BTV NEWS

សម្ដេចតេជោ ផ្តាំទៅសារព័ត៌មានថៃថា «បើឆ្កួតសូមឆ្កួតតែពួកឯងចុះ» ខណៈសម្ដេចជាមនុស្សទីពីរបន្ទាប់ពីព្រះមហាក្សត្រចាំបាច់អីទៅធ្វើជាអគ្គបញ្ជាការកងទ័ព

ឯកឧត្តម ប៉ែន បូណា៖ ដើម្បីបណ្តុះបានមនុស្សពូកែ ទាល់តែគ្រូខ្លាំង

សម្ដេចធិបតី៖ កងកម្លាំងនគរបាលជាតិដើរតួនាទី និងបំពេញភារកិច្ចសំខាន់ធានាសន្តិសុខ សុវត្ថិភាព

សម្ដេចធិបតី ហ៊ុន ម៉ាណែត អញ្ជើញប្រគល់សញ្ញាបត្រដល់ជ័យលាភីបញ្ចប់ការសិក្សានៅបណ្ឌិត្យសភានគរបាលជាតិ

នយោបាយ និង ការអភិវឌ្ឍន៍

សម្តេចតេជោ នឹងជួបនាយឧត្តមសេនីយ៍ជាន់ខ្ពស់ មីន អោងឡាំង ជាថ្មីតាមវីដេអូ ចង់ដឹងពីស្ថានភាពវិវត្តនៅមីយ៉ាន់ម៉ា

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រាប់ទៅឯកឧត្តមនាយករដ្ឋមន្ត្រី ម៉ាឡេស៊ី តាមប្រព័ន្ធវីដេអូ នៅព្រឹកថ្ងៃទី២៥មករានេះថា ពាក់ព័ន្ធបញ្ហានៅមីយ៉ាន់ម៉ា បន្ទាប់ពីដំណើរទស្សនកិច្ចរបស់សម្តេចទៅកាន់មីយ៉ាន់ម៉ា កាលពីថ្ងៃទី៧ទី៨មករាដើមឆ្នាំនេះ នៅថ្ងៃស្អែកទី២៦មករា សម្តេចនឹងជួបជាមួយនាយឧត្តមសេនីយ៍ មីន អោងឡាំង សារជាថ្មីម្តងទៀត ដើម្បីចង់ដឹងអំពីស្ថានភាពវិវត្តថ្មីៗ នៅមីយ៉ាន់ម៉ា។ឯកឧត្តម កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី បានប្រាប់ឱ្យដឹងថា៖ នៅក្នុងជំនួបនេះមានចំណុចពីរសំខាន់ៗទី១.គឺជំនួបស្ដីពីកិច្ចសហប្រតិបត្តិការទ្វេភាគី និងទី២.កិច្ចសហប្រតិបត្តិការក្នុងអាស៊ានជាពិសេសវិបត្តិទៅប្រទេសមីយ៉ាន់ម៉ា។សម្ដេច បានគូសបញ្ជាក់ថា ការដែលសម្តេចអញ្ជើញទៅទស្សនកិច្ចនៅមីយ៉ាន់ម៉ា ដើម្បីស្វែងយល់អំពីសកម្មភាព ជាក់ស្តែងហើយក៏ចង់ដឹងថាតើអ្វីជាបញ្ហាសំខាន់ដែលប្រទេសមីយ៉ាន់ម៉ាអាចធ្វើបាន។ តើអ្វីខ្លះដើម្បីអនុវត្តនូវការឯកភាពទាំង៥ចំណុចរបស់អាស៊ាន ជាពិសេសសម្ដេចបានគូសបញ្ជាក់ការអញ្ជើញទៅទស្សនកិច្ចនោះ សម្ដេចបានយកទៅជាមួយនូវធម្មនុញ្ញអាស៊ាន ។ ទី១.ប្រមុខរដ្ឋាភិបាលអាស៊ានបានព្រមព្រៀងគ្នាជាឯកច្ឆ័នទាំង៥ចំណុចនោះរួចមកហើយៗចំណុចនៃកិច្ចព្រមព្រៀងជាឯកច្ឆន្ទនោះមានលំដាប់លំដោយរបស់វា ប៉ុន្តែសំខាន់សម្ដេចគូសបញ្ជាក់ថា គឺត្រូវតែបញ្ឈប់អំពើហិង្សាដែលបាននិងកំពុងកើតឡើងនៅមីយ៉ាន់ម៉ា ជាពិសេសដើម្បីឲ្យមានបទឈប់បាញ់ នៅប្រទេសមីយ៉ាន់ម៉ា។ មិនត្រឹមតែប៉ុណ្ណោះទេ ក៏អាចមានឱកាសក្នុងការផ្ដល់ជំនួយមនុស្សធម៌ទៅប្រជាពលរដ្ឋមីយ៉ាន់ម៉ាដែលត្រូវការជំនួយជាចាំបាច់។ទី២. ជំរុញឲ្យមានកិច្ចសន្ទនាដែលជាផ្នែកមួយនៅក្នុងចំណុចទាំង៥ ដែលមេដឹកនាំអាស៊ានបានឯកភាពគ្នាហើយថ្វីត្បិតតែមិនទាន់មានការរីកចម្រើន ប៉ុន្តែសំខាន់សម្ដេចចង់ធ្វើយ៉ាងណា គឺទម្លុះនូវភាពទាល់ច្រក។សម្តេចបន្តថា៖ ស្ថានភាពនៅមីយ៉ាន់ម៉ាគឺមានភាពស្មុគស្មាញ ដូច្នេះវាមិនអាចដោះស្រាយក្នុងរយៈពេលខ្លីពីរបីថ្ងៃបានឡើយ គឺត្រូវការពេលវេលាច្រើនតទៅទៀតគឺអាចរហូតដល់រាប់សិបឆ្នាំឯណោះ។សម្តេចតេជោ ក៏បានជម្រាបលោករដ្ឋមន្ត្រីម៉ាឡេស៊ីថា ក្រោយពីទស្សនកិច្ចទៅមីយ៉ាន់ម៉ាបានពីរបីថ្ងៃក៏ស្រាប់តែមានការកាត់ទោសលោកជំទាវ អង់ សានស៊ូជី៤ឆ្នាំ ហើយក៏មានការប្រើប្រាស់យន្តហោះយោធាក្នុងប្រតិបត្តិការយោធា។សម្ដេចក៏គួរបញ្ជាក់ផងដែរថា សម្ដេចនឹងជួបជាមួយឯកឧត្តម មីនអោងឡាំង នៅថ្ងៃស្អែក២៦មករា២០២២ តាមប្រព័ន្ធវីដេអូ ដើម្បីចង់ដឹងបន្ថែមទៀត អំពីការងារទាំងអស់នេះ ហើយសម្ដេចក៏បានគូសបញ្ជាក់ផងដែរថា ឥឡូវនេះ ស្ថានភាពនៅមីយ៉ាន់ម៉ាមានលក្ខណៈស្មុគស្មាញយ៉ាងខ្លាំង ដោយសារមីយ៉ាន់ម៉ាមានរដ្ឋាភិបាលពីរ ,រួមទាំងរដ្ឋាភិបាលស្រមោលផងដែរ។សម្ដេចនឹងអញ្ជើញឯកឧត្តម មីន អោងឡាំង ចូលរួមក្នុងកិច្ចប្រជុំអាស៊ាន បើមានវឌ្ឍនភាពរីកចម្រើននៅក្នុងការអនុវត្តចំណុចទាំង៥ នៃកិច្ចព្រមព្រៀងជាឯកច្ឆ័ន្ទរបស់មេដឹកនាំអាស៊ាន ប៉ុន្តែប្រសិនបើមិនមានទេ ឯកឧត្តម មីន អោងឡាំង ក៏ត្រូវត្រៀមបញ្ជូនតំណាងថ្នាក់នយោបាយ មកចូលរួមកិច្ចប្រជុំកំពូលអាស៊ានផងដែរ។ សម្ដេច បញ្ជាក់ផងដែរថា៖ ហេតុអ្វីបានត្រូវផ្សារភ្ជាប់ចំណុចទាំង៥ ដោយមានចំណុចខ្លះស្រដៀងគ្នា ហើយដំណោះស្រាយចុងក្រោយគឺការបោះឆ្នោត ដែលការបោះឆ្នោតនេះ មិនមាននៅក្នុងចំណុចទាំង៥នោះទេ ប៉ុន្តែការនិយាយគ្នានៅមីយ៉ាន់ម៉ានោះគឺមាននិយាយដល់រឿងបោះឆ្នោត។ សម្តេច បន្តថា បើយើងមិនធ្វើការជាមួយអ្នកកាន់អំណាចតើយើងទៅធ្វើការជាមួយអ្នកណា?លើសពីនេះសម្តេចក៏បានជំរាបជូន នាយករដ្ឋមន្ត្រី ម៉ាឡេស៊ី អំពីសំណើរនៃការបង្កើតយន្តការពីរ ដើម្បីរកច្រកចេញ នៅក្នុងឱកាសនេះ ,ទី១.អាស៊ានត្រយកា ដើម្បីជួយសម្របសម្រួល និងតាមដានវឌ្ឈនភាពនៃការវិវត្តកិច្ចព្រមព្រៀងលើ ឯកច្ឆ័ន្ទទាំង៥ចំណុចរបស់អាស៊ាន ដែលមានអតីតប្រធានអាស៊ាន គឺប្រទេសប៊្រុយណេ និងអនាគត គឺប្រធានអាស៊ាន ដែលនឹងបន្តពីកម្ពុជា រួមទាំងអគ្គលេខាធិការអាស៊ានផងដែរ ដើម្បីធ្វើការងារនេះ។ យន្តការទី២.គឺសម្រប សម្រួលជំនួយ មនុស្សធម៌ឱ្យទៅសដល់ដៃប្រជាជនមីយ៉ាន់ម៉ា ដែលត្រូវការជាចាំបាច់ ជាពិសេសមានប្រេសិតពិសេសរបស់អាស៊ាន ,មជ្ឈមណ្ឌលអាហារ,មានភាគីខាងមីយ៉ាន់ម៉ា ភ្នាក់ងារអង្គការសហប្រជាជាតិនិងអង្គការមនុស្សធម៌ដទៃទៀតផងដែរ។នៅពេលនេះ អាស៊ាន មានការងារជាច្រើនដែលត្រូវធ្វើ ដូច្នេះអាស៊ាន មិនអាចក្លាយជាចំណាប់ខ្មាំងរបស់មីយ៉ាន់ម៉ាទេ។ជាការឆ្លើយតប ឯកឧត្តមនាយករដ្ឋមន្ត្រីម៉ាឡេស៊ី បានជូនពរសម្ដេចតេជោ ហើយក៏បានអបអរសាទរចំពោះកម្ពុជាដែលទទួលធ្វើជាប្រធានអាស៊ានសម្រាប់ឆ្នាំ២០២២។ឯកឧត្តមបានគូសបញ្ជាក់ថា៖ យើងត្រូវតែរួមគ្នាធ្វើការដោះស្រាយបញ្ហាប្រឈមនៅមីយ៉ាន់ម៉ា។ ក្នុងនាមជាគ្រួសារអាស៊ាន យើងត្រូវតែចូលរួមទាំងអស់គ្នា ដើម្បីដោះស្រាយនិងរកផ្លូវសម្រាប់ដោះស្រាយតទៅមុខទៀតសម្រាប់អាស៊ាន ជាពិសេសសម្រាប់សហគមន៍អាស៊ាននៅឆ្នាំ ២០២៥។ឯកឧត្តមបញ្ជាក់ថា៖ កម្ពុជាគឺជាដៃគូសំខាន់សម្រាប់ម៉ាឡេស៊ី ហើយក៏បានបញ្ជាក់ផងដែរថា ទំហំពាណិជ្ជកម្មរវាងប្រទេសទាំងពីរពិតជាមានការកើនឡើងយ៉ាងច្រើន ជាពិសេសឆ្នាំ ២០២០- ២០២១ ដែលលឆ្លុះបញ្ចាំងថា ទំនាក់ទំនងទ្វេភាគីរវាងប្រទេសទាំងពីរមានការរីកចំរើន។ទំនាក់ទំនងទ្វេភាគីរវាងប្រទេសទាំងពីរ គឺមានផលប្រយោជន៍ទាំងសង ខាង ហើយឆ្នាំនេះជាខួបនៃទំនាក់ទំនងលើកទី៥៥ឆ្នាំ ឯកឧត្តម បានបង្ហាញ ការរីករាយ ដែលប្រទេសទាំងពីរមានកិច្ចសហការល្អ។ឯកឧត្តមបន្តថា៖ ឯកឧត្តមពិតជាយល់អំពីគោលបំណងនៃដំណើរទស្សនកិច្ចរបស់សម្ដេចទៅកាន់ប្រទេសមីយ៉ាន់ម៉ា ហើយឥឡូវនេះអ្វីដែលសំខាន់មីយ៉ាន់ម៉ា មានសារៈសំខាន់សម្រាប់អាស៊ានផង និងសម្រាប់សហគមន៍អន្តរជាតិផង។ឯកឧត្តមបានគូសបញ្ជាក់ថា៖ ស្ថានភាពនៅមីយ៉ាន់ម៉ាគឺទាមទារឲ្យយើងទាំងអស់គ្នាត្រូវតែចូលរួមដោះស្រាយទាំងអស់គ្នាជាបន្ទាន់។ ជាពិសេសទៀត ក្នុងក្របខណ្ឌនៃធម្មនុញ្ញអាស៊ាន និងមជ្ឈភាពអាស៊ាន គឺយើងត្រូវតែរួមគ្នាដោះស្រាយជាបន្ទាន់បញ្ហានៅមីយ៉ាន់ម៉ា ដើម្បីឲ្យស្ថានភាពត្រឡប់មកជាធម្មតាវិញ ជាពិសេសបញ្ឈប់អំពើហិង្សាជំរុញការសន្ទនាជាមួយភាគីពាក់ព័ន្ធទាំងអស់ ជាពិសេសផលប្រយោជន៍របស់ប្រជាពលរដ្ឋមីយ៉ាន់ម៉ាតែម្ដង។ ឯកឧត្តម ក៏បានអំពាវនាវឱ្យដោះលែងអ្នកទោសនយោបាយនៅមីយ៉ាន់ម៉ា រួមទាំងលោកជំទាវអោងសានស៊ូជីផងដែរ។ឯកឧត្តម បានទទួលស្គាល់យន្តការផ្តល់ជំនួយតាមរយៈមជ្ឈមណ្ឌលអាហារអាស៊ាន និងភាគីផ្សេងទៀត តាមរយៈអាស៊ានដើម្បីធ្វើយ៉ាងណាឲ្យដល់ដៃប្រជាពលរដ្ឋដែលមានផលប៉ះពាល់យ៉ាងខ្លាំងដោយសារវិបត្តិនៅមីយ៉ាន់ម៉ា កន្លងមកនេះ។ឯកឧត្តម ពិតជាទទួលយកនិងកត់សម្គាល់ទាំងអស់រួមទាំងលិខិតរបស់សម្ដេចនិងការពិភាក្សានៅថ្ងៃនេះជាពិសេសគឺសំណើរបស់ក្នុងការបង្កើតយន្តការត្រយកាហើយប្រទេសមីយ៉ាន់ម៉ា និងប្រទេសម៉ាឡេស៊ី អាចគាំទ្រគោលការណ៍ទាំងនេះនិងការស្នើសុំឲ្យរដ្ឋមន្ត្រីការប្រទេសអាស៊ានជួបពិភាក្សាគ្នាជាដើម។ចំពោះប្រេសិតពិសេស របស់ប្រធានអាស៊ាន ឯកឧត្តមបានគាំទ្រទាំងស្រុងគឺធ្វើយ៉ាងណាឱ្យប្រេសិតពិសេសនេះអនុវត្តចំណុចកិច្ចព្រមព្រៀងជាឯកច្ឆន្ទទាំង៥ចំណុចជាពិសេសធ្វើយ៉ាងណាស្នើសុំឱ្យប្រេសិតពិសេស អាចជួបបានគ្រប់ភាគីទាំងអស់នៅប្រទេសមីយ៉ាន់ម៉ា។ឯកឧត្តមបានគូសបញ្ជាក់ថា៖ ដរាបណាមិនមានការរីកចម្រើន នៃការអនុវត្តនៃកិច្ចព្រមព្រៀងជាឯកច្ឆន្ទទាំង៥នោះទេ សេចក្តីសម្រេចដោយប្រមុខរដ្ឋាភិបាលអាស៊ានក្នុងការអញ្ជើញមីយ៉ាន់ម៉ាឱ្យចូលរួមប្រជុំកំពូលអាស៊ាននេះ នៅតែរក្សាឱ្យនៅដដែលដោយមិនមានការប្រែប្រួល។ នាយករដ្ឋមន្ត្រី ម៉ាឡេស៊ី បានគូសបញ្ជាក់ថា៖ កន្លងមកនេះ ឯកឧត្តម មីន អោងឡាំងដែលបានចូលរួមប្រជុំអាស៊ានកាលពីខែ៤ឆ្នាំ២០២១ នៅទីស្នាក់ការកណ្តាលអគ្គលេខាធិការអាស៊ានបានឯកភាពទៅលើកិច្ចព្រមព្រៀងជាឯកច្ឆន្ទទាំង៥នោះហើយ ដូច្នេះនៅពេលនេះ របបយោធាមីយ៉ាន់ម៉ាត្រូវតែអនុវត្តចំណុចកិច្ចព្រមព្រៀងជាលក្ខខណ្ឌទាំង៥នេះ។ យើងជាសមាជិកនៃគ្រួសារអាស៊ាន ដូច្នេះត្រូវតែដោះស្រាយដោយសន្តិវិធី ហើយអ្វីដែលយើងធ្វើនេះគឺមិនទទួលស្គាល់របបយោធាមីយ៉ាន់ម៉ាទេ។ ការខិតខំប្រឹងប្រែងរបស់យើងគឺកសាងសហគមន៍អាស៊ាននៅតែបន្ត។ ឯកឧត្តមនាយករដ្ឋមន្ត្រី ម៉ាឡេស៊ី ក៏បានអរគុណសម្ដេចតេជោជាថ្មី ហើយថាការសន្ទនាជាមួយសម្តេចនៅថ្ងៃនេះ ឯកឧត្តមថានឹងបន្តសហការ ហើយសន្យាថា នឹងមកចូលរួមកិច្ចប្រជុំកំពូលអាស៊ាននៅកម្ពុជាសម្រាប់ឆ្នាំ ២០២២នេះ។ជាទីបញ្ចប់សម្តេចក៏បានអញ្ជើញនាយករដ្ឋមន្ត្រីម៉ាឡេស៊ី មកបំពេញទស្សនកិច្ចនៅកម្ពុជាមុនកំពូលអាស៊ាននៅពេលខាងមុខផងដែរ៕ អត្ថបទ៖ មុត សុទ្ធ

សម្ដេច ស ខេង ឲ្យនគរបាលទាំងអស់ត្រូវប្រកាន់ជំហរអព្យាក្រឹត្យ និងបង្កលក្ខណៈងាយស្រួលដល់ គ្រប់គណបក្សនយោបាយ

ភ្នំពេញ៖ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានប្រាប់ ដល់នគរបាលជាតិទាំងអស់ត្រូវប្រកាន់ជំហរអព្យាក្រឹត្យ ដើម្បីការពារ និងបង្កលក្ខណៈសម្បត្តិគ្រប់បែបយ៉ាង ដល់គ្រប់គណបក្សនយោបាយនានា ដែលនឹងចូលរួមប្រកួតប្រជែងការបោះឆ្នោតឃុំ-សង្កាត់ នាពេលខាងមុខនេះ។ក្នុងពិធីប្រគល់រថយន្ត ១៩គ្រឿងជូនដល់ វរសេនាតូចនគរបាលការពារព្រំដែន ដែលប្រចាំការនៅភូមិភាគទី១ ទី២ និងទី៣ នាថ្ងៃទី២៥ ខែមករា ឆ្នាំ២០២២ សម្តេច ស ខេង បានឲ្យដឹងថា ក្នុងឋានៈជានគរបាលជាតិ ត្រូវរៀបចំនូវផែនការពារចំពោះកិច្ចដំណើរការ នៃការបោះឆ្នោត ឃុំ-សង្កាត់ ប្រព្រឹត្តទៅរលូនក្នុងអាណត្តិថ្មីនេះ។ សម្ដេច មានប្រសាសន៍ថា «យើងមានភារកិច្ច ដើម្បីហ្នឹងការពារសុវត្ថិភាព ហើយបង្កលក្ខណៈសម្បត្តិគ្រប់បែបយ៉ាងដល់គ្រប់គណបក្សនយោបាយទាំងអស់ ដែលបានចុះបញ្ជីប្រកួតប្រជែង ក្នុងការបោះឆ្នោតជ្រើសរើសក្រុមប្រឹក្សា ឃុំ-សង្កាត់»។សម្ដេចក្រឡាហោម បានបន្ដថា មន្ដ្រីនគរបាលទាំងអស់ ក៏ត្រូវបង្កលក្ខណៈសម្បត្តិដល់គ្រប់ភាគីពាក់ព័ន្ធនានា ក្នុងការគាំទ្រកិច្ចដំណើរការនៃការបោះឆ្នោត ដើម្បីឲ្យការបោះឆ្នោតនេះ បានប្រព្រឹត្តទៅដោយសេរី ត្រឹមត្រូវ និងយុត្តិធម៌ ស្របតាមគោលការណ៍លទ្ធិប្រជាធិបតេយ្យ សេរី ពហុបក្ស នៅកម្ពុជា ជាដើមនោះ។សូមបញ្ជាក់ថា នៅថ្ងៃទី៥ខែមិថុនា ឆ្នាំ២០២២ខាងមុខនេះ ប្រទេសកម្ពុជានឹងធ្វើការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៤របស់ខ្លួន ដោយមានគណបក្សនយោបាយជាច្រើនដែលបាន ចុះបញ្ជីក្នុងក្រសួងមហាផ្ទៃចូលរួមប្រកួតប្រជែងតាមបែបលទ្ធិប្រជាធិបតេយ្យសេរីពហបក្ស និងប្រកបដោយតម្លាភាព និងអព្យាក្រឹត្យបំផុត៕អត្ថបទ៖ បាន ចក់

ដើម្បីរួមចំណែកធ្វើឲ្យទីក្រុងស្អាតត្រូវផ្តើមចេញពីយើងទាំងអស់គ្នា

ឧត្តរមានជ័យ៖ លោក លី រដ្ឋា អភិបាលរងក្រុងសំរោង បានលើកឡើងថា បច្ចុប្បន្ននេះ ក្រុងសំរោងរបស់យើង គឺជាទីក្រុងមួយដែលមានប្រកួតប្រជែងយកជ័យលាភីទីក្រុងស្អាត ជាមួយនឹងបណ្តាខេត្តផ្សេងៗ។ដូច្នេះ ដើម្បីឲ្យទីក្រុងយើងទទួលបានចំណាត់ថ្នាក់ផ្ការំដួល៣ទង នៅថ្ងៃខាងមុខបន្តទៀតនោះ គប្បីយើងទាំងអស់គ្នា ត្រូវចូលរួមថែរក្សាសម្អាតអនាម័យបរិស្ថាន ឲ្យបានស្អាត និងមានភាពល្អប្រសើរឡើង ស្របនឹងកិត្តិនាមឈ្មោះទីក្រុងស្អាតផ្ការំដួល២ទង។ថ្លែងក្នុងពិធីសម្អាតក្រុងយើងក្រោមប្រធានបទ«ដើម្បីទីក្រុងស្អាត សុខភាពយើងល្អ ទេសចរមានកំណើន កើនជីវភាពគ្រួសារយើងទាំងអស់គ្នា» ដែលប្រព្រឹត្តិទៅនៅបរិវេណសួនច្បារបឹងស្នោរ ខេត្តឧត្តរមានជ័យ នាថ្ងៃទី២៥ ខែមករាឆ្នាំ២០២២នេះ។លោក លី រដ្ឋា បានបន្ដទៀតថា ក្រុងសំរោង គឺជាក្រុងមួយដែលមានបរិស្ថាន នឹងសោភ័ណភាពល្អមានទីធ្លាសួនច្បារធំទូលាយជាទីក្រុង ដែលជាប់ចំណាត់ថ្នាក់លំដាប់ផ្ការំដួល២ទង ហើយ ដើម្បីធ្វើឲ្យទីក្រុងនេះ ទទួលបានចំណាត់ថ្នាក់ល្អបន្ថែមទៀតនូវផ្ការំដួល៣ទងនោះ គប្បីយើងត្រូវផ្តើមចេញពីខ្លួនយើងទាំងអស់គ្នាដោយម្នាក់ៗ ត្រូវនាំគ្នាចូលរួមថែរក្សាសំអាតអនាម័យនៅតាមទីសាធារណៈឲ្យបានគ្រប់ៗគ្នា មិនត្រូវមានការចោល សំរាមពាសវាលពាសកាលនោះឡើយគឺត្រូវទុកដាក់សំម្រាមឲ្យបានល្អទៅតាមទីតាំងរបស់បងប្អូនរស់នៅ។លោក បានបញ្ជាក់ថា ការដែលបងប្អូនមានការយល់ដឹងពីបញ្ហាអនាម័យ ទាំងអស់គ្នានោះហើយ គឺវានាំឲ្យទីក្រុងយើងស្អាត នឹងមានបរិស្ថានសោភ័ណភាពល្អសាកសមជាទីក្រុងដែលទទួលបានចំណាត់ថ្នាក់ល្អផ្ការដួល២ទង ក្នុងខេត្តផងដែរ៕ អត្ថបទ៖ ឃិនសារិទ្ធ

តំបន់ព្រៃលិចទឹកប្រមាណ ៤០ហិកតានៅតំបន់បី ក្រុងសៀមរាប ត្រូវបានដាំកូនឈើឡើងវិញ

សៀមរាប៖ នៅព្រឹកថ្ងៃទី២៥ខែមករានេះ ក្រសួងបរិស្ថាន និងអាជ្ញាធរខេត្ដសៀមរាប បានចាប់ផ្ដើមនាំគ្នាដាំដើមឈើស្ដារព្រៃលិចទឹកឡើងវិញ នៅលើដីដកហូតប្រមាណ ៤០ហិកតា ក្នុងក្រុងសៀមរាប ក្នុងចំណោមព្រៃលិចទឹកសរុបជាង ២ពាន់២រយហិកតា ក្នុងខេត្ដសៀមរាប។លោក ងួន សែប អគ្គនាយករងនៃអគ្គនាយកដ្ឋានសហគមន៍មូដ្ឋាននៅក្រសួងបរិស្ថាន មានប្រសាសន៍ថា ការដាំកូនឈើស្ដារព្រៃលិចទឹកឡើងវិញនេះ ចែកចេញជាបីដំណាក់កាល ដោយដំណាកទី១ លើផ្ទៃដីទំហំ ៥ហិកតា ក្នុងក្រុងសៀមរាប មានជា ២ពាន់ដើម ដំណាក់ការទី២ និងទី៣ មានផ្ទៃដីទំហំ ៣៥ហិកតា ស្មើនឹងកូនឈើព្រៃលិចទឹកចម្រុះជាង ១ម៉ឺនដើម។ លោក បានបន្ដថា ព្រៃលិចទឹកក្នុងតំបន់ ៣ដែលបានដកហូតពីប្រជាពលរដ្ឋនាពេលកន្លងមក នៅទូទាំងខេត្ដមានចំនួនជាង ២ពាន់៤រយហិកតា ប៉ុន្ដែត្រូវបានដាំដើមឈើសាកល្បងក្នុងបីដំណាក់កាលនេះ នៅលើផ្ទៃដី៤០ហិកតា។លោក បន្ថែមថា ដើមឈើដែលត្រូវដាំមាន៦ភេទ រូមមានប្រភេទដើមរាំង ដើមឬស្សីស្រុក ដើមឬស្សីព្រៃ ដើមសណ្ដាន់ ដើមម្ដេញ គ្រាប់ត្នោតជាដើម ។លោក បានបន្ដថា បច្ចេកទេសនៃការដាំកូនឈើ ត្រូវធ្វើឡើងទំហំ ៥ម៉ែត្រគុណ៥ម៉ែត្រ ប្រវែងជួរ ៥ម៉ែត្រ និងចន្លោះពីដើមមួយទៅដើមមួយមានប្រវែង៥ម មានន័យថា ក្នុងមួយហិកតា អាចដាំបាន ៤០០ដើម។ លោក បន្ថែមថា ការដាំសាកល្បងនេះ គឺត្រូវកំណត់ក្នុងភូមិសាស្ត្រ ខេត្តសៀមរាប ខេត្តកំពង់ឆ្នាំង ខេត្តបាត់ដំបង ខេត្តបន្ទាយមានជ័យ និងខេត្តកំពង់ធំ នៅលើផ្ទៃដីដកហូត និងផ្ទៃដីប្រជាជនប្រគល់ជូនក្រុមការងារអន្តរ ក្រសួងវិញដែលជនខិលខូចបានរុករាន រំលោភកាន់កាប់ខុសច្បាប់មកវិញ ។លោក ងួន សែប បានបញ្ជាក់ថា ដោយយោងតាមប្រសាសន៍ណែនាំដ៏ខ្ពងខ្ពង់របស់សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា កាលពីថ្ងៃ២៨ ខែវិច្ឆិកា ២០២១ ត្រូវដកហូតដីដែលបានកាប់រុករាន រំលោភកាន់កាប់ខុសច្បាប់ នឹងត្រូវដាំឬស្សី និងកូនឈើព្រៃលិចទឹកជាច្រើនប្រភេទឡើងវិញ រួមមានឫស្សី ពឹងពុង ឬស្សីស្រុក ឫស្សីព្រៃ ដើមរាំងទឹក ដើមម្តេញ ដើមល្វា ដើមដង្កៀបក្តាម និងសណ្ដាន់ នៅលើផ្ទៃដីដកសរុប ៤៧,០១៤.៦៩ហិកតា ក្នុងខេត្ដជាប់បឹងទន្លេសាប។ដោយឡែកការដាំសាកល្បងជំហ៊ានទី១នេះ ក្រសួងបរិស្ថានបានកំណត់ដាំស្ដារសាកល្បងចំនួន ២០០ហិកតា រួមមាន ខេត្តសៀមរាប៤០ហិកតា ក្នុងចំណោមផ្ទៃដីសរុប២,២៤៨.៦១ហិកតា ខេត្តកំពង់ឆ្នាំង ដាំស្ដារសាកល្បង៥០ហិកតា ក្នុងផ្ទៃដីសរុបទំហំ២៧,៨៣៨.១៤ហិកតា ខេត្តបាត់ដំបង ដាំសាកល្បង៤០លើផ្ទៃដីសរុបបជាង៤៣៤៧,១៥ហិកតា ខេត្តបន្ទាយមានជ័យ ដាំសាកល្បង ២៥ហិកតា លើផ្ទៃដីសរុបជាង ៣៤៧១ហិកតា និងខេត្តកំពង់ធំដាំសាកល្ប ៤៥ហិកតា នៅលើផ្ទៃដីដកហូតសរុបជាង ៩ម៉ឺនហិកតា ៕

ក្រសួងវប្បធម៌ បើកសិក្ខាសាលាបង្ហាញអំពីបញ្ហាប្រឈមនានា ពាក់ព័ន្ធនឹងទីទួលបុរាណ និងវត្ថុបុរាណ ជាកេរ្តិ៍ដំណែលបន្សល់ទុកដោយបុព្វបុរស

ភ្នំពេញ៖ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ បានអញ្ជើញបើកសិក្ខាសាលា ថ្នាក់តំបន់ ស្តីពី “ការអនុវត្តអនុសាសន៍នៃសន្និសីទថ្នាក់តំបន់លើកទី១ នៃវិធានការនិងការការពារសកម្មភាព ទន្រ្ទាន ទីទួលបុរាណ ការបំផ្លិចបំផ្លាញ ការលួចជីកកកាយ ការទប់ស្កាត់អំពើចោរកម្ម និងការជួញដូរសម្បត្តិវប្បធម៌ដោយខុសច្បាប់”។អង្គសិក្ខាសាលាថ្ងៃនេះ មានរយៈពេល០៣ថ្ងៃ ចាប់ពីថ្ងៃទី២៤-២៦ ខែមករា ឆ្នាំ២០២២ គឺទទួលបានការចូលរួមចែករំលែកបទបង្ហាញពីអ្នកជំនាញជាតិ និងអន្តរជាតិចំនួន១៥នាក់ និងមានការអញ្ជើញចូលរួមពីភ្ញៀវជាតិ និងអន្តរជាតិប្រមាណ១៤០នាក់ ដែលបានអញ្ជើញមកពីក្រសួង/ស្ថាប័ន និងអាជ្ញាធរពាក់ព័ន្ធទូទាំងរាជធានី-ខេត្ត ពិសេសបានចូលរួមផ្តល់នូវមតិយោបល់ ក៏ដូចជាការលើកឡើងបង្ហាញ ពីបញ្ហាប្រឈមនានាពាក់ព័ន្ធ នឹងទីទួលបុរាណ ស្ថានីយបុរាណ និងវត្ថុបុរាណ ដែលជាកេរ្តិ៍ដំណែលបន្សល់ទុកដោយបុព្វបុរស ហើយបានក្លាយជាសម្បត្តិបេតិកភណ្ឌវប្បធម៌ជាតិ ដ៏មានតម្លៃមិនអាចកាត់ថ្លៃបានកំពុងប្រឈម នឹងការបាត់បង់ជាបន្តបន្ទាប់ ដោយសារកត្តាមនុស្ស តាមរយៈសកម្មភាពផ្សេងៗ ដូចជាការជួញដូរ ចរាចរ បំផ្លិច បំផ្លាញ ឈូសឆាយ និងការជីក រុករក វត្ថុបុរាណដោយខុសច្បាប់។សិក្ខាសាលាថ្នាក់តំបន់នេះ ប្រារព្ធឡើងក្នុងគោលបំណង ដើម្បីលើកឡើងនូវមតិយោបល់មកពិភាក្សាពីការការពារដោយបើកចំហ នៃបេតិកភណ្ឌវប្បធម៌ ដ៏មានតម្លៃរបស់យើង ទាំងត្រូវបានគេស្គាល់ និងមិនទាន់ត្រូវបានរកឃើញ។យើងកំពុងប្រមូលផ្តុំគ្នាក្នុងស្មារតីនៃកិច្ចសហប្រតិបត្តិការអ្នកជំនាញពីគ្រប់ស្ថាប័នពាក់ព័ន្ធដែលមានជា ប្រធានបទ និងអនុសាសន៍ផ្សេងៗ ដើម្បីជាប្រយោជន៍ក្នុងការការពារ និងអភិរក្សសម្បត្តិបេតិកភណ្ឌវប្បធម៌ជាតិរបស់យើងទាំងអស់គ្នា ក៏ដូចជាដើម្បីប្រមូលចងក្រងពីបញ្ហាប្រឈម និងដំណោះស្រាយនានាសម្រាប់ជាមាគ៌ាមួយឆ្ពោះទៅកាន់សិក្ខាសាលា ឬសន្និសីទផ្សេងៗទៀតនាពេលអនាគត ពិសេសជាមួយប្រទេសអាស៊ាន និងពិភពលោក៕

ប្រមុខក្រសួងមហាផ្ទៃ បញ្ជាឲ្យត្រួតពិនិត្យឲ្យបានម៉ត់ចត់ការដំឡើងតួនាទី និងឋានន្តរសក្ដិដល់មន្ត្រីនគរបាល

ភ្នំពេញ៖ សម្តេចក្រឡាហោម ស ខេង ឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃ បានបញ្ជាឲ្យមានការត្រួតពិនិត្យឲ្យបានម៉ត់ចត់បំផុត ក្នុងការដំឡើងតួនាទី និងឋានន្តរសក្ដិ ដល់មន្ត្រីនគរបាល ខណៈការត្រួតពិនិត្យនាពេលកន្លងទៅ មានមន្រ្តីនគរបាលចំនួន ២០០០នាក់ ក្នុងចំណោម ៤០០០នាក់ បានដឹកនាំគេដោយមិនបានរៀនវគ្គជំនាញមូលដ្ឋានទាល់តែសោះ។ថ្លែងក្នុងពិធីអញ្ជើញជាអធិបតីក្នុងពិធីប្រគល់រថយន្តជិត ២០គ្រឿងជូនដល់ វរសេនាតូចនគរបាលការពារព្រំដែន ដែលប្រចាំការនៅភូមិភាគទី១ ទី២ និងទី៣ នាព្រឹកថ្ងៃទី២៥ ខែមករា ឆ្នាំ២០២២នេះ សម្តេចក្រឡាហោម ស ខេង បានលើកឡើងថា ចាប់ពីពេលនេះតទៅ នគរបាលទាំងអស់ត្រូវ តែធ្វើការឆ្លងកាត់វគ្គជំនាញមូលដ្ឋានយ៉ាងហោចណាស់ចំនួនបួនខែ ដោយមិនអនុញ្ញាតឲ្យដំឡើងតួនាទី និងឋានន្តរសក្ដិ ដោយមិនបានធ្វើការរៀនសូត្រវគ្គមូលដ្ឋាននោះឡើយ។សម្តេចក្រឡាហោម ស ខេង បានលើកឡើងថា «តាមការត្រួតពិនិត្យនាពេលកន្លងទៅ មាននគរបាលខ្លះចាប់ពីអនុការិយាល័យឡើងទៅពុំបានទាន់ធ្វើការរៀនសូត្រមុខវិជ្ជានគរបាលមូលដ្ឋាននោះទេ ជាក់ស្តែងក្នុងចំណោមបួនពាន់មុខតំណែង គឺបានរកឃើញជាងពីរពាន់តំណែង ដែលមិនបានឆ្លងវគ្គមូលដ្ឋាន។ នេះហើយជាកំហុសឆ្គង ដែលយើងចាំបាច់ត្រូវតែធ្វើការកែប្រែ ដោយបានរកឃើញបញ្ហានេះ ហើយយើបានប្រជុំដើម្បីឯកភាពគ្នាដោះស្រាយរួចហើយ នឹងធ្វើការណែនាំនាពេលឆាប់ៗ ខាងមុខនេះ»។សម្តេចក្រឡាហោម ស ខេង បានលើកឡើងទៀតថា មន្រ្តីនគរបាលខ្លះ មានភ័ព្វវាសនាដោយក្នុងមួយឆ្នាំឡើងឋានន្តរសក្ដិមួយដង ខណៈមន្រ្តីខ្លះជាច្រើនឆ្នាំមកហើយពុំបានឡើងនឹងគេ ដូច្នេះហើយត្រូវនាំគ្នាពិនិត្យឲ្យបានច្បាស់លាស់ ដោយត្រូវបញ្ឈប់ការប្រើប្រាស់មនោសចេតនា បងប្អូន មិត្តភ័ក្ដិ ដើម្បីតួនាទី និងឋានន្តរសក្ដិ គប្បីក្រឡេកមើលមន្រ្តីណា ដែលគេខិតខំធ្វើការងារល្អ ហើយត្រូវលើកទឹកចិត្តដល់គេ និងលើកកម្ពស់តួនាទី និងឋានន្តរសក្ដិដល់ពួកគេជាដើមនោះ។យ៉ាងណាក៏ដោយនៅក្នុងពិធីប្រគល់រថយន្តនោះដែរ សម្តេចក្រឡាហោម ស ខេង ក៏បានថ្លែងកោតសរសើរចំពោះមន្រ្តីនគបាលទាំងអស់ដែលបានខិតខំថែរក្សាសុខសន្តិភាព ជូនដល់ប្រជាជន និងប្រទេសជាតិទាំងមូល នាពេលកន្លងទៅផងដែរ ៕អត្ថបទ៖ បាន ចក់

សម្តេច ស ខេង បញ្ជាឲ្យក្រសួង-ស្ថាប័នពាក់ព័ន្ធត្រូវពិនិត្យឡើងវិញ ក្នុងការអនុញ្ញាតឲ្យនាំសារធាតុញៀនចូលមកកម្ពុជា

ភ្នំពេញ៖ សម្ដេច ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានចេញបទបញ្ជាដល់ក្រសួង-ស្ថាប័នពាក់ព័ន្ធទាំងអស់ ត្រូវពិនិត្យមើលឡើងវិញ ក្នុងការអនុញ្ញាតឲ្យនាំសារធាតុញៀនចូលមកប្រទេសកម្ពុជា ខណៈគ្រឿងញៀនចរាចរចូលមកកម្ពុជា មិនទាន់មានការថមថយនៅឡើយ។ ក្នុងពិធីប្រគល់រថយន្ដជូនវរសេនាតូចនគរបាលការពារព្រំដែន ប្រចាំទិសភូមិភាគទី១ ភូមិភាគទី២ និងភូមិភាគទី៣ នាព្រឹកថ្ងៃទី២៥ ខែមករា ឆ្នាំ២០២១ សម្ដេច ស ខេង បានថ្លែងថា នាពេលថ្មីៗនេះ សមត្ថកិច្ចបានរកឃើញសារធាតុញៀន ដឹកចូលមកកម្ពុជាដោយស្របច្បាប់ ជាង១០០តោន ហើយករណីនេះសម្ដេច បានចោទសួរថា តើអ្នកណាទទួលខុសត្រូវ? ក្នុងការនាំសារធាតុញៀនទាំងនេះ ចូលមកប្រទេសកម្ពុជានោះ។សម្ដេចក្រឡាហោម បានបន្ដថាយើងត្រូវរកឱ្យឃើញអ្នកទទួលខុសត្រូវចំពោះការនាំសារធាតុញៀនទាំងនោះចូលមកកម្ពុជា ដោយហេតុថា ការនាំគ្នាចុះហត្ថលេខា អនុញ្ញាតឱ្យនាំសារធាតុញៀនចូលមកកម្ពុជានេះ ព្រៀបដូចនាំរថយន្ដគេចពន្ធចូលមកកម្ពុជាយ៉ាងដូច្នេះដែរ ។សម្ដេចក្រឡាហោម បានបញ្ជាក់ថា «សូមឲ្យក្រសួង ដែលជាក្រសួងអាជ្ញាប័ណ្ណ ដោយនិយាយប៉ុណ្ណឹងមិនបាច់បញ្ចេញឈ្មោះទេ ខ្ញុំនិយាយប៉ុណ្ណឹងដឹងហើយ សូមឯកឧត្តមរដ្ឋមន្ដ្រី មើលរឿងហ្នឹង បើមិនចឹងទេ? ឯកឧត្តម ជាប់ជំពាក់ទទួលខុសត្រូវចំពោះសង្គមកម្ពុជា ទាក់ទងការបំផ្លាញសុខភាពសាធារណៈ ហើយអាជ្ញាធរគ្រឿងញៀនត្រូវពិនិត្យរឿងឱ្យច្បាស់លាស់»។ជាមួយគ្នានោះដែរសម្តេចក្រឡាហោម ស ខេង ក៏បានណែនាំបន្ថែមទៀត ដល់ក្រសួងដែលចេញអាជ្ញាប័ណ្ណនោះ ត្រូវបញ្ជូនលិខិតមកក្រសួងមហាផ្ទៃ អគ្គស្នងការដ្ឋាននគរបាល និងអាជ្ញាធរគ្រឿងញៀន បានដឹងផងដែរ។ ដើម្បីឲ្យក្រសួងមហាផ្ទៃដឹងថា ការនាំសារធាតុញៀនចូលមកម្ពុជានេះគឺដើម្បីនាំមកយកធ្វើជីឬធ្វើថ្នាំ ឬក៏ធ្វើអ្វីផ្សេងៗទៀត។សម្ដេច ចោទសួរបន្ថែមថា មូលហេតុអ្វីបានមិនផ្ដល់ដំណឹងឱ្យគ្នាទៅវិញទៅមកដើម្បីធ្វើយ៉ាងណា កុំសារធាតុញៀននេះ ក្លាយទៅជាគ្រឿងញៀនបំពុលសង្គមខ្មែរនោះ៕អត្ថបទ៖ បាន ចក់

សិស្សជាប់និទ្ទេសA ចំនួន៥៤នាក់នៅខេត្តត្បូងឃ្មុំ ទទួលបានរង្វាន់លើកទឹកចិត្តដ៏ថ្លៃថ្លារបស់ឯកឧត្តមបណ្ឌិត ហ៊ុន ម៉ាណែត

ត្បូងឃ្មុំ៖ កុំព្យូទ័រយួរដៃចំនួន៥៤គ្រឿង ព្រមទាំងថវិកាជារង្វាន់ដ៏ថ្លៃថ្លារបស់ឯកឧត្តមបណ្ឌិត ហ៊ុន ម៉ាណែត ត្រូវបានផ្តល់ជូនសិស្សានុសិស្សប្រលងជាប់និទ្ទេសA ទាំង៥៤នាក់ ក្នុងខេត្តត្បូងឃ្មុំទាំងមូល បើទោះបីជាស្ថិតក្នុងការលំបាកសិក្សារៀនសូត្រ ក្នុងបរិបទកូវីដ១៩ក្តី។នាព្រឹកថ្ងៃទី២៤ ខែមករា ឆ្នាំ២០២១ នៅសាលាខេត្តត្បូងឃ្មុំ ឯកឧត្តម ជាម ច័ន្ទសោភ័ណ ក៏បានចែកថវិកា ដល់លោកគ្រូអ្នកគ្រូ និងអាណាព្យាបាលសិស្ស ជាការអរគុណដែលខិតខំបង្ហាត់បង្រៀនអប់រំទូន្មានណែនាំរហូតក្មួយៗ ទទួលបានលទ្ធផលផ្លែផ្កាដ៏ល្អនាពេលនេះផងដែរ។ក្នុងឱកាសនោះ ឯកឧត្តមអភិបាលខេត្ត បានពាំនាំប្រសាសន៍ផ្តាំផ្ញើសួរសុខទុក្ខ កោតសរសើរក្មួយៗទាំង៥៤រូប និងលោកគ្រូអ្នកគ្រូ ព្រមទាំងអាណាព្យាបាលសិស្សពីសំណាក់សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ប្រធានកាកបាទក្រហមកម្ពុជា ជាពិសេសឯកឧត្តមបណ្ឌិត ហ៊ុន ម៉ាណែត ដែលជាបេក្ខភាពនាយករដ្ឋមន្ត្រីដ៏សាកសមបំផុត មានទាំងចំណេះដឹងខ្ពង់ខ្ពស់ បុគ្គលិកលក្ខណៈល្អឥតខ្ចោះមានសុជីវធម៌ គុណធម៌ និងប្រជាប្រិយភាពគ្រប់ស្រទាប់វណ្ណៈនៃពលរដ្ឋកម្ពុជា ទាំងក្នុងនិងក្រៅប្រទេស។ឯកឧត្តម ជាម ច័ន្ទសោភ័ណ បញ្ជាក់ថា យុវជនសម័យតេជោ ពិតជាមានសំណាង ដែលមានឱកាសសិក្សារៀនសូត្រយ៉ាងទូលំទូលាយ ដើម្បីយកចំណេះដឹងទៅអភិវឌ្ឍន៍ខ្លួនឯង គ្រួសារ និងសង្គមជាតិទាំងមូល។ឆ្លៀតក្នុងឱកាសនោះ ឯកឧត្តម អភិបាលខេត្ត ក៏បានជំរុញឲ្យប្អូនៗក្មួយៗសិស្សានុសិស្ស យកសម្ភារៈសិក្សា និងថវិកាដែលផ្តល់ជូន ទៅប្រើប្រាស់ឲ្យចំគោលដៅ ខិតខំប្រឹងប្រែងរៀនសូត្របន្ត នាថ្នាក់ឧត្តមសិក្សា ពិសេសសិស្សានុសិស្សថ្នាក់វិទ្យាល័យ នាជំនាន់ក្រោយៗទៀត៕

ឯកឧត្តម ហ៊ុន ម៉ានី៖ យុវជនត្រូវខិតខំអភិវឌ្ឍន៍សមត្ថភាព និងរៀនសូត្រពីបទពិសោធន៍ល្អៗរបស់ថ្នាក់ដឹកនាំ

កំពត៖ យុវជនគឺជាអ្នកបន្តវេន មានភារកិច្ចទទួលខុសត្រូវចំពោះជោគវាសនាអនាគតប្រទេសជាតិ។ដូច្នេះយុវជនត្រូវតែខំប្រឹងអភិវឌ្ឍន៍សមត្ថភាពរបស់ខ្លួនឲ្យល្អប្រសើរ ពិសេសខំស្រាវជ្រាវ ស្តាប់សង្កេត និងរៀនសូត្រពីបទពិសោធន៍ល្អៗរបស់ថ្នាក់ដឹកនាំប្រទេស ដើម្បីស្វែងយល់ពីវិធីសាស្ត្រ នៃការឆ្លើយតប និងការដោះស្រាយបញ្ហាប្រឈមនានា ប្រកបដោយសិល្បៈ និងភាពបត់បែនទៅតាមកាលៈទេសៈ។ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ក្នុងពិធីជួបសំណេះសំណាលជាមួយ គណៈកម្មាធិការឃុំ សង្កាត់ ក្រុង ស្រុក ខេត្ត ក្នុងរចនាសម្ព័ន្ធសហភាពសហព័ន្ធយុវជនកម្ពុជាខេត្តកំពត កាលពីម្សិលមិញ បានលើកឡើងថា ខេត្តកំពត បានសហការល្អជាមួយនឹងអាជ្ញាធរគ្រប់ជាន់ថ្នាក់ក្នុងខេត្ត បម្រើជូនប្រជាពលរដ្ឋនៅមូលដ្ឋានបានល្អប្រសើរនារយៈពេលកន្លងមក ទាំងកិច្ចការងារសង្គម និងមនុស្សធម៌។ឯកឧត្តម ហ៊ុន ម៉ានី បានថ្លែងអំណរគុណចំពោះអជ្ញាធរខេត្តទាំងអស់ ដែលតែងផ្តល់ឱកាសដល់ សមាជិក (ស.ស.យ.ក) តាមមូលដ្ឋាននីមួយៗ ចូលរួមកិច្ចការងាបម្រើប្រជាជននាពេលកន្លងមក និងតទៅអនាគត។ ឯកឧត្តម បន្តថា សកម្មភាពទាំងអស់នេះ កើតចេញពីឆន្ទះនៃការលះបង់របស់ស.ស.យ.ក.ទូទាំងប្រទេស បាននាំមកនូវការទទួលស្គាល់ពីសំណាក់ប្រជាពលរដ្ឋក្នុងមូលដ្ឋាន និងសាធារណជន ដោយបានផ្សាភា្ជប់ស្លាកសញ្ញានៃស្ថាប័ន និងឯកសណ្ឋាន ស.ស.យ.ក ទៅនឹងសកម្មភាពល្អៗ និងភាពវិជ្ជមានសម្រាប់សង្គម។នៅក្នុងឱកាសនោះដែរ ឯកឧត្តមបានលើកទឹកចិត្តដល់សមាជិក សមាជិកា ស.ស.យ.ក ទាំងអស់ឲ្យខិតខំអភិវឌ្ឍន៍សមត្ថភាពរបស់ខ្លួនឲ្យកាន់តែប្រសើរ។ ហើយក្នុងនាមជាអ្នកបន្តវេន មានភារកិច្ចទទួលខុសត្រូវចំពោះជោគវាសនាអនាគតប្រទេសជាតិ យុវជនត្រូវខំប្រឹងសិក្សា ស្រាវជ្រាវអំពីដំណើរនៃជោគជ័យរបស់ថ្នាក់ដឹកនាំប្រទេស ទាំងផ្នត់គំគិត និងការអនុវត្តការងារ ចេះស្តាប់ សង្កេត និងរៀនសូត្រពីបទពិសោធល្អ របស់ថ្នាក់ដឹកនាំ ដើម្បីស្វែងយល់អំពីវិធីសាស្ត្រនៃការឆ្លើយតប និងការដោះស្រាយបញ្ហាប្រឈមនានា ប្រកបដោយសិល្បៈ និងភាពបត់បែនទៅតាមកាលៈទេសៈ ដើម្បីយកបទពិសោធទាំងនេះធ្វើជាមូលដ្ឋានក្នុងការពង្រឹងសមត្ថភាពផ្ទាល់ខ្លួន និងប្រើប្រាស់ក្នុងការគិតគូរ ការសម្រេចចិត្ត និងការអនុវត្តការងារជាក់ស្តែងប្រចាំថ្ងៃ និងតទៅអនាគតផងដែរ។ឯកឧត្តម មឿង គង្គា ប្រធានស.ស.យ.កខេត្តកំពត បានឲ្យដឹងថា បច្ចុប្បន្នខេត្តកំពតមានរចនាសម្ព័ន្ធស.ស.យ.ក តាំងពីថ្នាក់ខេត្ត ថ្នាក់ក្រុង ស្រុក ឃុំ សង្កាត់ មន្ទីរអង្គភាពជុំវិញខេត្ត និងសាលារៀនសរុបចំនួន ៤,៦១៤នាក់ (ស្រី១,៥៧៥នាក់)។ក្រោមការជួយឧបត្ថម្ភគាំទ្រពីថ្នាក់ដឹកនាំគ្រប់ជាន់ថ្នាក់ ពិសេសរដ្ឋបាលខេត្ត បានធ្វើឲ្យសកម្មភាពចូលរួមចំណែកដោយស្ម័គ្រចិត្តក្នុងការងារបម្រើសង្គម ការងារមនុស្សធម៌ ការងារប្រយុទ្ធប្រឆាំងនឹងជំងឺកូវិដ១៩ ការបណ្ដុះបណ្ដាលអភិវឌ្ឍសមត្ថភាពយុវជន ការលើកកម្ពស់វិស័យកីឡា ការធ្វើយុទ្ធនាការពលរដ្ឋល្អ ជាមួយរាជរដ្ឋាភិបាល ក្រោមការដឹកនាំដ៏ឈ្លាសវៃរបស់សម្ដេចតេជោហ៊ុន សែន តាមរយៈសកម្មភាពនិងប្រធានបទផ្សេងៗ បម្រើជូនប្រជាពលរដ្ឋនៅតាមមូលដ្ឋានទទួលបានលទ្ធផលល្អប្រសើរ៕អត្ថបទ៖ អន សារឹម

មន្ត្រីជួរមុខទូទាំងខេត្តកណ្តាល ទទួលការចាក់វ៉ាក់សាំងដូសទី៤ ពង្រឹងភាពស៊ាំការពារកូវីដ១៩

កណ្ដាល៖ នៅថ្ងៃទី២៤ ខែមករានេះ បណ្តាកងកម្លាំងនគរបាល និងមន្ត្រីរាជការជួរមុខ នៅទូទាំងខេត្តកណ្តាល បានទៅទទួលការចាក់វ៉ាក់សាំងដូសទី៤ ដើម្បីពង្រឹងភាពស៊ាំការពារកូវីដ១៩ និងកូវីដប្រភេទថ្មីអូមីក្រុង ។ បើតាមប្រធានមន្ទីរសុខាភិបាលខេត្តកណ្តាល បានថ្លែងថា ក្នុងអំឡុងពេលនេះ បណ្តាមន្ទីរពេទ្យបង្អែក និងតាមមណ្ឌលសុខាភិបាលគឺបាននឹងកំពុងចាក់វ៉ាក់សាំងដូសទី៣ ជូនពលរដ្ឋទូទៅ ដោយឡែកដូសទី៤ គឺយើងចាក់សម្រាប់តែមន្ត្រីរាជការជួរមុខតែប៉ុណ្ណោះ។វេជ្ជបណ្ឌិត គួយ ប៊ុនធឿន ប្រធានមន្ទីរសុខាភិបាលខេត្តកណ្តាល បានថ្លែងប្រាប់BTVថា សម្រាប់ការវ៉ាក់សាំងការពារកូវីដ១៩ដូសទី៤ ប្រភេទម៉ូឌ័រណានោះ បច្ចុប្បន្នក្រុមពេទ្យ បាននិងកំពុងពន្លឿនការចាក់នៅតាមបណ្តាមន្ទីរពេទ្យផង និងមានការចុះចាក់ផ្ទាល់នៅតាមបណ្តាអង្គការកន្លែង បម្រើបំរើការងាររបស់មន្ត្រីរាជការ និងកងកម្លាំងនគរបាលគ្រប់ប្រភេទ ដែលមានការប្រមូលផ្តុំមនុស្សច្រើន ហើយការចាក់តាមរបៀបនេះ គឺងាយធ្វើអោយមន្ទីរសុខាភិបាលខេត្ត សម្រេចគោលដៅការចាក់វ៉ាក់សាំងកូវីដ១៩នៅទូទាំងខេត្តកណ្តាលផងដែរ។បើតាមបណ្តាកងនគរបាល បានថ្លែងអរគុណ ឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល ដែលបានសម្របសម្រួលក្រុមពេទ្យដែលបានចុះមកចាក់វ៉ាក់សាំងកូវីដ១៩ នៅក្នុងស្នងការនគរបាលខេត្តកណ្តាល ខណៈការចាក់វ៉ាក់សាំងដូសទី៤នេះ គឺមានភាពសំខាន់ណាស់សម្រាប់ពង្រឹងភាពស៊ាំនៅក្នុងខ្លួនការពារមេរោគកូវីដ១៩ ជាពិសេសកូវីដអូមីក្រុងប្រភេទថ្មីផង និងផ្តល់ភាពទំនុកចិត្តនៅក្នុងអំឡុងពេលចុះបំពេញការងារផ្តល់សេវាជូនពលរដ្ឋដោយមិនមានការភ័យខ្លាចពីការឆ្លងមេរោគមេរោគកូវីដ១៩។ដោយឡែកសម្រាប់រាជការជួរមុខដែលបានទៅចាក់នៅវ៉ាក់សាំងនៅមន្ទីរពេទ្យបង្អែកជ័យជំនះ ក្រុងតាខ្មៅវិញ ក៏បានថ្លែងថា ជារួមដោយសារតែកន្លងមក យើងបានចាក់វ៉ាក់សាំងកូវីដ១៩ បានគ្រប់ដូសនេះ ទើបធ្វើអោយយើងរួចផុតពីការឆ្លងមេរោគកូវីដ១៩ នៅពេលយើងចុះបំរើការងារផ្តល់សេវាដោយផ្ទាល់នានាជូនប្រជាពលរដ្ឋមកពីគ្រប់មជ្ឈដ្ឋាន។សូមបញ្ជាក់ថា គិតត្រឹមព្រឹកថ្ងៃទី២៤ ខែមករានេះ ក្រុមពេទ្យខេត្តកណ្តាលដំណើរការចាក់វ៉ាក់សាំងដូសទី៣ ជូនពលរដ្ឋទូទៅ ដែលមានអាយុចាប់ពី១៨ឆ្នាំឡើង គឺបានចំនួនជាង ៣២ម៉ឺននាក់ ដែលស្មើនឹង ៤៧%នៃចំនួនអ្នកចាក់ដូសទី២សរុប ។ ដោយឡែកសម្រាប់មន្ត្រីរាជការ និងកងម្លាំងនគរបាលជួរមុខ ក្រុមពេទ្យបានដំណើរការចាក់ដូសទី៤ បានប្រមាណជាង៦៦០០នាក់៕អត្ថបទ ស៊ុម សុខជា

បណ្ដាញសង្គម

ព័ត៌មានថ្មីៗ

បន្ទាប់ពីកិច្ចប្រជុំកំពូលណាតូ លោក Trump និងអឺរ៉ុប នៅតែរកាំរកូសជុំវិញមហិច្ឆតារបស់លោក Putin

ផ្នែកនានាទូទាំងសហរដ្ឋអាមេរិក ជួបប្រទះកម្ដៅដ៏គ្រោះថ្នាក់ដល់កម្រិតកំណត់ត្រាក្នុងសប្តាហ៍នេះ

អ៊ីរ៉ង់៖ គ្មានផែនការបន្តចរចានុយក្លេអ៊ែរជាមួយអាមេរិកទេ ដោយនិយាយសម្រាលពីផលប៉ះពាល់នៃកាវាយប្រហារ

មេដឹកនាំកំពូលរបស់អ៊ីរ៉ង់ បាននិយាយថា សហរដ្ឋអាមេរិកមិនបានទទួលអ្វីពីការវាយប្រហារនោះទេ

ជនជាតិប៉ាឡេស្ទីនជាង៥៤០នាក់ ត្រូវបានសម្លាប់ក្នុងពេល១ខែពេលស្វែងរកជំនួយពីកន្លែងចែកចាយរបស់អាមេរិក និងអ៊ីស្រាអែល

អ៊ីស្រាអែល បញ្ឈប់ជំនួយទៅតំបន់ហ្កាហ្សាភាគខាងជើង ខណៈបារម្ភថាក្រុមហាម៉ាស លួចគ្រឿងផ្គត់ផ្គង់

មេដឹកនាំកំពូលអ៊ីរ៉ង់ បង្ហាញមុខជាលើកដំបូងតាំងពីមានបទឈប់បាញ់ ដោយព្រមានសងសឹកវិញ បើត្រូវវាយប្រហារម្ដងទៀត

ប្រមុខការពារជាតិអាមេរិក៖ គ្មានព័ត៌មានចារកម្មដែលថាអ៊ីរ៉ង់បានបញ្ជូនចេញធាតុអ៊ុយរ៉ានីញ៉ូមមុនការវាយប្រហារទេ

គណៈកម្មអន្តរក្រសួងចុះពិនិត្យផ្លូវបេតុង ផ្លូវក្រាលដីល្បាយគ្រួស និងលូ នៅខេត្តព្រៃវែង កំពង់ចាម និងខេត្តកណ្តាល

បណ្តាប្រទេសនៅតំបន់បាល់កង់ប្រឈមនឹងរលកកម្តៅដ៏សែនក្តៅបំផុតបំបែកកំណត់ត្រា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្តេចតេជោ នឹងជួបនាយឧត្តមសេនីយ៍ជាន់ខ្ពស់ មីន អោងឡាំង ជាថ្មីតាមវីដេអូ ចង់ដឹងពីស្ថានភាពវិវត្តនៅមីយ៉ាន់ម៉ា

សម្ដេច ស ខេង ឲ្យនគរបាលទាំងអស់ត្រូវប្រកាន់ជំហរអព្យាក្រឹត្យ និងបង្កលក្ខណៈងាយស្រួលដល់ គ្រប់គណបក្សនយោបាយ

ដើម្បីរួមចំណែកធ្វើឲ្យទីក្រុងស្អាតត្រូវផ្តើមចេញពីយើងទាំងអស់គ្នា

តំបន់ព្រៃលិចទឹកប្រមាណ ៤០ហិកតានៅតំបន់បី ក្រុងសៀមរាប ត្រូវបានដាំកូនឈើឡើងវិញ

ប្រមុខក្រសួងមហាផ្ទៃ បញ្ជាឲ្យត្រួតពិនិត្យឲ្យបានម៉ត់ចត់ការដំឡើងតួនាទី និងឋានន្តរសក្ដិដល់មន្ត្រីនគរបាល

ឯកឧត្តម ហ៊ុន ម៉ានី៖ យុវជនត្រូវខិតខំអភិវឌ្ឍន៍សមត្ថភាព និងរៀនសូត្រពីបទពិសោធន៍ល្អៗរបស់ថ្នាក់ដឹកនាំ

មន្ត្រីជួរមុខទូទាំងខេត្តកណ្តាល ទទួលការចាក់វ៉ាក់សាំងដូសទី៤ ពង្រឹងភាពស៊ាំការពារកូវីដ១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ដើម្បីរួមចំណែក​ធ្វើ​ឲ្យទីក្រុងស្អាត​ត្រូវ​ផ្តើម​ចេញ​ពី​យើង​ទាំង​អស់គ្នា

តំបន់ព្រៃលិចទឹកប្រមាណ ៤០ហិកតានៅតំបន់បី ក្រុងសៀមរាប ត្រូវបានដាំកូនឈើឡើងវិញ

ឯកឧត្តម ហ៊ុន ម៉ានី៖ យុវជនត្រូវខិតខំ​អភិវឌ្ឍន៍​សមត្ថភាព និងរៀនសូត្រ​ពី​បទពិសោធន៍ល្អៗ​របស់​ថ្នាក់ដឹកនាំ

មន្ត្រីជួរមុខទូទាំងខេត្តកណ្តាល ទទួលការចាក់វ៉ាក់សាំងដូសទី៤ ពង្រឹងភាពស៊ាំការពារកូវីដ១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ដើម្បីរួមចំណែកធ្វើឲ្យទីក្រុងស្អាតត្រូវផ្តើមចេញពីយើងទាំងអស់គ្នា

ឯកឧត្តម ហ៊ុន ម៉ានី៖ យុវជនត្រូវខិតខំអភិវឌ្ឍន៍សមត្ថភាព និងរៀនសូត្រពីបទពិសោធន៍ល្អៗរបស់ថ្នាក់ដឹកនាំ