នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ

នយោបាយ​ និង ការអភិវឌ្ឍន៍

អាជ្ញាធរមីន រៀបចំពិធីវាយកូនហ្គោលមិត្តវិស័យមីន ដើម្បីថ្លែងអំណរគុណដល់ម្ចាស់ជំនួយ ដែលជួយដល់កម្ពុជា តាំងពីឆ្នាំ១៩៩២មក

2021/12/06 06:59:04 am        623
Facebook Telegram Linkin
ភ្នំពេញ៖ ឯកឧត្តមទេសរដ្ឋមន្ដ្រី លី ធុជ អនុប្រធានទី១អាជ្ញាធរមីន បានបញ្ជាក់ថា ការរៀបចំពិធីវាយកូនហ្គោលមិត្តវិស័យមីន និងទទួលទានអាហារសាមគ្គី ក្នុងក្របខណ្ឌគ្រួសារវិស័យមីន នៅទីលានវាយកូនហ្គោលហ្គាដិនស៊ីធី កាលពីថ្ងៃទី០៤ ខែធ្នូ កន្លងមកនេះ បានទទួលដោយជោគជ័យគួរជាទីមោទនៈ។កម្មវិធីនេះ មានការចូលរួមពីទេសរដ្ឋមន្រ្តី រដ្ឋមន្រ្តី ថ្នាក់ដឹកនាំពីក្រសួងស្ថាប័ននានា អង្គទូតប្រចាំកម្ពុជា ដៃគូរអភិវឌ្ឍន៍ អង្គការសប្បុរសធម៌ សមាគម និងវិស័យឯកជនជាតិ/អន្តរជាតិ និងមិត្ដវិស័យមីនជាច្រើនទៀតចូលរួមផងដែរ។ក្នុងឱកាសនោះ ឯកឧត្តមទេសរដ្ឋមន្ដ្រី បានថ្លែងអំណរគុណយ៉ាងជ្រាលជ្រៅជូនចំពោះក្រុមហ៊ុន​ឯកជន​មួយចំនួនដែលចូលរួមឧបត្ថម្ភគាំទ្រដល់ដំណើរការរៀបចំព្រឹត្តិការណ៍នេះកើតឡើង ដោយទទួលការអបអរសាទរពីមិត្តវិស័យមីនទាំងអស់ រួមមាន៖១/. លោក Larry Kao អ្នកគ្រប់គ្រងប្រចាំប្រទេសនៃ Manhattan & Medtecs២/. Prince Foundation៣/. លោក Mao Saravuth នាយកប្រតិបត្តិនៃក្រុមហ៊ុន IQPS Trading៤/. លោក Anthony S. Gadlardi អ្នកគ្រប់គ្រងប្រចាំប្រទេសនៃក្រុមហ៊ុន SEARA Sports Systems៥/. លោក Luis Moniz នាយកគ្រប់គ្រងនៃក្រុមហ៊ុន HGB luxury Division៦/. លោក Mr T. Mohan នាយកគ្រប់គ្រងសារព័ត៌មាន Khmer Times៧/. លោក Sochhath Gno អ្នកគ្រប់គ្រងសាខានៃក្រុមហ៊ុន SCG៨/. លោក Salah Essa នាយកក្រុមហ៊ុន Management Venture Asia (Cambodia) Co. Ltdជាមួយគ្នានេះ ឯកឧត្តមទេសរដ្ឋមន្ដ្រី លី ធុជ បានបញ្ជាក់ថា ការរៀបចំព្រឹត្តិការណ៍នេះ គឺដើម្បី​អំពាវឲ្យ​មានការយកចិត្តទុកដាក់បន្ថែម និងបន្តជួយគាំទ្រដល់វិស័យសកម្មភាពមីន​មនុស្សធម៌​នៅកម្ពុជា ក្នុងគោលដៅឱ្យកម្ពុជារួចចាកផុតទុក្ខពីគ្រាប់មីន និងសំណល់ជាតិផ្ទុះពីសង្គ្រាម ក៏ដូចជា​កាត់បន្ថយអត្រាគ្រោះថ្នាក់ដោយសារមីន និងគ្រាប់មិនទាន់ផ្ទុះឲ្យនៅកំរិតអប្បបរមា និងឈានទៅ​លប់បំបាត់​ឲ្យអស់គ្រាប់មីនពីទឹកដីកម្ពុជានៅឆ្នាំ២០២៥ ដូចការតាំងចិត្តដែលមានចែង​នៅក្នុង​ផែនការ​យុទ្ធសាស្ត្រជាតិ​សកម្មភាពមីន ២០១៨-២០២៥។ឯកឧត្តម បានបន្តទៀតថា "ការវាយគ្រាប់បាល់កាន់តែច្រើន ជំនាញរបស់អ្នកកាន់តែរីកចម្រើន ប៉ុន្ដែវាខុសពីការវាយគ្រាប់មីន ពេលអ្នកប៉ះគ្រាប់មីន អ្នកនឹងមិនមានឱកាសវាយវាម្តង ទៀតទេ ឬបើអ្នកនៅរស់ អ្នកនឹងមិនចង់វាយវាទៀតទេ..." រឿងនេះ​បានកើតឡើងចំពោះមនុស្សជិត ៦៥,០០០នាក់ ដែលត្រូវបានស្លាប់ ពិការ និងរងរបួសដោយសារគ្រាប់មីន និងសំណល់ជាតិផ្ទុះ​ពី​សង្គ្រាមនៅកម្ពុជា។ក្នុងនាមរាជរដ្ឋាភិបាល និងប្រជាជនកម្ពុជា បានវាយតម្លៃខ្ពស់ចំពោះការចូលរួមពីដៃគូអភិវឌ្ឍ ប្រទេស​ជាមិត្ត និងអង្គការសប្បុរសធម៌នានា ដែលបាននិងកំពុងផ្តល់វិភាគទានដ៏ថ្លៃថ្លា និងមានតម្លៃ បើគិតជាថវិកាដ៏ច្រើន​សន្ធឹកសន្ធាប់ ​ឧបករណ៍សម្ភារៈ​ និងការកសាងសមត្ថភាព សម្រាប់វិស័យ​សកម្មភាពមីននៅកម្ពុជា ព្រមទាំងបានផ្តល់ភាពជាដៃគូយ៉ាងសំខាន់ៗ ក្នុងការចូលរួម​ការងារ​ថែរក្សាសន្តិភាព ​ការ​សង្គ្រោះជីវិត​ ការកាត់បន្ថយភាពក្រីក្រ ​និងការស្តារសេដ្ឋកិច្ច-សង្គម ដែលអ្វីដែល​សម្តេចតេជោ នាយករដ្ឋមន្រ្តី បានលើកឡើងថា “យើងទាំងអស់គ្នា ​បានចាប់ផ្តើមរួមគ្នា ហើយយើង នឹងបញ្ចប់ការងាររបស់យើងជាមួយគ្នា ដើម្បី​ឆ្ពោះទៅរកកម្ពុជា​គ្មាន​មីនឆ្នាំ​២០២៥ ខាងមុខ៕

កម្ពុជាលុបចោលការហាមឃាត់អ្នកដំណើរ ដែលឆ្លងកាត់ប្រទេសតំបន់អាហ្វ្រិកចំនួន ១០ចូលកម្ពុជា

2021/12/06 06:16:59 am        448
Facebook Telegram Linkin
ភ្នំពេញ៖ នៅយប់​ម្សិលមិញនេះ ក្រសួងសុខាភិបាលកម្ពុជា បានចេញសេចក្ដីប្រកាសលុបចោលការហាមអ្នកដំណើរ ឬអ្នកដែលឆ្លងកាត់ប្រទេសតំបន់អាហ្វ្រិកចំនួន១០ ចូលកម្ពុជាជាធម្មតា ខណៈបណ្តាប្រទេសទាំងនោះកំពុងជួបការឆ្លងរាតត្បាតវីរុសបំប្លែងថ្មី អូមីក្រុង (B.1.1.529)ក៏ដោយ។បើតាមប្រសាសន៍របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាក់បន្ថែមនៅ​ក្នុង​ពិធីសម្ពោធដាក់​ឲ្យ​ប្រើ​ប្រា​ស់​ជាផ្លូវការផ្លូវជាតិលេខ១១ និងផ្លូវថ្មីវាងក្រុងព្រៃវែង​ នៅថ្ងៃទី៦ ខែធ្នូ ឆ្នាំ២០២១ ថា កម្ពុជា​អនុញ្ញាត​បើក​ទទួល​បណ្តា​អ្នក​ដំណើរ​ឆ្លង​កាត់​ប្រទេសនៅតំបន់អាហ្វឹ្រក​ចំនួន ១០ចូលមកកម្ពុជា ​ប៉ុន្តែយើងក៏ត្រូវពង្រឹងការត្រួតពិនិត្យនិងធ្វើតេស្តវីរុសកូវីដ-១៩​ ឱ្យ​បាន​ត្រឹម​ត្រូវ​នៅ​ពេលអ្នកដំណើរអន្តរជាតិទាំងនោះ ​មកដល់កម្ពុជា។សម្តេចតេជោ ហ៊ុន សែន មានប្រសាសន៍ថា ការបើកទទួលអ្នកដំណើរឆ្លងកាត់បណ្តាប្រទេសនៅ​តំបន់​អាហ្រ្វឹកនោះ​​ គឺធ្វើ​ឡើង​ដើម្បី​លុបបំបាត់ការ​រើសអើង​ជាតិសាសន៍នានា​ នៅលើពិភពលោក។សូមបញ្ជាក់ថា​ តាមសេចក្តីប្រកាសព័ត៌មានក្រសួងសុខាភិបាល បានឲ្យដឹងថា ដោយបានទទួលការ​ឯកភាពពី សម្តេច​តេ​ជោ ហ៊ុន សែន នាយករដ្ឋមន្ត្រីនៃកម្ពុជា​ ពាក់ព័ន្ធនឹងវីរុសបំប្លែងថ្មី អូមីក្រុង នៅពេលនេះ ក្រសួងសុខាភិបាល​សម្រេច​លុប​ចោល​ការ​ហាម​ឃាត់​អ្នកដំណើរ ឬអ្នកដែលបាន​ឆ្លងកាត់​ប្រទេសចំនួន ១០​នៅទ្វីបអាហ្វ្រិក ឬមានប្រវត្តិធ្វើដំណើរទៅប្រទេសទាំង១០នោះ ក្នុង​អំឡុ​ងពេល៣សប្តាហ៍មុន ធ្វើដំណើរចូលប្រទេសកម្ពុជា ហើយប្រទេសទាំង១០នោះរួមមាន៖ ប្រទេស Botswana, Eswatini, Lesotho, Mozambique, Namibia, South Africa, Zimbabwe, Malawi, Angola, និង Zambia។សេចក្តីប្រកាសព័ត៌មានបានបញ្ជាក់ថា សម្រាប់អ្នកដំណើរ ឬអ្នកដែលបានឆ្លងកាត់ប្រទេសចំនួន១០ ខាងលើ ឬ​មានប្រវត្តិ​ធ្វើ​ដំណើរ​ទៅប្រទេសទាំង១០នោះ ឬ ឆ្លងកាត់បណ្តាប្រទេសផ្សេងទៀត​ដែល​ចាត់ទុកថាជា «ប្រទេស​ដែលមានការព្រួយបារម្ភ» អំឡុង​ពេល២សប្តាហ៍មុននេះ ពេលធ្វើ​ដំណើ​រ​ចូលប្រទេសកម្ពុជា ត្រូវអនុវត្តតាម​លក្ខខ័ណ្ឌ​មួយចំនួនដូចជា៖១៖ អ្នកដំណើរដែលបានចាក់វ៉ាក់សាំងកូវីដ១៩ ពេញលេញ ត្រូវ​បង្ហាញ​វិញ្ញាបនបត្រ​បញ្ជាក់ថា​គ្មាន​ជំងឺកូវីដ-១៩ ដោយតេស្ត PCR ក្នុងរយៈពេល៧២ម៉ោង​ មុនពេលមកដល់កម្ពុជា ដែលទទួលស្គាល់​ដោយ​អាជ្ញាធរសុខាភិបាលនៃប្រទេសសាមី​ ឬប្រទេសសំណាក់​ចុង​ក្រោយ​មុន​ចាក​ចេញមកកាន់​កម្ពុជា ហើយ​ក្នុងករណីពេលដល់កម្ពុជា​ បើការធ្វើតេស្តរហ័សរកឃើញ វិជ្ជមានកូវីដ១៩ ត្រូវ​យក​សំណាក​បន្ត​ទៅធ្វើតេស្ត PCR និងត្រូវធ្វើចត្តាឡីស័កដាច់ នៅទីកន្លែងដែលកំណត់ដោយក្រសួង​សុខា​ភិបាល ឬអាជ្ញាធរមាន​សមត្ថ​កិច្ច ​និងផ្តល់ការព្យាបាលត្រឹមត្រូវ។ សម្រាប់អ្នកដំណើរធ្វើតេស្ត អវិជ្ជមាន ត្រូវ​បន្តធ្វើចត្តាឡីស័ក​ដាច់ដោយឡែក ​រយៈពេល៧ថ្ងៃ និង​ធ្វើ​តេស្ត PCR នៅថ្ងៃទី៦ នៃការ​ធ្វើចត្តាឡីស័ក។ព្រមជាមួយគ្នានោះ អ្នកដំណើរជាជនបរទេស ​ត្រូវកក់សណ្ឋាគារ​សម្រាប់​ការ​ធ្វើ​ចត្តាឡី​ស័ក​រយៈពេល៧ថ្ងៃ។ក្នុងករណី អ្នក​ដំណើរមិន​បាន​កក់សណ្ឋាគារ​ ត្រូវទៅ​កាន់​បញ្ជរ​ធនាគារ​ ដើម្បីតម្កល់ប្រាក់១០០០ ដុល្លារ​អាម៉រិក​ សម្រាប់​ធានា​ចំណាយ​ទាំងអស់​លើ​ការ​ធ្វើចត្តាឡីស័ក ​នៅ​ទីកន្លែងដែលកំណត់​ដោយ​ក្រសួងសុខាភិបាល​ ឬអាជ្ញាធរ​មូល​ដ្ឋាន។ អ្នកដំណើរដែលពុំទាន់បានចាក់វ៉ាក់សាំងកូវីដ-១៩​ ពេញលេញ ត្រូវបង្ហាញវិញ្ញាបនបត្រ​បញ្ជាក់​ថា គ្មានជំងឺកូវីដ-១៩​ (តេស្ត PCR) ក្នុងរយៈពេល ៧២ម៉ោង ​មុនពេលមកដល់កម្ពុជា ហើយ​ត្រូវ​ធ្វើ​ចត្តាឡីស័ក​រយៈពេល១៤ថ្ងៃ។ អ្នកដំណើរជាជនបរទេស ត្រូវបានលើកទឹកចិត្តឱ្យមានប័ណ្ណសន្យារ៉ាប់រងសុខភាព សម្រាប់​ព្យាបាល​ជំងឺកូវីដ-១៩៕អត្ថបទ ស៊ុមសុខជា

អ្នកនយោបាយស្វាគមន៍ឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្រ្តី

2021/12/06 12:35:05 pm        536
Facebook Telegram Linkin
​ភ្នំពេញ៖ អ្នកនយោបាយមកពីគណបក្សផ្សេងគ្នា បានស្វាគមន៍ឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្រ្តី ដោយបានលើកឡើងថា បេក្ខភាពរបស់ឯកឧត្តម នឹងក្លាយជាការប្រកួតប្រជែងផ្នែកបញ្ញា ស្មារតី និងទស្សនៈនយោបាយនាពេលអនាគត។ បន្ទាប់ពីមានការប្រកាសជាសាធារណៈរបស់សម្តេចតេជោ ហ៊ុន សែន នាយករដ្ឋមន្រ្តី គាំទ្រឯកឧត្តម ហ៊ុន ម៉ាណែត ជាបេក្ខជននាយករដ្ឋមន្រ្តី កាលពីដើមខែនេះ លោក ពេជ្យ ស្រស់ ប្រធានគណបក្ស យុវជនកម្ពុជា បានបង្ហាញការស្វាគមន៍ចំពោះបេក្ខភាពរបស់ឯកឧត្តម ហ៊ុន ម៉ាណែត ដោយបានលើកឡើងថា ការដាក់បេក្ខភាពនេះ គឺជាការសម្រេចផ្ទៃក្នុងគណបក្សសាមី។ លោក ពេជ្យ ស្រស់ បានចាត់ទុកការដាក់ បេក្ខជនជំនាន់ក្រោយ គឺជាការត្រៀមខ្លួនរបស់លោក ជាប្រធានគណបក្សមួយរូប ដើម្បីប្រកួតប្រជែង តំណែងនាយករដ្ឋមន្រ្តីនាពេលអនាគត។លោក បានបញ្ជាក់ថា ក្នុងនាមរូបលោកផ្ទាល់ គឺស្វាគមន៍គ្រប់បេក្ខភាពគណបក្សនយោបាយទាំង អស់ ដោយការប្រកួតប្រជែងទៅលើបញ្ញាស្មារតី និងលើទីលានទស្សនៈនយោបាយផ្ចាល់ខ្លួនជាដើម។ដោយឡែកលោក គុជ លី ប្រធានគណបក្សខ្មែរតែមួយ បានលើកឡើងផងដែរថា ការដាក់បេក្ខភាព​អ្នកជំនាន់ក្រោយ គឺជាការជំរុញ និងលើកទឹកចិត្តទៅដល់យុវជនឲ្យចូលរួមសមរភូមិនយោបាយ ដើម្បី​ត្រៀមចូលរួមប្រកួតប្រជែងជាមួយបេក្ខភាពឯកឧត្តម ហ៊ុន ម៉ាណែត ហើយនេះ បាន​ឆ្លុះបញ្ចាំង​ពី​លម្ហប្រជាធិបតេយ្យ​របស់កម្ពុជា​ កាន់តែល្អប្រសើរថែមទៀតផងដែរ។លោក ប៉ៃ សំបូរ អគ្គលេខាធិការវេទិកាសម្ព័ន្ធសង្គមស៊ីវិល ​បានលើកឡើងថា ដើម្បីជំរុញឲ្យ​លទ្ធិប្រជាធិបតេយ្យ​មានភាពពេញលេញ ការរៀបចំបេក្ខភាពប្រកួតប្រជែង​អ្នក​នយោបាយ​ជំនាន់ក្រោយ គឺជាការបោះជំហាន នៃបរិបទនយោបាយរបស់កម្ពុជា​ ឲ្យកាន់តែប្រសើរជាងមុន។យ៉ាងណាមិញ បើទោះបីមានការគាំទ្រពីសម្តេចតេជោ ហ៊ុន សែន ចំពោះឯកឧត្តម ហ៊ុន ម៉ាណែត ជា​បេក្ខភាពនាយករដ្ឋមន្រ្តីនាពេលអនាគតក៏ពិតមែន ប៉ុន្តែតំណែងនាយករដ្ឋមន្រ្តីនេះ ដាច់ខាត គឺត្រូវឆ្លងកាត់ដំណើរការបោះឆ្នោត។ឯកឧត្តម ហ៊ុន ម៉ាណែត ចន្លោះឆ្នាំ១៩៩៩ បានបញ្ចប់ការសិក្សានៅសាលាបណ្ឌិតយោធា ក្នុងទី ក្រុង West Point សហរដ្ឋអាមេរិក ​ហើយលោកជាជនជាតិកម្ពុជាដំបូងគេ ដែលបានចូលរៀន​នៅ​សាលា West Point ខណៈឯកឧត្តម​ ក៏បានចូលបម្រើការងារកងទ័ពរួចទៅហើយ ​នៅ​ក្នុង​កង​យោធពលខេមរ ភូមិន្ទ តាំងពីឆ្នាំ១៩៩៥ ៕អត្ថបទ៖ សេក ឧត្តម

សម្តេចតេជោ៖ ហ៊ុន ម៉ាណែត មិនទាន់ដល់ពេលទទួលតំណែងនាយករដ្ឋមន្ត្រីនៅឡើយទេ

2021/12/06 12:26:13 pm        236
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាក់ជាថ្មីថា បើទោះសម្ដេចគាំទ្រកូនប្រុសច្បងគឺឯកឧត្ដម ហ៊ុន ម៉ាណែត ជាបេក្ខភាពនាយករដ្ឋមន្ត្រីទៅពេលអនាគតក៏ពិតមែន តែក៏មិនមែនលឿនពេកនោះដែរ ខណៈបេក្ខភាពសម្រាប់តំណែងនេះ ក៏មានច្រើននាក់ទៅទៀតផងនោះ។ក្នុងពិធីសម្ពោធដាក់ឱ្យប្រើប្រាស់ជាផ្លូវការនូវហេដ្ឋារចនាសម្ព័ន្ធផ្លូវជាតិលេខ១១ តភ្ជាប់ពីអ្នកលឿងទៅថ្នល់ទទឹង និងផ្លូវក្នុងក្រុងព្រៃវែង នៅព្រឹកថ្ងៃទី៦ ខែធ្នូនេះ សម្តេចតេជោ ហ៊ុន សែន បានបញ្ជាក់ថា វាមិនទាន់ដល់ពេលនោះទេ សម្រាប់ ហ៊ុន ម៉ាណែត ទទួល​តំណែង​បេក្ខភាព​នាយករដ្ឋមន្ត្រី ព្រោះថា​សម្តេច​នឹង​នៅ​បន្តជាបេក្ខភាព​ជា​នាយ​ក​រដ្ឋមន្ត្រី​យ៉ាងហោច​រហូត​ដល់​ឆ្នាំ២០២៨ ។រយៈពេលបួនថ្ងៃក្រោយការប្រកាសរបស់សម្ដេចតេជោ ហ៊ុន សែន គាំទ្រឱ្យកូនប្រុសច្បង​ជា​បេក្ខភាព​នាយករដ្ឋមន្ត្រីទៅពេលអនាគត​ មជ្ឈដ្ឋាន​នានា ក៏បានគាំទ្រផងដែរ ។ទោះជាយ៉ាង​ណា​សម្តេចតេជោ ​បានបញ្ជាក់ថា សម្រាប់តំណែងនាយករដ្ឋមន្ត្រីទៅពេលអនាគត មិនមាន​តែ​ឯកឧត្ដម ហ៊ុន ម៉ាណែត ម្នាក់នោះទេ ​ប្រសិនបើ​ឯកឧត្ដម ហ៊ុន ម៉ាណែត បាន​ធ្វើ​កំហុស​អ្វីមួយ គឺមានកូនរបស់មន្ត្រីជាច្រើនទៀត ​នៅក្នុងជួរថ្នាក់ដឹកនាំ ​នៃគណបក្សប្រជាជនកម្ពុជាដទៃ ទៀត ​ដែល​ត្រូវ​បាន​មើលឃើញ​មានលក្ខណៈសម្បត្តិគ្រប់គ្រាន់​ក៏សម្រាប់​តំណែង​ដ៏​សំខាន់​មួយ​នេះ​ផងដែរ៕អត្ថបទ៖ មុត សុទ្ធ

ទូតចិន៖ ប្រហែលឆ្នាំក្រោយពលរដ្ឋកម្ពុជា អាចប្រើប្រាស់វ៉ាក់សាំងផលិតនៅកម្ពុជាបាន

2021/12/06 12:17:18 pm        644
Facebook Telegram Linkin
ព្រៃវែង៖ ឯកឧត្តម វ៉ាង វិនធាន ឯកអគ្គរដ្ឋទូតចិនប្រចាំនៅកម្ពុជា បានអះអាងថា ប្រជាពលរដ្ឋកម្ពុជា ប្រហែលនឹងអាចបានប្រើប្រាស់វ៉ាក់សាំងប្រភេទស៊ីណូវ៉ាក់ ដែលផលិតក្នុងប្រទេសកម្ពុជា នៅឆ្នាំក្រោយ ខណៈភាគីក្រុមហ៊ុនកំពុងធ្វើការងារសាងសង់រោងចក្រ ជាមួយក្រសួងសុខាភិបាល ។ក្នុងឱកាសចូលរួមក្នុងពិធីសម្ពោធដាក់ឲ្យប្រើប្រាស់ជាផ្លូវការ ផ្លូវជាតិលេខ១១ និងផ្លូវវាងក្រុងព្រៃ វែង ក្រោមអធិបតីភាពដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី៦ ខែធ្នូនេះ ឯកឧត្តម វ៉ាង វិនធាន បានបញ្ជាក់ថា ភាគីចិន កំពុងយកចិត្តទុកដាក់ពីប្រសាសន៍​សម្ដេចតេជោ ស្តីពីគម្រោងបង្កើតរោងចក្រផលិតវ៉ាក់សាំងប្រភេទស៊ីណូវ៉ាក់ ដោយខាង​ក្រុមហ៊ុន​កំពុង​ទំនាក់ទំនង​យ៉ាងជិតស្និទ្ធជាមួយក្រសួងសុខាភិបាលកម្ពុជា ​ដោយប្រហែលឆ្នាំក្រោយ កម្ពុជា អាចបានប្រើប្រាស់វ៉ាក់សាំងនេះបាន ។ឯកឧត្តម វ៉ាង វិនធាន បានបញ្ជាក់ថា ក្នុងនាមជាមិត្ដដែកថែប ភាគីចិន នឹងបន្តជួយអភិវឌ្ឍន៍​នូវ ហេដ្ឋា​រចនាសម្ព័ន្ធ មានផ្លូវថ្នល់ និងស្ពានជាដើម ក្នុងប្រទេសកម្ពុជា​ដើម្បីកែលម្អជីវភាពសេដ្ឋកិច្ច​សង្គម ​របស់ពលរដ្ឋឲ្យកាន់តែល្អប្រសើរ ​ខណៈចិនបានជួយកសាងផ្លូវបានជាង ៣០០០គីឡូម៉ែត្រ រួមទាំងស្ពាន ជាច្រើនកន្លែងទៀត ៕អត្ថបទ៖ បាន សុខរិទ្ធ

ការបោះជំរំជាសាកលតាមប្រព័ន្ធ Zoom បញ្ចប់ដោយជោគជ័យ ដែលសកលវិទ្យាល័យ ៤ឈ្នះការប្រកួតប្រជែងឆ្នាំនេះ

2021/12/06 12:10:20 pm        360
Facebook Telegram Linkin
ភ្នំពេញ៖ ការបោះជំរំជាសាកលលើកទី៧ តាមប្រព័ន្ធ Zoom ក្នុងរយៈពេល៥ថ្ងៃ បានបញ្ចប់ដោយជោគជ័យ និងបានល្អប្រសើរលើសពីការរំលឹកទុករបស់គណៈកម្មការរៀបចំជំរំ ហើយឆ្នាំនេះមានសាកលវិទ្យាល័យចំនួន ៤ដែលបានឈ្នះពីការប្រកួតប្រជែងនៃការបោះជំរំនេះ។លោកជំទាវ ស្រួយ សុជាតិ អគ្គនាយកយុវជន នៃក្រសួងអប់រំយុវជននិងកីឡា បានប្រាប់ថា ការបោះ​​ជំរំ​ជា​សាកលលើកទី៧ឆ្នាំនេះ ​មាននិស្សិតនៅតាមសាកលវិទ្យាចំនួន ១២សាកលវិទ្យាល័យ ដែលចូលរួមការបោះជំរំ រួមមាន៖ សាកលវិទ្យាល័យជាតិគ្រប់គ្រង, សាកល​វិទ្យាល័យ​ស្វាយរៀង, សាកលវិទ្យាល័យអង្គរ, សាកលវិទ្យាល័យភ្នំពេញអន្តរជាតិ, សាកល​វិទ្យាល័យបាត់ដំបង, សាកលវិទ្យាល័យក្រចេះ, សាកលវិទ្យាល័យហេងសំរិនត្បូងឃ្មុំ, សាកលវិទ្យាល័យជាតិមានជ័យ, សាកលវិទ្យាល័យជាស៊ីមកំចាយមារ, វិទ្យាស្ថានបច្ចេកវិទ្យាកំពង់ឈើទាល, វិទ្យាស្ថានបច្ចេកវិទ្យាកំពង់ស្ពឺ និងមជ្ឈមណ្ឌលជាតិយុវជនកម្ពុជា ដែលត្រូវប្រកួតប្រជែងលើប្រធានបទចំនួន៤ ។ ក្នុងនោះសាកលវិទ្យាល័យស្វាយរៀង ឈ្នះលើប្រធានបទនវានុវត្តន៍និងIR 4.o, សាកលវិទ្យល័យ ភ្នំពេញអន្តរជាតិឈ្នះប្រធានបទ ព័ត៌មាននិងទំនាក់ទំនង, សាកលវិទ្យាល័យបាត់ដំបងឈ្នះលើប្រធានបទ កូវីដ-១៩ និងសហគមន៍ រីឯប្រធានបទ៤ ការអប់រំបែបឌីជីថល គឺសាកលវិទ្យាល័យជាតិមានជ័យជាអ្នកឈ្នះ។លោក ឯក ពិសិដ្ឋ មន្ត្រីសម្របសម្រួល បានប្រាប់ថា ការបោះជំរំជាសាកល ពុំធ្លាប់ធ្វើតាមប្រព័ន្ធ Online ( Zoom ) ទេ ដោយកន្លងមក ត្រូវធ្វើជុំគ្នា។ លោកបន្តថា ឆ្នាំនេះគណៈកម្មការជំរំ គិតថា នឹង​មានភាពរអាក់រអ៊ួលខ្លះៗ ដោយសារត្រូវដំណើរការតាមប្រព័ន្ធ Zoom ប៉ុន្តែបែរជាល្អ លើសពីការំពឹង​ទុក​ទៅវិញ ហើយយុវជនបោះជំរំម្នាក់ៗ មានសមត្ថភាព​ និងលទ្ធភាពប្រើប្រាស់ Internet បាន​យ៉ាងល្អមានន័យថា រាល់ប្រធានបទដែលគណៈកម្មការដាក់ជូន គឺយុវជនអាចធ្វើបានយ៉ាងល្អ ហើយ​រាល់ការបកស្រាយរបស់វាគ្មិនម្នាក់ៗ ក៏យុវជនឆាប់ចាប់បានដែរ ​ដូចនេះទើបលោករំពឹងថា យុវជនបោះជំរំទំាងអស់ ​ពិតជា​សរសេរ​ទ្រូង​នៃប្រទេសជាតិពិតៗ។ចំណែកឯកឧត្តមបណ្ឌិត ហង់ ជូនណារ៉ុន រដ្ឋមន្ត្រីក្រសួងងប់រំយុវជននិងកីឡា បានលើក​ឡើង​ដែរថា ដោយសារបរិបទកូវីដ-១៩ បានធ្វើឱ្យមនុស្ស​ផ្លាស់ប្តូរ​បរិបទជាច្រើន ជាក់ស្តែងដូចជា​ការ​ប្រើប្រាស់​អ៊ីនធើណេត ​នេះជាដើម ព្រោះតាម​គោលការណ៍ សមត្ថភាពយុវជនកម្ពុជា នៅពុំទាន់​មាន​សមត្ថភាពគ្រប់គ្រាន់ក្នុការប្រើប្រាស់​ អ៊ីនធើណេត​បានច្រើនគ្នាបែបនេះទេ ប៉ុន្តែបែ​រ​ជាបានដើរលឿនជាការគ្រោងទុកទៅវិញ ​ដូចនេះ​ ឯកឧត្តមសូមគោតសរសើ និង​លើកទឹកចិត្ត​ឱ្យយុវជនកម្ពុជា ​ត្រូវខិតខំពុះពារបន្តទៀតដើម្បីជាតិមាតុភូមិ៕ អត្ថបទ៖ គង់ រ៉េន

ពលរដ្ឋនៅរាជធានីភ្នំពេញ សម្រុកទៅចាក់វ៉ាក់សាំងកូវីដ-១៩ ដើម្បីការពារវីរុសបំប្លែងថ្មី អូមីក្រុង

2021/12/06 11:56:23 am        922
Facebook Telegram Linkin
ភ្នំពេញ៖ បន្ទាប់ពីអង្គការសុខភាពពិភពលោកប្រកាសពីការរកឃើញវីរុសកូវីដ-១៩ បំប្លែងថ្មី អូមីក្រុង ពលរដ្ឋ រស់នៅក្នុងរាជធានីភ្នំពេញ នៅថ្ងៃទី០៦ខែវិច្ឆិកានេះ សម្រុកទៅចាក់វ៉ាក់សាំង ក្នុងទីតាំងសុខាភិបាលសាធារណៈ នៅមូលដ្ឋានរស់នៅរបស់ពួកផងខ្លួន។ពលរដ្ឋមកទទួលការចាក់វ៉ាក់សាំងនៅមន្ទីរពេទ្យបង្អែកច្បារអំពៅ រាជធានីភ្នំពេញ នៅថ្ងៃទី ៦ខែធ្នូនេះ បានប្រាប់BTVឲ្យដឹងថា ការចាក់វ៉ាក់សាំងកូវីដ មានសារៈសំខាន់ខ្លាំងណាស់​ដើម្បី​ការពារ​ជំងឺកូវីដ-១៩ ដែលបំលែងថ្មីជាបន្តបន្ទាប់ ជាពិសេសអូមីក្រុង។លើសពីនេះ ពួកគាត់បានអគុណចំពោះរាជរដ្ឋាភិបាលកម្ពុជា ដែលបានស្វះស្វែងរកវ៉ាក់សាំងចាក់​ជូន​ប្រជាពលរដ្ឋគ្រប់ៗគ្នា ដោយមិនគិតថ្លៃ។កន្លងទៅថ្មីៗនេះ ក្រសួងសុខាភិបាល បានចេញសេចក្ដីប្រកាសព័ត៌មានស្ដីពីការរកឃើញ និង​ការវិវត្តន៍វីរុសកូវីដ-១៩ បំប្លែងខ្លួនថ្មី ​ដែលមានឈ្មោះថា​ «អូមីក្រុង (Omicron)» ស្របពេលអង្គការ​សុខភាព​ពិភពលោក បាននិងកំពុងតាមដានយ៉ាងយកចិត្តទុកដាក់ ​លើវីរុសបំប្លែងខ្លួនថ្មីនេះ។ក្រៅពីនេះ ក្រសួងសុខាភិបាលក៏បានបង្ហាញអំពីវិធានការបន្ថែមទៀតដើម្បីការពារ និងទប់ស្កាត់​បានទាន់​ពេលវេលា និងដើម្បីបន្តនិរន្តភាពនៃការរស់នៅក្នុងប្រក្រតីភាពថ្មីក្នុងសង្គមកម្ពុជា ខណៈកម្ពុជាមិនទាន់រកឃើញវីរុសបំលែងថ្មីអូមីក្រុង។វិធានការទាំងនោះនោះរួមមាន៖ សូមបន្តអនុវត្តវិធានការសំខាន់ៗ ជាពិសេសសូមបន្តអនុវត្តវិធាន ការ «ពាការពារ និង៣កុំ» ឱ្យបានហ្មត់ចត់ ដើម្បីកាត់បន្ថយហានិភ័យនៃការឆ្លងវីរុសកូវីដ-១៩។ ត្រូវរាយការណ៍ជូនអាជ្ញាធរមូលដ្ឋាន ឬគ្រូពេទ្យដែលនៅជិតលោកអ្នក អំពីករណីសង្ស័យណាមួយ ដែលពាក់ព័ន្ធ ទៅនឹងភាពខុសប្លែកធម្មតានៃរោគសញ្ញា ឬជំងឺ និងត្រូវនៅដាច់ដោយឡែក ដើម្បីកុំឱ្យមានការចម្លងបន្ត ទៅអ្នក ដែលនៅជិតខ្លួន ឬក្រុមគ្រួសារខ្លួនក្នុងពេលរង់ចាំការវិភាគ ដើម្បីរកវីរុសកូវីដ-១៩ថ្មីនេះ។ ត្រូវជំរុញ ប្រជាពលរដ្ឋឱ្យទៅទទួលការចាក់វ៉ាក់សាំងកូវីដ-១៩ ឱ្យបានគ្រប់គ្នា ជាពិសេសជនដែលងាយរងគ្រោះ និងបង្កើនការយកចិត្តទុកដាក់បន្ថែមទៀត៕អត្ថបទ៖ ទូច សោភ័ណ 

ប្រសាសន៍សំខាន់ៗសម្ដេចតេជោ​ ហ៊ុន​ សែន​ នាយករដ្ឋមន្ត្រី ថ្លែងក្នុងពិធីសម្ពោធផ្លូវជាតិលេខ១១ (ថ្ងៃទី០៦ ខែធ្នូ ឆ្នាំ២០២១)

2021/12/06 10:19:39 am        772
Facebook Telegram Linkin
ភ្នំពេញ៖ នៅព្រឹកថ្ងៃទី០៦ ខែធ្នូ ឆ្នាំ២០២១ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី បានអញ្ជើញជាអធិបតីភាពដ៏ខ្ពង់ខ្ពស់នៅក្នុងពិធីសម្ពោធដាក់ឲ្យប្រើប្រាស់ជាផ្លូវការ ផ្លូវជាតិលេខ១១ និង គន្លងផ្លូវថ្មីវាងក្រុងព្រៃវែង។ ខាងក្រោមនេះជាប្រសាសន៍សំខាន់ៗរបស់សម្ដេចតេជោ​ ហ៊ុន​ សែន​៖·        សម្តេចតេជោ ហ៊ុន សែន បញ្ជាក់ថា កម្ពុជាគ្រោងសាងសង់មជ្ឈមណ្ឌលព្យាបាលកូវីដ១៩មួយទំហំធំ ដែលអាចដាក់មនុស្សបានរាប់ម៉ឺននាក់ និងផ្នែកសង្គ្រោះបន្ទាន់រាប់រយគ្រែ ដើម្បីផ្ទេរអ្នកជំងឺចេញពីពហុកីឡដ្ឋានអូឡាំពិក ទុកបម្រើដល់វិស័យកីឡាវិញ។·        សម្តេចតេជោ ហ៊ុន សែន បានផ្តាំផ្ញើសារនយោបាយទៅបុគ្គលជាឧត្តមសេនីយ៍យោធា វៀតណាម ឈ្មោះ ង.ស៊ុនឆៀន ដែលបានវាយប្រហារមកលើកម្ពុជាពាក់ព័ន្ធបញ្ហាកូវីដ១៩ ដោយសម្តេចបញ្ជាក់ថា សំដីឧត្តមសេនីយ៍វៀតណាមរូបនោះ ជាការប្រមាថមកលើកម្ពជា ។·        សម្តេចតេជោ ហ៊ុន សែន បញ្ជាក់ថា សម្តេចមិនសំដៅលើប្រទេសវៀតណាមទេ គឺសំដៅលើបុគ្គលវៀតណាមម្នាក់តែប៉ុណ្ណោះ ទោះកម្ពុជាតូច ក្រ ក៏កម្ពុជាមានតម្លៃរបស់ខ្លួន នៅក្នុងការគិតគូរពីសុខុមាលភាពប្រជាជនខ្លួន ដែលមិនអាចទទួលយកការប្រមាថនេះបានឡើយ។·        សម្តេចតេជោ ហ៊ុន សែន ប្រកាសពីដំណើរការផលិតវ៉ាក់សាំងប្រឆាំងកូវីដ១៩ នៅកម្ពុជា ដោយមានជំនួយបច្ចេកទេសពីមិត្តចិន ដែលជាការគិតគូរវែងឆ្ងាយក្នុងការប្រយុទ្ធប្រឆាំងនឹងជំងឺដ៏កាចសាហាវមួយនេះ ព្រោះយើងមិនដឹងថា ជំងឺនេះនឹងត្រូវបញ្ចប់នៅពេលណានោះទេ។ ការផលិតវ៉ាក់សាំងនៅកម្ពុជាដោយផ្ទាល់ នឹងចំណេញថ្លៃដើមផលិត ការដឹកជញ្ជូន និងប្រតិបត្តិការឆាប់រហ័ស។·        សម្តេចតេជោ ហ៊ុន សែន បញ្ជាក់ថា ដំណើរការប្រជាធិបតេយ្យនៅកម្ពុជា នៅតែបន្តគ្មានការប្រែប្រួលឡើយ។ ទោះបី ហ៊ុន ម៉ាណែត ត្រូវបានគាំទ្រជាបេក្ខភាពនាយករដ្ឋមន្ត្រីសម្រាប់គណបក្សប្រជាជនកម្ពុជាក៏ដោយ ក៏ត្រូវឡើងតាមការបោះឆ្នោត ដោយសេរី ត្រឹមត្រូវ និងយុត្តិធម៌។·        សម្តេចតេជោ ហ៊ុន សែន ប្រកាសថា កិច្ចព្រមព្រៀងពាណិជ្ជកម្មសេរីរវាងកម្ពុជា និងចិន នឹងចូលជាធរមាន នៅខែមករា ឆ្នាំ២០២២ខាងមុខនេះ និងកិច្ចព្រមព្រៀងពាណិជ្ជកម្មជាច្រើនទៀត ដែលជាផលប្រយោជន៍របស់ប្រជាជនកម្ពុជាទាំងមូល។·        សម្តេចតេជោ ហ៊ុន សែន បានបញ្ជាក់ថា សម្រាប់បេក្ខភាព ហ៊ុន ម៉ាណែត គ្រាន់តែជាការដៅទុកតែប៉ុណ្ណោះ មិនទាន់មានការសម្រេចជាផ្លូវការនៅឡើយទេ។ ដោយសម្តេចបានបញ្ជាក់ថា «ចុះបើឪនៅធ្វើនាយករដ្ឋមន្ត្រីច្រងោៗ តើឲ្យកូនធ្វើអីកើត ហើយខ្ញុំបានបញ្ជាក់ហើយថា ធ្វើនាយករដ្ឋមន្រ្តីដោយគ្មានការកំណត់…»។·        សម្តេចតេជោ ហ៊ុន សែន បញ្ជាក់ថា ប៉ុន្មានថ្ងៃនេះសម្តេចបានចាត់មានមនុស្សដើរតាមផ្សារពាក់ព័ន្ធរឿងមានសារគាំទ្រ ហ៊ុន ម៉ាណែត ជាបេក្ខភាពនាយករដ្ឋមន្ត្រីនាពេលខាងមុខ ។ សម្តេចបានទទួលសារ និងការលើកឡើងពីអ្នកផ្សារថា «ក្រៅពីត្រកូល ហ៊ុន មិនដឹងទៅទុកដាក់លើនរណាទេ…….»។·        សម្តេចតេជោ ហ៊ុន សែន បានសម្តែងមោទនភាពយ៉ាងខ្លាំង ចំពោះដំណើរការចាក់វ៉ាក់សាំងកូវីដ-១៩ នៅកម្ពុជា សម្រេចបានលើសផែនការដែលបានគ្រោងទុក ដើម្បីបង្កើតភាពស៊ាំប្រឆាំងនឹងការឆ្លងរីករាលដាលជំងឺកូវីដ-១៩ ដែលជាប្រសិទ្ធភាពនៃវ៉ាក់សាំងចិន។·        សម្តេចតេជោ ហ៊ុន សែន ណែនាំឲ្យអភិបាលខេត្តត្បូងឃ្មុំ យកចិត្តទុកដាក់ថែរក្សាតំបន់ប្រវត្តិសាស្ត្រហ្លួងព្រះស្តេចកន ឲ្យបានល្អ ដើម្បីទុកជាសក្ខីភាព និងជាកន្លែងសិក្សាស្វែងយល់របស់មហាជន។·        សម្ដេចតេជោ ហ៊ុន សែន ថ្លែងអំណរគុណដល់បងប្អូនប្រជាពលរដ្ឋគ្រប់លំដាប់ថ្នាក់រហូតដល់តុកាហ្វេ ដែលបានគាំទ្រប្រសាសន៍របស់សម្ដេច ដែលបានថ្លែងគាំទ្រឯកឧត្ដម ហ៊ុន ម៉ាណែត ជាបេក្ខភាពនាយករដ្ឋមន្ត្រីនាពេលអនាគត។·        សម្ដេចតេជោ ហ៊ុន សែន ថ្លែងថា កុំឱ្យព្រួយបារម្ភថា ការផ្លាស់ប្ដូរនាយករដ្ឋមន្ត្រី កើតឡើងឆាប់ៗ ដោយសម្ដេចបញ្ជាក់ថា សម្ដេចនឹងបន្តកាន់តំណែងជានាយករដ្ឋមន្ត្រីយ៉ាងហោច ១០ឆ្នាំទៀត។·        សម្ដេចតេជោ ហ៊ុន សែន ថ្លែងថា បេក្ខភាពសម្រាប់តំណែងនាយករដ្ឋមន្ត្រី ក្នុងចិត្តរបស់សម្ដេច មានរហូតដល់ ៤រូប ប៉ុន្តែ សម្ដេចមិនបានបញ្ចេញឈ្មោះថា នរណាខ្លះនោះឡើយ លើកលែងតែឯកឧត្ដម ហ៊ុន ម៉ាណែត ដែលសម្ដេចបានបញ្ចេញឱ្យដឹងជាសាធារណៈកាលពីសប្ដាហ៍មុន។·        សម្ដេចតេជោ ហ៊ុន សែន បញ្ជាក់ថា លទ្ធភាពភាគច្រើន សម្ដេចនឹងធ្វើដំណើរទស្សនកិច្ចទៅកាន់ប្រទេសមីយ៉ាន់ម៉ាក្នុងនាមជាប្រធានអាស៊ាន។ សម្ដេចតេជោបន្តថា នេះគឺ ជាវិធីក្នុងការធ្វើការដោះស្រាយជាមួយវិបត្តិនៅក្នុងប្រទេសមីយ៉ាន់ម៉ា។·        សម្ដេចតេជោ ហ៊ុន សែន បញ្ជាក់ថា ស្អែកនេះ សម្ដេចតេជោនឹងជួបជាមួយរដ្ឋមន្ត្រីការបរទេសមីយ៉ាន់ម៉ានៃរដ្ឋាភិបាលរបស់លោកឧត្ដមសេនីយ៍ មីន អ៊ុងឡាំង។·        សម្ដេចតេជោ ហ៊ុន សែន ថ្លែងថា ពេលនេះ(ឆ្នាំនេះកម្ពុជាជាប្រធានអាស៊ាន) គឺជាពេលពង្រឹងអាស៊ានឡើងវិញ ពីសមាជិក ៩ប្រទេស ទៅសមាជិក ១០ប្រទេសឡើងវិញ ព្រោះប្រទេសមីយ៉ាន់ម៉ាមិនបានប្រកាសចាកចេញពីអាស៊ាននោះឡើយ។·        សម្ដេចតេជោ ហ៊ុន សែន បញ្ជាក់ថា ធម្មនុញ្ញអាស៊ាន មិនបានចែងពីការបណ្ដេញប្រទេសជាសមាជិកចេញពីសមាគមនោះឡើយ។·        សម្ដេចតេជោ ហ៊ុន សែន ថ្លែងថា វិធីតែមួយគត់ក្នុងការដោះស្រាយវិបត្តិនៅមីយ៉ាន់ម៉ា គឺត្រូវជជែកជាមួយអ្នកកាន់អំណាចនៅមីយ៉ាន់ម៉ា។

លោកជំទាវ សុភ័គ្គ ថាវី ​គាំទ្រ​​ប្រសាសន៍​សម្តេចតេជោ​​ ក្នុងការប្រកាស​ឯកឧត្តម ហ៊ុន ម៉ាណែត ជា​បេក្ខភាពនាយករដ្ឋមន្រ្តី នាពេលអនាគត

2021/12/05 03:05:54 pm        583
Facebook Telegram Linkin
ភ្នំពេញ ៖ លោកជំទាវ សុភ័គ្គ ថាវី សមាជិកគណៈកម្មាធិការកណ្តាល នៃគណបក្សប្រជាជនកម្ពុជា និងជា​សមាជិកក្រុមការងារចុះជួយរាជធានីភ្នំពេញ បានប្រកាស​គាំទ្រ​យ៉ាង​ពេញ​ទំហឹង​ចំពោះ​ប្រសាសន៍​ដ៏ខ្ពង់ខ្ពស់​របស់​សម្តេចតេជោ ហ៊ុន សែន នាយករដ្ឋមន្រ្តី ក្នុងការគាំទ្រឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្រ្តីនាពេលអនាគត។លោកជំទាវ សុភ័គ្គ ថាវី ថ្លែងយ៉ាងដូច្នេះ នៅក្នុងពិធីប្រកាសសេចក្ដីសំរេច ស្ដីពីការយល់ព្រម​បញ្ចូល​សមាជិក​គណបក្សប្រជាជនកម្ពុជា សង្កាត់ព្រែកថ្មី ចំនួន២៦រូប នៅរសៀលថ្ងៃទី៥ធ្នូ នៅទីស្នាក់ការបក្សសង្កាត់ព្រែកថ្មី។លោកជំទាវ សុភ័គ្គ ថាវី មានប្រសាសន៍ថា ឯកឧត្តម ហ៊ុន ម៉ាណែត គឺជាយុវជន និង​ជា​ឥស្សរជន​ថ្នាក់​ដឹកនាំ​ខ្មែរ​ដ៏​ឆ្នើម​មួយរូបរបស់កម្ពុជា​ ពោរពេញដោយសមត្ថភាព និង​ទេពកោសល្យ​ខ្ពស់ ព្រមទាំង​មានគុណធម៌ និងសីលធម៌ដ៏ល្អ ដែលទទួលបានការកោត​សរសើរ ការគោរព និងការ​ស្រឡាញ់​ពីសំណាក់​ប្រជាជនទូទៅ មន្រ្តីរាជការ និងកងកម្លាំងប្រដាប់អាវុធ ហើយបាន និង​កំពុង​រួមចំណែកដឹកនាំ ​និងចូលរួមយ៉ាងសកម្មក្នុងបេសកកម្ម ដើម្បីបុព្វហេតុជាតិ មាតុភូមិ និង​ប្រជាជន​កម្ពុជា។លោកជំទាវ និង​សមាជិកបក្ស មានជំនឿយ៉ាងមុតមាំថា ឯកឧត្តម ហ៊ុន ម៉ាណែត ពិតជា​ឥស្សរជន​ដែល​ស័ក្ដិសម​ជា​អនាគត​នាយករដ្ឋមន្រ្តី​ នៃព្រះរាជាណាចក្រកម្ពុជា ដើម្បី​បន្តវេនដឹកនាំ​ការពារ​បូរណភាព​ទឹកដី សុខសន្តិភាព ​និងស្ថិរភាពសង្គម ការលើកកម្ពស់កិត្យានុភាពជាតិ និង​ការ​អភិវឌ្ឍ​ជាតិ​ឱ្យកាន់តែមានភាពរីកចម្រើនលើគ្រប់វិស័យ ​ដើម្បីវិបុលភាព ​សេចក្តីសុខ និង​សុភមង្គល​របស់​ប្រជាជនកម្ពុជា៕

រដ្ឋមន្ត្រីក្រសួងកសិកម្ម ចុះទស្សនកិច្ចកសិដ្ឋានចិញ្ចឹមត្រី និងបន្តទៅត្រួតពិនិត្យ​អាងស្តុប​ទឹក​ស្រុកជើងព្រៃ

2021/12/05 09:36:17 am        586
Facebook Telegram Linkin
កំពង់ចាម៖ នៅថ្ងៃទី៤ ខែធ្នូម្សិលមិញនេះ ឯកឧត្តម វេង សាខុន រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទ បានអញ្ជើញចុះទស្សនកិច្ចកសិដ្ឋានចិញ្ចឹមត្រី និងបន្តទៅត្រួតពិនិត្យ​អាងស្តុបទឹក​អូតាកេរ្ត៍ កសិដ្ឋានវារីវប្បកម្មគំរូ និងទីលានបណ្ដុះកូនពូជបន្លែ ដែលជាអំណោយ​ដ៏ថ្លៃថ្លា​របស់​ឯកឧត្តមបណ្ឌិត ហ៊ុន ម៉ាណែត និងលោកជំទាវ ពេជ្រ ច័ន្ទមុន្នី ដែលស្ថិតនៅក្នុងស្រុកជើងព្រៃ ខេត្តកំពង់ចាម។ក្នុងឱកាសចុះពិនិត្យទីតាំងនេះ ក៏មានការចូលរួម​ពី​ឯកឧត្តមបណ្ឌិត ម៉ឹង មករា ប្រធាសមាគម​យុវជនក្រុម៨ អមដំណើរដោយឯកឧត្តមប្រតិភូរាជរដ្ឋាភិបាលកម្ពុជា ទទួលបន្ទុករដ្ឋបាលព្រៃឈើ ឯកឧត្តមប្រតិភូរាជរដ្ឋាភិបាលកម្ពុជា​ ទទួលបន្ទុករដ្ឋបាលជលផលឧកញ៉ា ហ៊ុន ឡាក់ នាយកប្រតិបត្តិក្រុមហ៊ុន Tripicam និងឧកញ៉ា សុង សារ៉ន ប្រធានសហព័ន្ធស្រូវអង្ករកម្ពុជា ព្រមទាំងអាជ្ញាធរ ​និងយុវជនស្រុកជើងព្រៃ ។ការទស្សនកិច្ចនេះ ធ្វើឡើងក្នុងគោលបំណងរៀបចំគម្រោងជំនួយ​កសិកម្មជួយដល់​ប្រជាពលរដ្ឋ​រួមមាន៖ ១.ការធ្វើស្រែ ២.ការចិញ្ចឹមវារីសត្វ និងទី៣.ដំណាំបន្លែសុវត្ថិភាព ធ្វើជាផែនការ​ជួយ​ជម្រុញ​ឲ្យវិស័យកសិកម្មក្នុងស្រុកជើងព្រៃ ឱ្យកាន់តែមានសក្ដានុពល និងកាលានុវត្តភាព នៃការធ្វើ​ពាណិជ្ជូបនីយ​កម្ម​កសិកម្ម ដើម្បី​ធានា​បាននូវសុវត្ថិភាពស្បៀងរបស់ប្រជាពលរដ្ឋ បង្កើន​ប្រាក់ចំណូល ​និងលើកស្ទួយជីវភាពសេដ្ឋកិច្ចគ្រួសារប្រជាពលរដ្ឋឲ្យកាន់តែប្រសើឡើង៕

បណ្ដាញសង្គម

ព័ត៌មានថ្មីៗ

គ្រោះរាំងស្ងួតជាប្រវត្តិសាស្រ្ត និងកង្វះខាតស្រូវសាលី ក្លាយជាការងារប្រឈមដ៏សំខាន់មួយសម្រាប់ថ្នាក់ដឹកនាំថ្មីស៊ីរី
08/18/2025 09:08 PM
Facebook Telegram Linkin
អេស្ប៉ាញព្យាយាមពន្លត់ភ្លើងឆេះព្រៃដោយមានជំនួយច្រើនបំផុតពីសហគមន៍អន្តរជាតិ
08/18/2025 08:08 PM
Facebook Telegram Linkin
លោក Trump និយាយថា លោក Zelenskyy អាចបញ្ចប់សង្រ្គាមភ្លាមៗបាន
08/18/2025 08:08 PM
Facebook Telegram Linkin
មនុស្ស ២៦៣នាក់ រួមទាំងកុមារ ១១២នាក់ ដាច់ពោះស្លាប់នៅតំបន់ហ្កាហ្សា ចាប់តាំងពីសង្រ្គាមផ្ទុះឡើង
08/18/2025 08:08 PM
Facebook Telegram Linkin
ក្តីសង្ឃឹមសម្រាប់អ្នករស់រានលែងមាន ពេលដែលក្រុមជួយសង្រ្គោះ ព្យាយាមស្វែងរកមនុស្សបាត់ខ្លួន ១៥០នាក់ក្នុងជំនន់ប៉ាគីស្ថាន
08/18/2025 08:08 PM
Facebook Telegram Linkin
អគ្គិភ័យបានឆាបឆេះឃ្លាំងស្តុកប្រេងក្នុងទីក្រុងតេអេរ៉ង់ ប្រទេសអ៊ីរ៉ង់
08/18/2025 08:08 PM
Facebook Telegram Linkin
ចិនគំាទ្ររាល់កិច្ចខិតខំទាំងអស់ ឲ្យមានកិច្ចព្រមព្រៀងសន្តិភាពក្នុងវិបត្តិសង្រ្គាមអ៊ុយក្រែន
08/18/2025 08:08 PM
Facebook Telegram Linkin
លោក Zelenskyy ព្រមានប្រឆាំងនឹង «ការផ្តល់រង្វាន់» ដល់រុស្ស៊ី បន្ទាប់ពីលោក Trump ជំរុញឲ្យព្រមសម្បទាន
08/18/2025 08:08 PM
Facebook Telegram Linkin
ភ្នាក់ងារពន្លត់អគ្គិភ័យ ២នាក់ស្លាប់ និងមនុស្សយ៉ាងហោច ៤នាក់រងរបួសនៅក្នុងហេតុការណ៍អគ្គិភ័យនៅទីក្រុង Osaka ប្រទេសជប៉ុន
08/18/2025 08:08 PM
Facebook Telegram Linkin
ភ្លៀងធ្លាក់ខ្លាំងបង្កការជន់លិចធ្ងន់ធ្ងរនៅទីក្រុងម៉ុមបៃ និងរដ្ឋ Uttar Pradesh ប្រទេសឥណ្ឌា
08/18/2025 08:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.