BTV NEWS

ឃាតកម្មសម្លាប់មនុស្ស ២នាក់រួចយកសពទៅកប់ចោលនៅខណ្ឌជ្រោយចង្វារ កម្លាំងសមត្ថកិច្ចរាជធានីបង្ក្រាបជនសង្ស័យបាន ៤នាក់

គណៈបញ្ជាការឯកភាពរដ្ឋបាលក្រុងកំពង់សោម ចុះត្រួតពិនិត្យរដ្ឋបាលចំហរ រកឃើញជនបរទេស ២៦នាក់ ពាក់ព័ន្ធករណី Online Scams

ចៅក្រមស៊ើបសួរសម្រេចឃុំខ្លួនមន្ត្រីនគរបាល-អាវុធហត្ថខេត្តកំពត និងអ្នកទទួលផលចោរកម្មសរុបចំនួន ៤៧នាក់

អាជ្ញាធររាជធានីភ្នំពេញ បន្តប្រតិបត្តិការបោសសម្អាត Online Scams ត្រួតពិនិត្យ ៨០ ទីតាំងទៀត និងផាកពិន័យម្ចាស់ទីតាំងរស់នៅប្រមូលផ្ដុំចំនួន ៤ទីតាំង

សន្តិសុខ និង សង្គម

ផ្ទះប្រជាពលរដ្ឋចំនួន២ខ្នងជាប់សាលាបឋមសិក្សាច្បារអំពៅ ត្រូវអគ្គីភ័យឆាបឆេះទាំងស្រុង

ភ្នំពេញ ៖ អគ្គីភ័យមួយបានឆេះផ្ទះប្រជាពលរដ្ឋចំនួន២ខ្នងអស់ទាំងស្រុង បង្កឱ្យមានការភ្ញាក់ផ្អើលដល់អាជ្ញាធរមូលដ្ឋាន និងមន្ត្រីជំនាញបង្ការពន្លត់អគ្គីភ័យចេញមកអន្តរាគមន៍បាញ់ពន្លត់ កាលពីវេលាម៉ោង៤ និង២០នាទីរសៀល ថ្ងៃទី០៣ ខែធ្នូ ឆ្នាំ២០២១ នៅតាមបណ្ដោយផ្លូវបេតុង ជាប់សាលាបឋមសិក្សាច្បារអំពៅ ក្នុងសង្កាត់ច្បារអំពៅទី១ ខណ្ឌច្បារអំពៅ រាជធានីភ្នំពេញ។យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញ ផ្សែងហ៊ុយខ្មួរខ្មាញ់ចេញពីផ្ទះកើតហេតុជាអណ្ដាតភ្លើងយ៉ាងសន្ធោសន្ធៅបង្កឱ្យមានការភ្ញាក់ផ្អើលដល់អ្នកជិតខាងរាយការណ៍ទៅអាជ្ញាធរមានសមត្ថកិច្ច និងមន្ត្រីបង្ការពន្លត់អគ្គីភ័យឲ្យចេញរថយន្តមកបាញ់ទឹកពន្លត់ យ៉ាងញាប់ដៃជេីង ។ ក្នុងប្រតិបត្តិការណ៍បង្ការនិងពន្លត់អគ្គីភ័យខាងលេីនេះ មានការសហការពីអាជ្ញាធរមូលដ្ឋាន និងមន្ត្រីជំនាញ ព្រមទាំងបងប្អូនប្រជាពលរដ្ឋរស់នៅក្បែរខាងជួយបាញ់ទឹកពន្លត់ឲ្យរលត់ទៅវិញនៅវេលាម៉ោង ៤និង៥០នាទី ថ្ងៃខែឆ្នាំដដែល ។ ដោយផ្ទះរងកាខូចខាតមានចំនួន ២ខ្នង , ១ខ្នងឈើលើថ្មក្រោម និង ១ខ្នងទៀតឈើប្រក់ស័ង្កសីខូចខាតទាំងស្រុង តែករណីនេះមិនបង្កឲ្យមានអ្នកណាម្នាក់រងរបួស ឬគ្រោះថ្នាក់ដល់អាយុជីវិតនោះទេ ។ ចំពោះមូលហេតុ ដែលបង្កឲ្យមានអគ្គីភ័យនេះឆាបឆេះឡេីង សមត្ថកិច្ចជំនាញកំពុងស្រាវជ្រាវបន្ត ៕ អត្ថបទ ៖ តារាវុទ្ធី

បុរសម្នាក់បានស្លាប់ ក្នុងករណីអគ្គីភ័យឆេះផ្ទះលក់អីវ៉ាន់ នៅខណ្ឌសែនសុខ

ភ្នំពេញ៖ បុរសម្នាក់បានស្លាប់ភ្លាមៗក្នុងហេតុការណ៍គ្រោះអគ្គីភ័យ ឆាប់ឆេះផ្ទះលក់អីវ៉ាន់ចាប់ហួយមួយកន្លែង រងការខូចខាតទាំងស្រុង។ ហេតុការណ៍អគ្គីភ័យនេះ បង្កអោយមានការភ្ញាក់ផ្អើលកាលពីវេលាម៉ោង៣និង១៥នាទីរសៀលថ្ងៃទី០៣ ខែធ្នូ ឆ្នាំ២០២១ នៅចំណុច ផ្ទះជួល ផ្លូវបេតុង ភូមិដំណាក់ សង្កាត់គោកឃ្លាង ខណ្ឌសែនសុខ រាជធានីភ្នំពេញ។តាមប្រភពព័ត៌មានពីសមត្ថកិច្ចបានឲ្យដឹងថាបុរសដែលបានស្លាប់ក្នុងអណ្តាតភ្លើង នោះឈ្មោះ ហ៊ីង សំអុន អាយុ៥៤ ឆ្នាំ ជាអ្នករត់ម៉ូតូឌុប និង លក់អីវ៉ាន់ចាបហួយ ត្រូវភ្លើង ឆេះស្លាប់នៅក្នុងបន្ទប់ទឹកមានប្រពន្ធ ឈ្មោះ នាង ហម អាយុ ៥៣ឆ្នាំ មានកូន ប្រុស១ ស្រី១ នៅក្នុងបន្ទុក ។តាមព័ត៌មានអោយដឹងថានៅមុនពេលកើតហេតុ គេបានឮសម្លេងផ្ទុះហ្គាស ហើយមានភ្លើងឆាបឆេះយ៉ាងសន្ធោសន្ធៅ ដោយឃើញស្រ្តីជាម្ចាស់ផ្ទះបានរត់ចេញមកក្រៅស្រែកអោយគេជួយ ដោយប្តីបានជាប់នៅក្នុងផ្ទះនោះ ។ភ្លាមៗប្រជាពលរដ្ឋ បានទាក់ទងរថយន្តពន្លត់អគ្គីភ័យ ចេញជួអន្តរាគមន៍ បាញ់ពន្លត់និងបាននាំគ្នា វាយទំលុះជញ្ជាំង ចូលបាញ់ពន្លត់ រួចក៏បានប្រទះឃើញ បុរសជាប្តីបានដេកស្លាប់ក្នុងបន្ទប់ទឹកទៅហើយ។តាមស្រ្តីជាប្រពន្ធបានអោយសមត្ថកិច្ចដឹងថា នៅមុនពេលកើតហេតុ គាត់បានបើក ភ្លើង ដាំទឹក រួចដើរមកលាងចាននៅមុខផ្ទះ ។ចំណែកប្តីបានដើរទៅមើលធុងហ្គាស ស្រាប់តែ ផ្ទុះឆេះជាប់ប្តីគាត់នៅ ក្នុងផ្ទះនោះតែម្តង។លោក វរសេនីយ៍ឯក ព្រហ្ម យ៉ន នាយការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានប្រាប់ឲ្យដឹងថាក្តោយទទួលបានព័ត៌មានភ្លាមកម្លាំងជំនាញបានចេញរថយន្តរបស់ការិយាល័យមកដល់ចំណុចកើតហេតុចំនួន០៩គ្រឿង និងប្រើប្រាស់អស់ចំនួន០៦គ្រឿង ស្មើរនឹង២៤ម៉ែត្រគូប ទើបរលត់ជាស្ថាពរ។ លោកនាយការិយាល័យបានបញ្ជាក់ផងដែរថា ចំពោះមូលហេតុបណ្ដាលមកពីផ្ទុះធុងហ្គាស៕អត្ថបទ៖ កុម្ភះ

បុរសសម្លាប់ប្រពន្ធនៅក្រុងសៀមរាប រត់គេចខ្លួនមកភ្នំពេញ ត្រូវបាននគរបាលព្រហ្មទណ្ឌក្រសួងឃាត់ខ្លួន

ភ្នំពេញ៖ បុរសម្នាក់ដែលជាប្ដីបានអារកសម្លាប់ប្រពន្ធនៅក្រុងសៀមរាប រួចរត់គេចខ្លួនមកភ្នំពេញ ត្រូវបានកម្លាំងនគរបាលព្រហ្មទណ្ឌក្រសួងមហាផ្ទៃ សហការជាមួយកម្លាំងនគរបាលខេត្តសៀមរាប កម្លាំងនគរបាលខេត្តកណ្ដាល ឃាត់ខ្លួនបានសម្រេចនៅវេលាម៉ោង ២និង២០នាទីរសៀល ថ្ងៃទី០៣ ខែធ្នូ ឆ្នាំ២០២១ នៅចំណុចរង្វង់មូលព្រះនរាយណ៍ សង្កាត់ដើមមៀន ក្រុងតាខ្មៅ ខេត្តកណ្ដាល។ ជនសង្ស័យជាប្តីឈ្មោះ ធួក ឈាត អាយុ ៤៣ឆ្នាំ មានមុខរបររត់ម៉ូតូកង់បី។ចំណែកប្រពន្ធដែលស្លាប់មានឈ្មោះ សូ ចន្ធី ភេទស្រីអាយុប្រហែល៤០ឆ្នាំ។នេះបើយោងតាមប្រភពព័ត៌មានពីលោកវរសេនីយ៍ឯក មុំចេក ប្រធានការិយាល័យរដ្ឋបាលសរុបនៃនាយកដ្ឋាននគរបាលព្រហ្មទណ្ឌក្រសួង បានឲ្យដឹងថា ជនសង្ស័យបានសារភាពផងដែរថាហេតុការណ៍នេះ កើតឡើងដោយសារតែរឿងប្រច័ណ្ឌ។ក្រោយប្រតិបត្តិការកម្លាំងនគរបាលព្រហ្មទណ្ឌក្រសួង បានប្រគល់ជនសង្ស័យទៅឲ្យកម្លាំងនគរបាលខេត្តសៀមរាប ដើម្បីបន្តនីតិវិធីតាមផ្លូវច្បាប់។គួរបញ្ជាក់ផងដែរ កាលពីវេលាម៉ោង១រសៀលថ្ងៃទី០២ ខែធ្នូ ឆ្នាំ២០២១ មានករណីឃាតកម្ម ប្តីអារកសម្លាប់ប្រពន្ធខ្លួនឯងសង្ស័យជាករណីភ្លើងប្រច័ណ្ឌ ស្ថិតនៅក្បែរផ្សារដើមក្រឡាញ់ ភូមិទក្សិណខាងត្បូង សង្កាត់គោកចក ក្រុងសៀមរាប៕អត្ថបទ៖ កុម្ភះ

កម្ពុជាបន្តកត់ត្រាការធ្លាក់ចុះករណីឆ្លងជំងឺកូវីដ-១៩ ទូទាំងប្រទេសមកនៅត្រឹម២៤នាក់នៅថ្ងៃនេះ

ភ្នំពេញ៖ ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា លទ្ធផលតេស្តដោយម៉ាស៊ីន PCR រកឃើញថា មនុស្ស២៤នាក់ទៀត ត្រូវបានរកឃើញឆ្លងមេរោគកូវីដ-១៩ កាលពីថ្ងៃម្សិលមិញនេះ។ក្រសួងបានឱ្យដឹងបន្ថែមថា មនុស្សចំនួន ៤នាក់ទៀត បានស្លាប់ដោយសារជំងឺកូវីដ-១៩ ក្នុងនោះ៣នាក់ មិនបានចាក់វ៉ាក់សាំងនោះឡើយ។បើតាមក្រសួងសុខាភិបាល ចំនួនមនុស្សស្លាប់ដោយសារជំងឺកូវីដ-១៩ បានកើនឡើងរហូតដល់ ២,៩៥៣នាក់ហើយគិតត្រឹមថ្ងៃនេះ ខណៈចំនួនអ្នកឆ្លងជំងឺនេះសរុបបានកើនឡើងដល់ ១២០,២០៧នាក់នៅទូទាំងប្រទេស។ប៉ុន្តែ ក្រសួងសុខាភិបាលបញ្ជាក់ថា អ្នកជំងឺកូវីដ-១៩ សរុបរហូតដល់ ១១៦,៥៦៩នាក់ហើយ ត្រូវបានព្យាបាលជាសះស្បើយឡើងវិញ៕

ពលរដ្ឋសំណូមពរដល់អាជ្ញាធរខណ្ឌទួលគោក ជួយរំដោះចិញ្ចើមផ្លូវសម្រាប់អ្នកថ្មើរជើងធ្វើដំណើរផង

ភ្នំពេញ៖ ប្រជាពលរដ្ឋរស់នៅតាមបណ្ដោយផ្លូវលេខ២២៩ ក៏ដូចជាអ្នកធ្វើដំណើរតាមបណ្ដោយផ្លូវនេះ សំណូមពរដល់អាជ្ញាធរខណ្ឌទួលគោក ជួយរំដោះចិញ្ចើមផ្លូវលេខ២២៩ផង ដើម្បីរក្សាចិញ្ចើមផ្លូវសម្រាប់អ្នកធ្វើដំណើរ ដោយថ្មើរជើងជនពិការភាព។ជាក់ស្ដែងទីតាំងនៅតាមបណ្ដោយផ្លូវលេខ២២៩ កែងមហាវិថីទេពផន ជាប់របងសាលាមត្តេយ្យសាមគ្គី មូលដ្ឋានសង្កាត់ផ្សារដេប៉ូទី១ ខណ្ឌទួលគោក មានក្រុមអាជីវកលក់រថយន្ត រំលោភយកចិញ្ចើមផ្លូវតាំងលក់រថយន្តលើផ្លូវតែម្ដង ដូចក្នុងរូបភាពមានស្រាប់។ប្រជាពលរដ្ឋ ដែលរស់នៅក្បែរផ្លូវលេខ២២៩ និងតាមបណ្ដាផ្លូវដ៏ទៃទៀត បានលើកឡើងថា រាល់ថ្ងៃពេលធ្វើដំណើរថ្មើរជើងទៅទិញរបស់របរបន្តិចបន្តួចប្រើប្រាស់ប្រចាំថ្ងៃ តែងតែដើរលើផ្លូវជានិច្ច ព្រោះចិញ្ចើមផ្លូវសម្រាប់អ្នកថ្មើរ ត្រូវបានក្រុមអ្នកប្រកបអាជីវកម្ម លក់រថយន្តរំលោភយកចិញ្ជើមផ្លូវលើសពី ១ភាគ៣នៃចិញ្ចើមផ្លូវអស់ហើយ សម្រាប់តាំងលក់រថយន្តដូចដែលឃើញជាក់ស្ដែងស្រាប់។ ដូច្នេះសំណូមដល់អាជ្ញាធរខណ្ឌពាក់ព័ន្ធជាពិសេសអាជ្ញាធរខណ្ឌទួលគោក គួរចាត់វិធានការ រំដោះចិញ្ចើមផ្លូវដើម្បីឲ្យបងប្អូនប្រជាពលរដ្ឋធ្វើដំណើរថ្មើរជើងងាយស្រួលដើរនិងជនពិការងាយស្រួលធ្វើដំណើរផងដែរ ជៀសវាងការធ្វើដំណើរតាមផ្លូវដែលអាចបង្កជាគ្រោះថ្នាក់ ហានិភ័យផ្សេងៗ-ល-។ពាក់ព័ន្ធករណីនេះ ភ្ញាក់ព័ត៌មានបានធ្វើការទំនាក់ទំនងទៅ លោក ជា ពិសី អភិបាលខណ្ឌទួលគោក សុំការបំភ្លឺទូរស័ព្ទចូលតែគ្មានអ្នកទទួល។គួរបញ្ជាក់ផងដែរថា អភិបាលនៃគណៈអភិបាលរាជធានីភ្នំពេញ ឯកឧត្តម ឃួង ស្រេង នៅតែបន្តយកចិត្តទុកដាក់និងជំរុញឲ្យអាជ្ញាធរខណ្ឌទាំង១៤ ចុះអនុវត្តជាប្រចាំពីបញ្ហា ការកក់ស្ទះចរាចរណ៍ និងរៀបចំសណ្ដាប់ធ្នាប់នៅតាមបណ្ដាមហាវិថីតូចធំ និងផ្លូវតូចៗមួយចំនួនធំក្នុងមូលដ្ឋានខណ្ឌ ក្នុងភូមិសាស្ត្ររាជធានីភ្នំពេញ។ តែផ្ទុយទៅវិញមូលដ្ឋានខណ្ឌទួលគោកមានលោក ជា ពិសី អភិបាលនៃគណៈអភិបាលខណ្ឌទួលគោក និងលោកវរៈនីយ៍ឯក សុខ ហេង អធិការនៃអធិការដ្ឋាននគរបាលខណ្ឌទួលគោក មិនបានយកចិត្តទុកដាក់ និងអនុវត្តតាមការណែនាំរបស់ឯកឧត្តមអភិបាលរាជធានីភ្នំពេញ បណ្ដោយឲ្យក្រុមអាជីវករលក់រថយន្តមួយទឹក យករថយន្តតាំងលក់លើផ្លូវបាត់បង់សោភ័ណភាពសណ្ដាប់ធ្នាប់សាធារណៈ បង្កការកកស្ទះ គ្មានចិញ្ចើមផ្លូវសម្រាប់អ្នកថ្មើរជើង ឬជនពិការភាពធ្វើដំណើរនោះឡើយ៕អត្ថបទ៖ កុម្ភះ

កម្ពុជាបន្តកត់ត្រាការធ្លាក់ចុះករណីឆ្លងជំងឺកូវីដ-១៩ ទូទាំងប្រទេសមកនៅត្រឹម២៣នាក់នៅថ្ងៃនេះ

ភ្នំពេញ៖ ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា លទ្ធផលតេស្តដោយម៉ាស៊ីន PCR រកឃើញថា មនុស្ស២៣នាក់ទៀត ត្រូវបានរកឃើញឆ្លងមេរោគកូវីដ-១៩ កាលពីថ្ងៃម្សិលមិញនេះ។ក្រសួងបានឱ្យដឹងបន្ថែមថា មនុស្សចំនួន ៥នាក់ទៀត បានស្លាប់ដោយសារជំងឺកូវីដ-១៩ ក្នុងនោះ៤នាក់ មិនបានចាក់វ៉ាក់សាំងនោះឡើយ។បើតាមក្រសួងសុខាភិបាល ចំនួនមនុស្សស្លាប់ដោយសារជំងឺកូវីដ-១៩ បានកើនឡើងរហូតដល់ ២,៩៤៩នាក់ហើយគិតត្រឹមថ្ងៃនេះ ខណៈចំនួនអ្នកឆ្លងជំងឺនេះសរុបបានកើនឡើងដល់ ១២០,១៨៣នាក់នៅទូទាំងប្រទេស។ប៉ុន្តែ ក្រសួងសុខាភិបាលបញ្ជាក់ថា អ្នកជំងឺកូវីដ-១៩ សរុបរហូតដល់ ១១៦,៥៤៨នាក់ហើយ ត្រូវបានព្យាបាលជាសះស្បើយឡើងវិញ៕

កម្ពុជាបន្តកត់ត្រាការធ្លាក់ចុះករណីឆ្លងជំងឺកូវីដ-១៩ ទូទាំងប្រទេសមកនៅត្រឹម២៦នាក់នៅថ្ងៃនេះ

ភ្នំពេញ៖ ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា លទ្ធផលតេស្តដោយម៉ាស៊ីន PCR រកឃើញថា មនុស្ស២៦នាក់ទៀត ត្រូវបានរកឃើញឆ្លងមេរោគកូវីដ-១៩ កាលពីថ្ងៃម្សិលមិញនេះ។ក្រសួងបានឱ្យដឹងបន្ថែមថា មនុស្សចំនួន ៤នាក់ទៀត បានស្លាប់ដោយសារជំងឺកូវីដ-១៩ ក្នុងនោះ២នាក់ មិនបានចាក់វ៉ាក់សាំងនោះឡើយ។បើតាមក្រសួងសុខាភិបាល ចំនួនមនុស្សស្លាប់ដោយសារជំងឺកូវីដ-១៩ បានកើនឡើងរហូតដល់ ២,៩៤៤នាក់ហើយគិតត្រឹមថ្ងៃនេះ ខណៈចំនួនអ្នកឆ្លងជំងឺនេះសរុបបានកើនឡើងដល់ ១២០,១៦០នាក់នៅទូទាំងប្រទេស។ប៉ុន្តែ ក្រសួងសុខាភិបាលបញ្ជាក់ថា អ្នកជំងឺកូវីដ-១៩ សរុបរហូតដល់ ១១៦,៥២៩នាក់ហើយ ត្រូវបានព្យាបាលជាសះស្បើយឡើងវិញ៕

បង្ក្រាបគ្រឿងញៀន ១១ខែ៖ ដកហូតសារធាតុញៀនជិត ២តោន និងឃាត់ទុកទ្រព្យសម្បត្តិអចលនទ្រព្យ ១២កន្លែង

ភ្នំពេញ៖ រយៈពេល ១១ខែ ពីថ្ងៃទី០១ ខែមករា ដល់ថ្ងៃទី៣០ ខែវិច្ឆកា ឆ្នាំ២០២១ សមត្ថកិច្ចបង្ក្រាបបានសារធាតុញៀនគ្រប់ប្រភេទជិត ២តោន និងឃាត់មនុស្សជាង ១ម៉ឺន ២ពាន់នាក់ និងឃាត់ទុកទ្រព្យសម្បត្តិអចលនទ្រព្យ ១២កន្លែង រួមទាំងកាំភ្លើងវែង ខ្លីជាង ៧០ដើម។ នេះបើយោងតាមរបាយការណ៍របស់គណៈកម្មការទី៣ នៃយុទ្ធនាការប្រឆាំងគ្រឿងញៀនខុសច្បាប់ ដែលវិទ្យុបាយ័នទទួលបាននៅថ្ងៃទី៣០ ខែវិច្ឆិកា ឆ្នាំ២០២១។របាយការណ៍បានបន្តថា លទ្ធផលអនុវត្តន៍ច្បាប់ពីថ្ងៃទី០១ ខែមករា ដល់ថ្ងៃទី៣០ ខែវិច្ឆកា ឆ្នាំ២០២១ បង្ក្រាបបាន ៥៥៦០ករណី ឃាត់មនុស្ស ១២១៩៣នាក់ (ស្រី ៧៣៦នាក់) ក្នុងនោះ ជនបរទេសជនបរទេស ៣១០នាក់ ស្រី ៤៥នាក់ មាន ១៣សញ្ជាតិ។ ដកហូតសារធាតុញៀនគ្រប់ប្រភេទទម្ងន់ ១តោន ៧៤៨គីឡូក្រាម ៧០៥,៩១ក្រាម, កញ្ឆា ៥០,០៨៨ដើម, កញ្ឆាសួត ១០៤គីឡូក្រាម ៦៩៥ក្រាម និងសារធាតុផ្សំគីមី ១តោន១៣៩គីឡូក្រាម។

កម្ពុជាបន្តកត់ត្រាការធ្លាក់ចុះករណីឆ្លងជំងឺកូវីដ-១៩ ទូទាំងប្រទេសមកនៅត្រឹម២២នាក់នៅថ្ងៃនេះ

ភ្នំពេញ៖ ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា លទ្ធផលតេស្តដោយម៉ាស៊ីន PCR រកឃើញថា មនុស្ស២២នាក់ទៀត ត្រូវបានរកឃើញឆ្លងមេរោគកូវីដ-១៩ កាលពីថ្ងៃម្សិលមិញនេះ។ក្រសួងបានឱ្យដឹងបន្ថែមថា មនុស្សចំនួន ៥នាក់ទៀត បានស្លាប់ដោយសារជំងឺកូវីដ-១៩ ក្នុងនោះ៣នាក់ មិនបានចាក់វ៉ាក់សាំងនោះឡើយ។បើតាមក្រសួងសុខាភិបាល ចំនួនមនុស្សស្លាប់ដោយសារជំងឺកូវីដ-១៩ បានកើនឡើងរហូតដល់ ២,៩៤០នាក់ហើយគិតត្រឹមថ្ងៃនេះ ខណៈចំនួនអ្នកឆ្លងជំងឺនេះសរុបបានកើនឡើងដល់ ១២០,១៣៤នាក់នៅទូទាំងប្រទេស។ប៉ុន្តែ ក្រសួងសុខាភិបាលបញ្ជាក់ថា អ្នកជំងឺកូវីដ-១៩ សរុបរហូតដល់ ១១៦,៥០៧នាក់ហើយ ត្រូវបានព្យាបាលជាសះស្បើយឡើងវិញ៕

បង្ក្រាបករណីកែច្នៃ ជួញដូរគ្រឿងញៀន ចាប់ខ្លួន ០៣នាក់ និងរឹបអូសគ្រឿងញៀនជិត ២៥គីឡូក្រាម

ភ្នំពេញ ៖ ជនសង្ស័យ ០៣នាក់ ត្រូវបានសមត្ថកិច្ចបញ្ជូនខ្លួនទៅសាលាដំបូងរាជធានីភ្នំពេញ នៅរសៀលថ្ងៃទី២៩ ខែវិច្ឆិកា ឆ្នាំ២០២១នេះ ដើម្បីឲ្យតំណាងអយ្យការបើកការស៊ើបសួរ លើសំណុំរឿងពាក់ព័ន្ធបទល្មើស ដឹកជញ្ជូននឹងជួញដូរគ្រឿងញៀនចំនួនជិត ២៥គីឡូក្រាម។សូមរំលឹកថា កាលថ្ងៃទី២៥ ខែវិច្ឆិកា ឆ្នាំ២០២១ វេលាម៉ោង ២០និង៣០នាទី ដោយអនុវត្តតាមបទបញ្ជាឯកឧត្តម នាយឧត្ដមសេនិយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និង ឯកឧត្ដម នាយឧត្ដមសេនីយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿងញៀន ក្រោមការបញ្ជាដឹកនាំផ្ទាល់របស់ឯកឧត្តម ឧត្ដមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន កម្លាំងជំនាញនៃមន្ទីរប្រឆាំងគ្រឿងញៀន (ក១០)ដឹកនាំដោយ លោកឧត្តមសេនីយ៍ទោ សារី បុត្រសត្យា លោកវរសេនីយ៍ឯក យឹម សែនឧត្តម លោកវរសេនីយ៍ទោ ញ៉ុង រស់ប្រាថ្នា នាយករងមន្ទីរ លោក វរសេនីយ៍ឯក តឹក សូនី នាយការិយាល័យ(ក១០) និងមានការចូលរួមស្នងការដ្ឋាននគរបាលរាជធានីភ្នំពេញ ព្រមទាំងមានការសម្របសម្រួលពីលោក អ៊ុ សុភក្តិ ព្រះរាជអាជ្ញាធរ នៃអយ្យការអមសាលាដំបូងរាជធានីភ្នំពេញ បានធ្វើការស៊ើបអង្កេត ស្រាវជ្រាវបង្ក្រាប នៅ២គោលដៅផ្សេងគ្នាជាបន្តបន្ទាប់ ពាក់ព័ន្ធនិងបទល្មើសគ្រឿងញៀន ក្នុងនោះ៖គោលដៅទី១ នៅចំណុចផ្លូវលេខ ១០៥ ជិតផ្សារបឹងត្របែក(ផ្លាស្សា) ស្ថិតក្នុងសង្កាត់បឹងត្របែង ខណ្ឌចំការមន និងគោលដៅទី២ ផ្ទះលេខ៩៩ ផ្លូវ១៤៦ ក្រុម៣ ភូមិ២ សង្កាត់ផ្សារដេប៉ូ២ ខណ្ឌទួលគោក រាជធានីភ្នំពេញ។ក្នុងរង្វង់ប្រតិបត្តិការជាលទ្ធផលសមត្ថកិច្ចឃាត់ខ្លួនជនសង្ស័យ ៣នាក់ រួមមានទី១-ឈ្មោះ តាំង លាក ភេទប្រុស អាយុ ៦០ឆ្នាំ ជនជាតិខ្មែរ។ ទី២-ឈ្មោះ GOH SEOW SIAN ភេទប្រុស កើតឆ្នាំ ១៩៥៣ ជនជាតិសិង្ហបុរី កាន់លិខិតឆ្លងដែនលេខ K0447332B និងទី៣-ឈ្មោះ លី ជាងហ្វុង ភេទប្រុស អាយុ ២៧ឆ្នាំ ជនជាតិវៀតណាម។ និងដកហូតវត្ថុតាងរួមមាន អ៊ិចស្តាស៊ី(MDMA)ទម្ងន់សុទ្ធ ២៤Kg។ កេតាមីន(KETAMIN)ទម្ងន់សុទ្ធ ១១៨g។ កាទីណូន(4CEC) ទម្ងន់សុទ្ធ ១៧០ក្រាម។ សរុបសារធាតុញៀនទាំងអស់ ដែលរឹបអូសមានទម្ងន់សុទ្ធ ២៤គីឡូក្រាមសារធាតុផ្សំ ១គីឡូក្រាមជញ្ជីងថ្លឹង ៥គ្រឿង និងឧបករណ៍កែច្នៃមួយចំនួនទៀត។បច្ចុប្បន្នជនសង្ស័យទាំង ០៣នាក់ ព្រមទាំងវត្ថុតាងត្រូវបានសមត្ថកិច្ច បញ្ជូនមកដល់សាលាដំបូងរាជធានីភ្នំពេញ ប្រគល់ឲ្យតំណាងអយ្យការបើកការស៊ើបសួរតាមនីតិវិធី៕ អត្ថបទ៖ កុម្ភះ

បណ្ដាញសង្គម

ព័ត៌មានថ្មីៗ

អេស្ប៉ាញរកឃើញមនុស្សស្លាប់ខ្ពស់បំផុតពាក់ព័ន្ធនឹងកម្តៅក្នុងខែឧសភា ចាប់តាំងពីឆ្នាំ ២០១៥

អគ្គិភ័យ និងការខូចខាត បានកើតមាននៅអាកាសយានដ្ឋានគូវែត ក្រោយការវាយប្រហាររបស់អ៊ីរ៉ង់

ឥណ្ឌាអនុម័តមូលនិធិជាង ១ពាន់លានដុល្លារ ដើម្បីជួយក្រុមហ៊ុនអាកាសចរណ៍ ស្របពេលប្រេងយន្តហោះឡើងថ្លៃ

ក្រុមអ្នកតាំងលំនៅនិគមន៍អ៊ីស្រាអែលវាយប្រហាររថយន្តដឹកគ្រួសារប៉ាឡេស្ទីននៅតំបន់វ៉េសប៊ែង

ឈីលីកម្ទេចបណ្តាញលាងលុយកខ្វក់ដែលមានការជាប់ពាក់ព័ន្ធនឹងក្រុមឧក្រិដ្ឋជន Tren de Aragua

អរិភាពនៅតំបន់ឈូងសមុទ្រឡើងកម្តៅជាថ្មី ខណៈកិច្ចប្រជុំសន្តិភាពអាមេរិក-អ៊ីរ៉ង់ជាប់គាំង

កូដកម្មជុំវិញកំណែទម្រង់ការងារ ធ្វើឲ្យប៉ះពាល់ដល់រថភ្លើង ជើងហោះហើរ និងសាលារៀននៅព័រទុយហ្គាល់

ចិនច្រានចោលអំណះអំណាងការងារដោយបង្ខំ ជាការឆ្លើយតបនឹងសំណើពន្ធអាមេរិក

វិមានក្រឹមឡាំង៖ រុស្ស៊ីនឹងបន្តវាយប្រហារអ៊ុយក្រែនជាប្រព័ន្ធ ក្រោយការវាយប្រហារដ្រូននៅទីក្រុង St Petersburg

អ្នកវិទ្យាសាស្រ្តព្រមានថា បាតុភូតអែល នីញ៉ូ អាចនឹងវាយប្រហារតំបន់ភាគខាងត្បូងប្រេស៊ីលក្នុងឆ្នាំនេះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

ផ្ទះប្រជាពលរដ្ឋចំនួន២ខ្នងជាប់សាលាបឋមសិក្សាច្បារអំពៅ ត្រូវអគ្គីភ័យឆាបឆេះទាំងស្រុង

បុរសម្នាក់បានស្លាប់ ក្នុងករណីអគ្គីភ័យឆេះផ្ទះលក់អីវ៉ាន់ នៅខណ្ឌសែនសុខ

បុរសសម្លាប់ប្រពន្ធនៅក្រុងសៀមរាប រត់គេចខ្លួនមកភ្នំពេញ ត្រូវបាននគរបាលព្រហ្មទណ្ឌក្រសួងឃាត់ខ្លួន

កម្ពុជាបន្តកត់ត្រាការធ្លាក់ចុះករណីឆ្លងជំងឺកូវីដ-១៩ ទូទាំងប្រទេសមកនៅត្រឹម២៤នាក់នៅថ្ងៃនេះ

ពលរដ្ឋសំណូមពរដល់អាជ្ញាធរខណ្ឌទួលគោក ជួយរំដោះចិញ្ចើមផ្លូវសម្រាប់អ្នកថ្មើរជើងធ្វើដំណើរផង

កម្ពុជាបន្តកត់ត្រាការធ្លាក់ចុះករណីឆ្លងជំងឺកូវីដ-១៩ ទូទាំងប្រទេសមកនៅត្រឹម២៣នាក់នៅថ្ងៃនេះ

កម្ពុជាបន្តកត់ត្រាការធ្លាក់ចុះករណីឆ្លងជំងឺកូវីដ-១៩ ទូទាំងប្រទេសមកនៅត្រឹម២៦នាក់នៅថ្ងៃនេះ

បង្ក្រាបគ្រឿងញៀន ១១ខែ៖ ដកហូតសារធាតុញៀនជិត ២តោន និងឃាត់ទុកទ្រព្យសម្បត្តិអចលនទ្រព្យ ១២កន្លែង

កម្ពុជាបន្តកត់ត្រាការធ្លាក់ចុះករណីឆ្លងជំងឺកូវីដ-១៩ ទូទាំងប្រទេសមកនៅត្រឹម២២នាក់នៅថ្ងៃនេះ

បង្ក្រាបករណីកែច្នៃ ជួញដូរគ្រឿងញៀន ចាប់ខ្លួន ០៣នាក់ និងរឹបអូសគ្រឿងញៀនជិត ២៥គីឡូក្រាម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

ផ្ទះប្រជាពលរដ្ឋចំនួន២ខ្នងជាប់សាលាបឋមសិក្សាច្បារអំពៅ ត្រូវអគ្គីភ័យឆាបឆេះទាំងស្រុង

បុរសម្នាក់បានស្លាប់ ក្នុងករណីអគ្គីភ័យឆេះផ្ទះលក់អីវ៉ាន់ នៅខណ្ឌសែនសុខ

បុរសសម្លាប់ប្រពន្ធនៅក្រុងសៀមរាប រត់គេចខ្លួនមកភ្នំពេញ ត្រូវបាននគរបាលព្រហ្មទណ្ឌក្រសួងឃាត់ខ្លួន

ពលរដ្ឋសំណូមពរដល់អាជ្ញាធរខណ្ឌទួលគោក ជួយ​រំដោះ​ចិញ្ចើម​ផ្លូវ​សម្រាប់​អ្នក​ថ្មើរជើង​ធ្វើ​ដំណើរ​ផង

បង្ក្រាបគ្រឿងញៀន ១១ខែ៖ ដកហូតសារធាតុញៀនជិត ២តោន និងឃាត់ទុកទ្រព្យសម្បត្តិអចលនទ្រព្យ ១២កន្លែង

បង្ក្រាប​ករណី​កែច្នៃ ជួញដូរ​គ្រឿងញៀន ចាប់ខ្លួន​ ០៣​នាក់ និង​រឹបអូស​គ្រឿងញៀន​ជិត ​២៥​គីឡូក្រាម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ពលរដ្ឋសំណូមពរដល់អាជ្ញាធរខណ្ឌទួលគោក ជួយរំដោះចិញ្ចើមផ្លូវសម្រាប់អ្នកថ្មើរជើងធ្វើដំណើរផង

បង្ក្រាបករណីកែច្នៃ ជួញដូរគ្រឿងញៀន ចាប់ខ្លួន ០៣នាក់ និងរឹបអូសគ្រឿងញៀនជិត ២៥គីឡូក្រាម