BTV NEWS

៣ខែដើមឆ្នាំនេះ ក្មេងទំនើងជិត ១ពាន់នាក់ត្រូវសមត្ថកិច្ចឃាត់ខ្លួន

នគរបាលជំនាញព្រហ្មទណ្ឌរាជធានីភ្នំពេញ បង្រ្កាបជនសង្ស័យជនជាតិចិន ៣នាក់ពាក់ព័ន្ធអំពើលួចរថយន្ត និងផ្លាកលេខរថយន្តចំនួន ៦ករណី

កម្លាំងនគរបាលរាជធានី បើកការឆ្មក់ចុះបង្ក្រាប Online Scams នៅខណ្ឌសែនសុខ ឃាត់ខ្លួនជនបរទេស ៣៣នាក់

ឃាត់ខ្លួនជនសង្ស័យ០៩នាក់ រកឃើញសម្ភារបម្រើឲ្យបទល្មើស Online Scams និងអាវុធខ្លីមួយដើម នៅខណ្ឌច្បារអំពៅ

សន្តិសុខ និង សង្គម

សមត្ថកិច្ចរឹបអូសប្រេងរំអិលកែច្នៃខុសច្បាប់បានជិត៤០តោន ខណៈជនសង្ស័យពីរនាក់ត្រូវបានឃាត់ខ្លួន

ភ្នំពេញ៖ សមត្ថកិច្ចនៃនាយកដ្ឋាននគរបាលប្រឆាំងបទល្មើសសេដ្ឋកិច្ច បានរឹបអូសប្រេងរំអិល ដែលបានលួចកែច្នៃ ខុសច្បាប់ ជាច្រើនប្រភេទជិត ៤០តោន និងធ្វើការឃាត់ខ្លួនជនសង្ស័យចំនួនពីរនាក់ នាំទៅនាយកដ្ឋាននគរបាលប្រឆាំងបទល្នើសសេដ្ឋកិច្ច ដើម្បីបន្តនីតិវិធីច្បាប់។យោងតាមរបាយការណ៍ របស់នាយកដ្ឋាននគរបាលប្រឆាំងបទល្នើសសេដ្ឋកិច្ច ដែលទូរទស្សន៍BTVទទួលបាននាថ្ងៃទី២៤ ខែតុលា ឆ្នាំ២០២៣នេះ បានបញ្ជាក់ថា ថ្ងៃទី២៣ម្សិលមិញនេះសមត្ថកិច្ចនៃនាយកដ្ឋាននគរបាលប្រឆាំងបទល្មើសសេដ្ឋកិច្ច ចូលរួមពីមន្ត្រីជំនាញ ក.ប.ប. កម្លាំងជំនាញការិយាល័យប្រឆាំងបទល្មើសកម្មសិទ្ធិបញ្ញានៃនាយកដ្ឋាននគរបាលប្រឆាំងបទល្មើសសេដ្ឋកិច្ច, កម្លាំងស្នងការដ្ឋាននគរបាលរាជធានីភ្នំពេញ, រួមទាំងអាជ្ញាធរមូលដ្ឋានខណ្ឌព្រែកព្នៅ ដោយមានការសម្របសម្រួលនីតិវិធីផ្ទាល់ដោយ លោក សេង ម៉េងស្រ៊ុន ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ផងបានចុះបង្ក្រាបទីតាំងសង្ស័យនាំចូល កែច្នៃ វេចខ្ចប់ ប្រេងរំអិលខុសច្បាប់ជាច្រើនប្រភេទ នៅផ្លូវទំនប់កប់ស្រូវ សង្កាត់គោករការ ខណ្ឌព្រែកព្នៅ រាជធានីភ្នំពេញ ។របាយការណ៍ បានបញ្ជាក់ថា ប្រតិបត្តិការនេះគឺបានធ្វើឡើងក្រោយពីការស្ទាក់ឃាត់នូវរថយន្តមួយគ្រឿងដែលបានដឹកប្រេងរំអិលសង្ស័យខុសច្បាប់ ចេញពីទីតាំងខាងលើ ហើយសមត្ថកិច្ចចម្រុះក៏បានបន្តចុះធ្វើការឆែកឆេរត្រួតពិនិត្យជាក់ស្តែង ដោយបានរកឃើញនូវសម្ភារបំរើឲ្យការងារវេចខ្ចប់ និងប្រេងរំអិល ដោយសង្ស័យថា ខុសច្បាប់ជាច្រើនប្រភេទ សរុបទាំងអស់ជិត៤០តោន ។បន្ទាប់ពីបានត្រួតពិនិត្យចប់សព្វគ្រប់ លោកព្រះរាជអាជ្ញារង បានសម្រេចឲ្យសមត្ថកិច្ច ធ្វើការដកហូតសម្ភារសង្ស័យទាំងអស់ យករក្សាទុកនៅក្នុងឃ្លាំងដាក់សម្ភារមួយកន្លែង នៃទីតាំងខាងលើ និងបិទផ្លំបេរផ្អាកដំណើរការជាបណ្តោះអាសន្ន ដើម្បីធ្វើការពិនិត្យស្រាវជ្រាវបន្ត។ បើតាមរបាយការណ៍ក៏បានបញ្ជាក់ផងដែរថា ម្ចាស់ទីតាំងមិនបានចូលខ្លួនមកសហការជាមួយសមត្ថកិច្ចនោះទេ ដោយឲ្យត្រឹមអ្នកតំណាងចូលរួមតែប៉ុណ្ណោះ ដូចនេះសមត្ថកិច្ចក៏តម្រូវឲ្យអ្នកតំណាងរូបនោះ និងអ្នកបើកបររថយន្តចូលខ្លួនទៅបំភ្លឺនៅនាយកដ្ឋាននគរបាលប្រឆាំងបទល្នើសសេដ្ឋកិច្ច ដើម្បីបន្តនីតិវិធី។គួរបញ្ជាក់ថា នេះជាប្រតិបត្តិការបង្ក្រាបទីតាំងស្តុកប្រេងរំអិលខុសច្បាប់ជាលើកទីពីរហើយក្នុងរយៈពេល៣ខែចុងក្រោយនេះ បន្ទាប់ពីការស៊ើបអង្កេតស្រាវជ្រាវរបស់សមត្ថកិច្ចអស់រយៈពេលជាច្រើនខែ កន្លងមកនេះ។ជាមួយគ្នានេះសមត្ថកិច្ចសូមអំពាវនាវដល់ប្រជាពលរដ្ឋជាថ្មីម្តងទៀត មេត្តាជួយសហការក្នុងការផ្តល់ព័ត៌មាន បើសិនជាបានដឹងពីការផលិតកែច្នៃ ឬចែកចាយ នូវផលិតផលសង្ស័យថា ខុសច្បាប់ មកដល់សមត្ថកិច្ចតាមរយៈលេខទូរស័ព្ទ 012 456 966 ដើម្បីឲ្យសមត្ថកិច្ចធ្វើការស្រាវជ្រាវ ស៊ើបអង្កេត និងឈានដល់ការបង្ក្រាបឲ្យបានទាន់ពេលវេលា ជៀសវៀងការប៉ះពាល់ផលប្រយោជន៍អ្នកប្រើប្រាស់ ជាពិសេសសុខុមានភាពសាធារណៈ៕អត្ថបទបាន ចក់

មនុស្សរាប់ពាន់នាក់ធ្វើបាតុកម្មប្រឆាំងរដ្ឋាភិបាលនៅប្រទេសហុងគ្រី

មនុស្សរាប់ពាន់នាក់ បានប្រមូលផ្តុំគ្នាតវ៉ានៅទីក្រុង Budapest ប្រទេសហុងគ្រី កាលពីថ្ងៃចន្ទ (២៣ តុលា) ដោយប្រឆាំងនឹងរបៀបវារៈ និងរដ្ឋាភិបាលរបស់នាយករដ្ឋមន្រ្តីប្រទេសនេះ លោក Viktor Orban។ ក្រុមបាតុករបានដើរដង្ហែតាមដងផ្លូវនៃរដ្ឋធានីហុងគ្រី រយៈពេលប៉ុន្មានម៉ោងបន្ទាប់ពីសុន្ទរកថារបស់លោកនាយករដ្ឋមន្រ្តី Orban ក្នុងទិវារំលឹកខួបនៃការបះបោរបរាជ័យឆ្នាំ១៩៥៦ របស់ប្រទេសហុងគ្រី ប្រឆាំងនឹងការគ្រប់គ្រងរបស់សូវៀត ជាទីដែលលោក Orban បានរិះគន់មេដឹកនាំសហភាពអឺរ៉ុប ដោយហៅទីក្រុងព្រុចសែល ថាជា «ការលេងសើចបែបចំអកក្នុងសហសម័យដ៏អាក្រក់»។ក្រុមអ្នកតវ៉ាមួយចំនួន នៅទីក្រុង Budapest បានសម្តែងការភ័យខ្លាចថា ប្រទេសហុងគ្រីអាចនឹងចាកចេញពីប្លុកសហភាពអឺរ៉ុប ក្រោមការគ្រប់គ្រងរបស់លោក Orban ដែលជាទស្សនមួយត្រូវបានលោកបានច្រានចោលម្តងហើយម្តងទៀត។ សហភាពអឺរ៉ុប បានផ្អាកការទូទាត់ថវិការាប់ពាន់លានដុល្លារដល់ប្រទេសហុងគ្រី ដោយសារការព្រួយបារម្ភអំពីនីតិរដ្ឋ ដែលធ្វើអោយមានភាពស្មុគស្មាញដល់កិច្ចខិតខំប្រឹងប្រែងរបស់អ្នកដឹកនាំជាតិនិយមរូបនេះ ក្នុងការទាញសេដ្ឋកិច្ចចេញពីវិបត្តិបច្ចេកទេសដ៏យូរបំផុតរបស់ខ្លួន ចាប់តាំងពីកំណត់ត្រាសម័យទំនើបបានចាប់ផ្តើមមក។គួររម្លឹកថា លោក Orban ក៏ទទួលបានការរិះគន់ពីសហរដ្ឋអាមេរិក និងសម្ព័ន្ធមិត្តសហភាពអឺរ៉ុបផងដែរ ចំពោះការចាប់ដៃជាមួយប្រធានាធិបតីរុស្ស៊ី លោក វ្លាឌីមៀ ពូទីន ក្នុងអំឡុងពេលកិច្ចប្រជុំកំពូលក្នុងប្រទេសចិន កាលពីសប្តាហ៍មុន ខណៈមេដឹកនាំទាំងពីរបានអះអាងឡើងវិញនូវការប្តេជ្ញាចិត្តរបស់ពួកគេ ចំពោះទំនាក់ទំនងទ្វេភាគី ស្របពេលមានភាពតានតឹងអន្តរជាតិជុំវិញសង្រ្គាមនៅអ៊ុយក្រែន៕

សកម្មជនជាច្រើនធ្វើបាតុកម្មប្រឆាំងបញ្ហាបម្រែបម្រួលអាកាសធាតុនៅប្រទេសអ៊ីតាលី

កាលពីថ្ងៃច័ន្ទ (២៣ តុលា) សកម្មជនអាកាសធាតុជាច្រើន ស្លៀកពាក់ដូចជាតុក្កតាភីណូឈីអូ (Pinocchio) បានអង្គុយធ្វើបាតុកម្មដើម្បីរិះគន់កង្វះខាតវិធានការរបស់រដ្ឋាភិបាលអ៊ីតាលី លើបញ្ហាបម្រែបម្រួលអាកាសធាតុ។ សកម្មជនប្រហែល១០០នាក់ ដែលជាសមាជិកនៃក្រុមប្រឆាំងបញ្ហាអាកាសធាតុ បាននិយាយនៅក្នុងសេចក្តីប្រកាសព័ត៌មានមួយថា ពួកគេចង់តវ៉ាប្រឆាំងនឹង «ការភូតកុហក» និងការធ្វើផ្ទុយពីគោលនយោបាយរបស់រដ្ឋាភិបាលអ៊ីតាលី។បាតុករទាំងនោះបានធ្វើការតវ៉ានៅមុខក្រសួងហេដ្ឋារចនាសម្ព័ន្ធ និងដឹកជញ្ជូន បន្ទាប់ពីប្រទេសអ៊ីតាលី កាលពីសប្តាហ៍មុនបាននិយាយថា ខ្លួននឹងត្រៀមថវិកាចំនួន ១២ពាន់លានអឺរ៉ូ ក្នុងការសាងសង់ស្ពានខ្នាតយក្សមួយ ដើម្បីភ្ជាប់ទីក្រុងកោះស៊ីស៊ីលី ទៅកាន់ដីគោក។ នេះជាការសម្រេចមួយ ដែលសកម្មជននិយាយថា វាមិនមែនជាការដោះស្រាយបញ្ហានោះទេ ប៉ុន្តែនឹងធ្វើឱ្យវិបត្តិបរិស្ថានអាកាសធាតុកាន់តែធ្ងន់ធ្ងរឡើងថែមទៀត៕

កងជីវពលគាំទ្រដោយអ៊ីរ៉ង់នៅអ៊ីរ៉ាក់អះអាងទទួលខុសត្រូវចំពោះការវាយប្រហារលើមូលដ្ឋានទ័ពអាមេរិកនៅស៊ីរី

កងជីវពលដែលគាំទ្រដោយអ៊ីរ៉ង់នៅក្នុងប្រទេសអ៊ីរ៉ាក់ បានអះអាងថា ពួកគេទទួលខុសត្រូវចំពោះការវាយប្រហារលើកងកម្លាំងអាមេរិកនៅឯមូលដ្ឋានយុទ្ធសាស្ត្រមួយ នៅប្រទេសស៊ីរីភាគអាគ្នេយ៍។ក្រុមអ្នកតស៊ូឥស្លាមនៅក្នុងប្រទេសអ៊ីរ៉ាក់ ដែលជាក្រុមឆ័ត្រនៃកងជីវពល ដែលគាំទ្រដោយអ៊ីរ៉ង់ បាននិយាយកាលពីថ្ងៃចន្ទថា កងកម្លាំងរបស់ពួកគេ បានប្រើប្រាស់យានដ្រូនចំនួនពីរគ្រឿង ដើម្បីវាយប្រហារយោធភូមិ al-Tanf នៅជិតព្រំដែនហ្ស៊កដានី និងអ៊ីរ៉ាក់ ដែលជាទីតាំងរសើប ដែលជារឿយៗប្រើដោយពួកសកម្មប្រយុទ្ធគាំទ្រដោយអ៊ីរ៉ង់ ដើម្បីដឹកជញ្ជូនអាវុធទៅឲ្យក្រុមហេសបូឡា។ការវាយប្រហារកាលពីថ្ងៃចន្ទ កើតឡើងបន្ទាប់ពីមានការវាយប្រហារស្រដៀងគ្នាជាច្រើនទៅលើមូលដ្ឋានទ័ពអាមេរិក នៅក្នុងប្រទេសអ៊ីរ៉ាក់ និងស៊ីរី កាលពីសប្តាហ៍មុន។ ក្នុងការវាយប្រហារមួយ ក្រុមដដែល បានវាយប្រហារមូលដ្ឋានពីរក្នុងប្រទេសអ៊ីរ៉ាក់ដោយយានដ្រូន ដែលបណ្តាលឲ្យមានរបួសស្រាលក្នុងចំណោមកងកម្លាំងអាមេរិក។យោធាអាមេរិក បានរក្សាវត្តមាននៅយោធភូមិភាគ al-Tanf ចាប់តាំងពីកងកម្លាំងហ្វឹកហ្វឺនជាផ្នែកនៃយុទ្ធនាការប្រឆាំងនឹងក្រុមរដ្ឋឥស្លាម(IS)។ បច្ចុប្បន្ននេះ សហរដ្ឋអាមេរិក មានទាហានរបស់ខ្លួនប្រហែល ៩០០នាក់ នៅស៊ីរី។

មនុស្សជិត២ម៉ឺននាក់ ត្រូវភៀសខ្លួននៅប្រទេសលីបង់ ខណៈការប៉ះទង្គិចនៅព្រំដែនអ៊ីស្រាអែលកើនឡើង

ទីភ្នាក់ងារអង្គការសហប្រជាជាតិ បាននិយាយកាលពីថ្ងៃច័ន្ទ (២៣ តុលា) ថា មនុស្សជិត ២០.០០០នាក់ ត្រូវបានផ្លាស់ទីលំនៅពីខាងក្នុង នៅភាគខាងត្បូងប្រទេសលីបង់ និងកន្លែងផ្សេងទៀត ចាប់តាំងពីដើមខែតុលាមក ខណៈអំពើហិង្សាកំពុងកើនឡើងនៅតាមព្រំដែនប្រទេសលីបង់ រវាងក្រុមឧទ្ទាមហេសបូឡា និងអ៊ីស្រាអែល បន្ទាប់ពីការផ្ទុះនៃសង្រ្គាមនៅតំបន់ហ្កាហ្សា។អង្គការអន្តរជាតិសម្រាប់ការធ្វើអន្តោប្រវេសន៍ បាននិយាយថា មនុស្ស ១៩.៦៤៦នាក់ ត្រូវបានផ្លាស់ទីលំនៅនៅក្នុងប្រទេសលីបង់ ចាប់តាំងពីអង្គការនេះបានចាប់ផ្តើមតាមដានការបម្លាស់ទីលំនៅរបស់ប្រជាជន កាលពីថ្ងៃទី៨ ខែតុលាមក រយៈពេលមួយថ្ងៃបន្ទាប់ពីការវាយលុកលើអ៊ីស្រាអែល ដោយពួកសកម្មប្រយុទ្ធហាម៉ាស និងការវាយលុករបស់អ៊ីស្រាអែលលើតំបន់ហ្កាហ្សា។ ទីភ្នាក់ងារនេះបាននិយាយថា បម្លាស់ទីលំនៅភាគច្រើន គឺធ្វើឡើងដោយអ្នកដែលភៀសខ្លួនចេញពីភាគខាងត្បូងនៃប្រទេសលីបង់ ខណៈដែលមនុស្សមួយចំនួនក៏បានផ្លាស់ប្តូរទីលំនៅពីតំបន់ផ្សេងៗទៀតផងដែរ។ក្រុមឧទ្ទាមហេសបូឡា ដែលជាក្រុមប្រដាប់អាវុធដ៏ខ្លាំងមួយរបស់ប្រទេសលីបង់ បាននិងកំពុងមានការបាញ់ប្រហារគ្នាកាន់តែខ្លាំងឡើងៗជាមួយអ៊ីស្រាអែល នៅតាមព្រំដែន ក្នុងការកើនឡើងនៃជម្លោះដ៏អាក្រក់បំផុត ចាប់តាំងពីភាគីទាំងពីរបានប្រយុទ្ធគ្នាក្នុងសង្គ្រាមកាលពីឆ្នាំ២០០៦ មក៕

សហជីពកម្មករសម្ព័ន្ធយានយន្តអាមេរិក បន្តពង្រីកកូដកម្មប្រឆាំងនឹងរោងចក្រដំឡើងរថយន្ត

សហជីពកម្មករនៃសម្ព័ន្ធយានយន្តអាមេរិក (UAW) បានធ្វើកូដកម្មនៅរោងចក្រដំឡើងរថយន្តធំបំផុត ដែលជាក្រុមហ៊ុនមេរបស់រថយន្ត Chrysler គឺរោងចក្រ Stellantis កាលពីថ្ងៃចន្ទ (២៣ តុលា) ដោយវាយលុកផលិតកម្មរថយន្តភីកអាប់ប្រភេទ RAM 1500 ដែលរកបានចំណូលច្រើនបំផុតសម្រាប់ក្រុមហ៊ុនផលិតរថយន្តនេះ នៅក្នុងការពង្រីកដ៏ធំនៃកូដកម្មរយៈពេលជាងមួយខែរបស់ខ្លួន។សហជីពកម្មករ UAW ដែលកំពុងធ្វើកូដកម្មប្រឆាំងនឹងក្រុមហ៊ុនផលិតរថយន្តដ៏ធំទាំងបីរបស់អាមេរិក បានស្ដីបន្ទោសជុំវិញបញ្ហាការចេញតវ៉ាចុងក្រោយដោយកម្មករជាង ៦.៨០០នាក់ នៅរោងចក្រយានយន្តនៅទីក្រុងមីឈីហ្កាន់ (Michigan) នោះ ថាជាកំហុសរបស់រោងចក្រ Stellantis នេះ ដោយសារពួកគេមាន «សំណើដ៏អាក្រក់បំផុត» នៅលើតុចរចា ស្តីពីការដំឡើងប្រាក់ឈ្នួល ប្រាក់ឈ្នួលសម្រាប់កម្មករបណ្តោះអាសន្ន និងការប្តូរតំណែងកម្មរទៅជាបុគ្គលិកពេញម៉ោង ក៏ដូចជា ការកែតម្រូវប្រាក់ឧបត្ថម្ភថ្លៃជីវភាពផងដែរ។សមាជិកសហជីពជាង ៤០.០០០នាក់ ដែលធ្វើការនៅក្រុមហ៊ុនរថយន្ត Ford ក្រុមហ៊ុនយានយន្ត General Motors និងរោងចក្រដំឡើងយានយន្ត Stellantis ឥឡូវនេះ កំពុងធ្វើកូដកម្មចាប់តាំងពីការតវ៉ាបានចាប់ផ្តើមនៅថ្ងៃទី១៥ ខែកញ្ញា មក ដោយតួលេខនោះគឺប្រហែល ២៧% នៃកម្លាំងពលកម្មសរុបរបស់ក្រុមហ៊ុនផលិតរថយន្តដ៏ធំទាំងបីរបស់អាមេរិក ដែលជាផ្នែកនៃយុទ្ធនាការមិនធម្មតាមួយនៃកូដកម្មក្នុងពេលដំណាលគ្នាផងដែរ៕

ក្រុមជនអន្ធពាលបង្កភាពចលាចលក្នុងទីក្រុង បន្ទាប់ពីមេឧក្រិដ្ឋជនប្រេស៊ីលត្រូវបានសម្លាប់

យោងតាមក្រុមឧស្សាហកម្ម ដែលតំណាងឱ្យក្រុមហ៊ុនរថយន្តក្រុង បានឲ្យដឹងថា ក្រុមឧក្រិដ្ឋជនបានដុតរថយន្តក្រុងយ៉ាងហោចណាស់ ៣៥គ្រឿងនៅក្នុងទីក្រុងរីអូ ដេ យ៉ាណែរ៉ូ (Rio de Janeiro) នៅក្នុងប្រទេសប្រេស៊ីល ដែលបានបង្កភាពចលាចលតាមដងផ្លូវ កាលពីថ្ងៃចន្ទ (២៣ តុលា) បន្ទាប់ពីនគរបាលបានសម្លាប់មេឧក្រិដ្ឋកម្មនៅក្នុងប្រតិបត្តិការមួយ។ការវាយប្រហារលើរថយន្តក្រុងនេះ ត្រូវបានប្រមូលផ្តុំនៅភាគខាងលិចនៃទីក្រុង ដែលក្រុមឧក្រិដ្ឋជនជាគូប្រជែង កំពុងប្រយុទ្ធដើម្បីគ្រប់គ្រងទឹកដី។ យោងតាមនគរបាលបានឲ្យដឹងថា ហេតុការណ៍ទាំងនេះ បានកើតឡើងបន្ទាប់ពីប្រតិបត្តិការរបស់នគរបាលមួយ ដែលបានសម្លាប់ក្មួយប្រុសរបស់មេដឹកនាំកងជីវពលដ៏ធំបំផុតរបស់រដ្ឋនៅក្នុងប្រទេសប្រេស៊ីល។ក្រុមឧក្រិដ្ឋជន ឬហៅថាកងជីវពលរបស់ទីក្រុង រីអូ ដែលជាញឹកញាប់មានសមាសភាពពីមន្ត្រីនគរបាលបច្ចុប្បន្ន និងអតីតនេះ បានក្លាយជាការគំរាមកំហែងសន្តិសុខធំបំផុតមួយរបស់តំបន់។ ក្រុមជនអន្ធពាលទាំងនេះ ដើមឡើយត្រូវបានបង្កើតឡើងដើម្បីជាកងកម្លាំងស្វ័យការពារសម្រាប់សង្កាត់ក្រីក្រ ដែលរងការបំផ្លិចបំផ្លាញដោយក្រុមឧក្រិដ្ឋជនគ្រឿងញៀន ប៉ុន្តែឥឡូវនេះពួកគេបានរីករាលដាលក្លាយទៅជាក្រុមឧក្រិដ្ឋជន ដែលប្រតិបត្តិការនៅក្នុងឧក្រិដ្ឋកម្មខុសច្បាប់ជាច្រើនផ្សេងទៀតនៅក្នុងប្រទេសប្រេស៊ីល៕

រថភ្លើងបុកគ្នានៅបង់ក្លាដែស បណ្តាលឲ្យមនុស្សយ៉ាងហោចណាស់១៧នាក់ស្លាប់ និងច្រើននាក់រងរបួស

នគរបាលបាននិយាយថា មនុស្សយ៉ាងហោចណាស់១៧នាក់បានស្លាប់ និងច្រើននាក់ផ្សេងទៀតរងរបួស កាលពីថ្ងៃចន្ទ បន្ទាប់ពីរថភ្លើង២គ្រឿងបានបុកគ្នា នៅក្នុងប្រទេសបង់ក្លាដែស។រថភ្លើងដឹកអ្នកដំណើរ បានបុកជាមួយរថភ្លើងដឹកទំនិញ នៅក្នុងតំបន់ Bhairab មានចម្ងាយប្រមាណ៨០គីឡូម៉ែត្រ ភាគឦសានរដ្ឋធានី Dhaka ។ អធិការនគរបាលតំបន់ លោក Rasel Sheikh បានប្រាប់ប្រព័ន្ធផ្សព្វផ្សាយថា សាកសពយ៉ាងហោចណាស់១៧នាក់ត្រូវបានយកចេញពីកន្លែងកើតហេតុ ដែលកើនឡើងពីចំនួនអ្នកស្លាប់ត្រូវរាយការណ៍ដំបូងថាមានត្រឹមតែ១៣នាក់។អាជ្ញាធរបាននិយាយថារថភ្លើងដឹកទំនិញ បានបុករថភ្លើងដឹកអ្នកដំណើរពីក្រោយ ដោយបានធ្វើឲ្យខូចខាតទូរថភ្លើងចំនួន២។

ប្រទេសបូលីវី ផ្អាកសាលារៀន ខណៈផ្សែងចំហេះព្រៃគ្របដណ្តប់លើទីក្រុង Santa Cruz

តំបន់ទីក្រុង Santa Cruz ប្រទេសបូលីវី បានចេញការព្រមានពណ៌ក្រហមអំពីអនាម័យ និងបានឲ្យសាលារៀនផ្អាក កាលពីថ្ងៃចន្ទ បន្ទាប់ពីចំហេះព្រៃនៅទូទាំងតំបន់ បណ្តាលឲ្យមានការបំពុលបរិយាកាសធ្ងន់ធ្ងរ។ យោងតាមប្រព័ន្ធផ្សព្វផ្សាយក្នុងតំបន់បានឲ្យដឹងថា រដ្ឋាភិបាលទីក្រុង Santa Cruz បានចេញការព្រមានអំពីអនាម័យព័ណ៌ក្រហម ដោយសារតែគុណភាពខ្យល់ដ៏គ្រោះថ្នាក់បង្កឡើងដោយចំហេះព្រៃឆេះរាលដាលនៅក្នុងតំបន់សំបូរដោយសណ្តែកសៀង។ប្រព័ន្ធផ្សព្វផ្សាយបានរាយការណ៍ថា រដ្ឋមន្ត្រីក្រសួងអប់រំប្រទេសបូលីវី លោក Edgar Pary បានផ្អាកសាលារៀន នៅក្នុងទីក្រុង Santa Cruz ដើម្បីការពារកុមារ និងបានណែនាំដល់ពលរដ្ឋឲ្យពាក់ម៉ាស់។រដ្ឋាភិបាលក្នុងតំបន់ បានស្នើសុំឲ្យកសិករ បញ្ឈប់ការដុតធ្វើកសិកម្ម ជាការអនុវត្តន៍ផ្នែកកសិកម្ម ដែលប្រើប្រាស់ដើម្បីត្រៀមសម្រាប់ដីស្រែចំការក្នុងការសាបព្រោះ ខណៈត្រូវបានហាមឃាត់ចាប់តាំងពីថ្ងៃទី១ ខែសីហា។ យោងតាមប្រព័ន្ធផ្សព្វផ្សាយក្នុងតំបន់បានឲ្យដឹងថា ចាប់តាំងពីពេលនោះមក តំបន់នេះស្ថិតក្រោមការព្រមានព័ណ៌ក្រហម ដោយសារតែហានិភ័យនៃចំហេះព្រៃ។ បច្ចុប្បន្ននេះ មានចំហេះព្រៃ៥កន្លែង កំពុងឆេះរាលដាលនៅទីក្រុង Santa Cruz ។

រថយន្តដឹកជំនួយជាង៤០គ្រឿង កំពុងរង់ចាំនៅព្រំដែនដើម្បីចូលមកតំបន់ហ្កាហ្សា

អ្នកនាំពាក្យកម្មវិធីស្បៀងអាហារពិភពលោករបស់អង្គការសហប្រជាជាតិលោកស្រី Ali Zaki បាននិយាយកាលពីថ្ងៃចន្ទថា ទីភ្នាក់ងារមានរថយន្តដឹកជំនួយជាង៤០គ្រឿងកំពុងរង់ចាំនៅព្រំដែនរវាងប្រទេសអេហ្ស៊ីប និងតំបន់ហ្កាហ្សា ហើយបានរៀបចំសម្រាប់ពេលវេលាណាមួយ ដែលយើងអាចចូលទៅក្នុងតំបន់នេះម្តងទៀត។ កម្មវិធីស្បៀងអាហារពិភពលោក បានចែកត្រីខកំប៉ុង និងការផ្គត់ផ្គង់ស្បៀងអាហារផ្សេងទៀត នៅក្នុងតំបន់ហ្កាហ្សាដែលត្រូវបានហ៊ុមព័ទ្ធ ខណៈក្បួនរថយន្តដឹកជំនួយទី៣ បានចូលទៅច្រកឆ្លងកាត់តំបន់ Rafah។ ការដឹកជញ្ជូនជំនួយមនុស្សធម៌បានឆ្លងកាត់តំបន់Rafah កាលពីថ្ងៃសៅរ៍ បន្ទាប់ពីជម្លោះជុំវិញទម្រង់ការសម្រាប់ការពិនិត្យជំនួយ និងការទម្លាក់គ្រាប់បែកនៅផ្នែកក្នុងតំបន់ព្រំដែនហ្គាហ្សា ដែលបានបណ្តាលឲ្យសម្ភារៈជំនួយសង្គ្រោះ បានជាប់គាំងនៅក្នុងប្រទេសអេហ្ស៊ីប។Rafah គឺជា ច្រកឆ្លងកាត់ដ៏សំខាន់ នៅក្នុងនិងក្រៅតំបន់ហ្កាហ្សា ដែលមិនជាប់ព្រំដែនជាមួយប្រទេសអ៊ីស្រាអែល។ ចាប់តាំងពីប្រទេសអ៊ីស្រាអែល បានដាក់ការហ៊ុមព័ទ្ធទាំងស្រុងនៅតំបន់ហ៊ុមព័ទ្ធក្នុងការសងសឹកសម្រាប់ការវាយប្រហារធ្វើឡើងដោយក្រុមសកម្មប្រយុទ្ធហាម៉ាស់កាលពីថ្ងៃទី៧ ខែតុលា តំបន់Rafah បានក្លាយជាការផ្តោតយកចិត្តទុកដាក់ក្នុងកិច្ចប្រឹងប្រែងផ្តល់ជំនួយ។ មន្ត្រីអង្គការសហប្រជាជាតិ បាននិយាយថា រថយន្តដឹកជំនួយប្រមាណ១០០គ្រឿងនឹងត្រូវការជារៀងរាល់ថ្ងៃ ដើម្បីបំពេញតម្រូវការចាំបាច់នៅក្នុងតំបន់ហ្កហ្សា ជាទីស្នាក់នៅរបស់ពលរដ្ឋ២,៣លាននាក់ ហើយជាកន្លែងដែលការស្តុកទុកស្បៀងអាហារ ទឹក និងប្រេងឥន្ធនៈជិតអស់។

បណ្ដាញសង្គម

ព័ត៌មានថ្មីៗ

ពលរដ្ឋខេត្តកំពតជាង ៧០០០នាក់ ទទួលការព្យាបាលឥតគិតថ្លៃ ពីគ្រូពេទ្យស្ម័គ្រចិត្តឯកឧត្តម ហ៊ុន ម៉ានី

ឯកឧត្តម ហ៊ុន ម៉ានី៖ សម្តេចតេជោនឹងទទួលរ៉ាប់រងលើការព្យាបាលទាំងស្រុងដល់អ្នកគ្រូបង្រៀនដែលមានជំងឺតម្រង់នោមធ្ងន់ធ្ងរ ខណៈឯកឧត្តមផ្ទាល់នឹងបន្តតាមដានយ៉ាងយកចិត្តទុកដាក់

Inter Milan អបអរដង្ហែពានពានក្នុងស្រុកពីរនៅទីក្រុង Milan

មេដឹកនាំកំពូលកូរ៉េខាងជើង អំពាវនាវធ្វើឱ្យព្រំដែនជាមួយកូរ៉េខាងត្បូងក្លាយជាបន្ទាយដ៏រឹងមាំដើម្បីទប់ស្កាត់សង្គ្រាម

តេជោលីគ លើកទី៣ បើកការប្រកួតផ្លូវការ ខណៈស្នងការនគរបាលខេត្តស្វាយរៀង កំពុងនាំមុខ

[UPDATE] មនុស្ស២នាក់ស្លាប់ ម្នាក់បាត់ខ្លួន អគារដួលរលំ និងរាប់ពាន់នាក់ត្រូវបានជម្លៀស ក្នុងគ្រោះរញ្ជួយដីភាគនិរតីប្រទេសចិន

រដ្ឋមន្ត្រីក្រសួងព័ត៌មាន រម្លឹកយុវជនត្រូវប្រើប្រាស់បណ្តាញសង្គមឱ្យប្រុងប្រយ័ត្ន កុំចែករំលែកព័ត៌មានគ្មានប្រភពផ្លូវការ និងចូលរួមលុបបំបាត់ព័ត៌មានក្លែងក្លាយ ដើម្បីកុំឱ្យធ្លាក់ក្នុងអន្ទាក់នៃពិភពឌីជីថល

Bayern Munich អបអរជើងឯក Bundesliga លើកទី៣៥ នៅចំពោះមុខអ្នកគាំទ្ររាប់ពាន់នាក់

ពលរដ្ឋឃឺដរាប់ពាន់នាក់នៅប្រទេសទួរគី ធ្វើបាតុកម្មស្នើសុំឱ្យរដ្ឋាភិបាលពន្លឿនដំណើរការសន្តិភាព

លោក Netanyahu និយាយថា អ៊ីស្រាអែល បានសម្លាប់មេដឹកនាំក្រុមហាម៉ាស នៅតំបន់ហ្កាហ្សា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877