BTV NEWS

សមត្ថកិច្ចខេត្តស្វាយរៀងបន្តចុះបង្រ្កាបទីតាំងសង្ស័យលួចលាក់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យាឃាត់ខ្លួនជនសង្ស័យជនជាតិចិន វៀតណាម និងខ្មែរចំនួន ៧៣នាក់

ឃាតកម្មសម្លាប់មនុស្ស ២នាក់រួចយកសពទៅកប់ចោលនៅខណ្ឌជ្រោយចង្វារ កម្លាំងសមត្ថកិច្ចរាជធានីបង្ក្រាបជនសង្ស័យបាន ៤នាក់

គណៈបញ្ជាការឯកភាពរដ្ឋបាលក្រុងកំពង់សោម ចុះត្រួតពិនិត្យរដ្ឋបាលចំហរ រកឃើញជនបរទេស ២៦នាក់ ពាក់ព័ន្ធករណី Online Scams

ចៅក្រមស៊ើបសួរសម្រេចឃុំខ្លួនមន្ត្រីនគរបាល-អាវុធហត្ថខេត្តកំពត និងអ្នកទទួលផលចោរកម្មសរុបចំនួន ៤៧នាក់

សន្តិសុខ និង សង្គម

ពលរដ្ឋដែលធ្លាប់បាត់បង់យានយន្ត សូមទៅពិនិត្យស្លាកលេខនៅអធិការដ្ឋាននគរបាលខណ្ឌដង្កោ

ភ្នំពេញ ៖ នគរបាលផ្នែកព្រហ្មទណ្ឌ នៃអធិការដ្ឋាននគរបាលខណ្ឌដង្កោ សូមធ្វើការអំពាវនាវ បងប្អូនប្រជាពលរដ្ឋ ដែលធ្លាប់បាត់បង់យានយន្ត សូមទៅពិនិត្យស្លាកលេខនៅអធិការដ្ឋាននគរបាលខណ្ឌដង្កោ ។លោក នៅ ទិត្យ នាយផ្នែកនគរបាលព្រហ្មទណ្ឌ នៃអធិការដ្ឋាននគរបាលខណ្ឌដង្កោ បានប្រាប់ឲ្យដឹងនៅថ្ងៃទី១៥ខែមិថុនានេះថា ជនសង្ស័យ ២នាក់ ទី១ . ឈ្មោះ អាន ផ្លូច ភេទប្រុស អាយុ៣៣ឆ្នាំ មុខរបរ មិនពិតប្រាកដ ស្នាក់នៅផ្ទះជួល ភូមិជើងឯក សង្កាត់ជើងឯក ខណ្ឌដង្កោ រាជធានីភ្នំពេញ ។ ទី២ . ឈ្មោះ ស៊ិន សុខភាព ភេទប្រុស អាយុ៣០ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះជួលភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ (មានសារធាតុញៀន) ។ រួមទាំង វត្ថុតាងចាប់យក ៖ ដែកជ្រុងចុងសំប៉ែតស្រួចសម្រាប់កាច់សោកម៉ូតូ ចំនួន ០២, សោខ្សៀលេខ៨ ចំនួន ០២, ប័ណ្ណសម្គាល់យានយន្ត ចំនួន ០៣សន្លឹក (ឈ្មោះ ជុំ រតនា ចំនួន ០១សន្លឹក, ឈ្មោះ វី សីលាចំនួន ០១សន្លឹក, ឈ្មោះ ឯម បុល ចំនួន ០១សន្លឹក) , ផ្លាកលេខម៉ូតូ ចំនួន ០៣ (លេខ ភ្នំពេញ 1HT-0027 ចំនួន ០១, លេខ ភ្នំពេញ 1GD-2078 ចំនួន ០១, លេខ ភ្នំពេញ 1IO-1256 ចំនួន០១), វិទ្យុទាក់ ចំនួន ០១គ្រឿង, ម៉ូតូ ០១គ្រឿង ម៉ាកហុងដា សេ១២៥ ពណ៌ខ្មៅ សេរីឆ្នាំ២០១៩ ពាក់ស្លាកលេខ ភ្នំពេញ 1HL-0625 , សម្ភារៈប្រើប្រាស់គ្រឿងញៀន និងសោដោះម៉ូតូមួយចំនួន ត្រូវបាននគរបាល នៃអធិការដ្ឋាននគរបាលខណ្ឌដង្កោ បង្ក្រាបជាក់ស្តែង ករណីប៉ុនប៉ងលួច (ប្រើដែកជ្រុងចុងសំប៉ែតស្រួចកាច់សោកម៉ូតូ) កាលពីថ្ងៃទី១៤ ខែមិថុនា ឆ្នាំ២០២១ វេលាម៉ោង១៦ និង៤០នាទី ត្រង់ចំណុចខាងមុខក្រុមហ៊ុន ក្រឡុង ស៊ីម៉ង់ត៍ ផ្លូវ ៥០ម៉ែត្រ ភូមិពាម សង្កាត់ព្រៃស ខណ្ឌដង្កោ រាជធានីភ្នំពេញ ។សមត្ថកិច្ច ប្រាប់បន្តថា កាលពីថ្ងៃទី១៤ ខែមិថុនា ឆ្នាំ២០២១ វេលាម៉ោង១៦ និង៤០នាទី កម្លាំងសមត្ថកិច្ចនគរបាលខណ្ឌដង្កោ បានជិះម៉ូតូល្បាតក្នុងភូមិសាស្ត្រខណ្ឌដង្កោ ដល់ចំណុចផ្លូវចូល ក្រុមហ៊ុន ក្រឡុងស៊ីម៉ង់ត៍ ផ្លូវបេតុង ៥០ម៉ែត្រ ស្ថិតនៅភូមិពាម សង្កាត់ព្រៃស ខណ្ឌដង្កោ រាជធានីភ្នំពេញ ក៏បានឃើញជនសង្ស័យ ០២នាក់ ទី ១ . ឈ្មោះ អាន ផ្លូច ភេទប្រុស អាយុ៣៣ឆ្នាំ និង ទី ២. ឈ្មោះ ស៊ិន សុខភាព ភេទប្រុស អាយុ៣០ឆ្នាំ កំពុងជិះម៉ូតូ ១គ្រឿង ម៉ាក ហុងដាសេ១២៥ ពណ៌ខ្មៅសេរីឆ្នាំ២០១៩ ពាក់ផ្លាកលេខភ្នំពេញ 1HL-0625 ដោយមានការសង្ស័យ សមត្ថកិច្ចក៏បានហៅឱ្យឈប់ធ្វើការសួរនាំ និងត្រួតពិនិត្យរកឃើញវត្ថុតាងប្រព្រឹត្តបទល្មើសមួយចំនួន រួមមាន ដែកជ្រុងចុងសំប៉ែតស្រួចសម្រាប់កាច់សោរកម៉ូតូ ចំនួន ២, សោរខ្សៀលេខ៨ ចំនួន ២ លាក់នៅក្រោមកែបម៉ូតូ រួចសមត្ថកិច្ចក៏បានឃាត់ខ្លួនជនសង្ស័យទាំង២នាក់ រួមនិងវត្ថុតាង យកមកធ្វើការសាក សួរនៅអធិការដ្ឋាននគរបាលខណ្ឌដង្កោតាមនីតិវិធីច្បាប់។ប្រភពព័ត៌មាន ដដែលបានបន្ដថា បន្ទាប់មកសមត្ថកិច្ចបាននាំជនសង្ស័យឈ្មោះ អាន ផ្លូច ទៅឆែកបន្ទប់ជួលរបស់គេ ស្ថិតនៅភូមិជើងឯក សង្កាត់ជើងឯក ខណ្ឌដង្កោ រាជធានីភ្នំពេញ ស្រាប់តែរកឃើញវត្ថុតាងពាក់ព័ន្ធបទល្មើសមួយចំនួនទៀត រួមមាន ៖ ប័ណ្ណសម្គាល់យានយន្ត ចំនួន ០៣សន្លឹក (ឈ្មោះ ជុំ រតនា ចំនួន ០១សន្លឹក, ឈ្មោះ វី សីលា ចំនួន ០១សន្លឹក, ឈ្មោះ ឯម បុល ចំនួន ០១សន្លឹក) , ស្លាកលេខម៉ូតូ ចំនួន ០៣ (លេខ ភ្នំពេញ 1HT-0027 ចំនួន ០១, លេខ ភ្នំពេញ 1GD-2078 ចំនួន ០១, និង លេខ ភ្នំពេញ 1IO-1256 ចំនួន ០១) , វិទ្យុទាក់ទង ម៉ាក Motorola GP300 ចំនួន ០១គ្រឿង , សម្ភារៈប្រើប្រាស់គ្រឿងញៀន និងសោដោះម៉ូតូមួយចំនួន។បច្ចុប្បន្នជនសង្ស័យ រួមទាំងវត្ថុតាង សមត្ថកិច្ចកំពុងឃាត់ និង រក្សាទុកបណ្តោះអាសន្ននៅអធិការដ្ឋាននគរបាលខណ្ឌដង្កោ ដើម្បីកសាងសំណុំរឿងបញ្ជូនទៅតុលាការ ចាត់ការតាមផ្លូវច្បាប់ ៕អត្ថបទ ៖ តារាវុទ្ធី

អាជ្ញាធរខណ្ឌដូនពេញ ចាត់វិធានការក្ដៅចំពោះក្រុមអាជីវករដាក់តាំងរថយន្តលក់នៅលើចិញ្ចើមផ្លូវ

ភ្នំពេញ៖ នាពេលកន្លងមក លោក សុខ ពេញវុធ ប្រធានគណៈបញ្ជាការឯកភាពខណ្ឌដូនពេញ តែងតែដឹកនាំកម្លាំងសណ្ដាប់ធ្នាប់ចុះជាប្រចាំរៀបចំរបៀបរៀបរយសន្តិសុខ សណ្ដាប់ធ្នាប់ សាធារណៈ បរិស្ថាន អនាម័យ ដើម្បីលើកសោភ័ណភាពទីក្រុង កាត់បន្ថយការកកស្ទះចរាចរណ៍ និងរក្សាចិញ្ចើមផ្លូវទុកសម្រាប់ អ្នកដំណើរថ្មើរជើង ឬជនពិការភាព ធ្វើដំណើរផងដែរ។ជាក់ស្ដែងក្រោយពី រដ្ឋបាលខណ្ឌដូនពេញ ចេញសេចក្ដីជូនដំណឹង ស្តីពីការបញ្ឈប់ការដាក់តាំង លក់រថយន្ត នៅលើទ្រូងផ្លូវ និងចិញ្ចើមផ្លូវសាធារណៈកម្លាំងគណៈបញ្ជាការឯកភាពខណ្ឌបានចាត់វិធានការក្ដៅចំពោះក្រុមអាជីវកម្ម ដែលតាំងរថយន្តលក់លើចិញ្ចើមផ្លូវសាធារណៈបានស្ទូចរថយន្តយកមករក្សាទុកនៅសាលាខណ្ឌដូនពេញដើម្បីធ្វើការផាកពិន័យ និងធ្វើកិច្ចសន្យាអប់រំតាមនីតិវិធី យើងសង្កេតឃើញថា នៅតាមដងផ្លូវសាធារណៈក្នុងមូលដ្ឋានខណ្ឌដូនពេញមានសភាពស្រលះល្អ ដើម្បីរក្សាចិញ្ចើមផ្លូវ ងាយស្រួលសម្រាប់អ្នកថ្មើរជើង ឬជនពិការធ្វើដំណើរ ។បងប្អូនប្រជាពលរដ្ឋ រស់នៅក្បែរទីតាំងដែលក្រុមអាជីវករតែងតែយករថយន្តមកតាំងលក់លើចិញ្ចើមផ្លូវសាធារណៈ បានសាទរចំណាត់ការរបស់អាជ្ញាធរខណ្ឌដូនពេញ ដោយលើកឡើងថា កន្លងមកពេលធ្វើដំណើរថ្មើរជើង ទៅផ្សារ ឬទៅណាជិតៗ គឺដើរលើគំនូសផ្លូវសម្រាប់យានយន្តបើកបរ ពុំមានចិញ្ចើមផ្លូវសម្រាប់អ្នកថ្មើរជើងឡើយ ដោយអ្នកលក់រថយន្តយករថយន្តមកតាំងលក់ពេញផ្លូវ ដូច្នេះពេលនេះ អាជ្ញាធរចាត់វិធានក្ដៅ លែងអោយមានការចតរថយន្ត ឬ យករថយន្តមកតាំងលក់លើផ្លូវបែបនេះ គឺជាវិធានការដ៏ល្អសម្រាប់បងប្អូនប្រជាពលរដ្ឋ និងសោភ័ណភាពទីក្រុងផងដែរ។សូមរលឹកផងដែរថា កាលពីថ្ងៃទី០៨ ខែមិថុនា ឆ្នាំ២០២១ រដ្ឋបាលខណ្ឌដូនពេញ បានចេញសេចក្ដីជូនដំណឹង ស្តីពីការបញ្ឈប់ការដាក់តាំង លក់រថយន្ត នៅលើទ្រូងផ្លូវ និង ចិញ្ចើមផ្លូវសាធារណៈ ដោយទុកពេលអោយរើចេញអោយរយះពេល៤ថ្ងៃ រហូតដល់ថ្ងៃទី១២ ខែមិថុនា ឆ្នាំ២០២១ ផុតឱសានវាទ លោក សុខ ពេញវុធ អភិបាលនៃគណៈអភិបាលខណ្ឌដូនពេញ សហការជាមួយកម្លាំងស្នងការដ្ឋាននគរបាលរាជធានី ដឹកនាំដោយ ឯកឧត្តម ឧត្តមសេនីយ៍ ទោ ចេវ ហាក់ ស្នងការរងនគរបាលរាជធានីភ្នំពេញ បានចុះរៀបចំសណ្តាប់ធ្នាប់ សាធារណៈរថយន្តដែលតាំងលក់ លើចិញ្ចើមផ្លូវ និងរថយន្តដែលបានមកចតចោលនៅលើទ្រូងផ្លូវ និងចិញ្ចើមផ្លូវ និងទ្រូងផ្លូវសាធារណៈបណ្ដាលឲ្យបាត់បង់សណ្ដាប់ធ្នាប់ របៀបរៀបរយសាធារណៈ បង្ករការកកស្ទះចរាចរណ៍ និងសោភ័ណភាពរាជធានីភ្នំពេញផងដែរ៕អត្ថបទ ៖ កុម្ភៈ

អាជ្ញាធររាជធានី រុះរើបែរចិញ្ចឹមត្រីជិត៨០០ទីតាំង និងផ្ទះបណ្ដែតទឹកជាង៦០០ខ្នងរយៈពេល៣ថ្ងៃ

ភ្នំពេញ ៖ ក្នុងរយៈពេល៣ថ្ងៃ នគរបាលរាជធានីភ្នំពេញ បានរុះរើបែរចិញ្ចឹមត្រី ជិត៨០០បែរ និងផ្ទះបណ្តែតទឹកដែលភាគច្រើនជារបស់វៀតណាមទាំងអស់ ជិត៦០០ខ្នង ខណៈបែរដែលកំពុងមានត្រី អាជ្ញាធរសម្រេចពន្យារពេលរហូតដល់ត្រីបានផលទើបឲ្យរុះរើ។របាយការណ៍របស់ស្នងការដ្ឋាននគរបាលរាជធានីភ្នំពេញ ដែលBTVទទួលបាននៅថ្ងៃទី១៥ ខែមិថុនា នេះ បានឲ្យដឹងថា អភិបាលរាជធានីភ្នំពេញ ឯកឧត្តម ឃួង ស្រេង និងឧត្តមសេនីយ៍ទោ ចេវ ហាក់ ស្នងការរងទទួលផែនការងារនគរបាលចរាចរណ៍ជើងទឹក និងផ្លូវគោក នៃស្នងការដ្ឋាននគរបាលរាជធានីភ្នំពេញ បានដឹកនាំកម្លាំងចុះត្រួតពិនិត្យ និងអនុវត្តវិធានការរុះរើបែរចិញ្ចឹមត្រី និងផ្ទះបណ្តែតទឹកអនាធិបតេយ្យនៅក្នុងភូមិសាស្ត្រខណ្ឌជ្រោយចង្វារ ច្បារអំពៅ មានជ័យ ឫស្សីកែវ និងខណ្ឌព្រែកព្នៅ ដោយការអនុវត្តនេះ ពុំមានការពន្យាពេលនោះឡើយ។របាយការណ៍ បានបញ្ជាក់បន្ថែមថា នៅគ្រាដែលការអនុវត្តវិធានការរុះរើនេះ រដ្ឋបាលរាជធានីភ្នំពេញ បានចាប់ផ្តើមអនុវត្តចាប់ពីថ្ងៃទី១២ រហូតដល់ថ្ងៃទី១៤ ខែមិថុនា ដោយមានការប្រើប្រាស់កម្លាំងសរុប វិធានការសរុប និងមធ្យោបាយសរុប របស់គណៈបញ្ជាការឯកភាពរដ្ឋបាលរាជធានីភ្នំពេញ។ នៅក្នុងអំឡុង នៃការចុះអនុវត្តវិធានការរុះរើពុំឃើញមានការតវ៉ា ឬប្រឆាំងណាមួយ ពីសំណាក់អ្នកដែលរស់នៅខុសច្បាប់នៅលើផ្ទៃទឹកនោះដែរ ផ្ទុយទៅវិញ ពួកគេ បានចូលរួមអនុវត្តតាមការណែនាំរបស់អាជ្ញាធរ នៅគ្រាដែលរដ្ឋបាលរាជធានីភ្នំពេញ បានព្រមានចាត់វិធានការផ្លូវច្បាប់ចំពោះជនណាមិនអនុវត្តតាមនោះ។ឧត្តមសេនីយ៍ទោ ចេវ ហាក់ បានឱ្យដឹងថា «ចំពោះបែរចិញ្ចឹមត្រីណា ដែលមានត្រី គឺតម្រូវឱ្យនាំយកមកប្រមូលផ្តុំតែមួយកន្លែងក្នុងខណ្ឌព្រែកព្នៅ ដោយរង់ចាំអនុវត្តវិធានការបន្ត ។ ដោយឡែកចំពោះបែរចិញ្ចឹមត្រី ដែលគ្មានត្រីចិញ្ចឹមត្រូវរុះរើចោលភ្លាមៗ ដោយមិនអនុគ្រោះនោះឡើយ»។រដ្ឋបាលរាជធានីភ្នំពេញ បានចេញសេចក្តីសម្រេចកាលពីថ្ងៃទី០២ ខែមិថុនានវ តម្រូវឱ្យអ្នករស់នៅ និងប្រកបរបរលើផ្ទៃទឹកទន្លេ ក្នុងភូមិសាស្ត្ររាជធានីភ្នំពេញ រុះរើ ឬចល័តផ្ទះបណ្តែតទឹក បែរចិញ្ចឹមត្រី និងសំណង់មិនរៀបរយឱ្យអស់ ដោយទុករយៈពេល៧ថ្ងៃ។ រដ្ឋបាលរាជធានីភ្នំពេញ បានបញ្ជាក់ថា ការរស់នៅនិងប្រកបមុខរបរលើផ្ទៃទឹកទន្លេបែបអនាធិបតេយ្យនេះ បានបង្កឱ្យរងផលប៉ះពាល់ដល់ប្រព័ន្ធអេកូឡូហ្ស៊ី ចរន្តទឹកហូរ គោករាក់ ពិសេសការប្រើប្រាស់ចំណីចិញ្ចឹមត្រី និងការបញ្ចេញកាកសំណល់ ការបន្ទោបង់ពាស វាលពាស កាលក្នុងទន្លេ ធ្វើឱ្យខូចខាតធ្ងន់ធ្ងរដល់ជីវៈចម្រុះក្នុងទឹក ខូចគុណភាពទឹក បំពុលបរិស្ថាន ប៉ះពាល់សោភ័ណភាពរាជធានីភ្នំពេញ និងព្រមទាំងប៉ះពាល់ដល់សុខភាពប្រជាពលរដ្ឋ ដែលប្រើប្រាស់ទឹកមិនស្អាតផងដែរ។ ក្នុងអំឡុងពេល នៃការចុះអនុវត្តឱ្យរុះរើនោះផងទៀត គឺរដ្ឋបាលរាជធានីភ្នំពេញ មិនទទួលខុសត្រូវរាល់ការខូចខាត ឬបាត់បង់ណាមួយនោះឡើយ ហើយក្នុងករណីរឹងរូស អាជ្ញាធរ នឹងកសាងសំណុំរឿងបញ្ជូនទៅតុលាការចាត់ការតាមផ្លូវច្បាប់៕អត្ថបទ ៖ បាន ចក់

កម្ពុជារកឃើញមនុស្ស៤៩៥នាក់ទៀតឆ្លងមេរោគកូវីដ-១៩ ខណៈអ្នកជំងឺ៦០៤នាក់ទៀតបានជាសះស្បើយ

ភ្នំពេញ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៤៩៥នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដ-១៩ចំនួន ៦០៤នាក់ទៀតទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ៤៥១នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ ៤៤នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស ១៣នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ៣៦១នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៣៣ ៥៧១នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មីចំនួន ៦០៤នាក់ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៣៩ ៤៦៤នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

លោកជំទាវ ភឿង សកុណា៖ មរណភាពទេវនាដនិម្មិត ឯម ធាយ គឺជាការ«បាត់បង់ដ៏ធំធេងមួយក្នុងវិស័យវប្បធម៌»

ភ្នំពេញ៖ រដ្ឋមន្ត្រីក្រសួងវប្បធម៌ និងវិចិត្រសិល្បៈ លោកជំទាវ ភឿង សកុណា បានលើកឡើងថា មរណភាពរបស់ទេវនាដនិម្មិត ឯម ធាយ គឺជា«ការបាត់បង់ដ៏ធំធេង»នៅក្នុងវិស័យវប្បធម៌ខ្មែរ។រដ្ឋមន្ត្រីក្រសួងវប្បធម៌ និងវិចិត្រសិល្បៈ លោកជំទាវ ភឿង សកុណា បានបញ្ជាក់បែបនេះនៅលើទំព័រហ្វេសប៊ុកផ្លូវការរបស់លោកជំទាវនៅព្រឹកថ្ងៃនេះ។លោកជំទាវ ភឿង សកុណា បានបញ្ជាក់ថា លោកយាយ ឯម ធាយ បានបន្សល់ទុកនូវស្នាដៃសិល្បៈខ្មែរមិនអាចកាត់ថ្លៃបានសម្រាប់អ្នកជំនាន់ក្រោយ។ទេវនាដនិម្មិត ឯម ធាយ ដែលជាព្រឹទ្ធាចារ្យសិល្បៈខ្មែរមួយរូប បានទទួលមរណភាពនៅថ្ងៃនេះក្នុងជន្មាយុ ៨៦ឆ្នាំ៕

ស្ត្រីចំណាស់ម្នាក់ កំពុងដើរតាមផ្លូវត្រូវបានរថយន្តបុកស្លាប់ភ្លាមៗ នៅកន្លែងកើតហេតុ

ភ្នំពេញ៖ ស្ត្រីចំណាស់ម្នាក់បានស្លាប់ភ្លាមៗ បន្ទាប់ពីករណីគ្រោះថ្នាក់ចរាចរណ៍មួយ បានកើតឡើងរវាងរថយន្តដឹកស៊ីម៉ងត៍ ដោយអ្នកបើកបររថយន្តងងុយដេក បានបើកបុកម្នាក់កំពុងដើរតាមផ្លូវបេតុង បណ្ដាលអោយបែកក្បាលស្លាប់។ហេតុការណ៍នេះ បានកើតឡើងកាលពីវេលាម៉ោង ០៣និង១០នាទី រសៀលថ្ងៃទី១៤ ខែមិថុនា ឆ្នាំ២០២១ តាមបណ្ដោយផ្លូវបេតុង ក្បែរផ្សារច្រាំងចំរេះ ស្ថិតនៅសង្កាត់ច្រាំងចំរេះទី២ ខណ្ឌឫស្សីកែវ រាជធានីភ្នំពេញ។នគរបាលបានអោយដឹងថា សពមានឈ្មោះ ង៉ែត សុធារី ភេទស្រី អាយុ៥៩ឆ្នាំ ស្នាក់នៅផ្ទះលេខ១៤៣ ED4z ផ្លូវលេខ១២៨ ភូមិ១ សង្កាត់មនោរម្យ ខណ្ឌ៧មករា រាជធានីភ្នំពេញ និងស្រុកកំណើតនៅ តាខ្មៅ ស្រុកកណ្ដាលស្ទឹង ខេត្តកណ្ដាល។ចំណែកតៃកុងរថយន្តមានឈ្មោះ វ័ណ រតនា អាយុ២១ឆ្នាំ ស្នាក់នៅម្ដុំសង្កាត់ក្រាំងធ្នង់ ខណ្ឌសែនសុខ និងមានស្រុកកំណើតនៅខេត្តព្រៃវែង។តាមប្រភពព័ត៌មាន ពីបងប្អូនប្រជាពលរដ្ឋបានអោយដឹងថា នៅមុនពេលកើតហេតុ គេមានស្ត្រីចំណាស់ម្នាក់កំពុងដើរតាមផ្លូវបេតុង ក្បែរផ្សារច្រាំងចំរះ ស្រាប់តែមានបុរសម្នាក់បើករថយន្តដឹកស៊ីម៉ងត៍មួយគ្រឿង ពណ៌ត្រេអ៊ី ពាក់ស្លាកលេខចង្កូតស្ដាំ KPS- 0092 ធ្វើដំណើរស្របទិសដៅជាមួយអ្នកដោយតៃកុងរថយន្តងងុយដេក ងោកមួយផាំង ក៏ជ្រួលបុកស្ត្រីចំណាស់ម្នាក់កំពុងដើរ រួចអូសបុកជាមួយធុងទឹកអំពៅ បណ្ដាលអោយបែកក្បាលស្លាប់ភ្លាមៗតែម្ដង។ក្រោយពេលកើតតៃកុងរថយន្ត រួមទាំងរថយន្ត ត្រូវបានកម្លាំងសមត្ថកិច្ចឃាត់ខ្លួនទៅប៉ុស្តិ៍នគរបាលដើម្បីបញ្ជូនទៅការិយាល័យចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញដើម្បីចាត់ការតាមនីតិវិធី៕ អត្ថបទ៖ គុម្ភៈ

នៅថ្ងៃនេះអ្នកជំងឺកូវីដ-១៩ ចំនួន៥៧នាក់ត្រូវបានរកឃើញនៅក្នុងខេត្តតាកែវ

តាកែវ ៖ នៅថ្ងៃទី១៤ ខែមិថុនា ឆ្នាំ២០២១នេះ មន្ត្រីជំនាញសុខាភិបាលខេត្តតាកែវ បានប្រកាសថា មនុស្សចំនួន៥៧នាក់ ត្រូវបានរកឃើញ មានផ្ទុកជំងឺកូវីដ-១៩ បន្ទាប់ពីបានយកសំណាកទៅវិភាគកាលពីម្សិលមិញនេះ។លោកវេជ្ជបណ្ឌិត នុត ស៊ីណាត ប្រធានមន្ទីរសុខាភិបាលខេត្តតាកែវ បានថ្លែងប្រាប់ទូរទស្សន៍BTV ថា អ្នកជំងឺកូវីដ-១៩ ទាំង៥៧នាក់ ត្រូវបានរកឃើញភាគច្រើននៅក្នុងស្រុកបាទី ស្រុកសំរោង ស្រុកទ្រាំង ស្រុកត្រាំកក់ និងក្រុងដូនកែវ ។ បច្ចុប្បន្ននេះ អ្នកជំងឺទាំងអស់ត្រូវបានដាក់ឲ្យសម្រាកព្យាបាលនៅតាមទីតាំងដែលអាជ្ញាធរបានរៀបចំដោយឡែកចំពោះអ្នកពាក់ព័ន្ធ ត្រូវបានណែនាំឲ្យធ្វើចត្តាឡីស័ក ឲ្យបានត្រឹមត្រូវទៅតាមការណែនាំរបស់មន្ត្រីជំនាញសុខាភិបាល។លោកប្រធានមន្ទីរសុខាភិបាលខេត្តតាកែវ បានបន្តថា មន្ត្រីជំនាញសុខាភិបាលកំពុងតែបន្តធ្វើសកម្មភាពយកសំណាកទៅលើបងប្អូនអាជីវករផ្សារតាកែវ និងបងប្អូនកម្មករកម្មការិនីមួយចំនួនបន្តទៀត ដែលមានការជាប់ពាក់ព័ន្ធទៅអ្នកជំងឺកូវីត-១៩ ដើម្បីធ្វើយ៉ាងណាទប់ស្កាត់ការរីករាលដាលជំងឺកូវីដ-១៩ ឆ្លងរីករាលដាលទៅតំបន់ផ្សេងទៀត ជាពិសេសអាជ្ញាធរមូលដ្ឋានបានបន្តណែនាំដល់អ្នកពាក់ព័ន្ធនឹងអ្នកជំងឺកូវីដ-១៩ អោយចូលខ្លួនមកយកសំណាកទៅពិនិត្យរកជំងឺកូវីដ-១៩ និងបានណែនាំអោយធ្វើចត្តាឡីស័ក ឲ្យបានត្រឹមត្រូវ។គួរបញ្ជាក់ថា រហូតមកដល់ពេលនេះ ខេត្តតាកែវ មានអ្នកផ្ទុកជំងឺកូវីដ-១៩ ចំនួន ១៧៧៣ នាក់ ក្នុងនោះអ្នកជំងឺកូវីដ-១៩ ចំនួនជិត១ពាន់នាក់ ត្រូវបានព្យាបាលជាសះស្បើយ ។ ដោយឡែកក៏មានអ្នកជំងឺកូវី-១៩ ចំនួន១២នាក់ផងដែរ ត្រូវបានស្លាប់បាត់បង់ជីវិត៕អត្ថបទ ៖ គុជ វិភាគ

ចូលខែមិថុនានេះ ចំនួនអ្នកធ្វើចត្តាឡីស័កនៅខេត្តបាត់ដំបង កើនឡើង

បាត់ដំបង ៖ ចូលខែមិថុនានេះ ចំនួនពលរដ្ឋធ្វើចត្តាឡីស័ក បានមានការកើនឡើង នៅតាមមណ្ឌលនានា ក្នុងខេត្តបាត់ដំបង មានទាំងពលករ ទើបត្រឡប់មកពីប្រទេសថៃ និងអ្នកពាក់ព័ន្ធព្រឹត្តិការណ៍សហគមន៍២០កុម្ភៈ ខណៈអ្នកវិជ្ជមានកូវីដ-១៩ នារយៈពេលប៉ុន្មានថ្ងៃចុងក្រោយនេះ នៅតែរកឃើញជាបន្តបន្ទាប់។របាយការណ៍របស់រដ្ឋបាលខេត្ត បានបង្ហាញថា បច្ចុប្បន្ន ក្នុងខេត្តបាត់ដំបង មានអ្នកធ្វើចត្តាឡីស័ក តាមមណ្ឌលនានា ចំនួនជាង២ពាន់៧០០នាក់ ខណៈកាលពីថ្ងៃទី១៣ ខែមិថុនា មានពលករត្រឡប់ មកពីប្រទេសថៃ ឆ្លងដែនតាមច្រកនានាជាប់ខេត្តបាត់ដំបង ចំនួន១៣៥នាក់ និងពលករ ដែលជាអ្នករស់ នៅខេត្តបាត់ដំបង ចំនួន៩៣នាក់ ត្រូវបានបញ្ជូនមកពីខេត្តប៉ៃលិន បន្ទាយមានជ័យ និងឧត្តរមានជ័យ។លោក សឿម ប៊ុនរិទ្ធ អភិបាលរង និងជាអ្នកនាំពាក្យរដ្ឋបាលខេត្តបាត់ដំបង បានឲ្យដឹងថា អ្នកកំពុងធ្វើចត្តាឡីស័ក នៅក្នុងខេត្តបាត់ដំបង មានទាំងអ្នករស់នៅក្នុងខេត្ត ហើយបើមានអ្នកនៅខេត្តផ្សេងៗ ចេញមកពីប្រទេសថៃ តាមច្រកនានាជាប់ខេត្តបាត់ដំបង ត្រឹមចំនួនតិចតួច ឲ្យធ្វើចត្តាឡីស័កក្នុងខេត្តបាត់ដំបង តែបើចំនួនច្រើន នឹងត្រូវបញ្ជូនទៅធ្វើចត្តាឡីស័ក នៅខេត្តរបស់ពួកគេ។របាយការណ៍ របស់រដ្ឋបាលខេត្ត បានឱ្យដឹងទៀតថា អាជ្ញាធរខេត្ត បានកំណត់មុខសញ្ញាអ្នកពាក់ ព័ន្ធក្នុងព្រឹត្តិការណ៍២០កុម្ភៈ និងយកសំណាក ចំនួនជាង៣ពាន់នាក់ ដែលជាលទ្ធផល វិជ្ជមាន២៧៥នាក់ ហើយចាប់តាំងពីមានការផ្ទុះឆ្លងជំងឺកូវីដ-១៩ នៅកម្ពុជា ក្នុងខេត្តបាត់ដំបង បានរកឃើញអ្នកជំងឺកូវីដ-១៩ ចំនួនសរុប៥៣១នាក់ ព្យាបាលជាសះស្បើយ ១៩៥នាក់ ស្លាប់២នាក់ និងកំពុងសម្រាកព្យាបាល ៣៣៤ នាក់។រដ្ឋបាលខេត្តបាត់ដំបង បានឲ្យដឹងថា ក្នុងចំណោមអ្នកវិជ្ជមានកូវីដ-១៩ ទាំង៥៣១នាក់ ក្នុងនោះ មានចំនួន៩នាក់ បានរកឃើញកាលពីម្សិលមិញ ហើយអ្នកជាសះស្បើយចំនួនចំនួន៣នាក់៕អត្ថបទ៖ បាន សុខរិទ្ធ

ផ្តល់រថយន្តពន្លត់អគ្គីភ័យទំនើប២គ្រឿងដល់ស្នងការរាជធានីភ្នំពេញ និងនាយកដ្ឋានពន្លត់អគ្គីភ័យ

ភ្នំពេញ ៖ អគ្គស្នងការនគរបាលជាតិ បានប្រគល់រថយន្តពន្លត់អគ្គិភ័យបែបទំនើបចំនួន១គ្រឿង ដល់នាយកដ្ឋាននគរបាលបង្ការពន្លត់អគ្គីភ័យ និងសង្គ្រោះនៃក្រសួងមហាផ្ទៃ និងមួយគ្រឿងទៀតដល់ស្នងការនគរបាលរាជធានីភ្នំពេញ ដោយរថយន្តពន្លត់អគ្គីភ័យនេះ អាចជួយពន្លត់អគ្គីភ័យបានខ្ពស់ និងបានពីចម្ងាយផងដែរ។ថ្លែងប្រាប់ទូរទស្សន៍ប៊ីធីវី ឧត្តមសេនីយ៍ឯក នេត វន្ថា ប្រធាននាយកដ្ឋាននគរបាលបង្ការ ពន្លត់អគ្គិភ័យ និងសង្គ្រោះ បានឲ្យដឹងថា រថយន្តដែលបានផ្តល់ជូននាពេលនេះ គឺមានអត្ថប្រយោជន៍ច្រើន ជាង រថយន្តដែលប្រទេសកម្ពុជាយើងបានប្រើពីកន្លងទៅ ដោយសាររថយន្តនេះអាចផ្ទុកទឹកក៏បានច្រើន និងធ្វើការបាញ់ទឹកចេញក៏បានលឿន និងបានខ្ពស់ជាដើមនោះ។ជាមួយគ្នានោះដែរឧត្តមសេនីយ៍ឯក ក៏បានបន្តអំពាវនាវដល់បងប្អូនប្រជាពលរដ្ឋទាំង អស់បន្តមានការប្រុងប្រយ័ត្នខ្ពស់ផងដែរ ដោយក្នុងគេហដ្ឋាននីមួយៗគប្បីមានឧបករណ៍សង្គ្រោះបឋម បើទោះបីជាមន្ត្រីជំនាញមានឡាន និងសម្ភារៈទំនើបក្តីក៏បងប្អូនមិនត្រូវធ្វេសប្រហែសនោះឡើយ៕អត្ថបទ ៖ បាន ចក់

ក្រុមហ៊ុនGFX បញ្ជាក់ថា អ្នកចូលរួមដាក់ពាក្យប្ដឹងជនទី៣ ក្នុងសំណុំរឿងបាត់បង់លុយវិនិយោគ មានចំនួនជិតមួយពាន់នាក់

ភ្នំពេញ ៖ ក្រុមហ៊ុន ហ្គោលអេហ្វអិកស៍ អ៊ិនវេសម៉ិន (GOLDFX INVESTMENT CO LTD) ហៅកាត់ GFX បានបញ្ជាក់ថា មកដល់ពេលនេះ មានវិនិយោគិនជិត១ពាន់នាក់ បានចូលរួមជាមួយក្រុមហ៊ុនដើម្បីប្តឹងទៅជនទី៣ នៅក្រៅស្រុក ក្នុងសំណុំរឿងបាត់បង់លុយវិនិយោគ។ ខណៈកំពុងរងចាំចំណាត់ផ្លូវច្បាប់ពីតុលាការ ក្រុមវិនិយោគិនផ្សេងទៀត ដែលបដិសេធមិនចូលរួមប្តឹងជាមួយក្រុមហ៊ុន បានកំពុងរង់ចាំអន្តរាគមន៍ពីក្រសួងសេដ្ឋកិច្ច និងហិរញ្ញវត្ថុ។លោក ជា រដ្ឋសាវុន មេធាវីនៃក្រុមហ៊ុន GFX នៅថ្ងៃទី១៤ ខែមិថុនា ឆ្នាំ២០២១នេះ បានមានប្រសាសន៍ប្រាប់ទូរទស្សន៍ព័ត៌មាន ប៊ីធីវីថា សម្រាប់យន្តការតាមច្បាប់ដែលបានដាក់ចេញសំរាប់អតិថិជនជួបបញ្ហាគណនីជួញដូរទាំងអស់ដែលត្រូវការប្រឹក្សា យោគយល់ និងចូលរួមជាមួយក្រុមហ៊ុន ក្នុងគោលបំណងផ្ទៀងផ្ទាត់ ឬទាមទារនូវអ្វីដែលជាការខាតបង់របស់អតិថិជន ដែលសរុបតួលេខពីថ្ងៃមុនមានប្រមាណពី ៨០០ ទៅ៩០០នាក់ ឬជិត១ពាន់នាក់។ លោក បានបន្តថា ការងារនេះលោកនឹងធ្វើទៅតាមនីតិវិធីច្បាប់នៅស្រុកសិន ដែលនាំយកពាក្យបណ្ដឹងទាំងនោះប្រគល់ជូនតុលាការក្នុងស្រុក បន្ទាប់ទៀត គឺរងចាំចំណាត់ការ និងនីតិវិធីរបស់តុលាការ។ ដោយឡែក ទាក់ទងនឹងការដាក់ ញត្តិរបស់វិនិយោគិនផ្សេងទៀតទៅកាន់ក្រសួងសេដ្ឋកិច្ចនិងហិរញ្ញវត្ថុ លោក បានបញ្ជាក់ថា លោកពុំទាន់ទទួលព័ត៌មាននេះទេពីខាងក្រុមហ៊ុន ដោយសារលោកទទួលកិច្ចការទាក់ទងការប្រឹក្សាជាមួយអតិថិជនដែលមានបំណងចូលរួមជាមួយក្រុមហ៊ុនក្នុងការដាក់ពាក្យបណ្តឹងប៉ុណ្ណោះ។លោក ធូ ពន្លឺ តំណាងឲ្យក្រុមវិនិយោគិនដែលបណ្តាក់ទុនវិនិយោគតាមរយៈក្រុមហ៊ុន GFX ចំនួនជាង៥០០នាក់ ស្មើនឹងទឹកប្រាក់វិនិយោគសរុបជាង ៧លានដុល្លារអាម៉េរិក បានប្រកាន់គោលជំហរថា នៅតែមិនចូលរួមប្តឹងជាមួយក្រុមហ៊ុនទេ ព្រោះថា ការវិនិយោគកន្លងមកគឺតាមរយៈនិងជាមួយក្រុមហ៊ុននៅក្នុងស្រុកប៉ុណ្ណោះ។ លោក បានឲ្យដឹងទៀតថា គិតចាប់ពីថ្ងៃតវ៉ាទាមទារប្រាក់ដើមត្រឡប់មកវិញនៅមុខក្រុមហ៊ុនកាលពីចុងខែឧសភាកន្លងទៅ និងការដាក់លិខិតទៅកាន់ក្រសួងសេដ្ឋកិច្ចនិងហិរញ្ញវត្ថុដើម្បីស្នើសុំអន្តរាគមន៍ មកដល់ពេលនេះពុំទាន់មានការកោះហៅឬដំណោះស្រាយណាមួយទេ ដោយស្ថិតក្នុងការរងចាំបន្តទៀត។ជុំវិញព័ត៌មានខាងលើនេះ ទូរទស្សន៍ព័ត៌មាន ប៊ីធីវី បានព្យាយាមទំនាក់ទំនងទៅកាន់ក្រសួងសេដ្ឋកិច្ចនិងហិរញ្ញវត្ថុ ក៏ដូចជានិយ័តករមូលបត្រកម្ពុជា ដើម្បីសុំការបញ្ជាក់ពីរឿងនេះ ប៉ុន្តែមិនមានការឆ្លើយតប។សូមបញ្ជាក់ថា ក្រុមហ៊ុន ហ្គោលអេហ្វអិកស៍ អ៊ិនវេសម៉ិន (GFX) ជាក្រុមហ៊ុនភ្នាក់ឈ្មួញជើងសារឧបករណ៍និស្សន្ទ ដែលទទួលអាជ្ញាប័ណ្ណស្របច្បាប់ពីគណៈកម្មាការមូលបត្រកម្ពុជា សំដៅទៅលើការជួញដូរលើកិច្ចសន្យាលើគម្លាតថ្លៃនៃឧបករណ៍ហិរញ្ញវត្ថុដើម ដែលចេញពីមូលបត្រសន្ទស្សន៍លោហៈធាតុមានតម្លៃរូបិយប័ណ្ណអន្តរជាតិ មាស និងប្រេងឆៅជាដើម៕អត្ថបទ ៖ ឈិត បូរ៉ាវី

បណ្ដាញសង្គម

ព័ត៌មានថ្មីៗ

ផ្លូវបេតុងអាមេ ១ខ្សែ ប្រវែង ១០០០ម៉ែត្រ នៅក្រុងតាខ្មៅ ត្រូវបានបើកការដ្ឋានសាងសង់

នគរបាលបង្ក្រាបកុបកម្ម បង្ខំឲ្យបាតុករចាកចេញ ក្រោយតវ៉ាបញ្ហាកង្វះសន្លឺកឆ្នោត

រដ្ឋមន្ត្រីការបរទេសរុស្ស៊ី៖ អេមីរ៉ាតអារ៉ាប់រួម និងអ៊ីរ៉ង់ ត្រូវតែវិលត្រឡប់ទៅរកការសន្ទនាវិញជាមិនខាន

អ្នកវិនិយោគចិន គ្រោងពង្រីកសាខាក្រុមហ៊ុន និងបណ្តុះបណ្តាលវិស្វករជំនាញ ក្នុងភូមិសាស្ត្រខេត្តកំពង់ស្ពឺ

ប៉ាគីស្ថាន និងអ៊ីរ៉ង់ពិភាក្សាអំពីការបន្ធូរបន្ថយស្ថានការណ៍ ចំពេលមានការកើនឡើងភាពតានតឹងថ្មីក្នុងតំបន់

គេហទំព័រក្រសួងរតនាគារ បង្ហាញថា សហរដ្ឋអាមេរិកដាក់ទណ្ឌកម្មលើប្រធានាធិបតីគុយបា

ហេសបូឡា បញ្ជាក់ថា ខ្លួនបានវាយប្រហារជាច្រើនលើក លើកងទ័ពអ៊ីស្រាអែល នៅជិតប្រាសាទ Beaufort

ឆ្មាំល្បាតឆ្នេរកោះតៃវ៉ាន់ និងចិន ស្ថិតក្នុងការប្រឈមមុខគ្នាថ្មី នៅផ្នែកខាងលើនៃសមុទ្រចិនខាងត្បូង

អ្នកតាំងលំនៅអ៊ីស្រាអែលបំផ្លាញបណ្តាញផ្គត់ផ្គង់ទឹកដែលបម្រើដល់សហគមន៍បេឌូអ៊ីនប៉ាឡេស្ទីន

កូរ៉េខាងត្បូងរំពឹងថា ចិននឹងដើរតួនាទី «ស្ថាបនា» ដោយសារទស្សនកិច្ចរបស់លោក Xi នៅកូរ៉េខាងជើង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

ពលរដ្ឋដែលធ្លាប់បាត់បង់យានយន្ត សូមទៅពិនិត្យស្លាកលេខនៅអធិការដ្ឋាននគរបាលខណ្ឌដង្កោ

អាជ្ញាធរខណ្ឌដូនពេញ ចាត់វិធានការក្ដៅចំពោះក្រុមអាជីវករដាក់តាំងរថយន្តលក់នៅលើចិញ្ចើមផ្លូវ

អាជ្ញាធររាជធានី រុះរើបែរចិញ្ចឹមត្រីជិត៨០០ទីតាំង និងផ្ទះបណ្ដែតទឹកជាង៦០០ខ្នងរយៈពេល៣ថ្ងៃ

កម្ពុជារកឃើញមនុស្ស៤៩៥នាក់ទៀតឆ្លងមេរោគកូវីដ-១៩ ខណៈអ្នកជំងឺ៦០៤នាក់ទៀតបានជាសះស្បើយ

លោកជំទាវ ភឿង សកុណា៖ មរណភាពទេវនាដនិម្មិត ឯម ធាយ គឺជាការ«បាត់បង់ដ៏ធំធេងមួយក្នុងវិស័យវប្បធម៌»

ស្ត្រីចំណាស់ម្នាក់ កំពុងដើរតាមផ្លូវត្រូវបានរថយន្តបុកស្លាប់ភ្លាមៗ នៅកន្លែងកើតហេតុ

នៅថ្ងៃនេះអ្នកជំងឺកូវីដ-១៩ ចំនួន៥៧នាក់ត្រូវបានរកឃើញនៅក្នុងខេត្តតាកែវ

ចូលខែមិថុនានេះ ចំនួនអ្នកធ្វើចត្តាឡីស័កនៅខេត្តបាត់ដំបង កើនឡើង

ផ្តល់រថយន្តពន្លត់អគ្គីភ័យទំនើប២គ្រឿងដល់ស្នងការរាជធានីភ្នំពេញ និងនាយកដ្ឋានពន្លត់អគ្គីភ័យ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

ពលរដ្ឋ​ដែល​ធ្លាប់​បាត់បង់​យានយន្ត សូម​ទៅ​ពិនិត្យ​ស្លាក​លេខ​នៅ​អធិការដ្ឋាន​នគរបាល​ខណ្ឌដង្កោ​

អាជ្ញាធរ​ខណ្ឌដូនពេញ ​ចាត់វិធានការ​ក្ដៅ​ចំពោះ​ក្រុម​អាជីវករ​ដាក់​តាំង​​រថយន្តលក់​នៅ​លើ​ចិញ្ចើម​ផ្លូវ

កម្ពុជារក​ឃើញ​មនុស្ស៤៩៥នាក់​ទៀត​ឆ្លង​មេរោគ​កូវីដ-១៩ ខណៈ​អ្នក​ជំងឺ​៦០៤នាក់​ទៀត​បាន​ជា​សះ​ស្បើយ

លោក​ជំទាវ ភឿង សកុណា៖ មរណភាព​ទេវនាដ​និម្មិត ឯម ធាយ គឺ​ជាការ​«បាត់​បង់​ដ៏​ធំធេង​មួយ​ក្នុង​វិស័យ​វប្បធម៌»

ស្ត្រី​ចំណាស់​ម្នាក់​ កំពុង​ដើរ​តាម​ផ្លូវ​ត្រូវ​បាន​រថយន្ត​បុក​ស្លាប់​​​ភ្លាមៗ ​នៅ​កន្លែង​កើតហេតុ​

នៅថ្ងៃនេះ​អ្នកជំងឺ​កូ​វីដ​-១៩ ​ចំនួន​៥៧​នាក់​ត្រូវ​បាន​រក​ឃើញ​នៅក្នុង​ខេត្តតាកែវ​

ចូល​ខែមិថុនា​នេះ ចំនួន​អ្នកធ្វើ​ច​ត្តា​ឡី​ស័កនៅ​ខេត្តបាត់ដំបង ​កើនឡើង​

ផ្តល់​រថយន្ត​ពន្លត់​អគ្គីភ័យ​ទំនើប​២​គ្រឿង​ដល់​ស្នងការ​រាជធានី​ភ្នំពេញ និង​នាយកដ្ឋាន​ពន្លត់​អគ្គីភ័យ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ពលរដ្ឋដែលធ្លាប់បាត់បង់យានយន្ត សូមទៅពិនិត្យស្លាកលេខនៅអធិការដ្ឋាននគរបាលខណ្ឌដង្កោ

អាជ្ញាធរខណ្ឌដូនពេញ ចាត់វិធានការក្ដៅចំពោះក្រុមអាជីវករដាក់តាំងរថយន្តលក់នៅលើចិញ្ចើមផ្លូវ

កម្ពុជារកឃើញមនុស្ស៤៩៥នាក់ទៀតឆ្លងមេរោគកូវីដ-១៩ ខណៈអ្នកជំងឺ៦០៤នាក់ទៀតបានជាសះស្បើយ

លោកជំទាវ ភឿង សកុណា៖ មរណភាពទេវនាដនិម្មិត ឯម ធាយ គឺជាការ«បាត់បង់ដ៏ធំធេងមួយក្នុងវិស័យវប្បធម៌»

ស្ត្រីចំណាស់ម្នាក់ កំពុងដើរតាមផ្លូវត្រូវបានរថយន្តបុកស្លាប់ភ្លាមៗ នៅកន្លែងកើតហេតុ

នៅថ្ងៃនេះអ្នកជំងឺកូវីដ-១៩ ចំនួន៥៧នាក់ត្រូវបានរកឃើញនៅក្នុងខេត្តតាកែវ

ចូលខែមិថុនានេះ ចំនួនអ្នកធ្វើចត្តាឡីស័កនៅខេត្តបាត់ដំបង កើនឡើង

ផ្តល់រថយន្តពន្លត់អគ្គីភ័យទំនើប២គ្រឿងដល់ស្នងការរាជធានីភ្នំពេញ និងនាយកដ្ឋានពន្លត់អគ្គីភ័យ