នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
អតីតសកម្មជនគណបក្សប្រឆាំងចំនួន ៨៧នាក់ ចូលរួមជីវភាព​នយោបាយ​ជាមួយ​គណបក្ស​ប្រជាជន​កម្ពុជា នៅក្នុងស្រុកស្អាង និងស្រុកកោះធំ
ក្រុមការងារគណបក្សចុះមូលដ្ឋានស្រុកលើកដែកណែនាំយុវជនរក្សាជាកម្លាំងសាមគ្គី
ប្រធានក្រុមការងារចុះមូលដ្ឋាន៖ បក្សប្រជាជនប្រកាន់ខ្ជាប់នូវឧត្តមគតិស្នេហាជាតិ និងការអភិវឌ្ឍ
សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

នយោបាយ​ និង ការអភិវឌ្ឍន៍

សម្តេចតេជោ ហ៊ុន សែន ប្រកាសគ្រោងជួបក្រុមគ្រូពេទ្យជួរមុខប្រឆាំងកូវីដ-១៩ នាពេលបន្តបន្ទាប់ទៀត

2022/05/17 11:05:54 am        453
Facebook Telegram Linkin
ភ្នំពេញ៖ សម្តេចតេជោ ហ៊ុន សែន ប្រកាសថា មិនត្រឹមតែTYDAទេ សម្តេចគ្រោងនឹងជួបសំណេះសំណាលជាមួយក្រុមគ្រូពេទ្យផ្សេងៗទៀត តាមពេលវេលាជាបន្តបន្ទាប់នាពេលក្រោយ ដើម្បីលើកទឹកចិត្ត និងអរគុណពួកគេ ដែលបានលះបង់កម្លាំងកាយ កម្លាំងចិត្ត និងកិច្ចខិតខំប្រឹងប្រែងគ្រប់បែបយ៉ាងដើម្បីប្រយុទ្ធនឹងសត្រូវឥតប្រមោល គឺកូវីដ-១៩។ថ្លែងក្នុងពិធីជួបសំណេះសំណាលជាមួយក្រុមគ្រូពេទ្យស្ម័គ្រចិត្តយុវជនសម្តេចតេជោ(TYDA) នៅព្រឹកថ្ងៃទី១៧ ខែឧសភា ឆ្នាំ២០២២ សម្តេចតេជោ ហ៊ុន សែន  បញ្ជាក់ថា វាមិនមែនជារឿងចៃដន្យទេ ដែលសម្តេចគិតគូរសេនារីយ៉ូច្រើនក្នុងពេលតែមួយ ហើយក៏មិនមែនជារឿងចៃដន្យដែរ ដែលសម្តេចបង្កើតក្រុមគ្រូពេទ្យសម្តេចតេជោប្រឆាំងកូវីដ-១៩ ដែលភាគច្រើនជាក្រុមគ្រូពេទ្យរបស់TYDA បានចូលសកម្មភាពដ៏លំបាក និងគ្រោះថ្នាក់នាពេលកន្លងមក រហូតដល់ទទួលបានជោគជ័យគាប់ប្រសើរនៅថ្ងៃនេះ។សម្តេចតេជោ ហ៊ុន សែន បានបញ្ជាក់ថា ក្នុងគ្រាដ៏លំបាកនោះ សម្តេច ក្នុងនាមជាអ្នកទទួលខុសត្រូវចំពោះជាតិ និងប្រជាជនកម្ពុជា រួមទាំងក្រុមគ្រូពេទ្យTYDA និងគ្រូពេទ្យទូទាំងប្រទេស បានរួមគ្នាជំនះរាល់ការលំបាក បែកគ្រួសារ ប្តី ប្រពន្ធ កូន និងឪពុកម្តាយ ដើម្បីបុព្វហេតុជាតិ និងប្រជាជនកម្ពុជា។សម្តេចតេជោ ហ៊ុន សែន បានប្រកាសថ្លែងអំណរគុណដល់ក្រុមគ្រូពេទ្យទាំងអស់ ដែលបានស្ម័គ្រចិត្តជួយដល់អាយុជីវិតប្រជាជនកម្ពុជា ក្នុងគ្រាដ៏លំបាកដើម្បីប្រយុទ្ធប្រឆាំងនឹងជំងឺកូវីដ-១៩៕

ប្រសាសន៍សំខាន់ៗរបស់សម្ដេចតេជោ ហ៊ុន​ សែន​ ក្នុងពិធីសំណេះសំណាលជាមួយ​ក្រុម​គ្រូពេទ្រ​ស្ម័គ្រចិត្ត​យុវជនសម្តេចតេជោ(TYDA)

2022/05/17 10:21:03 am        772
Facebook Telegram Linkin
ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញ​ជួបសំណេះសំណាល ជាមួយក្រុមគ្រូពេទ្រស្ម័គ្រចិត្តយុវជនសម្តេចតេជោ(TYDA) នៅ​សាល​សន្និសីទ និងពិព័រណ៍ជ្រោយចង្វារ នៅព្រឹកថ្ងៃទី១៧ ខែឧសភា ឆ្នាំ២០២២។ ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV Newsខាងក្រោមនេះជាប្រសាសន៍សំខាន់ៗ សម្ដេចតេជោ ហ៊ុន​ សែន៖- សម្តេចតេជោ ហ៊ុន សែន ប្រកាសថា មិនត្រឹមតែTYDAទេ សម្តេចគ្រោងនឹងជួប​សំណេះ​សំណាល​ជាមួយក្រុមគ្រូពេទ្យផ្សេងៗទៀត តាមពេលវេលាជាបន្តបន្ទាប់នាពេលក្រោយ ដើម្បី​លើក​ទឹកចិត្ត និងអរគុណពួកគេ ដែលបានលះបង់កម្លាំងកាយ កម្លាំងចិត្ត និងកិច្ចខិត​ខំប្រឹងប្រែង​គ្រប់​បែប​យ៉ាង ដើម្បីប្រយុទ្ធនឹងសត្រូវឥតប្រមោល គឺកូវីដ-១៩។- សម្តេចតេជោ ហ៊ុន សែន បានបញ្ជាក់ថា វាមិនមែនជារឿងចៃដន្យទេ ដែល​សម្តេច​គិតគូរ​សេនា​រី​យ៉ូ​ច្រើន​ក្នុងពេលតែមួយ ហើយក៏មិនមែនជារឿងចៃដន្យដែរ ដែលសម្តេច​បង្កើត​ក្រុម​គ្រូពេទ្យ​សម្តេចតេជោប្រឆាំងកូវីដ-១៩ ដែលភាគច្រើនជាក្រុមគ្រូពេទ្យរបស់TYDA បានចូល​សកម្មភាព​ដ៏​លំបាក និងគ្រោះថ្នាក់នាពេលកន្លងមក រហូតដល់ទទួលបានជោគជ័យគាប់ប្រសើរនៅថ្ងៃនេះ។- សម្តេចតេជោ ហ៊ុន សែន បានបញ្ជាក់ថា ក្នុងគ្រាដ៏លំបាកនោះ សម្តេច ក្នុង​នាម​ជា​អ្នក​ទទួល​ខុស​ត្រូវ​ចំពោះជាតិ និងប្រជាជនកម្ពុជា រួមទាំងក្រុមគ្រូពេទ្យTYDA និងគ្រូពេទ្យទូទាំងប្រទេស បាន​រួមគ្នាជំនះរាល់ការលំបាក បែកគ្រួសារ ប្តី ប្រពន្ធ កូន និងឪពុកម្តាយ ដើម្បីបុព្វហេតុជាតិ និង​ប្រជាជនកម្ពុជា។- សម្តេចតេជោ ហ៊ុន សែន បានប្រកាសថ្លែងអំណរគុណដល់ក្រុមគ្រូពេទ្យទាំងអស់ ដែល​បាន​ស្ម័គ្រ​ចិត្ត​ជួយដល់អាយុជីវិតប្រជាជនកម្ពុជា ក្នុងគ្រាដ៏លំបាកដើម្បីប្រយុទ្ធប្រឆាំងនឹងជំងឺកូវីដ-១៩។- សម្តេចតេជោ ហ៊ុន សែន បានរំលឹកពីដំណើរការ នៃ​ការ​ស្វះស្វែង​ជួយ​ដល់​ប្រជាពលរដ្ឋ​កើត​ជំងឺ​កូវីដ​-១៩ ក្នុងនោះមានការបង្កើតឱ្យមានមណ្ឌលព្យាបាលជាច្រើននៅរាជធានីភ្នំពេញ ដូចជា៖ សណ្ឋាគារ, អគារតាំងពិព័រណ៌ និងទីកន្លែងផ្សេងៗទៀត ដើម្បីធានា​ការ​សម្រាល​ព្យាបាល​ប្រជាពលរដ្ឋ​កើត​ជំងឺកូវីដ-១៩មានប្រសិទ្ធភាពខ្ពស់ និងបំពេញតម្រូវការជាក់ស្តែងនាពេលនោះ។- សម្តេចតេជោ ហ៊ុន សែន នាយករដ្ឋមន្រ្តីពិតជាអរគុណយ៉ាងខ្លាំងចំពោះក្រុមគ្រូពេទ្យ TYDA និង​លោកគ្រូ អ្នកគ្រូពេទ្យទាំងអស់ ដែលបានខិតខំ​សហការ​យ៉ាង​ខ្លាំង​ជា​មួយ​រាជ​រដ្ឋាភិបាល​ក្នុង​ការព្យាបាល​អ្នកជំងឺ និង​ទប់ស្កាត់​នៃ​ការរីករាលដាល​នៃ​មេរោគកូវីដ១៩ នា​ពេល​កន្លង​មក​រហូត​ទទួល​បាន​ជោគជ័យ។- សម្តេចតេជោ ហ៊ុន សែន នាយករដ្ឋមន្ត្រីបានរំលឹកការរិះគន់មួយថា គ្រូពេទ្យ៩០ភាគរយអាក្រក់ គឹជាការរិះគន់មួយដែលមិនបានស្វែងយល់ឱ្យបានដិតដល់ ដល់ទិដ្ឋភាពរួម នៃស្ថានភាពកម្ពុជា។ សម្តេចមានប្រសាសន៍ថា ពេលនេះយើងយល់កាន់តែច្បាស់ពីតម្លៃ នៃការលះលង់របស់គ្រូពេទ្យ ជាពិសេសដំណាក់កាល នៃការរាតត្បាតជំងឺកូវីដ-១៩ រហូតដល់មានការប្រសិទ្ធនាមថា «ជាកងទ័ពអាវស» ទៀតផង។- សម្តេចតេជោ ហ៊ុន សែន ប្រកាសថា យើងបានទទួលជោគជ័យរហូតដល់ករណីឆ្លងកូវីដ-១៩ ធ្លាក់ដល់កម្រិតសូន្យ(០)នារយៈពេលប៉ុន្មានថ្ងៃជាប់ៗគ្នានេះ។ សម្តេចបញ្ជាក់ថា «យើង​មិនទាន់​អាច​ឈ្នះសង្គ្រាមប្រឆាំងកូវីដ-១៩ ទាំងស្រុងបាននៅឡើយទេ យើងគ្រាន់តែ​ឈ្នះ​លើ​សមរភូមិ​ខ្លះ​តែ​ប៉ុណ្ណោះ»។- សម្តេចតេជោ ហ៊ុន សែន ប្រកាសដល់រដ្ឋមន្ត្រីក្រសួងទេសចរណ៍ ឯកឧត្តម ថោង ខុន កុំ​យក​វិធាន​ការ​ខ្លះពាក់ព័ន្ធបញ្ហាកូវីដ-១៩នៅប្រទេសជិតខាងមកអនុវត្តន៍បន្តនៅប្រទេសកម្ពុជា ក្នុង​នោះ​មាន​ការស្នើសុំឱ្យទេសចរប្រទេសនានា ចូលកម្ពុជាដោយមិនបានចាក់វ៉ាក់សាំងកូវីដ-១៩។ សម្តេច​ប្រកាសថា ជនបរទេសទាំងឡាយចូលមកកម្ពុជាដែលមិនបានចាក់វ៉ាក់សាំងកូវីដ-១៩ ចាំ​បាច់​ត្រូវតែឃាត់ទុករយៈពេល៧ថ្ងៃ ដើម្បីពិនិត្យ និងតាមដានសុខភាព។- សម្តេចតេជោ ហ៊ុន សែន ប្រកាសថា បរទេសទាំងឡាយ ដែល​មាន​បំណង​ចូល​កម្ពុជា​ដោយ​មិនទាន់​បាន​ទទួលបានការចាក់វ៉ាក់សាំងកូវីដ-១៩ តាមថេរវេលាកំណត់ណាមួយ មិនគួរ​បោះទិដ្ឋាការ​ឱ្យ​ពួកគេទេ។ សម្តេចបញ្ជាក់ថា «កុំស្រលាញ់លុយពីពួកគេទាំងនោះ ដោយមិន​គិតគូរ​ពី​សុខុមាលភាព និងអាយុជីវិតប្រជាជនយើងឱ្យសោះ»។- សម្តេចតេជោ ហ៊ុន សែន បានប្រកាសពីការលះបង់របស់កម្ពុជា ក្នុងការទទួលឱ្យចូលចតកប៉ាល់ វេស្ទ័ដាំ ដែលមានទេសចរចម្រុះជាតិសាសន៍កំពុងស្រែកដង្ហើយហៅការជួយសង្គ្រោះ តែបែរ​ជាទទួល​បានការរិះគន់ពីក្រុមមនុស្សមួយចំនួន និងបរទេសខ្លះទៅវិញ។- សម្តេចតេជោ ហ៊ុន សែន ប្រកាសអរគុណដល់ប្រជាពលរដ្ឋកម្ពុជា ដែល​បាន​ស្តាប់​បង្គាប់​រាជ​រដ្ឋាភិបាល និងអនុវត្តន៍បទបញ្ជាអាជ្ញាធរ ក្នុងយុទ្ធនាការប្រយុទ្ធប្រឆាំងកូវីដ-១៩ រហូត​ដល់​ទទួល​បាន​លទ្ធផលគាប់ប្រសើរនាពេលនេះ។- សម្តេចតេជោ ហ៊ុន សែន បានប្រកាសថា មិនមែនជារឿងងាយស្រួលទេ ក្នុងប្រយុទ្ធប្រឆាំង និងគ្រប់គ្រងការឆ្លងរីករាលដាលជំកូវីដ-១៩ ដែល​សម្តេច​ប្រៀបប្រដូច​ទៅ​នឹង​សកម្មភាព​ប្រយុទ្ធ​ប្រឆាំង​ជាមួយស​ត្រូវ​លាក់មុខ ដែលមិនដឹងថា «សត្រូវរបស់យើងនៅទីកន្លែងណានោះទេ»។ សម្តេចបញ្ជាក់ថា វានឹងកើតក្តីមហន្តរាយធ្ងន់បំផុត បើយើងគ្មានវ៉ាក់សាំងទេនោះ។- សម្តេចតេជោ ហ៊ុ ន សែន បានប្រកាសពីការសម្តេចចិត្តដ៏ត្រឹមត្រូវ ក្នុងដំណើរ​ការ​ចាក់វ៉ាក់​សាំង​ស្រោច​លើប្រជាពលរដ្ឋរស់នៅរាជធានីភ្នំពេញ និងខេត្តកណ្តាល ដើម្បីធានាភាព​ស៊ាំសហគមន៍​ចេញ​ពីតំបន់ដែលមានហានិភ័យបំផុត។ សម្តេចបញ្ជាក់ថា «ទោះយើង​មាន​វ៉ាក់សាំង​ច្រើន​ប៉ុន្មាន​ក៏ដោយ បើយើងមិនដឹង និងមិនបានស្វែងយល់ពីរបៀបចាក់ទេ នោះភាពស៊ាំ​សហគមន៍​ក៏​មិន​មាន ហើយករណីឆ្លងក៏មិនមានការថមថយដែរ»។- សម្តេចតេជោ ហ៊ុន សែន បានប្រកាសថា មកទល់ពេលនេះកម្ពុជាទទួលបានវ៉ាក់សាំងកូវីដ-១៩ ជាង៥០លានដូលហើយ ខណៈដែលជិត៣០លានដូល គឺជាវ៉ាក់សាំងដែល​កម្ពុជា​បាន​ទិញ​ដោយ​ប្រើប្រាស់​លុយ​ខ្លួនឯង។ សម្តេចក៏បានប្រកាសដល់ក្រសួងសេដ្ឋកិច្ច និងហិរញ្ញវត្ថុថា «ការបញ្ជា​ទិញ​វ៉ាក់​សាំងពីចិនបានពេលណា ត្រូវបញ្ជូនលុយឱ្យគេភ្លាម រួមទាំងសេវាដឹកជញ្ជូនផងដែរ»។- សម្តេចតេជោ ហ៊ុន សែន បានប្រកាសថា វ៉ាក់សាំងកូវីដ-១៩ នឹងដឹកជញ្ជូនមកដល់កម្ពុជា ជា​បន្ត​បន្ទាប់ ដោយយើងអាចធានាអះអាងថា «កម្ពុជា​មិនខ្វះវ៉ាក់​សាំង​ដើម្បី​ចាក់​ជូន​ប្រជាពលរដ្ឋ​កម្ពុជា​នោះ​ទេ ហើយកម្ពុជាក៏មានស្តុកបម្រុងយុទ្ធសាស្ត្រទាំងនៅកម្ពុជា និងនៅប្រទេស​ចិន​ផង​ដែរ ដើម្បីធានាការផ្គត់ផ្គង់ស្ថានភាពយូរអង្វែង»។- សម្តេចតេជោ ហ៊ុន សែន បានប្រកាសស្តីសន្ទោសដល់ដំណើរការយឺតយ៉ាវក្នុងការសាងសង់ និងដំណើរការរោងចក្រផលិតវ៉ាក់សាំងកូវីដ-១៩នៅកម្ពុជា ដែលខាងភាគីចិនក៏បានស្តីបន្ទោស និងដាស់តឿនចំពោះករណីនេះដែរ។ សម្តេចបញ្ជាក់ថា «មិនអាចយក លីសង់ទៅ​ដេក​ឱបទុ​ក​នោះ​ទេ បើឯកជនមិនធ្វើ រដ្ឋត្រូវបញ្ចេញលុយដើម្បីដំណើរការរោងចក្រផលិតវ៉ាក់សាំងកូវីដ-១៩នេះឱ្យបាន»។- សម្តេចតេជោ ហ៊ុន សែន បានប្រកាសបន្ថែមថា ពេលមុនយ៉ាងម៉េច ពេលនេះ និងពេល​អនាគត​ក៏​ដូច​គ្នាដែរ គឺការចាក់វ៉ាក់សាំងកូវីដ-១៩នៅកម្ពុជា មិនយកលុយទេ ទោះជាតម្រូវការ​ចាក់​ដល់​ដូស​ទី​១០​ ក៏ដោយ។- សម្តេចតេជោ ហ៊ុន សែន បានប្រកាសដល់ផ្នែកពាក់ព័ន្ធត្រូវពិភាក្សាគ្នាឡើងវិញ ពីដំណើរ​ការ​បង្កើត​រោងចក្រ​ផលិតវ៉ាក់សាំងកូវីដ-១៩ឱ្យបានឆាប់រហ័សតាមដែលអាចធ្វើបាន ដែល​កិច្ចការ​មួយ​នេះ សម្តេចជំនះធ្វើឱ្យទាល់តែបាន។ សម្តេចបញ្ជាក់ថា «ក្នុងករណីកូវីដ-១៩ រលាយរលត់​ពីផែនដីនេះ យើងក៏អាចយករោងចក្រនោះទៅផលិតវ៉ាក់សាំងផ្សេងៗទៀត ដើម្បី​បំពេញ​តម្រូវការ​សង្គមផងដែរ»។- សម្តេចតេជោ ហ៊ុន សែន បានប្រកាសឱ្យពិនិត្យឡើងវិញចំពោះមន្ទីរពេទ្យហ្លួងម៉ែ ដែល​ពេល​នេះ​មិន​មានអ្នកជំងឺកូវីដ-១៩សម្រាកព្យាបាលទៀតនោះទេ ត្រូវប្រែងក្លាយមន្ទីពេទ្យហ្លួងម៉ែ ជាមន្ទីរពេទ្យ​ឯកទេស«ជំងឺមហារីក» ដើម្បីសម្រួលដល់ការព្យាបាលប្រជាពលរដ្ឋ កាត់បន្ថយការ​ចេញ​ទៅ​រកសេវាព្យាបាលនៅក្រៅប្រទេស។- សម្តេចតេជោ ហ៊ុន សែន បានបញ្ជាក់ថា ការចាប់ផ្តើមដំណើរការសង្គមឡើងវិញ គឺជា​ពេល​ដែល​សេដ្ឋកិច្ច​ងើប​ឡើងវិញផងដែរ តែការងើបឡើងវិញនោះ មានភាពរាំងស្ទះ​ដោយ​សារ​វិបត្តិ​សង្គ្រាម​រុស្ស៊ី​-អ៊ុយក្រែន ហើយការព្យាករណ៍ពីកំណើនសេដ្ឋកិច្ច ក៏បានធ្លាក់ចុះផងដែរ ដែ​ល​នៅ​ឆ្នាំ​២០២៣​ខាងមុខ នឹងមានវិបត្តិស្បៀងអាហារទូទាំងពិភពលោក ខណៈដែល​វិប​ត្តិ​ថាមពល​យើង​កំពុងតែជួបប្រទះ។- សម្តេចតេជោ ហ៊ុន សែន បានថ្លែងថា កម្ពុជាទទួលបានវ៉ាក់សាំងសរុបជាង ៥២លានដូស ហើយបានប្រើប្រាស់អស់ជិត៤៣លានដូស ដូច្នេះបច្ចុប្បន្នកម្ពុជា នៅសល់​វ៉ាក់សាំង​ក្នុង​ឃ្លាំង​ជិត១០លានដូស ហើយក្នុងចំណោមវ៉ាក់សាំងទាំងអស់ វ៉ាក់សាំងប្រឆាំងកូវីដ-១៩ ចំនួន​២៨,៥លានដូស ជាវ៉ាក់សាំងដែលកម្ពុជាទិញដោយខ្លួនឯង ហើយវ៉ាក់​សាំង​ដែល​មិន​ទាន់​ដឹក​មក​កម្ពុជា​មាន​ជាង២០លានដូសបន្ថែមទៀត។- សម្តេចតេជោ ហ៊ុន សែន ប្រកាសដល់ក្រុមគ្រូពេទ្យ TYDA ត្រូវបង្កើនប្រសិទ្ធភាពការងារ និង​ប្រឹងប្រែង​ពង្រឹង​ខ្លួនធ្វើជាគំរូ ដើម្បផ្តល់ក្តីសង្ឃឹមដល់ប្រជាពលរដ្ឋ ក្រៅពីក្រុមគ្រូពេទ្យ​ដែល​មាន​ស្រាប់ ​ឱ្យសមនឹងការប្រសិទ្ធនាមរបស់ប្រជាពលរដ្ឋថា «ជាកងទ័ពអាវ-ស»។- សម្តេចតេជោ ហ៊ុន សែន ប្រកាសដល់ក្រសួង​សុខាភិបាល​ឱ្យ​ផ្តល់​កិច្ចការ​បន្ថែម​ទៀត​ដល់​ក្រុម​គ្រូពេទ្យ TYDA លើយុទ្ធនាការចាក់វ៉ាក់សាំងកូវីដ-១៩ ដើម្បីបង្កើន​ភាព​ស៊ាំសហគមន៍​ប្រឆាំង​នឹង​ជំងឺ​កូវីដ-១៩។- សម្តេចតេជោ ហ៊ុន សែន បានប្រកាសដោយអួលដើមក ពីមរណភាពសម្តេចឧត្តមទេពញាណ ហ៊ុន ណេង ដែលជារឿងមួយគួរឱ្យសោកសង្រេងជាទីបំផុត ។ សម្តេចបញ្ជាក់ថា មកទល់​ពេល​នេះ ​ឯកឧត្តម ហ៊ុន សាន ដែលជាបងប្រុសធំរបស់សម្តេច មិនទាន់​ដឹង​ពី​មរណភាព​សម្តេច​ឧត្ត​ម​ទេពញាណ ដែលជាប្អូនប្រុសរបស់គាត់នៅឡើយទេ។ សម្តេចបញ្ជាក់ថា «ខ្ញុំមិនដឹង​ថា​មាន​ពាក្យ​អ្វី​នឹង​និយាយ​ប្រាប់គាត់នោះទេ....»។- សម្តេចតេជោ ហ៊ុន សែន ប្រកាសថា កិច្ចប្រជុំកំពូលពិសេសអាស៊ាន-អាមេរិក ដែលជាកិច្ចប្រជុំ​កំពូល​ពិសេសអបអរសាទរខួប ៤០ឆ្នាំ នៃទំនាក់ទំនងអាស៊ាន-អាមេរិក គឺបាន​ធ្វើ​ឡើង​ដោយ​ផ្លែផ្កា​ធំធេង។ សម្តេចបញ្ជាក់ថា នៅចុងឆ្នាំនេះ កម្ពុជានឹងរៀបចំកិច្ចប្រជុំកំពូលអាស៊ាន បូក​អាមេរិក ដែលសម្តេចក៏បានអញ្ជើញឯកឧត្តម ចូ បៃដិន ប្រធានាធិបតីអាមេរិក ចូលរួម​ប្រជុំ​នៅពេល​នោះផងដែរ តែលទ្ធភាពគាត់អាចមកប្រជុំបាន ឬយ៉ាងណានោះ យើងក៏មិន​ទាន់​ដឹង​នៅ​ឡើយ​ទេ។- សម្តេចតេជោ ហ៊ុន សែន បាននិយាយ​ដល់ជន​គប់ស្បែក​ជើង​ដាក់​សម្តេច​ក្នុងពេល​សម្តេច​ជួប​ជាមួយ​ប្រជាពលរដ្ឋខ្មែរនៅអាមេរិក-កាណាដា ដោយក្រុមម្ខាងហៅជននោះថា ជា«វីរបុរស»។ សម្តេច​បញ្ជាក់ថា គឺជារឿងមួយ ដ៏ហួសចិត្តបំផុត ដោយសម្តេច​ស្នើ​ឱ្យអាមេរិក​គិត​គូរ​រឿង​នេះ​ឱ្យបាន​ដិតដល់ ព្រោះវា «មិនមែនជាសិទ្ធិបញ្ជេ្មតិនោះទេ គឺជាការប៉ុនប៉ង»។- សម្តេចតេជោ ហ៊ុន  សែន បានប្រកាសថា សម្តេច​មិន​ស្នើ​អាមេរិក​មាន​វិធាន​ការចំ​ពោះជ​នគ​ប់​ស្បែកជើ​ង​ដាក់សម្តេចនោះទេ តែសម្តេចចង់ឃើញវិធានការរបស់អាមេរិកចំពោះករណីនោះ តាម​ច្បាប់​អាមេរិក។ សម្តេចបញ្ជាក់ថា «បើអាមេរិកចាត់ទុករឿងនោះជាសិទ្ធិបញ្ចេញមតិ ឬជារឿង​ធម្មតា​​នោះ រឿងដដែលនោះវានឹងកើតឡើងនៅប្រទេសដទៃ ទូទាំងពិភពលោក»។- សម្តេចតេជោ ហ៊ុន សែន បានប្រកាសដល់ស្ថាប័នរបស់រាជរដ្ឋាភិបាល ហាម​ធ្វើ​កំណត់​ទូត​ទៅ​កាន់​ស្ថានទូត​អាមេរិកប្រចាំកម្ពុជាពីករណីជនម្នាក់គប់ស្បែកជើងលើសម្តេចក្នុងទឹកដីអាមេរិក ហើយ​ក៏​អំពាវនាវសូមកុំមានហិង្សា ឬបាតុកម្មប្រឆាំងតបតនឹងករណីនេះ។ សម្តេចបញ្ជាក់ថា «យើង​មិនស្នើអាមេរិកឱ្យមានវិធានការចំពោះករណីនេះទេ តែបើច្បាប់អាមេរិកកំណត់យ៉ាងណា នោះ យើងក៏មិនបានដឹងដែរ...»។- សម្តេចតេជោ ហ៊ុន សែន បន្តប្រកាសអំពាវនាវដល់ប្រជពលរដ្ឋឱ្យមានវិធានាការផ្ទាល់ខ្លួន ដើម្បីទប់ស្កាត់ការឆ្លងរីករាលដាជំងឺកូវីដ-១៩ តាមរយៈវិធានការ៣កុំ និង៣ការពារ ព្រមទាំងត្រូវពាក់ម៉ាសនៅទីកន្លែងប្រមូលផ្តុំ ដែលមានហានិភ័យខ្ពស់ ទោះជាករណីពាក់ម៉ាស មិនស្ថិតជាកាតព្វកិច្ចក៏ដោយ។- សម្តេចតេជោ ហ៊ុន សែន បានបន្តកាសអំពាវនាវដល់ប្រជាពលរដ្ឋទៅទទួលវ៉ាក់សាំង​បង្ការជំងឺកូវីដ-១៩ ទាំងដូលមូលដ្ឋាន និងដូសជំរុញ តាមទីកន្លែង ដែលរៀបចំដោយឱ្យអាជ្ញាធរមូលដ្ឋាន និងក្រុមគ្រូពេទ្យ។សង្កថាសម្តេចចប់នៅវេលាម៉ោង១០ និង១៤នាទី

សម្តេចតេជោ ហ៊ុន សែន អញ្ជើញជួបសំណេះសំណាល ជាមួយក្រុមគ្រូពេទ្រស្ម័គ្រចិត្តយុវជនសម្តេចតេជោ(TYDA) ក្នុងបេសកកម្មប្រឆាំងកូវីដ-១៩

2022/05/17 07:39:12 am        1068
Facebook Telegram Linkin
ភ្នំពេញ៖ នៅព្រឹកថ្ងៃទី១៧ ខែឧសភា ឆ្នាំ២០២២ នេះ សម្តេចតេជោ ហ៊ុន សែន នាយករដ្ឋមន្ត្រី អញ្ជើញជួបសំណេះសំណាលជាមួយក្រុមគ្រូពេទ្យស្ម័គ្រចិត្តយុវជនសម្តេចតេជោ។ ពិធីសំណេះសំណាលនេះ នឹងធ្វើឡើងនៅសាលពិព័រណ៍ជ្រោយចង្វា។ ការសំណេះសំណាលនេះ ធ្វើឡើងដើម្បីជាការលើកទឹកចិត្តដល់ក្រុមគ្រូពេទ្យស្ម័គ្រចិត្តទាំងអស់ ដែលបានចូលរួមចំណែកប្រកបដោយការទទួលខុសត្រូវ ដោយមិនខ្លាចនឿយហត់ មិនខ្លាចការឆ្លងជំងឺ ក្នុងបេសកកម្មប្រយុទ្ធប្រឆាំងនឹងជំងឺកូវីដ-១៩។សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ត្រូវបានបង្កើតឡើងកាលពីថ្ងៃទី១៧ ខែធ្នូ ឆ្នាំ២០១២ ក្រោមការផ្តួចផ្តើមគំនិតផ្ទាល់របស់សម្តេចតេជោ និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។សមាគមគ្រូពេទ្យស្ម័គ្រចិត្តយុវជនសម្តេចតេជោ ដឹកនាំផ្ទាល់ដោយឯកឧត្តមបណ្ឌិត ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ក្នុងគោលបំណងផ្តល់សេវាព្យាបាលដល់ប្រជាពលរដ្ឋក្រីក្រនានាទូទាំងប្រទេស ដោយមិនប្រកាន់និន្នាការនយោបាយ។ចាប់តាំងពីបង្កើតឡើងមក សមាគមគ្រូពេទ្យស្ម័គ្រចិត្តយុវជនសម្តេចតេជោ ដែលប្រមូលផ្តុំដោយក្រុមគ្រូពេទ្យគ្រប់ជំនាញ គ្រប់ឯកទេស ទាំងស្ថាប័នរដ្ឋ និងឯកជន បានចូលរួមសកម្មភាពក្នុងការពិនិត្យ និងព្យាបាលជំងឺជូនប្រជាពលរដ្ឋ ជាពិសេសនៅតាមទីជនបទ។ បច្ចុប្បន្ន ក្រុមគ្រូពេទ្យមកពីសមាគមគ្រូពេទ្យស្ម័គ្រចិត្តយុវជនសម្តេចតេជោ បានព្យាបាលជូនប្រជាពលរដ្ឋក្រីក្រនៅទូទាំងប្រទេសបានជាង ៣៣ម៉ឺននាក់។ក្នុងនោះអ្នកជំងឺធ្ងន់ជាង ៦ពាន់នាក់ ត្រូវបានបញ្ជូនព្យាបាលនៅរាជធានីភ្នំពេញ និងជាមួយដៃគូសហការនានា។ក្នុងចំណោមអ្នកជំងឺធ្ងន់នេះ ក៏មានអ្នកជំងឺបេះដូងធ្ងន់ធ្ងរ ៥៦នាក់ផងដែរ។ក្នុងពេលដែលកម្ពុជា រងនូវការរាតត្បាតនៃជំងឺកូវីដ-១៩ ក្រុមគ្រូពេទ្យនៃសមាគមគ្រូពេទ្យស្ម័គ្រចិត្តយុវជនសម្តេចតេជោ ជិត ៨០០នាក់ បានស្ម័គ្រចិត្តចូលរួមក្នុងសកម្មភាពប្រយុទ្ធប្រឆាំងនឹងជំងឺកូវីដ-១៩ ជាមួយរាជរដ្ឋាភិបាលដោយឥតរួញរាផងដែរ៕

មន្ត្រីជាន់ខ្ពស់សុខាភិបាល ប្រកាសពីការអនុវត្តច្បាប់ពាក់ព័ន្ធនឹងការប្រយុទ្ធប្រឆាំងឱសថក្លែងក្លាយ និងអន់គុណភាព

2022/05/16 12:46:50 pm        546
Facebook Telegram Linkin
កែប៖ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល នៅថ្ងៃទី១៦ ខែឧសភានេះ បានអញ្ជើញជាអធិបតីបើកសិក្ខាសាលា ស្តីពីការអនុវត្តច្បាប់ពាក់ព័ន្ធនឹងការប្រយុទ្ធប្រឆាំងឱសថក្លែងក្លាយ និងអន់គុណភាព ដោយមានការចូលរួម ធ្វើបទបង្ហាញពីមន្រ្តីនគរបាលយុត្តិធម៌នៃក្រសួងសុខាភិបាល ក្រសួងមហាផ្ទៃ មហាអយ្យការអមសាលាឧទ្ធរណ៍ភ្នំពេញ និងអយ្យការអមសាលាដំបូងខេត្តកណ្តាល ព្រមទាំងអង្គការដៃគូពាក់ព័ន្ធអន្តរជាតិ ដូចជាអន្តការសុខភាពពិភពជាដើម។សិក្ខាសាលានេះ ប្រព្រឹត្តទៅ នៅសណ្ឋាគាររ៉ក់រ៉ូយ៉ាល់ ខេត្តកែប ចាប់ពីថ្ងៃទី១៦-១៨ ខែឧសភាឆ្នាំ២០២២ ក្នុងគោលបំណងផ្លាស់ប្តូរបទពិសោធន៍ និងពង្រឹងសមត្ថភាព មន្រ្តីភ្នាក់ងារត្រួតពិនិត្យឱសថក្នុងការបង្ការ ទប់ស្កាត់ ស្រាវជ្រាវ និងចាត់វិធានការផ្លូវច្បាប់ការប្រយុទ្ធប្រឆាំងឱសថ ក្លែងក្លាយ និងអន់គុណភាព៕

ការចេញឯកសារបញ្ជាក់អត្តសញ្ញាណជូនពលរដ្ឋបម្រើឱ្យការបោះឆ្នោតនឹងបិទបញ្ចប់ត្រឹមថ្ងៃទី៣ ខែមិថុនា

2022/05/16 11:54:28 am        953
Facebook Telegram Linkin
ភ្នំពេញ៖ គណៈកម្មាធិការជាតិរៀបចំការបោះឆ្នោត នៅព្រឹកថ្ងៃទី១៦ ខែឧសភានេះ បានអំពាវនាវឱ្យប្រជាពលរដ្ឋ ដែលមានឈ្មោះក្នុងបញ្ជីបោះឆ្នោតឆ្នាំ ២០២១ ត្រូវត្រៀមខ្លួន ត្រៀមអត្តសញ្ញាណប័ណ្ណសញ្ជាតិខ្មែរ ឬឯកសារបញ្ជាក់អត្តសញ្ញាណបម្រើឱ្យការបោះឆ្នោត ដែលមានសុពលភាព។ ក្នុងសេចក្ដីអំពាវនេះ ក៏បានបញ្ជាក់ដែរថា ការចេញឯកសារ បញ្ជាក់អត្តសញ្ញាណបម្រើឱ្យការបោះឆ្នោត គឺនឹងបិទបញ្ចប់ត្រឹមថ្ងៃទី ៣ខែមិថុនា ខាងមុខ។គណៈកម្មាធិការជាតិរៀបចំការបោះឆ្នោត ខណៈការបោះឆ្នោតជ្រើសរើសក្រុមប្រឹក្សាឃុំ-សង្កាត់ កាន់តែខិតជិតមកដល់នេះ បានអំពាវនាវឱ្យពលរដ្ឋ ដែលមានឈ្មោះក្នុងបញ្ជីបោះឆ្នោត ត្រូវ​ត្រៀមខ្លួន ត្រៀម​អត្តសញ្ញាណប័ណ្ណ​សញ្ជាតិខ្មែរ ឬឯកសារបញ្ជាក់​អត្តសញ្ញាណ​បម្រើ​ឱ្យការ​បោះឆ្នោត ដែលមានសុពលភាព។ករណីពលរដ្ឋដែលមានឈ្មោះក្នុងបញ្ជីបោះឆ្នោតឆ្នាំ២០២១ ដែលបានប្រើឯកសារបញ្ជាក់​អត្ត​សញ្ញាណ​បម្រើឱ្យការចុះឈ្មោះបោះឆ្នោត ​ហើយមិនទាន់​មាន​អត្តសញ្ញាណប័ណ្ណសញ្ជាតិខ្មែរ រឺ​អត្តសញ្ញាណប័ណ្ណសញ្ជាតិខ្មែរបានអស់សុពលភាព ​ឬមិនទាន់ទទួលបាន ​ឬបាត់ ឬខូច ​ឬកែតម្រូវ ត្រូវរួសរាន់ទៅស្នើសុំ ​ឯកសារបញ្ជាក់អត្តសញ្ញាណបម្រើឱ្យការបោះឆ្នោត​ ពីគណៈកម្មការឃុំ ​សង្កាត់ រៀបចំការបោះឆ្នោត ​និងអាជ្ញាធរឃុំ សង្កាត់នៃឃុំ សង្កាត់ ដែលខ្លួនត្រូវទៅបោះឆ្នោត។ចំពោះការស្នើសុំ ឯកសារបញ្ជាក់អត្តសញ្ញាណបម្រើឱ្យការបោះឆ្នោតនេះគឺ មានពេលវេលាកំណត់ ដោយនឹងបិទបញ្ចប់នៅថ្ងៃសុក្រ ទី០៣ ខែមិថុនា ឆ្នាំ២០២២ វេលាម៉ោង ៥:៣០ នាទីល្ងាច។ គណៈកម្មាធិការជាតិរៀបចំការបោះឆ្នោត ​ក៏បានបញ្ជាក់ឱ្យ ​ប្រធានគណៈកម្មការឃុំ សង្កាត់ រៀបចំការបោះឆ្នោត មេឃុំ ចៅសង្កាត់ និង​មេភូមិត្រូវធ្វើការផ្សព្វផ្សាយ​សេចក្តីអំពាវនាវនេះ​ឱ្យ​បាន​ទូលំទូលាយ​ ដើម្បីជំរុញឱ្យប្រជាពលរដ្ឋមកស្នើសុំ ​ឯកសារបញ្ជាក់​អត្តសញ្ញាណបម្រើឱ្យការ​បោះឆ្នោត​ ឱ្យបានទាន់ពេលវេលា ដោយឥតបង់ថ្លៃ។គណៈកម្មាធិការជាតិរៀបចំការបោះឆ្នោត​ សង្ឃឹមយ៉ាងមុតមាំថា ​គណៈកម្មការឃុំ សង្កាត់រៀបចំការ​បោះឆ្នោត​ និងមេឃុំ ចៅសង្កាត់​ នឹងយកចិត្តទុកដាក់ជំរុញ ​និងពង្រឹងការចេញ ឯកសារបញ្ជាក់​អត្ត​សញ្ញាណបម្រើឱ្យការបោះឆ្នោត ​ជូនដល់ប្រជាពលរដ្ឋនៅក្នុងឃុំ ​សង្កាត់របស់ខ្លួន។ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ​នឹងប្រព្រឹត្តទៅនៅថ្ងៃអាទិត្យ ទី៥ខែមិថុនា​ ឆ្នាំ២០២២ ចាប់ផ្តើមពីម៉ោង ​៧:០០ព្រឹក រហូតដល់ម៉ោង ៣:០០រសៀល ៕អត្ថបទ៖ គឹមហុក

ប្រធាន ស.ស.យ.ក ប្រកាសសាទររាជរដ្ឋាភិបាលកម្ពុជាក្នុងនាមប្រធានអាស៊ានទទួលបានលទ្ធផលគាប់ប្រសើរកិច្ចប្រជុំកំពូលពិសេសអាស៊ាន-អាមេរិក

2022/05/15 06:39:44 pm        886
Facebook Telegram Linkin
ភ្នំពេញ៖ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា (សសយក) បានប្រកាសពីការតាមដានយ៉ាងយកចិត្តទុកដាក់ ជាមួយកិច្ចប្រជុំកំពូលអាស៊ាន-អាមេរិក ដែលទើបតែត្រូវបានបញ្ចប់។ជាមួយលទ្ធផលដ៏គួរជាទីគាប់ប្រសើរ ឯកឧត្តម ហ៊ុន ម៉ានី ប្រកាសចូលរួមអបអរសាទរ ជាមួយរាជរដ្ឋាភិបាលកម្ពុជា ក្នុងនាមជាប្រធានអាស៊ាន ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន ដែលបានបំពេញបេសកកម្មមិនត្រឹមតែបានលើកមុខមាត់កិត្យានុភាពនៃព្រះរាជាណាចក្រកម្ពុជាតែប៉ុណ្ណោះទេ តែថែមទាំងបង្កបរិយាកាសក្នុងនាមជាប្រធានអាស៊ាន ប្រមូលផ្តុំបណ្តាប្រទេសសមាជិកទាំងអស់ជាមួយគ្នា។ ប្រធាន ស.ស.យ.ក បញ្ជាក់ថា “អ្វីដែលគួរឲ្យកត់សម្គាល់ជាងនេះទៅទៀតនោះ ក្រៅពីអ្វីដែលជាលទ្ធផលសំខាន់ៗនៃកិច្ចប្រជុំនានា កិច្ចប្រជុំបានដាក់ចេញនូវសេចក្តីថ្លែងការណ៍រួមដោយមានការយកចិត្តទុកដាក់សង្កត់ធ្ងន់លើសារសំខាន់នៃការបង្កើតបរិយាកាសសន្តិភាពសម្រាប់ការពង្រឹងកិច្ចសហប្រតិបត្តិការ ក៏ដូចជាការបន្តរឹតចំណងមិត្តភាពដែលមានស្រាប់ រួមទាំងការបន្តពង្រឹងតំបន់សន្តិភាពក្នុងបណ្តាប្រទេសនិមួយៗជាដើម។ ទាំងនេះបានបង្ហាញថាពាក្យថា «សន្តិភាព» ពិតជាមានតម្លៃ ហើយកត្តានៃ «សុខសន្តិភាព» ដែលមានក្នុងសង្គមជាក់ស្តែងរឹតតែមានតម្លៃមិនអាចកាត់ថ្លៃបាន ដើម្បីយើងមានលទ្ធភាពផ្តោតការយកចិត្តទុកដាក់លើការបន្តអភិវឌ្ឍប្រទេសជាតិឲ្យកាន់តែប្រសើរឡើង និងបន្តកិច្ចសហប្រតិបត្តិការអន្តរជាតិឲ្យកាន់តែស្អិតរមួត”៕

ពុទ្ធបរិស័ទខ្មែររៀបចំពិធីបុណ្យវិសាពបូជា នៅព្រះមហាសក្យមុនីចេតិយ ភ្នំព្រះរាជទ្រព្យ

2022/05/15 11:39:35 am        753
Facebook Telegram Linkin
ភ្នំពេញ៖ គណៈកម្មាធិការជាតិរៀបចំបុណ្យជាតិ និងអន្តរជាតិ នៅថ្ងៃទី១៥ ខែឧសភានេះ បានរៀបចំពិធីបុណ្យវិសាពបូជា នៅព្រះមហាសក្យមុនីចេតិយ ភ្នំព្រះរាជទ្រព្យ ដោយមានការអញ្ចើញចូលរួមពីសម្តេចវិបុលសេនាភក្តីសាយ ឈុំប្រធានព្រឹទ្ឋសភា និងសម្តេចកត្តិព្រឹទ្ឋបណ្ឌិតប៊ុន រ៉ានីហ៊ុនសែន ប្រធានកាកបាទក្រហមកម្ពុជា ព្រមទាំសមាជិក សមាជិកា ព្រឹទ្ឋសភា រដ្ឋសភា រាជរដ្ឋាភិបាល តំណាងស្ថានទូតអ្នកកាន់ព្រះពុទ្ឋសាសនានិងប្រជាពលរដ្ឋជាដើម។បុណ្យវិសាខបូជា គឺជាពិធីបុណ្យសាសនាដ៏សំខាន់បំផុត ក្នុងចំណោមបុណ្យសាសនាដទៃៗទៀត ពីព្រោះពិធីបុណ្យនេះ គឺបានបង្ហាញនូវការគោរពរំឭកនឹកដល់ព្រឹត្តិការណ៍ធំៗបី នៃសម័យកាលរបស់ព្រះសម្មាសម្ពុទ្ធសមណគោតម គឺថ្ងៃដែលព្រះអង្គទ្រង់បានប្រសូត បានត្រាស់ដឹង និងជាថ្ងៃចូលបរិនិព្វានផងដែរ។ព្រឹត្តិការណ៍ទាំងបីនេះគឺកើតឡើងចំថ្ងៃ ១៥កើត ខែពេញបូណ៌មី ដែលមានព្រះច័ន្ទពេញវង់ ក្នុងខែពិសាខដូចគ្នាខុសតែឆ្នាំតែប៉ុណ្ណោះ។ នៅថ្ងៃទី១៥ ខែធ្នូ ឆ្នាំ១៩៩៩ អង្គការសហប្រជាជាតិ (UN) ក៏បានប្រកាសទទួលស្គាល់«វិសាខបូជា»ជាពិធីបុណ្យសាសនាអន្តរជាតិដែលបុគ្គលិកធ្វើការ និងសាធារណៈជនអាចប្រារព្ធធ្វើបាននៅទូទាំងពិភពលោកទៀតផង។

លទ្ធផលដំណើរទស្សនកិច្ចការងាររបស់សម្តេចតេជោ ហ៊ុន សែន ក្នុងកិច្ចប្រជុំកំពូលពិសេសអាស៊ាន-អាមេរិក នៅរដ្ឋធានីវ៉ាស៊ីនតោន

2022/05/15 11:16:23 am        596
Facebook Telegram Linkin
ភ្នំពេញ៖ នៅថ្ងៃទី១២-១៣ ខែឧសភា ឆ្នាំ២០២២ សម្តេតេជោ ហ៊ុន សែន នាយករដ្ឋមន្រ្តី ក្នុងនាមជាប្រធានអាស៊ាន បានបំពេញទស្សនកិច្ចការងារនៅសហរដ្ឋអាមេរិក ដើម្បីចូលរួមកិច្ចប្រជុំកំពូលពិសេសអាស៊ាន-សហរដ្ឋ អាមេរិក នៅរដ្ឋធានីវ៉ាស៊ីនតោន សហរដ្ឋអាមេរិក។

សម្តេចតេជោ ហ៊ុន សែន អញ្ជើញក្នុងអាហារថ្ងៃត្រង់ការងារជាមួយ លោកជំទាវ កាម៉ាឡា ហារីស អនុប្រធានាធិបតីសហរដ្ឋអាមេរិក​

2022/05/14 08:19:54 am        859
Facebook Telegram Linkin
ភ្នំពេញ៖ នៅវេលាថ្ងៃត្រង់ ថ្ងៃទី១៣ឧសភា ឆ្នាំ២០២២(នៅរដ្ឋធានីវ៉ាស៊ីនតោន សហរដ្ឋអាមេរិក) សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញចូលរួមក្នុង អាហារការងារថ្ងៃត្រង់ជាមួយ លោកជំទាវ កាម៉ាឡា ហារីស អនុប្រធានាធិបតីសហរដ្ឋអាមេរិក ក្នុងកិច្ចប្រជុំកំពូលស្តីពីបញ្ហាអាកាសធាតុ ការអភិវឌ្ឍថាមពលស្អាត និងហេដ្ឋារចនាសម្ព័ន្ធប្រកបដោយចីរភាព និងកិច្ចប្រជុំកំពូលរវាងមេដឹកនាំអាស៊ាន ជាមួយឯកឧត្តម ចូ បៃឌិន ប្រធានាធិបតីសហរដ្ឋអាមេរិក។ កិច្ចប្រជុំកំពូលពិសេសដែលប្រារព្វធ្វើឡើងនៅ ទីស្តីការក្រសួងការបរទេសអាមេរិក ក្នុងរដ្ឋធានី វ៉ាស៊ីនតោន បានឯកភាពគ្នាចេញនូវសេចក្តីថ្លែងការណ៍ស្តីពីចក្ខុវិស័យរួម នៃកិច្ចប្រជុំកំពូលពិសេសអាស៊ាន-សហរដ្ឋអាមេរិក។មេដឹកនាំនៃប្រទេសអាស៊ាន និងសហរដ្ឋអាមេរិក បានបញ្ជាក់ជាថ្មី នូវការប្ដេជ្ញាចិត្តរួមគ្នា ក្នុងការពង្រឹងនិងកសាងទំនាក់ទំនងយូរអង្វែង រវាងអាមេរិក និងអាស៊ាន ដែលជាទំនាក់ទំនងមិនអាចខ្វះបាន ឲ្យកាន់តែទូលំទូលាយ ថែមទៀត សម្រាប់កិច្ចសហប្រតិបត្តិការអាស៊ាន និងសហរដ្ឋអាមេរិក ក៏ដូចជាពង្រឹង និង កសាងតំបន់ និងសហគមន៍អន្តរជាតិទូលំទូលាយ ដើម្បីបន្តលើកកម្ពស់ និងរក្សាសន្តិភាព សន្តិសុខ ស្ថិរភាព និងវិបុលភាពក្នុងតំបន់ និងដើម្បីធានាថា ទំនាក់ទំនងនេះ នៅ តែអាចសម្រេចតាមគោលការណ៍ ដើម្បីដោះស្រាយបញ្ហាប្រឈមថ្មីៗ នឹងចូលរួមសហការយ៉ាងសមស្រប ក្នុងវេទិកាអន្តរជាតិ និងតំបន់ ដែលមានប្រទេសសមាជិកអាស៊ាន និងសហរដ្ឋអាមេរិក ជាសមាជិក។ក្នុងពេលនៃការប្រារព្ធខួបលើកទី៤៥ នៃទំនាក់ ទំនងដៃគូសន្ទនាអាស៊ាន-សហរដ្ឋអាមេរិកនៅឆ្នាំ២០២២​ មេដឹកនាំអាស៊ានសហរដ្ឋអាមេរិក បានប្ដេជ្ញារួមគ្នាដើម្បីពង្រឹងកិច្ចខិតខំប្រឹងប្រែងរួម ដើម្បីបង្កើតភាពជាយុទ្ធសាស្ត្រគ្រប់ ជ្រុងជ្រោយអាស៊ាន-សហរដ្ឋអាមេរិក ដែលប្រកបដោយអត្ថន័យខ្លឹមសារ និងផលប្រយោជន៍ទៅវិញទៅមក និងបង្កើតសករាជថ្មីមួយ នៅក្នុងទំនាក់ទំនងអាស៊ាន​ សហរដ្ឋ អាមេរិក។ជាមួយគ្នានេះមេដឹកនាំអាស៊ាន សហរដ្ឋអាមេរិក ក៏បានប្តេជ្ញារួមគ្នា ក្នុងការប្រយុទ្ធប្រឆាំងនឹងជំងឺកូវីដ-១៩ នឹងជាសះស្បើយរួមគ្នា រួមទាំងការបន្តគាំទ្រកិច្ចខិតខំប្រឹង ប្រែងស្ដារឡើងវិញ ពីវិបត្តិជំងឺរាតត្បាតនៅតំបន់អាស៊ាន ការពង្រឹងសមត្ថភាពសុខភាព ក្នុងតំបន់ និងថ្នាក់ជាតិ រួមទាំងតាមរយៈគំនិតផ្ដួចផ្ដើម សុខាភិបាលអាស៊ាន-សហរដ្ឋអាមេរិក និងប្ដេជ្ញាផ្ដល់ហិរញ្ញប្បទានសកលកាន់តែខ្លាំង និងប្រកបដោយនិរន្តភាព សម្រាប់ ការបង្ការជំងឺរាតត្បាត ការត្រៀមលក្ខណៈ និងការឆ្លើយតប ការលើកទឹកចិត្តដល់វិនិយោគ ក្នុងឧស្សាហកម្មឱសថ និងការបណ្ដាក់ទុនរួមគ្នា ព្រមទាំងការវិនិយោគ ក្នុងការពង្រឹងប្រព័ន្ធសុខភាព ឲ្យបានរឹងមាំថែមទៀត តាមរយៈ ការគ្របដណ្ដប់ សុខភាពសកល (Universal Health Converage) ជាពិសេសថែមទាំងសុខភាពបឋម និងកម្លាំងការងារ សុខាភិបាល ជាមូលដ្ឋានគ្រឹះដ៏រឹងមាំសម្រាប់សន្តិសុខសុខភាព។ការលើកកម្ពស់ទំនាក់ ទំនងសេដ្ឋកិច្ចកាន់តែរឹងមាំ មេដឹកនាំអាស៊ាន សហរដ្ឋអាមេរិក បានប្តេជ្ញារួមគ្នា ធ្វើការ ដើម្បីបំពេញតម្រូវការហេដ្ឋារចនាសម្ព័ន្ធក្នុងតំបន់ ដែលនឹងជំរុញការវិនិយោគលើ គម្រោងហេដ្ឋារចនាសម្ព័ន្ធប្រកបដោយគុណភាពខ្ពស់ និរន្តរភាព ហើយធន់នឹងអាកាសធាតុ ដែលនឹងជំរុញកំណើនសេដ្ឋកិច្ចប្រកបដោយសមធម៌និងនិរន្តភាព។លើកកម្ពស់កិច្ចសហការតាមសមុទ្រ មេដឹកនាំទាំងអស់ បានយល់ព្រមជំរុញកិច្ចសហការដែនសមុទ្រ តាមរយៈយន្តការដឹកនាំដោយអាស៊ាន។ ដោយយើងមានគម្រោងបង្កើតទំនាក់ទំនងថ្មី ក៏ដូចជាជំរុញកិច្ចសហប្រតិបត្តិការ និងការសម្របសម្រួលក្នុងចំណោមភ្នាក់ងារពាក់ព័ន្ធ រួមទាំងភ្នាក់ងារអនុវត្តច្បាប់ដែនសមុទ្រ ដើម្បីសហការគ្នាកែលម្អការយល់ដឹង អំពីផ្នែក លំហសមុទ្រ និងដើម្បីទប់ស្កាត់ការនេសាទខុសច្បាប់ មិនបានរាយការណ៍ និងគ្មានការ ត្រួតពិនិត្យ តាមរយៈការចែករំលែកព័ត៌មាន ឧត្ដម្មានុវត្ត និងជំនាញដែលនឹងបំពេញ បន្ថែម និងមិនត្រួតយន្តការដែលមានស្រាប់។ក្នុងកិច្ចប្រជុំកំពូលនោះដែរ មេដឹកនាំអាស៊ានសហរដ្ឋអាមេរិក បានប្ដេជ្ញាបន្តកិច្ចខិតខំប្រឹងប្រែងដើម្បីការពារស្តារ និងគ្រប់គ្រងបរិស្ថានសមុទ្រប្រកបដោយនិរន្តរភាព។ លើការពង្រឹងទំនាក់ទំនងរវាងប្រជាជន និងប្រជាជន មេដឹកនាំអាស៊ាន អាមេរិក បានសន្យារួមគ្នាក្នុងការវិនិយោគលើការអភិវឌ្ឍមូលធន មនុស្ស ការផ្តល់សិទ្ធអំណាចដល់យុវជន និងក្រុមងាយរងគ្រោះ និងការពង្រឹងទំនាក់ ទំនង រវាងប្រជាជននិងប្រជាជន រួមទាំងការគាំទ្រផ្នែកភាសាអង់គ្លេស ជំនាញឌីជីថល ការអប់រំនិងបណ្ដុះបណ្ដាលបច្ចេកទេស និងវិជ្ជាជីវៈ (TVET) និងវិទ្យាសាស្ត្របច្ចេកវិទ្យា វិស្វកម្ម និងការបណ្តុះបណ្តាលគណិតវិទ្យា (DTEM) ក្នុងតំបន់៕

លោកជំទាវ ឱ វណ្ណឌីន ប្រាប់គណៈប្រតិភូធុរកិច្ចអូទ្រីសពីភាពជោគជ័យកម្ពុជាក្នុងការប្រយុទ្ធប្រឆាំងជំងឺកូវីដ-១៩

2022/05/13 03:21:49 pm        608
Facebook Telegram Linkin
ភ្នំពេញ៖ លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល តំណាងឯកឧត្តម ម៉ម ប៊ុនហេង ដ្ឋមន្ត្រីក្រសួងសុខាភិបាល បានទទួលជួបពិភាក្សាការងារជាមួយឯកឧត្តម Michael Schmeiser, First Secretary & Deputy Head of Mission, Austrian Embassy ដែលបានដឹកនាំគណៈប្រតិភូធុរកិច្ច ដែលមានក្រុមហ៊ុនអូទ្រីសមួយចំនួនបានចូលរួមផងដែរ នៅព្រឹកថ្ងៃទី១៣ ខែឧសភា ឆ្នាំ២០២២។លោកជំទាវ ឱ វណ្ណឌីន បានថ្លែងមតិស្វាគមន៍យ៉ាងកក់ក្តៅដល់គណៈប្រតិភូធុរកិច្ចអូទ្រីស ព្រមទាំងបានជម្រាបជូនអំពីលទ្ធផលនៃកិច្ចខិតខំប្រឹងប្រែងរបស់រាជរដ្ឋាភិបាល ក្រោមការដឹកនាំដ៏ឈ្លាសវៃ ប្រកបដោយគតិបណ្ឌិត របស់សម្តេចតេជោ ហ៊ុន សែន​ នាយករដ្ឋមន្ត្រី ក្នុងការប្រយុទ្ធជាមួយជំងឺកូវីដ-១៩ និងជោគជ័យក្នុងការចាក់វ៉ាក់សាំងកូវីដ-១៩ជូនប្រជាពលរដ្ឋក្នុងពេលកន្លងមករហូតកម្ពុជាអាចសម្រេចបានគោលដៅបើកដំណេីរការប្រទេសឡើងវិញយ៉ាងឆាប់រហ័ស ដែលអនុញ្ញាតឱ្យបងប្អូនប្រជាពលរដ្ឋបានរស់នៅធម្មតាតាមគន្លងប្រក្រតីភាពថ្មី សំដៅអភិវឌ្ឍសេដ្ឋកិច្ច និងសង្គម៕

បណ្ដាញសង្គម

ព័ត៌មានថ្មីៗ

អ៊ីស្រាអែល និយាយថាកងកម្លាំងរបស់ខ្លួននឹងបន្តនៅក្នុងប្រទេសលីបង់ ប៉ុន្តែពុំបានលើកឡើងពីប្រតិបត្តិការវាយលុកទេ
06/22/2026 10:06 AM
Facebook Telegram Linkin
តម្លៃប្រេងកើនឡើងបន្ទាប់ពីអ៊ីរ៉ង់បិទច្រកសមុទ្រ Hormuz ម្តងទៀត ខណៈលោក Trump គំរាមវាយប្រហារថ្មី
06/22/2026 10:06 AM
Facebook Telegram Linkin
លោក Trump ៖លោក Starmer នឹងលាលែងពីតំណែង ខណៈសង្ស័យថានាយករដ្ឋមន្ត្រីអង់គ្លេសអាចនឹងចុះចេញនៅថ្ងៃចន្ទនេះ
06/22/2026 09:06 AM
Facebook Telegram Linkin
អឺរ៉ុប ត្រៀមទប់ទល់រលកកម្ដៅដ៏អូសបន្លាយ ខណៈសីតុណ្ហភាពឡើងដល់ ៤០ អង្សាសេ
06/22/2026 09:06 AM
Facebook Telegram Linkin
សម្តេចធិបតីនាយករដ្ឋមន្ត្រី អនុញ្ញាតជូន ឯកអគ្គរដ្ឋទូតតួកគីយេ ប្រចាំកម្ពុជា ចូលជួបសម្តែងការគួរសម
06/22/2026 09:06 AM
Facebook Telegram Linkin
ក្នុងស្មារតីជាតិតែមួយ ថ្នាក់ដឹកនាំមន្ទីរព័ត៌មានខេត្តព្រះវិហារ នាំយកស្បៀងអាហារឧបត្ថម្ភជូនវីរកងទ័ពជួរមុខ ក្នុងភូមិសាស្ត្រស្រុកជាំក្សាន្ត
06/22/2026 08:06 AM
Facebook Telegram Linkin
កិច្ចចរចាអាមេរិក-អ៊ីរ៉ង់ បានចូលដល់ថ្ងៃទី២ បន្ទាប់ពីការគំរាមរបស់លោក Trump និងការបិទច្រកសមុទ្រ Hormuz
06/22/2026 08:06 AM
Facebook Telegram Linkin
ក្រសួង​បរិស្ថាន៖ការពង្រឹង និងការចូលរួមការពារនិងអភិរក្សធនធានធម្មជាតិ ជួយធានាសន្តិសុខស្បៀង សេដ្ឋកិច្ចសហគមន៍មូលដ្ឋាន ចីរភាពបរិស្ថាន
06/22/2026 08:06 AM
Facebook Telegram Linkin
តុលាការសម្រេចឃុំខ្លួនជនបរទេសសរុបចំនួន ១៩នាក់ ពាក់ព័ន្ធករណីឆបោកតាមប្រព័ន្ធបច្ចេកវិទ្យា
06/22/2026 08:06 AM
Facebook Telegram Linkin
លោកជំទាវ​បណ្ឌិត ពេជ ចន្ទមុន្នី ហ៊ុនម៉ាណែត អរគុណ​ថ្នាក់​ដឹកនាំ​ អាជ្ញាធរកម្ពុជា ជួយសម្រួល និង​រក្សា​សុវត្ថិភាពជូនគណៈប្រតិភូអន្តរជាតិ​ចូលរួមមហាសន្និបាតកាយប្ញទ្ធិនារីពិភពលោក
06/21/2026 06:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.