BTV NEWS

ស្ពានមិត្តភាពកម្ពុជា-ចិន មេគង្គក្រចេះ នឹងបន្តបើកឱ្យឆ្លងកាត់រហូតដល់ថ្ងៃទី១ ខែតុលា ឆ្នាំ២០២៥ ដោយសារទឹកទន្លេបន្តហក់ឡើង និងដើម្បីជួយសម្រួលដល់ការធ្វើដំណើររបស់បងប្អូនប្រជាពលរដ្ឋ

គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

នយោបាយ និង ការអភិវឌ្ឍន៍

សម្ដេចតេជោ ហ៊ុន សែន អញ្ជើញដឹកនាំកិច្ចប្រជុំគណៈរដ្ឋមន្ដ្រី ដើម្បីពិភាក្សា និងឆ្លងរបៀបវារៈមួយចំនួន

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ដ្រី នៅព្រឹកថ្ងៃសុក្រ ទី១៩ ខែឧសភា ឆ្នាំ២០២៣នេះ បានអញ្ជើញដឹកនាំកិច្ចប្រជុំពេញអង្គគណៈរដ្ឋមន្ដ្រី ដើម្បីពិភាក្សា និងឆ្លងរបៀបវារៈមួយចំនួន នៅវិមានសន្ដិភាព។ របៀបវារៈដែលត្រូវដាក់ឆ្លងក្នុងកិច្ចប្រជុំពេញអង្គនៅព្រឹកនេះរួមមាន៖ ១- សេចក្តីព្រាងច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម២- សេចក្តីព្រាងច្បាប់ស្តីពីវិធានដើមកំណើតទំនិញ៣- របាយការណ៍ស្តីពីកិច្ចប្រជុំរបស់គណៈកម្មការអន្តរក្រសួងដើម្បីសិក្សា និងអនុវត្តគម្រោងនាវាចរណ៍ និងប្រព័ន្ធភស្តុភារកម្មទន្លេបាសាក់៤- បញ្ហាផ្សេងៗ។សូមបញ្ជាក់ថា ច្បាប់ស្ដីពី«អត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម» មានវិសាលភាពអនុវត្តចំពោះជនគ្រប់រូប ដែលរស់នៅលើទឹកដីនៃព្រះរាជាណាចក្រកម្ពុជា និងប្រជាពលរដ្ឋខ្មែរដែលរស់នៅបរទេសផងដែរ៕

អង្គភាពព័ត៌មាន និងប្រតិកម្មរហ័ស៖ «ស៊ីហ្គេមលើកទី៣២ គឺជាព្រឹត្តិការណ៍រំលេចពីអច្ឆរិយភាពនៃកម្ពុជា»

នៅថ្ងៃទី១៩ ខែឧសភា ឆ្នាំ២០២៣នេះ អង្គភាពព័ត៌មាន និងប្រតិកម្មរហ័ស នៃទីស្តីការគណៈរដ្ឋមន្ត្រីបានបញ្ចេញផ្សាយវីដេអូផ្លូវការថ្មីដ៏លេចធ្លោរមួយក្រោមចំណងជើងថា «ស៊ីហ្គេម លើកទី៣២ គឺជាព្រឹត្តិការណ៍រំលេចពីអច្ឆរិយភាព នៃកម្ពុជា »។ វីដេអូនេះ គឺជាការសរុបនៃព្រឹត្តិការណ៍ដ៏មហាស្ចារ្យដែលបានកើតមាននៅកម្ពុជាទឹកដីសុវណ្ណភូមិដ៏ប្រណិត។ខ្លឹមសារ នៃវីដេអូដ៏ពិសេសនេះបានប្រាប់ពិភពលោកថា «កម្ពុជា ព្រះរាជាណាចក្រអច្ឆរិយៈ (Kingdom of Wonder) បានបង្ហាញនូវរូបភាពកាន់តែច្បាស់តាមរយៈព្រឹត្តិការណ៍ស៊ីហ្គេម លើកទី៣២ ដែលកម្ពុជាធ្វើជាម្ចាស់ផ្ទះ។ ការរៀបចំបានយ៉ាងល្អប្រសើរដែលមិននឹកស្មាន ដល់នេះ ពិតជាបានធ្វើឲ្យបរទេសលាន់មាត់គ្រប់ៗគ្នាថា “Amazing” ដែលមានន័យជាភាសាខ្មែរថា «អស្ចារ្យ»។ ភាពអស្ចារ្យរបស់កម្ពុជាដែលបានស្តែងឡើង តាមរយៈការរៀបចំធ្វើជាម្ចាស់ផ្ទះ នៃកីឡាស៊ីហ្គេមមានច្រើនទម្រង់ ហើយដែលជនបរទេសក៏មានការភ្ញាក់ផ្អើលយ៉ាងខ្លាំងដោយមិននឹកស្មានថា ការទទួលធ្វើជាម្ចាស់ផ្ទះជាលើកដំបូងរបស់កម្ពុជាអាចធ្វើបានល្អដល់ម្លឹងសោះ។ មហាទស្សនីយភាពដែលលើកយកមកសម្តែងក្នុងពិធីនោះ មិនត្រឹមតែមានរូបភាពគួរឲ្យស្ញប់ស្ញែងប៉ុណ្ណោះទេ ប៉ុន្តែវាក៏មានអត្ថន័យយ៉ាងជ្រាលជ្រៅ ចាក់ដោតចំបេះដូងខ្មែរគ្រប់រូបឲ្យបានឃើញពីអច្ឆរិយភាព នៃដូនតារបស់ខ្លួនពីអតីតកាល ដោយមិនភ្លេចពីការដឹកនាំដ៏ឈ្លាសវៃរបស់ប្រមុខដឹកនាំខ្មែរបច្ចុប្បន្នដែលអាចធ្វើឲ្យប្រទេសជាតិមានសុខសន្តិភាព និងការអភិវឌ្ឍយ៉ាងសម្បើមបន្ទាប់ពីបានឆ្លងកាត់ដំណាក់កាលភ្លើងសង្គ្រាម របបប្រល័យពូជសាសន័ ប៉ុល ពត និងការបែកបាក់ជាតិអស់ជាច្រើនទសវត្សរ៍។ភាពអស្ចារ្យរបស់កម្ពុជាក៏បានស្តែងឡើងតាមរយៈសមត្ថភាពដែលមិនស្មានដល់របស់អត្តពលិកខ្មែរដែលអាចដណ្តើមបានមេដាយរហូតដល់ ២៨២គ្រឿងក្នុងនោះមានមេដាយមាសរហូតដល់ ៨១គ្រឿង, មេដាយប្រាក់៧៤គ្រឿង និងមេដាយសំរឹទ្ធចំនួន ១២៧រឿង។ នេះគឺជាកំណត់ត្រាប្រវត្តិសាស្ត្រថ្មីរបស់ព្រះរាជាណាចក្រកម្ពុជាក្នុងសតវត្សរ៍ទី២១។ កំណត់ត្រានេះពិតជាបានបង្ហាញអំពីសក្តានុពលដ៏អស្ចារ្យ នៃវិស័យកីឡាកម្ពុជា។ក្នុងការធ្វើជាម្ចាស់ផ្ទះកីឡាស៊ីហ្គេមលើកដំបូងឆ្នាំ ២០២៣ បន្ទាប់ពីខកខានអស់រយៈពេល ៦៤ ឆ្នាំ កម្ពុជាក៏បានធ្វើឲ្យពិភពលោកមានការភ្ញាក់ផ្អើលដោយសារតែព្រះរាជាណាចក្រដ៏តូចច្រឡឹងមួយនេះបានបង្កើតប្រវត្តិសាស្ត្រថ្មីក្នុងវិស័យកីឡាស៊ីហ្គេម នោះគឺការទទួលអត្តពលិកបរទេសដោយមិនគិតប្រាក់ ទាំងអាហារ ការស្នាក់នៅ និងដឹកជញ្ជូន។ ចំណែកឯសំបុត្រចូលទស្សនា និងការផ្សព្វផ្សាយក៏រាជរដ្ឋាភិបាលកម្ពុជាបានសម្រេចមិនយកប្រាក់សូម្បីតែមួយសេន ពោលគឺកម្ពុជាបានបង្កើតប្រវត្តិសាស្ត្រថ្មីដែលភាសាបរទេសហៅថា Free Games ក្រោមស្មារតី «ប្រទេសតូច តែបេះដូងធំ»។ទន្ទឹមនឹងភាពអស្ចារ្យដែលបានបង្ហាញឲ្យឃើញ ព្រឹត្តិការណ៍កីឡាស៊ីហ្គេមលើកទី៣២ដែលកម្ពុជាធ្វើជាម្ចាស់ផ្ទះមានអត្ថន័យច្រើនយ៉ាងណាស់សម្រាប់ប្រជាជាតិខ្មែរទាំងមូល ក្នុងនោះអត្ថន័យដ៏លេចធ្លោរចំនួនពីរ គឺសន្តិភាពនិងការអភិវឌ្ឍន៍ បាននិងកំពុងផ្តល់ផលជាក់ស្តែងជូនដល់ប្រទេសជាតិ និងប្រជាពលរដ្ឋខ្មែរ។ បើគ្មានសន្តិភាព គ្មានការអភិវឌ្ឍន៍ហេដ្ឋារចនាសម្ព័ន្ធ និងគ្មានការកើនឡើង នៃជីវភាពរបស់ប្រជាពលរដ្ឋខ្មែរទេនោះ កម្ពុជាក៏មិនអាចរៀបចំព្រឹត្តិការណ៍ស៊ីហ្គេមបែបនេះបានដែរ។ ស្មារតីជាតិ សាមគ្គីភាពនិឯកភាពផ្ទៃក្នុងរវាងខ្មែរនិងខ្មែរបានស្តែងឡើងយ៉ាងច្បាស់នៅក្នុងព្រឹត្តិការណ៍ស៊ីហ្គេម លើកទី៣២នេះ តាមរយៈការគាំទ្រ និងសាទរយ៉ាងគគ្រឹកគគ្រេងពីសំណាក់ប្រជាពលរដ្ឋគ្រប់មជ្ឈដ្ឋានទាំងក្នុង និងក្រៅប្រទេស ក្រោមស្មារតី «ខ្មែរអាចធ្វើបាន»។ សូមទស្សនាវីដេអូ៖ https://t.me/btvnewscambodia/94932

គម្រោងផ្លូវល្បឿនលឿនភ្នំពេញ-បាវិត ឈានដល់ចុះហត្ថលេខាលើកិច្ចសន្យាជាដៃគូររវាងរដ្ឋ និងឯកជន

ភ្នំពេញ៖ គម្រោងសាងសង់ផ្លូវល្បឿនលឿនភ្នំពេញ-បាវិត មកដល់ពេលនេះ បានឈានដល់ដំណាក់កាលចុះហត្ថលេខាលើកិច្ចសន្យាជាដៃគូររវាងរដ្ឋ និងឯកជន ដែលគម្រោងសាងសង់ផ្លូវល្បឿនលឿនទី២ របស់កម្ពុជានេះ រដ្ឋនឹងសាងសង់ស្ពានធំ១ សម្រាប់ឆ្លងទន្លេមេគង្គ និងឯកជនសាងសង់ផ្លូវដែលមានប្រវែងប្រមាណ ១៣៥គីឡូម៉ែត្រ។ឯកឧត្ដមទេសរដ្ឋមន្ដ្រី ស៊ុន ចាន់ថុល រដ្ឋមន្ដ្រីក្រសួងសាធារណការ និងដឹកជញ្ជូន ថ្លែងថា គម្រោងសាងសង់ផ្លូវល្បឿនលឿនភ្នំពេញ-បាវិត បានឈានដល់ដំណាក់កាលចុះហត្ថលេខាលើកិច្ចសន្យាជាដៃគូររវាងរដ្ឋ និងឯកជន ដើម្បីចាប់ផ្ដើមសាងសង់ រដ្ឋនឹងសាងសង់ស្ពានឆ្លងទន្លេមេគង្គភ្ជាប់ផ្លូវក្រវាត់ក្រុងទី៣ និងក្រុមហ៊ុនឯកជនត្រូវចេញថវិកាសាងសង់ផ្លូវបន្ត។នេះបើតាមឯកឧត្ដម ថ្លែងប្រាប់អ្នកសារព័ត៌មាន បន្ទាប់ពីឯកឧត្ដមអញ្ជើញក្នុងពិធីចុះហត្ថលេខាលើកិច្ចសន្យាជាដៃគូររវាងរដ្ឋ និងឯកជន ជាមួយ លោក Zhou Yong តំណាងក្រុមហ៊ុនសាជីវកម្មថ្នល់ និងស្ពានចិន នាព្រឹកថ្ងៃទី១៨ ខែឧសភា ឆ្នាំ២០២៣ នាទីស្ដីការក្រសួងសាធារណការ និងដឹកជញ្ជូន។ឯកឧត្ដមទេសរដ្ឋមន្ដ្រី ស៊ុន ចាន់ថុល បានបន្ថែមថា ការសាងសង់ផ្លូវល្បឿនលឿនភ្នំពេញ បាវិត មានសារៈសំខាន់ណាស់សម្រាប់កម្ពុជា ដោយសារកម្ពុជាជាប្រទេសនៅចំកណ្ដាលមហាអនុតំបន់មេគង្គ ដែលមានកម្ពុជា ឡាវ ថៃ វៀតណាម ភូមា និងចិន។ ប្រទេសថៃ និងវៀតណាម បានធ្វើពាណិជ្ជកម្មរាប់ពាន់លានក្នុងមួយឆ្នាំ ប៉ុន្តែមិនបានដឹកទំនិញឆ្លងកាត់កម្ពុជាទេ ដោយប្រើផ្លូវផ្សេង ប៉ុន្តែនៅពេលកម្ពុជាសាងសង់ល្បឿនលឿនទី២នេះរួចរាល់ ផ្លូវជាតិលេខ៥ ពីប៉ោយប៉ែតមកភ្នំពេញ នឹងអាចក្លាយជាផ្លូវសេដ្ឋកិច្ចដ៏សំខាន់សម្រាប់ប្រទេសថៃ ដឹកទំនិញឆ្លងកាត់ឡើងមកផ្លូវល្បឿនលឿនភ្នំពេញ-បាវិត ឆ្ពោះទៅកាន់ប្រទេសវៀតណាមបាន ពេលនោះកម្ពុជានឹងក្លាយជាឃ្លាំងស្តុកទុក និងបង្កើតការងារជួយពលរដ្ឋកម្ពុជាបានថែមទៀត។ ដូច្នេះហើយទើបរាជរដ្ឋាភិបាលកម្ពុជា ខិតខំជំរុញកិច្ចការនេះ និងចាប់ដំណើរការឱ្យបានឆាប់។គម្រោងផ្លូវល្បឿនលឿនភ្នំពេញ-បាវិត ត្រូវបានឯកភាពគ្នាជាគោលការណ៍ ក្រោមកិច្ចព្រមព្រៀង PPP ដែលបានចុះហត្ថលេខានាឱកាសនេះ មានប្រវែងប្រមាណ ១៣៥គីឡូម៉ែត្រ សាងសង់ជា៤ គន្លង ដោយឆ្លងកាត់ខេត្តកណ្តាល ខេត្តព្រៃវែង និងខេត្តស្វាយរៀង។សាងសង់ជាមួយទុនវិនិយោគប្រមាណ ១,៣៥ ពាន់លានដុល្លារអាមេរិក និងរយៈពេលសាងសង់៤ឆ្នាំ ក្រោមទម្រង់វិនិយោគសាងសង់-ប្រតិបត្តិការ-ផ្ទេរ ហៅកាត់ថា BOT ដូចគ្នាទៅនឹងគម្រោងផ្លូវល្បឿនលឿនភ្នំពេញ-ព្រះសីហនុដែរ ហើយក្រុមហ៊ុននឹងប្រត្តិបត្តិការរយៈពេល៥០ឆ្នាំ មុនពេលផ្ទេរជូនរាជរដ្ឋាភិបាល។គម្រោងផ្លូវល្បឿនលឿនខ្សែទី២ ភ្នំពេញ-បាវិតនេះ នឹងប្រារព្ធពិធីបើកការដ្ឋានជាផ្លូវការនៅថ្ងៃទី០៧ ខែមិថុនា ឆ្នាំ២០២៣ ក្រោមអធិបតីភាពដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ខណៈដែលគម្រោងផ្លូវល្បឿនលឿនខ្សែទី៣ ភ្នំពេញ-សៀមរាប គ្រោងនឹងបញ្ចប់ការសិក្សាសមិទ្ធិលទ្ធភាពនៅចុងខែឧសភានេះ ហើយគ្រោងនឹងចុះអនុស្សារណៈនៃការយោគយល់ក្នុងពេលឆាប់ៗនេះផងដែរ៕អត្ថបទ ៖ ប្រាក់ វ៉ាន់ដា

កម្ពុជាបិទបញ្ចប់ព្រឹត្តិការស៊ីហ្គេមដោយជោគជ័យ និងពុំមានឧបទ្ទវហេតុណាមួយកើតឡើងឡើយ

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្រ្ដីនៃកម្ពុជា បានអបអរសាទរលទ្ធផលជោគជ័យប្រកបដោយមោទនភាពជាមួយប្រជាពលរដ្ឋនូវទូទាំងប្រទេសកម្ពុជា ចំពោះលទ្ធផលនៃការរៀបចំព្រឹត្តិការណ៍កីឡាស៊ីហ្គេមលើកទី៣២ នៅកម្ពុជា ប្រកបដោយភាពជោគជ័យ ទាំងក្នុងពេលបើក ក្នុងពេលប្រកួតកីឡា និងអំឡុងពេលបិទព្រឹត្តិការណ៍ គឺពុំមានឧបទ្ទវហេតុធ្ងន់ធ្ងរណាមួយកើតឡើងចំពោះប្រជាពលរដ្ឋ ប្រតិភូកីឡា និងក្រុមអត្តពលិកមកពីបណ្ដាប្រទេសនានានោះទេ។សម្តេចតេជោ ហ៊ុន សែន បានថ្លែងអបអរសាទរបែបនេះ នាឱកាសអញ្ជើញជាអធិបតីពិធីប្រគល់សញ្ញាបត្រដល់និស្សិតពេទ្យបញ្ចប់ការសិក្សា ពីសាកលវិទ្យាល័យវិទ្យាសាស្ត្រសុខាភិបាលជាង ១ ពាន់នាក់ នាព្រឹកថ្ងៃទី១៨ ខែឧសភា ឆ្នាំ២០២៣នេះ នៅសណ្ឋាគារសុខាភ្នំពេញ។សម្ដេចតេជោ បានមានប្រសាសន៍ថា កម្ពុជាបានបិទបញ្ចប់ដោយជោគជ័យនៅការប្រកួតស៊ីហ្គេមកាលពីល្ងាចថ្ងៃទី១៧ ខែឧសភា ឆ្នាំ២០២៣ ម្សិលមិញនេះ ហើយក្រុមប្រតិភូកីឡា កីឡាករ កីឡាការិនី ដែលបានមកចូលរួមពីបណ្ដាប្រទេសអាស៊ាននានា ក៏បានត្រលប់ទៅដល់ប្រទេសរបស់ខ្លួនវិញប្រកបដោយសុវត្ថិភាពផងដែរ។ ក្រៅពីនេះ ក៏មានប្រតិភូកីឡា អត្តពលិក និងអ្នកគាំទ្របរទេសតិចតួចបន្តកម្សាន្តនៅតាមតំបន់ទេសចរណ៍មួយចំនួននៅក្នុងប្រទេសកម្ពុជា។សូមជម្រាបថា កម្ពុជាបានធ្វើពិធី បិទព្រឹត្តិការណ៍ស៊ីហ្គេមលើកទី៣២ ដែលកម្ពុជាបានធ្វើជាម្ចាស់ កាលពីល្ងាចថ្ងៃទី១៧ ខែឧសភា ឆ្នាំ២០២៣ នៅពហុកីឡដ្ឋានជាតិមរតកតេជោ ក្រោមអធិបតីភាព សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន។ ពិធីនេះ ក៏មានការអញ្ជើញចូលរួមពីថ្នាក់ដឹកនាំកីឡាជាតិ អន្តរជាតិ ប្រតិភូកីឡាទាំង ១១ ប្រទេស ព្រមទាំងភ្ញៀវជាតិ អន្តរជាតិមហាជនសរុបប្រមាណជាង ៦ ម៉ឺននាក់។បន្ទាប់ពីកម្ពុជាបិទបញ្ចប់កាតព្វកិច្ចម្ចាស់ផ្ទះស៊ីហ្គេមលើកទី៣២ កម្ពុជាក៏បានប្រគល់ទង់ស៊ីហ្គេមទៅឲ្យព្រះរាជាណាចក្រថៃ ដើម្បីបន្តរៀបចំព្រឹត្តិការណ៍ស៊ីហ្គេមលើកទី៣៣ នៅឆ្នាំ២០២៥ ខាងមុខផងដែរ៕អត្ថបទ៖វ៉ន ដារ៉ា

សម្ដេចតេជោ ណែនាំឱ្យចងក្រងទុកជាឯកសារនូវសកម្មភាពគ្រប់គ្រងកូវីដ-១៩ ដោយជោគជ័យនៅកម្ពុជា

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្រ្ដីនៃកម្ពុជា បានណែនាំដល់ភាគីពាក់ព័ន្ធឱ្យធ្វើការចងក្រងទុកជាឯកសាររាល់សកម្មភាព ការអនុវត្តការងារផ្សេងរបស់កម្ពុជាក្នុងការគ្រប់គ្រងជំងឺកូវីដ-១៩ ប្រកបដោយភាពជោគជ័យ ខណៈកាលពីជំងឺនេះរាតត្បាតដំបូងប្រទេសកម្ពុជា ឡាវ និងប្រទេសមានការអភិវឌ្ឍតិចតួចមួយចំនួនទៀតត្រូវបានសារព័ត៌មានអន្តរជាតិមួយចំនួន វាយប្រហារថាមានវិស័យសុខាភិបាលខ្សោយមិនអាចគ្រប់គ្រងការឆ្លងរីករាលដាលជំងឺនេះបាន។ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានមានប្រសាសន៍ណែនាំបែបនេះ ក្នុងឱកាសអញ្ជើញជាអធិបតីពិធីប្រគល់សញ្ញាបត្រដល់និស្សិតពេទ្យបញ្ចប់ការសិក្សា ពីសាកលវិទ្យាល័យវិទ្យាសាស្ត្រសុខាភិបាលជាង ១ ពាន់នាក់ នាព្រឹកថ្ងៃទី១៨ ខែឧសភាឆ្នាំ២០២៣នេះ នៅសណ្ឋាគារសុខាភ្នំពេញ។សម្តេចតេជោ បញ្ជាក់ថា បច្ចុប្បន្នប្រទេសកម្ពុជា ក៏បានក្លាយជាកន្លែងសម្រាប់ប្រទេសធំៗមួយចំនួននៅលើពិភពលោក ចុះមកធ្វើការសិក្សាស្រាវជ្រាវលើការអនុវត្តយន្តការសុខាភិបាល ដើម្បីលុបបំបាត់ជំងឺមួយចំនួនដោយជោគជ័យ ក្នុងនោះមានដូចជាជំងឺគ្រុនស្វិតដៃជើងជាដើម ខណៈបច្ចុប្បន្នកម្ពុជាក៏កំពុងអនុវត្តយន្តការដើម្បីលុបបំបាត់ជំងឺគ្រុនចាញ់ និងជំងឺមួយចំនួនទៀតឱ្យអស់ពីប្រទេសកម្ពុជាផងដែរ។ សម្តេចតេជោ ក៏បានកោតសរសើរដល់និស្សិតពេទ្យ ដែលក្នុងពេលកម្ពុជា ប្រឈមនឹងជំងឺរាតត្បាតកូវីដ-១៩ ក្រុមនិស្សិតពេទ្យ បានស្ម័គ្រចិត្តចូលរួមធ្វើកិច្ចការងារតាមជំនាញរៀងៗខ្លួន ដើម្បីចូលរួមប្រយុទ្ធប្រឆាំងនឹងជំងឺនេះជួយដល់ប្រជាពលរដ្ឋទូទាំងប្រទេសរហូតទទួលបានការប្រសិទ្ធនាមថា «កងទ័ពអាវស»។គួរបញ្ជាក់ថា ការគ្រប់គ្រងបានដោយជោគជ័យនូវសមរភូមិកូវីដ-១៩ នៅកម្ពុជា និងសមិទ្ធផលដ៏ធំធេងជាច្រើន គឺកើតចេញពីការដឹកនាំប្រកបដោយស្មារតីបុរេសកម្ម ចក្ខុវិស័យវែងឆ្ងាយឈ្លាសវៃរបស់សម្តេចតេជោ ហ៊ុន សែន ដោយ រក្សាបានសន្តិភាព ស្ថិរភាពនយោបាយ សន្តិសុខសណ្តាប់ធ្នាប់ និងសុវត្ថិភាពសង្គម រក្សាកំណើនសេដ្ឋកិច្ច លំនឹងជីវភាពប្រជាជន ការលើកកម្ពស់កិត្យានុភាពកម្ពុជានៅលើឆាកតំបន់ និងអន្តរជាតិតាមរយៈនយោបាយការបរទេស ឯករាជ្យដោយផ្អែកលើច្បាប់៕ អត្ថបទ៖ វ៉ន ដារ៉ា

សម្ដេចតេជោ ហ៊ុន សែន បង្ហាញមោទកភាពដែលកម្ពុជាបានវិនិយោគច្រើនលើវិស័យសុខាភិបាល

ភ្នំពេញ៖ នៅព្រឹកថ្ងៃទី១៨ ខែឧសភាឆ្នាំ២០២៣សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានអញ្ជើញជាអធិបតីក្នុងពិធីប្រគល់សញ្ញាបត្រដល់ និស្សិតពេទ្យបញ្ចប់ការសិក្សាពីសាកលវិទ្យាល័យវិទ្យាសាស្ត្រសុខាភិបាលជាង ១ពាន់នាក់។ ក្នុងពិធីនេះ ប្រគល់សញ្ញាបត្រនៅសណ្ឋាគារសុខាភ្នំពេញសម្ដេចតេជោ ហ៊ុន សែន បានបង្ហាញនូវមោទនភាពដែលរាជរដ្ឋាភិបាលកម្ពុជា បានវិនិយោគជាច្រើនទៅលើវិស័យសុខាភិបាល។ជាមួយនឹងការថ្លែងសរសើរចំពោះក្រសួងសុខាភិបាល សាកល វិទ្យាល័យសុខាភិបាល សាស្ត្រាចារ្យ និងនិស្សិតជ័យលាភី ដែលសម្រេចបានជោគជ័យលើការបណ្តុះបណ្តាលធនធានមនុស្ស សម្តេចតេជោ បានរំលឹកថា វាច្បាស់ណាស់ថាបើយើងវិលត្រឡប់ ទៅមើលរូបភាពដើមដេកស្ថានភាពសង្គមសេដ្ឋកិច្ច កម្ពុជា ជាពិសេសសុខភាពប្រជាជនរបស់យើងគួរឱ្យសង្វេកកាលពីពេលនោះ ប៉ុន្តែឥឡូវយើងបានដើរឆ្ងាយចេញពីកន្លែងដែលយើងធ្លាប់លំបាក ប៉ុន្តែវាមិនទាន់អស់ទេ នៅមានរឿងច្រើនដែលយើងត្រូវដោះស្រាយ។សូមបញ្ជាក់ថា សាកលវិទ្យាល័យវិទ្យាសាស្ត្រសុខាភិបាល គឺជាគ្រឹះស្ថានអប់រំមួយរបស់រដ្ឋបណ្តុះ បណ្តាលចំណេះជំនាញផ្នែកសុខាភិបាល។ សាកលវិទ្យាល័យវិទ្យាសាស្រ្ត សុខា ភិបាល ទទួលបានការទទួលស្គាល់គុណភាពពេញសិទ្ធិរយៈពេល០៥ឆ្នាំ ពីឆ្នាំ ២០១៩ ដល់ឆ្នាំ២០២៣ ពីគណៈកម្មការទទួលស្គាល់គុណភាពអប់រំនៅកម្ពុជា។ចាប់តាំងពីឆ្នាំ១៩៨០ មកដល់បច្ចុប្បន្ននេះ និស្សិតដែលបានបញ្ចប់ការសិក្សា ដោយ ជោគជ័យពីសាកលវិទ្យាល័យវិទ្យាសាស្រ្តសុខាភិបាលមានចំនួន ជាង៣ម៉ឺននាក់ ។ គិតមកដល់ពេលបច្ចុប្បន្ននេះ សាកលវិទ្យាល័យបានបញ្ជូននិស្សិតចំនួន ១,២០៧ នាក់ ទៅធ្វើកម្មសិក្សា និងបន្តសិក្សាថ្នាក់បរិញ្ញាបត្រជាន់ខ្ពស់ ថ្នាក់វេជ្ជបណ្ឌិត ឯកទេស និងបណ្ឌិតនៅក្រៅប្រទេសដូចជា នៅបារាំង បែលហ្សិក អាមេរិក អូស្ត្រាលី ជប៉ុន និងកូរ៉េផងដែរ។ទន្ទឹមនឹងនោះ សាកលវិទ្យាល័យក៏បានទទួលនិសិ្សតបរទេសជិត ១,០០០នាក់ មកធើ្វកម្មសិក្សារយៈពេលខ្លីនៅកម្ពុជាផងដែរ។ តាមរយៈកម្មវិធីថ្នាក់ បណ្តុះបណ្តាល រួមគ្នា រវាងសាកលវិទ្យាល័យវិទ្យាសាស្រ្តសុខាភិបាល និងសាកលវិទ្យាល័យ Paris Saclay នៃប្រទេសបារាំង ចាប់តាំងពីឆ្នាំ២០១៩មក សាកលវិទ្យាល័យ បានទទួល និស្សិតបរទេស មកសិក្សានៅសាកលវិទ្យាល័យវិទ្យាសាស្រ្តសុខាភិបាល បានចំនួន ៣១នាក់ ដែលមកពីប្រទេសបារាំង អេស្បាញ ព័រទុយហ្គាល់ ស៊ុយអែត ស្វីស កូរ៉េ ឥណ្ឌា ហា្គណា កាម៉េរូន បង់ក្លាដេស ម៉ារ៉ុក ប៉ាគីស្ថាន ឥណ្ឌូនេស៊ី ហ្វីលីពីន និងថៃ៕អត្ថបទ៖ មុត សុទ្ធ

ការស្ទង់មតិរបស់ទូរទស្សន៍CGTN ៖ការកើនឡើងចំនួនប្រជាជនពិភពលោកជួយដល់ការងាររបស់ចិនលើអរិយធម៌អេកូឡូស៊ី

ចិន៖ កាលពី៥ឆ្នាំមុន លោក Xi Jinping ប្រធានាធិបតីចិនបានប្រកាសពីគោលការណ៍ទូទៅនៃអរិយធម៌អេកូឡូស៊ីក្នុងយុគសម័យថ្មី ដោយសង្កត់ធ្ងន់លើការផ្តល់ផលិតផលអេកូប្រកបដោយគុណភាពបន្ថែមទៀត ដើម្បីបំពេញតាមការរំពឹងទុករបស់ប្រជាជនសម្រាប់បរិស្ថានអេកូដ៏ស្រស់ស្អាត។យោងតាមការស្ទង់មតិដែលធ្វើឡើងដោយទូរទស្សន៍រដ្ឋចិន CGTN សម្រាប់អ្នកប្រើប្រាស់អ៊ីនធឺណិតទូទាំងពិភពលោក ជាង ៩១,៦ %នៃអ្នកឆ្លើយតបបានគាំទ្រខ្លាំងចំពោះកិច្ចខិតខំប្រឹងប្រែងរបស់ប្រទេសចិនក្នុងការគ្រប់គ្រងបរិស្ថាន និងការអភិរក្សនិងគាំទ្រជាទូទៅចំពោះការតស៊ូមតិផ្នែកបរិស្ថានរបស់ប្រទេសចិន។ប្រទេសចិន បានលាយបញ្ចូលគ្នាយ៉ាងច្បាស់រវាងមនុស្សជាតិនិងធម្មជាតិចូលទៅក្នុងតម្រូវការដ៏សំខាន់នៃសម័យទំនើបរបស់ចិននិងបានលើកកម្ពស់ការអភិវឌ្ឍន៍បៃតងដើម្បីកសាងប្រទេសចិនឲ្យកាន់តែស្រស់ស្អាត។ ក្នុងរយៈពេលប៉ុន្មានឆ្នាំថ្មីៗនេះ ប្រទេសចិនមានការរីកចម្រើនយ៉ាងខ្លាំងក្នុងការគ្រប់គ្រងអេឡូស៊ី និងការអភិវឌ្ឍន៍បៃតង។ ការប្រមូលផ្តុំសន្ទស្សន៍គុណភាពខ្យល់ PM2,5 នៅក្នុងទីក្រុងធំៗរបស់ប្រទេសចិនបានធ្លាក់ចុះ ៥៦ % ក្នុងរយៈពេលមួយទសវត្សរ៍កន្លងមកនេះ ហើយចំនួនថ្ងៃដែលមានការបំពុលខ្លាំងបានថយចុះ៨៧%។ ការបំភាយកាបូនឌីអុកស៊ីតក្នុងមួយឯកតានៃផលិតផលក្នុងស្រុកសរុបត្រូវបានកាត់បន្ថយចំនួន៣៤.៤ % ហើយសមាមាត្រនៃផ្នែកគុណភាពលើផ្ទៃទឹកដ៏ល្អឈានដល់ ៨៧.៩%៕

កងកម្លាំងអែលសាល់វ៉ាឌ័រឡោមព័ទ្ធទីក្រុងនៅភាគខាងជើង បន្ទាប់ពីនគរបាលបានស្លាប់

អែលសាល់វ៉ាឌ័រ៖ ប្រធានាធិបតីអែលសាល់វ៉ាឌ័រ លោក Nayib Bukele បានថ្លែងកាលពីថ្ងៃពុធថា ទាហានយ៉ាងហោចណាស់ ៥.០០០នាក់ និងនគរបាលចំនួន ៥០០នាក់ ត្រូវបានដាក់ពង្រាយដើម្បីឡោមព័ទ្ធទីក្រុងមួយនៅភាគពាយព្យប្រទេស ក្នុងការខ្នះខ្នែង ដើម្បីចាប់ខ្លួនអ្នកនៅពីក្រោយក្រុមអន្ធពាលជាប់សង្ស័យពីបទសម្លាប់មន្រ្តីនគរបាល។អាជ្ញាធរសន្តិសុខ បានឲ្យដឹងថា មន្ត្រីរូបនេះត្រូវបានសម្លាប់ ក្នុងខណៈពេលកំពុងល្បាតក្នុងទីក្រុង Nueva Concepcion ចម្ងាយប្រហែល ៤២ម៉ាយល៍ (៦៧គីឡូម៉ែត្រ) ភាគពាយព្យនៃរដ្ឋធានី កាលពីថ្ងៃអង្គារ នៅក្នុងការវាយប្រហារដោយសមាជិកក្រុមអន្ធពាល។លោក Bukele បានសរសេរនៅលើបណ្ដាញសង្គម Twitter ថា៖ «តាំងពីព្រឹកព្រលឹមមក យើងបានកំណត់បរិវេណសន្តិសុខជុំវិញទីក្រុង Nueva Concepcion»។ លោកប្រធានាធិបតី បានបន្ថែមថា ការធ្វើបែបនេះនឹងអាចឲ្យស្វែងរកអ្នកដែលទទួលខុសត្រូវចំពោះឃាតកម្មនេះ ហើយរចនាសម្ព័ន្ធទាំងមូលនៃសមាជិកក្រុមអន្ធពាលនេះ និងអ្នករួមដៃនៅតែលាក់ខ្លួននៅទីនោះ។ប្រទេសអែលសាល់វ៉ាឌ័រ បានព្យួរសិទ្ធិតាមរដ្ឋធម្មនុញ្ញ នៅក្នុងអ្វីដែលហៅថាស្ថានភាពលើកលែង ដែលអនុញ្ញាតឲ្យនគរបាលចាប់ខ្លួន និងដាក់ពន្ធនាគារយ៉ាងឆាប់រហ័ស ចំពោះសមាជិកក្រុមអន្ធពាល ខណៈពេលដែលព្យួរសិទ្ធិរបស់ពួកគេ ក្នុងការមានមេធាវី និងការយល់ព្រមពីតុលាការ សម្រាប់ការឃុំខ្លួនបឋម។ជនសង្ស័យជាង ៦៨.០០០នាក់ ត្រូវបានចាប់ខ្លួនចាប់តាំងពីឆ្នាំមុន ហើយរាប់ពាន់នាក់ត្រូវបានបញ្ជូនទៅឃុំក្នុងពន្ធនាគារធំថ្មី។ ក្រុមសិទ្ធិមនុស្សលើកឡើងថា មនុស្សស្លូតត្រង់មួយចំនួនត្រូវបានចាប់ខ្លួន ដោយហេតុផលនយោបាយ ក្នុងនោះរួមទាំងមនុស្សរាប់សិបនាក់ បានស្លាប់នៅក្នុងមន្ទីរឃុំឃាំង៕

សហភាពអឺរ៉ុប បន្តដំណើរការវេទិកាក្រោយ Brexit សម្រាប់និយ័តករហិរញ្ញវត្ថុរបស់សហភាពអឺរ៉ុប និងចក្រភពអង់គ្លេស

អឺរ៉ុប៖ ស្ថាប័នប្រតិបត្តិរបស់សហភាពអឺរ៉ុប ឬEU បានឲ្យដឹង កាលពីថ្ងៃពុធថា ខ្លួនបានអនុម័តជាផ្លូវការនូវសេចក្តីព្រាងអនុស្សរណៈនៃការយោគយល់គ្នា ឬ MoU ដើម្បីអាចឲ្យនិយ័តករហិរញ្ញវត្ថុពីចក្រភពអង់គ្លេស និងប្លុកសហការគ្នាកាន់តែជិតស្និត ទោះបីជាមានការបញ្ឈប់ភ្លាមៗនៃការចូលទៅកាន់ទីផ្សារក៏ដោយ។ការចាកចេញរបស់អង់គ្លេសពីសហភាពអឺរុប (Brexit) បាននាំឲ្យវិស័យហិរញ្ញវត្ថុរបស់ខ្លួនមិនអាចចូលទៅក្នុងប្លុកបានដោយទូលំទូលាយទេ ដោយបង្កើនឲ្យមានការព្រួយបារម្ភខ្លាំងឡើងអំពីតួនាទីរបស់ទីក្រុងឡុងដ៍ ក្នុងនាមជាមជ្ឈមណ្ឌលហិរញ្ញវត្ថុពិភពលោក។គណៈកម្មការអឺរ៉ុប បានឲ្យដឹងកាលពីថ្ងៃពុធថា ខ្លួនបានអនុម័តលើសេចក្តីព្រាងអនុស្សរណៈនៃការយោគយល់គ្នា ឬ MoU នេះហើយ ទោះបីជាពង្រាងនេះ នៅតែត្រូវការការអនុម័តផ្នែកនយោបាយចុងក្រោយពីបណ្តាប្រទេសសហភាពអឺរ៉ុបក៏ដោយ។លោកស្រី Mairead McGuinness ស្នងការសេវាកម្មហិរញ្ញវត្ថុរបស់សហភាពអឺរ៉ុប បាននិយាយនៅក្នុងសេចក្តីថ្លែងការណ៍មួយថា៖ «ខ្ញុំមានទំនុកចិត្តថា ទំនាក់ទំនងរបស់យើង និងការចូលរួមនាពេលអនាគត នៅក្នុងសេវាកម្មហិរញ្ញវត្ថុ នឹងត្រូវបានបង្កើតឡើងនៅលើការប្តេជ្ញាចិត្តរួមគ្នា ក្នុងការរក្សាស្ថិរភាពហិរញ្ញវត្ថុ សមាហរណកម្មទីផ្សារ និងការការពារអ្នកប្រើប្រាស់ និងអ្នកវិនិយោគ»។អនុស្សរណៈនៃការយោគយល់គ្នា ឬ MoU នឹងបង្កើតវេទិកានិយតកម្មហិរញ្ញវត្ថុរួមសហភាពអឺរ៉ុប-ចក្រភពអង់គ្លេស (EU-UK) ដែលស្រដៀងទៅនឹងកិច្ចព្រមព្រៀងមានស្រាប់របស់សហភាពអឺរ៉ុប ឬ EU ជាមួយសហរដ្ឋអាមេរិក៕

អ្នកជំនាញUN និយាយថា រុស្ស៊ី និងចិនបញ្ជូនជំនួយដ៍គ្រោះថ្នាក់ទៅឲ្យយោធាមីយ៉ាន់ម៉ា

រុស្ស៊ី៖ អ្នកជំនាញអង្គការសហប្រជាជាតិបាននិយាយកាលពីថ្ងៃពុធនៅក្នុងរបាយការណ៍ថ្មីដែលបានបន្ទោស រុស្ស៊ីនិងចិន សម្រាប់ការផ្តល់ជំនួយដល់យុទ្ធនាការដ៏គ្រោះថ្នាក់របស់យោធាដើម្បីបំបាក់ក្រុមប្រឆាំងរបស់ខ្លួន ថាយោធារបស់សហភាពមីយ៉ាន់ម៉ា បាននាំចូលអាវុធមានតម្លៃយ៉ាងហោចណាស់១ពាន់លានដុល្លារ និងសម្ភារៈផ្សេងទៀតចាប់តាំងពីខ្លួនបានធ្វើរដ្ឋប្រហារក្នុងខែកុម្ភះ ឆ្នាំ២០២១។ចាប់តាំងពីយោធា ដណ្តើមអំណាច នឹងចាប់ដាក់ពន្ធនាគារនូវមេដឹកនាំលទ្ធិប្រជាធិបតេយ្យ ក្រុមអ្នកប្រឆាំងរបបយោធាមួយចំនួនបានចាប់កាន់អាវុធនៅតាមទីកន្លែងជាច្រើនដែលកំពុងចូលរួមជាមួយក្រុមប៉ះបោជនជាតិភាគតិច ហើយយោធាបានឆ្លើយតបវិញដោយការវាយប្រហារតាមអាកាស និងអាវុធធុនធ្ងន់ រួមទាំងនៅក្នុងតំបន់ជនស៊ីវិលរស់នៅ។ របាយការណ៍ដែលរៀបចំដោយលោក Tom Andrews អ្នករាយការណ៍ពិសេសរបស់អង្គការសហប្រជាជាតិស្តីពីស្ថានភាពសិទ្ធមនុស្សនៅមីយ៉ាន់ម៉ា បាននិយាយថា ឧទ្ធម្ភាគចក្រ Mi-35 យន្តហោះប្រយុទ្ធMIG-29 និងយន្តហោះធុនស្រាល Yak-130 ផលិតនៅរុស្ស៊ី និងយន្តហោះK-8 របស់ចិន ត្រូវបានប្រើប្រាស់ជាញឹកញាប់ដើម្បីវាយប្រហារតាមអាកាស ដែលបានបាញ់ទៅលើសាលារៀន មណ្ឌលវេជ្ជសាស្ត្រ លំនៅឋាន និងទីតាំងជនស៊ីវិលផ្សេងទៀត។របាយការណ៍បាននិយាយថា ក្នុងការវាយប្រហារតែមួយលើកទៅលើការជួបជុំ ដែលត្រូវបានរៀបចំដោយអ្នកប្រឆាំងរបបយោធាក្នុងតំបន់ Sagaing កាលពីថ្ងៃទី១១ ខែមេសា គ្រាប់បែក២គ្រាប់បានទម្លាក់ចេញពីយន្តហោះ Yak-130 បណ្តាលឲ្យមនសុ្សយ៉ាងហោចណាស់១៦០នាក់ស្លាប់ ដែលតាមសេចក្តីរាយការណ៍ រួមមានទាំងកុមារ៤០នាក់។យោធាមីយ៉ាន់ម៉ា បាននិយាយថា ខ្លួនកំពុងដាក់គោលដៅលើក្រុមប៉ះបោរ ហើយបន្ទាប់ពីការវាយប្រហារនៅតំបន់ Sagaing ពួកគេនិយាយថាជនស៊ីវិលដែលបានស្លាប់ប្រហែលជាអ្នកគាំទ្រក្រុមប្រឆំាង ដែលខ្លួនចាត់ទុកថាជា«ក្រុមភេរវជន»៕

បណ្ដាញសង្គម

ព័ត៌មានថ្មីៗ

កងកម្លាំង EUចុះប្រតិបត្តិការជួយសង្រ្គោះនាវាដោតទង់ជាតិហូឡង់នៅឈូងសមុទ្រអាដែន

មានកូដកម្មតវ៉ាបញ្ហាម៉ោងធ្វើការ នៅក្រិក ដោយនាំឲ្យសេវាកម្មស្រឡាង និងរថភ្លើងត្រូវបានផ្អាក

កម្ពុជាធ្វើជាម្ចាស់ផ្ទះនៃកិច្ចប្រជុំស្ដីពីដំណើរទៅកាន់គំនិតផ្ដួចផ្ដើមនូវយុទ្ធសាស្ត្រគ្រប់គ្រងពាណិជ្ជកម្មអាវុធមហាប្រល័យ

មេបញ្ជាការ IRGC បង្ហើបពីការបង្កើនសមត្ថភាពមីស៊ីល នាពេលខាងមុខ

ប្រធានាធិបតីនីហ្សេរីយ៉ាប្រកាសថ្ងៃដ៏អាក្រក់បំផុតបានកន្លងផុតទៅ ខណៈការលំបាកនៅតែមាន

វ៉េណេហ្ស៊ុយអេឡា ផ្តល់សច្ចាប័នលើកិច្ចព្រមព្រៀងស្តីពីភាពជាដៃគូយុទ្ធសាស្ត្រ ជាមួយរុស្ស៊ី

ជនប៉ាឡេស្ទីនជម្លៀសខ្លួន បោះជំរំបណ្តោះអាសន្នលើចិញ្ចើមផ្លូវនៅភាគកណ្តាលតំបន់ហ្កាហ្សា

ប្រភព៖ ក្រុមហាម៉ាស ចាប់ផ្តើមការពិគ្រោះយោបល់ផ្ទៃក្នុង ដើម្បីសិក្សាផែនការសន្តិភាព Gaza របស់លោក Trump

ឥណ្ឌា និងរុស្ស៊ីនឹងធ្វើសមយុទ្ធកងកម្លាំងជើងគោករួមគ្នា Indra 2025

ក្រុមតាលីបង់ ច្រានចោលរបាយការណ៍អំពីការហាមប្រាមអ៊ីនធឺណិត នៅអាហ្វហ្គានីស្ថាន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្ដេចតេជោ ហ៊ុន សែន អញ្ជើញដឹកនាំកិច្ចប្រជុំគណៈរដ្ឋមន្ដ្រី ដើម្បីពិភាក្សា និងឆ្លងរបៀបវារៈមួយចំនួន

អង្គភាពព័ត៌មាន និងប្រតិកម្មរហ័ស៖ «ស៊ីហ្គេមលើកទី៣២ គឺជាព្រឹត្តិការណ៍រំលេចពីអច្ឆរិយភាពនៃកម្ពុជា»

គម្រោងផ្លូវល្បឿនលឿនភ្នំពេញ-បាវិត ឈានដល់ចុះហត្ថលេខាលើកិច្ចសន្យាជាដៃគូររវាងរដ្ឋ និងឯកជន

កម្ពុជាបិទបញ្ចប់ព្រឹត្តិការស៊ីហ្គេមដោយជោគជ័យ និងពុំមានឧបទ្ទវហេតុណាមួយកើតឡើងឡើយ

សម្ដេចតេជោ ណែនាំឱ្យចងក្រងទុកជាឯកសារនូវសកម្មភាពគ្រប់គ្រងកូវីដ-១៩ ដោយជោគជ័យនៅកម្ពុជា

សម្ដេចតេជោ ហ៊ុន សែន បង្ហាញមោទកភាពដែលកម្ពុជាបានវិនិយោគច្រើនលើវិស័យសុខាភិបាល

ការស្ទង់មតិរបស់ទូរទស្សន៍CGTN ៖ការកើនឡើងចំនួនប្រជាជនពិភពលោកជួយដល់ការងាររបស់ចិនលើអរិយធម៌អេកូឡូស៊ី

កងកម្លាំងអែលសាល់វ៉ាឌ័រឡោមព័ទ្ធទីក្រុងនៅភាគខាងជើង បន្ទាប់ពីនគរបាលបានស្លាប់

សហភាពអឺរ៉ុប បន្តដំណើរការវេទិកាក្រោយ Brexit សម្រាប់និយ័តករហិរញ្ញវត្ថុរបស់សហភាពអឺរ៉ុប និងចក្រភពអង់គ្លេស

អ្នកជំនាញUN និយាយថា រុស្ស៊ី និងចិនបញ្ជូនជំនួយដ៍គ្រោះថ្នាក់ទៅឲ្យយោធាមីយ៉ាន់ម៉ា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សម្ដេចតេជោ ហ៊ុន សែន អញ្ជើញដឹកនាំកិច្ចប្រជុំគណៈរដ្ឋមន្ដ្រី ដើម្បីពិភាក្សា និងឆ្លងរបៀបវារៈមួយចំនួន

អង្គភាពព័ត៌មាន និងប្រតិកម្មរហ័ស៖ «ស៊ីហ្គេម​លើក​ទី៣២ គឺជាព្រឹត្តិការណ៍​រំលេចពី​អច្ឆរិយភាព​នៃ​កម្ពុជា»

គម្រោងផ្លូវល្បឿនលឿនភ្នំពេញ-បាវិត ឈានដល់ចុះហត្ថលេខាលើកិច្ចសន្យាជាដៃគូររវាងរដ្ឋ និងឯកជន

កម្ពុជាបិទបញ្ចប់ព្រឹត្តិការស៊ីហ្គេមដោយជោគជ័យ និងពុំមានឧបទ្ទវហេតុណាមួយកើតឡើងឡើយ

សម្ដេចតេជោ ណែនាំឱ្យចងក្រងទុកជាឯកសារនូវសកម្មភាពគ្រប់គ្រងកូវីដ-១៩ ដោយជោគជ័យនៅកម្ពុជា

សម្ដេចតេជោ ហ៊ុន សែន បង្ហាញមោទកភាពដែលកម្ពុជាបានវិនិយោគច្រើនលើវិស័យសុខាភិបាល

ការស្ទង់មតិរបស់ទូរទស្សន៍CGTN ៖ការកើនឡើងចំនួនប្រជាជនពិភពលោកជួយដល់ការងាររបស់ចិនលើអរិយធម៌អេកូឡូស៊ី

កងកម្លាំងអែលសាល់វ៉ាឌ័រឡោមព័ទ្ធទីក្រុងនៅភាគខាងជើង បន្ទាប់ពីនគរបាលបានស្លាប់

សហភាពអឺរ៉ុប បន្តដំណើរការវេទិកាក្រោយ Brexit សម្រាប់និយ័តករហិរញ្ញវត្ថុរបស់សហភាពអឺរ៉ុប និងចក្រភពអង់គ្លេស

អ្នកជំនាញUN និយាយថា រុស្ស៊ី និងចិនបញ្ជូនជំនួយដ៍គ្រោះថ្នាក់ទៅឲ្យយោធាមីយ៉ាន់ម៉ា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

អង្គភាពព័ត៌មាន និងប្រតិកម្មរហ័ស៖ «ស៊ីហ្គេមលើកទី៣២ គឺជាព្រឹត្តិការណ៍រំលេចពីអច្ឆរិយភាពនៃកម្ពុជា»