រដ្ឋមន្ត្រីក្រសួងពាណិជ្ជកម្មប្រទេសហ្វីលីពីន លោកស្រី Cristina Roque បាននិយាយនៅថ្ងៃសុក្រ ទី១៣ ខែមីនានេះថា ជម្លោះនៅមជ្ឈិមបូព៌ា បានបង្ហាញពីភាពជាប់ទាក់ទងគ្នាយ៉ាងជ្រៅនៃសេដ្ឋកិច្ចពិភពលោក ដោយភាពតានតឹងផ្នែកភូមិសាស្ត្រនយោបាយ បានបង្កឱ្យមានភាពរង្គោះរង្គើសេដ្ឋកិច្ចភ្លាមៗ។

ដោយបើកកិច្ចប្រជុំរដ្ឋមន្ត្រីសេដ្ឋកិច្ចអាស៊ាន លោកស្រីបានសង្កត់ធ្ងន់ថា គោលដៅគឺដើម្បីពង្រឹងភាពធន់ក្នុងតំបន់ និងធ្វើឱ្យសមាហរណកម្មកាន់តែស៊ីជម្រៅ ដើម្បីឱ្យប្លុកអាស៊ីអាគ្នេយ៍ អាចស្វែងរកការផ្លាស់ប្តូរជាសកលជាមួយនឹងការសម្របសម្រួលនិងការមើលឃើញទុកជាមុន ជាជាងគ្រាន់តែប្រតិកម្មទៅនឹងរឿងនោះ។

លោកស្រី និយាយថា «ការវិវត្តថ្មីៗនៅមជ្ឈិមបូព៌ា រំលឹកយើងអំពីភាពជាប់ទាក់ទងគ្នារបស់យើង។ ភាពតានតឹងផ្នែកភូមិសាស្ត្រនយោបាយ លែងជាប្រធានបទនៅឆ្ងាយទៀតហើយ វាគឺជាភាពរង្គើរង្គើសេដ្ឋកិច្ចភ្លាមៗ។ វាបង្ហាញឱ្យឃើញនៅក្នុងទីផ្សារថាមពលដែលមានភាពប្រែប្រួល ផ្លូវដឹកជញ្ជូនដែលត្រូវបានរំខាន និងការផ្លាស់ប្តូរទំនុកចិត្តរបស់វិនិយោគិន»។

ជម្លោះកាន់តែកើនឡើងនៅមជ្ឈិមបូព៌ា និងការបិទច្រកសមុទ្រ Hormuz បានជំរុញឱ្យតម្លៃប្រេងកើនឡើងយ៉ាងខ្លាំង ធ្វើឱ្យទីផ្សារពិភពលោករប្រែប្រួល និងការព្រួយបារម្ភពីអតិផរណាកាន់តែខ្លាំងឡើង ដែលធ្វើឱ្យសេដ្ឋកិច្ចពិភពលោកស្ថិតក្នុងស្ថានភាពរង្គោះរង្គើ។