BTV NEWS

ប្រធានក្រុមការងារចុះមូលដ្ឋាន ប្រកាសបញ្ចូលសមាជិកថ្មីគណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ

សម្ដេចតេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន

ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី

ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

សម្តេចតេជោ ព្រមានក្រុមហ៊ុនលីឈួង ដាក់ក្នុងបញ្ជីខ្មៅ រឿងឃុបឃិតជាមួយអាជ្ញាធរថ្នាក់ក្រោមជាតិធ្វើការសាងសង់មុនទូទាត់ក្រោយ

កោះកុង៖ សម្តេចតេជោ ហ៊ុន សែន នាយករដ្ឋមន្ត្រី បានធ្វើការព្រមានធ្ងន់ៗទៅកាន់ក្រុមហ៊ុន លី ឈួង ដែលកន្លងមកបានធ្វើការឃុបឃិតជាមួយអាជ្ញាធរថ្នាក់ក្រោមជាតិ ទទួលគម្រោងកសាងហេដ្ឋារចនាសម្ព័ន្ធនានា ធ្វើការសាងសង់មុនទូទាត់ក្រោយ ដែលធ្វើឱ្យមានការជំពាក់បំណុលរាប់សិបឆ្នាំនោះ។ថ្លែងពិធីបើកការដ្ឋាននៅស្រុកស្រែអំបិល ខេត្តកោះកុង នាព្រឹកថ្ងៃទី៣ខែមករាឆ្នាំ២០២២នេះសម្ដេចតេជោ ប្រមុខរាជរដ្ឋាភិបាលកម្ពុជា បានព្រមានធ្ងន់ៗទៅកាន់ក្រុមហ៊ុន លីឈួង ក៏ដូចជាព្រមានទៅកាន់អាជ្ញាធរខេត្តឱ្យបញ្ឈប់ជាបន្ទាន់និងដកលុបចោលគម្រោងទាំងឡាយដែលនៅសល់របស់ក្រុមហ៊ុនលីឈួង មិនឱ្យបន្តឃុបឃិតជាមួយគ្នាតទៅទៀត ។សម្តេច បានគូសបញ្ជាក់ថា បើខេត្តណាហ៊ានឃុបឃិតត្រូវរកថវិកាទូទាត់ខ្លួនឯង ។សម្តេចបានស្តីបន្ទោសថា បណ្តាខេត្តដែលពាក់ព័ន្ធឱ្យក្រុមហ៊ុនមួយនេះ ធ្វើការសាងសង់សំណង់នានា នៅក្នុងខេត្តរបស់ខ្លួនដែលជាការឃុបឃិត មិនឱ្យរាជរដ្ឋាភិបាលដឹងនោះ ប្រៀបបានដូចជាការបង្កើតរដ្ឋក្នុងរដ្ឋ ដូច្នេះសម្តេចបានព្រមានធ្ងន់ៗទៅអាជ្ញាធរខេត្តឱ្យបញ្ឈប់ជាបន្ទាន់ ហើយក្រុមហ៊ុនលីឈួង អាចនឹងដាក់ចូលទៅក្នុងបញ្ជីខ្មៅ ប្រសិនមិនបញ្ឈប់ជាបន្ទាន់នោះទេ។ការព្រមានបែបនេះ ក្នុងគោលបំណងជំរុញកំណែទម្រង់នៃការគ្រប់គ្រងហិរញ្ញវត្ថុសាធារណៈនិងអនុវត្តដោយម៉ឺងម៉ាត់នូវច្បាប់ស្តីពីបទបញ្ជា និងការប្រើប្រាស់ថវិកា។សម្តេចបានបង្ហាញការភ្ញាក់ផ្អើលយ៉ាងខ្លាំងដែលបានឃើញបញ្ជីបណ្តាខេត្តជំពាក់លុយក្រុមហ៊ុន លី ឈួង យ៉ាងច្រើន តាមរយៈអាជ្ញាធរថ្នាក់ក្រោមជាតិបានឃុបឃិតមិនឱ្យសម្តេចដឹង ពីការចាប់យកដៃគូក្រុមហ៊ុន លីឈួង ធ្វើការកសាងសំណង់នានានៅក្នុងដែនដីរបស់ខ្លួនតាមបែបធ្វើមុនទូទាត់ក្រោយ។សម្តេច បានបង្ហាញការហួសចិត្តជាខ្លាំង ដែលបណ្តាខេត្តបានឃុបឃិតគ្នាជាមួយក្រុមហ៊ុន លី ឈួង ធ្វើការសាងសង់មុន ទើបទូទាត់តាមក្រោយបែបនេះ សម្តេចបានព្រមានធ្ងន់ៗថា៖បើចៅហ្វាយខេត្តណាហ៊ានធ្វើតទៅទៀត ចៅហ្វាយខេត្តនោះត្រូវទទួលខុសត្រូវចំពោះមុខរាជរដ្ឋាភិបាល៕ អត្ថបទ៖ មុត សុទ្ធ

សម្តេចតេជោ៖ ការលើកកំរិតផ្លូវកោះកុង នឹងនាំឱ្យគ្របដណ្តប់សេដ្ឋកិច្ចរបៀងមាត់សមុទ្រផ្នែកទិសនិរតីទាំងមូល

កោះកុង៖ សម្តេចតេជោ ហ៊ុន សែន នាយករដ្ឋមន្ត្រី បានបង្ហាញពីចក្ខុវិស័យនៃការអភិវឌ្ឍហេដ្ឋារចនាសម្ព័ន្ធផ្លូវជាតិ ផ្លូវថ្នល់តាំងពីដើមរៀងមក ជាពិសេសការកសាងឡើងវិញ ផ្លូវជាតិលេខ ៤៨ខេត្តកោះកុង ជាការតភ្ជាប់នឹងធ្វើឱ្យរបៀងសេដ្ឋកិច្ចមាត់សមុទ្រ នឹងមានការគ្របដណ្តប់ផ្នែកទិសនិរតីទាំងមូល។សម្ដេចតេជោ ប្រមុខរាជរដ្ឋាភិបាលបានបង្ហាញមោទនភាពខាងវិស័យសេដ្ឋកិច្ចតាមរយៈការអភិវឌ្ឍហេដ្ឋារចនាសម្ព័ន្ធតភ្ជាប់យ៉ាងដូច្នេះ ខណៈអញ្ជើញជាអធិបតីដ៏ខ្ពង់ខ្ពស់ក្នុងពិធីបើកការដ្ឋានសាងសង់ និងលើកកម្រិតគុណភាពផ្លូវជាតិលេខ៤៨ តភ្ជាប់ខេត្តព្រះសីហនុ ទៅកាន់ខេត្តកោះកុង ក្នុងប្រវែង ១៤៨គីឡូម៉ែត្រ ដែលប្រារព្ធពិធីបើកការដ្ឋាននៅស្រុកស្រែអំបិល ខេត្តកោះកុង នាព្រឹកថ្ងៃទី៣ខែមករាឆ្នាំ២០២២នេះ។ជាមួយនឹងការរំលឹកឡើងវិញនូវប្រវត្តិពីអតីតកាលនៃការលំបាកផ្នែកហេដ្ឋារចនាសម្ព័ន្ធទៅមក និងទំនាក់ទំនងសេដ្ឋកិច្ចពីអតីតកាលជាពិសេសការផ្លាស់ប្តូរសេដ្ឋកិច្ចពាណិជ្ជកម្មជាមួយប្រទេសថៃតាំងពីដើមតរៀងមកនោះ សម្តេចបានមានប្រសាសន៍ថា៖ មុននេះរបៀងសេដ្ឋកិច្ចមាត់សមុទ្ររបស់យើងមានត្រឹមតែខេត្តព្រះសីហនុប៉ុណ្ណោះ តែឥឡូវយើងមានច្រករបៀងសេដ្ឋកិច្ចមាត់សមុទ្រគ្របដណ្តប់ផ្នែកនិរតីទាំងមូល លើការផ្លាស់ប្តូរសេដ្ឋកិច្ច ពាណិជ្ជកម្ម ទៅវិញទៅមក ជាពិសេសរវាងប្រទេសថៃ កម្ពុជា និងវៀតណាមជាដើម។សូមបញ្ជាក់ថា៖ ផ្លូវជាតិលេខ៤៨នេះ ចាប់ផ្តើមសាងសង់ពីចំណុចប្រសព្វជាមួយផ្លូវជាតិលេខ៤ ត្រង់គីឡូម៉ែត្រលេខ ១៤១+៧៥០ ស្ថិតក្នុងភូមិអូរជ្រៅ ឃុំបឹងព្រាវ ស្រុកស្រែអំបិល រហូតដល់ក្រុងខេមរភូមិន្ទ ខេត្តកោះកុង។ គម្រោងផ្លូវនេះ រួមមាន៖ ផ្លូវ២គន្លង មានប្រវែង ១២២.៩គីឡូម៉ែត្រ ទទឹងផ្លូវ ១១ម៉ែត្រ និង ផ្លូវ៤គន្លង មានប្រវែង ២៥.១គីឡូម៉ែត្រ ទទឹងចាប់ពី ១៨.៥ម៉ែត្រ ដល់ ២១.៥ម៉ែត្រ។គម្រោងខាងលើនេះ នឹងប្រើប្រាស់រយៈពេលសាងសង់ ៣២ខែ ដែលគ្រោងនឹងបញ្ចប់នៅអំឡុងខែមិថុនា ឆ្នាំ២០២៤ សាងសង់ដោយសម្ព័ន្ធក្រុមហ៊ុនកូរ៉េ ILSUNG & HANIL Joint Venture និងត្រួតពិនិត្យបច្ចេកទេសដោយសម្ព័ន្ធក្រុមហ៊ុនទីប្រឹក្សាបច្ចេកទេស KCI & KECC Joint Venture ប្រើប្រាស់ថវិកាសរុបប្រមាណ ៦៥.១៤លានដុល្លារអាមេរិក ក្រោមឥណទានសម្បទានពីរដ្ឋាភិបាលសាធារណរដ្ឋកូរ៉េ រួមជាមួយនឹងថវិកាបដិភាគរបស់រាជរដ្ឋាភិបាលសម្រាប់ការងារដោះស្រាយផលប៉ះពាល់ និងយុទ្ធភ័ណ្ឌមិនទាន់ផ្ទុះផងដែរ៕ អត្ថបទ៖ មុត សុទ្ធ

ភ្ញៀវទេសចរណ៍ចាប់ផ្តើមមកកម្សាន្តខេត្តកំពតជាបណ្តើរៗ បើទោះជារដ្ឋបាលខេត្តមិនមានការរៀបចំពិធី

កំពត៖ បើតាមមន្ត្រីជំនាញ បានលើកឡើងថា ភ្ញៀវទេសចរបានកក់បន្ទប់គេង នៅតាមបឹងហ្ហាឡូ រីស៊ត ផ្ទះវីឡា និងផ្ទះលំហែនៅតាមដងព្រែក និងឆ្នេរសមុទ្រអស់ហើយ នៅសល់តែផ្ទះសំណាក់មួយចំនួននៅក្នុងក្រុងកំពតប៉ុណ្ណោះ។ បើទោះបីឆ្នាំនេះ រដ្ឋបាលខេត្តកំពតមិនមានការរៀបចំពិធីឆ្លងឆ្នាំសកល ប៉ុន្ដែកាលពីរសៀលថ្ងៃទី៣០ ខែធ្នូ ភ្ញៀវទេសចរក៏ចាប់ផ្តើមធ្វើដំណើរមកជាបណ្តើរៗហើយ។ប្រធានមន្ទីរទេសចរណ៍ លោកសយ ស៊ីណុល បានប្រាប់ឲ្យដឹងថា នៅឆ្នាំនេះរដ្ឋបាលខេត្តមិនមានការរៀបចំពិធីឆ្លងឆ្នាំដែលគេនិយមហៅថា ”(Count Down” ឬ “រាប់ថយក្រោយ”) អង្គុយមើលកាំជ្រូចដូចឆ្នាំ មុននោះទេ ហើយក៏គ្មានការណែនាំឲ្យមន្ទីរ អង្គភាព ស្ថានប័នរដ្ឋ រៀបចំតុបតែងលម្អកន្លែង និងជួបជុំមន្ត្រីរបស់ខ្លួនក្នុងឱកាសឆ្លងឆ្នាំដែរ។ ប៉ុន្តែតាមទិដ្ឋភាពជាក់ស្តែងកាលពីយប់ថ្ងៃទី៣០ ខែធ្នូនេះ លោកប្រធាន បានបញ្ជាក់ថា ភ្ញៀវទេសចរចាប់ផ្តើមធ្វើដំណើរមកជាបណ្តើរៗហើយ ពិសេសភ្ញៀវដែលកក់ បឹងហ្គាឡូ រីស៊ត និងផ្ទះលំហែរតាមមាត់ព្រែក ។លោកបានបន្តថា ចំពោះទិដ្ឋភាពជារួមនៅក្នុងក្រុងមិនទាន់មានភាពអ៊ូអរនៅឡើយទេ តែនៅតាមកន្លែងផ្តល់សេវាទេសចរណ៍ មានការរៀបចំលម្អភ្លើងពណ៌បានល្អ និងបានចូលរួមអនុវត្តវិធានសុវត្ថិភាពទេសចរណ៍ (SOP) បានប្រសើរ។លើកលែងតែសេវាទូកដឹកភ្ញៀវទេសចរកម្សាន្តតាមមាត់ព្រែក ចំនួនភ្ញៀវច្រើនអ៊ូអរ ពិបាករក្សាគម្លាតសុវត្ថិភាព។ យ៉ាងណាក៏ដោយ នៅថ្ងៃទី៣១ ខែធ្នូនេះ មន្ត្រីជំនាញរបស់លោក បានបញ្ជាក់ថាប្រជាពលរដ្ឋ និងទេសចរបានទៅក្រាលកន្ទេល បោះតង់ នៅតាមសួនច្បារមាត់ព្រែកចាប់ពីគល់ស្ពានថ្មីរហូតដល់រូបសំណាកព្រះបាទអង្គដួងជាបណ្តើរៗដែរហើយ ។លោកប្រធានមន្ទីរនៅតែរំពឹងថា បើទោះជាស្ថិតក្នុងការរស់នៅជាធម្មតាក្នុងគន្លងថ្មីនៃជំងឺកូវីដ១៩ក្តី ភ្ញៀវទេសចរ នឹងមកកម្សាន្តខេត្តកំពតច្រើន ពិសេសនៅក្នុងយប់ឆ្លងឆ្នាំនេះ ព្រោះកំពតមានកន្លែងដើរកម្សាន្តច្រើន ការផ្តល់សេវាទេសចរណ៍ល្អ កំពតងាយស្រួលធ្វើដំណើរ នៅជិតភ្នំពេញហើយអាចឈៀងទៅលេងខេត្តកែបបាន ។យ៉ាងណាក៏ដោយ លោកស្នើសុំឲ្យអ្នកផ្លល់សេវាទេសចរទាំងអស់ បងប្អូនប្រជាពលរដ្ឋខ្មែរត្រូវរួមគ្នាការពារអនាម័យ ពិសេសការពារខ្លួនពីជំងឺកូវីដ១៩រៀងៗខ្លួន ហើយបើកបរត្រូវមានការប្រុងប្រយ័ត្នខ្ពស់៕

អាជ្ញាធរជាតិអប្សរា អះអាងថា អ្នកទេសចរទៅទស្សនាប្រាសាទអង្គរនៅថ្ងៃទីឆ្លងឆ្នាំសកលជាង ១ម៉ឺន៤ពាន់នាក់

សៀមរាប ៖ លោក សេង សុធារ៉ា អនុប្រធាននាយកដ្ឋាន និងជានាយកដ្ឋានអភិវឌ្ឍន៍វប្បធម៍ សារមន្ទីរ និងបទដ្ឋានបេតិកភណ្ឌនៃអាជ្ញាធរជាតិអប្សរា បានឱ្យដឹងថា អ្នកទេសចរទៅទស្សនាប្រាសាទនានា ក្នុងរមណីយដ្ឋានអង្គរ នៅថ្ងៃឆ្លងឆ្នាំសកល នាថ្ងៃទី ៣០ខែធ្នូឆ្នាំ២០២១នេះ មានចំនួនជាង ១ម៉ឺន៤ពាន់នាក់ ក្នុងនោះ មានអ្នកទេសចរអន្ដរជាតិជាង ១ពាន់នាក់ និងភ្ញៀវទេសចរជាតិ ជាង១ម៉ឺន៣ពាន់នាក់។មន្ដ្រីអាជ្ញាធរជាតិអប្សរារូបនោះ បានបញ្ជាក់ថា ក្នុងរយៈពេល ៥ខែឆ្នាំ២០២១ដោយ ចាប់ពីថ្ងៃទី ១ខែឧសភា ដល់ថ្ងៃទី៣០ខែធ្នូឆ្នាំ២០២១នេះ មានអ្នកទេសចរជាតិនិងអន្ដរជាតិទៅទស្សនាប្រាង្គប្រាសាទនានា នៅក្នុងរមណីយដ្ឋានអង្គរ ជាង១លាន៩ម៉ឺននាក់ ក្នុងនោះអ្នកទេសចរជាតិជាង ១លាន៣ពាន់នាក់ និងអ្នកទេសចរអន្ដរជាតិជាង ៤ម៉ឺនាក់៕

សាខាកាកបាទក្រហមកម្ពុជាខេត្តកំពង់ធំ ផ្តល់អំណោយមនុស្សធម៌ដល់ជនរងគ្រោះបានចំនួន ១,៦២៤ករណីក្នុងឆ្នាំ២០២១

កំពង់ធំ៖ សាខាកាកបាទក្រហមកម្ពុជាខេត្តកំពង់ធំ ផ្តល់អំណោយមនុស្សធម៌ដល់ជនរងគ្រោះ បានចំនួន ១,៦២៤ករណី ក្នុងឆ្នាំ២០២១។នៅថ្ងៃទី៣១ ខែធ្នូ ឆ្នាំ២០២១ សាខាកាកបាទក្រហមកម្ពុជា ខេត្តកំពង់ធំ រៀបចំកិច្ចប្រជុំបូកសរុបសកម្មភាពការងារឆ្នាំ២០២១ និងទិសដៅឆ្នាំ២០២២ ក្រោមអធិបតីភាព ឯកឧត្តម ងួន រតនៈ ប្រធានគណៈកម្មាធិការសាខាកាកបាទក្រហមកម្ពុជា ខេត្តកំពង់ធំ។ ជាមួយគ្នានេះឯកឧត្តម ជា វ៉ាន់ចាន់ លេខាធិការសាខាកាកបាទក្រហមកម្ពុជា ខេត្តកំពង់ធំ ធ្វើរបាយការណ៍ដោយលើកឡើងថា ក្នុងឆ្នាំ២០២១ សាខា និងអនុសាខាកាកបាទក្រហមខេត្តបានផ្តល់អំណោយមនុស្សធម៌ដល់ជនរងគ្រោះបានចំនួន ១,៦២៤ករណីក្នុងនោះអគ្គីភ័យឆេះផ្ទះ ៣៦ ករណី រន្ទះបាញ់របួស ១០ករណី រន្ទះបាញ់ស្លាប់៩ ករណី លង់ទឹកស្លាប់ ៤ករណី ចាស់ជរា ២៧២ករណី ពិការ២៨ករណី ខ្យល់កន្រ្តាក់រលំផ្ទះ ១៩ករណី ខ្យល់កន្រ្តាក់របើកដំបូល ១៥៩ករណី ផ្ទុះមីនស្លាប់ ១ករណី ស្រ្តីមេម៉ាយ ១ករណី គ្រោះថ្នាក់ចរាចរណ៍ ៣ករណី ស្លាប់ដោយជំងឺផ្សេងៗ ចំនួន៩៧៨ករណី ក្នុងនោះសម្ភារៈផ្តល់ជូនមានអង្ករ ៥៧០ គីឡូ, មី ១,៤៩៦កេះ ត្រីខកំប៉ុង ១៤៥០យួរ ទឹកពី១,៤៣៩យួរ, ទឹកស៊ីអ៊ីវ ១៤៣៩យូរ ឃីត ៣៨៤កញ្ចប់ តង់កៅស៊ូ ១៨០ផ្ទាំង សាប៊ូ ២៨៧ដុំ សរុបជាទឹកប្រាក់ចំនួន ២០០,២៨០,០០០រៀល និង៨០០ដុល្លារ ។ ឯកឧត្តម ងួន រតនៈ ប្រធានគណៈកម្មាធិការសាខាកាកបាទក្រហមកម្ពុជា ខេត្តកំពង់ធំ សម្តែងការកោតសរសើរចំពោះការខិតខំប្រឹងប្រែងរបស់មន្រ្តីសាខាកាកបាទក្រហមកម្ពុជា ខេត្តកំពង់ធំ និងអនុសាខាទាំងប្រាំបួននៅតាមក្រុងស្រុក។ ឯកឧត្តមបន្តថា សកម្មភាពទាំងរបស់កាកបាទក្រហម គឺជាករណីចំពោះមុខ ដែលមិនអាចខ្វះបានសម្រាប់ជាទិសដៅឲ្យមានការអនុវត្តប្រកបដោយនិរន្តភាព ក្នុងនោះមាន៖ ១.ការគ្រប់គ្រងគ្រោះមហន្តរាយ និងការប្រែប្រួលអាកាសធាតុ ដែលត្រូវពង្រឹងការងារត្រៀមឆ្លើយតបគ្រោះមហន្តរាយ, ពង្រឹងយន្តការកាត់បន្ថយហានិភ័យគ្រោះមហន្តរាយ, ការឆ្លើយតបគ្រោះមហន្តរាយ, ការលើកកម្ពស់សុវត្ថិភាពចរាចរណ៍, ២.សុខភាព និងការថែទាំសុខភាពសហគមន៍ ដែលត្រូវពង្រឹង និងពង្រីកវិសាលភាពការងារឥស្សរជនឆ្នើមថ្នាក់ជាតិ, បន្តការពង្រឹង និងលើកកម្ពស់សុខភាពមាតា ទារក និងកុមារ, បន្ដពង្រីក និងពង្រឹងការអប់រំផ្សព្វផ្សាយអំពីការបង្ការជំងឺអេដស៍, ពង្រឹងការងារសុខភាពគ្រាអាសន្ន -បន្តអប់រំផ្សព្វផ្សាយអំពីវិធានការទប់ស្កាត់ការឆ្លងរីករាលដាលនៃជំងឺកូវីដ១៩, បើកវគ្គបណ្តុះបណ្តាលវិជ្ជាសង្គ្រោះបឋម, ពង្រឹងការងារសុខភាពសហគមន៍, ៣. ការលើកកម្ពស់គោលការណ៍គ្រឹះ និងតម្លៃមនុស្សធម៌ ចាំបាច់ផ្សព្វផ្សាយលើកកម្ពស់ការយល់ដឹងអំពីគុណតម្លៃ សេចក្តីថ្លៃថ្នូររបស់មនុស្សជាតិ -លើកកម្ពស់វប្បធម៌អហិង្សា និងសន្តិភាព និងចំណុចទី ៤.ការអភិវឌ្ឍន៍ស្ថាប័ន ទាមទាជាដាច់ខាត នូវការលើកកម្ពស់អភិបាលកិច្ច និងការគ្រប់គ្រង, ការអភិវឌ្ឍធនធានមនុស្ស លើកកម្ពស់ការអភិវឌ្ឍធនធានហិរញ្ញវត្ថុ ពង្រឹងការទំនាក់ទំនង និងកិច្ចសហប្រតិបត្តិការ -លើកយស់ការអភិវឌ្ឍការងាររដ្ឋបាល ហិរញ្ញកិច្ច និងលើកកម្ពស់ការពិនិត្យតាមដាន វាយតម្លៃជាប្រចាំ។ ឯកឧត្តមបន្ថែមថា សមិទ្ធផល និងជោគជ័យ ដែលសម្រេចបានជាច្រើនតាមរយៈសកម្មភាពចម្រុះវិស័យអាទិភាពទាំងនេះ គឺដោយសារ វីរៈ គំរូដ៏ខ្ពង់ខ្ពស់ សម្តេចអគ្គមហារសនាបតីតេជោ ហ៊ុន សែន ដែលជានិច្ចកាលបង្ហាញ នូវការគាំទ្រយ៉ាងមុតមាំទាំងផ្លូវកាយ ផ្លូវចិត្ត ប្រកបដោយគតិបណ្ឌិតឈ្លាសវៃ និងមានប្រសិទ្ធភាពជាប់ជាប្រចាំពីសំណាក់ សម្តេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា ដែលនាំមកនូវភាពកក់ក្តៅ ព្រមជាមួយការដឹកនាំដ៏ស្មោះស្ម័គ្រ របស់ឯកឧត្តម ប្រធាន អនុប្រធាន សមាជិក សមាជិកា និងគណៈកិត្តិយស នៃគណៈកម្មាធិការសាខាកាកបាទក្រហមកម្ពុជា ខេត្តកំពង់ធំ គម្មាធិការសាខា អនុសាខា ក្រុង/ ស្រុកក្នុងការតម្រង់ទិសការអនុវត្តការងារដោយមិនគិតការ នឿយហត់ ទឹកចិត្ត : ជម្រុញក្រុមប្រតិបត្តិ យុវជន អ្នកស្ម័គ្រនិងដៃគូ រួមជាមួយគ្រប់កម្លាំងចលករ មនុស្សធម៌ជូនជនរងគ្រោះ និងងាយរងគ្រោះ ពិសេសយើងទប់ស្កាត់បានរោគវាតត្បាតជាសកលជំងឺកូវីដ ១៩ និងគ្រោះទឹកជំនន់ដោយទឹកភ្លៀងទទួលបានលទ្ធផលល្អគួរជាទីមោទនភាព៕

ឆ្នាំ២០២២កម្ពុជា-ជប៉ុននឹងប្រារព្ធខួប៣០ឆ្នាំនៃប្រតិបត្តិការរក្សាសន្តិភាព

ភ្នំពេញ ៖ នៅក្នុងខណៈដែលត្រូវបានសម្តេចតេជោ អនុញ្ញាតឱ្យចូលជួបសំដែងការគួរសមនៅភូមិគ្រឹះក្រុងតាខ្មៅនាព្រឹកថ្ងៃទី២៨ធ្នូ ឯកអគ្គរាជទូតជប៉ុនប្រចាំកម្ពុជាបានគោរពជំរាបជូនសម្តេចថាឆ្នាំ២០២២ភាគីទាំង២កម្ពុជា-ជប៉ុននឹងប្រារព្ធខួប៣០ឆ្នាំនៃប្រតិបត្តិការរក្សាសន្តិភាពដែលពេលនោះជប៉ុននឹងបញ្ជូននាវាស្វ័យការពារជើងទឹកចូលចតនៅខេត្តព្រះសីហនុ។នៅក្នុងឱកាសជំនួបនោះដែរ ឯកឧត្ដម ម៉ាសាហ៊ីរ៉ូ មិកាមី ឯកអគ្គរាជទូតជប៉ុនប្រចាំកម្ពុជាក៏ បានគោរពរាយការណ៍ជូនសម្ដេចតេជោអំពីលទ្ធផលនៃកិច្ចសហប្រតិបត្តិការរវាង កម្ពុជា-ជប៉ុន ដែលក្នុងនោះមានវិស័យសុខាភិបាលដែលជប៉ុនបានផ្ដល់វ៉ាក់សាំង អាស្ត្រាហ្សេនីកាចំនួន៣០លានដូសជូនកម្ពុជាហើយឯកឧត្តមក៏គោរពជម្រាបជូនសម្ដេចថាឆ្នាំ២០២២គឺជាខួប ៣០ឆ្នាំនៃប្រតិបត្តិការរក្សាសន្តិភាព (PKO)ដែលពេលនោះជប៉ុនត្រៀមនឹងបញ្ជូននាវាស្វ័យការពារជើងទឹកមកចុះចតនៅកម្ពុជា។ជប៉ុនក៏នឹងអញ្ជើញឯកឧត្តមហ៊ុនម៉ាណែតដើម្បីទៅធ្វើទស្សនកិច្ចជាផ្លូវការនៅប្រទេសជប៉ុនលើវិស័យកិច្ចសហប្រតិបត្តិការក្នុងតំបន់ជាពិសេសកិច្ចសហប្រតិបត្តិការលើវិស័យអាស៊ាន។ឯកឧត្តមមីកាមិក៏បានគោរពជម្រាបជូនសម្ដេចតេជោថាជប៉ុនបានផ្ដល់រថយន្តមួយចំនួនជូនដល់ក្រសួងការបរទេសក៏ដូចជាសម្ភារៈមួយចំនួនផងដែរហើយត្រៀមនឹងផ្តល់កិច្ចសហប្រតិបត្តិការគាំទ្រដល់កម្ពុជាធ្វើយ៉ាងណាឱ្យកម្ពុជាទទួលបានជោគជ័យក្នុងនាមជាប្រធានអាស៊ាននៅឆ្នាំ២០២២។ជប៉ុនមានក្រុមហ៊ុនមួយចំនួនគ្រោងបង្កើតរោងចក្រផលិតអគ្គិសនីដោយឧស្ម័នធម្មជាតិនិងពន្លឺព្រះអាទិត្យនៅកម្ពុជាផងដែរ។ជាមួយគ្នានោះ ឯកឧត្តមឯកអគ្គរាជទូតបានគោរពជម្រាបជូនសម្ដេចតេជោនូវការគាំទ្ររបស់ជប៉ុនធ្វើយ៉ាងណាជំរុញកំពង់ផែខេត្តព្រះសីហនុឱ្យក្លាយទៅជាកំពង់ផែស្នូលរបស់ប្រទេសកម្ពុជា។ជាការឆ្លើយតប សម្តេចតេជោបានអរគុណដល់រដ្ឋាភិបាលនិងប្រជាជនជប៉ុនដែលបានជួយដល់កម្ពុជានូវវ៉ាក់សាំងក៏ដូចជាជំនួយដទៃទៀតដូចជាបរិក្ខារផ្សេងៗដើម្បីជួយកម្ពុជាក្នុងការទប់ស្កាត់ប្រយុទ្ធប្រឆាំងក្នុងការរាតត្បាតជំងឺកូវីដ-១៩ ហើយសម្ដេចក៏បានថ្លែងអំណរគុណផងដែរចំពោះគម្រោងវិនិយោគរបស់ក្រុមហ៊ុននានានិងអរគុណការផ្ដល់រថយន្តក៏ដូចជាការផ្ដល់ជាសម្ភារៈនិងកិច្ចសហប្រតិបត្តិការនិងការគាំទ្រដើម្បីធ្វើយ៉ាងណាឱ្យកម្ពុជាទទួលបានជោគជ័យក្នុងការដឹកនាំជាប្រធានអាស៊ាននៅពេលខាងមុខ។ចំពោះការអញ្ជើញឯកឧត្តមហ៊ុនម៉ាណែតទៅធ្វើទស្សនកិច្ចនៅប្រទេសជប៉ុននិងដំណើរចុះចតនាវានៅកំពង់ផែខេត្តព្រះសីហនុនៅកម្ពុជាសម្ដេចក៏បានស្វាគមន៍និងមានប្រសាសន៍ថាក្នុងខួប៣០ឆ្នាំនៃPKOនៅឆ្នាំ ២០២២ខាងមុខនេះ គប្បីណារៀបចំធ្វើខួបនេះឲ្យក្លាយទៅជាការពង្រឹងនិងពង្រីកកិច្ចសហប្រតិបត្តិការរវាងប្រទេសទាំងពីរលើវិស័យការពារជាតិ៕ អត្ថបទ មុត សុទ្ធ

សម្ដេចក្រឡាហោម បញ្ជាទប់ស្កាត់ការលួចនាំទូរស័ព្ទចូលពន្ធនាគារ អាចបង្កជាបទល្មើសបន្ថែម

កណ្ដាល៖ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានបញ្ជាយ៉ាងម៉ឺងម៉ាត់ ទៅអគ្គនាយកដ្ឋានពន្ធនាគារ ត្រូវទប់ស្កាត់ឲ្យបានតឹងរឹង ចំពោះបញ្ហាការលួចនាំយកទូរស័ព្ធឲ្យអ្នកជាប់ពន្ធនាគារ ដែលអាចបង្កើតឱកាសឲ្យពួកគេ ប្រព្រឹត្តិបទល្មើសបន្ថែម ។ក្នុងឱកាសអញ្ជើញសម្ពោធដាក់ឱ្យប្រើប្រាស់ ជាផ្លូវការមណ្ឌលយុវនីតិសម្បទា ស្ថិតក្នុង ស្រុកកណ្តាលស្ទឹង ខេត្តកណ្តាល នៅថ្ងៃទី២៨ ខែធ្នូ ឆ្នាំ២០២១ សម្ដេចក្រឡាហោម បានមានប្រសាសន៍ថា បញ្ហាអ្នកជាប់ពន្ធនាគារនេះ ត្រូវត្រួតពិនិត្យទប់ស្កាត់ ឲ្យបានតឹងរឹងបំផុស ការលួចនាំយកទូរស័ព្ទដៃពីខាងក្រៅឲ្យទណ្ឌិត ព្រោះកន្លងមកមានករណីអ្នកទោស ប្រើប្រាស់ទូរស័ព្ទតេ ទាក់ទងទៅខាងក្រៅ ប្រព្រឹត្តិបទល្មើសផ្សេងៗ ។សម្ដេចបានន្ថែមថា អគ្គនាយកដ្ឋានពន្ធនាគារ ត្រូវត្រួតពិនិត្យឡើងវិញ មិនអនុញ្ញាតឲ្យ មានទូរស័ព្ទក្នុងពន្ធនាគារឡើយ ប៉ុន្ដែឲ្យពួកគាត់ប្រើបាន តែត្រូវតាមដានយ៉ាងយកចិត្តទុកដាក់ ព្រមទាំង ថតសំឡេង ដើម្បីធានាសុវត្ថិភាពនាពេលក្រោយ ដោយមន្រ្តីពន្ធនាគារត្រូវរៀបចំយ៉ាងណាធ្វើទៅតាមច្បាប់ ព្រោះមានក្រុមគ្រួសារបស់អ្នកជាប់ពន្ធនាគារ មកសួរសុខទុក្ខ ដូច្នេះត្រូវតាមដានយ៉ាងយកចិត្តទុកដាក់បំផុត ។ ជាមួយគ្នានេះសម្ដេចក្រឡាហោម ក៏បានសម្ដែងនូវការព្រួយបារម្ភផងដែរ ចំពោះការកើនឡើង នៃយុវជនជាទំពាំងស្នងឫស្សី ពិសេសអនីតិជន បានប្រព្រឹត្តិបទល្មើសផ្សេងៗជាបន្តបន្ទាប់ ក្នុងនោះដូចជាបទល្មើសគ្រឿងញៀនជាដើម ដោយសម្ដេចបានជំរុញដល់ភាគីពាក់ព័ន្ធ បន្តដោះស្រាយបញ្ហានេះ ។គួរបញ្ជាក់ថា បច្ចុប្បន្នអ្នកជាប់ពន្ធនាគារ នៅក្នុងប្រទេសកម្ពុជាមានជិត ៤ម៉ឺននាក់ ក្នុងនោះអ្នកទោសពាក់ព័ន្ធនឹងបទល្មើសគ្រឿងញៀន មានរហូតដល់ជាង ៥១ភាគរយ ហើយក្នុងចំណោមអ្នកទោសទាំងអស់នោះ ក៏មានអនីតិជនផងដែរ ៕ អត្ថបទ បាន សុខរិទ្ធិ

សម្តេច សាយ ឈុំ ស្នើឲ្យទូតខ្មែរថ្មីបំពេញការងារនៅក្រៅប្រទេសខិតខំពង្រឹងកិច្ចសហប្រតិបត្តិការឲ្យកាន់តែល្អថែមទៀត

ភ្នំពេញ៖ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា បានជំរុញដល់ឯកអគ្គរាជទូតខ្មែរថ្មី ដែលបំពេញការងារនៅក្រៅប្រទេស ខិតខំប្រឹងប្រែងកិច្ចការងាររបស់ខ្លួន ឲ្យបានល្អប្រសើរបន្ថែមទៀត ជាមួយប្រទេសដែលពួកផងខ្លួន ត្រូវព្រះមហាក្សត្រត្រាស់បង្គាប់តែងតាំងឲ្យបំពេញបេសកកម្មនោះ។ថ្លែងក្នុងឱកាស អនុញ្ញាតឱ្យឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រកម្ពុជាទើបតែងតាំងថ្មីប្រចំាប្រទេសនានាចំនួន០៣រូប ចូលជួបសម្តែងការគួរសម និងទទួលអនុសាសន៍ណែនាំមុននឹងចេញដំណើរទៅបំពេញភារកិច្ចនោះ សម្តេច វិបុលសេនាភក្តី សាយ ឈុំ បានលើកឡើងថា «សូមយកចិត្តទុកដាក់ខិតខំប្រឹងប្រែងខិតខំពង្រឹងពង្រីកនូវទំនាក់ទំនង និងកិច្ចសហប្រតិបត្តិការលើគ្រប់វិស័យរវាងប្រទេសកម្ពុជា និងប្រទេសសាមី ឱ្យបានរឹងមាំ និងខ្លាំងក្លា ដើម្បីជាគុណប្រយោជន៍ដ៏ឧត្ដុង្គឧត្ដមសម្រាប់ប្រជាជន និងប្រទេសទាំងពីរ ទាំងក្នុងពេលបច្ចុប្បន្ន និងទៅអនាគត»។ក្តាប់ជាប់គ្រប់សភាពការណ៍របស់ប្រទេសជាតិយើង ក៏ដូជាសភាពការណ៍អន្តរជាតិ ដែលមានការពាក់ព័ន្ធនឹងប្រទេសជាតិយើងសំដៅ និងបង្កលក្ខណងាយស្រួលសម្រាប់យើងក្នុងការផ្សព្វផ្សាយជូនប្រជាពលរដ្ឋនៃព្រះរាជាណាចក្រកម្ពុជា ដែលបាននឹងកំពុងរស់នៅ ធ្វើការងារនៅប្រទេសដែលឯកឧត្តមធ្វើជាឯកអគ្គរាជទូតជាដើមនោះ ។សម្តេចជាមួយគ្នានោះដែរ សម្តេចវិបុលសេនាភក្តី សាយ ឈុំ បានសម្តែងនូវការអបអរសាទរចំពោះឯកឧត្តម ទាំង០៣រូប ដែលត្រូវបានព្រះមហាក្សត្រត្រាស់បង្គាប់តែងតាំងជាឯកអគ្គរាជទូតថ្មីប្រចាំប្រទេសទាំង០៣ មានដូចជាឯកឧត្តម ទុយ រី ឯកអគ្គរាជទូតប្រចាំប្រទេសជប៉ុន ឯកឧត្តម កែវ ឈា ឯកអគ្គរាជទូតប្រចាំសហរដ្ឋអាមេរិក និងម៉ិកស៊ីកូ និងឯកឧត្តម ផន ពៅ ឯកអគ្គរាជទូតប្រចាំសាធារណរដ្ឋហ្វីលីពីន។សម្តេចប្រធានព្រឹទ្ធសភាក៏បានផ្ដាំផ្ញើ ឲ្យយកចិត្តទុកដាក់ក្តាប់គ្រប់សភាពការណ៍ ដែលកើតមានឡើងនៅប្រទេសដែលឯកឧត្តមធ្វើជាឯកអគ្គរាជទូត ហើយជូនព័ត៌មានទាំងអស់នោះមកដល់ប្រទេសជាតិយើងវិញ ដើម្បីជ្រាប ឬក៏ដើម្បីយើងមានគោលការណ៍ និងវិធានការជាការរឹតចំណងមិត្តភាព សាមគ្គីភាព និងកិច្ចសហប្រតិបត្តិការជាមួយនឹងបណ្តាប្រទេសទាំងអស់នោះ។សូមខិតខំប្រឹងប្រែងឱ្យមានការផ្លាស់ប្តូរ ទស្សនកិច្ចរវាងថ្នាក់ដឹកនាំកំពូល ថ្នាក់ដឹកនាំជាន់ខ្ពស់ មន្ត្រីជំនាញតាមស្ថាប័ននានា និងខិតខំឱ្យមានកិច្ចសហប្រតិបត្តិការផ្លាស់ប្តូរខាងសេដ្ឋកិច្ច ពាណិជ្ជកម្ម វិនិយោគ ទេសចរណ៍ អប់រំ វប្បធម៌ បច្ចេកទេស...។ ដើម្បីជាគុណប្រយោជន៍សម្រាប់ប្រទេសទាំងពីរ ក៏ដូចជាគុណប្រយោជន៍ប្រទេសកម្ពុជា។ក្នុងនាមឯកអគ្គរាជទូតទាំង០៣រូប ឯកឧត្តម ទុយ រី បានសន្យាថា នឹងខិតខំអនុវត្តតាមអនុសាសន៍ណែនាំដ៏ខ្ពង់ខ្ពស់របស់សម្តេចប្រធានព្រឹទ្ធសភា និងខិតខំផ្សព្វផ្សាយនូវកិត្យានុភាពប្រទេសជាតិ ពង្រឹងពង្រីកទំនាក់ទំនងសហប្រតិបត្តិការជាមួយនឹងប្រទេសម្ចាស់ផ្ទះ និងឯកអគ្គរាជទូត រដ្ឋទូតប្រទេសផ្សេងៗទៀត និងខិតខំទាក់ទាញជំនួយនៃប្រទេសជាមិត្ត វិនិយោគិន អ្នកទេសចរឱ្យមកកម្ពុជាកាន់តែច្រើន ដើម្បីលើកកម្ពស់សេដ្ឋកិច្ច សង្គមនៃព្រះរាជាណាចក្រកម្ពុជាឱ្យកាន់តែរីកចម្រើនឡើងថែមទៀត៕អត្ថបទ៖ បាន ចក់

អភិបាលខេត្តឧត្តរមានជ័យ ជំរុញបេក្ខជនឱ្យប្រើប្រាស់សមត្ថភាពក្នុងការប្រឡង

ឧត្ដរមានជ័យ៖ អភិបាលខេត្តឧត្ដរមានជ័យ បានជំរុញឱ្យបេក្ខជនទាំងអស់ ប្រើប្រាស់សមត្ថភាពក្នុងការប្រឡងយក សញ្ញាបត្រ ដើម្បីវាស់ស្ទង់ពីកម្រិតចំណេះដឹង ដែលបានសិក្សាអស់រយៈពេលជាច្រើនឆ្នាំមកហើយនោះ។ឯកឧត្តម ប៉ែន កុសល្យ អភិបាលខេត្តឧត្តរមានជ័យ ពេលបើកវិញ្ញាសារប្រឡងសញ្ញាបត្រមធ្យមសិក្សាទុតិយភូមិ នៅវិឡាល័យតេជោ សែន សំរោង នៅព្រឹកថ្ងៃទី២៧ ខែធ្នូនេះ បានក្រើនរំលឹកបេក្ខជន ប្រឡងទាំងអស់ ត្រូវមានស្មារតីទទួលខុសត្រូវខ្ពស់ចំពោះការណែនាំរបស់ក្រសួងអប់រំ យុវជន និងកីឡា ក៏ដូចជាវិធានការណែនាំរបស់ក្រសួងសុខាភិបាល ក្នុងការបង្ការទប់ស្កាត់ការឆ្លងកូវីដ-១៩។លោក ប៊ិច រតនា ប្រធានមន្ទីរអប់រំ យុវជន និងកីឡា ខេត្តឧត្តរមានជ័យ បានឱ្យដឹងថា សម័យប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០២០/២០២១នេះ ក្នុងខេត្តនេះ មានបេក្ខជនដាក់ ពាក្យប្រឡង ចំនួន១៤៧៩ ចែកចេញជាបីមណ្ឌល ចំនួន៦០បន្ទប់ ១- មណ្ឌលប្រឡងវិឡាល័យតេជោ សែន សំរោង ២- មណ្ឌលប្រឡងវិឡាល័យហ៊ុន សែន ឧត្តរមានជ័យនិង៣- មណ្ឌលសាលាបឋមសិក្សាក៥ ។លោកបានបញ្ជាក់ថា ដំណើរការប្រឡង ថ្ងៃទី១នេះ ប្រព្រឹត្តទៅល្អ សិស្សគោរពតាមលក្ខខណ្ឌ នៃ ការប្រឡង បើទោះជាសិស្សពីរនាក់ ត្រូវបានពិនិត្យរកឃើញវិជ្ជមានកូវីដ-១៩ក្ដី៕ អត្ថបទ៖ ឃិន សារិទ្ធ

ក្រសួងការពារជាតិនឹងប្រារព្ធពិធីយ៉ាងអធិកអធមនៅក្នុងបរិវេណវិមានឈ្នះឈ្នះ នៅថ្ងៃឆ្លងឆ្នាំ២០២១ចូលឆ្នាំ២០២២

ភ្នំពេញ៖ ក្រសួងការពារជាតិកម្ពុជា នឹងប្រារព្ធពិធីយ៉ាងអធិកអធម នៅក្នុងបរិវេណវិមាន ឈ្នះ ឈ្នះ ស្ថិតនៅសង្កាត់បាក់ខែង ខណ្ឌជ្រោយចង្វារ រាជធានីភ្នំពេញ ចាប់ពីថ្ងៃទី៣០ រហូតដល់យប់រំលងអាធ្រាតថ្ងៃទី៣១ ខែធ្នូ ឆ្នាំ២០២១នេះ ដើម្បីអបអរសាទរខួប២៣ឆ្នាំ នៃទិវានយោបាយ ឈ្នះ ឈ្នះ និងខួបលើកទី៣ នៃការដាក់ឲ្យដំណើរការជាសាធារណៈនៃវិមាន ឈ្នះ ឈ្នះ។ថ្លែងប្រាប់អ្នកសារព័ត៌មានបន្ទាប់ពីចុះត្រួតពិនិត្យ នូវការរៀបចំស្តង់តាំងពិព័រណ៍ សម្រាប់សមិទ្ធផលតាមបណ្តាអង្គភាពនានាចំណុះឲ្យក្រសួងការពារជាតិ នៅវិមាន ឈ្នះ ឈ្នះ នាព្រឹកថ្ងៃទី២៧ ខែធ្នូ ឆ្នាំ២០២១នេះ នាយឧត្តមសេនីយ៍ ណឹម សុវត្ថិ ទីប្រឹក្សាពិសេសសម្តេចពិជ័យសេនា ទៀ បាញ់ និងជាអគ្គនាយកអគ្គនាយកដ្ឋាននយោបាយកិច្ចការបរទេស និងជាប្រធានក្រុមការងារសិក្សាស្រាវជ្រាវ និងសាងសង់ វិមានឈ្នះ ឈ្នះ បានឲ្យដឹងថា នៅក្នុងឱកាសប្រារព្ធពិធីខាងលើនេះ នឹងមានការប្រគំតន្ត្រី បាញ់កាំជ្រួច និងពិធីកំសាន្តនានាជាច្រើនទៀត ដើម្បីអបអរសាទរខួបខាងលើនេះ បន្ទាប់ពីអាក់ខានមួយឆ្នាំកន្លងទៅ ដោយសារបញ្ហានៃការរីករាលដាលនូវមេរោគកូវីដ១៩នោះ។ក្នុងសន្និសីទសារព័ត៌មាននោះដែរ ឯកឧត្តមនាយឧត្តមសេនីយ៍ ណឹម សុវត្ថិ ក៏បានរំលឹកអំពីអត្ថន័យ នៃសំណង់វិមានឈ្នះ ឈ្នះផងដែរថា វិមាននេះគឺជាកំពូលវិមានដែលមានជ្រុងបីតំណាងឲ្យនយោបាយគន្លឹះសំខាន់ៗចំនួន ៣នាំឲ្យនយោបាយឈ្នះ-ឈ្នះទទួលបានជោគជ័យ (ទី១.ការធានារូបកាយ និងអាយុជីវិត, ទី២. ធានាអាជីព និងមុខរបរ និងទី៣. ការធានាកម្មសិទ្ធិ និងទ្រព្យសម្បត្តិ ទាំងចលនទ្រព្យ និងអចលនទ្រព្យ), ទី ២. តួវិមានដែលមានជ្រុង ៥ តំណាងឲ្យយុទ្ធសាស្ដ្រ DIFID (បំបែក ឯកោបញ្ចប់ ធ្វើសមាហរណកម្ម និង អភិវឌ្ឍ) ដែលជាយុទ្ធសាស្ដ្ររំលាយអង្គការចាត់តាំងនយោបាយ និងយោធាខ្មែរក្រហម និងសារសំខាន់ ទី៣. តួវិមានមានជ្រុង ប្រាំពីរ តំណាងកត្តានាំឲ្យនយោបាយ ឈ្នះ-ឈ្នះ ទទួលបានជោគជ័យ ។នៅជាប់លើវិមានមានឆ្លាក់សិលាចារឹកចំនួន២ផ្ទាំង គឺសិលាចរឹកផ្ទាំងទី១ បង្ហាញពីជោគជ័យនៃនយោបាយឈ្នះ-ឈ្នះ របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលធ្វើឱ្យប្រទេសជាតិទាំងមូល ទទួលបានសុខសន្តិភាពពេញលេញ មានឯកភាពជាតិ និងឯកភាពទឹកដីទាំងស្រុងចាប់ពីចុងឆ្នាំ១៩៩៨មក។ អត្ថន័យនៃការកសាងវិមាន ឈ្នះ-ឈ្នះ គឺដើម្បីចារឹក និងតម្កល់និមិត្តរូប វត្ថុតាង និងសមិទ្ធផលទាំងអស់ដែលពាក់ព័ន្ធទុកជាការចងចាំ និងជាមេរៀនសម្រាប់មនុស្សជំនាន់ក្រោយតរៀងទៅ។ សិលាចរឹកផ្ទាំងទី២ បង្ហាញអំពីការបញ្ចុះបឋមសិលាសាងសង់វិមានឈ្នះ-ឈ្នះ នាមសប្បុរសជនដែលកសាងថែទាំ ការពាររួមទាំងការអំពាវនាវរបស់សប្បុរសជនទាំងឡាយ ដែលមានបំណងល្អចំពោះសំណង់ប្រវត្តិសាស្ត្រ។យ៉ាងណាក៏ដោយ នៅក្នុងឱកាសប្រារព្ធពិធីយ៉ាងអធិកអធម ខួប២៣ឆ្នាំនៃទិវានយោបាយ ឈ្នះ ឈ្នះ និងខួបលើកទី៣នៃការដាក់ឲ្យដំណើរការជាសាធារណៈនៃវិមាន ឈ្នះ ឈ្នះនេះដែរនាយឧត្តមសេនីយ៍ ណឹម សុវត្ថិ ក៏បានអំពាវនាវដល់បងប្អូនជនរួមជាតិ ដែលនឹងចូលទស្សនាកំសាន្តគប្បីត្រូវធ្វើជា ម្ចាស់ការដោយខ្លួនឯង ពោលគឺត្រូវបន្តគោរពឲ្យបានខ្ជាប់ខ្ជួននូវវិធានការរបស់រាជរដ្ឋាភិបាល និងក្រសួង សុខាភិបាលក្នុងកិច្ចការពារ និងទប់ស្កាត់ការរីករាលដាលនូវមេរោគកូវីដ១៩ ជាពិសេសគឺមេរោគកូវីដ១៩ បំប្លែងថ្មី ប្រភេទអូមីក្រុងនេះតែម្តង។សូមបញ្ជាក់ថា នៅក្នុងពិធីខួប២៣ឆ្នាំនៃទិវានយោបាយ ឈ្នះ ឈ្នះ និងខួបលើកទី៣នៃការដាក់ឲ្យដំណើរការជាសាធារណៈនៃវិមាន ឈ្នះ ឈ្នះនេះដែរ នឹងប្រារព្ធធ្វើឡើងក្រោមអធិបតីភាពពី សម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ និងជាប្រធានក្រុមការងារ សាងសង់វិមានឈ្នះ ឈ្នះ៕ អត្ថបទ បាន ចក់

បណ្ដាញសង្គម

ព័ត៌មានថ្មីៗ

UNICEF ៖ សង្រ្គាមអ៊ីរ៉ង់គំរាមកំហែងដល់ការចែកចាយគ្រឿងផ្គត់ផ្គង់សង្រ្គោះជីវិតកុមារ

ក្រុមហ៊ុន Moderna និងក្រុមហ៊ុនផ្សេងទៀត ទទួលបានប្រាក់ ៦០លានដុល្លារ ដើម្បីផលិតវ៉ាក់សាំងបង្ការជំងឺអេបូឡា

កូដកម្មរថភ្លើងក្រោមដីធ្វើឲ្យប៉ះពាល់ដល់អ្នកដំណើរនៅទីក្រុងឡុងដ្រ៍ ចក្រភពអង់គ្លេស

របាយការណ៍៖ EU ពិចារណាដាក់ទណ្ឌកម្មរដ្ឋមន្ត្រីអ៊ីស្រាអែល ជុំវិញការប្រព្រឹត្តិ ចំពោះនាវាមនុស្សធម៌ឆ្ពោះទៅហ្កាហ្សា

WHO៖ ករណីសង្ស័យជំងឺ Ebola ធ្លាក់ចុះ ក្រោយមនុស្សរាប់រយនាក់ត្រូវបានដកចេញ

ប្រធានគ្លីនិករងការខូចខាតដោយសារការវាយប្រហាររុស្ស៊ីនិយាយថា ទីក្រុងមូស្គូ មិនចង់បញ្ចប់សង្រ្គាមនោះទេ

អគ្គិភ័យដ៏ធំមួយ បានឆាបឆេះផ្សារមួយកន្លែងស្ថិតក្នុងទីក្រុងហ្សាកាតា ប្រទេសឥណ្ឌូនេស៊ី

មនុស្សយ៉ាងតិច ១៥នាក់រងរបួស ដោយសារព្យុះនៅជប៉ុន ខណៈមានការអំពាវនាវឲ្យជម្លៀស

លោក Trump ថាលោកបាននិយាយជាមួយក្រុមហេសបូឡា តាមរយៈអន្តរការី

លោក Netanyahu ប្រាប់លោក Trump ថា អ៊ីស្រាអែលនឹងវាយប្រហារទីក្រុងបេរូត បើសិនការវាយប្រហាររបស់ក្រុមហេសបូឡានៅតែបន្ត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្តេចតេជោ៖ ការលើកកំរិតផ្លូវកោះកុង នឹងនាំឱ្យគ្របដណ្តប់សេដ្ឋកិច្ចរបៀងមាត់សមុទ្រផ្នែកទិសនិរតីទាំងមូល

ភ្ញៀវទេសចរណ៍ចាប់ផ្តើមមកកម្សាន្តខេត្តកំពតជាបណ្តើរៗ បើទោះជារដ្ឋបាលខេត្តមិនមានការរៀបចំពិធី

អាជ្ញាធរជាតិអប្សរា អះអាងថា អ្នកទេសចរទៅទស្សនាប្រាសាទអង្គរនៅថ្ងៃទីឆ្លងឆ្នាំសកលជាង ១ម៉ឺន៤ពាន់នាក់

សាខាកាកបាទក្រហមកម្ពុជាខេត្តកំពង់ធំ ផ្តល់អំណោយមនុស្សធម៌ដល់ជនរងគ្រោះបានចំនួន ១,៦២៤ករណីក្នុងឆ្នាំ២០២១

ឆ្នាំ២០២២កម្ពុជា-ជប៉ុននឹងប្រារព្ធខួប៣០ឆ្នាំនៃប្រតិបត្តិការរក្សាសន្តិភាព

សម្ដេចក្រឡាហោម បញ្ជាទប់ស្កាត់ការលួចនាំទូរស័ព្ទចូលពន្ធនាគារ អាចបង្កជាបទល្មើសបន្ថែម

អភិបាលខេត្តឧត្តរមានជ័យ ជំរុញបេក្ខជនឱ្យប្រើប្រាស់សមត្ថភាពក្នុងការប្រឡង

ក្រសួងការពារជាតិនឹងប្រារព្ធពិធីយ៉ាងអធិកអធមនៅក្នុងបរិវេណវិមានឈ្នះឈ្នះ នៅថ្ងៃឆ្លងឆ្នាំ២០២១ចូលឆ្នាំ២០២២

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ភ្ញៀវទេសចរណ៍ចាប់ផ្តើមមកកម្សាន្តខេត្តកំពតជាបណ្តើរៗ បើទោះជារដ្ឋបាលខេត្តមិន​មាន​ការ​រៀប​ចំពិធី

អាជ្ញាធរជាតិអប្សរា អះអាងថា អ្នកទេសចរទៅទស្សនា​ប្រាសាទអង្គរ​នៅ​ថ្ងៃទីឆ្លងឆ្នាំសកល​ជាង​ ១ម៉ឺន៤ពាន់នាក់

សាខាកាកបាទក្រហមកម្ពុជាខេត្តកំពង់ធំ ផ្តល់អំណោយមនុស្សធម៌​ដល់ជនរងគ្រោះ​បាន​ចំនួន ១,៦២៤ករណីក្នុងឆ្នាំ២០២១

ឆ្នាំ២០២២កម្ពុជា-ជប៉ុននឹងប្រារព្ធខួប៣០ឆ្នាំនៃប្រតិបត្តិការរក្សាសន្តិភាព

សម្ដេចក្រឡាហោម បញ្ជាទប់ស្កាត់ការលួចនាំទូរស័ព្ទ​ចូល​ពន្ធនាគារ ​អាច​បង្កជា​បទល្មើសបន្ថែម

អភិបាលខេត្តឧត្តរមានជ័យ ជំរុញបេក្ខជនឱ្យប្រើប្រាស់សមត្ថភាពក្នុងការប្រឡង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ភ្ញៀវទេសចរណ៍ចាប់ផ្តើមមកកម្សាន្តខេត្តកំពតជាបណ្តើរៗ បើទោះជារដ្ឋបាលខេត្តមិនមានការរៀបចំពិធី

អាជ្ញាធរជាតិអប្សរា អះអាងថា អ្នកទេសចរទៅទស្សនាប្រាសាទអង្គរនៅថ្ងៃទីឆ្លងឆ្នាំសកលជាង ១ម៉ឺន៤ពាន់នាក់

សាខាកាកបាទក្រហមកម្ពុជាខេត្តកំពង់ធំ ផ្តល់អំណោយមនុស្សធម៌ដល់ជនរងគ្រោះបានចំនួន ១,៦២៤ករណីក្នុងឆ្នាំ២០២១

សម្ដេចក្រឡាហោម បញ្ជាទប់ស្កាត់ការលួចនាំទូរស័ព្ទចូលពន្ធនាគារ អាចបង្កជាបទល្មើសបន្ថែម