នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
រដ្ឋមន្ត្រីក្រសួងអភិវឌ្ឍន៍ជនបទចុះពិនិត្យវឌ្ឍនភាពការងារសាងសង់ស្ពានភ្នំក្រវាញ និង​ផ្លូវកៅ​ស៊ូ​ក្នុង​​ខេត្តពោធិ៍សាត់
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់

នយោបាយ​ និង ការអភិវឌ្ឍន៍

កម្ពុជាមិនទាន់បញ្ជូនពលរដ្ឋខ្មែរទៅធ្វើការនៅថៃវិញនោះទេ ព្រោះនីតិវិធីផ្សេងៗមិនទាន់ឯកភាពគ្នា

2021/12/23 03:21:42 pm        435
Facebook Telegram Linkin
ភ្នំពេញ៖ ស្ថិតក្នុងបរិបទជំងឺកូវីដ-១៩ កម្ពុជាមិនទាន់សម្រេចបញ្ជូនពលរខ្មែរទៅធ្វើការនៅប្រទេសថៃ តាមសំណើរបស់ភាគីថៃនោះទេ។ ការមិនទាន់សម្រេចនេះ គឺដោយសារភាគីទាំងពីរ មិនទាន់ពិភាក្សាត្រូវរ៉ូវគ្នាពីនីតិវិធី និងលក្ខខណ្ឌការងារផ្សេងៗមួយចំនួនទៀត។ឯកឧត្តម ហេង សួរ រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃនេះ បានប្រាប់BTVថា បច្ចុប្បន្នក្រសួងការងារមិនទាន់ស្នើគោលការណ៍ពីរាជរដ្ឋាភិបាលកម្ពុជា ដើម្បីបើកឲ្យ​មាន​ការ​បញ្ជូន​ពលករខ្មែរ ​តាមរយៈកិច្ចព្រមព្រៀង ​ទៅធ្វើការនៅប្រទេសថៃនោះទេ។ ការមិនទាន់សម្រេចនេះ​ គឺដោយសារភាគីថៃ ​មិនទាន់កំណត់និតិវិធី និងលក្ខខណ្ឌការងារ​មួយចំនួន​ទៀតច្បាស់លាស់។ឯកឧត្តម បានបញ្ជាក់ថា ការបញ្ជូនពលករខ្មែរទៅធ្វើការនៅប្រទេសថៃ ​គឺមិនទាន់អាចកំណត់ ពេលនោះទេ​ ពោលគឺរង់ចាំការពិភាក្សាត្រូវគ្នាជាមុនសិន។យោងតាមសំណើរភាគីថៃ​ ពលករខ្មែរដែលអាចទៅធ្វើការនៅប្រទេសថៃបាន ​ត្រូវមានលក្ខខណ្ឌ ដូចជា ត្រូវមានកាតចាក់វ៉ាក់សាំង ​ធ្វើតេស្តរកជំងឺកូវីដ-១៩ ​រយៈពេល៧២ម៉ោង (PCR) ឬតេស្តរហ័ស ដែលធ្វើដោយគ្រូពេទ្យជំនាញ ដើម្បីបញ្ជាក់វិញ្ញាបនបត្រថា មិនមានជំងឺកូវីដ-១៩។ពេលទៅដល់ព្រំដែន ពលករខ្មែរ ដែលចាក់វ៉ាក់សាំង២ដូសរួចហើយ ត្រូវធ្វើចត្តាឡ័ស័ក​រយៈពេល​៧ថ្ងៃ។ ចំណែកពលករ ដែលអត់ទាន់បានចាក់វ៉ាក់សាំងទេ​ក៏អាចទៅបានដែរ តែត្រូវធ្វើចត្តាឡីស័ក​រយៈពេល ១៤ថ្ងៃ។កន្លងទៅថ្មីៗនេះ លោក អន ប៊ុនហាក់ ប្រធានសមាគមទីភ្នាក់ងារហត្ថពលកម្មកម្ពុជា ​បានប្រាប់BTVឱ្យដឹងថា ពេលនេះ ​ប្រទេសថៃ​ កំពុងខ្វះកម្លាំងពលកម្មស្របច្បាប់យ៉ាងច្រើន​ប្រមាណជាពី៥ ទៅ ៦ម៉ឺននាក់ ​ដើម្បីទៅធ្វើការនៅរោងចក្រសហគ្រាសរបស់ពួកគេ ។លោកបានបន្តថា តាមបទពិសោធន៍​កន្លងមក ក៏ដូចជាការ​ស្ទាបស្ទង់​ និយោជកថៃ គឺត្រូវការ ពលករ​ស្របច្បាប់​ដោយសាររោងចក្រសហគ្រាសទាំងនោះ​ មិនអាចយកពលករ ​ដែលមិនស្របច្បាប់បាន ទេ​ព្រោះត្រូវអនុវត្តតាមអ្នកបញ្ជាទិញ៕អត្ថបទ៖ ទូច សោភ័ណ

ក្រសួងទេសចរណ៍៖ ទូទាំងប្រទេសមានគោលដៅទេសចរណ៍អាចទៅកម្សាន្តបានជិត១១០០កន្លែង

2021/12/23 03:12:51 pm        643
Facebook Telegram Linkin
ភ្នំពេញ៖ ក្រសួងទេសចរណ៍ បានប្រកាសបច្ចុប្បន្នភាពនៃគោលដៅទេសចរណ៍ថ្មី អាចទៅលេងកម្សាន្តបានមានចំនួនជិត ១ ១០០កន្លែង ហើយបណ្តាអ្នកជំនាញទេសចរណ៍អន្តរជាតិ បានណែនាំអ្នកគ្រប់គ្រងគោលដៅទេសចរណ៍ គួររៀបចំម្ហូបអាហារប្រពៃណីប្រចាំតំបន់ខ្លួន ដើម្បីបង្កើនភាពទាក់ទាញទេសចរណ៍បន្ថែម។នៅក្នុងសិក្ខាសាលាស្តីពីសកម្មភាពគាំទ្រការជំរុញចលនាទេសចរណ៍ផ្ទៃក្នុង និងការបើកទទួល​ទេសចរណ៍អន្តរជាតិ ល្ងាចថ្ងៃទី២២ ខែធ្នូនេះ លោក អាំង សុវណ្ណរ័ត្ន អគ្គនាយក​រង​អភិវឌ្ឍន៍​ទេសចរណ៍ និងកិច្ចសហប្រតិបត្តិការអន្តរជាតិ ថ្លែងថា បច្ចុប្បន្នភាពសៀវភៅ​បញ្ជីសារពើភណ្ឌតំបន់ ទេសចរណ៍ក្នុងប្រទេសកម្ពុជា ដែលមានការផ្សព្វផ្សាយនៅលើប្រព័ន្ធអនឡាញផងដែរនោះ គឺបាន​បង្ហាញគោលដៅទេសចរណ៍ថ្មីដែលមានកាយសម្បទាគ្រប់គ្រាន់អាចអោយភ្ញៀវទេសចរជាតិអន្តរជាតិអញ្ជើញទៅដើរកម្សាន្តបាន គឺមានគោលដៅទេសចរណ៍កើនរហូតដល់ ១០៩៨គោលដៅ ក្នុង​នោះ​មានកន្លែងដើរកម្សាន្តប្រមាណរាប់ពាន់កន្លែងថែមទៀត ដែលរួមមាន រមណីយដ្ឋាន​ទេសចរណ៍ សហគមន៍ទេសចរណ៍ និងកេអូទេសចរណ៍ដែលមានសក្តានុពល។បើតាមបណ្តាអ្នកជំនាញទេសចរណ៍អន្តរជាតិមកពីប្រទេសអង់គ្លេស និងកាណាដាជាដើម ដែល​បាន​ធ្វើបទបង្ហាញនៅក្នុងអង្គសិក្ខាសាលាជំរុញចលនាទេសចរណ៍ផ្ទៃក្នុង ​និងការបើកទទួល​ទេស​ចរណ៍​អន្តរជាតិ ​បានថ្លែងថា នៅពេលបច្ចុប្បន្ននៅកម្ពុជា ​មានគោលដៅទេសចរណ៍វប្បធម៌​ អេកូ​ទេសចរណ៍​ច្រើនកន្លែង ​ហើយគ្រប់អ្នកគ្រប់គ្រងគោលដៅទេសចរណ៍​ទាំងនោះ គឺត្រូវ​ផ្សព្វ​ផ្សាយ​អោយ​បានច្រើន ​និងរៀបចំម្ហូបអាហារបែបប្រពៃណីនៅប្រចាំតំបន់របស់ខ្លួនអោយបានច្រើន ដើម្បីបង្កើនភាពទាក់ទាញភ្ញៀវទេសចរជាតិអន្តរជាតិទៅស្នាក់នៅដើរកម្សាន្តបានយូរថ្ងៃ និង​ធ្វើអោយភ្ញៀវទៅទស្សនាម្តងហើយ​ ហើយទៅទស្សនាម្តងទៀត។ឯកឧត្តម ទិត ចន្ថា រដ្ឋលេខាធិការប្រចាំការ ក្រសួងទេសចរណ៍ បានថ្លែងថា ការលើកឡើង​ពី​វាគ្មិនជាតិ និងអន្តរជាតិ ​គឺជាគន្លឹះមួយដែលយើងចង់បាន ដើម្បីចូលរួមចំណែកជំរុញ​ចលនាទេស​ចរណ៍​ផ្ទៃក្នុង និងទាក់ទាញភ្ញៀវទេសចរអន្តរជាតិមកកម្ពុជា និងការស្តារវិស័យ​ទេស​ចរណ៍​ពីវិបត្តិ​ជំងឺកូវីដ-១៩ ។លោកស្រី ឱក ម៉ាលីកា តំណាងទីភ្នាក់ងារបារាំង សម្រាប់ការអភិវឌ្ឍន៍ (AFD) ប្រចាំកម្ពុជា ថ្លែងថា AFD ​តាមរយៈការអនុវត្តកម្មវិធីពង្រឹងសមត្ថភាពពាណិជ្ជកម្មក្នុង​ វិស័យទេសចរណ៍ (TCBP) និង​ក្រសួងសេដ្ឋកិច្ច និងហិរញ្ញវត្ថុ គឺបានប្រើប្រាស់ជំនួយឥតសំណង​ ប្រមាណ១លាន៥សែនអឺរ៉ូ ដើម្បី​ចូលរួមធ្វើសកម្មភាពអភិវឌ្ឍន៍ទេសចរណ៍នៅកម្ពុជា ​និងបានផ្តល់កំចី១១លានអឺរ៉ូ សម្រាប់​អនុវត្ត​គម្រោង​សាងសង់សាលាបណ្តុះបណ្តាលវិជ្ជាជីវៈទេសចរណ៍នៅរាជធានីភ្នំពេញ ​និងក្រុងព្រះសីហនុ ដើម្បីអភិវឌ្ឍន៍ធនធានមនុស្ស ​ការបង្កើតការងារអោយបានច្រើនក្នុងវិស័យទេសចរណ៍៕អត្ថបទ ស៊ុម សុខជា

គណបក្សប្រជាជនកម្ពុជា នឹងធ្វើសន្និបាតគណៈកម្មាធិការកណ្តាលរបស់​ខ្លួននៅថ្ងៃស្អែក

2021/12/23 01:39:27 pm        378
Facebook Telegram Linkin
ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី បានឱ្យដឹង គណបក្សប្រជា ជនកម្ពុជា គ្រោងនឹងបើកសន្និបាតរបស់ខ្លួន រយៈពេលមួយព្រឹកនៅថ្ងៃទី២៤ ខែធ្នូនេះហើយ។ក្នុងឱកាសអញ្ជើញជាអធិបតីដ៏ខ្ពង់ខ្ពស់ក្នុងពិធីសម្ពោធដាក់ឱ្យប្រើប្រាស់ជាផ្លូវការនូវអគាររដ្ឋបាលគយ នា​ព្រឹក​ថ្ងៃទី ២៣ ខែធ្នូនេះ សម្តេចតេជោប្រមុខរាជរដ្ឋាភិបាលកម្ពុជា បានបញ្ជាក់ថា គណបក្សប្រជាជនកម្ពុជា នឹងបើកសន្និបាត គណៈកម្មាធិការកណ្តាលរបស់ខ្លួន រយៈពេលតែមួយព្រឹកទេ នៅថ្ងៃស្អែក។កាលពីពេលថ្មីៗនេះ ក្នុងពេលអញ្ជើញទៅពិនិត្យវឌ្ឍនភាព​អាកាសយានដ្ឋាន​អន្តរជាតិក្រុងតាខ្មៅ​នោះ ​សម្តេច​តេជោ បានបង្ហើបអំពីការរៀបចំបេក្ខភាពបេក្ខជន ​សម្រាប់តំណែង​នាយ​ករ​ដ្ឋ​មន្ត្រីបន្តវេន​ ក៏ដូចជា​គណៈ​រដ្ឋមន្ត្រី​ថ្មី​សម្រាប់ ​អាណត្តិពេលអនាគត។ ប៉ុន្តែទោះ​ជា​យ៉ាង​ណាក៏​នៅពេល​ថ្មីៗនេះ សម្តេ​ច​បានបញ្ជាក់ថា ​ការ​គ្រោង​បេក្ខភាព​សម្រាប់​តំណែង​នាយករដ្ឋមន្ត្រី ​ឬ​សមាស​ភាព​គណៈរដ្ឋ​មន្ត្រី ​ដែល​ភា​គច្រើន​ជាមន្ត្រីវ័យក្មេង​ ដែល​មាន​សញ្ញាបត្រ​ថ្នាក់បណ្ឌិត ឬអនុបណ្ឌិតនោះ​ មិនមែន​សម្រា​ប់​ពេល​អាណត្តិ​ចំពោះមុខនេះទេ ​ហើយនៅពេល​បើក​សន្និបាត​គណៈកម្មាធិការកណ្តាល​ របស់គណបក្សប្រជាជនកម្ពុជា ​ប្រធាន​បទ​អំពី​ការរៀបចំ​សមាសភាព​គណៈ​រ​ដ្ឋ​មន្ត្រី​ថ្មី ​ជាពិសេសបេក្ខភាពនាយករដ្ឋមន្ត្រីថ្មី ​នឹងត្រូវលើកយក​ម​ក​ជ​ជែក ៕អត្ថបទ៖ មុត សុទ្ធ 

មណ្ឌលប្រលងទុតិយភូមិចំនួន១០ ក្នុងខេត្តកំពង់ធំរៀបចំរួចជាស្រេច ដើម្បីត្រៀមដំណើរការប្រឡងនៅថ្ងៃទី២៧ ខែធ្នូ ខាងមុខនេះ

2021/12/23 12:17:59 pm        435
Facebook Telegram Linkin
កំពង់ធំ ៖ មន្ទីរអប់រំ យុវជន និងកីឡាខេត្តកំពង់ធំ រួមជាមួយអាជ្ញាធរពាក់ព័ន្ធ រៀបចំមណ្ឌលប្រឡងចំនួន ១០មណ្ឌល ស្មើរ ១៩៥បន្ទប់ មានបេក្ខសរុប ជាង៤,៨០០នាក់ ដើម្បីត្រៀមប្រឡងមធ្យមសិក្សាទុតិយភូមិ នៅថ្ងៃទី២៧ ខែធ្នូ ឆ្នាំ២០២១ ខាងមុខនេះ។ លោក តាន់ ប៊ុនហុង ប្រធានមន្ទីរអប់រំយុវជននិងកីឡា ខេត្តកំពង់ធំ ប្រាប់ទូរទស្សន៍ BTV នៅថ្ងៃទី២២ ខែធ្នូ ឆ្នាំ២០២១ថា មន្ទីរអប់រំ យុវជន និងកីឡាខេត្តកំពង់ធំ រួមជាមួយអាជ្ញាធរខេត្ត ត្រៀម រួចរាល់ហើយចំពោះដំណើរការនៃប្រឡងមធ្យមសិក្សាទុតិយភូមិ នៅថ្ងៃទី២៧ ខែធ្នូ ឆ្នាំ២០២១ខាងមុខនេះ។ លោកបន្តថា សិស្សក្នុងមួយបន្ទប់ប្រឡងយ៉ាងច្រើនបំផុតចំនួន២៥នាក់ រក្សាគំលាតពីសិស្សម្នាក់ ទៅម្នាក់ទៀតយ៉ាងហោចណាស់ ១,៥ម៉ែត្រ និងបានត្រៀមការឧបករណ៍អនាម័យ មានអាស់កុល ម៉ាស់ ឬជែលគ្រប់បន្ទប់ ទន្ទឹមនេះគ្រប់គ្រប់មណ្ឌលប្រឡងទាំងអស់ ក៏​បាន​ត្រៀម​ក្រុម​គ្រូពេទ្យ​សម្រាប់​ធ្វើតេស្តរហ័ស ដល់សិស្សដែលអាការៈសង្ស័យ ​មានរោគសញ្ញាវិជ្ជមានកូវីដ១៩ផងដែរ។ ក្នុងករណី ដែលធ្វើតេស្តវិជ្ជមានជំងឺកូវីដ១៩ សិស្សទាំងអស់នោះ ត្រូវបានរៀបចំដាក់ដោយឡែក​នៅក្នុង​បន្ទប់ផ្សេង ​ដែលត្រូវបានរៀបចំរួច គ្រប់មណ្ឌលប្រឡង។លោក បន្ថែមថា ចំពោះសិស្សក្រីក្រ ដែលមានជីវភាពខ្វះខាត ​មិនមានការជួយគាំទ្រពីអ្នក ពាក់ព័ន្ធ​ផ្សេងៗ មន្ទីរអប់រំ យុវជន និងកីឡាចរត្ត និងយុវជន ស.ស.យ.ក ខេត្តកំពង់ធំ ត្រៀមកន្លែង​ស្នាក់នៅ​ចំនួន ៤ទីតាំង នៅជិតមណ្ឌលប្រឡង ​ដែលមាននៅ មណ្ឌលបុរីកុមារខេត្ត ​មន្ទីរវប្បធម៌ខេត្ត ការិយាល័យ​យុវជន នៅភូមិបល្ល័ង្កកើត ​នៅជិតមណ្ឌលប្រឡងចំនួនអគារ និងសាលាបណ្តុះ​បណ្តាល​វិជ្ជាជីវៈ។ ជាមួយការរៀបចំកន្លែងស្នាក់នៅនេះដែរ ស.ស.យ.ក ខេត្ត បានរៀបចំម្ហូម​អាហារ​ស​ម្រាប់​សិស្សខ្វះលទ្ធភាពផងដែរ៕

សម្តេចតេជោ៖ អ្នកដែលមិនដឹងប្រវត្តិសាស្ត្រ សូមកុំមួលបង្កាច់ការពិតជាប្រវត្តិសាស្ត្រ

2021/12/23 12:02:53 pm        233
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី មានប្រសាសន៍រំលឹកអំពីរឿងរ៉ាវ ជាប្រវត្តិសាស្ត្រទាក់ទងអំពីប្រវត្តិគយកម្ពុជា ដែលជាសេវាអធិបតេយ្យឯករាជ្យរបស់កម្ពុជា ហើយសម្តេចរម្លឹកថា អ្នកដែលមិនដឹងប្រវត្តិសាស្ត្រនោះ សូមកុំមួលបង្កាច់ការពិតជាប្រវត្តិសាស្ត្រ។ថ្លែង​ក្នុង​ឱកាសអញ្ជើញជាអធិបតីដ៏ខ្ពង់ខ្ពស់ក្នុងពិធីសម្ពោធដាក់ឱ្យប្រើប្រាស់ជាផ្លូវការ​នូវ​អគាររដ្ឋ​បាល​គយ​អគារ​សា​លា​​ជាតិគយ​ និងអគារសារៈមន្ទីរគយ អគ្គនាយកដ្ឋានគយ និងរដ្ឋាករកម្ពុជា នៃក្រសួង​សេដ្ឋកិច្ច និង​ហិរញ្ញវត្ថុ នា​ព្រឹក​ថ្ងៃទី ២៣ធ្នូនេះ ។សម្តេចតេជោ បានរំលឹកពីរឿងរ៉ាវ​សំខា​ន់ៗ​ជាច្រើ​ន ​ទាក់ទង​នឹង​ដំណើរ​​រឿង​នៃ​ការបង្កើតគយកម្ពុជា ដែល​រឿងរ៉ាងជាប្រវត្តិសាស្ត្រទាំងនោះ​ មិនអាចកាត់​ផ្តាច់​ពី​ស្នាព្រះហត្ថ​នៃព្រះ​រាជ្យ​កិច្ច​របស់​អតីត​ព្រះមហាក្សត្រខ្មែរ ​ព្រះបរមរតនកោដ្ឋ ​លើការ​តស៊ូទាមទា​រ​ឯ​ករាជ្យពី​អាណានិគម​និយមបារាំង​រួម​ទាំង​ការ​ទាម​ទារ​នូវសេវាគយត្រឡប់មកវិញបានឡើយ​ ទាំង​នេះ​បា​ន​នាំ​ឱ្យ​យើ​ង​មា​ន​សមិទ្ធផល​រីក​ចម្រើន​រហូត​មក​ដល់​សព្វ​ថ្ងៃ​។ជាមួយគ្នានេះ ​សម្តេចក៏បានរំលឹក​អំពី​ការ​ដែល​ពី​អតីត​កាល​មាន​ជន​បរទេស​មក​ចរចា​សុំ​ទិញ​សេវា​គយ​កម្ពុជា ដែល​សម្តេច​ចាត់​ទុក​ថា​សេវាគយ​ ជាសេវាអធិបតេយ្យ ​និងឯករាជ្យភាពរបស់ខ្មែរ ដែល​សម្តេចប្រឆាំង​ដាច់​ខាត​មិន​អាច​លក់​ឱ្យ​ជន​បរទេស​បានឡើយ។ក្នុងន័យ​នេះ សម្តេច​បានបញ្ជាក់ថា៖ បើយើង​ផឹកទឹក​ ត្រូវ​នឹក​ដល់​ប្រភពទឹក​ បើ​ទទួលទាន​ផ្លែ​ឈើ​នឹក​ដល់​អ្នក​ដាំ​ដើម​ឈើ។សម្តេច ក៏បានរំលឹកទៅដល់​រឿងរ៉ា​វ​នៅ​ក្រោយ​ថ្ងៃរំ​ដោះចេញ​ពី​របបខ្មែរក្រហម ​ដែល​ពេលនោះ​មិនទាន់​មាន​ហេដ្ឋា​រចនាសម្ព័ន្ធកន្លែងធ្វើការនៅឡើយ​ ដែល​រដ្ឋាភិបាល​ជំនាន់​នោះ​បា​ន​ខិតខំ​ប្រឹងប្រែង​រៀប​ចំ​ឡើងវិញ​ ហើយ​បាន​ខិត​ខំ​អភិវឌ្ឍ​រីកចម្រើន​ជា​បន្តបន្ទាប់រហូតមកដល់សព្វថ្ងៃ។សម្តេច បាន​ប​ន្តការការសម្ពោធសមិទ្ធផលនាថ្ងៃនេះ ​គឺ​ជាកា​រ​​ធ្វើ​ទំនើបកម្មដឹកនាំ​គ្រប់គ្រង​ក្បាល​ម៉ាស៊ីន​រដ្ឋគួរជាទីមោទនៈ ​ជាពិសេស​ការ​បណ្តុះបណ្តាល​ធនធាន​មនុស្ស​ដែល​ពី​មុន​នោះ មុំទី៤​ នៃយុទ្ធសាស្ត្រចតុកោណរបស់រាជរដ្ឋាភិបាល (ទឹក ផ្លូវ ភ្លើង មនុស្ស) ​ប៉ុន្តែ​ក្រោយ​មក​ការ​បណ្តុះ​បណ្តាល​​ធន​ធាន​មនុស្ស ​ត្រូវបានលើកយកមកជាអាទិភាពមុំទី១វិញ ​គឺ(មនុស្ស ទឹក ផ្លូវ ភ្លើង) ដោយ​បច្ចុប្បន្ន ​យើងត្រូវ​រុញ​ច្រានទៅ​មុខព្រមគ្នា​សម្រាប់​ការអភិវឌ្ឍ ទាំងផ្នែករឹងនិងផ្នែកទន់ឱ្យ​ទៅ​ជា​មួយគ្នាតែម្តង ៕ អត្ថបទ៖ មុត សុទ្ធ

សម្ដេចតេជោ៖ វ៉ាក់សាំងPfizeជំនួយអូស្ត្រាលីនឹងត្រូវចាក់ជូនក្រុមជួរមុខសម្រាប់ដូសទី៤

2021/12/23 04:50:55 am        630
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី សម្រេចពិចារណា​លើការចាក់វ៉ាក់សាំងដូសទី៤ ដល់ក្រុមជួរមុខប្រមាណ៥០ម៉ឺននាក់ ដោយប្រើប្រាស់វ៉ាក់សាំង ប្រភេទ Pfizer ជាជំនួយរបស់អូស្រ្តាលី ដែលនឹងមកដល់នៅចុងសប្ដាហ៍នេះ។ក្នុងពិធីសម្ពោធដាក់ឱ្យប្រើប្រាស់ជាផ្លូវការនូវអគាររដ្ឋបាលគយ នៅព្រឹក​ថ្ងៃទី២៣ ខែធ្នូនេះ សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានបញ្ជាក់ថា វ៉ាក់សាំង ប្រភេទ Pfizer ដែលជាជំនួយរបស់អូស្រ្តាលី ដែលនឹងមក ដល់នៅថ្ងៃទី២៦ ខែធ្នូនេះ ហើយដែលសម្ដេច​នឹង​ទៅ​ទទួល​ដោយផ្ទាល់ផងនោះ ​នឹងត្រូវចាក់ជូនក្រុមជួរមុខ ដូចជា គ្រូ ពេទ្យ ទាហាន មន្ត្រីរាជការ ដែលមាន​ចំនួនប្រមាណ ៥០ម៉ឺននាក់ សម្រាប់ដូសទី៤។សម្តេចតេជោ បានបញ្ជាក់សារជាថ្មីថា ការព្យាបាលកូវីដ-១៩ ដោយមិនយកលុយ គឺមាន​តែ​ស្រុក​ខ្មែរទេ។ ទាក់ទិននឹងការឆ្លងកូវីដនេះ ​ជាពិសេសប្រភេទមេរោគបំប្លែងថ្មី ​អូមីក្រុងនោះ ​សម្តេច​បានបញ្ជាក់ពី​ការ​ឆ្ល​ងមេរោគកូវីដ​ប្រភេទ​ថ្មីអូមី​ក្រុង​ គឺសូមកុំស្លន់ស្លោ ​ព្រោះមេរោគនេះ បើ​តាមពិនិត្យទៅ មិនមានអ្វីធ្ងន់ធ្ងរទេ៕ អត្ថបទ៖ មុត សុទ្ធ

ប្រសាសន៍សំខាន់ៗរបស់សម្ដេចតេជោ​ ហ៊ុន​ សែន​ ក្នុងពិធីសម្ពោធដាក់ឲ្យប្រើប្រាស់ជាផ្លូវការអគាររដ្ឋបាល នៃអគ្គនាយកដ្ឋានគយ និងរដ្ឋាករកម្ពុជា

2021/12/23 03:10:19 am        390
Facebook Telegram Linkin
ភ្នំពេញ៖​ នៅព្រឹកថ្ងៃទី២៣ ខែធ្នូ ឆ្នាំ២០២១នេះ សម្តេចតេជោ ហ៊ុន សែន នាយករដ្ឋមន្ត្រី បានអញ្ជើញជាអធិបតីភាពដ៏ខ្ពង់ខ្ពស់បំផុត ក្នុងពិធីសំណេះសំណាល និងសម្ពោធដាក់ឱ្យប្រើប្រាស់ជាផ្លូវការអគាររដ្ឋបាល នៃអគ្គនាយកដ្ឋានគយ និងរដ្ឋាករកម្ពុជា។ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV News- សម្តេចតេជោ បញ្ជាក់ថា អគាររដ្ឋបាលគយចំណាយថវិកាជាង ៣៣លានដុល្លារ និង អគារសាលាជាតិគយចំណាយអស់ ជាង១៤លានដុល្លារ និង អគារសារមន្ទីរគយចំណាយអស់ ៣៨ម៉ឺនដុល្លារ លើការជួសជុល ដែលនេះជាការអភិវឌ្ឍសំខាន់លើផ្នែកហេដ្ឋារចនាសម្ព័ន្ធ ប៉ុន្តែបើនិយាយពីប្រវត្តិ គឺជាខួបលើកទី៧០នៃថ្ងៃបង្កើតរដ្ឋបាលគយកម្ពុជា។- សម្តេចតេជោ លើកឡើងថា ប្រវត្តិនៃការបង្កើតរដ្ឋបាលគយកម្ពុជា ជាស្នាព្រះហស្ថរបស់ព្រះករុណា នរោត្តម សីហនុ ព្រះបរមរតនកោដ្ឋ។- សម្តេចតេជោ ហ៊ុន សែន បានរំលឹកពីការតស៊ូស្វិតស្វាញ នៃវឌ្ឍនភាពគយ និងរដ្ឋាករកម្ពុជា ចាប់តាំងពីសម័យបារាំងគ្រប់គ្រងកម្ពុជា និងពេលទទួលឯករាជ្យពីបារាំង ព្រមទាំងបច្ចុប្បន្នភាព ហើយសម្តេចបានបញ្ជាក់ថា ធ្វើជាមនុស្សពេលផឹកទឹក ត្រូវនឹងឃើញប្រភព និងជ្រកក្រោមម្លប់ ត្រូវនឹកឃើញអ្នកដាំ ដែលនេះចង់រំលឹកពីគុណបំណាច់ដ៏ធំធេងនៃព្រះរាជបូនីយកិច្ចរបស់ព្រះបាទ នរោត្តម សីហនុ អតីតព្រះមហាក្សត្រកម្ពុជា។- សម្តេចតេជោ ហ៊ុន សែន បញ្ជាក់ថា ពីដំបូងឡើយ គយមិនមែនកើតឡើងដោយក្រសួងសេដ្ឋកិច្ច និងហិរញ្ញវត្ថុទេ គឺកើតឡើងដោយក្រសួងពាណិជ្ជកម្ម ដែលកាលនោះដឹកនាំដោយឯកឧត្តមរដ្ឋមន្ត្រី តាំង សារឹម។- សម្តេចតេជោ ហ៊ុន សែន បានបញ្ជាក់ថា យើងមិនអាចឲ្យគយស្ថិតក្រោមការគ្រប់គ្រងរបស់ក្រសួងពាណិជ្ជកម្មបានឡើយ ។ បើក្រសួងពាណិជ្ជកម្មគ្រប់គ្រងគយ វាមិនខុសពីមនុស្សតែម្នាក់ជាអ្នកទាត់បាល់ផង អ្នកចាំទីផងនោះទេ។- សម្តេចតេជោ ហ៊ុន សែន បានបញ្ជាក់ថា បើរដ្ឋមន្ត្រីណានិយាយពីការលក់គយតទៅទៀត នឹងត្រូវដកចេញពីតំណែងតែម្តង។ សម្តេចបញ្ជាក់ថា ការលក់គយស្មើនឹងលក់អធិបតេយ្យភាពជាតិ។ "យើងមិនឱនក្បាលចំពោះបរទេសណានោះទេ"។- សម្តេចតេជោ បានប្រកាសជាថ្មី គឺមិនអនុញ្ញាតអោយមានឡាន ដែលមិនទាន់បានបង់ពន្ធបើកបរលើផ្លូវនោះទេ ដោយសម្តេចជំរុញអោយរថយន្តគ្មានពន្ធ ឡានចង្កូតស្តាំ ជ្រកក្រោមស្លាកលេខនានាត្រូវចូលមកបង់ពន្ធអោយបានត្រឹមត្រូវ។- សម្តេចតេជោ ហ៊ុន សែន បានបញ្ជាក់ជាថ្មីម្តងទៀតថា រាជរដ្ឋាភិបាលកម្ពុជាមិនអាចឱនកក្បាលទៅ រណបប្រទេសណា ដើម្បីយកជំនួយបាននោះឡើយ ខណៈប្រទេសខ្លះផ្តល់ជំនួយមកកម្ពុជា ដោយ ភ្ជាប់មកលក្ខខណ្ឌមកជាមួយនោះ។- សម្តេចតេជោ ហ៊ុន សែន បានលើកឡើងថា ការផ្តល់តំណែងជា មេគយនៅកម្ពុជា គឺជាឆន្ទានុសិទ្ធិ របស់រាជរដ្ឋាភិបាលជាអ្នកសម្រេច ពុំមានការរត់ការដើម្បីដោះដូរ និងតំឡើងនោះឡើយ។-សម្តេចតេជោ ហ៊ុន សែន បានបញ្ជាក់ជាថ្មីទៀតថា រាជរដ្ឋាភិបាលបានចំណាយបួនរយលានដុល្លារសម្រាប់ផ្គត់ផ្គង់ភ្លើងនៅរាជធានីភ្នំពេញ និងបួនរយលានដុល្លារទៀតនៅខេត្តព្រះសីហនុ ខណៈខេត្តសៀមរាបចំនួនពីររយលានដុល្លារនោះ។- សម្តេចតេជោ ហ៊ុន សែន បានបញ្ជាក់ថា រាជរដ្ឋាភិបាលហ៊ុន សែន មិនមែនជារាជរដ្ឋាភិបាលកញ្ជើធ្លុះនោះឡើយ ខណៈការគ្រប់គ្រងថវិកានៅក្នុងក្រសួងសេដ្ឋកិច្ច និងហិរញ្ញវត្ថុគឺមានរបៀបរៀបរយល្អណាស់ ដោយមិនចេះតែចំណាយផ្តេសផ្តាសនោះឡើយ។- សម្តេចតេជោ ហ៊ុន សែន បានបញ្ជាក់ជាថ្មីទៀតថា នាពេលបច្ចុប្បន្ននេះ រាជរដ្ឋាភិបាលបានចំណាយជាង ៣០លានដុល្លារអាមេរិក សម្រាប់ចិញ្ចឹមប្រជាពលរដ្ឋរបស់ខ្លួន ក្នុងវិបត្តិកូវីដ១៩ (កម្មវិធីជំនួយសង្គមឧបត្ថម្ភគ្រួសារក្រីក្ររងផលប៉ះពាល់ដោយសារកូវីដ) ដោយក្នុងនោះមិនទាន់គិតចំពោះការចំណាយអ្នកសម្រាកព្យាបាលនៅមន្ទីរពេទ្យនោះឡើយ។- សម្តេចតេជោ ហ៊ុន សែន បានបញ្ជាក់ថា រហូតមកដល់ពេល នេះ ប្រទេសកម្ពុជាមានករណីមេរោគកូវីដ១៩ បំប្លែងថ្មីប្រភេទ អូមីក្រុង ចំនួន៨ករណីហើយ។- សម្តេចតេជោ ហ៊ុន សែន ប្រកាសឲ្យឯកឧត្ដមឧបនាយករដ្ឋមន្ត្រី អូន ព័ន្ធមុនីរ័ត្ន បន្តជារដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ដើម្បីធ្វើទំនើបកម្ម និងភាពចាំបាច់នៅស្ថាប័នមួយនេះ ដែលជាឫសគល់ នៃសេដ្ឋកិច្ចជាតិទាំងមូល។- សម្ដេចតេជោ ហ៊ុន សែន បានបញ្ចេញឱ្យដឹងពីការបម្រុងត្រៀមវ៉ាក់សាំងសម្រាប់ការចាក់ដូសទី៤ដល់ក្រុមជួរមុខ មានក្រុមគ្រូពេទ្យ និងក្រុមដទៃទៀតដែលកំពុងប្រយុទ្ធនឹងជំងឺកូវីដ-១៩- សម្តេចតេជោ ហ៊ុន សែន បានបញ្ជាក់ថា ចាប់ពីពេលនេះតទៅ គឺមិនអនុញ្ញាតិឲ្យមានទំនិញគេចពន្ធបន្ត ទៀតបន្តទៀតនោះឡើយជាពិសេសគឺឡាន និងម៉ូតូតែម្តង។- សម្តេចតេជោ ហ៊ុន សែន ប្រកាសថា វត្តមានសម្តេចទៅមីយ៉ាន់ម៉ា នាពេលខាងមុខ គឺដើម្បីសុខុដុមនីយកម្មអាស៊ាន ពីអាស៊ាន១០ឲ្យនៅចំនួន១០ដដែល។ សម្តេចតេជោបញ្ជាក់ថា អាស៊ាន៩ គឺជាអាស៊ានមិនគ្រប់ទឹក។- សម្តេចតេជោ ហ៊ុន សែន បានបញ្ជាក់ថា ដំណើរទស្សនកិច្ចរបស់សម្តេចទៅប្រទេសមីយ៉ាន់ម៉ា គឺមិនមានអ្វីខុសនោះទេ ខណៈប្រទេសមួយចំនួនរិះគន់សម្តេចចំពោះដំណើរទស្សនកិច្ចនេះតើប្រទេសទាំងនោះបានផ្តាច់ស្ថានទូតរបស់ពួកផងខ្លួនចេញពីប្រទេសមីយ៉ាន់ម៉ាហើយឬនៅ?- សម្តេចតេជោបានមានប្រសាសន៍សង្កត់ធ្ងន់ថា ការធ្វើដំណើរទៅកាន់ប្រទេសមីយ៉ាន់ម៉ា មិនមែនជារឿងខុសនោះទេ ដរាបណាប្រទេសផ្សេងៗនៅលើពិភពលោក មិនទាន់ផ្តាច់ទូតចេញពីមីយ៉ាន់ផងនោះ រីឯកម្ពុជាក៏មានទូតនៅប្រទេសមីយ៉ាន់ម៉ាដូចគ្នា ហេតុអ្វីបានជាកម្ពុជាមិនអាចធ្វើបាន?- សម្តេចតេជោ ផ្តាំទៅមេដឹកនាំ និង អ្នកកាសែតនៅប្រទេសដែលរិះគន់សម្តេច សូមទៅរៀនសូត្រឡើងវិញពីទំនាក់ទំនងការទូត ។ ក្នុងឋានៈជាប្រធានអាស៊ាន សម្តេចនឹងធ្វើអោយអាស៊ានចេញពី៩ មក ១០វិញដែលហៅថា អាស៊ានគ្រប់ទឹក ។- សម្តេចតេជោក៏បានដាក់សំណួរទៀតថា «ប្រសិនបើមិនអោយនិយាយជាមួយមេដឹកនាំប្រទេសមីយ៉ាន់ម៉ាបច្ចុប្បន្នដើម្បីដោះស្រាយបញ្ហា តើអោយនិយាយជាមួយអ្នកណា?»**ប្រសាសន៍សម្ដេចតេជោ ចប់នៅម៉ោង១០និង០០នាទី

ដីព្រៃលិចទឹកតំបន់៣ក្នុងខេត្តពោធិ៍សាត់ជាង ១ពាន់ហិកតា ត្រូវបានពលរដ្ឋប្រគល់ជូនរដ្ឋវិញ

2021/12/22 05:08:35 pm        816
Facebook Telegram Linkin
ពោធិ៍សាត់៖ ប្រជាពលរដ្ឋចំនួនជាង ៣០០គ្រួសារ ក្នុងចំណោមជាង ៤០០គ្រួសារ នៅក្នុងខេត្តពោធិ៍សាត់ បានស្ម័គ្រចិត្តប្រគល់ដីព្រៃលិចទឹក ដែលពួកគេធ្លាប់អាស្រ័យផល ចំនួនជាង ១ពាន់ហិកតាឱ្យរដ្ឋវិញ។ផ្ទៃដីព្រៃលិចទឹកតំបន់៣ ដែលរងការទន្ទ្រានកាន់កាប់ មុនឆ្នាំ២០១២ និងក្រោយឆ្នាំ២០១២ ក្នុងភូមិ​សាស្ត្រខេត្តពោធិ៍សាត់ មានចំនួន៦៧ទីតាំង មានទំហំជាង ៥ពាន់ហិកតា ពាក់ព័ន្ធ​នឹង​ប្រជាពលរដ្ឋចំនួនជាង ១៧០០គ្រួសារ។សម្រាប់មុខសញ្ញា ដែលត្រូវប្រគល់ដីជូនរដ្ឋវិញជាដាច់ខាត មានចំនួន៤៦១គ្រួសារ មានផ្ទៃដី​ទំហំជាង ១៥០០ហិកតា។ ជាជំហានដំបូង ​គិតត្រឹមថ្ងៃទី២០ ​ខែធ្នូនេះ ប្រជាពលរដ្ឋ ចំនួន ៣២៧គ្រួសារ ដែលបានកាន់កាប់ និងធ្វើស្រែចម្ការលើផ្ទៃដីទំហំជាង ១១០០ហិកតា ក្នុងស្រុកចំនួន៣ គឺ ស្រុកកណ្ដៀង បាកាន និងក្រគរ បានស្ម័គ្រចិត្តប្រគល់ជូនរដ្ឋវិញ។តួលេខនេះយោងតាមរបាយការណ៍ក្នុងកិច្ចប្រជុំ ស្តីពីបច្ចុប្បន្នភាព នៃការទន្ទ្រានដីព្រៃលិចទឹក​ជុំវិញ​បឹងទន្លេសាប​ និងការចាត់វិធានការបន្ត ​កាលពីម្សិលមិញ ​នៅសាលាខេត្តពោធិ៍សាត់ ដែលដឹក​នាំកិច្ច​ប្រជុំដោយ​ឯកឧត្តម សរ សុវណ្ណ រដ្ឋលេខាធិការ ​តំណាងឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី​ នគរូបនីយកម្ម ​និងសំណង់ ​និងឯកឧត្តម ជាវ តាយ អភិបាល​ខេត្តពោធិ៍សាត់។ក្នុងខេត្តពោធិ៍សាត់ ដីតំបន់៣ មានទំហំជាង ៩៤០០០ហិកតា ​ស្មើនឹង១៥ភាគរយ​ នៃផ្ទៃដីតំបន់៣ និងមានចំនួន៧៦ចំណុច ​នៅក្នុងភូមិសាស្ត្រស្រុកចំនួន៣ ​គឺស្រុកបាកាន ស្រុកកណ្តៀង និងស្រុកក្រគរ។តាមលទ្ធផលចុះពិនិត្យស្រាវជ្រាវជាក់ស្តែង របស់ក្រុមការងារអន្តរក្រសួង និងក្រុមការងារថ្នាក់​ខេត្ត​បានរកឃើញថា ​ផ្ទៃដីព្រៃលិចទឹកតំបន់៣ ​បានរងការទន្ទ្រានកាន់កាប់ក្នុងស្រុកទាំង៣ ដូចជា១- ស្រុកបាកាន ចំនួន២០ទីតាំង មានផ្ទៃដីទំហំ ២២៥១ហិកតា ពាក់ព័ន្ធនឹងប្រជាពលរដ្ឋចំនួន ៧០៤គ្រួសារ ក្នុងនោះស្ថានភាពកាន់កាប់ក្រោយឆ្នាំ២០១២ មានទំហំ៥៩៩ហិកតា។ ២- ស្រុកកណ្តៀង មាន១៩ទីតាំង ​មានផ្ទៃដីទំហំប្រមាណ ១៧៣៨ហិកតា ​ពាក់ព័ន្ធនឹងប្រជាពលរដ្ឋ ចំនួន៥៨៧គ្រួសារ ក្នុងនោះស្ថានភាពកាន់កាប់ក្រោយឆ្នាំ២០១២ ​មានទំហំ៥០៤ហិកតា និង៣- ស្រុកក្រគរ ​មាន២៨ទីតាំង​ មានផ្ទៃដីទំហំ ​ប្រមាណជាង ១០០០ហិកតា​ ពាក់ព័ន្ធនឹងប្រជាពលរដ្ឋ ចំនួន ៥៩៨គ្រួសារ ក្នុងនោះស្ថានភាពកាន់កាប់ក្រោយឆ្នាំ២០១២​ មានទំហំ៤១៤ហិកតា៕អត្ថបទ៖ ពៅ ភិរុណ 

អាជ្ញាធរជាតិអប្សរា ធ្វើការ​ជួសជុល​ក្បាច់​ចម្លាក់​នៅប្រាសាទភ្នំក្រោម ​ដែលកំពុង​ទទួល​រងការ​ខូចខាត​ធ្ងន់ធ្ងរ

2021/12/22 04:39:10 pm        503
Facebook Telegram Linkin
សៀមរាប៖ ក្រុមអ្នកបច្ចេកទេសអាជ្ញាធរជាតិអប្សរា កំពុងដំណើរការជួសជុលសង្រ្គោះក្បាច់ចម្លាក់នានា នៅប្រាសាទភ្នំក្រោមដែលកំពុងទទួលរងនូវការខូចខាតធ្ងន់ធ្ងរ ប្រឈមនឹងគ្រោះថ្នាក់ខ្លាំងដោយថ្មប្រាសាទ មានការពុកផុយរបេះធ្លាក់ ពិសេសនៅរដូវវស្សា។ការជួសជុលដែលចាប់ដំណើរការពីដើមខែធ្នូ ឆ្នាំ២០២១មកនេះ បាន​ផ្តោតសំខាន់ទៅ​លើ​ការងារ​ពង្រឹង​ក្បាច់ចម្លាក់មួយចំនួន ដែលនៅ​សេសសល់​តាម​ជញ្ជាំង​ប្រាសាទ ​កុំអោយខូចខាតបន្តទៀត។ ដោយប្រើប្រភេទកាវ​ពិសេសម្យ៉ាង បាញ់​បញ្ចូល​ក្នុង​សាច់ថ្មដែលពុកផុយ ឱ្យមានភាព​រឹងមាំ​ឡើងវិញ។គម្រោងនេះ ត្រូវប្រើពេលយ៉ាងហោចក៏៣ខែដែរ ដោយគ្រោងនឹងបញ្ចប់នា​ដំណាច់​ខែកុម្ភៈ​ឆ្នាំ២០២២ ខាងមុខ៕

ឯកឧត្តមបណ្ឌិតសភាចារ្យ សុខ ទូច៖ កម្ពុជាប្រៀបដូចជាផ្លែម្ទេសដែលមិនមាននៅក្នុងចាននំបញ្ចុក

2021/12/22 04:32:30 pm        706
Facebook Telegram Linkin
ភ្នំពេញ៖ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិតសភាកម្ពុជា បានចាត់ទុកប្រទេសកម្ពុជា ប្រៀបបានដូចជាផ្លែម្ទេសដែលមិនមាននៅក្នុងចាននំបញ្ចុក ខណៈកម្ពុជានឹងធ្វើជាប្រធានអាស៊ាន ប្តូរវេននៅក្នុងឆ្នាំ២០២២ខាងមុខនេះ ហើយមានមតិរិះគន់ថាកម្ពុជា នឹងមិនអាចដោះស្រាយអ្វីបាននោះឡើយ ជាពិសេសបញ្ហាសមុទ្រចិនខាងត្បូង និងបញ្ហានៅប្រទេសមីយ៉ាន់ម៉ាជាដើមនោះ។ថ្លែងនៅក្នុងពិធីបិទសន្និសីទអន្តរជាតិស្តីពី «តួនាទីរបស់ចិនក្នុង​សតវត្សរ៍​ទី​២១ និងទំនាក់ទំនង​របស់ចិន​ជាមួយអាស៊ាន» នាព្រឹកថ្ងៃទី២២ ខែធ្នូ ឆ្នាំ២០២១នេះ ​ឯកឧត្តមបណ្ឌិត សុខ ទូច បាន​លើកឡើងថា ប្រទេសកម្ពុជារងភាពអយុត្តិធម៌ខ្លាំងណាស់ ​ក្នុងពេលខ្លួនធ្វើជាម្ចាស់ផ្ទះនៃកិច្ច ប្រជុំអាស៊ាន​ ខណៈប្រទេសដទៃដោះស្រាយមិនបានដែរតែគ្មានសម្ពាធ និងការរិះគន់អ្វីនោះទេ ប៉ុន្តែទាំង​មជ្ឈដ្ឋានជាតិ ​និងអន្តរជាតិមករករឿង ​និង​ដាក់​សម្ពាធ​តែ​មកលើកម្ពុជាទៅវិញ។សូមបញ្ជាក់ថា ប្រទេសកម្ពុជា​នឹងធ្វើជាម្ចាស់ផ្ទះ នៃកិច្ចប្រជុំប្តូរវេន ​នៅក្នុងឆ្នាំ២០២២ខាងមុខនេះ ហើយបន្ទាប់ពីសម្តេចតេជោ ​ហ៊ុន សែន នាយករដ្ឋមន្រ្តី ​ទទួល​ញញួរ​ធ្វើជាម្ចាស់ផ្ទះនៃកិច្ចប្រជុំ មានជន ​អគតិមួយចំនួនបានធ្វើការរិះគន់​ និងវាយប្រហារចំពោះសម្តេចតេជោ ដោយលើកឡើងថា នឹងមិនអាចដោះស្រាយបញ្ហាអ្វីបាននោះឡើយ ជាពិសេសគឺបញ្ហាសមុទ្រចិនខាងត្បូង និងបញ្ហាវិបត្តិនៅប្រទេសមីយ៉ាន់ម៉ាជាដើម។យ៉ាងណាក៏ដោយឯកឧត្តម បណ្ឌិតសភាចារ្យ សុខ ទូច បានចាត់ទុកការរិះគន់របស់ពួកទាំង នោះពុំ​សមហេតុ​សមផល ខណៈប្រទេសដទៃផ្សេងទៀត ​ដែលមានសេដ្ឋកិច្ច​ជឿនលឿន​ជាង​ប្រទេស​កម្ពុជា​ផង​ ពេលពួកផងខ្លួនធ្វើជាម្ចាស់ផ្ទះនៃកិច្ចប្រជុំ ​ក៏ដោះស្រាយបញ្ហាទាំងនេះមិនរួចដែរ តែនាំគ្នា​សម្រុក​រិះគន់​តែ​រាជរដ្ឋាភិបាលកម្ពុជានោះ៕ អត្ថបទ៖ បាន ចក់

បណ្ដាញសង្គម

ព័ត៌មានថ្មីៗ

ក្រសួងទេសចរណ៍កម្ពុជា និងខេត្តយូណានចុះអនុស្សរណៈចំនួន ៥ លើកិច្ចសហប្រតិបត្តិការវិស័យទេសចរណ៍ជាមួយគ្នា
08/27/2025 09:08 PM
Facebook Telegram Linkin
​ក្រសួងការពារជាតិកម្ពុជាសម្តែងការសោកស្តាយចំពោះឧបទ្ទវហេតុផ្ទុះគ្រាប់មីនបណ្តាលឱ្យកងទ័ពថៃរងរបួស ខណៈកម្ពុជាមិនបានប្រើប្រាស់ និងមិនបានដាក់គ្រាប់មីនថ្មីឡើយ
08/27/2025 08:08 PM
Facebook Telegram Linkin
គ្រោះថ្នាក់រថយន្តក្រុងដឹកអ្នកដំណើរ នៅអាហ្វហ្គានីស្ថាន បណ្ដាលឲ្យមនុស្ស ២៥នាក់ស្លាប់
08/27/2025 08:08 PM
Facebook Telegram Linkin
​​រដ្ឋមន្រ្តីសុខាភិបាល «អាកាសយានដ្ឋានអន្តរជាតិតេជោ ក្លាយជាច្រកព្រំដែនអាកាសរបស់ជាតិ យ៉ាងទូលំទូលាយជាមួយពិភពលោក ខណៈសុខាភិបាលផ្តោតការយកចិត្តទុកដាក់ខ្ពស់ លើសុវត្ថិភាពផ្នែកសុខភាព សម្រាប់ផ្តល់ជូនអ្នកដំណើរគ្រប់ៗគ្នា»
08/27/2025 08:08 PM
Facebook Telegram Linkin
ឯកឧត្តមគង់ សុភី លើកឡើងថា សិក្ខាសាលាស្តីពីឌីជីថលូបនីយកម្មក្នុងរដ្ឋបាលសាធារណៈ នៅខេត្តសៀមរាបសម្រេចបានសមិទ្ធផលធំៗចំនួន ៥
08/27/2025 08:08 PM
Facebook Telegram Linkin
គណៈរដ្ឋមន្ត្រីអាល្លឺម៉ង់ អនុម័តសេចក្ដីស្នើច្បាប់ចូលបម្រើយោធាដោយស្ម័គ្រចិត្ត
08/27/2025 08:08 PM
Facebook Telegram Linkin
IAEA វិលទៅកាន់អ៊ីរ៉ង់វិញ តែមិនទាន់មានកិច្ចព្រមព្រៀង ស្តីពីការត្រួតពិនិត្យ
08/27/2025 08:08 PM
Facebook Telegram Linkin
សម្តេច ប៉ាប ឡេអូ អំពាវនាវឲ្យមានបទឈប់បាញ់ និងការដោះលែងចំណាប់ថ្នូរ នៅក្នុងជម្លោះអ៊ីស្រាអែល-ហាម៉ាស
08/27/2025 08:08 PM
Facebook Telegram Linkin
ចិន និងអារ៉ាប៊ីសាអ៊ូឌីត បើកកិច្ចពិភាក្សាពាណិជ្ជកម្ម និងវិនិយោគ នៅទីក្រុងប៉េកាំង
08/27/2025 08:08 PM
Facebook Telegram Linkin
កូរ៉េខាងត្បូងនឹងហាមមិនឲ្យប្រើទូរសព្ទដៃ ក្នុងថ្នាក់រៀន ចាប់ពីខែមីនាឆ្នាំក្រោយ
08/27/2025 08:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.