BTV NEWS

សម្ដេចតេជោជំរុញឱ្យសិង្ហបុរីមានជើងហោះហើរកាន់តែច្រើនមកកាន់កម្ពុជាបន្ទាប់ពីដាក់ឱ្យដំណើរការព្រលានយន្តហោះអន្តរជាតិតេជោ

សម្ដេចតេជោ បន្តប្រាប់ការពិតទៅសមាជិករដ្ឋសភាជប៉ុន ករណីថៃបាញ់សម្លាប់យោធិនកម្ពុជា និងបិទព្រំដែនជាឯកតោភាគី

TOP STORY | សម្ដេចតេជោចេញសារដាស់តឿនដល់ជនរួមជាតិកម្ពុជាត្រៀមខ្លួនវាយចោរឈ្លានពានទឹកដី ខណៈថៃនៅតែចិញ្ចឹមចិត្ត និងមហិច្ឆតាចង់បានទឹកដីកម្ពុជា

ឯកឧត្តម ប៉េង ពោធិ៍នា៖ «យើងត្រូវរួបរួមគ្នាជាធ្លុងមួយទប់ស្កាត់ និងបំផ្លាញមហិច្ឆតានយោបាយរបស់ក្រុមជ្រុលនិយមមួយក្តាប់តូច ដែលតែងតែបញ្ឆេះកំហឹងជាតិសាសន៍»

នយោបាយ និង ការអភិវឌ្ឍន៍

សម្តេចតេជោ ហ៊ុន សែន អញ្ជើញចុះជួបកម្មករ-កម្មការិនីជិត២ម៉ឺននាក់ ជាបន្តទៀត នៅក្រុងច្បារមន ខេត្តកំពង់ស្ពឺ

កំពង់ស្ពឺ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅព្រឹកថ្ងៃទី២៧ ខែមិថុនា ឆ្នាំ២០២៣នេះ បន្តអញ្ជើញចុះជួបសំណេះសំណាលជាមួយកម្មករ និយោជិតសរុប ១៩,០៨៥នាក់ មកពីរោងចក្រ សហគ្រាសចំនួន៩ ដែលកំពុងដំណើរការអាជីវកម្មក្នុងក្រុងច្បារមន និងស្រុកសំរោងទង ខេត្តកំពង់ស្ពឺ។ ឯកឧត្តម អ៊ិត សំហេង រដ្ឋមន្ត្រីរដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានឱ្យដឹងថា សម្តេចតេជោនាយករដ្ឋមន្ត្រី ធ្លាប់បានចុះជួបសំណេះសំណាលជាមួយកម្មករ និយោជិតនៅក្រុងច្បារមននេះចំនួនពីរលើករួចមកហើយកាលពីឆ្នាំ២០១៨។ រោងចក្រ សហគ្រាសទាំង៩ ដែលអនុញ្ញាតឱ្យកម្មករ កម្មការិនីជួបសំណេះសំណាលនឹងសម្តេចតេជោ រួមមាន៖ រោងចក្រកាត់ដេរចំនួន៣, ផលិតផលធ្វើដំណើរ និងកាបូបចំនួន៦។ ផលិតផលរបស់រោងចក្រទាំងនេះ គឺនាំចេញទៅទីផ្សារអន្តរជាតិ ដូចជាសហគមន៍អឺរ៉ុប សហរដ្ឋអាមេរិក ចិន និងអូស្ត្រាលី។ល។ឆ្នាំ២០២៣នេះ ខេត្តកំពង់ស្ពឺ មានរោងចក្រ សហគ្រាសចំនួន៣៨៥ មានកម្មករ និយោជិតជាង ១៥ម៉ឺន ៥ពាន់នាក់ ដែលមានប្រាក់ឈ្នួលមធ្យមសរុបជាង ៤៨១លានដុល្លារក្នុងមួយឆ្នាំ។ ក្នុងនោះរោងចក្រ សហគ្រាសវិស័យកាត់ដេរចំនួន១៩១ មានកម្មករនិយោជិតសរុបជាង ១៤ម៉ឺន ៥ពាន់នាក់ ដែលមានប្រាក់ឈ្នួលមធ្យមសរុបជាង ៤៥១លានដុល្លារក្នុងមួយឆ្នាំ។ ខេត្តកំពង់ស្ពឺ ជាខេត្តទី២ ដែលមានការអភិវឌ្ឍរោងចក្រ សហគ្រាសច្រើនជាងគេ៕

សម្ដេចតេជោ៖ បើCPPជាប់ឆ្នោត នឹងរៀបចំប្រជុំសភា ដើម្បីបង្កើតរាជរដ្ឋាភិបាលថ្មីនៅចុងខែសីហា

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានកំណត់យកចុងខែសីហា ឆ្នាំ២០២៣ ដើម្បី រៀបចំប្រជុំសភា និងប្រកាសបង្កើតរាជរដ្ឋាភិបាល អាណត្តិទី៧ បន្ទាប់ពីការប្រកាសរបស់គណៈកម្មាធិការជាតិរៀបចំការបោះឆ្នោត (គ.ជ.ប) ហើយក្នុងករណីគណបក្សប្រជាជនកម្ពុជាទទួលបានជ័យជម្នះ ។ក្នុងពិធីសម្ពោធដាក់ឱ្យប្រើប្រាស់ជាផ្លូវការ “អគារសាលាយុត្ដិធម្ម” របស់ក្រសួងយុត្តិធម៌ នៅថ្ងៃទី២៦ ខែមិថុនា ឆ្នាំ២០២៣ សម្ដេចតេជោ នាយករដ្ឋមន្ត្រី មានប្រសាសន៍ថា នាពេលខាងមុខ ក្នុងករណីនៃការបោះឆ្នោតជ្រើសរើសតំណាងរាស្ត្រ នីតិកាលទី៧ មិនមានការបោះឆ្នោតឡើងវិញនៅកន្លែងណាមួយដំណើរការដោះស្រាយដោយ គ.ជ.ប និងរហូតដល់ដំណាក់កាលនៃការដោះស្រាយរបស់ក្រុមប្រឹក្សាធម្មនុញ្ញ ហើយបកត្រឡប់មកវិញ ប្រកាសលទ្ធផលផ្លូវការ និងបេក្ខជនជាប់ឆ្នោតប្រើរយៈពេលខ្លី ប៉ុន្តែក៏ត្រូវទុកពេលវេលាមួយចំនួន ។សម្ដេចតេជោ បានបន្តថា តាមការគ្រោងទុកសភានឹងត្រូវប្រជុំលើកដំបូង នៅថ្ងៃទី២៨ ខែសីហា ក្រោមព្រះរាជាធិបតីភាពដ៏ខ្ពង់ខ្ពស់បំផុត នៃព្រះមហាក្សត្រ ហើយបន្ទាប់មកសភានឹងចូលស្បថនៅថ្ងៃបន្ទាប់នឹងប្រកាសបង្កើតរាជរដ្ឋាភិបាល នេះបើក្នុងករណីដែលគណបក្សប្រជាជនកម្ពុជាជាប់ឆ្នោត ។គួរបញ្ជាក់ថា ការបោះឆ្នោតជ្រើសរើសតំណាងរាស្ត្រ អាណត្តិទី៧ នឹងធ្វើឡើងនៅថ្ងៃទី២៣ ខែ កក្កដា ឆ្នាំ២០២៣ ដោយមានគណបក្សនយោបាយចំនួន១៨ ចូលរួមប្រកួតប្រជែង ខណៈគណបក្សប្រជាជនកម្ពុជា ឈរនៅលេខរៀងទី១៨ ៕ អត្ថបទ បាន សុខរិទ្ធិ

សម្ដេចតេជោ ជំរុញមន្ត្រីឱ្យបង្កើនប្រសិទ្ធភាពការងារនៅពេលមានកន្លែងធ្វើការល្អហើយ

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា នៅតែរម្លឹកទៅកាន់មន្ត្រីគ្រប់ស្ថាប័ន ឱ្យខិតខំប្រឹងប្រែងបង្កើនប្រសិទ្ធភាពការងារឱ្យកាន់តែល្អ នៅពេលទទួលបានកន្លែងធ្វើការល្អហើយ ប៉ុន្តែប្រសិទ្ធភាព ការងារ មិនមែននៅត្រង់ថា ទាល់តែមានកន្លែងធ្វើការល្អនោះទេ ។សម្ដេចតេជោ ហ៊ុន សែន ក្នុងឱកាសអញ្ជើញជាអធិបតីដ៏ខ្ពង់ខ្ពស់សម្ពោធដាក់ឲ្យប្រើប្រាស់ជាផ្លូវ ការ "អគារសាលាយុត្ដិធម្ម" របស់ក្រសួងយុត្តិធម៌ នៅក្នុងខ័ណ្ឌជ្រោយចង្វារ នៅព្រឹកថ្ងៃទី២៦ ខែមិថុនានេះ បានថ្លែងថា ការជួយជ្រោមជ្រែងរៀបចំឱ្យមានកន្លែងធ្វើការថ្មីនេះជាការល្អហើយ ប៉ុន្តែការធានាឱ្យ មានប្រសិទ្ធភាពការងារជាការចាំបាច់។សម្ដេចតេជោ បានរំលឹកថា ពីអតីតកាល សម្តេចធ្លាប់បានជួយជ្រោមជ្រែងរកដំណោះស្រាយដល់ ស្ថាប័នតុលាការ ដែលមិនមែនជាការលូកដៃចូលកិច្ចការតុលាការក្នុងរឿងកាត់ក្តីទេ តែបានជួយរកដំ ណោះស្រាយទៅលើការរៀបចំទីកន្លែងធ្វើការឱ្យបានងាយស្រួលប៉ុណ្ណោះ។ សម្តេច បានដកសិទ្ធិខ្លួនឯងចេញ ពីការតែងតាំងចៅក្រមតុលាការ និងអយ្យការសាលាដំបូង ដោយសម្តេច បានយល់ឃើញថា ជាការមិនត្រឹមត្រូវ ព្រោះអំណាចតុលាការ គឺដាច់ដោយឡែក ដែលមិនអាចត្រូវតែងតាំងដោយនាយករដ្ឋមន្ត្រីឡើយ ៕អត្ថបទ៖ មុត សុទ្ធ

សម្ដេចតេជោ ដាស់តឿនមន្ត្រីក្រសួងស្ថាប័នរដ្ឋនានា ត្រូវចេះសន្សំសំចៃភ្លើងកុំប្រើប្រាស់ខ្ជីខ្ជា

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានរំលឹកដាស់តឿនមន្ត្រីទៅតាមក្រសួងស្ថាប័ន រដ្ឋទាំងអស់ ត្រូវខិតខំសន្សំសំចៃភ្លើងអគ្គិសនី មិនត្រូវប្រើប្រាស់ខ្ជីខ្ជា ខណៈវិស័យថាមពលនៅលើពិភព លោក កំពុងមានការឡើងថ្លៃ ។ក្នុងពិធីសម្ពោធដាក់ឱ្យប្រើប្រាស់ជាផ្លូវការ “អគារសាលាយុត្ដិធម្ម” របស់ក្រសួងយុត្តិធម៌ នៅព្រឹក ថ្ងៃទី២៦ ខែមិថុនា នេះ សម្ដេចតេជោ ហ៊ុន សែន បានមានប្រសាសន៍ថា តាមក្រសួងស្ថាប័ននានា កំពុងមានការអភិវឌ្ឍច្រើននូវអគារសម្រាប់ធ្វើការងារ បូករួមជាមួយនឹងការបំពាក់នូវសម្ភារៈល្អៗនៅតាមបន្ទប់។សម្ដេចតេជោ បានបញ្ជាក់ថា ទន្ទឹមនឹងមានកន្លែងធ្វើការកាន់តែល្អ ការចំណាយក៏កាន់តែច្រើនផង ដែរ ដូច្នេះសម្ដេច បានរំលឹកមន្ត្រីត្រូវមានការសន្សំសំចៃ ជាពិសេសចំពោះភ្លើងអគ្គិសនី ។គួរបញ្ជាក់ថា វិបត្តិនានា កំពុងកើតឡើងនៅលើពិភពលោក ដោយសារបញ្ហាសង្គ្រាមរវាងរុស្ស៊ី និង អ៊ុយក្រែន ដូចជាវិបត្តិវិស័យថាមពល បញ្ហាខ្វះប្រេង និងឧស្ម័នប្រើប្រាស់ផងដែរ ។ ប៉ុន្តែយ៉ាងណាក៏ដោយ សម្រាប់កម្ពុជា សម្ដេចតេជោ ហ៊ុន សែន បានបញ្ជាក់ថា មិនមានការឡើងថ្លៃភ្លើងអគ្គិសនីឡើយ ព្រោះបើ ភ្លើងឡើងថ្លៃ នឹងធ្វើឲ្យវិស័យជាច្រើននៅកម្ពុជាជួបការលំបាក ជាពិសេសប្រជាពលរដ្ឋ ៕អត្ថបទ៖ បាន សុខរិទ្ធិ

ប្រជាពលរដ្ឋអ៊ីរ៉ាក់ងាកមកព្យាបាលតាមបែបធម្មជាតិ ខណៈពេលដែលថ្លៃសេវាកម្មសុខភាពហក់ឡើងខ្ពស់

អ៊ីរ៉ាក់៖ ពេលដែលឱសថការីម្នាក់នៅប្រទេសអ៊ីរ៉ាក់ និយាយប្រាប់អ្នកស្រី Umm Mohammedថាវេជ្ជបញ្ជាព្យាបាលជំងឺសើរស្បែករបស់គាត់ អាចមានតម្លៃប្រហែលជាង ៦០០ដុល្លារនោះ អ្នកស្រីក៏ងាកមករកវិធីព្យាបាលតាមបែបធម្មជាតិវិញ ដែលធូរថ្លៃជាងនេះ ដូចដែលសាច់ញាតិរបស់គាត់ធ្លាប់បានព្យាបាល ។ នៅក្នុងហាងលក់ឱសថបុរាណ ស្រ្តីកូន២ វ័យ ៣៤ឆ្នាំម្នាក់នេះ បានរកឃើញវិធីព្យាបាលដែលមានតម្លៃថោកជាងរហូតដល់ ៨ដង ។ អ្នកស្រីនិយាយថា ឱសថស្ថាន គឺជាគ្រោះមហន្តរាយនៅពេលឥឡូវនេះ អ្នកក្រីក្រងាកទៅរកការព្យាបាលដោយឱសថរុក្ខជាតិដោយសារតែតម្លៃរបស់វា ។ តើនរណាអាចរកប្រាក់មកព្យាបាលបាននោះ បើថ្លៃយ៉ាងនេះ? ដូច្នេះហើយអ្នកងាកទៅរកការព្យាបាលដោយឱសថរុក្ខជាតិវិញ ។ លោក Ibrahim al-Jabouri គឺជាម្ចាស់ហាងលក់ឱសថបុរាណ និងជាសាស្រ្តាចារ្យឱសថសាស្រ្ត និយាយប្រាប់ទីភ្នាក់ងារព័ត៌មានរ៉យទ័រថា លោកទទួលព្យាបាលអ្នកជំងឺដែលមានបញ្ហាសុខភាពជាច្រើន ដូចជាជំងឺសើរស្បែក បញ្ហាពោះវៀន ការឆ្លងមេរោគពោះវៀន ឬបញ្ហាជ្រុះសក់។ ស្របពេលដែលប្រជាពលរដ្ឋអ៊ីរ៉ាក់មួយចំនួន ជ្រើសរើសការព្យាបាលជម្រើសផ្សេងដើម្បីជៀសផុតពីហានិភ័យដល់សុខភាពនោះ ពលរដ្ឋផ្សេងទៀត គ្មានជម្រើសផ្សេងនោះទេ ដោយសារតែពួកគេគ្មានប្រាក់ចំណាយលើថ្លៃថ្នាំពេទ្យ ៕

គណបក្សអភិរក្សនិយមប្រជាធិបតេយ្យថ្មីក្រិក សម្រចបានជ័យជំនះនៅការបោះឆ្នោតជុំទី២

ក្រិក៖ គណបក្សអភិរក្សនិយមប្រជាធិបតេយ្យថ្មីរបស់ប្រទេសក្រិក សម្រេចបានជ័យជំនះដ៏ត្រចះត្រចង់នៅការបោះឆ្នោតសភាដែលជាការបោះឆ្នោតជុំទី ២កាលពីថ្ងៃអាទិត្យ ដើម្បីផ្តល់អាណត្តិជានាយករដ្ឋមន្រ្តីរយៈពេល ៤ឆ្នាំទៀត ដល់អ្នកកំណែទម្រង់ Kyriakos Mitsotakis ។ ទិន្នន័យក្រសួងមហាផ្ទៃ បង្ហាញថា ពេលដែលសន្លឹកឆ្នោតភាគច្រើនត្រូវបានរាប់រួច គណបក្សស្តាំនិយមកណ្តាលប្រជាធិបតេយ្យថ្មី បាននាំមុខជាមួយសំឡេងឆ្នោត ៤០,៥ភាគរយ ហើយនិងឈ្នះ ១៥៨អាសនៈ នៅក្នុងសភាដែលមាន ៣០០អាសនៈ ។ ក្រុមអ្នកគាំទ្ររាប់ម៉ឺននាក់ បានជួបជុំគ្នានៅក្រៅទីស្នាក់ការកណ្តាលបក្សប្រជាធិបតេយ្យថ្មី ជាទីដែលលោក Mitsotakis បានថ្លែងអំណរគុណយ៉ាងជ្រាលជ្រៅដល់អ្នកបោះឆ្នោត សម្រាប់ការគាំទ្ររបស់ពួកគេ ពេលដែលគេបាញ់កាំជ្រួចភ្ញីឡើងលើមេឃ ។ នៅតាមផ្លូវ រថយន្តបានចុចស៊ីផ្លេ និងគ្រវីទង់បក្ស ។ ពួកគេមានជាង ២០ពិន្ទុនាំមុខគណបក្ស Syriza គឺជាគណបក្សនិយមឆ្វេងនិយម ដែលបានឈ្នះការបោះឆ្នោតកាលពីឆ្នាំ ២០១៥ ចំពេលកើតមានវិបត្តិបំណុលដ៏ធ្ងន់ធ្ងរបំផុត ហើយនិងបានដឹកនាំប្រទេសក្រិក រហូតដល់ឆ្នាំ ២០១៩ ជាពេលដែលពួកគេចាញ់គណបក្សប្រជាធិបតេយ្យថ្មី ៕

ព្រះអង្គម្ចាស់ នរោត្តម ចក្រាវុធ អំពាវនាវប្រជារាស្ត្រខ្មែរ រួមសាមគ្គីគ្នា ដើម្បីរក្សាសុខសន្តិភាព ការអភិវឌ្ឍសេដ្ឋកិច្ច

បន្ទាយមានជ័យ៖ ព្រះអង្គម្ចាស់ នរោត្តម ចក្រាវុធ ព្រះប្រធានគណបក្សហ៊្វុនស៊ិនប៉ិច បានព្រះបន្ទូលស្វាគមន៍ អតីតអ្នករាជានិយម អ្នកជាតិនិយម បងប្អូនអញ្ជើញមកពីគណបក្សខ្មែររួបរួមជាតិ គណបក្សភ្លើងទៀន ដែលបានមករួបរួមសាមគ្គី ជាមួយមហាគ្រួសារហ៊្វុនស៊ិនប៉ិច ក្នុងគោលបំណងជួយឱ្យគណបក្សរាជានិយមមួយនេះ ទទួលបានជោគជ័យដូចឆ្នាំ១៩៩៣។ថ្លែងនៅក្នុងកម្មវិធីសំណេះសំណាល ជាមួយ សហជីវិន សហជីវិនី សកម្មជនគាំទ្រ ប្រមាណជាង ១៥០០នាក់ ស្ថិតឃុំតាផូ ស្រុកស្វាយចេក នាព្រឹកថ្ងៃទី២៦ ខែមិថុនា ឆ្នាំ២០២៣ ព្រះអង្គម្ចាស់ ក៏បានថ្លែងនូវការកោតសរសើរ ទឹកចិត្តអង់អាច ក្លាហាន ស្មោះត្រង់ ចង់ឱ្យគណបក្សហ៊្វុនស៊ិនប៉ិច ឈ្នះឆ្នោត មានអាសនៈ នៅក្នុងអាណត្តិទី៧នេះ ដូច្នេះហើយសន្លឹកឆ្នោត១សន្លឹករបស់បងប្អូន ប្រជារាស្ត្រ ពិតជាមានសារៈសំខាន់ណាស់ ក្នុងការសម្រេចជោគវាសនាប្រទេសជាតិ ជ្រើសរើសមេដឹកនាំ ដែលខ្លួនស្រឡាញ់ ដើម្បីដឹកនាំប្រទេសរីកចំរើន និងការអភិវឌ្ឍ ៕

គណបក្សនយោបាយនានាត្រៀមរួចរាល់ដំណើរការឃោសនាបោះឆ្នោតនាចុងសប្តាហ៍នេះ

ភ្នំពេញ៖ នៅថ្ងៃទី១ កក្កដាខាងមុខ គណបក្សនយោបាយនានាដែលបានចុះឈ្មោះចូលរួមប្រកួតប្រជែងការបោះឆ្នោតជ្រើសរើសតំណាងរាស្រ្ត នឹងចាប់ផ្តើមការឃោសនារបស់ខ្លួននៅតាមបណ្តារាជធានី-ខេត្ត។ ឯកឧត្តម សុខ ឥសាន អ្នកនាំពាក្យគណប្រជាជនកម្ពុជា បានឲ្យដឹងនៅថ្ងៃទី២៦ ខែមិថុនានេះថា ក្នុងនាមគណបក្សប្រជាជនកម្ពុជា បានត្រៀមលក្ខណៈសម្រាប់ការឃោសនាបោះឆ្នោតរួចរាល់ និងសមាជិក សាមជិកាចូលរួរាប់ម៉ឺននាក់នៅទូទាំងប្រទេស ក្រោយពិធីមិន្ទិញដែលរៀបចំដ៏ធំនៅរាជធានីភ្នំពេញ។ ឯកឧត្តមបន្តថា ក្នុងចំណោមទីតាំងទាំងអស់ គឺមានតែទីតាំងបរិវេណមជ្ឈមណ្ឌលពិព័រណ៍កោះពេជ្យ ក្នុងរាជធានីភ្នំពេញប៉ុណ្ណោះដែលរៀបចំធំជាងគេ និងមានសមាជិក សមាជិកាចូលរួមចន្លោះពី ៥ទៅ៦ម៉ឺននាក់។ ចំណែក លោក ញឿន រ៉ាដែន អ្នកនាំពាក្យគណបក្ស ហ៊្វុនស៊ិនប៉ិច បានឲ្យដឹងថា គណបក្សរបស់ខ្លួននឹងចាប់ផ្តើមការឃោសនានៅថ្ងៃទី២ កក្កដា តាមដងវិថីសំខាន់ៗក្នុងរាជធានីឲ្យស្របតាមតាមការណែនាំរបស់ គ.ជ.ប និងអាជ្ញាធរ។ សូមជម្រាបថា ការឃោសនាបោះឆ្នោតជ្រើសតាំងតំណាងរាស្រ្ត នីតិកាលទី៧ មានរយៈពេល២១ថ្ងៃ ពីថ្ងៃទី១ កក្កដា ដល់ថ្ងៃទី២១ ខែកក្កដា និងមានគណបក្សនយោបាយចំនួន១៨ នឹងចូលរួមការឃោសនាបោះឆ្នោតរកសំឡេងគាំទ្រពីប្រជាពលរដ្ឋ ខណៈអំឡុងការឃោសនាបោះឆ្នោតនេះ គ.ជ.ប អនុញ្ញាតការជួបជុំ ឬហែក្បួនទ្រង់ទ្រាយធំ ចំនួន៤ដងតែប៉ុណ្ណោះ៕អត្ថបទ សេក ឧត្តម

ស្ត្រីម្នាក់បានរងរបួសយ៉ាងធ្ងន់ធ្ងរនៅទីស្នាក់ការបក្សប្រឆាំងសៀរ៉ាឡេអូន ក្រោយការបោះឆ្នោត

សៀរ៉ាឡេអូន៖ អ្នកយកព័ត៌មានរបស់ទីភ្នាក់ងារសារព័ត៌មាន Reuters នៅកន្លែងកើតហេតុ បានរាយការណ៍ថា ស្ត្រីម្នាក់បានរងរបួសយ៉ាងធ្ងន់ធ្ងរ និងសន្លប់ស្ដូកស្ដឹង នៅក្នុងទីស្នាក់ការគណបក្សប្រឆាំងរបស់ប្រទេសសៀរ៉ាឡេអូន កាលពីថ្ងៃអាទិត្យ (ទី២៥ មិថុនា) ខណៈដែលនគរបាលបានឡោមព័ទ្ធអគារ ក្នុងអំឡុងសន្និសីទសារព័ត៌មាន ដែលកើតឡើងមួយថ្ងៃបន្ទាប់ពីការបោះឆ្នោតប្រធានាធិបតី។ជនរងគ្រោះដែលសារព័ត៌មាន Reuters មិនអាចកំណត់អត្តសញ្ញាណបានភ្លាមៗនោះ បានរងរបួសយ៉ាងធ្ងន់ធ្ងរនៅជុំវិញកញ្ចឹងក និងជីពចរមិនលោត។ អ្នកយកព័ត៌មានបានឲ្យដឹងថា បង្អួចបន្ទប់ ដែលគេរកឃើញស្ត្រីនោះមានរន្ធដែលមានទំហំប៉ុនកណ្តាប់ដៃ។ គេនៅមិនទាន់ដឹងច្បាស់ទេថា មានអ្វីកើតឡើងនៅខាងក្រៅសន្និសីទ ឬអ្វីដែលបានកើតឡើងឲ្យពិតប្រាកដចំពោះស្ត្រីនោះ ខណៈសាក្សីពីររូប ដែលនៅខាងក្នុងអគារបានប្រាប់ទីភ្នាក់ងារព័ត៌មាន Reuters ថា ពួកគេបានឭស្នូរកាំភ្លើង។របួសរបស់ស្ត្រីនេះ ហាក់ដូចជាបានកើតឡើងនៅពេលដែលយ៉ាងហោចណាស់សមាជិកកងកម្លាំងសន្តិសុខ ២០០នាក់ បានឡោមព័ទ្ធទីស្នាក់ការកណ្តាលនៃគណបក្សសភាប្រជាជន (APC) ដែលប្រធានរបស់គណបក្សនេះគឺលោក Samura Kamara ត្រូវបានគេមើលឃើញថា ជាគូប្រជែងដ៏សំខាន់ក្នុងការផ្តួលប្រធានាធិបតីលោក Julius Maada Bio។ពាក់ព័ន្ធនឹងហេតុការណ៍នេះ មន្ត្រីនគរបាលមិនបានឆ្លើយតបនឹងសំណើសុំការអត្ថាធិប្បាយនោះឡើយ។ សម្រាប់ការបោះឆ្នោតនេះ មានភាពតានតឹងខ្លាំង ខណៈដែល គណបក្សសភាប្រជាជន(APC) បាននិយាយថា តំណាងការបោះឆ្នោតរបស់ពួកគេ ទទួលរងវាយប្រហារ និងបំភិតបំភ័យ ក្នុងស្រុកចំនួនបី នៅថ្ងៃបោះឆ្នោត៕

រុស្ស៊ីស្ទាក់ចាប់មីស៊ីលតាកទិកអ៊ុយក្រែន ខណៈអ៊ុយក្រែនវាយប្រហារប៉ុស្តិ៍ទីបញ្ជាការរុស្ស៊ី

រុស្ស៊ី៖ រុស្ស៊ី កាលពីថ្ងៃអាទិត្យបាននិយាយថា កងកម្លាំងប្រដាប់អាវុធរបស់ខ្លួនបានស្ទាក់ចាប់មីស៊ីលតាកទិកដែលបាញ់ដោយអ៊ុយក្រែន ខណៈអ៊ុយក្រែនបាននិយាយថា កងកម្លាំងរបស់ខ្លួនបានវាយប្រហារប៉ុស្តិ៍ទីបញ្ជាការរបស់រុស្ស៊ី។នៅក្នុងសន្និសីទសារព័ត៌មានប្រចាំថ្ងៃ ក្រសួងការពារជាតិរុស្ស៊ី បានរាយការណ៍ថា កងកម្លាំងរបស់ខ្លួនបានវាយរុញច្រានការវាយប្រហាររបស់អ៊ុយក្រែនជាច្រើនពីទិសដៅផ្សេងៗគ្នា រួមមាន ទីក្រុង Donetsk, Krasny Liman, Zaporizhzhia, Kupyansk និងទីក្រុង Kherson។ កងកម្លាំងរុស្ស៊ី បានបំផ្លាញឃ្លាំងគ្រាប់រំសេវរបស់អ៊ុយក្រែនជាច្រើនកន្លែង និងគោលដៅផ្សេងទៀត។បន្ថែមលើនេះ កងទ័ពអាកាសរុស្ស៊ីបានស្ទាក់ចាប់មីស៊ីលតាកទិក OTR-21 Tochka ការវាយប្រហារ ដោយជើងទម្របាញ់គ្រាប់រ៉ូកែតHIMARS និងយានដ្រូន UAV មួយចំនួន ដែលបានបាញ់ដោយភាគីអ៊ុយក្រែន ខណៈត្រូវបានរាយការណ៍ដោយក្រសួង។កាលពីថ្ងៃអាទិត្យ នាយសេនាធិការនៃកងកម្លាំងប្រដាប់អាវុធអ៊ុយក្រែន (UAF) បាននិយាយថា កងកម្លាំងរុស្ស៊ីនៅតែផ្តោតទៅលើទីក្រុង Krasny Liman, Bakhmut និងទីក្រុង Mar'inka និងកន្លែងមួយចំនួនផ្សេងទៀត។ កងកម្លាំងអ៊ុយក្រែន បានវាយប្រហារលើគោលដៅយោធារុស្ស៊ី រួមទាំងប៉ុស្តិ៍ទីបញ្ជាការ ឃ្លាំងគ្រាប់រំសេវ និងប្រព័ន្ធសង្គ្រាមអេឡិចត្រូនិក។ នាយសេនាធិការ បាននិយាយថា លើសពីនេះ ពួកគេបានបើកការវាយប្រហារតាមដែនអាកាសដោយដាក់គោលដៅលើជំរំរបស់រុស្ស៊ី និងស្ទាក់ចាប់មីស៊ីល និងយានដ្រូន UAV របស់រុស្ស៊ី៕

បណ្ដាញសង្គម

ព័ត៌មានថ្មីៗ

ស្ថានអគ្គកុងស៊ុលកិត្តិយសនៃសាធារណរដ្ឋស៊ីបប្រចាំព្រះរាជាណាចក្រកម្ពុជា និងវិទ្យាស្ថានបណ្តុះបណ្តាលសម្លៀកបំពាក់កម្ពុជា (CGTI) រួមគ្នាផ្តល់ជំនួយមនុស្ស ធម៌ដល់សិស្សនិងកុមារដែលសិក្សារនិងកំពុងស្នាក់នៅក្នុងអង្គការអរុណរះកម្ពុជា (Sunrise Cambodia)

កងកម្លាំងការពារអ៊ីស្រាអែល ចាប់ខ្លួនក្រុមសកម្មប្រយុទ្ធដែលមានទំនាក់ទំនងជាមួយអ៊ីរ៉ង់ ក្នុងអំឡុងពេលប្រតិបត្តិការនៅស៊ីរី

រដ្ឋមន្ត្រីក្រសួងមហាផ្ទៃ៖ នគរបាលទួរគី បានចាប់ខ្លួនមនុស្ស ៣០នាក់ និងរឹបអូសហេរ៉ូអ៊ីន ៨២៥គីឡូក្រាម

រញ្ជួយដីកម្រិត ៥,៥រ៉ិចទ័រ កើតមាននៅម្ដុំកោះ Tokara របស់ជប៉ុន

មានអ្នកស្លាប់ ២នាក់ នៅអេស្ប៉ាញ ខណៈរលកកម្តៅវាយលុកអឺរ៉ុប

សម្ដេចតេជោ ហ៊ុន សែន អញ្ជើញចុះពិនិត្យច្រកទ្វារព្រំដែនអន្តរជាតិ ម៉ឺនជ័យ ស្ថិតក្នុងភូមិម៉ឺនជ័យ ឃុំក្របៅ ស្រុកកំចាយមារ ខេត្តព្រៃវែង

យុទ្ធសាស្ត្រអភិវឌ្ឍន៍គណនេយ្យនិងសវនកម្ម ជាផែនទីបង្ហាញផ្លូវធានាដល់ការរីកចម្រើននៅកម្ពុជា

ទូរទស្សន៍៖ អ្នកជំងឺរាប់រយនាក់នៅក្នុងមន្ទីរពេទ្យ Gaza មានហានិភ័យភ្លាមៗ ដោយសារអ៊ីស្រាអែលបិទផ្លូវ

រដ្ឋមន្ត្រីការបរទេសអ៊ីស្រាអែល និយាយថា ឱកាសដើម្បីដោះលែងចំណាប់ថ្នូរ មិនត្រូវខកខានឡើយ

ប្រព័ន្ធផ្សព្វផ្សាយរដ្ឋ៖ កូរ៉េខាងជើងបើកសម្ពោធរមណីយដ្ឋានឆ្នេរដ៏មហិមា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍