BTV NEWS

ចាប់ខ្លួនជនសង្ស័យ៥នាក់ពាក់ពន្ធ័ករណីចាប់ ឃុំឃាំង និងបង្ខាំងមនុស្សដោយខុសច្បាប់

សមត្ថកិច្ចខេត្តមណ្ឌលគិរី និងខេត្តសៀមរាប ឃាត់ខ្លួនជនបរទេសចំនួន១៦២នាក់ ក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យា

ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប

ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ

សន្តិសុខ និង សង្គម

ក្រុមបាតុករគាំទ្រប៉ាឡេស្ទីន តវ៉ានៅខាងក្រៅសេតវិមានទាមទារឲ្យបញ្ចប់សង្រ្គាមនៅហ្កាហ្សា

បាតុកររាប់ពាន់នាក់ ប្រឆាំងសង្គ្រាមនៅតំបន់ហ្កាហ្សា រៀបចំការប្រមូលផ្តុំគ្នា មានឈ្មោះថា "បន្ទាត់ក្រហម" នៅជិតសេតវិមានកាលពីថ្ងៃសៅរ៍ ៨ មិថុនា ដោយបញ្ចេញកំហឹងចំពោះអ្វីដែលពួកគេបាននិយាយថាគឺ ជាការអត់ឱនរបស់លោកប្រធានាធិបតីអាមេរិក Joe Biden ចំពោះយុទ្ធនាការយោធាបង្ហូរឈាមរបស់អ៊ីស្រាអែលប្រឆាំងក្រុមហាម៉ាស។ ដោយស្រែកថា "ពីឌីស៊ីទៅប៉ាឡេស្ទីន"From DC to Palestine, យើងជាបន្ទាត់ក្រហម" ក្រុមបាតុករបានកាន់បដាដ៏វែងមួយតំណាងឲ្យឈ្មោះជនជាតិប៉ាឡេស្ទីនដែលត្រូវបានសម្លាប់ដោយកងកម្លាំងអ៊ីស្រាអែល ខណៈការប្រយុទ្ធគ្នាបានឈានចូលដល់ខែទី៨ហើយ។ លោក Biden បានប្រឈមនឹងការរិះគន់ចំពោះតួនាទីតុល្យភាពលើសកម្មភាពរបស់សម្ព័ន្ធមិត្តសំខាន់របស់អ៊ីស្រាអែលក្នុងជម្លោះនេះ។សេតវិមានបាននិយាយកាលពីខែឧសភាថា ការវាយប្រហារដ៏សាហាវរបស់អ៊ីស្រាអែលទៅលើទីក្រុង រ៉ាហ្វា ពុំបានឆ្លង "បន្ទាត់ក្រហម" ទេ ដែលលោក Biden ទំនងជាបានកំណត់កាលពីពីរខែមុន នៅពេលត្រូវបានសួរអំពីការលុកលុយដ៏មហន្តរាយលើទីក្រុងភាគខាងត្បូងមួយនេះរបស់ដែនដីហ្កាហ្សា។ អ្នកតវ៉ាវ័យ២៥ ឆ្នាំឈ្មោះ ហ្សេដ ហាដាវី ( Zaid Mahdawi) មកពីរដ្ឋវើជីនៀ (Virginia) ដែលមានឪពុកម្តាយជាជនជាតិប៉ាឡេស្ទីនបាននិយាយថា ខ្ញុំលែងជឿពាក្យដែល លោក Joe Biden និយាយទៀតហើយ៕

អ៊ីស្រាអែល ជួយសង្គ្រោះចំណាប់ខ្មាំងបួននាក់ ក្នុងការវាយឆ្មក់ដែលក្រុមហាម៉ាសអះអាងថា បានសម្លាប់មនុស្ស២១០នាក់

កងកម្លាំងអ៊ីស្រាអែលបានជួយសង្គ្រោះចំណាប់ខ្មាំងបួននាក់ដែលក្រុមហាម៉ាសបានឃុំខ្លួន ចាប់តាំងពីខែតុលា ក្នុងការវាយឆ្មក់នៅតំបន់ហ្កាហ្សាកាលពីថ្ងៃសៅរ៍ ៨ មិថុនា ដែលក្រុមមន្ត្រីប៉ាឡេស្ទីនបាននិយាយថាបានសម្លាប់មនុស្សជាង ២០០នាក់ មួយក្នុងចំណោមការវាយលុករបស់អ៊ីស្រាអែលដ៏បង្ហូរឈាមបំផុត នៃសង្គ្រាមរយៈពេល៨ខែ។ ប្រតិបត្តិការជួយសង្គ្រោះចំណាប់ខ្មាំង និងការវាយលុកតាមអាកាសដ៏ខ្លាំងក្លាមួយបានកើតឡើងនៅ ទីក្រុង នូសេរ៉ាត់ (al-Nuseirat)កណ្ដាលដែនដី ហ្កាហ្សា ជាតំបន់តែងមានការប្រយុទ្ធគ្នាជាញឹកញាប់នៅក្នុងជម្លោះរវាងអ៊ីស្រាអែល និងក្រុមសកម្មប្រយុទ្ធហាម៉ាស គ្រប់គ្រងដែនដីប៉ាឡេស្ទីន។ អ្នកនាំពាក្យយោធាអ៊ីស្រាអែលបាននិយាយថា ប្រតិបត្តិការនេះបានធ្វើឡើងនៅចំកណ្ដាលនៃតំបន់ លំនៅដ្ឋានមួយក្នុងទីក្រុង នូសេរ៉ាត់ ជាទីដែលក្រុមហាម៉ាស បានឃុំឃាំងចំណាប់ខ្មាំងនៅក្នុង អឹផាតមិនពីរដាច់ដោយឡែកពីគ្នា។ អ្នកនាំពាក្យ យោធាអ៊ីស្រាអែល លោក ឧត្តមនាវីទោ Daniel Hagari បាននិយាយថា កងកម្លាំងរបស់អ៊ីស្រាអែល បានទទួលរងនូវការបាញ់ប្រហារយ៉ាងខ្លាំងក្លា ក្នុងអំឡុងពេលវាយប្រហារ ហើយបានឆ្លើយតបដោយការបាញ់ពីលើអាកាស និងពីផ្លូវ។ លោកបាននិយាយនៅក្នុងសន្និសីទសារព័ត៌មានខ្លីមួយជាមួយអ្នកសារព័ត៌មានថា យើងដឹងពីជនជាតិប៉ាឡេស្ទីនស្លាប់ និងរបួសតិចជាង ១០០ នាក់ ។ លោកពុំបានដឹងថា តើមានភេរវករប៉ុន្មាននាក់ទេ។ សេចក្តីថ្លែងការណ៍របស់នគរបាលបាននិយាយថា មេបញ្ជាការកងកម្លាំងពិសេសអ៊ីស្រាអែលម្នាក់ត្រូវបានសម្លាប់ក្នុងអំឡុងពេលប្រតិបត្តិការនោះ៕

ជនសង្ស័យត្រូវចាប់ខ្លួនបាន បន្ទាប់ពីបានវាយប្រហារលើនាយករដ្ឋមន្រ្ដីដាណឺម៉ាក ក្នុងក្រុងកូប៉េនហាក

ការិយាល័យរបស់លោកស្រី បាននិយាយានៅក្នុងសេចក្ដីថ្លែងការណ៍កាលពីថ្ងៃសុក្រទី ៧មិថុនាថា នាយករដ្ឋមន្រ្ដីដាណឺម៉ាក លោកស្រី ម៉េតេ ហ្រ្វេដេរីកសិន (Mette Frederiksen) បានរងរបួសស្រាលត្រង់កញ្ចឹងក បន្ទាប់ពីលោកស្រី ត្រូវបានគេវាយប្រហារនៅទីក្រុងកូប៉េនហាក ភាគកណ្តាល កាលពីថ្ងៃសុក្រកន្លងទៅ។ការិយាល័យរបស់លោកស្រី បាននិយាយកាលពីថ្ងៃសៅរ៍ថា លោកស្រី ហ្វេដេរីកសិន (Frederiksen) មានសុវត្ថិភាព និងស្ងប់ស្ងៀម ប៉ុន្ដែបានតក់ស្លត់ បន្ទាប់ពីហេតុការណ៍នេះមក និងបានបានទៅដល់មន្ទីរពេទ្យ ដោយមានការប្រុងប្រយ័ត្នជាមុន។កម្មវិធីផ្លូវការទាំងអស់របស់នាយករដ្ឋមន្រ្ដី កាលពីថ្ងៃសៅរ៍ ត្រូវបានលុបចោល។សមត្ថកិច្ចដាណឺម៉ាក បាននិយាយថា បុរសម្នាក់អាយុ៣៩ឆ្នាំ នឹងត្រូវបង្ហាញមុខ នៅចំពោះមុខតុលាការដើម្បីសាកសួរជំហានបឋមដែលទាក់ទងនឹងការវាយប្រហារលើនាយករដ្ឋមន្រ្ដី។ទាំងសមត្ថកិច្ច ទាំងការិយាល័យរបស់នាយករដ្ឋមន្រ្ដី មិនបានធ្វើអត្ថាធិប្បាយអំពី សកម្មភាពដែលជំរុញឱ្យបុរសនោះប្រព្រឹត្តសកម្មភាពឬ ថាតើបុរសនោះ បានប្រើប្រាស់អាវុធដែរឬយ៉ាងណានោះទេ ។ការវាយប្រហារនេះ បានកើតឡើងពីរថ្ងៃ មុនពេលដែលជនជាតិដាណឺម៉ាក ចេញទៅបោះឆ្នោតនៅក្នុងការបោះឆ្នោតសហភាពអឺរ៉ុប៕អត្ថបទ មករា

នគរបាលខេត្តឧត្តរមានជ័យ បន្តប្រតិបត្តិការឃាត់ខ្លួនក្រុមក្មេងទំនើងប្រដាប់ដោយកាំបិតខ្វែវ និងកាំបិតប៉័ងតោចំនួន៥នាក់

ឧត្តរមានជ័យ៖ ដោយមានការចង្អុលបង្ហាញផ្ទាល់ពីលោកឧត្តមសេនីយ៍ទោ ខូវ លី ស្នងការ នៃស្នងការដ្ឋាននគរបាលខេត្តឧត្តរមានជ័យ លោកវរសេនីយ៍ឯក ហម ភិរម្យ អធិការនគរបាលក្រុងសំរោង បានដឹកនាំកម្លាំងជំនាញផែនការងារនគរបាលយុត្តិធម៌ និងកម្លាំងប៉ុស្តិ៍នគរបាលរដ្ឋបាលអូរស្មាច់ សហការជាមួយកម្លាំងការិយាល័យនគរបាលព្រហ្មទណ្ឌកម្រិតស្រាល ចុះធ្វើការស្រាវជ្រាវកំណត់បានមុខសញ្ញាឈានដល់ការចាប់ឃាត់ខ្លួនក្មេងទំនើងចំនួន ០៥នាក់ និងដកហូតបានវត្ថុតាង មានកាំបិតខ្វែវ០២ និងកាំបិតប៉័ងតោ០១ ដែលបានធ្វើសកម្មភាព។ក្មេងទំនើងទាំង០៥នាក់ មានឈ្មោ១-ឈ្មោះ ណុង ណយ ហៅ ថា មករា ភេទប្រុស អាយុ ១៧ឆ្នាំ មានទីលំនៅភូមិចំការចេក សង្កាត់អូរស្មាច់ ក្រុងសំរោង។ ២-ឈ្មោះ បូ ម៉ិញទី ហៅ ផាត់ ភេទប្រុស អាយុ ១៩ឆ្នាំ មានទីលំនៅភូមិអូរស្មាច់ សង្កាត់អូរស្មាច់ ក្រុងសំរោង។ ៣-ឈ្មោះ ចាន់ ចំរើន ភេទប្រុស អាយុ ១៧ឆ្នាំ មានទីលំនៅភូមិចំការចេក សង្កាត់អូរស្មាច់ ក្រុងសំរោង។ ៤-ឈ្មោះ ម៉ិច សុភី ហៅ ភ្លោះ ភេទប្រុស អាយុ ១៧ឆ្នាំ មានទីលំនៅភូមិរួចចំប៉ី សង្កាត់អូរស្មាច់ ក្រុងសំរោង។ ៥-ឈ្មោះ វ៉ាង ស៊ីហៃ ភេទប្រុស អាយុ ១៧ឆ្នាំ មានទីលំនៅភូមិគិរីមង្គល សង្កាត់អូរស្មាច់ ក្រុងសំរោង។សូមបញ្ជាក់ថា នៅថ្ងៃទី០៨ ខែមិថុនា ឆ្នាំ២០២៤នេះវេលាម៉ោងប្រហែល ០២:០០នាទី នៅចំណុចផ្លូវលេខ២ ស្ថិតក្នុងភូមិគិរីមង្គល សង្កាត់អូរស្មាច់ ក្រុងសំរោង ខេត្តឧត្តរមានជ័យ មានកើតករណី ហិង្សាដោយចេតនាមានស្ថានទម្ងន់ទោស បង្កឡើងដោយក្រុមក្មេងទំនើងខាងលើ ដែលប្រដាប់ដោយកាំបិតខ្វែវ និងកាំបិតប៉័ងតោ បាននាំគ្នាធ្វើសកម្មភាពព្រួតកាប់ទៅលើជនរងគ្រោះឈ្មោះ ធី ហុងដា ភេទប្រុស អាយុ ២៦ឆ្នាំ មានទីលំនៅភូមិគិរីមង្គល សង្កាត់អូរស្មាច់ ក្រុងសំរោង មុខរបរ ជាកម្មករ ជាច្រើនកាំបិត បណ្ដាលធ្វើឲ្យជនរងគ្រោះបានរងរបួសធ្ងន់ធ្ងរបន្ទាប់មកក្រុមក្មេងទំនើងខាងលើក៏បាននាំគ្នាជិះម៉ូតូរត់គេចខ្លួនបាត់អស់ តែអស់ល័ក្ខត្រូវសមត្ថកិច្ចក្របួចបានភ្លាមៗនោះដែរ។បច្ចុប្បន្នវត្ថុតាង និងជនសង្ស័យទាំង ០៥នាក់ខាងលើ ត្រូវបានសមត្ថកិច្ចបញ្ជូនទៅកាន់ស្នងការដ្ឋាននគរបាលខេត្តឧត្ដរមានជ័យ ដើម្បីធ្វើការសាកសួរ និងកសាងសំណុំរឿងបន្តតាមនីតិវិធីច្បាប់៕

សមត្ថកិច្ចបើកប្រតិបត្តិការបង្ក្រាបមុខសញ្ញាគ្រឿងញៀន ជនសង្ស័យបាញ់តប ត រួចបាញ់សម្លាប់ខ្លួនឯង

មុខសញ្ញាជួញដូរគ្រឿងញៀន ដែលបានបាញ់តបតគ្នា ក្នុងរង្វង់ប្រតិបត្តិបង្ក្រាបរបស់សមត្ថកិច្ចនៅម្តុំផ្សារសុំាហាន់ កាលពីរសៀលថ្ងៃទី០៧ ខែមិថុនា ឆ្នាំ២០២៤ម្សិលមិញ បានបាញ់សម្លាប់ខ្លួនឯង បន្ទាប់ពីអស់ជម្រើស ក្នុងការរត់គេច ។ លោកឧត្តមសេនីយ៍ឯក ឃឹង សារ៉ាត់ នាយកមន្ទីរប្រឆាំងគ្រឿងញៀន នៃអគ្គស្នងការដ្ឋាននគរបាលជាតិ បានបញ្ជាក់ប្រាប់ BTV តាមរយះទូរស័ព្ទនាវេលាព្រឹកថ្ងៃទី០៨ ខែមិថុនា ឆ្នាំ២០២៤នេះឱ្យដឹងថា ជនសង្ស័យខាងលើនេះ គឺជាមុខសញ្ញាធ្លាប់ជាប់ពន្ធនាគារ ពាក់ព័ន្ធនឹងការជួញដូរអាវុធដោយខុសច្បាប់ ហើយក៏ទើបតែចេញពីពន្ធនាគារផងដែរ ។ លោកបន្តថា ជនសង្ស័យជាមុខសញ្ញាចាស់ ដែលកម្លាំងជំនាញបើកការស្រាវជ្រាវតាមចាប់ខ្លួនមករហូត ពាក់ព័ន្ធនឹងគ្រឿងញៀន ។លោកឧត្តមសេនីយ៍ប្រធានមន្ទីរ បានបន្ថែមថា ៖ នៅក្នុងរង្វង់ប្រតិបត្តិការនេះ សមត្ថកិច្ចក៏បានធ្វើការឃាត់ខ្លួនជនសង្ស័យជាបក្សពួករបស់មុខសញ្ញាគ្រឿងញៀនខាងលើបានបន្ថែមផងដែរ ប៉ុន្តែលោកឧត្តមសេនីយ៍មិនបានបញ្ជាក់ពីចំនួនមនុស្សនោះឡើយ ដោយបច្ចុប្បន្នកំពុងកម្លាំងជំនាញរបស់លោកកំពុងបន្តកិច្ចការងារនេះ ។ ជនសង្ស័យមានឈ្មោះ ហុំ បូរិន ភេទប្រុស អាយុជាង៤៣ឆ្នាំ ។ ហើយចំពោះអាវុធខ្លីដែលរូបគេប្រើប្រាស់ក្នុងការបាញ់តបត គឺម៉ាក G-Lock 19 មាន០៧គ្រាប់ក្នុងបង់ ត្រូវបានបាញ់ទាំងអស់ផងដែរ។ គួររំលឹកថា កាលពីរសៀលថ្ងៃទី០៧ ខែមិថុនា ឆ្នាំ២០២៤ កម្លាំងសមត្ថកិច្ច នៃមន្ទីរប្រឆាំងគ្រឿងញៀន អគ្គស្នងការដ្ឋាននគរជាតិ ដឹកនាំបញ្ជារផ្ទាល់ដោយលោកឧត្តមសេនីយ៍ ឃឹង សារ៉ាត់ ប្រធានមន្ទីរ សហការជាមួយកម្លាំងនគរបាលរាជធានីភ្នំពេញ បានបើកការចុះបង្ក្រាបមុខសញ្ញាជួញដូរគ្រឿងញៀនដ៏ខាងលើ រហូតឈានដល់ការបាញ់តបតគ្នាទៅមក ។ ប្រតិបត្តិការបង្ក្រាបដ៏ក្តៅរបស់សមត្ថកិច្ច បានធ្វើឡើងនៅចំណុចបន្ទប់ផ្ទះជួលមួយកន្លែង ក្បែរផ្សារសុំាហាន់ ស្ថិតក្នុងភូមិបាក់ទូក សង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ ។ យោងតាមប្រភពព័ត៌មាន ដំបូងឡើយ សមត្ថកិច្ចជំនាញ នៃមន្ទីរប្រឆាំងគ្រឿងញៀន បានបើកការស្រាវជ្រាវកំណត់បានច្បាស់ពីទីតាំងរបស់ក្រុមជនសង្ស័យ រួចក៏បានចុះទៅដល់ទីតាំងបន្ទប់ជួលកើតហេតុ ដើម្បីធ្វើការបង្ក្រាប ប៉ុន្តែកំឡុងពេលនោះ ជនសង្ស័យបានដឹងខ្លួន ក៏បានធ្វើសកម្មភាពបាញ់ស្រោចជាច្រើនគ្រាប់ទៅកាន់កម្លាំងសមត្ថកិច្ច ជាហេតុធ្វើឱ្យសមត្ថកិច្ចប្រើសិទ្ធិស្វ័យការពារខ្លួន ក៏បានបាញ់តបទៅវិញ តែមិនមាននណារម្នាក់រងរបួសនោះឡើយ ។ បន្ទាប់ពីមានការបាញ់តបតភ្លាមៗ កម្លាំងសមត្ថកិច្ច បានសហការគ្នា បើកប្រតិបត្តិការទ្រង់ទ្រាយធំ ឡោមព័ទ្ធតំបន់នៅជុំវិញផ្ទះរបស់ជនសង្ស័យ ដើម្បីធ្វើការបង្ក្រាប ។ ទន្ទឹមនឹងការឡោមព័ទ្ធ ដងផ្លូវគ្រប់ច្រកល្ហកនៅជុំវិញតំបន់នោះ ត្រូវបានសមត្ថកិច្ចបិទលំហូរចរាចរណ៍ធ្វើដំណើរទាំងស្រុង និងបានណែនាំឱ្យពលរដ្ឋមានលំនៅឋានក្បែរនោះ ចូលទៅផ្ទះរៀងៗខ្លួនដើម្បីសុវត្ថិភាព។ ប្រតិបត្តិការ បានអូសបន្លាយពេលជាច្រើនម៉ោង ដោយសមត្ថកិច្ចបានបន្តការឡោមព័ទ្ធ និងបានត្រៀមកម្លាំងជំនាញ ( ក្រុមឈុតខ្មៅ ) ដើម្បីចូលទៅបង្ក្រាប ប៉ុន្តែមិនមានការបាញ់តបតគ្នានោះឡើយ។ លុះនៅវេលាម៉ោង១៧ និង៣០នាទីល្ងាចថ្ងៃខែដដែល កម្លាំងសមត្ថកិច្ចបានបុកទម្លុះចូលបន្ទប់ជនសង្ស័យដើម្បីបង្ក្រាប ប៉ុន្តែពេលចូលទៅដល់ក្នុងនោះ ក៏ស្រាប់តែប្រទះឃើញ ជនសង្ស័យដេកស្លាប់ក្នុងថ្លុកឈាម ដោយការបាញ់សម្លាប់ខ្លួនឯង ប៉ុន្តែមិនដឹង បាញ់តាំងពីពេលណានោះឡើយ។ ក្នុងការបង្ក្រាបនេះ សមត្ថកិច្ចក៏បានធ្វើការដកហូតបានថ្នាំញៀនមួយចំនួន រួមជាមួយវត្ថុតាងបទល្មើសជាច្រើនផ្សេងទៀតផងដែរ នៅក្នុងបន្ទប់របស់ជនសង្ស័យ ដោយវត្ថុតាងទាំងអស់ ត្រូវបានបញ្ចូនទៅមន្ទីរប្រឆាំងគ្រឿងញៀន ដើម្បីបន្តនីតិវិធី៕ អត្ថបទ ៖ លីហេង

ទាហានអ៊ីស្រាអែល បានរកឃើញច្រកចូលផ្លូវរូងក្រោមដីរបស់ក្រុមហាម៉ាស នៅក្នុងទីក្រុងរ៉ាហ្វា

ទាហានអ៊ីស្រាអែល បានរកឃើញច្រកចូលផ្លូវរូងក្រោមដីរបស់ក្រុមហាម៉ាស នៅក្នុងបន្ទប់គេងរបស់កុមារក្នុងទីក្រុងរ៉ាហ្វា កាលពីថ្ងៃព្រហស្បតិ៍។កងកម្លាំងការពារអ៊ីស្រាអែល (IDF) និយាយថា ខ្លួនបានរកឃើញឃ្លាំងអាវុធ និងគ្រឿងផ្ទុះពីផ្លូវរូងក្រោមដីនោះ។ ប្រតិបត្តិការនេះ គឺចុងក្រោយបង្អស់នៃអ្វីដែលអ៊ីស្រាអែលហៅថា ជា «ប្រតិបត្តិការកំណត់គោលដៅជាក់លាក់ដែលលើផ្អែកលើព័ត៌មានចារកម្ម នៅខាងក្នុងទីក្រុងរ៉ាហ្វា។កងកម្លាំងការពារអ៊ីស្រាអែល (IDF) បានបញ្ជាក់នៅក្នុងសេចក្តីថ្លែងការណ៍មួយថា៖«ក្នុងសប្តាហ៍នេះ កងទ័ព បានរកឃើញកំណាត់ផ្លូវរូងក្រោមដីមួយ នៅខាងក្នុងបន្ទប់គេងរបស់កុមារ និងកាំបិតរបស់អ្នកកាប់សម្លាប់ នៅជាប់នឹងវា។ លើសពីនេះទៅទៀតនោះ កងទ័ពបានកំណត់អត្តសញ្ញាណភេរវករចំនួន ៦នាក់នៅជិតសាលារៀនមួយ នៅក្នុងតំបន់របស់កងទ័ព។ ក្រុមភេរវករ ត្រូវបានសម្លាប់ដោយយានអាកាសគ្មាននុស្សបើក (UAV) និងរថក្រោះ។ រូបភាពដែលចេញផ្សាយដោយ IDF បង្ហាញពីកងទ័ពដែលកំពុងប្រតិបត្តិការ នៅក្នុងបរិវេណទីក្រុងទីក្រុង រ៉ាហ្វាដែលមានរស់នៅយ៉ាងច្រើន។ រូបភាពជាច្រើនក៏បង្ហាញពីឃ្លាំងផ្ទុកអាវុធ គ្រឿងផ្ទុះ និងគ្រឿងបរិក្ខារផ្សេងទៀត ដែលទាហានបានរកឃើញក្នុងអំឡុងពេលប្រតិបត្តិការ។ព័ត៌មាននៃប្រតិបត្តិការនេះ កើតមានក្នុងថ្ងៃតែមួយ ដែលការវាយប្រហាររបស់អ៊ីស្រាអែល បានសម្លាប់ ភេរវករហាម៉ាស និងជីហាដឥស្លាម ដែលលាក់ខ្លួននៅសាលារៀនរបស់អង្គការសហប្រជាជាតិសម្រាប់ជនភៀសខ្លួនប៉ាឡេស្ទីន នៅកណ្តាលតំបន់ហ្កាហ្សា។ មន្ត្រីមូលដ្ឋាននិយាយថា ការវាយប្រហារនោះ បានសម្លាប់មនុស្សជាង ៣០នាក់ ក្នុងនោះមានស្ត្រី និងកុមារ ២៣នាក់។

ការវិភាគ៖ចំនួនការស្លាប់ស្ត្រី និងកុមារនៅហ្កាហ្សា បានធ្លាក់ចុះ ខណៈចំនួនអ្នកស្លាប់សរុបបន្តកើនឡើង

សមាមាត្រនៃតួលេខស្ត្រី និងកុមារប៉ាឡេស្ទីន ដែលត្រូវបានសម្លាប់នៅក្នុងសង្គ្រាមអ៊ីស្រាអែល និងក្រុមហាម៉ាស ហាកដូចជាបានធ្លាក់ចុះយ៉ាងខ្លាំង នេះបើតាមការវិភាគរបស់សារព័ត៌មាន AP លើទិន្នន័យរបស់ក្រសួងសុខាភិបាលហ្កាហ្សា ដែលការរកឃើញនេះស្របគ្នានឹងការផ្លាស់ប្តូរយុទ្ធសាស្ត្រសមរភូមិរបស់អ៊ីស្រាអែល ប៉ុន្តែផ្ទុយនឹងសេចក្តីថ្លែងការណ៍ជាសាធារណៈរបស់ក្រសួងសុខាភិបាលដែលកាន់កាប់ដោយក្រុមហាម៉ាស។ ការរកឃើញនេះមានសារៈសំខាន់ណាស់ ដោយសារអត្រាមរណភាពរបស់ស្ត្រី និងកុមារ គឺជាតួលេខតំណាងដែលអាចប្រើបានដ៏ល្អបំផុតសម្រាប់ជនរងគ្រោះស៊ីវិលនៅក្នុងជម្លោះដ៏បំផ្លិចបំផ្លាញបំផុតមួយក្នុងសតវត្សទី២១។ កាលពីខែតុលា នៅពេលដែលសង្រ្គាមបានចាប់ផ្តើម តួលេខការស្លាប់ស្រី្ត និងកុមារលើសពី ៦០ ភាគរយ ខណៈនៅខែមេសា មានទាបជាង ៤០ ភាគរយប៉ុណ្ណោះ ប៉ុន្តែការផ្លាស់ប្តូរនេះមិនត្រូវបានគេកត់សម្គាល់ឡើយអស់រយៈពេលជាច្រើនខែ ដោយអង្គការសហប្រជាជាតិ និងប្រព័ន្ធផ្សព្វផ្សាយជាច្រើន ព្រមទាំងក្រសួងសុខាភិបាលដែលគ្រប់គ្រងដោយក្រុមហាម៉ាស មិនបានប្រឹងប្រែងបញ្ជាក់កំណត់ត្រាឱ្យច្បាស់នោះទេ។អ៊ីស្រាអែល ប្រឈមមុខនឹងការរិះគន់យ៉ាងខ្លាំងពីអន្តរជាតិជុំវិញកម្រិតនៃការស្លាប់ជនស៊ីវិលដែលមិនធ្លាប់មានពីមុនមកនៅក្នុងតំបន់ហ្កាហ្សា និងសំណួរអំពីថា តើប្រទេសនេះបានធ្វើគ្រប់គ្រាន់ឬទេ ដើម្បីការពារជនស៊ីវិលនៅក្នុងសង្គ្រាមរយៈពេល ៨ ខែ ដែលគ្មានសញ្ញាបញ្ចប់ ខណៈការវាយប្រហារផ្លូវអាកាសថ្មីៗចំនួនពីរលើកនៅហ្កាហ្សា បានសម្លាប់ជនស៊ីវិលរាប់សិបនាក់បន្ថែមទៀត។ដោយភាពតានតឹងនៃការប្រយុទ្ធគ្នាបានថយចុះខ្លះ ចំនួនអ្នកស្លាប់នៅតែបន្តកើនឡើង ប៉ុន្តែក្នុងអត្រាយឺតជាងមុន ហើយមានជនស៊ីវិលស្លាប់តិចជាងមុន។ ទិន្នន័យថ្មីបំផុតរបស់ក្រសួងសុខាភិបាលហ្កាហ្សា បង្ហាញថា នៅក្នុងខែមេសា ស្ត្រី និងកុមារមានចំនួន ៣៨ ភាគរយនៃការស្លាប់ថ្មី ហើយត្រូវបានកំណត់អត្តសញ្ញាណច្បាស់លាស់៕

មនុស្សជាង ១០០ នាក់ បានស្លាប់ក្នុងការវាយប្រហាររបស់កងកម្លាំង RSF នៅភាគកណ្តាលស៊ូដង់

ក្រុមអ្នកស្រុកក្នុងតំបន់ដែលមានឈ្មោះ «គណៈកម្មាធិការតស៊ូ» បាននិយាយកាលពីថ្ងៃព្រហស្បតិ៍ (០៦ មិថុនា) ថា មនុស្សជាង ១០០ នាក់ ត្រូវបានសម្លាប់នៅក្នុងការវាយប្រហារដោយកងកម្លាំងគាំទ្ររហ័សយោធាប៉ារ៉ា (RSF) លើភូមិមួយនៅភាគកណ្តាលរដ្ឋ ហ្កេហ្ស៊ីរ៉ា (Gezira) នៃប្រទេសស៊ូដង់។កងទ័ពស៊ូដង់ (SAF) ប្តេជ្ញាថានឹងឆ្លើយតបយ៉ាងតឹងរ៉ឹងចំពោះការវាយប្រហាររបស់កងកម្លាំង RSF នេះ ដែលធំបំផុតក្នុងចំណោមការវាយប្រហាររាប់សិបលើកដោយទាហាន RSF លើភូមិតូចៗនៅទូទាំងរដ្ឋកសិកម្មមួយនេះ បន្ទាប់ពីខ្លួនបានកាន់កាប់រដ្ឋធានី វ៉ាដ ម៉ាដានី (Wad Madani) របស់រដ្ឋនេះ ក្នុងខែធ្នូ។ អ្នកនាំពាក្យអង្គការសហប្រជាជាតិ លោក ស្ទេហ្វាន ឌូចារីស (Stephane Dujarric) បាននិយាយថា អគ្គលេខាធិការអង្គការសហប្រជាជាតិ លោក អង់តូនីញ៉ូ ហ្គុយតឺរ៉េស (Antonio Guterres) បានថ្កោលទោសយ៉ាងខ្លាំងចំពោះការវាយប្រហារនេះ ហើយបានអំពាវនាវឱ្យមានការស៊ើបអង្កេត។ គណៈកម្មាធិការតស៊ូបាននិយាយនៅក្នុងសេចក្តីថ្លែងការណ៍មួយថា ចំនួនអ្នកស្លាប់អាចកើនឡើង «ដោយសារមានអ្នករបួសជាច្រើន ដោយខ្លះទៀតរងរបួសយ៉ាងធ្ងន់ធ្ងរ» នៅក្នុងការវាយប្រហារដែលបានកើតឡើងនៅក្នុងភូមិ វ៉ាដ អាល់-នួរ៉ា (Wad Al-Noura)។ប្រទេសស៊ូដង់ បាននិងកំពុងមើលឃើញការប៉ះទង្គិចគ្នាយ៉ាងបង្ហូរឈាមរវាងកងទ័ពស៊ូដង់ SAF និងកងកម្លាំងគាំទ្ររហ័ស RSF នៅទូទាំងប្រទេសចាប់តាំងពីថ្ងៃទី១៥ ខែមេសា ឆ្នាំ២០២៣។ ការប៉ះទង្គិចគ្នាទាំងនេះបានឆក់យកជីវិតមនុស្សជាង ១៥.៥០០នាក់ និងមនុស្សជាង ៨,៨ លាននាក់បានផ្លាស់ទីលំនៅនៅទូទាំងប្រទេស នេះបើយោងតាមការប៉ាន់ប្រមាណនាពេលថ្មីៗនេះដោយការិយាល័យអង្គការសហប្រជាជាតិសម្រាប់ការសម្របសម្រួលនៃ កិច្ចការមនុស្សធម៌ (UNOCHA) ដោយមិនរាប់បញ្ជូលការវាយប្រហារថ្មីនេះ៕

យោធា៖ អ៊ុយក្រែន បានបាញ់ទម្លាក់ ២២គ្រឿងក្នុងចំណោមយានដ្រូនចំនួន ២៧គ្រឿងរបស់រុស្ស៊ី

កងកម្លាំងអាកាសអ៊ុយក្រែន បាននិយាយថា ខ្លួនបានបាញ់ទម្លាក់យានដ្រូនប្រភេទ Shahed ចំនួន ២២ គ្រឿងក្នុងចំណោមយានដ្រូន ២៧គ្រឿង ដែលបានបាញ់បង្ហោះពីលើតំបន់ចំនួន ៥របស់អ៊ុយក្រែន ក្នុងការវាយប្រហារ នៅពេលយប់របស់ប្រទេសរុស្ស៊ី កាលពីថ្ងៃពុធ។អភិបាលតំបន់លោក Filip Pronin បាននិយាយនៅលើកម្មវិធីផ្ញើសារ Telegram ថា ការវាយប្រហារនេះបានបំផ្លាញរោងចក្រឧស្សាហកម្មមួយ និងធ្វើឲ្យមនុស្សម្នាក់ រងរបួស នៅក្នុងតំបន់Poltava។ លោកបាននិយាយថា យោធាអ៊ុយក្រែន បានកម្ទេចយានដ្រូន ចំនួន៦គ្រឿង ពីខាងលើតំបន់ភាគខាងត្បូងនៃក្រុង Mykolaiv។ លោកបានបន្ថែមថា បំណែករបស់យានដ្រូនមួយគ្រឿង បានបំផ្លាញផ្ទះឯកជនមួយខ្នង និងបានបណ្តាលឲ្យខូចខាតផ្ទះប្រហែល ១០ខ្នងផ្សេងទៀត ប៉ុន្តែមិនមានអ្នករងរបួសណាម្នាក់ ត្រូវបានគេរាយការណ៍ឡើយ។អភិបាលតំបន់ បាននិយាយថា យានដ្រូនចំនួន ៤គ្រឿង ត្រូវបានគេបាញ់ទម្លាក់ នៅពីខាងលើតំបន់ (Kherson) ភាគខាងត្បូង និង ៤គ្រឿងទៀត នៅកណ្តាលតំបន់ Dnipropetrovsk។ការវាយប្រហារនោះ ក៏បានកំណត់គោលដៅទៅលើតំបន់Sumyភាគខាងជើង ដោយមិនមានព័ត៌មានលម្អិតអំពីការខូចខាតដែលត្រូវបានរាយការណ៍ដោយអាជ្ញាធរក្នុងតំបន់នោះទេ។

ក្រុមហេសបូឡា និយាយថា ត្រៀមជាស្រេចសម្រាប់សង្រ្គាមពេញលេញជាមួយអ៊ីស្រាអែល

គេហទំព័រព័ត៌មានក្នុងស្រុក អែលណាស្រា(Elnashra) បានរាយការណ៍ថា អគ្គលេខាធិការរងរបស់ក្រុមហេសបូឡា លោក ស្សេក ណៃ ហ្កាសេម(Sheikh Naim Qassem) បាននិយាយកាលពីថ្ងៃអង្គារថា ក្រុមប្រដាប់អាវុធលីបង់ បានត្រៀមខ្លួនរួចជាស្រេចដើម្បីប្រឈមមុខទៅនឹងសង្រ្គាមពេញលេញជាមួយអ៊ីស្រាអែល ប្រសិនបើអ៊ីស្រាអែលពង្រីកការវាយប្រហាររបស់ខ្លួន មកលើប្រទេសលីបង់។លោក Qassem បាននិយាយថា ប្រសិនបើអ៊ីស្រាអែល មានបំណងធ្វើសង្រ្គាមពេញលេញ យើងត្រៀមខ្លួនរួចជាស្រេចសម្រាប់សង្គ្រាមនោះ ហើយរាល់ការពង្រីកសង្រ្គាមរបស់អ៊ីស្រាអែលទៅលើប្រទេសលីបង់ នឹងត្រូវជួបការបំផ្លាញ មហន្តរាយ និងការជម្លៀសប្រជាជននៅអ៊ីស្រាអែល។លោកនិយាយថា ការទប់ទល់គឺបានត្រៀមខ្លួនជាស្រេចសម្រាប់ការប្រយុទ្ធ ហើយនឹងមិនអនុញ្ញាតឱ្យអ៊ីស្រាអែល ទទួលបានជ័យជំនះណាមួយឡើយ ហើយការសម្រេចចិត្តរបស់យើង គឺពុំមែនដើម្បីពង្រីកសង្រ្គាមនោះទេ ប៉ុន្តែយើងនឹងប្រយុទ្ធ ប្រសិនបើវាត្រូវធ្លាក់មកលើយើង។ មន្ត្រីរបស់ក្រុមហេសបូឡា និយាយថា ការនិយាយអំពីការដកកងកម្លាំង Radwan ដែលជាអង្គភាពកងកម្លាំងប្រតិបត្តិការពិសេសរបស់ក្រុមហេសបូឡា ពីព្រំដែនប្រទេសលីបង់ជាមួយអ៊ីស្រាអែល គឺមិនពិតនោះទេ ហើយក្រុមនេះបានប្រើតែផ្នែកតូចមួយនៃសមត្ថភាពរបស់ពួកគេប៉ុណ្ណោះ ក្នុងអំឡុងពេលប៉ះទង្គិចនៅព្រំដែន ជាមួយអ៊ីស្រាអែល។ភាពតានតឹងនៅតាមបណ្តោយព្រំដែនលីបង់-អ៊ីស្រាអែល បានកើនឡើងកាលពីថ្ងៃទី៨ ខែតុលា ឆ្នាំ២០២៣ បន្ទាប់ពីក្រុមហេសបូឡា បានបាញ់រាំងគ្រាប់រ៉ុក្កែត ធ្លាក់ចូលទៅប្រទេសអ៊ីស្រាអែល ក្នុងសាមគ្គីភាពជាមួយការវាយប្រហាររបស់ក្រុមហាម៉ាស ទៅលើអ៊ីស្រាអែល។ ក្រោយមក អ៊ីស្រាអែលបានសងសឹកវិញ ដោយការបាញ់កាំភ្លើងធំយ៉ាងខ្លាំង ចូលទៅភាគអាគ្នេយ៍ប្រទេសលីបង់។

បណ្ដាញសង្គម

ព័ត៌មានថ្មីៗ

លោក Rubio៖ អាមេរិកលែងផ្តល់អាវុធដល់អ៊ុយក្រែន និងផ្គត់ផ្គង់សព្វាវុធ ដែលអឺរ៉ុបជាអ្នកចំណាយទៀតហើយ

កាកបាទក្រហមកម្ពុជា សហការជាមួយប្រតិភូ ICRC ចុះធ្វើការងាររួមគ្នាលើចំណុចសំខាន់ចំនួន៤ នៅតាមព្រំដែនកម្ពុជា-ថៃ

ការនាំចេញរបស់ជប៉ុន ធ្លាក់ចុះខ្លាំងបំផុត ក្នុងរយៈពេល ៤ឆ្នាំ ខណៈពន្ធរបស់លោក Trump ជះឥទ្ធិពល

លោក Trump និយាយថា សហរដ្ឋអាមេរិក នឹងមានគ្រោះថ្នាក់ ប្រសិនបើលោក និងលោក Putin មិនយោគយល់គ្នាទេ

អូស្ត្រាលីរិះគន់ធ្ងន់ៗបកទៅលោក Netanyahu ជុំវិញការនិយាយថា មេដឹកនាំ «ខ្សោយ»

អង្គការឃ្លាំមើលសិទ្ធិមនុស្ស៖ ក្រុមឧទ្ទាមគាំទ្រដោយរ្វ៉ាន់ដា បានសម្លាប់ជនស៊ីវិល នៅកុងហ្គោ

កិច្ចប្រជុំប្រាក់ឈ្នួលអប្បបរមាសម្រាប់ឆ្នាំ២០២៦ បានចាប់ផ្តើមជាផ្លូវការនារសៀលថ្ងៃទី២០សីហានេះ

រដ្ឋមន្ត្រីក្រសួងរតនាគារអាមេរិក៖ ស្ថានភាពពន្ធគយបច្ចុប្បន្នជាមួយចិន «ដំណើរការល្អគួរសម»

លោកគ្រូ អ្នកគ្រូ វិទ្យាល័យស្វាយរៀងបន្តនាំយកគ្រឿងឧបភោគបរិភោគទៅផ្តល់ឧបត្ថម្ភជូនវីរកងទ័ពនៅសមរភូមិជួរមុខ

ជំនួយការប្រធានាធីបតី៖ រុស្ស៊ីប្រគល់សាកសពអ៊ុយក្រែនជាង១.០០០នាក់ ចំណែកក្រុងគីវប្រគល់មកវិញតែ ១៩នាក់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877