នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ស្ពានមិត្តភាពកម្ពុជា-ចិន មេគង្គក្រចេះ នឹងបន្តបើកឱ្យឆ្លងកាត់រហូតដល់ថ្ងៃទី១ ខែតុលា ឆ្នាំ២០២៥ ដោយសារទឹកទន្លេបន្តហក់ឡើង និងដើម្បីជួយសម្រួលដល់ការធ្វើដំណើររបស់បងប្អូនប្រជាពលរដ្ឋ
គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

នយោបាយ​ និង ការអភិវឌ្ឍន៍

ចិន បិទគណនីបណ្ដាញព័ត៌មានសង្គមក្លែងក្លាយប្រមាណ១សែនគណនី និងបង្កើនការសម្អាតខ្លឹមសារមិនល្អ

2023/05/18 11:00:38 am        111
Facebook Telegram Linkin
 ចិន៖ និយតករផ្នែកប្រឆាំងចារកម្មតាមប្រព័ន្ធបច្ចេកវិទ្យារបស់ខ្លួន បាននិយាយថា ប្រទេសចិន បានបង្កើនកិច្ចខិតខំប្រឹងប្រែងបោសសម្អាតព័ត៌មានក្លែងក្លាយ និងពាក្យចរាមអារ៉ាមនៅលើអ៊ីនធឺណិត ដោយបានបិទគណនីតាមអនឡាញជាង១សែនគណនី កាលពីមួយខែកន្លងទៅនេះ ដែលបានផ្សព្វផ្សាយព័ត៌មានមិនពិតពីដំណាក់ក្រុមអ្នកអានព័ត៌មាន និងទីភ្នាក់ងារសារព័ត៌មាននានា។  រដ្ឋបាលប្រឆាំងចារកម្មតាមប្រព័ន្ធបច្ចេកវិទ្យាចិន(CAC) បានបង្កើតយុទ្ធនាការពិសេសមួយដើម្បីសម្អាតព័ត៌មានតាមអនឡាញ ដោយផ្ដោតលើគណនីបណ្ដាញសង្គមដែលបានផ្សព្វផ្សាយព័ត៌មានក្លែងក្លាយ និងបំភ្លៃព័ត៌មានពីប្រព័ន្ធផ្សព្វផ្សាយគ្រប់គ្រងដោយរដ្ឋ ជារបៀបលេងសើច។  និយតកររូបនេះ បាននិយាយថា ខ្លួនបានបិទចោលគណនីរបស់អង្គភាពព័ត៌មាននិងអ្នកអានព័ត៌មាន ក្លែងក្លាយចំនួន ១សែន៧ពាន់ករណី និងព័ត៌មានក្លែងក្លាយចំនួន ៨៣៥.០០០ករណី ចាប់តាំងពីថ្ងៃទី៦ខែមេសាមក។  ការសម្អាតនេះ បានធ្វើឡើងខណៈប្រទេសចិន និងបណ្ដាប្រទេសទូទាំងពិភពលោកប្រឹងប្រែងលុបបំបាត់ព័ត៌មានក្លែងក្លាយតាមអនឡាញ ដោយមានការអនុវត្តន៍ច្បាប់ជាច្រើនក្នុងការដាក់ទោសលើពិរុទ្ធជន។យោងតាមសារព័ត៌មាន Reuters ការផ្សព្វផ្សាយព័ត៌មាននៅលើប្រព័ន្ធផ្សព្វផ្សាយសង្គមរបស់ចិនត្រូវបានគ្រប់គ្រងយ៉ាងតឹងរ៉ឹងរួចទៅហើយ លើវេទិកាជាច្រើន ដូចជា Weibo ដែលស្រដៀងនឹង Twitter   បង្កើតឡើងដោយប្រព័ន្ធផ្សព្វផ្សាយរដ្ឋ ខណៈការត្រួតពិនិត្យលើបញ្ហា ឬឧបទ្ទវហេតុនានា ត្រូវបានចាត់ទុកថាជារឿងរសើបដោយទីក្រុងប៉េកាំង បើទោះបីជាវារីករាលដាលក៏ដោយ៕

លោក Biden និងលោក McCarthy បន្តជំរុញឲ្យមានការចុះកិច្ចព្រមព្រៀងស្ដីពីការកម្រិតអតិបរិមាបំណុលរបស់អាមេរិក

2023/05/18 09:58:55 am        279
Facebook Telegram Linkin
អាមេរិក៖ លោកប្រធានាធិបតី Joe Biden និងសមាជិកសភាជាន់ខ្ពស់មកពីគណបក្សសាធារណរដ្ឋលោក Kevin McCarthy កាលពីថ្ងៃពុធ បានគូសបញ្ជាក់នូវការប្តេជ្ញាចិត្តរបស់ខ្លួន ក្នុងការឈានដល់កិច្ចព្រមព្រៀងឆាប់ៗនេះ ដើម្បីដំឡើងការកម្រិតអតិបរិមាបំណុលលើចំនួន ៣១,៤សែនកោដិដុល្លាររបស់រដ្ឋាភិបាលសហព័ន្ធ និងដើម្បីបញ្ចៀសការខកខានសងបំណុល ដែលបង្កមហន្តរាយផ្នែកសេដ្ឋកិច្ច។បន្ទាប់ពីមានភាពជាប់គាំងអស់រយៈពេលជាច្រើនខែ ប្រធានាធិបតីមកគណបក្សប្រជាធិបតេយ្យ និងប្រធានសភាតំណាងរាស្រ្ត កាលពីថ្ងៃអង្គារ បានយល់ព្រមជួបចរចាគ្នា ដោយផ្ទាល់ស្ដីពីកិច្ចព្រមព្រៀងមួយ។ កិច្ចព្រមព្រៀងនេះ ចាំបាច់ត្រូវតែសម្រេចឲ្យបាន និងអនុម័តដោយសភាទាំងពីរ មុនពេលរដ្ឋាភិបាលសហព័ន្ធ លែងមានសាច់ប្រាក់ ដើម្បីទូទាត់បំណុលរបស់ខ្លួនឲ្យបានឆាប់នៅថ្ងៃទី១ ខែមិថុនា។លោក Biden បានប្រាប់អ្នកយកព័ត៌មាន នៅសេតវិមានថា៖ «យើងនឹងមកជាមួយគ្នា ព្រោះគ្មានជម្រើសផ្សេងទេ»។ លោកប្រធានាធិបតី បានបន្ថែមថា លោកនឹងកាត់បន្ថយការធ្វើដំណើរទៅកាន់អាស៊ី ហើយត្រឡប់មកកាន់ទីក្រុងវ៉ាស៊ីនតោនវិញ នៅថ្ងៃអាទិត្យ ប៉ុន្តែការពិភាក្សាកម្រិតបុគ្គលិក នឹងបន្តនៅវ៉ាស៊ីនតោន។គណបក្សសាធារណរដ្ឋ ដែលគ្រប់គ្រងសភាដោយសំឡេងភាគច្រើន ២២២ ទល់នឹង២១៣ អស់រយៈពេលជាច្រើនខែមកហើយ បានទទូចឲ្យគណបក្សប្រជាធិបតេយ្យយល់ព្រមកាត់បន្ថយការចំណាយជាថ្នូរនឹងការធានាបានកិច្ចព្រមព្រៀងមួយ ដើម្បីបង្កើនកម្រិតបំណុល ដែលកំហិតដោយសភា។ ការកំណត់នេះ ត្រូវតែលើកឡើងជាប្រចាំ ព្រោះរដ្ឋាភិបាលចំណាយច្រើនជាងការប្រមូលពន្ធបាន៕

សម្តេចតេជោ៖ ការមិនយកលុយពីព្រឹត្តិការណ៍ស៊ីហ្គេម គឺចង់បង្កើនភាពជិតស្និតដល់ពលរដ្ឋក្នុងតំបន់អាស៊ាន

2023/05/18 09:56:59 am        274
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី បានថ្លែងថា ការដែលកម្ពុជាមិនយក លុយទាំង​អស់​ពីព្រឹត្តិការណ៍កីឡាស៊ីហ្គេមលើកទី៣២ ពីប្រតិភូបរទេសនោះ គឺចង់បង្កើន​ភាពស្និតស្នាល និងភាពជិតស្និតបន្ថែមទៀតរវាងប្រជាជន និងប្រជាជនក្នុងតំបន់អាស៊ាន ខណៈព្រឹត្តិការណ៍នេះ ក៏ដើម្បីឲ្យមនុស្សមានការចង់ចាំរាប់រយឆ្នាំទៅមុខទៀតផងដែរ។ ជាងនេះទៅទៀត សម្តេច បានលើកឡើងផងដែរថា «លុយនឹងចាយអស់ តែកិត្តិយសមិនអាចចាយអស់នោះឡើយ។ថ្លែងនៅក្នុងឱកាសអញ្ជើញជាអធិបតីក្នុងពិធីប្រគល់សញ្ញាបត្រដល់និស្សិតពេទ្យបញ្ចប់ការសិក្សាពីសាកលវិទ្យាល័យវិទ្យាសាស្ត្រសុខាភិបាល ជាង១ពាន់នាក់ នៅសណ្ឋាគារសុខាភ្នំពេញ នាថ្ងៃទី១៨ ខែឧសភា ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្រ្តី បានលើកឡើងថា សម្តេច​ពិតជាបានសម្រេចចិត្តត្រូវ ខណៈដែលកម្ពុជាធ្វើជាម្ចាស់ផ្ទះនៃព្រឹត្តិការណ៍ស៊ីហ្គេម ដោយចាប់ផ្តើម​ពីគំនិតផ្តួចផ្តើមនៃ សមាហរណកម្មអាស៊ាន តាមរយៈនៃការមិនបង់ថ្លៃផ្សេង​របស់ប្រតិភូកីឡា​ដែលបានចូលរួមប្រកួតនេះ។ជាមួយគ្នានោះដែរ សម្តេចតេជោ ហ៊ុន សែន នាយករដ្ឋមន្រ្តី ក៏បានលើកឡើងផងដែរថា ការ​សម្រេចចិត្តរបស់សម្តេចក្នុងការមិនបង់ថ្លៃផ្សេងៗពីកីឡាបរទេសនេះ គឺត្រូវបានបងប្អូន​ប្រជាពលរដ្ឋ​ខ្មែរទូទាំងប្រទេសសម្តែងការត្រេកអរ និងសម្តែងការគាំទ្រចំពោះអ្វីដែលរាជរដ្ឋាភិបាលបានធ្វើឡើង ខណៈមានការគាំទ្រពីប្រជាពលរដ្ឋជាង ១៧លាននាក់នោះ ក៏មានជនមួយក្តៅតូចធ្វើការរិះគន់ និងតិះដៀលផងដែរ ដោយការរិះគន់ពីពួកអគតិទាំងនោះវាមិនមានអ្វីចម្លែកនោះទេ។សម្តេចតេជោ ហ៊ុន សែន ក៏បានសម្តែងនូវមោទកភាព ចំពោះព្រឹត្តិការណ៍ស៊ីហ្គេម បានកន្លងផុត​ទៅជាមួយនឹងភាពជោគជ័យ ប្រកបដោយភាពរលូនក្នុងប្រវត្តិសាស្រ្តកម្ពុជា ខណៈការជោគជ័យ​ទាំងនេះគឺសម្រាប់បងប្អូនប្រជាពលរដ្ឋខ្មែរទាំងអស់គ្នាផងដែរ៕

ម៉ុនតាណា នឹងក្លាយជារដ្ឋដំបូងរបស់សហរដ្ឋអាមេរិកក្នុងការហាមប្រាមប្រជាពលរដ្ឋមិនឲ្យប្រើបណ្ដាញសង្គម TikTok

2023/05/18 09:44:22 am        220
Facebook Telegram Linkin
អាមេរិក៖ លោក Greg Gianforte អភិបាលរដ្ឋ ម៉ុនតាណា (Montana) កាលពីថ្ងៃអាទិត្យទី១៧ឧសភា បានចុះហត្ថលេខាលើច្បាប់ដើម្បីហាមប្រាមក្រុមហ៊ុនបណ្ដាញសង្គម TikTok របស់ចិន មិនឲ្យធ្វើប្រតិបត្តិការនៅក្នុងរដ្ឋនេះ ដែលធ្វើឲ្យក្លាយជារដ្ឋដំបូងរបស់សហរដ្ឋអាមេរិក ក្នុងការហាមប្រាមប្រជាពលរដ្ឋមិនឲ្យប្រើ app វីដេអូកម្សាន្តខ្លីៗដ៏ពេញនិយមមួយនេះ ។ រដ្ឋ ម៉ុនតាណា( Montana) នឹងធ្វើឲ្យបណ្ដាញសង្គមនេះ ខុសច្បាប់សម្រាប់ក្រុមហ៊ុនGoogle និងapp stores របស់ក្រុមហ៊ុនទូរស័ព្ទដៃ Apple ក្នុងការអនុញ្ញាតឲ្យបណ្ដាញសង្គមTikTok ស្ថិតក្នុងដែនអាជីវកម្មរបស់ខ្លួន។ បម្រាមនេះ នឹងចូលធរមាននៅថ្ងៃទី១ខែមករាដើមឆ្នាំ២០២៤។  បណ្ដាញសង្គមផ្ដល់សេវាកម្សាន្ត TikTok ដែលមានអ្នកប្រើប្រាស់ជាជនជាតិអាមេរិក ជាង១៥០លាននាក់ កំពុងប្រឈមនឹងការអំពាវនាវកាន់តែច្រើនឡើង ពីក្រុមតំណាងរាស្ត្រសហរដ្ឋអាមេរិក និងក្រុមមន្ត្រីប្រចាំរដ្ឋ ឲ្យមានការហាមប្រាមមិនឲ្យប្រើ app នៅទូទាំងសហរដ្ឋអាមេរិក ដោយសារមានក្ដីបារម្ភពីឥទ្ធិពលខ្លាំងរបស់រដ្ឋាភិបាលចិនលើបណ្ដាញសង្គមមួយនេះ។    កាលពីខែមីនា គណកម្មការមួយរបស់សភាអាមេរិក បានដាក់សម្ពាធឲ្យអគ្គនាយកក្រុមហ៊ុន TikTok លោកឈូ ស្ហូហ្ស៊ឹ (Chew Shou Zi) ថាតើរដ្ឋាភិបាលចិនអាចចូលមើលទិន្នន័យរបស់អ្នកប្រើប្រាស់ ឬ ជះឥទ្ធិពលនូវអ្វីដែលពលរដ្ឋអាមេរិកមើលឃើញនៅលើ app ដែរឬទេ៕

រុស្ស៊ី និយាយថាអ្នកវិទ្យាសាស្ត្រមីស៊ីលល្បឿនលឿនជាងសំឡេង ប្រឈមការចោទប្រកាន់ក្បត់ជាតិធ្ងន់ធ្ងរ

2023/05/18 09:34:47 am        392
Facebook Telegram Linkin
រុស្ស៊ី៖ អ្នកស្រាវជ្រាវរុស្ស៊ី ដែលធ្វើការលើបច្ចេកវិទ្យាមីស៊ីលល្បឿនលឿនជាងសំឡេង ប្រឈមការចោទប្រកាន់ធ្ងន់ធ្ងរក្នុងការស៊ើបអង្កេតអំពើក្បត់ជាតិដែលបានបង្កឲ្យមានការភ្ញាក់ផ្អើលខ្លាំងនៅទូទាំងសហគមន៍វិទ្យាសាស្ត្ររុស្ស៊ី។ អ្នកនាំពាក្យវិមានក្រឹមឡាំង លោក Dmitry Peskov បាននិយាយថាលោក បានដឹងពីលិខិតបើកចំហមួយច្បាប់ពីក្រុមអ្នកវិទ្យាសាស្ត្រស៊ែរប៊ីក្នុងការការពារមនុស្ស ប៉ុន្តែករណីនោះជាបញ្ហាមួយសម្រាប់អង្គភាពសេវាសន្តិសុខ។នៅក្នុងលិខិត ដែលបានចេញផ្សាយជាសាធារណៈកាលពីថ្ងៃចន្ទ សហសេវិករបស់លោក Anatoly Maslov គឺលោក Alexander Shiplyuk និងលោក Valery Zvegintsev បានតវ៉ាចំពោះភាពគ្មានទោសរបស់ពួកគេ និងបាននិយាយថាការកាត់ទោស បានគំរាមកំហែងដល់ផលប៉ះពាល់ធ្ងន់ធ្ងរលើវិស័យវិទ្យារបស់រុស្ស៊ី។ ពួកគេនិយាយថា យើងដឹងថាពួកគេម្នាក់ៗជាអ្នកស្នេហាជាតិ និងជាមនុស្សមានហេតុផល ជាអ្នកដែលពុំអាចធ្វើនូវអ្វីចំពោះការស៊ើបអង្កេតដែលអាជ្ញាធរសង្ស័យមកលើពួកគេនោះទេ។ប្រធានាធិបតីលោក Vladimir Putin បានអះអាងថារុស្ស៊ីគឺជាអ្នកដឹកនាំពិភពលោកលើមីស៊ីលល្បឿនលឿនជាងសំឡេង មានសមត្ថភាពហោះក្នុងល្បឿនរហូតដល់១២.២៥០គីឡូម៉ែត្រក្នុងមួយម៉ោងដើម្បីគេចពីប្រព័ន្ធការពារដែនអាកាសរបស់សត្រូវ។ កាលពីថ្ងៃអង្គារ អ៊ុយក្រែននិយាយថា ខ្លួនបានបំផ្លាញអាវុធ៦គ្រឿងក្នុងចំណោមអាវុធជាច្រើនក្នុងពេលតែមួយយប់ ទោះបីជារុស្ស៊ីបដិសេធការបាញ់ទម្លាក់នេះក៏ដោយ។ខណៈបទពិសោធរបស់រុស្ស៊ីក្នុងពេលសង្គ្រាមមើលឃើញការកើនឡើងករណីក្បត់ជាតិ ការចាប់ខ្លួនសម្រាប់អំពើក្បត់ជាតិនៃអ្នកស្រាវជ្រាវរុស្ស៊ី៣រូបដែលធ្វើការលើបច្ចេកវិទ្យាមីស៊ីលល្បឿនលឿនជាងសំឡេង នៅមហាវិទ្យាល័យដូចគ្នា ក្នុងប្រទេសស៊ែរប៊ីគឺកើតឡើងដោយកម្រ បណ្តាលឲ្យមានការប្រឆាំងជាសាធារណៈពីសហគមន៍វិទ្យាសាស្ត្ររុស្ស៊ី៕

គណបក្សនានារបស់ថៃជួបចរចាដើម្បីបង្កើតរដ្ឋាភិបាលចម្រុះ

2023/05/18 09:29:17 am        312
Facebook Telegram Linkin
ថៃ៖ ក្រុមគណបក្សប្រឆាំងរបស់ប្រទេសថៃបានជួបចរចាដើម្បីបង្កើតរដ្ឋាភិបាលចម្រុះកាលពីថ្ងៃពុធ ទី១៧ឧសភា បន្ទាប់ពីផ្ដួលគូប្រជែងរដ្ឋាភិបាល ក្នុងការបោះឆ្នោត ប៉ុន្តែក្រុមសមាជិកព្រឹទ្ធសភាត្រូវបានតែងតាំងដោយរបបយោធា បានព្រមានថាពួកគេនឹងព្យាយាមបញ្ឈប់មេដឹកនាំគណបក្សដែលទទួលបានជ័យជម្នះមួយនេះ មិនឲ្យក្លាយជានាយករដ្ឋមន្ត្រី។ គណបក្សបោះជំហានទៅមុខឬ Move Forward Party (MFP) បានឈ្នះការបោះឆ្នោតកាលពីថ្ងៃអាទិត្យ ជាគណបក្សធំបំផុត បន្ទាប់ពីក្រុមអ្នកបោះឆ្នោតបានច្រានចោលយ៉ាងម៉ឺងម៉ាត់ចំពោះរបបដឹកនាំគាំទ្រដោយយោធាជិតមួយទសវត្សរ៍មកនេះ។  មេដឹកនាំគណបក្សបោះជំហានទៅមុខ MFP លោក ភីថា លីមចារ៉ឺនរ៉ាត់ (Pita Limjaroenrat) បានជួបក្រុមមន្ត្រីជាន់ខ្ពស់មកពីគណបក្សប្រឆាំងចំនួន៥ នៅភោជនីយដ្ឋានមួយក្នុងទីក្រុងបាងកក ដោយបានបង្ហោះរូបភាពមុនពេលចូលទៅក្នុងបន្ទប់ប្រជុំបិទទ្វារ ។លោក ភីថា វ័យ៤២ ឆ្នាំ កំពុងព្យាយាមកសាងសម្ព័ន្ធភាពជាមួយគណបក្សភើថៃ(Pheu Thai ) ជាគណបក្សដែលលេចធ្លោក្នុងនយោបាយរបស់ថៃជិត២ទសវត្សរ៍មកនេះ និងក្រុមគណបក្សតូចៗចំនួន៤ទៀត។  គណបក្ស MFP ទទួលបានសំឡេងគាំទ្រចំនួន១៥២អាសនៈ ខណៈដែលគណបក្ស ទទួលបានសំឡេងគាំទ្រច្រើនទី២ ភើថៃ មាន១៤១អាសនៈ។ការរួមបញ្ចូលអាសនៈជាមួយគណបក្សផ្សេងៗ នឹងធ្វើឲ្យគណបក្សទាំងនោះ ទទួលបានសំឡេងជាង៣០០ អាសនៈ ក្នុងចំណោមចំនួនអាសនៈនៅសភាជាន់ទាបសរុបចំនួន៥០០អាសនៈ។ ប៉ុន្តែដើម្បីទទួលបានតំណែងជានាយករដ្ឋមន្ត្រី ក្រុមចម្រុះមួយនេះ ត្រូវការសំឡេងភាគច្រើននៅក្នុងសភាទាំង២ ដែលក្នុងនោះសមាជិកព្រឹទ្ធសភា

ប្រសាសន៍សំខាន់ៗរបស់សម្តេចតេជោ ហ៊ុន សែន អញ្ជើញប្រគល់សញ្ញាបត្រដល់ និស្សិតពេទ្យបញ្ចប់ការសិក្សាពីសាកលវិទ្យាល័យ UHS

2023/05/18 08:43:15 am        361
Facebook Telegram Linkin
ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីក្នុងពិធីប្រគល់សញ្ញាបត្រដល់ និស្សិតពេទ្យបញ្ចប់ការសិក្សាពីសាកលវិទ្យាល័យវិទ្យាសាស្ត្រសុខាភិបាល(University of Health Science )ចំនួន ១,៣៩៦នាក ដែលធ្វើឡើងនៅសណ្ឋាគារសុខាភ្នំពេញ រាជធានីភ្នំពេញ នៅព្រឹកថ្ងៃទី១៨ ខែឧសភា ឆ្នាំ២០២៣នេះ។ប្រសាសន៍សំខាន់ៗរបស់សម្តេចតេជោ ហ៊ុន សែន ដែលមានខ្លឹមសារដូចខាងក្រោម៖សម្តេចតេជោ ហ៊ុន សែន បានមានប្រសាសន៍ថា រាជរដ្ឋាភិបាលបានវិនិយោគច្រើនទៅលើការបណ្ដុះបណ្ដាលធនធានមនុស្សលើវិស័យសុខាភិបាលនៅក្នុងប្រទេសកម្ពុជា។ ជាមួយគ្នានេះ រាជរដ្ឋាភិបាលក៏បាន វិនិយោគអស់ថវិកាជាច្រើនផងដែរ លើហេដ្ឋារចនាពាក់ព័ន្ធនានាបន្ថែមទៀតលើវិស័យនេះ ដើម្បីផ្ដល់សេវាសុខាភិបាលគ្រប់គ្រាន់ដល់ប្រជាពលរដ្ឋនៅទូទាំងប្រទេសកម្ពុជា។សម្តេចតេជោ ហ៊ុន សែន ណែណាំឱ្យ លោកបណ្ឌិត រត្ន័ សណ្ដាប់ អ្នកជំនាញអារ្យធម៌ខ្មែរ ធ្វើការសិក្សាស្រាវជ្រាវឱ្យបានច្បាស់ទាក់ទងនឹងពុទ្ធទំនាយនូវការលើកឡើងអំពីពាក្យថា «វាល៣»។ ប៉ុន្ដែពាក្យវាល៣នេះ សម្ដេចតេជោ កត់សម្គាល់ឃើញជារួមមាន៖ វាលទី១ គឺសង្គ្រាម កម្ពុជាបានឆ្លងផុតរួចហើយ វាលទី២ វាលអត់ឃ្លាន ក៏បានឆ្លងផុត និងទី៣ វាលជំងឺ ដែលវាលទី៣នេះ គឺពិបាកនឹងឆ្លងផុតណាស់។សម្តេចតេជោ ហ៊ុន សែន បានកោតសរសើរដល់និស្សិតពេទ្យ ដែលបានស្ម័គ្រចិត្តចូលរួមប្រយុទ្ធប្រឆាំងនឹងជំងឺកូវីដ-១៩ ជាមួយក្រុមគ្រូពេទ្យយុវជនស្ម័គ្រចិត្ត សម្តេចតេជោ នាអំឡុងពេលកម្ពុជាកំពុងប្រឈមនឹងជំងឺរាតត្បាតនេះ ដើម្បីជួយដល់ប្រជាពលរដ្ឋកម្ពុជា។សម្តេចតេជោ ហ៊ុន សែន បានបញ្ជាក់ថា បច្ចុប្បន្នប្រទេសកម្ពុជាក្លាយជាកន្លែងសម្រាប់ប្រទេសធំៗ មួយចំនួននៅលើពិភពលោកចុះមកធ្វើការសិក្សាស្រាវជ្រាវលើការអនុវត្តយន្តការសុខាភិបាលដើម្បីលុបបំបាត់ជំងឺមួយចំនួនដោយជោគជ័យ ក្នុងនោះមានដូចជាជំងឺគ្រុនស្វិតដៃជើងជាដើម។ សម្ដេចបញ្ជាក់ថា បច្ចុប្បន្នកម្ពុជាក៏កំពុងអនុវត្តយន្តការដើម្បីលុបបំបាត់ជំងឺគ្រុនចាញ់​ពីប្រទេសកម្ពុជាផងដែរ។សម្តេចតេជោ ហ៊ុន សែន បានលើកឡើងពីការខិតខំរបស់ប្រទេសកម្ពុជាដែលដឹកនាំដោយសម្ដេចផ្ទាល់ ក្នុងការគ្រប់គ្រងស្ថានការជំងឺកូវីដ-១៩ ដែលើកំពុងមានការរីករាលដាលខ្លាំង។ នាអំឡុងពេលនោះ មានសារព័ត៌មានមួយចំនួនបានវាយប្រហារមកកាន់ប្រទេសតូចដូចជាកម្ពុជា និងឡាវជាដើម ក្នុងការមិនអាចគ្រប់គ្រងជំងឺកូវី១-១៩បាន ប៉ុន្ដែផ្ទុយទៅវិញកម្ពុជាបានគ្រប់គ្រងកូវីដ-១៩ បានល្អជាងប្រទេសអ្នកមានមួយចំនួនទៅវិញ។លទ្ធផលនេះ សម្ដេចបានណែនាំឱ្យមានការ ចង់ក្រងទុកនូវការអនុវត្តការងារគ្រប់គ្រងកូវីដ-១៩ របស់កម្ពុជា ទាក់ទងនឹងការ ចាត់ចែងគ្រប់គ្រង និងធ្វើសកម្មភាពនៃការគ្រប់គ្រងកូវីដ-១៩។សម្តេចតេជោ ហ៊ុន សែន មានការសោកស្ដាយចំពោះប្រទេសមហាអំណាចមួយចំនួន បាននាំគ្នាចំណាយថវិកាជាច្រើនដើម្បីតែផលិតអាវុធ ដើម្បីធ្វើសង្គ្រាម។សម្ដេចបញ្ជាក់ថា បើសិនជាប្រទេសមហាអំណាចទាំងនោះ បែរមកចំណាយថវិកាមួយភាគលើការផលិតសម្ភារសុខាភិបាលនោះ ពិភពលោកនឹងមានភាពធូស្បើយពីជំងឺរាតត្បាតផ្សេងៗមិនខាន។សម្តេចតេជោ ហ៊ុន សែន បានអបអរសាទរដល់និស្សិតពេទ្យទទួលបានជ័យលាភីនាថ្ងៃនេះ។ ប៉ុន្ដែទោះបីជាទទួលបានលទ្ធផលលើការសិក្សាលើជំនាញ សម្ដេចតេជោ ជំរុញដល់និស្សិតទាំងអស់បន្តខិតខំពង្រឹងសមត្ថភាពលើផ្នែកឌីជីថលើវិស័យរបស់ខ្លួន រួមជាមួយនឹងការអនុវត្តការងារប្រកបដោយក្រមសីលធម៌ខ្ពស់ ដើម្បីពង្រឹងប្រសិទ្ធភាពលើវិស័យសុខាភិបាលរបស់កម្ពុជាបន្ថែមទៀត។សម្តេចតេជោ ហ៊ុន សែន បានអបអរសាទរដែលកម្ពុជាបានរៀបចំតាំងពីចាប់ផ្ដើម រហូត ដល់បិទបញ្ចប់ព្រឹត្តិការណ៍ស៊ីហ្គេមលើកទី៣២ប្របកបដោយជោគជ័យ។ ជាមួយគ្នានេះ ការសម្រេចចិត្តរបស់សម្ដេចលើការគ្រប់គ្រង និងរៀបចំព្រឹត្តិការណ៍នេះជាពិសេសការចំណាយចំពោះប្រតិភូកីឡា និងអត្តពលិកដោយមិនគិតថ្លៃ រួមនឹងការអនុញ្ញាតឱ្យការផ្សព្វផ្សាយដោយមិនគិតថ្លៃ គឺជាការសម្រេចចិត្តដ៏ត្រឹមត្រូវ និងបន្សល់ទុកនូវកេរ្តិ៍ឈ្មោះដ៏យូរអង្វែងជាប្រវត្តិសាស្រ្ដសម្រាប់កម្ពុជា។សម្តេចតេជោ ហ៊ុន សែន នាយករដ្ឋមន្រ្តី ខណៈកម្ពុជាកំពុងជាប់រវល់ប្រជុំអាស៊ាន ហើយរាជរដ្ឋាភិបាលឲ្យ ផ្អាកបុណ្យអុំទូក គេថាយើងអត់លុយ ដល់ពេលយើងបើកព្រឹត្តិការណ៍កីឡាស៊ីហ្គេមមិនយកលុយ គេនិយាយ​តិះដៀល​នេះតិះដៀល នោះ។សម្តេចតេជោ ហ៊ុន សែន ចំអកឲ្យបុគ្គលមួយចំនួន ដែលធ្វើនយោបាយបន់ឲ្យសម្តេចស្លាប់នោះ សូមរង់ចាំទៅជាតិក្រោយចុះ ដោយសម្តេច បានសង្កត់ធ្ងន់ថា«បើអ្នកធ្វើនយោបាយរង់ចាំហ៊ុន សែន ស្លាប់សូមរង់ចាំទៅជាតិក្រោយចុះ»។

សម្តេចតេជោ ហ៊ុន សែន អញ្ជើញប្រគល់សញ្ញាបត្រដល់ និស្សិតពេទ្យបញ្ចប់ការសិក្សាពីសាកលវិទ្យាល័យ UHS

2023/05/18 07:49:05 am        386
Facebook Telegram Linkin
ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីក្នុងពិធីប្រគល់សញ្ញាបត្រដល់ និស្សិតពេទ្យបញ្ចប់ការសិក្សាពីសាកលវិទ្យាល័យវិទ្យាសាស្ត្រសុខាភិបាល(University of Health Science )ចំនួន ១,៣៩៦នាក ដែលធ្វើឡើងនៅសណ្ឋាគារសុខាភ្នំពេញ រាជធានីភ្នំពេញ នៅព្រឹកថ្ងៃទី១៨ ខែឧសភា ឆ្នាំ២០២៣នេះ។

បទវិភាគ៖ ការចោទប្រកាន់ដោយគ្មានមូលដ្ឋានរបស់លោក កង សាវាង្ស

2023/05/17 01:13:09 pm        575
Facebook Telegram Linkin
មានការចោទប្រកាន់ដោយគ្មានមូលដ្ឋានមួយពីមនុស្សមួយក្រុមតូចដែលស្រេចឃ្លានអំណាច​អស់រយៈពេលជាង ៣ទសវត្សរ៍មកហើយ ដោយតែងពោលថា ជាបុគ្គលដែលស្រលាញ់ប្រទេសជាតិ និងប្រជាជនរបស់ខ្លួន នោះគឺលោក កង សាវាង្ស ដែលជាបុគ្គលិក ​សម្រប​សម្រួល​ផ្នែក​ឃ្លាំមើល​ការ​បោះឆ្នោត​នៃ​អង្គការ​ខុមហ្វ្រែល​ (Comfrel) ដែល​ជា​អង្គការ​មិនមែនរដ្ឋាភិបាល​ដ៏​ចំណាស់​មួយ​ ដែល​ធ្វើកិច្ច​ការងារពង្រឹង​លទ្ធិប្រជាធិបតេយ្យនៅ​កម្ពុជា​តាមរយៈ​ការ​បោះឆ្នោត ចាប់តាំង​ពី​កម្ពុជា​បាន​រៀបចំ​ការ​បោះឆ្នោត​លើក​ដំបូង​មកម្ល៉េះ និងបក្សពួករបស់លោក។ លោក កង សាវាង្ស តែងប្រើប្រាស់វោហារសព្វ របស់ខ្លួនដើម្បីបោកប្រាស់ក្រុមមនុស្ស​ស្មោះត្រង់​ដោយតែងតែតាំងខ្លួនជាអ្នកចេះអ្នកដឹងហើយទៅបង្រៀនអ្នកឯទៀត។ ថ្មីៗនេះលោកបានពោលថា «អ្នកខ្លះ​គាត់​លើកឡើង​ថា ​មិនហ៊ាន​ចូល​រួមទេ ដោយសារ​មាន​អាជ្ញាធរ​ក្នុងកន្លែង​ខ្លះ​បានប្រាប់​ថា ស្ថាប័ន [ខុមហ្វ្រែល] ហ្នឹង​ជា​ស្ថាប័ន​ប្រឆាំង​នឹង​រដ្ឋាភិបាល ឬក៏​ជា​ស្ថាប័ន​ដែល​ឃុបឃិត​នឹង​បរទេស​អីអ៊ីចឹង។ នេះ​ជារឿង​មួយ​ដែល​មាន​ការ​លំបាក​ដែរ។ ចំណុច​ដែលជា​ឧបសគ្គ​ធំ​សម្រាប់​ស្ថាប័ន​ដែល​បាន​លើកឡើង​ហ្នឹង​ក្នុង​ការ​ផ្តល់​លទ្ធភាព​ជូន​ពលរដ្ឋ​ហ្នឹង​គឺ គាត់​បាន​សម្តែងអំពីការ​ព្រួយបារម្ភ​ក្នុង​ការ​ចូលរួម​ហ្នឹង​ ខ្លាច​ក្រែង​លោ​មាន​ការ​ចោទប្រកាន់​លើ​ពួកគាត់​អី​ជាដើម»។​ លោក កង សាវាង្សបន្ថែមពីនេះ កាលពីពេលថ្មីៗនេះ លោក កង សាវាង្ស បានលើកឡើងថា «ច្បាប់បោះឆ្នោតជ្រើសរើសតាំងតំណាងរាស្ត្រមិនបានកំណត់ថា គណបក្សត្រូវយកឯកសារដើមទៅចុះឈ្មោះឡើយ»។ តើការលើកឡើងរបស់លោកនេះសំអាងទៅលើអ្វីដែរទៅ ឬនិយាយដើម្បីតែបោកប្រាស់អ្នកមិនដឹងរឿង? យោងតាមការស្រាយបំភ្លឺរបស់​ក្រុមប្រតិកម្មព័ត៌មាន របស់គណៈកម្មាធិការជាតិរៀបចំការបោះឆ្នោត (គ.ជ.ប) នៅថ្ងៃទី១៤ ខែឧសភា ឆ្នាំ២០២៣ បានឱ្យដឹងថា គ.ជ.ប មិនបានកែប្រែនីតិវិធីរបស់ខ្លួនទេ ហើយឯកសារដើមដែល គ.ជ.ប តម្រូវក្នុងការដាក់ពាក្យ គឺមានដូចយោងក្នុងច្បាប់ ការណែនាំរបស់ក្រសួងមហាផ្ទៃ និង គ.ជ.ប។តើមានច្បាប់ និងការណែនាំណាខ្លះដែលបានបញ្ជាក់អំពីនីតិវិធីនៃការចុះឈ្មោះបោះឆ្នោតនេះ?បើយើងសង្កេតមើលទៅលើច្បាប់ និងការណែនាំមួយចំនួនយើងនឹងអាចមើលឃើញថា ការលើកឡើងខាងលើរបស់បុគ្គលិកអង្គការ​ខុមហ្វ្រែល គឺមានចេតនាចោទប្រកាន់ និងញុះញង់ ដោយយោងទៅតាមច្បាប់ ស្តីពីការបោះឆ្នោតជ្រើសតាំងតំណាងរាស្ត្រ ក្នុងកថាខណ្ឌទី២ នៃមាត្រា ២៧ បានចែងថា «ដើម្បីចុះបញ្ជីគណបក្សនយោបាយឈរឈ្មោះបោះឆ្នោតជ្រើសតាំង​តំណាង​រាស្ត្រជាផ្លូវការ គណបក្សនយោបាយ ត្រូវធ្វើពាក្យសុំចុះបញ្ជីគណបក្សនយោបាយឈរ​ឈ្មោះបោះឆ្នោត តាមបែបបទកំណត់ដោយ គ.ជ.ប មក គ.ជ.ប យ៉ាងយូរ៧០ (ចិតសិប) ថ្ងៃ មុនថ្ងៃបោះឆ្នោត ដោយភ្ជាប់មកជាមួយនូវឯកសារចំនួន ១០ប្រភេទ ដោយប្រភេទទី១ គឺសេចក្តី​ចម្លងលិខិតបញ្ជាក់ការចុះបញ្ជីគណបក្សនយោបាយនៅក្រសួងមហារផ្ទៃ ១ច្បាប់ តែម្ដង»។ ស្របពេលជាមួយគ្នានោះ សេចក្តីជូនដំណឹងលេខ ០៤៤ គ.ជ.ប ស.ជ.ណ ចុះថ្ងៃទី២៦ ខែមេសា ឆ្នាំ២០១៨ ស្ដីពីការរៀបចំបែបបទសម្រាប់ការចុះបញ្ជីគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះបោះឆ្នោតជ្រើសតាំងតំណាងរាស្ត្រនីតិកាលទី៦ ឆ្នាំ២០១៨ និងសេចក្តីជូនដំណឹងលេខ ០៤៤ គ.ជ.ប ស.ជ.ណ ចុះថ្ងៃទី២៦ ខែមេសា ឆ្នាំ២០១៨ ពីការរៀបចំបែបបទសម្រាប់ការចុះបញ្ជីគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះបោះឆ្នោតជ្រើសតាំងតំណាងរាស្ត្រនីតិកាលទី៦ ឆ្នាំ២០១៨​ បានបញ្ជាក់យ៉ាងច្បាស់នៅក្នុងខ្លឹមសារលិខិតដោយបានរំលេចថា «គណបក្សនយោបាយត្រូវភ្ជាប់សេចក្តីចម្លងលិខិតបញ្ជាក់ការចុះបញ្ជីគណបក្សនយោបាយនៅក្រសួងមហាផ្ទៃ ដែលមានបញ្ជាក់នីត្យានុកូលកម្ម ដោយរដ្ឋបាលរាជធានី ខេត្ត ក្រុង ស្រុក ខណ្ឌ»។ តើលោក កង សាវាង្ស មិនដឹង​ ឬធ្វើមិនដឹងអំពីអត្ថន័យនៃពាក្យ «សេចក្តីចម្លងលិខិតបញ្ជាក់ការចុះបញ្ជីគណបក្សនយោបាយនៅក្រសួងមហាផ្ទៃដែលតម្រូវឱ្យមានការបញ្ជាក់នីត្យានុកូលកម្ម ដោយរដ្ឋបាលរាជធានី ខេត្ត ក្រុង ស្រុក ខណ្ឌ»? ដូច្នេះ​ ដើម្បីកុំឱ្យមិនដឹង និងចេះតែនិយាយតទៅទៀត យើងគប្បីគូសរំលេចផងដែរថា សេចក្តីចម្លងលិខិតបញ្ជាក់ការចុះបញ្ជីគណបក្សនយោបាយ នៅក្រសួងមហាផ្ទៃដែល គ.ជ.ប តម្រូវក្នុងការដាក់ពាក្យ គឺសំដៅទៅលើប្រកាសស្តីពីការចុះឈ្មោះក្នុងបញ្ជីគណបក្សនយោបាយ នៅក្រសួងមហាផ្ទៃ ដែលមានបញ្ជាក់នីត្យានុកូលកម្ម មិនមែនគ្រាន់តែថតចម្លង (កូពី) ជាការស្រេចនោះទេ។ គ្រាន់តែយើងជាប្រជាជនធម្មតាទៅបញ្ជាក់អត្តសញ្ញាណប័ណ្ណ ឬសំបុត្រ​កំណើត យើងបានដឹងទៅហើយថា ច្បាប់ដើម ជាតម្រូវការចាំបាច់សម្រាប់បញ្ជាក់​លិខិត​សម្រាប់ការ​ប្រើប្រាស់ជាផ្លូវការណាមួយ ទម្រាំខ្លួនជាអ្នកឈរឈ្មោះបោះឆ្នោតដោយប្រជាលរដ្ឋ និងអ្នកដែលប្រកាស់ក្ដែងៗថា ខ្លួនមានសម្ថភាពបណ្ដុះបណ្ដាលគេនោះ មិនដឹងទេឬទាក់ទង​ទៅនឹងបញ្ហាបញ្ជាក់ផ្លូវការបែបនេះ ស្របពេលដែលមានសេចក្ដីណែនាំជាច្រើន​អមជាមួយ​ទៀត​នោះ បើមិនទាំងដឹងច្បាស់អំពីនីតិវិធីបែបនេះផង តើអាចឈរឈ្មោះឱ្យប្រជាពលរដ្ឋបោះឆ្នោត​ដោយរបៀបណាទៅ? ជាងនេះទៅទៀត ក្រសួងមហាផ្ទៃក៏បានចេញសេក្ដីណែនាំលិខិតលេខ ៨៩៥ សជណ ចុះថ្ងៃទី២៩ ខែមីនា ឆ្នាំ២០២៣ ត្រេទី១ និងត្រេទី២ ដែលបានគូសបញ្ជាក់ក្នុងការជួយ​សម្របសម្រួលដល់បេក្ខជនឈរឈ្មោះបោះឆ្នោតជ្រើសតាំងតំណាងរាស្ត្រ របស់គណបក្ស​នយោបាយដែលបានចុះបញ្ជីត្រឹមត្រូវតាមច្បាប់ ​សម្រាប់យកទៅប្រើប្រាស់​តាមការចាំបាច់ដោយមិនគិតកម្រៃនោះឡើយ។សេចក្ដីបំភ្លឺរបស់​ គ.ជ.បលោក កង សាវាង្ស កន្លងមកតែងតែរិះគុណជាបន្ត​បន្ទាប់​មក​លើការរៀបចំ រហូតដល់មិនចូលរួមសង្កេតការណ៍ថ្នាក់ជាតិនៅឆ្នាំ២០១៨ ព្រោះមិនមានបក្សពួករបស់ខ្លួននៅទីនោះ ពោលគឺគណបក្សសង្រ្គោះជាតិត្រូវបានរំសាយចោលដោយដីការរបស់តុលាការ។ រហូតដល់ឆ្នាំ២០២៣ នេះ លោកក៏បានសម្រេចចិត្តចូលរួមសង្កេតការណ៍ឡើងវិញដោយយកហេតុផលថា ដោយសារឆន្ទៈប្រជាពលរដ្ឋ។ តើដោយសារឆន្ទៈប្រជាពលរដ្ឋ​ ឬបក្សពួកមួយក្ដាប់តូចរបស់ខ្លួន? នេះបើតាមសង្កេតមើលឱ្យជិតទៅ គឺជា​មហិច្ឆតា​របស់បក្សពួករបស់លោក ដោយយើងអាច​និយាយបានថាពួកគេដឹងអំពីលទ្ធផលរួចទៅហើយ ថាមិនអាចទៅរួច ដូច្នេះពួកគេប្រឹងប្រែង​ចូលដើម្បីរិះគុណ ​និងធ្វើឱ្យអាប់អោនដល់កិត្តិយសរបស់ស្ថាប័នជាតិទៀតផង។ លោក កន សាវាង្ស អ្នកសម្របសម្រួលផ្នែកឃ្លាំមើលការបោះឆ្នោតនៃអង្គការខុមហ្វ្រែល (Comfrel) លើកឡើងថា ​លោកមានការសោកស្តាយ បើសិនជាគណបក្សភ្លើងទៀនមិនមានវត្តមាន និងថា​ការណ៍នេះក៏នឹងអាចធ្វើឱ្យបាត់បង់សន្លឹកឆ្នោតដែរ ដោយសារតែមិនមាន​គណបក្ស​ជម្រើស​សម្រាប់អ្នកបោះឆ្នោតដែលគាំទ្រគណបក្សមួយនេះ។ ការពិតទៅគណបក្សដែលមិនទាំងដឹងអំពីនីតិវីធីនៃការចុះឈ្មោះផងនោះ មិនស័ក្តិសមនឹងទទួល​បានសន្លឹកឆ្នោតពីប្រជាពលរដ្ឋនោះឡើយ។ ហើយយើងក៏សូមអំពាវនាវដល់ប្រជាពលរដ្ឋទាំងអស់​ចុះឈ្មោះ​បោះឆ្នោត​ឱ្យបានគ្រប់គ្នាផងដែរ មិនដូច្នោះទេ លោកអ្នកនឹងមានអាចបោះឆ្នោត​បានដូច​គណបក្សដែល​មិន​អាចចូលរួមបានអញ្ចឹងដែរ ព្រោះប្រទេសមានច្បាប់ដែលគ្រប់គ្នា​ត្រូវតែគោរព មិនមែនចេះតែនឹកឃើញហើយនិយាយនោះឡើយ៕

សម្តេចតេជោ ហ៊ុន សែន៖ កាលស៊ីហ្គេមលើកទី២០ឆ្នាំ១៩៩៩ កម្ពុជាចំណាត់ថ្នាក់លេខ១០ ជាមួយនឹង០មេដាយ

2023/05/17 11:21:54 am        344
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី តាមរយៈសារតេឡេក្រាម នៅព្រឹកថ្ងៃទី១៧ ខែឧសភានេះ បានបញ្ជាក់ថា «កាលពីសុីហ្គេមលើកទី២០ ឆ្នាំ១៩៩៩ កម្ពុជា ស្ថិតនៅចំណាត់ថ្នាក់លេខ១០ជាមួយនឹង០មេដាយ»។សម្តេចបន្តថា សុីហ្គេមលើកទី៣២ ឆ្នាំ២០២៣ កម្ពុជាទទួលបានមេដាយសរុប ២៨២ ដោយឈរលំដាប់ទី៤ខាងមេដាយមាស និងឈរលំដាប់ទី៣ខាងមេដាយច្រើន (សូមមើលតារាងប្រៀបធៀប)។សម្តេចបញ្ជាក់ថា «នេះជាសមិទ្ធិផលរបស់ប្រជាជាតិទាំងមូល ដែលប្រឹងងើបឈរឡើងក្នុងការកសាងជាតិនិយាយជារួម និងក្នុងវិស័យកីឡានិយាយដោយឡែក»៕

បណ្ដាញសង្គម

ព័ត៌មានថ្មីៗ

កម្មវិធីអាហារឥតគិតថ្លៃរបស់ឥណ្ឌូនេស៊ីរងការរិះគន់ ក្រោយរីករាលដាករណីពុលអាហារ
10/01/2025 08:10 PM
Facebook Telegram Linkin
​នាយករដ្ឋមន្រ្តីកាតាសង្ឃឹមថាសន្ទុះឥឡូវនឹងអាចបញ្ចប់សង្រ្គាមអ៊ីស្រាអែលនៅតំបន់ហ្កាហ្សា
10/01/2025 08:10 PM
Facebook Telegram Linkin
លោក Erdogan បញ្ជាក់ថា ទួរគីនឹងមិនអនុញ្ញាតឲ្យមានការបំបាក់បំបែកស៊ីរីឡើយ
10/01/2025 07:10 PM
Facebook Telegram Linkin
អ៊ីរ៉ង់អនុម័តសេចក្ដីស្នើច្បាប់រឹតបន្តឹងការដាក់ពិន័យ ចំពោះអ្នកធ្វើចារកម្មឲ្យអាមេរិក និងអ៊ីស្រាអែល
10/01/2025 07:10 PM
Facebook Telegram Linkin
គ្រួសារអតីតយុទ្ធជន ចំនួន ២០គ្រួសារ ក្នុងខេត្តព្រះសីហនុ ទទួលបានអំណោយពីសម្ដេចទាំងទ្វេ
10/01/2025 07:10 PM
Facebook Telegram Linkin
អតីតយុទ្ធជន ក្នុងខេត្តព្រះសីហនុ ទទួលបានអណ្តូងទឹកសម្រាប់ប្រើប្រាស់ចំនួន ១០អណ្តូងពីព្រះករុណាព្រះបាទសម្ដេចព្រះបរមនាថ នរោត្ដមសីហមុនី
10/01/2025 07:10 PM
Facebook Telegram Linkin
ក្រុមប្រឹក្សាវប្បធម៌អាស៊ី ទទួចឱ្យអន្តរជាតិ ទប់ស្កាត់សោកនាដកម្មលើសម្បត្តិបេតិកភណ្ឌវប្បធម៌ ដូចករណីប្រាសាទព្រះវិហារ
10/01/2025 07:10 PM
Facebook Telegram Linkin
ឥណ្ឌា៖ កងកម្លាំងសន្តិភាពរបស់ UN ទំនងជាមិនអាចត្រូវបានដាក់ពង្រាយ នៅតំបន់ហ្កាហ្សា និងអ៊ុយក្រែន
10/01/2025 07:10 PM
Facebook Telegram Linkin
ឯកឧត្ដម ហេង សួរ ណែនាំឱ្យសិស្សានុសិស្សដែលទើបប្រឡងបញ្ចប់មធ្យមសិក្សាទុតិយភូមិ ពិចារណាលើកត្តាបី មុនពេលសម្រេចចិត្តជ្រើសរើសមុខជំនាញសិក្សា
10/01/2025 07:10 PM
Facebook Telegram Linkin
ការវាយប្រហាររបស់អ៊ីស្រាអែលសម្លាប់ជនប៉ាឡេស្ទីន ៤៥នាក់ នៅតំបន់ហ្កាហ្សា ខណៈផែនការឈប់បាញ់ពុំច្បាស់លាស់
10/01/2025 07:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.