BTV NEWS

BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់

សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់

ឯកឧត្តម ចាន់ ដារ៉ុង ដឹកនាំគណៈកម្មការអន្តរក្រសួងចុះពិនិត្យវាយតម្លៃបញ្ចប់សុពលភាពការងារថែទាំផ្លូវខួបចំនួន ៣កំណាត់ ក្នុងខេត្តពោធិ៍សាត់

BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យនូវកិច្ចប្រជុំវិសាមញ្ញ នៃគណៈកម្មាធិការព្រំដែនទូទៅកម្ពុជា-ថៃ

នយោបាយ និង ការអភិវឌ្ឍន៍

ទូតឡាវអរគុណសម្តេចតេជោជាថ្មីដែលបានផ្តល់ជំនួយដល់រដ្ឋាភិបាលនិងប្រជាជនឡាវចូលរួមទប់ស្កាត់កូវីដ-១៩

ភ្នំពេញ៖ ឯកអគ្គរដ្ឋទូតឡាវប្រចាំនៅកម្ពុជា បានបង្ហាញការសាទរចំពោះជោគជ័យរបស់កម្ពុជា ជាពិសេសបានអរគុណជាថ្មីដល់សម្តេចតេជោ ដែលបានផ្តល់ជំនួយដល់រដ្ឋាភិបាល និងប្រជាជនឡាវ ក្នុងការចូលរួមទប់ស្កាត់ការឆ្លងរាលដាលកូវីដ-១៩។ឯកឧត្តម អាំផៃ គិនដាវង្ស (Amphay Kindavong) ឯកអគ្គរដ្ឋទូតឡាវប្រចាំនៅកម្ពុជា ថ្លែងក្នុងជំនួបសំដែងការគួរសម និងជំរាបលាសម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅវិមានសន្តិភាពព្រឹកថ្ងៃទី១៧ធ្នូនេះដែរ ខណៈឯកឧត្តម បានបញ្ចប់អាណត្តិបេសកកម្មការទូតនៅកម្ពុជា។នៅក្នុងជំនួបនេះឯកឧត្តម គិនដាវង្ស បានគោរពជម្រាបជូនសម្ដេចតេជោថា ឯកឧត្តមបានបំពេញបេសកកម្មការទូតនៅព្រះរាជាណាចក្រកម្ពុជាជាង ៣ឆ្នាំហើយៗ ក្នុងរយៈពេលជាង ៣ឆ្នាំមកនេះឯកឧត្តមសូមគោរពថ្លែងអំណរគុណជូនចំពោះសម្ដេចតេជោ ជូនចំពោះថ្នាក់ដឹកនាំកម្ពុជា ក៏ដូចជាប្រជាជនកម្ពុជា ដែលបានផ្ដល់នូវកិច្ចសហប្រតិបត្តិការយ៉ាងល្អ ធ្វើឲ្យឯកឧត្តម បានបំពេញបេសកកម្មការទូតទទួលបានជោគជ័យ។ឯកឧត្តម ក៏បានជម្រាបជូនសម្ដេចតេជោដែរថា រយៈពេលជាង ៣ឆ្នាំមកនេះ ឯកឧត្តមបានមើលឃើញកម្ពុជាមានការអភិវឌ្ឍជាលំដាប់។ក្នុងន័យនេះ ឯកឧត្តម សូមគោរពសម្ដែងនូវការអបអរសាទរជូនចំពោះប្រជាជន និងរដ្ឋាភិបាលកម្ពុជា ជាពិសេសចំពោះសម្តេចតេជោ ដែលបានដឹកនាំកម្ពុជាឈានឆ្ពោះទៅកាន់ការអភិវឌ្ឍយ៉ាងឆាប់រហ័ស។ជាមួយគ្នានោះដែរឯកឧត្តម ក៏បានគោរពថ្លែងអំណរគុណជូនចំពោះសម្ដេចដែលបានផ្ដល់ជាជំនួយដល់ប្រជាជន និងរដ្ឋាភិបាលឡាវជាវ៉ាក់សាំង,ជារថយន្តនិងជាថវិកា,រួមទាំងគ្រឿងបរិក្ខាផងដែរ,ហើយកន្លងមកនេះប្រជាជន និងរដ្ឋាភិបាលឡាវពិតជាមានសេចក្តីរីករាយនិងដឹងគុណជាអនេកប្បការ។ជាទីបញ្ចប់ឯកឧត្តម គិនដាវង្ស ក៏បានគោរពថ្លែងអំណរគុណ ជូនចំពោះសម្ដេចជាថ្មីម្តងទៀត ហើយក៏បានសម្ដែងនូវការអបអរសាទរជូនចំពោះសម្ដេច ដែលសម្ដេចបានដឹកនាំកិច្ចប្រជុំកំពូលអាស៊ីអឺរ៉ុបនាពេលកន្លងមកទទួលបានជោគជ័យ ហើយក៏សូមជូនពរសម្ដេចសូមឲ្យសម្តេចធ្វើជាប្រធានអាស៊ាននៅឆ្នាំ២០២២ ឲ្យទទួលបានជោគជ័យយ៉ាងត្រចះត្រចង់បន្ថែមទៀត។ជាការឆ្លើយតប សម្ដេចតេជោ បានសម្ដែងនូវអំណរគុណជូនចំពោះឯកឧត្តម គិនដាវង្ស ចំពោះពាក្យពេចន៍ដ៏ល្អ។សម្ដេច សូមវាយតម្លៃខ្ពស់ចំពោះបេសកកម្មការទូតរបស់ឯកឧត្តមនៅកម្ពុជាដែលឯកឧត្តមបានធ្វើការយ៉ាងច្រើនជាពិសេសបានចូលរួមចំណែក ក្នុងការពង្រីកពង្រឹងចំណងមិត្តភាពរវាងប្រទេសទាំងពីរ ពង្រីកពង្រឹងកិច្ចសហប្រតិបត្តិការរវាងប្រទេសទាំងពីរហើយចំពោះជំនួយដែលកម្ពុជាបានផ្តល់ជូនដល់រដ្ឋាភិបាល និងប្រជាជនឡាវនោះ សម្ដេចបញ្ជាក់ថា៖ នេះជាការជួយដល់បងប្អូន ក្នុងពេលដែលបងប្អូន កំពុងតែមានសេចក្តីត្រូវការ។ ជាទីបញ្ចប់សម្ដេចក៏បានជូនពរដល់ឯកឧត្តម គិន ដាវង្ស សូមឲ្យទទួលបានជោគជ័យក្នុងបេសកកម្មរបស់ឯកឧត្តមជាបន្តទៀត៕ អត្ថបទ៖ មុត សុទ្ធ

ភាគីថៃ បង្ហាញការគាំទ្រសម្តេចតេជោដែលនឹងក្លាយជាប្រធានអាស៊ាននៅឆ្នាំ២០២២

ភ្នំពេញ៖ រដ្ឋាភិបាលថៃ បានបង្ហាញនូវការចូលរួមអបអរសាទ និងជូនពរដល់សម្តេចតេជោ ហ៊ុន សែន នាយករដ្ឋមន្ត្រីកម្ពុជា ដែលនឹងក្លាយជាប្រធានអាស៊ាន នៅឆ្នាំ២០២២ និងជូនពរឱ្យកម្ពុជាទទួលបានជោគជ័យ។សម្តេចតេជោ ហ៊ុន សែន នៅព្រឹកថ្ងៃទី១៧ ខែធ្នូនេះ បានអនុញ្ញាតឱ្យឯកឧត្តម ដន ប្រាម៉ាត់វីណៃ (Don pramudwinai) ឧបនាយករដ្ឋមន្ត្រី និងជារដ្ឋមន្ត្រីការបរទេសថៃ ចូលជួបសំដែងការគួរសម និងពិភាក្សាការងារ នៅវិមានសន្តិភាព ។ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោ បានប្រាប់ដល់ក្រុមអ្នកសារព័ត៌មានថា នៅក្នុងជំនួបនេះ ឯកឧត្តម ប្រាម៉ាត់ វិស័យ បានគោរពពាំនាំនូវការផ្តាំផ្ញើសួរសុខទុក្ខ និងជូនពរពីឯកឧត្តមនាយករដ្ឋមន្ត្រីថៃ ប្រាយុទ្ធ ចាន់អូចា ជូនចំពោះសម្តេច សូមឱ្យសម្តេចទទួលបានជោគជ័យក្នុងពេល ដែលសម្តេចនឹងក្លាយជាប្រធានអាស៊ាននៅឆ្នាំ២០២២។ជាការឆ្លើយតបសម្ដេចតេជោ បានថ្លែងអំណរគុណចំពោះឯកឧត្ដម វីណៃ ដែលបាននាំមកនូវសារនៃការអបអរសាទរ និងជូនពរពីនាយករដ្ឋមន្ត្រីថៃ ប្រាយុទ្ធ ចាន់អូចារ ហើយសម្ដេចក៏បានជម្រាបជូនឯកឧត្ដម វីណៃ អំពីគោលដៅសំខាន់ ដែលត្រូវធ្វើក្នុងនាមជាប្រធានអាស៊ាន គឺការប្រយុទ្ធប្រឆាំងនឹងកូវីដ-១៩ ទី១. គឺធ្វើយ៉ាងណាបើកសេដ្ឋកិច្ច-សង្គម កិច្ចឡើងវិញ ទាំងតភ្ជាប់រវាងប្រជាជន និងប្រជាជននៅក្នុងអាស៊ាន។ ទី២. គឺពង្រឹងមិត្តភាព សាមគ្គីភាព និងជំរុញកិច្ច សហប្រតិបត្តិការរវាងប្រទេសអាស៊ាន។ ទី៣. សម្តេចបានជម្រាបជូនឯកឧត្ដម វីណៃ អំពីជំហររបស់កម្ពុជាទាក់ទងទៅ នឹងសមុទ្រចិនខាងត្បូង ដោយសម្តេចថា នឹងខិតខំជំរុញការអនុវត្តឲ្យបានខ្ជាប់ខ្ជួននូវស៊ីអូស៊ី (COC)និងជំរុញឲ្យប្រទេស ដែលពាក់ព័ន្ធ ធ្វើការចរចាគ្នា ខិតខំប្រឹងប្រែងធ្វើយ៉ាងណាសម្រេចទៅតាមស៊ីអូស៊ីឲ្យបាន។ឯកឧត្តម ដន ប្រាម៉ាត់វីណៃ ឧបនាយករដ្ឋមន្ត្រី និងជារដ្ឋមន្ត្រីការបរទេសថៃ បានមកដល់កម្ពុជានៅយប់ថ្ងៃទី១៦ ខែធ្នូនេះ ដើម្បីអញ្ជើញមកបំពេញទស្សនកិច្ចផ្លូវការ និងអញ្ជើញមកធ្វើជាសហប្រធាន ជាមួយឯកឧត្តម ឧបនាយករដ្ឋ មន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា ដឹកនាំកិច្ចប្រជុំលើក ទី១១ នៃគណៈកម្មការចម្រុះ សម្រាប់កិច្ចសហប្រតិបត្តិការទ្វេភាគី (JC) រវាងកម្ពុជា និងថៃ ពីថ្ងៃទី១៦ដល់ថ្ងៃទី១៨ធ្នូ នៅរាជធានីភ្នំពេញ៕អត្ថបទ៖ មុត សុទ្ធ

រកឃើញអ្នកឆ្លងមេរោគអេដស៍ថ្មីជាង ១០នាក់ក្នុងខេត្តបាត់ដំបង កាលពីខែមុន

បាត់ដំបង៖ អភិបាលខេត្តបាត់ដំបង បានឱ្យដឹងថា បើតាមសេចក្ដីរាយការណ៍របស់អង្គការសង្គមស៊ីវិលក្នុងខេត្តបាត់ដំបង បានរកឃើញអ្នកឆ្លងមេរោគអេដស៍ថ្មី ចំនួន១១នាក់ ក្នុងខែវិច្ឆិកា ឆ្នាំ២០២១ ដែលជាសញ្ញាមួយប្រកាសអាសន្ន។ក្នុងពិធីសំណេះសំណាល និងសួរសុខទុក្ខអ្នកផ្ទុកមេរោគអេដស៍ ដើម្បីចូលរួមទិវាពិភពលោកប្រយុទ្ធ នឹងជំងឺអេដស៍ ១ធ្នូ ២០២១ ក្រោមប្រធានបទ «បញ្ចប់វិសមភាព បញ្ចប់អេដស៍ បញ្ចប់ជំងឺឆ្លងរាតត្បាតសកល» នៅថ្ងៃទី១៧ខែធ្នូនេះ ឯកឧត្តម សុខ លូ ប្រធានគណៈកម្មាធិការសាខាកាកបាទក្រហម កម្ពុជាខេត្តបាត់ដំបង បានណែនាំដល់ប្រជាពលរដ្ឋ ដែលមានការសង្ស័យឆ្លងមេរោគអេដស៍ ត្រូវទៅធ្វើតេស្ត និងទទួលការព្យាបាលដើម្បីទប់ស្កាត់កុំឲ្យមានការចម្លងទៅកាន់អ្នកដទៃបន្ថែមទៀត។ឯកឧត្តម បានលើកទឹកចិត្តដល់អ្នកឆ្លងមេរោគអេដស៍ មិនត្រូវមានការព្រួយបារម្ភនោះទេ ត្រូវតាម ដានពិនិត្យសុខភាព និងព្យាបាលទៅតាមការណែនាំរបស់ក្រុមគ្រូពេទ្យ។ឯកឧត្ដមបានពាំនាំប្រសាសន៍របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទ ក្រហមកម្ពុជា និងជាឥស្សរជនឆ្នើមថ្នាក់ជាតិ នៃវេទិកាភាពជាអ្នកដឹកនាំតំបន់អាស៊ី-ប៉ាស៊ីហ្វិក ឆ្លើយតបមេរោគអេដស៍ ជំងឺអេដស៍ និងការអភិវឌ្ឍនៅកម្ពុជា និងជាឥស្សរជនឆ្នើមថ្នាក់ជាតិ នៃផែនការសកម្មភាពរួម អគ្គលេខាធិការអង្គការសហប្រជាជាតិ ដើម្បីសុខភាពស្ត្រី និងកុមារ ដែលផ្តាំផ្ញើសួរសុខទុក្ខ បើទោះបីជាសម្តេចមិនបានអញ្ជើញមកដោយផ្ទាល់ តែសម្តេច តែងតែមានក្តីនឹករលឹក និងអាណិតស្រឡាញ់ ដ៏ជ្រាលជ្រៅចំពោះប្រជាពលរដ្ឋទាំងអស់។ឯកឧត្តម បានជំរុញដល់អាជ្ញាធរ ក្រុង ស្រុក ឃុំ សង្កាត់ និងមន្រ្តីសុខាភិបាល ទាំងអស់ត្រូវជួយ ផ្សព្វផ្សាយ បញ្ជ្រាបការយល់ដឹងដល់ប្រជាពលរដ្ឋពីការការពារខ្លួន និងការបង្ការការចម្លងជំងឺអេដស៍ទៅអ្នកដទៃ ដើម្បីឈានទៅសម្រេចគោលដៅលុបបំបាត់ជំងឺអេដស៍ឱ្យអស់នៅត្រឹមឆ្នាំ២០២៥៕អត្ថបទ៖ នឿត សុភក្ត្រ

ពិព័រណ៍យន្តហោះ និងបច្ចេកវិទ្យាបានទាក់ទាញអ្នកចូលទស្សនាជាច្រើនក្នុងថ្ងៃចាប់ផ្ដើមដំបូងនេះ

ភ្នំពេញ៖ ពិព័រណ៍យន្ដហោះ និងបច្ចេកវិទ្យាលើកទី៣ បានចាប់ផ្ដើមនៅថ្ងៃទី ១៧ ខែធ្នូ ឆ្នាំ២០២១ ហើយថ្ងៃដំបូងនេះ ពិព័រណ៍បានស្រូបទាញការចូលទស្សនាពីសាធារណៈជន ជាពិសេសសិស្សនិស្សិតជាច្រើន។ពិព័រណ៍យន្តហោះនិងបច្ចេកវិទ្យាលើកទី៣ រៀបចំដោយសហភាពសហព័ន្ធយុវជនកម្ពុជា ខេត្តស្វាយរៀង។សិស្សនិស្សិតបានបង្ហាញការចាប់អារម្មណ៍ជាខ្លាំង ទៅលើយន្តហោះឧទ្ធម្ភាគចក្រជាច្រើនគ្រឿង ដែលបានដាក់តាំងបង្ហាញនូវក្នុងបរិវេណខាងក្រៅ។ ការចាប់អារម្មណ៍ បានស្ដែងឱ្យ ឃើញតាមការថតរូប ការចូលអង្គុយសាកដោយផ្ទាល់នៅក្នុងយន្តហោះ និងការស្ដាប់ពីការពន្យល់ពីដំណើរការយន្តហោះ ពីអ្នកជំនាញដែលប្រចាំការនៅតាមយន្តហោះនីមួយៗ។សម្រាប់ពិព័រណ៍នេះ ក្រៅពីការដាក់បង្ហាញនូវយន្តហោះជាច្រើនគ្រឿង ក៏មានការរៀបចំស្តង់ដែលមានជាការដាក់តាំងបង្ហាញស្នាដៃបច្ចេកវិទ្យារបស់សិស្សនិស្សិត ចំនួន ៤៦ស្តង់ផងដែរ។ កម្មវិធីពិព័រណ៍ដដែលនេះ ក៏មានការរៀបចំប្រកួតប្រជែង យន្តហោះកៅស៊ូ ក៏ដូចជាការប្រកួតរ៉ូបូតមនុស្សយន្តផងដែរ។គួររម្លឹកថា ពិព័រណ៍យន្តហោះ និងបច្ចេកវិទ្យានេះ ត្រូវបានបង្កើតឡើងដំបូងនៅឆ្នាំ២០១៨ ក្នុងគោលបំណងគឺដើម្បីបំផុសទឹកចិត្តយុវជន ដែលមានទេពកោសល្យ និងសមត្ថភាពផ្នែកយន្តហោះ និងបច្ចេកវិទ្យារបស់កម្ពុជា បានបង្ហាញនូវសមិទ្ធផល និងការច្នៃប្រឌិតបង្កើតថ្មីរបស់ខ្លួន ជូនដល់មហាជន ក៏ដូចជាការដាក់ តាំងបង្ហាញនូវយន្តហោះផងដែរ។ ម្យ៉ាងវិញទៀតពិព័រណ៍នេះ ក៏ជាការផ្ដល់ឱកាសដល់សាធារណជនសិស្សានុសិស្ស និងអ្នកទស្សនាបានមកទទួលយកនូវបទពិសោធចំណេះដឹង និងព័ត៌មានក្នុងអំឡុងពេលនៃការតាំងពិព័រណ៍ ពីអ្នកតាំងពិព័រណ៍ដែលមកពីវិទ្យាល័យ និងមហាវិទ្យាល័យ ក៏ដូចជាអ្នកបើកយន្តហោះដែលឈរនៅក្បែរយន្តហោះផ្ទាល់តែម្តង៕អត្ថបទ៖ ប៉ោ គឹមហុក

សម្ដេចពិជ័យ៖ អាវុធ និងសម្ភារៈរបស់អាមេរិកប្រមូលបានបណ្ដើរៗហើយ គ្រោងកម្ទេចចោល

កំពង់ឆ្នាំង៖ សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានថ្លែងថា អាវុធគ្រប់ប្រភេទ រួមទាំងសម្ភារៈយោធាផ្សេងៗ របស់សហរដ្ឋអាមេរិក ត្រូវបានប្រមូលជាបណ្ដើរៗ និងបានជាបន្តបន្ទាប់ហើយ គ្រោងនឹងធ្វើការកម្ទេចចោល សម្រាប់របស់ប្រើប្រាស់មិនកើត និងរបស់ដែលប្រើបានត្រូវរក្សាទុកក្នុងឃ្លាំង ឬសារមន្ទីរ ។ក្នុងឱកាសអញ្ជើញជាអធិបតីក្នុងពិធីបញ្ចុះបឋមសិលា បើកការដ្ឋានសាងសង់ទីលានបាញ់គ្រាប់ពិត នៅមជ្ឈមណ្ឌលហ្វឹកហ្វឺនកងរាជអាវុធហត្ថ (ភ្នំជុំរីករាយ) ស្ថិតក្នុងស្រុកសាមគ្គីមានជ័យ ខេត្តកំពង់ឆ្នាំង នៅព្រឹកថ្ងៃទី១៧ ខែធ្នូ ឆ្នាំ២០២១ សម្ដេចពិជ័យសេនា មានប្រសាសន៍ថា ការប្រមូលនូវអាវុធ និងសម្ភារៈយោធារបស់អាមេរិក កំពុងដំណើរការ ខណៈអាវុធមួយចំនួនមានសភាពចាស់ មិនអាចប្រើប្រាស់បាន ដោយភាគតិចណាស់ ដែលអាចប្រើបាន ។សម្ដេច បានបន្តថា កន្លងមកក្រសួងការពារជាតិបានទុកដាក់ក្នុងឃ្លាំង ឬនៅក្នុងសារមន្ទីរ ប៉ុន្តែបច្ចុប្បន្នគ្រប់អង្គភាពកំពុងប្រមូល ក្នុងការត្រួតពិនិត្យមើលពីចំនួនឲ្យបានច្បាស់លាស់ ដើម្បីរក្សាទុក ឬដល់កម្រិតមួយបំផ្លាញ់ចោល ឬយ៉ាងណា ព្រោះអាវុធ និងគ្រឿងបំពាក់នេះ កាលណាដល់អាយុកាល ពេលចាស់ពេក ខូចខាតធ្ងន់ធ្ងរពេកទុកនាំអន្តរាយដែរ តែងតែធ្វើការបំផ្លាញជាបន្តបន្ទាប់ ។សម្ដេចពិជ័យសេនា បន្ថែមថា អាមេរិកថាមិនលក់អាវុធមកឲ្យកម្ពុជាទៀត នឹងកាន់តែល្អហើយ ដោយរាជរដ្ឋាភិបាលបច្ចុប្បន្នមិនដែលទិញអាវុធពីអាមេរិកដែរ ដោយអាវុធមាននៅសល់នេះ គឺប្រមូលពីសម័យសង្គ្រាមឆ្នាំ១៩៧០ ដោយជំនន់ លន់ នល់ យកមកប្រើប្រាស់ ដោយមាននៅសេសសល់បាត់ឃ្លាំង និងមួយចំណែកទៀត បានពីប្រភពនៃភាគីប្រយុទ្ធណាមួយ ក៏មិនបានប្រើប្រាស់ដែរ ដោយធ្វើការប្រមូលទុកដាក់បានច្បាស់លាស់ ហើយកំពុងពិចារណាមើលធ្វើយ៉ាងណាទៀតនោះ គឺសម្រេចនៅពេលក្រោយ ។ឆ្លើយតបការដាក់ទណ្ឌកម្មជាឯកតោភាគីរបស់អាមេរិក សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា កាលពីពេលថ្មីៗនេះ បានបញ្ជាទៅក្រសួងការពារជាតិ ត្រូវប្រមូលនូវអាវុធ ឬសម្ភារៈយោធារបស់អាមេរិក ដែលប្រើប្រាស់លែងកើត ត្រូវកម្ទេចចោល និងរក្សាទុក ៕

ការលក់កញ្ចប់ទេសចរក្នុងស្រុកកើនជិត ៣០ភាគរយ ខណៈកញ្ចប់អន្តរជាតិ នឹងមានច្រើនចាប់ពីខែមីនា ឆ្នាំ២០២២

ភ្នំពេញ៖ បើតាមសមាគមការីទេសចរណ៍អាស៊ីប៉ាស៊ីហ្វិក (PATA) ដែលមានក្រុមការីទេសចរណ៍ប្រមាណ ៦០ជាសមាជិក បានឱ្យដឹងថា គិតត្រឹមថ្ងៃទី១៦ ខែធ្នូនេះ ភ្ញៀវទេសចរដែលមានស្រាប់នៅក្នុងស្រុក បានកក់ និងទិញកញ្ចប់ទេសចរណ៍ ដើម្បីដើរកម្សាន្តជាក្រុមនៅក្នុងឱកាសថ្ងៃឆ្លងឆ្នាំសកល២០២១នេះ កើនឡើងពី ២០ទៅ៣០% បើប្រៀបធៀបឆ្នាំ២០១៨ និងឆ្នាំ២០១៩ ខណៈភ្ញៀវអន្តរជាតិដើរកម្សាន្ត តាមកញ្ចប់ទេសចរណ៍គឺមិនមាននោះទេ។លោក ធួន ស៊ីណាន ប្រធានសមាគមន៍ការីទេសចរណ៍អាស៊ីប៉ាស៊ីភិច PATA បានថ្លែងប្រាប់BTVថា ចាប់តាំងពីរាជរដ្ឋាភិបាលបានប្រកាសបើកទេសចរណ៍ក្នុងស្រុក និងបានប្រកាសបើកប្រទេសវិញមក ទេសចរក្នុងស្រុកបាននាំគ្នាចេញដើរកម្សាន្តកើនឡើងជាបន្តបន្ទាប់ ជាពិសេសភ្ញៀវរាយទាំងនៅក្នុងស្រុក និងមកពីក្រៅប្រទេសបានចេញដើរច្រើន ខណៈភ្ញៀវដែលដើរកម្សាន្តជាកញ្ចប់របស់ការីទេសចរណ៍ គឺមានកម្រើកក្នុងកម្រិតប្រមាណពី ២០ទៅ៣០% រីឯ ភ្ញៀវអន្តរជាតិមកពីក្រៅប្រទេស មកទស្សនាកម្ពុជាតាមកញ្ចប់នោះមិនមាននោះទេនៅក្នុងខែធ្នូនេះ ប៉ុន្តែភ្ញៀវអន្តរជាតិនៅក្រៅប្រទេសមានការកក់ ទិញកញ្ចប់ទេសចរណ៍ទុកមុនច្រើនដើម្បីត្រៀមមកទស្សនាកម្ពុជាច្រើនចាប់ខែមីនា ឆ្នាំ២០២២តទៅ។លោក ធួន ស៊ីណាន បានឲ្យដឹងថា ជារួមចាប់ពីពិភពលោកមានវត្តមានមេរោគអូមីក្រុងមកបានធ្វើអោយដៃគូក្រុមហ៊ុនការីទេសចរណ៍ និងភ្ញៀវនៅក្រៅប្រទេសមានមានផ្លាស់ប្តូរឥរិយាបថ ដោយភ្ញៀវមកទស្សនាកម្ពុជា តាមកញ្ចប់ទេសចរណ៍បានលើកពេលមកទស្សនាកម្ពុជាពីខែធ្នូនេះ ទៅខែមករាខ្លះ និងទៅខែមីនាខ្លះ ប៉ុន្តែទោះយ៉ាងណាក្នុងអំឡុងពេលនេះ កម្ពុជា ក៏បានចាប់ផ្តើមទទួលភ្ញៀវរាយអន្តរជាតិដែលជាអ្នកវិនិយោគ និងមកដើរកម្សាន្តច្រើនខ្លះៗដែរ។ទោះយ៉ាងណាក៏លោក ធួន ស៊ីណាន ក៏បានស្នើឲ្យបណ្តាអាជីវកម្មទេសចរណ៍សណ្ឋាគារ ផ្ទះស្នាក់ និងភោជនីយដ្ឋាននានា សូមកុំដំឡើងថ្លៃសេវា ដើម្បីរួមចំណែកជម្រុញចលនាកំណើនទេសចរជាតិអន្តរជាតិអោយបានល្អប្រសើរឡើងវិញ។សូមបញ្ជាក់ថា នៅក្នុងតាមសារាចរស្តីពីការរៀបចំគ្រប់គ្រងចរន្តភ្ញៀវទេសចរ និងការពង្រឹងគុណភាពផលិតផលទេសចរណ៍ក្នុងឱកាសឆ្លងឆ្នាំសកល២០២១ ឆ្លងចូលឆ្នាំ២០២២ ក្រសួងទេសចរណ៍ក៏បានណែនាំបណ្តាមូលដ្ឋានអាជីវកម្មទេសចរណ៍ត្រូវពង្រឹងអនុវត្តវិធានសុវត្ថិភាពទេសចរណ៍ និងនីតិវិធិស្តង់ដាអប្បបរមា SOP ដើម្បីរក្សាស្ថេរភាពអាជីវកម្មនិងធានាសុវត្ថិភាពជូនភ្ញៀវទេសចរជាតិអន្តរជាតិ និងសូមរក្សាតម្លៃផលិតផល និងសេវាអោយបានសមរម្យ ហើយរាល់តម្លៃ ស្នាក់នៅ ម្ហូបអាហារ និងសេវាផ្សេងៗទៀត ត្រូវសរសេរអោយបានច្បាស់នៅក្នុងតារាងដើម្បីជម្រាបជូនភ្ញៀវដឹងជាមុន ចៀសវាងការកំណត់តម្លៃខ្ពស់ហួសហេតុ ។ក្នុងសារាចរណែនាំនោះ ក៏បានបញ្ជាក់ដែរថា ក្នុងករណីមូលដ្ឋានអាជីវកម្មទេសចរណ៍ណាមិនអនុវត្តតាមតារាងតម្លៃ ដែលបានបិទផ្សាយម្ចាស់អាជីវកម្មត្រូវទទួលខុសត្រូវចំពោះមុខច្បាប់ជាធរមាន៕រូបអត្ថបទ ស៊ុម សុខជា

ប្រធានរាជបណ្ឌិត្យសភា៖ កម្ពុជាមានពិសោធន៍សង្គ្រាមស៊ីវិលគ្រប់គ្រាន់ អាចជួយចរចាដោះស្រាយបញ្ហាមីយ៉ាន់ម៉ា

ភ្នំពេញ៖ ក្នុងសន្និសីទអន្តរជាតិប្រចាំឆ្នាំលើកទី១៦ ស្តីពីបរិបទនៃទំនាក់ទំនងអាស៊ាន និងសាធារណៈរដ្ឋកូរ៉េ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភា បានលើកឡើងថា កម្ពុជាមានបទពិសោធន៍សង្គ្រាមស៊ីវិលគ្រប់គ្រាន់ អាចជួយចចារដោះស្រាយបញ្ហាមីយ៉ាន់ម៉ា។តាមរយៈសន្និសីទអន្តរជាតិដែលរៀបចំដោយរាជបណ្ឌិត្យសភាកម្ពុជា នៅថ្ងៃទី១៦ ខែធ្នូ ឆ្នាំ២០២១នេះ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភា បានមានប្រសាសន៍ជុំវិញការត្រៀមខ្លួនជាបណ្តើរៗរបស់កម្ពុជាធ្វើជាប្រធានអាស៊ាន នាឆ្នាំ២០២២ខាងមុខ ក្នុងនោះបរិបទថ្មីដែលប្រទេសជាច្រើនកំពុងតាមដាន គឺបញ្ហារបស់មីយ៉ាន់ម៉ា និងបញ្ហាសមុទ្រចិនខាងត្បូង។ ឯកឧត្តមបណ្ឌិតសភាចារ្យ បានសង្កេតឃើញថា មកដល់ពេលនេះកម្ពុជាកំពុងតែរងសម្ពាធជាបន្តបន្ទាប់ ក្នុងបរិបទសង្គមដែលមានការចោទប្រកាន់ថាកម្ពុជាជាជួយរកដំណោះស្រាយបញ្ហាមីយ៉ាន់ម៉ាពីបណ្តាប្រទេសមជ្ឈិមបូព៌ា និងប្រទេសមហាអំណាចជាដើម។ទន្ទឹមគ្នានេះ ឯកឧត្តមបណ្ឌិតសភាចារ្យ បានបញ្ជាក់ថា បើប្រៀបធៀបរវាងបទពិសោធន៍សង្គ្រាមស៊ីវិលរវាងកម្ពុជា និងមីយ៉ាន់ម៉ា គឺកម្ពុជាមានបទពិសោធន៍ឆ្លងកាត់បញ្ហាសង្គ្រាមជាច្រើនទសវត្សន៍ ចាប់ពីឆ្នាំ១៩៦៥ ដល់ឆ្នាំ១៩៩៣ ខណៈកម្ពុជាអាចបញ្ចប់សង្គ្រាមស៊ីវិលអាចបានដោយជោគជ័យក្នុងឆ្នាំ១៩៩៨។ជាមួយគ្នានេះឯកឧត្តម សុខ ទូច បានទទូចដល់បណ្តាប្រទេសមជ្ឈិមបូព៌ាមហាអំណាចអង្គការសង្គមស៊ីវិល និងគណបក្សនយោបាយ គួរទុកពេលវេលាសម្រាប់អ្នកនយោបាយជើងចាស់ ដែលមានសម្តេចតេជោ ហ៊ុន សែន នាយករដ្ឋមន្រ្តី ដើម្បីបានចរចា និងរិះរកដំណោះស្រាយសម្រាប់មីយ៉ាន់ម៉ា។ទាក់ទិននឹងបញ្ហាមីយ៉ាន់ម៉ានេះ សម្តេចតេជោនាយករដ្ឋមន្រ្តី ធ្លាប់បានមានប្រសាសន៍ កាលពីថ្មីៗនេះថា សម្តេចបានធ្វើការសម្របសម្រួល ក្នុងនាមជាប្រធានអាស៊ានមានភារកិច្ចលើកិច្ចការអាស៊ាន ដើម្បីឲ្យអាស៊ានវិលទៅរក អាស៊ានទាំង១០ នៅឆ្នាំ២០២២។ បន្ថែមលើសពីនេះ សម្តេចអះអាងថា សម្តេចមានបទពិសោធន៍ច្រើនក្នុងការចរចាដោយលទ្ធផល បានសម្រេចជោគជ័យជាងការធ្វើសង្រ្គាម ខណៈសម្ដេចតេជោ បានប្រកាសថា កាលពីកន្លងទៅថា អំឡុងថ្ងៃ៧ និងថ្ងៃទី៨ ខែមករាខាងមុខនេះ ក្នុងនាមជាប្រធានអាស៊ាន សម្តេចតេជោនឹងដឹកនាំគណៈប្រតិភូអញ្ជើញទៅមីយ៉ាន់ម៉ា៕អត្ថបទ៖ ឧត្តម

ទូតបារាំង៖ ដើមឆ្នាំ២០២២នេះ អ្នកវិនិយោគិនបារាំងជាច្រើន នឹងមកស្វែងយល់អំពីសក្តានុពលនៅកម្ពុជា

ភ្នំពេញ៖ លោក ហ្សាក់ ប៉ឺឡេត ឯកអគ្គរដ្ឋទូត នៃសាធារណរដ្ឋបារាំងថ្មី ប្រចាំព្រះរាជាណាចក្រកម្ពុជា បានថ្លែងថា នៅក្នុងអំឡុងខែមីនា ឆ្នាំ២០២២ខាងមុខនេះ អ្នកវិនិយោគិនបារាំងជាច្រើននឹងមកប្រទេសកម្ពុជា ដើម្បីស្វែងយល់អំពីសក្តានុពលសេដ្ឋកិច្ចនៅប្រទេសកម្ពុជា ។ថ្លែងនៅក្នុងកិច្ចជំនួបពិភាក្សាជាមួយសម្តេចវិបុលសេនាភក្តី សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា នាព្រឹកថ្ងៃទី១៦ ខែធ្នូ ឆ្នំា២០២១នេះ លោក ហ្សាក់ ប៉ឺឡេត បានលើកឡើងថា «នាពេលខាងមុខ ឯកឧត្តមអគ្គលេខាធិការនៃប្រទេសប្រើភាសាបារាំង នឹងអញ្ជើញមកបំពេញទស្សនិច្ចនៅប្រទេសកម្ពុជា នៅខែមីនា ឆ្នាំ២០២២ ដោយអមមកជាមួយអ្នវិនិយោគិនជាច្រើន ដើម្បីស្វែងយល់អំពីសក្តានុពលសេដ្ឋកិច្ចនៅប្រទេសកម្ពុជា។ ជាមួយគ្នានេះ ប្រធានក្រុមមិត្តភាពព្រឹទ្ធសភាបារាំងជាមួយព្រឹទ្ធសភាកម្ពុជា ក៏គ្រោងនឹងអញ្ជើញមកបំពេញទស្សនកិច្ចនៅព្រះរាជាណាចក្រកម្ពុជាផងដែរ»។លោកទូត បានបន្តទៀតថា តាមការកត់សម្គាល់របស់លោកបានមើលឃើញ ប្រទេសកម្ពុជា មានការផ្លាស់ប្តូរ និងរីកចម្រើនលើគ្រប់វិស័យយ៉ាងឆាប់រហ័ស ហើយលោកមានជំនឿជឿជាក់ថាទំនាក់ទំនង មិត្តភាព និងកិច្ចសហប្រតិបត្តិការរវាងប្រជាជន និងប្រទេសទាំងពីរនឹងកាន់តែរីកចម្រើនបន្ថែមទៀតផងដែរ។ជាមួយគ្នានោះដែរ លោកឯកអគ្គរដ្ឋទូតបានគូសបញ្ជាក់ផងដែរថា តាមរយៈបេកសកកម្មការទូតរបស់លោកនៅព្រះរាជាណាចក្រកម្ពុជាលោកត្រៀមខ្លួនជាស្រេច ដើម្បីខិតខំសម្របសម្រួល អស់ពីកម្លាំងកាយចិត្តក្នុងការពង្រឹងពង្រីកទំនាក់ទំនង និងកិច្ចសហប្រតិបត្តិការរវាងប្រទេសទាំងពីរបន្ថែមទៀតលើគ្រប់វិស័យ។ថ្លែងនៅក្នុងកិច្ចជំនួបនោះដែរ សម្តេចវិបុលសេនាភក្តី សាយ ឈុំ បានសម្តែងនូវសេចក្តីសប្បាយរីករាយដោយបានមើលឃើញថា ទំនាក់ទំនងរវាងប្រជាជន និងប្រទេសទាំងពីរមានការរីកចម្រើនឥតឈប់ឈរ។ ទំនាក់ទំនងដ៏ល្អនេះ ស្តែងឡើងតាមរយៈការផ្លាស់ប្តូរទស្សនកិច្ចគ្នាទៅវិញទៅមករវាងថ្នាក់ដឹកនាំជាតិកំពូលៗ មន្រ្តីជាន់ខ្ពស់គ្រប់ គ្រប់លំដាប់ថ្នាក់ និងការផ្លាស់ប្តូររវាងប្រជាជន និងប្រជាជន។ ទន្ទឹមនេះប្រទេសទាំងពីរបានបន្តគាំទ្រគ្នាជាបន្តបន្ទាប់ នៅក្នុងក្របខ័ណ្ឌកិច្ចសហប្រតិបត្តិការលើឆាកអន្តរជាតិ។ក្នុងឱកាសនោះដែរសម្តេចប្រធានព្រឹទ្ធសភា បានថ្លែងអំណរគុណដ៏ជ្រាលជ្រៅចំពោះរដ្ឋាភិបាល និងប្រជាជនបារាំង ដែលបានផ្តល់ជំនួយឥតសំណង កម្ចីអធិបតេយ្យ និងកម្ចីមិនអធិបតេយ្យ ដើម្បីរួមចំណែកអភិវឌ្ឍន៍ប្រទេសកម្ពុជាឱ្យមានការរីកចម្រើនដូចសព្វថ្ងៃនេះ។សម្តេច ក៏បានថ្លែងអរគុណដល់រដ្ឋាភិបាលបារាំង ដែលបានជួយអភិវឌ្ឍន៍ធនធានមនុស្សកម្ពុជា ក្នុងការសិក្សាថ្នាក់អនុបណ្ឌិត និងបណ្ឌិតនៅប្រទេសបារាំងជាច្រើននាក់ និងបណ្តុះបណ្តាលភាសាបារាំងនៅវិទ្យាស្ថានភាសាបារាំងនៅកម្ពុជា។ដោយឡែកសម្រាប់ឆ្នាំសិក្សា២០២១-២០២២ បារាំងបានផ្តល់អាហារូបករណ៍ចំនួន៥០ កន្លែងបន្ថែមទៀតផងដែរ៕អត្ថបទ៖ បាន ចក់

គណៈរដ្ឋមន្ត្រីធ្វើវិសោធនកម្មមាត្រាមួយចំនួននៃច្បាប់ពាណិជ្ជកម្ម ដើម្បីសម្រួលការធ្វើធុរកិច្ចនៅកម្ពុជា

ភ្នំពេញ៖ គណៈរដ្ឋមន្រ្តីនៅថ្ងៃនេះ បានបើកកិច្ចប្រជុំពេញអង្គរបស់ខ្លួនក្រោមអធិបតីភាពដ៏ខ្ពង់ខ្ពស់ នៃសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា។ កិច្ចប្រជុំថ្ងៃនេះ បានធ្វើវិសោធនកម្មមាត្រាមួយចំនួននៃច្បាប់ពាណិជ្ជកម្ម ដើម្បីលើកកម្ពស់ភាពងាយស្រួល នៃការធ្វើធុរកិច្ចនៅកម្ពុជា។ឯកឧត្តម ផៃ ស៊ីផាន រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិ បាល បានឱ្យដឹងថា កិច្ចប្រជុំពេញអង្គគណៈរដ្ឋមន្ត្រីថ្ងៃនេះ បានធ្វើឡើងដើម្បីពិភាក្សាលើរបៀបវារៈ ស្តីពី “សេចក្តីព្រាងច្បាប់ ស្តីពីវិសោធនកម្មច្បាប់ ស្តីពីសហគ្រាសពាណិជ្ជកម្ម និងសេចក្តីព្រាង ស្តីពីវិសោធនកម្មច្បាប់ ស្តីពីវិធានពាណិជ្ជកម្ម និងបញ្ជីពាណិជ្ជកម្ម” ។ឯកឧត្ដម បានឱ្យដឹងថា ច្បាប់ស្តីពីវិសោធនកម្មច្បាប់ ស្តីពីវិធានពាណិជ្ជកម្ម និងបញ្ជីពាណិជ្ជកម្ម បានប្រកាសឱ្យប្រើនៅខែវិច្ឆិកា ឆ្នាំ១៩៩៩ និងច្បាប់ ស្តីពីសហគ្រាសពាណិជ្ជកម្ម បានប្រកាសឱ្យប្រើនៅខែឧសភា ឆ្នាំ២០០៥។ ច្បាប់ទាំងពីរនេះ ត្រូវបានអនុវត្តដោយរលូន អស់រយៈកាលជាច្រើនឆ្នាំមកហើយ ប៉ុន្តែមានមាត្រាមួយចំនួនក្នុងច្បាប់ទាំងពីរនេះ មិនដែលត្រូវបានអនុវត្ត និងដើរមិនទាន់ល្បឿននៃការកែទម្រង់ របស់រាជរដ្ឋាភិបាល ពាក់ព័ន្ធទៅនឹងការផ្តល់សេវាសាធារណៈ និងបរិយាកាស នៃការធ្វើធុរកិច្ចក្នុង តំបន់ និងជាសកល។ មានមាត្រាមួយចំនួន មិនមានសង្គតិភាព តម្លាភាព ជាមួយនឹងច្បាប់ និងកាតព្វកិច្ច ដទៃទៀត នៅក្រោមអនុសញ្ញាសន្ធិសញ្ញា ឬកិច្ចព្រមព្រៀងអន្តរជាតិ ដែលកម្ពុជា ជាភាគីហត្ថលេខី។ ឯកឧត្ដម បានបញ្ជាក់ថា វិសោធនកម្មច្បាប់ពេលនេះ ដើម្បីចូលរួមចំណែកក្នុងការបន្តកំណែ ទម្រង់ របស់រាជរដ្ឋាភិបាល លើកកម្ពស់ភាពងាយស្រួល នៃការធ្វើធុរកិច្ចនៅកម្ពុជា ធ្វើឱ្យមានសង្គតិភាព និងសុខដុមនីយកម្ម រវាងលិខិត បទដ្ឋានគតិយុត្ត និងស្តារសង្គម-សេដ្ឋកិច្ចកម្ពុជា ពីវិបត្តិកូវីដ-១៩៕អត្ថបទ៖ មុត សុទ្ធ

សម្តេចតេជោ៖ ទីផ្សារកម្ពុជាមិនតូចចង្អៀត មិនផ្អែកទៅលើតែមួយជ្រុងនោះទេ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានថ្លែងអះអាងថា បើទោះបីជានរណាមួយនោះ បានបង្ហាញភាពតានតឹងបិទច្រក តែទីផ្សាររបស់កម្ពុជា គឺមិនតូចចង្អៀតនោះទេ មិនផ្អែកតែទៅលើតែមួយជ្រុងនោះទេ។សម្ដេចតេជោ ហ៊ុន សែន ក្នុងឱកាសអញ្ជើញដឹកនាំកិច្ចប្រជុំគណៈរដ្ឋមន្ត្រី នៅថ្ងៃទី១៦ ខែធ្នូនេះ បានបញ្ជាក់ថា ពាក់ព័ន្ធបញ្ហានាំចេញ នាំចូលពាណិជ្ជកម្ម បើទោះបីជាជ្រុងណាមួយនោះ បង្ហាញភាពតានតឹងបិទច្រក តែទីផ្សាររបស់កម្ពុជា គឺមិនតូចចង្អៀត ដោយសារផ្អែកតែទៅលើតែមួយជ្រុងនោះទេ គឺពិភពលោក បានផ្ដល់ភាពអនុគ្រោះឱ្យកម្ពុជាផងដែរ។សម្ដេចតេជោ ហ៊ុន សែន បានបង្ហាញអំពីកំណើនសេដ្ឋកិច្ចកម្ពុជា ដែលបានងើបឡើងវិញ រួមទាំង កំណើនលើវិស័យកាត់ដេរ និងកម្មន្តសាលរហូតដល់១៣,៥ភាគរយ បើប្រៀបធៀបនឹងដក ២០ភាគរយ កាលពីឆ្នាំទៅ មូលហេតុ គឺការបញ្ជាទិញ ត្រូវបានផ្ទេរពីមីយ៉ាន់ម៉ា និងវៀតណាម មកកាន់កម្ពុជា ដែលនាំឲ្យរោងចក្រសហគ្រាសនៅកម្ពុជា បានដំណើរការពេញលេញ ហើយការនាំចេញនាំចូលវត្ថុធាតុដើមមក ផលិត ក៏មានការកើនឡើង ចំណុចទាំងអស់នេះ ជាចំណុចដែលកម្ពុជា ត្រូវធ្វើជាមួយដៃគូផ្សេងៗទៀត៕អត្ថបទ៖ មុត សុទ្ធ

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទេយ្យវត្ថុដល់វត្តចំនួន៥ និងចែកអំណោយជូនប្រជាពលរដ្ឋចំនួន៥០០គ្រួសារ នៅខេត្តស្វាយរៀង

ប្រព័ន្ធការពារដែនអាកាសរបស់រុស្ស៊ី បានបំផ្លាញយានដ្រូនអ៊ុយក្រែនជាង ៩០គ្រឿង កាលពីយប់ថ្ងៃសៅរ៍

រុស្ស៊ី គ្រោងជួលជនជាតិឥណ្ឌាមកបម្រើការ នៅក្នុងវិស័យគ្រឿងយន្ត និងគ្រឿងអេឡិចត្រូនិច

ជនជាតិឃើដនៅប្រទេសស៊ីរី និយាយថា ដំណើរការជ្រើសរើសសមាជិកសភា គឺពុំមានលក្ខណៈប្រជាធិបតេយ្យ

គោលជំហរសន្ដិភាពរបស់រាជរដ្ឋាភិបាលកម្ពុជា គឺជាគោលជំហរច្បាស់លាស់ ដាច់ខាត និងឥតប្រែប្រួល

សភាពការណ៍ជួរមុខតាមបន្ទាត់ព្រំដែនខេត្តព្រះវិហារ ឧត្តរមានជ័យ និងបន្ទាយមានជ័យមានសភាពស្ងប់ស្ងាត់

ឯកឧត្តម អ៊ុច បូររិទ្ធ អញ្ជើញសួរសុខទុក្ខ និងនាំយកអំណោយរបស់សម្ដេចតេជោ ជូនប្រជាពលរដ្ឋ និងកុមារភៀសសឹក នៅខេត្តឧត្តរមានជ័យ

វិទ្យាស្ថានជាតិពាណិជ្ជសាស្ត្រ (NIB) បានសហការជាមួយក្រុមហ៊ុនចំនួន៥ ដើម្បីផ្ដល់ឱកាសការងារចំនួន ២៤៦៣កន្លែងដល់ពលករខ្មែរដែលទើបវិលត្រឡប់មកពីប្រទេសថៃ

ខេត្តជាប់សមុទ្រនៃប្រទេសចិនខាងត្បូង កំពុងចាត់វិធានការទប់ស្កាត់ផលប៉ះពាល់ពីព្យុះទីហ្វុង Kajiki

អ៊ុយក្រែន ប្រារព្ធទិវាឯករាជ្យ ជាមួយនឹងការវាយប្រហារដោយយានដ្រូន ទៅលើប្រទេសរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ទូតឡាវអរគុណសម្តេចតេជោជាថ្មីដែលបានផ្តល់ជំនួយដល់រដ្ឋាភិបាលនិងប្រជាជនឡាវចូលរួមទប់ស្កាត់កូវីដ-១៩

ភាគីថៃ បង្ហាញការគាំទ្រសម្តេចតេជោដែលនឹងក្លាយជាប្រធានអាស៊ាននៅឆ្នាំ២០២២

រកឃើញអ្នកឆ្លងមេរោគអេដស៍ថ្មីជាង ១០នាក់ក្នុងខេត្តបាត់ដំបង កាលពីខែមុន

ពិព័រណ៍យន្តហោះ និងបច្ចេកវិទ្យាបានទាក់ទាញអ្នកចូលទស្សនាជាច្រើនក្នុងថ្ងៃចាប់ផ្ដើមដំបូងនេះ

សម្ដេចពិជ័យ៖ អាវុធ និងសម្ភារៈរបស់អាមេរិកប្រមូលបានបណ្ដើរៗហើយ គ្រោងកម្ទេចចោល

ការលក់កញ្ចប់ទេសចរក្នុងស្រុកកើនជិត ៣០ភាគរយ ខណៈកញ្ចប់អន្តរជាតិ នឹងមានច្រើនចាប់ពីខែមីនា ឆ្នាំ២០២២

ប្រធានរាជបណ្ឌិត្យសភា៖ កម្ពុជាមានពិសោធន៍សង្គ្រាមស៊ីវិលគ្រប់គ្រាន់ អាចជួយចរចាដោះស្រាយបញ្ហាមីយ៉ាន់ម៉ា

ទូតបារាំង៖ ដើមឆ្នាំ២០២២នេះ អ្នកវិនិយោគិនបារាំងជាច្រើន នឹងមកស្វែងយល់អំពីសក្តានុពលនៅកម្ពុជា

គណៈរដ្ឋមន្ត្រីធ្វើវិសោធនកម្មមាត្រាមួយចំនួននៃច្បាប់ពាណិជ្ជកម្ម ដើម្បីសម្រួលការធ្វើធុរកិច្ចនៅកម្ពុជា

សម្តេចតេជោ៖ ទីផ្សារកម្ពុជាមិនតូចចង្អៀត មិនផ្អែកទៅលើតែមួយជ្រុងនោះទេ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ទូតឡាវអរគុណសម្តេចតេជោជាថ្មីដែលបានផ្តល់ជំនួយដល់រដ្ឋាភិបាលនិងប្រជាជនឡាវចូលរួមទប់ស្កាត់កូវីដ-១៩

ភាគីថៃ បង្ហាញការគាំទ្រសម្តេចតេជោដែលនឹងក្លាយជាប្រធានអាស៊ាននៅឆ្នាំ២០២២

រកឃើញអ្នកឆ្លងមេរោគអេដស៍ថ្មីជាង ១០នាក់ក្នុងខេត្តបាត់ដំបង កាលពីខែមុន

ពិព័រណ៍យន្តហោះ និងបច្ចេកវិទ្យាបានទាក់ទាញអ្នកចូលទស្សនាជាច្រើនក្នុងថ្ងៃចាប់ផ្ដើមដំបូងនេះ

សម្ដេចពិជ័យ៖ អាវុធ និងសម្ភារៈរបស់អាមេរិកប្រមូលបានបណ្ដើរៗហើយ គ្រោងកម្ទេចចោល

ការលក់កញ្ចប់ទេសចរក្នុងស្រុកកើនជិត ៣០ភាគរយ ខណៈកញ្ចប់អន្តរជាតិ នឹង​មាន​ច្រើន​ចាប់​ពីខែមីនា ឆ្នាំ២០២២

ប្រធានរាជបណ្ឌិត្យសភា៖ កម្ពុជាមានពិសោធន៍សង្គ្រាមស៊ីវិលគ្រប់គ្រាន់ អាចជួយ​ចរចា​ដោះស្រាយបញ្ហាមីយ៉ាន់ម៉ា

ទូតបារាំង៖ ដើមឆ្នាំ២០២២នេះ អ្នកវិនិយោគិនបារាំងជាច្រើន នឹងមកស្វែងយល់អំពីសក្តានុពលនៅកម្ពុជា

គណៈរដ្ឋមន្ត្រីធ្វើវិសោធនកម្មមាត្រាមួយចំនួននៃច្បាប់ពាណិជ្ជកម្ម ដើម្បីសម្រួលការធ្វើធុរកិច្ចនៅកម្ពុជា

សម្តេចតេជោ៖ ទីផ្សារកម្ពុជាមិនតូចចង្អៀត មិនផ្អែកទៅលើតែមួយជ្រុងនោះទេ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ការលក់កញ្ចប់ទេសចរក្នុងស្រុកកើនជិត ៣០ភាគរយ ខណៈកញ្ចប់អន្តរជាតិ នឹងមានច្រើនចាប់ពីខែមីនា ឆ្នាំ២០២២

ប្រធានរាជបណ្ឌិត្យសភា៖ កម្ពុជាមានពិសោធន៍សង្គ្រាមស៊ីវិលគ្រប់គ្រាន់ អាចជួយចរចាដោះស្រាយបញ្ហាមីយ៉ាន់ម៉ា