BTV NEWS

អាជ្ញាធររាជធានីភ្នំពេញបន្តត្រួតពិនិត្យតាមទីតាំងប្រមូលផ្ដុំក្នុងគោលដៅប្រតិបត្តិការបោសសម្អាតទីតាំងសង្ស័យប្រព្រឹត្តបទល្មើស

សមត្ថកិច្ចរាជធានីភ្នំពេញ បន្តត្រួតពិនិត្យទីតាំងស្នាក់នៅប្រមូលផ្ដុំ ដើម្បីស្វែងរក និងបោសសម្អាតបទល្មើស Online Scams

រយៈពេលជាង ៥ខែ អគ្គនាយកដ្ឋានអន្តោប្រវេសន៍បណ្ដេញជនបរទេសជាង ៤ម៉ឺននាក់ចេញកម្ពុជាពាក់ព័ន្ធករណី Online Scams និងបទល្មើសផ្សេងៗទៀត

រយៈពេល១០ថ្ងៃ ជនបរទេស ២,២៧៨នាក់ មាន២៨សញ្ជាតិខុសច្បាប់ ត្រូវបានបណ្ដេញចេញពីកម្ពុជា

សន្តិសុខ និង សង្គម

អាមេរិក និយាយថា ព្យុះសង្ឃរា Hilary ចុះខ្សោយកម្លាំងប៉ុន្តែនៅអាចបង្កគ្រោះថ្នាក់ខ្លាំង

ព្យុះសង្ឃរា Hilary បានចុះខ្សោយកម្លាំង ខណៈកំពុងឆ្ពោះទៅកាន់ឆ្នេរសមុទ្រប៉ាស៊ីហ្វិករបស់ប្រទេសម៉ិកស៊ិក និងរដ្ឋកាលីហ្វ័រនីញ៉ា ប៉ុន្តែនៅតែអាចបង្កឲ្យមានទឹកជំនន់ គំរាមកំហែងដល់អាយុជីវិត ។ ដោយមានខ្យល់បក់ក្នុងល្បឿន១៤០ គីឡូម៉ែត្រក្នុងមួយម៉ោង ត្រូវបានបន្ទាបទៅជាព្យុះប្រភេទកម្រិតទី១ ។មន្ត្រីម្នាក់បាននិយាយថា ភ្លៀងធ្លាក់ខ្លាំងបានបោកបក់ផ្នែកខ្លះនៃឧបទ្វីប Baja California របស់ប្រទេសម៉ិកស៊ិក និងភាគនិរតីនៃសហរដ្ឋអាមេរិកទាំងកណ្ដាលអធាត្រ។ បុរសម្នាក់បានស្លាប់បន្ទាប់ពីត្រូវបានទឹកហូរគួចពេលកំពុងឆ្លងកាត់ជ្រោះមួយក្នុងតំបន់ Baja California ។ ប្រព័ន្ធផ្សព្វផ្សាយក្នុងស្រុកបានរាយការណ៍ថា បុរសនោះកំពុងធ្វើដំណើរក្នុងរថយន្តជាមួយកូនរបស់លោកដែលមានអាយុ ៧ ឆ្នាំ ១៥ឆ្នាំ និង ២២ឆ្នាំ និងស្ត្រីម្នាក់ដែលពួកគេនៅរស់រានមានជីវិតទាំងអស់។ ព្យុះសង្ឃរាHilary ត្រូវបានគេរំពឹងថានឹងចុះខ្សោយកម្លាំងបន្ថែមទៀតទៅជាព្យុះត្រូពិច មុនពេលបោះពួយទៅដល់ភាគខាងត្បូងរដ្ឋកាលីហ្វ័រនីញ៉ា។ ព្យុះនេះនឹងក្លាយជាព្យុះត្រូពិចដំបូងគេដែលបានវាយប្រហាររដ្ឋរបស់អាមេរិកក្នុងរយៈពេលជាង ៨០ ឆ្នាំ។នៅក្នុងការផ្ដល់ព័ត៌មានវិវត្តន៍ចុងក្រោយបំផុតរបស់ខ្លួននៅម៉ោង ៦ ម៉ោងនៅសហរដ្ឋអាមេរិក នៅថ្ងៃអាទិត្យនេះ មជ្ឈមណ្ឌលតាមដានព្យុះសង្ឃរាជាតិសហរដ្ឋអាមេរិកបាននិយាយថា ព្យុះនេះស្ថិតចម្ងាយប្រហែល១៤៥ គីឡូម៉ែត្រភាគខាងត្បូងនៃតំបន់ Baja California ភាគខាងលិចបំផុតនៃ ទីក្រុង ពុនតា អ៊ើជិនី(Punta Eugenia) របស់ប្រទេសម៉ិកស៊ិក ៕

មនុស្សរាប់ម៉ឺននាក់ត្រូវបានជម្លៀស ខណៈចំហេះព្រៃរាលដាលខ្លាំងនៅលើកោះធេណេរីហ្វ របស់អេស្ប៉ាញ

អណ្ដាតភ្លើងពីចំហេះព្រៃបានបំភ្លឺផ្ទៃមេឃនៃកោះធេណេរីហ្វ(Tenerife) នៅព្រឹកថ្ងៃអាទិត្យទី២០សីហានេះ ខណៈចំហេះព្រៃដែលកំពុងរាលដាលខ្លាំងនៅភាគខាងជើងកោះនេះ នៅពុំទាន់គ្រប់គ្រងបាននៅឡើយ។ យោងតាមការប៉ាន់ប្រមាណ ក្រុមផ្ដល់សេវាសង្រ្គោះបន្ទាន់ប្រចាំកោះកាណារី(Canary Islands) បាននិយាយថា មនុស្សជាង២៦.០០០នាក់ ត្រូវបានជម្លៀសចេញពីលំនៅឋានកាលពីរសៀលថ្ងៃសៅរ៍ ជាការកើនឡើងខ្ពស់ពីចំនួន៤.៥០០នាក់ កាលពីថ្ងៃសុក្រទី១៨សីហា។ នៅពេលនេះ ទីប្រជុំជនចំនួន១១ត្រូវបានរងផលប៉ះពាល់។ កម្ដៅ និងសីតុណ្ហភាពស្ងួតដែលចេះតែហក់ឡើងខ្ពស់នៅឆ្នាំនេះ បានរុញឲ្យមានចំហេះព្រៃកាន់តែធ្ងន់ធ្ងរខុសពីធម្មតានៅក្នុងតំបន់អឺរ៉ុប រួមទាំងកោះឡាផាលម៉ា(La Palm) របស់អេស្ប៉ាញ កាលពីខែកក្កដា ។ក្រុមអ្នកវិទ្យាសាស្ត្រ និយាយថាបម្រែបម្រួលអាកាសធាតុ បណ្ដាលឲ្យមានបញ្ហាអាកាសធាតុធ្ងន់ធ្ងរខ្លាំងនិងញឹកញាប់ ថែមទៀត ។ ភ្លើងចេះព្រៃដែលត្រូវបានគេហៅថា ជាភាពស្មុគស្មាញបំផុតដែលកោះកាណារី បានជួបប្រទះក្នុងរយៈពេល៤០ឆ្នាមកនេះ ដោយសារតែការកើនឡើងសីតុណ្ហភាពក្ដៅ ស្ថួតហួតហែង និងអាកាសធាតុមានខ្យល់បក់បោកខ្លាំង ព្រមទាំងលក្ខខណ្ឌភូមិសាស្ត្រមិនល្អ៕

នាយករដ្ឋមន្ត្រីចាំផ្ទះនិយាយថា ការវាយប្រហារដោយក្រុមសកម្មប្រយុទ្ធសម្លាប់កម្មករ ១១ នាក់នៅប៉ាគីស្ថាន

លោកនាយករដ្ឋមន្ត្រីចាំផ្ទះ អានវ៉ា អ៊ុល ហាក កាការ( Anwaar-ul-Haq Kakar) បាននិយាយនៅថ្ងៃអាទិត្យនេះនៅលើប្រព័ន្ធផ្សព្វផ្សាយសង្គម X ដែលពីមុនត្រូវបានគេស្គាល់ថា Twitter ថា កម្មករចំនួន១១នាក់បានស្លាប់នៅក្នុងការវាយប្រហារដោយក្រុមសកម្មប្រយុទ្ធ នៅភាគពាយ័ព្យប្រទេសប៉ាគីស្ថាន ។ មន្ត្រីសន្តិសុខ និងនគរបាលនៅភាគខាងជើងខេត្ត ឃីប៊ើ ប៉ាកទុនវ៉ា (Khyber Pakhtunkwa) បាននិយាយថា គ្រឿងផ្ទុះដែលសង្ស័យថា ជាឧបករណ៍កែច្នៃមួយ បានបំផ្ទុះឡើង បានបំផ្លិចបំផ្លាញរថយន្តដឹកកម្មករទៅកាន់គម្រោងសាងសង់នៅតំបន់ភ្នំ វ៉ាហ្ស៊ីរីស្ថាន( Waziristan) ជិតព្រំដែនអាហ្វហ្គានីស្ថាន។ស្នងការរងនគរបាលតំបន់ វ៉ាហ្ស៊ីរីស្ថាន ខាងជើង(North Waziristan)លោក រ៉េហាន ខាតាក( Rehan Khattak) បាននិយាយថា ពួកគេពេលកំពុងធ្វើការនៅប៉ុស្តិ៍កងទ័ពដែលកំពុងសាងសង់ ... គ្រឿងផ្ទុះកែច្នៃ បានផ្ទុះនៅក្រោមរថយន្តដែលដឹកកម្មករនោះ ។ គ្មានក្រុមណាមួយចេញមុខអះអាងទទួលខុសត្រូវភ្លាមៗចំពោះការបំផ្ទុះនេះទេ។ប៉ាគីស្ថានបានមើលឃើញការវាយប្រហារកក្រើកឡើងវិញ ដោយក្រុមសកម្មប្រយុទ្ធអ៊ីស្លាម ចាប់តាំងពីឆ្នាំមុននៅពេលបទឈប់បាញ់រវាងក្រុមតាលីបង់ប៉ាគីស្ថាន តេរីកអ៊ី តាលីបង់ប៉ាគីស្ថាន (TTP) និងរដ្ឋាភិបាល បានបរាជ័យ។ក្រុមផ្សេងទៀតរួមទាំងក្រុមរដ្ឋអ៊ីស្លាមក៏បានអះអាងទទួលខុសត្រូវចំពោះការវាយប្រហារមួយចំនួន រួមទាំងការបំផ្ទុះដ៏ធំមួយនៅឯការជួបជុំនយោបាយនៅខេត្ត ឃីប៊ើ ប៉ាកទុនវ៉ា ធ្វើឡើងដោយក្រុមសាសនាកាលពីខែមុន ដែលបានសម្លាប់មនុស្ស ៤៥នាក់៕

ប្រជាពលរដ្ឋអ៊ីស្រាអែលរាប់ពាន់នាក់តវ៉ាប្រឆាំងកំណែទម្រង់ប្រព័ន្ធតុលាការរបស់លោក Netanyahu សម្រាប់សប្តាហ៍ទី ៣៣

ប្រជាពលរដ្ឋអ៊ីស្រាអែលរាប់ម៉ឺននាក់បានចេញតវ៉ាតាមដងផ្លូវនៅក្នុងទីក្រុង តេលអាវីវ (Tel Aviv) កាលពីថ្ងៃសៅរ៍ ១៩ សីហា តវ៉ាប្រឆាំងនឹងការធ្វើកំណែទម្រង់ប្រព័ន្ធតុលាការដែលបានគ្រោងទុកដោយក្រុមចម្រុះដឹកនាំរដ្ឋាភិបាល។ការផ្លាស់ប្តូរដែលបានស្នើឡើងនឹងកាត់បន្ថយយ៉ាងខ្លាំងនូវអំណាចរបស់តុលាការកំពូល។ អ្នកតវ៉ាមួយចំនួនកាន់បដាដែលអានជាភាសាហេព្រូ(Hebrew) ថា 'អ្នកអង្គុយនៅខាងក្រោយ' សំដៅលើការភ័យខ្លាចនៃការបែងចែកភេទតាមសាសនា។ ក្ដីបារម្ភនេះកើតឡើងបន្ទាប់ពីឧបទ្ទវហេតុមួយកាលពីសប្តាហ៍មុនដែលក្មេងស្រីជំទង់ម្នាក់ត្រូវបានគេប្រាប់ឲ្យអង្គុយនៅខាងក្រោយរថយន្តក្រុង បន្ទាប់ពីត្រូវបានគេប្រាប់ថានាងស្លៀកពាក់មិនសមរម្យ។ក្រុមអ្នកគាំទ្រច្បាប់នេះ អះអាងថាច្បាប់នេះ នឹងផ្តល់តុល្យភាពឡើងវិញដល់សាខារដ្ឋាភិបាល ខណៈក្រុមអ្នករិះគន់និយាយថា កំណែទម្រង់នេះ នឹងលុបបំបាត់តុល្យភាពអំណាចរបស់រដ្ឋាភិបាល។តុលាការកំពូលរបស់អ៊ីស្រាអែល បានចាប់ផ្តើមសវនាការកាលពីថ្ងៃព្រហស្បតិ៍ ទី៣ខែសីហា កន្លងទៅ ជាការប្តឹងឧទ្ធរណ៍ជាបន្តបន្ទាប់ ដែលពាក់ព័ន្ធនឹងការធ្វើកំណែទម្រង់ប្រព័ន្ធតុលាការបង្កើតឡើងដោយលោកនាយករដ្ឋមន្ត្រី Benjamin Netanyahu និងក្រុមចម្រុះស្តាំនិយមរបស់លោក ដែលបានបង្កឲ្យមាន វិបត្តិក្នុងស្រុកមិនធ្លាប់មានពីមុនមក។ វិសោធនកម្មកាលពីខែមីនាចំពោះច្បាប់មូលដ្ឋាន ដែលមានលក្ខណៈជាច្បាប់ធម្មនុញ្ញ លក្ខខណ្ឌត្រូវបានកំណត់ ដែលនាយករដ្ឋមន្ត្រីអាចត្រូវបានចាត់ទុកថាមិនសមរម្យ ឬអសមត្ថភាព និងត្រូវបានដកចេញពីតំណែង៕

នៅអាស៊ានតើប្រទេសណាមានពលករចំណាកស្រុកច្រើនជាងគេ?

ភ្នំពេញ៖ អង្គការទេសន្តរប្រវេសន៍អន្តរជាតិ(IOM) កាលពីពេលថ្មីៗកន្លងទៅនេះ បានបញ្ចេញរបាយការណ៍ស្តីពីទេសន្តរប្រវេសន៍ពិភពលោកឆ្នាំ២០២២ដោយក្នុងនោះ កត់សម្គាល់ថា នៅតំបន់អាស៊ានមានប្រទេសចំនួន៤ដែលបានបញ្ជូនពលករទៅបរទេសច្រើនជាងគេទី១ប្រទេសហ្វីលីពីន ទី២ប្រទេសឥណ្ឌូនេស៊ី និងទី៣ប្រទេសភូមា ឬមីយ៉ាន់មា និងទី៤វៀណាម ដោយឡែកប្រទេសផ្សេងទៀតបញ្ជូនក្នុងរង្វង់ត្រឹមជាង១លាននាក់ចុះក្រោម។អង្គការអន្តរជាតិមួយនេះ បានគូសបញ្ជាក់ថា ពលករចំណាកស្រុករបស់ហ្វីលីពីន មានចំនួនជាង៦,១លាននាក់ ខណៈដែលឥណ្ឌូនេស៊ី មានជិត៥លាននាក់ ហើយមីយ៉ាន់ម៉ាឬភូមា មានជាង៣.៧លាននាក់។ ដោយឡែកពលករចំណាកស្រុករបស់វៀតណាម មានជាង៣,៤លាននាក់ ក្នុងពេលដែលឡាវនិង មានជាង១,៣លាននាក់ប្រហាក់ប្រហែលគ្នា។ ទន្ទឹមនឹងនោះ ថៃមានពលករចំណាកស្រុកជាង១,១លាននាក់ ដោយឡែក ម៉ាឡេស៊ី និងសិង្ហបូរី ប៉ុណ្ណោះដែលមានចំនួនពលករតិចជាងគេក្នុងរង្វង់តិចជាង១លាននាក់។ ប្រទេសគោលដៅដែលពលករអាស៊ានធ្វើចំណាក់ស្រុកច្រើនជាងគេ គឺអាម៉េរិកខាងជើង អឺរ៉ុប និងប្រទេសធំៗតំបន់មជ្ឈឹមបូព៌ាដូចអារ៉ាបីសាអូឌិត និងអារ៉ាប់រួម និងបណ្តាប្រទេសរីកចម្រើនក្នុងតំបន់អាស៊ី។ អង្គការអន្តរជាតិដែលជាជំនាញលើបញ្ហាទេសន្តរប្រវេសន៍ដដែលនេះ បានបញ្ជាក់ថា ពលករចំណាក ស្រុកធ្វើការងារដូចជា ការងារបម្រើតាមផ្ទះ សំណង់ កសិកម្ម ឧស្សហកម្ម និងបដិសណ្ឋារកិច្ចជាដើម។ មិនមានការវាយតម្លៃពីចំណូលជាក់លាក់នៃប្រទេសនីមួយៗនៃបណ្តាប្រទេសអាស៊ាន ដែលពលករទាំងអស់បានបញ្ជូនមកប្រទេសដើមវិញនោះទេ។ ប៉ុន្តែអង្គការនេះ បានប៉ានស្មានថាជារួមលើពិភពលោកថា ទឹកប្រាក់ប្រមាណ៥០៤ពាន់លានដុល្លារគឺជាទឹកប្រាក់ដែលហូរចូលទៅប្រទេសក្រីក្រ និងចំណូលកម្រិតទាប ខណៈពលករចំណាកស្រុកទូទាំងពិភពលោក មានប្រមាណ១៦៩លាននាក់។ នេះបើតាមការបញ្ជាក់ដដែល។ ក្នុងពិភពលោក ប្រទេសដែលមានពលករចំណាកស្រុកច្រើនជាងគេ គឺប្រទេសឥណ្ឌាដែលមានប្រជាជនជាង១៨លាននាក់ បានធ្វើដំណើរទៅបរទេសដើម្បីស្វែងរកការងារធ្វើដែលតាមពីក្រោយដោយប្រទេសម៉ិចស៊ិក ចិន និងរុស្ស៊ីជាដើម។ ដោយឡែកក្នុងក្របខណ្ឌកម្ពុជាវិញ ពលរដ្ឋជាង១,៣លាននាក់ ដែលកំពុងធ្វើការនៅប្រទេសថៃ កូរ៉េខាងត្បូង ជប៉ុន និងបណ្តាប្រទេសរីកចម្រើនផ្សេងទៀត ហើយក្នុងមួយឆ្នាំៗ ប្រាក់បញ្ញើប្រមាណជាង១ពាន់លានជារៀងរាល់ឆ្នាំ បានហូរចូលក្នុងប្រទេសដើម្បីបំប៉នសេដ្ឋកិច្ចជាតិ។អង្គការទេសន៍ប្រវេសអន្តរជាតិ បានសង្កត់ធ្ងន់ថា ពលរដ្ឋទាំងអស់មានសិទ្ធិគ្រប់គ្រាន់ក្នុងការជ្រើសរើសកន្លែងធ្វើការដែលជាសិទ្ធិស្វ័យសម្រេចដែលខ្លួនចង់បាន ហើយការស្វែងរកការងារធ្វើដែលភាគច្រើនបំផុតទៅកាន់ប្រទេសរីកចម្រើននេះ គឺជាឱកាសស្វែងរកប្រាក់ចំណូលខ្ពស់ ជំនាញវិជ្ជាជីវៈនៅកន្លែងធ្វើការថ្មី ហើយវាជាការចូលរួមចំណែកគាំទ្រសកម្មភាពសេដ្ឋកិច្ចក្នុងស្រុក និងអភិវឌ្ឍសង្គម។ សូមបញ្ជាក់ថារឿងពលករនៅកម្ពុជានេះ បានក្លាយជារឿងនយោបាយនៅកម្ពុជាដែលមជ្ឈដ្ឋានប្រឆាំង ឬក្រុមរិះគន់មួយចំនួនបានធ្វើជាលេសដើម្បីវាយប្រហារនិងបំពុលសង្គម។ យ៉ាងណាក៏ដោយ តាមរយៈតួលេខខាងលើនេះ យើងមើលឃើញថា បញ្ហាពលករចំណាកស្រុកនេះ ជារឿងសកលមិនមែនជារឿងដាច់ដោយឡែករបស់កម្ពុជានោះទេ ព្រោះថាពលករចំណាកស្រុកកម្ពុជាមានតិចជាបណ្តាប្រទេសជិតខាងខ្លាំងណាស់ ហើយប្រៀបធៀបជាមួយអន្តរជាតិនៅតិចខ្លាំងមែនទែន។ មួយវិញទៀត ការធ្វើចំណាកស្រុកនេះ គឺជានិន្នាការសកលដើម្បីឱ្យពលរដ្ឋមានចំណូលកាន់តែខ្ពស់ មានជំនាញ និងចូលរួមអភិវឌ្ឍសង្គមជាតិ។ ទន្ទឹមនឹងនេះ អ្វីដែលត្រូវពិចារណា គឺយន្តការការពារពលកររបស់រដ្ឋនីមួយៗដើម្បីធានាថា ពលរដ្ឋបានធ្វើការដោយស្របច្បាប់ គ្មានការរំលោភបំពាន និងទទួលបានអត្ថប្រយោជន៍ទៅតាមប្រទេសអ្នកទទួល។ សម្រាប់អ្នកតាមដានសង្គមកម្ពុជា ប្រធានបទនេះគួរលែងក្លាយជាប្រធានបទនៃការរិះគន់ដោយគ្មានការពិចារណាហើយបំពុលសង្គមតទៅទៀត៕ ដោយ៖ សុវណ្ណ ធរណិន្ទសាគរ

ក្រុមមន្រ្ដីរដ្ឋកាលីហ្វ័រនីញ៉ាខាងត្បូង បានព្រមានព្យុះសង្ឃរា ហ៊ីលឡារី អាចបង្កអោយមានទឹកជំនន់ និងដាច់ចរន្ដអគ្គីសនី

ក្រុមមន្រ្ដីរដ្ឋកាលីហ្វ័រនីញ៉ាសហរដ្ឋអាមេរិក កាលពីថ្ងសៅរ៍ បានព្រមានអ្នកស្រុកថា ព្យុះសង្ឃរា ហ៊ីឡារីដែលកំពុងធ្វើដំណើរមកជិតដល់ដល់នេះ នឹងបង្កឲ្យមានទឹកជំនន់ និងការដាច់ចរន្ដអគ្គីសនី នៅរដ្ឋកាលីហ្វ័រញ៉ាខាងត្បូង ខណៈដែលកំពុងទទូចឲ្យអ្នកស្រុកនីរដ្ឋកាលីហ្វ័រនីញ៉ា បង្កើនការប្រុងប្រយ័ត្ន និងជម្លៀសខ្លួនចេញ ប្រសិនពួកគេតម្រូវឲ្យអនុវត្តន៍។ មជ្ឈមណ្ឌលព្យុះជាតិឬ(NHC) បាននិយាយថា ព្យុះនេះ បានចុះខ្សោយវិញនៅដំណើរផ្លូវរបស់វាទៅកាន់ឆ្នេរសមុទ្រកណ្ដាលភាគខាងលិចឧបទ្វិបនៅល្ងាចនេះ។ គេបានព្យាករណ៍ថា ព្យុះនេះ នឹងអាចបាត់បង់កំលាំងច្រើនថែមទៀត ហើយនិងបង្វែរទៅជាព្យុះត្រូពិកមួយ ខណះដែលវាធ្វើដំណើរឆ្ពោះទៅ រដ្ឋកាលីហ្វ័រនីញ៉ាខាងត្បូងនៅក្នុងអំឡុងពេលថ្ងៃ និងពេលល្ងាចនៅថ្ងៃអាទិត្យនេះ។ដោយយោងទៅលើ កំពស់ទឹកភ្លៀង ត្រូវគេរំពឹងថាអាចឡើង១០សង់ទីម៉ែត្រ នៅតំបន់មួយចំនួននៃរដ្ឋបាចា កាលីហ្វ័រនីញ៉ា និងរដ្ឋកាលីហ្វ័រនីញ៉ានោះ មជ្ឈមណ្ឌុលខ្យល់ព្យុះជាតិបាននិយាយថា ប៉ុន្ដែភ្លៀងធ្លាក់ដ៏មានគ្រោះថ្នាក់នេះ នៅតែចោទជាការព្រួយបារម្ភដ៏ធំនៅឡើយ។អត្ថបទ មករា (Makara)

មជ្ឈូសចំនួន១៤ ដែលតំណាងឲ្យក្មេងៗ ដែលត្រូវបានគេបាញ់សម្លាប់ បានដាក់បង្ហាញនៅលើឆ្នេរខ្សាច់ក្នុងប្រទេសប្រេស៊ីល

អ្នកតវ៉ាជាច្រើននាក់ដែលប្រឆាំងនឹងអំពើហិង្សារបស់នគបាល បានដាក់មជ្ឈូសចំនួន១៤មជ្ឈូស នៅលើឆ្នេរសមុទ្រក្នុងប្រទេសប្រេស៊ីល ដើម្បីតំណាងឲ្យសាកសពក្មេងៗដែលបានសម្លាប់ នៅក្នុងការវាយឆ្មក់របស់នគបាល នៅក្នុងក្រុងរីយ៉ូ ដឺជិនេរ៉ូ កាលពីថ្ងៃសៅរ៍។ក្មេងៗទាំងនេះ ត្រូវបានសម្លាប់នៅក្នុងសង្កាត់ក្រីក្រមួយ រវាងពីឆ្នាំ២០២២ និង២០២៣។សាច់ញាតិរបស់កុមាអាយុ១៣ឆ្នាំឈ្មោះ សាហ្គូ មេនេស ហ្វ្លោសីណូ ដែលត្រូវបានសម្លាប់នៅក្នុងប្រតិបត្ដិការរបស់នគបាលមួយនៅដើមខែនេះ បានចូលរួមដើក្បួនដើម្បីអំពាវនាវរកយុត្ដិធម៌នៅឯឆ្នេរសមុទ្រកូប៉ាកាបាណា (Copacabana) ដ៏ពេញនិយមមួយក្នុងប្រទេសប្រេស៊ីល។ប្រតិបត្ដិការនគរបាលចម្រុះ ក្នុងក្រុង សាវ ប៉ូឡូ រីយ៉ូ ដឺជិននេរ៉ូ និងក្រុងបាហ៊ី នៅដើមសប្ដាហ៍ក្នុងខែសីហានេះ បានបណ្តាលឲ្យមនុស្សជាង៤០នាក់ស្លាប់ ដោយដុតបញ្ឆេះអំពើហិង្សារបស់នគបាលជាថ្មីនិងជំរុញឲ្យក្រុមអ្នកជំនាញឈានមុខចោទសួពីការប្រើប្រាស់យុទ្ធជ្រុលហួសហេតុនូវអ្វីដែលមជ្ឈដ្ឋានខ្លះចាត់ទុកថា ជាសង្រ្គាមថ្នាំញៀននោះ។អត្ថបទ មករា (Makara)

មនុស្សជាច្រើននាក់បានស្លាប់ ក្នុងការវាយប្រហារដោយមីស៊ីលរបស់រុស្ស៊ី នៅក្រុងឈើនីហ៊ីវ

ប្រធានរដ្ឋបាលតំបន់ក្នុងក្រុងឈើនីហ៊ីវ (Chernihiv) លោក វីយ៉ាឆេសស្លាវ ឆោស (Viacheslav Chaus) បាននិយាយថា យ៉ាងហោចណាស់មនុស្ស៧នាក់ ក្នុងនោះមានកុមារ អាយុ៦ឆ្នាំម្នាក់ផងដែរ បានស្លាប់ និងជាង១០០នាក់ទៀត បានរងរបួសនៅពេលដែលការវាយប្រហាដោយមីស៊ីលរបស់រុស្ស៊ី បានត្រូវចំកណ្ដាលទីលានចតុរង្គមួយ ដែលស្ថិតនៅក្រុងប្រវត្ដិសាស្រ្ដឈើនីហ៊ីវភាគខាងជើងអ៊ុយក្រែន កាលពីថ្ងៃសៅរ៍។ក្រសួងមហាផ្ទៃ បាននិយាយថា មនុស្សជាច្រើននាក់ បានធ្វើដំណើរទៅព្រះវិហាដើម្បីប្រារព្ធពិធីបុណ្យសាសនានៅចំពេលដែលការវាយប្រហារបានកើឡើង ហើយបានបន្ថែមថា ក្នុងចំណោមអ្នករបួសក្នុងនោះ មានក្មេង១២នាក់ និងមន្រ្ដីនគបាល១០មាក់ផងដែរ។ក្រុងឈើនីហ៊ីវ ជាក្រុមានមហាវិថីអមដោយដើមឈើជាច្រើន និងមានព្រះវិហាចំណាស់ៗមានអាយុកាលជាច្រើនសតវត្សរ៍នោះ ស្ថិតនៅចំងាយ១៤៥គីឡូម៉ែតភាគខាងជើងរដ្ឋធានីគីវ។ អភិបាលតំបន់ បាននិយាយថា រោងមហោស្រពមួយ ហើយនិងអគារជាច្រើនដែលនៅជុំវិញ ត្រូវបានបំផ្លាញនៅក្នុងការវាយប្រហារនេះ។រុស្ស៊ីបានធ្វើការវាយប្រហារទៅលើក្រុងជាច្រើនរបស់អ៊ុយក្រែន ដែលនៅឆ្ងាយពីសមរភូមិមុខដោយមីស៊ីលនិងយានដ្រូនជាច្រើនគ្រឿង ដែលជាផ្នែកមួយនៃការលុកលុយដែលខ្លួនបានចាប់ផ្ដើមកាលពីខែកុម្ភៈឆ្នាំកន្លងទៅនេះ។ អត្ថបទ មករា (Makara)

ចំហេះព្រៃនៅតែបន្ដឆេះរាលដាល នៅក្នុងខេត្ដព្រីតធីស កូឡំប៊ីយ៉ារបស់កាណាដា

អ្នកខេត្តព្រីតធីស កូឡំយ៉ារាប់ពាន់នាក់ កំពុងស្ថិតនៅក្នុងការត្រៀមជម្លៀសខ្លួនកម្រិតខ្ពស់កាលពីថ្ងៃសៅរ៍បន្ទាប់ពី ចំហេះព្រៃដែលមានសន្ទុះកើនឡើងយ៉ាងឆាប់រហ័ស បានបង្ខំឲ្យខេត្ដកាណាដា ភាគខាងលិចមួយនេះត្រូវបានប្រកាសដាក់ក្នុងគ្រាមានអាសន្ន។ខេត្ដនៅតំបន់ប៉ាស៊ីហ្វិក ត្រូវបានគេឃើញមានខ្យល់បក់បោកខ្លាំង និងផ្គររន្ទះគ្មានភ្លៀង នៅក្នុងរយៈពេល៣៦ម៉ោងមុន ដោយសារតែសំណុំខ្យល់ត្រជាក់ធ្វើអន្ដរកម្មជាមួយខ្យល់ក្ដៅបង្កើតជា រដូវក្ដៅកាន់ក្ដៅឡើងៗ និងបានធ្វើឲ្យភ្លើងឆេះព្រៃដែលមានស្រាប់ នៅក្នុងខេត្ដនោះ បង្កឲ្យមានភ្លើងឆេះថ្មីៗថែមទៀត។គិតត្រឹមថ្ងៃសុក្រ ភ្លើងឆេះដែលមិនអាចគ្រប់គ្រងបាននៅភាគខាងត្បូងខេត្ដព្រីតធីស កូឡំប៊ីយ៉ា បានកើនឡើងច្រើនលើកក្នុងរយៈពេល២៤ម៉ោង និងបានបង្ខំឲ្យអ្នកស្រុកជាង២៤០០នាក់ ត្រូវជម្លៀសខ្លួនចេញ។ ចំហេះនេះ បានកើតឡើងនៅជុំវិញក្រុង កេឡូណា (Kelowna) ជាក្រុងមួយស្ថិតនៅចម្ងាយជាង ៣០០គីឡូម៉ែតពីភាគខាងកើតក្រុងវេនខូវើរ (Vancouver) ដែលមានប្រជាជនរស់នៅប្រមាណ ១៥០.០០០នាក់។ ចំហេះព្រៃនេះ បានបំផ្លាញហេដ្ឋារចនាសម្ព័នអស់ជាច្រើនរួចជាស្រេចទៅហើយនៅក្រុងកេឡូណាខាងលិច ហើយក្រុមអាជ្ញាធបានព្រមានថា ខេត្ដនេះ អាចនឹងប្រឈមនឹងស្ថានភាពដ៏អាក្រក់បំផុតនៅប៉ុន្មានថ្ងៃ ខាងមុខនៃរដូវភ្លើងឆេះព្រៃឆ្នាំនេះ៕អត្ថបទ មករា (Makara)

នគរបាលមន្ទីរប្រឆាំងគ្រឿងញៀនចាប់ជនជាតិចិនតៃវ៉ាន់ម្នាក់ជាមួយនិងគ្រឿងញៀនជិត៨គីឡូក្រាម

ភ្នំពេញ៖ សមត្ថកិច្ចជំនាញ នៃមន្ទីរប្រឆាំងគ្រឿងញៀន បានធ្វើការឃាត់ខ្លួនជនជាតិចិនតៃវ៉ាន់ម្នាក់ទៀត និងគ្រឿងញៀនជិត៨គីឡូក្រាម រួមទាំងវត្ថុតាងមួយចំនួនទៀត ស្ថិតនៅក្នុងសង្កាត់បឹងកេងកង១ ខណ្ឌបឹងកេងកង រាជធានីភ្នំពេញកាលពីកន្លងទៅថ្មីៗនេះ។ តាមរបាយការណ៍របស់មន្ទីរប្រឆាំងគ្រឿងញៀន ដែលបានឲ្យទូរទស្សន៍ BTV ដឹងនាថ្ងៃទី១៩ ខែសីហា ឆ្នាំ២០២៣នេះ បានលើកឡើងថា អនុវត្តតាមបទបញ្ជា នាយឧត្ដមសេនិយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងនាយឧត្ដមសេនិយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿងញៀន ក្រោមការបញ្ជាដឹកនាំផ្ទាល់ របស់ឧត្ដមសេនីយ៍ឯក ឃឹង សារ៉ាត់ នាយកមន្ទីរប្រឆាំងគ្រឿងញៀន កាលពីថ្ងៃទី ១៥ ខែសីហា ឆ្នាំ២០២៣នេះ សមត្ថកិច្ចជំនាញ នៃមន្ទីរប្រឆាំងគ្រឿងញៀន ដឹកនាំដោយលោក ឧត្តមសេនីយ៍ទោ ប្រុញ សាន នាយករងមន្ទីរ, លោក ឧត្តមសេនីយ៍ទោ ភឹម ច័ន្ទតារា នាយករងមន្ទីរ និងលោកវរសេនីយ៍ឯក វ៉ាន់ កែវវង្សវិចិត្ត នាយករងមន្ទីរ ចូលរួមសហការពីកម្លាំងជំនាញនៃស្នងការដ្ឋាននគរបាលរាជធានីភ្នំពេញ និងដោយមានការសម្របសម្រួលពី លោក ឡុង ស៊ីថា ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានស្រាវជ្រាវ ដោយបានឃាត់ខ្លួនជនសង្ស័យម្នាក់នាក់ជាជនជាតិចិនតៃវ៉ាន់ និងសារធាតុញៀនប្រភេទកេតាមីន ចំនួន ៨ដុំ ស្មើទម្ងន់ ៧,៩៤៤ ក្រាម ចំណុចខាងមុខលំនៅដ្ឋានអូរៀ ផ្លូវលេខ៣៩២ សង្កាត់បឹងកេងកង១ ខណ្ឌបឹងកេងកង រាជធានីភ្នំពេញ។ ជនសង្ស័យមានឈ្មោះ ហ្សាវ ឈីមីង (HSIAO CHI MING) ភេទប្រុស ឆ្នាំកំណើត ១៩៦៦ ជនជាតិចិន(តៃវ៉ាន់)។ បច្ចុប្បន្នជនសង្ស័យ ព្រមទាំងវត្ថុតាងចាប់យកខាងលើ បានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវិធីច្បាប់ជាធរមានប៕អត្ថបទ៖ បាន ចក់

បណ្ដាញសង្គម

ព័ត៌មានថ្មីៗ

ព្រះអង្គម្ចាស់ នរោត្តម ចក្រាវុធ យាងចុះជួបសួរសុខទុក្ខប្រជារាស្ត្រ និងសិស្សានុសិស្ស នៅជំរុំភៀសសឹក ខេត្តឧត្តរមានជ័យ

បទល្មើសធនធានធម្មជាតិ ចំនួន២០ករណី ត្រូវបានបង្រ្កាបនៅក្នុងភូមិសាស្រ្តតំបន់ជួរភ្នំក្រវាញ ក្នុងខែឧសភា ឆ្នាំ២០២៦

រយៈពេល៥ខែមកនេះ ការនាំចូលទំនិញថៃមកកាន់កម្ពុជា បន្តធ្លាក់ចុះថែមទៀតដោយសារការពហិការរបស់ពលរដ្ឋ

វិស័យរដ្ឋបញ្ជាក់ពីប្តេជ្ញាចិត្តក្នុងការជួយពង្រឹងការយល់ដឹងអំពីច្បាប់និងនីតិវិធីគយដល់វិស័យ SMEs

ព្រឹកនេះ ដំណើរការប្រឡងប្រជែងជ្រើសរើសមន្ត្រីរាជការ សម្រាប់ក្របខ័ណ្ឌក្រសួងការបរទេស និងសហប្រតិបត្តិការអន្តរជាតិ លើវិញ្ញាសាសួរផ្ទាល់មាត់ ចាប់ផ្តើម

កម្ពុជារៀបចំធ្វើជាម្ចាស់ផ្ទះនៃមហាសន្និបាតកាយឫទ្ធិនារីពិភពលោក ដែលមានការចូលរួមជាង១០០ប្រទេស

លោក Trumpថា កិច្ចព្រមព្រៀងសន្តិភាពជាមួយអ៊ីរ៉ង់នឹងចុះហត្ថលេខានៅថ្ងៃអាទិត្យនេះ

សម្ដេចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»

ប្រធានក្រុមការងារចុះមូលដ្ឋានឃុំទួលសាលា ប្រាប់ក្រុមការងារបន្តចុះឱ្យដល់ខ្នងផ្ទះដើម្បីស្តាប់ពីតម្រូវការពលរដ្ឋ និងដោះស្រាយ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877