លោក Amir-Saeid Iravani តំណាងអចិន្ត្រៃយ៍អ៊ីរ៉ង់ប្រចាំអង្គការសហប្រជាជាតិ បាននិយាយថា ស្ថានភាពចរាចរណ៍ផ្លូវសមុទ្របច្ចុប្បន្ន នៅច្រកសមុទ្រ Hormuz គឺជាលទ្ធផលផ្ទាល់នៃការឈ្លានពានរបស់សហរដ្ឋអាមេរិកប្រឆាំងនឹងអ៊ីរ៉ង់។ 

លោកបាននិយាយថា៖«អ៊ីរ៉ង់គោរពយ៉ាងពេញលេញ និងនៅតែប្តេជ្ញាចិត្តចំពោះគោលការណ៍នៃសេរីភាពនាវាចរណ៍ ក្រោមច្បាប់សមុទ្រ»។ «ទោះជាយ៉ាងណាក៏ដោយ ស្ថានភាពបច្ចុប្បន្ននៅក្នុងតំបន់ រួមទាំងនៅក្នុងច្រកសមុទ្រ Hormuz មិនមែនជាលទ្ធផលនៃការអនុវត្តសិទ្ធិការពារខ្លួនស្របច្បាប់របស់អ៊ីរ៉ង់នោះទេ។ ផ្ទុយទៅវិញ វាគឺជាផលវិបាកផ្ទាល់នៃសកម្មភាពបង្កអស្ថិរភាពរបស់សហរដ្ឋអាមេរិក ក្នុងការចាប់ផ្តើមឈ្លានពានប្រឆាំងនឹងអ៊ីរ៉ង់ និងបំផ្លាញសន្តិសុខក្នុងតំបន់»។

មេដឹកនាំកំពូលថ្មីរបស់អ៊ីរ៉ង់ លោក Mojtaba Khamenei បាននិយាយនៅថ្ងៃទី១២ ខែមីនាថា អ៊ីរ៉ង់ត្រូវតែរក្សាសមត្ថភាពរបស់ខ្លួន ក្នុងការបិទច្រកសមុទ្រ Hormuz ដើម្បីដាក់សម្ពាធលើសត្រូវ៕