BTV NEWS

កម្លាំងអាជ្ញាធរចម្រុះ ចុះត្រួតពិនិត្យអគារស្នាក់នៅមួយកន្លែងសង្ស័យមានបង្កប់ Online Scams រកឃើញជនបរទេស ៥នាក់ ស្នាក់នៅខុសច្បាប់

នគរបាលចាប់ខ្លួនជនជាតិចិន០៣នាក់ ករណីបង្កហិង្សា និងបង្ខាំងមនុស្សជំរិតទារប្រាក់ នៅខណ្ឌបឹងកេងកង

កម្លាំងចម្រុះខេត្តត្បូងឃ្មុំ ចុះត្រួតពិនិត្យបង្ក្រាបបទល្មើសពាក់ព័ន្ធលបលួចប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា នៅស្រុកពញាក្រែក ឃាត់ខ្លួនជនបរទេសសង្ស័យ ២១២នាក់

ពលរដ្ឋបន្តសាទរកិច្ចប្រឹងប្រែងរបស់រដ្ឋាភិបាលបោសសម្អាត Online Scams ដើម្បីស្ដារមុខមាត់កម្ពុជា

សន្តិសុខ និង សង្គម

មនុស្សបីនាក់ ស្លាប់ក្នុងការតវ៉ានៅសេណេហ្គាល់ ជុំវិញការពន្យារពេលការបោះឆ្នោតប្រធានាធិបតី

ចំនួនអ្នកស្លាប់ ស្របពេលមានការតវ៉ានៅក្នុងប្រទេសសេណេហ្គាល់ ជុំវិញការពន្យារពេលការបោះឆ្នោតប្រធានាធិបតី រហូតដល់ខែធ្នូ បានកើនឡើងដល់ ៣នាក់ ខណៈដែលមានការព្រួយបារម្ភកាន់តែខ្លាំងឡើងថា ប្រទេសលទ្ធិប្រជាធិបតេយ្យមួយក្នុងចំណោមមលទ្ធិប្រជាធិបតេយ្យដែលនៅសេសសល់ក្នុងអាហ្រ្វិកខាងលិចដែលប៉ះពាល់ដោយរដ្ឋប្រហារ កំពុងរងការគំរាមកំហែង។ការប្រកាសពន្យារពេលត្រឹមតែបីសប្តាហ៍មុនការបោះឆ្នោតថ្ងៃទី២៥ ខែកុម្ភៈ ដែលបានគ្រោងទុក បានបង្កឱ្យមានការប៉ះទង្គិចគ្នាដោយហិង្សាកាលពីថ្ងៃសុក្រ រវាងក្រុមបាតុករ និងនគរបាលក្នុងទីក្រុងដាកា និងទីក្រុងមួយចំនួនទៀតនៅក្នុងរលកនៃភាពចលាចល ដែលមនុស្សជាច្រើនភ័យខ្លាចនឹងរាលដាលចូលទៅក្នុងអស្ថិរភាពយូរអង្វែង។លោកប្រធានាធិបតី មែកឃី សាល (Macky Sall) បាននិយាយថា ការពន្យារពេលនេះគឺចាំបាច់ ដោយសារតែជម្លោះការបោះឆ្នោតបានគំរាមកំហែងដល់ភាពជឿជាក់នៃការស្ទង់មតិ ប៉ុន្តែសមាជិកសភាបក្សប្រឆាំងមួយចំនួនបានរិះគន់ទង្វើនេះថាជា «រដ្ឋប្រហារតាមស្ថាប័ន»។នៅពេលដែលការតវ៉ាជាសាធារណៈកើនឡើងខ្លាំង ប្លុកតំបន់អាហ្វ្រិកខាងលិច ECOWAS និងមហាអំណាចបរទេសបានជំរុញឱ្យលោកប្រធានាធិបតី សាល ដាក់ប្រទេសឲ្យដំណើរការបោះឆ្នោតជាទៀងទាត់ឡើងវិញ៕

ជនជាតិរុស្ស៊ី វាយប្រហារទៅលើទីក្រុងខាគីវ នៃប្រទេសអ៊ុយក្រែន ដោយមីស៊ីលជាច្រើនគ្រាប់

ការផ្ទុះ បានកើតឡើង នៅក្រុងខាគីវ( Kharkiv) នៅល្ងាចថ្ងៃអាទិត្យ ខណៈដែលប្រជាជនរុស្ស៊ី បានវាយប្រហារទីក្រុងនេះ។ នៅម៉ោង ២៣:០២ កងទ័ពអាកាស បានរាយការណ៍ពីការគម្រាមកំហែងដោយមីស៊ីលនៅតំបន់ខាគីវ (Kharkiv)។ យោងតាមសារព័ត៌មាន Suspilne សំឡេងគ្រាប់ផ្ទុះ ត្រូវបានគេឮ នៅក្នុងទីក្រុងនេះ។លោក អូឡេ ស៊ីនីហ៊ុបូវ (Oleh Syniehubov) ប្រធានរដ្ឋបាលយោធាតំបន់ខាគីវ បានបង្ហោះនៅលើបណ្តាញសង្គម Telegram របស់ខ្លួនថា៖«អ្នកកាន់កាប់ទាំង កំពុងធ្វើការវាយប្រហារ សូមស្នាក់នៅក្នុងជម្រក ដើម្បីសុវត្ថិភាព!»អភិបាលក្រុងខាគីវ លោក អ៊ីហ័រ តេរេកហូវ ( Ihor Terekhov) ក៏បានរាយការណ៍ថា សំឡេងគ្រាប់ផ្ទុះជាច្រើនគ្រាប់ ត្រូវបានគេឮនៅក្នុងទីក្រុង។ក្រោយមក លោក ស៊ីនីហ៊ុបូវ បានបន្ថែមថា ជនជាតិរុស្ស៊ី បានវាយលុកទីក្រុងលីអ៊ុបូទីន ( Lyubotyn) នៅក្នុងតំបន់ខាគីវ។របាយការណ៍ដំបូង បាននិយាយថា ការវាយប្រហារនេះ ត្រូវបានធ្វើឡើងជាមួយនឹងមីស៊ីល S-300 ពីទីក្រុងបែលហ្គោរូដ ( Belgorod) ។ ពុំមានព័ត៌មានអំពីការស្លាប់ និងរបួសទេ។លោកបានសរសេរថា៖«ផ្នែកខាងមុខនៃអគារដែលមិនមែនជាលំនៅដ្ឋាន ត្រូវបានខូចខាត។ ការត្រួតពិនិត្យទីតាំង[វាយប្រហារ] កំពុងដំណើរការ»។

ក្រុមមន្ត្រីសុខាភិបាល៖ អ៊ីស្រាអែលវាយប្រហារជំរំជនភៀសខ្លួនរ៉ាហ្វាសម្លាប់មនុស្ស៣៧នាក់

មន្ត្រីសុខាភិបាលក្នុងតំបន់បាននិយាយនៅថ្ងៃចន្ទនេះថា ការវាយប្រហាររបស់អ៊ីស្រាអែលទៅលើទីក្រុង រ៉ាហ្វា(Rafah) ភាគខាងត្បូងក្នុងតំបន់ហ្កាហ្សា (Gaza)បានសម្លាប់មនុស្ស ៣៧ នាក់ និងរាប់សិបនាក់រងរបួស បន្ទាប់ពីប្រធានាធិបតីសហរដ្ឋអាមេរិកលោក Joe Biden បានប្រាប់អ៊ីស្រាអែលកុំឱ្យវាយប្រហារក្រុងរ៉ាហ្វា ដោយគ្មានផែនការដ៏គួរឱ្យទុកចិត្តដើម្បីការពារជនស៊ីវិល។ ក្រុមអ្នកស្រុកដែលត្រូវបានទាក់ទងដោយសារព័ត៌មាន Reuters ដោយប្រើកម្មវិធីជជែក បាននិយាយថា ការបំផ្ទុះគ្រាប់បែកយ៉ាងខ្លាំងបានបង្កឱ្យមានការភ័យស្លន់ស្លោរីករាលដាលនៅក្នុងទីក្រុងរ៉ាហ្វា ខណៈមនុស្សជាច្រើនកំពុងលង់លក់ក្នុងដំណេកនៅពេលការវាយប្រហារបានចាប់ផ្តើម។ អ្នកខ្លះភ័យខ្លាចថាអ៊ីស្រាអែលបានចាប់ផ្តើមការវាយលុកដោយថ្មើជើងរបស់ខ្លួនលើរ៉ាហ្វារួចហើ យ។ យោធាអ៊ីស្រាអែលបាននិយាយនៅថ្ងៃចន្ទនេះថា ខ្លួនបានបើកការវាយប្រហារជាបន្តបន្ទាប់ទៅលើតំបន់ហ្កាហ្សាភាគខាងត្បូង ដែលឥឡូវនេះបាន សន្និដ្ឋានដោយពុំផ្តល់ព័ត៌មានលម្អិតបន្ថែម។មុនពេលការវាយលុកកាលពីកន្លងទៅលើទីក្រុងហ្កាហ្សា យោធាអ៊ីស្រាអែលបានបញ្ជាឱ្យជនស៊ីវិលចាកចេញដោយមិនបានរៀបចំផែនការជម្លៀសជាក់លាក់ណាមួយឡើយ។ ភ្នាក់ងារជំនួយនិយាយថា ការវាយប្រហារលើក្រុង Rafah នឹងក្លាយជាមហន្តរាយ។ ទោះនោះជាកន្លែងសុវត្ថិភាពចុងក្រោយនៅក្នុងតំបន់ ដែលត្រូវបានបំផ្លិចបំផ្លាញដោយការវាយលុករបស់យោធាអ៊ីស្រាអែល៕

យប់ថ្ងៃទី១១កុម្ភៈ នគរបាលនៅភ្នំពេញឃាត់យានយន្តល្មើសបាន ៩៧គ្រឿង ក្នុងនោះល្មើសជាតិស្រវឹង ៤៩គ្រឿង

ភ្នំពេញ៖ នៅយប់ថ្ងៃទី១១ ខែកុម្ភៈ ឆ្នាំ ២០២៤នេះ នគរបាល នៅតាមបណ្តាអធិការដ្ឋាននគរបាលខណ្ឌ ក្នុងរាជធានីភ្នំពេញ បានចុះអនុវត្តរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុលជាលទ្ធផល ឃាត់យានយន្តល្មើសបាន ៩៧ គ្រឿង ក្នុងនោះល្មើសជាតិស្រវឹង ៤៩ គ្រឿង។ យោងតាមរបាយករណ៍របស់ ស្នងការនគរបាលរាជធានីភ្នំពេញស្ដីពីលទ្ធផលការអនុវត្តរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុល នៅយប់ថ្ងៃទី១១ ខែកុម្ភៈ ឆ្នាំ ២០២៤នេះ បានឱ្យដឹងថា ក្រោមការអនុវត្តតាមបទបញ្ជាផ្ទាល់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងមានការដឹកនាំត្រួតពិនិត្យអនុវត្តផ្ទាល់ពី ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅយប់ថ្ងៃទី១១ ខែកុម្ភៈ តាមបណ្តាអធិការដ្ឋាននគរបាលខណ្ឌ បានចុះអនុវត្តរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុល ដោយឃាត់យានយន្តល្មើស ចំនួន៩៧ គ្រឿង ក្នុងនោះ រថយន្ត ចំនួន ៣៧គ្រឿង, ម៉ូតូ ចំនួន ៦០ គ្រឿង។ ក្នុងនោះ រថយន្ត និងម៉ូតូ ល្មើសជាតិស្រវឹង ចំនួន ៤៩ គ្រឿង ដោយមាន កម្រិតជាតិអាល់កុល ០.២៥ - ០.៣៩ mg/L ចំនួន ១៣ គ្រឿង ក្នុងនោះមានអ្នកបើកបរម៉ូតូ ចំនួន ៣ នាក់ និងអ្នកបើកបររថយន្តចំនួន១០ នាក់ ដែលមានកម្រិតជាតិអាល់កុល ០.៤០ mg/L ឡើង ចំនួន ៣៦ គ្រឿង។ សរុបក្នុងករណីនេះ មានអ្នកបើកបរម៉ូតូ ចំនួន ២០ នាក់ និងអ្នកបើកបររថយន្ត ចំនួន ១៦នាក់។ នៅយប់មិញនេះដែរ សមត្ថកិច្ចក៏ឃាត់បាន បទល្មើសផ្សេងៗ ចំនួន ៤៨ គ្រឿង ក្នុងនោះអត់មួកសុវត្ថិភាព ចំនួន ៣៣ គ្រឿង, ម៉ូតូគ្មានប័ណ្ណបើកបរ ចំនួន ៣ គ្រឿង, ម៉ូតូជិះបញ្រ្ចាស ចំនួន ១ គ្រឿង និងរថយន្តគ្មានប័ណ្ណបើកបរ ចំនួន ១១ គ្រឿង៕

ចំនួនអ្នកស្លាប់ដោយសារបំណាក់ដីនៅហ្វីលីពីន ឡើងដល់ ៥៤នាក់ ខណៈរាប់សិបនាក់បន្តបាត់ខ្លួន

រដ្ឋាភិបាលខេត្តបាននិយាយកាលពីថ្ងៃអាទិត្យ (១១ កុម្ភៈ) ថាចំនួនមនុស្សស្លាប់ដោយសារបំណាក់ដីនៅភាគខាងត្បូងប្រទេសហ្វីលីពីន បានកើនឡើងដល់ ៥៤ នាក់ ខណៈក្រុមអ្នកជួយសង្គ្រោះបានជីកយកសាកសពបន្ថែមទៀតពីល្បប់ភក់។ បំណាក់ដីបានកើតឡើងកាលពីយប់ថ្ងៃអង្គារ នៅជិតអណ្តូងរ៉ែមាសមួយក្នុងទីក្រុង ម៉ាខូ (Maco) ក្នុងខេត្ត ដាវ៉ាវ ដឺអូរ៉ូ (Davao de Oro) ដោយបានកប់លំនៅឋានជាច្រើនខ្នង និងរថយន្ត ដែលដឹកបុគ្គលិកទៅកន្លែងប្រតិបត្តិការដោយក្រុមហ៊ុនជីករ៉ែ អេភីក ម៉ាញនីង (Apex Mining)។អ្នកបាត់ខ្លួនមានចំនួន ៦៣ នាក់ ដោយរដ្ឋាភិបាលខេត្តបាននិយាយថា ចំនួននេះនៅមិនទាន់ផ្ទៀងផ្ទាត់នៅឡើយ ហើយមនុស្សសរុប ៣២ នាក់បានរងរបួសក្នុងបំណាក់ដីនេះ។លោក អេដវើត ម៉ាខាភីលី (Edward Macapili) មន្ត្រីនៅខេត្ត ដាវ៉ាវ ដឺអូរ៉ូ បាននិយាយថា មនុស្សជាង ៣០០ នាក់បានចូលរួមក្នុងការជួយសង្គ្រោះ ប៉ុន្តែប្រតិបត្តិការនេះកំពុងត្រូវបានរារាំងដោយភ្លៀងធ្លាក់ខ្លាំង ល្បប់ភក់ដ៏ក្រាស់ និងការគំរាមកំហែងនៃបំណាក់ដីបន្ថែមទៀត៕

ប្រជាជននៅតំបន់ហ្កាហ្សាខាងជើង កំពុងស៊ូទ្រាំនឹងគ្រោះទុរ្ភិក្ស

យោងតាមសេចក្ដីរាយការណ៍របស់បណ្ដាញទូរទស្សន៍សកលចិនឬCGTN កាលពីថ្ងសៅរ៍បានឲ្យដឹងថា ប្រជាជនដែលកំពុងរស់នៅភាគខាងជើងតំបន់ហ្កាហ្សា ស្រ្ទីប កំពុងស៊ូទ្រាំនឹងគ្រោះទុរ្ភិក្ស ជាមួយនឹងកង្វះការផ្គត់ផ្គង់យ៉ាងធ្ងន់ធ្ងរ។នៅក្នុងការរាយណ៍ការផ្ទាល់ នាងនួរ ហារ៉ាហ្ស៊ីន (Noor Harazeen) ជាអ្នកសារព័ត៌មានឲ្យទូរទស្សន៍CGTNដែលមានមូលដ្ឋានក្នុងតំបន់ហ្កាហ្សា ស្រ្ទីប បាននិយាយថា ឥឡូវនេះ តំបន់ហ្កាហ្សា ត្រូវបានគេដាក់អោយនៅឯកោចូលទៅជាតំបន់ពីរ ដែលជាតំបន់ហ្កាហ្សាខាងជើង និងកណ្ដាល ហើយនិងហ្កាហ្សាខាងត្បូង ហើយជំនួយភាគច្រើនចូលក្នុងភាគខាងត្បូង និងហ្កាហ្សាកណ្ដាលតាមរយៈព្រំដែនឆ្លងកាត់រ៉ហ្វា។យោងតាមអ្នករាយការណ៍ បានអោយដឹងថា ក្រសួងសុខាភិបាលប៉ាឡេស្ទីន បានថ្លែងរួចជាស្រេចហើយពីចំនួនមនុស្សស្លាប់ ដោយសារតែកង្វះស្បៀង និងទឹក និងកង្វះថ្នាំសង្កូវ ហើយនិងកង្វះការផ្គត់ផ្គង់ វេជ្ជសាស្រ្ដនៅក្នុងតំបន់ហ្កាហ្សាខាងជើង។កាលពីថ្ងៃពុធ រដ្ឋមន្រ្ដីសុខាភិបាលប៉ាឡេស្ទីនអ្នកស្រីម៉ៃ អាល់ កៃឡា(Mai al-Kaila)បានប្រកាសថា វេជ្ជបណ្ឌិត និងបុគ្គលិកពេទ្យចំនួន៣៤០នាក់ ក្នុងផ្នែកសុខាភិបាល ត្រូវបានសម្លាប់ ដោយសារតែការបន្ដការសង្រ្គាមរបស់អ៊ីស្រាអែលចាប់តាំងពីថ្ងៃទី៧តុលាឆ្នាំ២០២៣មកម៉្លេះ។នាង ហារ៉ាហ្ស៊ីន (Harazeen) បានបន្ថែមថា ក្នុងអំឡុងពេលតវ៉ាដែលរៀបចំដោយក្រសួងសុខាភិបាល និងផ្នែកសុខាភិបាលប៉ាលេស្ទីននៅពីមុខទីស្នាក់ការរបស់អង្គការសហប្រជាជាតិក្នុងក្រុងរ៉ាម៉ាឡា(Ramallah)ដែលមានវេជ្ជបណ្ឌិតនិងបុគ្គលិកពេទ្យប្រមាណជា៩០០នាក់ បានរងរបួស ខណៈអាជ្ញាធរអ៊ីស្រាអែល បានចាប់ខ្លួនមនុស្សប្រមាណជា១០០នាក់។

ក្រសួងសុខាភិបាល តំបន់ហ្កាហ្សា៖ ចំនួនជនជាតិប៉ាឡេស្ទីនស្លាប់សរុបទាំងអស់ បានឡើងជាង២៨.០០០នាក់

ក្រសួងសុខាភិបាលតំបន់ហ្កហ្សា បាននិយាយ កាលពីថ្ងៃសៅរ៍ថា ចំនួនជនជាតិប៉ាឡេស្ទីន បានស្លាប់ពីការបន្ដការវាយប្រហាររបស់អ៊ីស្រាអែល លើតំបន់ហ្កាហ្សា បានឡើងដល់ជាង២៨.០០០នាក់ហើយ។ក្រសួងសុខាភិបាល បាននិយាយ នៅក្នុងសេចក្ដីប្រកាសព័ត៌មាន កងទ័ពអ៊ីស្រាអែលបានសម្លាប់ជនជាតិប៉ាឡេស្ទីនចំនួន១១៧នាក់ និង១៥២នាក់ទៀតរងរបួសនៅក្នុងអំឡុងពេល២៤ម៉ោងកន្លងទៅនេះ ដែលធ្វើអោយអ្នកស្លាប់សរុបទាំងអស់២៨.០៦៤នាក់ និងអ្នករបួសឡើងដល់៦៧.៦១១នាក់ ចាប់តាំងពីជម្លោះរវាងអ៊ីស្រាអែលនិងក្រុមហាម៉ាសបានផ្ទុះឡើងកាលពីថ្ងៃទី៧តុលាឆ្នាំ២០២៣មកម៉្លេះ។កាលពីថ្ងៃសុក្រ នាយករដ្ឋមន្រ្ដីអ៊ីស្រាអែល លោកបេនចាមីន ណេតាន់យ៉ាហ៊ូ បានណែនាំឲ្យកងទ័ពត្រៀមផែនការសម្រាប់ប្រតិបត្ដិការថ្មើរជើងក្នុងក្រុងរ៉ាហ្វា(Rafah) ដើម្បីបោសសម្អាតកងពលតូចហាម៉ាស ដែលនៅសេសសល់។ចំណែកការិយាល័យប្រព័ន្ធផ្សព្វផ្សាយរបស់រដ្ឋាភិបាលដែលដឹកនាំដោយក្រុមហាម៉ាសបានព្រមាន កាលពីថ្ងៃសៅរ៍ពីគ្រោះហន្ដរាយសកល ប្រសិនបើអ៊ីស្រាអែលហ៊ានធ្វប្រតិបត្ដការយោធាក្នុងក្រុងរ៉ាហ្វា ជាក្រុងដែលមានជនជាតិប៉ាឡេស្ទីនបាត់បង់ទីជម្រកយ៉ាងហោចណាស់ ១,៤លាននាក់ដែររស់នៅ៕អត្ថបទ មករា

រុស្ស៊ីវាយប្រហារលើហេដ្ឋារចនាសម្ព័ន្ធយោធាអ៊ុយក្រែន ជាច្រើនកន្លែង ខណៈអ៊ុយក្រែនស្ទាក់ចាប់បានយានដ្រូនរុស្ស៊ីជាច្រើនគ្រឿង

រុស្ស៊ីបាននិយាយកាលពីថ្ងៃសៅរ៍ថា កងទ័ពរបស់ខ្លួនបានធ្វើការវាយប្រហារ៣១លើកលើទីកន្លែងឧស្សាហកម្មយោធាអ៊ុយក្រែនជាច្រើនកន្លែងដោយប្រើប្រាស់អាវុធស៊ីបគោលដៅជាក់លាក់ជាកម្រិតខ្ពស់ និងយានដ្រូន ជាច្រើនគ្រឿងនៅក្នុងសប្ដាហ៍នេះចាប់ថ្ងៃទី៤កុម្ភៈមកម៉្លេះ ខណៈដែឡភាគីអ៊ុយក្រែនបានអះអាង នៅថ្ងៃជាមួយគ្នាថា កងទ័ពរបស់ខ្លួនបានស្ទាក់ចាប់យានដ្រូនរុស្ស៊ីជាច្រើនគ្រឿង។នៅក្នុងសេចក្ដីរាយការថ្មីៗស្ដីពីជម្លោះនេះ ក្រសួងការពារជាតិរុស្ស៊ី បាននិយាយថា ទីកន្លែងដែលបានតម្រង់គោលដៅវាយប្រហា រក្នុងនោះរួមមាន យន្ដហោះ យានដ្រូនកន្លែងផលិតនាវាគ្មានមនុស្សបើក និងសហគ្រាសថែរក្សា ប្រព័ន្ធមីស៊ីលកលយុទ្ធនិងទីកន្លែងឈរជើងបាញ់មីស៊ីលចហ្វូងផងដែរ។ខាងភាគីរុស្ស៊ីបាននិយាយថា កន្លែងដាក់ពង្រាយទ័ពអ៊ុយក្រែន ហើយនិងទ័ពស៊ីឈ្នួលបរទេសក៏ត្រូវ បានវាយប្រហារចំផងដែរ។ខណៈនេះ នាយអគ្គសេនាធិការកងទ័ពអ៊ុយក្រែន បាននិយាយថា មានការប៉ះទង្គិចគ្នា៨៧លើក នៅរយៈពេល២៤ម៉ោងកន្លងទៅនេះ ដោយគោលដៅតំរ៉ង់ទៅរក កន្លែងប្រូលផ្ដុំបុគ្គលិកយោធា អាវុធ តំបន់ប្រមូល សម្ភារៈសឹក មជ្ឈមណ្ឌុលបញ្ជាការ ហើយនិងឃ្លាំងស្ដុកគ្រាប់រំសេវរបស់រុស្ស៊ី។អ៊ុយក្រែនថែមទាំងបាននិយាយថា ខ្លូនបានចាប់យានដ្រូនបាន២៣គ្រឿងក្នុងចំណោមយានដ្រូន៣១គ្រៅងដែលបានចាប់ផ្ដើមបាញ់ដោយកងទ័ពរុស្ស៊ីនៅប៉ុន្មានម៉ោងមុនកាលពីថ្ងៃសៅរ៍។លោកអូលេ ស៊ីញីបូវ(Oleh Syniehubov) រដ្ឋបាលយោភូមិភាគខេត្ដខាគីវបាននិយាយនៅលើប្រព័ន្ធ ផ្សព្វផ្សាយបណ្ដាញសង្គមកាលពីថ្ងៃសៅរ៍ថា រុស្ស៊ីបានចាប់ផ្ដើមវាយប្រហារតាមអាកាសលើក្រុងខាគីវជាមួយនឹងយានដ្រូន១០គ្រឿងបណ្ដាលអោយមានភ្លើងឆេះដេប៉ូស្ដុកប្រេង១កន្លែង និងបានសម្លាប់មនុស្សអស់៧នាក់ក្នុងនោះមានក្មេង៣នាក់ផងដែរ៕

យប់មិញនគរបាលនៅភ្នំពេញ ឃាត់យានយន្តល្មើសបាន៩៤ គ្រឿង ក្នុងនោះល្មើសជាតិស្រវឹង ៦២ គ្រឿង

ភ្នំពេញ៖ នៅយប់នៅយប់ថ្ងៃទី១០ ខែកុម្ភៈ ឆ្នាំ២០២៤ តាមបណ្តាអធិការដ្ឋាននគរបាលខណ្ឌ នៃស្នងការដ្ឋាននគរបាលរាជធានី បានចុះអនុវត្តរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុល ក្នុងនោះបានឃាត់យានយន្តល្មើសបាន ៩៤ គ្រឿង ក្នុងនោះល្មើសជាតិស្រវឹង ៦២ គ្រឿង។ លទ្ធផលការអនុវត្តរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុលនេះ ធ្វើឡើងក្រោមការអនុវត្តតាមបទបញ្ជាផ្ទាល់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងមានការដឹកនាំត្រួតពិនិត្យអនុវត្តផ្ទាល់ពី ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ។ លទ្ធផលការអនុវត្តរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុលនេះ នៅយប់ថ្ងៃទី១០ ខែកុម្ភៈ ឆ្នាំ២០២៤ តាមបណ្តាអធិការដ្ឋាននគរបាលខណ្ឌ ក្នុងនោះបានឃាត់យានយន្តល្មើស ចំនួន៩៤គ្រឿង (រថយន្ត ចំនួន៣៦គ្រឿង, ម៉ូតូ ចំនួន៥៨គ្រឿង)។ ក្នុងនោះ ១.ល្មើសជាតិស្រវឹង ចំនួន៦២ គ្រឿងដែលមានកម្រិត ០.២៥ - ០.៣៩ mg/L ចំនួន ២៦ គ្រឿង។ ចំណែកអ្នកបើកបរម៉ូតូ ចំនួន ១៦ នាក់, អ្នកបើកបររថយន្ត ចំនួន ១០ នាក់ កម្រិត ០.៤០ mg/L ឡើង ចំនួន ៣៦ គ្រឿង។ អ្នកបើកបរម៉ូតូ ចំនួន ១៧ នាក់, អ្នកបើកបររថយន្ត ចំនួន ១៩ នាក់ រួមនឹងបទល្មើសផ្សេងៗ ចំនួន ៣២ គ្រឿង ក្នុងនោះ អត់មួកសុវត្ថិភាព ចំនួន ២៥ គ្រឿង, រថយន្តគ្មានប័ណ្ណបើកបរ ចំនួន៥ គ្រឿង, រថយន្តកែច្នៃខុសបច្ចេកទេស ចំនួន ១ គ្រឿង និងរថយន្តប័ណ្ណបើកបរហួសសុពលភាព ចំនួន១គ្រឿង៕

អ៊ីស្រាអែលចេញការព្រមានជាបន្តបន្ទាប់ ខណៈខ្លួនត្រៀមវាយប្រហារលើក្រុងរ៉ាហ្វាតំបន់ហ្កាហ្សា

អ៊ីស្រាអែលកំពុងប្រឈមនឹងការព្រមានពីអន្តរជាតិកាន់តែខ្លាំងឡើង ជុំវិញការវាយលុកដែលបានគ្រោងទុកលើទីក្រុងរ៉ាហ្វា(Rafah) ជាទីក្រុងនៅភាគខាងត្បូងហ្កាហ្សាប្រមូលផ្តុំដោយជនភៀសខ្លួនប៉ាឡេស្ទីន។ រដ្ឋមន្ត្រីការបរទេសអង់គ្លេសលោកដេវីដ កាមេរ៉ុន(David Cameron)បាននិយាយថា ជាងពាក់កណ្តាលនៃចំនួនប្រជាជននៅតំបន់ ហ្កាហ្សា កំពុងជ្រកកោននៅក្នុងតំបន់នេះ ខណៈរដ្ឋមន្ត្រីការបរទេស ហូឡង់លោកស្រី ហានកេ ប្រ៊ីន ស្លុត (Hanke Bruins Slot) បាននិយាយថា អាចមានជនស៊ីវិលស្លាប់ជាច្រើនទៀត។ អារ៉ាប៊ីសាអ៊ូឌីត បានព្រមានពីផលប៉ះពាល់យ៉ាងធ្ងន់ធ្ងរ ប្រសិនបើទីក្រុងរ៉ាហ្វានេះត្រូវបានវាយប្រហារ។របបដឹកនាំរបស់ក្រុមហាម៉ាស់នៅតំបន់ហ្កាហ្សាបាននិយាយថា អាចមានអ្នកស្លាប់ និងរបួសរាប់ម៉ឺននាក់ទៀត។ យោងតាមក្រសួងសុខាភិបាលគ្រប់គ្រងដោយក្រុមហាម៉ាស មនុស្សជាង២៧.៩០០នាក់ បានស្លាប់ និងយ៉ាងហោចណាស់ ៦៧.០០០នាក់បានរងរបួសនៅក្នុងតំបន់ហ្កាហ្សាចាប់តាំងពីពេលនោះមក។ ប្រជាពលរដ្ឋជាច្រើនបានសម្រុកទៅកាន់តំបន់រ៉ាហ្វា ដោយត្រូវបានបង្ខំឱ្យភៀសខ្លួនពីផ្ទះសម្បែងរបស់ពួកគេទៅកន្លែងផ្សេងទៀតយ៉ាងហោចណាស់ម្តង។ ការព្រមានកាលពីថ្ងៃសៅរ៍បានកើតឡើងមួយថ្ងៃបន្ទាប់ពីនាយករដ្ឋមន្ត្រីអ៊ីស្រាអែលលោក Benjamin Netanyahu បានបញ្ជាឱ្យយោធារបស់លោករៀបចំការជម្លៀសជនស៊ីវិលចេញពីទីក្រុងនេះ មុនពេលការវាយលុកកាន់តែខ្លាំងប្រឆាំងនឹងក្រុមហាម៉ាស។ ការិយាល័យរបស់លោក Netanyahu បាននិយាយថា វាមិនអាចទៅរួចទេក្នុងការសម្រេចគោលដៅនៃសង្គ្រាមដោយមិនបានកម្ទេចក្រុមហាម៉ាស ហើយទុកឲ្យកងវរសេនាតូចក្រុមហាម៉ាសចំនួន៤នៅក្នុង ទីក្រុងរ៉ាហ្វា ។ វាច្បាស់ណាស់ថាសកម្មភាពដ៏ខ្លាំងក្លានៅរ៉ាហ្វា តម្រូវឱ្យជនស៊ីវិលជម្លៀសចេញពីតំបន់ប្រយុទ្ធ៕

បណ្ដាញសង្គម

ព័ត៌មានថ្មីៗ

កងទ័ពជើងទឹកនិងអាកាសរបស់ចិន ចេញល្បាតជិតតំបន់ថ្មប៉ប្រាស់ទឹក Scarborough ខណៈហ្វីលីពីន និងអាមេរិកធ្វើសមយុទ្ធ

TOP STORY | ក្រសួងព្រះបរមរាជវាំង៖ ព្រះរាជសុខភាព ព្រះមហាក្សត្រមានភាពប្រសើរជាបណ្តើរៗ ក្រុមគ្រូពេទ្យព្រះបរមរាជានុញ្ញាតថ្វាយព្រះអង្គយាងចេញពីមន្ទីរពេទ្យនៅថ្ងៃនេះ និងបន្តគង់ប្រថាប់នៅព្រះរាជដំណាក់រដ្ឋធានីប៉េកាំង ដើម្បីបន្តតាមដាន

អ៊ីស្រាអែល៖ សកម្មជនទូកដឹកជំនួយទៅហ្កាហ្សាដែលត្រូវបានឃុំខ្លួន នឹងត្រូវនាំទៅកាន់ប្រទេសក្រិក

យោធាមីយ៉ាន់ម៉ា និយាយថាអតីតមេដឹកនាំ លោកស្រី អ៊ុងសាន ស៊ូជី ត្រូវបានបញ្ជូនទៅឃុំខ្លួនក្នុងផ្ទះ

វត្ថុបុរាណខ្មែរ១២២រូប ដាក់តាំងពិព័រណ៍មិនអចិន្ត្រៃយ៍ នៅក្នុងសារមន្ទីរ Meet You Museum ក្រុងប៉េកាំង

សាលារៀន និងមន្ទីរពេទ្យបង្អែកក្នុងស្រុកបន្ទាយស្រី និងស្វាយលើ ទទួលបានគាំពារផ្នែកទឹកស្អាត សម្រាប់សិស្ស និងអ្នកជំងឺប្រើប្រាស់បរិភោគ

អ៊ីរ៉ង់ព្រមានអាមេរិកពីការឈឺចាប់អូសបន្លាយពេលយូរស្របពេលមានរបាយការណ៍ស្តីពីផែនការវាយប្រហារដ៏ខ្លាំងក្លា

ប្រាសាទនាគព័ន្ធ ទេសភាពជលសារដ៏វិចិត្រ និងទំនាក់ទំនងក្នុងជំនឿខ្មែរ

សម្ដេចកិត្តិសង្គហបណ្ឌិត ម៉ែន សំអន វាយតម្លៃខ្ពស់ចំពោះACUក្នុងការស៊ើបអង្កេត និងបំបែកសំណុំរឿងធំៗ

EU៖ ការដាក់ពង្រាយកងទ័ព នៅអឺរ៉ុប គឺ «ដើម្បីផលប្រយោជន៍របស់សហរដ្ឋអាមេរិក»

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877