណបក្សដំណើរឆ្ពោះទៅមុខរបស់លោក Pita  ពាក់ព័ន្ធនឹងផែនការរបស់ពួកគេក្នុងការធ្វើវិសោធនកម្មលើច្បាប់ដ៏តឹងរឹងដែលហាមប្រាមការប្រមាថព្រះមហាក្សត្រ ពោលគឺរយៈពេលប៉ុន្មានម៉ោងប៉ុណ្ណោះ ក្រោយគណៈកម្មាធិការជាតិរៀបចំការបោះឆ្នោត ណែនាំឲ្យតុលាការជម្រុះលោក Pitaជាតំណាងរាស្រ្ត ដោយសារបំពានលើភាគហ៊ុន ៕

បណ្ដាញសង្គម

ព័ត៌មានថ្មីៗ

អាមេរិកប្រាប់អឺរ៉ុប និងកាណាដាឱ្យបង្កើនកងកម្លាំងអាកាស និងជើងទឹករបស់ណាតូ ខណៈទីក្រុងវ៉ាស៊ីនតោនកាត់បន្ថយការចំណាយ
06/04/2026 09:06 AM
Facebook Telegram Linkin
ក្រុមហេសបូឡា បាញ់រ៉ុក្កែតទៅលើអ៊ីស្រាអែល ជាការសាកល្បងកិច្ចព្រមព្រៀងសម្របសម្រួលដោយអាមេរិក
06/04/2026 09:06 AM
Facebook Telegram Linkin
លោក Netanyahu និយាយសម្រាលពីជម្លោះជាមួយលោក Trump ដោយមេដឹកនាំទាំងពីរយល់ស្របលើការរំសាយអាវុធក្រុមហេសបូឡា
06/04/2026 09:06 AM
Facebook Telegram Linkin
លោក គីម ជុងអ៊ុន មេដឹកនាំកូរ៉េខាងជើង ប្តេជ្ញាថានឹងបង្កើនទ្វេដងកងកម្លាំងនុយក្លេអ៊ែរ
06/04/2026 09:06 AM
Facebook Telegram Linkin
អ៊ីស្រាអែល និងលីបង់ យល់ព្រមអនុវត្តបទឈប់បាញ់ អាស្រ័យលើការបញ្ឈប់ការវាយប្រហាររបស់ក្រុមហេសបូឡា
06/04/2026 09:06 AM
Facebook Telegram Linkin
ក្នុងរយៈពេល៥ខែដើមឆ្នាំ២០២៦ ក្រសួងបរិស្ថានបានចុះល្បាត និងបង្រ្កាបបទល្មើសធនធានធម្មជាតិបានចំនួន ៨៩៦ករណី និងបានឃាត់ខ្លួនជនល្មើសបញ្ជូនទៅតុលាការចំនួន៤៣នាក់
06/04/2026 09:06 AM
Facebook Telegram Linkin
អ្នកជំនាញការអាដហុកអាយស៊ីស៊ីអង្គរ-សំបូរព្រៃគុក បន្តចុះពិនិត្យការដ្ឋានជួសជុលមួយចំនួន នៅអតីតរាជធានី ក្រុងអង្គរធំ
06/04/2026 08:06 AM
Facebook Telegram Linkin
រដ្ឋមន្ត្រីការបរទេសអ៊ីរ៉ងថាការចរចាគ្មានមានវឌ្ឍនភាព តែលោក Trump ថាកិច្ចព្រមព្រៀងជិតដល់ហើយ
06/04/2026 08:06 AM
Facebook Telegram Linkin
កម្ពុជាប្តេជ្ញាចិត្តក្នុងការធ្វើការជិតស្និទ្ធជាមួយប្រទេសសមាជិកអាស៊ាន និងសហរដ្ឋអាម៉េរិកដើម្បីលើកកម្ពស់ភាពជាដៃគូ និងផលប្រយោជន៍រួម
06/04/2026 08:06 AM
Facebook Telegram Linkin
អាល្លឺម៉ង់គាំទ្រកម្ពុជាលើវិធីសាស្ត្រដោះស្រាយជម្លោះព្រំដែនដោយសន្តិវិធី ខណៈសភាទាំងពីរប្តេជ្ញាពង្រីកកិច្ចសហប្រតិបត្តិការឱ្យកាន់តែស៊ីជម្រៅ តាមរយៈការផ្លាស់ប្ដូរទស្សនកិច្ចទៅវិញទៅមក
06/04/2026 07:06 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.