នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ
សម្ដេ​ចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»
សម្តេចតេជោ ហ៊ុន សែន ថ្លែងថា អាវក្រោះ និងសម្ភារយោធាម៉ាក DSS សុទ្ធតែមានគុណភាពហើយអាវការពារនេះនាយករដ្ឋមន្រ្តីបានសាករួចហើយ
សម្ដេចតេជោ ហ៊ុន សែន អញ្ជើញពិនិត្យមើលរោងចក្រ ផលិតសម្ភារៈយោធា DSS និងសំណេះសំណាលជាមួយកម្មករ កម្មការិនី

នយោបាយ​ និង ការអភិវឌ្ឍន៍

អាមេរិក និងប្រទេស G7 បង្ហាញវិធានការទណ្ឌកម្មថ្មីដោយដាក់គោលដៅលើរុស្ស៊ីជុំវិញសង្គ្រាមនៅអ៊ុយក្រែន

2023/05/19 10:23:41 am        82
Facebook Telegram Linkin
អាមេរិក៖ មន្ត្រីសហរដ្ឋអាមេរិក បាននិយាយមុនកិច្ចប្រជុំកំពុល G7 ក្នុងប្រទេសជប៉ុនថា សហរដ្ឋអាមេរិក និងក្រុមប្រទេសមានឧស្សាកម្មរីកលូតលាស់ទាំង៧ ឬG7 នឹងបង្ហាញវិធានការទណ្ឌកម្មថ្មី និងការគ្រប់គ្រងការនាំចេញដាក់គោលដៅលើប្រទេសរុស្ស៊ី ជុំវិញសង្គ្រាមរបស់ខ្លួនលើអ៊ុយក្រែន។ មេដឹកនាំប្រទេសG7 កំពុងជួបប្រជុំគ្នាក្នុងទីក្រុង Hiroshima នៅថ្ងៃសុក្រនេះ ដោយបញ្ហានៃការវាយលុកលើអ៊ុយក្រែន ដែលបច្ចុប្បន្នចូលដល់ឆ្នាំទី២របស់ខ្លួនស្ថិតនៅលើរបៀបវារៈលើគេ។សហរដ្ឋអាមេរិក បានដឹកនាំការដាក់ទណ្ឌកម្មតឹងតែងលើក្រុមហ៊ុន ធនាគារ និងបុគ្គលជនជាតិរុស្ស៊ី ហើយសេចក្តីប្រកាសដែលនឹងធ្វើឡើង ត្រូវបានរៀបចំដើម្បីបញ្ជាក់ជាថ្មីនូវដំណោះស្រាយរបស់ប្រទេសមហាអំណាចពិភពលោក ដើម្បីគាំទ្រអ៊ុយក្រែន ហើយដាក់សម្ពាធលើទីក្រុងមូស្គូ។ មន្ត្រីអាមេរិក ដែលបាននិយាយទៅកាន់ក្រុមអ្នកសារព័ត៌មាន កាលពីថ្ងៃព្រហស្បតិ៍ មុនកិច្ចប្រជុំនោះ បាននិយាយថា កិច្ចប្រឹងប្រែងចុងក្រោយរបស់ក្រុមប្រទេសG7 មានបំណងបង្អាក់សមត្ថភាពរបស់រុស្ស៊ីកុំឲ្យទទួលបានយុទ្ធោបករណ៍ដែលប្រទេសនេះត្រូវការសម្រាប់ការប្រយុទ្ធនៅសមរភូមិ មធ្យោបាយដែលត្រូវបានប្រើប្រាស់ដើម្បីបញ្ចៀសទណ្ឌកម្ម កាត់បន្ថយបន្ថែមទៀតការពឹងផ្អែកជាអន្តរជាតិលើថាមពលរុស្ស៊ី និងរឹតត្បិតដំណើរការរបស់ទីក្រុងមូស្គូចូលក្នុងប្រព័ន្ធហិរញ្ញវត្ថុអន្តរជាតិ។ សហរដ្ឋអាមេរិក និងសម្ព័ន្ធមិត្តរបស់ខ្លួន រួមទាំងសហភាពអឺរ៉ុប និងចក្រផពអង់គ្លេស បានបន្តបង្កើនការដាក់ទណ្ឌកម្ម និងការដាក់សម្ពាធគ្រប់គ្រងការនាំចេញលើប្រទេសរុស្ស៊ី ចាប់តាំងពីការវាយលុកលើអ៊ុយក្រែនដែលបានចាប់ផ្តើមក្នុងខែកុម្ភៈ ឆ្នាំ២០២២។ គោលដៅរាប់ពាន់ដែលរងដោយទណ្ឌកម្មពីទីក្រុងវ៉ា ស៊ីនតោន រហូតមកដល់ពេលនេះរួមមានទាំងប្រធានាធិបតីលោក Vladimir Putin វិស័យហិរញ្ញវត្ថុ និងក្រុមមហាសេដ្ឋី។

លោកស្រី Harris និងទីប្រឹក្សាសេដ្ឋកិច្ចសេតវិមាននិយាយថា ការខកខានមិនសងបំណុល អាចបង្កឲ្យមានឱនភាព

2023/05/19 10:05:50 am        293
Facebook Telegram Linkin
អាមេរិក៖ អនុប្រធានាធិបតីសហរដ្ឋអាមេរិក លោកស្រី Kamala Harris និងទីប្រឹក្សាសេដ្ឋកិច្ចសេតវិមាន លោក Lael Brainard បាននិយាយកាលពីថ្ងៃព្រហស្បតិ៍ថា ការខកខានមិនសងបំណុលរបស់សហរដ្ឋអាមេរិកចំនួន៣១,៤សែនកោដិដុល្លារ នឹងរុញឲ្យសេដ្ឋកិច្ចអាមេរិកធ្លាក់ចូលក្នុងឱនភាព។ ក្នុងការអំពាវនាវតាម  រយៈសន្និសីទសារព័ត៌មាន សម្រាប់សកម្មជនលទ្ធិប្រជាធិបតេយ្យ លោកស្រី Harris និងលោក Brainard បានទទូចឲ្យពួកគេទាក់ទងជាមួយសមាជិកសភាដើម្បីបង្ហាញការប្រឆាំងចំពោះការខកខានមិនសងបំណុល ដែលអាចមានរយៈពេលមិនដល់២សប្តាហ៍ទៀតនេះ។ លោកស្រីHarris បានប្រើប្រាស់ការអំពាវនាវដើម្បីបន្តផ្តោតសំខាន់លើការខកខានសងបំណុលដែលជិតចូលមកដល់ ខណៈប្រធានាធិបតី លោក Joe Biden ចំណាយពេលពីរបីថ្ងៃខាងមុខនៅក្នុងប្រទេសជប៉ុនចូលរួមកិច្ចប្រជុំកំពូលក្រុមប្រទេសមានឧស្សាហកម្មលូតលាស់ទាំង៧ ឬG7 របស់មេដឹកនាំពិភពលោក។ លោកស្រីនិយាយថាការខកខានសងបំណុលអាចបង្កឲ្យមានឱនភាព។ ក្រុមអ្នកចរចានៅសេតវិមាន និងសមាជិកគណបក្សសាធារណៈរដ្ឋនៅសភា បានជួបប្រជុំគ្នាម្តងទៀតនៅ វិមាន Capitol Hill ដើម្បីពិភាក្សាពីការស្វែងរកមូលដ្ឋានរួមលើការបង្កើនអតិបរមាបំណុលលើចំនួន៣១,៤សែនកោដិដុល្លារ និងផែនការជួបប្រជុំគ្នាម្តងទៀតនៅថ្ងៃសុក្រនេះ។ លោក Brainard នាយកក្រុមប្រឹក្សាសេដ្ឋកិច្ចជាតិសេតវិមាន និយាយថា ក្រុមចរចារបស់លោក Biden ត្រូវបានណែនាំមិនឲ្យយល់ស្របចំពោះសំណើរបស់គណបក្សសាធារណៈរដ្ឋណាមួយលើការបង្កើនកម្រិតអតិបរមាបំណុល ដែលនឹងដកចេញកម្មវិធីថែទាំសុខភាពពីប្រជាជនអាមេរិក ឬជំរុញឲ្យពួកគេធ្លាក់ចូលក្នុងភាពក្រីក្រ។សមាជិកគណបក្សសាធារណៈរដ្ឋ ដែលកំពុងគំរាមដើម្បីឲ្យមានការខកខានសងបំណុល កំពុងព្យាយាមបញ្ចុះបញ្ចូលសមាជិកគណបក្សសាធារណៈរដ្ឋឲ្យទទួលយកតម្រូវការការងារកាន់តែតឹងតែងសម្រាប់កម្មវិធីផ្តល់ជំនួយសហព័ន្ធ ព្រមទាំងកាត់បន្ថយការចំណាយ ជាការដោះដូរនឹងការដកបម្រាមខ្ចីប្រាក់៕

អ៊ុយក្រែន និយាយថា កម្លាំងរុស្សីកំពុងដកថយក្បែរទីក្រុង Bakhmut

2023/05/19 09:55:34 am        322
Facebook Telegram Linkin
អ៊ុយក្រែន៖ ទាំងយោធាអ៊ុយក្រែន និងអង្គភាពទាហានស៊ីឈ្នួល Wagner របស់រុស្ស៊ី សុទ្ធតែបានរាយការណ៍ពីការដកថយរបស់រុស្ស៊ីបន្ថែមទៀត នៅជុំវិញទីក្រុង Bakhmut កាលពីថ្ងៃព្រហស្បតិ៍ ខណៈដែលទីក្រុងគីវ បានបន្តរុញជាមួយនឹងការវាយរុលទៅមុខដ៏ធំបំផុតរបស់ខ្លួន ក្នុងរយៈពេល៦ខែ មុនការវាយបកដែលគ្រោងទុក។ទាហានអ៊ុយក្រែននៅជិតសមរភូមិជួរមុខ បានឲ្យដឹងថា រុស្ស៊ីកំពុងបាញ់ផ្លោងដាក់ផ្លូវចូល ដើម្បីពន្យឺតល្បឿនការវាយលុករបស់អ៊ុយក្រែន ដែលបានផ្លាស់ប្តូរសន្ទុះ បន្ទាប់ពីជាច្រើនខែនៃការទទួលបានជ័យជម្នះយ៉ាងយឺតៗរបស់រុស្ស៊ី នៅក្នុងការប្រយុទ្ធថ្មើរជើងដ៏បង្ហូរឈាមបំផុតរបស់អឺរ៉ុប ចាប់តាំងពីសង្គ្រាមលោកលើកទី២ មក។លោក Petro Podaru មេបញ្ជាការកងកាំភ្លើងធំអ៊ុយក្រែន បាននិយាយថា៖ «ឥឡូវនេះ ដោយភាគច្រើន នៅពេលដែលយើងបានចាប់ផ្តើមរុលទៅមុខ ពួកគេកំពុងបាញ់ផ្លោងដាក់គ្រប់ផ្លូវទៅកាន់ទីតាំងខាងមុខទាំងអស់ ដូច្នេះរថពាសដែករបស់យើងមិនអាចបញ្ជូនទ័ពថ្មើរជើង គ្រាប់រំសេវ និងរបស់របរផ្សេងៗទៀតបាននោះទេ»។យោធាអ៊ុយក្រែនបានឲ្យដឹងថា ទាហានបានរុលទៅកន្លែងនានាជិត ២គីឡូម៉ែត្រ។ កងកម្លាំងរបស់ខ្លួនបានការពារអស់រយៈពេលកន្លះឆ្នាំ ដោយពុះពារនឹងការវាយលុកយ៉ាងធំពីសំណាក់ទីក្រុងមូស្គូ ដែលត្រឹមតែទទួលបានជ័យជម្នះចន្តិចម្តងៗ។ជ័យជម្នះរបស់អ៊ុយក្រែន បានមកអមជាមួយនឹងការបែកបាក់កាន់តែធំឡើងៗ នៅក្នុងកងកម្លាំងរុស្ស៊ី រវាងអង្គភាពទាហានស៊ីឈ្នួល Wagner ដែលដឹកនាំយុទ្ធនាការ នៅក្នុងទីក្រុង Bakhmut និងកងទ័ពជាតិរុស្ស៊ី។ទីក្រុងគីវ និយាយថា ខ្លួនបានចាប់ផ្តើមការរុលទៅមុខ នៅជុំវិញ Bakhmut ជាការចាប់ផ្ដើមនាំមុខ ចំពោះការវាយបកដ៏ធំនាពេលឆាប់ៗនេះ ដែលខ្លួនសង្ឃឹមថា នឹងកែប្រែស្ថានការណ៍ ប្រឆាំងនឹងការវាយលុករយៈពេល១៥ខែរបស់រុស្ស៊ី៕

សម្ដេចតេជោ ហ៊ុន សែន អញ្ជើញដឹកនាំកិច្ចប្រជុំគណៈរដ្ឋមន្ដ្រី ដើម្បីពិភាក្សា និងឆ្លងរបៀបវារៈមួយចំនួន

2023/05/19 09:30:54 am        316
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ដ្រី នៅព្រឹកថ្ងៃសុក្រ ទី១៩ ខែឧសភា ឆ្នាំ២០២៣នេះ បានអញ្ជើញដឹកនាំកិច្ចប្រជុំពេញអង្គគណៈរដ្ឋមន្ដ្រី ដើម្បីពិភាក្សា និងឆ្លងរបៀបវារៈមួយចំនួន នៅវិមានសន្ដិភាព។ របៀបវារៈដែលត្រូវដាក់ឆ្លងក្នុងកិច្ចប្រជុំពេញអង្គនៅព្រឹកនេះរួមមាន៖ ១- សេចក្តីព្រាងច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម២- សេចក្តីព្រាងច្បាប់ស្តីពីវិធានដើមកំណើតទំនិញ៣- របាយការណ៍ស្តីពីកិច្ចប្រជុំរបស់គណៈកម្មការអន្តរក្រសួងដើម្បីសិក្សា និងអនុវត្តគម្រោងនាវាចរណ៍ និងប្រព័ន្ធភស្តុភារកម្មទន្លេបាសាក់៤- បញ្ហាផ្សេងៗ។សូមបញ្ជាក់ថា ច្បាប់ស្ដីពី«អត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម» មានវិសាលភាពអនុវត្តចំពោះជនគ្រប់រូប ដែលរស់នៅលើទឹកដីនៃព្រះរាជាណាចក្រកម្ពុជា និងប្រជាពលរដ្ឋខ្មែរដែលរស់នៅបរទេសផងដែរ៕

អង្គភាពព័ត៌មាន និងប្រតិកម្មរហ័ស៖ «ស៊ីហ្គេម​លើក​ទី៣២ គឺជាព្រឹត្តិការណ៍​រំលេចពី​អច្ឆរិយភាព​នៃ​កម្ពុជា»

2023/05/19 09:23:29 am        128
Facebook Telegram Linkin
នៅថ្ងៃទី១៩ ខែឧសភា ឆ្នាំ២០២៣នេះ អង្គភាព​ព័ត៌មាន និងប្រតិកម្មរហ័ស នៃទីស្តីការ​គណៈ​រដ្ឋ​មន្ត្រី​បានបញ្ចេញផ្សាយវីដេអូផ្លូវការថ្មីដ៏លេចធ្លោរមួយក្រោមចំណងជើងថា «ស៊ីហ្គេម លើកទី៣២ គឺ​ជា​ព្រឹត្តិការណ៍រំលេច​ពីអច្ឆរិយភាព នៃ​កម្ពុជា »។ វីដេអូនេះ គឺជាការសរុប​នៃព្រឹត្តិការណ៍​ដ៏​មហាស្ចារ្យ​ដែល​​បាន​កើត​មាន​នៅកម្ពុជា​ទឹកដី​សុវណ្ណភូមិ​​ដ៏ប្រណិត។ខ្លឹមសារ នៃ​វីដេអូដ៏​ពិសេសនេះបានប្រាប់ពិភពលោកថា «កម្ពុជា ព្រះរាជាណាចក្រអច្ឆរិយៈ (Kingdom of Wonder) បានបង្ហាញនូវ​រូបភាពកាន់​តែច្បាស់​តាម​រយៈ​ព្រឹត្តិការណ៍​ស៊ីហ្គេម​ លើកទី៣២ ដែល​​កម្ពុ​ជា​​ធ្វើ​ជាម្ចាស់ផ្ទះ។ ការរៀបចំ​បាន​យ៉ាង​ល្អប្រសើរដែលមិននឹកស្មាន ដល់​នេះ ពិតជាបានធ្វើឲ្យបរទេសលាន់មាត់គ្រប់ៗគ្នាថា “Amazing” ដែលមានន័យជាភាសាខ្មែរថា «អស្ចារ្យ»។ ភាពអស្ចារ្យរបស់កម្ពុជាដែលបានស្តែងឡើង តាមរយៈ​ការ​រៀបចំ​ធ្វើ​ជា​ម្ចាស់​ផ្ទះ​ នៃ​កីឡា​ស៊ីហ្គេម​មាន​ច្រើន​ទម្រង់ ហើយដែលជនបរទេសក៏មានការភ្ញាក់ផ្អើលយ៉ាងខ្លាំងដោយមិននឹកស្មានថា ការ​ទទួល​ធ្វើ​ជាម្ចាស់ផ្ទះជា​លើក​ដំបូងរបស់កម្ពុជាអាចធ្វើបានល្អដល់ម្លឹងសោះ។ មហាទស្សនីយភាពដែលលើកយកមកសម្តែងក្នុងពិធីនោះ មិន​ត្រឹម​តែ​មាន​រូប​ភាព​គួរ​ឲ្យ​ស្ញប់​ស្ញែង​ប៉ុណ្ណោះ​ទេ ​ប៉ុន្តែវាក៏មានអត្ថន័យយ៉ាងជ្រាលជ្រៅ ចាក់ដោត​ចំបេះដូងខ្មែរ​គ្រប់​រូប​ឲ្យ​បាន​ឃើញ​ពី​អច្ឆរិយភាព នៃ​ដូ​នតារបស់ខ្លួនពីអតីតកាល ដោយមិនភ្លេចពីការ​ដឹកនាំ​ដ៏​ឈ្លាស​វៃ​របស់​ប្រមុខ​ដឹកនាំ​ខ្មែរ​បច្ចុប្បន្ន​ដែល​អាច​ធ្វើ​ឲ្យ​ប្រទេស​ជាតិ​មាន​សុខ​សន្តិភាព និង​ការ​អភិវឌ្ឍ​យ៉ាង​សម្បើម​បន្ទាប់​ពី​បាន​ឆ្លងកាត់ដំណាក់កាលភ្លើងសង្គ្រាម របបប្រល័យពូជសាសន័ ប៉ុល ពត និង​ការ​បែក​បាក់​ជាតិ​អស់ជាច្រើនទសវត្សរ៍។ភាពអស្ចារ្យរបស់កម្ពុជាក៏បានស្តែងឡើងតាមរយៈសមត្ថភាពដែលមិនស្មានដល់របស់អត្តពលិកខ្មែរដែលអាចដណ្តើមបានមេដាយរហូតដល់ ២៨២គ្រឿង​ក្នុង​នោះ​មាន​មេដាយ​មាស​រហូត​ដល់​ ៨១​គ្រឿង, មេដាយប្រាក់៧៤គ្រឿង និង​មេដាយសំរឹទ្ធចំនួន ១២៧រឿង។ នេះ​គឺ​ជា​កំណត់​ត្រា​ប្រវត្តិ​សាស្ត្រថ្មី​របស់ព្រះរាជាណាចក្រកម្ពុជាក្នុងសតវត្សរ៍ទី២១។ កំណត់ត្រានេះ​ពិត​ជា​បាន​បង្ហាញ​អំពី​សក្តានុពលដ៏អស្ចារ្យ នៃវិស័យកីឡាកម្ពុជា។ក្នុងការធ្វើជាម្ចាស់ផ្ទះកីឡាស៊ីហ្គេមលើកដំបូងឆ្នាំ ២០២៣ បន្ទាប់ពីខកខានអស់រយៈពេល ៦៤ ឆ្នាំ កម្ពុជា​ក៏​បាន​ធ្វើ​ឲ្យ​ពិភពលោកមា​ន​ការ​ភ្ញាក់​ផ្អើល​ដោយ​សារ​តែ​ព្រះរាជាណាចក្រ​ដ៏​តូច​ច្រឡឹង​មួយ​នេះ​បាន​បង្កើតប្រវត្តិសាស្ត្រថ្មីក្នុងវិស័យកីឡាស៊ីហ្គេម នោះគឺការទទួល​អត្តពលិក​បរទេស​ដោយ​មិន​គិតប្រាក់ ទាំងអាហារ ការស្នាក់នៅ និងដឹកជញ្ជូន។ ចំណែក​ឯ​សំបុត្រ​ចូល​ទស្សនា និង​ការ​ផ្សព្វ​ផ្សាយ​ក៏​រាជរដ្ឋាភិបាលកម្ពុជាបានសម្រេចមិនយកប្រាក់សូម្បីតែមួយសេន ពោលគឺ​កម្ពុជា​បាន​បង្កើត​ប្រវត្តិសាស្ត្រថ្មីដែលភាសាបរទេសហៅថា Free Games ក្រោមស្មារតី «ប្រទេសតូច តែបេះដូងធំ»។ទន្ទឹមនឹងភាពអស្ចារ្យដែលបានបង្ហាញឲ្យឃើញ ព្រឹត្តិការណ៍​កីឡា​ស៊ីហ្គេម​លើក​ទី៣២​​ដែល​កម្ពុជា​ធ្វើ​ជា​ម្ចាស់​ផ្ទះមានអត្ថន័យច្រើនយ៉ាងណាស់សម្រាប់ប្រជាជាតិខ្មែរទាំងមូល ក្នុងនោះអត្ថន័យ​ដ៏​លេច​ធ្លោរ​ចំនួនពីរ គឺសន្តិភាពនិងការអភិវឌ្ឍន៍ បាននិង​កំពុង​ផ្តល់ផល​ជាក់ស្តែង​ជូនដល់​ប្រទេស​ជាតិ​ ​និង​ប្រជា​ពលរដ្ឋខ្មែរ។ បើគ្មានសន្តិភាព គ្មានការ​អភិវឌ្ឍន៍​ហេដ្ឋា​រចនាសម្ព័ន្ធ និងគ្មាន​ការកើន​ឡើង​ នៃ​​ជីវភាព​របស់ប្រជាពលរដ្ឋខ្មែរទេនោះ កម្ពុជាក៏មិន​អាចរៀបចំ​ព្រឹត្តិការណ៍​ស៊ីហ្គេម​បែប​នេះ​បាន​ដែរ។ ស្មារតី​ជាតិ សាមគ្គីភាព​​និឯកភាព​ផ្ទៃក្នុងរវាង​ខ្មែរនិង​ខ្មែរបានស្តែង​ឡើងយ៉ាងច្បាស់​នៅ​ក្នុង​ព្រឹត្តិការណ៍​ស៊ីហ្គេម លើកទី៣២​នេះ ​តាមរយៈ​ការគាំទ្រ និងសាទរ​យ៉ាងគគ្រឹក​គគ្រេង​ពី​សំណាក់​ប្រជាពលរដ្ឋគ្រប់មជ្ឈដ្ឋានទាំងក្នុង និង​ក្រៅប្រទេស ក្រោមស្មារតី «ខ្មែរអាច​ធ្វើបាន»។ សូមទស្សនាវីដេអូ៖ https://t.me/btvnewscambodia/94932

គម្រោងផ្លូវល្បឿនលឿនភ្នំពេញ-បាវិត ឈានដល់ចុះហត្ថលេខាលើកិច្ចសន្យាជាដៃគូររវាងរដ្ឋ និងឯកជន

2023/05/18 01:43:14 pm        413
Facebook Telegram Linkin
ភ្នំពេញ៖ គម្រោងសាងសង់ផ្លូវល្បឿនលឿនភ្នំពេញ-បាវិត មកដល់ពេលនេះ បានឈានដល់ដំណាក់កាលចុះហត្ថលេខាលើកិច្ចសន្យាជាដៃគូររវាងរដ្ឋ និងឯកជន ដែលគម្រោងសាងសង់ផ្លូវល្បឿនលឿនទី២ របស់កម្ពុជានេះ រដ្ឋនឹងសាងសង់ស្ពានធំ១ សម្រាប់ឆ្លងទន្លេមេគង្គ និងឯកជនសាងសង់ផ្លូវដែលមានប្រវែងប្រមាណ ១៣៥គីឡូម៉ែត្រ។ឯកឧត្ដមទេសរដ្ឋមន្ដ្រី ស៊ុន ចាន់ថុល រដ្ឋមន្ដ្រីក្រសួងសាធារណការ និងដឹកជញ្ជូន ថ្លែងថា គម្រោងសាងសង់ផ្លូវល្បឿនលឿនភ្នំពេញ-បាវិត បានឈានដល់ដំណាក់កាលចុះហត្ថលេខា​លើ​កិច្ចសន្យាជាដៃគូររវាងរដ្ឋ ​និងឯកជន ដើម្បីចាប់ផ្ដើមសាងសង់ រដ្ឋនឹងសាងសង់ស្ពានឆ្លង​ទន្លេមេគង្គ​ភ្ជាប់ផ្លូវក្រវាត់ក្រុងទី៣​ និងក្រុមហ៊ុនឯកជនត្រូវចេញថវិកា​សាងសង់ផ្លូវបន្ត។នេះបើតាមឯកឧត្ដម ថ្លែងប្រាប់អ្នកសារព័ត៌មាន បន្ទាប់ពីឯកឧត្ដមអញ្ជើញក្នុងពិធីចុះហត្ថលេខាលើកិច្ចសន្យាជាដៃគូររវាងរដ្ឋ និងឯកជន ជាមួយ លោក Zhou Yong តំណាងក្រុមហ៊ុនសាជីវកម្មថ្នល់ និងស្ពានចិន នាព្រឹកថ្ងៃទី១៨​ ខែឧសភា ឆ្នាំ២០២៣​ នាទីស្ដីការក្រសួងសាធារណការ និងដឹកជញ្ជូន។ឯកឧត្ដមទេសរដ្ឋមន្ដ្រី ស៊ុន ចាន់ថុល បានបន្ថែមថា ​ការសាងសង់ផ្លូវល្បឿនលឿនភ្នំពេញ បាវិត មានសារៈសំខាន់ណាស់សម្រាប់កម្ពុជា​ ដោយសារកម្ពុជា​ជា​ប្រទេសនៅចំ​កណ្ដាលមហា​អនុតំបន់​មេគង្គ ដែលមានកម្ពុជា ឡាវ ថៃ វៀតណាម ភូមា និងចិន។ ប្រទេសថៃ និងវៀតណាម បាន​ធ្វើ​ពាណិជ្ជកម្មរាប់ពាន់លានក្នុងមួយឆ្នាំ ​ប៉ុន្តែមិនបានដឹកទំនិញឆ្លងកាត់កម្ពុជាទេ ​ដោយប្រើផ្លូវផ្សេង ប៉ុន្តែនៅពេលកម្ពុជាសាងសង់ល្បឿនលឿនទី២នេះរួចរាល់ ផ្លូវជាតិលេខ៥ ពី​ប៉ោយប៉ែត​មកភ្នំពេញ នឹង​អាចក្លាយជាផ្លូវសេដ្ឋកិច្ចដ៏សំខាន់​សម្រាប់​ប្រទេសថៃ ដឹកទំនិញឆ្លងកាត់​ឡើងមក​ផ្លូវល្បឿនលឿនភ្នំពេញ-បាវិត ​ឆ្ពោះទៅកាន់ប្រទេសវៀតណាមបាន ពេលនោះកម្ពុជា​នឹងក្លាយជាឃ្លាំងស្តុកទុក​ និងបង្កើតការងារជួយពលរដ្ឋកម្ពុជាបានថែមទៀត។ ដូច្នេះហើយទើប​រាជរដ្ឋាភិបាល​កម្ពុជា ខិតខំជំរុញកិច្ចការនេះ​ និងចាប់ដំណើរការឱ្យបានឆាប់។គម្រោងផ្លូវល្បឿនលឿនភ្នំពេញ-បាវិត ត្រូវបានឯកភាពគ្នាជាគោលការណ៍ ​ក្រោមកិច្ចព្រមព្រៀង PPP ដែលបានចុះហត្ថលេខានាឱកាសនេះ មានប្រវែងប្រមាណ ១៣៥គីឡូម៉ែត្រ ​សាងសង់ជា៤ គន្លង ​ដោយឆ្លងកាត់ខេត្តកណ្តាល ខេត្តព្រៃវែង និងខេត្តស្វាយរៀង។សាងសង់ជាមួយទុនវិនិយោគប្រមាណ ១,៣៥ ​ពាន់លានដុល្លារអាមេរិក និងរយៈពេលសាងសង់៤ឆ្នាំ ​ក្រោមទម្រង់វិនិយោគសាងសង់-ប្រតិបត្តិការ-ផ្ទេរ ​ហៅកាត់ថា BOT ដូចគ្នាទៅ​នឹងគម្រោងផ្លូវល្បឿនលឿនភ្នំពេញ-ព្រះសីហនុដែរ ហើយក្រុមហ៊ុននឹងប្រត្តិបត្តិការ​រយៈពេល៥០ឆ្នាំ ​មុនពេលផ្ទេរជូនរាជរដ្ឋាភិបាល។គម្រោងផ្លូវល្បឿនលឿនខ្សែទី២ ភ្នំពេញ-បាវិតនេះ ​នឹងប្រារព្ធពិធីបើកការដ្ឋានជាផ្លូវការនៅថ្ងៃទី០៧ ខែមិថុនា ឆ្នាំ២០២៣ ​ក្រោមអធិបតីភាពដ៏ខ្ពង់ខ្ពស់សម្តេចអគ្គមហាសេនាបតីតេជោ​ ហ៊ុន សែន នាយករដ្ឋមន្ត្រី ​ខណៈដែលគម្រោងផ្លូវល្បឿនលឿនខ្សែទី៣​ ភ្នំពេញ-សៀមរាប គ្រោង​នឹង​បញ្ចប់ការសិក្សាសមិទ្ធិលទ្ធភាពនៅចុងខែឧសភានេះ ហើយគ្រោងនឹងចុះអនុស្សារណៈនៃការ​យោគយល់​ក្នុងពេលឆាប់ៗនេះផងដែរ៕អត្ថបទ ៖ ប្រាក់ វ៉ាន់ដា

កម្ពុជាបិទបញ្ចប់ព្រឹត្តិការស៊ីហ្គេមដោយជោគជ័យ និងពុំមានឧបទ្ទវហេតុណាមួយកើតឡើងឡើយ

2023/05/18 01:13:57 pm        314
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្រ្ដីនៃកម្ពុជា បានអបអរសាទរលទ្ធផលជោគជ័យ​ប្រកបដោយមោទនភាពជាមួយប្រជាពលរដ្ឋនូវទូទាំងប្រទេសកម្ពុជា ចំពោះលទ្ធផល​នៃការ​រៀបចំព្រឹត្តិការណ៍កីឡាស៊ីហ្គេមលើកទី៣២ នៅកម្ពុជា ប្រកបដោយភាពជោគជ័យ ទាំងក្នុងពេល​បើក​ ក្នុងពេលប្រកួតកីឡា និងអំឡុងពេលបិទព្រឹត្តិការណ៍​ គឺពុំមានឧបទ្ទវហេតុ​ធ្ងន់ធ្ងរ​ណាមួយកើតឡើងចំពោះប្រជាពលរដ្ឋ ប្រតិភូកីឡា និងក្រុមអត្តពលិកមកពីបណ្ដាប្រទេសនានានោះទេ។សម្តេចតេជោ ហ៊ុន សែន បានថ្លែងអបអរសាទរបែបនេះ នាឱកាសអញ្ជើញជាអធិបតីពិធី​ប្រគល់សញ្ញាបត្រ​ដល់និស្សិតពេទ្យបញ្ចប់ការសិក្សា ពីសាកលវិទ្យាល័យវិទ្យាសាស្ត្រ​សុខាភិបាលជាង ១ ពាន់នាក់ ​នាព្រឹកថ្ងៃទី១៨ ខែឧសភា ឆ្នាំ២០២៣នេះ នៅសណ្ឋាគារសុខាភ្នំពេញ។សម្ដេចតេជោ បានមានប្រសាសន៍ថា កម្ពុជាបានបិទបញ្ចប់ដោយជោគជ័យនៅការប្រកួតស៊ីហ្គេម​កាលពីល្ងាចថ្ងៃទី១៧ ខែឧសភា ឆ្នាំ២០២៣ ម្សិលមិញនេះ ​ហើយក្រុមប្រតិភូកីឡា កីឡាករ កីឡាការិនី​ ដែលបានមកចូលរួមពីបណ្ដាប្រទេសអាស៊ាននានា ក៏បានត្រលប់ទៅដល់ប្រទេស​របស់ខ្លួនវិញប្រកបដោយសុវត្ថិភាពផងដែរ។ ​ក្រៅពីនេះ ​ក៏មានប្រតិភូកីឡា ​អត្តពលិក និងអ្នកគាំទ្រ​បរទេសតិចតួចបន្តកម្សាន្តនៅតាមតំបន់ទេសចរណ៍មួយចំនួននៅក្នុងប្រទេសកម្ពុជា។សូមជម្រាបថា កម្ពុជាបានធ្វើពិធី បិទព្រឹត្តិការណ៍ស៊ីហ្គេមលើកទី៣២ ដែលកម្ពុជាបានធ្វើជាម្ចាស់ កាល​ពីល្ងាចថ្ងៃទី១៧ ខែឧសភា ​ឆ្នាំ២០២៣ ​នៅពហុកីឡដ្ឋានជាតិមរតកតេជោ ​ក្រោមអធិបតីភាព សម្ដេចតេជោ ​ហ៊ុន សែន នាយករដ្ឋមន្ត្រីនៃកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន។ ពិធីនេះ ​ក៏មានការអញ្ជើញចូលរួមពីថ្នាក់ដឹកនាំកីឡាជាតិ អន្តរជាតិ ប្រតិភូកីឡាទាំង ​១១ ប្រទេស ព្រមទាំងភ្ញៀវជាតិ ​អន្តរជាតិមហាជនសរុបប្រមាណជាង ៦ ម៉ឺននាក់។បន្ទាប់ពីកម្ពុជាបិទបញ្ចប់កាតព្វកិច្ចម្ចាស់ផ្ទះស៊ីហ្គេមលើកទី៣២ កម្ពុជាក៏បានប្រគល់ទង់ស៊ីហ្គេម​ទៅ​ឲ្យព្រះរាជាណាចក្រថៃ​ ដើម្បីបន្តរៀបចំព្រឹត្តិការណ៍ស៊ីហ្គេមលើកទី៣៣ នៅឆ្នាំ២០២៥ ខាងមុខផងដែរ៕អត្ថបទ៖វ៉ន ដារ៉ា

សម្ដេចតេជោ ណែនាំឱ្យចងក្រងទុកជាឯកសារនូវសកម្មភាពគ្រប់គ្រងកូវីដ-១៩ ដោយជោគជ័យនៅកម្ពុជា

2023/05/18 12:47:04 pm        291
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្រ្ដីនៃកម្ពុជា បានណែនាំដល់ភាគីពាក់ព័ន្ធ​ឱ្យ​ធ្វើការចងក្រងទុកជាឯកសាររាល់សកម្មភាព ការអនុវត្តការងារផ្សេងរបស់កម្ពុជាក្នុងការ​គ្រប់គ្រង​ជំងឺកូវីដ-១៩ ប្រកបដោយភាពជោគជ័យ ​ខណៈកាលពីជំងឺនេះរាតត្បាតដំបូងប្រទេសកម្ពុជា ឡាវ និង​ប្រទេសមានការអភិវឌ្ឍ​តិចតួចមួយចំនួនទៀតត្រូវបានសារព័ត៌មានអន្តរជាតិមួយចំនួន វាយប្រហារថា​មានវិស័យសុខាភិបាលខ្សោយមិនអាចគ្រប់គ្រងការឆ្លងរីករាលដាលជំងឺនេះបាន។ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ​បានមានប្រសាសន៍ណែនាំបែបនេះ ក្នុង​ឱកាសអញ្ជើញជាអធិបតីពិធីប្រគល់សញ្ញាបត្រ​ដល់និស្សិតពេទ្យបញ្ចប់ការសិក្សា ពី​សាកលវិទ្យាល័យវិទ្យាសាស្ត្រសុខាភិបាលជាង ១ ពាន់នាក់ ​នាព្រឹកថ្ងៃទី១៨ ខែឧសភាឆ្នាំ២០២៣នេះ នៅសណ្ឋាគារសុខាភ្នំពេញ។សម្តេចតេជោ បញ្ជាក់ថា បច្ចុប្បន្នប្រទេសកម្ពុជា ក៏បានក្លាយជាកន្លែងសម្រាប់ប្រទេសធំៗ​មួយ​ចំនួន​នៅលើពិភពលោក​ ចុះមកធ្វើការសិក្សាស្រាវជ្រាវលើការអនុវត្តយន្តការសុខាភិបាល ដើម្បី​លុបបំបាត់ជំងឺមួយចំនួនដោយជោគជ័យ ​ក្នុងនោះមានដូចជាជំងឺគ្រុនស្វិតដៃជើងជាដើម ខណៈបច្ចុប្បន្ន​កម្ពុជាក៏កំពុងអនុវត្តយន្តការដើម្បីលុបបំបាត់ជំងឺគ្រុនចាញ់ និងជំងឺមួយចំនួនទៀត​ឱ្យអស់ពីប្រទេសកម្ពុជាផងដែរ។ សម្តេចតេជោ ក៏បានកោតសរសើរដល់និស្សិតពេទ្យ ​ដែលក្នុងពេលកម្ពុជា ប្រឈមនឹងជំងឺ​រាតត្បាតកូវីដ-១៩ ក្រុមនិស្សិតពេទ្យ ​បានស្ម័គ្រចិត្តចូលរួមធ្វើកិច្ចការងារតាមជំនាញរៀងៗខ្លួន ដើម្បីចូលរួមប្រយុទ្ធប្រឆាំងនឹងជំងឺនេះជួយដល់ប្រជាពលរដ្ឋទូទាំង​ប្រទេសរហូតទទួល​បានការ​ប្រសិទ្ធនាមថា «កងទ័ពអាវស»។គួរបញ្ជាក់ថា ការគ្រប់គ្រងបានដោយជោគជ័យនូវសមរភូមិកូវីដ-១៩ នៅកម្ពុជា និងសមិទ្ធផល​ដ៏ធំធេងជាច្រើន​ គឺកើតចេញពីការដឹកនាំប្រកបដោយស្មារតីបុរេសកម្ម ចក្ខុវិស័យវែងឆ្ងាយឈ្លាស​វៃ​របស់សម្តេចតេជោ ហ៊ុន សែន ដោយ រក្សាបានសន្តិភាព​ ស្ថិរភាពនយោបាយ សន្តិសុខ​សណ្តាប់ធ្នាប់ និងសុវត្ថិភាពសង្គម រក្សាកំណើន​សេដ្ឋកិច្ច ​លំនឹងជីវភាពប្រជាជន ការលើកកម្ពស់​កិត្យានុភាពកម្ពុជានៅលើឆាកតំបន់​ និងអន្តរជាតិតាមរយៈនយោបាយការបរទេស ឯករាជ្យដោយផ្អែកលើច្បាប់៕ អត្ថបទ៖ វ៉ន ដារ៉ា

សម្ដេចតេជោ ហ៊ុន សែន បង្ហាញមោទកភាពដែលកម្ពុជាបានវិនិយោគច្រើនលើវិស័យសុខាភិបាល

2023/05/18 12:37:02 pm        379
Facebook Telegram Linkin
ភ្នំពេញ៖ នៅព្រឹកថ្ងៃទី១៨ ខែឧសភាឆ្នាំ២០២៣សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានអញ្ជើញជាអធិបតីក្នុងពិធីប្រគល់សញ្ញាបត្រដល់ និស្សិតពេទ្យបញ្ចប់ការសិក្សាពីសាកលវិទ្យាល័យវិទ្យាសាស្ត្រសុខាភិបាលជាង ១ពាន់នាក់។ ក្នុងពិធីនេះ ប្រគល់សញ្ញាបត្រនៅសណ្ឋាគារសុខាភ្នំពេញសម្ដេចតេជោ ហ៊ុន សែន បានបង្ហាញនូវមោទនភាពដែលរាជរដ្ឋាភិបាលកម្ពុជា បានវិនិយោគជាច្រើនទៅលើវិស័យសុខាភិបាល។ជាមួយនឹងការថ្លែងសរសើរចំពោះក្រសួងសុខាភិបាល សាកល វិទ្យាល័យសុខាភិបាល សាស្ត្រាចារ្យ និងនិស្សិតជ័យលាភី ដែលសម្រេចបានជោគជ័យលើការបណ្តុះបណ្តាលធនធានមនុស្ស សម្តេចតេជោ បានរំលឹកថា វាច្បាស់ណាស់ថា​បើយើងវិលត្រឡប់ ទៅមើលរូបភាពដើម​ដេក​ស្ថានភាព​សង្គមសេដ្ឋកិច្ច កម្ពុជា ជាពិសេសសុខភាពប្រជាជនរបស់យើងគួរឱ្យ​សង្វេកកាល​ពី​ពេលនោះ ប៉ុន្តែឥឡូវយើងបានដើរឆ្ងាយចេញពីកន្លែងដែលយើងធ្លាប់លំបាក ប៉ុន្តែ​វាមិនទាន់អស់ទេ នៅមានរឿងច្រើនដែលយើងត្រូវដោះស្រាយ។សូមបញ្ជាក់ថា ​សាកលវិទ្យាល័យវិទ្យាសាស្ត្រសុខាភិបាល​ គឺជាគ្រឹះស្ថានអប់រំមួយរបស់រដ្ឋបណ្តុះ បណ្តាល​ចំណេះជំនាញផ្នែកសុខាភិបាល។ ​សាកលវិទ្យាល័យវិទ្យាសាស្រ្ត សុខា ភិបាល ទទួល​បានការទទួលស្គាល់គុណភាពពេញសិទ្ធិរយៈពេល០៥ឆ្នាំ ពីឆ្នាំ ២០១៩​ ដល់ឆ្នាំ២០២៣ ពី​គណៈកម្មការទទួលស្គាល់គុណភាពអប់រំនៅកម្ពុជា។ចាប់តាំងពីឆ្នាំ១៩៨០ មកដល់បច្ចុប្បន្ននេះ និស្សិតដែលបានបញ្ចប់ការសិក្សា ដោយ ជោគជ័យ​ពីសាកលវិទ្យាល័យវិទ្យាសាស្រ្តសុខាភិបាលមានចំនួន ជាង៣ម៉ឺននាក់ ។ គិតមកដល់​ពេលបច្ចុប្បន្ននេះ សាកលវិទ្យាល័យបានបញ្ជូននិស្សិតចំនួន ១,២០៧ នាក់ ទៅធ្វើកម្មសិក្សា និងបន្តសិក្សាថ្នាក់បរិញ្ញាបត្រជាន់ខ្ពស់ ថ្នាក់វេជ្ជបណ្ឌិត ឯកទេស និងបណ្ឌិតនៅក្រៅប្រទេសដូចជា នៅបារាំង បែលហ្សិក អាមេរិក អូស្ត្រាលី ជប៉ុន និងកូរ៉េផងដែរ។ទន្ទឹមនឹងនោះ សាកលវិទ្យាល័យក៏បានទទួលនិសិ្សតបរទេសជិត ​១,០០០នាក់ មកធើ្វកម្ម​សិក្សារយៈពេលខ្លីនៅកម្ពុជាផងដែរ។ ​តាមរយៈកម្មវិធីថ្នាក់ បណ្តុះបណ្តាល រួមគ្នា រវាង​សាកល​វិទ្យាល័យវិទ្យាសាស្រ្តសុខាភិបាល​ និងសាកលវិទ្យាល័យ Paris Saclay​ នៃប្រទេសបារាំង ចាប់តាំង​ពីឆ្នាំ២០១៩មក សាកលវិទ្យាល័យ​ បានទទួល ​និស្សិតបរទេស មកសិក្សានៅសាកល​វិទ្យាល័យ​វិទ្យាសាស្រ្តសុខាភិបាល បានចំនួន ៣១នាក់​ ដែលមកពីប្រទេសបារាំង ​អេស្បាញ ​ព័រទុយហ្គាល់ ស៊ុយអែត ស្វីស កូរ៉េ ឥណ្ឌា ហា្គណា កាម៉េរូន ​បង់ក្លាដេស ម៉ារ៉ុក ប៉ាគីស្ថាន ឥណ្ឌូនេស៊ី ហ្វីលីពីន និងថៃ៕អត្ថបទ៖ មុត​ សុទ្ធ

ការស្ទង់មតិរបស់ទូរទស្សន៍CGTN ៖ការកើនឡើងចំនួនប្រជាជនពិភពលោកជួយដល់ការងាររបស់ចិនលើអរិយធម៌អេកូឡូស៊ី

2023/05/18 11:54:26 am        90
Facebook Telegram Linkin
ចិន៖ កាលពី៥ឆ្នាំមុន លោក Xi Jinping ប្រធានាធិបតីចិនបានប្រកាសពីគោលការណ៍ទូទៅនៃអរិយធម៌អេកូឡូស៊ីក្នុងយុគសម័យថ្មី ដោយសង្កត់ធ្ងន់លើការផ្តល់ផលិតផលអេកូប្រកបដោយគុណភាពបន្ថែមទៀត ដើម្បីបំពេញតាមការរំពឹងទុករបស់ប្រជាជនសម្រាប់បរិស្ថានអេកូដ៏ស្រស់ស្អាត។យោងតាមការស្ទង់មតិដែលធ្វើឡើងដោយទូរទស្សន៍រដ្ឋចិន CGTN សម្រាប់អ្នកប្រើប្រាស់អ៊ីនធឺណិតទូទាំងពិភពលោក ជាង ៩១,៦ %នៃអ្នកឆ្លើយតបបានគាំទ្រខ្លាំងចំពោះកិច្ចខិតខំប្រឹងប្រែងរបស់ប្រទេសចិនក្នុងការគ្រប់គ្រងបរិស្ថាន និងការអភិរក្សនិងគាំទ្រជាទូទៅចំពោះការតស៊ូមតិផ្នែកបរិស្ថានរបស់ប្រទេសចិន។ប្រទេសចិន បានលាយបញ្ចូលគ្នាយ៉ាងច្បាស់រវាងមនុស្សជាតិនិងធម្មជាតិចូលទៅក្នុងតម្រូវការដ៏សំខាន់នៃសម័យទំនើបរបស់ចិននិងបានលើកកម្ពស់ការអភិវឌ្ឍន៍បៃតងដើម្បីកសាងប្រទេសចិនឲ្យកាន់តែស្រស់ស្អាត។ ក្នុងរយៈពេលប៉ុន្មានឆ្នាំថ្មីៗនេះ ប្រទេសចិនមានការរីកចម្រើនយ៉ាងខ្លាំងក្នុងការគ្រប់គ្រងអេឡូស៊ី និងការអភិវឌ្ឍន៍បៃតង។ ការប្រមូលផ្តុំសន្ទស្សន៍គុណភាពខ្យល់ PM2,5 នៅក្នុងទីក្រុងធំៗរបស់ប្រទេសចិនបានធ្លាក់ចុះ ៥៦ % ក្នុងរយៈពេលមួយទសវត្សរ៍កន្លងមកនេះ ហើយចំនួនថ្ងៃដែលមានការបំពុលខ្លាំងបានថយចុះ៨៧%។ ការបំភាយកាបូនឌីអុកស៊ីតក្នុងមួយឯកតានៃផលិតផលក្នុងស្រុកសរុបត្រូវបានកាត់បន្ថយចំនួន៣៤.៤ % ហើយសមាមាត្រនៃផ្នែកគុណភាពលើផ្ទៃទឹកដ៏ល្អឈានដល់ ៨៧.៩%៕

បណ្ដាញសង្គម

ព័ត៌មានថ្មីៗ

អាជ្ញាធរច្រកសមុទ្រអ៊ីរ៉ង់ សម្របសម្រួលផ្លូវដឹកជញ្ជូនឆ្លងកាត់ច្រកសមុទ្រ Hormuz
06/19/2026 05:06 PM
Facebook Telegram Linkin
រដ្ឋសមាជិក UN បរិហារការបំពានបទឈប់បាញ់របស់អ៊ីស្រាអែលនៅតំបន់ហ្កាហ្សា
06/19/2026 05:06 PM
Facebook Telegram Linkin
អាវុធហត្ថខេត្តព្រះសីហនុបង្រ្កាបទីតាំង ONLINE SCAMS មួយកន្លែងឃាត់ខ្លួនជនសង្ស័យចំនួន ១៨នាក់
06/19/2026 05:06 PM
Facebook Telegram Linkin
មនុស្ស ៣នាក់ ត្រូវបានសម្លាប់នៅក្នុងការវាយប្រហាររបស់អាមេរិកលើទូកគ្រឿងញៀនសង្ស័យនៅភាគខាងកើតមហាសមុទ្រប៉ាស៊ីហ្វិក
06/19/2026 05:06 PM
Facebook Telegram Linkin
ក្មេងៗរង់ចាំការសង្រ្គោះនៅក្នុងថ្នាក់រៀន ក្រោយអគ្គិភ័យឆាបឆេះសាលាបឋមសិក្សានៅទីក្រុងតូក្យូ
06/19/2026 05:06 PM
Facebook Telegram Linkin
រលក​រញ្ជួយជាង ៨.៣០០ដង​ ត្រូវបានកត់ត្រា ក្រោយ​​រញ្ជួយដីកម្រិត ៧,៨រ៉ិចទ័រ នៅកោះ​ Mindanao
06/19/2026 05:06 PM
Facebook Telegram Linkin
លោក Macron៖ យុទ្ធសាស្ត្រយោធារបស់អ៊ីស្រាអែល នៅមជ្ឈិមបូព៌ា ប្រឈម​ធ្វើ​ឲ្យ​អំពើហិង្សារាលដាល
06/19/2026 05:06 PM
Facebook Telegram Linkin
ក្រសួងការងារ នាំយកឱកាសការងារជាង ១ម៉ឺនកន្លែង អត្ថប្រយោជន៍ ប.ស.ស. និងកម្មវិធី TVET ដល់ប្រជាពលរដ្ឋនៅស្រុកសាមគ្គីមានជ័យ ខេត្តកំពង់ឆ្នាំង
06/19/2026 05:06 PM
Facebook Telegram Linkin
រដ្ឋមន្ត្រីការពារជាតិជប៉ុន គ្រោងធ្វើដំណើរទៅទួរគី ទាក់ទងនឹងកិច្ចប្រជុំកំពូលរបស់​អង្គការ​ណាតូ
06/19/2026 05:06 PM
Facebook Telegram Linkin
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតអបអរសាទរ  ថ្វាយសម្តេចព្រះវររាជមាតាជាតិខ្មែរ ត្រូវបានសហគមន៍ OB-PS ថ្វាយនូវពានសមាជិកភាពកិត្តិយសជើងឯក “Champions Award”
06/19/2026 05:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.