នាយករដ្ឋមន្ត្រី​ថៃ៖ ​លោក​នឹង​មិន​យក​ពលរដ្ឋ​ថៃ​ធ្វើជា​សត្វ​កណ្ដុរ​ពិសោធន៍​វ៉ាក់សាំង​ឡើយ​

2846

ថៃ៖ លោកនាយក​រដ្ឋមន្ត្រី​ថៃ Prayut Chan-o-cha កាលពី​ថ្ងៃអាទិត្យ​បាន​ទទូច​ថា លោក​នឹង​មិន​ព្រម​ឲ្យ​គេ​យក​ប្រជាពលរដ្ឋ​ថៃ​ ទៅ​ធ្វើ​ជា​សត្វ​កណ្ដុរ​ដើម្បី​ធ្វើតេស្ត​ប្រសិទ្ធភាព​វ៉ាក់សាំង​បង្ការ​ជំងឺ ​Covid-19 នោះ​ទេ ដោយ​​និយាយ​ថា ការប្រើប្រាស់​វ៉ាក់សាំង​នៅ​ក្នុង​ប្រទេស​ថៃ​ ត្រូវតែ​បញ្ជាក់​ថា​មាន​សុវត្ថិភាព​ជា​មុន​សិន​។

នៅ​លើ​ទំព័រ ​Facebook របស់​លោកកាលពី​អាទិត្យ លោក​ឧត្ដមសេនីយ៍ Prayut បាន​ឆ្លើយតប​ទៅ​នឹង​របាយការណ៍​ផ្សេងៗ​អំពី​ផល​ប៉ះពាល់​នានា​ ក្រោយ​ការ​ដាក់​វ៉ាក់សាំង​បង្ការ​ជំងឺ ​Covid-19 នៅ​ក្នុង​ប្រទេស​មួយ​ចំនួន​។ លោកនាយក​រដ្ឋមន្ត្រី​បាន​សេរ​សេរ​ថា យើង​ត្រូវតែ​រង់ចាំ​រហូតដល់​ក្រុម​អ្នក​ជំនាញ​សម្រេច​ថា​ តើ​ពួកគេ​ត្រូវ​ធ្វើ​អ្វីខ្លះ​ចំពោះ​វ៉ាក់សាំង​ទាំងនោះ ឬ​ថា​តើ​មាន​កត្តា​ផ្សេងទៀត​ដូចជា​លក្ខខណ្ឌ​សុខភាព ឬ​អាយុ​ជាដើម​។ ប្រទេស​មួយ​ចំនួន​ចង់​ឲ្យ​បង្កើន​ល្បឿន​ការ​ចាក់​វ៉ាក់សាំង និង​បាន​សម្រេច​ប្រើប្រាស់​វ៉ាក់សាំងដែល​មាន​ប្រសិទ្ធភាព និង​សុវត្ថិភាព​របស់​វ៉ាក់សាំង​ទាំងនោះ មិន​ត្រូវ​បាន​បញ្ជាក់​ពេញលេញ​នៅឡើយ។ គិត​ត្រឹម​ព្រឹក​ថ្ងៃ​ច័ន្ទ​នេះ​ ប្រទេស​ថៃ​មាន​ករណី​ឆ្លង​ជំងឺ ​COVID-19 ចំនួន ១២,០៥៤​នាក់ និង​ស្លាប់​ ៧០នាក់​៕

អត្ថបទ៖ សុខ​មាន