BTV NEWS

នគរបាលនៅអាកាសយានដ្ឋានអន្តរជាតិភ្នំពេញ ឃាត់ខ្លួនជនបរទេសម្នាក់ ពាក់ព័ន្ធករណីដឹកជញ្ជូនកញ្ឆាក្រៀមឆ្លងដែនជិត ២០គីឡូក្រាម

ក្រុមក្មេងទំនើងជាង៤០នាក់ ត្រូវសមត្ថកិច្ចបញ្ជូនទៅពន្ធនាគារ អ្នកនាំពាក្យព្រមានថា "បើមិនកែ គឺគុក!"

នាយកដ្ឋានប្រឆាំងបទល្មើសបច្ចេកវិទ្យា បង្រ្កាបករណីឆបោកក្រោមរូបភាពទិញលក់ម៉ូតូតាមអនឡាញ

នគរបាលខណ្ឌកំបូលឃាត់ម៉ូតូ ១០គ្រឿង ករណីប្រេីប្រាស់សុីម៉ាំងបំពងសំឡេង

សន្តិសុខ និង សង្គម

សមត្ថកិច្ចបង្កើនសន្តិសុខសណ្តាប់ធ្នាប់តាមវត្តអារ៉ាម អំឡុងពិធីបុណ្យភ្ជុំបិណ្ឌ

ភ្នំពេញ៖ នៅតាមបណ្តាទីវត្តអារ៉ាមនៅរាជធានីភ្នំពេញ សំគាល់ឃើញថា សមត្ថកិច្ច បានបង្កើនកិច្ចសហការរៀបចំសន្តិសុខ សណ្តាប់ធ្នាប់ ប្រគេន ជូនព្រះសង្ឃ និងប្រជាពុទ្ធបរិស័ទ ធ្វើពិធីបុណ្យកាន់បិណ្ឌ និងភ្ជុំបិណ្ឌរយៈពេល១៥ថ្ងៃ ។បើតាមក្រុមសមត្ថកិច្ចប្រចាំការរៀបចំសន្តិសុខ សណ្តាប់ធ្នាប់នៅវត្តលង្ការ និងវត្តឧណ្ណលោម រាជធានីភ្នំពេញ បានថ្លែងប្រាប់BTV នៅថ្ងៃទី២០ ខែកញ្ញានេះថា ដោយមានអនុញ្ញាតពីអភិបាលខ័ណ្ឌ អធិការនគរបាល និងព្រះចៅអធិការវត្ត រហូតមកដល់ពេលនេះ តាមវត្តនីមួយៗ គឺបានរៀបចំកម្លាំងបីប្រភេទរួមមាន៖ កងកម្លាំងនគរបាល កម្លាំងអាវុធហត្ថ និងកម្លាំងប្រជាការពារ បានដាក់វេនប្រចាំការចាំការពារសន្តិភាពសណ្តាប់ធ្នាប់នៅក្នុងវត្តឲ្យប្រជាពុទ្ធបរិស័ទធ្វើបុណ្យកាន់បិណ្ឌភ្ជុំ ក្នុងអារម្មណ៍សភាពស្ងប់អារម្មណ៍។ក្រុមសមត្ថកិច្ចបន្ថែមថា ការរៀបចំសន្តិសុខ សណ្តាប់ធ្នាប់តាមទីវត្តអារ៉ាម នឹងត្រូវបង្កើនការពារកាន់តែខ្លាំងថែមទៀត នៅក្នុងឱកាសថ្ងៃបុណ្យភ្ជុំបិណ្ឌឈានចូលមកដល់ ដែលនឹងមានប្រជាពុទ្ធបរិស័ទជាច្រើនកុះករអញ្ជើញមកវត្ត។ ប្រជាពុទ្ធបរិស័ទ លើកឡើងថា កងកម្លាំងច្រើនឈរចាំការពារសន្តិសុខ សណ្តាប់ធ្នាប់ ដែលធ្វើឲ្យគេមាសភាពស្ងប់អារម្មណ៍មិនព្រួយពីការបាត់របស់របរនានា។ឧត្តមសេនីយឯក ឆាយ គឹមឃឿន អ្នកនាំពាក្យអគ្គស្នងការដ្ឋាននគរបាលជាតិ បានថ្លែងថា ក្នុងរយៈពេលដប់ថ្ងៃបុណ្យកាន់បិណ្ឌកន្លងមកនេះ តាមវត្តអារ៉ាមនៅរាជធានីភ្នំពេញ និងនៅតាមបណ្តាខេត្ត មិនទាន់មានរបាយការណ៍បង្ហាញពីអំពើអសកម្មណាធំដុំកើតឡើងនៅតាមវត្តអារ៉ាមនោះទេ ប៉ុន្តែទោះយ៉ាងណា ឯកឧត្តម ក៏បានស្នើបណ្តាប្រជាពុទ្ធបរិស័ទ ពេលអញ្ជើញទៅវត្តឬទៅតាមទីសាធារណៈនានា ត្រូវគោរពច្បាប់ចរាចរណ៍ និងថែរក្សាការពារទ្រព្យសម្បត្តិរបស់ឲ្យចៀសវាងការបាត់បង់៕ អត្ថបទ ស៊ុម សុខជា

៣ថ្ងៃសមត្ថកិច្ចបង្ក្រាបល្បែងអនឡាញខុសច្បាប់ចំនួន៨៦៩ទីតាំង នៅក្នុងខេត្តតាកែវ

តាកែវ៖ បន្ទាប់ពីមានបទបញ្ជាពីសម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ឱ្យ បង្ក្រាបការលេងល្បែងស៊ីសងខុសច្បាប់នោះ អាជ្ញាធរខេត្ត កំពុងសស្រាក់សស្រាំអនុវត្តតាមបទបញ្ជានេះ ដោយខេត្តខ្លះបានប្រតិបត្តិការបង្ក្រាបល្បែងស៊ីសងរាប់រយកន្លែង ដែលមានក្នុងមូលដ្ឋានខេត្តរបស់ខ្លួន។ជាក់ស្ដែងសម្រាប់ខេត្តតាកែវ ក្នុងរយៈពេល៣ថ្ងៃកន្លងមកនេះ សមត្ថកិច្ចនៅក្នុងខេត្តតាកែវ បានធ្វើការចុះណែនាំ និងបង្រ្កាបទីតាំងល្បែងអនឡាញខុសច្បាប់ផ្សេងៗទៀត បានចំនួន ៨៦៩ទីតាំង។ឯកឧត្តម អ៊ូច ភា អភិបាលខេត្តតាកែវ បានថ្លែងប្រាប់ទូរទស្សន៍BTV ថា ក្រោយពីទទួលបានបទបញ្ជាពីប្រមុខរាជរដ្ឋាភិបាលសម្ដេចតេជោ ហ៊ុន សែន ឱ្យបង្រ្កាបល្បែងស៊ីសងខុសច្បាប់ជាពិសេសល្បែងអនឡាញ ឯកឧត្តមបានបញ្ជាទៅដល់លោកស្នងការនគបាលខេត្ត លោកមេបញ្ជាការកងរាជអាវុធហត្ថ និងមេបញ្ជាការតំបន់ប្រតិបត្តិការសិករងខេត្តជាពិសេសអភិបាលក្រុងស្រុកទាំង ១០នៅក្នុងខេត្តតាកែវ ត្រូវធ្វើសកម្មភាពជាបន្ទាន់ដោយចុះទៅអប់រំណែនាំនឹងបញ្ឈប់ទីតាំងល្បែងខុសច្បាប់នានានៅក្នុងមូលដ្ឋានរបស់ខ្លួនអោយអស់។ បើកករណីនៅតែរឹងរូសបើកដំណើរការល្បែងខុសច្បាប់ បន្តទៀតគឺត្រូវតែបង្រ្កាបតែម្ដង។ជាលទ្ធផលក្នុងរយៈពេល៣ថ្ងៃនេះ យើងបានចុះអប់រំណែនាំ និងបង្រ្កាបទីតាំងល្បែងអនឡាញនិងល្បែងខុសច្បាប់ដទៃទៀតបានចំនួន ៨៦៩ទីតាំងនៅទូទាំងខេត្តតាកែវ។ឯកឧត្តមអភិបាលខេត្ត បានបន្តថា អភិបាលក្រុងស្រុកទាំង១០ត្រូវមានការទទួលខុសត្រូវចំពោះមុខអភិបាលខេត្តជាពិសេសចំពោះមុខរាជរដ្ឋាភិបាល ក្នុងការទប់ស្កាត់ល្បែងស៊ីសងខុសច្បាប់នៅក្នុងមូលដ្ឋានរបស់ខ្លួន ដោយត្រូវធ្វើការបង្រ្កាបអោយដូចភ្លៀងរលឹម៕

អាជ្ញាធររាជធានីភ្នំពេញ ចុះត្រួតពិនិត្យទីតាំងអគារមួយកន្លែង សង្ស័យបម្រេីសេវាតាមអនឡាញខុសច្បាប់

ភ្នំពេញ៖ កម្លាំងគណៈបញ្ជាការឯកភាពរដ្ឋបាលរាជធានីភ្នំពេញ ចុះត្រួតពិនិត្យទីតាំងអគារស្នាក់នៅរបស់ជនជាតិបរទេសមួយកន្លែង ដែលមានការសង្ស័យជាប់ពាក់ព័ន្ធនឹងបម្រេីសេវាតាមអនឡាញខុសច្បាប់ ស្ថិតទល់មុខស្ថានទូតអូស្រ្តាលី ផ្លូវរដ្ឋសភា ភូមិ១៥ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។ប្រតិបត្តិការនេះ ធ្វើឡើងនៅរសៀលថ្ងៃចន្ទ ទី១៩ ខែកញ្ញា ឆ្នាំ២០២២ ដោយអនុវត្តតាមប្រសាសន៍ដឹកនាំរបស់ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ និងមានការសម្របសម្រួលពីលោក ចែ សុង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ដឹកនាំផ្ទាល់ដោយ លោក មាន ចាន់យ៉ាដា អភិបាលរងរាជធានីភ្នំពេញ និងលោក គៀង ល័ក្ស អភិបាលខណ្ឌចំការមន កម្លាំងចម្រុះចុះត្រួតពិនិត្យទីតាំងអគារស្នាក់នៅរបស់ជនជាតិបរទេសទល់មុខស្ថានទូតអូស្រ្តាលី ដែលមានការសង្ស័យជាប់ពាក់ព័ន្ធនឹងបម្រេីសេវាតាមអនឡាញខុសច្បាប់។ក្រោយប្រតិបត្តិការកម្លាំងអាជ្ញាធរសម្រេចបិទខ្ទប់បណ្ដោះអាសន្នទាំងវត្ថុតាង និងមនុស្សឲ្យនៅក្នុងអាគារនេះសិន រង់ចាំអនុវត្តនីតិវិធីជាបន្តបន្ទាប់ទៀត៕ អត្ថបទ៖ កុម្ភៈ

អាជ្ញាធររាជធានីភ្នំពេញ ត្រួតពិនិត្យតាមហាងបញ្ចាំនៅតំបន់ឃ្លាំងរំសេវ

ភ្នំពេញ៖ កម្លាំងគណៈបញ្ជាការឯកភាពរាជធានីភ្នំពេញ បានចុះធ្វើការត្រួតពិនិត្យតាមបណ្ដាហាងបញ្ចាំជាច្រើននៅតំបន់ឃ្លាំងរំសេវ ស្ថិតនៅមូលដ្ឋានសង្កាត់ទាំងល្អក់៣ ខណ្ឌទួលគោកដោយត្រួតពិនិត្យមើលលើអាជ្ញាប័ណ្ណមានឬផុតកំណត់ និងអនុវត្តតាមនីតិវិធី។ប្រតិបត្តិការនេះ ធ្វើឡើងនៅវេលាម៉ោង ៤និង ៥០នាទី ល្ងាចថ្ងៃទី១៩ ខែកញ្ញា ឆ្នាំ២០២២ ដឹកនាំដោយ លោក ឃ្លាំង ហួត អភិបាលរងរាជធានីភ្នំពេញ ដោយមានការសម្របសម្រួលពីលោក លឹម ប៊ុនហេង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ និងកងកម្លាំងចម្រុះមូលដ្ឋានខណ្ឌទួលគោក។លោក ឃ្លាំង ហួត អភិបាលរងរាជធានីភ្នំពេញ បានឲ្យដឹងថា ការចុះត្រួតពិនិត្យនេះមិនមែនធ្វើតែមួយថ្ងៃនេះឡើយ គឺធ្វើជាប់ជាប្រចាំដូចភ្លៀងរលឹម ដើម្បីបង្ការ និងបង្ក្រាបគ្រប់បទល្មើសល្បែងស៊ីសងទាំងអស់ ដោយអនុវត្តតាមប្រសាសន៍ដ៏ខ្ពង់ខ្ពស់របស់អគ្គមហាសេនាបតីតេជោ ហ៊ុន សែន នាយករដ្ឋមន្ត្រី៕ អត្ថបទ៖ កុម្ភៈ

បុរសម្នាក់ជាអ្នកសារព័ត៌មាន បានជួបគ្រោះថ្នាក់ចរាចរណ៍ស្លាប់ ក្នុងតំបន់បឹងកក់

ភ្នំពេញ៖ គ្រោះថ្នាក់ចរាចរណ៍ បានបណ្ដាលឲ្យបុរសម្នាក់ ស្លាប់បាត់បង់ជីវិត ខណៈកំពុងសង្គ្រោះបន្ទាន់ក្នុងមន្ទីរពេទ្យ។ ហេតុការណ៍នេះ បានកើតឡើងកាលពីវេលា ម៉ោង១១ព្រឹកថ្ងៃទី១៩ ខែកញ្ញា ឆ្នាំ២០២២ ទីតាំងកើតហេតុស្ថិតនៅផ្លូវបំបែកជាបួន ផ្លូវលេខ៨២ កែងផ្លូវលេខ១៥៩ ស្ថិតនៅក្នុងបឹងកក់ ស្ថិតក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។យោងតាមប្រភពព័ត៌មានពីកន្លែងកើតហេតុ បានឱ្យដឹងថា នៅមុនពេលកើតហេតុ គេបានឃើញជនរងគ្រោះជិះម៉ូតូម៉ាកហុងដាឌ្រីមសេ១២៥ ពណ៌ខ្មៅដែលមានស្លាកលេខ ភ្នំពេញ1FD-9887 ធ្វើដំណើរតាមបណ្តោយផ្លូវ១៥៩ ក្នុងទិសដៅពីជើងទៅត្បូង ខណៈមកដល់ចំណុចកើតហេតុ ស្រាប់តែត្រូវបានរថយន្តមួយគ្រឿង ម៉ាកហ៊ីយ៉ានដាយ HVX ពណ៌ទឹកប្រាក់ មានស្លាកលេខព្រះសីហនុ2B-5858 ធ្វើដំណើរតាមបណ្តោយផ្លូវលេខ៨២ ក្នុងទិសដៅពីលិចទៅកើតក្នុងល្បឿនលឿន បុកពេញទំហឹងបណ្តាលឲ្យជនរងគ្រោះរងរបួសធ្ងន់បែកក្បាលផុងនៅផ្នែកខាងក្រោយនៃលលាដ៍ក្បាល ហូរឈាមមិនឈប់។បន្ទាប់មកគេឃើញមានរថយន្តសាម៉ុយនៃមន្ទីរពេទ្យកាល់ម៉ែត្រ មកទទួលទៅសង្គ្រោះបន្ទាន់ភ្លាមៗ តែជាអកុសល បុរសរងគ្រោះត្រូវបានទទួលមរណៈភាពនៅក្នុងមន្ទីរពេទ្យ។គួរបញ្ជាក់ថា ជនរងគ្រោះមានឈ្មោះ ឌី រៀ អាយុ៥៩ឆ្នាំ មុខរបរជាអ្នកកាសែតនៃស្ថាប័ន កម្ពុជាថ្មី បច្ចុប្បន្នសពត្រូវបានក្រុមគ្រួសារទទួលយកទៅបូជាតាមប្រពៃណី។ ចំណែកម្ចាស់រថយន្ត ត្រូវបានសម្ថកិច្ចមូលដ្ឋានបញ្ជូនទៅប៉ុស្តិ៍នគរបាលរដ្ឋបាលស្រះចក ដើម្បីធ្វើកំណត់ហេតុ៕

អភិបាលខេត្តបាត់ដំបង ណែនាំអាជ្ញាធរឱ្យបង្ក្រាប និងឈប់ពាក់ព័ន្ធនឹងល្បែងស៊ីសង

បាត់ដំបង៖ អនុវត្តតាមបទបញ្ជារបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ឯកឧត្តម សុខ លូ អភិ បាលខេត្តបាត់ដំបង កាលពីថ្ងៃទី១៨ ខែកញ្ញាម្សិលមិញ បានដឹកនាំកិច្ចប្រជុំដាក់ផែនការជាក់លាក់បង្រ្កាបល្បែងស៊ីសងខុស ច្បាប់គ្រប់ប្រភេទ។ ឯកឧត្ដម បានណែនាំអាជ្ញាធរឱ្យបង្ក្រាប និងដកខ្លួនកុំពាក់ព័ន្ធនឹងល្បែងស៊ីសង។ក្នុងកិច្ចប្រជុំ ដែលមានការចូលរួមពីអភិបាលរងខេត្ត អភិបាលក្រុង ស្រុក និងថ្នាក់ដឹកនាំកងកម្លាំង ទាំងបីប្រភេទ ឯកឧត្តមអភិបាលខេត្តបាត់ដំបង សុខ លូ បានណែនាំដល់អ្នកពាក់ព័ន្ធនឹងល្បែងខុសច្បាប់ ទាំងអស់ ត្រូវដកខ្លួនថយជាបន្ទាន់ ហើយដកខ្លួនជារៀងរហូត។ មេល្បែងខុសច្បាប់គ្រប់ប្រភេទ និង កន្លែង លួចលាក់លេងល្បែងនានា ត្រូវបញ្ឈប់ជាបន្ទាន់។ឯកឧត្តម បានណែនាំដល់អ្នកញៀនល្បែងទាំងឡាយ ឱ្យឈប់លេងតទៅទៀត ដើម្បី សុភមង្គល ក្នុងគ្រួសារ។ឯកឧត្តម បានជំរុញដល់អាជ្ញាធរ និងកងម្លាំងមានសមត្ថកិច្ច ត្រូវបង្រ្កាបគ្រឿងញៀន និងបទ ល្មើសគ្រប់ប្រភេទជាប់ជាប្រចាំ ដោយមិនដកដៃឡើយ។តាមរយៈសារសំឡេងកាលពីថ្ងៃទី១៧ ខែកញ្ញា នេះ សម្ដេចតេជោ ហ៊ុន សែន បានចេញបញ្ជា ដោយម៉ឺងម៉ាត់បំផុត ឱ្យចាត់វិធានការបង្រ្កាបល្បែងស៊ីសងខុសច្បាប់គ្រប់ប្រភេទ ដោយសម្ដេចតេជោ បានបញ្ជាក់អំពីភាពមិនញញើតក្នុងការដកចេញពីមុខតំណែងអភិបាលរាជធានី ខេត្ត និងអាជ្ញាធរមូល ដ្ឋានទាំងឡាយណា ដែលត្រូវបានរកឃើញថា មិនទទួលខុសត្រូវ លើមុខងាររបស់ខ្លួន៕អត្ថបទ៖ នឿត សុភក្ត្រ

ឃាត់មនុស្ស៧០នាក់ ក្នុងប្រតិបត្តិការបង្ក្រាបល្បែងស៊ីសងរយៈពេល២ថ្ងៃនៅភ្នំពេញ

ភ្នំពេញ៖ បន្ទាប់ពីមានបទបញ្ជារបស់ថ្នាក់ដឹកនាំកម្លាំងអាជ្ញាធរទាំង១៤ខណ្ឌ ក្នុងភូមិសាស្ត្ររាជធានីភ្នំពេញ បានចុះប្រតិបត្តិការបង្ក្រាបល្បែងស៊ីសងជាបន្តបន្ទាប់ ចាប់ពីរសៀលថ្ងៃទី១៧ ខែកញ្ញា ឆ្នាំ២០២២ រហូតឃាត់ខ្លួនមនុស្សចំនួន៧០នាក់ ក្នុងរយៈពេល២ថ្ងៃមកនេះ។លោកវរសេនីយ៍ឯក សាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញ បានឱ្យដឹង នាព្រឹកថ្ងៃទី១៩ ខែកញ្ញា ឆ្នាំ២០២២ថា គិតត្រឹមរយៈពេល២ថ្ងៃ គឺថ្ងៃទី១៧ និងទី១៨ ខែកញ្ញា ឆ្នាំ២០២២ ដោយអនុវត្តតាមបទបញ្ជារបស់ឯកឧត្តម ឃួង ស្រេង អភិបាលរាជធានីភ្នំពេញ និងឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានដាក់ចេញនូវផែនការ និងបង្កើតក្រុមការងារធ្វើការបង្ក្រាបទីតាំងបើកលេងល្បែងស៊ីសងរយៈពេល២ថ្ងៃមកនេះបានចំនួន ៣៦ករណី ដោយឃាត់ខ្លួនមនុស្ស៧០នាក់ មានស្រ្ដី ៣៥នាក់។លោកវរសេនីយ៍ឯក សាន សុខសីហា បានបន្ថែមថា មូលដ្ឋានដែលមានការបង្ក្រាបល្បែងស៊ីសងមានដូចជា ខណ្ឌចំការមន ខណ្ឌបឹងកេងកង ខណ្ឌដូនពេញ ខណ្ឌទួលគោក ខណ្ឌដង្កោ ខណ្ឌមានជ័យ ខណ្ឌច្បារអំពៅ ខណ្ឌឬស្សីកែវ ខណ្ឌជ្រោយចង្វារ ខណ្ឌសែនសុខ និងខណ្ឌកំបូល។ ជាមួយគ្នានេះកម្លាំងសមត្ថកិច្ចនឹងបន្តស្រាវជ្រាវ អនុវត្តបង្ក្រាបទីតាំងល្បែងខុសច្បាប់គ្រប់ប្រភេទបន្តបន្ទាប់ទៀតជាប្រចាំ។ ចំពោះមនុស្សប្រុសស្រីទាំង៧០នាក់ ត្រូវបានកម្លាំងអាជ្ញាធរសាកសួរ និងកសាងសំណុំរឿងបញ្ជូនខ្លួនទៅអយ្យការអមសារដំបូងរាជធានីភ្នំពេញ ដើម្បីចាត់ការតាមនីតិវិធី។គួរបញ្ជាក់ថា កាលពីថ្ងៃទី១៧ ខែកញ្ញា ឆ្នាំ២០២២ ក្រោយមានអនុក្រឹត្យ និងប្រសាសន៍របស់សម្ដេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រី បានបញ្ជាដាច់ខាតឱ្យអាជ្ញាធររាជធានី ខេត្ត ចុះបង្ក្រាបល្បែងស៊ីសងគ្រប់ប្រភេទ ភ្លាមៗឯកឧត្តម ឃួង ស្រេង អភិបាលរាជធានីភ្នំពេញ បានប្រជុំបន្ទាន់ពាក់ព័ន្ធការការពារសន្តិសុខ និងបង្ក្រាបល្បែងស៊ីសងគ្រប់ប្រភេទទាំងនោះ អភិបាលរាជធានីភ្នំពេញបានដាក់បទបញ្ជាឱ្យអាជ្ញាធរខណ្ឌនីមួយៗ មិនត្រូវបិទបាំងទីតាំងលេងល្បែងស៊ីសងខុសច្បាប់ណាមួយទាំងអស់ ក្នុងដែនសមត្ថកិច្ចរបស់ខ្លួន ហើយក្នុងករណីក្រុមការងារចម្រុះបានឃើញ និងចុះបង្ក្រាបបាន គឺអភិបាលខណ្ឌនោះត្រូវទទួលខុសត្រូវ។ឯកឧត្តមអភិបាលរាជធានី បានបន្តថា ក្រុមការងាររបស់សាលារាជធានីនឹងចុះទៅបង្ក្រាបតាមមូលដ្ឋាន នៅពេលចុះបង្ក្រាបនៅខណ្ឌណាមួយ គឺមិនឱ្យអភិបាលខណ្ឌនោះចុះបង្ក្រាបជាមួយទេ ដូច្នេះខណ្ឌនោះត្រូវទទួលខុសត្រូវបង្ក្រាបឱ្យបានមុនក្រុមការងាររាជធានីចុះទៅដល់ ប្រសិនបើមិនដូច្នោះអភិបាលខណ្ឌនោះត្រូវទទួលខុសត្រូវផងដែរ នៅពេលក្រុមការងាររាជធានីចុះរកឃើញ និងបង្ក្រាប ហើយឯកឧត្តមនឹងស្នើប្រមុខរាជរដ្ឋាភិបាលដកដំណែងអភិបាលខណ្ឌនោះ ដោយមិនលើកលែងឡើយ៕អត្ថបទ៖ កុម្ភៈ

នគរបាលឃាត់ខ្លួនបុរសម្នាក់ជាមេការ និងនារីរងគ្រោះចំនួន០៤នាក់ ពាក់ព័ន្ធករណីប្រព្រឹត្តិអំពើសញ្ចារកម្ម

ភ្នំពេញ ៖ កម្លាំងការិយាល័យប្រឆាំងការជួញដូរមនុស្ស និងការពារអនីតិជន សហការជាមួយអាជ្ញាធរមូលដ្ឋាន ចុះបង្ក្រាបជាក់ស្តែងករណីប្រព្រឹត្តិអំពើសញ្ចារកម្ម មានស្ថានទម្ងន់ទោស បើកហាងម៉ាស្សាបង្កប់បំរើសេវាផ្លូវភេទ បានឃាត់ខ្លួនបុរសម្នាក់ជាមេខ្យល់ និងនារីរងគ្រោះចំនួន ០៤នាក់ ក្នុងនោះមានអនីតិជនចំនួន០២នាក់។ដោយមានការចង្អុលបង្ហាញពីឯកឧត្តមឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ និងលោកឩត្តមសេនីយ៍ទោ ចាន់ កិត្តិខុម ស្នងការរងទទួលដឹកនាំការងារការិយាល័យប្រឆាំងការជួញដូរមនុស្ស និងការពារអនីតិជន នៃស្នងការដ្ឋាននគរបាលរាជាធានីភ្នំពេញ ដឹកនាំប្រតិបត្តិការផ្ទាល់ដោយលោក ឆាយ ហុង ព្រះរាជអាជ្ញារង និងលោកវរសេនីយ៍ទោ ហាក់ លី នាយរងការិយាល័យ បានធ្វើការឃាត់បុរសម្នាកជាអ្នកគ្រប់គ្រងនិងនារីរងគ្រោះ ក្មេងៗចំនួន០៤នាក់ នៅវេលាម៉ោង០៩ យប់ ថ្ងៃទី១៦ ខែកញ្ញា ឆ្នាំ២០២២ ចំណុចហាងម៉ាស្សាយីហោ«សម្រស់ម្ល៉េះ» ស្ថិតនៅផ្ទះលេខ៣៥ ផ្លូវលំ សង្កាត់កន្ទោក ខណ្ឌកំបូល រាជធានីភ្នំពេញ។បុរសជាថៅកែមានឈ្មោះ សៀវ ប៊ុនធឿន អាយុ២៥ឆ្នាំ ស្នាក់នៅចំណុចហាងម៉ាស្សាយីហោ«សម្រស់ម្ល៉េះ» ស្ថិតនៅផ្ទះលេខ៣៥ ផ្លូវលំ សង្កាត់កន្ទោក ខណ្ឌកំបូល រាជធានីភ្នំពេញ។តាមប្រភព បានឲ្យដឹងថា ទីតាំងហាងម៉ាស្សាយីហោ«សម្រស់ម្ល៉េះ» មានថៅកែប្រុសម្នាក់គឺជាអ្នកមើលការខុសត្រូវ នៅក្នុងហាងនេះមានស្រីៗរង់ចាំទទួលភ្ញៀវម៉ាស្សា និងរួមភេទចំនួន ០៤នាក់ សង្ស័យអនីតិជន ០២នាក់ និងមានបន្ទប់សម្រាប់រួមភេទចំនួន០២បន្ទប់ តម្លៃម៉ាស្សាធម្មតា ២០.០០០រៀល ក្នុងមួយម៉ោង និងតម្លៃនៃការរួមភេទក្នុងមួយដងចាប់ពី ២០ដុល្លារ ទៅ ២៥ដុល្លារ ហើយលុយដែលបានមកពីការ រួមភេទ គឺថៅកែហាងចែកស្មើគ្នាជាមួយស្រីៗម៉ាស្សាទាំងនោះ ។ ប្រភពដដែល បានឲ្យដឹងថា ហាងម៉ាស្សានេះ បើកដំណើរការរកស៊ីទទួលភ្ញៀវចាប់ពីម៉ោង ០៨ព្រឹក រហូតដល់យប់អាធ្រាត្រទើបបិទទ្វារ រីឯនារីដែលសង្ស័យជាអនីតិជនចំនួន ០២នាក់ គឺចូលមកបម្រើការងារចាប់ពីម៉ោង ០៧យប់ រហូតដល់ម៉ោង ១០យប់ ។ក្រោយប្រតិបត្តិការកម្លាំងជំនាញបាននាំខ្លួនបុរសមេការ ទៅការិយាល័យប្រឆាំងការជួញដូរមនុស្សនិងការពារអនីតិជន ដើម្បីសួរនាំកសាងសំណុំរឿង ចាត់ការតាមនីតិវិធី។ ចំណែកនារីរងគ្រោះទាំង០៤នាក់ត្រូវបានប្រគល់ជូនមន្ទីរសង្គមកិច្ចរាចធានីភ្នំពេញធ្វើការអប់រំ៕អត្ថបទ៖ កុម្ភៈ

អាជ្ញាធរខណ្ឌដូនពេញប្រគល់ម៉ូតូទៅម្ចាស់ម៉ូតូវិញ ក្រោយធ្វើការផ្លាស់ប្ដូរបំពង់ស៊ីម៉ាំងប្រែនរួចរាល់

ភ្នំពេញ៖ ក្រោយពីកម្លាំងនគរបាលនៃអធិការដ្ឋាននគរបាលខណ្ឌដូនពេញធ្វើការឃាត់ម៉ូតូជាច្រើនគ្រឿងដែលលេងបំពង់ស៊ីម៉ាំងលឺៗ បង្កការរំខានតាមដងផ្លូវ កន្លងមកយកមករក្សារទុកនៅអធិការដ្ឋាននគរបាលខណ្ឌរហូតដល់ពេលនេះ ម្ចាស់ម៉ូតូនីមួយៗ បានធ្វើការផ្លាស់ប្ដូរដាក់បំពង់ស៊ីម៉ាំងធម្មតាឡើងវិញរួចរាល់ ត្រូវបានកម្លាំងនគរបាលធ្វើការប្រគល់ជូនម្ចាស់វិញ មានអាណាព្យាបាលមកធានាផងដែរ និងធ្វើពិន័យតាមអនុក្រឹតលេខ៣៩ នៃច្បាប់ចរាចរណ៍។ជាក់ស្ដែងការប្រគល់ម៉ូតូជនម្ចាស់ម៉ូតូវិញនេះ បានធ្វើឡើងនៅថ្ងៃទី១៤ ខែកញ្ញា ឆ្នាំ២០២២ នៅអធិការនគរបាលខណ្ឌដូនពេញ រាជធានីភ្នំពេញ។ក្នុងនោះដែរអាណាព្យាបាលរបស់យុវជនទាំងនោះ បានសូមថ្លែងអំណរអរគុណ ដល់អាជ្ញាធរពាក់ព័ន្ធដែលអនុញ្ញាតឲ្យម៉ូតូរបស់កូនគាត់ត្រឡប់ទៅផ្ទះវិញ។ បន្ថែមទៀតនោះ ពួកសន្យាថា មិនឲ្យកូនពួកគាត់ប្រព្រឹត្តខុសដូនកន្លងទៅទៀតឡើយ និងធ្វើការអប់រំដល់កូនៗបន្តទៀត៕ អតត្ថបទ៖ កុម្ភៈ

នគរបាលខេត្ត បង្ហាញមុខជនសង្ស័យឆក់មានស្ថានទម្ងន់ទោសចំនួន០៩នាក់ ដែលសមត្ថកិច្ចបានសហការគ្នាចុះប្រតិបត្តិការបង្ក្រាបចាប់ខ្លួនបាន

កំពង់ឆ្នាំង ៖ មុខសញ្ញាក្រុមសង្ស័យឆក់មានស្ថានទម្ងន់ទោសចំនួន ០៩នាក់ ត្រូវបានសមត្ថកិច្ចនគរបាលនៃស្នងការដ្ឋាននគរបាលខេត្តកំពង់ឆ្នាំង បង្ហាញមុខនៅល្ងាចថ្ងៃទី០៨ ខែកញ្ញា ឆ្នាំ២០២២នេះ បន្ទាប់ពីសមត្ថកិច្ចសហការគ្នាចុះបង្ក្រាប និងចាប់ខ្លួនបាន ក្រោយពីពួកគេធ្វើសកម្មភាព នៅក្នុងស្រុកចំនួន៤ នៃខេត្តកំពង់ឆ្នាំង ។លោកឧត្តមសេនីយ៍ត្រី ប៉ុល វុទ្ធី ស្នងការរងទទួលបន្ទុកផ្នែកព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តកំពង់ឆ្នាំង បាននិយាយឲ្យដឹងថា : អនុវត្តតាមបទបញ្ជាលោកឧត្តមសេនីយ៍ទោ ខូវ លី ស្នងការនគរបាល ខេត្តកំពង់ឆ្នាំង ក្រោយពីមានសកម្មភាពចោរលួចចោរឆក់មានស្ថានទម្ងន់ទោស កើត មាននៅក្នុងខែ០៧ និងខែ០៨ នៅក្នុងស្រុកចំនួន៤ គឺ ស្រុកកំពង់ត្រឡាច, ស្រុកសាមគ្គីមានជ័យ ,ស្រុកទឹកផុស និងស្រុករលាប្អៀរ ។ លោកបានដឹកនាំសមត្ថកិច្ចជំនាញបានសហការជា មួយនគរបាលស្រុក នគរបាលប៉ុស្តិ៍ពាក់ព័ន្ធ និងករណីមួយចំនួនបានសហការជាមួយសមត្ថកិច្ចនគរបាលខេត្តកណ្ដាល និងខេត្តកំពង់ស្ពឺផងដែរ ក្នុងពេលចេញប្រតិបត្តិការស្រាវជ្រាវរកមុខសញ្ញាជនល្មើសដែលច្រើនភាគធ្វើសកម្មភាពនៅពេលយប់ ដោយប្រើរូបភាព ជិះម៉ូតូធ្លាក់ផ្ដួលម៉ូតូជនរងគ្រោះ ឬឆក់កាបូបជន រងគ្រោះ ពេលជនរងគ្រោះដួលម៉ូតូពួកវាក៏បាន ទាញកាំបិតដេញកាប់ និងពេលជនរងគ្រោះរត់ចេញហើយនោះ ពួកវាក៏លួចយកម៉ូតូតែម្តង ។ជាក់ស្ដែងនៅក្នុងអំឡុង ខែសីហាកន្លងមកថ្មីៗនេះសមត្ថកិច្ចស្រាវជ្រា វចាប់ខ្លួន បានមុខសញ្ញាខាងលើនេះចំនួន០៩នាក់ មាន១ឈ្មោះ រិន មិថុនា , ២ ស និមល , ៣ លានថា, ៤ ងន សេងលី , ៥ ប៊ុន រ៉ូស ,៦ ជាសុង , ៧ រ៉េត រ៉ុង ,៦ ហូរ អូន , ៨ យន ពិសី , ៩ សាន់ ពួកគេទាំង០៩នាក់នេះ រស់នៅក្នុងឃុំមានោក ស្រុកសាមគ្គីមានជ័យ ខេត្តកំពង់ឆ្នាំង ។ វត្ថុតាងដែលសមត្ថកិច្ចរឹបអូសបានរួមមាន កាំ បិត ១ , ពូថៅ ១ និងម៉ូតូ ០៤ គ្រឿង។លោកឧត្តមសេនីយ៍ត្រី ប៉ុល វុទ្ធី បានបញ្ជាក់ឲ្យដឹងទៀតថា : ដោយឡែកនៅក្នុងអំឡុងខែកក្កដា កន្លងមកមុខសញ្ញាដែលធ្វើសកម្មភាពដូចខាងលើនេះ និងលួចគាស់ផ្ទះលួចទ្រព្យសម្បត្តិប្រជាពលរដ្ឋ នៅក្នុងក្រុងកំពង់ឆ្នាំង និងក្នុងស្រុករលាប្អៀរក៏ត្រូវបានសមត្ថកិច្ចបង្ក្រាបចាប់ខ្លួនបានចំនួន០៧នាក់ផងដែរ ដែលជនល្មើសមួយចំនួន នៅក្នុងស្រុកសាមគ្គីមានជ័យ និងមួយចំនួនទៀតមកពីស្រុកពញាឮ ខេត្តកណ្ដាល។ ជនសង្ស័យទាំង ៧ នាក់នេះក៏ត្រូវបានកសាងសំណុំរឿងបញ្ជូនទៅកាន់តុលាការខេត្ត និងត្រូវបានតុលាការឃុំខ្លួននៅក្នុងពន្ធនា គារខេត្តអស់ហើយ ៕ អត្ថបទ ៖ ហុង វាស្នា

បណ្ដាញសង្គម

ព័ត៌មានថ្មីៗ

ប្រមុខ UN ថ្កោលទោសការវាយប្រហាររបស់អាមេរិកលើអ៊ីរ៉ង់ ដោយព្រមានពីការកើនឡើងមហន្តរាយ

លោក Putin និយាយថា ឱនភាពសេដ្ឋកិច្ចរុស្ស៊ី មិនត្រូវកើតឡើងឡើយទោះក្នុងកាលៈទេសៈណាក៏ដោយ

អ្នកស្វែងរកជំនួយនៅហ្កាហ្សានៅតែបន្តជាគោលដៅ ខណៈការវាយប្រហាររបស់អ៊ីស្រាអែលសម្លាប់មនុស្ស២៦នាក់

[UPDATE] លោកTrump ថ្លែងទៅកាន់ប្រជាជាតិ ក្រោយវាយប្រហាររបស់អាមេរិកលើអ៊ីរ៉ង់ និងព្រមានវាយប្រហារបន្ថែមទៀត

អភិបាលខេត្តតាកែវអញ្ជើញជួបសំណេះសំណាលសួរសុខទុក្ខកងទ័ពជួរមុខក្នុងភូមិសាស្ត្រខេត្តរមានជ័យ

BREAKING NEWS ÷ ប្រធានាធិបតីអាមេរិកលោក Donald Trump កាលពីថ្ងៃសៅរ៍បាននិយាយថាសហរដ្ឋអាមេរិកបានវាយប្រហារអ៊ីរ៉ង់ដោយវាយលុកទីតាំងនុយក្លេអ៊ែរចំនួនបីនៅ Fordo, Natanz និង Esfahan

ព្រះករុណា ព្រះមហាក្សត្រ និងសម្តេចព្រះវររាជមាតា ព្រះមហាក្សត្រី បានប្រោសប្រទាននូវស្បៀងអាហារចាំបាច់មួយចំនួនដល់ប្រជារាស្រ្ត ដែលបន្លាស់ទីមកស្នាក់នៅបណ្ដោះអាសន្នមណ្ឌលសុវត្ថិភាពវត្តពោធិ៍ ៥០០០ដេីម

TOP STORY | ឆ្លើយតបថៃបិទច្រកព្រំដែនច្រកសាយតាគូ-ជប់គគីរជាឯកតោភាគី សម្ដេចធិបតីបញ្ជាឱ្យបិទច្រកទ្វារព្រំដែនជាំមួយបន្ថែមទៀតចាប់ពីថ្ងៃនេះតទៅ

ឯកឧត្តម គន់ គីម៖ ក្នុងអាណត្តិរបស់រាជរដ្ឋាភិបាលដឹកនាំដោយសម្តេចធិបតី នឹងខិតខំសាងសង់ផ្ទះជូនអតីតយុទ្ធជនជាង២ពាន់គ្រួសារនៅទូទាំងប្រទេស

ឯកឧត្តម ប៉ែន បូណា៖ «នេះជាពេលវេលាដែលខ្មែរគ្រប់គ្នាជួយចូកជួយចែវ កុំយកជើងរាទឹក»

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

សមត្ថកិច្ចបង្កើនសន្តិសុខសណ្តាប់ធ្នាប់តាមវត្តអារ៉ាម អំឡុងពិធីបុណ្យភ្ជុំបិណ្ឌ

៣ថ្ងៃសមត្ថកិច្ចបង្ក្រាបល្បែងអនឡាញខុសច្បាប់ចំនួន៨៦៩ទីតាំង នៅក្នុងខេត្តតាកែវ

អាជ្ញាធររាជធានីភ្នំពេញ ចុះត្រួតពិនិត្យទីតាំងអគារមួយកន្លែង សង្ស័យបម្រេីសេវាតាមអនឡាញខុសច្បាប់

អាជ្ញាធររាជធានីភ្នំពេញ ត្រួតពិនិត្យតាមហាងបញ្ចាំនៅតំបន់ឃ្លាំងរំសេវ

បុរសម្នាក់ជាអ្នកសារព័ត៌មាន បានជួបគ្រោះថ្នាក់ចរាចរណ៍ស្លាប់ ក្នុងតំបន់បឹងកក់

អភិបាលខេត្តបាត់ដំបង ណែនាំអាជ្ញាធរឱ្យបង្ក្រាប និងឈប់ពាក់ព័ន្ធនឹងល្បែងស៊ីសង

ឃាត់មនុស្ស៧០នាក់ ក្នុងប្រតិបត្តិការបង្ក្រាបល្បែងស៊ីសងរយៈពេល២ថ្ងៃនៅភ្នំពេញ

នគរបាលឃាត់ខ្លួនបុរសម្នាក់ជាមេការ និងនារីរងគ្រោះចំនួន០៤នាក់ ពាក់ព័ន្ធករណីប្រព្រឹត្តិអំពើសញ្ចារកម្ម

អាជ្ញាធរខណ្ឌដូនពេញប្រគល់ម៉ូតូទៅម្ចាស់ម៉ូតូវិញ ក្រោយធ្វើការផ្លាស់ប្ដូរបំពង់ស៊ីម៉ាំងប្រែនរួចរាល់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

សមត្ថកិច្ចបង្កើនសន្តិសុខសណ្តាប់ធ្នាប់តាមវត្តអារ៉ាម អំឡុងពិធីបុណ្យភ្ជុំបិណ្ឌ

៣ថ្ងៃសមត្ថកិច្ចបង្ក្រាបល្បែងអនឡាញខុសច្បាប់ចំនួន៨៦៩ទីតាំង នៅក្នុងខេត្តតាកែវ

អាជ្ញាធររាជធានីភ្នំពេញ ចុះត្រួតពិនិត្យទីតាំងអគារមួយកន្លែង សង្ស័យបម្រេីសេវាតាមអនឡាញខុសច្បាប់​

អាជ្ញាធរ​រាជធានី​ភ្នំពេញ ត្រួតពិនិត្យ​តាម​ហាង​បញ្ចាំ​នៅ​តំបន់​ឃ្លាំង​រំសេវ​

បុរសម្នាក់ជាអ្នកសារព័ត៌មាន បានជួបគ្រោះថ្នាក់ចរាចរណ៍ស្លាប់ ក្នុងតំបន់បឹងកក់

អភិបាលខេត្តបាត់ដំបង ណែនាំអាជ្ញាធរឱ្យបង្ក្រាប និងឈប់ពាក់ព័ន្ធនឹងល្បែងស៊ីសង

ឃាត់មនុស្ស៧០នាក់ ក្នុងប្រតិបត្តិការបង្ក្រាបល្បែងស៊ីសងរយៈពេល២ថ្ងៃនៅភ្នំពេញ

នគរបាលឃាត់ខ្លួនបុរសម្នាក់ជាមេការ និងនារីរងគ្រោះចំនួន០៤នាក់ ពាក់ព័ន្ធករណីប្រព្រឹត្តិអំពើ​សញ្ចារកម្ម

អាជ្ញាធរខណ្ឌដូនពេញប្រគល់ម៉ូតូទៅម្ចាស់ម៉ូតូវិញ ក្រោយធ្វើការផ្លាស់ប្ដូរបំពង់​ស៊ីម៉ាំង​​ប្រែនរួចរាល់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អាជ្ញាធររាជធានីភ្នំពេញ ចុះត្រួតពិនិត្យទីតាំងអគារមួយកន្លែង សង្ស័យបម្រេីសេវាតាមអនឡាញខុសច្បាប់

អាជ្ញាធររាជធានីភ្នំពេញ ត្រួតពិនិត្យតាមហាងបញ្ចាំនៅតំបន់ឃ្លាំងរំសេវ

នគរបាលឃាត់ខ្លួនបុរសម្នាក់ជាមេការ និងនារីរងគ្រោះចំនួន០៤នាក់ ពាក់ព័ន្ធករណីប្រព្រឹត្តិអំពើសញ្ចារកម្ម

អាជ្ញាធរខណ្ឌដូនពេញប្រគល់ម៉ូតូទៅម្ចាស់ម៉ូតូវិញ ក្រោយធ្វើការផ្លាស់ប្ដូរបំពង់ស៊ីម៉ាំងប្រែនរួចរាល់