នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធាន​ក្រុមការងារ​ចុះមូលដ្ឋាន ប្រកាស​បញ្ចូលសមាជិកថ្មី​​គណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ
សម្ដេច​តេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន
ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី
ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ​ និង ការអភិវឌ្ឍន៍

រាជរដ្ឋាភិបាលកម្ពុជា នឹងផ្ដល់ជំនួយសម្ភារៈបរិក្ខារវេជ្ជសាស្ត្រ​ជូន​សាធារណរដ្ឋ​សហភាព​មីយ៉ាន់ម៉ា​នៅ​ថ្ងៃស្អែក

2022/01/06 04:44:56 am        416
Facebook Telegram Linkin
ភ្នំពេញ៖ រាជរដ្ឋាភិបាល និងប្រជាជននៃព្រះរាជាណាចក្រកម្ពុជា នឹងផ្ដល់ជំនួយម៉ាសចំនួន៣លាន , ម៉ាសN95ចំនួន២សែន និងសម្ភារៈបរិក្ខារវេជ្ជសាស្ត្រជាច្រើនទៀត ដល់រដ្ឋាភិបាល និងប្រជាជន សាធារណរដ្ឋសហភាពមីយ៉ាន់ម៉ា នៅថ្ងៃទី០៧ ខែមករា ឆ្នាំ២០២២ស្អែកនេះ ស្របនឹងដំណើរទស្សនកិច្ចរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ទៅកាន់សហភាពមីយ៉ាន់ម៉ា នៅថ្ងៃទី៧-៨ ខែមករា ឆ្នាំ២០២២ផងដែរ។ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV Newsលោកជំទាវវេជ្ជបណ្ឌិត យក់ សម្បតិ្ត រដ្ឋលេខាធិការក្រសួងសុខាភិបាល ប្រាប់​បណ្តាញ​អ្នក​សារព័ត៌មាន ​នៅឃ្លាំងឱសថកណ្តាល នៃក្រសួងសុខាភិបាល ព្រឹកថ្ងៃទី៦ ខែមករា ឆ្នាំ២០២២នេះថា ថ្ងៃនេះក្រសួងសុខាភិបាល សហការជាមួយអាកាសចរណ៍ស៊ីវិល និងក្រុមហ៊ុន Cambodia Aiways ដែល​មានភារកិច្ចដឹក​ជញ្ជូន​សម្ភារៈបរិក្ខារដែល​ជាអំណោយ​របស់ប្រមុខរាជរដ្ឋាភិបាល នៃព្រះរាជា​ណា​ចក្រកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន​ នាយករដ្ឋមន្រី្ត ដែលនឹង​ដឹកនាំ​ប្រតិភូជាន់ខ្ពស់ ទៅទស្សនកិច្ចការងារនៅសាធារណរដ្ឋសហភាពមីយ៉ាន់ម៉ា។ទន្ទឹមនឹងនោះ សម្តេចតេជោ មានជាសម្ភារៈបរិក្ខារវេជ្ជសាស្រ្ត ​ដែលជាជំនួយរបស់រាជរដ្ឋាភិបាល និង​ប្រជាជនកម្ពុជា​ ជូនដល់សាធារណរដ្ឋសហភាពមីយ៉ាន់ម៉ា​ ដើម្បីចូលរួមប្រយុទ្ធប្រឆាំងកូវីដ១៩។លោកជំទាវវេជ្ជបណ្ឌិត យក់ សម្បតិ្ត បានបញ្ជាក់ទៀតថា ​គិតត្រឹមថ្ងៃនេះ កម្ពុជា បានប្រគល់​ជំនួយ​ម៉ាស និងសម្ភារៈបរិក្ខារវេជ្ជសាស្រ្ត ​ជូនដល់ប្រទេសចំនួន៦រួចមកហើយ ដើម្បីចូលរួម​ប្រយុទ្ធប្រឆាំង​ជំងឺ​កូវីដ-១៩។ និយាយដោយឡែកសម្រាប់មីយ៉ាន់ម៉ា គឺជាលើកទី៣ហើយ​ដែលកម្ពុជាប្រគល់​ជំនួយ​ជូនប៉ុន្តែការប្រគល់ជំនួយនេះ កម្ពុជាមិនបញ្ឈប់ត្រឹមនេះទេ។កម្ពុជានឹងបន្តចែករំលែកសាមគ្គីភាពរវាងប្រទេស ​ដែលជាសមាជិកអាស៊ាន ទាំងការងារ និង​យុទ្ធសាស្រ្ត ​ក្នុងការទប់ស្កាត់ជំងឺកូវីដ-១៩ ទាំងសម្ភារៈ ​និងបរិក្ខារវេជ្ជសាស្រ្តជាដើម៕អត្ថបទ រដ្ឋា 

មីយ៉ាន់ម៉ារឹតបន្តឹងសន្តិសុខ និងសុវត្ថិភាពសម្រាប់ដំណើរទស្សនិច្ចរបស់សម្តេចតេជោ ហ៊ុន សែន រយៈពេលពីរថ្ងៃ

2022/01/06 11:34:29 am        510
Facebook Telegram Linkin
ភ្នំពេញ៖ ឯកឧត្តម កុយ គួង អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ បានឲ្យដឹងថា ស្របពេលដំណើរទស្សនកិច្ចផ្លូវការរបស់សម្តេចតេជោ ហ៊ុន សែន នាយករដ្ឋមន្រ្តី ទៅកាន់ប្រទេសមីយ៉ាន់ម៉ាកាន់តែខិតជិតមកដល់ អាជ្ញាធរមីយ៉ាន់ម៉ាបានរឹតបន្តឹងសន្តិសុខ និងការការពារសុវត្ថិភាពខ្ពស់ជាងមុន។តបតាមការអញ្ជើញរបស់ឯកឧត្តម នាយឧត្តមសេនីយ៍ជាន់ខ្ពស់ មីន អោង ឡាំង ប្រធានក្រុម​ប្រឹក្សា​រដ្ឋបាលរដ្ឋនៃសាធារណរដ្ឋសហភាពមីយ៉ាន់ម៉ា​ សម្តេចតេជោ ហ៊ុន សែន នាយករដ្ឋមន្រ្តីនៃ​ព្រះរាជា​ណាចក្រកម្ពុជា ​នឹងដឹកនាំគណៈប្រតិភូជាន់ខ្ពស់ទៅបំពេញទស្សនកិច្ចនៅមីយ៉ាន់ម៉ា​ រយៈពេល២ថ្ងៃ ចាប់ពីថ្ងៃទី០៧ ​ដល់ថ្ងៃទី០៨ ខែមករា ឆ្នាំ២០២២។មុនមួយសប្តាហ៍នៃការបំពេញទស្សនកិច្ចរបស់សម្តេចតេជោ ហ៊ុន សែន ទៅកាន់ប្រទេសមីយ៉ាន់ម៉ា មានករណីផ្ទុះគ្រាប់បែកកែច្នៃចំនួនពីរគ្រាប់ក្បែរស្ថានទូតកម្ពុជាប្រចាំប្រទេសមីយ៉ាន់ម៉ា ដែល​បញ្ហានេះ​ត្រូវបានឯកឧត្តម កុយ គួង អ្នកនាំពាក្យក្រសួងការបរទេស ​និងសហប្រតិបត្តិការអន្តរជាតិ បានអះអាងថា ក្នុងនាម​ជាម្ចាស់ផ្ទះ​ដែល​បានអញ្ជើញប្រមុខ​រាជរដ្ឋាភិបាលកម្ពុជា​ទៅ​កាន់​ប្រទេស​របស់ខ្លួន ​មីយ៉ាន់ម៉ាប្រាកដ​ជាយល់ច្បាស់​អំពីស្ថានការណ៍ មានន័យថា​មីយ៉ាន់ម៉ា​បាន​គិតគូរ​ខ្ពស់​ចំពោះការ​ទទួល​ស្វាគមន៍វត្តមានរបស់សម្តេចតេជោ ហ៊ុន សែន។ឆ្លើយតបជុំវិញបញ្ហាសន្តិសុខ និងការការពារសុវត្ថិភាពជូនសម្តេចតេជោ​ នាយករដ្ឋមន្រ្តី​មុនការ​អញ្ជើញ​ទស្សនកិច្ចផ្លូវការ​ អ្នកនាំពាក្យក្រសួងការបរទេសរូបនេះ ​បានបញ្ជាក់ថា ស្ថានទូតកម្ពុជា​ប្រចាំ​ប្រទេសមីយ៉ាន់ម៉ា ​រួមជាមួយអាជ្ញាធរមីយ៉ាន់ម៉ា​បានទំនាក់ទំនង​ និងសហហការគ្នាជាប្រចាំ។ ក្នុងនោះ ​ក្រោយករណីផ្ទុះគ្រាប់កែច្នៃមក បញ្ហាសន្តិសុខមីយ៉ាន់ម៉ាត្រូវបាន​បង្កើនការការ​ពារ​សុវតិ្ថភាព​ខ្ពស់​ ពិសេសការទទួលខុសត្រូវចំពោះការការពារសុវត្ថិភាព​ជូនសម្តេចតេជោ ហ៊ុន សែន ក្នុងពេលដឹកនាំ​គណៈប្រតិភូជាន់ខ្ពស់​ទៅកាន់ប្រទេសមីយ៉ាន់ម៉ា។គួរបញ្ជាក់ថា ករណីផ្ទុះគ្រាប់បែកកែច្នៃចំនួនពីរលើក ​នៅក្បែរស្ថានទូតកម្ពុជាប្រចាំមីយ៉ាន់ម៉ា បាន​កើតឡើង ​កាលពីថ្ងៃទី៣១ ខែធ្នូ ឆ្នាំ២០២១កន្លងទៅ ដោយការផ្ទុះលើកទី១​នោះ​មាន​ចម្ងាយពី​ ១០០ម៉ែត្រ និងលើកទី២មានចម្ងាយ១៥០ម៉ែត្រ​ពីស្ថានទូតរបស់កម្ពុជា ប៉ុន្តែករណីផ្ទុះគ្រាប់​បែក​កៃច្នៃ​នេះ​មិន​បានបង្កឲ្យនរណាម្នាក់គ្រោះថ្នាក់ឡើយ៕អត្ថបទ៖ ឧត្តម

ស្ថានទូតអាមេរិកថា បញ្ហារឿងសញ្ញាបត្រលោក ហ៊ុន ម៉ាណែត ត្រូវបានបញ្ជាក់រួចហើយតាំងពីឆ្នាំ២០១៩

2022/01/06 10:45:08 am        2531
Facebook Telegram Linkin
អ្នកនាំពាក្យស្ថានទូតអាមេរិកប្រចាំកម្ពុជាលោក Chad Roedemeier បានឆ្លើយតបនឹងសារអេឡិចត្រូនិចអ៊ីម៉ែលរបស់សារព័ត៌មានក្នុងស្រុកថា បញ្ហាសញ្ញាបត្រលោក ហ៊ុន ម៉ាណែត ត្រូវបានសាលាទាហានអាមេរិក West Point បកស្រាយរួចហើយកាលពីឆ្នាំ២០១៩ ដែលមានន័យថាស្ដង់ដារសញ្ញាបត្ររបស់សាលាអាមេរិកមិនមានការបែងចែកស្ដង់ដារកម្រិត២ ឬសញ្ញាបត្រយោគយល់ដូចដែលលោក សម រង្ស៊ី លើកឡើងនោះទេ។  លោក Chad Roedemeier បានបញ្ជាក់ប្រាប់ថា ស្ថានទូតមិនអាចឆ្លើយតបរឿងសញ្ញាបត្រជំនួសសាលារបស់អាមេរិកនោះទេ តែលោកថាករណីសញ្ញាបត្ររបស់លោក ហ៊ុន ម៉ាណែត ត្រូវបានសាលា West Point បកស្រាយរួចហើយកាលពីខែតុលា ឆ្នាំ២០១៩ ដែលពេលនោះប្រធានផ្នែកកិច្ចការសាធារណៈ និងទំនាក់ទំនងនៅសាលាបណ្ឌិត្យសភាយោធាអាមេរិក West Point លោក Christopher Ophardt បានបញ្ជាក់កាលពីខែតុលា ឆ្នាំ២០១៩ថា ការអនុញ្ញាតដល់សិស្សអន្តរជាតិបានមកសិក្សានៅសាលាបណ្ឌិតសភាអាមេរិក West Point គឺជាគំនិតផ្ដួចផ្ដើមរបស់ក្រសួងការបរទេសនិងក្រសួងការពារជាតិអាមេរិក។ ហើយរបៀបនៃជ្រើសរើស ការសិក្សា និងបណ្ដុះបណ្ដាលយោធាគឺដូចគ្នាទៅនឹងសិស្សជនជាតិអាមេរិកដូចគ្នា។ គ្មានការបែងចែកសិស្សកម្រិត២ ឬសិស្សទទួលបានការយោគយល់នោះទេ។  កាលពីព្រឹកថ្ងៃទី៥ ខែមករា ឆ្នាំ២០២២ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានស្នើដល់ឯកអគ្គរដ្ឋទូតអាមេរិកប្រចាំកម្ពុជាលោក Patrick Murphy ឱ្យជួយបកស្រាយករណីដែលមានការលើកឡើងថាសញ្ញាបត្រដែលនិស្សិតកម្ពុជាទទួលបានពីអាមេរិកគឺជាសញ្ញាបត្រកម្រិត២ ឬជាសញ្ញបត្រយោគយល់ ដោយថាដើម្បីការពារកិត្តិយសការអប់រំនៅក្នុងសហរដ្ឋអាមេរិក។  ការលើកឡើងរបស់សម្ដេចតេជោបែបនេះដោយរំលឹកពីការវាយប្រហារលើសញ្ញាបត្រដែលកូនប្រុសរបស់សម្ដេចតេជោ គឺលោក ហ៊ុន ម៉ាណែត ត្រូវបានលោក សម រង្ស៊ី លើកឡើងមកវាយប្រហារជានិច្ចជាកាល។ សម្ដេចតេជោស្នើដល់ឯកអគ្គរដ្ឋទូតអាមេរិកប្រចាំកម្ពុជាបកស្រាយករណីដែលចោទប្រកាន់នេះដោយថាដើម្បីការពារកិត្តិយសវិស័យអប់រំរបស់អាមេរិក។ សម្ដចតេជោថ្លែងថា៖ «អាចនឹងនិយាយបានទេពីបញ្ហាហ្នឹង! ដែលថាសាល West Point មានកម្រិតជាសញ្ញាបត្រប្រភេទ២ឬសញ្ញាបត្រកិត្តយស។ តើសហរដ្ឋអាមេរិកការពារជនខិលខូច ឬការពារសាលាអាមេរិក? មិនមែនការពារ ហ៊ុន ម៉ាណែត ទេ! គឺការពារសាលា។ […] អញ្ចឹងទេគឺមានតែសហរដ្ឋអាមេរិក និងអង់គ្លេស ដើម្បីការស្ថាប័នអបរំរបស់ខ្លួនគឺមានតែចេញមកបញ្ជាក់អញ្ចឹងទៅ។ ហើយបើថាចេញមកបញ្ជាក់អញ្ចឹងទៅហាក់បីដូចជាវាយប្រហារចំពោះអ្នកដែលបាននិយាយ។ អើ! អញ្ចឹងទុកអញ្ចឹងទៅ យើងក៏សម្គាល់មើលអាហ្នឹងដែរ។ តើគេការពារស្ថាប័នអប់រំរបស់គេ ឬគេការពារមនុស្សខិលខូច? យើងក៏សម្គាល់មើលរឿងហ្នឹងដែរ» ។  កាលពីថ្ងៃទី២៥ ខែធ្នូ កន្លងទៅលោក សម រង្ស៊ី បានផ្ដល់បទសម្ភាសន៍ជាមួយសារព័ត៌មានបរទេសដែលផ្សាយជាភាសាខ្មែរដោយបានលើកឡើងថាសញ្ញាបត្រដែលលោក ហ៊ុន ម៉ាណែត ទទួលបានទាំងពីសាលាបណ្ឌិតយោធា West Point និងសាកលវិទ្យាល័យញូវយ៉ករបស់សហរដ្ឋអាមេរិក និងសញ្ញាបត្រពីសាកលវិទ្យាល័យប្រ៊ីលស្ដូលនៅចក្រភពអង់គ្លេសគឺជាសញ្ញបត្រប្រភេទ២ ឬសញ្ញាបត្រយោគយល់។ បន្ទាប់មកដើម្បីការពារលើសញ្ញាបត្រខ្លួន លោក ហ៊ុន ម៉ាណែត បានប្រកាសហៅលោក សម រង្ស៊ី ភ្នាល់គ្នាដាក់«ជីវិតនយោបាយ» ប្រសិនជា សម រង្ស៊ី អាចរកភស្ភុតាងបញ្ជាក់ថាលោកទទួលបានសញ្ញាបត្រប្រភេទ២ ឬសញ្ញាបត្រយោគយល់ដូចដែល សម រង្ស៊ី អះអាងមែន។ ទោះជាយ៉ាងណាក្រោយរង់ចាំពីការភ្នាល់២ថ្ងៃដោយគ្មានការឆ្លើយតប លោក ហ៊ុន ម៉ាណែត បានដាក់បន្ថែមមួយទៀតដោយស្នើឱ្យលោក សម រង្ស៊ី ឈប់ធ្វើនយោបាយទៅព្រោះលោក សម រង្ស៊ី គ្មានភាពក្លាហានក្នុងការការពារអំណះអំណាងរបស់ខ្លួនមិនមែនជាគំរូរបស់ពលរដ្ឋ៕ 

ប្រជាពលរដ្ឋចោទក្រុមហ៊ុនផ្គត់ផ្គង់ទឹកស្អាតមួយនៅស្រុកសូទ្រនិគម ថាមានភាពមិន​ប្រក្រតី​

2022/01/05 12:55:51 pm        1082
Facebook Telegram Linkin
សៀមរាប៖ ប្រជាពលរដ្ឋជាច្រើនគ្រួសារ បានសម្ដែងការព្រួយបារម្ភ ខ្លាចប៉ះពាល់ដល់សុខភាពរបស់ពួកគេ ដោយសារការប្រើប្រាស់ទឹកម៉ែត្រគីបមានភាពមិនប្រក្រតី របស់ក្រុមមួយឈ្មោះក្រុមហ៊ុនផ្គត់ផ្គង់ទឹកស្អាតសូទ្រនិគម ខេត្ដសៀមរាប។ពលរដ្ឋមួយរូបលោក លីវ ឡូញ នៅភូមិដំដែក ឃុំដំដែក ស្រុកសូទ្រនិគម បានឱ្យដឹងកាលពីថ្ងៃទី ៤ខែមករាឆ្នាំ២០២២នេះថា ក្រុមហ៊ុនផ្គត់ផ្គង់ទឹកស្អាតសូទ្រនិគមនោះ មិនទឹកស្អាតដូចឈ្មោះ​ក្រុមហ៊ុននោះទេ ​ព្រោះការលក់ទឹកស្អាត​ មិនអាចដាំបាយ ឬហូបបាន ​ដោយសារមានក្លិនមិនល្អ និង​មានកករក្នុងទឹក។លោកថា ម្ចាស់ក្រុមហ៊ុនឈ្មោះ ជា វ៉េង លក់ទឹកក្នុងតម្លៃមួយម៉ែត្រគីប៣០០០រៀល និងគិតត​ម្លៃថែទាំ​នាឡិកាក្នុងមួយខែ១៥០០រៀលទៀត។ ជាមួយគ្នានោះ កុងទ័រគីឡូទឹក ក៏ដើរលឿន​ខុសប្រក្រតី ខណៈដែលរូបគាត់មិនបានប្រើទឹក ​ក៏ក្រុមហ៊ុននោះ​គិតថ្លៃទឹកក្នុង​មួយខែ​ចំនួន ២ម៉ែត្រគីបផងដែរ ។លោក បានបន្ដថា លោកប្រើប្រាស់ទឹករបស់ក្រុមហ៊ុននោះ ​ជាច្រើនឆ្នាំទាំងលំបាក និង​ព្រួយ​បារម្ភពីសុខភាព​ ដោយសារទីនោះគ្មាន​បណ្ដាញក្រុមហ៊ុនទឹកស្អាតផ្សេងទៀត ចូល​ដល់​ផ្ទះ​លោកបាន ។ប្រជាពលរដ្ឋពីររូបទៀតនៅឃុំដំដែក បានឱ្យដឹងស្រដៀងគ្នាដែរថា ​ទឹកស្អាតរបស់ក្រុមហ៊ុនលោកជា វ៉េង ​មិនអាចដាំបាយ ឬហូបបាននោះទេ ​ដោយសារទឹកនោះមានក្លឹនមិនល្អ គឺបានប្រើប្រាស់​ទៅ​លើការ​បោក​សំលៀកបំពាក់​ លាងចានឆ្នាំង​ និងលាងបន្លែឬស្រោចដំណាំប៉ុណ្ណោះ ហើយមាន​ពេល​ខ្លះទឹកស្អាតនោះស្រោចដំណាំក៏​មានផលប៉ះពាល់ដល់រុក្ខជាតិផងដែរ។ពួកគាត់បានបន្ដថា ​ការផ្គត់ផ្គង់ទឹកស្អាតក៏​មិនអាចប្រើប្រាស់មិនគ្រប់គ្រាន់ ជាពិសេស​នៅ​រដូវប្រាំង​ដាច់ទឹក។ ​ពួកគាត់ចង់ឱ្យមានក្រុមហ៊ុនទឹកច្រើន ដើម្បីងាយស្រួលបំរើដល់ប្រជាពលរដ្ឋ​ឱ្យ​បាន​គ្រប់គ្រាន់​ និងទឹកមានគុណភាពល្អ និងតម្លៃថោក ខណៈដែលអ្នកភូមិមួយចំនួនជីកអណ្ដូង​មិន​ចេញទឹក។ទាក់ទងករណីនេះ BTV ព្យាយាមទាក់ទងលោក ជា វ៉េង ម្ចាស់ក្រុមហ៊ុនផ្គត់ផ្គត់ទឹកស្អាតសូទ្រនិគម​ជាច្រើនលើក​ ប៉ុន្ដែលោក ជា វ៉េង ឆ្លើយថា​ច្រឡំ​លេខទូរស័ព្ទ។ប៉ុន្ដែលោក ម៉ក់ ប្រុស អភិបាលស្រុកសូទ្រនិគម ​លោកមានប្រសាសន៍ថា ​លោក ជា វ៉េង ជា​ម្ចាស់​ក្រុមហ៊ុនផ្គត់ផ្គង់ទឹកស្អាតសូទ្រនិគម ​និងជាប្រធានសមាគមទឹកស្អាតទូទាំងប្រទេស។លោកមិនជឿទៅលើប្រជាពលរដ្ឋប្រាប់ថា ​ទឹកនោះមិនល្អនោះទេ ​ព្រោះក្រុមហ៊ុនទឹកស្អាតនោះ បាន​ពិនិត្យត្រឹមត្រូវតាមបច្ចេកទេស ​ដែលថា ​ប្រជាពលរដ្ឋគ្រាន់​តែ​បំភ្លៃព័ត៌មាននោះទេ។លោក បានបញ្ជាក់ថា ក្នុងនាមអាជ្ញាធស្រុកបានគិតគូរដល់សុខភាពប្រជាពលរដ្ឋ ដោយមិនឱ្យ​មាន​បញ្ហា​មិនប្រក្រតីពីទឹកស្អាតកើតឡើងនោះទេ។ លោកមិនចង់ឱ្យផ្សាយ​ពីការ​សម្ភាសន៍​ប្រជាពលរដ្ឋនោះទេ។ទោះយ៉ាងណា ប្រជាពលរដ្ឋ បានឱ្យដឹងថា នៅស្រុកសូទ្រនិគម ខេត្ដសៀមរាប មាន​អាជីវកម្ម​ផ្គត់ផ្គង់ទឹកស្អាតឱ្យប្រជាពលរដ្ឋប្រើប្រាស់ចំនួន​២អាជីវកម្ម ក្នុងនោះរួមមាន​ក្រុម​ហ៊ុនផ្គត់ផ្គង់​ទឹកស្អាតសូទ្រនិគម​រសប់លោក ជា វ៉េង ​និងអាជីវកម្មផ្គត់ផ្គង់ទឹកស្អាតរបស់លោក ​អ៊ុង ស៊ីនួន និងលោក ប៉ូ ស៊ីណា៕

នគរបាល​បញ្ជូន​ខ្លួន​មនុស្ស ៣នាក់ទៅតុលាការ​ពាក់ព័ន្ធ​ដឹកនាំ​ការ​ប្រមូលផ្តុំតវ៉ា​ខាងមុខ​ក្រុមហ៊ុនណាហ្គា

2022/01/05 12:20:26 pm        620
Facebook Telegram Linkin
ភ្នំពេញ៖ នគរបាលបាននាំខ្លួនមនុស្ស ៣នាក់ទៀត ពាក់ព័ន្ធនឹងការញុះញង់ឱ្យមានការប្រមូលផ្តុំ តវ៉ាដោយខុសច្បាប់ នៅខាងមុខក្រុមហ៊ុនណាហ្គាវើលដ៍ ទៅដល់តុលាការហើយ នាព្រឹកនេះ ដើម្បីតំណាងអយ្យការបើកការស៊ើបសួរ។នគរបាលឃាត់ខ្លួន​ពួកគេ​ជា​បន្តបន្ទាប់ កាលពីរសៀលថ្ងៃទី០៤ ខែមករា ឆ្នាំ២០២២ ដោយ​អនុវត្តតាម​ដីកា​របស់តុលាការ ​ដែលបានសម្រេចចោទប្រកាន់ពីបទ ញុះញង់​បង្កឱ្យ​មានភាព​វឹកវរ​ធ្ងន់ធ្ងរ​ដល់សន្តិសុខសង្គម ​តាមមាត្រា៤៩៤ និងមាត្រា៤៩៥ ​នៃក្រមព្រហ្មទណ្ឌ។ មនុស្សទាំង៣នាក់នោះមានទី១ឈ្មោះ សុខ ណារិទ្ធ ទី២ឈ្មោះ សុខ គង្គា និងម្នាក់ទៀតឈ្មោះ ឈឹម ស៊ីថរ ។សូមបញ្ជាក់ថា ក្នុង​សំណុំរឿង​នេះ​មាន​ជនត្រូវចោទ​ចំនួន៩នាក់ គិតមកដល់ពេលនេះ​ ជនត្រូវចោទ​ទាំង៩នាក់ ​ត្រូវបានឃាត់បានទាំងអស់ហើយ ​និងឃុំខ្លួន៦នាក់ហើយ អ្នកដែលត្រូវ​បាន​ឃុំខ្លួន ៦នាក់នោះ រួមមានដូចជា៖ ១. រី សុវណ្ណឌី ២.សុន ស្រីពេជ ៣. ហៃ សុភាព ៤. ឃ្លាំង សុបិន្ត ៥.ទូច សិរីមាស និងទី៦. ឈឹម សុខន ។ អ្នកទាំង៦នាក់នេះ ត្រូវបានចៅក្រមស៊ើបសួរនៃសាលាដំបូង​រាជធានីភ្នំពេញ​សម្រេចឃុំខ្លួន ​នៅថ្ងៃទី០៣ ខែមករា ឆ្នាំ២០២១។មុនមានការឃាត់ខ្លួនមនុស្ស ៣នាក់បន្ថែមទៀតនេះដែរ កាលពីព្រឹកថ្ងៃទី០៤ ​ខែមករា ឆ្នាំ២០២២ តំណាងអយ្យការអមសាលាដំបូងរាជធានីភ្នំពេញ ​និងនគរបាលរាជធានីភ្នំពេញ ក៏បានធ្វើ​សន្និសីទ​កាសែត​បង្ហាញភស្តុតាងមួយចំនួន​ ដែលបញ្ជាក់ថា ការរៀបចំប្រមូលផ្តុំធ្វើការតវ៉ានៅខាងមុខ​ក្រុមហ៊ុន​ណាហ្គាវើលដ៍​ គឺមានការផ្តល់​ថវិការាប់ម៉ឺនដុល្លារ ​ពីអង្គការចាត់តាំងនៅក្រៅប្រទេស។សូមបញ្ជាក់ថា ​ការតវ៉ារបស់ក្រុមបាតុករកន្លងមក​ រដ្ឋបាលរាជធានីភ្នំពេញ ​និងក្រសួងការងារ និង​បណ្ដុះបណ្ដាលវិជ្ជាជីវៈ ​បានធ្វើការ​សម្របសម្រួល​ និងអំពាវនាវឱ្យផ្អាកសកម្មភាពតវ៉ា ដើម្បី​អបអរសាទរ​ដល់ការឆ្លងឆ្នាំសកល២០២២ ប៉ុន្តែក្រុមបាតុករមិន​បានបញ្ឈប់​សកម្មភាព​តាម​ការអំពាវនាវនោះឡើយ ​ទើបឈានដល់មានការអនុវត្តច្បាប់ និងស្រាវជ្រាវរក​ឬសគល់​នៃបញ្ហាតវ៉ានេះផងដែរ៕ អត្ថបទ ៖ ប្រាក់ វ៉ាន់ដា

ពលរដ្ឋបន្តមកចាក់វ៉ាក់សាំងដូសជំរុញ នៅមនី្ទរពេទ្យកុមារជាតិ ដើម្បីបង្កើនប្រព័ន្ធការពារខ្លួន​កាន់​តែរឹងមាំ

2022/01/05 12:08:47 pm        446
Facebook Telegram Linkin
ភ្នំពេញ៖ ប្រជាពលរដ្ឋជាច្រើន បានបន្តមកចាក់វ៉ាក់សាំងការពារជំងឺកូវីដ-១៩ នៅមនី្ទរពេទ្យកុមារជាតិ ដើម្បីបង្កើនប្រព័ន្ធការពារក្នុងខ្លួនកាន់តែរឹងមាំជាងមុន និងការពារជំងឺកូវីដ-១៩ កាន់តែប្រសើរជាងមុន។លោកសាស្រ្តាចារ្យវេជ្ជបណ្ឌិត ញឹប អង្គាបុស្ស នាយកមនី្ទរពេទ្យកុមារជាតិ បានប្រាប់BTV ព័ត៌មាន​នាព្រឹកថ្ងៃទី៥ ខែមករា ឆ្នាំ២០២២នេះថា ​សព្វថ្ងៃសកម្មភាពចាក់វ៉ាក់សាំងបង្ការជំងឺកូវីដ-១៩ ក្នុង​មនី្ទរពេទ្យកុមារជាតិ នៅបន្តធ្វើជាប្រចាំ ​បើទោះបីឃើញថាស្ថានភាពនៃប្រជាជន ដែលបាន​ទទួល​វ៉ាក់សាំង​ការពារជំងឺកូវីដ-១៩ ចំនួន២ដូស​ បានជាង៨០%ទូទាំងប្រទេស ប្រសិនបើក្រឡេកមើល​ក្នុង​ស្ថិតិទូទាំងប្រទេសបញ្ហាចាក់វ៉ាក់សាំងដូសជំរុញ ​ឬដូសទី៣ ​បើតាមស្ថិតិក្នុងរាជធានីភ្នំពេញ បានចំនួនជាង ៧០% ប៉ុន្តែនៅតាមបណ្តាខេត្តនានា គឺមានខេត្តខ្លះនៅមានចំនួនតិចតួចនៅឡើយ គឺមាន១០% ២០% ៣០% ឬរហូតដល់៤០%ជាដើម។បើយើងគិតទូទាំងប្រទេសតាមស្ថិតិក្នុងកិច្ចប្រជុំកាលពីសប្តាហ៍មុន​ បង្ហាញថា បាន ចំនួន​៣០%នោះទេ​ នៃចំនួនដូសជំរុញ​ ដែលយើងហៅថាដូសលើកទី៣។ជាមួយគ្នានោះដែរប្រជាពលរដ្ឋ ​មកទទួលការចាក់វ៉ាក់សាំងបង្ការជំងឺកូវីដ-១៩ បានលើកឡើង​ស្រដៀងគ្នាថា ​យុទ្ធនាការចាក់​ វ៉ាក់សាំងបង្ការជំងឺកូវីដ-១៩​ ជូនប្រជាពលរដ្ឋ ក្នុង​ក្របខណ្ឌ​ទូទាំងប្រទេស​ គឺមានប្រសិទ្ធភាពល្អ អាចឲ្យប្រជាជនទូទៅ​ រួមទាំងកុមារមានសុវតិ្ថភាពពីជំងឺកូវីដ-១៩ ​ជាពិសេសកុមារតូចៗ ​គាត់អាចត្រៀមខ្លួន​ ក្នុងការចូលរៀននាបវេសនកាលថ្មីនេះ។ជាចុងក្រោយលោកសាស្រ្តាចារ្យវេជ្ជបណ្ឌិត ​ញឹប អង្គាបុស្ស ក៏សូមអំពាវនាវ​ដល់​ប្រជា​ពលរដ្ឋ​គ្រប់រូប​ កុមារ យុវវ័យ​ ដែលមិនទាន់បានចាក់វ៉ាក់សាំងបង្ការជំងឺកូវីដ១៩ ​សូមអញ្ជើញមក​ចាក់​វ៉ាក់សាំង​ទាំងអស់គ្នា​ ដើម្បីរួមគ្នាឲ្យប្រព័ន្ធការពារសហគមន៍របស់យើងបានរឹងមាំ។ ដូច្នេះយើង​អាចការពារ​ជំងឺកូវីដ១៩ ហើយក៏យើងអាចបន្តការរស់នៅក្នុង​សភាពធម្មតា​តាមបែបគន្លងថ្មី៕អត្ថបទ រដ្ឋា

ព្រឹទ្ធសភា នឹងបើកកិច្ចប្រជុំអនុម័ត សេចក្តីព្រៀងច្បាប់ពាណិជ្ជកម្មសេរីកម្ពុជា-កូរ៉េ នៅថ្ងៃស្អែក

2022/01/05 11:36:32 am        448
Facebook Telegram Linkin
ភ្នំពេញ៖ មិនបង្អង់យូរនោះទេ ព្រឹទ្ធសភាជាតិនៅថ្ងៃទី៦ ខែមករា ឆ្នាំ២០២២ស្អែកនេះ នឹងបើកកិច្ចប្រជុំពេញអង្គ ដើម្បីអនុម័តសេចក្តីព្រៀងច្បាប់ ស្តីពីកិច្ចព្រមព្រៀងពាណិជ្ជកម្មសេរីរវាកម្ពុជា និងប្រទេសកូរ៉េខាងត្បូង ខណៈសេចក្តីព្រៀងច្បាប់នេះ រំពឹងថាជួយស្រោចស្រងសេដ្ឋកិច្ច នៃប្រទេសទាំងពីរ ដែលបានញាំញីដោយសារវិបត្តិជំងឺកូវីដ១៩នោះ ។ក្រោយកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា ដឹកនាំដោយ សម្ដេចវិបុលសេនាភក្តី សាយ ឈុំ ប្រព្រឹទ្ធសភាជាតិ នៅថ្ងៃទី៥ ខែមករា ឆ្នាំ២០២២ ឯកឧត្តម ម៉ម ប៊ុននាង អ្នកនាំពាក្យព្រឹទ្ធសភា មានប្រសាសន៍ថា ​កិច្ចព្រមព្រៀងដោះដូរពាណិជ្ជកម្មរវាងកម្ពុជា-កូរ៉េនេះ គឺជាកម្លាំងជលករ​ដ៏​សំខាន់ ក្នុងការជំរុញលំហូរពាណិជ្ជកម្មនៃប្រទេសទាំងពីរ ​និងធ្វើឲ្យសេដ្ឋកិច្ចកាន់តែរីកចម្រើន ។ឯកឧត្តម បន្តថា មួយវិញទៀត ​កិច្ចព្រមព្រៀងនេះ ​ក៏នឹងជួយស្រោចស្រងផងដែរ ​នូវបញ្ហាសេដ្ឋកិច្ច ដែលប្រទេសទាំងពីរ​ បានរងផលប៉ះពាល់ ​ដោយសារវិបត្តិនៃជំងឺកូវីដ-១៩ ដែលកំពុងតែរាតត្បាត​នៅ​លើសកលលោក​ នាពេលបច្ចុប្បន្ននេះ ។ឯកឧត្តម ម៉ម ប៊ុននាង បានបន្ថែមថា នៅថ្ងៃស្អែកនេះ ក្រៅពីសេចក្តីព្រៀងច្បាប់ខាងលើ ព្រឹទ្ធជាតិ​នឹងពិនិត្យអនុម័ត នូវរបៀបវារៈមួយចំនួនទៀត មានពិនិត្យ និងឱ្យយោបល់លើសេចក្តីព្រាងច្បាប់ ស្តីពីវិសោធនកម្មច្បាប់ ស្តីពីសហគ្រាស ​ពាណិជ្ជកម្ម, ពិនិត្យ និងឱ្យយោបល់លើសេចក្តីព្រាងច្បាប់ ស្តីពីវិសោធនកម្មច្បាប់ ស្តីពីវិធានពាណិជ្ជ-កម្ម ​និងបញ្ជីពាណិជ្ជកម្មជាដើម ។គួរបញ្ជាក់ថា រាជរដ្ឋាភិបាលកម្ពុជា និងរដ្ឋាភិបាលចិន នៅឆ្នាំ២០២២នេះ បានចាប់ផ្ដើមអនុវត្តនូវកិច្ច​ព្រមព្រៀង​ពាណិជ្ជកម្មសេរី ​និងសម្រាប់កិច្ចព្រមព្រៀងពាណិជ្ជកម្មសេរីរវាងកម្ពុជា-កូរ៉េ អាចនឹង​បាន​អនុវត្តឆាប់ៗ ​ដើម្បីជួយអភិវឌ្ឍសេដ្ឋកិច្ចកម្ពុជា ​ឲ្យកាន់តែរីកចម្រើន ៕

សម្តេចតេជោ ចង់ឃើញការបកស្រាយរបស់អាមេរិក​ បន្ទាប់​ពី​មាន​ការ​ចោទថា​សញ្ញាបត្រ​នៅសាលា West Pion​t ជា​សញ្ញាបត្រកិត្តិយស

2022/01/05 05:30:43 am        523
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានលើកឡើងថា សម្តេចចង់ឃើញ ឯកអគ្គរដ្ឋទូតអាមេរិកប្រចាំនៅកម្ពុជាមានការបកស្រាយ ចំពោះបុគ្គលមួយរូបបានចោទប្រកាន់ថា សញ្ញាបត្រ ដែលលោកឧត្តមសេនីយ៍ឯក ហ៊ុន ម៉ាណែត រៀននៅសាលា West Piont ដែលជាសាលាយោធាដ៏ល្បីល្បាញរបស់អាមេរិកថា ជាសញ្ញាបត្រកិត្តិយស និងសញ្ញាបត្រកម្រិតពីរជាដើមនោះ។ក្នុងពិធីប្រគល់ប្រាក់រង្វាន់លើកទឹកចិត្តរបស់រាជរដ្ឋាភិបាលជូនដល់កីឡាការិនី អ៊ុក ស្រីមុំ ជ័យលាភីមេដាយមាសពិភពលោកកីឡាប៉េតង់ នៅប្រទេសអេស្ប៉ាញ ​កាលពីឆ្នាំ២០២១ នៅ​ព្រឹកថ្ងៃទី ៥ មករា ២០២២នេះ នៅវិមានសន្តិភាពសម្តេចតេជោ ហ៊ុន សែន បានលើកឡើងថា​ តើសហរដ្ឋអាមេរិកនឹងចេញមុខការពារវិស័យអប់រំខ្លួនឯង ឬក៏ការពារបុគ្គលខូច ក្រោយពីទណ្ឌិត សម រង្ស៊ី បានចោទថា សញ្ញាបត្របណ្ឌិត របស់លោកឧត្តមសេនីយ៍ឯកហ៊ុន ម៉ាណែត ដែល​បាន​ពីសាលា West Piont របស់អាមេរិក ជាសញ្ញាបត្រប្រភេទ២ ឬក៏សញ្ញាបត្រកិត្តិយសនោះ។សូមបញ្ជាក់ថា កាលពីកន្លងទៅថ្មីៗនេះ ឯកឧត្តម ហ៊ុន ម៉ាណែត បាន​បបួលទណ្ឌិត សម រង្ស៊ី ស្បថស្បែរដាកតួនាទីបន្ទាប់ពីទណ្ឌិត សម រង្ស៊ី បានរិះគន់ និងចោទប្រកាន់ថាសញ្ញាបត្ររបស់​លោក ​ដែលបានមកពីអាមេរិក ​និងចក្រភពអង់គ្លេសនោះជាសញ្ញាបត្រកម្រិត២ និង​សញ្ញាបត្រកិត្តិយស​ជាដើមនោះ។ក្រោយមានការបបួលពីសំណាក់លោកឧត្តមសេនីយ៍​ ហ៊ុន ម៉ាណែត រហូតមកដល់ពេលនេះ ទណ្ឌិត សម រង្ស៊ី បច្ចុប្បន្នកំពុងរត់ចោលស្រុកនោះ​ ពុំទាន់មានការឆ្លើយតបអ្វីនោះឡើយ ​ដោយឯកឧត្តម ហ៊ុន ម៉ាណែត បាន​ហៅ​ទណ្ឌិតរូបនេះថា ជា​អ្នកនយោបាយចាស់វស្សា​ហើយចូលចិត្តវាយប្រហារ​ពី​ក្រោយខ្នង​តែ​គ្មាន​ភាព​ក្លាហាន​ ក្នុង​ការចេញមក​តតាំង​ផ្ទាល់​ជាមួយ​លោក​ទាក់ទង​នឹង​សញ្ញាបត្រ​ទាំងនោះ៕អត្ថបទ៖ បាន ចក់

សម្តេចតេជោ៖ ថ្ងៃ១០មករា បើកបវេសនកាលឆ្នាំសិក្សាថ្មី ក្នុងនោះ​មត្តេយ្យ​សិក្សា​ក៏​អនុញ្ញាតផងដែរ

2022/01/05 11:09:12 am        339
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានប្រកាសថា នៅថ្ងៃទី១០មករា ដែលនៅសល់តែ៥ថ្ងៃទៀត នឹងបើកបវេសនកាលឆ្នាំសិក្សាថ្មី២០២១-២០២២ហើយ ក្នុងនោះមតេយ្យសិក្សាក៏ត្រូវបានអនុញ្ញាតតាមសំណើរស្នើសុំពីឯកឧត្តម ហង់ជួន ណារ៉ុនផងដែរ។ការសម្រេចដ៏ខ្ពង់ខ្ពស់សរបស់ប្រមុខរាជរដ្ឋាភិបាលកម្ពុជាយ៉ាងដូច្នេះ ត្រូវបានធ្វើឡើងក្នុង​ពេល​ដែល​សម្តេច​អញ្ជើ​ញជា​អធិ​បតី​ដ៏ខ្ពង់ខ្ពស់ ក្នុងពិធីប្រគល់​​ប្រាក់​រង្វាន់លើកទឹកចិត្តរបស់រាជរដ្ឋាភិបាល ជូនដល់កី​ឡាការិនី អ៊ុក ស្រីមុំ ជ័យ​លាភី​មេដាយមាសពិភពលោក ​កីឡាប៉េតង់ នៅទីក្រុងSanta Susanna ប្រទេសអេស្ប៉ាញ ឆ្នាំ២០២១ នៅវិមានសន្តិភាព នាព្រឹកថ្ងៃទី៥មករានេះ។សម្ដេចបានបញ្ជាក់ថា៖ ស្ថានភាពវាបានប្រសើរហើយ ​ដោយ​សារវ៉ាក់សាំងបាន​ចាក់​ស្រោច​រាប់ទាំង​ក្មេង​អាយុ​ក្រោម៥ឆ្នាំ។ទាក់ទិននឹងពេលវេលានឹងត្រូវបើកបវេសនកាលឆ្នាំសិក្សាថ្មី២០២១-២០២២ បន្ទាប់ពីប្រទេស​ត្រូវ​បានបិទខ្ទប់​ និងផ្អាកសកម្មភាពលើវិស័យ​ជាច្រើនដោយសារកូវីដ-១៩​ ពេលនេះ​ស​ភាពការ​ណ៍​បា​ន​ធូ​រ​ស្រា​ល​ហើយ​ត្រូវ​បាន​សម្តេច​ អនុញ្ញាតឱ្យគ្រប់ភូមិសិក្សាធ្វើការបើក​បវេសនកាល​​សម្រាប់ឆ្នាំ​សិក្សាថ្មីឡើងវិញ ។ សម្តេចក៏ដូចជាក្រសួងអប់រំ យុវជន និងកីឡា ក៏បាន​អំពាវនាវ​សូម​ឪពុកម្តាយ អាណាព្យាបាល ​ដែល​មានកូនគ្រប់អាយុចូលរៀន​ នាំកូនទៅចុះ​ឈ្មោះ​សម្រាប់​ឆ្នាំសិ​ក្សាថ្មី​នៅ​តា​ម​សាលារៀន​ក្នុង​សហគមន៍​រៀងៗខ្លួន​ ឱ្យបានគ្រប់ៗគ្នា៕អត្ថបទ៖ មុត សុទ្ធ

សម្តេចតេជោ មិនអនុញ្ញាតឱ្យអ្នកជំងឺកូវីដ-១៩ ប្រភេទអូមីក្រុងព្យាបាលនៅផ្ទះទេ

2022/01/05 04:01:49 am        192
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានបញ្ជាក់ទៅកាន់មន្ត្រីពាក់ព័ន្ធថា សម្តេចមិនអនុញ្ញាតឱ្យអ្នកជំងឺកូវីដ-១៩ ប្រភេទអូមីក្រុង ដែលសុទ្ធតែនាំចូលពីក្រៅប្រទេសមកនោះ ព្យាបាលនៅផ្ទះនោះទេ​។ក្នុងពិធីប្រគល់​​ប្រាក់​រង្វាន់លើកទឹកចិត្តរបស់រាជរដ្ឋាភិបាល ជូនដល់កីឡាការិនី អ៊ុក ស្រីមុំ ជ័យ​លាភី​មេដាយមាសពិភពលោក កីឡាប៉េតង់ នៅទីក្រុងSanta Susanna ប្រទេសអេស្ប៉ាញ ឆ្នាំ២០២១ នៅវិមានសន្តិភាព នាព្រឹកថ្ងៃទី៥មករានេះ សម្ដេច បានបញ្ជាក់ថា ពិតហើយសព្វថ្ងៃនេះអ្នកជម្ងឺនៅ សល់តិចទេ ហើយបើអ្នកជំងឺនៅក្នុ​ង​អា​យស៊ីយូ​នៅសល់​តែចំនួន ១២៦ នាក់​ប៉ុណ្ណោះ​នៅទូទាំង​ប្រទេស ដូច្នេះចំនួននេះ​មិនច្រើនឡើយ។សម្តេចបន្តថា ទោះជាយ៉ាងណា យើងក៏ត្រូវបម្រុងទុកនូវទីតាំង​សម្រាប់​ព្យាបាល នៅពហុកីឡាដ្ឋាន​ជាតិ​អូឡាពិច​​ ខណៈដែលយើ​ងបានសងទីតាំងដែលបានខ្ចីពី​វិស័យ​ឯកជននានា​ទៅ​វិញ​ហើយនោះ ។សម្តេចបន្តទៀតថា៖ ​ពិតមែន​ហើយ​យើង​មានមន្ទីរពេទ្យល្លួងម៉ែ​ដែលនៅសល់អ្នកជំងឺប្រហែល​ប៉ុន្មាន​សិបនាក់ទៀត​ ប៉ុន្តែយើងមិនអាច​ធ្វេសប្រហែស​​បានោឡើយ​ ក្នុង​ករណីដែលវារីករាលដាល​ភ្លាមៗ ឬមិន​អនុញ្ញាត​ឲ្យមានអ្នក​ដេក​នៅ​តា​ម​ផ្លូ​វ​ហើ​យ​​ខ្វះ​ក​ន្លែង​ព្យា​បាល​​​នោះ​ទេ។យើង​បាន​ដើរមុនមួយជំហានជាប់ជានិច្ច ​នៅក្នុ​ង​ដំ​ណា​ក់​កា​ល​កូ​វីដ ​ដែលមកទល់ពេលនេះជិត​២​ឆ្នាំហើយ ​ដែល​យើងបានប្រយុទ្ធជាមួយវា ហើយចំពោះមេរោគកូវីដ-១៩ អូមីក្រុ​ង ​សម្តេចមិន​អនុញ្ញាត​ឲ្យ​ទៅ​ព្យា​បា​លតាម​ផ្ទះ​ឡើយ។សូមបញ្ជាក់ថា៖ បើតាមសេចក្តីជូនព័ត៌មានរបស់ក្រសួងសុខាភិបាល​ស្តីពីការសរុបស្ថានភាព​ជំងឺកូវីដ-១៩ ក្នុងព្រះរាជាណាចក្រកម្ពុជា ​សម្រាប់ថ្ងៃទី០៣ ​ខែមករា ឆ្នាំ២០២២៖-ករណីឆ្លងថ្មី ១០នាក់ ​(លទ្ធផលបញ្ជាក់ដោយ PCR)-ករណីជាសះស្បើយ ​១១នាក់-ករណីស្លាប់ ០១នាក់ (ក្នុងនេះមិនបានចាក់វ៉ាក់សាំង ០នាក់)។ រីឯកំណើនអត្រាចាក់វ៉ាក់សាំងកូវីដ-១៩ នៅកម្ពុជា គិតត្រឹមថ្ងៃទី០៤ ​ខែមករា ឆ្នាំ២០២២ បានចាក់៖-លើប្រជាជនអាយុពី ១៨ឆ្នាំឡើង មាន ១០១,៥៧% ធៀបជាមួយចំនួនប្រជាជនគោលដៅ ១០លាននាក់។-លើកុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ៩៩,១៥% ធៀបជាមួយចំនួនប្រជាជន​គោល​ដៅ ១,៨២៧,៣៤៨ នាក់។-លើកុមារអាយុពី ០៦ឆ្នាំ ដល់ក្រោម ១២ឆ្នាំ មាន ១០៥,៣០% ធៀបជាមួយនឹងប្រជាជនគោលដៅ ១,៨៩៧, ៣៨២ នាក់។-លើកុមារអាយុ ០៥ឆ្នាំ មាន ១០០,៦២% ធៀបជាមួយនឹងប្រជាជនគោលដៅ ៣០៤,៣១៧ នាក់។-លទ្ធផលចាក់វ៉ាក់សាំងធៀបនឹងចំនួនប្រជាជនសរុប ១៦លាន នាក់ មាន ៨៩,២០% ៕អត្ថបទ៖ មុត សុទ្ធ

បណ្ដាញសង្គម

ព័ត៌មានថ្មីៗ

UNICEF ៖ សង្រ្គាមអ៊ីរ៉ង់គំរាមកំហែងដល់ការចែកចាយគ្រឿងផ្គត់ផ្គង់សង្រ្គោះជីវិតកុមារ
06/02/2026 08:06 PM
Facebook Telegram Linkin
ក្រុមហ៊ុន Moderna និងក្រុមហ៊ុនផ្សេងទៀត ទទួលបានប្រាក់ ៦០លានដុល្លារ ដើម្បីផលិតវ៉ាក់សាំងបង្ការជំងឺអេបូឡា
06/02/2026 08:06 PM
Facebook Telegram Linkin
កូដកម្មរថភ្លើងក្រោមដីធ្វើឲ្យប៉ះពាល់ដល់អ្នកដំណើរនៅទីក្រុងឡុងដ្រ៍ ចក្រភពអង់គ្លេស
06/02/2026 08:06 PM
Facebook Telegram Linkin
របាយការណ៍៖ EU ពិចារណាដាក់ទណ្ឌកម្មរដ្ឋមន្ត្រីអ៊ីស្រាអែល ជុំវិញ​​ការប្រព្រឹត្តិ ចំពោះ​នាវាមនុស្ស​ធម៌ឆ្ពោះ​ទៅ​ហ្កាហ្សា
06/02/2026 08:06 PM
Facebook Telegram Linkin
WHO៖ ករណីសង្ស័យជំងឺ Ebola ធ្លាក់ចុះ ក្រោយ​មនុស្សរាប់រយនាក់​ត្រូវបាន​ដក​ចេញ
06/02/2026 08:06 PM
Facebook Telegram Linkin
ប្រធានគ្លីនិករងការខូចខាតដោយសារការវាយប្រហាររុស្ស៊ីនិយាយថា ទីក្រុងមូស្គូ មិនចង់បញ្ចប់សង្រ្គាមនោះទេ
06/02/2026 08:06 PM
Facebook Telegram Linkin
អគ្គិភ័យដ៏ធំមួយ បានឆាបឆេះផ្សារមួយកន្លែងស្ថិតក្នុងទីក្រុងហ្សាកាតា ប្រទេសឥណ្ឌូនេស៊ី
06/02/2026 07:06 PM
Facebook Telegram Linkin
មនុស្សយ៉ាង​តិច​ ១៥នាក់រងរបួស ដោយសារ​ព្យុះនៅជប៉ុន ខណៈ​មាន​ការអំពាវនាវឲ្យ​ជម្លៀស
06/02/2026 07:06 PM
Facebook Telegram Linkin
លោក Trump ថាលោកបាននិយាយជាមួយក្រុមហេសបូឡា តាមរយៈអន្តរការី
06/02/2026 07:06 PM
Facebook Telegram Linkin
លោក Netanyahu ប្រាប់លោក Trump ថា អ៊ីស្រាអែលនឹងវាយប្រហារទីក្រុងបេរូត បើសិនការវាយប្រហាររបស់ក្រុមហេសបូឡានៅតែបន្ត
06/02/2026 07:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.