BTV NEWS

កូរ៉េខាងជើងនិយាយថា ការបាញ់បង្ហោះផ្កាយរណបខុសបច្ចេកទេសគឺជាការបរាជ័យដ៏ធ្ងន់ធ្ងរបំផុត

កូរ៉េងខាងងជើង៖ ប្រព័ន្ធផ្សព្វផ្សាយរដ្ឋ KCNA បានរាយការណ៍នៅថ្ងៃចន្ទនេះថា ប្រទេសកូរ៉េខាងជើងបាននិយាយថា ការបាញ់បង្ហោះផ្កាយរណបយោធារបស់ខ្លួនកាលពីខែមុន គឺជា "ការបរាជ័យដ៏ធ្ងន់ធ្ងរ" នៅក្នុងកិច្ចប្រជុំដ៏សំខាន់ចុងក្រោយរបស់គណបក្សកាន់អំណាច។ កិច្ចប្រជុំពេញអង្គដ៏ធំនេះ ត្រូវបានរៀបចំចន្លោះពីថ្ងៃសុក្រ និងថ្ងៃអាទិត្យ ដោយបញ្ជាឲ្យបុគ្គលិក និងក្រុមអ្នកស្រាវជ្រាវទាំងអស់វិភាគពីការបាញ់បង្ហោះផ្កាយរណបយោធាដែលបានបរាជ័យ និងត្រៀមសម្រាប់ការបាញ់បង្ហោះជាថ្មីទៀតក្នុងពេលឆាប់ៗខាងមុខ។ សេចក្ដីរាយការណ៍បាន និយាយថា អ្នកទាំងឡាយដែលទទួលខុសត្រូវការបាញ់បង្ហោះផ្កាយរណបនោះ ត្រូវបានរងការរិះគន់យ៉ាងខ្លាំង។ទីក្រុងព្យុងយ៉ាងបាននិយាយបន្ទាប់ពីការបរាជ័យនៃការបាញ់បង្ហោះនៅក្នុងបញ្ហាបច្ចេកទេសដែលមិនប្រក្រតីថា គ្រាប់រ៉ូកែត របស់កូរ៉េខាងជើង បានធ្លាក់ចូលក្នុងសមុទ្រ បន្ទាប់ពីបាត់បង់កម្លាំងជំរុញដោយសារតែការចាប់ផ្តើមខុសប្រក្រតីរបស់ម៉ាស៊ីនដំណាក់កាលទីពីរ។ កូរ៉េខាងជើង ក៏បានប្ដេជ្ញាផងដែរថាខ្លួននឹងបន្តអភិវឌ្ឍសមត្ថភាពនុយក្លេអ៊ែរ និងពង្រឹងសាមគ្គីភាពរបស់ខ្លួនជាមួយប្រទេសផ្សេងទៀត ដែលប្រឆាំងអ្វីដែលខ្លួនហៅថា យុទ្ធសាស្ត្រមហាអំណាចពិភពលោករបស់សហរដ្ឋអាមេរិក៕

សម្ដេចតេជោ៖ ក្រុងអរិយក្សត្រ និងក្រុងសំពៅពូន ត្រូវរក្សាជាក្រុងរបស់ខេត្តកណ្ដាល

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្រ្ដីនៃកម្ពុជា បញ្ជាក់ថា ក្រុងអរិយក្សត្រ និងក្រុងសំពៅពូន គឺបង្កើតជាក្រុងថ្មី សម្រាប់ខេត្តកណ្ដាល ដូច្នេះមិនអនុញ្ញាតឱ្យកាត់ចូលជាក្រុងរបស់រាជធានីភ្នំពេញទេ។សម្ដេចតេជោ បញ្ជាក់បែបនេះ ក្នុងឱកាសអញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ពោធដាក់ឲ្យប្រើប្រាស់ជាផ្លូវការ រោងចក្រប្រព្រឹត្តកម្មទឹកស្អាតបាក់ខែង ស្ថិតនៅសង្កាត់បាក់ខែង ខណ្ឌជ្រោយចង្វារ រាជធានីភ្នំពេញ នាថ្ងៃទី១៩ ខែមិថុនា ឆ្នាំ២០២៣នេះ។រាជរដ្ឋាភិបាលកម្ពុជា នៅថ្ងៃទី២៣ ខែធ្នូ ឆ្នាំ២០២៣នេះ បានសម្រេចបង្កើតក្រុងមួយទៀត គឺ «ក្រុងសំពៅពូន» នៃខេត្តកណ្ដាល ដោយកាត់យក៥ឃុំ ពីស្រុកកោះធំ។ អនុក្រឹត្យរបស់សម្ដេចតេជោ ហ៊ុន សែន បានកំណត់ថា ក្រុងសំពៅពូន មានសង្កាត់ចំនួន ៥ គឺ សង្កាត់ឈើខ្មៅ, សង្កាត់ព្រែកជ្រៃ, សង្កាត់ព្រែកស្ពឺ, សង្កាត់ជ្រោយតាកែវ និងសង្កាត់សំពៅពូន។ ទីតាំងរដ្ឋបាលក្រុងសំពៅពូន ត្រូវស្ថិតនៅក្នុងសង្កាត់សំពៅពូន។កាលពីថ្ងៃទី២៣ ខែធ្នូ ឆ្នាំ២០២៣ សម្ដេចតេជោ ក៏បានសម្រេចបង្កើតក្រុង «ក្រុងអរិយក្សត្រ» នៃខេត្តកណ្តាល ដោយកាត់បញ្ចូលឃុំចំនួន ៦ នៃស្រុកខ្សាច់កណ្តាល និងឃុំចំនួន ៥ នៅស្រុកល្វាឯម។ក្រុងអរិយក្សត្រ ជាក្រុងទី២ របស់ខេត្តកណ្តាល ដែលមានសង្កាត់ចំនួន ១១ គឺ សង្កាត់បាក់ដាវ សង្កាត់កោះឧកញ៉ាតី សង្កាត់ព្រែកអំពិល សង្កាត់ព្រែកលួង សង្កាត់ព្រែកតាកូវ សង្កាត់ស្វាយជ្រុំ សង្កាត់អរិយក្សត្រ សង្កាត់សារិកាកែវ សង្កាត់ពាមឧកញ៉ាអុង សង្កាត់ព្រែកក្មេង និងសង្កាត់បារុង។ ទីតាំងរដ្ឋបាល ក្រុងអរិយក្សត្រ ត្រូវស្ថិតនៅក្នុងសង្កាត់អរិយក្សត្រតែម្តង។ការរៀបចំរចនាសម្ព័ន្ធ និងប្រព័ន្ធគ្រប់គ្រងរដ្ឋបាល ក្រុងអរិយក្សត្រ ត្រូវអនុលោមតាមច្បាប់ ស្តីពីការគ្រប់គ្រងរដ្ឋបាលរាជធានី ខេត្ត ក្រុង ស្រុក ខណ្ឌ។

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងឱកាសអញ្ជើញសម្ពោធដាក់ឲ្យប្រើប្រាស់រោងចក្រប្រព្រឹត្តកម្មទឹកស្អាតបាក់ខែង

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី១៩ ខែមិថុនា ឆ្នាំ២០២៣ អញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ពោធដាក់ឲ្យប្រើប្រាស់ជាផ្លូវការ រោងចក្រប្រព្រឹត្តកម្មទឹកស្អាតបាក់ខែង ស្ថិតនៅសង្កាត់បាក់ខែង ខណ្ឌជ្រោយចង្វារ រាជធានីភ្នំពេញ។ប្រសាសន៍សំខាន់ៗរបស់សម្ដេចតេជោ ហ៊ុន សែន ដែលមានខ្លឹមសារដូចខាងក្រោម៖សម្តេចតេជោ ហ៊ុន សែន បានសម្តែងក្តីរីករាយ និងមានមោទនភាពចំពោះសមិទ្ធផលរោងចក្រប្រព្រឹត្តកម្មទឹកស្អាតបាក់ខែង ស្ថិតនៅសង្កាត់បាក់ខែង ខណ្ឌជ្រោយចង្វារ រាជធានីភ្នំពេញ ។សម្តេចតេជោ បានប្រកាសថ្លែងអំណរគុណជប៉ុន បារាំង និងអឺរ៉ុប ដែលបានជួយកម្ពុជាក្នុងដំណើររោងចក្រប្រព្រឹត្តកម្មទឹកស្អាតបាក់ខែង និងក្រុងតាខ្មៅ ដែលស្ថិតក្រោមការគ្រប់គ្រងរបស់រដ្ឋាករទឹកស្វយ័តក្រុងភ្នំពេញ។សម្តេចតេជោ ហ៊ុន សែន បានប្រកាសថា ការទំនើបកម្មជាបន្តបន្ទាប់អាងប្រព្រឹត្តកម្មទឹកស្អាតនៅភ្នំពេញ គឺជាផ្នែកមួយដ៏ធំសម្រាប់ជំរុញចរន្តទឹកស្អាតនៅក្រុងតាខ្មៅ ខេត្តកណ្តាល ដែលមានសំពាធទឹកបាញ់ចេញរហូតដល់២៨ម៉ែត្រឯណោះ។សម្តេចតេជោ ហ៊ុន សែន បញ្ជាក់ថា ការធ្វើទំនើបកម្មអាងប្រព្រឹត្តកម្មទឹកស្អាតត្រូវបានធ្វើឡើងជាជំហានៗ ដោយទី១ សមត្ថភាពផលិត ១៩៥.០០០ម៉ែត្រគូប/ថ្ងៃ និងទី២ មានសមត្ថភាពផលិត ១៩៥.០០០ម៉ែត្រ/ថ្ងៃ និងគម្រោងទី៣ នឹងមានសមត្ថភាពផលិតទឹកបានកាន់តែច្រើន សម្រាប់ផ្គត់ផ្គង់នៅជាយរាជធានីភ្នំពេញ និងក្រុងតាខ្មៅ ខេត្តកណ្តាល។សម្តេចតេជោ ហ៊ុន សែន បានប្រកាសថា ទោះពេលនេះ យើងមានសមត្ថភាពផ្គត់ផ្គង់ទឹកបានគ្រប់គ្រាន់សម្រាប់រាជធានីភ្នំពេញ និងក្រុងតាខ្មៅ តែតម្រូវការទឹកស្អាត នឹងកើនឡើងជាបន្តបន្ទាប់តាមរយៈកំណើនប្រជាជន, កំណើនលំនៅឋាន និងរោងចក្រសហគ្រាស ក្រុមហ៊ុនជាដើម។សម្តេចតេជោ បានប្រកាសអំពាវនាវដល់ទីភ្នាក់បារាំងសម្រាប់ការអភិវឌ្ឍ-AFD បន្តជួយដល់កម្ពុជាលើវិស័យទឹកស្អាត និងអរគុណក្រុមហ៊ុនចិនវ៉ាងស៊ី ដែលបានកសាងអគារ ហេដ្ឋារចនាសម្ព័ន្ធសម្រាប់រោងចក្រប្រព្រឹត្តកម្មទឹកស្អាតបាក់ខែង។សម្តេចតេជោ ហ៊ុន សែន បានប្រកាសថា ថ្វីត្បឹតយើងមិនអាចទាញអតីតកាលមកបាន តែយើងអាចរំលឹកពីអតីតកាល និងយកវាមកធ្វើជាកញ្ចក់ឆ្លុះបញ្ចាំងសម្រាប់បច្ចុប្បន្នកាល និងធ្វើឱ្យប្រសើរឡើងសម្រាប់ពេលអនាគត។សម្តេចតេជោ បានរំលឹកគ្រាអតីតកាល ដែលសម្តេចត្រូវបាត់បង់កូនម្នាក់(រលូត) បន្ទាប់ពីភរិយារបស់សម្តេច ពេលកំពុងមានផ្ទៃពោះ តែងចុះទៅដងទឹកទន្លេ ដើម្បីយកមកប្រើប្រាស់ប្រចាំថ្ងៃ ។សម្ដេចតេជោ ហ៊ុន សែន បញ្ជាក់ថា ក្រុងអរិយក្សត្រ និងក្រុងសំពៅពូន គឺបង្កើតជាក្រុងថ្មី សម្រាប់ខេត្តកណ្ដាល ដូច្នេះមិនអនុញ្ញាតឱ្យកាត់ចូលជាក្រុងរបស់រាជធានីភ្នំពេញទេ។សម្ដេចតេជោ ហ៊ុន សែន បានបញ្ជាក់ថា រាជរដ្ឋាភិបាលបានគិតគូរពីនយោបាយទឹកសម្រាប់ប្រជាពលរដ្ឋក្រីក្រ ក្នុងនោះអ្នកដែលប្រើប្រាស់ទឹកមិនលើស៧ម៉ែត្រគូប គឺតម្លៃទឹក១ម៉ែត្រគូបត្រឹម៤០០ រៀលប៉ុណ្ណោះ ហើយអ្នកដែលប្រើទឹកចាប់ពី៨ម៉ែត្រគូបដល់១៥ ម៉ែត្រគូបតម្លៃ៧២០រៀល ក្នុង១ម៉ែត្រគូបប៉ុណ្ណោះ។សម្ដេចតេជោ ហ៊ុន សែន បញ្ជាក់ថា ប្រទេសមានសន្ដិភាព ទោះបីប្រឈមបញ្ហាកូវីដ-១៩ ប៉ុន្ដែរាជរដ្ឋាភិបាល បានកសាងសមិទ្ធផលថ្មីៗជាច្រើនសម្រាប់កម្ពុជា។«បើយើងរួមគ្នាអភិវឌ្ឍន៍ប្រទេសយើងនឹងរឹតតែរីកចម្រើនទៅមុខ»។សម្ដេចតេជោ ហ៊ុន សែន ប្រកាសថា ក្រោយបោះឆ្នោតសម្ដេច នឹងបន្តចុះសួរសុខទុក្ខជាមួយកម្មករកម្មការិនីចំនួន១០កន្លែងទៀត ដោយចាប់ពីថ្ងៃទី ២៧ ខែកក្កដា ឆ្នាំ២០២៣។សម្ដេចតេជោ បន្តបញ្ជាក់ថា ការចុះជួបកម្មករនិយោជិតនេះ គឺដើម្បីស្វែងយល់ពីកិច្ចការ ដែលរាជរដ្ឋាភិបាលបានដាក់ចេញ ដើម្បីគាំពារកម្មករនិយោជិតថា តើសម្រេចបានដល់កម្រិតណាខ្លះ?។សម្ដេចតេជោ ហ៊ុន សែន បង្ហាញមោទនភាពចំពោះការរៀបចំព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេម ដែលកម្ពុជាធ្វើជាម្ចាស់ផ្ទះ ទទួលបានជោគជ័យលើពីការរំពឹងទុក ជាពិសេសបានអនុវត្តនូវគំនិតផ្ដួចផ្ដើមរបស់សម្ដេចតេជោ ក្នុងការផ្ដល់នូវការឧបត្ថម្ភគាំទ្រលើការចំណាយផ្សេងៗដល់ប្រតិភូកីឡា និងអត្តពលិកទាំងអស់រួមជាមួយនឹងការផ្ដល់ការចូលទស្សនា និងការចេញផ្សាយដោយមិនគិតថ្លៃ។សម្ដេចតេជោ ហ៊ុន សែន បានបញ្ជាក់ថា រាជរដ្ឋាភិបាលបានគិតគូរពីនយោបាយទឹកសម្រាប់ប្រជាពលរដ្ឋក្រីក្រ ក្នុងនោះអ្នកដែលប្រើប្រាស់ទឹកមិនលើស៧ម៉ែត្រគូប គឺតម្លៃទឹក១ម៉ែត្រគូបត្រឹម៤០០ រៀលប៉ុណ្ណោះ ហើយអ្នកដែលប្រើទឹកចាប់ពី៨ម៉ែត្រគូបដល់១៥ ម៉ែត្រគូបតម្លៃ៧២០រៀល ក្នុង១ម៉ែត្រគូបប៉ុណ្ណោះ។សម្ដេចតេជោ ហ៊ុន សែន បញ្ជាក់ថា ប្រទេសមានសន្ដិភាព ទោះបីប្រឈមបញ្ហាកូវីដ-១៩ ប៉ុន្ដែរាជរដ្ឋាភិបាល បានកសាងសមិទ្ធផលថ្មីៗជាច្រើនសម្រាប់កម្ពុជា។«បើយើងរួមគ្នាអភិវឌ្ឍន៍ប្រទេសយើងនឹងរឹតតែរីកចម្រើនទៅមុខ»។សម្ដេចតេជោ ហ៊ុន សែន ប្រកាសថា ក្រោយបោះឆ្នោតសម្ដេច នឹងបន្តចុះសួរសុខទុក្ខជាមួយកម្មករកម្មការិនីចំនួន១០កន្លែងទៀត ដោយចាប់ពីថ្ងៃទី ២៧ ខែកក្កដា ឆ្នាំ២០២៣។សម្ដេចតេជោ បន្តបញ្ជាក់ថា ការចុះជួបកម្មករនិយោជិតនេះ គឺដើម្បីស្វែងយល់ពីកិច្ចការ ដែលរាជរដ្ឋាភិបាលបានដាក់ចេញ ដើម្បីគាំពារកម្មករនិយោជិតថា តើសម្រេចបានដល់កម្រិតណាខ្លះ?។សម្ដេចតេជោ ហ៊ុន សែន បង្ហាញមោទនភាពចំពោះការរៀបចំព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេម ដែលកម្ពុជាធ្វើជាម្ចាស់ផ្ទះ ទទួលបានជោគជ័យលើពីការរំពឹងទុក ជាពិសេសបានអនុវត្តនូវគំនិតផ្ដួចផ្ដើមរបស់សម្ដេចតេជោ ក្នុងការផ្ដល់នូវការឧបត្ថម្ភគាំទ្រលើការចំណាយផ្សេងៗដល់ប្រតិភូកីឡា និងអត្តពលិកទាំងអស់រួមជាមួយនឹងការផ្ដល់ការចូលទស្សនា និងការចេញផ្សាយដោយមិនគិតថ្លៃ។

សម្ដេចតេជោ ហ៊ុន សែន អញ្ជើញសម្ពោធដាក់ឲ្យប្រើប្រាស់រោងចក្រប្រព្រឹត្តកម្មទឹកស្អាតបាក់ខែង

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី១៩ ខែមិថុនា ឆ្នាំ២០២៣ អញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ពោធដាក់ឲ្យប្រើប្រាស់ជាផ្លូវការ រោងចក្រប្រព្រឹត្តកម្មទឹកស្អាតបាក់ខែង ស្ថិតនៅសង្កាត់បាក់ខែង ខណ្ឌជ្រោយចង្វារ រាជធានីភ្នំពេញ។រោងចក្រប្រព្រឹត្តកម្មទឹកស្អាតបាក់ខែង គឺជាគម្រោងវិនិយោគដ៏ធំទៅលើវិស័យផ្គត់ផ្គង់ទឹកស្អាតក្នុងរាជធានីភ្នំពេញ និងក្រុងតាខ្មៅ របស់រដ្ឋាករទឹកស្វយ័តក្រុងភ្នំពេញក្នុងព្រះរាជាណាចក្រកម្ពុជា ដែលគម្រោងនេះ ត្រូវបានចាប់ផ្តើមការដ្ឋានការងារសាងសង់ជាផ្លូវការនាថ្ងៃទី៥ ខែឧសភា ឆ្នាំ២០២០ ក្រោមកិច្ចព្រមព្រៀងឥណទានសម្បទានរវាងរាជរដ្ឋាភិបាលកម្ពុជា និងទីភ្នាក់ងារបារាំងសម្រាប់ការអភិវឌ្ឍន៍ (Agence Française de Développement) និង ធនាគារវិនិយោគអឺរ៉ុប (Eroupean Investment Bank)។គម្រោងបាក់ខែងនេះមានសមត្ថភាពផលិតសរុប ៣៩០.០០០ម៉ែត្រគូប/ថ្ងៃ ត្រូវបានបែងចែកជា ២ជំហាន (ជំហានទី១ សមត្ថភាពផលិត ១៩៥.០០០ម៉ែត្រគូប/ថ្ងៃ និង ជំហានទី២ សមត្ថភាពផលិត ១៩៥.០០០ម៉ែត្រ/ថ្ងៃ) ត្រូវបានសាងសង់ដោយក្រុមហ៊ុនម៉ៅការសាងសង់បារាំង VINCI Construction Grands Projets និងត្រួតពិនិត្យលក្ខណៈបច្ចេកទេសគម្រោង ដោយក្រុមហ៊ុនទីប្រឹក្សាបច្ចេកទេសបារាំង SAFEGE Consulting Engineers។រោងចក្រប្រព្រឹត្តិកម្មទឹកស្អាតបាក់ខែងនេះ នឹងជួយបង្កើនសមត្ថភាពផលិតទឹកបាន៧០% នៅទូទាំងរាជធានីភ្នំពេញ និងក្រុងតាខ្មៅ ពោលគឺបន្ថែមលើសមត្ថភាពផលិតទឹកស្អាត បច្ចុប្បន្នពី៦០ម៉ឺនម៉ែត្រគូបក្នុងមួយថ្ងៃ ឲ្យឡើងរហូតដល់១លានម៉ែត្រគូបក្នុងមួយថ្ងៃ នៅឆ្នាំ២០២៥ និងនៅឆ្នាំ២០៣០ អាចមានរហូតទៅដល់១លាន៨សែនម៉ែត្រគូបក្នុងមួយថ្ងៃ។

សម្ដេចតេជោ ហ៊ុន សែន នឹងអញ្ជើញសម្ពោធដាក់ឲ្យប្រើប្រាស់រោងចក្រប្រព្រឹត្តកម្មទឹកស្អាតបាក់ខែង នៅព្រឹកស្អែកនេះ

នៅព្រឹកថ្ងៃទី១៩ ខែមិថុនា ឆ្នាំ២០២៣ ស្អែកនេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ពោធដាក់ឲ្យប្រើប្រាស់ជាផ្លូវការ រោងចក្រប្រព្រឹត្តកម្មទឹកស្អាតបាក់ខែង ស្ថិតនៅសង្កាត់បាក់ខែង ខណ្ឌជ្រោយចង្វារ រាជធានីភ្នំពេញ។ រោងចក្រប្រព្រឹត្តកម្មទឹកស្អាតបាក់ខែង គឺជាគម្រោងវិនិយោគដ៏ធំទៅលើវិស័យផ្គត់ផ្គង់ទឹកស្អាតក្នុងរាជធានីភ្នំពេញ និងក្រុងតាខ្មៅ របស់រដ្ឋាករទឹកស្វយ័តក្រុងភ្នំពេញក្នុងព្រះរាជាណាចក្រកម្ពុជា ដែលគម្រោងនេះ ត្រូវបានចាប់ផ្តើមការដ្ឋានការងារសាងសង់ជាផ្លូវការនាថ្ងៃទី៥ ខែឧសភា ឆ្នាំ២០២០ ក្រោមកិច្ចព្រមព្រៀងឥណទានសម្បទានរវាងរាជរដ្ឋាភិបាលកម្ពុជា និងទីភ្នាក់ងារបារាំងសម្រាប់ការអភិវឌ្ឍន៍ (Agence Française de Développement) និង ធនាគារវិនិយោគអឺរ៉ុប (Eroupean Investment Bank)។គម្រោងបាក់ខែងនេះមានសមត្ថភាពផលិតសរុប ៣៩០.០០០ម៉ែត្រគូប/ថ្ងៃ ត្រូវបានបែងចែកជា ២ជំហាន (ជំហានទី១ សមត្ថភាពផលិត ១៩៥.០០០ម៉ែត្រគូប/ថ្ងៃ និង ជំហានទី២ សមត្ថភាពផលិត ១៩៥.០០០ម៉ែត្រ/ថ្ងៃ) ត្រូវបានសាងសង់ដោយក្រុមហ៊ុនម៉ៅការសាងសង់បារាំង VINCI Construction Grands Projets និងត្រួតពិនិត្យលក្ខណៈបច្ចេកទេសគម្រោង ដោយក្រុមហ៊ុនទីប្រឹក្សាបច្ចេកទេសបារាំង SAFEGE Consulting Engineers។ រោងចក្រប្រព្រឹត្តិកម្មទឹកស្អាតបាក់ខែងនេះ នឹងជួយបង្កើនសមត្ថភាពផលិតទឹកបាន៧០% នៅទូទាំងរាជធានីភ្នំពេញ និងក្រុងតាខ្មៅ ពោលគឺបន្ថែមលើសមត្ថភាពផលិតទឹកស្អាត បច្ចុប្បន្នពី៦០ម៉ឺនម៉ែត្រគូបក្នុងមួយថ្ងៃ ឲ្យឡើងរហូតដល់១លានម៉ែត្រគូបក្នុងមួយថ្ងៃ នៅឆ្នាំ២០២៥ និងនៅឆ្នាំ២០៣០ អាចមានរហូតទៅដល់១លាន៨សែនម៉ែត្រគូបក្នុងមួយថ្ងៃ។

ឯកឧត្តម វេង សាខុន៖ ក្រោមការដឹកនាំរបស់សម្តេចតេជោ ហ៊ុន សែន កម្ពុជាមានសុខដុមរមនីយកម្មសាសនា និងរីកចម្រើនឥតឈប់ឈរ

ត្បូងឃ្មុំ៖ ឯកឧត្តម វេង សាខុន ប្រធានក្រុមការងារគណបក្សចុះមូលដ្ឋានស្រុកតំបែរ ខេត្តត្បូងឃ្មុំ និងស្រុកកំពង់សៀម ខេត្តកំពង់ចាម បានអញ្ជើញជាអធិបតីភាពក្នុងពិធីសម្ពោធទីស្នាក់ការគណៈអ៊ីមាំស្រុក និងទីស្នាក់ការគណៈគ្រប់គ្រងគ្រូខ្មែរឥស្លាម ស្ថិតនៅភូមិព្រែកជរ ឃុំសេដា ស្រុកតំបែរ ខេត្តត្បូងឃ្មុំ នៅព្រឹកថ្ងៃទី១៨ ខែមិថុនា ឆ្នាំ២០២៣នេះ។ក្នុងពិធីដ៏មានអត្ថន័យនាព្រឹកនេះ ក៏មានការអញ្ជើញចូលរួមដោយឯកឧត្តម ម៉ូត យូសុះ អ្នកតំណាងរាស្ត្រមណ្ឌលត្បូងឃ្មុំ ឯកឧត្តម លោកជំទាវជាអនុប្រធានក្រុមការងារចុះមូលដ្ឋានស្រុក ឯកឧត្តមប្រធានក្រុមការងារចុះជួយឃុំ លោក លោកស្រីជាប្រធាន និងអនុប្រធានក្រុមការងារចុះមូលដ្ឋានឃុំ-ភូមិ ហាកឹម តួន លោកគ្រូ អ្នកគ្រូ សិស្សានុសិស្ស អូងៗ ម៉ៃៗ និងបងប្អូនប្រជាពលរដ្ឋសរុប ៦០០នាក់។ឯកឧត្តមបានពាំនាំនូវបណ្តាំផ្ញើសាកសួរសុខទុក្ខរបស់សម្តេចតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ដែលសម្តេចទាំងទ្វេតែងតែគិតគូរ និងបារម្ភអំពីជីវភាព និងស្ថានភាពរស់នៅរបស់បងប្អូន កូនចៅប្រជាពលរដ្ឋយើងគ្រប់ៗរូប។ឯកឧត្តមក៏បានចូលរួមអបអរសាទរជាមួយលោកគ្រូ អ្នកគ្រូ សិស្សានុសិស្ស និងប្រជាពលរដ្ឋនៅឃុំ ស្រុកតំបែរដែលទទួលបាននូវសមិទ្ធផលថ្មីៗជាបន្តបន្ទាប់ ជាក់ស្តែងទីស្នាក់ការគណៈអ៊ីមាំស្រុក និងទីស្នាក់ការគណៈគ្រប់គ្រងគ្រូខ្មែរឥស្លាមដ៏ស្រស់ស្អាតនាព្រឹកនេះ។សមិទ្ធផលទាំងអស់នេះ ឯកឧត្តមបញ្ជាក់ថា គឺដោយសារសុខដុមរមនីយកម្មសាសនានៅក្នុងប្រទេសយើង ហើយសុខដុមរមនីយកម្មសាសនា គឺមានសារៈសំខាន់ខ្លាំងណាស់ ជាពិសេសសម្រាប់ធានាសុខសន្តិភាព និងការអភិវឌ្ឍរីកចម្រើនរបស់ប្រទេសជាតិ។ ហើយសុខដុមរមនីយកម្មរវាងសាសនាខុសគ្នានៅកម្ពុជា ក៏មិនមែនជារឿងដែលកើត ឡើងដោយចៃដន្យដែរ គឺកើតចេញឡើងដោយកិច្ចខិតខំប្រឹងប្រែង តស៊ូ និងការលះបង់ដ៏ធំធេងបំផុតរបស់សម្តេចតេជោ ដើម្បីស្វែងរកសុខសន្តិភាពជូនប្រទេស ជាតិ និងប្រជាពលរដ្ឋយើងទាំងអស់ដោយមិនប្រកាន់សាសនា។ ហើយសម្តេចតេជោនឹងបន្តដឹកនាំនាវាកម្ពុជា ឆ្ពោះទៅមុនឥតឈប់ឈរបន្ថែមទៀត។ទីស្នាក់ការដ៏ស្រស់ស្អាតនេះ សំដៅលើកកម្ពស់ការអភិវឌ្ឍធនធានមនុស្សរបស់យើង ដែលជាការងារដ៏សំខាន់ និងមិនអាចមើលរំលងបាន ជាក់ស្តែងក្នុងពេលឆាប់ៗខាងមុខនេះ សម្តេចតេជោនឹងផ្តល់កិច្ចគាំទ្រដល់ពលករ ១,៥លាននាក់ក្នុងការទទួលវគ្គបណ្តុះបណ្តាលជំនាញវិជ្ជាជីវៈក្នុងវិស័យឧស្សាហកម្ម ដើម្បីលើកកម្ពស់គុណភាពកម្លាំងពលកម្ម និងទទួលបានប្រាក់ចំណូលខ្ពស់។ ហេតុនេះឯកឧត្តមបានសំណូមពរដល់លោកគ្រូ អ្នកគ្រូទាំងអស់បន្តខិតខំប្រឹងប្រែងស្រាវជ្រាវ បង្រៀន និងអប់រំក្មួយៗជាសិស្ស ហើយក្មួយៗដែលជាសិស្ស និងជាយុវជនជំនាន់ក្រោយទៀតសោតក៏ត្រូវខិតខំ និងយកចិត្តទុកដាក់ខ្ពស់ក្នុងការរៀនសូត្រ ស្រាវជ្រាវ និងអភិវឌ្ឍន៍ខ្លួនឯងឱ្យក្លាយជាធនធានប្រកបដោយសមត្ថភាព ចូលរួមជាមួយសម្ដេចតេជោ និងរាជរដ្ឋាភិបាល ដើម្បីអភិវឌ្ឍន៍ប្រទេសជាតិយើងកាន់តែរីកចម្រើននាថ្ងៃអនាគត។ ឯកឧត្តមក៏បានអំពាវនាវដល់លោកគ្រូ អ្នកគ្រូ និងប្រជាពលរដ្ឋនៅទូទាំងស្រុកតំបែរទាំងអស់បន្តគាំទ្រសម្តេចតេជោ និងបោះឆ្នោតជូនគណបក្សប្រជាជនកម្ពុជាឱ្យបានគ្រប់ៗគ្នា នៅថ្ងៃទី២៣ ខែកក្កដា ឆ្នាំ២០២៣ ខាងមុខនេះ។សូមជម្រាបជូនថា ដោយមើលឃើញពីភាពលំបាករបស់គណៈអ៊ីម៉ាំស្រុក និងលោកគ្រូ អ្នកគ្រូខ្មែរឥស្លាមពុំមានកន្លែងបំរើការងារប្រចាំថ្ងៃ ក៏ដូចជារៀបចំកិច្ចប្រជុំបច្ចេកទេសផ្សេងៗ ទើបមានសប្បុរសជនចំនួន ២គ្រួសារបានធ្វើការបរិច្ចាកដីដែលមានទំហំ ៤៥x១០០ម៉ែត្រ ជូនគណៈអ៊ីម៉ាំ និងលោកគ្រូអ្នកគ្រូសម្រាប់ធ្វើជាទីស្នាក់ការ។ ចំពោះអគារទីស្នាក់ការគណៈអ៊ីមាំស្រុក និងទីស្នាក់ការគណៈគ្រប់គ្រងគ្រូខ្មែរឥស្លាមគឺ មានទំហំ ១២x២៧ម៉ែត្រ មានបន្ទប់ធ្វើការចំនួន៣បន្ទប់ សាលប្រជុំ១ បន្ទប់ទឹកខាងក្នុងអគារចំនួន២បន្ទប់ និងក្រៅអគារចំនួន៥បន្ទប់ ដែលចំណាយអស់ថ្លៃសាងសងសរុបចំនួន ៨០ ១២០ដុល្លារអាមេរិក។ ក្នុងនោះ ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត តាមរយៈឯកឧត្តមវេង សាខុន រដ្ឋមន្ត្រីប្រតិភូអមនាយករដ្ឋមន្ត្រីចំនួន ២១,២០០ដុល្លារអាមេរិក ឯកឧត្តម ស្លេះ ពុនយ៉ាមីន អ្នកតំណាងរាស្ត្រមណ្ឌលខេត្តកំពង់ចាមចំនួន៨ ០០០ដុល្លារ ឯកឧត្តម ម៉ូត យូសុះ អ្នកតំណាងរាស្រ្តមណ្ឌលខេត្តត្បូងឃ្មុំចំនួន២ ៥០០ដុល្លារ លោក សុខ សារិទ្ធ អភិបាល នៃគណៈអភិបាលស្រុកចំនួន ២,០០០ដុល្លារ លោក មីន សុក្រី ចំនួន៣០០០ដុល្លារ លោក មុំ ស៊ីថា ចំនួន១០០០ដុល្លារ លោក ស្រេន ពីព ចំនួន២០០០ដុល្លារ លោក អាត សូកានី ចំនួន១០០០ដុល្លារ ព្រមទាំងសប្បុរសជននានា ចំនួន៣៩,៤២០ដុល្លារ។ ឯកឧត្តមប្រតិភូអមនាយករដ្ឋមន្ត្រីក៏បានប្រគល់នូវថវិកាចំនួន ១២,០០០,០០០រៀលបន្ថែមទៀតផងដែរ ដើម្បីបញ្ចប់នូវថ្លៃដែលជំពាក់សេសសល់ដូចជាជាង និងគ្រឿងសំណង់។ ឯកឧត្តមក៏បានឧបត្ថម្ភនូវថវិកាចំនួន ១,២លានរៀល ជូនដល់អ៊ីមាំងម៉ាស្ជិទ សែនមនោរ័ត្ន ឃុំត្រពាំងព្រីង ដើម្បីទិញដីចាក់ផ្លូវចូលអ៊ីមាំង និងអ៊ីមាំងម៉ាស្ជិទ (ហាកិម) ឃុំត្រពាំងព្រីង ចំនួន២លានរៀល ដើម្បីបញ្ចប់ការងារចាក់សាបចូលអ៊ីមាំងផងដែរ។ ឯកឧត្តម និងក្រុមការងារក៏បានឧបត្ថម្ភដល់ប្រជាពលរដ្ឋចំនួន ៦០០នាក់ ដែលបានចូលរួមក្នុងកម្មវិធីនាព្រឹកនេះផងដេរ៕

ឯកឧត្តម វេង សាខុន សំណេះសំណាលជាមួយសមាជិកគណបក្ស និងប្រកាសបញ្ជូលសមាជិកថ្មីចំនួន ២.៣៤៨នាក់ពីឃុំស្រក និងឃុំអូរស្វាយ ស្រុកកំពង់សៀម

កំពង់ចាម៖ ឯកឧត្តម វេង សាខុន ប្រធានក្រុមការងារគណបក្សចុះមូលដ្ឋានស្រុកតំបែរ ខេត្តត្បូងឃ្មុំ និងស្រុកកំពង់សៀម ខេត្តកំពង់ចាម នៅព្រឹកថ្ងៃទី១៧ ខែមិថុនា ឆ្នាំ២០២៣ បានអញ្ជើញជាអធិបតីភាពក្នុងពិធីជួបសំណេះសំណាលជាមួយសមាជិក សមាជិកា សាខាបក្ស ក្រុមបក្ស ប្រធាន អនុប្រធាន និងបញ្ជូលសមាជិកគណបក្សប្រជាជនកម្ពុជាថ្មីសរុបចំនួន ២.៣៤៨នាក់ ពីឃុំស្រក និងឃុំអូរស្វាយ ស្រុកកំពង់សៀម ខេត្តកំពង់ចាម។ឯកឧត្តមវេង សាខុន បានពាំនាំនូវសារសួរសុខទុក្ខ និងសារស្វាគមន៍របស់សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងសម្តេចកិត្តិព្រឹទ្ធបណ្ឌិត មកជូនបងប្អូនជាសមាជិកគណបក្សប្រជាជនកម្ពុជាថ្មីនាពេលនេះ។ឯកឧត្តមក៏បានអរគុណ កោតសរសើរ និងវាយតម្លៃខ្ពស់ចំពោះក្រុមការងារគណបក្សមកពីថ្នាក់កណ្តាល ថ្នាក់ខេត្ត-ស្រុក-ឃុំ និងភូមិទាំងអស់ដែលបានខិតខំប្រឹងប្រែងចុះជួយសំរួល និងដោះស្រាយទុក្ខលំបាករបស់ប្រជាពលរដ្ឋនៅស្រុកកំពង់សៀមយ៉ាងសកម្ម។ឯកឧត្តមក៏បានលើកឡើងពីប្រវត្តិនៃការតស៊ូ វិរៈភាព និងការលះបង់ដ៏ធំធេងបំផុតរបស់សម្តេចតេជោ ប្រធានគណបក្ស ដើម្បីស្វែងរកសុខសន្តិភាពជូនប្រទេសជាតិ និងប្រជាពលរដ្ឋយើង ពីប្រទេសដែលមានភ្លើងសង្គ្រាមពេញផ្ទៃប្រទេស អសន្តិសុខ និងស្ថេរភាពសង្គម អសន្តិសុខស្បៀងជូនប្រជាជនខ្លួន មកជាប្រទេសដែលមានអ្វីៗទាំងអស់ ជាកម្ពុជាដែលបន្តឈានទៅមុខឥតឈប់ឈរ។ឯកឧត្តមក៏បានលើកឡើងនូវសមិទ្ធផលជាច្រើនដែលសម្តេចតេជោ និងគណបក្សបាន និងកំពុងសម្រេច ដូចជាការឧបត្ថម្ភគាំទ្រជាសាច់ប្រាក់ដល់ប្រជាពលរដ្ឋក្រីក្រនិងងាយរងគ្រោះ ជាពិសេសនៅក្នុងដំណាក់កាលរីករាលដាលនៃជម្ងឺកូវីត១៩។ ក្នុងពេលឆាប់ៗខាងមុខនេះ រាជរដ្ឋាភិបាលនឹងផ្តល់កិច្ចគាំទ្រដល់ពលករ ១,៥លាននាក់ក្នុងការទទួលវគ្គបណ្តុះបណ្តាលជំនាញវិជ្ជាជីវៈក្នុងវិស័យឧស្សាហកម្ម ដើម្បីលើកកម្ពស់គុណភាពកម្លាំងពលកម្ម និងទទួលបានប្រាក់ចំណូលខ្ពស់។ ការកសាងហេដ្ឋារចនាសម្ព័ន្ធ ដូចជាផ្លូវល្បឿនលឿន ស្ពាន ប្រលានយន្តហោះ កំពង់ផែ មន្ទីរពេទ្យ សាលារៀន។ល។ ជាបន្តបន្ទាប់ឥតឈប់ឈរក៏ជាស្នាដៃដ៏អស្ចារ្យមួយដែលសម្តេចតេជោបានសម្រេចផងដែរ។ ជាក់ស្តែង ទាំងអស់នេះបានធ្វើឱ្យប្រជាជនយើងយល់ច្បាស់ និងមានជំនឿទុកចិត្តបន្តគាំទ្រសម្តេចតេជោ និងគណបក្ស ហើយក៏ស្ម័គ្រចិត្តចូលរួមជីវភាពនយោបាយជាមួយគណបក្សយើង។ យើងទាំងអស់គ្នា មានភារកិច្ចថែរក្សា និងការពារម្លប់សន្តិភាពនេះជាចាំបាច់ មានសន្តិភាព ទើបមានការអភិវឌ្ឍ និងរីកចម្រើន។ សន្តិភាព គឺជាមូលដ្ឋាននៃការអភិវឌ្ឍ។មុននឹងបញ្ចប់ ឯកឧត្តមក៏បានអំពាវនាវដល់សមាជិកគណបក្សយើង និងប្រជាពលរដ្ឋយើងទូទាំងស្រុកកំពង់សៀម ខេត្តកំពង់ចាមត្រូវបន្តគាំទ្រ និងបោះឆ្នោតជូនសម្តេចតេជោ និងគណបក្សប្រជាជនកម្ពុជា លេខរៀងទី១៨ នាថ្ងៃទី២៣ ខែកក្កដា ឆ្នាំ២០២៣ ខាងមុខនេះ៕

ចិនហៅដំណោះស្រាយហុងកុងរបស់សភាអឺរ៉ុបថាជាការរំខានដល់សាធារណជន

ហុងកុង៖ ក្រសួងការបរទេសចិនប្រចាំទីក្រុងហុងកុងបាននិយាយថា សេចក្ដីសម្រេចដែលអនុម័តដោយសភាអឺរ៉ុបកាលពីថ្ងៃព្រហស្បតិ៍ ទាក់ទងនឹងដែនដីដែលគ្រប់គ្រងដោយប្រទេសចិនមួយនេះគឺជា "ទង្វើគួរឱ្យស្អប់ខ្ពើម" និង "ជាន់ឈ្លី" លើគោលការណ៍ច្បាប់អន្តរជាតិ។ប្រទេសចិនបាននិយាយថាសេចក្ដីសម្រេចដែលត្រូវបានអនុម័តដោយសំឡេងគាំទ្រចំនួន ៤៨៣ សំឡេង ដោយមាន ៩ សំឡេងប្រឆាំង និង ៤២ សំឡេងអនុប្បវាទនោះគឺ «ត្រូវបរាជ័យ»។ក្រុមអ្នកនយោបាយនៅក្នុងសភាអឺរ៉ុប "មិនយកសេដ្ឋកិច្ចជាតិ និងជីវភាពរស់នៅរបស់ប្រជាជនជាទំនួលខុសត្រូវផ្ទាល់ខ្លួនរបស់ពួកគេទេ ប៉ុន្តែផ្ទុយទៅវិញប្រើប្រាស់បញ្ហាហុងកុងជាការផ្សព្វផ្សាយជាសាធារណៈក្រោមរូបភាពនៃ 'សិទ្ធិមនុស្ស' 'លទ្ធិប្រជាធិបតេយ្យ' និង 'សេរីភាព'" នេះបើតាមការិយាល័យស្នងការរបស់ក្រសួងការបរទេសបានឲ្យដឹងក្នុងសេចក្តីថ្លែងការណ៍។ក្រុមមន្ត្រីរដ្ឋាភិបាលនៅទីក្រុងប៉េកាំង និងហុងកុងបាននិយាយថា ច្បាប់នេះកំណត់គោលដៅតែលើ"អ្នកបង្កបញ្ហា"មួយក្តាប់តូចប៉ុណ្ណោះ ដែលគំរាមកំហែងដល់សន្តិសុខជាតិ និងថាសិទ្ធិនិងសេរីភាពរបស់ប្រជាជនហុងកុងទូទៅ ត្រូវបានការពារ។សភាអឺរ៉ុបបាននិយាយនៅក្នុងសេចក្ដីសម្រេចនោះថា "សេរីភាពជាមូលដ្ឋាន នីតិរដ្ឋ និងឯករាជ្យភាពរបស់តុលាការបានធ្លាក់ចុះគួរឲ្យព្រួយបារម្ភនៅក្នុងទីក្រុងហុងកុង" ចាប់តាំងពីការអនុវត្តច្បាប់សន្តិសុខជាតិមក៕

ការហាមប្រាមទិដ្ឋាការរបស់អារ៉ាប់រួមសម្រាប់ជនជាតិលីបង់លើកង្វល់សន្តិសុខនឹងត្រូវដកចេញក្នុងពេលឆាប់ៗនេះ

អារ៉ាប់រួម៖ មន្រ្តីអារ៉ាប់រួមម្នាក់បានប្រាប់សារព័ត៌មាន រ៉យទ័រ កាលពីថ្ងៃព្រហស្បតិ៍ (១៥ មិថុនា)ថា ប្រទេសអារ៉ាប់រួម ក្នុងរយៈពេលប៉ុន្មានថ្ងៃខាងមុខនេះ នឹងលុបចោលការរឹតបន្តឹងបណ្តោះអាសន្នលើការផ្តល់ទិដ្ឋាការដល់ជនជាតិលីបង់ ដោយសារការព្រួយបារម្ភអំពីសន្តិសុខ។ភ្នាក់ងារទេសចរណ៍ពីរនាក់នៅក្នុងប្រទេសលីបង់បានប្រាប់សារព័ត៌មាន រ៉យទ័រ ថាពួកគេមិនអាចស្នើសុំទិដ្ឋាការសម្រាប់ជនជាតិលីបង់ទៅកាន់អារ៉ាប់រួមតាមរយៈប្រព័ន្ធអនឡាញធម្មតានោះទេ ប៉ុន្តែពួកគេក៏មិនបានទទួលការណែនាំថ្មីណាមួយ ឬការផ្លាស់ប្តូរចំពោះតម្រូវការសម្រាប់ជនជាតិលីបង់ចូលក្នុងប្រទេសនោះដែរ។ភ្នាក់ងារម្នាក់បាននិយាយថានៅក្នុងករណីមុនៗនៅពេលដែលអារ៉ាប់រួមបានផ្អាកទិដ្ឋាការ ការសម្រេចត្រូវបានឆ្លុះបញ្ចាំងនៅក្នុងបម្រាមបច្ចេកទេសលើការស្នើសុំទិដ្ឋាការដោយគ្មានការណែនាំជាផ្លូវការដូចដែលកំពុងកើតឡើងនៅពេលនេះដែរ។ខ្សែទូរស័ព្ទជំនួយសម្រាប់អគ្គនាយកដ្ឋានស្នាក់នៅ និងកិច្ចការបរទេសរបស់ទីក្រុងឌុយបៃកាលពីថ្ងៃព្រហស្បតិ៍បាននិយាយថា ជនជាតិលីបង់នៅខាងក្រៅអារ៉ាប់រួមនឹងមិនត្រូវបានផ្តល់ទិដ្ឋាការជាបណ្តោះអាសន្នតាមការណែនាំរបស់ក្រសួងមហាផ្ទៃ៕ខ្សែទូរស័ព្ទជំនួយសម្រាប់អគ្គនាយកដ្ឋានស្នាក់នៅ និងកិច្ចការបរទេសរបស់ទីក្រុងឌុយបៃកាលពីថ្ងៃព្រហស្បតិ៍បាននិយាយថា ជនជាតិលីបង់នៅខាងក្រៅអារ៉ាប់រួមនឹងមិនត្រូវ

អតីតយុទ្ធជនប្តេជ្ញាចូលរួមការបោះឆ្នោត និងបន្តគាំទ្រការដឹកនាំរបស់បក្សប្រជាជនកម្ពុជា

ត្បូងឃ្មុំ៖ អតីតយុទ្ធជនប្តេជ្ញាចូលរួមការបោះឆ្នោត និងបន្តគាំទ្រការដឹកនាំរបស់គណបក្សប្រជាជនកម្ពុជា ដែលការបោះឆ្នោតនឹងប្រព្រឹត្តទៅថ្ងៃទី២៣ កក្កដាខាងមុខ។ អតីតយុទ្ធជន ដែលជាអ្នករស់នៅស្រុកមេមត់ ខេត្តត្បូងឃ្មុំ និងធ្លាប់ពលីលះបង់ដើម្បីជាតិរហូតមានពិការភាព បានប្រាប់ BTV News ឲ្យដឹងថា ក្នុងដំណើរការបោះឆ្នោតជ្រើសរើសតំណាងរាស្រ្ត នីតិកាលទី៧ ឆ្នាំ២០២៣នេះ ពួកគាត់នឹងចូលរួមការបោះឆ្នោតមិនឲ្យខកខាននោះទេ។ ពួកគាត់ បន្តថា ការចូលរួមបោះឆ្នោត គឺជាការបំពេញកាតព្វកិច្ចជាប្រជាពលរដ្ឋល្អ ដើម្បីជ្រើសរើសមេដឹកនាំប្រទេសមួយដែលធានាខុសត្រូវចំពោះប្រទេសជាតិ។ ជុំវិញការបោះឆ្នោតខាងមុខ អតីតយុទ្ធជន នឹងបោះឆ្នោតគាំទ្រជូនគណបក្សប្រជាជនកម្ពុជា ដែលមានសម្តេចតេជោ ហ៊ុន សែន ជាមេដឹកនាំប្រទេសដែលដឹងពីសុខទុក្ខរបស់ប្រជាជន និងធានាសុខសន្តិភាពបានយូរអង្វែង។លើសពីនេះ ពួកគាត់ ប្តេជ្ញាចូលរួមការពារសុខសន្តិភាព និងការអភិវឌ្ឍរីកចម្រើនដែលមានមកទល់ពេលបច្ចុប្បន្នក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្រ្តី និងជាស្ថាបនិកមគ្គទេសក៍ឯកនិងប្រតិបត្តិករនយោបាយឈ្នះ ឈ្នះ ដែលបាននាំមកនូវសន្តិភាព និងឯកភាពជាតិពេញលេញ។ ការបោះឆ្នោតជ្រើសរើសតាំងតំណាងរាស្រ្ត ឆ្នាំ២០២៣ មានប្រជាពលរដ្ឋមានឈ្មោះក្នុងបញ្ជីចំនួនជាង ៩លាន៧សែននាក់ និងការិយាល័យបោះឆ្នោតនៅទូទាំងប្រទេសចំនួនជាង ២ម៉ឺនការិយាល័យ៕អត្ថបទ សេក ឧត្តម

នយោបាយ និង ការអភិវឌ្ឍន៍

កូរ៉េខាងជើងនិយាយថា ការបាញ់បង្ហោះផ្កាយរណបខុសបច្ចេកទេសគឺជាការបរាជ័យដ៏ធ្ងន់ធ្ងរបំផុត

សម្ដេចតេជោ៖ ក្រុងអរិយក្សត្រ និងក្រុងសំពៅពូន ត្រូវរក្សាជាក្រុងរបស់ខេត្តកណ្ដាល

សម្ដេចតេជោ ហ៊ុន សែន អញ្ជើញសម្ពោធដាក់ឲ្យប្រើប្រាស់រោងចក្រប្រព្រឹត្តកម្មទឹកស្អាតបាក់ខែង

ចិនហៅដំណោះស្រាយហុងកុងរបស់សភាអឺរ៉ុបថាជាការរំខានដល់សាធារណជន

ការហាមប្រាមទិដ្ឋាការរបស់អារ៉ាប់រួមសម្រាប់ជនជាតិលីបង់លើកង្វល់សន្តិសុខនឹងត្រូវដកចេញក្នុងពេលឆាប់ៗនេះ

អតីតយុទ្ធជនប្តេជ្ញាចូលរួមការបោះឆ្នោត និងបន្តគាំទ្រការដឹកនាំរបស់បក្សប្រជាជនកម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

កូរ៉េខាងជើងនិយាយថា ការបាញ់បង្ហោះផ្កាយរណបខុសបច្ចេកទេសគឺជាការបរាជ័យដ៏ធ្ងន់ធ្ងរបំផុត

សម្ដេចតេជោ៖ ក្រុងអរិយក្សត្រ និងក្រុងសំពៅពូន ត្រូវរក្សាជាក្រុងរបស់ខេត្តកណ្ដាល

សម្ដេចតេជោ ហ៊ុន សែន អញ្ជើញសម្ពោធដាក់ឲ្យប្រើប្រាស់រោងចក្រប្រព្រឹត្តកម្មទឹកស្អាតបាក់ខែង

ចិនហៅដំណោះស្រាយហុងកុងរបស់សភាអឺរ៉ុបថាជាការរំខានដល់សាធារណជន

ការហាមប្រាមទិដ្ឋាការរបស់អារ៉ាប់រួមសម្រាប់ជនជាតិលីបង់លើកង្វល់សន្តិសុខនឹងត្រូវដកចេញក្នុងពេលឆាប់ៗនេះ

អតីតយុទ្ធជនប្តេជ្ញាចូលរួមការបោះឆ្នោត និងបន្តគាំទ្រការដឹកនាំរបស់បក្សប្រជាជនកម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍