BTV NEWS

ស្ពានមិត្តភាពកម្ពុជា-ចិន មេគង្គក្រចេះ នឹងបន្តបើកឱ្យឆ្លងកាត់រហូតដល់ថ្ងៃទី១ ខែតុលា ឆ្នាំ២០២៥ ដោយសារទឹកទន្លេបន្តហក់ឡើង និងដើម្បីជួយសម្រួលដល់ការធ្វើដំណើររបស់បងប្អូនប្រជាពលរដ្ឋ

គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

នយោបាយ និង ការអភិវឌ្ឍន៍

ប្រសាសន៍សំខាន់ៗរបស់សម្ដេចតេជោ ហ៊ុន សែន ថ្លែងក្នុងពិធីបើកការដ្ឋានសាងសង់ស្ពានឆ្លងកាត់ទន្លេមេគង្គខេត្តក្រចេះ

ក្រចេះ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងឯកឧត្តម វ៉ាង វិនធៀន (H.E. Mr. Wang Wentian) ឯកអគ្គរដ្ឋទូត នៃសាធារណរដ្ឋប្រជាមានិតចិនប្រចាំកម្ពុជា បានអញ្ជើញជាសហអធិបតីបើកការដ្ឋានសាងសង់ស្ពានឆ្លងកាត់ទន្លេមេគង្គខេត្តក្រចេះ និងផ្លូវតភ្ជាប់ក្រោមឥណទានសម្បទានពីរដ្ឋាភិបាលប្រជាមានិតចិន។ខាងក្រោមនេះជាប្រសាសន៍សំខាន់ៗរបស់សម្ដេចតេជោ៖- សម្តេចតេជោ មានប្រសាសន៍ថា ភាពរីកចម្រើន នៃហេដ្ឋរចនាសម្ព័ន្ធតភ្ជាប់(ផ្លូវ, ស្ពាន) ធ្វើឱ្យតំបន់នានាកាន់តែខិតជិតគ្នា ដែលការខិតជិតគ្នានេះ ដោយសារស្ពានឆ្លងស្រួល ផ្លូវធ្វើដំណើលឿន និងចំណេញពេលវេលា។- សម្តេចតេជោ ហ៊ុន សែន បានបញ្ជាក់ថា ការឆ្លងទន្លេដោយទូក-ដ គឺមានហានិភ័យខ្ពស់ណាស់ ជាពិសេសទូក-ដតូចៗ ដែលនៅខេត្តក្រចេះនេះ ក៏ធ្លាប់មានករណីលិចទូក-ដចម្លង បណ្តាលឱ្យមានមនុស្សស្លាប់ផងដែរ កាលពីឆ្នាំ២០១១។- សម្តេចតេជោ ហ៊ុន សែន ប្រកាសថ្លែងអំណរគុណដល់ប្រជាពលរដ្ឋខេត្តក្រចេះ ដែលបានបោះឆ្នោតគាំទ្រគណបក្សប្រជាជនកម្ពុជាក្នុងពេលបោះឆ្នោតជ្រើសរើសក្រុមប្រឹក្សាឃុំ-សង្កាត់ ហើយសម្តេចសង្ឃឹមយ៉ាងមុតមាំថាប្រជាពលរដ្ឋខេត្តក្រចេះ នឹងបន្តបោះឆ្នោតជូនគណបក្សប្រជាជនកម្ពុជា ក្នុងការបោះឆ្នោតសកលឆ្នាំ២០២៣ និងការបោះឆ្នោតជាបន្តបន្ទាប់។- សម្តេចតេជោ ហ៊ុន សែន ប្រកាសថា រដ្ឋាភិបាលចិន បានប្រកាសបើកប្រទេសឡើងវិញបន្ទាប់ធូរស្បើយពីជំងឺកូវីដ-១៩ ហើយទេសចរចិននឹងធ្វើដំណើរចេញក្រៅប្រទេស ដែលកម្ពុជា ជាទិសដៅដ៏ល្អមួយ សម្រាប់ទេសចរចិន ហើយកម្ពុជាសូមស្វាគមន៍ជានិច្ច។- សម្តេចតេជោ ហ៊ុន សែន បានប្រកាសសុំការអធ្យាស្រ័យពីប្រជាពលរដ្ឋរស់នៅតាមសងខាងការដ្ឋានស្ថាបនាស្ពានឆ្លងកាត់ទន្លេមេគង្គខេត្តក្រចេះ និងផ្លូវតភ្ជាប់ និងប្រជាពលរដ្ឋធ្វើដំណើរពេលការដ្ឋានបានចាប់ផ្តើម ដែលនឹងមានផលប៉ះពាល់ខ្លះជៀសមិនរួច តែនៅពេលរួចរាល់ផ្លូវ និងស្ពាននេះ នឹងផ្តល់អត្ថប្រយោជន៍រាប់មិនអស់ដល់ប្រជាពលរដ្ឋ និងសង្គមជាតិ។- សម្តេចតេជោ ហ៊ុន សែន ប្រកាសអបអរសាទរដល់សិស្សានុសិស្ស ដែលនៅថ្ងៃទី២ ខែមករា ឆ្នាំ២០២៣នេះ ជាថ្ងៃបើកបវេសនកាលឆ្នាំសិក្សាថ្មី ២០២២-២០២៣ សម្រាប់គ្រឹះស្ថានសិក្សាសាធារណៈចាប់ពីកម្រិតមតេយ្យសិក្សា ដល់ថ្នាក់វិទ្យាល័យទូទាំងប្រទេស។- សម្តេចតេជោ ហ៊ុន សែន ប្រកាសដល់អភិបាលខេត្តក្រចេះ និងខេត្តតភ្ជាប់ពាក់ព័ន្ធ សូមគិតគូរអភិរក្សសត្វផ្សោត ដោយមិនរង់ចាំតែក្រសួងកសិកម្ម រុក្ខាប្រមាញ់ និងនេសាទនោះទេ។ សម្តេចតេជោ សម្រេចឱ្យបង្កើតតំបន់ស្នូលមួយដើម្បីការពារសត្វផ្សោយជាអចិន្ត្រៃយ៍។- សម្តេចតេជោ ហ៊ុន សែន ប្រកាសថ្លែងអំណរគុណដល់អាជ្ញាធរ និងសមត្ថកិច្ច ដែលបានបង្កលក្ខណៈងាយស្រួល សម្រាប់ប្រជាពលរដ្ឋកម្សាន្តសប្បាយក្នុងឱកាសឆ្លងឆ្នាំ ដែលកត្តាទាំងនេះ បានមកពីសុខសន្តិភាព និងការគ្រប់គ្រងការឆ្លងរីករាលដាលជំងឺកូវីដ-១៩ដ៏ល្អ។សង្កថាសម្តេចតេជោ ហ៊ុន សែន ចប់នៅវេលាម៉ោង ៩ និង១៨នាទី

សម្តេចតេជោ ថ្លែងអំណរគុណដល់បងប្អូនខេត្តក្រចេះដែលបានបោះឆ្នោតគាំទ្រគណបក្សប្រជាជននាពេលកន្លងមក

ក្រចេះ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងជាប្រធានគណបក្សប្រជាជនកម្ពុជា បានថ្លែងអំណរអគុណដល់បងប្អូនប្រជាពលរដ្ឋនៅខេត្តក្រចេះ ដែលបានបោះឆ្នោតគាំទ្រគណបក្សប្រជាជនកម្ពុជា ឲ្យឈ្នះភ្លូកទឹកភ្លូកដីនាពេលកន្លងមក ហើយសម្តេចរំពឹងថាបងប្អូននឹងបន្តគាំទ្រគណបក្សនេះជារៀង រហូតទៅផងដែរ។ថ្លែងនៅក្នុង ឱកាសអញ្ជើញជាសហអធិបតីបើកការដ្ឋានសាងសង់ស្ពានឆ្លងកាត់ទន្លេមេគង្គខេត្តក្រចេះ និងផ្លូវតភ្ជាប់ក្រោមឥណទានសម្បទានពីរដ្ឋាភិបាលប្រជាមានិតចិន នាព្រឹកថ្ងៃទី២ ខែមករា ឆ្នាំ២០២៣នេះ សម្តេចតេជោ ហ៊ុន សែន បានថ្លែងថា គណបក្សប្រជាជនកម្ពុជា គឺជាគណបក្សផ្តល់ទំនុក ចិត្តដល់ប្រជាពលរដ្ឋ ដូច្នេះហើយបានជាបងប្អូនបន្តបោះឆ្នោតគាំទ្ររហូតមកនោះ។ជាមួយគ្នានោះដែរ សម្តេចតេជោ ហ៊ុន សែន នាយករដ្ឋមន្រ្តីក៏បានចំអកដល់គណបក្សខ្លះ និងក្រុមខ្លះដែលចង់ប្រកួតប្រជែងជាមួយគណបក្សប្រជាជនកម្ពុជា គឺមិនអាចទៅរួចនោះឡើយ បើទោះបីជារង់ចាំ ទៅជាតិក្រោយទៀតក៏ប្រហែលមិនឈ្នះដែរ ខណៈគណបក្សប្រជាជនកម្ពុជាបានដឹកនាំប្រទេសជាតិឲ្យ មានសុខសន្តិភាព និងការអភិវឌ្ឍរហូតមកដល់សព្វថ្ងៃនេះ ហើយទៅអនាគតក៏នឹងបន្តអភិវឌ្ឍឲ្យកាន់តែ រីកចំរើនបន្ថែមទៀតផងដែរ។នៅក្នុងឱកាសនោះដែរ សម្តេចតេជោ ហ៊ុន សែន ក៏បានលើកឡើងអំពីភាពរីកចំរើននៅប្រទេស កម្ពុជានាពេលបច្ចុប្បន្ន និងភាពសប្បាយរីករាយរបស់បងប្អូនប្រជាពលរដ្ឋខ្មែរគ្រប់រូបផងដែរ ជាក់ស្តែងក្នុងឱកាសឆ្លងឆ្នាំសកល គឺបងប្អូនប្រជាពលរដ្ឋគ្រប់រាជធានី-ខេត្ត ទាំងអស់បានដើរលេងសប្បាយ ដោយពុំមានភាពភ័យខ្លាចអ្វីនោះឡើយ ខណៈទិដ្ឋភាពទាំងនេះហើយគឺសបញ្ជាក់ឲ្យឃើញថា កម្ពុជាមានសុខសន្តិភាព ពិតប្រាកដ ហើយប្រសិនបើជនណាឬក្រុមណាចង់មកបំផ្លិតបំផ្លាញនូវសុខសន្តិភាពនេះ គឺមិនអាចទៅរួច នោះទេមិនថាកាលៈទេសៈណានោះឡើយ៕ អត្ថបទ៖ បាន ចក់

សម្តេចតេជោ ហ៊ុន សែន អញ្ជើញជាអធិបតីបើកការដ្ឋានសាងសង់ស្ពានឆ្លងកាត់ទន្លេមេគង្គខេត្តក្រចេះ និងផ្លូវតភ្ជាប់ ក្រោមឥណទានសម្បទានពីរដ្ឋាភិបាលចិន

ក្រចេះ៖ សម្តេចតេជោ ហ៊ុន សែន នាយករដ្ឋមន្រ្តី និងឯកឧត្តម វ៉ាង វិនធៀន (H.E. Mr. Wang Wentian) ឯកអគ្គរដ្ឋទូតនៃសាធារណរដ្ឋប្រជាមានិតចិន ប្រចាំរកម្ពុជា បានអញ្ជើញជាសហអធិបតីបើកការដ្ឋានសាងសង់ស្ពានឆ្លងកាត់ទន្លេមេគង្គខេត្តក្រចេះ និងផ្លូវតភ្ជាប់ក្រោមឥណទានសម្បទានពីរដ្ឋាភិបាលប្រជាមានិតចិន។ស្ពានឆ្លងកាត់ទន្លេមេគង្គខេត្តក្រចេះបើកការដ្ឋានសាងសង់នេះ គឺ មានប្រវែង ១.៧៦១ម៉ែត្រ ត្រើយខាងកើត ស្ថិតនៅត្រង់ភូមិតាលុស ឃុំបុសលាវ ស្រុកចិត្របុរី និងត្រើយខាងលិច ស្ថិតនៅត្រងមិថ្មរាប ឃុំព្រែកប្រសព្វ ស្រុកព្រែកប្រសព្វ។ស្ពាននេះ នឹងត្រូវស្ថាបនាឡើងដោយមានមុខកាត់ទទឹង ១៣,៥ម៉ែត្រ មានគន្លងផ្លូវសម្រាប់រថយន្តចរាចរណ៍ចំនួន ២គន្លងទៅមក ប្រវែង ៣,៥ម៉ែត្រ គន្លងផ្លូវសម្រាប់ទោចក្រយានចំនួន ២គន្លងទៅមក ប្រវែង ១,៧៥ម៉ែត្រ ផ្លូវថ្មើរជើងចំនួន ២គន្លងទៅមក ប្រវែង ១ម៉ែត្រ និងបង្កាន់ដៃស្ពានសងខាង ប្រវែង០,៥ម៉ែត្រ។ចំណែកឯផ្លូវតភ្ជាប់មានប្រវែង ៣១,៦៩គីឡូម៉ែត្រ រួមមាន៖ ផ្លូវតភ្ជាប់ពីក្បាលស្ពានមានប្រវែង ១៥,៤៩គីឡូម៉ែត្រ និងផ្លូវខ្នែងចំនួន ៤ខ្សែ នៅក្នុងក្រុងក្រចេះ មានប្រវែង ១៦,២០៨គីឡូម៉ែត្រ។ ខ្សែផ្លូវទាំងនេះ នឹងត្រូវសាងសង់ពង្រីក និងលើកកម្រិតគុណភាពដោយក្រាលបេតុងកៅស៊ូ(AC) កម្រាស់ ៧សង់ទីម៉ែត្រដូចគ្នា ដោយក្នុងនោះ កំណាត់ផ្លូវ ៤ខ្សែ ប្រវែង ២៦,៦៧គីឡូម៉ែត្រ នឹងត្រូវស្ថាបនាពង្រីកទទឹងចាប់ពី ៩ម៉ែត្រ រហូតដល់ ១៣ម៉ែត្រ លើតួផ្លូវចាប់ពី ១១ម៉ែត្រ រហូតដល់ ១៩,៥ម៉ែត្រ និងកំណាត់ផ្លូវ១ខ្សែ ប្រវែង ៥,០២៥គីឡូម៉ែត្រ នឹងត្រូវពង្រីកទទឹង ១៩ម៉ែត្រ លើតួផ្លូវ ៣០ម៉ែត្រ ដែលមានគន្លងផ្លូវសម្រាប់រថយន្តធ្វើចរាចរណ៍ ចំនួន ៤គន្លង(២ទៅ ២មក) គន្លងផ្លូវសម្រាប់ទោចក្រយានចំនួន ២គន្លង(១ទៅ ១មក) និងមានសួនពុះទ្រូងផ្លូវនៅចំកណ្តាល ប្រវែង ៤ម៉ែត្រ ផងដែរ។ គម្រោងនេះនឹងបញ្ចូលនូវការសាងសង់ស្ពានមធ្យមចំនួន ៤កន្លែង ប្រវែងសរុប ៣៨៤ម៉ែត្រ ដាក់លូគ្រប់ប្រភេទចំនួន ២៦កន្លែង និងបំពាក់ស្លាកសញ្ញាចរាចរណ៍ គំនូសចរាចរណ៍ បង្គោលគីឡូម៉ែត្រ បង្គោលសុវត្ថិភាពទៅតាមបទដ្ឋានបច្ចេកទេសផ្លូវថ្នល់។គម្រោងនេះ ត្រូវអនុវត្ដការសាងសង់ដោយក្រុមហ៊ុនសំណង់សៀងហៃ(SCG) និងត្រួតពិនិត្យបច្ចេកទេសដោយក្រុមហ៊ុនទីប្រឹក្សាបច្ចេកទេសក្វាងចូវវ៉ានអាន ប្រើប្រាស់រយៈពេលសាងសង់ចំនួន ៤២ខែ នឹងបញ្ចប់នៅក្នុងឆ្នាំ២០២៦ គ្រោងចំណាយថវិកាសរុបប្រមាណជាង ១១៤លានដុល្លារអាមេរិក ដែលជាឥណទានសម្បទានពីរដ្ឋាភិបាលនៃសាធារណរដ្ឋប្រជាមានិតចិន រួមជាមួយនឹងថវិកាបដិភាគរបស់រាជរដ្ឋាភិបាលកម្ពុជា សម្រាប់ការដោះស្រាយផលប៉ះពាល់ ការបោសសម្អាតគ្រាប់មីន យុទ្ធភ័ណ្ឌមិនទាន់ផ្ទុះ និងពន្ធអាករផ្សេងៗ៕

ស្អែកនេះ សម្តេចតេជោ ហ៊ុន សែន នឹងអញ្ជើញបើកការដ្ឋានសាងសង់ស្ពានឆ្លងកាត់ទន្លេមេគង្គខេត្តក្រចេះ និងផ្លូវតភ្ជាប់

នៅព្រឹកថ្ងៃទី០២ ខែមករា ឆ្នាំ២០២៣ ស្អែកនេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និង ឯកឧត្តម វ៉ាង វិនធៀន (H.E. Mr. Wang Wentian) ឯកអគ្គរដ្ឋទូតនៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា និង អញ្ជើញជាសហអធិបតីបើកការដ្ឋានសាងសង់ស្ពានឆ្លងកាត់ទន្លេមេគង្គខេត្តក្រចេះ និងផ្លូវតភ្ជាប់ក្រោមឥណទានសម្បទានពីរដ្ឋាភិបាលប្រជាមានិតចិន។តាមការឲ្យដឹងពី ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនបានអោយដឹងថា ស្ពានឆ្លងកាត់ទន្លេមេគង្គខេត្តក្រចេះបើកការដ្ឋានសាងសង់នេះ គឺ មានប្រវែង ១.៧៦១ម៉ែត្រ ត្រើយខាងកើត ស្ថិតនៅត្រង់ភូមិតាលុស ឃុំបុសលាវ ស្រុកចិត្របុរី និងត្រើយខាងលិច ស្ថិតនៅត្រងមិថ្មរាប ឃុំព្រែកប្រសព្វ ស្រុកព្រែកប្រសព្វ។ ស្ពាននេះ នឹងត្រូវស្ថាបនាឡើងដោយមានមុខកាត់ទទឹង ១៣,៥ម៉ែត្រ មានគន្លងផ្លូវសម្រាប់រថយន្តចរាចរណ៍ចំនួន ២គន្លងទៅមក ប្រវែង ៣,៥ម៉ែត្រ គន្លងផ្លូវសម្រាប់ទោចក្រយានចំនួន ២គន្លងទៅមក ប្រវែង ១,៧៥ម៉ែត្រ ផ្លូវថ្មើរជើងចំនួន ២គន្លងទៅមក ប្រវែង ១ម៉ែត្រ និងបង្កាន់ដៃស្ពានសងខាង ប្រវែង០,៥ម៉ែត្រ។ ចំណែកឯផ្លូវតភ្ជាប់មានប្រវែង ៣១,៦៩គីឡូម៉ែត្រ រួមមាន៖ ផ្លូវតភ្ជាប់ពីក្បាលស្ពានមានប្រវែង ១៥,៤៩គីឡូម៉ែត្រ និងផ្លូវខ្នែងចំនួន ៤ខ្សែ នៅក្នុងក្រុងក្រចេះ មានប្រវែង ១៦,២០៨គីឡូម៉ែត្រ។ ខ្សែផ្លូវទាំងនេះ នឹងត្រូវសាងសង់ពង្រីក និងលើកកម្រិតគុណភាពដោយក្រាលបេតុងកៅស៊ូ(AC) កម្រាស់ ៧សង់ទីម៉ែត្រដូចគ្នា ដោយក្នុងនោះ កំណាត់ផ្លូវ ៤ខ្សែ ប្រវែង ២៦,៦៧គីឡូម៉ែត្រ នឹងត្រូវស្ថាបនាពង្រីកទទឹងចាប់ពី ៩ម៉ែត្រ រហូតដល់ ១៣ម៉ែត្រ លើតួផ្លូវចាប់ពី ១១ម៉ែត្រ រហូតដល់ ១៩,៥ម៉ែត្រ និងកំណាត់ផ្លូវ១ខ្សែ ប្រវែង ៥,០២៥គីឡូម៉ែត្រ នឹងត្រូវពង្រីកទទឹង ១៩ម៉ែត្រ លើតួផ្លូវ ៣០ម៉ែត្រ ដែលមានគន្លងផ្លូវសម្រាប់រថយន្តធ្វើចរាចរណ៍ ចំនួន ៤គន្លង(២ទៅ ២មក) គន្លងផ្លូវសម្រាប់ទោចក្រយានចំនួន ២គន្លង(១ទៅ ១មក) និងមានសួនពុះទ្រូងផ្លូវនៅចំកណ្តាល ប្រវែង ៤ម៉ែត្រ ផងដែរ។ គម្រោងនេះនឹងបញ្ចូលនូវការសាងសង់ស្ពានមធ្យមចំនួន ៤កន្លែង ប្រវែងសរុប ៣៨៤ម៉ែត្រ ដាក់លូគ្រប់ប្រភេទចំនួន ២៦កន្លែង និងបំពាក់ស្លាកសញ្ញាចរាចរណ៍ គំនូសចរាចរណ៍ បង្គោលគីឡូម៉ែត្រ បង្គោលសុវត្ថិភាពទៅតាមបទដ្ឋានបច្ចេកទេសផ្លូវថ្នល់។ គម្រោងនេះ នឹងត្រូវអនុវត្ដការសាងសង់ដោយក្រុមហ៊ុនសំណង់សៀងហៃ(SCG) និងត្រួតពិនិត្យបច្ចេកទេសដោយក្រុមហ៊ុនទីប្រឹក្សាបច្ចេកទេសក្វាងចូវវ៉ានអាន ប្រើប្រាស់រយៈពេលសាងសង់ចំនួន ៤២ខែ នឹងបញ្ចប់នៅក្នុងឆ្នាំ២០២៦ គ្រោងចំណាយថវិកាសរុបប្រមាណជាង ១១៤លានដុល្លារអាមេរិក ដែលជាឥណទានសម្បទានពីរដ្ឋាភិបាលនៃសាធារណរដ្ឋប្រជាមានិតចិន រួមជាមួយនឹងថវិកាបដិភាគរបស់រាជរដ្ឋាភិបាលកម្ពុជា សម្រាប់ការដោះស្រាយផលប៉ះពាល់ ការបោសសម្អាតគ្រាប់មីន យុទ្ធភ័ណ្ឌមិនទាន់ផ្ទុះ និងពន្ធអាករផ្សេងៗ។

សម្តេចតេជោ ប្រកាសឧបត្ថម្ភកុមារកំព្រា និងរងគ្រោះនៃអង្គការអាហ្វេស៊ីបរៀនរហូតដល់ចប់ឧត្តមសិក្សា

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានប្រកាសផ្តល់អាហារូបករណ៍ និងឧបត្ថម្ភគ្រប់បែបយ៉ាងដល់កុមារកំព្រា និងរងគ្រោះនៅអង្គការអាហ្វេស៊ីបចំនួនជិត ២០០នាក់ រហូតដល់ពួកគាត់រៀនចប់ថ្នាក់ឧត្តមសិក្សា និងឧបត្ថម្ភប្រាក់ប្រចាំខែ និងឆ្នាំមួយចំនួនទៀត។ក្នុងឱកាសអញ្ជើញចុះសួរសុខទុក្ខដល់កុមារកំព្រា និងរងគ្រោះនៅមជ្ឈមណ្ឌលបណ្ដុះបណ្ដាលវិជ្ជាជីវៈ និងស្ដារនីតិសម្បទាយុវនារី អាហ្វេស៊ីប (AFESIP)ទុំឌី ស្ថិតនៅសង្កាត់ព្រៃស ខណ្ឌដង្កោ រាជធានីភ្នំពេញនាថ្ងៃទី១ ខែមករា ឆ្នាំ២០២៣នេះ សម្តេចតេជោ ហ៊ុន សែន បានបញ្ជាក់ថា ក្រៅពីការជួយជាប្រចាំខែ និងឆ្នំា សម្តេច និងភរិយា នឹងជួយដល់កុមារដ៏កំសត់ទាំងនោះរៀនរហូតដល់ចប់មិនថាកាលៈទេសៈណានោះឡើយ។ជាមួយគ្នានោះដែរ សម្តេចតេជោ ហ៊ុន សែន នាយករដ្ឋមន្រ្តី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ក៏បានប្រកាសឧបត្ថម្ភថវិកាសន្សំចំនួន ១០ម៉ឺនរៀលក្នុងមួយខែដល់កុមារកំព្រា និងរងគ្រោះនៃអង្គការអាហ្វេស៊ីប និងប្រាក់សម្រាប់ម្ហូបអាហារប្រចាំខែចំនួន ២០លានរៀល ខណៈថវិកាប្រចាំឆ្នាំមានចំនួន ៥ម៉ឺនដុល្លារអាមេរិកបន្ថែមទៀតផងដែរ។ជាមួយនឹងការប្រកាសឧបត្ថម្ភគ្រប់យ៉ាងដល់កុមារកំព្រា និងរងគ្រោះទាំងនេះ សម្តេចតេជោ ហ៊ុន សែន ក៏បានសម្តែងនូវការសោកស្តាយ និងអាណិតអាសូយ៉ាងខ្លាំងចំពោះកុមារដែលបានកំពុងរស់នៅ ក្នុងអង្គការអាហ្វេស៊ីបនេះផងដែរ ខណៈពួកគាត់ទទួលរងនូវការឈឺចាប់ តាំងពីក្មេងដោយសារតែទង្វើដ៏ព្រៃផ្សៃរបស់បុរសមួយក្តាប់តូច ដែលបានប្រព្រឹត្តិទៅលើពួកគាត់នោះ។យ៉ាងណាក៏ដោយសម្តេចតេជោ ហ៊ុន សែន ក៏បានសម្រេចទទួលសំណើរពីប្រធានអង្គការអាហ្វេស៊ីប ដោយមិនអនុញ្ញាតិឲ្យកុមារ កំព្រា និងរងគ្រោះពីការរំលោភបំពានដែលមានអាយុ៥ឆ្នាំ ចូលទៅកាន់តុលាការទៀតនោះឡើយចាប់ពីពេលនេះតទៅ ដើម្បីបញ្ជៀសនូវភាពឈឺចាប់ ភ័យខ្លាច និងសម្ពាធផ្លូវចិត្តផ្សេង ៗជាដើមនោះ៕ អត្ថបទ៖ បាន ចក់

សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត អញ្ជើញចុះសួរសុខទុក្ខដល់កុមារកំព្រា និងរងគ្រោះនៅមជ្ឈមណ្ឌលបណ្ដុះបណ្ដាលវិជ្ជាជីវៈ និងស្ដារនីតិសម្បទាយុវនារី អាហ្វេស៊ីប (AFESIP) ទុំឌី

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា អញ្ជើញចុះសួរសុខទុក្ខដល់កុមារី/យុវតី កំព្រា និងរងគ្រោះនៅមជ្ឈមណ្ឌលបណ្ដុះបណ្ដាលវិជ្ជាជីវៈ និងស្ដារនីតិសម្បទាយុវនារី អាហ្វេស៊ីប (AFESIP) ទុំឌី ស្ថិតនៅសង្កាត់ព្រៃស ខណ្ឌដង្កោ រាជធានីភ្នំពេញ នៅព្រឹកថ្ងៃទី០១ ខែមករា ឆ្នាំ២០២៣នេះ។ក្រៅតែពីការសួរសុខទុក្ខដោយផ្ទាល់នោះ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ក៏នឹងសម្ពោធដាក់ឱ្យប្រើប្រាស់ជាផ្លូវការនូវអគារមួយខ្នង កម្ពស់៣ជាន់ ស្មើនឹង៤០បន្ទប់ ដែលជាអំណោយដល់ថ្លៃថ្លារបស់សម្តេចទាំងទ្វេនៅក្នុងអង្គការនេះផងដែរ។គួររំលឹកថា កាលពីអំឡុងខែមីនា ឆ្នាំ២០១៩ សម្តេចតេជោ និងសម្តេចកិត្តិព្រឹទ្ធបណ្ឌិត ធ្លាប់បានអញ្ជើញជួបសំណេះសំណាល និងសួរសុខទុក្ខដោយផ្ទាល់ជាមួយយុវនារី និងកុមារី ដែលកំពុងទទួលការគាំពារនៅក្នុងមណ្ឌលស្តារនីតិសម្បទារបស់អង្គការអាហ្វេស៊ីបកម្ពុជារួចម្តងមកហើយ។ សម្តេចទាំងទ្វេ បានផ្តល់ការអាណិត ស្រឡាញ់ ផ្តល់ភាពកក់ក្តៅទាំងស្មារតី និងកម្លាំងចិត្តជូនយុវនារី និងកុមារីរងគ្រោះនៅអង្គការអាហ្វេស៊ីបកម្ពុជា ដោយឧបត្ថម្ភរថយន្តមួយគ្រឿង អង្ករជាប្រចាំខែ ក្នុងមួយខែៗចំនួន ១,២០០គីឡូក្រាម ថវិកាសម្រាប់ផ្គត់ផ្គង់ម្ហូបអាហារក្នុងមួយខែ ១០លានរៀល និងថវិកាសម្រាប់យុវនារី/កុមារីម្នាក់ ១០ម៉ឺនរៀល ក្នុងមួយខែ។ បន្ថែមពីលើនោះ សម្តេចទាំងទ្វេ ក៏បានផ្តល់អំណោយសាងសង់អាគារថ្មីមានកម្ពស់៣ជាន់ស្មើ និង៤០បន្ទប់ រួមមានបន្ទប់ស្នាក់នៅ ថ្នាក់រៀន បន្ទប់ថែទាំ និងព្យាបាល ព្រមទាំងអាគារការិយាល័យដែលមាន ៤បន្ទប់សម្រាប់លោកគ្រូ អ្នកគ្រូបំពេញការងារ ព្រមទាំងបានបញ្ចូលបុគ្គលិក ដែលបំពេញការងារ នៅក្នុងអង្គការអាហ្វេស៊ីបកម្ពុជាចំនួន ២៧នាក់ ជាមន្ត្រីរាជការក្របខណ្ឌ សង្គមស៊ីវិលក្រោមមន្ទីរសង្គមកិច្ច អតីតយុទ្ធជន និងយុវនីតិសម្បទា និងបុគ្គលិក២នាក់ ដែលមានអាយុត្រូវចូលនិវត្តន៍ ជាមន្ត្រីកិច្ចសន្យាផងដែរ។ អង្គការអាហ្វេស៊ីបកម្ពុជា បានបង្កើតឡើងនៅឆ្នាំ១៩៩៦ ដោយលោកស្រី ម៉ម សុម៉ាលី ហើយអង្គការនេះបង្កើតឡើង ក្នុងគោលបំណងប្រយុទ្ធប្រឆាំងការជួញដូរមនុស្ស និងការកេងប្រវ័ញ្ចផ្លូវភេទ លើស្ត្រី និងកុមារី៕

សម្តេចតេជោ៖ ប្រសិនបើមិនមានរដ្ឋប្រហារឆ្នាំ១៩៧០ មិនដឹងប្រទេសកម្ពុជារីកចម្រើនដល់ណាទេ

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានរំលឹកពីអតីតកាលនៃការបែកបាក់ ដោយសម្តេចនៅតែរំលឹកថា សម្តេចតែងតែនឹកស្រមៃថា ប្រសិនមិនមានរដ្ឋប្រហារថ្ងៃ១៨មីនា ឆ្នាំ១៩៧០ទេ មិនដឹងជាប្រទេសរបស់យើងរីកចំរើនដល់ណានោះទេ។សម្តេចតេជោ ហ៊ុន សែន ប្រមុខរាជរដ្ឋាភិបាលនៅតែរំលឹកបែប នេះក្នុងឱកាសអញ្ជើញជាអធិបតី ដ៏ខ្ពង់ខ្ពស់ ក្នុងពិធីបើកការដ្ឋានស្តារ និងលើកកម្រិតគុណភាពផ្លូវជាតិលេខ៣១ ប្រវែងជាង៥៣ គីឡូ ម៉ែត្រ និងផ្លូវជាតិលេខ៣៣ ប្រវែងជាង៥២គីឡូម៉ែត្រនៅខេត្តកំពត ក្រោមឥណទានសម្បទានរបស់សាធារណរដ្ឋប្រជាមានិតចិន នាព្រឹកថ្ងៃទី ៣០ ខែធ្នូ នេះ ។ជាមួយនឹងការអរគុណដល់ប្រជាពលរដ្ឋដែលបានបោះឆ្នោតក្រុមប្រឹក្សាឃុំសង្កាត់ ជូន គណបក្សប្រជាជនកម្ពុជាយ៉ាងភ្លុកទឹក ភ្លូកដីដែលជាការផ្តល់ឱកាសឱ្យគណបក្សប្រជាជនបានសងគុណតាមរយៈការអភិវឌ្ឍហេដ្ឋារចនាសម្ព័ន្ធ និងសមិទ្ធផលនានាលើគ្រប់វិស័យជាបន្តបន្ទាប់ ហើយបានអរគុណមិត្តចិនដែលមិត្តដែកថែបតែងតែជួយគាំទ្រដល់ការអភិវឌ្ឍប្រទេសកម្ពុជាលើវិស័យជាច្រើនជាពិសេសហេដ្ឋារចនាសម្ព័ន្ធ និងលើកឡើងពីសក្តានុពលនិងការរីកចំរើននៃវិស័យសេដ្ឋកិច្ច ពាណិជ្ជកម្ម ឧស្សាហកម្មនិងទេសចរណ៍របស់ខេត្តកំពតនិយាយដោយឡែកនិងជារួមក្នុងក្រមខណ្ឌទូទាំងប្រទេស សម្តេចបានរំលឹក ពីសង្គ្រាមបែកបាក់ពីអតីតកាលដែលសម្តេចតែងតែនឹកស្រមៃថា ប្រសិនបើមិនមានរដ្ឋប្រហារថ្ងៃ១៨មីនា១៩៧០ទេ មិនដឹងថាប្រទេសរបស់យើងរីកចំរើនដល់ណាទេ។សម្តេច បានបញ្ជាក់ថា បើគ្មានសន្តិភាពទេកុំនិយាយពីអ្វីៗទាំងអស់។ក្នុងន័យនេះ សម្តេចបានរំលឹកដល់ប្រជាពលរដ្ឋកម្ពុជាទូទាំងប្រទេសថា សូមរួមគ្នាថែរក្សាសុខសន្តិភាពដែលរកបានដោយលំបាករហូតមក ដល់ពេលនេះឱ្យខាងតែបានដើម្បីរក្សាសេចក្តីសុខសាន្តរបស់ប្រជាជននិងការរីកចំរើនជារៀងរហូត។សម្តេចថា គណបក្សប្រជាជនមិនឱ្យប្រជាជនខកចិត្តដោយសារគណបក្សប្រជាជននោះទេ យ៉ាងហោចណាស់គឺការពារមិនឱ្យមានសង្គ្រាមរាំងជល់ដែលខុសពីក្រុមមនុស្សមួយចំនួនតូចបានត្រឹមតែស្រែកខុសពីការពិតពីក្រៅប្រទេសនោះទេដែលសម្តេចបានហៅក្រុមនោះថា អគុណធម៌ដែលមិនអាចអត់ឱនឱ្យបានឡើយ៕អត្ថបទ៖ មុត សុទ្ធ

ក្រសួងសុខាភិបាលប្រកាសចាក់វ៉ាក់សាំងដូសទី៤-៥ ដល់កុមារ និងដូសទី៦ ដល់មន្រ្តីជួរមុខ អាជ្ញាធរ និងប្រជាជនទូទៅ

ភ្នំពេញ៖ គណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស នៃក្រសួងសុខាភិបាលប្រកាសពីការចាក់វ៉ាក់សាំងកូវីដ-១៩ ដូសទី៤ ដល់កុមារអាយុ ៣ឆ្នាំ ដល់ក្រោម ៥ឆ្នាំ ការចាក់វ៉ាក់សាំងកូវីដ-១៩ដូសទី៥ ដល់កុមារអាយុ ៥ឆ្នាំ ដល់ក្រោម ១២ឆ្នាំ និងដូសទី៦ ដល់មន្រ្តីជួរមុខ អាជ្ញាធរ និងប្រជាជនទូទៅ តាមគោលការណ៍ស្ម័គ្រចិត្ត៕

ប្រសាសន៍សំខាន់ៗសម្ដេចតេជោ ហ៊ុន សែន ក្នុងពិធីបើកការដ្ឋានស្តារ និងលើកកម្រិតគុណភាពផ្លូវជាតិលេខ៣១ និងលេខ៣៣

នៅព្រឹកថ្ងៃទី៣០ ខែធ្នូ ឆ្នាំ២០២២នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តម វ៉ាង វិនធៀន ឯកអគ្គរដ្ឋទូតចិនប្រចាំកម្ពុជា បានអញ្ជើញធ្វើជាសហធិបតីក្នុងពិធីបើកការដ្ឋានស្តារ និងលើកកម្រិតគុណភាពផ្លូវពីរខ្សែគឺផ្លូវជាតិលេខ៣១ និង៣៣ ស្ថិតក្នុងភូមិសាស្ត្រខេត្តកំពត និងខេត្តកែប។ខាងក្រោមនេះជាប្រសាសន៍សំខាន់ៗរបស់សម្ដេចតេជោ៖-សម្តេចតេជោ ហ៊ុន សែន ប្រកាសពីជោគជ័យ នៃការគាំទ្ររបស់ប្រជាពលរដ្ឋខេត្តកែប និងខេត្តកំពត បោះឆ្នោតជូនគណបក្សប្រជាជនកម្ពុជា ក្នុងពេលបោះឆ្នោតជ្រើសរើសក្រុមប្រឹក្សាឃុំ-សង្កាត់ ឆ្នាំ២០២២។-សម្ដេចតេជោ សង្ឃឹមជឿជាក់ថា ប្រជាពលរដ្ឋនៅខេត្តទាំងពីរនេះ នៅតែបន្តបោះឆ្នោតគាំទ្រគណបក្សប្រជាជនកម្ពុជានាពេលបន្តបន្ទាប់។- សម្តេចតេជោហ៊ុន សែន បានបញ្ជាក់ថា ការស្តារ និងលើកកម្ពស់គុណភាពផ្លូវជាតិទាំងពីរខ្សែនេះ នឹងក្លាយជាវឌ្ឍនភាពថ្មីមួយបន្ថែមទៀត សម្រាប់ប្រជាពលរដ្ឋខេត្តកែប និងកំពត និងការធ្វើដំណើររបស់ប្រជាពលរដ្ឋ ក្នុងក្របខណ្ឌទូទាំងប្រទេស។- សម្តេចតេជោ ហ៊ុន សែន បានប្រកាសថា មិនត្រឹមតែផ្លូវជាតិទាំងពីខ្សែនេះទេ កម្ពុជានៅមានគម្រោង និងបានសម្ពោធគម្រោងស្តារ និងលើកម្ពស់គុណភាពផ្លូវជាច្រើនខ្សែ ដែលមានប្រវែងរាប់ពាន់គីឡូម៉ែត្ររួចមកហើយ ដែលនេះបានបង្ហាញពីចូលរួមរបស់មិត្តចិន ក្នុងការជួយដល់វិស័យហេដ្ឋារចនាសម្ព័ន្ធតភ្ជាប់នៅកម្ពុជា។- សម្តេចតេជោ ហ៊ុន សែន បានប្រកាសច្រានចោលឥណទានពីដៃគូអភិវឌ្ឍន៍មួយ ដោយសារតែម្ចាស់លុយនោះផ្តល់ជូនកម្ពុជាក្នុងគម្រោងផ្សេង ខណៈដែលកម្ពុជាត្រូវការគម្រោងផ្សេង និងចាំបាច់។- សម្តេចតេជោ ហ៊ុន សែន បញ្ជាក់ថា នៅលើពិភពលោកនេះ គ្មានប្រទេសណាមួយអាចបញ្ចប់សង្គ្រាមតាមបែបកម្ពុជាបានឡើយទេ គឺបញ្ចប់សង្គ្រាមតាម«នយោបាយឈ្នះ ឈ្នះ» ដែលគ្រប់ភាគីទាំងអស់ នៃជម្លោះប្រដាប់អាវុធ «ឈ្នះទាំងអស់គ្នា»។- សម្តេចតេជោ ហ៊ុន សែន បានរំលឹកពីប្រវត្តិជូរចត់ នៃដំណើរបញ្ចប់ជម្លោះប្រដាប់អាវុធនៅកម្ពុជា ដែលកាលណោះ មានបរទេសខ្លះ បានរិះគន់ និងគាំទ្រខ្មែរក្រហមប្រឆាំងរដ្ឋាភិបាលក្រុងភ្នំពេញ។-សម្តេចតេជោថា ដោយស្មារតីខ្មែរតែមួយ កម្ពុជា បានបញ្ចប់សង្គ្រាមជម្លោះប្រដាប់អាវុធទាំងស្រុងនៅឆ្នាំ១៩៩៨ តាមរយៈនយោបាយឈ្នះ ឈ្នះ។- សម្តេចតេជោ ហ៊ុន សែន បានបញ្ជាក់ថា «កត្តាសុខសន្តិភាព» គឺជាមរកតដ៏មានសារៈសំខាន់បំផុត សម្រាប់កម្ពុជា ដែលមរកតដ៏សំខាន់នេះ ត្រូវរួមគ្នាថែរក្សាឱ្យបានជានិច្ចនិរន្ត។- សម្តេចតេជោ ហ៊ុន សែន បានប្រកាសពីការទម្លុះទម្លាយ ក្នុងពេលវត្តមានជំនាញការ និងកងទ័ពវៀតណាមនៅកម្ពុជា ដើម្បីឯកភាពផ្ទៃក្នុង និងសេដ្ឋកិច្ចឯកជនកម្ពុជា ក្នុងនោះជំនាញការវៀតណាមបានដកចេញពីកម្ពុជានៅឆ្នាំ១៩៨៨ ហើយកងទ័ពវៀតណាមដកចេញនៅឆ្នាំ១៩៨៩។- សម្តេចតេជោ ហ៊ុន សែន ប្រកាសសុំការអធ្យាស្រ័យពីប្រជាពលរដ្ឋរស់នៅតាមសងខាងផ្លូវជាតិលេខ៣១-៣៣ និងប្រជាពលរដ្ឋធ្វើដំណើរពេលការដ្ឋានបានចាប់ផ្តើម ដែលនឹងមានផលប៉ះពាល់ខ្លះជៀសមិនរួច តែនៅពេលរួចរាល់ផ្លូវនេះ នឹងផ្តល់អត្ថប្រយោជន៍រាប់មិនអស់ដល់ប្រជាពលរដ្ឋ និងសង្គមជាតិ។- សម្តេចតេជោ ហ៊ុន សែន បានប្រកាសចូលរួមសោកស្តាយ និងរំលែកមរណទុក្ខ ដល់ក្រុមគ្រួសារជនរងគ្រោះ ដែលបានស្លាប់ និងរបួស ក្នុងហេតុការណ៍ឆេះអគារកាស៊ីណូ នៅក្រុងប៉ោយប៉ែត ខេត្តបន្ទាយមានជ័យ កាលពីរាត្រីថ្ងៃទី២៨ឈានចូលព្រឹកថ្ងៃទី២៩ ខែធ្នូ ឆ្នាំ២០២២។- សម្តេចតេជោ ហ៊ុន សែន ប្រកាសដាក់ចេញវិធានការ និងសម្ភារៈឧបករណ៍ ដើម្បីត្រៀមបង្ការបម្រើឱ្យការអន្តរាគមន៍ និងពន្លត់អគ្គិភ័យ តាមអគារដែលកំពស់ខ្ពស់ៗពិបាកក្នុងការជួយសង្គ្រោះ និងអន្តរាគមន៍។- សម្តេចតេជោ ហ៊ុន សែន បានប្រកាសអំពាវនាវដល់ប្រជាពលរដ្ឋ និងដាក់ចេញវិធានការចាក់វ៉ាក់សាំងបង្ការជំងឺកូវីដ-១៩ និងវិធានការទប់ស្កាត់ការឆ្លងរីករាលដាលជំងឺកូវីដ-១៩។-សម្តេចតេជោ ហ៊ុន សែន បញ្ជាក់ថា «វ៉ាក់សាំងកូវីដ-១៩ គឺជាជម្រើសដ៏ល្អបំផុត ដែលនឹងជួយយើង កាត់បន្ថយការឆ្លងរីករាលដាលជំងឺកូវីដ-១៩ ឬការឆ្លងហើយ តែមិននាំដល់ករណីធ្ងន់ធ្ងរ ឬស្លាប់»។- សម្តេចតេជោ ហ៊ុន សែន បានប្រកាសចាក់វ៉ាក់សាំងដល់កុមារ និងប្រជាពលរដ្ឋទូទៅ ដោយ៖ ទី១- ការចាក់វ៉ាក់សាំង ដូសទី៤ ដល់កុមារចាប់ពីអាយុ៣ ដល់ក្រោម ៥ឆ្នាំ ទី២-ចាក់វ៉ាក់សាំងដូសទី៥ ដល់កុមារអាយុ ៥ដល់ក្រោម ១២ឆ្នាំ និងទី៣-ចាក់ដូសទី៦ ដល់មន្ត្រីរាជការជួរមុខ អាជ្ញាធរ និងប្រជាពលរដ្ឋទូទៅ។- សម្តេចតេជោ ហ៊ុន សែន ប្រកាសដាក់ចេញគោលការណ៍ចាក់វ៉ាក់សាំងកូវីដ-១៩ ដល់កុមារ និងប្រជាពលរដ្ឋទូទៅ គឺត្រូវធ្វើឡើងរយៈពេល ៦ខែម្តង បន្ទាប់ពីដំណើរការចាក់ដូសចុងក្រោយ ដើម្បីសហគមនាគមន៍កម្ពុជារឹងមាំ ទប់នឹងករណីឆ្លងកូវីដ-១៩ជាថ្មី។- សម្តេចតេជោ ហ៊ុន សែន បានបញ្ជាក់ថា នៅសល់តែប៉ុន្មានម៉ោងទៀតតែប៉ុណ្ណោះ នឹងដាច់ឆ្នាំ២០២២ ហើយឆ្នាំ២០២៣ គឺជាឆ្នាំដែលមន្ត្រីរាជការ កងកម្លាំងអាដាប់អាវុធគ្រប់លំដាប់ ត្រូវឡើងប្រាក់ខែហើយ។- សម្តេចតេជោ ហ៊ុន សែន បានប្រកាសថា លោកបណ្ឌិត សុខ ទូច គ្រប់គ្រងមន្ត្រីរាជការ និងបុគ្គលិក នៃរាជបណ្ឌិត្យសភាកម្ពុជាខ្លួនឯងមិនបាន មកស្នើឱ្យរាជរដ្ឋាភិបាលកុំបើកប្រាក់បៀវត្សរ៍តាមប្រព័ន្ធធនាគារ ទៅជាបើកតាមគោលការណ៍ចាស់(ប្រាក់សុទ្ធដោយផ្ទាល់)។- សម្តេចតេជោ ហ៊ុន សែន បានប្រកាសដល់ប្រជាពលរដ្ឋ និងមន្ត្រីរាជការគ្រប់ជាន់ថ្នាក់ថា រាជរដ្ឋាភិបាលកម្ពុជាមានកំណែទម្រង់ធំណាស់រឿងបើកប្រាក់បៀវត្សរ៍តាមប្រព័ន្ធធនាគារនេះ ហើយបានចំណេញធំណាស់ដល់ជាតិ និងពេលវេលាសម្រាប់អ្នកប្រើប្រាស់សេវារដ្ឋ។- សម្តេចតេជោ ហ៊ុន សែន កោតសរសើរដល់ឯកឧត្តម ម៉ៅ ធនិន អភិបាលខេត្តកំពត ដែលបានប្រឹងប្រែងដោះស្រាយវិវាទដីធ្លី និងវិវាទផ្សេងៗរបស់ប្រជាពលរដ្ឋក្នុងដែនសមត្ថកិច្ចរបស់ខ្លួនដោយការសម្របសម្រួលក្រៅប្រព័ន្ធតុលាការ ហើយសម្តេចបានលើកទឹកចិត្តដល់អភិបាលខេត្តកំពតបន្តសកម្មភាពនោះជានិច្ចដរាប។- សម្តេចតេជោ ហ៊ុន សែន បានប្រកាសជាឱឡារិកថា គណបក្សប្រជាជនកម្ពុជា មិនធ្វើឱ្យប្រជាជនកម្ពុជា ខលបំណង ដោយសារភាពគ្មានទំនួលខុសត្រូវនោះទេ។-សង្កថាសម្ដេចតេជោ ហ៊ុន សែន ចប់នៅវេលាម៉ោង៩ និង៣២ នាទី

សម្ដេចតេជោ ហ៊ុន សែន អញ្ជើញជាអធិបតីបើកការដ្ឋានស្តារ និងលើកកម្រិតគុណភាព ផ្លូវជាតិលេខ៣១ និង៣៣

កំពត៖ នៅព្រឹកថ្ងៃទី៣០ ខែធ្នូ ឆ្នាំ២០២២នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តម វ៉ាង វិនធៀន ឯកអគ្គរដ្ឋទូតចិនប្រចាំនៅកម្ពុជា បានអញ្ជើញធ្វើជាសហធិបតីបើកការដ្ឋានស្តារ និងលើកកម្រិតគុណភាពផ្លូវពីរខ្សែទៀតស្ថិតក្នុងភូមិសាស្ត្រខេត្តកំពត និងខេត្តកែប។ផ្លូវដែលត្រូវបើកការដ្ឋានស្តារ និងលើកកម្ពស់គុណភាពជាថ្មីនេះ រួមមាន៖ ផ្លូវជាតិលេខ៣១ និងផ្លូវជាតិលេខ៣៣។ ផ្លូវជាតិលេខ៣១ មានប្រវែងសរុបជិត ៥៤គីឡូម៉ែត្រ ចាប់ពីបែកគុស (ចំណុច ប្រសព្វផ្លូវជាតិលេខ៣) ទៅដល់ទីរួមស្រុកកំពង់ត្រាច (ចំណុចតភ្ជាប់ផ្លូវជាតិលេខ៣៣)។ ផ្លូវនេះត្រូវស្ដារ និងលើកកម្រិតគុណភាពជាប្រភេទផ្លូវក្រាលបេតុងកៅស៊ូ (AC) មានកម្រាស់ ៧សង់ទីម៉ែត្រ និងពង្រីកទទឹងតួផ្លូវរហូតដល់ ១២ម៉ែត្រ។ គម្រោងនេះ នឹងរួមបញ្ចូលនូវការសាងសង់ស្ពានថ្មី ចំនួន ១កន្លែង ទទឹង ១២ម៉ែត្រ និងជួសជុលស្ពានដែលមានស្រាប់ចំនួន ២កន្លែង ប្រវែងសរុប ៤០ម៉ែត្រ និងដាក់លូគ្រប់ប្រភេទចំនួន ១៤៤កន្លែង ផងដែរ។ដោយឡែកផ្លូវជាតិលេខ៣៣ មានប្រវែងសរុបជិត ៥៣គីឡូម៉ែត្រ ចាប់ពីក្រុងកំពត (ចំណុចប្រសព្វផ្លូវជាតិលេខ៣) ដល់ច្រកលក (ព្រំដែនកម្ពុជា-វៀតណាម) រួមទាំងផ្លូវតភ្ជាប់ ក្នុងក្រុងកំពត (ផ្លូវក្រុងលេខ ៧០៩)។ ផ្លូវនេះ នឹងត្រូវស្ដារ និងលើកកម្រិតគុណភាពជាប្រភេទផ្លូវ ក្រាលបេតុងកៅស៊ូ (AC) មានកម្រាស់ ៥សង់ទីម៉ែត្រ និងកម្រាស់ ៧សង់ទីម៉ែត្រ ព្រមទាំងពង្រីកទទឹងតួផ្លូវរហូតដល់ ១២ម៉ែត្រ និងមានកំណាត់ផ្លូវចំនួន ៤ទីតាំង នឹងត្រូវពង្រីកជា ៤គន្លង (២គន្លងទៅ ២គន្លងមក) ប្រវែងសរុប ១,៤៣១ម៉ែត្រ និង ១ទីតាំងទៀត នឹងត្រូវពង្រីកជា ៦គន្លង (៣គន្លងទៅ ៣គន្លងមក) ប្រវែង ៤៨០ម៉ែត្រ។ គម្រោងនេះ នឹងរួមបញ្ចូលនូវការសាងសង់ស្ពានថ្មីចំនួន ១កន្លែង ប្រវែង ៩០ម៉ែត្រ ទទឹង ១២ម៉ែត្រ ស្របជាមួយនឹងស្ពានចាស់ និងជួសជុលកែលម្អស្ពាន ដែលមានស្រាប់ចំនួន ២កន្លែង ប្រវែងសរុប ៦៥ម៉ែត្រ ព្រមទាំងដាក់លូគ្រប់ប្រភេទចំនួន ១៣៤កន្លែង៕

បណ្ដាញសង្គម

ព័ត៌មានថ្មីៗ

ប្រធានាធិបតីឆេកជំរុញឲ្យភាគីនានាបន្តផ្តល់ជំនួយគ្រាប់រំសេវដល់អ៊ុយក្រែន

ការប្រទះឃើញយានដ្រូន នាំឲ្យជើងហោះហើរផ្អាកបណ្តោះអាសន្ន នៅអាកាសយានដ្ឋាន Oslo

រដ្ឋមន្រ្តីសុខាភិបាល ណែនាំដល់ថ្នាក់ដឹកនាំមន្ទីរពេទ្យគ្រប់ឋានានុក្រម «ត្រូវបន្តផ្តោតសំខាន់ខ្ពស់លើសុវត្ថិភាពអ្នកជំងឺ»

អ៊ីរ៉ង់នឹងមិនបន្តកិច្ចចរចានុយក្លេអ៊ែរជាមួយអឺរ៉ុប ក្នុងដំណាក់កាលនេះទេ

បង្ក្រាបជនសង្ស័យ ២នាក់ជាមុខសញ្ញាលួចកាច់កម៉ូតូក្នុងភូមិសាស្រ្តរាជធានីភ្នំពេញ

អ្នកឡើងភ្នំរាប់រយនាក់ បានជាប់នៅលើភ្នំអេវើរ៉េស បន្ទាប់ពីមានព្យុះព្រិលភ្លាមៗ

មន្ត្រីជាន់ខ្ពស់គណៈកម្មាធិការជាតិសុវត្ថិភាពចរាចរណ៍ផ្លូវគោក «គ្រោះថ្នាក់ចរាចរណ៍កើតមានជារៀងរាល់ថ្ងៃ ដែលចាំបាច់យើងត្រូវបង្កើននូវការផ្សព្វផ្សាយ និងអប់រំ»

ឧបនាយករដ្ឋមន្ដ្រី ទៀ សីហា៖ ប្រជាជនកម្ពុជាលែងប្រកាន់ហើយ ចំពោះពួកក្រុមថៃ ពូកែបង្អាប់ សម្តែង មើលងាយគេ

ពានរង្វាន់ណូបែលផ្នែកវេជ្ជសាស្ត្រ ធ្លាក់ទៅក្នុងដៃអ្នកវិទ្យាសាស្ត្រ ៣រូប ដែលរកឃើញរបៀបប្រព័ន្ធភាពស៊ាំការពាររាងកាយដំណើរការ

នាវាកងទ័ពជើងទឹកចិន ចំនួន២គ្រឿង នឹងចូលសំចតធ្វើទស្សនកិច្ចនៅកំពង់ផែស្វយ័តក្រុងព្រះសីហនុ រយៈពេល៦ថ្ងៃ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្តេចតេជោ ថ្លែងអំណរគុណដល់បងប្អូនខេត្តក្រចេះដែលបានបោះឆ្នោតគាំទ្រគណបក្សប្រជាជននាពេលកន្លងមក

សម្តេចតេជោ ប្រកាសឧបត្ថម្ភកុមារកំព្រា និងរងគ្រោះនៃអង្គការអាហ្វេស៊ីបរៀនរហូតដល់ចប់ឧត្តមសិក្សា

សម្តេចតេជោ៖ ប្រសិនបើមិនមានរដ្ឋប្រហារឆ្នាំ១៩៧០ មិនដឹងប្រទេសកម្ពុជារីកចម្រើនដល់ណាទេ

ក្រសួងសុខាភិបាលប្រកាសចាក់វ៉ាក់សាំងដូសទី៤-៥ ដល់កុមារ និងដូសទី៦ ដល់មន្រ្តីជួរមុខ អាជ្ញាធរ និងប្រជាជនទូទៅ

ប្រសាសន៍សំខាន់ៗសម្ដេចតេជោ ហ៊ុន សែន ក្នុងពិធីបើកការដ្ឋានស្តារ និងលើកកម្រិតគុណភាពផ្លូវជាតិលេខ៣១ និងលេខ៣៣

សម្ដេចតេជោ ហ៊ុន សែន អញ្ជើញជាអធិបតីបើកការដ្ឋានស្តារ និងលើកកម្រិតគុណភាព ផ្លូវជាតិលេខ៣១ និង៣៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សម្តេចតេជោ ប្រកាសឧបត្ថម្ភកុមារកំព្រា និងរងគ្រោះនៃ​អង្គការ​អាហ្វេស៊ីប​រៀន​រហូត​ដល់​ចប់ឧត្តមសិក្សា

សម្តេចតេជោ៖ ប្រសិនបើមិនមានរដ្ឋប្រហារឆ្នាំ១៩៧០ មិនដឹងប្រទេសកម្ពុជារីកចម្រើនដល់ណាទេ

ក្រសួងសុខាភិបាលប្រកាសចាក់វ៉ាក់សាំងដូសទី៤-៥ ដល់កុមារ និងដូសទី៦ ដល់មន្រ្តីជួរមុខ អាជ្ញាធរ និងប្រជាជនទូទៅ

សម្ដេចតេជោ ហ៊ុន សែន អញ្ជើញជាអធិបតីបើកការដ្ឋានស្តារ និងលើកកម្រិតគុណភាព ផ្លូវជាតិលេខ៣១ និង៣៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

សម្តេចតេជោ ប្រកាសឧបត្ថម្ភកុមារកំព្រា និងរងគ្រោះនៃអង្គការអាហ្វេស៊ីបរៀនរហូតដល់ចប់ឧត្តមសិក្សា