BTV NEWS

ស្ពានមិត្តភាពកម្ពុជា-ចិន មេគង្គក្រចេះ នឹងបន្តបើកឱ្យឆ្លងកាត់រហូតដល់ថ្ងៃទី១ ខែតុលា ឆ្នាំ២០២៥ ដោយសារទឹកទន្លេបន្តហក់ឡើង និងដើម្បីជួយសម្រួលដល់ការធ្វើដំណើររបស់បងប្អូនប្រជាពលរដ្ឋ

គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

នយោបាយ និង ការអភិវឌ្ឍន៍

សម្ដេចតេជោ ហ៊ុន សែន៖ «បើគ្មានការគាំទ្រពីប្រជាពលរដ្ឋទេ កម្ពុជាក៏មិនអាចការពារពីកូវីដ-១៩ បានដែរ»

សម្ដេចតេជោ ហ៊ុន សែន បានថ្លែងអំណរគុណដល់ប្រជាពលរដ្ឋដែលបានផ្ដល់នូវការជឿទុកចិត្ត ចំពោះគណបក្សប្រជាជនកម្ពុជា ជាពិសេសការជឿទុកចិត្តចំពោះសម្ដេចផ្ទាល់ សម្រាប់ការដឹកនាំប្រទេសប្រកបដោយសន្ដិភាព និងការអភិវឌ្ឍ។ សម្ដេចបញ្ជាក់ថាប្រសិនបើគ្មានការគាំទ្រពីសំណាក់ប្រជាពលរដ្ឋក្នុងការចាក់វ៉ាក់សាំងការពារកូវីដ-១៩ទេ ប្រទេសកម្ពុជា ក៏មិនអាចបើកដំណើរការសង្គមសេដ្ឋកិច្ចជាធម្មតាឡើងវិញបានដែរ។ សម្ដេចតេជោ ហ៊ុន សែន បានថ្លែងនៅក្នុងឱកាសអញ្ជើញធ្វើជាសហធិបតីនៅក្នុងពិធីសម្ពោធបើកការដ្ឋានសាងសង់ពង្រីក និងលើកកម្រិតគុណភាពកំណាត់ផ្លូវជាតិលេខ៧ ចាប់ពីរង្វល់មូលស្គន់ ទីរួមស្រុកជើងព្រៃ រហូតដល់ទីរួមខេត្តកំពង់ចាម នាព្រឹកថ្ងៃទី៩ ខែមករា ឆ្នាំ២០២៣នេះថា បើគ្មានការគាំទ្រពីប្រជាពលរដ្ឋប្រទេសកម្ពុជា ក៏មិនអាចជោគជ័យលើការប្រយុទ្ធប្រឆាំងនឹងជំងឺកូវីដ-១៩ បានដែរ ប្រសិនបើប្រជាពលរដ្ឋមិនទទួលយកអនុវត្តនូវវិធានការសុខាភិបាល ៣ការពារ និង៣កុំ និងការទទួលវ៉ាក់សាំង។ សម្ដេចតេជោបានបញ្ជាក់ថា គ្រាន់តែមួយរយៈខ្លីប៉ុណ្ណោះ កូវីដ១៩ បានទាញយកជីវិតប្រជាជនកម្ពុជា ៣០៥៦ នាក់ ដែលជាចំនួនមួយ គួរឱ្យខ្លាច។ ប៉ុន្ដែដោយសារមានការគាំទ្រពីសំណាក់ប្រជាពលរដ្ឋទៅលើគោលនយោបាយ ទៅលើយុទ្ធសាស្រ្ដ និងបណ្ដាវិធានការទាំងឡាយ ដែលរាជរដ្ឋាភិបាលបានដាក់ចេញ គឺត្រូវបានប្រជាពលរដ្ឋទទួលស្វាគមន៍។សម្តេចតេជោ ហ៊ុន សែន ប្រកាសដល់ប្រជាពលរដ្ឋកុំភ្លេចខ្លួន ក្នុងកិច្ចការការពារការឆ្លងរីករាលដាលជំងឺកូវីដ១៩ ដោយនាំគ្នាទៅចាក់វ៉ាក់សាំងបង្ការជំងឺកូវីដ១៩ ឱ្យបានគ្រប់ៗគ្នា ទាំងដូសមូលដ្ឋាន និងដូសជំរុញ តាមការណែនាំរបស់ក្រុមគ្រូពេទ្យចាក់វ៉ាក់សាំង៕ អត្ថបទ៖ វ៉ន ដារ៉ា

សម្តេចតេជោ ហ៊ុន សែន៖ សន្តិភាព និងការអភិវឌ្ឍត្រូវតែដើរទន្ទឹមជាមួយគ្នាជានិច្ច

កំពង់ចាម៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជាបានលើកឡើងជាថ្មីម្តងទៀតថា កត្តាសន្តិភាពបាន ធ្វើឲ្យប្រទេសកម្ពុជាមានការអភិវឌ្ឍជាបន្តបន្ទាប់លើគ្រប់វិស័យ ហើយកត្តាសន្តិភាព និងការអភិវឌ្ឍនេះត្រូវ តែដើរទន្ទឹមគ្នាជានិច្ចមិនថាកាលៈទេសៈណានោះឡើយ។ថ្លែងនៅក្នុងឱកាស អញ្ជើញធ្វើជាសហធិបតីនៅក្នុងពិធីសម្ពោធបើកការដ្ឋានសាងសង់ពង្រីក និងលើកកម្រិតគុណភាពកំណាត់ផ្លូវជាតិលេខ៧ ចាប់ពីរង្វល់មូលស្គន់ ទីរួមស្រុកជើងព្រៃ រហូតដល់ទីរួមខេត្តកំពង់ចាម នាព្រឹកថ្ងៃទី៩ ខែមករា ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្រ្តីបានលើកឡើង ថា គោលនយោបាយរបស់គណបក្សប្រជាជនកម្ពុជាគឺដៃម្ខាងថែរក្សា និងការពារសន្តិភាព និងដៃម្ខាងទៀត ជំរុញការអភិវឌ្ឍ។ជាមួយគ្នានោះដែរ សម្តេចតេជោ ហ៊ុន សែន នាយករដ្ឋមន្រ្តីក៏បានលើកឡើងផងដែរថា ប្រសិនបើ ការដឹកនាំរបស់រាជរដ្ឋាភិបាលពុំមានការអភិវឌ្ឍទេនោះ ភាពវឹកវរប្រទេសនឹងកើតមានដោយសារតែកត្តាភាពក្រីក្រ ដូច្នេះមិនថាតម្លៃណានោះទេ ត្រូវតែថែរក្សា និងការពារនូវសុខសន្តិភាព និងការអភិវឌ្ឍនេះឲ្យ ខាងតែបាន។ក្នុងឱកាសនោះដែរសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងជាប្រធានគណបក្សប្រជាជនកម្ពុជា ក៏បានប្រកាសថ្លែងអំណរអគុណជាថ្មីម្តងទៀតចំពោះបងប្អូនប្រជាពលរដ្ឋខ្មែរទាំងអស់ ដែលបានបោះឆ្នោតគាំទ្រគណបក្សប្រជាជនតាំងពីដើមរហូតដល់បច្ចុប្បន្ននេះផងដែរ ខណៈដែលសម្តេចមានវត្តមាននៃការដឹកនាំប្រទេសដល់សព្វថ្ងៃនេះគឺកើតចេញពីការគាំទ្ររបស់បងប្អូននៅទូទាំងប្រទេស។ សម្តេចតេជោ រំពឹងផងដែរថា បងប្អូនប្រជាពលរដ្ឋទាំងអស់នឹង បន្តគាំទ្រសម្តេច និងគណបក្សប្រជាជនកម្ពុជាឲ្យដឹកនាំប្រទេសតទៅទៀត ដើម្បីសុខសន្តិភាព និងការអភិវឌ្ឍប្រទេសឲ្យកាន់តែរីកចំរើនបន្ថែមទៀតនោះ។យ៉ាងណាក៏ដោយសម្តេចតេជោ ហ៊ុន សែន នាយករដ្ឋមន្ត្រី ក៏បានលើកឡើងផងដែរថា សម្តេចនៅតែបន្តដឹកនាំ និងអភិវឌ្ឍប្រទេសកម្ពុជាតាមជំហ៊ានគីង្គក់ដដែល ដោយមិនធ្វើតាមជំហ៊ានយក្ស ឬមហាលោតផ្លោះអ្វីនោះទេ។ នេះគឺជាគោលនយោបាយរបស់គណបក្សប្រជាជនកម្ពុជា៕ អត្ថបទ៖ បាន ចក់

ប្រសាសន៍សំខាន់ៗសម្តេចតេជោ ហ៊ុន សែន ក្នុងពិធីសម្ពោធបើកការដ្ឋានសាងសង់ពង្រីក និងលើកកម្រិតគុណភាពកំណាត់ផ្លូវជាតិលេខ៧

នៅព្រឹកថ្ងៃទី០៩ ខែមករា ឆ្នាំ២០២៣នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា និងឯកឧត្តម វ៉ាង វិនធៀន ឯកអគ្គរដ្ឋទូតចិនប្រចាំនៅកម្ពុជា បានអញ្ជើញធ្វើជាសហធិបតីនៅក្នុងពិធីសម្ពោធបើកការដ្ឋានសាងសង់ពង្រីក និងលើកកម្រិតគុណភាពកំណត់ផ្លូវជាតិលេខ៧ ចាប់ពីរង្វង់មូលស្គន់ ទីរួមស្រុកជើងព្រៃ រហូតដល់ទីរួមខេត្តកំពង់ចាម។ខាងក្រោមនេះជាប្រសាសន៍សំខាន់ៗរបស់សម្ដេចតេជោ៖- សម្តេចតេជោបញ្ជាក់ថា ការសាងសង់ពង្រីក និងលើកកម្រិតគុណភាពកំណត់ផ្លូវជាតិលេខ៧ គឺជាវឌ្ឍនភាពថ្មីមួយទៀត សម្រាប់កម្ពុជា ដែលបានមកពីកិច្ចខិតខំប្រឹងប្រែងរបស់មិត្តចិនជួយដល់កម្ពុជា។- សម្តេចតេជោ ហ៊ុន សែន បញ្ជាក់ថា ក្រោយពេលកំណើនសេដ្ឋកិច្ច គួបផ្សំនឹងចរាចរណ៍របស់អ្នកដំណើរ និងការដឹកជញ្ជូនមានការកើនឡើងយ៉ាងគំហុក បានប្រែក្លាយកំណាត់ផ្លូវលេខ៧នេះឱ្យទៅជា «ផ្លូវកដប» ដែលមានសភាពចង្អៀត មានការកកស្ទះ និងមានគ្រោះថ្នាក់ញឹកញាប់ ទើបរាជរដ្ឋាភិបាលសម្រេចសាងសង់ពង្រីក និងលើកកម្រិតគុណភាពផ្លូវនេះជាចាំបាច់។- សម្តេចតេជោ ហ៊ុន សែន បានលើកឡើងពីការរិះគន់លើទំនាក់ទំនងដ៏ជិតស្និទ្ធបំផុតរវាងកម្ពុជា-ចិន រហូតដល់មានចោទសួរនានា ពាក់ព័ន្ធទំនាក់ទំនងនេះ ដោយសម្តេចបញ្ជាក់ថា «បើសម្តេចមិនពឹងចិន តើឱ្យសម្តេចទៅពឹងបរទេសណា..?»។- សម្តេចតេជោ ហ៊ុន សែន បានថ្លែងអំណរគុណដល់មិត្តចិន ដែលបានជួយកម្ពុជាលើការអភិវឌ្ឍហេដ្ឋរចនាសម្ព័ន្ធតភ្ជាប់(ផ្លូវ,ស្ពាន) និងការជួយផ្តល់ដល់វ៉ាក់សាំងកូវីដ-១៩កម្ពុជា ដើម្បីប្រយុទ្ធប្រឆាំងនឹងការឆ្លងរីករាលដាលជំងឺដ៏កាចសាហាវ រហូតដល់កម្ពុជាមានលទ្ធភាពបើកប្រទេសឡើងវិញ ហើយអត្រាកំណើនឆ្លងប្រចាំថ្ងៃមានចំនួនតិចតួច។-សម្ដេចតេជោ ហ៊ុន សែន៖«គ្មានផ្លូវ គ្មានស្ពាន គឺមិនអាចធ្វើការអភិវឌ្ឍបានទេ ដូច្នេះហើយបានជាអ្វីដែលខ្ញុំបានដាក់ចេញនូវឆ្នាំ១៩៨៧ កាលពីជាង ៣០ឆ្នាំមុន គឺនៅតែត្រូវរហូតមកដល់ពេលនេះ ហើយអាចត្រូវរយៈពេល ៣០ ឆ្នាំទៀត នោះគឺប្រមូលផ្ដុំទៅលើការវិនយោគ ទឹក ផ្លូវ ភ្លើង មនុស្ស ដែលឥឡូវនេះ យើងហៅថា មនុស្ស ផ្លូវ និងភ្លើង ដែលនៅតែជាអាទិភាព សម្រាប់ការវិនិយោគរបស់យើង»។- សម្តេចតេជោ ហ៊ុន សែន បានបញ្ជាក់ថា ជាភ័ព្វសំណាងក្នុងការសាងសង់ពង្រីក និងលើកកម្រិតគុណភាពកំណត់ផ្លូវជាតិលេខ៧នេះ នៅខេត្តកំពង់ចាម មានថ្មស្រាប់សម្រាប់ដំណើរការស្ថាបនា ខុសពីបណ្តាខេត្តផ្សេងៗដូចជា ស្វាយរៀង, កណ្តាលជាដើម ដែលមិនមានថ្ម ឬថ្មនោះមិនអាចយកមកប្រើប្រាស់ស្ថាបនាផ្លូវបាន។- សម្តេចតេជោ ហ៊ុន សែន ជាថ្មីម្តងទៀត បានប្រកាសថ្លែងអំណរគុណដល់ប្រជាពលរដ្ឋនៅខេត្តកំពង់ចាម ដែលបាននាំគ្នាបោះឆ្នោតគាំទ្រគណបក្សប្រជាជនកម្ពុជា ឈ្នះភ្លូកទឹកភ្លូកដី ក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៧ កាលពីពេលកន្លងទៅថ្មីៗនេះ។- សម្តេចតេជោ ហ៊ុន សែន ប្រកាសដល់ប្រជាពលរដ្ឋកុំភ្លេចខ្លួន ក្នុងកិច្ចការពារការឆ្លងរីករាលដាលជំងឺកូវីដ-១៩ ដោយនាំគ្នាទៅចាក់វ៉ាក់សាំងបង្ការជំងឺកូវីដ-១៩ ឱ្យបានគ្រប់ៗគ្នា ទាំងដូសមូលដ្ឋាន និងដូសជំរុញនានា តាមការណែនាំរបស់ក្រុមគ្រូពេទ្យចាក់វ៉ាក់សាំង។ សម្តេចបញ្ជាក់ថា «កម្ពុជា មិនខ្វះវ៉ាក់សាំងចាក់ជូនប្រជាពលរដ្ឋនោះទេ..[]..»។- សម្តេចតេជោ ហ៊ុន សែន ប្រកាសថា ក្នុងពេលជំនួបរវាងសម្តេច និងអ្នកសារព័ត៌មានប្រចាំឆ្នាំនាពេលឆាប់ៗខាងមុខនេះ ក្រៅពីសុន្ទរកថា និងសង្កថា សម្តេចក៏នឹងផ្តល់ឱកាសដល់អ្នកសារព័ត៌មានសួរសំនួរផ្សេងៗទៅកាន់សម្តេចផងដែរ។- សម្តេចតេជោ ហ៊ុន សែន បានលើកឡើងជាថ្មីពីគុណតម្លៃ នៃសុខសន្តិភាព ដែលវាជាកត្តាចាប់ផ្តើមនូវរាល់វឌ្ឍនភាពនានានៅក្នុងសង្គម។ សម្តេចតេជោ ហ៊ុន សែន បញ្ជាក់ថា «ទស្សនវិស័យរបស់គណបក្សប្រជាជនកម្ពុជាគឺ សន្តិភាព និងការអភិវឌ្ឍ ត្រូវដើរទន្ទឹមគ្នា...[]..។- សម្តេចតេជោ ហ៊ុន សែន បានប្រកាសថា ឆ្នាំ២០២២ គឺជាឆ្នាំនៃសកម្មភាពការទូតកម្ពុជាដ៏រស់រវើកទៅកាន់បរទេសនានា តាមរយៈជាប្រធានរៀបចំកិច្ចប្រជុំកំពូលអាស៊ានលើកទី៤០-៤១ និងកិច្ចប្រជុំកំពូលពាក់ព័ន្ធនានានៅក្នុងប្រទេសកម្ពុជា ដែលជាមោទនភាព និងកិត្យានុភាពកម្ពុជាលើឆាកអន្តរជាតិ។- សម្តេចតេជោ ហ៊ុន សែន បានប្រកាសប្រើសិទ្ធិផ្ទាល់ខ្លួន ក្នុងច្បាប់ស្តីពីគណបក្សនយោបាយ ប្រឆាំងតបតទៅគណបក្សផ្សេងទៀត ដែលបានវាយប្រហារ បង្កាច់បង្ខូច មកលើគណបក្សប្រជាជនកម្ពុជាដោយគ្មានមូលដ្ឋានច្បាស់លាស់។- សម្តេចតេជោ ហ៊ុន សែន ប្រកាសផ្តល់ជម្រើសដល់បក្សនយោបាយទាំងឡាយ ដែលបានវាយប្រហារមកលើគណបក្សប្រជាជនកម្ពុជា តើចង់បានដំបង ឬវិធានការច្បាប់..?។ សម្តេចបញ្ជាក់ថា «យើងត្រូវការពារគណបក្សប្រជាជនកម្ពុជាជាចាំបាច់»។- សម្តេចតេជោ ហ៊ុន សែន បានប្រកាសដល់អ្នកនយោបាយចាស់វស្សាម្នាក់ឈ្មោះ «គង់ គាំ» ដែលបានធ្វើសកម្មភាពនយោបាយ រត់ទៅបក្សនេះ ឬបក្សនោះ និងតែងធ្វើអត្ថាធិប្បាយវាយប្រហារមកលើគណបក្សប្រជាជនកម្ពុជា សូមបញ្ឈប់ធ្វើសកម្មភាពនោះជាបន្ទាន់។- សម្តេចតេជោ ហ៊ុន សែន បានប្រកាសដល់ក្រុមមេធាវីគណបក្សប្រជាជនកម្ពុជាតាំងពីថ្នាក់ក្រោមដល់ថ្នាក់លើ ត្រូវប្រមូលឯកសារសំឡង និងភស្តុតាងនានាពាក់ព័ន្ធការវាយប្រហារមកលើគណបក្សប្រជាជនកម្ពុជា ដាក់ទៅតុលាការដោយគ្មានការលើកលែង។- សម្តេចតេជោ ហ៊ុន សែន បានប្រកាសឱ្យមានការគិតគូតពាក់ព័ន្ធបញ្ហាសញ្ជាតិ ដោយសម្តេចលើកឡើងថា «គួរមានការគិតគូរ ដោយធ្វើវិសោធនកម្មរដ្ឋធម្មនុញ្ញ..[]..មន្ត្រីរាជការ កម្លាំងប្រដាប់អាវុធគ្រប់ប្រភេទ និងអ្នកនយោបាយ ត្រូវមានសញ្ញាតិខ្មែរ តែមួយ»។សង្កថាសម្តេចតេជោ ហ៊ុន សែន ចាប់នៅវេលាម៉ោង ៩ និង២៤នាទី។

សម្តេចតេជោ ហ៊ុនសែន អញ្ជើញបើកការដ្ឋានសាងសង់ពង្រីក និងលើកគុណភាព កំណាត់ផ្លូវជាតិលេខ៧ ពីស្គន់ទៅក្រុងកំពង់ចាម

កំពង់ចាម៖ សម្ដេចតេជោ ហ៊ុន សែន នាយករដ្ឋមន្ត្រី និងឯកឧត្តម វ៉ាង វិនធៀន ឯកអគ្គរដ្ឋទូតចិនប្រចាំនៅកម្ពុជា អញ្ជើញធ្វើជាសហធិបតីនៅក្នុងពិធីសម្ពោធបើកការដ្ឋានសាងសង់ពង្រីក និងលើកម្រិតគុណភាពកំណត់ផ្លូវជាតិលេខ៧ ចាប់ពីរង្វល់មូលស្គន់ ទីរួមស្រុកជើងព្រៃ រហូតដល់ទីរួមខេត្តកំពង់ចាម នៅព្រឹកថ្ងៃទី០៩ ខែមករា ឆ្នាំ២០២៣នេះ។ ក្រសួងសាធារណការ និងដឹកជញ្ជូន បានឲ្យដឹងថា កំណាត់ផ្លូវជាតិលេខ៧នេះ ត្រូវបានស្តារ និងស្ថាបនាឡើងវិញកាលពីឆ្នាំ១៩៩៩ ជាប្រភេទផ្លូវក្រាលបេតុងកៅស៊ូ(AC) មានទទឹង ៧ម៉ែត្រ និង៩ម៉ែត្រ។ កាលនោះ កំណាត់ផ្លូវនេះ រួមជាមួយស្ពានមិត្តភាពកម្ពុជា-ជប៉ុន (ស្ពានគីហ្សូណា) ត្រូវបានសាងសង់ឡើងក្រោមជំនួយឥតសំណងពីរដ្ឋាភិបាលប្រទេសជប៉ុន។ ក្រោយមកដោយសារកំណើនសេដ្ឋកិច្ច គួបផ្សំនឹងសកម្មភាព ចរាចរណ៍របស់អ្នកដំណើរ និងការដឹកជញ្ជូនមានការកើនឡើងយ៉ាងគំហុក បានប្រែក្លាយកំណាត់ផ្លូវនេះឱ្យទៅជា «ផ្លូវកដប» ដែលមានសភាពចង្អៀត មានការកកស្ទះ និងមានគ្រោះថ្នាក់ញឹកញាប់ ទើបរាជរដ្ឋាភិបាលសម្រេចសាងសង់ពង្រីក និងលើកកម្រិតគុណភាពកំណាត់ផ្លូវនេះឡើងវិញឱ្យបានធំទូលាយ និងល្អប្រសើរជាងមុន។ គម្រោងពង្រីក និងលើកកម្រិតគុណភាពកំណាត់ផ្លូវជាតិលេខ៧នេះ មានប្រវែងសរុបជាង ៤៥គីឡូម៉ែត្រ ចាប់ពីរង្វង់មូលស្គន់ ទីរួមស្រុកជើងព្រៃ ទៅដល់រង្វង់មូលគល់ស្ពានគីហ្សូណា ក្រុងកំពង់ចាម នឹងត្រូវស្ថាបនាជាប្រភេទផ្លូវ ក្រាលបេតុងកៅស៊ូ (AC) កម្រាស់ ៩សង់ទីម៉ែត្រ និងពង្រីកទទឹងតួផ្លូវពី ២គន្លង ទៅ ៤គន្លង ដោយគន្លងនីមួយៗមានប្រវែង ៣.៧៥ម៉ែត្រ និងសួនពុះទ្រូងផ្លូវ ១.៥ម៉ែត្រ។ គម្រោងនេះ នឹងរួមបញ្ចូលការ សាងសង់ស្ពានថ្មី ចំនួន ១កន្លែង ប្រវែង ៤០ម៉ែត្រ មានទទឹង ២៤ម៉ែត្រ ស្ពានថ្មីចំនួន ៦កន្លែងផ្សេងទៀត ប្រវែងសរុប ១០៦ម៉ែត្រ មានទទឹង ១២ម៉ែត្រ និងពង្រីកបន្ថែមស្ពានចាស់ ដែលមានស្រាប់ចំនួន ១កន្លែង ទទឹង ១០.៥ម៉ែត្រដាក់លូគ្រប់ប្រភេទចំនួន ៣៣០កន្លែង បំពាក់កាមេរ៉ា ត្រួតពិនិត្យ ល្បឿនរថយន្ត ២កន្លែង បំពាក់ស្ថានីយជញ្ជីងថ្លឹងរថយន្ត ដឹកជញ្ជូនលើសទម្ងន់កម្រិតកំណត់វៃឆ្លាត និងត្រួតពិនិត្យដោយស្វ័យ ប្រវត្តិ (AI and Weigh-in-Motion) ចំនួន ២កន្លែង និងបំពាក់ស្លាក សញ្ញាចរាចរណ៍ គំនូសចរាចរណ៍ បង្គោលគីឡូម៉ែត្រ និងបង្គោល សុវត្ថិភាពទៅតាមបទដ្ឋានបច្ចេកទេសផ្លូវថ្នល់។ គម្រោងនេះ ត្រូវអនុវត្ដការសាងសង់ដោយក្រុមហ៊ុនសាជីវកម្មស្ពាន និងថ្នល់ចិន(CRBC) និងត្រួតពិនិត្យបច្ចេកទេសដោយក្រុមហ៊ុនទីប្រឹក្សា បច្ចេកទេសក្វាងចូវវ៉ានអាន ប្រើប្រាស់រយៈពេលសាងសង់ចំនួន ៤០ខែ នឹងបញ្ចប់នៅក្នុងឆ្នាំ២០២៦ គ្រោងចំណាយថវិកាសរុបជាង ១១៧លានដុល្លារអាមេរិក ដែលជាឥណទានសម្បទានពីរដ្ឋាភិបាលចិន រួមជាមួយនឹងថវិកាបដិភាគរបស់រាជរដ្ឋាភិបាលកម្ពុជា សម្រាប់ការដោះស្រាយផលប៉ះពាល់ ការបោសសម្អាតគ្រាប់មីន យុទ្ធភ័ណ្ឌមិនទាន់ផ្ទុះ និងពន្ធអាករផ្សេងៗ៕

កម្ពុជាអបអរសាទរខួបអនុស្សាវរីយ៍លើកទី៤៤ នៃថ្ងៃជ័យជម្នះ ៧មករា(៧ មករា ១៩៧៩-៧ មករា ២០២៣)

ភ្នំពេញ៖ នៅថ្ងៃទី៧ ខែមករា ឆ្នាំ២០២៣ នេះ គឺជាខួបលេីកទី ៤៤ឆ្នាំ (៧ មករា ១៩៧៩-៧ មករា ២០២៣) ដែលកម្ពុជាត្រូវបានសង្គ្រោះ និងរំដោះចេញផុតពីរបបកម្ពុជាប្រជាធិបតេយ្យ ឬ ហៅថារបបប្រល័យពូជសាសន៍ ប៉ុល ពត ដែលបានធ្វើអោយកម្ពុជាក្លាយជាវាលពិឃាតដ៏ខ្មៅងងឹតអស់រយៈពេល៣ឆ្នាំ ៨ខែ និង២០ថ្ងៃ ។ នៅព្រឹកថ្ងៃទូ០៧ ខែមករា ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា , សម្តេចអគ្គមហាពញាចក្រី ហេង សំរិន ប្រធានកិត្តិយសគណបក្សប្រជាជនកម្ពុជា និងជាប្រធានរដ្ឋសភាព, ព្រមទាំងមានការអញ្ជើញចូលរួមពីថ្នាក់ដឹកនាំ មន្ត្រីរាជការ ស្ថាប័នតាមក្រសួងនានា ភ្ញៀវជាតិ អន្តរជាតិ មន្ត្រីអង្គទូត សិស្សានុសិស្ស និងប្រជាពលរដ្ឋរាប់ម៉ឺននាក់ បានចូលរួមអបអរសាទរថ្ងៃជ័យជម្នះ៧មករា លើកទី៤៤ឆ្នាំ (៧ មករា ១៩៧៩-៧ មករា ២០២៣)យ៉ាងមហោឡារិក នៅមជ្ឈមណ្ឌលកោះពេជ្រ។ គួររំលឹកដែរថា កាលពី៤៤មុន ប្រជាពលរដ្ឋខ្មែរគ្រប់រូប រួមទាំងកុមារតូចៗត្រូវរស់នៅក្រោមការបង្ខិតបង្ខំអោយធ្វើការលើសកម្លាំង គ្មានថ្ងៃឈប់សម្រាក អាហារមិនគ្រប់គ្រាន់ គ្មានមន្ទីរពេទ្យ គ្មានសាលារៀន គ្មានវត្តអារាម ហើយសិទ្ធិសេរីភាពទាំងអស់របស់ពលរដ្ឋមិនមានឡើយ។ ប៉ុន្តែក្រោយពីប្រទេសជាតិត្រូវបានរំដោះ នៅថ្ងៃទី៧ ខែមករា ឆ្នាំ១៩៧៩ ក្រោមការដឹកនាំរបស់គណបក្សប្រជាជនកម្ពុជា ប្រជាពលរដ្ឋមានសិទ្ធិសេរីភាពពេញលេញឡើងវិញ ហើយប្រទេសជាតិទាំងមូលមានសុខសន្តិភាព និងការអភិវឌ្ឍន៍រីកចម្រើនគ្រប់វិស័យមកទល់សព្វថ្ងៃនេះ ក្រោមការដឹកនាំដ៏ឈ្លាសវៃ របស់សម្តេចតេជោ ហ៊ុន សែន ជានាយករដ្ឋមន្រ្តី និងជាប្រធានគណបក្សប្រជាជនកម្ពុជា៕

ព្រឹកនេះ សម្តេចតេជោ ហ៊ុន សែន នឹងអញ្ជើញអបអរសាទរខួបលើកទី៤៤ នៃថ្ងៃជ័យជម្នះ ៧មករា

ភ្នំពេញ៖ នៅព្រឹក ថ្ងៃសៅរ៍ ១រោច ខែបុស្ស ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី៧ ខែមករា ឆ្នាំ២០២៣ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា នឹងអញ្ជើញចូលរួមអបអរសាទរថ្ងៃជ័យជម្នះ៧មករា លើកទី៤៤ឆ្នាំ (៧ មករា ១៩៧៩-៧ មករា ២០២៣)យ៉ាងមហោឡារិក នៅមជ្ឈមណ្ឌលកោះពេជ្រ។ ពិធីអបអរសាទរខួបអនុស្សាវរីយ៍លើកទី៤៤ ទិវាជ័យជម្នះ ៧មករា នេះ នឹងមានការអញ្ជើញចូលរួមពីមន្រ្តីជាន់ខ្ពស់ជាច្រើនរូបរបស់គណបក្សប្រជាជនកម្ពុជា ព្រមទាំងមានការអញ្ជើញចូលរួមពីថ្នាក់ដឹកនាំ មន្ត្រីរាជការ ស្ថាប័នតាមក្រសួងនានា ភ្ញៀវជាតិ អន្តរជាតិ មន្ត្រីអង្គទូត សិស្សានុសិស្ស និងប្រជាពលរដ្ឋរាប់ម៉ឺននាក់ផងដែរ។ គួររំលឹកដែរថា កាលពី៤៤មុន ប្រជាពលរដ្ឋខ្មែរគ្រប់រូប រួមទាំងកុមារតូចៗត្រូវរស់នៅក្រោមការបង្ខិតបង្ខំអោយធ្វើការលើសកម្លាំង គ្មានថ្ងៃឈប់សម្រាក អាហារមិនគ្រប់គ្រាន់ គ្មានមន្ទីរពេទ្យ គ្មានសាលារៀន គ្មានវត្តអារាម ហើយសិទ្ធិសេរីភាពទាំងអស់របស់ពលរដ្ឋមិនមានឡើយ។ ប៉ុន្តែក្រោយពីប្រទេសជាតិត្រូវបានរំដោះ នៅថ្ងៃទី៧ ខែមករា ឆ្នាំ១៩៧៩ ក្រោមការដឹកនាំរបស់គណបក្សប្រជាជនកម្ពុជា ប្រជាពលរដ្ឋមានសិទ្ធិសេរីភាពពេញលេញឡើងវិញ ហើយប្រទេសជាតិទាំងមូលមានសុខសន្តិភាព និងការអភិវឌ្ឍន៍រីកចម្រើនគ្រប់វិស័យមកទល់សព្វថ្ងៃនេះ ក្រោមការដឹកនាំដ៏ឈ្លាសវៃ របស់សម្តេចតេជោ ហ៊ុន សែន ជានាយករដ្ឋមន្រ្តី និងជាប្រធានគណបក្សប្រជាជនកម្ពុជា៕

សម្ដេចតេជោ ហ៊ុន សែន ផ្ញើសារអបអរសាទរខួបអនុស្សាវរីយ៍លើកទី៤៤ នៃថ្ងៃជ័យជំនះ៧ មករា

ភ្នំពេញ៖ នៅព្រឹកថ្ងៃទី០៧ ខែមករា ឆ្នាំ២០២២៣នេះ តាមរយៈសារតាមបណ្តាញសង្គមFacebook សម្តេចតេជោ ហ៊ុន សែន បានមានប្រសាសន៍ថា នៅថ្ងៃទី៧ ខែមករា ឆ្នាំ២០២៣ នេះ គឺជាខួបលេីកទី៤៤ឆ្នាំ (៧ មករា ១៩៧៩-៧ មករា ២០២៣) ដែលកម្ពុជាត្រូវបានសង្គ្រោះ និងរំដោះចេញផុតពីរបបកម្ពុជាប្រជាធិបតេយ្យ ឬ ហៅថារបបប្រល័យពូជសាសន៍ ប៉ុល ពត ដែលបានធ្វើអោយកម្ពុជាក្លាយជាវាលពិឃាតដ៏ខ្មៅងងឹតអស់រយៈពេល៣ឆ្នាំ ៨ខែ និង២០ថ្ងៃ ។ គួររំលឹកដែរថា កាលពី៤៤មុន ប្រជាពលរដ្ឋខ្មែរគ្រប់រូប រួមទាំងកុមារតូចៗត្រូវរស់នៅក្រោមការបង្ខិតបង្ខំអោយធ្វើការលើសកម្លាំង គ្មានថ្ងៃឈប់សម្រាក អាហារមិនគ្រប់គ្រាន់ គ្មានមន្ទីរពេទ្យ គ្មានសាលារៀន គ្មានវត្តអារាម ហើយសិទ្ធិសេរីភាពទាំងអស់របស់ពលរដ្ឋមិនមានឡើយ។ ប៉ុន្តែក្រោយពីប្រទេសជាតិត្រូវបានរំដោះ នៅថ្ងៃទី៧ ខែមករា ឆ្នាំ១៩៧៩ ក្រោមការដឹកនាំរបស់គណបក្សប្រជាជនកម្ពុជា ប្រជាពលរដ្ឋមានសិទ្ធិសេរីភាពពេញលេញឡើងវិញ ហើយប្រទេសជាតិទាំងមូលមានសុខសន្តិភាព និងការអភិវឌ្ឍន៍រីកចម្រើនគ្រប់វិស័យមកទល់សព្វថ្ងៃនេះ ក្រោមការដឹកនាំដ៏ឈ្លាសវៃ របស់សម្តេចតេជោ ហ៊ុន សែន ជានាយករដ្ឋមន្រ្តី និងជាប្រធានគណបក្សប្រជាជនកម្ពុជា។សូមឱ្យស្មារតី៧មករា ស្ថិតនៅក្នុងក្រអៅបេះដូងប្រជាពលរដ្ឋគ្រប់ៗរូប និងជានិមិត្តរូបនៃសាមគ្គីជាតិ និងមហាគ្រួសារខ្មែរជាអមតៈ ក្រោមម្លប់សុខសន្តិភាពជានិច្ចនិរន្ត៍៕

កម្ពុជាប្រារព្ធខួបលើកទី៤៤ ទិវាជ័យជំនះ ៧មករា (៧ មករា ១៩៧៩ - ៧ មករា ២០២៣)

ភ្នំពេញ៖ នៅព្រឹកថ្ងៃតី០៧ ខែមករា ឆ្នាំ២០២៣នេះ កម្ពុជា ប្រារព្ធខួបលើកទី៤៤ ទិវាជ័យជំនះ ៧មករា (៧ មករា ១៩៧៩ - ៧ មករា ២០២៣)។នៅព្រឹកនេះផងដែរ BTV កំពុងផ្សាយព្រឹត្តិការណ៍ដ៏សំខាន់នេះhttps://fb.watch/hUq21noC6z/

សមាជិកគណបក្សប្រជាជនកម្ពុជា តាមមូលដ្ឋានចាប់ផ្ដើមរៀបចំការសាទរថ្ងៃជ័យជំនះ ៧មករា

ភ្នំពេញ៖ សមាជិកសមាជិកា គណបក្សប្រជាជនកម្ពុជា រស់នៅតាមមូលដ្ឋាននៅតាមបណ្ដាស្រុក ខេត្ត បានចាប់ផ្ដើមរៀបចំនូវការជួបជុំសមាជិករបស់ខ្លួន ដើម្បីរៀបចំការសាទរថ្ងៃជ័យជំនះ ៧មមរា ឆ្នាំ១៩៧៩។សមាជិកគណបក្សប្រជាជនកម្ពុជា នៅតាមបណ្ដាឃុំ-សង្កាត់ នៅតាមបណ្ដាខេត្ត បានចាប់ផ្ដើមរៀបចំនូវពិធីអបអរសាទរ ខួបទី ៤៤ឆ្នាំ នៃទិវាជ័យជំនះ ៧មករា ដែលបានរំដោះជីវិតប្រជាពលរដ្ឋកម្ពុជា ចេញពីរបបប្រល័យពូជសាសន៍ ប៉ុលពត។ជាក់ស្ដែង ឯកឧត្តម តូច ចាន់នី ប្រធានក្រុមការងារគណបក្សប្រជាជនកម្ពុជា ចុះជួយឃុំ កណ្ដោលជ្រុំ ស្រុកពញាក្រែក ខេត្តត្បូងឃ្មុំ រួមទាំងក្រុមការងារ និងសមាជិកគណបក្សរស់នៅក្នុងមូលដ្ឋានដោយផ្ទាល់បានជួបជុំគ្នារៀបចំការអបអរសាទរ ទិវាជ័យជំនះ ៧មករា។ក្នុងឱកាសអបអរសាទរទិវាជ័យជំនះ ៧មករា នេះ ឯកឧត្តម តូច ចាន់នី បានលើកឡើងនូវគុណតម្លៃ ៧មករា ដែលពុំអាចកាត់ថ្លៃបាន ជូនសមាជិករបស់ខ្លួន។ ឯកឧត្តម បញ្ជាក់ថា ជ័យជំនះ ៧មករា ពិតណាស់គឺជាថ្ងៃកំណើតទី២ សម្រាប់ខ្លួនគាត់ ក៏ដូចជាជនរងគ្រោះជាច្រើនលាននាក់ផ្សេងទៀត អោយរួចផុតជីវិតពីរបបប្រល័យពូជសាសន៍ខ្មែរក្រហម។ ក្រៅពីទទួលបានជីវិតថ្មី គឺគុណតម្លៃ ៧មករា បាននាំមកវិញនូវការរស់នៅក្នុងសង្គមសន្តិភាព ទទួលបានសិទ្ធិគ្រប់យ៉ាង និងមើលឃើញពីការរីកចំរើនរបស់ជាតិឥតឈប់ឈរ។សម្រាប់សមាជិកគណបក្សប្រជាជនកម្ពុជាដែលមានវត្តមាន នៅថ្ងៃនេះ ទោះមួយចំនួនពុំបានឆ្លងកាត់ការរស់នៅក្នុងសម័យខ្មែរក្រហមក្ដី ក៏ពួកគេដឹងច្បាស់ពីគុណតម្លៃ ៧មករា តាមរយៈការសិក្សា និងការប្រាប់ដោយផ្ទាល់ពីឪពុកម្ដាយ អាណាព្យាបាលរបស់ខ្លួន។ ពួកគេជាយុវជនលើកឡើងថា ជ័យជំនះ៧មករា បានផ្ដល់អ្វីៗគ្រប់យ៉ាងសម្រាប់ពួកគាត់ជាយុវជន។របបប្រល័យពូជសាសន៍ខ្មែរក្រហម ជារបបមួយដែលមានរយៈពេល ៣ឆ្នាំ ៨ខែ និង ៨០ថ្ងៃ។ ត្រឹមរយៈពេលជិត ៤ឆ្នាំនៃការគ្រប់គ្រងនេះ គឺប្រជាពលរដ្ឋគ្រប់រូបត្រូវរស់នៅរងទុក្ខ ពីភាពអត់ឃ្លាន ការធ្វើការហួសកម្លាំង ការបំបិតសេរីភាព ភាពភ័យខ្លាចសព្វបែបយ៉ាង និងរងការសម្លាប់ដោយព្រៃផ្សៃ។ តាមសាលាក្ដីខ្មែរក្រហម បានបញ្ជាក់ថា ចំនួនប្រជាពលរដ្ឋប្រមាណជិត ៣លាននាក់ បានស្លាប់បាត់បងជីវិត ក្នុងរយៈពេលនៃការគ្រប់គ្រង របស់ក្រុមកម្ពុជាប្រជាធិប្បតេយ្យ ប៉ុល ពត។កម្ពុជាបានផ្ដួលរំលំរបបប្រល័យពូជសាសន៍ខ្មែរក្រហម ថ្ងៃ ៧មករា ឆ្នាំ ១៩៧៩ ពិតយ៉ាងណាក្ដី តែសង្រ្គាមស៊ីវិលនៅតែអូសបន្លាយជាច្រើនឆ្នាំបន្តទៀត រហូតឆ្នាំ ១៩៩៨។ ការបញ្ចប់សង្គ្រាមរវាងខ្មែរ និងខ្មែរ ការទទួលបានសន្តិភាពពេញលេញ គឺនៅចុងឆ្នាំ ១៩៩៨ ក្រោមការអនុវត្តនយោបាយឈ្នះឈ្នះ របស់ប្រមុខរាជរដ្ឋាភិបាលកម្ពុជា៕ អត្ថបទ៖ គឹមហុក

អ្នកនយោបាយទទួលស្គាល់ថា ថ្ងៃ៧មករាបាននាំឲ្យកម្ពុជា ទទួលបានសិទ្ធិសេរីភាព និងលទ្ធិប្រជាធិបតេយ្យ

ភ្នំពេញ៖ ស្របពេលថ្ងៃទី៧ មករាស្អែកនេះ នឹងមានការរៀបចំពិធីអបអរសាទរខួបលើកទី៤៤ នៃទិវាជ័យជម្នះ ៧ មករា ដែលជាថ្ងៃប្រវត្តិសាស្រ្តបញ្ចប់របបប្រល័យពូជសាសន៍ ប៉ុល ពត ឬហៅថា របបខ្មែរក្រហម មានបណ្តាអ្នកនយោបាយវ័យក្មេង លើកឡើងថា ចំពោះប្រវត្តិសាស្រ្តរំដោះប្រជាជនពីរបបប្រល័យពូជសាសន៍ គឺជាភស្តុតាង ដែលនាំឲ្យប្រជាជននៅរស់រានមានជីវិតពីរបបមួយនេះ មានសិទ្ធិសេរីភាព រួមទាំងឱកាសចូលរួមការអភិវឌ្ឍប្រទេស តាមរយៈការចូលរួមប្រកួតប្រជែងលើឆាកនយោបាយក្រោមការអនុវត្តលទ្ធិប្រជាធិបតេយ្យ សេរីពហុបក្ស ពោលគឺការបោះឆ្នោត។ លោក ពេជ្យ ស្រស់ ប្រធានគណបក្សយុវជនកម្ពុជា បានទទួលស្គាល់ថា ថ្ងៃ ៧ មករា ជាតឹងតាងជាក់ស្តែងនៃការរំដោះប្រជាជនពីរបបប្រល័យពូជសាសន៍ និងបាននាំមកនូវឱកាសសម្រាប់អ្នកនយោបាយចម្រុះពណ៌បានជជែកគ្នាដោយបើកចំហរ។ ជាមួយការទទួលស្គាល់ថ្ងៃ ៧ មករា របស់លោក ពេជ្យ ស្រស់ គឺលោកបានសំអាងលើការជួយសង្គ្រោះឲ្យក្រុមគ្រួសាររបស់លោកនៅរស់រានមានជីវិត និងចាកផុតពីការកាប់សម្លាប់យ៉ាងរង្គាលពីរបបប្រល័យពូជសាសន៍ ប៉ុល ពត។លោក គុជ លី ប្រធានគណបក្សខ្មែរតែមួយ បានលើកឡើងថា ថ្ងៃ ៧មករា ១៩៧៩ ជាថ្ងៃដែលបាននាំឲ្យកម្ពុជាអនុវត្តរដ្ឋធម្មនុញ្ញឆ្នាំ១៩៩៣ និងជាស្ពានធ្វើឱ្យអ្នកនយោបាយគ្រប់និន្នការមានឱកាសចូលរួម ដើម្បីប្រកួតប្រជែង និងកសាងលទ្ធិប្រជាធិបតេយ្យ តាមរបបលទ្ធិប្រជាធិបតេយ្យរបស់កម្ពុជា។ក្នុងរយៈពេល៤៤ឆ្នាំមកនេះ កម្ពុជាបានពុះពារជម្នះរាល់ឧបសគ្គ និងការលំបាកយ៉ាងច្រើនឥតគណនា ឆ្លងកាត់បណ្តាដំណាក់កាលប្រវត្តិសាស្ត្រ ដើម្បីការពារការរស់ឡើងវិញរបស់ប្រជាជាតិ ប្រឹងប្រែងជម្នះនូវផលវិបាកយ៉ាងធ្ងន់ធ្ងរលើគ្រប់វិស័យដែលបន្សល់ទុកពីសង្គ្រាមបំផ្លិចបំផ្លាញ រួមទាំងខិតខំស្តារកសាង អភិវឌ្ឍន៍មាតុភូមិចេញពីគំនរផេះផង់ ពុះពារស្វែងរកសន្តិភាព ការផ្សះផ្សារជាតិផងដែរ៕ អត្ថបទ៖សេក ឧត្តម

បណ្ដាញសង្គម

ព័ត៌មានថ្មីៗ

កម្ពុជានឹងទទួលជើងហោះហើរថ្មីចំនួនពីរបន្ថែមទៀត នាចុងឆ្នាំ២០២៥នេះ

រដ្ឋមន្ត្រីក្រសួងអប់រំ៖ ទិវាគ្រូបង្រៀនប្រារព្ធឡើងជាការរំឭកគុណគ្រូបង្រៀនគ្រប់ជំនាន់

[BREAKING NEWS] ទូរទស្សន៍ BFM៖ នាយករដ្ឋមន្ត្រីបារាំង Sebastien Lecornu បានលាលែងពីតំណែង

ក្រសួងអប់រំ ប្រារព្ធពិធីអបអរសាទរ ទិវាគ្រូបង្រៀន ៥ តុលា ក្រោមប្រធានបទ "គ្រូបង្រៀនជាតួអង្គសំខាន់ នៃបរិវត្តកម្មបញ្ញាសិប្បនិម្មិត”

ការធ្វើជំរឿនមន្ត្រី ឆ្នាំ២០២៥ នឹងចាប់ផ្តើមអនុវត្តនៅតាមមុខសញ្ញាគោលដៅចំនួន៣ ផ្សេងគ្នា

ឯកឧត្តម វង សូត លើកទឹកចិត្តសិស្សទើបប្រឡងជាប់បាក់ឌុប ឱ្យប្រឹងប្រែងរៀនសូត្របន្តនូវមុខវិជ្ជាដែលខ្លួនពេញចិត្ត ដើម្បីអនាគតខ្លួនឯង ក្រុមគ្រួសារ និងប្រទេសជាតិ

ហុងគ្រី រិះគន់ខ្លាំងៗលើសំណើថវិការយៈពេល ៧ឆ្នាំរបស់សហភាពអឺរ៉ុប ថាជា "ថវិកាអ៊ុយក្រែន"

បាតុកម្មបានអង្រួនរដ្ឋធានីប្រទេសអេក្វាឌ័រ ខណៈគ្រាអាសន្នត្រូវប្រកាសក្នុងខេត្តចំនួន១០

អតិផរណាថៃ អវិជ្ជមានអស់ ៦ខែជាប់ៗគ្នាមកហើយ ខណៈការព្យាករពេញមួយឆ្នាំធ្លាក់ចុះដល់សូន្យ

កុមារជាង ១០នាក់ បានស្លាប់នៅប្រទេសឥណ្ឌា បន្ទាប់ពីផឹកស៊ីរ៉ូក្អកឈ្មោះ Coldrif

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្ដេចតេជោ ហ៊ុន សែន៖ «បើគ្មានការគាំទ្រពីប្រជាពលរដ្ឋទេ កម្ពុជាក៏មិនអាចការពារពីកូវីដ-១៩ បានដែរ»

សម្តេចតេជោ ហ៊ុន សែន៖ សន្តិភាព និងការអភិវឌ្ឍត្រូវតែដើរទន្ទឹមជាមួយគ្នាជានិច្ច

កម្ពុជាអបអរសាទរខួបអនុស្សាវរីយ៍លើកទី៤៤ នៃថ្ងៃជ័យជម្នះ ៧មករា(៧ មករា ១៩៧៩-៧ មករា ២០២៣)

ព្រឹកនេះ សម្តេចតេជោ ហ៊ុន សែន នឹងអញ្ជើញអបអរសាទរខួបលើកទី៤៤ នៃថ្ងៃជ័យជម្នះ ៧មករា

សម្ដេចតេជោ ហ៊ុន សែន ផ្ញើសារអបអរសាទរខួបអនុស្សាវរីយ៍លើកទី៤៤ នៃថ្ងៃជ័យជំនះ៧ មករា

កម្ពុជាប្រារព្ធខួបលើកទី៤៤ ទិវាជ័យជំនះ ៧មករា (៧ មករា ១៩៧៩ - ៧ មករា ២០២៣)

សមាជិកគណបក្សប្រជាជនកម្ពុជា តាមមូលដ្ឋានចាប់ផ្ដើមរៀបចំការសាទរថ្ងៃជ័យជំនះ ៧មករា

អ្នកនយោបាយទទួលស្គាល់ថា ថ្ងៃ៧មករាបាននាំឲ្យកម្ពុជា ទទួលបានសិទ្ធិសេរីភាព និងលទ្ធិប្រជាធិបតេយ្យ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សម្ដេចតេជោ ហ៊ុន សែន៖ «បើគ្មានការគាំទ្រពីប្រជាពលរដ្ឋទេ កម្ពុជាក៏មិនអាចការពារពីកូវីដ-១៩ បានដែរ»

សម្តេចតេជោ ហ៊ុន សែន៖ សន្តិភាព និងការអភិវឌ្ឍត្រូវតែដើរទន្ទឹមជាមួយគ្នាជានិច្ច

កម្ពុជាអបអរសាទរខួបអនុស្សាវរីយ៍លើកទី៤៤ នៃថ្ងៃជ័យជម្នះ ៧មករា(៧ មករា ១៩៧៩-៧ មករា ២០២៣)

ព្រឹកនេះ សម្តេចតេជោ ហ៊ុន សែន នឹងអញ្ជើញអបអរសាទរខួបលើកទី៤៤ នៃថ្ងៃជ័យជម្នះ ៧មករា

សម្ដេចតេជោ ហ៊ុន សែន ផ្ញើសារអបអរសាទរខួបអនុស្សាវរីយ៍លើកទី៤៤ នៃថ្ងៃជ័យជំនះ៧ មករា

កម្ពុជាប្រារព្ធខួបលើកទី៤៤ ទិវាជ័យជំនះ ៧មករា (៧ មករា ១៩៧៩ - ៧ មករា ២០២៣)

សមាជិកគណបក្សប្រជាជនកម្ពុជា តាមមូលដ្ឋានចាប់ផ្ដើមរៀបចំការសាទរថ្ងៃជ័យជំនះ ៧មករា

អ្នកនយោបាយទទួលស្គាល់ថា ថ្ងៃ៧មករាបាននាំឲ្យកម្ពុជា ទទួលបានសិទ្ធិសេរីភាព និងលទ្ធិប្រជាធិបតេយ្យ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍