BTV NEWS

នគរបាលនៅអាកាសយានដ្ឋានអន្តរជាតិភ្នំពេញ ឃាត់ខ្លួនជនបរទេសម្នាក់ ពាក់ព័ន្ធករណីដឹកជញ្ជូនកញ្ឆាក្រៀមឆ្លងដែនជិត ២០គីឡូក្រាម

ក្រុមក្មេងទំនើងជាង៤០នាក់ ត្រូវសមត្ថកិច្ចបញ្ជូនទៅពន្ធនាគារ អ្នកនាំពាក្យព្រមានថា "បើមិនកែ គឺគុក!"

នាយកដ្ឋានប្រឆាំងបទល្មើសបច្ចេកវិទ្យា បង្រ្កាបករណីឆបោកក្រោមរូបភាពទិញលក់ម៉ូតូតាមអនឡាញ

នគរបាលខណ្ឌកំបូលឃាត់ម៉ូតូ ១០គ្រឿង ករណីប្រេីប្រាស់សុីម៉ាំងបំពងសំឡេង

សន្តិសុខ និង សង្គម

រដ្ឋបាលខណ្ឌទួលគោកទុករយៈពេល៧ថ្ងៃ ដល់ម្ចាស់អាជីវកម្មគ្រប់ប្រភេទដែលកំពុង លក់ដូរទំនិញនៅលើកំណាត់ ផ្លូវលេខ២៤៥

ភ្នំពេញ ៖ ដោយអនុវត្តតាមការណែនាំរបស់រដ្ឋបាលរាជធានីភ្នំពេញ រដ្ឋបាលខណ្ឌទួលគោក បានណែនាំដល់ម្ចាស់អាជីវកម្ម គ្រប់ប្រភេទដែលបាននិងកំពុងលក់ដូរទំនិញនៅលើកំណាត់ មហាវិថីម៉ៅសេទុង ចាប់ពីផ្លូវលេខ២៣០ ដល់ផ្លូវលេខ៣៣៦ ស្ថិតក្នុងមូលដ្ឋានសង្កាត់ផ្សារដើមគរ និងសង្កាត់បឹងសាឡាង ដើម្បីចូលរួមរក្សាសណ្តាប់ធ្នាប់របៀបរៀបរយសាធារណៈ ទប់ស្កាត់ការរំលោភយកចិញ្ចើមផ្លូវ និងទ្រូងផ្លូវសាធារណៈសម្រាប់អាជីវកម្មរបស់ខ្លួន និង បង្កអោយមានការកកស្ទះចរាចរណ៍នៅលើ ដងផ្លូវប៉ះពាល់ដល់ផលប្រយោជន៍ និង ការរស់នៅប្រចាំថ្ងៃ របស់ប្រជាពលរដ្ឋ ក្នុងរាជធានីភ្នំពេញ។ជាក់ស្តែងកាលពីថ្ងៃទី០២ ខែវិច្ឆិកា ឆ្នាំ២០២១ រដ្ឋបាលខណ្ឌទួលគោក ចេញសេចក្ដីជូនដំណឹងណែនាំដល់បងប្អូនប្រជាពលរដ្ឋ និងសាធារណៈ ជនទាំងអស់ឲ្យបានជ្រាបថា ដើម្បីកាត់បន្ថយការកកស្ទះចរាចរណ៍ ការរក្សាសណ្ដាប់ធ្នាប់សាធារណៈ ឲ្យមានរបៀបរៀបរយតាមដងផ្លូវ និងលើកកម្ពស់សោភណភាពក្នុងមូលដ្ឋាន ឲ្យបានល្អប្រសើររដ្ឋបាលខណ្ឌទួលគោកបានរៀបចំ សណ្តាប់ធ្នាប់នៅតាមបណ្ដោយផ្លូវលេខ២៤៥ (មហាវិថីម៉ៅសេទុង) ក្នុងភូមិសាស្ត្រខណ្ឌទួលគោក រាជធានីភ្នំពេញជាបន្តបន្ទាប់។ ក៏ប៉ុន្តែក្នុងរយៈពេលកន្លងមកនេះ រដ្ឋបាលខណ្ឌទួលគោក សង្កេតឃើញថា មានបងប្អូនម្ចាស់អាជីវកម្ម លក់ដូរគ្រប់ប្រភេទបានធ្វើឲ្យមានការកកស្ទះចរាចរណ៍ និងការចោលសំរាមគ្មានសណ្តាប់ធ្នាប់បណ្តាលឲ្យមានការកកស្ទះ ប្រព័ន្ធលូនៅពេលមានភ្លៀងធ្លាក់ម្តងៗ និងធ្វើឲ្យបាត់បង់សោភណភាពរបៀបរៀបរយ និងសណ្តាប់ធ្នាប់សាធារណៈ។ក្នុងន័យនេះ ដើម្បីបង្កលក្ខណៈងាយស្រួលដល់ការរៀបចំផ្លូវអោយបានល្អប្រសើរ រដ្ឋបាលខណ្ឌទួលគោក សូមដាក់ចេញនូវវិធានការចំនួនរួមមាន ៖១.បញ្ឈប់ការប្រកបអាជីវកម្មលក់ដូរទំនិញគ្រប់ប្រភេទលើចិញ្ចើមផ្លូវ និងទ្រូងផ្លូវសាធារណៈជាដាច់ខាត។ ២.មិនអនុញ្ញាតឲ្យមានការចត ឬឈប់យានយន្តដឹកជញ្ជូនទំនិញ ដើម្បីផ្ទេរទំនិញគ្រប់ប្រភេទ តាមគ្រប់ មធ្យោបាយនៅលើចិញ្ចើម និងទ្រូងផ្លូវសាធារណៈ នៅលើកំណាត់ផ្លូវលេខ២៤៥ (ចាប់ពីផ្លូវលេខ១៨២ ដល់ ផ្លូវលេខ៣៣៦) ។ និង ៣. ចំពោះបងប្អូនដែលប្រកបអាជីវកម្មគ្រប់ប្រភេទនៅក្នុងដីកម្មសិទ្ធផ្ទាល់ខ្លួនដែលមិនទាន់មានលិខិតអនុញ្ញាត បើកអាជីវកម្ម សូមបងប្អូនស្នើសុំលិខិតអនុញ្ញាតប្រកបអាជីវកម្មនៅការិយាល័យច្រកចេញ-ចូលតែមួយ ខណ្ឌទួលគោក។រដ្ឋបាលខណ្ឌទួលគោក ទុករយៈពេល០៧ថ្ងៃ ចាប់ពីថ្ងៃជូនសេចក្តីណែនាំនេះតទៅ ក្នុងករណីមិនអនុវត្តតាម ការណែនាំរដ្ឋបាលខណ្ឌទួលគោក នឹងចាត់វិធានការរដ្ឋបាល វិធានការច្បាប់ និងមិនទទួលខុសត្រូវលើការខូតខាត ឬបាត់បង់ទ្រព្យសម្បត្តិណាមួយឡើយ៕អត្ថបទ ៖ កុម្ភៈ

បង្ក្រាបករណីកែច្នៃជួញដូរគ្រឿងញៀន ចាប់ខ្លួនជនសង្ស័យ ២នាក់គ្រឿងញៀនជិត៥៩ គីឡូក្រាម

ភ្នំពេញ ៖ សមត្ថកិច្ចជំនាញ នៃមន្ទីរប្រឆាំងបទល្មើសគ្រឿងញៀន បង្ក្រាបករណីកែច្នៃ ជួញដូរគ្រឿងញៀន ចាប់ខ្លួនជនសង្ស័យ ២នាក់និងរឹបអូសគ្រឿងញៀនជិត ៥៩ គីឡូក្រាម នៅរាជធានីភ្នំពេញ។សមត្ថកិច្ច បានបញ្ជាក់ថា បន្ទាប់ពីឃាត់ខ្លួនជនសង្ស័យបានម្នាក់ កម្លាំងជំនាញ បានធ្វើការឆែកឆេរ និងឈានដល់ការចាប់ខ្លួនជនសង្ស័យម្នាក់ទៀតឈ្មោះ ហេង គឹមហេង នៅចំណុច បន្ទប់ជួលលេខ៧ ផ្លូវលេខ៣០០ ក្រុម១៩ សង្កាត់បឹងកេងកង២ ខណ្ឌបឹងកេងកង រាជធានីភ្នំពេញ នៅថ្ងៃជាមួយគ្នា ។ជនសង្ស័យទាំង ០២នាក់ ១-ឈ្មោះ ង្វៀង វីងទី ភេទប្រុស អាយុ ២៦ឆ្នាំ ជនជាតិ វៀតណាម ។ ២-ឈ្មោះ ហេង គឹមហេង ភេទប្រុស អាយុ ២៥ឆ្នាំ ជនជាតិខ្មែរ។ វត្ថុតាងចាប់យក ៖ -មេតំហ្វេតាមីន (ICE) ទម្ងន់សុទ្ធ ៣.៥១ក្រាម។ -កេតាមីន (KETAMIN) ទម្ងន់សុទ្ធ ៥០.៤២ក្រាម។ -អ៊ិចស្តាស៊ី (MDMA) ទម្ងន់សុទ្ធ ១គ.ក្រ ៥១៧.៣២ក្រាម។ -មេកាទីណូន (METHCATHINONE) ទម្ងន់សុទ្ធ ៤៦ គីឡូក្រាម ៧៧៤ក្រាម ។ សរុបរួម ទម្ងន់ ៤៨ គីឡូក្រាម ៣៤៥.២៥ក្រាម។សារធាតុផ្សំ (មិនច្បាស់) ៦ គីឡូក្រាម ២១៤.៣៦ ក្រាម។បច្ចុប្បន្នជនសង្ស័យទាំង ២នាក់ និងវត្ថុតាងទាំងអស់ សមត្ថកិច្ចជំនាញមន្ទីរប្រឆាំងគ្រឿងញៀន បានកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ចាត់ការតាមនីតិវិធី ៕

កម្ពុជាបន្តរកឃើញមនុស្ស ៨៥នាក់ឆ្លងកូវីដ-១៩ ខណៈអ្នកជំងឺ៩៤នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៨៥នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ៩៤នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ៧៦នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៩នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស៧នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ២ ៨០៧នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ១១៥ ១១១នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១១៨ ៧៨៧នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

កម្ពុជាបន្តរកឃើញមនុស្ស ៨៩នាក់ឆ្លងកូវីដ-១៩ ខណៈអ្នកជំងឺ១១៥នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៨៩នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ១១៥នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ៨៥នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៤នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស៦នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ២ ៨០០នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ១១៥ ០១៧នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១១៨ ៧០២នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

កម្ពុជាបន្តរកឃើញមនុស្ស ៩១នាក់ឆ្លងកូវីដ-១៩ ខណៈអ្នកជំងឺ១៧៥នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៩១នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ១៧៥នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ៧៥នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១៦នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស៦នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ២ ៧៩៤នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ១១៤ ៩០២នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១១៨ ៦១៣ នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

កម្ពុជាបន្តរកឃើញមនុស្ស ១០៦នាក់ឆ្លងកូវីដ-១៩ ខណៈអ្នកជំងឺ២៣៤នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន១០៦នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ២៣៤នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ៩០នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១៦នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស៨នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ២ ៧៨១នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ១១៤ ៥៣៤នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១១៨ ៤២៧ នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

បុរសម្នាក់បើករថយន្តខ្វះការប្រុងប្រយ័ត្នបណ្ដាលបុកក្បាលនាគថ្មគល់ស្ពានអាកាស៧មករាបាក់មួយកង់ រថយន្តរងការខូចខាត

ភ្នំពេញ៖បុរសម្នាក់បើករថយន្តមួយគ្រឿងរួមដំណើរជាមួយគ្រួសារ ងោកមួយភាំងរេចង្កូតទៅបុកក្បាលនាគថ្មគល់ស្ពានអាកាស៧មករាបណ្តាលអោយបាក់មួយកង់ខ្ទាតមកកណ្តាលផ្លូវ និងរថយន្តរងការខូចខាតមួយកំណាត់មុខ។ហេតុការណ៍នេះបានកើតឡើងកាលពីវេលាម៉ោង២និង៣០នាទីរសៀលថ្ងៃទី២៩ ខែតុលាឆ្នាំ២០២១ស្ថិតតាមបណ្តោយមហាវិថីសហព័ន្ធរុស្សីត្រង់ចំណុចខាងកើតគល់ស្ពានអាកាស៧មករា សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។តាមប្រភពព័ត៌មាននៅកន្លែងកើតហេតុបានអោយដឹងថា នៅមុនពេលកើតហេតុគេឃើញរថយន្តម៉ាកម៉ាសស្តា ពណ៌សរ ពាក់ស្លាកលេខ ភ្នំពេញ2AW-6716បើកបរដោយបុរសម្នាក់រួមដំណើរជាមួយគ្រួសារ ធ្វើដំណើរតាមបណ្តោយមហាវិថីសហព័ន្ធរុស្សីក្នុងទិសដៅពីកើតទៅលិចក្នុងល្បឿនលឿនគួរសមខណៈពេលមកដល់ចំណុចកើតហេតុ បានរេចង្កូតទៅបុកក្បាលនាគថ្មគល់ស្ពានអាកាស៧មករាបណ្តាលអោយបាក់មួយកង់ខ្ទាតចេញមកកណ្តាលផ្លូវតែសំណាងល្អក្នុងហេតុការណ៍នោះមិនបង្កអោយមនុស្សណាម្នាក់រងរបួសនោះទេរងការខូចខាតតែរថយន្តមួយកំណាត់មុខ។ក្រោយកើតហេតុគេឃើញសមត្ថកិច្ចជំនាញមូលរដ្ឋានចុះមកដល់កន្លែងកើតហេតុរួចទាក់ទងទៅសមត្ថកិច្ចចុះមកវាស់វែងយករថយន្តនិងអ្នកបើកបរទៅការិយាល័យចរាចរណ៍ជើងគោកនៃស្នងការរាជធានីភ្នំពេញដើម្បីដោះស្រាយគ្នានៅពេលក្រោយ៕អត្ថបទ៖ កុម្ភះ

នគរបាលឃាត់ខ្លួនជនសង្ស័យប្រុសស្រីចំនួន០៨នាក់ ពាក់ព័ន្ធករណីចោរកម្ម

ភ្នំពេញ៖ ជនសង្ស័យប្រុសស្រីមួយក្រុមចំនួន០៨នាក់ ត្រូវបានកម្លាំងនគរបាលជំនាញព្រហ្មទណ្ឌក្រសួងមហាផ្ទៃ សហការជាមួយនគរបាលព្រហ្មទណ្ឌនៃស្នងការដ្ឋាននគរបាលរាជធានីភ្នំពេញ និងនគរបាលមូលដ្ឋានខណ្ឌដូនពេញ ឃាត់ខ្លួននិងដកហូតសម្ភារៈសម្រាប់ធ្វើសកម្មភាព មួយចំនួនធំ ដូចជាកាំបិត ដាវ និងឧបករណ៍កាចករម៉ូតូ -ល-។ប្រតិបត្តិការនេះ បានធ្វើឡើងនៅវេលាម៉ោង១១ថ្ងៃត្រង់នាថ្ងៃទី២៨ ខែតុលា ឆ្នាំ២០២១ ស្ថិតនៅចំណុចផ្ទះសំណាក់មួយកន្លែង ដែលគេនិយមហៅថាផ្ទះសំណាក់ គេចពន្ធ ស្ថិតនៅផ្ទះលេខ៩៨ ផ្លូវលេខ៨១ សង្កាត់បឹងរាំង ខណ្ឌដូនពេញ រាជធានីភ្នំពេញ។តាមប្រភពព័ត៌មានពីមន្រ្តីជំនាញ បានឲ្យដឹងថា មុនឈានដល់ការចុះបង្ក្រាបទីតាំងលាក់ខ្លួនរបស់ក្រុមចោរនេះ គឺកម្លាំងជំនាញបានធ្វើការស្រាវជ្រាវ ស៊ើបអង្កេត ច្បាស់លាស់រហូតដល់ព្រឹកថ្ងៃទី២៨ ខែតុលានេះ កម្លាំងនគរបាលជំនាញព្រហ្មទណ្ឌក្រសួងមហាផ្ទៃចុះ សហការជាមួយកម្លាំងព្រហ្មទណ្ឌនៃស្នងការដ្ឋាននគរបាលរាជធានីភ្នំពេញ និងនគរបាលមូលដ្ឋានខណ្ឌដូនពេញ ចុះឡោមព័ទ្ធទីតាំងផ្ទះសំណាក់ ឃាត់ខ្លួនជនសង្ស័យប្រុសស្រីចំនួន០៨នាក់ ក្នុងនោះស្រី០២នាក់ ដកហូតវត្ថុតាងធ្វើសកម្មភាព មួយចំនួនធំ ដូចជាកាំបិតដាវ និងឧបករណ៍កាចករម៉ូតូ -ល-។មន្រ្តីជំនាញ បានបញ្ជាក់ប្រាប់ឲ្យដឹងផងដែរថា ក្រុមជនសង្ស័យនេះ គឺធ្វើសកម្មភាពចម្រុះ ដោយលួចទាំងខ្សែភ្លើង កង់ ម៉ូតូថែមទាំងពេលខ្លះធ្វើសកម្មភាពកាប់ប្លន់ផងដែរពេលផ្លូវងងឹតស្ងាត់។ក្រោយបញ្ចប់ប្រតិបត្តិការនគរបាលជំនាញ បានប្រគល់ក្រុមជនសង្ស័យទៅឲ្យនគរបាលមូលដ្ឋានខណ្ឌដូនពេញ ដើម្បីបន្តកសាងសំណុំរឿងចាត់ការតាមនីតិវិធី៕អត្ថបទ៖ កុម្ភះ

រថយន្តបីគ្រឿងបុកបន្តកន្ទុយគ្នារងការខូចខាត តែសំណាងល្អមិនបណ្ដាលឲ្យមានអ្នករងរបួស

ភ្នំពេញ ៖ រថយន្តបីគ្រឿងបានបុករះបន្តកន្ទុយគ្នា ហើយជ្រុលឡើងលើសួនច្បារពុះចែកទ្រូងផ្លូវ រងការខូចខាត និងមានការកកស្ទុះចរាចរណ៍ តែសំណាងល្អមិនមានអ្នករងរបួស ឡើងក្នុងហេតុការណ៍នេះ។ហេតុការណ៍នេះ បានកើតនៅវេលាម៉ោង៩នាទីព្រឹកថ្ងៃទី២៨ ខែតុលា ឆ្នាំ២០២១ នៅត្រង់ចំនុចមុខបុរីមេគង្គ ស៊ីធី តាមបណ្ដោយផ្លូវជាតិលេខ៦A នៅភូមិសំបួរមាស សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ ។ប្រភពព័ត៌មានពីប្រជាពលរដ្ឋកន្លែងកើតហេតុ បានឲ្យដឹងថា មុនពេលកើតហេតុគេរថយន្តម៉ាកកាមេរីឆ្លាម ពណ៌ទឹកមាស ស្លាកលេខភ្នំពេញ 2L -9058 ធ្វើដំណើរពីជើងមកត្បូង តាមបណ្ដោយផ្លូវជាតិលេខ៦A មកដល់ត្រង់ចំណុចកើតហេតុបានបត់ឆ្វេងត្រលប់ក្រោយ ក៏ត្រូវរថយន្តម៉ាកហាយឡែនឌ័រ ពណ៌ខ្មៅ ស្លាកលេខភ្នំពេញ 2AE -7435 ធ្វើដំណើរពីជើងមកត្បូង មកពីក្រោយក្នុងល្បឿនលឿនហ្វាំងមិនទាន់ក៏បុកគូទរថយន្តឆ្លាមពេញទំហឹង រុញរថយន្តទៅមុខបុកនឹងរថយន្តម៉ាកស៊ីណា ពណ៌ទឹកប្រាក់ ស្លាកលេខភ្នំពេញ 2AG -6691 ធ្វើដំណើរពីត្បូងមកជើង បុកចំទ្វាខាងក្រោយបណ្ដាលឲ្យរថយន្តស៊ីណារ៉េចង្កូតឡើងទៅទើលើសួនច្បារពុះចែកទ្រូងផ្លូវ និងបុកបង្គោលស្លាកសញ្ញាចរាចរណ៍ដួលរលើងដល់ដីរថយន្តក៏ទៅមុខលែងរួច ។ក្រោយពេលកើតហេតុរថយន្តទាំងបី ត្រូវសមត្ថកិច្ចចរាចរណ៍ ខណ្ឌជ្រោយចង្វារធ្វើការវាស់វែង នឹងយករថយន្តចេញ ដើម្បីសំរួលចរាចរណ៍កុំឲ្យកក់ស្ទុះ នឹងបានយករថយន្តទៅរក្សាទុក្ខនៅអធិការដ្ឋានខណ្ឌរងចាំការដោះស្រាយនៅពេលក្រោយ ៕អត្ថបទ៖ កុម្ភះ

គ្រោះថ្នាក់ចរាចរណ៍លើផ្លូវជាតិលេខ៥ ក្នុងស្រុកមោងឫស្សី បណ្ដាលឲ្យមនុស្សស្លាប់ ៥នាក់

ភ្នំពេញ ៖ មនុស្សចំនួន ៥នាក់ បានស្លាប់បាត់បង់ជីវិតភ្លាមៗ ក្នុងករណីគ្រោះថ្នាក់ចរាចរណ៍ដ៏រន្ធត់មួយ បង្កឡើងដោយរថយន្ត ២គ្រឿងបុកគ្នា នៅព្រឹកព្រលឹមវេលាម៉ោង៥ និង១៥ ថ្ងៃទី២៨ ខែតុលា ឆ្នាំ២០២១ លើផ្លូវជាតិលេខ៥ ស្ថិតក្នុងភូមិមោង ឃុំមោង ស្រុកមោងឫស្សី ខេត្តបាត់ដំបង ។បើយោងតាមសមត្ថកិច្ចស្រុកមោងឫស្សី បានឲ្យដឹងថា រថយន្តទាំងពីរគ្រឿង ដែលបានបុកគ្នានោះ គឺម៉ាកហ៊ីណូ (HINO) ១គ្រឿង ពាក់ស្លាកលេខកំពង់ឆ្នាំង 3A-1566អ្នកបើកបរមិនស្គាល់ឈ្មោះរត់គេចខ្លួនបាត់ បានបុកនិងរថយន្ត ១គ្រឿងទៀត ម៉ាកនីសសាន់ ពាក់ស្លាកលេខបាត់ដំប2B-2211 កំពុងបើកបរទិសដៅច្រាស់គ្នា ភ្នំពេញ-បាត់ដំបង ។ប្រភពបានបន្តថា ករណីនេះ បានបណ្តាលឲ្យស្លាប់មនុស្ស ៥នាក់ និងរបួសម្នាក់ ត្រូវបានបញ្ជូនទៅព្យាបាលនៅពេទ្យបង្អែកស្រុកមោងឫស្សី ។ ក្រោយកើតហេតុសពជនរងគ្រោះ ត្រូវបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ៕

បណ្ដាញសង្គម

ព័ត៌មានថ្មីៗ

មនុស្សរាប់ម៉ឺននាក់ ចូលរួមព្យុហយាត្រាឥន្ទធនូនៅវេណេស៊ុយអេឡា ម៉ិកស៊ិក បូលីវី និងប៉េរូ អំពាវនាវឲ្យមានភាពចម្រុះបែប

រលកកម្តៅបន្តវាយប្រហារតំបន់ភាគខាងត្បូងអឺរ៉ុប ពេលដែលសីតុណ្ហភាពកើនឡើងដល់ជាង ៤០អង្សាសេនៅតំបន់ខ្លះ

TOP STORY | អគ្គនាយកដ្ឋានអន្តោប្រវេសន៍មិនអនុញ្ញាតឱ្យមានការដឹកជញ្ជូនទំនិញគ្រប់ប្រភេទចូល ចេញឬឆ្លងកាត់ច្រកទ្វារព្រំដែនអន្តរជាតិឬច្រកទ្វារតំបន់ណាមួយតាមខ្សែបន្ទាត់ព្រំដែនកម្ពុជា-ថៃឡើយ

ពលករខ្មែរវិលត្រឡប់មកពីថៃទទួលបានការយកចិត្តទុកដាក់ពីអាជ្ញាធរខេត្តបាត់ដំបង និងមន្រ្តីជំនាញ

TOP STORY | សម្ដេចធិបតី៖ អាជ្ញាធរថៃ និងប្រជាជនថៃដែលមានបំណងចង់ឱ្យមានការបើកច្រកព្រំដែនកម្ពុជា-ថៃ ឡើងវិញមិនចាំបាច់ស្នើមកកម្ពុជាទេ ប៉ុន្ដែត្រូវស្នើទៅអ្នកមានអំណាចពិតប្រាកដនៅប្រទេសថៃ

ឯកឧត្តម ឌិត ទីណា ចុះត្រួតពិនិត្យស្ថានភាពដីសម្រាប់ផលិតកម្មដំណាំបន្លែដេីម្បីផ្គត់ផ្គង់ដល់កងទ័ព

កម្ពុជានឹងអនុវត្តគម្រោងទាក់ទាញទេសចរណ៍តំបន់ប្រាសាទសំបូរព្រៃគុក ជាតំបន់ទេសចរណ៍គំរូ

គណបក្សប្រជាជនខេត្តកំពង់ឆ្នាំង ប្រារព្ធពិធីអបអខួបអនុស្សាវរីយ៍លើកទី៧៤ថ្ងៃបង្កើតគណបក្ស

គណបក្សប្រជាជនកម្ពុជាជាកម្លាំងនយោបាយតែមួយគត់រួមសុខរួមទុក្ខជាមួយប្រជាជនគ្រប់កាលៈទេសៈ

ការសម្រេចបានជោគជ័យរបស់គណបក្សប្រជាជនកម្ពុជាជាង៤៦ឆ្នាំមកនេះអាស្រ័យមូលហេតុធំៗចំនួន៦

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

បង្ក្រាបករណីកែច្នៃជួញដូរគ្រឿងញៀន ចាប់ខ្លួនជនសង្ស័យ ២នាក់គ្រឿងញៀនជិត៥៩ គីឡូក្រាម

កម្ពុជាបន្តរកឃើញមនុស្ស ៨៥នាក់ឆ្លងកូវីដ-១៩ ខណៈអ្នកជំងឺ៩៤នាក់ទៀត ត្រូវបានព្យាបាលជាសះស្បើយ

កម្ពុជាបន្តរកឃើញមនុស្ស ៨៩នាក់ឆ្លងកូវីដ-១៩ ខណៈអ្នកជំងឺ១១៥នាក់ទៀត ត្រូវបានព្យាបាលជាសះស្បើយ

កម្ពុជាបន្តរកឃើញមនុស្ស ៩១នាក់ឆ្លងកូវីដ-១៩ ខណៈអ្នកជំងឺ១៧៥នាក់ទៀត ត្រូវបានព្យាបាលជាសះស្បើយ

កម្ពុជាបន្តរកឃើញមនុស្ស ១០៦នាក់ឆ្លងកូវីដ-១៩ ខណៈអ្នកជំងឺ២៣៤នាក់ទៀត ត្រូវបានព្យាបាលជាសះស្បើយ

នគរបាលឃាត់ខ្លួនជនសង្ស័យប្រុសស្រីចំនួន០៨នាក់ ពាក់ព័ន្ធករណីចោរកម្ម

រថយន្តបីគ្រឿងបុកបន្តកន្ទុយគ្នារងការខូចខាត តែសំណាងល្អមិនបណ្ដាលឲ្យមានអ្នករងរបួស

គ្រោះថ្នាក់ចរាចរណ៍លើផ្លូវជាតិលេខ៥ ក្នុងស្រុកមោងឫស្សី បណ្ដាលឲ្យមនុស្សស្លាប់ ៥នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

បង្ក្រាបករណីកែច្នៃជួញដូរគ្រឿងញៀន ចាប់ខ្លួនជនសង្ស័យ ២នាក់គ្រឿងញៀនជិត៥៩ គីឡូក្រាម

នគរបាលឃាត់ខ្លួនជនសង្ស័យប្រុសស្រីចំនួន០៨នាក់ ពាក់ព័ន្ធករណីចោរកម្ម

រថយន្តបីគ្រឿងបុកបន្តកន្ទុយគ្នារងការខូចខាត តែសំណាងល្អមិនបណ្ដាលឲ្យមានអ្នករងរបួស

គ្រោះថ្នាក់ចរាចរណ៍លើផ្លូវជាតិលេខ៥ ក្នុងស្រុកមោងឫស្សី បណ្ដាលឲ្យមនុស្ស​ស្លាប់ ៥នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

គ្រោះថ្នាក់ចរាចរណ៍លើផ្លូវជាតិលេខ៥ ក្នុងស្រុកមោងឫស្សី បណ្ដាលឲ្យមនុស្សស្លាប់ ៥នាក់