BTV NEWS

សម្ដេចតេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន

ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី

ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

សម្តេចធិបតីផ្ញើសារច្បាស់លាស់ និងយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាតប្រកបដោយស្មារតីទទួលខុសត្រូវខ្ពស់បំផុត

នយោបាយ និង ការអភិវឌ្ឍន៍

គណៈកម្មការក្រសួងសួងរៀបចំដែនដី និងអាជ្ញាធរបន្ទាយមានជ័យ ចុះពិនិត្យទីតាំងព្រៃលិចទឹករងការកាប់បំផ្លាញ

បន្ទាយមានជ័យ៖ ឯកឧត្តម លាង មុនីរិទ្ធ រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ ឯកឧត្តម អ៊ុ រាត្រី អភិបាលខេត្តបន្ទាយមានជ័យ នៅថ្ងៃទី៣០ ខែវិច្ឆិកានេះ បានចុះពិនិត្យទីតាំងជាក់ស្តែង និងទប់ស្កាត់ការចំពោះការកាប់ព្រៃលិចទឹក និងវាទទីយកដីបឹងទន្លេសាប នៅតំបន់២ តំបន់៣ ក្នុងភូមិសាស្ត្រឃុំប្រាសាទ និងភ្នំលៀប ស្រុកព្រះនេត្រព្រះ ។ក្នុងបេសកកម្មអញ្ជើញចុះពិនិត្យមើលស្ថានភាពជាក់ស្តែងនោះ ថ្នាក់ដឹកនាំក្រសួង អភិបាលខេត្ត បានរៀបចំកម្លាំងប្រដាប់អាវុធចម្រុះ មានមន្ត្រីខេត្ត មន្ត្រីជំនាញ កងកម្លាំងទាំង៣ ប្រចាំការជាប់នៅគោលដៅ ដើម្បីទប់ស្កាត់បង្ក្រាបបទល្មើស និងក្រុមមន្ត្រីជំនាញសុរិយោដីខេត្ត មន្ត្រីជលផល និងមន្ត្រីស្រុក ឃុំមូលដ្ឋាន ដើម្បីចុះផ្ទៀងផ្ទាត់កំណត់បង្គោលព្រំ ដើម្បីកសាងឯកសារប័ណ្ណកម្ម ចុះបញ្ជីដីរដ្ឋ ។តាមបទបញ្ជាសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅថ្ងៃទី២៨ ខែវិច្ឆិកា ឆ្នាំ២០២១ បានចេញបទបញ្ជាយ៉ាងម៉ឺងម៉ាត់មួយ ឱ្យក្រសួងស្ថាប័នពាក់ព័ន្ធ និងអភិបាលខេត្តជាប់បឹងទន្លេសាប ត្រូវធ្វើការទប់ស្កាត់ និងបង្រ្កាបជាបន្ទាន់ ចំពោះការលួចកាប់ព្រៃលិចទឹក និងវាទទីយកដីនៅតាមបឹងទន្លេសាប ៕

សាលារាជធានីភ្នំពេញអនុញ្ញាតឱ្យអាជីវកម្មកម្សាន្តបើកដំណើរការឡើងវិញចាប់ពីថ្ងៃនេះ

ភ្នំពេញ៖ សាលារាជធានីភ្នំពេញ ត្រូវបានអនុញ្ញាតឱ្យអាជីវកម្មកម្សាន្តនានានៅរាជធានីភ្នំពេញ បើកដំណើរការឡើងវិញហើយចាប់ពីថ្ងៃនេះតទៅ ប៉ុន្តែ តម្រូវឱ្យបន្តអនុវត្តតាមវិធានការសុខាភិបាល ដើម្បីការពារការឆ្លងមេរោគកូវីដ-១៩។ក្នុងសេចក្ដីសម្រេចនៅថ្ងៃនេះ សាលារាជធានីភ្នំពេញ បញ្ជាក់ថា អនុញ្ញាតឱ្យបើកដំណើរការឡើងវិញអាជីវកម្មខារ៉ាអូខេ រង្គសាល និងឌីស្កូតែក នៅក្នុងភូមិសាស្ត្ររាជធានីភ្នំពេញ ចាប់ពីថ្ងៃទី៣០ ខែវិច្ឆិកានេះ។បើតាមសេចក្ដីសម្រេចនេះ សាលារាជធានីភ្នំពេញ បានក្រើនរំលឹកទៅដល់ម្ចាស់អាជីវកម្មកម្សាន្តនានា ឱ្យបន្តអនុវត្តតាមវិធានការ«៣ ការពារ» និង «៣ កុំ»របស់រាជរដ្ឋាភិបាល ព្រមទាំងសេចក្ដីណែនាំរបស់ក្រសួង និងស្ថាប័នពាក់ព័ន្ធនានា។អាជីវកម្មកម្សាន្តទាំងអស់នៅរាជធានីភ្នំពេញ ត្រូវបានអាជ្ញាធរណែនាំឱ្យផ្អាកដំណើរការអស់រយៈពេលជាច្រើនខែមកហើយ ចាប់តាំងពីការផ្ទុះរីករាលដាលនៃព្រឹត្តិការណ៍សហគមន៍ ២០កុម្ភៈក្នុងឆ្នាំនេះ។អាជីវកម្មកម្សាន្តនេះ ត្រូវបានអនុញ្ញាតឱ្យបើកដំណើរការឡើងវិញបែបនេះ បន្ទាប់ពីករណីឆ្លងរីករាលដាលនៃមេរោគកូវីដ-១៩នៅទូទាំងប្រទេសបានធ្លាក់ចុះជាបន្តបន្ទាប់។តួលេខរបស់ក្រសួងសុខាភិបាលចេញនៅថ្ងៃនេះ បានឱ្យដឹងថា កម្ពុជារកឃើញមនុស្សត្រឹមតែ ២២នាក់បន្ថែមទៀតប៉ុណ្ណោះ បានឆ្លងមេរោគកូវីដ-១៩ ខណៈដែលតួលេខអ្នកស្លាប់ដោយសារកូវីដ-១៩ប្រចាំថ្ងៃ មានត្រឹមតែ ៥នាក់ប៉ុណ្ណោះ ក្នុងនោះ ៣នាក់មិនបានចាក់វ៉ាក់សាំង៕

កាកបាទក្រហមកម្ពុជា ប្រគល់ជែលលាងដៃ ១ពាន់កេសដល់មន្ទីរពេទ្យបង្អែកនានា ក្នុងរាជធានីភ្នំពេញ

ភ្នំពេញ ៖ នៅថ្ងៃទី៣០ ខែវិច្ឆិកា ឆ្នាំ២០២១នេះ លោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជា បានប្រគល់ជែលលាងដៃចំនួន ១.០០០កេស (ស្មើនឹង ២០.០០០ដប) ដល់សាខាកាកបាទក្រហមកម្ពុជា រាជធានីភ្នំពេញ និងមន្ទីរពេទ្យបង្អែកចំនួន៨ នៅក្នុងរាជធានីភ្នំពេញ ដើម្បីចូលរួមទប់ស្កាត់ការចម្លងវីរុសកូវីដ-១៩។សូមបញ្ជាក់ជូនថា បន្ទាប់ពីបានទទួលជែលលាងដៃ ជំហានទី១ ចំនួន ១៦.២០០កេស (ស្មើនឹង ២៥៩.២០០ដប) ពីក្រុមហ៊ុន ហ័ន យ៉ា ហ៊ឺ ចុង (ខេមបូឌា) ត្រេឌីង ឯ.ក, កាកបាទក្រហមកម្ពុជា បានប្រគល់ជែលចំនួន ៧៨៥កេស ដល់មន្ទីរពេទ្យ និងមណ្ឌលសុខភាពចំនួន ៣២ ក្នុងខេត្តរតនគិរី កាលពីថ្ងៃទី ១៦ខែវិច្ឆិកា ឆ្នាំ២០២១ និងបានប្រគល់ចំនួន ៧៣៧កេស ដល់មន្ទីរពេទ្យបង្អែកចំនួន ៨ ក្នុងខេត្តបាត់ដំបង កាលពីថ្ងៃទី ១៨ ខែវិច្ឆិកា ឆ្នាំ២០២១កន្លងទៅ។ ក្រៅពីនេះ កាកបាទក្រហមកម្ពុជា បានបែងចែក និងដឹកជញ្ជូនដល់ឃ្លាំង នៅតាមសាខាកាកបាទក្រហមកម្ពុជា ខេត្តចំនួន ១១ផ្សេងទៀតរួចរាល់ហើយ ដែលនឹងធ្វើពិធីប្រគល់-ទទួលជាបន្តបន្ទាប់ទៅតាមកាលបរិច្ឆេទសមស្រម។ ដោយឡែកចំពោះខេត្តដែលមិនទាន់ទទួលបាន កាកបាទក្រហមកម្ពុជានឹងប្រគល់ជូនជាបន្តបន្ទាប់ បន្ទាប់ពីទទួលបានជែលលាងដៃពីក្រុមហ៊ុនខាងលើនេះ ជាជំហានទី២ នៅអំឡុងចុងខែធ្នូ ឆ្នាំ២០២១ និងដើមខែមករា ឆ្នាំ២០២២ខាងមុខនេះ៕

គ.ជ.ប. បញ្ជាក់ថា មានពលរដ្ឋជាង ៤៤ម៉ឺននាក់បានចុះឈ្មោះបោះឆ្នោតថ្មី ខណៈយុទ្ធនាការនៅសល់ពេល៤ថ្ងៃទៀតប៉ុណ្ណោះ

ភ្នំពេញ៖ គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប. បានឱ្យដឹងថា មានប្រជាពលរដ្ឋដល់ទៅជាង ៤៤ម៉ឺននាក់ហើយ ត្រូវបានចុះឈ្មោះបោះឆ្នោតថ្មីនៅក្នុងរយៈពេល ៤៦ថ្ងៃកន្លងមកនេះ។គ.ជ.ប.បានប្រកាសឱ្យដឹងបែបនេះនៅក្នុងសេចក្ដីប្រកាសព័ត៌មានប្រចាំថ្ងៃរបស់ខ្លួនអំពីលទ្ធផលបណ្ដោះអាសន្ននៃការពិនិត្យបញ្ជីឈ្មោះ និងចុះឈ្មោះបោះឆ្នោតសម្រាប់ឆ្នាំ២០២១នេះ។ក្នុងសេចក្ដីប្រកាសព័ត៌មាននោះ គ.ជ.ប. បញ្ជាក់ថា ប្រជាពលរដ្ឋចំនួន ៤៤២,៤៤០នាក់ ត្រូវបានចុះឈ្មោះថ្មីក្នុងបញ្ជីបោះឆ្នោតដែលធ្វើឡើងនៅចន្លោះថ្ងៃទី១២ ខែតុលា រហូតមកដល់ថ្ងៃម្សិលមិញនេះ។គ.ជ.ប. បានឱ្យដឹងទៀតថា ក្នុងរយៈពេល ៤៦ថ្ងៃមកនេះ ខ្លួនក៏បានលុបឈ្មោះប្រជាពលរដ្ឋចំនួន ២១៥,២៧៥នាក់ ចេញពីបញ្ជីឈ្មោះបោះឆ្នោតផងដែរ ខណៈប្រជាពលរដ្ឋ ១៨៤,០៨១នាក់ទៀត ត្រូវបានកែតម្រូវទិន្នន័យរបស់ពួកគេ។ចំណែកឯពលរដ្ឋចំនួន ១៤៤,១២៦នាក់ទៀត គ.ជ.ប. បញ្ជាក់ថា ត្រូវបានផ្ទេរឈ្មោះចូលទៅទីតាំងឃុំ ឬសង្កាត់ថ្មីរបស់ពួកគេហើយ។គ.ជ.ប. បានដំណើរការពិនិត្យឈ្មោះ និងចុះឈ្មោះបោះឆ្នោតថ្មីចាប់តាំងពីថ្ងៃទី១២ ខែតុលា សម្រាប់រយៈពេល ៥០ថ្ងៃ ពោលគឺនៅសល់ត្រឹមតែ ៤ថ្ងៃទៀតប៉ុណ្ណោះ ដំណើរការនេះ នឹងត្រូវបិទបញ្ចប់៕

នាយករដ្ឋមន្រ្តីឡាវកោតសរសើរការទប់ស្កាត់កូវីដ-១៩នៅកម្ពុជា ថែមទាំងជួយដល់ប្រទេសខ្លួនផងដែរ

ភ្នំពេញ ៖ នាយករដ្ឋមន្ត្រីនៃសាធារណរដ្ឋប្រជាធិបតេយ្យប្រជាមានិតឡាវ ឯកឧត្តមបណ្ឌិត ផនខាំ វីផាវ៉ាន់ បានថ្លែងកោតសរសើរចំពោះគោយនយោបាយរបស់រាជរដ្ឋាភិបាលកម្ពុជា ក្នុងការប្រយុទ្ធប្រឆំាងនឹងកូវីដ-១៩បានល្អប្រសើរ ថែមទាំងបានជួយទំនុកបម្រុងដល់ប្រជាជន និងប្រទេសឡាវ ក្នុងការទប់ស្កាត់ការរីករាលដាលនូវមេរោគដ៏សាហាវមួយនេះផងដែរ។ថ្លែងនៅក្នុងកិច្ចជំនួបជាមួយសម្តេចវិបុលសេនាភក្តី សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា នៅវិមានចំការមន នាព្រឹកថ្ងៃទី៣០ ខែវិច្ឆិកា ឆ្នាំ២០២១នេះ ឯកឧត្តមបណ្ឌិត ផនខាំ វីផាវ៉ាន់ បានលើកឡើងថា លោកសូមសម្តែងនូវការកោតសរសើរ និងការអបអរសាទរចំពោះការដឹកនាំដ៏ត្រឹមត្រូវរបស់ព្រឹទ្ធសភា រដ្ឋសភា និងរាជរដ្ឋាភិបាលកម្ពុជាបើទោះបីជាប្រទេសកម្ពុជាជួបការលំបាកយ៉ាងណាក៏ដោយជាពិសេសការប្រយុទ្ធប្រឆាំង និងទប់ស្តាត់នឹងជំងឺកូវីដ-១៩ បានអនុវត្តន៍យ៉ាងល្អប្រសើរណាស់។ ហើយមិនតែប៉ុណ្ណោះ រាជរដ្ឋាភិបាលកម្ពុជា ក៏បានផ្តល់ជំនួយមនុស្សធម៌ជាថ្នាំវ៉ាក់សាំង និងថវិការាប់លានដុល្លារដល់ប្រជាជន និងប្រទេសឡាវ ដើម្បីទប់ស្កាត់ការរីករាលនូវមេរោគកូវីដ១៩នេះជាបន្តបន្ទាប់ផងដែរ។ជាមួយគ្នានោះ ឯកឧត្តម នាយករដ្ឋមន្រ្តី ក៏បានថ្លែងអំណរគុណចំពោះរាជរដ្ឋាភិបាល និងប្រជាជនកម្ពុជា ដែលតែងតែជួយឧបត្ថម្ភគាំទ្រដល់ប្រទេសឡាវនាពេលកន្លងទៅ ជាពិសេសការជួយឧបត្ថម្ភក្នុងការទប់ស្តាត់ជំងឺកូវីដ-១៩ ដោយបានផ្តល់ជំនួយជាវ៉ាក់សាំង ២០ម៉ឺនដូស ហើយក្នុងជំនួបជាមួយនឹងសម្តេចតេជោ ហ៊ុន សែន នាយករដ្ឋមន្ដ្រីនៃកម្ពុជាកាលពីម្សិលមិញនេះ រាជរដ្ឋាភិបាលកម្ពុជាក៏បានផ្តល់វ៉ាក់សាំងចំនួន៥០ម៉ឺនដូសថែមទៀត និងជំនួយជាថវិការបស់រាជរដ្ឋាភិបាល និងពីសប្បុរសជនចំនួន១៣លានដុល្លារអាមេរិកផងដែរ។ថ្លែងនៅក្នុងកិច្ចជំនួបនោះដែរសម្តេចវិបុលសេនាភក្តី សាយ ឈុំ បាន សម្តែងនូវសេចក្តីសប្បាយរីករាយដោយបានឃើញចំណងមិត្តភាព សាមគ្គីភាព និងសហប្រតិបត្តិការលើគ្រប់វិស័យរវាងប្រជាជនកម្ពុជា-ឡាវមានការរីកចម្រើនជាលំដាប់ឈានដល់កម្រិតកំពូលគឺ ភាពជាដៃគូជាយុទ្ធសាស្រ្តគ្រប់ជ្រុងជ្រោយ និងយូរអង្វែង និងការជួយគ្នាក្នុងគ្រាដែលជួបការលំបាកដូចជាបញ្ហាមេរោគកូវីដ១៩នេះជាដើម។សម្តេចប្រធានព្រឹទ្ធសភា បានគូសបញ្ជាក់ថា ព្រឹទ្ធសភាកម្ពុជាបានគាំទ្រ និងលើកទឹកចិត្តចំពោះរាល់គម្រោងនៃកិច្ចសហប្រតិបត្តិការរវាងរដ្ឋាភិបាល នៃប្រទេសទាំងពីរលើវិស័យសេដ្ឋកិច្ច សង្គម អប់រំ វប្បធម៌ ទេសចរណ៍ និងការបង្កើនកិច្ចសហប្រតិបត្តិការរវាងអាជ្ញាធរមូលដ្ឋាន និងអង្គភាពនៅតាមបណ្តោយព្រំដែន ដើម្បីថែរក្សាសន្តិសុខ ទប់ស្កាត់រាល់សកម្មភាពប្រឆាំងរបស់ពួកអមិត្ត អំពើភេរវកម្ម និងអំពើឧក្រិដ្ឋកម្មឆ្លងដែនគ្រប់ប្រភេទផងដែរ។សម្តេចប្រធានព្រឹទ្ធសភាបានវាយតម្លៃខ្ពស់ចំពោះទំនាក់ទំនង និងកិច្ចសហប្រតិបត្តិការល្អរវាងស្ថាប័ននីតិប្បញ្ញត្តិនៃប្រទេសទាំងពីរ ទាំងក្នុងក្របខ័ណ្ឌទ្វេរភាគី និងពហុភាគី ដូចជា៖ អន្តរសភាអាស៊ាន (AIPA) សហភាពអន្តរសភា (IPU) សភានិយាយភាសាបារាំង (APF) និងក្រុមសមាជិកសភាទទួលបន្ទុកតំបន់ត្រីកោណអភិវឌ្ឍន៍កម្ពុជា-ឡាវ-វៀតណាម CLV ជាដើមនោះ។នៅក្នុងកិច្ចជំនួបនោះដែរ សម្តេចប្រធានព្រឹទ្ធសភាបានឯកភាពចំពោះឯកឧត្តមនាយករដ្ឋមន្រ្តីឡាវដែលបានលើកឡើងអំពីបញ្ហាព្រំដែន ហើយព្រឹទ្ធសភាកម្ពុជាតែងតែគាំទ្រ និងលើកទឹកចិត្តឱ្យរដ្ឋាភិបាលនៃប្រទេសទាំងពីរខិតខំដោះស្រាយបញ្ហា ដែលនៅសេសសល់១៤%ទៀតនេះ ដើម្បីកសាងខ្សែព្រំដែននៃប្រទេសទាំងពីរឱ្យក្លាយទៅខែ្សព្រំដែនដែលមានសន្តិភាព ស្ថិរភាព មិត្តភាព និងមានការអភិវឌ្ឍ ដើម្បីទុកជាមរតកដ៏ថ្លៃថ្លាសម្រាប់កូនចៅទាំងជំនាន់នេះ និងជំនាន់ក្រោយរបស់ប្រទេសទាំងពីរនោះ៕អត្ថបទ៖ បាន ចក់

ចាប៉ីដងវែងឈានចូលដល់គម្រប់ខួប៥ឆ្នាំ ដែលត្រូវបានចុះក្នុងបញ្ជីបេតិកភណ្ឌរបស់អង្គការយូណែស្កូ

ភ្នំពេញ៖ ថ្ងៃទី៣០ខែវិច្ឆិកា ឆ្នាំ២០១៦ មកដល់ថ្ងៃទី៣០ ខែវិច្ឆិកា ឆ្នាំ២០២១ ជាគម្រប់ខួប ៥ឆ្នាំ ដែលចាប៉ីដងវែងរបស់កម្ពុជា ត្រូវបានចុះក្នុងបញ្ជីបេតិកភណ្ឌរបស់អង្គការយូណែស្កូ។ ក្នុងគម្រប់ខួប៥ឆ្នាំនេះសាធារណៈជនចង់ឃើញសិល្បៈទម្រង់បុរាណនេះ ទទួលបានការស្វែងយល់ គាំទ្របន្ថែម ដើម្បីថែរក្សាទម្រង់សិល្បៈបុរាណជាអត្តសញ្ញាណជាតិឱ្យបានគង់វង្ស។ចាប៉ីដងវែងរបស់កម្ពុជា ត្រូវបានក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិ របស់អង្គការយូណេស្កូ ដែលធ្វើឡើងទីក្រុងអាឌីស អាបាបា ប្រទេសអេត្យូពី។ នាឱកាសគម្រប់ខួប៥ឆ្នាំនេះ សាធារណជនក៏បង្ហាញការអបអរសាទរ និងលើកឡើងនូវការយល់ឃើញមួយចំនួនថា ពួកគាត់ គឺចង់ឱ្យមានការរៀបចំជាព្រឹត្តិការណ៍ពាក់ព័ន្ធនឹងសីល្បៈតន្រ្តីបុរាណខ្មែរ ទាំងចាប៉ីដងវែង និងទម្រង់ជាច្រើនផ្សេងទៀត ដើម្បីឱ្យប្រជាពលរដ្ឋជាពិសេសយុវជន បានសិក្សាស្វែងយល់ និងចូលរួមថែរក្សា អភិវឌ្ឍន៍ឱ្យបានគង់វង្សនូវអ្វីដែលជាអត្តសញ្ញាណជាតិ។ ក្នុងឱកាសគម្រប់ខួប៥ឆ្នាំ នៃការអបអរសាទរការដាក់បញ្ចូលចាប៉ីដងវែង ចូលក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិ របស់អង្គការយូណេស្កូ ក្រសួងវប្បធម៌ ក៏បានបង្ហោះនូវខ្សែវីដេអូ ពីការសម្ដែងចាប៉ីដងវែង ពីសល្បៈករជើងចាស់ និងសិល្បៈករវ័យក្មេងជាច្រើនរូបផងដែរ។ លើសពីនេះ ក្រសួងវប្បធម៌ និងវិចិត្រសិល្បៈ ក៏បានបង្ហោះនូវវីដេអូវែងមួយក្រោមចំណងជើង «រាត្រីចងចាំ ឆ្នាំ២០២១»។ វីដេអូ «រាត្រីចងចាំ ឆ្នាំ២០២១» នេះ ជាវីដេអូផលិតឡើងដើម្បី អបអរសាទរការដាក់បញ្ចូលសម្បត្តិបេតិកភណ្ឌវប្បធម៌រូបី និងអរូបីរបស់កម្ពុជា ក្នុងបញ្ជីបេតិកភណ្ឌរូបីនៃពិភពលោក និងក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូ ពិសេសដើម្បីអបអរសាទរខួប០៣ឆ្នាំនៃការដាក់បញ្ចូលល្ខោនខោល ក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូ។ ក្រសួងវប្បធម៌ក៏ បានបញ្ជាក់ដែរថា កិច្ចការពារសម្បត្តិបេតិកភណ្ឌវប្បធម៌ ជាភារកិច្ចរបស់កូនខ្មែរគ្រប់ៗរូប។ពាក់ព័ន្ធនឹងចាប៉ីដងវែង សព្វថ្ងៃគឺមានសហគមន៍ចាប៉ីអមតៈ ត្រូវបានបង្កើតឡើង ដើម្បីរៀបចំការងារផ្សព្វផ្សាយ និងបណ្ដុះបណ្ដាលយុវជនជំនាន់ក្រោយលើទម្រង់ចាប៉ីចម្រៀង។ សហគមន៍ចាប៉ីអមតៈ ក៏បានបង្កើតថ្នាក់សម្រាប់ការបណ្ដុះបណ្ដាលដល់សាធារណជន សិស្ស និស្សិត ដែលមានទីតាំងនៅអង្គការសិល្បៈខ្មែរអមតៈ រាជធានីភ្នំពេញ។ ចាប៉ីដងវែង ត្រូវបានប្រើប្រាស់ក្នុង៤ទម្រង់ផ្សេងៗគ្នា ក្នុងសិល្បៈខ្មែរដូចជា វង់ភ្លេងអារក្ស ភ្លេងការបុរាណ មហោរី និងចម្រៀងទោល៕អត្ថបទ៖ គឹមហុក

អង់គ្លេសសន្យារួមសហការជាមួយកម្ពុជា ក្នុងការបោសសម្អាតមីនឲ្យសម្រេចតាមគោលដៅ

ភ្នំពេញ ៖ រដ្ឋាភិបាលប្រទេសអង់គ្លេស តាមរយៈទូតរបស់ខ្លួនប្រចាំនៅកម្ពុជា បានបង្ហាញនូវការគាំទ្រ និងសន្យារួមសហការជាមួយកម្ពុជា ក្នុងការបោសសម្អាតគ្រាប់មីន និងគ្រាប់យុទ្ធភណ្ឌមិនទានផ្ទុះ ដែលបន្សល់ទុកពីសម័យសង្គ្រាមឲ្យសម្រេចបានតាមគោលដៅ ។ ក្នុងសិក្ខាសាលា ស្តីពីសកម្មភាពមីនរបស់ចក្រភពអង់គ្លេស-កម្ពុជា នៅថ្ងៃទី៣០ ខែវិច្ឆិកា នេះ លោកជំទាវ ធីណា រ៊ែត-ស (Tina Redshaw) ឯកអគ្គរដ្ឋទូតអង់គ្លេសប្រចាំនៅកម្ពុជា បានឱ្យដឹងថា អង់គ្លេសបានធ្វើការងារលើវិស័យមីនជាមួយកម្ពុជា អស់រយៈពេលជាច្រើនឆ្នាំមកហើយ ខណៈប្រតិបត្តិការនេះនៅតែមានបន្តទៀត ។លោកជំទាវ បានបន្ថែមថា ដរាបណាវត្តមានរបស់គ្រាប់មីន និងគ្រាប់យុទ្ធភណ្ឌមិនទាន់ផ្ទុះ នៅតែ មានលើទឹកដីកម្ពុជា គឺអង់គ្លេសនៅតែបន្តប្ដេជ្ញាចូលរួមបោសសម្អាតឲ្យកម្ពុជាសម្រេចតាមគោលដៅ នៅឆ្នាំ២០២៥ ក្នុងការរំដោះផ្ទៃដីចម្ការមីននោះ ។ឯកឧត្តមទេសរដ្ឋមន្ត្រី លី ធុជ អនុប្រធានទី១នៃអាជ្ញាធរមីនកម្ពុជា បានបញ្ជាក់ថា កម្ពុជាបានអនុវត្តការងារបោសសម្អាតមីន តាំងពីឆ្នាំ១៩៩២ ដោយផ្ទៃដីត្រូវបានបោសសម្អាតរួចរាល់ គឺមានការអភិវឌ្ឍនូវហេដ្ឋារចនាសម្ព័ន្ធនានា ក្នុងដូចជាការធ្វើកសិកម្មផ្សេងៗ ហើយមនុស្សប្រមាណជាង៧លាន ៣ សែននាក់ បានទទួលផលពីការបោសសម្អាតមីននេះ ។ឯកឧត្តម បានបន្តថា ការសម្រេចបាននូវសមិទ្ធផលទាំងអស់នេះ ក៏ជាការចូលរួមចំណែកមួយដ៏ធំ របស់ចក្រភពអង់គ្លេស ខណៈចាប់ពីឆ្នាំ២០១០ រហូតដល់បច្ចុប្បន្ន អង់គ្លេស បានផ្ដល់ថវិកាចំនួនជាង២០លានដុល្លារ ដល់អង្គភាពបោសសម្អាតមីនមួយចំនួន ដើម្បីអនុវត្តនូវសកម្មភាពនេះ ហើយពលរដ្ឋកម្ពុជាប្រមាណជាង៨០ម៉ឺននាក់ បានទទួលផលពីមូលនិធិរបស់ប្រទេសអង់គ្លេសនេះ ។ឯកឧត្តម លី ធុជ បានថ្លែងអំណរគុណដល់ប្រទេសអង់គ្លេស និងម្ចាស់ជំនួយនានា ដែលបានចូល រួមគាំទ្រដល់កម្ពុជា លើការងារបោសសម្អាតគ្រាប់មីន និងគ្រាប់យុទ្ធភណ្ឌមិនទាន់ផ្ទុះនេះ និងសូមបន្តចូលរួមគាំទ្រ ដើម្បីឲ្យកម្ពុជាសម្រេចបានតាមគោលដៅនៅឆ្នាំ២០២៥ ៕អត្ថបទ៖ បាន សុខរិទ្ធិ

ឡាវអរគុណកម្ពុជាបានជួយផ្ដល់ជំនួយថវិកា និងវ៉ាក់សាំងស៊ីណូវ៉ាក់ ដើម្បីប្រយុទ្ធប្រឆាំងនឹងជំងឺកូវីដ-១៩

ភ្នំពេញ៖ រដ្ឋមន្រ្តីក្រសួងសុខាភិបាល នៃសាធារណរដ្ឋប្រជាធិបតេយ្យប្រជាមានិតឡាវ ដែលអមដំណើរនាយករដ្ឋមន្រ្តីឡាវ ផ្តើមមកបំពេញទស្សនកិច្ចនៅកម្ពុជា បានថ្លែងអរគុណដល់កម្ពុជា បានផ្តល់ជំនួយថវិកា និងវ៉ាក់សាំងដើម្បីប្រយុទ្ធប្រឆាំងនឹងជំងឺកូវីដ-១៩។ថ្លែងក្នុងឱកាសជួបសំដែងការគួរសម និងពិភាក្សាការងាររវាងឯកឧត្តម សាស្រ្តាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាលនៃព្រះរាជាណាចក្រកម្ពុជា ជាមួយឯកឧត្តម Bounfeng Phoummalaysith (ប៊ូហ្វេង ភូម៉ាល័យសិទ្ធ) រដ្ឋមន្រ្តីក្រសួងសុខាភិបាល នៃសាធារណរដ្ឋប្រជាធិបតេយ្យប្រជាមានិតឡាវ នៅទីសី្តការក្រសួងសុខាភិបាល ព្រឹកថ្ងៃទី៣០ ខែវិចិ្ឆកា ឆ្នាំ២០២១នេះ។ក្នុងជំនួបពិភាក្សាគ្នានេះភាគីទាំងពីរកម្ពុជា-ឡាវ បានផ្តោតសំខាន់លើការរៀនសូត្រ និងបទពិសោធន៍ពីគ្នា លើការងារផ្សេងៗ ក្នុងការឆ្លើយតបបន្ទាន់លើការងារទប់ស្កាត់ជំងឺកូវីដ-១៩។ អ្វីដែលរដ្ឋមន្រី្តក្រសួងសុខាភិបាលឡាវ ថ្លែងក្នុងជំនួបនេះ គឺសូមថ្លែងអំណរគុណយ៉ាងជ្រាវជ្រៅជាទីបំផុតជូនចំពោះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រី្តនៃព្រះរាជាណាចក្រកម្ពុជា ដែលមានទឹកចិត្តសប្បុរសធម៌ ក្នុងការផ្តល់ជំនួយជូនដល់សាធារណរដ្ឋប្រជាធិបតេយ្យប្រជាមានិតឡាវ។ជាមួយគ្នានោះដែរ ឯកឧត្តមសាស្រ្តាចារ្យ ម៉ម ប៊ុនហេង បានជម្រាបជូនរដ្ឋមន្រី្តក្រសួងសុខាភិបាលឡាវថា សម្តេចតេជោ ហ៊ុន សែន នាយករដ្ឋមន្រី្ត សម្រេចផ្តល់ជាអំណោយមនុស្សធម៌ដ៏ថ្លៃថ្លា នូវវ៉ាក់សាំងបង្ការជំងឺកូវីដ-១៩ ប្រភេទស៊ីណូវ៉ាក់ ចំនួន៥០ម៉ឺនដូស និងរថយន្តដឹកវ៉ាក់សាំងចំនួន០២គ្រឿង និងថវិកា១៣លានដុល្លារ ដើម្បីធ្វើជាអំណោយមនុស្សធម៌ជូនទៅដល់ឡាវ។ក្រោយជំនួបសម្តែងការគួរសម និងពិភាក្សាការងារខាងលើនេះលោកជំទាវវេជ្ជបណ្ឌិត ឱ វណ្ណឌីន អ្នកនាំពាក្យ និងជារដ្ឋលេខាធិការក្រសួងសុខាភិបាល បានប្រាប់បណ្តាញអ្នកសារព័ត៌មានថា ភាគីឡាវ ក៏បានសុំរៀនសូត្រពីកម្ពុជា ទន្ទឹមនឹងនោះភាគីទាំងពីរ ក៏ចែករំលែកនូវបទពិសោធន៍ក្នុងការចាក់វ៉ាក់សាំងកូវីដ-១៩ ហើយការចាក់វ៉ាក់សាំងកូវីដ-១៩នេះ គឺជាឧបករណ៍ដ៏សំខាន់ សម្រាប់ប្រយុទ្ធប្រឆាំងនឹងជំងឺកូវីដ-១៩។ ភាគីឡាវ បានបញ្ជាក់ថា អំណោយមនុស្សធម៌ដ៏ថ្លៃថ្លារបស់សម្តេចតេជោ នាយករដ្ឋមន្រី្តនៃព្រះរាជាណាចក្រកម្ពុជា នាពេលមុននេះ ដែលបានផ្តល់នូវសំភារៈឧបករណ៍វេជ្ជសាស្រ្ត ក៏ដូចជាវ៉ាក់សាំងបង្ការជំងឺកូវីដ-១៩ ចំនួន២០ម៉ឺនដូស គឺឡាវបានយកទៅចាត់ចែងប្រើប្រាស់ប្រកបដោយប្រសិទ្ធភាព។ ដោយបានប្រើបា្រស់ទៅដល់ប្រជាជនដែលរស់នៅក្នុងខេត្តចំប៉ាសាក់ និងទីប្រជុំជនមួយចំនួនទៀត។ ឯកឧត្តម រដ្ឋមន្រី្តសុខាភិបាលឡាវ ក៏រំពឹងទុកថា ក្រោយពីទទួលបាននូវអំណោយសារជាថ្មី នូវវ៉ាក់សាំងបង្ការជំងឺកូវីដ-១៩ ប្រភេទស៊ីណូវ៉ាក់ ចំនួន៥០ម៉ឺនដូស ដែលនឹងរៀបចំពិធីប្រគល់ និងទទួល នៅព្រឹកថ្ងៃទី៣ ខែធ្នូ ឆ្នាំ២០២១ខាងមុខនេះ នៅច្រកព្រំដែនកម្ពុជា-ឡាវ នាខេត្តស្ទឹងត្រែង នឹងយកអំណោយនេះទៅចាត់ចែងប្រើប្រាស់ឲ្យបានសមស្របនាពេលបន្តទៀតដើម្បីជាគុណប្រយោជន៍ធ្វើឲ្យប្រសើរឡើងនូវការងារឆ្លើយតបទៅនឹងជំងឺកូវីដ-១៩ នៅក្នុងប្រទេសឡាវ។ទន្ទឹមនឹងនោះឡាវក៏រំពឹងថា តាមរយៈការពង្រីកការចាក់វ៉ាក់សាំងបង្ការជំងឺកូវីដ-១៩ នៅតាមតំបន់ដាច់ស្រយាល។ ពិព្រោះថាឡាវ បានចាប់ផ្តើមចាក់វ៉ាក់សាំងពីតំបន់ទីប្រជុំជន ហើយបច្ចុប្បន្ននេះក៏កំពុងពង្រីក ទៅកាន់តំបន់ដាច់ស្រយាលផ្សេងៗ។ ដូច្នេះឯកឧត្តម រដ្ឋមន្រី្តឡាវសូមរៀនសូត្រពីកម្ពុជា ក្នុងការស្វែងរកអ្នកដែលជួបការលំបាក រកទីកន្លែងចាក់វ៉ាក់សាំងបង្ការជំងឺកូវីដ-១៩ ដើម្បីផ្តល់នូវវ៉ាក់សាំងបង្ការជំងឺកូវីដ-១៩ជូនទៅប្រជាពលរដ្ឋឡាវ ឲ្យបានច្រើន។ ហើយឡាវ ក៏សង្ឃឹមថា ក្នុងឆ្នាំ២០២២ខាងមុខនេះ នឹងពង្រីកការចាក់វ៉ាក់សាំងបង្ការជំងឺកូវីដ-១៩ ទៅដល់ក្រុមមនុស្សអាយុផ្សេងៗ ទៅតាមលំដាប់ផងដែរ៕ អត្ថបទ រដ្ឋា

អាជ្ញាធរជាតិអប្សរា រៀបចំវគ្គបណ្ដុះបណ្ដាលការរៀបចំសណ្ដាប់ធ្នាប់ថ្ម តាមប្រាសាទដល់ភ្នាក់ងារទេសចរណ៍

សៀមរាប៖ ដោយសារកត្តាធម្មជាតិ និងអាយុកាលនៃថ្ម បានធ្វើឱ្យថ្មនៅតាមប្រាសាទជាច្រើនប្រឈមនឹងហានិភ័យខ្ពស់។ ឆ្លើយតបនឹងបញ្ហានេះ អាជ្ញាធរជាតិអប្សរាបានបង្កើតកម្មវិធីបណ្តុះបណ្តាលជាច្រើន ដើម្បីអភិវឌ្ឍន៍ធនធានមនុស្សជាអ្នកបន្តវេននាពេលអនាគត។ភ្នាក់ងារទេសចរណ៍ដែលកំពុងធ្វើការជាប់ជាប្រចាំនៅតាមប្រាសាទ ក៏មានភារកិច្ចចូលរួមជាចាំបាច់ក្នុងការផ្តល់ព័ត៌មានឱ្យបានទាន់ពេលវេលាដល់អ្នកជំនាញអភិរក្ស ពិសេសទាក់ទងនឹងការអភិរក្សថ្ម។ ក្នុងន័យនេះ វគ្គបណ្តុះបណ្តាលអំពីការរៀបចំសណ្តាប់ធ្នាប់ថ្មនៅតាមប្រាសាទ រៀបចំឡើងក្នុងគោលបំណងពង្រឹងសមត្ថភាពជំនាញជូនភ្នាក់ងារទេសចរណ៍ ដើម្បីជាចំណេះដឹងផ្នែកជំនាញបច្ចេកទេស និងយល់ដឹងពីស្ថានភាពថ្មប្រាសាទទាំងទ្រឹស្តី និងការអនុវត្តជាក់ស្ដែងនៅទីតាំងផ្ទាល់។ វគ្គបណ្តុះបណ្តាលនេះ មានរយៈពេល៤សប្ដាហ៍ គិតចាប់ពីថ្ងៃទី២៩ ខែវិច្ឆិកា ឆ្នាំ២០២១នេះតទៅ ដែលមានទីតាំងនៅប្រាសាទព្រះគោ ដោយមានសិក្ខាកាមចូលរួមចំនួន២០រូប៕

អាណាព្យាបាលបន្តនាំកុមារតូចទៅទទួលវ៉ាក់សាំងដូសទី២ តាមការកំណត់របស់គ្រូពេទ្យ

ភ្នំពេញ ៖ អាណាព្យាបាល នៅថ្ងៃទី៣០ខែវិច្ឆិកានេះ បានបន្តនាំកុមារអាយុពី៥ឆ្នាំឡើង ទៅទទួលការចាក់វ៉ាក់សាំងកូវីដ-១៩ ដូសទី២តាមការកំណត់របស់គ្រូពេទ្យ។អាណាព្យាលបាល ដែលនាំកូនមកទទួលការចាក់វ៉ាក់សាំងកូវីដ-១៩ នៅមន្ទីរពេទ្យបង្អែករាជធានី ភ្នំពេញ នៅថ្ងៃទី៣០ ខែវិច្ឆិកានេះ បានប្រាប់BTឲ្យដឹងថា ការចាក់វ៉ាក់សាំងពិតជារឿងសំខាន់ ព្រោះវានឹងអាចការពារកុំឲ្យឆ្លងជំងឺកូវីដ-១៩ ជាពិសេសពេលកូនៗទៅសាលារៀន។ពួកគេបានបន្តថា បច្ចុប្បន្នជំងឺកូវីដ-១៩ នៅតែជាបញ្ហាប្រឈម ព្រោះមេរោគកូវីដបំប្លែងខ្លួនថ្មីៗ រហូត ដូច្នេះត្រូវតែប្រុងប្រយ័ត្នទាំងអស់គ្នា ដោយអនុវត្តវិធានការសុខាភិបាល ៣កុំ ៣ការពារ។កុមារមកចាក់វ៉ាក់សាំងកូវីដ បានឲ្យដឹងដែរថា ក្រោយពីចាក់វ៉ាក់សាំងរួចសុខភាពធម្មតា ហើយសប្បាយចិត្តព្រោះអាចចូលសាលារៀនវិញបាន ជួបមិត្តរួមថ្នាក់ និងលោកគ្រូ អ្នកគ្រូ ស្តាប់តាមការ ណែនាំរបស់ឪពុកម្តាយ ការពារកុំឲ្យឆ្លងជំងឺកូវីដ-១៩។លោកវេជ្ជបណ្ឌិត ឃុន ទ្រី អនុប្រធានមន្ទីរពេទ្យបង្អែករាជធានីភ្នំពេញ បានឲ្យដឹងដែរថា ពលរដ្ឋមិនទាន់ទទួលបានចាក់វ៉ាក់សាំង រាប់ទាំងកុមារអាយុពី៥ឆ្នាំឡើងទៅ គឺអាចមកទទួលការការចាក់វ៉ាក់សាំង នៅទីតាំងមន្ទីរពេទ្យបង្អែករាជធានីភ្នំពេញនេះបាន បើទោះបីពលរដ្ឋរស់នៅកន្លែងណាក៏ដោយ។នៅកម្ពុជាការចាក់វ៉ាក់សាំងកូវីដ-១៩ គឺជាមធ្យោបាយមួយ ក្នុងចំណោមវិធានការសុខាភិបាលចាំបាច់ដទៃទៀត ដែលនឹងបង្ការការរាតត្បាតការចម្លង និងកាត់បន្ថយផលប៉ះពាល់នៃជំងឺកូវីដ-១៩ ទៅលើ វិស័យសេដ្ឋកិច្ច និងសង្គម។បច្ចុប្បន្នកម្ពុជា បានបើកដំណើរការប្រទេសឡើងវិញតាមបែបគន្លងថ្មី បន្ទាប់ពីទទួលបានជោគជ័យលើនយោបាយចាក់វ៉ាក់សាំងជូនប្រជាជន បានជាង១៤លាននាក់លើចំនួនប្រជាជន ១៦លាននាក់៕អត្ថបទ៖ ទូច សោភ័ណ

បណ្ដាញសង្គម

ព័ត៌មានថ្មីៗ

អ៊ីស្រាអែលបង្កើនការវាយប្រហារលើតំបន់ភាគខាងត្បូងលីបង់ បណ្តាលឲ្យមនុស្សយ៉ាងហោច ១៦នាក់ស្លាប់

រុស្ស៊ីចុះហត្ថលេខាលើកិច្ចព្រមព្រៀងតម្លៃ ១៦,៥ពាន់លានដុល្លារ ដើម្បីសាងសង់រោងចក្រថាមពលនុយក្លេអ៊ែរដំបូងនៅកាហ្សាក់ស្ថាន

រុស្ស៊ី៖ អឺរ៉ុបគួរបង្ហាញភ័ស្តុតាងពីអំណះអំណាងថាទីក្រុងមូស្គូរំខានសញ្ញា GPS

មន្ត្រីរុស្ស៊ី៖ គំនិតផ្តួចផ្តើមសន្តិភាពអ៊ុយក្រែន ជាមួយសហរដ្ឋអាមេរិក កំពុង «ជាប់គាំង»

ក្រុមហ៊ុន Temu របស់ចិនរងការផាកពិន័យ ២៣២លានដុល្លារ សម្រាប់ការបំពានច្បាប់លក់របស់ EU

ទីភ្នាក់ងារអាកាសធាតុអេស្ប៉ាញ ព្យាករសីតុណ្ហភាពខ្ពស់ខ្លាំងអំឡុងរដូវក្តៅ និងហានិភ័យភ្លើងឆេះព្រៃ

កូរ៉េខាងត្បូងធ្វើសមយុទ្ធបាញ់គ្រាប់ពិត ដើម្បីបញ្ជាក់ការជំរុញការការពារពឹងផ្អែកលើខ្លួនឯង

លោក Zelenskiy ៖ អ៊ុយក្រែនរៀបចំជំហានដឹរឹងមាំសម្រាប់យន្តហោះចម្បាំង Gripen

នាយករដ្ឋមន្រ្តីជប៉ុនលោកស្រី Takaichi ជួបពិភាក្សាការងារជាមួយប្រធានាធិបតីហ្វីលីពីននៅទីក្រុងតូក្យូ

កម្មករធ្វើផ្លូវនៅភាគនិរតីប្រទេសបារាំង ពិបាកស៊ូទ្រាំនឹងអាកាសធាតុក្តៅខ្លាំងអំឡុងខែឧសភា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

គណៈកម្មការក្រសួងសួងរៀបចំដែនដី និងអាជ្ញាធរបន្ទាយមានជ័យ ចុះពិនិត្យទីតាំងព្រៃលិចទឹករងការកាប់បំផ្លាញ

សាលារាជធានីភ្នំពេញអនុញ្ញាតឱ្យអាជីវកម្មកម្សាន្តបើកដំណើរការឡើងវិញចាប់ពីថ្ងៃនេះ

កាកបាទក្រហមកម្ពុជា ប្រគល់ជែលលាងដៃ ១ពាន់កេសដល់មន្ទីរពេទ្យបង្អែកនានា ក្នុងរាជធានីភ្នំពេញ

គ.ជ.ប. បញ្ជាក់ថា មានពលរដ្ឋជាង ៤៤ម៉ឺននាក់បានចុះឈ្មោះបោះឆ្នោតថ្មី ខណៈយុទ្ធនាការនៅសល់ពេល៤ថ្ងៃទៀតប៉ុណ្ណោះ

នាយករដ្ឋមន្រ្តីឡាវកោតសរសើរការទប់ស្កាត់កូវីដ-១៩នៅកម្ពុជា ថែមទាំងជួយដល់ប្រទេសខ្លួនផងដែរ

ចាប៉ីដងវែងឈានចូលដល់គម្រប់ខួប៥ឆ្នាំ ដែលត្រូវបានចុះក្នុងបញ្ជីបេតិកភណ្ឌរបស់អង្គការយូណែស្កូ

អង់គ្លេសសន្យារួមសហការជាមួយកម្ពុជា ក្នុងការបោសសម្អាតមីនឲ្យសម្រេចតាមគោលដៅ

ឡាវអរគុណកម្ពុជាបានជួយផ្ដល់ជំនួយថវិកា និងវ៉ាក់សាំងស៊ីណូវ៉ាក់ ដើម្បីប្រយុទ្ធប្រឆាំងនឹងជំងឺកូវីដ-១៩

អាជ្ញាធរជាតិអប្សរា រៀបចំវគ្គបណ្ដុះបណ្ដាលការរៀបចំសណ្ដាប់ធ្នាប់ថ្ម តាមប្រាសាទដល់ភ្នាក់ងារទេសចរណ៍

អាណាព្យាបាលបន្តនាំកុមារតូចទៅទទួលវ៉ាក់សាំងដូសទី២ តាមការកំណត់របស់គ្រូពេទ្យ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

គណៈកម្មការក្រសួងសួងរៀបចំដែនដី និងអាជ្ញាធរបន្ទាយមានជ័យ ចុះពិនិត្យទីតាំងព្រៃលិចទឹករងការកាប់បំផ្លាញ

សាលា​រាជធានី​ភ្នំពេញ​អនុញ្ញាត​ឱ្យ​អាជីវកម្ម​កម្សាន្ត​បើក​ដំណើរការ​ឡើង​វិញ​ចាប់​ពី​ថ្ងៃ​នេះ

កាកបាទក្រហមកម្ពុជា ប្រគល់ជែលលាងដៃ ១ពាន់កេសដល់មន្ទីរពេទ្យបង្អែកនានា ក្នុងរាជធានីភ្នំពេញ

នាយករដ្ឋមន្រ្តីឡាវកោត​សរសើរ​ការទប់ស្កាត់កូវីដ-១៩នៅកម្ពុជា ថែមទាំង​ជួយ​ដល់​ប្រទេស​ខ្លួន​ផងដែរ

ចាប៉ីដងវែងឈានចូលដល់គម្រប់ខួប៥ឆ្នាំ ដែលត្រូវបានចុះក្នុងបញ្ជីបេតិកភណ្ឌរបស់អង្គការយូណែស្កូ

អង់គ្លេសសន្យារួមសហការជាមួយកម្ពុជា ក្នុងការបោសសម្អាតមីនឲ្យសម្រេចតាមគោលដៅ

ឡាវអរគុណកម្ពុជាបានជួយផ្ដល់ជំនួយថវិកា និងវ៉ាក់សាំងស៊ីណូវ៉ាក់ ដើម្បីប្រយុទ្ធប្រឆាំងនឹងជំងឺកូវីដ-១៩

អាជ្ញាធរជាតិអប្សរា រៀបចំវគ្គបណ្ដុះបណ្ដាលការរៀបចំសណ្ដាប់ធ្នាប់ថ្ម តាមប្រាសាទដល់ភ្នាក់ងារទេសចរណ៍

អាណាព្យាបាលបន្តនាំកុមារតូចទៅទទួលវ៉ាក់សាំងដូសទី២ តាមការកំណត់របស់គ្រូពេទ្យ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

សាលារាជធានីភ្នំពេញអនុញ្ញាតឱ្យអាជីវកម្មកម្សាន្តបើកដំណើរការឡើងវិញចាប់ពីថ្ងៃនេះ

នាយករដ្ឋមន្រ្តីឡាវកោតសរសើរការទប់ស្កាត់កូវីដ-១៩នៅកម្ពុជា ថែមទាំងជួយដល់ប្រទេសខ្លួនផងដែរ