BTV NEWS

ប្រធានក្រុមការងារចុះមូលដ្ឋាន ប្រកាសបញ្ចូលសមាជិកថ្មីគណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ

សម្ដេចតេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន

ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី

ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

សម្តេចតេជោ ស្នើសុំទុកឱកាសឱ្យសម្ដេចសម្របសម្រួលជាមួយមីយ៉ាន់ម៉ា ក្នុងនាមជាប្រធានអាស៊ាន

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានស្នើសុំទុកឱកាសឱ្យសម្ដេចធ្វើការសម្របសម្រួលជាមួយប្រទេសមីយ៉ាន់ម៉ា ក្នុងនាមជាប្រធានអាស៊ាន តែលទ្ធផលសម្រេច ឬមិនសម្រេចនោះ គឺអាស្រ័យលើ មីយ៉ាន់ម៉ាខ្លួនឯង មិនចំណុះលើអាស៊ាននោះទេ។ក្នុងពិធីសម្ពោធដាក់ឱ្យប្រើប្រាស់ជាផ្លូវការសណ្ឋាគារលំដាប់ផ្កាយ៥មួយ ក្នុងរាជធានីភ្នំពេញ (Hyatt Regency) នៅព្រឹកថ្ងៃទី១៥ ខែធ្នូនេះ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានលើកឡើងអំពីបញ្ហានយោបាយក្រៅប្រទេសទាក់ទងនឹងការដោះស្រាយជួយសម្របសម្រួលរឿងមីយ៉ាន់ម៉ា តែសម្តេចតេជោ បានបញ្ជាក់ថា សុំកុំសង្ឃឹមខ្លាំងពេកលើតួនាទីប្រធានអាស៊ាន ក្នុងការសម្របសម្រួលដោះស្រាយរឿងមីយ៉ាន់ម៉ា តែទុកពេលឱ្យកម្ពុជាធ្វើការសិន សុំកុំអាលធ្វើការវិភាគ បើទោះបីជាដោះស្រាយបាន ឬមិនបាន វាមិនចំណុះលើអាស៊ាននោះទេ សំខាន់វាអាស្រ័យលើមីយ៉ាន់ម៉ាខ្លួនឯង។សម្តេចតេជោ ប្រមុខរាជរដ្ឋាភិបាលកម្ពុជា បានបញ្ជាក់ថា ទោះជាយ៉ាងណា សម្តេចក៏សង្ឃឹមលើបទពិសោធន៍ដែលកម្ពុជាធ្លាប់អនុវត្តបានជោគជ័យក្នុងការដោះស្រាយជម្លោះអស់ជាច្រើនទសវត្សរ៍របស់ខ្លួន។ សម្តេចតេជោ នៅតែបញ្ជាក់ពីគោលជំហររបស់កម្ពុជា ទៅលើការចរចាដោះស្រាយបញ្ហាជម្លោះនានា ជាពិសេសជម្លោះនៅមីយ៉ាន់ម៉ានេះ តែប្រសិនបើសម្តេចដោះស្រាយមិនចេញទេ ប្រទេសមួយចំនួនកុំជេរកម្ពុជា ព្រោះថា បញ្ហាជម្លោះសំខាន់គឺភាគីពាក់ព័ន្ធខ្លួនឯង ខិតខំសម្របសម្រួលគ្នា៕ អត្ថបទ៖ មុត សុទ្ធ

សម្តេចតេជោ ក្រើនរំលឹកដល់ពលរដ្ឋកុំភ័យស្លន់ស្លោ បន្ទាប់ពីកម្ពុជារកឃើញមេរោគបំលែងថ្មី អូមីក្រុង

ភ្នំពេញ៖ បន្ទាប់ពីកម្ពុជារកឃើញវត្តមានវីរុសកូវីដបំលែងថ្មី អូមីក្រុង ជាលើកដំបូង នៅថ្ងៃទី ១៥ខែធ្នូនេះ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានក្រើនរំលឹកដល់ពលរដ្ឋកុំភ័យស្លន់ ដោយបន្តអនុវត្តវិធានការសុខាភិបាល ៣ការពារ ៣កុំ បូករួមនឹងការចាក់វ៉ាក់សាំងបង្ការជំងឺកូវីដ-១៩។ក្នុងពិធីសម្ពោធជាផ្លូវការសណ្ឋាគារហៃយ៉ាត់ រីជិនស៊ី ភ្នំពេញ នាថ្ងៃទី១៥ខែធ្នូនេះ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានក្រើនរំលឹកដល់ប្រជាជពលរដ្ឋកុំភ័យស្លន់ស្លោ បន្ទាប់ពីកម្ពុជារកឃើញវត្តមានវីរុសកូវីដ-១៩ បំលែងខ្លួនថ្មី អូមីក្រុង។ សម្តេចបន្តថា ការភ័យខ្លាចជ្រុល អាចនាំឲ្យមានការធ្វេសប្រហែលលើការទប់ស្កាត់នូវមេររោគកូវីដ-១៩ ប្រភេទដែលតា ដែលសម្លាប់មនុស្សច្រើនជាងមេរោគអូមីក្រុង។ យ៉ាងណាក៏ដើម្បីការពារកុំឲ្យឆ្លងជំងឺកូវីដ-១៩ សម្តេចតេជោ បន្តអំពាវនាវដល់ពលរដ្ឋត្រូវអនុវត្តវិធានការសុខាភិបាល ៣កុំ ៣ការពារ បូករួមនឹងការទៅទទួលការចាក់វ៉ាក់សាំងបង្ការជំងឺកូវីដ-១៩។ក្រសួងសុខាភិបាលកម្ពុជា នៅថ្ងៃទី១៥ខែធ្នូនេះ បានចេញសេចក្តីជូនព័ត៌មានពីការឃើញករណីវិជ្ជមានវីរុសកូវីដ-១៩ បំលែថ្មីអូមីក្រុង ដែលលទ្ធផលវិភាគបញ្ជាក់ដោយវិទ្យាស្ថានប៉ាស្ទ័រកម្ពុជា។ ករណីវិជ្ជមានមេរោគបំលែងថ្មី អូមីក្រុងនេះ ត្រូវបានរកឃើញលើស្រ្តីជនជាតិខ្មែរ អាយុ២៣ឆ្នាំ មានអាសយដ្ឋានស្នាក់នៅឃុំតាបុក ស្រុកបាវិត ខេត្តស្វាយរៀង។ ស្រ្តីរូបនេះ មានផ្ទៃពោះចំនួន១៥សប្តាហ៍ បានធ្វើដំណើរតាមជើងហោះហើរចេញពីប្រទេសហ្គាណា (ស្ថិតនៅអាហ្រ្វាកខាងលិច) ឆ្លងកាត់តាមឌូប៉ៃ រួចបន្តជើងហោះហើរនៅព្រលានយន្តហោះទីក្រុងបាងកកនៃប្រទេសថៃ ទើបបន្តដំណើរមកដល់ប្រទេសកម្ពុជា នៅថ្ងៃទី១២ខែធ្នូ ឆ្នាំ២០២១។ ពេលមកដល់ព្រលានយន្តហោះអន្តរជាតិភ្នំពេញ ក្រុមការងារក្រសួងសុខាភិបាលបានធ្វើតេស្តរហ័សលើវត្ថុសំណាករបស់គាត់ឃើញថា មានវិជ្ជមានវីរុសកូវីដ-១៩ បន្ទាប់មកបញ្ជូនវត្ថុសំណាកទៅកាន់វិទ្យាស្ថានប៉ាស្ទ័រកម្ពុជា ដើម្បីវិភាគបញ្ជាក់រកវីរុសកូវីដ-១៩ បំលែងថ្មីអូមីក្រុង។បច្ចុប្បន្នអ្នកជំងឺខាងលើកំពុងសម្រាកព្យាបាលនៅមជ្ឈមណ្ឌលជាតិកម្ចាត់រោគរបេង និងហង់សិន រាជធានីភ្នំពេញ។វីរុសកូវីដ-១៩ បំលែងថ្មី អូមីក្រុង( Omicron) ត្រូវបានប្រកាសរកឃើញជាលើដំបូង កាលពីចុងខែវិច្ឆិកា ដោយក្រុមអ្នកវិទ្យាសាស្ត្រប្រទេសអាហ្វ្រិកខាងត្បូង។ បន្ទាប់ពីបានរកឃើញមេរោគថ្មីនេះ អង្គការសុខភាពពិភពលោកបានកំណត់ថា វីរុសនេះ ស្ថិតក្នុងក្តីព្រួយបារម្ភ ដោយអ្នកវិទ្យាសាស្រ្តកំពុងបន្តពិនិត្យតាមដាន៕ អត្ថបទ៖ ទូច សោភ័ណ

ឯកឧត្តម ស៊ុន ចាន់ថុល ស្នើអោយក្រុមហ៊ុនវិនិយោគអាមេរិកបន្តវិនិយោគនៅកម្ពុជា

ភ្នំពេញ៖ ឯកឧត្តមទេសរដ្ឋមន្ត្រី ស៊ុន ចាន់ថុល បានលើកទឹកចិត្ត ឲ្យក្រុមហ៊ុនអាមេរិកបន្តវិនិយោគកាន់តែច្រើន និងវាយតម្លៃខ្ពស់ចំពោះសំឡេងពួកគេ ក្នុងការបង្កើតគោលនយោបាយរបស់ សភាពាណិជ្ជកម្មអាមេរិកនៅកម្ពុជា។ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ដ្រីក្រសួងសាធារណការ និងដឹកជញ្ជូន មានប្រសាសន៍បែបនេះ នៅយប់ថ្ងៃទី១៤ ខែធ្នូ ឆ្នាំ២០២១ ខួបលើកទី២៥ របស់សភាពាណិជ្ជកម្មអាមេរិកនៅកម្ពុជា (AmCham Cambodia) នឹងជំរុញឲ្យមានការអភិវឌ្ឍពាណិជ្ជកម្ម និងការវិនិយោគរវាងសហរដ្ឋអាមេរិក និងកម្ពុជា។ ពិធីនេះ រៀបចំឡើងនៅសណ្ឋាគារ Raffle Le Royal។នៅក្នុងកម្មវិធីនេះ មានការអញ្ជើញចូលរួមពីសំណាក់ឯកឧត្តម ទេសរដ្ឋមន្ដ្រី លី ធុជ អនុប្រធានទី១ អាជ្ញាធរមីន, ឯកឧត្តម ហ៊ុន ម៉ានី,លោកជំទាវ ឱ វណ្ណឌីន រដ្ឋលេខាធិការក្រសួង សុខាភិបាល និងថ្នាក់ដឹកនាំជាន់ខ្ពស់កម្ពុជា-អាមេរិក ជាច្រើនរូបទៀត។ក្នុងឱកាសនោះ លោក Anthony Galliano ប្រធាន AmCham បាននិយាយថា AmCham បានប្រារព្ធខួបលើកទី២៥ របស់ខ្លួននៅឆ្នាំ២០២១ ជាមួយនឹងឆ្នាំដ៏រឹងមាំបំផុតក្នុងប្រវត្តិសាស្ត្ររបស់ AmCham។គូសបញ្ជាក់ថា AmCham Cambodia (សភាពាណិជ្ជកម្មអាមេរិកនៅកម្ពុជា) បានបង្កើតឡើងក្នុងឆ្នាំ១៩៩៦ ជាអង្គការសមាជិកភាពឯករាជ្យមិនរកប្រាក់ចំណេញដែលមាន ទាំងក្រុមហ៊ុនអាមេរិក និងកម្ពុជា ដែលចែករំលែកការតភ្ជាប់ទៅនឹងពាណិជ្ជកម្មអាមេរិក។AmCham ដើរតួនាទីយ៉ាងសំខាន់ក្នុងដំណើររឿង នៃការអភិវឌ្ឍន៍សេដ្ឋកិច្ចរបស់កម្ពុជា និងជាសំឡេងឈានមុខគេ ក្នុងសហគមន៍ធុរកិច្ចអន្តរជាតិរបស់កម្ពុជា៕អត្ថបទ៖ សូដាវណ្ណ

សម្តេចតេជោ ហ៊ុន សែន៖ សូមកុំឲ្យកម្ពុជាធ្វើជាចៅក្រមកាត់សេចក្តីលើដែនសមុទ្រចិនខាងត្បូង

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី បានបញ្ជាក់ថា កម្ពុជាគ្មានសិទ្ធិអ្វីទៅអាកាត់លើជម្លោះដែនសមុទ្រចិនខាងត្បូងនោះទេ ហើយសូមភាគីពាក់ព័ន្ធទាំងអស់កុំឲ្យកម្ពុជាធ្វើជាចៅក្រមកាត់សេចក្តីលើករណីនេះ ខណៈសម្តេចលើកទឹកចិត្ត និងអំពាវនាវចំពោះប្រទេសដែលពាក់ព័ន្ធទាំងអស់ គប្បីរកដំណោះស្រាយគ្នាដោយសន្តិវិធី។ថ្លែងនៅក្នុងកម្មវិធីសម្ពោធដាក់ឲ្យប្រើប្រាស់នូវសណ្ឋាគារហៃយ៉ាត់ រីជិនស៊ី ភ្នំពេញ នាព្រឹកថ្ងៃទី ១៥ ខែធ្នូ នេះសម្តេចតេជោ ហ៊ុន សែន បានបញ្ជាក់ថា គោលជំហរបស់កម្ពុជាគឺនៅដដែល ទាក់ទងនឹងសមុទ្រចិនខាងត្បូងនេះ ពោលគឺកម្ពុជា បន្តអំពាវនាវឲ្យអនុវត្តតាមសេចក្តីថ្លែងការណ៍ ស្តីពីការប្រតិបត្តិរបស់ភាគីពាក់ព័ន្ធនៃសមុទ្រចិនខាងត្បូង(Doc) អំពាវនាវឲ្យរកដំណោះស្រាយគ្នាដោយសន្តិវិធី និងត្រូវខិតខំប្រឹងប្រែងសម្រេចឲ្យបានូវក្រមប្រតិបត្តិនូវក្នុងជន្លោះសមុទ្រចិនខាងត្បូង(Coc)ជាដើមនោះ។ទាក់ទងនឹងបញ្ហាសមុទ្រខាងត្បូងនេះផងដែរ សម្តេចតេជោ ហ៊ុន សែន នាយករដ្ឋមន្រ្តីក៏បាន លើកឡើងផងដែរថា ការដែលកម្ពុជាមិនអាចចេញនូវសេចក្តីថ្លែការណ៍បានកាលពីឆ្នាំ២០១២ ក្នុងអំឡុងពេលដែលកម្ពុជាធ្វើជាម្ចាស់ផ្ទះនៃកិច្ចប្រជុំអាស៊ាន ដោយដោយសារតែភាគីពាក់ព័ន្ធខ្លះបាន បានបង្ខិតបង្ខំឲ្យកម្ពុជាទទួលស្គាល់កោះនេះ ជាប្រទេសនេះ ឬកោះនោះជារបស់ប្រទេសនោះជាដើម ហើយបែជាចោទប្រកាន់កម្ពុជាថាបានកាន់ជើងចិនទៅវិញ។សូមបញ្ជាក់ថា ប្រទេសដែលជាប់ពាក់ព័ន្ធនឹងដែនសមុទ្រចិនខាងត្បូង មានចំនួនបួនប្រទេស នៅក្នុងតំបន់អាស៊ាន គឺប្រទេសហ្វីលីពីន ប្រទេសវៀតណាម ប្រទេសម៉ាឡេស៊ី និងប្រទេសប្រុណណេជាដើម។ យ៉ាងណាក៏ដោយសម្តេចតេជោ ហ៊ុន សែន បានអំពាវនាវឲ្យភាគីពាក់ព័ន្ធទាំងអស់ត្រូវមានដំ ណោះស្រាយដោយសន្តិវិធី ហើយសម្តេចរំពឹងថា ភាគីពាក់ព័ន្ធទាំងអស់នឹងខិតខំប្រឹងប្រែងចុះហត្ថលេខា ព្រមព្រៀង Coc សម្រេចឲ្យបាននៅក្នុងឆ្នាំ២០២២ខាងមុខនេះ ខណៈដែលប្រទេសកម្ពុជាធ្វើជាម្ចាស់ផ្ទះកិច្ចប្រជុំអាស៊ានប្តូរវេន ហើយបន្ទាប់ពីសម្រេចបានភាគីពាក់ព័ន្ធទាំងអស់ ទាំងអាស៊ាន និងចិនគឺ សប្បាយរួមគ្នាផងដែរ៕អត្ថបទ៖ បាន ចក់

ប្រសាសន៍សំខាន់ៗសម្ដេចតេជោ ហ៊ុន សែន ក្នុងឱកាសអញ្ជើញសម្ពោធជាផ្លូវការ សណ្ឋាគារ ហៃយ៉ាត់ រីជិនស៊ី ភ្នំពេញ

ភ្នំពេញ៖ នៅព្រឹកថ្ងៃទី១៥ ខែធ្នូ ឆ្នាំ២០២១នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ពោធជាផ្លូវការសណ្ឋាគារ ហៃយ៉ាត់ រីជិនស៊ី ភ្នំពេញ (HYATT Regency Phnom Penh) ដែលជាការវិនិយោគរបស់ក្រុមហ៊ុន ជីប ម៉ុង ក្នុងថវិកាវិនិយោគសរុប ១៨០លានដុល្លារអាមេរិក។ដើម្បីទទួលបានព័ត៌មានថ្មី លឿន សូមចុច Join Channel Telegram BTV Newsខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន នាយករដ្ឋមន្ត្រី ថ្ងៃទី១៥ធ្នូ ២០២១៖- ការបើកសម្ពោធឲ្យប្រើប្រាស់ជាផ្លូវការនូវ សណ្ឋាគារហៃយ៉ាត់ រីជិនស៊ី ភ្នំពេញ គឺជាសមិទ្ធផលមួយទៀតសម្រាប់សង្គមខ្មែរទាំងមូល ខណៈសណ្ឋាគារនេះ នឹងផ្តល់ផលប្រយោជន៍ជាច្រើនដល់ប្រជាជនកម្ពុជា។- សម្តេចតេជោ មានមោទនភាពចំពោះក្រុមហ៊ុន ជីប ម៉ុង និងក្រុមហ៊ុនដទៃទៀត ដែលបានចូលរួមចំណែកក្នុងការវិនិយោគ ដើម្បីការរីកចំរើននិងអភិវឌ្ឍនៅកម្ពុជា។- សម្តេចតេជោ ហ៊ុន សែន បានបញ្ជាក់ជាថ្មីម្តងទៀតថា សន្តិភាពគឺជាកត្តាធំបំផុត ដែលមិនអាចឲ្យអ្នកណាបំផ្លិចបំផ្លាញ នូវសន្តិភាពដែលកម្ពុជារកបានដោយលំបាកនោះឡើយ ហើយសន្តិភាពនេះបានធ្វើឲ្យប្រទេសកម្ពុជាទាំងមូលមានការអភិវឌ្ឍគ្រប់បែបយ៉ាងរហូតដល់សព្វថ្ងៃនេះ ជាក់ស្តែងរាជធានីភ្នំពេញនេះតែម្តង។- សម្តេចតេជោ ហ៊ុន សែន បញ្ជាក់ថា វត្តមានអ៊ុនតាក់នៅកម្ពុជា មិនទាន់អាចពន្លត់ភ្លើងសង្គ្រាមនៅកម្ពុជាបាននោះទេ។ ក្រោយអ៊ុនតាក់ដកចេញ កម្ពុជាត្រូវដោះស្រាយបញ្ហាជាច្រើន ក្នុងនោះក៏រាប់បញ្ចូលរឿងសង្គ្រាមមិនទាន់ចប់ផងដែរ។ សង្គ្រាមនៅកម្ពុជា បានបញ្ចប់នៅឆ្នាំ១៩៩៨ ដែលជាស្មារតីរួមរវាងខ្មែរនិងខ្មែរ។- សម្តេចតេជោបានបញ្ជាក់យ៉ាងច្បាស់ថា សន្តិភាពគឺត្រូវតែពង្រឹង មិនត្រូវឲ្យប្រទេសប្រតិកិរិយាណា មកបំផ្លាញបាននោះឡើយ ហើយអ្នកណាថាអ្វីក៏ថាទៅចុះ ការធ្វើនេះគឺដើម្បីភាពសុខសាន្តរបស់ប្រជាពលខ្មែរតែមួយគត់។- សម្តេចតេជោ បានថ្លែងបញ្ជាក់ថា ដើម្បីរក្សាបាននូវសិទ្ធិរស់រានមានជីវិត គឺត្រូវធ្វើយ៉ាងណាកុំអោយមានសង្រ្គាមកើតឡើង ព្រោះសិទ្ធិនេះគឺជាសេចក្តីត្រូវការរបស់មនុស្សជាតិនៅលើពិភពលោក។- សម្តេចតេជោបញ្ជាក់ថា ភាពសាំក្នុងសហគមន៍កម្ពុជា អត្រាគ្របដណ្តប់ក្បែរ៨៩ភាគរយ ខណៈកម្ពុជាបានចាក់ស្រោចវ៉ាក់សាំងលើពលរដ្ឋតាមយុទ្ធសាស្ត្រផ្ការីក។- សម្តេចតេជោ ពេញចិត្តលើភាពក្លាហានរបស់កុមារនិងយុវវ័យលើការចាក់វ៉ាក់សាំងបានច្រើននិងមានរបៀបរៀបរយ ដែលគួរអោយសរសើរ។- សម្តេចតេជោ បញ្ជាក់ជាថ្មីថា វ៉ាក់សាំងតែមួយមុខមិនទាន់គ្រប់គ្រាន់នោះទេ វិធានការ៣កុំ ៣ការពារនៅតែជាការចាំបាច់ និងយើងត្រូវរៀនរស់ជាមួយកូវីដ១៩។- សម្តេចតេជោ ហ៊ុន សែន នាយករដ្ឋមន្រ្តី បានថ្លែងថា ករណីដំបូងនៃមេរោគកូវីដ១៩ បំប្លែងថ្មីប្រភេទអូមីក្រុង លើស្រ្តីខ្មែរម្នាក់ដែលកំពុងមានផ្ទៃពោះ ធ្វើដំណើរពីប្រទេសហ្គាណាមកកម្ពុជាដើម្បីសម្រាលកូន ប៉ុន្តែទោះជាយ៉ាងណាសុខភាពរបស់ស្រ្តីរូបនេះគឺមានអាការៈធម្មតា គ្រាន់តែមានការព្រួយបារម្ភបន្តិចបន្តួចចំពោះសុខភាពកូនក្នុងផ្ទៃរបស់គាត់តែប៉ុណ្ណោះ។- សម្តេចតេជោ ហ៊ុន សែន ប្រកាសថា កំណើនសេដ្ឋកិច្ចកម្ពុជាបានបន្តងើបឡើងជាដំណាក់កាលៗ ក្រោយវិបត្តិធ្ងន់ធ្ងរនៃជំងឺកូវីដ-១៩។ សម្តេចបញ្ជាក់ថា វិស័យកសិកម្ម និងឧស្សាហកម្មនៅកម្ពុជាមិនមានការធ្លាក់ចុះនោះទេ។- សម្តេចតេជោ នៅតែរក្សាការព្យាករណ៍កំណើនសេដ្ឋកិច្ចកម្ពុជានៅ ឆ្នាំ២០២១នេះ នឹងមានកំណើនជិត៣ភាគរយ។- សម្តេចតេជោបានថ្លែងថា បើគិតតាំងពីថ្ងៃភ្ជុំបិណ្ឌរហូតមកដល់ពេលនេះ មានភ្ញៀវប្រមាណ២លាននាក់ដែលបានដើរកម្សាន្តនៅទូទាំងប្រទេសកម្ពុជា។- សម្តេចតេជោបានថ្លែងបញ្ជាក់ថា ចំណូលជាតិកើនឡើង ទោះបីជាមិនទាន់ងើបស្មើមុនកូវីដក៏ដោយ ពេលនេះយើងទទួលបាន៥០០ ទៅ៧០០ លានដុល្លារក្នុងមួយខែ ពេលកូវីដផ្ទុះខ្លាំងគឺធ្លាក់ចុះក្រោម៤០០លានដុល្លារ។- សម្តេចតេជោបានថ្លែងថា សណ្ឋាគារហៃយ៉ាត់ រីជិនស៊ី អាចនឹងទទួលថ្នាក់ដឹកនាំប្រមុខរដ្ឋ ប្រមុខរដ្ឋាភិបាល ក្នុងក្របខណ្ឌអាស៊ាន និង ដៃគូអាស៊ាន នៅពេលកម្ពុជាធ្វើជាប្រធានអាស៊ាននៅឆ្នាំ២០២២ ខាងមុខនេះ។- សម្តេចតេជោ បានអំពាវនាវអោយម្ចាស់រថយន្តដែលជ្រកក្រោមផ្លាករដ្ឋ រថយន្តចង្កូតស្តាំ មិនទាន់បានបង់ពន្ធ ត្រូវរួសរាន់មកបង់ពន្ធ ដែលនឹងទទួលបានការបញ្ចុះតម្លៃ១០ភាគរយ ប៉ុន្តែបើបង់ក្រោយថ្ងៃទី៣១ ខែធ្នូ ឆ្នាំ២០២១ គឺមិនបានទទួលការបញ្ចុះតម្លៃនោះទេ។- សម្តេចតេជោ ហ៊ុន សែន ប្រកាសថា សម្តេចនឹងសរសេរពីជីវិតនាយករដ្ឋមន្ត្រី ឲ្យសាធារណជន និងក្មេងជំនាន់ក្រោយបានដឹង ខណៈដែលជីវិតអ្នកចំការ វាសនាអ្នកស្រែ សម្តេចបានរៀបចំរួចរាល់ហើយ មានទាំងចម្រៀងថែមទៀត។- សម្តេចតេជោ ហ៊ុន សែន ប្រកាសថា ធ្វើម៉េចក៏ដោយត្រូវរក្សាឲ្យបានកំណើនសេដ្ឋកិច្ច ដើម្បីវឌ្ឍនភាពកម្ពុជា។ សម្តេចតេជោ ហ៊ុន សែនបញ្ជាក់ថា គ្រាប់បែកធ្វើឲ្យប៉ះពាល់តែមនុស្សនៅក្បែរៗនោះប៉ុណ្ណោះ តែគ្រាប់បែកសេដ្ឋកិច្ច នឹងធ្វើឲ្យប៉ះពាល់ដល់មនុស្សទូទាំងប្រទេស រាប់ទាំងក្មេងៗផងដែរ។- សម្តេចតេជោ ហ៊ុន សែន ប្រកាសថា សម្តេចនឹងដឹកនាំគណៈប្រតិភូទស្សនកិច្ចផ្លូវការនៅមីយ៉ាន់ម៉ា ដោយគ្មានការប្រែប្រួលឡើយនៅអំឡុងខែមករា ឆ្នាំ២០២២។ សម្តេចបញ្ជាក់ថា យើងមិនអាចបង្កើតទម្លាប់អាក្រក់របស់អាស៊ាននោះទេ ពេលដែលមិនពេញចិត្តសមាជិកណា មិនហៅគេចូលប្រជុំ។- សម្តេចតេជោ ហ៊ុន សែន បានបញ្ជាក់ជាថ្មីម្តងទៀតថា គោលជំហរបស់កម្ពុជាគឺនៅដដែល ទាក់ទងនឹងសមុទ្រចិនខាងត្បូង ដោយក្នុងនោះទី១ សម្តេចអំពាវនាវឲ្យភាគីពាក់ព័ន្ធទាំងអស់អនុវត្តឲ្យបាននូវកិច្ចព្រមព្រៀងនូវDOC, ទី២ ប្រទេសដែលពាក់ព័ន្ធត្រូវរកដំណោះស្រាយគ្នាដោយសន្តិវិធី និងទី៣ត្រូវខិតខំប្រឹងប្រែងសម្រេចឲ្យបាន នូវក្រមប្រតិបត្តិសមុទ្រចិនខាងត្បូងCOC ជាដើមនោះ។-សម្តេចតេជោ សម្រេចតែងតាំងឯកឧត្តមឧបនាយករដ្ឋមន្ត្រី ប្រាក់សុខុន រដ្ឋមន្ត្រីក្រសួងការបរទេស និងសហប្រតិបត្តិការធ្វើជាបេសកជន របស់ប្រធានអាស៊ាន។- សម្តេចតេជោ ហ៊ុន សែន បានបញ្ជាក់ថា ការដែលកម្ពុជាមិនអាចចេញនូវសេចក្តីថ្លែការណ៍បានកាលពីឆ្នាំ២០១២ក្នុងអំឡុងពេលដែលកម្ពុជាធ្វើជាម្ចាស់ផ្ទះនៃកិច្ចប្រជុំអាស៊ាន។ ទាក់ទងនឹងសមុទ្រចិនខាងត្បូង គឺដោយសារតែប្រទេសខ្លះបានបង្ខិតបង្ខំឲ្យកម្ពុជាទទួលស្គាល់កោះនេះជាប្រទេសនេះ កោះនោះជារបស់ប្រទេសនោះជាដើម ហើយបែជាចោទប្រកាន់កម្ពុជាថាបានកាន់ជើងចិនទៅវិញ។

ពលករខ្មែរជិត១៤០នាក់ បានវិលត្រឡប់ពីប្រទេសថៃ ចូលតាមច្រកខេត្តបាត់ដំបងនៅថ្ងៃនេះ

បាត់ដំបង៖ ពលករខ្មែរជិត ១៤០នាក់បានវិលត្រឡប់មកពីប្រទេសថៃ ចូលតាមច្រកតំបន់អូរអន្លក់ ស្ថិតក្នុងភូមិអូរអន្លក់ ឃុំតាសែន ស្រុកកំរៀង ខេត្តបាត់ដំបង នៅថ្ងៃទី១៤ ខែធ្នូ ឆ្នាំ២០២១នេះ។សមត្ថកិច្ចចុះកំណត់ហេតុ និងអប់រំណែនាំអំពីវិធានការការពារការឆ្លងជំងឺកូវីដ១៩ រួចពលករសរុបចំនួន ១៣៨នាក់ ស្រី៥៨នាក់ ក្មេង២៩នាក់ ត្រូវបានក្រុមគ្រូពេទ្យធ្វើតេស្តរហ័សជាលទ្ធផលអវិជ្ជមានកូវីដ-១៩ ទាំងអស់។ពលករចំនួន ៣១នាក់ត្រូវបញ្ជូនទៅធ្វើចត្តាឡីស័ក នៅមណ្ឌលគីឡូ៩ ស្រុកសំពៅលូន ខណៈពលករដែលមានកាតចាក់វ៉ាក់សាំងចំនួន ១០៧នាក់ត្រូវបានអនុញ្ញាតឱ្យត្រឡប់ទៅស្រុកកំណើតវិញរៀងៗខ្លួន។គួរកត់សម្គាល់ថា ក្នុងមួយរយៈពេលចុងក្រោយនេះ មានពលករខ្មែរវិលត្រឡប់មកពីប្រទេសថៃវិញ ចូលតាមច្រកខេត្តបាត់ដំបង ជាបន្តបន្ទាប់ ហើយការវិលត្រឡប់មកស្រុកកំណើតរបស់ពួកគាត់នាពេលនេះ គឺដោយសារស្ថានភាពនៃការឆ្លងរីករាលដាលជំងឺកូវីដ១៩ នៅកម្ពុជាមានសភាពធូរស្រាលច្រើនជាងមុន។ ម្យ៉ាងវិញទៀតពួកគាត់ត្រឡប់មកវិញ ដើម្បីទទួលការចាក់វ៉ាក់សាំងបង្ការជំងឺកូវីដ១៩ ដូសជំរុញ ឬដូសទី៣៕

ពិព័រណ៍យន្តហោះ និងបច្ចេកវិទ្យាលើកទី៣ នឹងប្រព្រឹត្តទៅនៅថ្ងៃទី១៧-១៩ ខែធ្នូខាងមុខនេះ

ភ្នំពេញ៖ ការតាំងពិព័រណ៍យន្តហោះ និងបច្ចេកវិទ្យា (Air & Tech Show) នឹងរៀបចំធ្វើឡើងរយៈពេល ៣ថ្ងៃពេញ នៅឯមូលដ្ឋានទ័ពអាកាសពោធិ៍ចិនតុង រាជធានីភ្នំពេញ នាថ្ងៃទី១៧ -១៨ -១៩ ខែធ្នូ ឆ្នាំ២០២១ ខាងមុខនេះ បន្ទាប់ពីខកខានកាលពីឆ្នាំ២០២០ ដោយសារតែការរីករាលដាលនៃជំងឺរាតត្បាតសកលកូវីដ១៩។ពិព័រណ៍យន្តហោះ និងបចេ្ចកវិទ្យានេះ រៀបចំឡើងដើម្បីបំផុសទឹកចិត្តយុវជន ដែលមានទេពកោសល្យ និងសមត្ថភាពផ្នែកយន្តហោះ និងបច្ចេកវិទ្យារបស់កម្ពុជា បានបង្ហាញនូវសមិទ្ធផល និងការច្នៃប្រឌិតបង្កើតថ្មីរបស់ខ្លួន ជូនដល់មហាជន ក៏ដូចជាការដាក់តាំងបង្ហាញនូវយន្តហោះផងដែរ។ម្យ៉ាងវិញទៀតពិព័រណ៍នេះ ក៏ជាការផ្តល់ឱកាសដល់សាធារណជន សិស្សានុសិស្ស និងអ្នកទស្សនាបានមកទទួលយកនូវបទពិសោធន៍ ចំណេះដឹង និងព័ត៌មានក្នុងអំឡុងពេលនៃការតាំងពិព័រណ៍ ពីអ្នកតាំងពិព័រណ៍ដែលមកពីវិទ្យាល័យ និងមហាវិទ្យាល័យ ក៏ដូចជាអ្នកបើកយន្តហោះ ដែលឈរនៅក្បែរយន្តហោះផា្ទល់តែម្ដង។គួររំឭកផងដែរថា កម្មវិធីនេះ មិនត្រឹមតែការតាំងពិព័រណ៍យន្តហោះ និងការតាំងបង្ហាញស្នាដៃបច្ចេកវិទ្យាពីសំណាក់សិស្សនិស្សិតប៉ុណ្ណោះទេ ក៏ប៉ុន្តែ កម្មវិធីក៏បានរៀបចំនូវការប្រកួតចំនួនពីរផងដែរ គឺការប្រកួតយន្តហោះកៅស៊ូ និងរ៉ូបូតមនុស្សយន្ត ដែលសមាសភាពបេក្ខជនចូលរួម គឺត្រូវបានជម្រើសចម្រាញ់ចេញពីសិស្សវិទ្យាល័យ និងនិស្សិតនៅមហាវិទ្យាល័យ ដែលមានទេពកោសល្យ និងសមត្ថភាពផ្នែកយន្តហោះ និងបច្ចេកវិទ្យាផងដែរ។គួរបញ្ជាក់ថា ពិព័រណ៍យន្តហោះ និងបចេ្ចកវិទ្យា ត្រូវបានបង្កើត និងរៀបចំឡើងដោយក្រុមយុវជនកម្ពុជាមកពី សហភាពសហព័ន្ធយុវជនកម្ពុជា ខេត្តស្វាយរៀង ដែលមានចំណង់ចំណូលចិត្តលើមុខវិជ្ជាយន្តហោះ អាកាសចរណ៍ បច្ចេកវិទ្យា និងវិទ្យាសាស្ត្រ។យ៉ាងណាមិញសម្រាប់ឆ្នាំនេះ កម្មវិធី Air & Tech Show គឺតម្រូវឲ្យអ្នកដែលចង់ចូលរួមទស្សនាការតាំងពិព័រណ៍ ធ្វើការចុះឈ្មោះអនឡាញ ឬ Online Registration តាមរយៈតំណភ្ជាប់នេះ៖ https://www.airandtech.show/registration (https://www.airandtech.show/registration?

មន្ទីរពេទ្យគន្ធបុប្ផា អំពាវនាវដល់សប្បុរសជនចូលរួមបរិច្ចាគឈាម ដើម្បីជួយសង្គ្រោះជីវិតកុមារ

ភ្នំពេញ៖ ជាថ្មីម្តងទៀត មន្ទីរពេទ្យគន្ធបុប្ផារាជធានីភ្នំពេញ បានអំពាវនាវដល់សប្បុរសជនចូលរួមបរិច្ចាគឈាម ដើម្បីជួយសង្គ្រោះជីវិតកុមារ។លោកស្រីវេជ្ជបណ្ឌិត ងួន យ៉ាណែត អនុប្រធានមន្ទីរពេទ្យគន្ធបុប្ផា បានឲ្យដឹងថា BTV នៅថ្ងៃទី១៤ ខែធ្នូនេះថា បន្ទាប់ពីរាជរដ្ឋាភិបាលកម្ពុជា សម្រេចបើកប្រទេសឡើងវិញតាមបែបគន្លងថ្មី ចំនួនអ្នកបរិច្ចាគឈាមនៅមន្ទីរពេទ្យគន្ធបុប្ផារាជធានីភ្នំពេញ មានហក់ឡើងជាងមុនបន្តិច សម្រាប់ជួយសង្គ្រោះអាយុជីវិតកុមារ។លោកស្រីបន្តថា នៅឆ្នាំនេះ អ្នកបរិច្ចាគឈាមតិចជាងឆ្នាំមុន ដោយគិតត្រឹមថ្ងៃនេះ មានអ្នកបរិច្ចាគឈាមមានប្រមាណ២ពាន់នាក់ ខុសប្លែកពីឆ្នាំមុនដែលមានអ្នកបរិច្ចាគពី ៥ពាន់នាក់ទៅ ៦ពាន់នាក់។ ក្រៅពីនេះ លោកស្រី បានអំពាវនាវដល់សប្បុរជនសូមចូលរួមបរិច្ចាគឈាមបន្ថែមទៀត ដើម្បីជួយសង្គ្រោះជីវិតកុមារ។ពលរដ្ឋមកបរិច្ចាគឈាមនៅមន្ទីរពេទ្យគន្ធបុប្ផា បានឲ្យដឹងដែរថា ការមកបរិច្ចាគឈាមនៅពេលនេះ គឺដើម្បីចង់ជួយសង្គ្រោះជីវិតកុមារ រាប់បញ្ចូលទាំងសាច់ញាតិរបស់ពួកគាត់ផងដែរ។ក្រៅពីនេះ ពួកគាត់បានអគុណដល់មន្ទីរពេទ្យគន្ធបុប្ផា ដែលតែងយកចិត្តទុកដាក់ព្យាបាលកុមារពីគ្រប់មជ្ឈដ្ឋានដោយគិតថវិកា។មន្ទីរពេទ្យគន្ធបុប្ផា ជាមន្ទីរពេទ្យសប្បុរសធម៌ ជួយសង្គ្រោះកុមារកម្ពុជារាប់លាននាក់ ដែលមានលោកវេជ្ជបណ្ឌិត Beat Richner ជាស្ថាបនិក។ បើទោះបី បច្ចុប្បន្នលោកវេជ្ជបណ្ឌិត Beat Richner ទទួលមរណៈភាពហើយក្តី មន្ទីរពេទ្យនៅតែឈរលើគោលការណ៍ជួយសង្គ្រោះកុមារកម្ពុជាដោយមិនគិតថវិកា៕ អត្ថបទ៖ ទូច សោភ័ណ

មណ្ឌលព្យាបាលកូវីដចំនួន២ទៀត ក្នុងរាជធានីភ្នំពេញនឹងត្រៀមប្រគល់ជូនវិស័យឯកជនវិញ ក្រោយអត្រាឆ្លង និងស្លាប់មានការថយចុះ

ភ្នំពេញ៖ មណ្ឌលព្យាបាលកូវីដ-១៩ ចំនួន០២ទៀត ក្នុងរាជធានីភ្នំពេញ នឹងត្រៀមប្រគល់ជូនវិស័យឯកជនវិញ ដោយរៀបចំចាត់ចែងជាដំណាក់កាល ក្រោយអត្រាឆ្លង និងស្លាប់មានការថយចុះ។លោកវេជ្ជបណ្ឌិត ងី មានហេង ប្រធានមនី្ទរសុខាភិបាលរាជធានីភ្នំពេញ ប្រាប់BTV ព័ត៌មាននាព្រឹកថ្ងៃទី១៤ ខែធ្នូ ឆ្នាំ២០២១នេះថា ក្រោយពីក្រុមការងារគ្រូពេទ្យ បានសម្អាតបាញ់ថ្នាំសម្លាប់មេរោគកូវីដ-១៩នៅមង្គលឧត្តម និងប្រគល់ជូនវិស័យឯកជនវិញនោះ ដើម្បីអាចដំណើរការរៀបចំកិច្ចប្រជុំ និងរៀបចំពិធីអាពាហ៍ពិពាហ៍ និងពិធីបុណ្យផ្សេងៗ។ ប៉ុន្តែមណ្ឌលព្យាបាលជំងឺកូវីដ-១៩ចំនួន០២ទៀត ស្ថិតក្នុងចំណោម១១ទីតាំង និងត្រៀមប្រគល់ជូនវិស័យឯកជនវិញ នាចុងខែធ្នូ ឆ្នាំ២០២១ ឬក៏ដើមខែមករា ឆ្នាំ២០២២ខាងមុខនេះ។បើតាមលោកវេជ្ជបណ្ឌិត នេត សុវិរៈ ប្រធានគ្រប់គ្រងមណ្ឌលព្យាបាលជំងឺកូវីដ-១៩ សែនសុខ១ បានឲ្យដឹងដែរថា គិតត្រឹមព្រឹកនេះ យើងមានអ្នកជំងឺកូវីដ-១៩កម្រិតធ្ងន់ប្រភេទដែលតា ចំនួនជាង ២០នាក់ប៉ុណ្ណោះ ដែលកំពុងទទួលការព្យាបាលពីក្រុមការងារគ្រូពេទ្យ។លោកវេជ្ជបណ្ឌិត បានបន្ថែមទៀតថា បើទោះបីជាចំនួនអ្នកជំងឺមានការថយចុះកី្ត ប៉ុន្តែក្រុមការងារគ្រូពេទ្យនៅរក្សាចំនួនដដែល ដោយមិនដកចេញតាមចំនួនអ្នកជំងឺនោះទេ គិតត្រឹមថ្ងៃទី១៤ ខែធ្នូនេះ ក្រុមការងារគ្រូពេទ្យ ក្រុមអនាម័យ និងក្រុមជំនួយ សរុបចំនួន១៣៨នាក់ បានយកចិត្តទុកដាក់ខ្ពស់ក្នុងការថែទាំព្យាបាលអ្នកជំងឺកូវីដ-១៩ នៅមណ្ឌលព្យាបាលជំងឺកូវីដ-១៩ សែនសុខ១ផងដែរ។លោកវេជ្ជបណ្ឌិត ងី មានហេង បានបញ្ជាក់ទៀតថា សព្វថ្ងៃយើងមានមនី្ទរពេទ្យ និងមណ្ឌលព្យាបាលជំងឺកូវីដ-១៩ ចំនួន១១កន្លែងព្យាបាល គឺ១.មនី្ទរពេទ្យព្យាបាលជំងឺកូវីដ-១៩ ហ្លួងម៉ែ, ២.មនី្ទរពេទ្យមិត្តភាពខ្មែរ-សូវៀត, ៣.មជ្ឈមណ្ឌលជាតិកម្ចាត់រោគរបេង និងហង់សិន, ៤.មនី្ទរពេទ្យព្យាបាលជំងឺកូវីដ-១៩ ចាក់អង្រែ, ៥.មនី្ទរពេទ្យមិត្តភាពកម្ពុជា-ចិន ព្រះកុសុមៈ, ៦.មនី្ទរពេទ្យព្រះអង្គឌួង, ៧.មណ្ឌលព្យាបាលជំងឺកូវីដ-១៩ សែនសុខ១ (ពិភពថ្មីសែនសុខ), ៨.មណ្ឌលព្យាបាលជំងឺកូវីដ-១៩ សែនសុខ២ (ដឺព្រីមៀរសែនសុខ), ៩.មណ្ឌលព្យាបាលជំងឺកូវីដ-១៩ អូឡាំពិក (ពហុកីឡដ្ឋានអូឡាំពិក), ១០.មណ្ឌលព្យាបាលជំងឺកូវីដ-១៩ ទួលពង្រ, ១១.មណ្ឌលព្យាបាលជំងឺកូវីដ-១៩ ម៉ូឌែន២។ជាពិសេសស្របពេលដែលប្រទេសកម្ពុជា មិនទាន់មានករណីនាំចូល និងឆ្លងមេរោគកូវីដ-១៩បំប្លែងថ្មី អូមីក្រុង (Omicron) លោក វេជ្ជបណ្ឌិត ងី មានហេង សូមអំពាវនាវដល់បងប្អូន ប្រជាពលរដ្ឋទាំងអស់សូមកុំភ្លេចខ្លួន ត្រូវបន្តអនុវត្តវិធានការសំខាន់ៗ គឺ៣ការពារ និង៣កុំ ឲ្យបានហ្មត់ចត់ ដើម្បីកាត់បន្ថយហានិភ័យនៃការឆ្លងវីរុសកូវីដ-១៩ រួមទាំងអនុវត្តវិធានការសុខាភិបាលសាធារណៈ និងសង្គមចាំបាច់នានា ដូចជាការពាក់ម៉ាស់ឲ្យបានត្រឹមត្រូវ អនាម័យដៃឲ្យបានញឹកញាប់ ការរក្សាគម្លាតសុវតិ្ថភាពបុគ្គល ការកែលម្អខ្យល់ចេញចូលនៃទីធ្លាក្នុងផ្ទះ និងទទួលចាក់ថ្នាំបង្ការជំងឺកូវីដ-១៩ ឲ្យបានគ្រប់ដូសមូលដ្ឋានទាំងអស់គ្នា៕អត្ថបទ៖ រដ្ឋា

កម្ពុជាត្រៀមខ្លួនជាស្រេច ក្នុងការចូលរួមទាំងក្នុងតំបន់ និងដៃគូផ្សេងៗ កៀរគរធនធានស្ដារសេដ្ឋកិច្ច

ភ្នំពេញ៖ ឯកឧត្តមទេសរដ្ឋមន្ត្រី លី ធុជ ប្រធានគណៈកម្មាធិការជាតិអេស្កាប់ បានថ្លែងថា កម្ពុជាបានត្រៀមខ្លួនរួចជាស្រេច ក្នុងការចូលរួមជាមួយបណ្ដាប្រទេសនៅក្នុងតំបន់ និងដៃគូអភិឌ្ឍន៍នានា ដើម្បីកៀរគរធនធានស្ដារឡើងវិញនូវស្ថានភាពសេដ្ឋកិច្ចសង្គម ។ ថ្លែងក្នុងសិក្ខាសាលាថ្នាក់តំបន់ស្តីពី “ការកៀរគរធនធាន សម្រាប់ការអភិវឌ្ឍប្រកបដោយចីរភាពរបស់ប្រទេសនៅក្នុងតំបន់អាស៊ីប៉ាស៊ីហ្វិក” រៀបចំដោយគណៈកម្មការសេដ្ឋកិច្ច និងសង្គមកិច្ចសម្រាប់អាស៊ី និងប៉ាស៊ីហិ្វក នៃអង្គការសហប្រជាជាតិ (UN ESCAP) នៅថ្ងៃទី១៤-១៥ ខែធ្នូ ឆ្នាំ២០២១ តាមរយៈប្រព័ន្ធអនឡាញ។ឯកឧត្តម លី ធុជ មានប្រសាសន៍ថា កម្ពុជាកំពុងអនុវត្តការងារអទិភាព៥ ក្នុងការកៀរគរធនធាន ដើម្បីឲ្យសម្រេចនូវរបៀបវារៈ ឆ្នាំ២០៣០ ទី១. ប្រែក្លាយការគំរាមកំហែង នៃការរីករាលដាលជំងឺកូវីដ-១៩ ឲ្យទៅជាឱកាសសម្រាប់កំណែទម្រង់ក្នុងស្រុកនៅរបស់ប្រទេសនីមួយៗ, ទី២. ការលើកកម្ពស់គោលនយោបាយពាណិជ្ជកម្ម និងការសម្របសម្រួលពាណិជ្ជកម្ម,ទី៣. បន្តពង្រឹងស្ថិរភាពហិរញ្ញវត្ថុ ពិពិធកម្ម និងនវានុវត្តន៍, ទី៤. ធានាបន្តជំនួយអន្តរជាតិ ជាពិសេសជំនួយហិរញ្ញវត្ថុដល់ប្រទេសកំពុងអភិវឌ្ឍន៍ និងទី៥. បន្តពង្រឹងភាពជាម្ចាស់ នៃប្រទេសកំពុងអភិវឌ្ឍន៍ ដោយការកសាងភាពជាដៃគូរវាងដៃគូអភិវឌ្ឍន៍។គួរបញ្ជាក់ថា លទ្ធផលនៃសិក្ខាសាលាថ្នាក់តំបន់នេះ នឹងរួមចំណែកដល់ការបំពេញគម្លាតចំណេះដឹង និងជាធាតុចូលសម្រាប់តំបន់ ព្រមទាំងជាការចែករំលែកព័ត៌មានអំពីទម្រង់ នៃការអភិវឌ្ឍន៍សាកល ដែលមានដូចជា ការអភិវឌ្ឍនៅក្នុងសម័យកាលកូវី-១៩ និងគំនិតផ្ដួចផ្ដើមនាពេលអនាគត ។ បង្កើតជាប្រភពចំណេះដឹង និងធាតុចូលរបស់ ESCAP និងបង្កើតជា បណ្តាញអ្នកជំនាញ ដើម្បីតាមដានលើការងារអភិវឌ្ឍនាពេលអនាគត ហើយសិក្ខាសាលានេះ មានគោលបំណងប្រមូលផ្តុំអ្នកជំនាញ និងអ្នកតាក់តែងគោលនយោបាយ មកពីប្រទេសមានការអភិវឌ្ឍតិចតួច និងរដ្ឋដែនកោះកំពុងអភិវឌ្ឍក្នុងតំបន់អាស៊ីប៉ាស៊ីហ្វិក ពិភាក្សាអំពីការកៀរគរធនធាន ដើម្បីសម្រេចបានគោលដៅអភិវឌ្ឍន៍ប្រកបដោយចីរភាព និងចែករំលែកបទពិសោធន៍ ក្នុងកិច្ចខិតខំប្រឹងប្រែងកៀរគរធនធាន ដើម្បីសម្រេចបាននូវគោលដៅអភិវឌ្ឍន៍ប្រកបដោយចីរភាព ៕អត្ថបទ៖ បាន សុខរិទ្ធិ

បណ្ដាញសង្គម

ព័ត៌មានថ្មីៗ

UNICEF ៖ សង្រ្គាមអ៊ីរ៉ង់គំរាមកំហែងដល់ការចែកចាយគ្រឿងផ្គត់ផ្គង់សង្រ្គោះជីវិតកុមារ

ក្រុមហ៊ុន Moderna និងក្រុមហ៊ុនផ្សេងទៀត ទទួលបានប្រាក់ ៦០លានដុល្លារ ដើម្បីផលិតវ៉ាក់សាំងបង្ការជំងឺអេបូឡា

កូដកម្មរថភ្លើងក្រោមដីធ្វើឲ្យប៉ះពាល់ដល់អ្នកដំណើរនៅទីក្រុងឡុងដ្រ៍ ចក្រភពអង់គ្លេស

របាយការណ៍៖ EU ពិចារណាដាក់ទណ្ឌកម្មរដ្ឋមន្ត្រីអ៊ីស្រាអែល ជុំវិញការប្រព្រឹត្តិ ចំពោះនាវាមនុស្សធម៌ឆ្ពោះទៅហ្កាហ្សា

WHO៖ ករណីសង្ស័យជំងឺ Ebola ធ្លាក់ចុះ ក្រោយមនុស្សរាប់រយនាក់ត្រូវបានដកចេញ

ប្រធានគ្លីនិករងការខូចខាតដោយសារការវាយប្រហាររុស្ស៊ីនិយាយថា ទីក្រុងមូស្គូ មិនចង់បញ្ចប់សង្រ្គាមនោះទេ

អគ្គិភ័យដ៏ធំមួយ បានឆាបឆេះផ្សារមួយកន្លែងស្ថិតក្នុងទីក្រុងហ្សាកាតា ប្រទេសឥណ្ឌូនេស៊ី

មនុស្សយ៉ាងតិច ១៥នាក់រងរបួស ដោយសារព្យុះនៅជប៉ុន ខណៈមានការអំពាវនាវឲ្យជម្លៀស

លោក Trump ថាលោកបាននិយាយជាមួយក្រុមហេសបូឡា តាមរយៈអន្តរការី

លោក Netanyahu ប្រាប់លោក Trump ថា អ៊ីស្រាអែលនឹងវាយប្រហារទីក្រុងបេរូត បើសិនការវាយប្រហាររបស់ក្រុមហេសបូឡានៅតែបន្ត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្តេចតេជោ ស្នើសុំទុកឱកាសឱ្យសម្ដេចសម្របសម្រួលជាមួយមីយ៉ាន់ម៉ា ក្នុងនាមជាប្រធានអាស៊ាន

សម្តេចតេជោ ក្រើនរំលឹកដល់ពលរដ្ឋកុំភ័យស្លន់ស្លោ បន្ទាប់ពីកម្ពុជារកឃើញមេរោគបំលែងថ្មី អូមីក្រុង

ឯកឧត្តម ស៊ុន ចាន់ថុល ស្នើអោយក្រុមហ៊ុនវិនិយោគអាមេរិកបន្តវិនិយោគនៅកម្ពុជា

សម្តេចតេជោ ហ៊ុន សែន៖ សូមកុំឲ្យកម្ពុជាធ្វើជាចៅក្រមកាត់សេចក្តីលើដែនសមុទ្រចិនខាងត្បូង

ប្រសាសន៍សំខាន់ៗសម្ដេចតេជោ ហ៊ុន សែន ក្នុងឱកាសអញ្ជើញសម្ពោធជាផ្លូវការ សណ្ឋាគារ ហៃយ៉ាត់ រីជិនស៊ី ភ្នំពេញ

ពលករខ្មែរជិត១៤០នាក់ បានវិលត្រឡប់ពីប្រទេសថៃ ចូលតាមច្រកខេត្តបាត់ដំបងនៅថ្ងៃនេះ

ពិព័រណ៍យន្តហោះ និងបច្ចេកវិទ្យាលើកទី៣ នឹងប្រព្រឹត្តទៅនៅថ្ងៃទី១៧-១៩ ខែធ្នូខាងមុខនេះ

មន្ទីរពេទ្យគន្ធបុប្ផា អំពាវនាវដល់សប្បុរសជនចូលរួមបរិច្ចាគឈាម ដើម្បីជួយសង្គ្រោះជីវិតកុមារ

កម្ពុជាត្រៀមខ្លួនជាស្រេច ក្នុងការចូលរួមទាំងក្នុងតំបន់ និងដៃគូផ្សេងៗ កៀរគរធនធានស្ដារសេដ្ឋកិច្ច

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សម្តេចតេជោ ស្នើសុំទុកឱកាសឱ្យសម្ដេច​សម្របសម្រួល​ជាមួយ​មីយ៉ាន់ម៉ា​ ក្នុង​នាម​ជាប្រធាន​អាស៊ាន

សម្តេចតេជោ ក្រើនរំលឹកដល់ពលរដ្ឋកុំភ័យស្លន់ស្លោ បន្ទាប់ពីកម្ពុជារកឃើញមេរោគបំលែងថ្មី អូមីក្រុង

ឯកឧត្តម ស៊ុន ចាន់ថុល ស្នើអោយក្រុមហ៊ុនវិនិយោគអាមេរិកបន្តវិនិយោគនៅកម្ពុជា

សម្តេចតេជោ ហ៊ុន សែន៖ សូមកុំឲ្យកម្ពុជាធ្វើជាចៅក្រមកាត់សេចក្តីលើដែនសមុទ្រចិនខាងត្បូង

ប្រសាសន៍សំខាន់ៗសម្ដេចតេជោ​ ហ៊ុន​ សែន​ ក្នុងឱកាសអញ្ជើញសម្ពោធជាផ្លូវការ សណ្ឋាគារ ហៃយ៉ាត់ រីជិនស៊ី ភ្នំពេញ

ពលករខ្មែរជិត១៤០នាក់ បានវិលត្រឡប់ពីប្រទេសថៃ ចូលតាមច្រកខេត្តបាត់ដំបងនៅថ្ងៃនេះ

ពិព័រណ៍យន្តហោះ និងបច្ចេកវិទ្យាលើកទី៣ នឹងប្រព្រឹត្តទៅនៅថ្ងៃទី១៧-១៩ ខែធ្នូខាងមុខនេះ

មន្ទីរពេទ្យ​គន្ធបុប្ផា ​អំពាវនាវដល់​សប្បុរសជន​ចូលរួម​បរិច្ចាគ​ឈាម​ ដើម្បីជួយសង្គ្រោះជីវិតកុមារ

កម្ពុជាត្រៀមខ្លួនជាស្រេច ក្នុងការចូលរួមទាំងក្នុងតំបន់ និងដៃគូផ្សេងៗ ​កៀរគរ​ធនធាន​ស្ដារ​សេដ្ឋកិច្ច

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

សម្តេចតេជោ ស្នើសុំទុកឱកាសឱ្យសម្ដេចសម្របសម្រួលជាមួយមីយ៉ាន់ម៉ា ក្នុងនាមជាប្រធានអាស៊ាន

ប្រសាសន៍សំខាន់ៗសម្ដេចតេជោ ហ៊ុន សែន ក្នុងឱកាសអញ្ជើញសម្ពោធជាផ្លូវការ សណ្ឋាគារ ហៃយ៉ាត់ រីជិនស៊ី ភ្នំពេញ

មន្ទីរពេទ្យគន្ធបុប្ផា អំពាវនាវដល់សប្បុរសជនចូលរួមបរិច្ចាគឈាម ដើម្បីជួយសង្គ្រោះជីវិតកុមារ

កម្ពុជាត្រៀមខ្លួនជាស្រេច ក្នុងការចូលរួមទាំងក្នុងតំបន់ និងដៃគូផ្សេងៗ កៀរគរធនធានស្ដារសេដ្ឋកិច្ច