BTV NEWS

នគរបាលនៅអាកាសយានដ្ឋានអន្តរជាតិភ្នំពេញ ឃាត់ខ្លួនជនបរទេសម្នាក់ ពាក់ព័ន្ធករណីដឹកជញ្ជូនកញ្ឆាក្រៀមឆ្លងដែនជិត ២០គីឡូក្រាម

ក្រុមក្មេងទំនើងជាង៤០នាក់ ត្រូវសមត្ថកិច្ចបញ្ជូនទៅពន្ធនាគារ អ្នកនាំពាក្យព្រមានថា "បើមិនកែ គឺគុក!"

នាយកដ្ឋានប្រឆាំងបទល្មើសបច្ចេកវិទ្យា បង្រ្កាបករណីឆបោកក្រោមរូបភាពទិញលក់ម៉ូតូតាមអនឡាញ

នគរបាលខណ្ឌកំបូលឃាត់ម៉ូតូ ១០គ្រឿង ករណីប្រេីប្រាស់សុីម៉ាំងបំពងសំឡេង

សន្តិសុខ និង សង្គម

កម្ពុជាបន្ដរកឃើញមនុស្ស៥៩៣នាក់ឆ្លងកូវីដ-១៩ ខណៈអ្នកជំងឺ៧៤៨នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន ៥៩៣នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ៧៤៨នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៤០៤នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១៨៩នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១២នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់១ ៧៣០នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៨២ ៦៦៦នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៨៧ ១៩០នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

យប់មិញមនុស្ស៦នាក់ ត្រូវបញ្ជូនទៅតុលាការ និងជាង២២០០នាក់ទៀត រងការពិន័យ

ភ្នំពេញ ៖ ក្នុងពេលដាក់គោលដៅដើម្បីពង្រឹង និងអនុវត្តបំរាមគោចរ ក្នុងការទប់ស្កាត់ការឆ្លងរាលដាលនៃជំងឺកូវីដ១៩ ពិសេសប្រភេទបំប្លែងថ្មី នៅយប់ថ្ងៃទី១៧ ខែសីហា ឆ្នាំ២០២១ កម្លាំងសមត្ថកិច្ចបានឃាត់ខ្លួនមនុស្សចំនួនជាង២២០០នាក់ ធ្វើការអប់រំនិងពិន័យ ខណៈមនុស្សចំនួយ៦នាក់ទៀត ត្រូវបានបញ្ជូនទៅតុលាការ ចាត់ការតាមនីតិវិធីច្បាប់ ។ ក្នុងសេចក្តីជូនដំណឹង ស្តីពីលទ្ធផលអនុវត្តវិធានការច្បាប់ ចំពោះបុគ្គលដែលល្មើស នឹងវិធានការសុខាភិបាល និងវិធានការរដ្ឋបាល បានឲ្យដឹងថា នៅយប់ថ្ងៃទី១៧ ខែសីហា ការអនុវត្តវិធានការច្បាប់បានចំនួន១ ១០៩ករណី ដោយធ្វើការឃាត់ខ្លួនអប់រំ និងពិន័យ ចំនួន២ ២៩០នាក់ ឃាត់យានយន្តចំនួន ១ ១៣២គ្រឿង និងពិន័យជាប្រាក់ចំនួន ៣៤ ៤០០ ០០០រៀល ។គួរបញ្ជាក់ថា បច្ចុប្បន្ននៅក្នុងរាជធានីភ្នំពេញ និងបណ្ដាខេត្តមួយចំនួន កំពុងអនុវត្តបំរាមគោចរ មិនឲ្យមានការធ្វើដំណើរបំលាស់ទី ចាប់ពីម៉ោង៩យប់ រហូតដល់ម៉ោង៣ទៀបភ្លឺ ដើម្បីទប់ស្កាត់ការឆ្លងរាលដាលជំងឺកូវីដ១៩ លើកលែងករណីមួយចំនួន ។ក្រៅពីបានដាក់បំរាមគោចរ មានតំបន់ខ្លះក្នុងរាជធានីភ្នំពេញ ក៏ត្រូវបានអាជ្ញាធរធ្វើការបិទខ្ទប់ជាបណ្ដោះអាសន្ន ព្រោះបានរកឃើញករណីឆ្លងវីរុសបំប្លែងប្រភេទថ្មីដែលតា (Delta) ខណៈខេត្តមួយចំនួនទៀត ក៏មានការបិទផ្សារ និងបិទទីប្រជុំជន ។មួយវិញទៀត ទន្ទឹមនៅមានករណីរកឃើញឆ្លងថ្មីនៃជំងឺកូវីដ១៩ រាជរដ្ឋាភិបាល តាមរយៈ ក្រសួងសុខាភិបាល កំពុងពន្លឿនការចាក់វ៉ាក់សាំងជូនប្រជាពលរដ្ឋ ក៏ដូចជាចាក់ដូសទី៣ ឬដូសជំរុញ ដល់កម្លាំងជួរមុខផងដែរ ៕

អ្នកជាសះស្បើយពីជំងឺកូវីដ ក្នុងខេត្តបាត់ដំបង កាន់តែមានចំនួនច្រើន

បាត់ដំបង៖ ក្នុងមួយរយៈពេលចុងក្រោយនេះ អ្នកជាសះស្បើយពីជំងឺកូវីដ១៩ ក្នុងខេត្តបាត់ដំបង កាន់តែមានចំនួនច្រើនឡើង ខណៈអ្នកឆ្លងថ្មីមានការថយចុះជាបន្តបន្ទាប់ផងដែរ។ ចំនួនអ្នកឆ្លងថ្មីក្នុងខេត្តប៉ុន្មានថ្ងៃកន្លងមកនេះ បានថយចុះពីលើ១០០នាក់ មកនៅក្នុងរង្វង់ពី ៥០ទៅ៨០នាក់ក្នុងមួយថ្ងៃ ចំណែកចំនួនអ្នកជាសះស្បើយបានកើនឡើងលើសពី ១២០នាក់។ ការថយចុះចំនួនអ្នកឆ្លងថ្មី គឺដោយសារអាជ្ញាធរខេត្តគ្រប់គ្រងបានយ៉ាងល្អនូវលំហូរពលករខ្មែរមកពីប្រទេសថៃ គួបផ្សំផ្ទៃក្នុងខេត្ត ទាំងអាជ្ញាធរ និងប្រជាពលរដ្ឋបានចូលរួមអនុវត្តន៍វិធានការសុខាភិបាល ៣កុំ ៣ការពារបានខ្ជាប់ខ្ជួនផងដែរ។ ជាក់ស្ដែង រដ្ឋបាលខេត្តបាត់ដំបង នៅថ្ងៃទី១៦ ខែ សីហា ឆ្នាំ ២០២១ បានចេញសេចក្ដីប្រកាសព័ត៌មាន ស្ដីពីករណីរកឃើញអ្នកឆ្លងជំងឺកូវីដ១៩ថ្មី ចំនួន ៧៤នាក់ និងជាសះស្បើយចំនួន ១៣១នាក់។ រហូតមកដល់ពេលនេះ ខេត្តបាត់ដំបង បានរកឃើញអ្នកឆ្លងជំងឺកូវីដ១៩ សរុបចំនួន ៤ ៧៦១នាក់ បានព្យាបាលជាសះស្បើយចំនួន ៣ ៤១៨នាក់ កំពុងសម្រាកព្យាបាលចំនួន១ ២៨៣នាក់ និងស្លាប់៦០នាក់។ ចំពោះការវិលត្រឡប់របស់ពលករខ្មែរមកពីប្រទេសថៃ គឺមានជារៀងរាល់ថ្ងៃ ដោយកាលពីថ្ងៃទី១៦ ខែ សីហា ឆ្នាំ២០២១ ពលករខ្មែរត្រឡប់មកពីប្រទេសថៃចូលតាមច្រកព្រំដែននានា ក្នុងភូមិសាស្រ្តខេត្តបាត់ដំបង មានចំនួន១១៥នាក់ ក្នុងនោះមានវិជ្ជមានជំងឺកូវីដ១៩ចំនួន១៣នាក់។ទោះបីជាចំនួនអ្នកជាសះស្បើយកើនឡើង ប៉ុន្តែឯកឧត្តម ងួន រតនៈ អភិបាលខេត្តបាត់ដំបង ក៏បានបង្ហាញការព្រួយបារម្ភសារជាថ្មីទៅលើបញ្ហាវីរុសកូវីដ១៩ បម្លែងថ្មីប្រភេទដែលតា (Delta) ដែលកំពុងចាប់ផ្ដើមរាត្បាតក្នុងសហគមន៍ជាបណ្ដើរៗ ដូចនេះយើងត្រូវតែប្រុងប្រយ័ត្នត្រៀមលក្ខណៈទុកជាមុន ជាពិសេសចំពោះពលករដែលទើបមកពីប្រទេសថៃ ដែលភាគច្រើនគឺពួកគាត់មានកូវីដ-១៩ ប្រភេទDelta ខណៈរហូតមកដល់ពេលនេះ មិនទាន់មានករណីឆ្លងជំងឺកូវីដ១៩ បំប្លែងខ្លួនថ្មីប្រភេទDeltaនៅក្នុងសហគមន៍ខេត្តបាត់ដំបងឡើយ។ ឯកឧត្តម បានអំពាវនាវដល់ប្រជាពលរដ្ឋទាំងអស់ ដែលជាសះស្បើយពីជំងឺកូវីដ-១៩នេះហើយ សូមកុំព្រលែងដៃឲ្យសោះ បើទោះបីធ្លាប់ផ្ទុកមេរោគនេះក៏ដោយ ក៏មិនមែនមានន័យថាមិនអាចឆ្លងទៀតដែរ បើប្រហែសនោះ ប្រជាពលរដ្ឋនឹងនៅតែឆ្លង ដូចនេះសូមបន្តការប្រុងប្រយ័ត្នជាប់ជានិច្ច ទាំងអនាម័យខ្លួនប្រាណ ការហូបចុក និងជាពិសេសការរក្សាគម្លាតសង្គម ហើយត្រូវអនុវត្តទៅតាមវិធានរដ្ឋបាលនានា ដែលបានដាក់ចេញអនុវត្តផងដែរ៕ អត្ថបទ៖ នឿត សុភ័ក្ត្រ

កម្ពុជាបន្ដរកឃើញមនុស្ស៥៥៦នាក់ឆ្លងកូវីដ-១៩ ខណៈអ្នកជំងឺ៧១៦នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន ៥៥៦នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ៧១៦នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៣៨៩នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១៦៧នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១៤នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់១ ៧១៨នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៨១ ៩១៨នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៨៦ ៥៩៧នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

នគរបាលខណ្ឌដូនពេញ បញ្ជូនខ្លួនក្រុមអ្នកញៀនល្បែងស៊ីសងខុសច្បាប់ចំនួន ១៤នាក់ទៅសាលាដំបូងរាជធានីភ្នំពេញ នៅព្រឹកនេះ

ភ្នំពេញ ៖ ក្រុមអ្នកញៀនល្បែងស៊ីសងគ្រប់ប្រភេទមានទាំងបៀអាប៉ោង ភ្នាល់ស៊ីសងមាន់ជល់ តាមប្រព័ន្ធអនឡាញ់ បុកស្នូកឃ័រ និងចាក់បាល់ផងនោះ ត្រូវបានកម្លាំងនគរបាល នៃអធិការដ្ឋាននគរបាលខណ្ឌដូនពេញ បញ្ជូនខ្លួនមកកាន់តុលាការ នាព្រឹកថ្ងៃទី១៧ ខែសីហា ឆ្នាំ២០២១ ដើម្បីបន្តការសាកសួរចាត់ការតាមនីតិវិធីច្បាប់។សូមបញ្ជាក់ថា នៅវេលាម៉ោង២និង៤០នាទីរសៀលថ្ងៃទី១៣ ខែសីហា ឆ្នាំ២០២១ នៅចំណុចទីតាំងល្បែងមួយកន្លែង ដែលជ្រកកោនក្រោមស្លាកយីហោបាល់ទះ នៅក្នុងបរិវេណក្បែរអគ្គិសនីកម្ពុជា ក្នុងដីឡូតិ៍លេខ០៥ ភូមិ០៥ តាមបណ្ដោយផ្លូវលេខ៩៨ មូលដ្ឋានសង្កាត់វត្តភ្នំ ខណ្ឌដូនពេញ កម្លាំងគណៈបញ្ជាការឯកភាពខណ្ឌដូនពេញដឹកនាំផ្ទាល់ ដោយលោក សុខ ពេញវុធ អភិបាលនៃគណៈអភិបាលខណ្ឌដូនពេញ ប្រមូលកម្លាំងចម្រុះចុះឆ្មក់ឆាប់ទីតាំងល្បែងដុះស្លែមួយកន្លែងដែលជ្រកកោនក្រោមស្លាកយីហោបាល់ទះ នៅក្នុងបរិវេណក្បែរអគ្គិសនីកម្ពុជា ឃាត់ខ្លួនមនុស្សចំនួន៣២នាក់ ក្នុងនោះស្រី២នាក់ព្រមទាំងដកហូតម៉ូតូជាច្រើនគ្រឿងបញ្ជូនទៅរក្សាទុកផងដែរ។លោក សុខ ពេញវុធ អភិបាលនៃគណៈអភិបាលខណ្ឌដូនពេញ បានមានប្រសាសន៍ថា បន្ទាប់ពីកម្លាំងជំនាញបានស៊ើបដឹងយ៉ាងច្បាស់ថា នៅទីតាំងនេះបាននិងកំពុងប្រព្រឹត្តបទល្មើសល្បែងស៊ីសងគ្រប់ប្រភេទមានទាំងបៀអាប៉ោង ភ្នាល់ស៊ីសងមាន់ជល់តាមប្រព័ន្ធអនឡាញ បុកស្នូកឃ័រ និងចាក់បាល់ផងនោះ ។ លោកក៏បានចុះដឹកនាំផ្ទាល់ឆ្មក់បង្ក្រាបជាក់ស្តែងដោយឲ្យក្រុមកម្លាំងស្លៀកពាក់ឯកសណ្ឋានការពារការវីរុស ដោយរង្វង់ប្រតិបត្តិការគឺឃាត់មនុស្សចំនួន៣២នាក់ ព្រមដកហូតវត្ថុតាងដែលប្រព្រឹត្តល្បែងស៊ីសង រួមទាំងម៉ូតូចំនួន១៤គ្រឿងផងដែរ ។លោកបន្តទៀតថា ក្រោយប្រតិបត្តិការនេះ លោកមិនអនុគ្រោះនោះទេពោលគឺចាប់បញ្ជូនទៅអធិការដ្ឋានខណ្ឌដូនពេញ ដើម្បីកសាងសំណុំរឿងចាត់ការតាមនីតិវិធី និងព្រមទាំងសហការជាមួយក្រុមគ្រូពេទ្យចុះមកតេស្តរកវីរុស covid-19 ឬ វីរុសបំប្លែងថ្មីប្រភេទdeltaផងដែរ។បច្ចប្បន្នអ្នកញៀនល្បែងចំនួន១៤នាក់ កំពុងស្ថិតក្នុងដំណាក់កាលតំណាងអយ្យាការ លោកព្រះរាជអាជ្ញារង អមសាលាដំបូងរាជធានីភ្នំពេញ កំពុងធ្វើការសាកសួរ៕អត្ថបទ៖ កុម្ភះ

យប់មិញមនុស្ស៨នាក់ ត្រូវឃាត់ខ្លួនបញ្ជូនទៅតុលាការ និងជាង ២៥០០នាក់ទៀតរងការពិន័យ

ភ្នំពេញ៖ កម្លាំងសមត្ថកិច្ចចុះអនុវត្តបំរាមគោចរ ដើម្បីទប់ស្កាត់ការឆ្លងរាលដាល នៃជំងឺកូវីដ១៩ នៅយប់ថ្ងៃទី១៦ ខែសីហា ឆ្នាំ២០២១ បានឃាត់ខ្លួនមនុស្សចំនួន ៨នាក់ និងបានបញ្ជូនទៅកាន់តុលារការចាត់ការតាមនីតិវិធីច្បាប់ ខណៈមនុស្សចំនួនជាង ២៥០០នាក់ផ្សេងទៀត បានធ្វើការអប់រំ និងពិន័យ ។ក្នុងសេចក្តីជូនដំណឹងស្តីពី លទ្ធផលអនុវត្តនូវវិធានការច្បាប់ ចំពោះបុគ្គលដែលល្មើស នឹងវិធានការសុខាភិបាល និងវិធានការរដ្ឋបាលរបស់ក្រសួងសុខាភិបាល បានឲ្យដឹងថា ការអនុវត្តវិធានការច្បាប់ កាលពីយប់ថ្ងៃទី១៦ ខែសីហា បានចំនួន ១ ១៩៦ករណី ដោយឃាត់ខ្លួនមនុស្សចំនួន ២ ៥៤០នាក់ ធ្វើការអប់រំ និងពិន័យជាប្រាក់បានចំនួន ១៤ ២០០ ០០០រៀល រួមទាំងឃាត់រថយន្តចំនួន ១ ១៦៦គ្រឿង ។គួរបញ្ជាក់ថា រដ្ឋបាលសាលារាជធានីភ្នំពេញ បានដាក់បំរាមគោចរចំនួន ១៤ថ្ងៃបន្ថែមទៀត ចាប់ពីទី១៣ ដល់ថ្ងៃទី២៦ ខែសីហា ឆ្នាំ២០២១ ដោយអនុវត្តពីម៉ោង៩យប់ រហូតដល់ម៉ោង៣ទៀបភ្លឺ ដើម្បីទប់ស្កាត់ការឆ្លងរាលដាលនៃជំងឺកូវីដ១៩ ពិសេសប្រភេទបំប្លែងថ្មី ។ទន្ទឹមនឹងការដាក់បំរាមគោចរ នៅរាធានីភ្នំពេញ និងបណ្ដាខេត្តមួយចំនួន កាលពីថ្ងៃទី១៦ ខែសីហា ក្រសួងសុខាភិបាល ក៏បានជូនដំនឹងពីភូមិសាស្ត្រដែលត្រូវអនុវត្តកាតព្វកិច្ចពាក់ម៉ាស់ និងកាត្វព្វកិច្ចរក្សាគម្លាតសុវត្ថិភាព ក្នុងនោះមានខេត្តពោធិ៍សាត់ បាត់ដំបង មណ្ឌលគិរី រតនគិរី ក្រចេះ ស្ទឹងត្រែង កំពត កែប កំពង់ធំ ព្រះវិហារ ប៉ៃលិន កោះកុង កំពង់ឆ្នាំង ត្បូងឃ្មុំ និងខេត្តឧត្តរមានជ័យ ។សេចក្តីជូនដំណឹងបន្តថា ដោយខេត្តទាំងអស់នេះ ត្រូវបានកំណត់ជាភូមិសាស្ត្រដែលមានការឆ្លងរាលដាលនៃជំងឺកូវីដ១៩ ក្នុងព្រឹត្តិការណ៍សហគមន៍២០កុម្ភៈ ហើយត្រូវអនុវត្តកាតព្វកិច្ចពាក់ម៉ាស់ និងរក្សាគម្លាតសុវត្ថិភាព ដោយអនុវត្តចាប់ផ្ដើមពីថ្ងៃជូនដំណឹងនេះ រហូតដល់មានការជូនដំនឹងជាថ្មី ៕

ស្នងការនគរបាលរាជធានីភ្នំពេញ នឹងបញ្ជូនជនល្មើសបម្រាមរដ្ឋបាល និងបម្រាមគោចរ ១៤នាក់ទៀតទៅតុលាការថ្ងៃនេះ

ភ្នំពេញ ៖ លោកវរសេនីយ៍ឯក សាន សុខសីហា អ្នកនាំពាក្យស្នងការនគរបាលរាជធានីភ្នំពេញ បានបញ្ជាក់ថា មនុស្សប្រុសស្រីចំនួន១៤នាក់ទៀត នឹងត្រូវបញ្ជូនទៅកាន់តុលាការរាជធានភ្នំពេញ នាថ្ងៃទី១៦ ខែសីហានេះ បន្ទាប់ពីពួកគេបានល្មើសនឹងបម្រាមរដ្ឋបាល និងបម្រាមគោចរ មានលេងល្បែងស៊ីសងខុសច្បាប់ ក្នុងរយៈពេល៣ថ្ងៃ នៃការអនុវត្តបម្រាមគោចរលើកទីពីរ ចាប់ពីថ្ងៃទី១៣ ដល់ថ្ងៃទី១៦ ខែសីហា ឆ្នាំ២០២១នេះ។ថ្លែងប្រាប់ទូរទស្សន៍BTV តាមរយៈសាអេឡិចត្រូនិច(តេលេក្រាម) នាព្រឹកថ្ងៃទី១៦ ខែសីហានេះ លោកវរសេនីយ៍ឯក សាន សុខសីហា បានលើកឡើងថា ក្នុងការអនុវត្តបម្រាមគោចរលើកទីពីរនេះ កងកម្លាំងនៃស្នងការនគរបាលរាជធានីភ្នំពេញ បានអនុវត្តយ៉ាងតឹងរឹងដូចលើកទី១ដែរ ដោយរយៈពេលបីថ្ងៃនេះ នគរបាលបានឃាត់មនុស្ស ដើម្បីអប់រំ និងធ្វើការផាកពិន័យបានចំនួន៨៩នាក់ ខណៈយានយន្តបានចំនួន១១៣គ្រឿង ហើយបានធ្វើការផាកពិន័យរួចចំនួន៣៨គ្រឿង ក្រៅពីនោះ នៅសល់ត្រូវបានយកទៅរក្សាទុកនៅតាមរដ្ឋបាលខណ្ឌនីមួយៗ។សូមបញ្ជាក់ថា ក្នុងរយៈពេល១៤ថ្ងៃ ក្នុងការអនុវត្តបម្រាមគោចរលើកទី១ គឺចាប់ពីថ្ងៃទី៣០ខែកក្កដា ដល់យប់ថ្ងៃទី១២ ខែសីហា ឆ្នាំ២០២១នេះ ស្នងការនគរបាលរាជធានីភ្នំពេញ បានធ្វើការឃាត់ខ្លួនមនុស្សជាង៩០នាក់ ក្នុងនោះ បានបញ្ជូនទៅកាន់តុលាការចំនួន៣៦នាក់ និងពិន័យបានប្រាក់ចំនួនជាង២១៣លានរៀល។លោកវរសេនីយ៍ឯក សាន សុខសីហា បានបញ្ជាក់បន្ថែមទៀតថា ការដាក់បម្រាមគោចរលើកទី២ ក្នុងរយៈពេលមួយសប្តាហ៍បន្ថែមទៀតនេះ គឺចាប់ពីថ្ងៃទី១៣ ដល់ថ្ងៃទី១៩ ខែសីហា ក្នុងហេតុផលដដែលគឺដើម្បីប្រយុទ្ធ និងទប់ស្កាត់ ការឆ្លងរាលដាលនៃជំងឺកូវីដ-១៩ ជាពិសេសជំងឺបំប្លែងថ្មីប្រភេទដែលតានេះតែម្តង៕អត្ថបទបាន ចក់

កម្ពុជាបន្ដរកឃើញមនុស្ស៥៩៣នាក់ឆ្លងកូវីដ-១៩ ខណៈអ្នកជំងឺ៨០៦នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន ៥៩៣នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ៨០៦នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៣៥៧នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ២៣៦នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស២១នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់១ ៧០៤នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៨១ ២០២នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៨៦ ០៤១នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

តួលេខឆ្លងជំងឺកូវីដ-១៩នៅកម្ពុជាហក់ឡើងដល់ជិត៦០០ករណីនៅថ្ងៃនេះ ក្រោយធ្លាក់ចុះអស់រយៈពេល៤ថ្ងៃជាប់ៗគ្នា

ភ្នំពេញ៖ កម្ពុជាបានប្រកាសនៅថ្ងៃនេះថា មនុស្សចំនួន ៥៩៨នាក់បន្ថែមទៀត ត្រូវបានរកឃើញឆ្លងមេរោគកូវីដ-១៩ ជាតួលេខកើនឡើងវិញ បន្ទាប់ពីធ្លាក់ចុះអស់រយៈពេល ៤ថ្ងៃបន្ទាប់គ្នា។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបានបញ្ជាក់ថា មនុស្ស ៥៩៨នាក់ទៀត ត្រូវបានរកឃើញឆ្លងមេរោគកូវីដ-១៩កាលពីថ្ងៃម្សិលមិញនេះ ដែលនាំឱ្យតួលេខឆ្លងសរុបកើនឡើងដល់ ៨៤ ៨៦០នាក់ហើយគិតត្រឹមថ្ងៃនេះ។តួលេខឆ្លងជំងឺកូវីដ-១៩នៅកម្ពុជា បានធ្លាក់នៅក្រោមចំនួន ៥០០ករណីក្នុងមួយថ្ងៃអស់រយៈពេល ៤ថ្ងៃបន្តបន្ទាប់រួចមកហើយ មុននឹងកើនឡើងដល់ជិត ៦០០ឡើងវិញនៅថ្ងៃនេះ។ក្រសួងសុខាភិបាល បានឱ្យដឹងទៀតថា មនុស្សចំនួន ១២នាក់ទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់ដោយសារជំងឺនេះសរុបឡើងដល់ ១ ៦៦៦នាក់ហើយនៅក្នុងរយៈពេលជាង ៥ខែកន្លងមកនេះ។បើតាមក្រសួងសុខាភិបាល អ្នកជំងឺកូវីដ-១៩សរុប ៧៩ ៦៥៤នាក់ហើយត្រូវបានព្យាបាលជាសះស្បើយឡើងវិញ ក្នុងនោះមានទាំងអ្នកជាសះស្បើយថ្មី ១៨៧នាក់ ដែលក្រសួងប្រកាសនៅថ្ងៃនេះផងដែរ៕

ពលករជាង៣០០នាក់ ជាប់នៅតាមព្រំដែនថៃ ឈមខេត្តបន្ទាយមានជ័យ ធ្វើសំណាករកឃើញកូវីដ១៩ ចំនួន៣៧នាក់

បន្ទាយមានជ័យ ៖ ពលករខ្មែរជាង៣០០នាក់ ធ្វើដំណើរមកស្រុកកំណើតវិញ អំឡុងពេលបិទព្រំដែនរវាងកម្ពុជា-ថៃ ដើម្បីទប់ស្កាត់ការឆ្លងរាលដាលនៃជំងឺកូវីដ១៩ ហើយបានជាប់គាំងនៅតាមព្រំដែនថៃ ចំណុចច្រកបឹងត្រកួន ខេត្តបន្ទាយមានជ័យ ចំនួន២សប្ដាហ៍ បានឆ្លងដែនមកដល់កម្ពុជា ត្រូវបានមន្ត្រីសុខាភិបាលធ្វើសំណាក រកឃើញចំនួន ៣៧នាក់ មានវិជ្ជមានកូវីដ១៩ ។ក្នុងអំឡុងរងចាំទទួលការវិលត្រឡប់របស់ពលករ នៅថ្ងៃទី១៣ ខែសីហា ឆ្នាំ២០២១នេះ ឯកឧត្តម អ៊ុ រាត្រី មានប្រសាសន៍ថា សម្រាប់ពលករដែលត្រូវអាជ្ញាធរថៃបានបញ្ជូនទាំងអស់នេះ ពេលមកដល់កម្ពុជាភ្លាម ត្រូវបានមន្ត្រីសុខាភិបាលធ្វើសំណាក ដើម្បីរកវីរុសកូវីដ១៩ មុនបញ្ជូនទៅធ្វើចត្តាឡីស័ក ។ឯកឧត្តម បានបន្តថា សម្រាប់ពលករទាំង៣០០នាក់ ត្រូវបានយកសំណាករួចរាល់ហើយ ជាលទ្ធផល គឺមានពលករចំនួន ៣៧នាក់ វិជ្ជមានកូវីដ១៩ ដោយអាជ្ញាធរកំពុងរៀបចំដឹកជញ្ជូនពួកគេទៅព្យាបាល ខណៈអ្នកអវិជ្ជមាន ដឹកជញ្ជូនទៅធ្វើចត្តាឡីស័កនៅស្រុកស្វាយចេក ។កាលកន្លងទៅថ្មីៗនេះ ឯកឧត្តមអភិបាលខេត្ត បញ្ជាក់ថា អាជ្ញាធរខេត្តបន្ទាយមានជ័យ បានរៀបចំរួចរាល់ហើយនូវទីតាំងធ្វើចត្តាឡីស័ក និងទីតាំងសម្រាកព្យាបាលរបស់ពលករ ដែលនៅជាប់គាំងតាមព្រំដែន ៕

បណ្ដាញសង្គម

ព័ត៌មានថ្មីៗ

សមាជិកសភាជប៉ុន បានគូសបញ្ជាក់អំពី ការ បតេជ្ញាចិត្ត របស់ជប៉ុន ក្នុងការពង្រឹង និង ពង្រីក ទំនាក់ទំនង និង កិច្ចសហប្រតិបត្តិការ ជប៉ុន -កម្ពុជា ឱ្យកាន់តែរីកចម្រេីន និង រឹងមាំបន្ថែមទៀត

តំណាងកម្មវិធីអភិវឌ្ឍន៍អង្គការសហប្រជាជាតិប្រចាំនៅកម្ពុជា (UNDP)៖ គ្មានការអភិវឌ្ឍណាអាចប្រព្រឹត្តទៅបាន ដោយគ្មានសន្តិភាពនោះទេ

សម្តេចតេជោ ហ៊ុន សែន អនុញ្ញាតឲ្យ ឯកឧត្តម Abdullah ibn Muhammad Al ash-Sheikh ប្រធានរដ្ឋសភានៃព្រះរាជាណាចក្រអារ៉ាប៊ី សាអូឌីត ចូលជួបសម្តែងការគួរសម

លោក Netany របស់អ៊ីស្រាអែល ត្រូវបានគេរំពឹងថា នឹងជួបលោក Trump នៅសប្តាហ៍ក្រោយ

អង្គការសប្បុរសធម៌ជាង ១៧០ អំពាវនាវឲ្យបញ្ចប់ប្រព័ន្ធចែកចាយជំនួយថ្មី នៅហ្កាហ្សា ដោយបារម្ភពីសុវត្ថិភាពជនស៊ីវិល

រដ្ឋធានីឥណ្ឌា ហាមមិនឲ្យលក់ប្រេងឥន្ធនៈឲ្យរថយន្តចាស់ៗ ជាការប៉ុនប៉ងប្រឆាំងការបំពុល

«សហរដ្ឋអាមេរិក និងកម្ពុជា ធ្វើកិច្ចសហប្រតិបត្តិការទ្វេភាគីដ៏ល្អ និងសម្រេចបាននូវលទ្ធផលលើការលើកកម្ពស់សុខភាព សុខុមាលភាពប្រជាជនកម្ពុជា រួមទាំងចូលរួមចំណែកពង្រឹងសន្តិសុខសុខភាពសកលតាមរយៈការកាត់បន្ថយជំងឺឆ្លង»

សម្ដេចធិបតីជួបជាមួយមេធាវីអន្តរជាតិដើម្បីពិនិត្យ និងពិភាក្សាពាក់ព័ន្ធការបន្តនីតិវិធីរបស់កម្ពុជាប្ដឹងទៅតុលាការយុត្តិធម៌អន្តរជាតិ ICJ ករណីវិវាទព្រំដែនជាមួយថៃ

ឯកឧត្តម សុខ ពុទ្ធិវុធ បានដឹកនាំប្រតិភូក្រសួងប្រៃសណីយ៍ចូលរួមវេទិកាអភិបាលកិច្ចអ៉ីនធឺណិតប្រចាំឆ្នាំ លើកទី២០ នៅទីក្រុង Lillestorm ប្រទេសណ័រវេស

អភិបាលក្រុង Izhevsk៖ មនុស្ស ៣នាក់ស្លាប់ និង ៣៥នាក់រងរបួស ដោយសារការវាយប្រហាររបស់អ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

កម្ពុជាបន្ដរកឃើញមនុស្ស៥៩៣នាក់ឆ្លងកូវីដ-១៩ ខណៈអ្នកជំងឺ៧៤៨នាក់ទៀត ត្រូវបានព្យាបាលជាសះស្បើយ

យប់មិញមនុស្ស៦នាក់ ត្រូវបញ្ជូនទៅតុលាការ និងជាង២២០០នាក់ទៀត រងការពិន័យ

អ្នកជាសះស្បើយពីជំងឺកូវីដ ក្នុងខេត្តបាត់ដំបង កាន់តែមានចំនួនច្រើន

កម្ពុជាបន្ដរកឃើញមនុស្ស៥៥៦នាក់ឆ្លងកូវីដ-១៩ ខណៈអ្នកជំងឺ៧១៦នាក់ទៀត ត្រូវបានព្យាបាលជាសះស្បើយ

យប់មិញមនុស្ស៨នាក់ ត្រូវឃាត់ខ្លួនបញ្ជូនទៅតុលាការ និងជាង ២៥០០នាក់ទៀតរងការពិន័យ

ស្នងការនគរបាលរាជធានីភ្នំពេញ នឹងបញ្ជូនជនល្មើសបម្រាមរដ្ឋបាល និងបម្រាមគោចរ ១៤នាក់ទៀតទៅតុលាការថ្ងៃនេះ

កម្ពុជាបន្ដរកឃើញមនុស្ស៥៩៣នាក់ឆ្លងកូវីដ-១៩ ខណៈអ្នកជំងឺ៨០៦នាក់ទៀត ត្រូវបានព្យាបាលជាសះស្បើយ

តួលេខឆ្លងជំងឺកូវីដ-១៩នៅកម្ពុជាហក់ឡើងដល់ជិត៦០០ករណីនៅថ្ងៃនេះ ក្រោយធ្លាក់ចុះអស់រយៈពេល៤ថ្ងៃជាប់ៗគ្នា

ពលករជាង៣០០នាក់ ជាប់នៅតាមព្រំដែនថៃ ឈមខេត្តបន្ទាយមានជ័យ ធ្វើសំណាករកឃើញកូវីដ១៩ ចំនួន៣៧នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

យប់មិញមនុស្ស៦នាក់ ត្រូវបញ្ជូនទៅតុលាការ និងជាង២២០០នាក់ទៀត រងការពិន័យ

អ្នកជាសះស្បើយពីជំងឺកូវីដ ក្នុងខេត្តបាត់ដំបង កាន់តែមានចំនួនច្រើន

យប់មិញមនុស្ស៨នាក់ ត្រូវឃាត់ខ្លួនបញ្ជូនទៅតុលាការ និងជាង ២៥០០នាក់ទៀតរងការពិន័យ

ស្នងការនគរបាលរាជធានីភ្នំពេញ នឹងបញ្ជូនជនល្មើសបម្រាម​រដ្ឋបាល និងបម្រាមគោចរ ១៤នាក់ទៀតទៅតុលាការថ្ងៃនេះ

ពលករជាង៣០០នាក់ ជាប់នៅតាមព្រំដែនថៃ ឈមខេត្តបន្ទាយមានជ័យ ធ្វើ​សំណាករក​ឃើញ​កូវីដ១៩​ ចំនួន៣៧នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ស្នងការនគរបាលរាជធានីភ្នំពេញ នឹងបញ្ជូនជនល្មើសបម្រាមរដ្ឋបាល និងបម្រាមគោចរ ១៤នាក់ទៀតទៅតុលាការថ្ងៃនេះ

ពលករជាង៣០០នាក់ ជាប់នៅតាមព្រំដែនថៃ ឈមខេត្តបន្ទាយមានជ័យ ធ្វើសំណាករកឃើញកូវីដ១៩ ចំនួន៣៧នាក់