នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ស្ពានមិត្តភាពកម្ពុជា-ចិន មេគង្គក្រចេះ នឹងបន្តបើកឱ្យឆ្លងកាត់រហូតដល់ថ្ងៃទី១ ខែតុលា ឆ្នាំ២០២៥ ដោយសារទឹកទន្លេបន្តហក់ឡើង និងដើម្បីជួយសម្រួលដល់ការធ្វើដំណើររបស់បងប្អូនប្រជាពលរដ្ឋ
គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

នយោបាយ​ និង ការអភិវឌ្ឍន៍

ចំនួនមនុស្សស្លាប់ក្នុងហេតុការណ៍រថភ្លើងបុកគ្នានៅប្រទេសឥណ្ឌាកើនឡើងដល់ជិត៣០០នាក់

2023/06/04 10:01:22 am        155
Facebook Telegram Linkin
 ឥណ្ឌា៖ យោងតាមការអះអាងរបស់ក្រុមមន្រ្តីក្នុងស្រុក បានឲ្យដឹងា អ្នកដំណើរយ៉ាងហោច ២៨៨នាក់នៅលើរថភ្លើង ២ ខ្សែ បានស្លាប់ និងអ្នកដំណើរ ១ពាន់នាក់ផ្សេងទៀត បានរងរបួស ក្នុងហេតុការណ៍រថភ្លើងបុកគ្នា ៣ខ្សែនៅរដ្ឋ Odisha ប្រទេសឥណ្ឌា កាលពីថ្ងៃសុក្រ ស្របពេលដែលលោកនាយករដ្ឋមន្រ្តី Narendra Modi និយាយថា អ្នកដែលទទួលខុស ត្រូវគ្រោះមហន្តរាយនេះ នឹងត្រូវដាក់ទោសយ៉ាងធ្ងន់ធ្ងរបំផុត ។  ក្រុមមន្រ្តី បានិយាយប្រាប់កាសែត Hindustan Times ថា រថភ្លើងដឹកអ្នកដំណើរ Coromandel Express បាន ធ្លាក់ផ្លូវ បន្ទាប់ពីបុកជាមួយរថភ្លើងដឹកទំនិញ ក្រោយម៉ោង ៧យប់ម៉ោងក្នុងស្រុក កាលពីថ្ងៃសុក្រ មុនពេលរថភ្លើងដឹក អ្នកដំណើរខ្សែទី ២ Bengaluru-Howrah Superfast Express បុកពីក្រោយពួកគេ បណ្តាលឲ្យទូរថភ្លើង ១៧ទូរបស់រថភ្លើងដឹកអ្នកដំណើរទាំង ២ធ្លាក់ផ្លូវ ហើយរងការខូចខាតយ៉ាងធ្ងន់ធ្ងរ ។  រដ្ឋមន្រ្តីផ្លូវដែកឥណ្ឌាលោក Ashwini Vaishnaw ដែលប្រឈមនឹងការអំពាវនាវឲ្យលាលែងពីតំណែនោះ បានប្រកាសថា អ្នកដំណើររងរបួសនឹងទទួលបានសំណងជំងឺចិត្ត ៦០០ដុល្លារសម្រាប់អ្នកមានរបួសស្រាល និង ២.៤០០ដុល្លារសម្រាប់អ្នកមានរបួសធ្ងន់ ស្របពេលដែលគ្រួសារអ្នកស្លាប់ ទទួលបានថវិកា ១២.១០០ដុល្លារ ។  រូបភាពវីដេអូឃ្លីបរបស់ទីភ្នាក់ងារព័ត៌មានរ៉យទ័រ ឃើញក្រុមមន្រ្តីនគរបាល លើកសាកសពគ្របកំណាត់ស. ចេញពីផ្លូវដែក ៕

ប្រសាសន៍សំខាន់ៗរបស់សម្តេចតេជោ ក្នុងឱកាសបន្តចុះសំណេះសំណាលជាមួយកម្មករ និយោជិតជាង១ម៉ឺននាក់ទៀត នៅស្រុកគងពិសី

2023/06/04 08:26:27 am        249
Facebook Telegram Linkin
កំពង់ស្ពឺ៖ សម្តេចតេជោ ហ៊ុន សែន នាយករដ្ឋមន្ត្រី បានបន្តចុះជួបសំណេះសំណាលជាមួយកម្មករ និយោជិតសរុបជាង១ម៉ឺន៦ពាន់នាក់ទៀត មកពីរោងចក្រ សហគ្រាសនានា នៅក្នុងស្រុកគងពិសី ខេត្តកំពង់ស្ពឺ នៅព្រឹកថ្ងៃទី៤ ខែមិថុនា ឆ្នាំ២០២៣នេះ។ប្រសាសន៍សំខាន់ៗរបស់សម្តេចតេជោ ហ៊ុន សែន ​ ដែលមានខ្លឹមសារដូចខាងក្រោម៖សម្តេចតេជោ ហ៊ុន សែន បញ្ជាក់ថា គោលដៅនៃជំនួបជាមួយកម្មករនិយោជិត គឺដើម្បីជំនួបសន្ទនារវាងរដ្ឋមន្រ្ដីនឹងកម្មករនិយោជិត ដើម្បីស្វែងយល់ពីអនុសាសន៍នានាដែលរាជរដ្ឋាភិបាលបានដាក់ចេញទៅថា តើសម្រេចបានដល់កម្រិតណា ហើយចាំបាច់ត្រូវជំរុញបន្ថែមលើផ្នែកណាបន្ថែមទៀត។ ដូច្នេះហើយទើបសម្ដេចតេជោ បានផ្ដួចផ្ដើមគំនិតចុះផ្ទាល់តាមរោងចក្រជួបផ្ទាល់ជាមួយ កម្មករនិយោជិតជាបន្តបន្ទាប់។សម្តេចតេជោ ហ៊ុន សែន បញ្ជាក់បន្ថែមថា តាមរយៈជំនួបនេះ នាយករដ្ឋមន្រ្ដី កម្មករនិយោជិត និងម្ចាស់រោងចក្រ បានពិភាក្សាគ្នា និងដោះស្រាយដោយផ្ទាល់លើបញ្ហានានា ដែលកើតមានឡើងផងដែរ។សម្តេចតេជោ បានបញ្ជាក់ថា សម្ដេចមិនយកអធិបតេយ្យរបស់ប្រទេសកម្ពុជា ទៅដោះដូរជាមួយការផ្ដល់ជំនួយរបស់ប្រទេសណាទាំងអស់។សម្ដេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា ប្រព័ន្ធអនុគ្រោះពន្ធ EBA គង់តែនឹងត្រូវបាត់បង់ នៅពេលដែលសេដ្ឋកិច្ចកម្ពុជាឈានដល់កម្រិតណាមួយ។ សម្ដេចបញ្ជាក់ថា ទោះបីជាត្រូវបានដកប្រព័ន្ធអនុគ្រោះ EBA ពីកម្ពុជា ក៏ប៉ុន្តែការនាំចេញនៅតែមានកំណើន។សម្តេចតេជោ បញ្ជាក់ថា ចិនបើកចំហទីផ្សារសម្រាប់ការស្វាគមន៍កម្ពុជា ក្នុងនោះបានទិញយកផលិតផលកសិកម្មកម្ពុជា១១មុខ រួមមាន៖ ចេក ស្វាយ ស្វាយចន្ទី ត្រីប្រាជាដើម។ ក្រៅពីនេះជប៉ុន និងកូរ៉េ និងបណ្ដាប្រទេសក្នុងតំបន់មួយចំនួនទៀត ក៏កំពុងបង្កើនការទិញផលិតផលកសិកម្មពីកម្ពុជាផងដែរ។សម្តេចតេជោ ហ៊ុន សែន បញ្ជាក់ថា ឆ្នាំ២០២៣នេះ កម្ពុជារំពឹងទុកថា នឹងទទួលបានទេសចរបរទេសមកកាន់កម្ពុជាក្នុងរង្វង់៤លាននាក់ តាមរយៈកំណើននេះ ការផ្ដល់សេវាកម្មលើផ្នែកបដិសណ្ឋារកិច្ចនឹងមានកំណើនកើនឡើងផងដែរ។ ដូច្នេះកម្ពុជាចាំបាច់ត្រូវពង្រឹងភាពធនក្នុងការផ្ដល់សេវានានាលើផ្នែកបដិសណ្ឋារកិច្ចនេះ។សម្តេចតេជោ ណែនាំដល់ក្រសួងការងារ និងបណ្ដុះបណ្ដាលវិជ្ជាជីវៈរៀបចំផ្សព្វផ្សាយ​បន្ត​អំពីការជូនដំណឹងដល់ម្ចាស់រោងចក្រ ​សហគ្រាសទាំងអស់​ គឺត្រូវ​អនុញ្ញាត​ឱ្យកម្មករ​និយោជិត​ទាំងអស់បានឈប់សម្រាកទៅចូលរួមបោះឆ្នោត នាថ្ងៃទី២៣ ​ខែ កក្កដា ខាងមុខ ដោយ​ទទួលបានប្រាក់ខែដដែល។សម្តេចតេជោ ហ៊ុន សែន នៅតែបន្តរំលឹកអំពីគុណតម្លៃនៃសុខសន្តិភាព ខណៈការវិនិយោគពីបរទេសនៅកម្ពុជានាពេលបច្ចុប្បន្ននេះ គឺកើតចេញពីប្រទេសដែលកំពុងមានសុខសន្តិភាពនេះឯង។សម្តេចតេជោ ហ៊ុន សែន បញ្ជាក់ថា រហូតមកដល់ពេលនេះ គ្មានគណបក្សណាមួយមានលទ្ធភាពដឹកនាំប្រទេសឲ្យមានសុខសន្តិភាព ដូចគណបក្សប្រជាជនកម្ពុជានោះទេ។ សម្តេចបញ្ជាក់ថា « មិនត្រឹមអាចរកសន្តិភាព ធានាការពារសន្តិភាពជូនប្រជាជន និងប្រទេសជាតិបានថែមទៀត»។សម្តេចតេជោ បន្តអំពាវនាវដល់កម្មករនិយោជិត បន្តចូលរួម រួមគ្នារក្សាសន្តិភាព ពីព្រោះបើគ្មានសន្ដិភាព គឺគ្មានរោងចក្រ គ្មានឱកាសការងារ និងការអភិវឌ្ឍនោះឡើយ។សម្តេចតេជោ ហ៊ុន សែន ប្រាប់ទៅក្រុមល្ងង់នៅក្រៅប្រទេសមួយចំនួន ជាពិសេសក្រុមប្រព័ន្ធផ្សព្វផ្សាយគាំទ្របរទេសថា កុំល្ងង់ពេកគណបក្សប្រជាជនមិនមែនគិតត្រឹមតែរឿងបោះឆ្នោតមួយប៉ុណ្ណោះទេ ប៉ុន្ដែគឺបានគិតអំពីការរក្សាសុខសន្ដិភាព និងស្ថិរភាពនយោបាយនៅក្នុងប្រទេសកម្ពុជាទាំងមូល។សម្តេចតេជោ ហ៊ុន សែន បានបញ្ជាក់ថា ឱ្យតែនាយករដ្ឋមន្រ្ដី ដែលដឹកនាំដោយគណបក្សប្រជាជនកម្ពុជា នាយករដ្ឋមន្រ្ដីត្រូវបន្តធ្វើវេទិកាជួបជាមួយកម្មករកម្មការិនីបែបនេះ ដើម្បីបង្កើតជាវេទិកាក្នុងការដោះស្រាយបញ្ហានានាជូនដល់កម្មករនិយោជិតទាំងអស់៕

សម្តេចតេជោ ហ៊ុន សែន បន្តចុះសំណេះសំណាលជាមួយកម្មករ និយោជិត ជាង១ម៉ឺននាក់បន្តទៀតទៀត នៅស្រុកគងពិសី ខេត្តកំពង់ស្ពឺ

2023/06/04 07:38:04 am        214
Facebook Telegram Linkin
កំពង់ស្ពឺ ៖ សម្តេចតេជោ ហ៊ុន សែន នាយករដ្ឋ មន្ត្រី បានបន្តចុះជួបសំណេះសំណាលជាមួយកម្មករ និយោជិតសរុបជាង ១ម៉ឺន ៦ពាន់នាក់ទៀត មកពីរោងចក្រ សហគ្រាសនានា នៅក្នុងស្រុកគងពិសី ខេត្តកំពង់ស្ពឺ នៅព្រឹកថ្ងៃទី៤ ខែមិថុនា ឆ្នាំ២០២៣នេះ។ ឯកឧត្តម អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានឱ្យដឹងថា សម្តេចតេជោនាយករដ្ឋមន្ត្រី ធ្លាប់បានអញ្ជើញជួបជាមួយកម្មករ និយោជិត នៅស្រុក គងពិសី ខេត្តកំពង់ស្ពឺនេះម្តងរួចមកហើយ កាលពីថ្ងៃទី១៩ ខែកញ្ញា ឆ្នាំ២០១៨ ដែលមានកម្មករ និយោជិតចូលរួមចំនួន ២៧,៤៤៤នាក់ មកពីរោងចក្រសហគ្រាសចំនួន២៤។ សម្រាប់ការជួបសំណេះសំណាលជាលើកទី២ នៅព្រឹកនេះ មានកម្មករ និយោជិតចូលរួមសរុបចំនួន ១៦,៤៤១នាក់ មកពីរោងចក្រ សហគ្រាសចំនួន១១។រោងចក្រ សហគ្រាសចំនួន១១ ដែលកម្មករ និយោជិតចូលរួមសំណេះសំណាលនេះ ជាប្រភេទរោងចក្រផលិត ស្បែក ជើង ចំនួន១០ និងផលិតកាបូបចំនួន១។ផលិតផលរបស់រោងចក្រទាំងនេះ គឺនាំចេញ ទៅ ទីផ្សារអន្តរជាតិ ជាពិសេសសហគមន៍អឺរ៉ុប សហរដ្ឋអាម៉េរិកប្រទេសកាណាដា ប្រទេសជប៉ុន។ល។នៅខេត្តកំពង់ស្ពឺ ឆ្នាំ២០២៣ មានរោងចក្រ សហគ្រាស៣៨៥ មានកម្មករនិយោជិតប្រមាណ ១៦ម៉ឺននាក់។ ក្នុងនោះរោងចក្រ សហគ្រាសវិស័យកាត់ដេរចំនួន១៩១ មានកម្មករនិយោជិតសរុបជិត ១៥ម៉ឺននាក់ និងជាខេត្តទី២ ដែលមានការអភិវឌ្ឍរោងចក្រ សហគ្រាសច្រើន៕

មេដឹកនាំគណបក្សប្រឆាំងវេណេហ្ស៊ីយអេឡា ត្រូវបានទះកំភ្លៀង ក្នុងយុទ្ធនាការឃោសនាបោះឆ្នោត

2023/06/03 12:11:45 pm        207
Facebook Telegram Linkin
វេណេហ្ស៊ុយអេឡា៖ មេដឹកនាំគណបក្សប្រឆាំង លោក Henrique Capriles ត្រូវបានទះកំភ្លៀង និងទាត់ពីខាងក្រោយ កាលពីថ្ងៃសុក្រ (ទី២ ខែមិថុនា) ក្នុងអំឡុងពេលចុះទៅធ្វើយុទ្ធនាការមួយ នៅ Carabobo ដែលជារដ្ឋមួយនៅភាគកណ្ដាលប៉ែកខាងជើងនៃប្រទេសវេណេហ្ស៊ុយអេឡា។រូបភាពនៅក្នុងវីដេអូ ដែលត្រូវបានចែករំលែកនៅលើគណនីរបស់បណ្ដាញសង្គម Twitter បានបង្ហាញឲ្យឃើញថា លោក Capriles ត្រូវបានវាយចំមុខដោយស្ត្រីម្នាក់ ខណៈពេលដែលត្រូវបានស្រែកបណ្ដេញឲ្យចាកចេញពីតំបន់នោះ ហើយនៅពេលលោកដើរចេញដោយមានការឡោមព័ទ្ធពីក្រុមរបស់លោក មានមនុស្សម្នាក់ បានទាត់លោកពីក្រោយ។បេក្ខេជនតំណែងប្រធានាធិបតីពីរដង បានបរិហារ ចំពោះការវាយប្រហារនេះលើគណនី Twitter របស់លោក ហើយបានចោទប្រកាន់ក្រុមបង្កហិង្សា ដែលបញ្ជាដោយលោកប្រធានាធិបតី Nicolas Maduro និងបក្ខពួករបស់លោក គឺលោក Rafael Lacava (អភិបាលក្រុង Carabobo) ពីបទបង្កសកម្មភាពវិច្ឆេទកម្ម។កាលពីខែមីនា លោក Capriles បានប្រកាសថា លោកនឹងឈរឈ្មោះសម្រាប់ការបោះឆ្នោតជ្រើសរើសដំណាក់កាលបឋម នៅខែតុលា ទោះបីជារូបលោកត្រូវបានហាមប្រាមពីការចូលរួមប្រជែងមុខតំណែងសាធារណៈ បន្ទាប់ពីត្រូវបានតែងតាំងជាបេក្ខជនរបស់គណបក្ស Primero Justicia ក៏ដោយ។ ការបោះឆ្នោតជ្រើសរើសប្រធានាធិបតីរបស់ប្រទេសវេណេហ្ស៊ុយអេឡា គ្រោងធ្វើឡើង នៅឆ្នាំ២០២៤៕

ប្រមុខក្រសួងការពារជាតិអាមេរិកថ្កោលទោសចិន ចំពោះកង្វះការសន្ទនាខាងផ្នែកយោធា

2023/06/03 11:35:16 am        222
Facebook Telegram Linkin
អាមេរិក៖ រដ្ឋមន្ត្រីការពារជាតិសហរដ្ឋអាមេរិក លោក ឡយ អូស្ទីន (Lloyd Austin) បាននិយាយ នៅថ្ងៃសៅរ៍ (ទី៣ ខែមិថុនា)នេះ ថា លោកមានការបារម្ភយ៉ាងខ្លាំង ចំពោះការមិនមានឆន្ទៈរបស់ប្រទេសចិន ក្នុងការចូលរួមលើការគ្រប់គ្រងវិបត្តិយោធា ដោយព្រមានថា ការជជែកគ្នា គឺជាគន្លឹះដ៏សំខាន់ដើម្បីបញ្ជៀសជម្លោះ។ថ្លែងនៅក្នុងកិច្ចប្រជុំកំពូលកិច្ចសន្ទនា Shangri-La ដែលជាកិច្ចប្រជុំសន្តិសុខលំដាប់កំពូលរបស់អាស៊ី លោក អូស្ទីន (Austin) បាននិយាយថា ច្រកប្រាស្រ័យទាក់ទងបើកចំហរវាងក្រសួងការពារជាតិ និងមេដឹកនាំយោធារបស់សហរដ្ឋអាមេរិក និងចិន មានសារៈសំខាន់ណាស់ ក្នុងការបញ្ចៀសជម្លោះ និងជួយគាំទ្រដល់ស្ថិរភាព នៅតំបន់អាស៊ី-ប៉ាស៊ីហ្វិក។លោក អូស្ទីន (Austin) បានប្រាប់កិច្ចប្រជុំ ដែលរៀបចំនៅប្រទេសសិង្ហបុរីថា៖ «ខ្ញុំមានការព្រួយបារម្ភយ៉ាងខ្លាំងដែលសាធារណៈរដ្ឋប្រជាមានិតចិន (PRC) មិនមានឆន្ទៈក្នុងការចូលរួមយ៉ាងប្រាកដប្រជាឲ្យកាន់តែខ្លាំងឡើងលើយន្តការប្រសើរជាងមុន សម្រាប់ការគ្រប់គ្រងដោះស្រាយវិបត្តិ រវាងយោធានៃប្រទេសរបស់យើងទាំងពីរ។ យើងជជែកគ្នាកាន់តែច្រើន យើងកាន់តែអាចបញ្ចៀសនូវការយល់ច្រឡំ និងការវាយតម្លៃខុស ដែលអាចនាំឲ្យមានវិបត្តិ ឬជម្លោះបាន»។គួរបញ្ជាក់ដែរថា រដ្ឋមន្ត្រីក្រសួងការពារជាតិចិន លោក Li Shangfu បានបដិសេធការអញ្ជើញឲ្យជួបជាមួយលោក អូស្ទីន (Austin) ក្នុងកិច្ចប្រជុំកំពូលសន្តិសុខនេះ។ មន្ទីរបញ្ចកោណបានឲ្យដឹងថា នៅថ្ងៃសុក្រ (ទី២ ខែមិថុនា) រដ្ឋមន្ត្រីទាំងពីរបានចាប់ដៃគ្នា នៅខាងក្រៅសន្និសីទ ប៉ុន្តែមិនមានការផ្លាស់ប្ដូរទស្សនៈសំខាន់អ្វីនោះទេ។ ចំណែកលោក Li នឹងមានសុន្ទរកថាផ្ទាល់ខ្លួន នៅថ្ងៃអាទិត្យ (ទី៤ ខែមិថុនា)។គួរបញ្ជាក់ផងដែរថា ទំនាក់ទំនងរវាងសហរដ្ឋអាមេរិក និងចិន គឺស្ថិតនៅចំណុចទាបបំផុត ក្នុងរយៈពេលជាច្រើនទស្សវត្សរ៍មកនេះ ដោយសារប្រទេសមហាអំណាចទាំងពីរ នៅតែមានទស្សនៈខ្វែងគ្នាយ៉ាងខ្លាំងក្លាលើបញ្ហាគ្រប់យ៉ាង ចាប់ពីបញ្ហាអធិបតេយ្យភាពរបស់កោះតៃវ៉ាន់ រហូតដល់បញ្ហាចារកម្ម និងបញ្ហាជម្លោះដែនដី នៅសមុទ្រចិនខាងត្បូង៕

UNបន្តបេសកកម្មផ្តល់ជំនួយក្នុងប្រទេសស៊ូដង់សម្រាប់រយៈពេល៦ខែ

2023/06/03 11:19:01 am        161
Facebook Telegram Linkin
UN៖ បេសកកម្មផ្តល់ជំនួយអន្តរកាលសមាហរណកម្មរបស់អង្គការសហប្រជាជាតិក្នុងប្រទេសស៊ូដង់ បានបន្តបេសកកម្មរយៈពេល៦ខែ ដោយមានការឯកភាពជាឯកច្ឆន្ទពីក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃសុក្រ។ បេសកកម្មត្រូវបានបង្កើតឡើងនៅខែមិថុនា ឆ្នាំ២០២០ដើម្បីផ្តល់ការគាំទ្រដល់ប្រទេសស៊ូដង់ អំឡុងអន្តរកាលនយោបាយឈានទៅរកការគ្រប់គ្រងបែបលទ្ធិប្រជាធិបតេយ្យ។ភាគីសង្គ្រាមនៅប្រទេសស៊ូដង់បានប្រយុទ្ធគ្នានៅក្នុងរដ្ឋធានីកាលពីថ្ងៃសុក្របន្ទាប់ពីការបរាជ័យនៃកិច្ចពិភាក្សា ដើម្បីរក្សាបទឈប់បាញ់ និងបន្ធូរបន្ថយវិបត្តិមនុស្សធម៌។ពលរដ្ឋទីក្រុង Khartoum និងទីក្រុង Omdurman ឆ្លងកាត់ទន្លេនីល និយាយថា កងទ័ពបានបន្តការវាយប្រហារតាមអាកាស និងបានប្រើប្រាស់កាំភ្លើងធំ។ ប៉ុន្តែបាននិយាយថា គ្មានសញ្ញាពីកងកម្លាំងគាំទ្ររហ័សយោធាប៉ារ៉ាដែលកំពុងប្រយុទ្ធពីតាមដងផ្លូវនានា និងលំនៅឋានដែលខ្លួនបានបានចូលកាន់កាប់នោះទេ។  រយៈពេល៧សប្តាហ៍នៃសង្គ្រាមរវាង កងទ័ពជាតិ និងកងកម្លាំងគាំទ្ររហ័ស បានបំផ្លាញផ្នែកជាច្រើននៅភាគកណ្តាលរដ្ឋធានី Khartoum ដែលបានគំរាមកំហែងទៅរកអស្ថិរភាពតំបន់កាន់តែធំ ដែលបានធ្វើឲ្យពលរដ្ឋ១,២លាននាក់បានភៀសខ្លួន នៅក្នុងប្រទេសស៊ូដង់ និងបានបញ្ជូនពលរដ្ឋ៤០០.០០០ នាក់ផ្សេងទៀតទៅកាន់រដ្ឋជិតខាង៕

សម្ដេចតេជោ៖ បក្សប្រឆាំងតែងញុះញង់បរទេសមិនឲ្យទិញទំនិញខ្មែរ បញ្ហានេះកម្មករត្រូវចង់ចាំ

2023/06/03 10:37:22 am        214
Facebook Telegram Linkin
កណ្ដាល៖ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានប្រាប់ទៅកម្មករ កម្មការិនីទាំងអស់ ត្រូវចង់ចាំថា គណបក្សបក្សប្រឆាំងតែងតែញុះញង់ទៅកាន់បរទេស មិនឲ្យទិញផលិតផលពីកម្ពុជា ដែលសកម្មភាពនេះ គឺជាការបំបែកឆ្នាំងបាយរបស់កម្មករ ។ក្នុងពិធីសំណេះសំណាលជាមួយបងប្អូនកម្មករ កម្មការិនី ក្នុងសួនឧស្សាហកម្មខេមតុន (CAMTON INDUSTRIAL PARK) នៅខេត្តកណ្ដាល នាថ្ងៃទី៣ ខែមិថុនា ឆ្នាំ២០២៣ សម្ដេចតេជោ មានប្រសាសន៍ថា សូមកម្មករ កម្មការនី ត្រូវចាត់ទុករោងចក្រ សហគ្រាស គឺជាឆ្នាំងបាយរបស់ខ្លួន ហើយសូមកម្មករទាំងអស់ ត្រូវរួមគ្នាថែរក្សាសុខសុវត្ថិភាព នៅក្នុងរោងចក្រ ឲ្យបន្តជាទីតាំងសុខសាន្ត ពុំមានបទល្មើសផ្សេងៗ ។សម្តេចតេជោបន្តថា កម្មករ-កម្មការិនីទាំងអស់ត្រូវចងចាំថា ពួកប្រឆាំង ជាពិសេសមេបក្សប្រឆាំងតែម្តង តែងតែធ្វើការញុះញង់ និងអំពាវនាវបរទេសមិនឲ្យទិញផលិតផលពីកម្ពុជា និងមិនឲ្យបរទេសមកធ្វើការវិនិយោគនៅស្រុកខ្មែរ ដែលបញ្ហានេះ ជាការវាយបំបែកឆ្នាំងបាយរបស់កម្មករ ព្រោះរោងចក្រនៅទូទាំងប្រទេស កំពុងផ្ដល់ឱកាសនុវការងារជាច្រើនកន្លែង ដល់ប្រជាពលរដ្ឋ ។ គួរបញ្ជាក់ថា ក្រៅតែពីការញុះញង់បរទេសមិនឲ្យទិញផលិតផល ឬមិនឲ្យបរទេសមកធ្វើការវិនិយោគនៅកម្ពុជាប៉ុណ្ណោះទេ ពួកប្រឆាំងក៏ធ្លាប់បានអំពាវនាវ ដល់ប្រទេសម្ចាស់ជំនួយផ្ដាច់ជំនួយពីកម្ពុជា ឬបង្កើតបាតុភាពផ្សេងៗ ដូចជាញុះញង់ឲ្យមានបាតុកម្ម ឬការទាមទារផ្សេងៗ ក្នុងគោលបំណងចង់ឲ្យមានភាពវឹងវរក្នុងប្រទេស បង្អាក់ចំណាប់អារម្មណ៍និយោគនៅកម្ពុជាផងដែរ ៕ អត្ថបទ៖ បាន សុខរិទ្ធិ 

លោក Zelenskiy បញ្ជាឲ្យពិនិត្យជម្រកលាក់ខ្លួនពីការវាយឆ្មក់តាមអាកាស បន្ទាប់ពីមានការស្លាប់

2023/06/03 10:12:37 am        166
Facebook Telegram Linkin
អ៊ុយក្រែន៖ ប្រធានាធិបតីអ៊ុយក្រែន លោក Volodymyr Zelenskiy បានបញ្ជាឲ្យពិនិត្យមើលជម្រកលាក់ខ្លួនពីការវាយឆ្មក់តាមអាកាសរបស់អ៊ុយក្រែនទាំងអស់ កាលពីថ្ងៃសុក្រ (ទី២ ខែមិថុនា) ខណៈដែលជម្លោះជាមួយអភិបាលក្រុងគីវ (Kyiv) រីករាលដាលកាន់តែធំឡើងៗ បន្ទាប់ពីមានការស្លាប់របស់មនុស្ស ៣នាក់ ដែលត្រូវបានទុកចោលនៅលើផ្លូវ អំឡុងការវាយប្រហាររបស់ទ័ពរុស្ស៊ី។ក្មេងស្រីអាយុ ៩ឆ្នាំម្នាក់ ម្តាយរបស់ក្មេងស្រីនោះ និងស្ត្រីម្នាក់ផ្សេងទៀត បានបាត់បង់ជីវិត ដោយសារអំបែងធ្លាក់ត្រូវ បន្ទាប់ពីជនរងគ្រោះទាំងនោះប្រញាប់ប្រញាល់តម្រង់ទៅកាន់ទីជម្រក នៅទីក្រុងគីវ កាលពីថ្ងៃព្រហស្បតិ៍ ដើម្បីពួនពីការវាយប្រហារហើយឃើញថាជម្រកនោះ ត្រូវបានបិទ។លោក Zelenskiy បាននិយាយនៅក្នុងសុន្ទរកថាវីដេអូពេលល្ងាចថា៖ «មិនអាចមានលេសអ្វីមកបិទបាំងកម្រិតនៃការធ្វេសប្រហែស នៅក្នុងទីក្រុងនេះបានទេ» ហើយលោកប្រធានាធិបតីបន្ថែមថា រូបលោកបានប្រាប់រដ្ឋមន្ត្រីក្រសួងយុទ្ធសាស្ត្រ និងរដ្ឋមន្ត្រីក្រសួងមហាផ្ទៃឲ្យធ្វើការត្រួតពិនិត្យទាំងស្រុងឡើងវិញនូវជម្រកការពារពីការទម្លាក់គ្រាប់បែក»។ក្នុងការស៊ើបអង្កេតលើការស្លាប់នេះ នគរបាលបានឃាត់ខ្លួនមនុស្សបួននាក់ ហើយក្រសួងមហាផ្ទៃបានឲ្យដឹងនៅក្នុងសេចក្តីថ្លែងការណ៍មួយតាមបណ្ដាញសង្គម Telegram ថា មនុស្ស ៣នាក់ ក្នុងចំណោមនោះ អាចនឹងត្រូវចោទប្រកាន់ពីបទធ្វេសប្រហែសជាផ្លូវការ។ការស្លាប់នេះបានបង្កឲ្យមានការតវ៉ាជាសាធារណៈ និងសុំឲ្យមាននូវការសន្យានៃការឆ្លើយតបដ៏ជាក់លាក់មួយរបស់លោក Zelenskiy ដោយការលើកឡើងនោះទំនងជាសំដៅទៅលើអភិបាលក្រុងគីវ ដែលជាអតីតអ្នកប្រដាល់ជើងឯកពិភពលោក លោក Vitali Klitschko ដែលធ្លាប់បានប៉ះទង្គិចជាមួយលោកប្រធានាធិបតីពីមុនមក៕

ភាពចលាចលនៅសេណេហ្គាល់ បានផ្ទុះឡើងម្តងទៀត ខណៈកងទ័ពត្រូវបានដាក់ពង្រាយ

2023/06/03 10:08:38 am        151
Facebook Telegram Linkin
សេណេហ្គាល់៖ នគរបាល នឹងក្រុមអ្នកតវ៉ា បានប៉ះទង្គិចគ្នាម្តងទៀតនៅក្នុងរដ្ឋធានី Dakar ប្រទេសសេណេហ្គាល់កាលពីថ្ងៃសុក្រទី២ ខែមិថុនា ខណៈភាពចលាចលបានកើតឡើងមួយថ្ងៃបន្ទាប់ពីការកាត់ទោសដាក់ពន្ធនាគារអ្នកនយោបាយប្រឆាំងលោក Ousmane Sonko បង្កឲ្យមានអំពើហិង្សាខ្លាំងបណ្តាលឲ្យមានមនុស្សស្លាប់នៅក្នុងប្រទេសក្នុងព្រឹត្តិការណ៍បច្ចុប្បន្ន។ មនុស្ស៩នាក់បានស្លាប់ នៅក្នុងការប៉ះទង្គិចគ្នារវាងនគរបាលនិងអ្នកគាំទ្រលោក Sonko កាលពីថ្ងៃព្រហស្បតិ៍បន្ទាប់ពីលោកត្រូវបានកាត់ទោសរយៈពេល២ឆ្នាំពីបទសូកប៉ាន់ដល់យុវជន។ គណបក្សប្រឆាំងនិយាយថា សាលក្រមដែលដែលអាចរារាំងលោក Sonko មិនឲ្យឈរឈ្មោះក្នុងការបោះឆ្នោតនៅឆ្នាំក្រោយ ត្រូវបានធ្វើឡើងពាក់ព័ន្ធនឹងរឿងនយោបាយ។អំពើហិង្សាកាលពីថ្ងៃសុក្រនៅក្នុងទីក្រុង Dakar បានផ្ទុះឡើងនៅជាយក្រុងកាលពេលរសៀល។ នគរបាលបានបាញ់ឧស្ម័នបង្ហៀរទឹកភ្នែគដើម្បីបំបែកក្រុមអ្នកតវ៉ាដែលដុតកង់រថយន្តនៅលើផ្លូវធំ។ ពួកគេបានគប់ដុំថ្មត្រឡប់ទៅវិញមុនពេលរត់ចេញ។បណ្តាញផ្សព្វផ្សាយសង្គមជាច្រើន និងវេទិកាផ្ញើសារ នៅតែត្រូវបានរឹតត្បិតកាលពីថ្ងៃសុក្រ ខណៈរដ្ឋាភិបាលបានព្យាយាមរឹតត្បិតការប្រាស្រ័យទាក់ទងតាមអនឡាញ។ ប៉ុន្តែមានការអំពាវនាវសម្រាប់ការតវ៉ាបន្ថែមទៀត បន្ទាប់ពីការបួងសួងកាលពីពេលរសៀល ដែលនៅតែផ្សព្វផ្សាយនៅលើបណ្តាញសង្គម ដែលភាគច្រើនកំពុងដំណើរការតាមរយៈបណ្តាញការងារឯកជនតាមអ៊ីនធឺណិត។ អង្គការសហប្រជាជាតិ សហភាពអាហ្វ្រិក និងប្លុកតំបន់ដ៏ធំរបស់អាហ្វ្រិកខាងលិច បានថ្កោលទោសភពចលាចលនេះ។ ប្រទេសបារាំង បានជំរុញឲ្យមានភាពអត់ធ្មត់ និងមានកិច្ចសន្ទនា ដើម្បីដោះស្រាយវិបត្តិ ដោយនិយាយថា ខ្លួនមានការព្រួយបារម្ភខ្លាំងចំពោះអំពើហិង្សា។ ទន្ទឹមនឹងនេះ អង្គការលើកលែងទោសអន្តរជាតិ បានអំពាវនាវដល់រដ្ឋាភិបាលដើម្បីស៊ើបអង្កេតលើអ្នកស្លាប់កាលពីថ្ងៃព្រហស្បតិ៍ និងបញ្ចៀសការប្រើប្រាស់កម្លាំងជ្រុលហួសហេតុ។

សម្តេចតេជោ ហ៊ុន សែន ចំអកឲ្យអ្នករាយការណ៍ពិសេសUNថា កុំមើលអាក្រក់ពីកម្ពុជាពេក គម្បីមើលប្រទេសថៃខ្លួនឯងផង

2023/06/03 10:01:52 am        205
Facebook Telegram Linkin
កណ្តាល៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានចំអកឲ្យអ្នករាយការណ៍ពិសេសរបស់អង្គការសហ ប្រជាជាតិUNសូមកុំមើលតែរឿងអាក្រក់នៅកម្ពុជាពេក គប្បីមើលប្រទេសថៃ ដែលជាទឹកដីកំណើតរបស់ខ្លួនឯងផង ខណៈបញ្ហានៅប្រទេសថៃ គឺបានកើតរឿងអយុត្តិធម៌ច្រើនណាស់ចំពោះអតីតនាយករដ្ឋមន្រ្តីថៃ តែគ្មានបុគ្គល និងប្រទេសហ៊ានរិះគន់ និងនិយាយអ្វីនោះទេ។ ក្នុងឱកាសអញ្ជើញសួរសុខទុក្ខ និង សំណេះសំណាលជាមួយបងប្អូនកម្មករនិយោជិត នៅក្នុងសួនឧស្សាហកម្មខេមតុន (CAMTON INDUSTRIAL PARK) មកពីរោងចក្រសហគ្រាសចំនួន១៩ នៅខេត្តកណ្តាល នាព្រឹកថ្ងៃទី៣ ខែមិថុនា ឆ្នាំ២០២៣នេះ សម្តេចតេជោ ហ៊ុន សែន បានលើកឡើងថា សូមផ្តាំទៅអ្នករាយការណ៍ពិសេសរបស់អង្គការសហប្រជាជាតិ ត្រូវក្រឡេកមើលប្រទេសថៃខ្លួនឯងផង កុំមើលតែស្រុកខ្មែរពេក ខណៈករណីថាក់ស៊ីន និងយ៉ីងឡាក់ត្រូវបានរដ្ឋប្រហារយោធាបណ្តេញចេញពីប្រទេស តែគ្មានអ្នកប្រទេសណាមកអើពើនោះទេ។ជាមួយគ្នានោះដែរ សម្តេចតេជោ ហ៊ុន សែន នាយករដ្ឋមន្រ្តីក៏បានផ្តាំទៅក្រុមអង្គការសិទ្ធិមនុស្ស ជាពិសេសអ្នករាយការណ៍ពិសេសរបស់អង្គការសហប្រជាជាតិ(UN)នោះ មើលកម្ពុជាឲ្យបានច្បាស់លាស់ សូមកុំស្តាប់តែតាមការញុះញង់របស់ក្រុមប្រឆាំងពេក ខណៈក្រុមពួកប្រឆាំងទាំងនោះ វាមិនដែលនិយាយល្អពីកម្ពុជាទេ សូម្បីតែព្រឹត្តិការណ៍កីឡាស៊ីហ្គេមលើកទី៣២ កម្ពុជាធ្វើជាម្ចាស់ផ្ទះត្រូវបានអន្តរជាតិកោតសរសើរគ្រប់ៗគ្នា តែក្រុមប្រឆាំងពិសេសពួកកំពុងរត់ចោលស្រុកនោះ វាមករិះគន់បែបនេះបែបនោះទៅវិញ៕(អត្ថបទ៖បាន ចក់)

បណ្ដាញសង្គម

ព័ត៌មានថ្មីៗ

កងនាវាដឹកជំនួយហ្កាហ្សាផ្គើនអ៊ីស្រាអែល ខណៈអ៊ីតាលីជំរុញឲ្យមានការសម្របសម្រួល
09/29/2025 09:09 PM
Facebook Telegram Linkin
កងកម្លាំងអ៊ីស្រាអែលទម្លាក់ខិត្តប័ណ្ណលើទីក្រុងហ្កាហ្សាជំរុញឲ្យពលរដ្ឋចាកចេញទៅភាគខាងត្បូង
09/29/2025 08:09 PM
Facebook Telegram Linkin
ហុងគ្រីបានបិទគេហទំព័រព័ត៌មានអ៊ុយក្រែនចំនួន ១២ ជាវិធានការសងសឹក
09/29/2025 08:09 PM
Facebook Telegram Linkin
នាយករដ្ឋមន្ត្រីស៊ុយអែត៖ រុស្ស៊ីទំនងជានៅពីក្រោយយានដ្រូនបង្ហោះនៅអាកាសយានដ្ឋាន
09/29/2025 08:09 PM
Facebook Telegram Linkin
កម្ពុជា ចូលរួមកិច្ចប្រជុំ ចំនួន ៤ ក្នុង កិច្ចប្រជុំរដ្ឋមន្ត្រីសេដ្ឋកិច្ចអាស៊ានលើកទី ៥៧ នៅម៉ាឡេស៊ី
09/29/2025 07:09 PM
Facebook Telegram Linkin
សំណុំផ្សែងត្រូវបានមើលឃើញពីតំបន់ភាគខាងត្បូងអ៊ីស្រាអែលផុសពីលើតំបន់ហ្កាហ្សា
09/29/2025 07:09 PM
Facebook Telegram Linkin
ចិនចុះហត្ថលេខាលើកិច្ចព្រមព្រៀងជាមួយហ្សំប៊ី និងតង់សានី ដើម្បីកែលម្អផ្លូវរថភ្លើងតម្លៃ ១,៤ពាន់លានដុល្លារ
09/29/2025 07:09 PM
Facebook Telegram Linkin
មនុស្សត្រូវបានសង្រ្គោះ ក្រោយពេលភ្លៀងធ្លាក់ខ្លាំងជន់លិចតំបន់ភាគឦសានអេស្ប៉ាញ
09/29/2025 07:09 PM
Facebook Telegram Linkin
លោក Zelenskyy ព្រមានថា រុស្ស៊ីប្រើ «កងនាវាស្រមោល» នៅបាល់ទិក ដើម្បីបាញ់បង្ហោះយានដ្រូន
09/29/2025 07:09 PM
Facebook Telegram Linkin
បេសកជនអាមេរិក៖ អ៊ុយក្រែនអាចត្រូវបានអនុញ្ញាតឲ្យវាយចូលជ្រៅទៅក្នុងដែនដីរុស្ស៊ី
09/29/2025 07:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.